رواية المنجمة للكاتبة كفاية كاظم الفصل الحادي والثلاثون
نجممممة منااااا تعاااالي
التفتت بكامل جسمي كلبت عيوني وبجدية كلت
مااا اجي وياكم اروح وي ذولة
كملت ضايجة بسبب سما تلاغينا اني وياها على المكان ونزلت تريد تخليني بالنص وتجعصني واني اذا مو يم الجامة ولا اكعد ردت اصعد بالسيارة الثانية حتى نروح سفرة اجة وراي يمشي سريع ذب نفس خازرني بقوة رجعتلة الخزرة وكتلة...
لاتخزر يلة لاتخزر
فقار: ما خازر نجوم امشي بابا
اني مو بنتك يلة روح
عيب بابا عيب.
شاح بنظرة على المموظفين كل اليمر والجوة يباوعولنة دار عيونة علية وبهدوء كال.
فقار: امشي اصعدي ويانة نسوي فعاليات بالطريق
يعني مثل شنو؟
نسوي كلشي ونوزع حلويات وكلشي وها نلعب لعبات هنا كلهم كبار مايحبون هيج سوالف
التفتت باوعتلهم يعني مو كلش كبار بس موظفين قديمين هو صافن علية منتظر مني كلمة.
استاذ اجي وياكم بس اكعد يم الجامة؟
انعل ابو الجامة امشي اكعدي واشوف الما يخليج.
ابتسامتي جرت حلكي جررر مشيت كدامة اصفك بيدي واطفر ولو بيدي اطكها ركضة بحجة راح يعوفوني ويشغلون صعدت بابا الباص كلها تباوعلي واني اباوع اريد اشوفلي مكان البنات ماخذات الاخير كلة صافي وسمار سوية كاعدين جمانة ود بالمقدمة باوعت اكو مكان فارغ جان بية اشخاص بس هسة مغيرين مكانهم كعدت بية والمكان اليمي فارغ التفتت ليورة شفت البنات عيبت عليهن ورجعت وجهي ليكدام دخل فقار باوع للمكان واجة كعد بنفس السايد الكاعدة بية بقة مكان يمي فارغ ود التفتت علينا باوعت لابوها سوالها بيدي تعالي اجت علية كعدت بحضنة بوسها وباوعلي يعدل بشعرها ابتسمت ودرت وجهي.
وبين مانريد نحرك والكل متحظر سمعت صوت خلاني ارفع راسي استغربت من جيتة وخاصة من دخل يدور على مكان باوعلي ابتسم حتى ما ابتسمت.
زيد: هلووو نجوم اتسمحيلي اكعد يمج؟
عيون فقار صارت علينا هزيت راسي لا لان مستحيل اتقبل يكعد يمي طول الفترة قبل لايرد حتى فقار كال.
كعدي ود يمج وزيد يجي هنا
كام من مكانة خلة زيد يكعد يم الجامة وهو بصفة اخذت ود كعدتها يمي وعيون فقار تراقبنا بدقة دنكت راسي اهمسلها بحماس احجي.
الله ودودة راح تكعدين يمي طول الطريق
تردين شكولاتة؟
عيونها لمعن بفرح والسمعتة ود تعشق الشكولاتة بحيث ابوها حتى بمكتبة مخلي علبة طلعت من جنطتي وترست ايدها فتحت تاكل واني جاي افتح وحدة كالت.
هاي مثل مال بابا
نجمة: مالت ابوج هاي على كولة كواكب من لحم ثورة واطعمة
ود: شنو يعني
هو اني مافهمت تردين تفهمين انتي
سكتت من عبرنا طريق الشركة وسمار يريد يشغل اغاني يكلب بيهن دوخنا اندار علية فقار يخزرة مايقبل يشغل.
سمار: فاتحة رايحين؟ عركة؟ فصل؟ شبيك خلينا متونسين
فقار: توصلون هناك واتونسو
ماكال كلمة بعدة سكت
سمار: على شغل انت على ذوقك اغاني
الغثة الاكبر ابقة على فقار احسن زين فقار شغلنة على ذوقك؟
قبس: يشغللكم باسم الكربلائي
سمار: شغل باسم الكربلائي ولا هيج تبقة سكتة مو تعرف لساني يجرجر ومنا عالم غرربة
صافي: بهاي ادخل استرو علينا الله يستر عليكم هسة يجفصها واحير بيش اسددها.
سمار: بما انكم كلكم متجمعين راح القي الكم شعر من اشعاري يكول الشاعر الكبير العظيم
طفت بية محبتك امس باليل كلي بيا محطة نفول جروح؟ كولو اااالله
محد كال الله التفتتلة وهو يهزلي براسة يكلي اي احجي خليت ايدي بصف حلكي وبصوت ناصي كتلة الله التفتت بسرعة خفت لايسمعوني وهو هم خطية يكسرون بكلبة محد يكلة الله.
سمار: اكمل اشعاري لخاطر ذاك المشجع الحباب
فقار: مو ادفرك برا واخليك ورانا.
سمار: عمي اني رجاال صاحب موهبة ماعندي غير سوالف شعري ثم شعري واكول جانت بالفرع اثار رجليك عمت عين المقاول بلط الشارع
فقار: شغل اغاني شغل خلصني مو لعبت روحي من صوتك
سمار: غيرررررة غيررررة بس تنغار انت مني
فقار: على جمالك
سمار: بهاي صدكت امووت اني مو شباب اطكككك بالكاع جمالي كااارثي احلى واحد بيكم حقكم تنغارون مني مالومكم
ردو علية شباب
عمي وين اكو بجمالك انت.
وهو نفخ روحة شغل اغاني ردح درجة اولى صارو الولد يغنون ورة الاغنية بصوت عالي ويركصون اسمع بس طك الاصبع عالي تمنيت كاعدة يم البنات حتى اكدر اشوفهم بوضوح ماكدر اشوف الا من التفتت واستحي من يشوفوني درت عليهم بقيت بمكاني اغمم بروحي وحلفت بالرجعة اسحلهن واكعد يم الجامة.
بقيت وي ود وين اروح كلشوية طلعت من جنطتي حلويات وانطيها ومن تاكل اكل وياها على الواهس.
وصلنا يلا طفو الاغاني فقار مد ايدة لود نزلو طلعت وراهم بقيت واكفة مامنتبهة قريب منهم اجت جمانة وكفت بنصنا لزمت ايد ود وفقار مناك لازمها سوت روحها مامنتبها لفقار وكالتلي.
شلونج نجمة
هلو جمانة الحمدلله ود شلون صارت
زينة مثل ماتشوفينها
الف الحمدلله والله فرحنا من كالو تحسنت حالتها بالبيت ماعرفتي السبب شنو
بعد واحتمال سبب نفسي لان امها بعيدة عنها
هم صح.
التفتت عليهم فقار ملامحة عابسة جان قبل شوية مو هيج نزلن البنات عفت ذولة وركضت وياهن لزمت روان ارزل بيها بالسكتة.
خو انتي الجلبة كيفتي من نزلت حتى مانزلتي وراي تفوووو عليجن يا واطياات
روان: ولج غير استاذ فقار من نزلتي اندار علينا احنا جمدنا من كاال شبيها نجوم منو مضوجها؟
محد بينا تتجرا وتكلة علمود الجامة عيب انوب سما فجرتها تكلة تريد يم الجامة صارت البسبسات تنسمعلج هو خزرهن ونزل وراج جابج واجة.
كلي اذا ماتجين تصعدين حتى السفرة الغيها هو اني المن مسويها غير علمودج تغيرين نفسيتج وترتاحين من ضغط الشغل والبيت
بنان: هو هيج كال.!
نجمة: شوف هاي عبالها اجذب عليها ذاك هو وروحي اسالية
بنان: لا يابة على شنو اسالة ما قصدت اجذبج بس هم كل سنة يرحون سفرة
نجمة: وهاي السنة لغوها علمودي رجعوها
سما تخزر بية مامصدكة وذني صدكن الحمدلله انقسمنا مجموعات اني لازكة بروان وسما عافتنا راحت تركض ورة على المشا وي الولد.
سمار: ها بنات وين رايحات
روان: اني ماحب المرتفعات راح نروح نتونس بغير العاب
نجمة: واني وياها
ماعوفج لاتعوفيني
اطمني
سحلتها واجت بنان ورانة تركض وكفنا من شفنا ورانا جمانة ود وفقار واستاذ حسن وبعد وياهم عيب منهم وكفنا يوصلون لمستوانا حتى نمشي سوى.
حسن: احنا شلة الاكبار شعجب انتن من الشباب اجيتن ويانا
روان: اني ماحب المرتفعات والالعاب الخطرة
حسن: واحنا كبرنا عليها
روان: بعدك صغير استاذ تحسسني صرت شايب.
مرر ايدة على راسة ضحك وكال
حسن: العمر يمشي ماينتظرنا مو هيج فقار
فقار: لاتذب علية بعدني شاب
حسن: نفس العمر اني وياك
فقار: سدو موضوع العمر بداية الشباب احنا
فتحو مواضيع واحنا ساكتين بس روان تشارك وياهم واني بس فاتحة حلكي فرشو حصيرة كعدت جمانة تلعب بتليفونها رحنا نلعب ود يلعب بيها ابوها يضحك على ضحكتها كملت لعبتي واجيت العب بنفس العبة انتظرت تخلص بقيت واكفة
فقار: ها نجوم
ها استاذ.
باليوم تكولين كلمة استاذ مية مرة
وبالدقيقة عشر مرات
يااا والله مو هلكد استاذ
هاااا
خليت ايدي على حلكي اضحك ضحك وراح جاب ود بقيت اباوعلها سالتها: ها ود شلونها اللعبة خو ماتخوف
هي أصلاً مال اطفال ماتخوف
نجمة: لعد اني مضيعة اروح اشوفلي لعبة مال كبار
درت وجهي امشي كال استاذ فقار
لاتلعبين بالعاب خطرة نجوم
مو خطرة بس شوية خطرة هيج
سويتلة بيدي نتفة اجة وراي صعدت بدولاب الهوى وتفاجات من صعد وياي هو وبنتة كال.
ماحبيت اخليها بنفس ود
راح اغار من ود
علي شنو؟
علي ابوها
ابتسم ولمعت عيونة كال بجدية
هم اعتبرج مثل ود والله
ادري كلتلي والله هم فرحت
سكتت هذا يريد يبجيني اني افقد على اب وبنتة وسوالفهم ماشبعت من ابوي وكل ما اشوف ثنين كوة الزم دموعي اريد مثلهم.
صعدت العبة بينا وصارت تصعد تصعد وتنزل للكاع خليت ايدي على حلكي لا اصرخ لان صارت تخوف بحيث صرت اعض باصابيعي لوما ذولة منا جان صرخت بس استحيت.
فقار: نجوم شبيج ماتخوف.
ود: اي والله بابا متخوف
نجمة: جذبو جذبو هو عود ننزل فجاة يصعدها ومن يريد يصعد نزلت ورجعت حتى كلوبنا وكفت وهذا راسي طخ بالغيم
ضحكو ثنينهم ود تكول
بابا الغيم بعيد هوواية ليش هيج تكول نجوم
فقار: بابا نجوم يمكن صدك طخته احنا مانشوف التشوفة
اول ماوكفت نزلت وكلت فلا اصعد ماعرف العبة اتخوف صدك لو اني اخاف لان مامجربة العاب من سنين وحتى من جنت صغيرة العب العاب بسيطة
فقار: وين رايحة نجوم.
اكل جعت اروح اشوف البنات واخذهن وياي
البنات راحن وعافنج تعالي ويانة احنا هم رايحين ناكل
موافقة
لزمت ايد ود ساحبتها علية من ابتعدنة عنة سحب ايدها لزمها وكف كدام محل بدون مايسالنا شنو ناكل راح انتظرنا كلت يطول، اخذت ود وافترينا شوية رجعت طلع بوجهي فاتح عيونة خايف ذب نفس من شافنا كال.
عبالي ضعتن
لا ما نضيع لاتخاف.
بيدة لفات وعصاير قدمهن النا اخذنا وكعدنا ناكل ود تسولف علية وهو يجاوبها اكتشفت هي تحجي بس وياة وي الناس التعرفهم قبل جانت ماتاخذ وتنطي ويانة هسة لا تعودت.
كملنا سوى العاب وكل شوية يروح يشتريلنا اكلة بدون ما نكلة واخاف انطي فلوس ويرزلني اعرفة ماياخذ مستحيل أصلاً بس اتفشل اخذنا يم البحر تحمست دنكت نزعت حذائي وجواريبي نزلت ود هم غارت نزعت حذائها.
فقار: وين بابا وين
وي نجوم
هي نجوم مال مي بلا وكعتي.
واني اتقدم صحت بفرحة
لااا بس العب بالمي
دخلت برجلية اشمر بالمي واضحك بصوت عالي المي بارد ثلج ومنظرة يخبل يجيب طاقة ايجابية طشرتة بدية ود لازمها ابوها تقلدني وتضحك
فقار هم صار يطشر بالمي برجلة ويضحك.
ها استاذ شنو تقلدنا
مو ابالي انزع حذاتي وانزل بس بعد من وراج
خو من ورة بنتك اني شكو
ام لسان وين اكدرلج عوفينا متونسين.
ملابسي من جوة تنكعت مي ولا اهتميت اهم شي اتونس والعب ابتعدت عنهم بعيد غمضت عيوني واني بالمي واكفة بقيت اسولف للبحر واحجي من تعبت رحت الهم لكيتهم كاعدين على الجرف كعدت قريب من ود خليت ادية على خدودي استند عليهن وصفنت على المي.
يكولون البحر يحفظ اسرار
نجمة: حجيتلة هواي بس ماريد بس يسمع اريدة يحقق
بية عفريت الامنيات
ههههه لا بس هيج اعتقد يتحقق
بلة شنو ردتي
ترجع اختي ونعيش سوى البنات يرتاحن وهي هم بس
وانتي.
ماريد شي بس الله يسترنا ويبعدنا عن المشاكل
احلى شي ذني اهم من الفلوس والعقارات تدرين
ادري
التفتت علية كتلة.
صدك استاذ انت بس تسمع باسم الكربلائي
لا بس احب اسمعلة قصيدة
هاي القصيدة الجنت مشغلها ما اتذكرها
كل ما اشوفك بالطيف
لزمتة ود من ايدة تكلة
بابا كولها كاملة
استاذ اذا حافظها كولها
باوعلنا عدلت كعدتي ابتسم باوع للبحر وبصوت هادئ عذب كال.
كل ما اشوفك بالطيف
لازم تهب نسمة صيف
من نومتي تصحيني
مادري يلغالي شصار.
لاهدهد يجيب اخبار واني والهجر ماذيني
اني ود ثنينا متاملين جمال صوتة ومبتسمين كطع كلامة وكال: اجواء حلوة لانخربها بالحزن
لا عادي حلوة بصوتك تونسنا تدري ماعبالي هيج صوتك حلو
بيناتنا مو تكولين لاحد
لا والله هالمرة ما اكول لاحد اعتبرة سر
ابتسم وعكمش وجهها ابتسم بلطف
استاذ امك صارت زينة سمعت بيها صحتها مو تمام
لا مو زينة احاول اخليها زينة
اكلك احنا مو نسابة يعني عادي ما نبقة نحجي مثل الناس الغربة
اكيد عادي.
شوف اني احب احجي افسر يعني ليش امك طاحت بالعيد من اجوكم خطار
فقار: اول وتالي تسمعين بالسالفة فحبيت احجيها الج اني بس ود كاعدة ماكدر هسة ذكريني بيها غير مرة
ود: بابا اني اروح بعيد عنكم وانتو احجو
نجمة: لا بلة وكعتي شتفيدنا السوالف
كمنا لبسنا احذيتنا وطلعنا نفرفر اني ود صحنا بصوت واحد: شعررر بنااات
التفتت فقار شاف الولد يبيع شعر بنات تقدم علية واحنا وراة باوعلنة كال: اختارن يا لون تريدن.
اخذت وردي مثل ود مشينا والابتسامة على وجههنا مديت مالتي الة مد ايدة لا
هو اسمة شعر بنات بس مو للبنات استاذ والله طيب جربة حباب
فقار: هي صارت بيها حباب جيبي
اخذ شوية لفها واكلها واني اباوعلة اضحك
ها استاذ مو كتلك طيبة
هز راسة وبعد
ما تونسنا لعبنا اكلنا تعبنا ورجعنا الهم لان راح نرجع جانو ملتمين ومن اجينا كلهم صارو يباوعولنا حسيت اكو شي بينا بس الحمدلله منظرنا لطيف.
سمار: لو ماراجعين احسن
فقار: صح.
سمار: اهم شي نفسيتك تغيرت فقاري
قبس: ماتشوفة شلون ابتسامتة تخبل تغيرت
صافي: شباب اني ماتونست
ضربة سمار على ضهرة
ليش ولك ماغزرت بيك اوكلك والعبك ماخليت لعبة تعتب علية
لا مو هيج بس افتقدت ضيغم
سمار: وردة الوردات اخ حبيبي سودة علية حتى اني ماتونست لان ماكو هو
روان: ها ولج اختفيتي وين
لا والله ماختفيت بس انتن رحتن ما لكيتجن والاستاذ كال لاتبقين وحدج تعالي ويانة
سما: اهم شي الاستاذ يونس خوش مبين.
كلش كلش زين انتي شنو صار وياج من رحتي وياهم
سما: سووولفت وي علوشكييي هواي لج يمووووت يمووووت هيج نسمة بارررردة يخبببل كون الله يجمعنا
البنات: امين
سما: والله بنات اني ماردت واحد مثل ماردتة كلش محترم وحباب
بنان: على كلش حباب يارب تتحقق امنيتج
رجعنا بعد ماخلصنا وقت كلش حلو وتغيرت نفسيتنا
روان لازمتني من ايدي تهمسلي بس اني اسمع
لج باوعي بس مو بسرعة
نجمة: على منو
زيد
شبية
يباوعلج من اجيتي ولهسة.
يا شبية هذا مايستحي
اجة سالني عليج كتلة راحت تلعب وي ود صديقتها انتحس وكال فقار وياهن مو كتلة اي
هو شعلية
ماعرف بس مبين معجب كلي اتصلي بيها اني المن جااي
عزااااااا
كرصتني روان من زندي رفعت راسي كلهم يباوعولي دنكت راسي وسحلتني بعيد عنهم متفشلة.
نجمة: ولج هو غير خطبني
عزااااااا
ها هااا صوتج
يمتها خطبج
قبل فترة ورجع مرة ثانية هم عاد الموضوع
شنو كلتيلة
ماعرف بعدني
ولج شنو ماتعرفين كولي وخلصينا
شنو اكلة؟
موافقة
دولي.
ليش ولج
احسن ولي
وكفنا ننتظر الباصات اجة بصفي كال
زيد: عادي نحجي شوية
لا
بس شوية هنا قريب
ابتعد رحت وراة قريب هي صايرة خبصة محد منتبة: كول
كتلج اريدج مارجعتيلي خبر اريد احجي وي خالج شدكولين؟
منين عرفت خالي؟
واندليت بيتكم
وجهي احسة صار نار ماعرفت شحجي ابتعدت عنة وبسرعة صعدت من وصل الباص كعدت بالاخير بعد حتى ماحجيت شي.
وصلت للبيت اتصلت بضيغم ومثل كل مرة شالع كلبي يحلف ويكلي: هي ماتريد تشوفج هسة.
ليش مو اني اختها نجمة هي جانت هواي تحبني كلها بطلت تحبني مو اني احبها!
بعدها تحبج والله بس ماتكدر تحجي وياج غير مرة نجوم وعد
هي عايشة مو ماتجذب علية
اي والله عايشة نجمة
صاحني خالي كال رايدج بموضوع ماعرفت الموضوع راح يغير حياتي كلها.
الشيخ: السلام عليكم
ردو علية السلام اخذو الشيخ اكو طاولة قريبة من البيت محاوطة بكراسي كعدو واني ضيغم بقينا واكفين اخزر بيهم على اعصابي واكفة وكل ما اشوف فقار يباوعلي امووووت واصير بسد ضيغم من شافني انحرج منة نزل عيونة ما باوعلي بعد.
فقار: شيخ خوما باطل يصير العقد بهاي الحالة
الشيخ: العقد صحيح شرعاً و.
ماسمعت شحجة بعد لان ضيغم سحبني بعيد منهن لازم ايدي رصيت على اسناني بقوة ونترت بية.
راح اموووت من الوجع مو كلت اساعدج يلة وينك
ضيغم: جبت شيخ
يتفل بوجهي شعلية بيييية
باعي اني ماكدر الزمج تبقين بنية وهسة لازمج بالحرام نعقد بين ماترجع صحتج نفسخ ولامن شاف ولا من درى
يعني شنو لاتضل تمسلت
تؤؤ وتالي لاتغلطين
اني بيا حال هسة من افشر كل الفشاير احد يلومني ما انلام ولكم محد يحس بية جسمي يوجعني ينهش بية نهش
امشي نعقد حتى نبدي بالعلاج كولي موافقة من يسالج
عود راح اتزوجك
لا
موافقة على الصخام اكلة.
ضحك بدون مايجاوبني سحبني وراة بدا الشيخ يحجي واني اريد اخنكة كوة لزمت روحي من الوجع صرت اعصر بتشيرتة ما اسمعهم شنو يحجون لازكة بضهرة من ندسني يلا ادركت سمعتة يكلي.
الشيخ: كواكب جبار هل تقبلين بالزواج من ضيغم جواد على سنة الله ورسولة اذا تقبلين قولي نعم وانتي وكيلي
احس بيد ضيغم تعصرني دنكت راسي واحس الهوى يضيع مني كتلة: اي
ضيغم: نعم قبلت وانت وكيلي.
كواكب: صخاام وانت صخيميي مو كتلتتت ايييي هي نفس الشييي
التفتلي فاتح عيونة مصدوم وجهة انطعن احمر رجعت ليورة نطقت بسرعةة: نعم قبلت وانت وكيلي
عفتة ورحت اركض حتى ماكمل الشيخ كلامة وياة
اسمعة كال نعم قبلت وانت وكيلي واجة وراي يركض لزمني من تشيرتي رجعني علية رفست برجلية ودموعي تنزل شهكت وكتلة
راح اموت
ما تموتين اني وياج
مديت ايدي اله امسح بدموعي وجسمي يرجف دنكت راسي احجي بشهكة.
شوف هنا جان يضربني هو وقامة.
اني والله ماريد هو وحدة ضربني موتني وراح صار يجي يضربني عودني بعدين صار يعوفني ويروح ماينطيني.
سحبني من ايدي يغلط ويتوعد رجعني للغرفة واني افرفح بيدة اريد اطلع شمرني على الجرباية وطلع قفل الباب دكيت الباب بقوة ودموعي تنزل من الالم اغلط علية بلا وعي من الالم عافني وراح صرت نار احس بروحي اشتعلت.
كعدت اشلع بشعري واعض بيدي من الوجع ولو يستمر اركع راسي بالحايط انفتح الباب طفر دخل بيدة صينية ريوك خلاها على الميز طلعت اريد اشرد ما اشتهي اكل اني بعدني اطلع سحبني من ايدي.
عووووووفني صوجي اجيت وياااااااك
ارافس بدية واخرمش بية فحط كوة سيطر علية وبصوت يلهث كال: جبتلج ابرة
تنفست بعمق وهديت روحي تركني باوعتلة
صدك عليك الله صدك
مد ايدة بجيبة رفعها إلى مديت ايدي والابتسامة على وجهي انرسمت راح اتخلص من الوجع اخيراً
اختفت ابتسامتي من رفعها وابتعد يكلي.
ما انطيجياها
ليش ليش مو جبتها الي
اي بس بالبداية تنفذين شروطي
انفذ كول شتريد والله كلشي اسوي
عصرت ايدي بقوة رجعها لجيبة وبامر طلب.
ترحين تسبحين اول
بس اسبح تحقنلي
اي
رحت كدامة للحمام بس اسبح واطلع صاح وراي ملابسج مارديت علية بيا حال اني نزعت ملابسي بس خليت المي نشغت والحرارة تطلع من عيوني اباوع لجسمي مشخط واحمر صاير خلصت بسرعة دك الباب يكلي: ملابسج هاج
فتحتة مديت ايدي اخذتهن سبيتة محروك كلبي.
منه ليش جابلهن بيدة. إلى اذا هو مايستحي اني استحي واتحسس لبست وغسلت ملابسي بية مابية خليتهن بالسطل طلعت لكيتة واكف يدخن شافني سحب نفس طويل وذب الجكارة داس عليها انداريت ورة حبل مسوي شريتهن اجيت يمة مديت ايدي قبل لا احجي كلي.
يكولون مايصير احقنلج بدون اكل على الريك اكلي اول واني هم جوعان من الصبح مامتريك
جذاب الجذاب اكبر جذاب انت محد هيج يكول
ضيغم: عيب.
تعرف العيب انت تدور بملابس النسوان طلعت واحد ماتستحي
دخلت للغرفة وهو وراي يبررر
يعني شلون تطلعين من الحمام غير عفتيهن وراج واني كتلج روحي جيبيهن ماسمعتي
كعدت ماكدر اشيل الصينية بيدي جابها وتربع
كدامي باوعت اشكال الاكل موجود مارفعت راسي وعيوني توجعني عصرتهن كتلة.
البنات شلونهن امير امة كلهن
اختج حامل
رفعت راسي بسرعة فاتحة عيوني على وسعهن
منوو نيزك؟
لا الثانية مرة قبس.
دموعي نزلت بدون انذار شهبة راح تصير ام وبهاي حالتي والوجع يدك براسي فرحت وحسيت كلبي يدك بقوة مو من الالم لا من الفرح كمل يكلي.
نجمة تداوم بالشركة بوظيفتها ماعدها شي يم خالج كاعدة
ونيزك وامير
ضرغام يموت عليها وعلى ابنها
بوس امير اذا تشوفة واشتريلة حلويات وياك
صار اكلي هاج
مسحت دموعي اخذت اللفة منة اكلتها كوة وهو يشهي بية: اسويلج لفة بيض سلك
بكيفك
شبعت كمت مديت ايدي رفع لكمة ياكل شرب جاي
بس اكل متت جوع.
عفتة كعدت على الجرباية لان اعرف بس اخذها مااتحرك ارتاح وابقة بمكاني واذا يروح المفعول شي اتذكرة وشي لا اشوفة اخذ الصينية اجة يمي كعد تدنيت منة باوعت بعيونة مديت ايدي طلع الابرة ضربها واني اباوع بعيونة ماحاسة راح يذب الابرة واني تمددت غمضت عيوني اريد جسمي يهدا حسيت علية اخذ ادية وشي بارد يلامسهن فتحت عيوني بيدة كلنس مرطب يمسح بيهن واجة مسح حلكي يباوع لركبتي ضربتة على صدرة.
شبيييج ليش تضربين
لاتباوع.
بس ردت اشوف الوشم عبالي طاح
مايطيح هذا حتى لو طاح ادك بمكانة
غمضت عيوني اخذ ايدي المحتركة فتحها يشتغل بيها ويسالني: شنو معنى الوشم
بلسان ثكيل حسيت راح اغفى كتلة.
اني مخبلة
واضح عندج طكات بس ليش هذا الوشم بالذات
راسي بية هواي حجي ادوخ من روحي اتمنى اخلي سجينة براسي ومرات اتمنى اخلي سجينة براس سالم واخلص منه ومنهم
بعد ما اتذكر شي صحيت لكيت الدنيا ليل طلعت الباب مفتوح طلعت حافي برا ضوة مشتعل.
بس ظلمة باقية والمكان يخوف دورت عيوني بس اني خفت مشيت وكفت من شفت جمرة جكارتة وكفت سوالي بيدة تعالي رحت كعدت يمة ساكت مايحجي بس صوت نفسي العالي مسموع يدخن بصفة باكيت جكاير وجداحة سحبتة اخذت وحدة خزرني بقوة راد ياخذها خليتها بين شفايفي وحجيت.
ادخن من زمان مو اول مرة
لا جيبيها
دولي
رفعت الجداحة شعلتها واخذت نفس بقة يباوعلي ويدخن.
نيزك زعلت علية وكطعتهن لخاطرها
مو زين التدخين
نجار وباب بيتة مكسور.
هاي انتي مريضة وهيج لسانج
نفس لسان امك، بس حشا امك خوش مرة
هو مايجاوبني خلص جكارتةةواني جكارتي ماخذة منها نص سحبها من ايدي خلها بشفتة سحب نفس منها ضربته على زندة.
رجعت على جكارتي گ
لسانج رادلة علاج هاج جكارتج
اخذها بعد ما ادخنها وراك
رفع حاجبة وكال
تلعب روحج!؟
رفعت اكتافي بلا واخذ الباكيت كتلة
احسن.
طلعت جكارة ثانية خلص جكارتة فتحت عيوني بصدمة من سحبها من شفتي كملها كمت منه ودفرتة بضهرة صار يكح انشحط كام خلصها وذب الكطف داس علية وجهة احمر.
ضيغم: عنيفة
صاحب نوايا دفينة اني بنت شوارع مو فقيرة اعرف بسوالف الفساد
ضحك تقرب يكلي
بلة شتعرفين
افلش راسك واخلي امك طول عمرها لابسة اسود عليك
طوارئ اسعاف انقذوني.
مشيت مسافة كعدت بالكاع مددت رجلية وافرك بادية ماكدر اتنفس اختنكت ودموعي نزلت صار كبالي والخوف تارسة رفع راسي عيونة تلمع بالظلمة: شبيج كوكبة
اختنكت
حجيتها بصعوبة انعصر وجهي من الالم غمضت عيوني اسحب بالنفس سحب كومني دخلني للغرفة شربني حبوب ماعرف شنو ولا سألتة اخذتهن وكعدت نحلانة شمرت راسي على المخدة شمرت ادية دفعني وكعد يمي رفعت عيوني اله همست
ادية ماحس بيهن.
اخذ ايدي يسويلها مساج من فوك ليجوة يعصرها عصر يلاا احس بيها والثانية نفس الشي الظلام بدا يسحبني شوية شوية غفيت ماحاسة بشي ومن كعدت احس ثگل علية فتحت عيوني استوعب ايدة فوك بطني وجهة صاير بجتفي كوة نايم على الحافة كعدت اباوعلة شعرة نازل على وجهة.
مديت ايدي مترددة عيب بس بنفسي اجرب ارفعة مثل ماجنت اشوفة يرفعة بهدوء عن لايكعد رفعتة تلمستة ناعم مي وينطي لصفة كد ماناعم الغرفة اضائتها زينة مو عالية طفرت على كيف عفتة نايم
طلعت برا كعدت غمضت ماريد افكر بشي حتى بوضعي وحالتي راسي يوجعني ماريد ازيدها على روحي.
بين مااني مضغمضة وساكنة راح تفكيري للبعيد كلش وتذكرت سالم وكرهة إلى ابد ماجان يكرهني عن عبث تحركت من سمعت حركة وراي التفتت شفتة ضيم كعد يمة يفرك براسة.
شتسوين
سالم جان علاقة وي مرة اخوة افنان
النعاس بعيونة رفع حاجبة مامستوعب كملت احجيلة الخطر براسي هسة.
سالم طردني لان كشفتة هو وياها مو لان اني بت حرام مثل مايكول
شلون كشفتية؟
ضحكت باستهزاء اتذكر ذاك اليوم
بالليل اني ما انام راسي يوجعني ابقة كاعدة.
طلعت مرا شفتة هو وياها بس سمعو حركة اني اختفيت ومن اباوعلة واخزر بية شك بية وطردني كام يسوي مشاكل وي اخواتي اني عفتهن لان من وراي يكتلهن.
عجيب هي مو مرة اخوة
اي بس اكو شي ما متاكدة منه
شنو
خليت عيوني بعيونة وبصوت هامس كتلة
هو كاتل اخوانة
رفع حاجبة فاتح عيونة مامصدك تقرب مني يهمس
شلون عرفتي
سكتت رافعة اكتافي صفنت بعد ماحجيت وهو يكلي: شك لو عندج دليل؟ الموضوع جبير
سدة اني اتوهم.
شلون حجيتي هيج كلام خطر وانتي مامتاكدة منه؟
كتلك هيج حجي براسي طك
دنكت راسي انظم انفاسي وتفكيري التفتت علية من كلي.
دراهم خلتج تصيرين منجمة؟
هزيت راسي بلا
شلون تعرفتي عليها؟ وشلون صرتي منجمة؟
انفجاااارررر
ضيغم: ضربت راسها بقوة فزيت وخفت عليها كامت تمشي وتضرب براسها تصيح بحركة والالم
كواكب: انفجااااار صار براسي انفجااااار.
لحكتها كوة لزمتها تضربني وتضرب روحها اعصابها انشدت وجسمها صارت نار انتهت بيدي وهي تملخ بروحهها حبستها بالغرفة تضرب بقوة رجعت بسرعة خفت تملخ روحها هجمت علية تريد تشرد اكو حبل شبكتها بيه وعفتها تباوعلي بحقد وكفت انظم انفاسي.
ضيغم: لمصلحتج سويت هيج لاتاذين روحج كافي.
طلعت خابرت الدكتور جنا متوقعين هيج شرحلي سابقاً وكال: ماتعرف شوكت تثور عليك الادوية تسكنها ساعات واحنا مانكدر نطيها بكل الاوقات بعد ماسوينة شي اذا هيج.
شرحتلة حالتها كال
الدكتور: لاتسويلها شي تبقة هيج شكد تتحمل تتحمل عوف الجرعة لغير وقت وبالنسبة الكتلك عليها لاتكثر
تتوجع راح تموت
مابيدك شي.
كعدت راسي بين ادية صريخها وبجيها كسرن باب گلبي دست على روحي ابتعدت اذا ابقة هيج ماتتعالج افتريت وتليفوني دك فتحت الاتصال.
هلا يمة شلونج
ياسمين: وين انت يمة ماخلص شغلك
شوية يطول
ابوك سوة دهر تعارك وي فقار يكلة المن تخلية يسافر تريدة يرجع مثل قبل
راجع بس اخلص شغلي
يمة بس اصبر بين ماتخلص السنة واخذ حصتك من الورث
والله الورث راح يدمركم دمار.
سالتها على البنات شوية وسديتة منها شايل هم لو ارجع تبقى وحدها، رجعت وخفت من اختفى صوتها فتحت الباب ودخلت جمدت بمكاني من شفت منظرها وجهه احمر والدمع مغركة واكعة بالكاع مربوطة وشعرها مغطي عيونها ركضت عليها فتحتها شمرت الحبل مسحت عيونها ورفعت شعرها
رفعت عيونها تخزرني.
اسف كوكبة علمودج والله علمودج لاتحقدين
بصوت مبحوح من كثر الصريخ كالت.
كواكب: ذمة بركبتك لو خليت واحد يشوفني بهذا حالي اي شخص ماريد يشوفني واولهن اخواتي
بعد ذمة هاي
ضيغم: انتي قوية راح ترجعين اقوى من قبل
وتتعالجين
كواكب: غمضت عيوني ما احرك ايد ولا رجل بس اسمع صوتة يحجي وياي ماجاوبتة خلة ايدة على كصتي واسمعة كال: حرارتج مرتفعة كومي اسبحي كومي.
احس بية رفعني بحضنة من الكاع ومشة بية حتى لساني غدرني وصرت خرسة انتهت طاقتي ماكدر اسوي اي شي نزلني رجع ضهري للحايط ونيت اريد احجي اكلة عوفني تمنيت اكلة عوفني ماريد واحد يشوفني واني بهذا حالي خل يحبسني واموت اهون علية من عاجزة مخبلة تريد سم.
انفاسة بوجهي صارت وصوتة باذني يهمس
راح اسبحج
لا لا.
كوة نطقتهن للحرفين حتى عيوني ماكدرت افتحهن واشوف وجهة بس احس بكلشي ذب على راسي ماي نشغت يجيب صار ويخلي على ركبتي يدخل المي بملابسي بس بمي بارد نكعني كل مابخلي ايدة على كصتي يشوفها حارة يستمر يذب مي هواي طول يسبحني بالماي لمن كدرت اجمع قوتي واحجي.
كافي تعبت.
شهكت من نزع التشيرت وشمرة فتحت عيوني على وسعهن بقيت بس بالجامة دنك وطلع لحظات وجاب منشفة خلاها على ركبتي والملابس على الدبة عافهن وطلع بدلت طولت يلا كملت.
طلعت اخذني من ايدي للغرفة نمت بمكاني واحس بية ينشف بشعري شوية واحس صار يمشط بيه ويرفع بية يرجعة ليورة همست واني اتحرك.
عوفة يرجع كصة
خل يطول بس اطلع اجيبلج طاك حديد ارفعة الج
جججج.
مغمضة واحس ايدة بركبتي يدهن بيها وراها سحب ايدي خلالها كريم معالج الحروق ولفها رددت بعقلي ماطلب منه ولا اتوسلة دست على روحي وغفيت كعدني فزيت مرعوبة اتلفتت منا ومنا.
منو المات؟
ضيغم: محد اكعدي
فركت عيوني كعد بيدة صحن فواكة حطة كدامي ورفع يوكلني اخذت من ايدة اكل جاب عصير يخلط بية ماردت اشرب بس جبرني ما خلاني الا اكملة كلة لعبت روحي منه جرعتة بعد حتى نفسي انسدت
ضيم
رفع عيونة الي.
روح لاهلك ولشغلك اني ما افيدك بعد
صح
اي روح عوفني وحدي اهلك يريدونك
صح
يلا اطلع منا روح
كعد كدامي اخذ ايدي حضنها بيدة وعيونة بعيوني كال: ارجعج مثل قبل وعد مني فضلج جبير علية
قريتك اني بوكتها مامصدكة يطلع كلامي صدك
تمنيت مايطلع صدك وذولة ما غدروك
حياية ماتو بسمهم بس سولفي ماطول باقي هنا
شلون تكشفين
مو دوم منجمة والله مو دوم
دراهم علمتج
ضحكت اكلة
اني احسن من دراهم بالتنجيم
بقة صافن بوجهي
شلون.
صرت منجمة من وحدي ماعرف شلون بس دراهم تكول من ورة الحادث
يا حادث؟
ارتفع صدري ونزل غمضت عيوني همست
الماضي مالتي رصاصي مايفيدك
اختلط الابيض والاسود؟
اختلط الزين بالشين.
بعد ماحجيت شي نمت واني مادري ليش انام وشوكت اكعد ماعندي وقت لشي بعد فترة كعدت متخبلة نثرت الغرفة كلها الباب مقفول طالع وعايفني دكيت صيحت باسمة تعبت رجلية كعدت فحطانة احسب دكات كلبي من الهدوء الصارت حسيت بحركة طفرت عبالي هو بلكت ينطيني ابرة ويخليني اسكن وانام دكيت على الباب من طول جمدت بمكاني وابتعدت ليورة من سمعت صوتة يكول
اجيتج ام دجة اجيتج.
نيزك: رجعت انتكست حالت شهب تبجي وكاعدة بالغرفة ماتطلع منها غافلتها عليها اجي يمها احجي عليها يتعب لساني بدون فايدة وقبس سافر ضرغام دك روحة محترك دمة منه مثل ما اني محترك دمي يخابر بية رزلة بحركة وذاك ساكت تالي كلة.
قبس: انتو ليش ماتفهمون شخص مررريض
ضرغام: ومرررتك ولك ومرتك مو حامل وبعدها طفلة بس تبجي عليك
قبس: مامخليها محتاجة شي راجع والله بس تستقر حالة زها
وهي هاي منووو مررررتك شعليك بيها.
شعلية بيها شنوووو! عشرة عمرر اني وياها ياما سولفنا طلعنا سنين يابو سنين اعوفها تمووت وحدها بالغربة ما يكتلني القهر وتعذيب الضميررر
كلكم ماتفهموون اني بعد تزوجت بس أدي واجبي تجاهة و راجع بعد كم يوم
ضرغام: والله يردلكم كلب فارغ عمي درروح نارك تاكل حطبك.
ضلت الحركة بكلبي لا حجيت ولاتنفست وياة ادري لو احجي اتجاوز واني عصبية منا، شهب احجي وياها تحلف وتتوعد بعد ماتريدة ولا يجي ماتريد تشوفة بكلب محروك تدعي علية.
كون الله يحرگ گلبة
اسكت بيها وترجع تدعي علية يوم والثاني ماحجت شي نزلت لكيتها عالكة بين جمانة ودعاء صايرة نار بينهن.
جمانة: اكسررر راسج لو شفتج يم بنتي فهمتي هاي دروبج مو علية اعرف بسوالف الحياية كلش زين
هي وامها ملخن رواحتهن بصوت عالي يصيحن.
دعاء: ولج شسويتلها هاي فوكاها فوك ما مداريتها وافتر بيهة تعاي كسري راسي تعاي اعلمج على طولة السان شتسوي
سندس: بنتي ام الدروب لا والله انتي ام دروب وشوارع وزلم لو بيج خير ماباقية بيت طليقج بحجة بنتج ترحيلة تالي الليل تغرين بية بس حتى يرجعج يا
وجهة جمانة صار احمر فاتحة عيونها مصدومة
جمانة: يا ظالمة البخت والنفس شوكت شفتيني رحت لفقار ماتخافين الله انتي تحجين شي ماموجود.
دعاء: بعيني اشوفج تجذبينة ولو هي المثلج كلشي تسوي ويطلع بيدها لان ماعدها شرف
جمانة: اني بعد اليوم ما ابقة هنا وسط هيج اتهامات
هاجر تدخلت تحجي هي تعبانة كلش بعد الصار وذهب اجتهن بالعصا طردتهن تغلط عليهن وحفصة شكت ثوبها لان ضربت بنتها وصارت بالنعل لو ما اجو ولدهن وطششوهن لمت جمانة غراضها واخذت بنتها اجة فقار وهي سولفتلة الاتهامات
جمانة: بعد اليوم اني رايحة
جيبي ود وروحي.
اخذها وبيك خير احميها من شرهن وسحورتهن
يشربن بيها يخبلنها تاليتها واني راجعة اخذها منك للابد لان اعرفك ماراح تحافظ عليها وترجع حالتها اتعس من قبل بس بذاك الوقت ماراح ارجعها الك اتذكرر
طلعت وجهها احمررر صاير ود اخذتها جوري صعدت بيها البنية مقهورة على امها فتح فقار ازرارات قميصة وكف ردنة دخل مثل الاعصار يصيح بصوت عالي خلسهن خلس حتى احنا خفنا من يمنا.
فقار: انتن شلون تتجرأن وتحجن على ام ود كلام مالة صحة؟ منووووووو الشافتهاااا تجي لغرررررفتي اررريد اعرررررف منوووو؟ هي الدرج ماصاعدتة شووووووكت اجت يمي وشفتنها اني ما شايفهااا منيلجن هذا الكلاااام هسة تجاوبنيييي
صوت واحد مانطقن ضرب الباب بقوة خسفة يصيح بيهن...
ماتخاااافن الله تطعنن بشررررفها
شعليجن بيهاااا شعليجن يمجن كرباچن
اجت دعاء تبجي وتكلة.
تتهمني اني السبب بحالة ود اني اني أذي طفلة صغيرة شنو استفاد اذا اذيتها حتى العقل مايصدكها حايرة بيها واحاول بكل ماكدر اغير نفسيتها هيج تتهمني
وامها من صفحة تشكي وتحجي سكتهن بكلمة
فقار: اليكعد بهذا البيت مالة علاقة باحد غير نفسة غير هذا الكلام يتفضل بررررا
عافهن وصعد بقن يحجن وراة وحفصة تكول
هو شنو بيتة ويتحكم بينا حالة حالهن هنا مو بيتة.
نزل فقار شايل ود وياها جنطة ملابس تلكتة امها تسال بية: وين ماخذها يمة وين
فقار: اخذها لامها
عافها وطلع بقت ادك على اخدودها وتدعي على السبب لليل السالفة مفتوحة وكلهم يحجون
اسامة: من الاخير يرجع جمانة ويخلصنة هو مايكدر بنتة تبتعد منه وميبس راسة تيبس
عدنان: اذا مالة نفس بيها يتزوج غيرها
ضرغام: بهاي الهوسة يتزوج ماريد روحة اني لو ادري ولا اتزوج اذا مو وحدي
اسامة: مجبور هو.
عدنان: وشعندة بغرفتة منو يما بيت شكبرة شكدة
ضرغام: لا هو دار ايتام ولا هو دار مسنين وارامل
سندس: عليمن تذب
ضرغام: احد يمج المسنين ماحجو الايتام ماحجو بس انتي لازم تحجين.
عفتهم واحد يصد والثاني يرد صعدت فوك امير عفتة يم شهب يتابعون مسلسلات ويغيرلها جو واني خايفة من سكتتها هاي احس ما تعديها على خير ماصدك بهاي سكتتها بدلت انتظرت ضرغام يجي تاخر دزيتلة مسج رد علية.
ضرغام: نامي عندي شغل برا صار
شغل شنو.
صديقي جابلي سيارات اروح اشوفهن
مانمت قريت جزء من القران هديتة لاهلي وقريت زيارة عاشوراء اخر شي نمت عيني ماتاخذ نوم والوقت تاخر اتصل بضرغام مايرد كلبي حسني ضرغام ما رايح لصديقة لبست شالي ونزلت جوة الغرف كلها مسدودة اخذتني رجلية لغرفة اسيل اريد اخلي اذني واسمع شي صوتة ماكدرت وكلبي صار نار كعدت بالصالة جوة كبال غرفتها اذا يجي اشوفة اجة من برا واذا طلع من غرفتها اشوفها.
كاعدة وادعي لو يجي سابح بدمة ولا يطلع من غرفتها وجهي صوفر وكلبي لزمني من تحركت يدة الباب نفسي كطعتة بين ما انفتح ضهرة صار علية وهي بوجهي شعرها نازل جسمها طالع تعدل بية جمدت بمكانة من شافني كمت من مكاني طلعت للساحة من اجة وراي تخبلت مشيت اطلع بالشارع لزمني من ورة صوتي انبلع اريد اصرخ ماكدر وجعني گلبي ضربتة بقوة انداريت علية صرت ما اشوف بعيوني.
ليش ليش رحتلها ليش.
ضربتة بكل قوتي ما لزم ادية حتى بوجها ضربتة دموعي تجرري بصدري نار اشتعلت.
بعد ماريدك كسرت كلمتي جذبت علية
تروحلها بالختلات ماريدك بعد ماريدك لاتجي يمي
مشيت والرجفة بجسمي صعدت الدرج بايتين بايتين وهو وراي مايحجي شي ركضت للغرفة ماكدرت اسد الباب ركضت للحمام سحبني فرفحت بين ادية.
لاتلززززززززمني عوووووووفني
ضرغام: بس صوتج صوتج والقرآن والكعبة هاي اول مرة اروحلها حرمت علية كلولي حرام علية.
لاتبررررر روحلها ماريدك بعد
فلتت روحي منه ركضت للكنتور طلعت ملابسة شمرتهن بوجهة فتحت الخانة الثانية اشيل واركعهن بيه هنا والتعلاكة.
اخذهن ورووووح يلا رررروح منا لا احررررك اطلع ماريد اشوف وجهة بعد يلا يلا مناااا منااا
ضربتة على صدرة ادفع بية ما اباوع بوجهة لزم ادية نفضت روحي منه ماريدة يلزمني لطم على راسة من شافني هيج مو بيدي والقرآن مو بيدي
ضرغام: ولج لاتموتين كلبج يا مصيبتي كلبج.
خل اموووت خل اموووت واشبع منها روح محد
يلزمك بعد
جمعت كل الملابس بالكاع بعشوائية لميتهن وطلعت شمرتهن برا لزمني بقوة من ايدي لمهن بيد وحدة وبرجلية شمرهن بالغرفة وقفل الباب واني لو اموتهن ثنينهم ما ارتاح ادري بالحلال وادري مرتة وراح اتخبل شي مو بيدي اتخيل هو يمها وراحلها اموووووت.
رفعت ايدي اصيح بية
اطلع منا اطلع الا تشوف وجهي الثاني.
عمي قابل قااابل كلشي سووووي بس لاتمووتين اشتعلت ارواحهم اشتعلت كو 0 اني وسمعتلهم
كلب ابن سطعش كلبببب وسمعتلهممممم
لاتحجيييي روح كمل ليلتك رررروح ابوووو النسوووان مايجي بعينك كلشي ماتنملي عينك امشييي روح غيرررر مليت مني هو هذا ابو النسوان وسوالفة
ضرب العطور بيدة فلشهن ركع المراية بوكس فلشها والكزاز انثر خليت ايدي على وجهي وهو يصيح بعصبية.
ضرغام: بس اليووووم بس هالمرررررة من اجت ولهذا اليووووم هاي اول مرة اروحلها صرررت ابو نسوان صررررت
اطلع. منا اطلع كسرررر غرفتها راجع علية اطلع لاترجع هنا
منها للكبرررر ان شاءلله طااالع ارجعلج بتاااابوت كووون حتى ترتاحيييين
دفر الحايط مثل الخبل حتى الخبل مو مثلة يطلع يغلط عليهم بصوت عالي طلعت وراة بدون مايحس اشوفة يروحلها بهليل عاف البيت وهج لاكتني اسيل تكلي.
هججتي الرجال بهليل طالبتنة طلابة مثل ماهو رجلج رجلي ماتخافين من الله انتي ساعة ماطول يمي هم رجلي هو
انعل ابوج يابو رجلج راح اجيج اكمل بيج واعلمج هو شعر النعل خربتي بمخابراتج اخرب خلقتج وابرد كلبي بيج
رجعت ليورة خافت مني والله صدك اني اخوف من اصير عصبية اضرب بكلشي واحجي كلشي ما اهتم
طلعت دعاء ولو حاجية حرف كدامي جان خليتها وكتلتها صعدت افور وردة تلوحلي بيدها وتبتسم سويتلها بيدي وصحت بيها.
خيررر شبيييج.
ورد: والعباس مابية شي
راحت لغرفتهم تركض دخلت للغرفة مفلشة وملابسة منثور عليهن الكزاز والعطور والمكياج بصفح دخلت لميت ملابسي ورحت لغرفة شهب
دكيت الباب بقوة يلا فتحت الباب تفرك بعيونها دخلت وفتحت الكنتور طلعت ملابس قبس كلهن علكت بدالهن ملابسي واخذتهن كلهن بيدي شمرتهن بالغرفة مالتي فوك ملابس ضرغام رحت للحمام طلعت قاصر نكعتهن وخاصة البنطرونات وشهب اجت تباوع باستغراب...
هاي ليش اخذتي ملابسة تذبين عليهن قاصر
واذب عليهن تيزاب هما وملابسهم خلي النسوان تفيدهم امشي روحي جيبي القاصر مالتج نرشة عليهن
لا لج والله ذني غاليات ملابسهم ماركة
خلي النسوان تجيبلهم ماركة وعبالهم اطلع من البيت اذا ما اخبلهم واخلي يركع راسة بالحايط ما اطلع اخت كواكب ام دجة
شبيج تخبلتي
تخبلت رايحلها اخ لو الزمة لو مدججتة
وريحت كلبي ااااخ
هي هم مرتة
خزرتها بقوة طلعت تركض صحت وراها
االفاهية امداااج اي والله.
ذبيت حركتي بالملابس ادوس عليهن بقوة وارفس
من تعبت ومليت طلعت وركعت الباب وراي رحت يم شهب لكيتها بفراشها لزمتها من اذنها بقوة
شوفي لج يجي رجلج مايدخل الغرفة واني ما اطلع منا ومو بس من يجي تطرديني وتنسين حظ حظج اطيحة سمعتي
لا عادي ابقي هنا اني هم اريد انتقم منه واحرك كلبة بعدين اعوفة
اي مبين بس لاتدخلينة وتبيعيني.
هزت راسها اي نامت واني بقيت اتكلب ماكدرت انام الحركة تاكل بية اكل اخذت ملابس سبحت اريد ابرد ماكو للصبح طلعت اريك امير وهاي نوم ماتطلع تريك امير وراح يلعب من كعدو كلهم اجة هو يفرك بعيونة ويمط بجسمة وحسن يكلة
البيت شكبرة عايفة تنام بالسيارة جان اجيت يمنة.
طلب من امة ريوك ولا جنة يشوفني تريك وصعد فوك درت بالحديقة حتى لو يريد يحجي محد يمنا اطلع الساني اغرد علية اشوفة طلع من البيت بملابسة شفت حسين واخوة يتريكون لزمت كلبي كتلهم.
تاخذوني للمستشفى؟
حسين: مرت ابن عمنا الخوش ادمية سلامتج نجيبلج كادر ونجي
لا ماريد اخذوني بس اخذوني
بالخدمة
كعدت شهب لبست ونزلت بلغت ذهب صدك فحطت بس مو ذاك الوجع.
ذهب: شمالكم البارحة امالخ صرتو
ماكو شي.
اي واضح ماكو شي هل خليتي الفريخات ياخذونج
هسة اني اريد اروح مالة غرض بية اموت احسن وابيلكم خل اجيك روحي لايصير بية شي من حركتة اني مرة مريضة
عمي روحي السانج شطولة بس حيل وياة يلة من توصلين اكلة راحت للمستشفى
طلعت كوة ضامة ضحكتي حسن اخذ سيارة هو يسوق واخوتة يمة صاعدين كلساع ودارو وجههم علية...
حسين: اصبري مرت ابن عمنا لاتموتين راح نوصل
محسن: بابن عمنا ولا بيج حرامات مريضة
حسن: عوفوها رحمة للكائنات.
حسين: سوق واسكت يلا
محسن: اتفق وياك بلا صوت هامس
حسن: راح اوكف السيارة وبالنعال اكطعة على روسكم
حسين: قندرة لابس انتبهة عزبزي
اخذو الطريق مناكر وثنينهم علية طابكين جلطوة نزلت وهما وياي ولا عافوني بقينا كاعدين ننتظر سرانا وحسين يلعب بموبايلة رفعة يخابر.
الو ابن عمنا. زوجتك اختنا وتاج راسك هسة هي بالمستشفى نقلناها حلكها يبس خطية ويمكن تودع بيكم ولا بيها، لا شنو نتشاقة هاك موحسن كلة احنا وين.
محسن: ابن عمنا يؤسفنا ابلغ الخبر المؤسف انو زوجتك الجميلة بالمستشفى
انطة الموبايل لاخوة يكلة
ما خلاني اكمل
حسين: هم يلة يوصل بس اكلج خوية مدري شسمج سوي روحج مواتة بعد عيب تجذبينا
نيزك: هو اني مواتة عليمن اجذبكم
اجة دوري دخلت سويت تخطيط قلب والدكتورة تشرح حالتي وتنصحني بالهدوء التفتنا ثنينا من اندفر الباب بهمجية ودخل ضرغام كامت الدكتورة تكلة: انت باي حق تدخل الغرفة.
فحطان وعيونة دم كوة يجر النفس دخل يباوع بوجهي اني كلبي يوجعني وكاتمة بجي بداخلي من شفتة نزلن دموعي وجريتها بجية نزل علية لزم ادية مايكدر يحجي صدرة يصعد وينزل.
زينة زينة انتي؟
هزيت راسي وطلعت أصلاً خلصت من الدكتوره طلعت وهو وراي بس يريدني احجي ويسمع صوتي
كولي عليج الله كولي زينة انتي زينة احجي ماتحجين فدوه احجي كلبي راح يوكف اني ك
واعدم روحي اعدااام بس احرك كلبج بس حاجيني.
كعدت على الكراسي وابجي من صدك وكف يم راسي يحاجيني ما احاجية.
حسين: عمي عوفها هم تجلطها وهم تريدها تحجي الله يساعدها باقية وي واحد مثلك بكد الجاموس الاسود
ضرغام من خبصتة وخوفة ما سمعة لو سامعةةجان لزكة بالحايط بس اني سمعتة وحصرتني الضحكة اتذكرت كواكب من تكلة بعيجي الاسود وهو يتخبل عليها مو جاموس اسود يثرمهن.
مسحت دموعي وكمت
ضرغام: اروح احجي وي الدكتوره خلصتي انتي
ماكلتيلي اخذج.
حسين حجيت وي الدكتوره كالت بس ابقي بهدوء وعيشي هادئة
ضرغام: حسين شعلية راح ادفرة مو وياج
حسين: وين الهدوء وكلها تتعارك على الورث
العندي تتعارك على النسوان هو اني باجر عكبة ميتة خلي النسوان تفيدة اني عمري كصير الدكتوره تكلي
حسين: من عمر حفصة وسنادس وبناتها ثنينهن وبنات عمي كلهن على عمرج
محسن: يصير طويل كلش بالعافية عليج
ضرغام: شكالت الدكتوره ارجعلها تفهمني.
حسين كلبي تعبان ماتفهم صدمات طن صدمات تحمل شيتحمل اكثر كالت ارتاحي يا حسين وعلاجج التزمي بية
حسين: اني سمعتها كالت سافري حتى ترتاح نفسيتج
محسن: حتى اني هم سمعتها وكالت لتركيا لو سنغفورا فرد مرة تطيبين كلش كلبج يصير حجر
خليت عباتي على وجهي ما اتحمل كلامهم ذولة يموتون ضحك وضرغام يلطم يريد يفتهم ماكو بهمبلون علية تهمبل رجعت بسيارتهم وهو تخبل الا وياي ترحين كعدت مارديت علية خليتهم هما يحجون.
حسين: هي الدكتوره كالت لاتحركون كلبها عمي عوفها لاتموت بيدنا ماتشوف وجهها اصفر
ضرغام: انت عيونك افكسهن تباوع بوجهها هسة اسحك راسك بالتاير
محسن: هاي فوك ما نقذنا روحها من الموت ورجعناها عايشة
ضرغام: انزلي وياي اشوفلج دكتور زين انزلي
غطيت وجهي بعباتي اباوعلة من ورة العباة يشيل روحة ويدكها بالكاع كل هذا وما يوصل لحركة كلبي نزل الولد من السيارة وشمر عليهم سويجة
ضرغام: ارجعو بيها يلا ولو.
اخذو المفاتيح طارو بيها طارو صعد وشغل بقيت على وضعي ولا رفعت العباية اسمعة يحجي وي نفسة بصوت ناصي بعدين رفع صوتة يسمعني
بس اريد اعرف بعقلج شي انتي شمسوية بالغرفة ملابسي شمسوية بيهن هسة شلبس اني بس اريد افتهم عمي هاي لو غيري اخذوج من ايدة للنجف
ماتحملت اسكت وهو ابو الراهي
نيزك: هو انت شخليت بية بعد كم يوم وللنجف بيدك ادفني وارتاح واتزوج عشرة بلكت يشبعنك.
ضرغام: ليش تخليني افشر واغلط واخلي حتى المرور يسمع
هو انت فاسد وهمجي بس تفشر من صغرك فاسد متربي على طولة اللسان اني شعلية
خليني اسكت وابقي ساكتة احسن
هو ماعاجبك صوتي صرنا عيعععع اي ليش لا البديل احسن اتهنى ابن عمي
سكتت بعد ولا حجيت نزلت وهو وراي يخابر بحسين مايفتح علية سبهم لان مارجعو سيارتة صعدت لغرفة اختي دخلت اطمنها اندك الباب وصوتة عالي يصيح.
اطلعي ارجعي لغرفتج المن باقية هنااا.
نزعت شالي وتمددت غطيت راسي وهو يحجي وشهب خايفة تحاجيني.
شهب: كومي لج راح يلم البيت علينا
خيولي معليج بية
شوية والجبانة راحت فتحتلة الباب دخل فوك راسي اسمعة يكلي: كومي يلة كومي
مارديت علية
كومي اكلج ادري بيج كاعدة
وشتريد ما اكوم تريدني اكعد بالخرابة كسرتها واروح اكعد بيها لو اموت ما اكعد وهذا حالها
شبية حالها بس رادلها كنس وجامة تبديل
ترجع مثل ماجانت يلا ارجع وبس وحدي محد يدخل للغرفة.
طلع ماسمعت صوتة للعصر سهلة تحجي علية وهما محاجينة ومن هذا الكلام كعدت اسوي حلويات مشتهية إلى ولامير وسهلة يمي كاعدة اسولف وياها
اكلج عمة منو ذولة الاجو بالعيد
كرايبنا
ها لعد ليش فقار طردهم وامة تخربطت من شافتهم
باعي هذا الولد يصير خطيب بنتها الجبيرة الله يرحمها
ليش هي عدها بنت ميتة؟
ثنين بنات راحن
يما والله خطية الله يساعد كلبها.
اي وهذا هي ما رايدتة لبنتها اخذتة عن حب ضلت امها زعلانة عليها ماحضرت عرسها وماتت وهي زعلانة منها ومن يومها بعد كطعو علاقتهم بينا
هو تزوج ومحد خسر غير هاجر خسرت بناتها ولحد الان تكرها وتحسبة السبب بموتت بناتها
االله يساعد كلبها
ويساعد كلب فقار
فقار ليش؟
مو هو اخوهن الجبير يموت عليهن جان مثل ابوهن وخاصة الجبيرة صارت وراة كلش مقربين جانو انكسر فقار عليهن وهاجر من ذاك اليوم ولهذا اليوم الله لا يراويج ذكرى الوفاة شيسوون
الله يساعدهم والله قهرتيني عليهم
هذا حال الدنيا بعد مو كلها تنجمع فلوس وصحة واولاد
كملت حلويات قدمتلها وخليت لذهب والباقي غلست عليهن اخذتة فوك وزعت للبنات ورد اجت يمنا تسولف وتاكل.
ولجن اخوي عندة حبيبة
رفعت حاجبي مامصدكة.
ورد: ولجن متروس خراميش بركبتة وايدة
حست على نفسها وسكتت شهب مخلية ايدها على حلكها.
شهب: ما احس يسويها ضيغم
ورد: هو اخوي مايحب الحرام والله ادري بية بس ماعرف منين اجتة الخراميش ها يمكن بزونة طفرت علية
نيزك: وانتي شمعرفج بهيج سوالف
هو منو المايعرف ولجن امي وابوي تعاركو علية لان يتاخر ومرات يبات برا البيت يكول يم اصدقائي
شهب: يمكن صدك يم اصدقائة
يمكن صدك وهذا سمار مخرمشة متعاركين
بس اذا بقى هيج ابوي يزوجة.
ضرغام بدل المراية والغرفة ما دخلتها بعد واني كاعدة وكف على راسي يريد يحجي.
ضرغام: ام امير اصعدي فوك عيوني
لان كلهن يباوعن بصوت مسموع كتلة
ادلل
كمت صعدت قبلة واني ما احاجية من ذاك اليوم
فتحت الباب دخلت منظفة ومعطرة العطور والمكياج على الميز كلهن جديدات والمراية شادها
دخلت اكلب بالكنتور بية كم قطعة ملابس الة جايب انداريت علية من دخل صفگ ايد بايد.
ضرغام: يلة وهاي الغرفة نعلتها وصخمتها ارتاحي ارتاحي ورجعي ملابسج يلة
لا تتامر بكيفي
رحت لغرفة شهب بقيت الليلة يمها ومن الساعة بالسبعة راسلتة
روح بغرفتك يلا واقفلها
مو دجاجة انام بالسبعة
بكيفك تمام
طلعت مديت راسي قبل ثمانية صعد لغرفتة خفت لا تجية بالليل صعدو الولد صحت عليهم اجو
اكلكم اليوم روحو يم ضرغام نامو
حسين: حتى يطلعنا دفرات شكو رايحين يمة
غيرو جو شبيكم
حسين: كولي غيرها واحنا نروح.
بينا الحجي اخاف الحية تصعد يمة واني ماكدر ابقة يمة انتو روحو
حسين: شنو المقابل اقصد فلوس
كل واحد خمسة وعشرين ها
راح نروح يمة صدك تحجين حتى نذكر محاسنج
عوفو محاسني وامشو وياي
اجو وراي فتحت الباب دخلت جان يكلب بتليفونة فتحت الباب دخلو الزوج واني وياهم عدل كعدتة وقبل لايحجي كتلة...
شوف من الاخير ذولة ينامون هنا واذا تريد تجيب اسيل ام شعر السيم كول واطردهم اذا طردتهم معناها فهمت مو يلة نامو عيوني نومة سعيدة
محسن: تقصدين شنيعة
ضرغام: تحجين صدك؟
تريد تجيبها كول؟
طلعت وعفتة وشهب من احجيلها ماتصدك
ثاني يوم ضرغام مايباوع لشكلي ولا اني حتى مو بالي ومن يدخل اطلع حقدت علية اضعاف وبودي اكطعة قبس اليوم يرجع وشهب ساكتة تكلي اسوي اكثر ماسويت وخايفة من تذكر ملابسة انعدمن.
جاي اشر ملابس وامير طلع للشارع راحت شهب وراة تجيبة سمعت صرخة وطبة قوية كلبي لزمني وطلعت اركض انصكيت بمكاني من شفت شهب مشمورة ودمها بطولها.