رواية مرواد الظلمة الجزء الثاني للكاتبة هيلانا الفصل الثامن عشر
فزيت على صياح و هوسة گمت بسرعة نزلت لكيتهم برة و الخاتون تحوس بالحوش
رباب-: شكو هيام شعدكم
هيام-: البنية الجابوها البارحة شاردة
: زين الخاتون شبيها وجها مخطوف
هيام-: يمعودة هاي ماخذينها بت قاضي مدري شنو يهددون بيها ابوها وأنوب حبها استاذ غيث وهسه شردت منهم عود على اساس حبيبة يمكن جانت تضحك عليهم وأسايرهم لحد ما شردت
رباب: -والله اذا صدك سباعية
ضحكت هيام وحجت بشماتة
-: هسة كنان يشوي بصل على عفاف.
رباب-: گبر لهل الألفاظ اي والله
صاحت بتول على البنات
-: دخلن دخلن لاطيح بروسنة احنا الحبابات
دخلنة جوة غسلت وكعدت اتريك وياهن نص ساعة و نرگع باب و اجة كنان
وحنة بخ ولا وحدة بقت شردنة فوگ و نسمعة لعب لعب بالخاتون مصايح و هوسة
شوية وصارت صنتة كالت بتول
: -يمكن ولة كنان
هيام: -ربابة كومي شوفي
رباب: -دولي وااانااا شعلية روحي أنتِ
بتول-: فدوة فدوة بس مدي راسج شوفي مشة لو لا
رباب: -جاا ما ترحين أنتِ.
هيام: -تخاف منه لان كم مرة طگهة راشدي ههههه
بتول: -لا ضحكين عليه وسم
تأففت بضوجة وهية تتوسل بية. نزلت على كيف خاف احد يشوفني
وصلت نهاية الدرج ونزيت من اسمعت صوتة
يعني بعدة هنا بس الظاهر يم الخاتون بغرفتها
رجعت بخطواتي شاردة بعدني على درج وطاحت عينة علية
هو طلع من الغرفة وانا صاعدة ضليت جامدة
سكت جان يرزل بالخاتون وانا بلعت العافية ركضت فوگ دخلت أتنفس بخوف
رباب-: عابتلج الجن شوية حصلتلي دكة.
بتول-: شو سكت بس لا هاي بركات نزولج
رباب-: خاب ماتنجبين
بتول-: اشو ماخذة راحتج و تغلطين تعاي اخذي راجدي بعد
ضربتهة على كيف بالشقة بقت مصدومة ضحكنة على شكلها. وراها نزلن كل وحدة اخذتلها شغلة
بس الخاتون تفتر فوگ مني و تباوعلي ابد مارتاحيت للظهر و رجع هذا كنان
دخل لغرفة الخاتون و بقوأ فترة وراها نزلت مسرة تباوعلي بخبث ودخلت وراهم
ماطولت هواي الة نفتح باب بغضب وطلع كنان جنة ثور هايج. فزن البنات يردن يشردن.
وانا بلعت العافية اشوفة متجه الية لزمني من جتفي رجعت ليورة بستغراب منة
الخاتون-: عوفها لاتجيسها هسه
كنان-: أنتِ اسكتيي ماسمع صوتج ماتعرفين تلزمين شكم گ وتعلمينهن
الخاتون: -واني شعلييية
كنان-: غير من ورة الگ الجانيتهن شردنها
مسرة-: وداعتك گوتلها عوفيها كنان ميقبل ما سمعتني گالت ماكدر الة ساعدها
رباب-: جذابة والله ما ساعدتها ولا ادري بيها
مسرة: -شنو ماتدرين بيها مو أنتِ دزيتلها اكل بالليل.
كنان-: ما شاء الله اكل و شرب جايبلج خطار
خاتون-: وعيونك مادري بيها هاي يمتة اني ماخلي وحدة تقرب منها
فكيت عيني بصدمة من حجيها أنا اصلا ما متقربة للبنية وهي جانت مبتعدة ومخلوسة من الكل
التفتت على بنات وحجيت
: -بناااات اااانتن مو موجودات شكوووت اتقربت من البنية ااانااا هي مو عازلة نفسهااا اصلا ما اعرفه عووفني
دنگن محد ردت علية رجعت مسرة تحجي بعيارة.
-: صدك اني بعيوني شفتها و نهيتها كتلها كنان ميقبل وما كعدت
رباب-: نجبيي ياجذابة انتن شبيج ماتحجن
سحبني ويا مامهتم لحجي شمرني بغرفة الخاتون گمت ارجف وانا اشوفة شايل السوط بيدة
رباب-: والله والله مو ان، ي صد.
خليت ادية على وجهي وصرخت من رفعة وضربتي وگعت بأيدي
ألم ضربة كلش قوي مو مثل الحزام هيج لسعة بس تشلوط رجع ضربني على رجلية و ادية
گمت اتلاوة بمكاني غمضت عيوني حيل و دنگت وهوة يضرب بعشوائية.
تنفست حيل عاضة على شفتي واضغط على سنوني حسيتهن راح يتكسرن
وهوة بي ومايزود كل ضربة أقوى من ثانية
زحفت ليورة احمي وجهي بأيدي اسمع صوت
الخاتون تصيح من برة عليه الحقيرة ورطتني وهسة صارت كلش وهو مثل وحش مامهتم بأي
شيء وكف فجأة انتظرت هواي مغمضة عيوني حيل وضامة وجهي بأيدي من حسيتة ماكو
فتحتها على كيف صار كلش قريب علية زحفت ليورة ضربت حايط خلة ايدة على فكي عصرة وحجة بحقارة
: - شنو هذا جمال بيج هواي فلوس.
شخصت عيوني بخوف ندفع باب ودخلت الخاتون تركض وخرتة ومدري شتحجي ويا
وهو عيونة علية مانزلهن اسمعة يحجي وياها ويگلها ليش مخليتها لهسة طلعيها وية بنات
وهي تقنع بي يغلس عني وانا امانة عدهة گمت متكسرة من ضرب ولاول مرة انضرب وما ابجي
رغم ضربة حيل يوجع و ادية و رجلية يصل گامن بس مابجيت. دموع مجمعة بعيوني
مقهورة كلش منهن لان ماحجن اول مرة احس بخيبة هيج. و مقهورة على نفسي بدون سبب انضرب.
طلعت مامهتمة بيهم لاگني بالباب ما حجيت وية اي وحدة صعدت كبل فوگ سديت غرفتي
وگعدت وگعن دموعي مسحتهن بسرعة ما قابلة ابجي ماريد ابجي تعبت
لفيت روحي بالبطانية و رتكيت على حايط غصة بلعومي و نار شاعلة بگلبي لاول مرة احس هيج
تعبت من كثر ما تأذيت وياهو ليجي يضربني حقدت عليهن كلهن. لليل گب جسمي نار متت
اباوع لايدي لاثر احمر و ازرگ و نتفخت كسر بيدك كنان لا والله سم بگلب الخاتون ومسرة.
گمت متكسرة و عيوني من اغمضهن احسهن نار مشتعلات. نزلت جوة طلعت عشة حميتة
وكعدت على ميز منتظرة. لتفت بتول نزلت تسوي جاي درت وجهي عنها
بتول-: كعدتي صعدتلج ولگيتج قافلة باب شلونج جوعانة اصبلج اكل
غلست عنها رجعت تحجي ولازمة متني
-: ضربج حيل تردين علاج عندي مسكن يوجعج جسمج
رباب-: امشي مناا
بتول-: شبيج غير اريد اشوفج زعلانة والله مانكدر نحجي ويا واذا جذبنة الخاتون هاي كاتبها الله علينا
رباب: خوش نعمة ولي مني.
تأففت بنزعاج اخذت الجاي و صعدت. گمت صبيت اكل الية و كعدت اكل دايخة كلش
وراسي يوجعني يمكن من حرارة. صخنت من وجع ادية كوة احركهن يوجعني ماكدر حتى ارتكي
بس مو جديد علية ياما حصلت ضربات من اهلي وبالسجن بس من يضربني واحد غريب تصير توجع اكثر
كملت وگمت صارت عيني على مگص عضيت شفتي من افكاري بس جان غضبي و تهوري اقوى
اخذتة و صعدت تختل لغرفة مسرة فتحت باب على كيف. وهي بسابع نومة سويت حركة و صوت.
ماكعدت نومها واضح ثكيل لان كلش ميتة. لزمت شعرها من گدام. هذا شعرج مفتخرة بي
كصيتة كلة سويتلها دائرة براسها ولازمة خصل بيدي خاف يطيح بالگاع تحركت بنزعاج
وخرت بسرعة حاست بفراشها و تغطت لميت خصل و بيدي و مكص لفيتهن عليه
ونزلت لغرفة الخاتون خليتة يمها و رجعت لغرفتي ركض عضامي يوجعني بس داخلي برد شوية
كعدت صبح على صياحها و صريخها بس ماكدر اتحرك متكسرة من ضرب وتعب اقوى من البارحة.
كل ما تصيح تتسع ابتسامتي اكثر احس بشعور كلش حلو ابدي اطلع و اكلها انا كصيت شعرج واشمت بيها
بس مايحتاج هيي ذكية اجت للباب تدگ بي وتسب و تشتم ماكمت ولا تحركت
نزلت تصيح باجي و تبجي شوية وگلبت كامت تغلط على الخاتون اضن شافت المگص يمها
گبت بينهن وذيج تهدي بيها غمضت عيوني بتعب
ودوخة حيل بيجن عابت كلة من وراهن
لليل ماطلعت متت من جوع بس ماريد انزل اشوفهن لحد العشة يالة نزلت.
مجتمعات بالمطبخ سوالف و ضحك يشمتن بمسرة وهية وجها ينافخ و معصبة
كعدت بهدوء الغريب الخاتون ابد ما حاجتني ولا سألت و گامت تأمر سكوتها يخوف
كعدت اكل ما رادة عليهن و لا حجيت من حجن وياي بالسوالف و ضحك يعرفني من احتاجيتهن لا
شبية مستغربة همة أهلي قبل جانو ما سألين علية من انضرب هسة اريد ذني يدافعلي
تأففت بنزعاج من ذكريات لجتني حسيت بروحي مشتاقة لبيتنة
بتول-: بسس أنتِ گصيتي شعر مسرة هاا.
باوعتلها بنص عين وگمت رجعت لغرفتي بقيت لليل كلش وراها نزلت ادور علاج راسي راح ينفجر
وجسمي يوجعني غسلت بماي بارد مافاد نفخت عليه سويت كمادات يوجعني بزايد
خصوصاً ادية حيل تأذيت رحت للمطبخ فتحت ثلاجة ابحوش بيها طلعت مسكن و خافض حرارة شربت
ورجعت مريت من غرفة خاتون جان باب مردود بس الگلوب طافي و اسمع سوالف
ارتكيت يم حايط واذني على باب اسمعلهن هي ومسرة ذيج ضاربة مناحة على شعرها المهلس.
حجت بجية: -باااجي شأسوي هسة راح جمالي
غير تستقر ملكة صاكات العراق راح جمالها ام الوصخ الزفرة
الخاتون-: لاتبجين حبيبتي اني اجيبلج ادوية من عطار و يرجع شعرج
مسرة-: عطار شنوو الة اروح لارقى دكتور بالعراق وخلي حسومي ياخذني بس اشوفة باجر
خاتون-: اي روحي حتى منا لحفلة الباشا يطلع شعرج
مسرة: -اوي لاذكريني نقهرت بعد اسبوعين خاف ميطلع
لويت حلگي من سوالفهن الماصخة ياهو هذا باشا كتلت روحها مسرة على حفلتة.
ولغسل اي والله ان شاءلله ترحين لدكتور
و ينطيج علاج ويسوي عدج تساقط
رجعت لغرفتي وانا ابالي اسأل عن هذا باشا منو كاتلات روحهن عليه
للصبح گوة نمت من وجع بس اخف من امس نزلت اتمشى بالبيت بس كلشي ما اسوي
مستغلة خاتون ماتحاجيني مدري شعدها جان هدوء كل وحدة ملتهية بسالفة
خاتون صوتها يجي من حديقة ليورة دخلت لغرفتها لبدت ورة شباك واسمعها هي و كنان يسولفون
الخاتون-: اي مجهزتهن لاتخاف كلشي تمام.
كنان-: اي الأستاذ مايحب النقوصات و وداعي هواي اشخاص مهمين
مددت وگعدت اسمعها ترد عليه
: -يدلل الباشا كلشي تمام
سكتو فترة وراها رجع سأل: - البنية الجديدة العدج منين شنو شغلها
خاتون-: ما تشتغل لاتخلي بالك وياها امانة
كنان-: اريدها مكان بت القاضي
خاتون-: لا فدوة خلاهة يمي بعدها ما مدربة وما تعرف شي
گلبي يدگ حيل و رجلية بادن رجع يحجي
: - اريدها لو تبيعينها لو تنطيني مسرة.
الخاتون-: نجببب شنو انطيك مسرة كم مرة گتلك شيل عينك عنها
كنان-: خايفة على بتج شيصير لو درت بيج
خاتون: -أسكت مو وكت هذا الحجي
كنان-: لو تنطيني هاي بمكان البنية شردت لو أكل لمسرة و اخذها
خاتون-: ليش لزكت بيها اكو بتول وهيام والبنات أخذلك وحدة منهن
كنان-: أريد هاي و أنتِ فكري
بلعت ريجي و الرعب احتلني من فكرة ممكن تنطيني الة و يبيعني
اول شيء اجة ابالي لو يستغلوني لو يبيعون اعضائي كش جسمي.
يبس حلكي من خوف ضليت احوس بالغرفة عقلي وكف ما يشتغل ماكدر افكر باي شيء
مستحيل لو شيصير ما اقبل ولا اخليهم يسون ليردونة بية.
بللت شفتي بتوتر ابالي شغلة بس خايفة رحت لغرفة بتول و هيام دگيت باب منتظرة تطلع
اول ما فتحت بتول لزمت ايدها
-: حبابة رايدتج بشغلة
-: شنو گولي
تلفت خاف مسرة تسمعنة لو الخاتون سحبتها لغرفتي جنت محتارة اگللها لو لا خاف دگول لخاتون
-: بتول ساعديني الله عليج
-: شكو شعدج صاير شيء.
-: اريد اطلع منا بس ماندل ولا اعرف اي شخص
-: ليش احد أذاج غير گ...
-: ماااااا، ماريد اضل هنا يم الخاتون ومسرة وخايفة من كنان نظراتة مو راحة
-: عززا سوالج شيء
-: لا شسمة ماعرف شلون يباوع من ذاك اليوم لمن ضربني
-: زين أنتِ تكدرين طلعين محد الة عندج شيء ماتشتغلين ويانة ليش دكليلي
خفت اگللها وتعرف كنان يريدني و يشتغل مود الرعب عدهة و يفتنن لو تبقة تخلي اعذار.
-: اريد اطلع بس ماعندي مكان اروحلة أنتِ طالعة هواي يعني ماعرف شسوي اذا مشيت
-: طالعة بس اماكن ماتناسبج. اهلج وين
-: هو لو اهلي يردوني باقية هنا انا ساعدني حبابة
-: عدي مكان لوحدة اعرفها اشوفها اذا تكدر تبقيج يمها بس كم يوم و دبري روحج
-: منو هاي بس لا مثل الخاتون
-: لا لا صديقة عدها صالون واكو بنات يشتغلن وياها وهيج اشوفها اذا تستقبلج
-: اي فدوة بسرعة دزيلها خبر هسة
-: العصر ادزلها خبر
: -لا هسة.
-: شبيج مستعجلة
-: م. ماكو شيء بس اريد اروح
حجت بضحكة: خايفة من مسرة لان گصيتي شعرها
ياصخلة وخاف منها حجيت اغير الموضوع
-: يالة روحي منتظرتج بداعت كل غالي عندج
تأففت من ملحتي و راحت بيها بقيت اطكطك بصابعي بخوف و قلق
للعصر يالة رجعت بتول بس مدري شلونها احسها متوترة و مامرتاحة
لزمت ايدي عصرتهن حجت برتباك
-: حبيبتي دزيتلها و ترحب بيج بس روحيلها
تنفست براحة الحمدلله
-: صدك اهم شيء مو شغل موزين يعني بيتها.
قاطعتني بجدية: لاتخافين بيتها بمنطقة زينة وتشتغل هناك هم جانت جيرانة قبل ثقة لاتخافين
: - خوش لعد انتن بالليل هم طلعن
-: ايي اليوم حفلة عد الباشا نروح غصباً علينا هم
: - احم، اليوم اروح اريد اطلع بسرعة بس دليني
-: لعد اكلها وخليها تجي وترحين وياها
-: صدك مشكورة بتول ماتدرين شلون ساعدتيني
-: ولو تدللين ماسويت شيء. خل اولي احضر نفسي.
طلعت و عافتني بداخلي مامرتاحة ابد ما دخل مخي حجيها بهل سهولة توقعت الموضوع اصعب
اكدر اطلع هيج و اطلع من هاي مناطق نهائيا واخلص مستعدة اسوي كلشي
اطلع منا ادبر روحي اشتغل اي شيء المهم بعيد عن هاي القذارة و المستقعات الوصخة
بعيد عن واحد يبيعني واحد يضربني اخلص
لحد الليل رجعت بتول جابتلي رداء و شال
و كالت احنة رايحين وشوية وتجي البنية
بس تحجي ودايرة وجها ما تباوعلي اصلا.
جانن كاشخات غير اليوم اللبس مشلتح و ذهبهن يتلامع
مشن و بقيت كاعدة بالصالة وحدي لبست ومنتظرة مر فوگ الساعة
وندگ الباب گمت بتردد وكفت وراه صوت سيارة من برة
-: منوو
: -حبيبتي اني صديقة بتول
فتحت باب بسرعة صار گدامي شابة حلوة لابسة تنورة فوگ ركبة و قميص فوگهن سترة
طويلة. شعرها اصفر مسرحتة حجت اول ما شافتني
-: أنتِ لگلتلي عليج
هزيت راسي ابتسمت بوجهي وحجت مستعجلة
-: يالة حبيبتي خل نروح
-: ها. اي يله.
لبست و طلعت وياها فتحتلي سيارة صعدت وهي تسوق
طول طريق تسولف و تعرف علية حجيها مريح و كلة حبيبتي و عيني رغم شوية تنغوص بس
مبينة حبابة. عرفت اسمها عبير و عدها صالون معروف عايشة وية بنت اختها و تصرف على
نفسها يعني مستقلة كلش. وكفت يم بيت بمنطقة راقية شوية و شكلة حلو شارع جان فارغ بس البيوت ضاوية
نزلت ونزلت وراها مشت جوة فتحت باب شارع
وراها دگت باب طلعت بنية صغيرة منة حضنتها.
و دخلت واني وراها مرتبكة و متوترة
مامصدكة طلعت من بيت الخاتون و خلصت منهم.
لتفت علية ببتسامة
-: تفضلي حبيبتي
دخلت افرگ بأيدي خجلانة منها ماعرفها و خايفة من الايام جاية طلعت وبعد شنو شسوي
اشرتلي على صالة ادخل وهي وكفت مكانها حركت ادية بتوتر نزعت حذائي و دخلت
جمدن رجلية وحس الگاع نهزت جواي وانا اشوفة كاعد مخلي رجل على رجل و ابتسامة قذرة على
وجه يباوعلي بستهزاء لتفت عليها برعب حجت بأسف.
-: عذريني بس بتول ماتكدر تضحي بأنفسها وعيشتهم بأيدة
بلعت ريگي وكل عضمة بجسمي ترجف حجة كنان بسخرية
-: تردين تطيرين وين تشردين مني
رجعت ليورة خطوات لتفت بسرعة اريد اشرد لزمتني من زندي دموعي وگعن من خوف
گبل لا احجي لفت ايدة على رگبتي و خلة ايدة ثانية على خشمي بيها قماش عرفتة مخدر
حبست نفسي وعيوني عليها وجهة بارد ما متأثرة ولا جنها تضحك و تباوع بحنية قبل شوية.
طاحن دموعي وحس مرارة بلعومي اول شيء اجة ابالي صوت الضابط اريان
وهوة يگلي لاتثقين بأحد شلون وثقت بتول حلفتها شلون كدرت جذب علية هيج وتغدر
لو ماتكدر جان كالتلي ماكدر ليش غمضت عيوني بعجز ومخدر انتشر بجسمي بادن رجلية و صارت
صورتها مغوشة ضعفت وگعت. فزيت على ماي بارد نطش بوجهي شهگت و كعدت بفرغ كدامي
مسرة تبتسم بشماتة والخاتون واكفة وراها. نداريت لكنان مرتكي على حايط و يباوعلهن.
خاتون-: أنتِ جبتيها لروحج ما ردت اطيج الة
رباب: - لو تموتون اگتل روحي وما تبيعوني انااا مو عبد عدج تصرفين بكيفج
اجت مسرة لزمت شعري حيل مديت ادية وسحبت شعرها وحجيت بحدة
رباب: -لاتخليني هالمرة احلقج صفر وسويج صخلة صدك وخري ايدج
حجت بعيارة: باجييي شوفي مو كتلج هي سوت هيج عرفتها الگ
رباب-: اكلي خا
ضربتني الخاتون راجدي ماقابلة احجي عليها باوعتلها بحقد تفلت بنص وجها
تخبلت كامت تضرب بخبال وهي منا خشنة.
و ضخمة كوة وخرها كنان
كنان-: كافي عوفيها عرضتها على واحد بدولة وعجبتة لاتشوهينها
رباب-: اكل خ مو انااااا الانباع لا الك ولا لغيرك سافليين.
زينب
جنت گاعدة من وقت نضفت البيت كله صار يلمع لمع
بس ضايجة ومغثوثة ماعرف شبيه وحدي
أكعد من نوم مطنكرة شوكت أتخلص من هل حاله
فززني صوت الباب من أنفتح دخل أجياد
وجهه معبس مدري وين جان توترت رفعت راسي باوعتلة
اجياد: -شلونج
زينب: - تمام الحمدلله وانت
اجياد-: مريض هاي رجعتي من الدكتور
رجف گلبي شبي
-: ياااعزاا شبيك سلامتك
اجياد-: دكتور كالي لازم بنية حلوة تشبگك وتنام على صدرها وانت طيب غير هيج تموت.
عار وعلى حسبالي صدك مريض
: - اي عادي شوفلك وحدة من شارع
اجياد-: و أنتِ ترضين
زينب-: لعد أحسن تموت
اجياد-: برب، سكت ما كمل
زينب: -أحسن ما فالتة وادور أحضان من الوادم
اجياد-: صايرة فالتوو كلش
زينب-: غير مرافگتك
ضحك ورجع حجة بنبرتة الهادية إلى تاثر عليه وصوته اليسلب عقلي
-: مشتهي أحطج بحضني
عضيت شفتي بخجل شكد ادب سزز حاولت أغير الموضوع.
گمت رحت للمطبخ وهو وراي جان دينزع بساعتة وأني طلعت بتيتة من الثلاجة حتى أسويلة أكل
-: باع عوف هاي السوالف
: -جاا بشني نسولف
: -سوالف حلوة مثلا مثلا شنو أمنياتك
اجياد-: أحطج بحضني وأقفل عليج
زينب-: ما أقصد أحلامك
أجياد-: مو حلم هاي حقيقة أجياد ما يحلم يريد وياخذ
زينب-: اوي ثقة فول
اجياد-: لو گضج هسه على هاي ال...
زينب: - شسوي
اجياد: -أقدسج وأصلي عليج
زينب-: ليش ميتة وتصلي عليه
اجياد-: فوص...
زينب-: أهوو لا دكلي هالكلمة ما حبيتها
ضحك رجعت كتلة
زينب-: ليش تحبني
اجياد: - شني ليش أحبج
زينب-: قصدي أني مو ذاك الجمال ليش گاتل نفسك عليه
اجياد: -والجمال شعلي
زينب: -الجمال مو مهم
اجياد: -مهم بس مو الاهم
زينب: -شو ما أقتنعت
اجياد: - الحب يجي بدون أسباب بس انتن بنات تاكلن الكلب حبيتج يعني عليش حبيتج
حسيته عصب ويحجي نتر
زينب: - شبيك عصبت دنحجي عادي
اجياد-: مو عصبي بس ماأحب الملحة.
زينب-: ليش أني شوكت لحيت شبيك شارب نفط
خزرني وكام صعد فوك أفف شبي هسه شحجيت يربي
يعني هو أني گاعدة مغثوثة يجي هو يغثني
بزايد أمدة حضي
رجعت گملت الاكل وأشتغل بحركة گعدت واني الهث غرغرت عيوني حطيت أيدي على وجهي
نهديت بالبجي يااربي شكد أگره نفسي من أبجي يعني اذا زعلني أضوج اذا عصب عليه أبجي
مسحت أدموعي ومشيت للغرفتي خيولي قابل مات وأبجي عليه
عمي حتى اذا يموت ما أبجي عليه.
عاد سمعت طگة الباب يعني طلع عفية ولا يكعد بقيت بمكاني شكد عار شنو شايف نفسه
خاف عبالة أموت مثلا اذا عافني طززز بي أخر همي أبو شوارب جنه ثلاجة موتة على كد ما بارد
حتى رومنسيات ما يعرف يترومس مگضيها كله تهديد
طفيت الضوء ورجعت تمددت.
رباب:
رفسني بطني شهگت بوجع بس ما سكتت ابد احس گلبي موجر نار حاقدة بس على روحي
علي نفسي ضعيفة و لتوثق بكل شخص عمري ما سئت ضن باي واحد دائما اصدك
عندي الناس مثلي ماصدك يجذبون و يغدرون خصوصاً وية اشخاص قريبين عليهم
طلعو و سدو الباب وراهم بس ما قفلو گمت بوجع من ضربهن كسر بديهن كون
لميت شعري دموعي مجمعة بعيوني و يحرگني اتنفس بسرعة و راسي يوجعني كلش.
بس گلبي اكثر وجع فضيع بصدري. اريد اصرخ اريد صوتي يوصلة. اريد اكسر معصبة
مخنوكة شهگت و گعن دموعي. حقد بگلبي يتولد جديد مشاعر ماعرفها
لتفت دايخة غرفتي نفسها رجعت مين ما طلعت صرخت بصوت عالي من كل گلبي
بغضب تردد صوتي بالغرفة دكيت رجلي بالكاع معصبة. فتحت باب و نزلت فتريت بالبيت
اسمع صوتهن من برة طلعت گاعدات بالحديقة يسولفن وكدامهن حلويات و مخليات جاي.
شاعلات نار بمنقلة عيوني ماتشوف غيرها حتى مسرة الگاعدة وشارة حلكها ما لتفتلة رغم ضربها الي
كلشي اتوقع من مسرة بس بتول وثقت بيها و ضرب مسرة لا شيء كدام الخيبة اللي بگلبي هسة
ادري مو ذنبها يجوز هاي حياتهن هيج ذنبي وثقت بيها ذنبي انا ضعيفة. بس جانت تكدر تعتذر ليش تغدر و دگلة
صرت يمها لزمتها من شعرها ندارت علية بستغراب تباوعلي ولا جنها مسوية شيء
بتول-: اخخخ شبيج شي.
لزمت فكها وحجيت بحقد: -شگد شايفة ناس بحياتي بس أنتِ احقر وحدة تمر علية
بتول-: اخخ باع.
ضربتها كف بكل حقد گامن بنات يردن يوخرني عنها لزمت شعرها حيل صرخت بوجع
بلحضة غضب و عصبية مافكرت بيها لزمت ايدها
و طبگتها على منقلة شاطت للسماء تصرخ
دفعتها طاحت بالگاع تبجي و تون من وجع دفعتني مسرة تصيح
-: تخبلتتييي شسويتي حرگتيها
رباب: -الحرگ بيجن حلال
هيام-: صدك مخبلة و صلفة شلون تسوين هيج عود بتول اول وحدة اهتمت بيج.
رباب: - اهتمام ب لمصلحتجن مايوگف بعيني حقيرات
بقن يشتمن و يسبن بالفاظ ماتنگال عفتهن و دخلت. مريت من غرفة الخاتون رجعت بسرعة
فتحت باب باوعتلي بغضب
-: دگيي باب صلفة
رباب-: نجبي اريد احجي وياج
خاتون-: شنووو شگلتي
سديت باب و قفلتة وكفت يمها رفعت حاجبها بستهزاء و دفعتني من متني
خاتون-: روحي بنتي الضرب اثر عليج امشي لغرفتج
رباب-: خلينة نتقف توخرين كنان عني و اضم سرج
خاتون-: شتخربجين أنتِ
رباب-: مسرة بتج.
فكت اعيونها بصدمة گامت بسرعة لزمتني من متني حيل
-: شگلتي
-: مسرة بتج و ماتدري وما تردينها تعرف مو
-: تهدديني بطول زري وتهددين اسكتي لا اشگ حلكج
صحت بصوت عالي
-: مسررررة تعاااي اسم.
خلت ايدها على حلگي تسدة و باوعت بتوتر للشباك ركضت سدتة ماسمعن لان مخبوصات بتول
اجت عتتني من زندي وتحجي بحدة
-: اكص لسانج بس توصليلها اموتج ومحد يلگالج جثة
: - كنان يموتج وراي سمعتي شگال هسة لو تخلينة يبطل مني لو اگل لمسرة.
-: عبالج كنان يلعب اذا كال شيء يسوي
-: هو يريد مسرة بس يصيرلي شيء ياخذها مكاني مثل ما اخذني مكان لشردت
-: ما يقبل اذا أنتِ كدام عينة و كلشي ما تسوين يبيعج گبل
-: شيريد
: -يريد فلوس كل وحدة هنا ليلية تجيبلة فلوس عدهن زبائن و زلم يعرفونهن محد يستغني عنهن
: -ومسرة ليش يريدها
-: يلوي ايدي بيها و ماخلي واحد يلمسها.
ابتسمت بستهزاء باوعتلها بسخرية تشغل بنات ناس و مخطوفات تضيع حياتهن واكو تجبرهن بس بتها تخاف عليها
وخرت ايدها مني-: اسمعي گلت لعدي ومن يجي خريان تتفقين ويا
-: اشتغلي جيبيلة فلوس يعوفج
-: دكليلة يعوفني و اطلعيني منا لا أگل لمسرة
-: ما يعوفج غيرج حاولن وما عافهن كدامج بتول
عگت حواجبي بستغراب: -شبيها بتول
-: سوت كلشي و شردت من ايدة و زوجت وعاشت حياتها ونرزقت بطفل و لگاها قتل رجلها وهاي هي هنا رجعت.
عضيت شفتي بشفقة عليها احس بشعورها تفرحين طلعتي من هذا مكان بس فجأة كلشي ينهدم
وترجعين جربت الشعور بيوم واحد نزرع امل بگلبي وكلت طلعت ورجع خيبة و رجعني
هي شلون. تسلل ندم لگلبي من إلى سويتة بيها بلحظة غضب. بس هي جربت ليش ما ساعدتني
: - سوي لكتلج وانا طالعة اگابل بتج منا لليل اكللها
طلعت وعفتها تنفس بتعب من إلى سويته عقلي واكف ما افكر ولا اريد حتى احس.
مادري خاتون ليش ماتريدها تعرف شنو السبب ومايهمني محد يهمني هسة بس روحي
رجعت يمهن وعيني على مسرة ما طاحت تخوزر بية بس ما تقرب خافت من شافت بتول
بقت تحوس وراهن واني وراها ماعفتها لحد الضهر خاتون وجها گام ينطي اللوان كل ما حجيت
لو سمعتني كلت مسرة تموت بدمها. العصر اجة خريان يباوعلي بخبث ويفرك بأدي
مر مني وحجة بفخر: -دفع بيجج دگ فلوس بيضة و ترفة زغيرونة يموتون على زغار
-: چلاب
زمخ بغضب-: شكلتيييي لججج.
: -چلاب شبيك ماسمعت تريد تضربني تعال
گام بس وكفت خاتون كبالة
-اريد احجي وياك تعال
كنان-: وليي منا خل أدب هاي لسانها طولان
-: نجب
شاط للسماء لزمتة خاتون كوة سحبتة وراها باوعلي بنات بستغراب
-: شبيجن
بتول-: شبيج أنتِ متفرعنة
مسرة: -هي هيج بس جانت تمثل عليجن تريدجن تعطفن عليها
رباب-: راسج يحگج سوسة بت.؟ أنتِ بتمن
تغير وجها و خزرتني گامت من مكانها حجت بتول بتأنيب
-: خطية لاتحجين وياها هيج احنة مانجيب سيرة أهلها.
مسرة-: سكتي لاتحجين وياها صلفة مايوگف بعينها شيء
رباب-: أنجبي
خزرتني و ندارت باوعت للباب نرگع و طلع كنان خفت بداخلي من وجه بس ما سوة شيء خلة وطلع
خاتون-: تعاي نحجي
گمت وراها حجت بنتر و گالبة وجهة
: -كتلة و قنعتة بطلاع الروح بس بشرط
-: شنو اگل مسرة أنتِ امها
-: بت الگ تستكتين لو شلوون
-: كولي
-: كتلة قبلتي تشتغلين ويانة وبس تعلمين اطلع...
: -شنو شنو اشتغل وياج منوو كالج تحجين لو تموتين ماسوي هيج.
رجفت من حجيها سافلة شلون تگلة هيج شيخلصني منة هسة حجت برود
: -هذا إلى گدرت عليه مايعوفج ترة وللعلم أنتِ بالاخص ميت عليج يريد يبيعج
-: هم حظي هذا شبي نجلب
-: كنان مختل كوة مسيطرة عليه مايعوفج وغلات مسرة على گلبي
-: عود حلفت بالهلة، حجيت اقلدها
وغلات مسرة
خزرتني ماقابلة احجي على بتها لحد حتى لحد
: -معلية ما اشتغل مابيع روحي لو اموت
-: مشكلتج سويت العلية اني تردين ذاك كنان وحجي ويا.
: - اشتغل اي شي بس ماعرض نفسي مستحيل ابيع روحي
هزت متونها وطلعت بقيت اكل بروحي امدة حظي وين نايم اطلع من سالفة ادخل بالاتعس منها
لليل انا بس احوس ولا نمت اتخيل نفسي مثلهن ارجف مستحيل اموت اشرفلي ولا اخلي واحد
يلمسني كافي تعبت
ثاني يوم هرني هري بحجيهن باشا و باشا خبصن روحهن يسولفن بي زهگت
وانا منا متنرفزة حاقدة على الكل. هذا اليوم ما انسى ابد اليوم القتلت بي نفسي.
استسلمت بيومها وگطعت كل امل. خاتون تردلي التهديد وتضغط علية كل ما يطلعن و يجي كنان
ياخذ فلوسة تبقى تخوزر بية لو تذب حجي وتحسسة منين طلعلي هذا سافل.
جانت اكو بنية جديدة اسمها رنين وصدك رنين جريئة و وكحة. جانت تركص ركص ما صاير
وكنان مات عليها يقدسها تجيبلة فلوس. بيومها سمعت خاتون تزن علية و اجت گالتلي
سحبتني وراها ولبدت ورة باب وخلتني اسمع. جانت متفقة ويا ياخذني بدون مادري.
وكالتلة ماتسمع حجي و مو خوش تشتغل عوبة. يريدة يخطفني. وحتى تستكتني هم
وما افضحها انا من بداية ما رتاحيتلها. صعدت لغرفتي اتلفت و خايفة اتخيل اغمض عيوني و افتح
الكة نفسي بغير مكان بايعني انجن غير ليل كلة مانمتة و لا غمضت كعدت الصبح مسطولة سطل
بيها رنين اقترحت علية اتعلم ركص تخبلت عليها مستحيل بقت تقنع بية و سدت البيبان كلها.
بوجهي. اذا شردت وين اروح وحتى لو كدرت ولگيت مكان على حجي خاتون مايعوفني مدام دخلت لبيتا
راسي وكف عن تفكير تقيدت كلش غلطت و گطعت الامل شيطاني جان اقوى
أيست ردت اكتل الضعف لبداخلي حتى لو بشيء غلط حتى لو اشوه روحي
قبلت وكتلها علميني. ومر اسبوع اسبوعين وايام
واني بس اركص و اتعلم ذبيت جهدي كلة كل ما
ضجت لو ردت ابجي اركص وهي وياي الشيطان عشعش براسي واتجهت لاخطر طريق و اكثر غلط.
خاتون شافتني وشفت الحقد بعيونها گالتلي تركصين كدام كنان
والغلط ثاني و طريق الخطأ بدة من هاي نقطة. دزت عليه و ركصت كدامة
شافني و جشع ملة عيونة مثل لگة كنز خصوصاً
او سمة مطرت عليه فلوس
بيومها گال لخاتون بالليل تحضرينهن عدنة حفلة. غمضت عيوني تخلصت من سالفة يبيعني
بس اني بيدي بعت روحي للشيطان
بالليل لبست وتمگيجت ويه البنات وأجة أخذنة
وياريت ما أخذنة.
دخلنا للبيت لا مو بيت جان عبارة عن شقة واغاني ومتروس ترس زلم وبنات وناس تركص
وناس كاعدة وكل واحد بحضنة وحدة واكو بيهم بغرف وأحنا أخذنة يضحك
: -تعاي يشوفج الباشا
كتلة بكلبي أنعل أبوك لابو الباشا دفع باب ودخلنا وياريت ما دخلت أخر شخص أتوقعت أشوفة بهل
مكان يمكن لو أحد كايلي ما أصدك بس شفتة بعيني وبوضع يخزي وهو شخص عيونة عليه
مصدوم جنت لابسة مثل لبسهن والفتحات مالية الفستان ومكشوف من صدري وشعري نازل على.
أمتوني بقيت جامدة وبينه بس النظرة
فصلت وبس عيوني ترمش.
زينب:
مرت أيام وأحنا لحد هسه ما عاقدين محكمة ولاحظت أجياد يتهرب من سالفة عقد المحكمة
ليش ما أدري وبنفس الوقت رجعت عليه هلوستي القديمة مرات أسمع صوت بالبيت
وهو ماكو أحد بس أني، اجياد يطلع وأبقى وحدي وأسمع سوالف لو شي يتكسر
ومن أنزل ماكو شي الگة كلشي بمكانة
مليت من هل موضوع بس باقية ملتزمة
بصلاتي وأحاول قدر الامكان أكون قريبة
من رب العالمين والوذ بي
من شر كلشي.
جان أجياد كاعد وأني أكبالة الساعة هسه بالعشرة
بالليل حجة بهدوء
: -ماكدر أسويلج عقد محكمة
رفعت راسي بستغراب: -ليش
: -مطلوب أنا
: -لمنو
: -لدولة
: -علمود الجريمة غير كلت محد يعرف
: -لاااا غير شي
: -شمسوية أنت ليش ما تحجيلي ما دكول شضام عليه
: -ما ضام شي موضوع مو مهم
: -موضوع مو مهم لدرجة ماتكدر تصدق عقد بمحكمة شفت أشلون الموضوع مو مهم
: -عقد وهسه ماكدر أسوي تقبلين سيد وبس
: -لا ماااقبل الا يتصدق.
: -زينبببب لا اطلعينييي من طوري
: -شسويلي تجبرني؟ لو شنو كتلك مااقبل اذا مو عقد محكمة باجر عكبة كلشي يصير وين أنطي وجهي هو أني هيج وما خالصة يردون يكتلوني بحجة غسل عار
: -منوو يوصلج وانااا موجود غير احرك أبهاتهم
: -وصلونييي واخذوووني من بيتك شنو نسيت
: -ززززينبببب
حط أصبعة على شفتة بمعنى اشش وجهه صار نار دخن
جنت اسمع من حبوبة
دكول الجدر من النار والرجال من الكلام.
والمقصد من كلامها الجدر شما تحطلة نار وحطب يشتعل اكثر ويستوي والرجال شما تحجي كدامة
يندفع ووممكن يتهور اني ما قصدت الحجي بس طلع بساعة عصبية مني
بس ما أتوقعت اجياد يتأثر بكلامي وما حسبت احساب للكلام إلى كلتة ابد
عافني وطلع وما أدري لوين رايح ركضة وراة
: -اااااجيادددد ااانتظرر وين رايحح
ما أهتملي لزمت ايدة نتر ايدة مني وصعد سيارتة
ضربت على جامة
: -اااافتحلي اااانتظر ويننن رايح اااشبيك ااااحجي وياك.
مشى صحت وراة: -اااااجيااااد
بس ما وكف ولا أنتظر.