رواية ولد الباشا للكاتبة فاطمة الأحمد الفصل السادس والعشرون
ال بتراء
ضويت الصاله و دورت بكُل زاويه ماكو
نزلت على ركبي ادور تحت الميز ماكو، فجأة الصاله صارت عتمه.
بتراء: دخيييلك يا على سَند، ااخ راسي
بهل عتمه ضربت راسي بالميز مثل التايهه ما
اندل دربي، وگفت اتلامس مُحيطي خطيت خطوه وفجأةً
انضربت بصدره، دخل ايده لشعري ورفع راسي لوجه، ضوا شاشة موبايلي بوجهي و اردف.
تدورين على هذا؟
بلعت ريگ، الدم نشف بجسمي خلص انتهت اللعبه، هزيت راسي اي وهو نزل ايده من شعري بهدوء وطلع موبايله.
دخل على تطبيق شغل بيها اضوية الصاله.
ضليت اناظر حواليا بإستغراب ورجعت نظرتله.
طبگ تلفوني ويا تلفونه ويحچي.
علي سَند: نفس موبايلي.
بتراء: م ما لاحظت انت هم توَّك تلاحظ.
بالعكس آنه ملاحظ كُلشي ومن زمان.
بتراء: ملاحظ شنو، انت هسا گلت نفس موبايلك. و ليش يمك جيبه.
عبن حسبالي موبايلي شلته بدون إنتباه.
وشغله ثانيه، ملاحظ بس ما احچي.
تقرب وتلامس خصلات شعري، عيونه يتفحص كُل ملامحي.
ملاحظ تفاصيلچ انتي تذكريني بعابر سبيل.
اجيت اسحب تلفوني من ايده ما انطاني
بتراء: وين أكو عابر سبيل ينذكر، انطيني موبايلي.
أكثر عابر سبيل ترك أثر، ريلاكس مو لازم بالأول ألگى اجوبه على اسئلتي!
بتراء: روح دور بغير شخص ليش تجي عليَّه، انطيني الموبايل خل اصعد غُرفتي.
عيونه تتفحص وجهي ورقبتي، خفت لا شايف الگلاده، تلامست رقبتي وتحسسته تأكدت الگلاده تحت ياخة التيشيرت، تقرب خطوه وآني تراجعت خطوه.
علي سَند: عطرچ مو غريب عليَّه.
بتراء: م ما مخليَّه عطر، بدون بهارات من عندك.
عطر رباني بعدهه بخشمي ما يروح من بالي.
تراجعت أكثر وهو يتقدم ويحچي كأن فعلآ كاشفني، بس يريد يسمع اعترافي.
بتراء: انطيني الموبايل او انادي خاله يَقين خل تجي تربيك.
شعرچ، عيُونچ، ول يا على سند! مستحيل.
احساسي يغلط.
بتراء: خربإحساسك عود مؤمن وخر من وجهي
خاال.
سد حلگي ورجع طف الضو، لزمني من خصري
حاوطني، وهمس بوجهي
علي سَند: رجال صايم مصلي وعابد ربي.
مو فاجر بس ما تجين الا هيج.
رجع موبايله لجيبه وموبايلي شمرها على القنفه
ومد ايده بإتجاه رقبتي، عضيت ايده اللي على حلگي وضربته على رجله.
تألم من العضة وآني اردفت بتهديد.
بتراء: مو سكتنالك مره گال هذا هو اگدرلها ولك آني اربيك واربي عشره امثالك.
لزم اصبعي اللي چانت موجهه ناحيته، حاولت اسحبه ما گدرت، اقوه مني، اردف.
اصبعچ اگصه واخليها گلاده بنحرچ لو انرفع بوجهي.
رفعت إيدي الثانيه بتحدي وهو لزمها، قيدني
وحظني من ورا.
بنيه فحله ليش تعاندين وتتحدين؟
بتراء: وخرر وعلى األلم البيت على راسك.
منو تلمين هي بس أمي والبقيه ببيت الخدم ينامون.
بتراء: امك تكفي وتوفي، تسويلك إعادة ضبط، وتعلمك الرُقيّ يا أدب سزز ياا وغدد.
هدي شويه انفتگتي علينا، لو تسمعچ تربيچ انتي، ما تربيني.
بتراء: وخر إيدك لا اتخبل عليك والله العظيم.
ليش گلتيلي أنچب؟
بتراء: آني ما عليه خاله يَقين گالت عليك
أنچب.
هي گالت انتي ليش تحچين وراها، ببغاء خوما ببغاء؟
بتراء: على سَند!
يا هلا.
بتراء: خاف االله شويه أُحرم عليك واذا تتمادى من باچر ما ابقى ببيتك، اطلع وادبر حالي.
من گلت هيچ رخى إيده وضل ساكت لثواني
ومن بعدها دارني عليه، ضلام دآمس بس عيونه مبينات.
تمام كلامچ صح آسف.
بتراء: بيا مصرف اصرف الأسف مالتك بسس وخرر.
تمام تمام ساعتي علگت بالتيشرت دقيقه
علي كيفچ بويا على كيفچ مو هيج لا تتحركين.
علي كييييفكم شجاااااي يصيررررر.
فزينا لمن الصاله انضوت واحنا قربين من بعض
بس مو بذاك القرب، المهم واحد صافن على الثاني من الخوف، اجت خاله يقَين بينا ودفعت على سَند من صدره وتنظرلي بنظرات كُلها عصبيه.
يَقين: شهل مهززززله المرااااهقين ما يسون سوااايتكمم.
بتراء: خاله والقرآن وروح امي ماكو شي
يُمه فهمتينا غلط، خل اشرحلچ.
يَقين: ولك أنچبببب شني تشرحلي شفتكم بعيوني حاااصرها بحظننك وتگللها على كييييفچ.
بتراء: خاله ساعته چانت عالگه بالتيشرت من ورا والله ماكو شي من اللي ببالچ.
يَقين: و إااايده شعنننده شُغل يم خصررررچ.
احاول اتمالك نفسي ما اگدر نزلن دموعي.
وعلي سند من شاف هيج حاول يتدارك الوضع.
يُمه وداعة عيُونچ سوء تفاهم وآنه السبب.
يَقين: هوو آني مااا عررفت ااربييك ولك مااا تخاااف الله ااانت؟ وااانتي شلووون تسمحيييله شلووون
شهللل طيييش شهل استهتااار.
أمسح دموعي واحاول ابرر الصار، أما على واگف محتار وكله بسببه.
بتراء: خاله والله العظيم سوء تفاهم آني ضيعت تلفوني واجيت أدور عليه بس.
آنه تماديت و ما چآن لازم هيج اتصرف
هديت عليه احجي واضرب صدره.
بتراء: مووو بس تماااادييت ااانت حتى تغلط بالحچي وياااي عبااالك حااايط نصيص وتگدررلي اااني بعددد دقيقه وحده ماااا بقى ببيت رجااال ماااا يحترم ضيفته ويتمااادى حدوده وياهااااا.
چآن واگف بدون حركه وخاله يقين مقهوره من الموقف حتى حسيتها كرهتني وهنا زاد القهر بگلبي، الإنسانه الوحيده اللي خلتني احس بوجود أمي خيبت ظنها.
ابتعدت خطوه يم التخم، شلت تلفوني وطلعت من الصاله بدون اي تردد توجهت للباب وطلعت من البيت بإتجاه البوابه الرئيسيه وهنا على سَند صاح ورايه.
براااء ارجعي خل نحجيييي واصحح موقفي وياااچ.
بتراء: خويا افتح الباب اريد اطلع.
ما اريد مشاكل ويا المعلم على سَند.
بتراء: لعد انت تريد مشاكل وياااي، افتح الباب اااريد اااطلع.
فورا فتح الباب وطلعت من البيت امشي للشارع العام وابچي من القهر اللي بيَّه، درت وجهي شفته يلحگني ركض، اسرعت خطواتي مثل اللي تهرب منه.
بتراء: ااالله يعلنك جاااسر كله بسبب جاسر كله بسبب جاااسر لوو من اول رااافضه.
مسحت عيوني والوقت عابر ال 10 بالليل وصلت للشارع العام وكلها سيارات مُسرعه تُمر، وگفت بمكاني.
وألف تفكير براسي من جهة الفراشات الثلاث.
وحده بيهن وَسن خيّبت ظني، بقن وَدق و رُقيه. إذا خيّبن ظني مثل وَسن، مستحيل اتحمل اموت من قهري.
خطيت چم خطوه واني التفت حواليا من السيارات اللي تُعبر بسُرعه، شفت سيارة جاسر وگفت بالسايد الثاني على الرصيف، تبسمرت بمكاني مستحيل ارجع لذاك الجحيم.
طلعت الگلاده من تحت التيشيرت ونزعته من رقبتي بستها وخليتها بجيب التراك.
هورن السيارات يدوي بالمكان درت وجهي على اليمين انعميت من ضو السياره كُل اللي بدر مني صرخت بصوت عالي و شخص سحبني عالرصيف، شد على حظني ويمسد على شعري.
علي سَند: آسف وحگ العباس آسف
چنتي راح تموتين ليش هيچي تسوين.
كُل بالي يم خواتي، يم الجحيم اللي منتظرني إذا جسار لگاني، اردفت وآني ابادره الحظن لا إرادياً وابچي.
بتراء: هو ااني لييش عااايشه من بعد امي لييش عااايشه، محد بقالي مااا بيهم سَند كلهم حيطان مااايله.
آنه سَندچ بس احچي وناديني تلگيني بظهرچ وحگ العباس.
أدركت فعلي وابتعدت بسرعه، نظراتي مُتشتته
وضايعه، مسحت دموعي وابتعدت امشي على الرصيف و هو يمشي وراي.
گتلچ آسف ليش هيچي تسوين وين تروحين.
بتراء: اروح وين ما روح انت شعليك.
لا تسوين هيچي وخل نرجع للبيت أنتي بأمانتي.
بتراء: آني بأمانة الله، كافي لا تلحگني ما تفهم؟
لا حول ولا قوة الا بالله العلي العظيم. اعرف بأمانة الله انتي ليشش هييچي
وگفت وانداريتله شفت سياره جاسر ورانه نزل الجامه.
بتراء: شكرآ على كل شي مستحيل انسى افضالك عليَّه و.
أُسكتي هذني مو افضال چآن وراهن سبب.
بتراء: هه سبب چنت متأكده مستحيل يكون أكو شخص يسوي هيچ أمور زينه بدون سبب، السبب شنو؟
تقدم خطوه وحده طلع ايده من جيب الجاكيت
مبين عنده موضوع.
علي سَند: براء ما ادري شلون احچي بس السالفه مُعقده.
مثبته عيوني على جاسر اللي موجه السلاح علينا
وتحت المنديل، ادرت انظاري اله لمن اردف.
من اول يوم شفتج بيها شكيت بيچ، صوتچ، عيُونچ مثلها، حتى شعرچ وكل تفاصيلچ مثلها.
بلعت ريگ واردفت بهدوء.
بتراء: مثل منو عن منو تحچي.
بتراء الجسار، بنت جسار مأسوره صار 18 سنه ويا إنسانه ثانيه تصير مرت عمي.
كلامه صدمني يعني من الأول يسوي روحه غشيم.
حتى يلگى عليَّه شي يثبت هويتي الحقيقيه، الوترني أكثر جاسر يسمع حديثنا ويهدد بالسلاح ما امشي وابقى بمكاني، ركزت بكلامه والصدمه.
لمن عرفت المخفي عني كُل هاي السنين.
عدنه عداوه ويا بيت الجسار وهو اوهم الكل بموت مرت عمي، أوهم ابنها إيمار أنه امه ماتت بالبيت اللي احترگ.
بتراء: إ إيمار؟
اي.
بتراء: أسم غريب، من الآخر آني شعليه بيهم لا اعرفهم ولا اعرفكم. بسبب تصرفك الغير أخلاقي حتى خاله يَقين كرهتني وخيّبت ظنها، آني امشي في حال سبيلي، والله يفك أسرها.
مشيت خطوه متأكده ما يسمحلي اروح.
براء أمي چانت وياي بالصار، هي ما تكرهچ چانت خُطة إستدراج.
غمضت جفني بقهر صراحته تقهرني أكثر من أنه تفرحني، يعني حُبها ودلالها كُلهن چآن تمثيل.
انداريت باوعتله بخيبة أمل وحچيت اللي بگلبي بدون إدراك.
بتراء: لعد والطفله اللي بروحي ورجفت بحظنها؟ كُل هذا چآن تمثيل چآنت كذبه.
فعلا درت وجهي ومشيت بعد خل شيصير يصير
ظل بمكانه وآني امشي وصلتني رسالة من جاسر
– بتراء ترجعين يمه او اتصل على نائل يخلص على خواتچ؟ –
بهل أثناء لزم ذراعي ومن باوعتله عبالي جاسر.
بتراء: اااعتقني كاااافي.
علي سَند: ما اعتقچ متأكد أنتي بتراء.
لزمني من متوني يريدني اوافقه الرأي.
علي سَند: أنتي بتراء اللي مأسوره روحها روح طفله قتلو امها گدام عيونها وضلت بذاك الكابوس ضلت متلهفه على حنان الأم ضلت روحها روح فراشه مأسوره بقفصهم.
تمالكت نفسي وما نزلت دمعه، اصريت اخفي عنه هاي الحقيقة، صرت احچي بصراخ والناس بالشارع تباوع علينا.
بتراء: براء برااء اااسمي موو بترااااء ااافهم ااافهم ااانت صرررت مأسورررر بهذااا الأسم مااا عندك غيرررها؟
بس هي ماكو غيرها.
بتراء: داا أگُلك اااني مو هي موو هي ليششش ما تفهم بعدين شعليييك بيها روح حرر مرت عمك من اعدااائكم.
طلع من هدوءه وبلش يحچي بإنفعال.
ااانتي هي هيييي بس مااا تعترررفين
ومرررت عمي تتحرر اااذا بترااااء گااالت مكاانها.
بتراء: هم گال بتراء ياااخي افهم اذا هي مأسوره شلون تشك بيّه اااني مو هي موو هيي
هي فحله وهربت منهم، بس بس ساعديني وحگ العباس عيوني ترخصلچ.
بتراء: هه فحله لعد لو تنتظر واحد مثلك ويدور سوالف تعبانه مستحيل يحررها. روح دور عليها خل هي تحچيلك مكان المأسورة.
درت وجهي وقريت رسالته الثانيه.
– عفيه إستدراج عاطفي مثل ما سوا بيچ، استمري –
مو بس كارهة جاسر ونسل الفُجار كارهه حياتي كُلها لو ميته ويا امي ولا هذا العذاب، رجع لزم ذراعي دارني عليه ويحاول يتمالك نفسه ويحچي.
علي سَند: بيوم الحفل التنكري التقيت بيها وضلت تردد يا على سَند مثلچ ول ول الگلاده عفت گلادتي الأولى بغرفة القصر ومتأكد هي حافظت عليها عبن مبين بنيه مالها غير الله وعلى السَند.
حرفياً مصدومه من ذكائه من أول لحظه اللتقيت بيه وهو حاسب حساب كُل خطوه، حتى لمن عاف الگلاده چآن متقصد يساعدني بطريقه غير مباشره او يترك أثر يرجعه اللي ويعرفني بيها؟
تقرب واشر على ياخة التيشيرت وعيونه تلمع بالأمل.
علي سَند: شايف شي بنحرچ يشبه سلسال الگلاده.
تلامست رقبتي معقوله يشك أكثر إذا شافها.
اشرلي بمعنى طلعي الگلاده وآني بلعت ريگ، مديت ايدي وطلعت الگلاده من تحت التيشيرت
من شافها تقرب لزمها ومرر أصبعه على الفراشات الثلاث اللي وحدة تحت الثانيه.
علي سَند: ثلاث فراشات ووشم ثلاث فراشات؟!
بتراء: قبل لا تگول شي، أمك اشترتهن وگالت هديه مني وآني رفضته لأن فضه وكرستال و أكيد سعره غالي، بس هي أصرت اقبلها.
تريدين تگولين أنتي مو هي وهذني الفراشات ما الهن اي رمزيه عندج؟
بتراء: عفيه بلشت تستوعب الكلام.
تقرب خطوه وحده صرنا وجه بوجه اردف وعيونه تنظر لعيوني.
إذا طلع كلامچ كذب وانتي ذيچ المأسوره.
وچنتي تلعبين ختيلان وياي، اندمچ وحگ العباس احرگچ بناري.
بتراء: عُمرَك شفت رماد يحترگ؟
ضل ساكت ما جاوب، سلم على واحد مر بصفنا واردف.
علي سَند: أمشي وياي مثل الحبابه أو استخدم الطريقه 666.
شبك أصابع ايده بين فراغات أصابعي وجرني وياه
بتراء: ولك منووو تهددد منوو عووفني مااا ارجع وياااك.
چآ شني اعوفچ بالشوارع هو آنه نُص العراق معاديني انوب يتعرضولچ بسببي، امشي بويه امشي انتي أمانه عندي.
أمشي غصب عني واباوعله شلون عنده اصرار.
الناس كلها تباوعلنا وآني اعارك.
بتراء: شنو اانت بكيفك خوما بكيفك ما ارجع وياك ماا ارجع يااا نااس هذا خاطفني خاطفني.
اخوان چذابه وحگ العباس ما خاطفها، عدهه انفصام الشخصية اعذروها يلا بتوره بدون عناد.
بتراء: شگلتتتتت شگلتتتت.
اها نسيت اقصد بروره.
بتراء: دخيلك يا على سَند دخييييلك.
ولك شنووو عندي انفصااام أعقل منننك ومن ااابوووك ااعقل منكممم.
علي سَند: حبيت، ماعندچ مُشكله گتلج بتوره بس عندچ مشكله گلت عليچ مريضة انفصام الشخصية.
بتراء: شبيييكم تباااوعون سااعدووني هذااا خاااطفني خاااطفني.
اختي ارجعي على بيتكم عالساكت احنه اهل المنطقة كُلنا نعرف اخلاق ابن الادهم ماكو داعي تحاولين
أجيت اهد عليه على سَند لزمني من خصري وسحبني.
بتراء: منووو ترررجع على الساااااكت منووو، اخلص علييك، ولك سَندددد عوفنيييي اشگه شگ ولك آني مووو بحاااالك اااني مووو بحاااالك ااانوب ااانت تطلعلييييي.
علي سَند: تمام تمام اعصابچ، خويا اعذرها ضيفتنا مو بعقلها، هسا تصير عقلها عقل طفله وتنكر هذا الشي، يلا حبيبي خل نشمي يلا بويه امشي عيب الناس يضحكون عليچ ما يصير.
يمسد على شعري ويحچي بالإشارة وبعيونه
بتراء: شگاعد تمسلت ما فهمت، لااا تچذب آني مو طلفه وانتو ما عدكم غيره هااا ما عدكم غيرره بنت بلدكم اااني.
هههع خويا ترا انتي بالعراق مو بأوروبا وكل احنه وياچ من تحتاجين شي، بس انتي عقلچ مو براسچ نعذرچ.
عدنه غيره بس مو معناه نتدخل بأموركم العائليه، خويا على سَند ودي ضيفتكم للبيت خطيه مبين وضعها تأزم.
حاوط كتافي ويبتسم بتسليك الهم مشاني بالفرع مالتهم وآني عقلي تفرمت هذا مستحيل يعتقني. دخلت من الباب الرئيسي، ابتعدت عنه بإنزعاج وهو لاحظ اسلوبه الغلط.
علي سَند: تستاهلين آنه مو آسف عبن ما تجين إلا بالعين الحمره.
قريت رسالة جاسر
– حيه صفره بس كيوت والله ما مبين عليچ –.
قفلت الموبايل ورجعته بجيب التراك ويا الگلادة، وگفت بمكاني وتچتفت، هو اندارلي.
علي سَند: امشي.
بتراء: اعتذر مني.
كُلِ دا عشان مصلحتك يا گميل، اعتذار ما اعتذر.
بتراء: خطوه وحده ما اخطيها لبيتكم اذا ما تعتذر عن الإهانات اللي سببتها.
ما اهنتچ ردت أجوبه على أسئتلي.
بتراء: تمثيلك بالمثاليه والرجُل النبيل اللي يحب الخير ويساعد الناس بدون سبب، ما تعتبره إهانه؟
موهبه مو إهانه، يلا بيب اوه اعتذر تفضلي آنسه.
دار وجهه عود يضمن ادخل وراه بعدما الحرس اللتمو حواليا عود ما اگدر اهرب خلاص.
بتراء: على سَند تعتذر ااو لاااء؟
دار وجه باوعلي ونظر بالحرس الموجودين، اردف.
لاء.
هزيت راسي ب وعيد واقرب حارس مني رحتله
وگفت گدامه وهو خلى إيده على المسدس.
بتراء: اجربه فقط لا تخاف.
---: زلمة المعلم على سَند، نخوف ما نخاف
علي سَند: استقري مو وگت هرمونات السوبر وّمن اللي عندچ.
هزيت راسي ب اي اي ودرت وجهي تراجعت. كم خطوه ورجعت عليه بسرعه سحبت المسدس من خصره وهو رفع إيده، البقيه حوالينا سحبو المسدس بوجهي.
بتراء: زلمة المعلم على سَند رافع إيده عود يخوف ما يخاف.
معلم مبييين جااسوسه اقتلها؟
معلم البنيه بإيدها سلاح انطي أمر وافض موضوعها.
بتراء: على سَند اعتذر يلا او.
واگف بهدوء كأنه راهن على شي وما خايف من تصرفي، اردف وهو يتقدم بهدوء وعيونه على ملامح وجهي.
علي سَند: أو شني؟ ، احچي يل فحله وحگ العباس فحله، فاضل انت انچب.
أشر على الحارس اللي گال نفض موضوعها.
تراجعت خطوه وچنت راح انظرب بنفس الحارس قبل لا يلزمني، على سَند صاح.
علي سَند: ااابتعد ولا تطخ شعره منها.
نظرتله و هو رفع إيده بمعنى تمام ما اطخها درت وجهي لگيت على گدامي، حاوط خصري وآني خليت المسدس براسه.
بتراء: تعتذر او افجر راااسك المربع هذاا.
ضحك بكُل حقاره والحُراس حوالينا يضحكون عالواهس، لزم إيدي البيها المسدس وثبتها بگصته.
علي سَند: يلا.
بتراء: گتلك اعتذر شنوو الموت اااسهل من الإعتذااار.
علي سَند: ما غلطان حتى اعتذر.
بتراء: ااقتتتلك ترااا.
علي سَند: بس خل اقرأ الشهادة اذا مابيها مشكله.
والله صدگ تشهد واكمل يگول واشهدُ أن علياً وليُ الله فتح عيونه وآني سارحه بملامح وجهه.
علي سَند: جاهز يلا، ليش صافنه.
بتراء: وجهك مااا يشفعلك اعتذر منييي على اااعتذررر.
علي سَند: منو جاب طاااري وجهي ولكم شباب احد جاب طاري وجهي.؟
لاااء معلم بس الآنسه انسحلت حقها.
علي سَند: فاضل اليوم ما تخلص من إيدي.
طبعاً اذا الأخت ما قتلتك، اعتذر بالإنگلش مو لغتنا والكرامه تبقى بخير.
علي سَند: فااااضل.
آسف معلم.
هو يحچي وآني اوزع نظراتي بيناتهم، فجأةً غافلني وسحب المسدس مني، شمرها للحارس.
علي سَند: شباب كلمن على مكانه إلا فاضل انت تناوب بمكان حيدر.
معلم اعتذرلك بكل اللغات، بس لا تخليني بمكان حيدر.
لزم ايدي بقوه طنش كلام الحارس اللي اسمه فاضل من ابتعد عنهم وگف گدام باب البيت نظرلي واردف.
علي سَند: تمام انتي الصح وآنه الغلط
خل ندخل وأمي تفهمچ ليش هيجي چنا نسوي.
بتراء: اعتذر مثل الآوادم.
فرك وجه بأثنين إيديه وبنفاذ صبر، رافع راسه للسما ويدردم.
علي سَند: اووف يااا الله ياا عباااس من الصبر يا الله.
بتراء: اوف و زقنبوت، اعتذر يلا.
نزل إيده من وجه نظرلي بنظرة العدو.
بتراء: شبيك هو اعتذار، كيلو بفلس.
علي سَند: لحيتي ترااا.
بتراء: هذا حق وأنت لازم تعتذر من كُل گلبك أو بهل ليلة الگشره اطلع وكلشي يصير بيّه ذنب برُگُبتك.
استغفر الله ومحتار شلون يحچي.
علي سَند: يابه آنه غلطان آنه آسف آنه sorry آنه لو ماكل تبن ولا مسوي هيچي، بس ادخلي للبيت ادخلي.
بتراء: ولي انت واعتذراك ما تهموني.
عفته بصدمته ودخلت اول ما صرت بنص البيت خاله يَقين طلعت من غُرفتها. ، وعلى سَند دخل وراي وهو يدردم.
شنيي يعنييي موو بعيينچ مو اعتذرت منچ بنت ال.
يَقين: براء أو بتراء.
بتراء: انتي شتگولين خاله.؟
تقدمت ببطئ وهدوئها وترني نضرت لأبنها الواگف وراي و حوّلت انظارها عليَّه، اردفت بهدوء مع ابتسامة هادئه.
يَقين: حبيتچ واعتبرتچ مثل بنتي وأمنت عليچ.
سواء بتراء او براء.
ابتسمت اهز راسي بإندهاش مُزيف، فتحت قفل السلسال اللي چانت هديه منها ونزلتها من رقبتي، باوعت بيها وبعدها لزمت ايدها بهدوء وخليت الگلاده بنُص كف إيدها.
بتراء: سواء بتراء او براء الگلاده چانت لأجل غايه. ومع الأسف ما طلعت ألبيدق اللي بصف الوزير الچان راح يربح اللعبه بإستخدامي.
يَقين: حبيت، سَند البنيه طلعت تفهم بالشطرنج
طيب سؤال واحد وراح يتضح كُل الأجوبه اللي تدور ببالي.
افترت حواليا وعلى سَند يشاهد بهدوء وگفت گدامي واردفت.
يَقين: منو هو الملك؟
بتراء: البقاء للأقوى والأذكى.
يَقين: حبيت والله، صح كلامچ.
بس تدرين منو هُمه اساس هايه اللعبه ومتى ينتهي؟
بتراء: انتي وابنچ ادرى خاله يَقين
تقربت خلت وجهها بوجهي نفس الملامح بأبنها، امرأة قويه وملامحها مُثيرة للتوتر عكس اسلوبها اللطيف وكلامها المُعسل.
يَقين: براء حيدر الكرار، آني اسوء من أدهم بقاطين لمن يتعلق الموضوع بمصالح عائلتي.
و إذا حسيتچ خطر عليهم، ماجد يفض سالفتچ.
أجا خلى ايده على كتفها يحاول يخلي امه تصدگ.
علي سَند: يُمه هاي فعلآ براء.
يَقين: حتى إذا هي فعلآ براء إحتمال كبير أعداء ابوك دزوها، شني تركض بالمشاي وفجأةً تشمر روحها عليك من بين آلاف الزوار.
كلامها لچمني عود هي الخفت اخذلها خذلتني.
بتراء: چنت خايفه اخذلچ يل بيچ حنية أمي اشو خذلتيني؟
رخى ملامح وجهها وآني عُبرت بصفها فورا على غُرفتي لحظه وحده ما بقيت، چنت اسمع حديثها
هي وعلى سَند، وبس امسح دموعي اللي عمت عيوني وما شوف گدامي.
داا احچي لمصلحتك شنييي خذلتها شگلت ااانه شگلت.
اختفى صوتهم عن مسامعي وآني وصلت للممر اللي بيها غُرفتي وگفت بمكاني والممر طويل گدامي، يعني حتى هذا البيت وهذا التصميم كُله خُطه منهم! بس شلون لحگو يجهزوها، هي بس 15 يوم مرن علينا.
او معقوله البيت جاهز من زمان، خطيت خطواتي بالممر ورجع بيّ الذاكره لذيج المأسوره وهي تنادي. إيمار، إيمار كلما أكمل مشي بإتجاه غُرفتي الصوت يتكرر يتكرر، بحيث شكيت خاف الصوت من إحدى الغُرف.
بديت اخلي اذني على البيبان غُرفه غُرفه.
وماكو الصوت اختفى، أيقنت أنه الصوت بذاكرتي
الصوت براسي باقي مثل صوت أمي.
فتحت باب غُرفتي وقبل لا أدخل ثبتت عيوني على الغُرفه المقفوله واللي خاله يَقين گالت ممنوع احد يُدخله غير زوجها أدهم.
بتراء: لعبت عليكم مثل ما لعبتو عليَّه لُعبة المثاليه، وقريباً اعرف سر هاي الغُرفه.
دخلت للغرفه وما قفلت الباب بعد ما اخاف من أحد، رحت للكنتور طلعت تراك نوم ودخلت اسبح، من كملت طلعت والگلاده چآن بجيب التراك جبته من الحمام وياي، گعدت وشمرته بصفي عالچربايه.
نشفت شعري وگمت تدنيت شويه لتحت الچربايه، طلعت الدفتر اللي كتبت بيها مذكراتي فتحتها على آخر صفحه، جبت قلم، طفيت الضو وگعدت اكتب تحت فلاشة الموبايل، كتبت كلشي عشته خلال هاي اليومين، كتبت بيها تهديدات جاسر.
صوت المأسوره اللي اسمعها كُلما أحاول انام، الكوابيس اللي افز منها، كملت كتابه الصفحتين وسمعت صوت خطوات بالممر.
طفيت الموبايل و طبگت الدفتر ويا گلادة على سَند وبسرعه تغطيت، خليتهن تحت المخده، اخذت نفس طويل ومثلت النوم.
لحظات وانفتح الباب وانسد بهدوء، صوت الخطوات جايه بإتجاه الچربايه شديت ايدي على طرف المخده
معقوله على سَند جاي يبحث عن شي.
سُرعان ما غيّرت رأي لمن حسيت، گعدت على طرف الچربايه وتمسد على شعري، وتحچي بنبره هادئه وكلها حنيه.
يَقين: بنتي لو چانت موجوده چانت راح تكون بگد سيرا بنت نَدى، بس اخذوها مني.
لزمني الخفقان الخاله ليش هيج تحچي يعني عدهه بنيه! بس منو أخذها منها، بلعت ريگ والبچيه ببلعومي لمن تقربت باست شعري اخذت نفس طويل وحچت بغصه.
يَقين: ما چنت متقصده اقسي عليچ چنت خايفه تكونين خطر على أبني ما اريد اخسره مثلما خسرت اخته.
حسيتها تمسح دموعها، أما دموعي ف تنزل بدون توقف، تمددت وراي وهي تمسد على شعري واردفت تكمل كلامها.
يَقين: الصبح لبستها الجنطه وحظنتني گالت ماما
ما أداوم ما اعوفچ، قسيت عليها وگلتلها اصعدي الباص راح يمشي، چانت صف أول ابتدائي و اول يوم بالدوام، گالت زين تعاي وياي لا تعوفيني بينهم.
مره ثانيه تقربت تبوس شعري واحس دموعها توگع على رقبتي، حچت بشهگه.
يَقين: سديت الباب بوجها وگلت خل تتعلم وتعتاد
هاي الثمن ساعات بدوني، بنتي ما رجعت بذاك اليوم واللي رجع منها فقط جنطتها ورساله كتبولنا بيها
(بنتكم صارت ضمن الأساس بلا عوده)
فتحت عيوني بصدمه الأساس اللي يحچون بيها جاسر وعلى سَند! ، الرجفه والخفقان لزمتني وخاصة من حچت آخر كلماتها قبل لا تنهار بالبچي.
يَقين: وهسا مر 11 سنه يوميه انتظرها ترجع من الباب بس ماكو خسرتها ومحد يعوضني بيها بعد أدهم لو يجيبلي راسهم واحد واحد ماكو شي يبرد گلبي على فراگها.
ما تحملت أكثر درت نفسي الها وحظنتها بقوه
و ثنينا نبچي بچي يهد الحيل، ضلينا هيج لشويه من الوقت بعدها خاله مدت إيدها وچان بيها الگلاده اللي چانت هديه منها.
يَقين: هاي هديه وذكرى مني ما اقبل ترفضيها.
اخذتها وهزيت راسي ب أي لمتني أكثر بحظنها وحچت.
يَقين: من على سَند حچالي عنچ گلت الأمل الوحيد اللي ممكن يرجع بنتي ومرت عمها. ومن ساعه وصل معلومات البحث حاولنا نعرف شي عن عائلتچ بسجلات الدوله وطلع امچ وابوچ متوفين من زمان.
وكلشي موجود هوياتهم وسجلهم ناس طيبين ما عليهم شي. اعتذر نيابةً عن ابني وآنه آسفه عبن شكيت بيچ.
انصدمت يعني جسار او جاسر مرتبين كلشي بالأسم الوهمي، ركزت بكلامها لمن اردفت.
يَقين: هنا ارتاح گلبي وتأكدت أنتي ما تشتغلين لصالح بيت نَسل الفُجار الأساس.
براء شميت بيچ ريحة بنتي وما فد لحظه كرهتچ.
ما بيّه احچي بس حظنتها أكثر وأكثر احتمي بحظن الإنسانه اللي شبه روح أمي كأن الله خلاهه أيقونة اصبر بيها روحي على فراگ أُمي.
أريم
نزلت ساعه وحده بنص الليل اشرب ماي وگفت يم باب المطبخ بمكاني لمن هلال رجعت من برا البيت وهي شافتني وضلت بمكانها.
أريم: ساعه وحده بالليل شعندچ برا؟
خطت خطواتها بإتجاهي ودخلت للمطبخ گدامي وآني وراها.
أريم: هلال وين چنتي؟
اخذت لتر ماي ساكته ما تجاوب.
وبس تهز راسها ب اي شويه ونظرتلي نزلت الهيتفون من اذنها عافته عالكاونتر، فتحت اللتر وشربت منه، اردفت.
هِلال: اتصال شغل ويا المستثمر الجديد، انتي شعندچ نازله.
أريم: نازله اشرب ماي بس انتي ليش راجعه من برا؟
هِلال: اختنگت من جو البيت وطلعت للحديقة، عندج اي سؤال ثاني؟
أريم: ها ل لا اخذي راحتچ. بس شويه هدي هدي.
هزت راسها بتسليك، شالت الهيتفون وطلعت بالباب وگفت لمن دخلو عمو اشتر وعمو ايهم، الثلاثه واحد يناظر الثاني ما فهمت معنى نظراتهم اللي كسر الصمت عمو اشتور لمن اردف مثل عادته.
الأشتر: ول خااالي شايفين بنت الدرهم، ليش گاعده بنص الليل؟
ول يااابه لمة حبااايب في عاصمة المطبخ، أبيل تعااال آنه شگلت آنه شگلتت
دخل ابو الوتن بإيده نرگيله إلكترونيه يدخن منها والثاني أبيل ايده بجيبه كأن وَتان ما عايفه ينام.
أبيل: انتو شوكت مقررين تنامون؟
وَتان: من الگُمر الزعلان يطلعع يطلعع.
أبيل: شگاعد تمسلت.
عمو أيهم حظن اكتاف هلال وطلعو من المطبخ
اما عمو اشتور هذا جونا وأجوائنا راح جاب اموله واجا.
أريم: لاااا يعني صددگ نسوي مداهمه عليها؟
أمل: چآ شني نعوفها تنام زعلانه.
الأشتر: كلام آمالي المعوشره صحيح يلا يلا.
عود صفگ يحمسنا على الخطه المُعتمده
أبيل: ويت ويت خليكم ريلاكس شجاي يصير؟
الأشتر: دِتعااال حاروگه أبن الحاروگه.
سحبني وسحب أبيل حاوطنا ثنينا يوزع نضرات بينا ويحچي.
الأشتر: هاي أريم بنت ادهم الدرهم، اعرفك عليها خاف ما تعرفها ولو سمعت بيكم دحتو بإزمير.
أبيل: عميي شجاي تحچي ولك وتوني كض ااابوك.
ضربه على راسه وكمل حچي.
الأشتر: يكضك العباس ويرگعك بگبر جدنا السابع، المهم هاي أريم الليله تاخذها مفهوم
أبيل: شنييي أخذهاااا شبيييك والله انت مال أدير عليك لتر بانزين وعلى الضررغام.
عمو تفل بنص گصة أبيل وهذا ابتعد فورا غسل وجه وعمو يحچي وياه ويأشر عليه.
الأشتر: خل اكمل حچيي، كُله من ياسر يمااان كُله منه تارس دمااغك وصاير وسخ مثل الأتراك، يعني البعض من الأتراك.
نظرلي واردف.
أبيل: اشتر متوازي وخرفان انتو ناس واعيه شلون هيجي تمشون بكلامه. و
دفعه بعيد عنه و شمر گلاص الماي اللي چانت بإيدي على أبيل
الأشتر: ااابن ال ااخ ثنينهم عزاز گلبي مااا بيّه اسبهم واللعن يومهم.
أنوب هذا من يحچي بعصبيه ينطي رد فعل على كلامه
أبيل: دِلعنننهم دِلعنننهم شبقييت دخيلك يا على يا ضرغام. تصبحون على خير هاي اذا ما سويتو مُصيبه هاي الليله. لو نايم بغرفة إيمار اشرفلي ناس همج.
ول اجي ورااااك وهاي مره آنه ادير عليك لتر باااانزين.
لزمت ذراع عمي اشتر عود اهدي ومنا وَتان بغير عالم گاعد عالكاونتر ياكل لفه.
أريم: وگتتت تتزقنب تعال هدي ابوك.
ياكل ويأشر على أمه
وَتان: يُمه ولچ يُمه عاينيلي، احظني ابوي ما عندي مجال وحق جدنا.
آمل: وَتتتن.
وَتان: ها يُوم آمري وش تبين هي حظنه على اساس ما شايفكم من قبل تتحاظنون.
راحله كفخه على راسه وخلاه ينزل، فر التسبيحه
مرتين وضربه على كتفه.
الأشتر: تراقبني ويا اامك ياا اادبسزز يا تربيه سز.
الكل سكت لمن سمعنا صوتها.
ول ااااشتر ول شوووگت تكبرررر لخاااطر گبررر جدك ول خمسيييين سنه مو خمسه وعشرين شلووون مخزيييني هووو ااانت مااال تجااادل الزعاطيط ول شيّييييبت راااسي بسوااالفك.
رحنا ورا الصوت كلنا طلعنا راسنا من باب المطبخ
هُدهُده چانت جايه بإتجاهنا. رجعنا للمطبخ وعمو يوزع المهام علينا.
الأشتر: يلا أريما اخذي العار ابني واصعدو على غرفة سيرا طرگاعه، آنه جاي وراكم، آمالي شكو كلمه احچيها انتي تبصمين بالنعم عليها.
آمل: وهو آنه شوكت عفتك آنه المُنقذه مالتك.
الأشتر: تمام حبيبي المُنقذ بعدين نتفاهم بعدين.
دخلت هدهده للمطبخ والعكاز بإيدها أشرت علينا واحد واحد.
ناهد: أريم ولي على غرفتچ باچر دوام
نظرت للهمج وتان من فوگ لتحت ومدت إيدها.
ناهد: جيب الزقنبوت اللي تُشربه چم مره گلتك ممنوعه؟
خلى الباقي من اللفه بإيدها.
وَتان: تفضلي بس هذا ينوكل مو ينشرب.
تخوزر بي وتعُرفه يتغابه، تدخل عمو اشتر حاوط كتافها.
الأشتر: امي ولچ أمي يمن فدوه يروحولچ جهالي
آمل: فدوه كلامه صح يروحولچ فدوى.
ناهد: أسكتوو، وَتن جيب الزقنبوت جييبه.
حك لحيته الخفيفه وتقدم خلى الجگاره مدري نرگيله إلكترونيه بإيد هُدهُده.
وَتان: اخذي بس لا تكسرينه.
ناهد: عند عينك أبن الهمج اشتر.
رگعته بالگاع تفلش وهذا كمز لوما لزمته چآن جادلها الادبسز.
وَتان: ولجج هدهده شهل ظُلمم ولچ وحگ جدنا السابع اجيب عشره بداله.
ناهد: اخذي برا الصايع الداايح مو صوچك صوچ ابوك رخالك الحبل.
سحبته وياي برا المطبخ وچنت اسمعها ترزل عمو وتگُله البعمرك مزوج ولده وصاير جد وانت ابقى بهذا العقل. انوب عمي يسكت مستحيل، يشاقيها وصوته عالي يگول.
هاا هاا تريدين احفاد تريدين اشتورات يملون البيت سعاده وفرفشه، حقچ يُمه تدللين بس خل نلگى بنات الحلال لا تستعجلين عمرچ طويل ان شاء الله.
اني و المتسودن وتن نصعد الدرج ونضحك على سوالف عمو.
أريم: وحگ العباس ابوگ ملح حياتنا.
وَتان: اخ لو بالي يم الجگاره گلبي تحطم وياها.
نمشي بالممر ونتوجه لغرفة سيرا ونحجي.
أريم: شايفه واحد مثله بسيارة عَزّآم اجيبه الك؟
وگف ونظرلي واردف بإستهزاء ويگلب عيونه ويا الحچي.
وَتان: هو هذاك هم مالتي عزام أخذها مني.
باچ اشتري غيره.
أريم: انت مفعل وضعية توبي ما بتوب خافي ما بخاف.
وافقني رأي بتعابير وجه و طلع درنافيس من جيبه.
كالعاده نفتح القفل من ساسه عبن سيرا تقفل الباب.
شمرنا القفل على جها ودخلنا للغرفه، لكن سيرا ماموجوده.
أريم: سيرا وينچ، ولك وتن وين سيرا ماكو.
قبل لا يحچي صرخ لمن طلعت ورا الباب ولابسه قناع الوجه على شكل شبح.
سيرا: هااااا خفتووو.
وَتان: عووود اجيينا نراااضيچ.
دخل عمي وآمل وراه شايلين صينية بيها كل أنواع
الحبشكلات مال السهره، دخلو وعافوها عالچربايه
وضوينا الغرفه، عمة آمل فزت تسمي بالرحمان.
آمل: شنيي هااي ولچ متسودنه وعلي.
الأشتر: شكلچ مو مال اغنيلچ هيلا يا رمانه.
البيت كله نايم وبس احنا گاعدين دخلو و القفل وَتان رجعه لمكانه، اما سيرا ف نزعت العبايه السوده والقناع، عمو اشتر تربع على چربايتها وعمه امل بصفه واحنا الثلاثه التمينا يمهم.
سيرا: مو زعلانه والله، وعادي الصبح اعتذر من إيمار وتنحل السالفه، بس اللي شاغل بالي البيست.
وتن رفع راسه بإنتباه وعمو اردف.
الأشتر: وَدق الجابر؟
سيرا: اي هاي هي، جنت احجي وياها وكل شويه تكتم الصوت ومن سألتها گالت عدها اخو عار يوميه يرد للبيت سكران.
وَتن عاف النستله ما كملها واردف.
وَتان: وليش چانت تكتم المكالمه؟
داخل عليها لو شني؟
انفعل وگام.
الأشتر: وانت شكو من يمك تگمز.
رجع گعد ونضراته متشتته.
وَتان: ماكو شي مجرد رجلي نملت وگمت اگمز، لا حول ولا قوة الا بالله، آني رايح انام.
عاف اللي بإيده وگام لبس برجله وطلع اما عمو اشتر غمه واردف وراه
الأشتر: امدااك ردتك تصير مثلي وتگول يابه رايدها
وحق جدنا السابع نروح نخطبلك.
أمل: ذكرتني والله هاي هاي وَدق فد بنيييه تخبل تخبل شني رايك نخطبله؟ وناخذ رُقيه هم لوَگاع؟
أريم: ويت ويت شني تخطبون وَدق وتاخذون رُقيه لأبو وگعه. شني اشتري واحد والثاني مجانا.
سيرا: بليز أُختيي بليزز انا لا أقبل هذا الكلام بحق البيست شني تشتروها شنيي.
الأشتر: تمام اسكتوا خل ادور وراهم اشوف نَسلهم اذا خوش ناس نناسبهم واذا نعوله مثل بيت جسار
نلعنم بالنعال. شتگولين آمالي.
أمل: سالفة اخوها ازعجني بس خل يولي، كلامك صح.
ضلينا نسولف مع بعض والصراحه الثُنائي عمو اشتر ومرته أمل، مميزين روحهم الحلوه واندماجهم ويانه ابد ما يحسسونا انه أكو فرق بالعمر ولا نتقيد بالعكس احنا مثل الاصدقاء وياهم.
ضلينا للساعه 2 نسولف وندردش إلى أن حسينا بالنُعاس وكملن گام على غُرفته.
آني هم طلعت اخر وحده من الغرفه مشيت بالممر
غرفتي بعد غرفة عزّه وهلال، وگفني صوته الهادئ عكس السابقات.
تصبحين على خير.
انداريت چآن واگفه يم باب غُرفته كأن چآن تحت وتوه صاعد حمحمت واردف بنفس الهدوء.
أريم: وأنت من أهل الخير.
ابتسم ومتردد بعدها دخل وسد الباب، آني هم دخلت وسديت الباب سندت ضهري عليها، خليت إيدي على گلبي.
أريم: اهدي شصار شبيچ گلبچ راح يطلع.
رحت غسلت وجهي حتى يخف التوتر اللي الزمني.
واجيت خيلت راسي عالمخده ما يجيني النوم.
كُل تفكيري ويا شخصيته المُتناقضه والغريبه.
رُقيه
گعدت الصبح ساعه سته ونص سبحت ولبست كاجول حتى اكون مرتاحه، شلت الملف و رحت على غُرفة وَدق چانت نايمه بست خدها وطلعت لگيت وَسن بالباب يمكن شافتني من بستها
رُقيه: خير من صباح الله؟
باوعت بيّه فوگ وتحت ونظراتها كُلها استصغار
لأن هي تشوف نفسها أكثر انسانه أنيقه وكلش مغروره بروحها
وَسن: هو هيچ ينلبس الهاينك ام الردن الطويل؟
رُقيه: ولا تستقر جورجينا، وخري من گدامي وخري.
أشرت على روحها وهي جسمها رشيق لابسه هاينك
و فوگاها جاكيت وتحتها تنوره كلوش گصيره.
وَسن: تعلمي شلون تنسقين من أختچ.
رُقيه: هههه نعمم نعمم اختي؟
يبدو اخطئت بالكلام من رجعت عدلت.
وَسن: يعع خانني التعبير مستحيل شرشوحه مثلچ اعترف بيها ك أُخت.
لبست الكمامه اللي چانت بإيدي وخل تحچي شما تحچي اعرف بنفسي أنيقه، طز بيها وبحچيها.
سديت باب غُرفة وَدق وعبرتها امشي للدرج.
نادتني.
وَسن: مس هااتسووو هههههاي المدير مقشمرج بالمكتب ديلا يلا امشي على شغلچ اللي هو بأمر منا أحنا اسيادچ.
خل تاكل وحل شگد ما تريد، ما يهمني.
نزلت وچان المخنث ناجي يطلع من مكتب جسار ويدردم ويا روحه.
شوكت اخلص من شررك.
وگف نظرلي واردف.
ناجي: خير يا طير هو چم ساعة بحث مو موعد غرامي.
لبسته وعبرت بصفه لكن لزم معصم ايدي رجعني
و طلع اصبع الإبهام من ردن الهاينك راد يشوف جرح البارحه.
ناجي: شلون صارت إيدچ.؟
سحبت ايدي منه ورجعت الردن شلون ما چآن، غطيت الشاش الأبيض ومشيت للباب وهذا يصيح وراي.
مووو مااال أرئف بحااالچ موو مااال بنت العااار.
اتفاجئت شلون يسب ابويه بدون خوف وهو متأكد جسار راح يسمعه، كسر المزهرية وراي بحيث طشاره اجت يم رجلي بس دست عليها وطلعت من البيت.
طلعت للشارع العام انتظره يوصل مر ربع ساعة
ودگ هورن من بعيد وصل وآني صعدت ابتسم بوجهي واردف
أنس: صباح الخير.
رُقيه: صباح النور.
ما ادري ليش توترت، داس بانزين وانطلق بكُل سرعته، طول الوقت چنت احاول انزل الهاينك على إيدي أكثر وأكثر، إلى أن حسيته إنتبهلي
أنس: سلامات إيدچ شبيها البارحه چانت ما بيچ شي
وبس إيدچ هذاك عليها بلاستر.
رُقيه: ها ما بيها شي جرح بسيط.
عزا هذا شلون كاميره خفيه ماكو شي يفوته وملاحظ ايدي الثانيه اللي عليها بلاستر أنوب لاحظ هذا.
أنس: گلتي شي ما سمعت.؟
رُقيه: لاا ما گلت شي انت متوهم.
ابتسم بهدوء عود شكو يبتسم بكثره، وگف عند أول عنوان، نزلنا ونزعت الكمامه احتنگت بيها بس هم علمود الحساسيه شويه تبعد عني الدخان والروائح اللي مضره اللي.
أنس: ألبسي الكمامه هيچ أأمن عليچ.
مشى گدامي وآني فعلا لبست الكمامه مره ثانيه
سألنا عن الرجال گالو البيت اللي بصفنا.
أنس: هسا نشوف شكرا.
رحنا للبيت اللي بصفهم دگ الباب وطلع رجال بالخمسينات.
تفضلو؟
شوفته الملف وانس اردف.
أنس: حظرتك رافع دعوه قضائيه على شركة - - - -
اي صح ورايد فلوسي منهم.
نظرتله اكيد زلمة جسار مدبرين كُلشي.
رُقيه: احنا موضفين من الإدارة الجديده للشركه
لازم تكون حاظر بحلسة المحكمة الجايه.
أنس: او تسحب القضيه بهدوء ونحلها بالماده.
جلسه ما احظر اريد فلوسي والقضيه تبقى ما اسحبها.
أنس: انت تريد تقطنا لو شني يا تسحب القضيه وتأخذ فلوسك من حلج ساكت يا تحظر جلسة المحكمه هم من حلج ساكت.
حرفياً انصدمت هذا ما يبين عليه عصبي عكس رد فعله، شمر الأوراق بوجه واني اجيت المهن لزم ذراعي سحبني ورفع أصبعه بوجه.
أنس: اسمعني لك، تجي بالعيني وأغاتي يا هلا ومرحبا ما تجي هيچي، بكل سهولة الاستاذ وگاع يربح القضيه بجلسة وحده و أنت تطلع من المونى بلا حُمص.
يبدو الرجال فشل انه يستغلنا وخاف يطلع منها خسران، لملم الأوراق و اردف.
تمام متفقين بس اريد فائده فوگ فلوسي.
أنس: اي مو حظرتك مُستثمر مو شئفة موضف تريد فائده تريد.
يحچي ويريد يهد عليه اجيت وگفت بوجه احاول ابعده واني انزل ايده اللي ياشر بيها على الرجال.
رُقيه: تمام استاذ تمام اهدى ماكو داعي لهذا الإنفعال.
خلى ايده على ايدي بمعنى تمام وآني بسرعه سحبت ايدي وانداريت للرجال.
رُقيه: تاخذ مُستحقاتك من غير فائده، الفائده ما مذكوره ببند التوضيف في حال ترك الوضيفه او فصل الموضفين.
أنس: مسألة تاخذ فائده على فلوسك تحلم.
هذا الطلب يصير غير قانوني وسهل جدا نرفع عليك قضية استغلال وتصير انت تدفع كفالات.
بويه راضي لا اريد فائده ولا اريد القضيه
ادفعولي الرواتب المتراكمة واسحب القضيه.
نظرلي بمعنى. گدرنا عليه بعدها طلّع دفتر الشيكات ثلاث شيكات موقعه وعليها توقيع الاستاذ
وگاع، كتبله المبلغ وانطاه.
أنس: تصرفه بالبنك الاهلي الخاص بينا.
والجلسة تحظرها.
اعتبروه صار.
أنس: عفيه بالعاقل، امشي رُقيه.
عفناه ومشينا للسياره.
رُقيه: بقن شيكات ثنين يعني انتو اشتريتو اللي رافعين قضيه على الشركه!
ما جاوب صعد وآني كذالك شدينا الحزام وانطلق للعنوان الثاني، اردف.
أنس: هُمه رافعين قضايا لغرض دفع مُستحقاتهم، ما نشتريهم وإنما ندفع رواتبهم وبالمُقابل
يتنازلون عن القضايا.
سكتت ما علّقت على كلامه، وصلني رساله وطلعت تلفوني من جيبي شفته ناجي.
– لا تاخذين وتنطين وياه. –
رُقيه: بله ما تنچب.
نظرلي مستغرب حتى اني مستغربه عود احجي ببالي
وهذا ناجي من وين عرف بيّه احچي وياه.
رُقيه: ههه الموضوع مو يمك رديت بعقلي على الرساله.
أنس: اذا بعقلج وهيج صوتج مسموع لو بالواقع شلون هههه.
اضحك هي الدنيا خربانه وتفلانه بوجهي بقت عليك.
فتحت الكر خاف هذا النعال خلي شي مايك وراه بس ما لگيت شي، اناظر لمجسم الوردات اللي عليها
ثلاث وردات ورا بعض وشكلهن عادي بس مع ذلك آثار الفضول عندي.
بهل اثناء وصلنا للموقع الثاني وانتبهت استاذ انس نزل واردف.
أنس: يلا ليش صانه بيها.
رجعت الكر وشلت الملف، طلعنا للمكان عماره سكنيه، دخلنا للمصعد وننتظر يصعد للطابق الخامس لفت انتباهي لمن اردف.
أنس: انتي هم شاكه بالموضوع؟
رُقيه: موضوع شنو؟
الموضفين اللي رافعين القضايا ومكان سكنهم اللي وصلنا الصبح قبل الساعه سبعه، شي غريب مو؟
فعلا ذكي ولاحظ بمأنه ناجي الصبح دزلهم المواقع على الإيميل الخاص للموضفين.
رُقيه: لا شي عادي جدا خاصة بمأنه صاحب الشركه السابق انطا مواقع سكن موضفينه.
بس آني ما گلت المدير التنفيذي السابق هو دزهن شلون عرفتي؟
انلاصت وشلون ما تنلاص، تداركت الوضع والمصعد انفتح وآني وراه.
رُقيه: يعني طبيعي جدا اتوقع المدير السابق دازهن
لعد منو يدزهن الجني ههه.
صاير جدي عود ردت اتبع اسلوبه الإستهزائي.
بس ما جاوبني وطنش بس هز راسه بمعنى اي
دگينا باب الشُقة شويه وفتحلنا بنفسه.
نعم منو تريدون.
أنس: نريدك وانت رابح المليون الف مبروك.
الرجال بين عليه فرحان اردف.
تحجي صدك؟
أنس: لا والله تجربه اجتماعيه هههه
شگد حقير هذا الأستاذ مو معقول يعني رجال مبين بالأربعينات من عمره شنو هذا الأسلوب الجلطاوي.
الرجال راد يسد الباب بوجهنا بس انس خلى رجله بالباب.
أنس: هوب ستوب خل نحچي كلمتين وصدك تربح ملاين بس دينار مو دولار.
من الآخر شتريدون انتو بس لا من.
رُقيه: عموو اعذرنا ردنا نتشاقه وياك، احنه موضفين الإدارة الجديده لشركة - - - للشحن الدولي.
من الاخر شتريدون.
شوفته الأوراق مبين يتغابه.
رُقيه: رافع قضيه على الشركه قبل ست أشهر
أنس: وقضيه مبينه كذب وتلفيق عبن حظرتك.
بنفسك قدمت طلب الإستقاله.
اي قدمت استقالتي بعدما چنت اداوم اشهر بدون راتب، و القضيه رفعتها ع الشركه حتى اللي مثل وضعي ما يضيع حقهم.
أنس: تريد تگُلي بهاي الطريقه اخذت حقك وحق زُملائك؟
الرجال ساكت والأستاذ أنس منفعل ويحچي.
أنس: القضيه تسحبهااا و تسديد الرواتب يتم خلال ثواني.
شني يعني خلال ثواني.
طلّع دفتر الشيكات كتبله المبلغ المتراكم من راتبه وخلاه بوجه.
أنس: اقراهن چم صفر بيها؟
يحچي ومصدوم مبين عليه طماع بالفلوس حتى لو چانت حقه.
سته.
أنس: نايس، من بعد أيام أول جلسة لازم تحظر وتشهد لصالح الإدارة الجديده.
لزم الشييك أنس ما عافه ياخذه إلا لمن الرجال وافق أنه يجي.
أنس: الشيك ما ينصرف إلا بالمصرف الأهلي التابع ألنا، وهذا بعدما نربح القضية بدون أدنى شك.
الرجال هز راسه بالموافقة الصدمه محد بيهم يگدر يصرف الفلوس إلا بعدما يحظر الجلسه والشييك ما ينصرف إلا بالبنك الاهلي الخاص بيهم.
طلعنا مناك لاخر واحد والملف كمل والاسماء تسجلت ويا عناوينهم، صارت الساعه 11. وچنا بالسياره، سئلني الاستاذ.
أنس: الصبح طلعتي بدون ريوگ؟
وگف عند مطعم وآني اردفت.
رُقيه: مو مشكله ولا جوعانه خل نرجع للشركه قبل الدوام بنص ساعه.
ما جاوب نزل واخذ محفظته وسد الباب.
مر شوية وقت، رجع للسياره مد ايده انطاني
لفة شاورما وقوطية ببسي.
أنس: تفضلي.
أخذته من ايده وميته من الخجل هذا شلون بلوه
انوب أكل گدامه يا ربي.
أنس: ادير وجهي؟
امداج رُقيه امداج.
رُقيه: هااا لااا عاادي اصلا عادي.
أكلت منها واشرب ببسي وراه.
رُقيه: عادي جدا عادي، صوتي الداخلي چذاب.
يقهقه بهدوء وياكل، انتبهت وصلني رساله من ناجي.
– حسابچ من ترجعين. –
رُقيه: تهديد خطير جدا.
أنس: نعم؟
رُقيه: مكتوبه على الببسي تحذير فيها نسبه عاليه من السُكر.
تجاهلت نظراته البيها تساؤلات وعلامات استفهام ناحيتي وكملت أكل.
وَدق
أصبح من طلعت من البيت للكُليه ما شفت رُقيه أما وسن ف چانت تحچي اتصال ومبين متوتره، طنشتها وطلعت كالعاده التقيت بصديقة العُمر يم باب الجامعه.
كملنا المحاظرات وبقن بس ثنين سألتني عن البارحه وگلتها موبايلي وگع مني وانكسرت شاشته.
سيرا: وبيوم وليله جابولچ واحد ثاني؟
وَدق: اي ابويه يحبنا ومددلنا بس اخويا عار ما ينعدل طبعه.
هزت راسها اي وضلت سارحه، شلت الكتاب وقبل لا امشي اردفت.
وَدق: صاير شي ثاني غير أنه إيمار ما فتحلچ الباب وما سمعچ؟
سيرا: ها لا ما صاير صار وقت مُحاظرتي لازم امشي.
راحت للمحاضرة وعافتني بأفكاري معقوله شاكه بشي، احچيلها لو ما احچي. نفضت الأفكار من راسي ودرت وجهي لگيته واگف گدامي.
عود تجاهلته واجيت اعبر وگف بطريقي.
وَدق: ابتعد خل امشي.
وَتان: شني الصار البارحه؟
وَدق: عفوا بخصوص شنو؟
من چنتي تحچين ويا سيرا وكل شويه تكتمين المكالمه بسبب اخوچ العار، شني صار؟
نظراته مو عاديه كُلها شكوك وليش ما ادري.
خليت الموبايل على الكتاب اللي لازمته بإيد وحده، اردفت.
وَدق: شنو صار ما صار، تبقى مسألة عائليه الغُرباء مالهم دخل.
دار وجه بالمكان ومبين الكلام خلاه عصبي اردف بوجهي.
ولچ انتن بنات آل جابر ليش هيچي؟
وَدق: هم مو شُغلك.
عُبرت بصفه وكتافنا تلامست بعضها ومحد بينا دار.
خل يولي، دخلت للمحاظرات كملتهن وطلعت حتى اشوف سيرا قبل لا ارجع للبيت، رحت الكفتيريا ما لگيتها جوا طلعت بإستعجال وبالباب لگيته بوجهي
اخوچ العار سوا شي؟
بس انظرله بدون كلام رجع كرر سؤاله.
وَد اخوچ ازعجچ شي؟
تقدمت خطوه اناظر لعيونه واحچي.
وَدق: شنو الغايه من سؤالك؟
هذا سؤال على سؤالي مو جواب.
وَدق: اي الغايه من آخذ الجواب شنو، ليش تسأل شعليك ياخي لا دوخ روحك بيّه ركز على حياتك شعليك بيّه اوووه.
عبرته بإنزعاج وضل يحچي وراي.
بالنائص منچ ومن اخوچ العار اانه عليمن اسأل.
درت وجهي ورديت عليه بنفس النبرة العصبيه.
وَدق: بالنااائص منك اانت أبن حفيد الهمچ.
تعثرت بشخص وصرخت عليه
وَدق: ااازماال ماااتشووف.
رفعت عيوني وشفته هو گدامي ومناك وَتن شافنا
نَائل: يااا حبيبي، عركة كپلز لو شني؟
وَدق: لا تأكل تبن مو كپلز او حتى إذا كپلز، اشبو امك تتدخل؟
لزم ذراعي ويحچي بعصبيه.
نَائل: ألف مره گتلچ اللزمي لسانج وَدق لا احطچ هنا واگتلچ گتله معدله.
قبل لا اجاوبه هذا الثاني صرخ بيه وهو يجي بإتجاه
وَتان: هممم تتعرضلها يااا حيوان.
نَائل: وابني انت ليش تگمز من يمك هاا؟
ليش تريد تنهَان والله.
سحبني من ايده، دفع نَائل وهد عليه يريد يگتله بس نَائل ابعده عنه ووگف.
نَائل: هوب ستوووب مو عداله آني بطرگ نص ردن ايد متصاوبه وإيد هم متصاوبه. بس.
ضربه كله واردف.
وَتان: هيچي.
نَائل هد عليه وتضاربون بوكسات رغم ايده مجروحه بس يضرب بقوه.
نَائل: اادري شعننندك وياااها شعننندك.
وتن ردله الضربه ويحچي.
ااانت الشعننندك وياااها البنيه تشمئززز منك
يااا ديووث يا حيوان.
الاثنين وگفو لمن سيرا ركضت من بعيد وتصرخ عليهم مدري علنيا سوت تحديد الكل.
سيرا: ووووتن وَدددق زماايل شبيييكم تتضاااربون ويا حفيد الجربوووع جااابر.
رجع شعره لورا وعيونه على سيرا.
نَائل: اخ اخ أم تفله اجت.
وَتان: اااخلص عليييك ااابن ال
سيرا من وصلت يمه دفعته من صدره وهذا يبتسم
ويمسح طرف شفته من الدم
سيرا: حفيييد جااابر الجررربوع شلووون تتضااارب ويااا ااابن عمي غيررر اشگك ششگ.
نَائل: اوووف مرات الواحد يساوي ثنين.
ضربه وتن بوكس وگعه من طوله وسيرا سحبته.
سيرا: تمام عوفه هسا الإدارة تلتم علينا.
واگفه بجها لا اگدر اوگف نائل عن حده خاف يشكون احنه ولد عم ولا اگدر اوگف بصف سيرا ونائل يتخبل على وتن.
نَائل: يا حبيبي چآ شبيها بنت عمي مچلوبه هيج ما تفزعلي.
ثنينهم على وجهم علامة استفهام شلت كتابي والموبايل عفتهم وآني احچي ويا روحي.
وَدق: مووت هذاا الحقيرر على إيدي والعباس على إيدي.
عرفت سيرا ما تعوفني انداريت شفتهم كلمن راح بجها وسيرا اجت ورايه.
سيرا: ولج ودوووقه اوگفي.
وگفت انتظرها، وصلت يمي.
سيرا: خل يولي هذا الجربوع حفيد الجربوع تعاي اعزمچ عالغدا.
وَدق: واو عندچ شهيه للغدا بعد الصار؟
مشت گدامي وهي تحچي بكُل إيجابيه.
سيرا: بمأنه الحياة مره ف ريلاكس لكلشي
نَائل مر بصفنا وعيونه علينا ثنينا وخاصة على سيرا.
سيرا: اااشلع عيووونك جرربوع.
فرد ذراعه وهو يتراجع للوراء، اردف.
نَائل: بمأنه الحياة مره ف ريلاكس لكلشي حبيييبي.
صعد سيارته وانطلق بآقصى سُرعه.
سيرا: جربووع ابن جربووع حفيد جرربوع.
وَدق: تمام خل يولي ما يهمنا خل نطلع.
طلعنا وهذا الثاني حفيد الهمج طلع مثل الجني ورانا، اردف.
وَتان: اصعدن اوصلچن.
سيرا: احوي ابن اشتور الورد ضد الحرارة والبرد.
انلصمي سيرا.
سيرا: ريلاكس برو.
وَد خاتون اصعدي شمنتظره.
وَدق: اسمي وَدق لا تذب ميانه.
صعدت ورگعت الباب بقوه وهذا اردف بقهقه
الميانه من صفات بنات آل جابر مو من صفات أبناء الأشتر ول خالي.
طنشته مالي خلگ اتجادل وياه، طول الطريق هو وسيرا يسولفون كأنهم اخوه مو ولد عم، انوب يحچون ويحششون عن جسيو هذا منوو.
سيرا: اليوم الصبح قبل لا اطلع للدوام شفته بغرفته وساحب راسه للقوقعه مالته، تخيل عمو اشتر مخليله عكازه بصفه هههه أنوب كلها سنون حدّه.
عكازه وكلها سنون حدّه!
خطيه جيسو هذا محطوط ونهينه ذهاباً وإياباً.
مديت راسي بينهم چنت بالمقعد الخلفي بجهة السايق.
وَدق: جيسو منو وليش محطوط وتهينه ذهاباً وإياباً.
دار وجهه نظرلي لثواني و رجع يباوع للطريق ويحچي.
جيسو السُلحفاة مالتنا هو وعائلته الجميله المتوازية.
وَدق: سُلحفاة وعنده عكازه؟
سيرا: وعدهم بيت أو قصر خاص بيهم وعنده أطفال ولد وبنات.
وَدق: عنده زوجة؟
ليش حابه تتزوجيه.؟
ضربته على كتفه لا إراديا احچي.
وَدق: اااسكت شهل كلااام خلصن الزلم اكوم اتزوج سُلحف؟
حمحم واردف بإبتسامه وسيرا شكلت وياه
مو حيالله سلاحف انهم سلاحف النينجا إنهم سلاحف النينجااا هههه.
رجعت اگعد بمكاني هذوله مخابيل والله ما اگدرلهم.
وصلنا للمطعم وهو گال ما انزل عندي شغله ضروريه من تكملون اتصلو اجي اخذكم.
نزلنا وهو انطلق مُسرع بعدما قرأ رساله اجته.
دخلنا للمطعم طلبنا اكل وننتظره يوصل سيرا دارت راسها ويا ثُنائي دخلو للمطعم.
سيرا: هِلال و،؟
درت وجهي على الجانب الأيمن ما اعرفهم بس سيرا من فتره گالت عدهه بنت عم اسمها هلال
وَدق: اي وحده بيهن هلال.
لزمت ايدي وغطت على جانب وجها حتى ما تلاحظنا.
سيرا: ولج عززااا كافي تأشرين ياربي هاي شجاي تسوي وهذا ليش لابس هييج خرررج عن السيطره خرررج.
الرجال لبسه كاجول ولابس شفقه براسه، صاحب جسم طويل ورياضي، مبين اختلاف العمر بينهم.
كم سنه بس حلوين مع بعض.
وَدق: هذا حبيب بنت عمج لو خطيبها؟
سيرا: ااادچ الچطل بعيونچ ما عدهه حبيب اخوي قريبآ يعقد عليها، بس شعدهااا وياااه.
وَدق: اي منو هذاا غير افهمم.
وصل الأكل الثنائي گعده بزاويه بعيدة عنا.
وسيرا حست بالراحه بلشنا ناكل وكلما اسألها منو هذا تتهرب من الجواب، دارت وجها ناحيتهم ورفعت تلفونها اخذتلهم صوره.
سيرا: تنفع وقت الشِده.
وَدق: بس گُليلي منو هذا انوب شلون يحچوها. حلو اي شاب مدري رجال وسيم.
سيرا: اهههه كل العراق متفق على جماله.
كملت أكل وگلت راح اطلع للحمام وهاي استغلت الشغله.
سيرا: عايني هذوله الجوز ما يعرفوچ فمن تمرين بصفهم افتحي اذانج عشره على عشره.
وَدق: أمري لله بس بشرط تحجين اسمه.
سيرا: واللط احچيلچ.
وَدق: گلتي وللط!
سيرا: لااا ما گلت وللط ولج ااامشي ديحچوون.
اخذت موبايلي ومن وصلت يمهم سجلت الصوت لمن الرجال چآن يگول ما معقوله اجبركم بس من سوء حظي تعثرت لمن الرجال مد رجله ناحيتي وسوا روحه ما متقصد.
لاااء چؤ چؤ انتبهي على خطواتچ.
التشغيل بعده يشتغل وآني گمت بسرعه سيرا من بعيد انطتني ظهرها والرجال سحب التلفون مني طفاها وحذف التسجيل.
گومي ما صار شي بس التسجيل يبدو انفتح اثناء التعثُر صح لو مو صح.
وَدق: اي صح اسفه استاذ.
ابتسم وملامحه مُثيره انطاني الموبايل وهلال اصلا ما انطت الموضوع أهميه، فورا دخلت للحمام من الفشله والخجل.
وَدق: عزاا العزااج وعزااني يا سيرا صخااام بوجههج.
مر شويه وقت وطلعت هم مريت بصفهم وحرفيا لگفت چم كلمه
كلشي جاهز بس لو ابويا يگول نعم.
هاي يمي آنه أقنعه.
رجعت يم طاولتنا وسيرا تغمني.
سيرا: امداج چآن لازم احذرچ هذا تصرفاته غير متوقعه.
لملمت كُتبي واردفت
وَدق: بعدما ابقى دقيقه الساعه عابره ال12 تأخرت
وحبوبه بوحدها ويا العار اخويا، سلام سلام.
ركض طلعت حتى قبل لا تگول وَتان يرجعنا، شنو يرجعني الله اليستر من الجاي.
طلعت للتقاطع انتظر التكسي ربع ساعة وماكو تكسي يوگف، إلى أن وگفت سيارته أمامي.
نَائل: اصعدي.
وَدق: ولي منا ما اصعد وياك هسا يشوفونا الناس.
شكو بيها خل يشوفونا خوما اعوفچ بالشارع دايحه، اصعدي بدون جِدال.
وَدق: انت شگد حقير لخاطر الله؟
الكثير والكثير من الحقارة في عروقي، اصعدي أو اتصرف من راسي؟
صعدت وياه ورگعت الباب بكُل ما أُتيت. ُ من قوة.
بحيث هذا الضارب الدنيا چلاق صاح.
سياااارتي شعليهااا بسس صوت الهوررن تسووووا حياااتچ.
وَدق: نعوف الأدب والأخلاق والمبادئ على جها، وهاك تفووو على الهوررن مالتها.
تفلت على الستيرن مكان الهورن وهذا شد شعري واني أشد شعره مثل الجهال نتكاون اللتمو علينا الناس يضربون جام السياره عفنا بعض وهو اردف بكل حقاره يضحك.
نَائل: عركة حبايب عركة ولد عمام وقريبا نتحول إلى عركة متزوجين، يلا يلا وخرو من سيارتي خل امشي.
مخااابيل انتو مو مال تتزوجون.
نَائل: ياا حبيبي، بمأنه الحياة مره ف ريلاكس لكلشي. ومرات شويه نصب بهارات طُرشي.
بدل الگير وعدل شعره وانطلق بكل سُرعته للبيت.
وآني بألف يا على لازمه لساني شهل سايكو شهللل مخبببل اللي تورطت وياه.
رُقيه
دخلنا للشركه ساعه 12: 30 الظهر
ومتأخرين بسبب الاستاذ أنس وكلما اكله لازم نرجع قبل وقت الدوام چآن يتقصد ما نرجع عناد بالاستاذ ابو گاع عود گال نتفاهم بيناتنا احنه أصدقاء
اثناء توجهي للمصعد طلع الاستاذ عزام كالعاده متأنق بالاسود هو من اول يوم شفته بس لابس اسود
شافني وابتسم بهدوء مر بصفي وآني عيوني تتبعه.
لا إراديا.
اجا الاستاذ أنس وشتت تركيزي وهو يصيح على موضفين قسمنا.
أنس: تأخرنا يلا، آنسه رُقيه امشي ليش واگفه.
دخلنا للمصعد آني و ثلاث موضفين ويا الاستاذ.
، كالعاده وگف بالزاوية تچتف ويحشش مدري على منو.
أنس: هذا علاء مو قدمته للإدارة حتى يفصلو بسبب
ذيج السالفه اليوم لصبح چآن بباب الشُقه ينتظرني، تمرغل تُمرغل حتى اسامحه و. طبعا
ئلبك طيب اكيييد سامحتو.
ما اعتقد المسيو يسامحه.
رُقيه: عن منو تحچون.
أنس: طبعاً ما سامحت، علاء علاء علاء.
يلحن الأسم والبقيه يضحكون ضحكه سخيفه.
تقربت إحدى الموضفات مبين عليها ما تعرف الحلال والحرام، حاوطته وتحجي بمياعه.
تؤبرنيي شو لزيز.
أنس: ههاهها تؤبريني عالواهس بس بدون هاي الحركات المايعه.
ابعدها عنه واجا بصفي.
رُقيه: قبل شويه تسولف عن بطولاتك جان دگها بإستقاله او هددها لو بس على الشباب گادر.
أنس: يوسف الصديق ما سلم من كيدچن تريديني اني أسلم.
ما ادري وين الربط بس من يضحك الكل يضحكون وراه عالواهس.
رُقيه: ترا الضحك بلا سبب من قلة الأدب.
أنس: احم أدب سزيه انچبو.
مسيوو المس هااتسو غلطت علينا.
مسيو كلامها مش مقبول ليه احنا ئليلين ادب؟
انفتح المصعد والأستاذ وگاع طلع بوجهنا مخلي ايده بجيبه ومبين عصبي لأن خالفت تعليماته وما اجيت قبل وقت الدوام.
وگاع: الكل يطلع من المصعد بإستثناء المس هاتسو.
أنوب رجعو يضحكون عليّه من گال مس هاتسو.
أنس: برو ترا آني گتلك السبب.
اختفي من وجهي.
طلعو الموضفين ودخل هو اختار طابق 7.
وگف بصفي بدون كلام وآني ساكته ابتعدت شويه
من عطره القوي وطلعت الكمامة من جيبي چنت مدنگه على جهة واحاول اللبسها بإيد وحده الإيد الثانيه بيها الملفات والموبايل و هذا اردف بدون ان يندارلي
شجاي تسوين؟
ماجاوبته مررت لاستيكة اليمين على اذني ورفعت راسي شفته نظرلي وتقرب لزم إيدي ومرر الاستيكه مالت الكمامه ورا اذني واردف.
شبعتي تفرفر بشوارع البصره وازقتها؟
رُقيه: رحم الله والديك لوما مهمتك ما چنت اتفرفر.
يسوي حركات بحلگه ويهز راسه اي عود يخوفني الغشيم.
عين صلفه شيخوفچ هو أنتي حتى ويا األأمه ذبيتي ميانات.
رُقيه: انت اانت ليش فاتح اذنييك عشره على عشره شنو ماا عندك موهبه ثانيه غيرر التنصت على أفكار الناس؟
والله عبن حظرتج تفكرين بصوت عالي شني ذنبي.
رُقيه: ااانت اي نووع من المُدراء شهل مغثه.
خلى وجه بوجهي وآني رجعت راسي لورا، اردف.
نوع فطن، ماكر، صَلّد، وتصرفاته غير متوقعه سُبراايز بإختصار.
ضليت ساكته انظر لعيونه بدون ما اكسر عيني بهل اثناء انفتح الباب وطلعت اول وحده من المصعد وهو وراي يحچي.
طابق خاص بتجهيز المعاملات الملفات اللي بإيدج اريدچ تخلصيهن للمسا، ماكو نزول قبل لا يكتمل.
دخلنا على الأقسام الموضفين اقل من 10 موضفين
رحبو بي وعرفهم عليَّه.
المس. هاي المس رُقيه مُحاميه ثانيه ضمن الفريق القانوني بمجموعة شركاتنا.
الكل مبين حبابين اربع شباب وخمس بنات ومن ظمن البنات ثنين من اللي شفتهن بالحمام البارحه.
--: مسيو بس لا تگول المس هاتسو انتقلت لهذا القسم!
اندارلها باوع بيها وبيّ.
بكيفي وين ما انقلها انقلها، ارجعي على شغلچ.
لصمها وبس تنظرلي بنظرة العدو.
دلني على القسم اللي راح أشتغل عليها
وضل فوگ راسي، و اذا اخطئت بشي يحچي بنتر.
ثبت إيده على المكتب وتدنى يم راسي يحجي بنتر
هو هيج تكتبين انتي شلون متخرجه من كُلية القانون.
عفت القلم غمضت عيوني بنفاذ صبر هو ما وترني شي غير وقوفه فوگ راسي. ، اردفت بنفاذ صبر
رُقيه: هوو محدد وترني غيييرك ولك شبيييك اعرف اكتب بس اتلبك من شخص يضل فوگ راسي ويگرررگررر.
چآن قريب مني وصافن عليَّه لأن هيج حچيت درت وجهي نظرتله ووهو بس ساكت، ايد على الكرسي اللي گاعده عليه وإيد على الميز فوگ الملف.
نظرت الموضفين بالاقسام الثانيه ينظرولنا خلف الحواجز الزُجاجيه.
رُقيه: ما ما جنت اقصد.
ما چنتي متقصده تنفتگين.
رُقيه: ليش تغلط!
چآ وأنتي ما غلطتي، آنه أگرگر؟
نظراته وترني عدلت الكمامه ورفعتها لوجهي أكثر
بحيث طخت بعيوني، لزمها وانزلها شويه.
رُقيه: الموضفين...
اي احم كملي الملف واذا لگيت غلط بي ترجعين تسويها من اول وجديد.
ابتعد عني ومن يمه أشر على الموضفين بمعنى
شكو شبيكم والكل رجع على مكانه.
اما الاستاذ أبو گاع كمل اشراف على باقي الموضفين
هم زين راح وعتقني، ضليت للساعه 6 كملت ملفين.
وبقى أثنين، ناجي صرعني بالرسايل ويحجي كان يعرف كلشي يدور حواليا، ودق تتصل واگللها شويه واخلص.
اخر مره جانت اتصال من حبوبه. جاوبتها واني امشي على مكتبه.
رُقيه: سُعاده بعدني بالشركه باقيلي ملفين. باوعي هسا اني گدام غرفة المدير ااذ وافق أرجع واذا ما وافق احتمال اتأخر لحد 6: 30
لا ما يوافق ارجعي على شغلچ بعد باجر الجلسه
اجاني صوته من وراي انداريتله شايل ملف كملته.
بي أخطاء إملائيه في البند الثاني والثالث والرابع.
رُقيه: لا بربك، اقصد لاا مستحيل عميت عيوني عليها ما ممكن توجد أخطاء.
خطيه حبوبه گالت انتي كملي شغلچ وحاولي تخلصين بسرعه، قفلت الخط وأخذت الملف منه.
رُقيه: جيب اشوفه متأكده الخلل بعيونك.
درت عيوني يمين يسار أدركت ذبيت ميانه صايره
احچي بدون تقييُد، كله بسبب الجرابيع اللي بحياتنا.
شفت الأخطاء الإملائية فعلا موجوده، جان واگف گدامي ما علق على الكلمه اللي طلعت من حلگي.
رفعت انظاري اردفت.
رُقيه: هه اقصد اكيد اكيد الخلل بعيوني لهذا الشي يوجد أخطاء إملائيه.
علي المكتب بدون ولا حرف.
فعلا رجعت اعيد تصحيح الكتابه بالابتوب وبعدها أودي للطبع، منا ومناك الوقت عبر 8: 30 المسا وبس آني بالشركه او بهذا الطابق، حتى ابو گاع عافني وحدي ورجع لبيته.
خليت راسي على الملف موتني من الوجع غمضت جفني حتى اخذ قيلوله، فزيت من صوت كوب الگهوه
اللي حطها گدام وجهي واردف.
اشربيها وصحصحي مو وگت قيلولاتچ.
ال بتراء
بعد ذيچ الليله المُتعبه ضليت نايمه للصبح ومن گعدت ما لگيتها يمي، حسيت روحي تعبانه فضليت للضهر لا تغديت ولا تعشيت.
إلى أن فزيت من صوت رجال بالممر يجي ويروح
مديت ايدي تحت المخدة تأكدت من الدفتر چآن بمكانه، شلت الدفتر وگلادة على سَند احتاريت وين اضمهن تحت الچربايه مو أمان احتمال يوگع من الفتحه و يشوفونها، وين اضمهن
ضليت محتاره إلى أن اجتني فكره.
شلت اللحاف عفته على جهه والمخاد كذالك.
ورفعت الدوشك مال الچربايه وخليت الدفتر الگلاده
بنصها عالخشبه ورجعت الدوشگ عليها
رتبت الچراچف ورتبت الغرفه مثل ما چانت.
ادرو على موبايلي ما ألگاه
بتراء: هذا الزفت وين راح.
شلت هدية خاله يقين عالارض ولبستها برقبتي
ورجعت ادور على الموبايل حوالين الچربايه متأكده
هنا بشي مكان البارحه چان يمي.
دخلت خاله يقين وهي تحچي عالموبايل.
يَقين: ههه صوتچ مألوف عليَّه شني گلتي اسمچ؟
جوري اسمي جوري.
يَقين: هاا جوري اي مكتوب حرف J فقط، هاي براء احچي وياها.
چنت واگفه بمكاني وهي اجت ناحيتي، اذا عرفت شي اخسرها نهائيا وعلى السَند.
يَقين: براء حبيبتي هاي صديقة طفولتج جوري.
سمعت تلفونج يدگ ما ردت اخرب نومتچ.
اخذت الموبايل منها وهي من شافت الگلاده مالتها برقبتي ابتسمت وعافتني بوحدي، رحت سديت الباب وراها وهاي صارت تحجي.
وَسن: عفيه براو المره طايره عقلها بيچ شمسويتلها يا ملعونه هاا ءء.
بتراء: ليش متصله!
من الآخر اريد توقعين على نقل ملكية القصور اللي على اسمچ بتوره.
بتراء: قصور شنو شجاي تمسلتين.
الشركه فقط بأسمي ما عندي املاك ثانيه.
بلشت تصرخ وتغلط وتحچي بحقاره.
حيااله ياا حقيره جساار العار كاااتب ثلاث قصوررر بأسمممچ وقصررر بدولة - - - - بأسم A X R.
بتراء: وسن شجاي تحجين ما عندي علم بهذا الكلام
ومنو هذااا A X R.
اووه اووه ليش بعدچ ما تدرين؟
بتراء: اسمعي وسن مالي خُلگچ شتريدين انتي شتريدين؟
اختفى صوتها ولحظات وجاسر حچى.
جاسر: وَسن شاربه ومو بوعيها، أنتي ليش شامره تلفونج بإيد المره، بهل لحظة تخلين پاسپورت عليها مفهووم.
بتراء: لا تعلّي صوتك واعرف شلون تحاچيني
وهاي البصفك خل تنچب حسافه سنين عُمري البچيتهن عليها وعلى فراگها.
قفلت الاتصال بوجه ودخلت للإعدادت خليت پاسوورد قفلته وشمرت التلفون عالچربايه.
اندگ الباب ودخلت خاله يَقين شايله بإيدها صينية.
يَقين: براء حبيبتي جبتلچ أكل ولازم تاكلين غصب عنچ ما يصير من الصُبح بدون أكل هيج تمرضين أكثر.
عافته عالميز وشفت رجال مر من يم الباب قبل لا تروح تسده.
بتراء: خاله منو بالبيت غيرنا؟
گعدتني وبلشت تسويلي لفات، شگد أخجل من دلالها وحنيتها، انطتني لفه ومن تحچي تبتسم ابتسامه هادئه.
يَقين: على سَند من الصبح طلع عنده رحلة عمل على روسيا وچنت وحدي بس المُغرب رجع أدهم
بتراء: منو أدهم ابنچ الثاني؟
ضحكت بهدوء وانطتني العصير.
يَقين: أدهم زوجي مو ابني حچيتلچ عنه أكثر من مره.
فعلا چنت ناسيه ادهم زوجها شديصير ويايه
بتراء: اها نسيت والله، اعذريني.
كملت أكلي وهي اجاها اتصال طلعت من غُرفتي
وبقيت وحدي ضليت محتاره بالأيام الجايه ما اريد ااذيهم وبنفس الوقت اريد اوصل لأختي.
باوعت الساعه عابره ال9 بالليل شلت الصينيه
قررت انزل للمطبخ هم ارجع الصينيه وهم اطلع للحديقه شويه أغير هوا ويخف الخنگه اللي احس بيها.
فتحت الباب وطلعت على مهلي البيت ضلمه يعني
خاله يَقين راحت تنام من وگت مثل عادتها.
وصلت للمطبخ ضلام دآمس بس ما ردت
اضويها لأن غُرفتها مُقابيل باب المطبخ
شغلت فلاش الموبايل وعفت الصينية عالسنگ
سالفه تجيبني وسالفه توديني.
أنوب زوجها راجع شگد مستحيه منه عود باچر
الصبح شلون انزل للريوگ. ، چنت بهل أفكار
لمن حسيت بخطوات شخص وراي.
اكيد خاله يقين ماكو داعي تتوترين.
لكن ريحة الجگاره صارت ماليه المطبخ معقوله على سَند راجع؟
بين هذهِ الأفكار والضياع اردف والصوت تسلل إلى مسامعي صوت هادئ مسموع من قبل.
أهلا أهلا بتراء الجسار شهل الصيد السهل هذا.
فتح أضواء المطبخ واول ما انداريت شهگت حتى
الموبايل وگع من إيدي.