رواية مرواد الظلمة الجزء الثاني للكاتبة هيلانا كاملة
الجزء من الرواية: عروس الهور الجزء الأول
مطر.
مطر.
من الصبح تمطر على وتيرة وحدة بدون ما توكف
هسه ساعة بالوحدة بالليل
حجيت وأني أصفط ملابسي: -تتوقع أني حية
التفتت عليه وين ما ديكلب بالاوراق.
يعني موجود أعرفة كتلة: -دحاول أصلح بين خالة وعمو عصام وناسية وجود عمتي وسعادتها أحس نفسي حية أنتَ شدكول أني ما أتوقع نفسي حية
ماكو حركة ولا شي صفطت الملابس وكمت تمددت على أفراشي سحبت الغطة على نفسي
: -ترا السكوت معناها تايدني يعني أني مو حية تمام رحمة الله والديك أدري بنفسي مو حية بس حبيت أسالك وأتاكد
حست بهوء خفيف على وجهي قريب مني فزيت أباوع بالاتجاه إلى حسيت الهوء منه
أحساسي يكلي هو أكبالي شعور غريب.
: -أعرف إنت ما تحچي ولا يوم انت جاوبتني من أحجي وياك بس أني هم ما أريد جواب بس هيج أحجيلك يعني مو بغاية أزعاجك
سكتت شوي شفتة طشر الاوراق جنت أشخبط بيهن وأحفظ المادة كلهن وكعن بالكاع
صوت المطر صار قوي كاعد ترعد رجعت نمت
باجر عندي دوام لازم أنام.
وراح أحاول جاهدة أقرب عمو وخالة بس كون ماما متدري خاف تموتني اذا درت
ثاني يوم الصبح شلت جنطتي و لبست قمصلتي وطلعت من البيت
المطر بعده بس خفيف وبرد وصلني مصطفى للمدرستي ومشى للمطعم
أجيت أمشي والطلاب يمرون من يمي يمشون بسرعة فتت كعدت بالصف
جنت أشخبط على دفترتي وشفت إيما أجت
صديقتي مو كلش بس أحنا أصدقاء على الخفيف
لطيفه ودمها خفيف سورية. كعدت كدامي وأندارت عليه.
: -يا الله شو برد
: -ليش متاخرة
: -الباص تأخّر وهاد السواق الكندي واقف بيحكي مع الصبية قلتلو إذا بتضل هيك ما بنوصل
: -هاي ثالث مرة هالسبوع
تجاهلت كلامي وسحبت الدفتر من أيدي
: -شو عم تكتبي شو هاد مرج
ما جنت منتبه كاتبة أسمه على الدفتر غريب شوكت كتبتة حكيت خدي بفتور: -مرج
: -اييي شو مرج
: -يعني شخص صديقي
رفعت حاجبها وقرّبت مني همست مثل التحجي سر ومتريد أحد يسمعها
: - يعني حبيب؟
: -لاااا لا مو هيچ هو مثل صديق بس غريب شوي يعني ما يشبه الناس
: -يا بنت الحلال شو يعني صديق غريب ومايشبه الناس
أول مره أحس أريد أحجي عنه هذا السر المحد يعرفه عنه داخل عائلتنا شي يدفعني أحجي عنه
: -باعي هو ما موجود بس بنفس الوقت موجود
بقت تباوعلي مستغربة ومنتظرة أكمل حجيت بصوت ناصي
: -هو عايش ويانة من زمان أني جنت أصغيرة وهو موجود ومن كبرت هو بعدة ويانة ما أشوفة بس أحس بوجودة هيچ تحسي وجوده بس مو جسد
كالت بقلق: -شبح!
: -لاااا شنو شبح هذا إلى فهمتي من كلامي
حجت بضحكة وهي تضرب بخفة على خدي
: - يا عمري عليكي واضح تحكي عن خيالات هاد مو حقيقي يمكن بتتخيلي
: -ما أدري بس مرات من أتعب و أضوج أحچي ويا وأرتاح أحس يسمعني حتى إذا ما يجاوب
تنهدت ودارت وجهه: - ولك سكتي انسي هالقصص خليك بالواقع شوي بكرا بيفكروك مجنونة
جنت أريد أحجي بس دخلت المعلمة وسكتت.
كالت بصوت حازم
Good morning everyone Please settle down
الطلاب بدوا يهدون ويطلعون دفاترهم وإيما تحجي بصوت ناصي
: -والله لو تشوف أستاذتنا القديمة بالشام كانت صرخت علينا قبل ما نقعد حتى
أني ضحكت وهي تتلفت عليه ما أعرف المعلمة شلون سمعتنة التفت علينا وحجت
: -Girls Something funny
أيما ردت كبل
: -Oh. no nothing
باوعتلنا بنظرة تحذير ودارت وجهه كرصت أيما من ظهرهة حتى تسد حلكها وتسكت
أخر حصة جانت الرياضيات
كملت ورجعت للبيت
التتمة في الفصل الأول
فصول رواية مرواد الظلمة الجزء الثاني
- رواية مرواد الظلمة الجزء الثاني للكاتبة هيلانا الفصل الأول
...باقي الفصول اتباعا كل يوم فصل