رواية ولد الباشا للكاتبة فاطمة الأحمد الفصل الثالث والثلاثون
سيرا
ضليت اجي واروح شسوي كُله بسببي
المشكله ما چنت اسمع الأصوات اللي حواليها
الطامه الكبرى الشخص اللي شفته وراها
دار الكاميرا على نفسه وچان متلثم حچى شي
بس ما سمعته بهل اثناء طفى الإتصال.
والموبايل بإيدي انقفل وطلع لوگو الجُمجمه بلون الأحمر بعدها تحول للاخظر، وظهر عباره
بالأنگلش مكتوب هُنا الفوضى فلا تتجرأ
سيرا: هاي شني شصار علگ لو شني.
لا بصمتي تفتح و لا الرمز يطلع صح ومتأكده الرمز مو غلط بس ليش يطلع غلط معقوله اخترق جهازي.
سيرا: دخيل اسمك يا على بس لا يأذيها.
بعد عدة محاولات ضوت شاشة الموبايل مره ثانيه وانشال رمز الأمان ولا البصمه بقت، ضلت هيجي بدون باسوورد، دخلت لمعرض الصور كُل السكرينات ماكو.
فوگ الخمس سكرينات چانن
وماكو اللي وگف عقلي مصور شاشه سودا وكاتب عليها باللون الوردي وبصفه إيموجي الفيونكه.
قريتها وآني نار واشتعلت بيّه من المغثه.
سيرا: ختيه الگيرل تلاحگولها
منووو هذاا دخيل أسمك، احسن شي اروح لأبيل هو يتصرف.
طلعت من غرفتي ودگيت باب غرفته ماكو ما يفتح دخلت بنفسي ما لگيته.
سيرا: چآن بالبيت شوگت طلع.
اجي واروح بالممر ومحتاره شتصرف ما ادري ليش تذكرتها، لمن خطفوني وهددوني ما احچي
اجت ببالي ذيچ البنيه الشگره اللي هددت بقتل أريم.
سيرا: معقوله ختيارة الجن ألها إيد!
نزلت بسرعه للطابق الأول الكل أما بغُرفهم او ملتمين بالصاله، دخلت للمطبخ فتحت الدُرج
سحبت سچينه زغيّره اخذتها ورحت لغُرفتها
وگفت أمام الباب محتاره شلون اطبلها لكن اللي
خلاني اتأكد بوحدها صوتها وهي تحچي اتصال على ما اعتقد.
شني يعني آني شعليه هو حبها وما رايد إلا هي.
استمعت للطرف الثاني وبعدها حچت بإنفعال.
ليش ما تصدگ أيهم ما ينام وياي بنفس الغرفه صار 18 سنه.
شهگت وخليت إيدي على حلگي اكتم صوتي. معقوله صاير خلاف چبير لهل درجة شني يعرف عنها ليش ما يگعد وياها بنفس الغُرفه ليش!
ابن أدهم هم يتزوج.
شمدريني بنيه عايشه وياهم بس احس شايفتها.
راح أسد الإتصال شخص واگف برا.
لزمت مقبض الباب فتحته ودفعته على مهل
شفتها واگفه ومنطيه ظهرها للباب، نزلت الموبايل من اذنها واندارت.
سجى: سيرا..
دخلت الغرفه وسديت الباب فريت المفتاح وقفلته.
سجى: بنت ندى اطيح حظچ شتسوين.
خليت الموبايل بجيب التراك وطلعت السچينه
وجهته عليها.
سيرا: اكمل الشغله اللي بقت ورايه.
سجى: بعدچ ما تعرفيني الأحسن تصيرين عاقله ما اريد تلحگين اختچ.
سيرا: يعنييي ااانتي خطفتيييي اااريم.
رد فعلها چآنت مُستغربه وانكرت
سجى: شجاي تحچين آني ما خاطفه اختچ شلي بيها؟
سيرا: توووچ گلتييي الحگ ااختي وما ادري ايش، اااحجي اااريم وينهاا؟
سجى: وروح عزام مالي دخل الله اعلم ويامن طالعه.
سيرا: اسكتي اسكتي لا تخليني اهينچ وارفع صوتي عليچ ترا تربية ندى شافعتلچ والله
سجى: عاينيلي يَ بنيه اختچ دايحه ويا شباب آني شكوو روحي دوري عليها بالملاهي.
بعد انتهت كل الحلول هديت عليها مخليّه السچينه على رقبتها بحيث انجرحت، اردفت وآني أشد على الكلمات گوه متمالكه نفسي.
سيرا: سمعيينييي لچ ختيارة الجن سمعييينييي
أختي اشررف من الشرررف واااشرف منچ يل غدااره يل ما تستحين تحاااچين ديووثه.
سجى: تخبببلتي وخررري عنيي مرريييضه.
سيرا: أريم اذا منا للساعه تسعه ونص ما ترجع او ما تجاوبني، اجرچ جر للديوان واحچي لعمي عن غدرچ وخيانتچ
سجى: مااكو دليل شتگُليله
سيرا: شگُله؟ سؤال حلو أگُله مرتك المو محترمه تشتغل جاسوسه عند أعدائك ولو ما اعرف يا ديوث تحاچين بس سهله على عمي اشتر
خلال 24 ساعه يطلعه من سابع أرض ويشمره يم رجلين عمو ايهم.
اصفرت من ذكرت عمي اشتر ضلت تتأتئ بالكلام.
سجى: و ال قرااان و ء وراااس عزاام ما اعرف اختچ وينها هي راحت ويا على سَند وعزام لا لا تخافين ترجع احتمال ماكو شبكه.
صدگتها يبدو فعلا ما تعرف دفعتها، وگعت عالچربايه عاينت السچينه عليها دم شمرتها
علي بطنها وصاحت تگول يماا انتبهي هممج.
سيرا: مُمتازه بالرمايه لا تخافين اعرف شوگت اصيب الهدف، نضفيها ورجعيها للدُرج الرابع.
اهم شي محد يحس بالتغيير فاهمه؟
هزت راسها ودرت ظهري مشيت للباب واني اسمعها تدعي عليّه.
سيرا: ديلا على اساس راح تُعبر السقف دعواتچ
يل ما تخافين ربچ، ختيارة الجن
رگعت الباب بقوه و رجعت اتوجه للطابق الثاني
شفت إيمار شايل الگيتار و دخل للمصعد يريد يصعد للسطح بأخر طابق.
دخل وصعد رحت انتظرت المصعد ينزل مره ثانيه، حاولت اتصل على أريم ما ترد مرتين بالثالث جاوبت.
سيرا: أريم ولچ خوما بيچ شييي؟
لا كلشي تمام من وراااچ چآن رحت بستين داهيه.
سيرا: هسا شصااار احچي وينچ منو خطفچ؟
بالكورنيش صافنه على شط العرب. محد خاطفني يمعوده
سيرا: هذاك منو چآن احجي؟ ولج هذا شسوالچ عبن هكر جهازي وحذف كلشي.
ما سوالي شي طلع صديق أبيل، وما حاب احد ياخذله صور.
سيرا: ويت ويت أبيل يمچ؟
Evet بنت الدرهم Evet.
سيرا: اووخ چووك گوزاال ابن حماي.
سمعتهم يتهاوشون وأريم حچت تحاول تتمالك صوتها واعصابها.
تمام جيب معليك بيها، شبيييچ سيرااا بدون هذا الكلام هسا احنا نرجع للسنتر وانتي لا يطلع حچي من حلگچ تمام؟
سيرا: تمام الله كريم، لازم اقفل الخط.
رجعت الموبايل بجيب التراك ودخلت للمصعد
القصر من أربع طوابق تسألوني ليش أگول، انا بزات نفسي مش عارفه اجيت للدنيا بهذا القصر.
أكو درج يودي لآخر طابق لكن محد يستخدمه.
بإختصار بلا فايده المصعد اسرع واسهل، انفتح الباب وطلعت على مهلي خاف يحس
المسافه بين المصعد وباب السطح حوالي الخمس أمتار.
مشيت بهدوء وكلما اقترب صوت الگيتار ينسمع
أكثر نغمات هادئة وتعبر عن مشاعره المكتومه.
وگفت بالباب وتفاجأت بوجود هِلال گاعده بصفه چآنو گاعدين على الكراسي المحطوطه ومنطين ظهرهم للباب.
يعزف من أعماق روحه وبلشت هلال تغني Annem-Annem و مبين القهر والغصه بصوتها.
وآني أشاهد منظرهم عيوني انترست دموع
رغم قوتي بس حساسه اتجاه هيج أمور، مسحت عيوني و طلعت تلفوني شغلت تسجيل لصوتهم والتناغم اللي بينهم.
وچنت اردد وياهم بگلبي.
حسيته راح يلتفت بسرعه تراجعت ورا الحايط وفعلا سمعت هلال تحچي.
شكو إيمار.؟
ما ادري حسيت شخص يراقبنا.
ماكو شي، ارجع كمل.
لا متأكد شخص يتجسس علينا.
والله ماكو احد منو يصعد للسطح.
أكو شخص اصبري.
ارتبكت ما اعرف شلون امشي لو اركض.
اسرعت خطواتي وبنفس الوقت حفظت التسجيل
وحسيت شي وگع مني بس ماكو وقت ما ارجعله.
سيرا: عزااا العزااك يا عزام على هيچي اخو.
نزلت بالدرج وأخيرا بعد قرن استخدمته
سيرا: اسحب كلامي طلعت نافع للطوارئ.
أكثر من ثلاث دقايق واني انزل الدرج طابقين مو قليله هاي لو غرفتي بالطابق الأرضي جان انتهيت.
اول ما وصلت للطابق الثاني گعدت الدرج اجر نفس رفعت راسي شفته متچي على باب المصعد ينظرلي.
إيمار: سندريلي من شني شارده.
سيرا: ش شني هاءء اشوي اسوي قصدي اسوي رياضه اريد تنحف، انحف علمود الفستان يطلع يطلع يشُگ شگ.
وگف عدل الشفقه و بإيده شي يشد عليه.
تقدم بإتجاهي ويقلد تلعثُمي بالكلام، ما تحركت ظليت گاعده واسوي روحي نورمال و ريلاكس.
اشوي اسوي تنحف انحف تشُگين شگ.
سيرا: اي احمم.
كنبص گدامي توترت وانظرله بطرف عين
مد إيده اللي بيها خرزه من اسوارة امه وبصفها
ربطة سوده. فتح إيده گدام وجهي وآني انظرله
بطرف عين.
هاي گلادتچ؟
نظرتله بطرف عين اي گلادتي اللي على شكل أجنحة الملاك وكلها كرستال.
سيرا: ها اءء اي وگعت بالمطبخ البارحه مو؟
هايير، مو من عركة البارحه هاي قبل شويه شلته وراچ بالطابق الرابع.
لازم اتصرف إلا شويه وياكلني بنظراته
حمحمت، ردت أگوم ما خلاني بقيت گاعده
وهو گدامي ضل يتفحصها ويشوف الكرستال.
اگلچ بنت الدرهم هذا ألماس؟
اذا ابيعه شگد يسوا؟
سيرا: اذا بعتها تگدر بحقها تجيب ميسي للدوري العراقي.
ها يعني رخيصه تجيب راس ميسي؟
سيرا: وجابت راسك.
شني؟
سيرا: اءء انسى.
حسيت شخصيتي الطرگاعه واگفه فوگ راسي وتضحك على وضعي.
أنتي شني من بنيه انتي تجفصين ببطن الوادم وتگولين انسى.؟
گمت فجأةً رجعلي قوتي وشخصيتي الأعشقها
سيرا: ياااخي سووي delete بلاش دراما كوييين.
نصي صوتچ و لا تگولين ياخي عبن آنه مو اخوچ.
سيرا: ياااخي ما يشررفني اااخ مثلللك.
مو گلت نصي صووتچ، شگلتي شگلتي؟
عدل الشفقه على راسه وتقدم بإتجاهي
انسى سوي delete كأني ما حچيت انسى وجهي خليني أولي وليت هياتني اختفيت رايحه انطمر.
عبرت بصفه لكن لزمني من الهودي جرني عليه ويهمس يم اذني.
گوه تخليني ادگ على راسچ بالنعال.
سيرا: موو تاايهتلك غيرر ارد الدگه عشر دگاات و.
وبالنعاااال على راااسه دگ بالنعااال.
يمين عظيم موته على إيدي.
ثنينا اندارينا شفنا وَتن واگف يم الدرج بإيده
ماعون بقلاوة ياكل منه.
وَتان: كملو اخوتي كملو راحت موضة شگ الفانيله صارت بالنعل.
رحناله سويه وهو توتر يأشر بإيده.
وَتان: الاحترام والتقدير لأجلييي، ترا آنه أكبر منكم بسنتييين.
ثنينا حچينا بنفس الوقت.
وبالنعاااال على راااسه.
سيرا: اي محد گال تعال صاحبنا.
إيمار: اذا احترمتك معناها مو صاحبي.
أخذنا البقلاوه من الماعو ما بقيناله شي وكلمن راح بإتجاه غرفته رجعت بنص الطريق.
سيرا: ول هوووووب ستوووب تعاال تعاال.
رحت يم باب غرفته جريت الگلاده من إيده.
سيرا: مره ثانيه لا تبوگ وتگول لگيتها.
عفته بصدمته ومشيت لغرفتي چنت اسمع أصواتهم وميته ضحك بداخلي.
بنت الدرررهم تتجسس عليّه وتگوول بگتهاا.
ول توووم خاف صدگ بايگها من جيري؟
أنت تريييد اهيينك؟
لا تخليني انگلب اشتر جونيور، خلينا حلوين حلوين.
أريم
نزلت دمعه من طرف عينه بدون انتباه منه
ارتبك وما عرف شلون يخفي دموعه.
أبيل: احم خل نمشي هسا تليگهم مقدمين بلاغ اختطاف بأسمچ.
لزمت إيده ما خليته يمشي رجعته گدامي
وحظنته بقوه ما ادري ليش بس حسيته محتاج شخص يحتويه، وفعلا شد إيده يحظني بكل قوته
ويحچي بصوت تعبان.
أريما اريدچ وياي ومرات ماريدچ.
شلون ما افتهمت.؟ اها عبن هدآم تزوج أختك بالإجبار وبالسر؟
لا مو لهذا السبب.
چآ السبب أبويه؟
لا أريما لا فقط ابتعدي عني، آنه إنسان فُگر أريم إنسان فُگر.
انت مو فُگر ليش هيجي تحچي.
يوميه ناس تلحگني تريد تغتالني. ، شيسموها؟
أسميها أكشن، إثارة، شني تريد تعيش حياة تقليديه.
بيرفكت اذا أنتي تشوفيها وتسميها اكشن وحياة مليانه إثارة ف آنه اشوفها قعر الجحيم ويوميه الموت يبتسملي.
هسا خليك مُتفائل شبيك خليك مُتفائل.
تفائلت لحدما التفائل تفل بوجهي.
ابتعد يمسح على وجه ومحتار، رجع اندارلي، اردف بشبه عصبيه.
تدرين شنييي أنتي خليچ بعييده عني، أريم خلييچ بعيده شگد ما تگدرين.
ما تگلي ليش خايف مني؟ اهاا خايف اخطف الاضواء منك، بمأنه احم اعرف استخدم مُسدس.
دخيلك يا على يا ضرغام، ولچ بنتي شكو بدماغچ؟
عقل، انت شكو بدماغك.
لا تسودنينيي أريم لا تسودنينيي. دخيلك يا على يا ضرغام.
تمام على گولتك خليك ريلاكس.
لچ ااانتي انتي.
بهل اثناء موبايلي دگ چانت سيرا.
هاي سيرا هسا تسألني عن الصار.
لا تگُليلها شي تمام.
في حال خليتني وياك، حتى اعيش أجواء الاكشن والإثارة.
سويت حركة حمل المسدس ومنتظره جوابه
عندچ مرض الأكشن والإثارة ااانتي؟
اي وانت دواه، قرر بسرعه خل اجاوب.
بيرفكت راح اخذچ على گد عقلچ.
نعمم ياا حظرتك؟
تمام تماام، بس ألزمي لسانچ.
بيرفكت، راح اجاوبها.
ضل يجي ويروح فاير دمه مني، حچت سيرا مبينه خايفه ومتوتره.
أريم ولچ خوما بيچ شييي؟
أريم: لا كلشي تمام من وراااچ چآن رحت بستين داهيه.
هسا شصااار احچي وينچ منو خطفچ؟
أريم: بالكورنيش صافنه على شط العرب، محد خاطفني يمعوده.
هذاك منو چآن احجي؟ ولج هذا شسوالچ عبن هكر جهازي وحذف كلشي.
أريم: ما سوالي شي طلع صديق أبيل، وما حاب احد ياخذله صور.
ويت ويت أبيل يمچ؟
Evet بنت الدرهم Evet.
اووخ چووك گوزاال ابن حماي.
أريم: تمام جيب معليك بيها، شبيييچ سيرااا بدون هذا الكلام هسا احنا نرجع للسنتر وانتي لا يطلع حچي من حلگچ تمام؟
تمام الله كريم، لازم اقفل الخط.
قفلت الخط واشرلي گدامه.
بلا أمراً عليچ تفضلي البصره كُلها صارت تدري بينا.
هسا غير يهدئ الأخطبوط حاروگه.
مشيت گدامه بخطوات سريعه وهو وراي متنرفز.
من ويين تعرفيين هذا الحچيي؟
اءء اي شسمه ياسر يمان سولفلي.
بيييرررفكت وصارت بينكم سوالف.
خليك ريلاكس فقط دردشه بسيطه.
هاي شوگت هاا؟
احم قبل يوم خطوبة عزّهَ.
لزم إيدي وگفني، انداريت عليه وجه ما يگصه سيف من الغضب، اردف
أريم!
نعم وياك.
انسييي لك الله يلعن حظيي بيااا بزونه سووده تصبببحت آنه هااا.
تمام انسى إلى رااح على طول على طول متخلي زعلك مره يطول.
بيرفكت بيرفكت الفاتحه على روحك يا أبيل يا فُگر
ضل يحجي ويا روحه بعصبيه لحدما وصلنا
السنتر دخل وياي والخمسه گاعدين بمكان الإنتظار
أبيل: لا تخافين دزيت رساله لأخويه واخوچ.
أريم: شني بخصوصها ولك گامت.
تخطي خطواتها وبس صوت كعبها ينسمع.
الناس الموجوده بالسنتر كلهم سكتو يتفرجون عليها وهي جايه بإتجاهنا و عيونها تجدح نار.
الوحيدة اللي اتوتر منها واتردد اخالفها.
تراجعت ورا ظهره واهمس.
أريم: افضحك على الشرقيه نيوز إذا رزلتني من وراك.
بيرفكت تعاي گدامي خل ترزلچ
أريم: لا تصير نذذل حل الموضوع.
حربايه وعلى الضرغام حربايه.
أريم: اتصرررف.
صاحت بيّه وهي جايه بإتجاهي.
عزّهَ: اااااالف مره گتلچ خلييچ بعيده عنه اااريم.
أريم: عزوزه بس افهمچ.
عزّهَ: شتفهمييييني ولچ هذاااا مُستهدددف
هذاا مطلوووب بالمااافياا شلوون تروحين ويااااه.؟
الدراما كوين وراثه عدكم.
عزّهَ: اااانچب.
تمام مرت أخوي خليچ ريلاكس.
وگفت بوجه تحچي ونظراتها تريد تسويني وصل.
عزّهَ: شنيي من بشررر أنت خلي يكون عندك شوية ضمييرر شلون تاخذهاا وياااك تااالي تااالي، اختي شني ذنبها حياااتها تصير بخطر ويااااك؟
أريم: عزوزه ما صار شي هو هو.
عزّهَ: انچبي بدون تأليف أبيل دز رساله ل عَزام.
طالعه وياه والناس لاحگتكم بدراابين البصرره تريد تقتلكم.
مرت اخويه خليچ ريلاكس طالما هي وياي ما يطخها الهوا.
عزّهَ: بله انچب اعرف سوالفك كلها.
براء وعلى ويا ماما يَقين گامو وعزام هم گام تقدمو بإتجاهنا، ومنا عزّهَ لزمت إيدي وأبيل لزم الإيد الثانيه
عزّهَ: شيل إيدك عنها ومره ثانيه لا تتجرأ تلزمها
مرت اخوي أنتي شني مشكلتچ وياي؟
استلطفيني لخاطر على ترا حيل انحب!
هو يجرني لورا ظهره و عزّهَ تجرني لصفها.
عزّهَ: حبتك حيه أكثر مُنافق انت واحد ملعبچي
وخطر على حياة أختي الثوله.
أريم: اوك هو ملعبچي آني ليش تگولين عني ثوله؟
عزّهَ: انچبي.
وگف بينا ونظر بالوجوه بعدها اردف
عزام: إذا ما عندچ علم أكو جماعه هددو ابوچ بأختچ يعني اختچ مُستهدفه و أبيل حارسها الشخصي.
أبيل: موو حارس شخصي من باب الرُقيّ ارافقها.
عزّهَ: حلو الأخوة واحد يفزع للثاني، أبيل مستحيل اثق بي تعاي هنا أريم.
أبيل: تضل وياي هي تريد هيچي.
عزّهَ: أريم يُفضل تجين بصفي.
يَقين: شمالچ بنتي ترا ابوچ گال تبقى ويا أبيل.
عزام: عزّهَ لا تخلين عقلچ بعقل أبيل، . احجي شعندك.
اجاه اتصال وطلع يحچي برا ومنا واحد يجر والثاني يرد دخل على سَند بالنُص نزل ايدهم
وجرني لصفه براء حاوطتني وعلى اردف.
علي سَند: عود أنتي الما تحبين تاخذين و تنطين
شبيچ ويا أبيل؟
عزّهَ: هاي مسألة حياة واختنا حياتها بخطر خاصة ويا هذا المتسودن.
أبيل: رحم الله والديچ غير ابوچ الدرهم النادر
مأمن على بنته وياي؟
عزّهَ: إياك تدخل ابويه بالموضوع هو ماله دخل.
علي سَند: والله للأسف الشديد هذا طلب ابوچ
أبيل: مرت اخويه أنتي خليچ بشغل الشركة والأسهُم اختچ بأمانتي.
دخل عزام خوزر أبيل بسبب اسلوبه ويا عزّه
اجا يمي نظر ل براء بهدوء وبعدها اردف وياي.
عزام: الكل يعرف أبيل مُستهدف وأنتي ايظا تعرفين، اذا خايفه على روحچ ومتردده أبيل يضل قريب منچ، اگدر ادبرلچ حارس شخصي.
چنت اشوف بنظراته عدم البقاء وياه هو رافض ابقى قريبه منه، رجعت انظاري ل عزام وحچيت.
أريم: ما خايفه على روحي ولا متردده.
انتوا أفراد عائلتي مستحيل أثق او أأمن على حياتي ويا شخص غريب. لذالك مأمنه بأبيل
هو الوحيد اللي اشوفه شُجاع وگدها.
عزّهَ: غاسل مُخچ غبييه.
طلعت من السنتر وهي مالها خلگ شي براء وخاله يقين طلعن وراها و على وراهن، بقينا احنه الثلاثه
عزام يوزع نضرات بينا.
أبيل: مرتك تبالغ ما مسوي شي، بويه أريم غاسل مخچ الفاضي؟
أريم: ساعه امدح بيك عزاا بعينك.
عفتهم وطلعت بقى عزام يحچي ورانا.
خويا أنت صاير ما تنجرع.
اتشاقه وياها شبيهن بنات الدرهم ويانه.
تفي على حظنا الزفت ثنينهن يشلعن الگلب.
الله أعلم بيا بزونه متصبح اليوم.
امشي بلا سخافه.
اجو ورايه وصلنا للگراج على سَند منتظرنا بالسياره صعدت وياهم، أما أبيل وعزام رجعو بسيارة أبيل، ماما يقين گاعده گدام ومنا عزّهَ گاعده بصفي يم الباب كل شويه تنبه على سَند
عزّهَ: بس لا تضيع سيارته
دخيلك يا علي، عزوز ترا الأخوة سوا، شني ألحگهم بلكت ما رجعو للبيت؟
عزّهَ: چآ وين يولون عزام ويا أبيل هسا يصير شي عليه من ورا هذا المتسودن.
يَقين: شبيچ تفاولين عليهم اسم الله الزهره بنتي.
أريم: أختي اعتذر عن هذا الكلام بس انتي ملاحظه روحچ شگد أنانيه، ما يهمچ غير احبابچ
شني أبيل مو روح وتخافين عليه؟ مو من أفراد عائلتچ؟ ليش بس خايفه على عزام؟
احم أريم احچي عدل.
بتراء: لا لحظه على سَند من رُخصتك، أريم ما غلطت بكلامها، ترا أبيل خطيه هو ما اختار مصيره ما اختار يكون مُعادي ولا مُستهدفين، أبيل ديعيش حياة فُرضت عليه.
كلامها چآن عميق وخلانا نسكت ونعيد ترتيب افكارنا.
عزّهَ: براء انتي مو من نفس بيئتنا فمستحيل تفهمين شني مافيا شني مسدس شني اختطاف.
اخذت صفنه وعلى سند مراقبها من الجامه. و براء حچت ويا عزه
بتراء: ما ادري شنو الخلاف اللي بينچ وبين أبيل
بس هيچ ما يصير هو هم روح ومن عائلتچ و اخو زوجچ على الأقل راعي مشاعر اخويه عزام.
دارت وجهها ل براء ومنا على سَند ضاج او مستغرب ما فهمته.
عزّهَ: اعتبره من عائلتي لكن هو مثل المغناطيس يجلب الخطر وين ما چآن، بعدين مرن ثلاث ايام من تعرفتي عليه شبسرعه صار اخوچ.؟
بتراء: من باب الإحترام اصيحله اخويه اذا الموضوع ازعجچ عادي اگله عزام اصيحله بأسمه.
عزّهَ: احم لا خليچ على اخوچ عزام هيچي أفضل.
أريم: حههه تغااار عليه.
عزّهَ: انچبي بعدني ما ناسيه كلامچ.
بستها بخدها عود خل ترضى بس شني يراضيها رعيده بعد، خلصنا الوقت سوالف وشقا.
براء بلشت تندمج ويانه وتسولف بدون تَقيُّد
وصلنا للبيت قبل لا ننزل آني وعزه حچينا سويه.
براء انطينا رقمچ او اي حساب من حساباتچ.
ضلت ساكته لثواني، ثم اردفت.
بتراء: مو كتلچ موبايلي نسيته بالغُرفه.
حتى صور الفساتين اخذناهن بموبايلچ
عزّهَ: اي صح ذكرتيني.
أريم: ماكو مشكله هسا ننزل ونروح على غرفتچ نرتب اغراضچ ومنها ناخذ رقمچ.
نزل على وماما يَقين وهو يحچي.
ما تاخذن الرقم القديم آنه جبتلها موبايل ورقم جديد.
ما حچينا شي اتفقنا وياه لكن اثناء ما نمشي للبيت براء تحچي وياه
بتراء: بس موبايلي ما بي شي والرقم هم عليه ارقام صديقاتي.
منينلچ صديقات هنن رند وجوري خل يتصلن على الرقم الجديد.
بتراء: موو آني ماريد.
آنه اريد حبيبي آنه اريد.
بتراء: تمام لا تگلي حبيبي گدام العالم.
ليش حبيبي.
بتراء: دخيلك يا على السَند صوچي اجاوبك.
لا تجاوبين محد جبرچ.
ضلو يتهاوشون بيناتهم لحدما دخلنا البيت.
هِلال
نزلت للطابق الأول بعدما رجعو البنات من السنتر.
دخلو وچانو گاعدين بالصاله ويا هُدهُده
يشوفوها الفساتين اللي اختاروها.
دخلت وچان هدآم گاعد بصف وگاع و على سَند اللي ابتسمولي ثنينهم أعرفهم يحاولون يخففون عني، بمأنهم ويانه و على سَند من سنين يدور ورا بيت آلمياحي، خاصة بنت جسار بتراء اللي مختفيه
هدآم ما عجبه الوضع لمن ابتسمت بوجهم.
گام ابو وگعه وطلع برا ودز رساله فتحت شاشة موبايلي قريته.
بعد ساعة تعاي للحديقة لازم نحچي.
دزيتله ok وگعدت وياهم نشوف شني مختارين.
سيرا: حبيت فستان براء كلش تجنن شايفين
التفاصيل يمه.
اخذت تلفون عزّهَ كلشي مصور بموبايليها.
چانت مختاره فتسان موديله فخم، ب ردن دانتيل
و تفاصيل الصدر يكون أكتاف مكشوفه.
أريم: اتفق تجنن خاصة حبيت الردان هيچي دانتيل منقوش والفستان مو كلوش هوايه مثل ذوق فلانه الله يذكرها بالخير، هذا شي بيرفكت.
عزه گلبت عيونها على كلمة بيرفكت و سيرا
ردت.
سيرا: والله يا حُبي فلانه الله ذاكرها بالخير، اعرف كُلش زين تُقصديني.
ناهد: اسكتن خل نشوف ذوق رعيده.
هِلال: ذوق رعيده من يوم يومه يفوز والدليل اخويه عزام.
سجى ما عجبها الكلام وگامت.
سيرا: سدي الباب بلا امرا عليچ عمتوووش.
رگعت الباب مو سدته، الكل ما انطاها اهتمام
تمعنت بتفاصيل فستان عزوزه من يوم يومها
ذوقها يفوز.
چانت مختاره فستان فخم وَ مميز بتفاصيلها
كله دانتيل و مطرز بالكرستال، لكن سيرا لازم تعلق عليها.
سيرا: هسا أوك ذبيتي كومه فلوس عليه لكن شني
الحلو بقصة السمچه؟
عزّهَ: فستان من olive davies بقصة حورية البحر شمدريچ بالأناقه.
أريم: اي ولچ هاي فلانه الله يذكرها بالخير اذا راحت تشتري ملابس فذوقها راح يكون جامبسوت جينز بس تموديلات مختلفه.
سيرا: فلانه الله يذكرها بالخير، كُل لبسها مال بنات العصابچيه تگول مُجنده افتهمنا تعرفين تستخدمين مسدس عيينييي.
أريم: فلاااانه اااكبر أحلامها تمثل تخيلو تمثل عالناس وترسمم ولا تستقر بابلو بيكاسو
سيرا: سمعيييني لچ احلااامي خط أحمر ما اسمحلچ تستخفين بيهاا.
صارت مشادات كلاميه بينهم وكلنا نحاول لكن ماكو فايده، هدآم وعلى سَند طلعو وما تدخلو، يمعود منو يگدرللهن.
سيرا: هدهده شايفه شايفه شلون تهين مُستقبلييي.
ناهد: شمالچ طرگاعه شبيچ ولچ ندى لحگيي بنتچ لچ اااريم اطييح حظچ.
أريم: يمه والقرآن ما سويت شي، لچ سيرا سيراا.
علي سَندد ألحگنااا سيرااا أغمى عليهاااا
علي سَند وهدآم من خمس دقايق فجأة طلعو برا الصاله واحنا ملتمات حوالين سيرا، خاله يقين ترش ماي ماكو فايده، شفت إيمار مر من يم الباب گمت صحت وراه.
هِلال: إيمااار سيراا أغمى عليهاااا.
خطيه ما سئل فورا ركض ومنا ابويه وعمامي طلعو من المكتب، كنبص لمها بحظنه يحاول يگعدها ويضرب على خدودها.
إيمار: س سيراا لچ گومي گومي شبيچ، سيراا
شصار وياها احچووو.
أريم: والله والله ماصار شي بس اختلفنا وگلت عليها أكبر أحلامها تمثل عالناس وهي انفعلت.
خلى إيده تحت خصرها وراد يمد إيده تحت رجليها حتى يشيلها فزت وصرخت.
سيرا: كااات كااات لاااا تمد إييييدك ماا بيه شييي.
الكل فوگ راسها عمامي وابويه، فقط الشباب ماكو، أما إيمار اخذله صفنه بوجهها
بعد ثواني تنهد بالراحه وسحب إيده من تحت ظهرها ضرب بالگاع وگام متنرفز.
إيمار: شگد جحششه.
سيرا: شبيكم هاي موهبتي اللي أريم خاتون استخفت بيها.
إيمار: ل جهنم ااانتي وموهبتچ.
طلع من الغرفه وعمي أدهم اردف
الأدهم: هذا شبي و شبيها سيرا؟
ندى: شبيها الطرگاعه وگعت گلوبنا، و تالي طلع تمثيل!
ناهد: من امدا شكلچ بنت الدرهم گومي لا احفر العكاز بظهرچ.
أريم جرت شعر سيرا وطلعت وهي منفعله تحچي.
طيييح الله حظظچ بچيييت عليهاااا گلت ماااتتت والزفه ألتغت.
سيرا: هااااو طلع الزفه اااهم اافاا اااوختيي.
بتراء: استكي يمعوده وگعتي گلوبنا.
عمو اشتر جر إيدها وگوّمها من الگاع حاوط كتافها.
الأشتر: سيرا مو تايهتلكم شحده اليستهين بأحلامها.
الباشا: هو محد خرب ولد وبنات بيت الباشا غير حفيد الهمج.
الأدهم: ههه ههه، بعده بعمر ال 25 مستحيل يكبر اخونا.
محد جاوبه وبابا طلع من الصاله، رجع لمكتبه.
اما البقيه فرجعو يسولفون وهل مره عمو اشتر گعد وبلش ينطي رأيه بكل شي.
عمي أدهم اجاه إتصال و طلع، گمت وراه هم لازم اروح للحديقه، وهم اعرف منو المتصل.
شفته طلع للبلكونه الموجودة ضمن الصاله المفتوحة، ويحچي.
تقربت ختلت بزاويه وسمعته.
ما اريدهم يجون حتى إذا.
اعرفهم ناس عقليتهم جايفه. ياخي شعلينا
ب حاتم حاتم ماله كلمه، خوالها يقتلوها يشربون من دمها ااذا عرفو بيها بالعراق.
ضل يسمع للطرف الثاني بعدها رجع اردف.
كُلشي سويته من سنين چآن لخاطر أختها المتوفيه يعني اكيد ما عاجبني الوضع بس.
سديت حلگي بإيدي كتمت حتى النفس.
اكيد شافني وانتبه، فتحت عيوني ما مصدگه صوت هدآم انقذني.
يابه ردتك بسالفه ضروريه.
مو هسا بغير وقت.
مجبور تسمعني آنه لعبت نفسي من شراكاتك ويا جسار وبيت يوسف.
بعدين اتصل بيك، هدآم نصييي صوتك
نصي صوتك هدآم ألزم حدودك هدااام
ولك تريدني اتسودن عليكم ااانتوا؟
اتسودن منو كاضك اتسودن أبني اتسودن.
انت والهدوء والعقل السليم ما ترهمون.
ماكو فايده من الحچي وياك انت مال أفضح وساختك گدام عمامي وأگللهم شلون تجيب أسهم وتودي اسهم بالشركه.
شهگت لمن عمو ضربه راشدي سديت حلگي
أحاول ما أضعف من الموقف، هدآم مسح خده وهز راسه بوعيد.
سهله يابه، سهله
تركه و دخل فورا أجا جرني من إيدي
مشيت وياه بدون صوت خاف احد يحس
رحنا يم الحوض اللي محطوط بيها ايقونات بيت آلمياحي.
وگف ومحتار شني يحچي وياي.
هَدآم: شسووي بيچ شسووي.
هِلال: ما تگدر على شي لا حول ولا قوة مجرد بيدق بإيد أبوك.
اسكتي تمام اسكتي شچان صاار لو ابويه شافچ؟
ما يهز شعره مني، قابل شيسوي.
حظن وجهي بين ايده بطريقه گوه متمالك نفسه
ويحچي.
لا تسودنيني تمام تمام لا تخليني اتسودن عليچ
أنتي جاي تتعاملين ويا انسان عقله طگه ونص.
عساك متسودن على اخر حبه ما يضل براسك عقل يطبك مرض، ما تخوفني.
خله گصته على گصتي ومخنوگ گوه يجر نفس.
بويه لا تخافين لا تخافين بس على كيفچ وياي.
هدآم شبيك مو بعقلك الراشدي أثر عليك.
براو براو ذليني ذل ادهم ضربني راشدي
روحي نشري الخبر البرد گلبچ روحي.
يحچي وبنفس الوقت مثبت گصته بگصتي ومغمض عيونه، رفعت إيدي تلامست مكان الراشدي وهو فتح عيونه ما مستوعب
ما برد گلبي لچم گلبي مو سهل تشوف التحبه مكسور ويتعذب.
لا ترسميلي غصن وهمي، كيدچ عظيم ما اصدگ بيچ انقهرتي.
تقربت بست خده مكان الراشدي چآن مستغرب مغمض عيونه، همست.
باچر زفة اخويه قررت يكون يوم مميز.
كيدچ عظيم، م
ما خليته يحچي تشبثت برقبته حظنته بقوه
أعرفه مستحيل يرفض هيچي لحظه، بدون تردُد
حظني ورفعني من الگاع يشم بشعري و يهمس.
مو گتلچ لا تخليني اتسودن علييچ اووف چنت محتاچ هيچي حظنه.
اههه اوف و سُمم الهاري، لا تبالغ تمام، مقهوره عليك لا أكثر.
ديلا ما يخالف كُل الطُرف تؤدي إلى روما.
علي فكره اهينك ذهاباً وإياباً و انت انسان ما عندك كرامه.
علي فكره هايم بيچ، لهذا السبب كلشي مثل العسل على گلبي.
كتبت تم وارسلت الرساله، بعدها حاولت ابتعد ماكو شد على حظني وما يتركني.
هدآم لا تخليني اطلع الحظنه من خشمك كافي نزلني، انطيتك وجه زيادة.
مانَّه علينا لو شني.
إي مانَّه عليك، ما صدگت روحك ترا بس24 ساعه وبعدها نرجع مثل ما چنا مُتخاصمين.
نزلني ومسح جاكيته ويحچي منفعل.
المبالغة بالأشخاص دائماً نهايتها بوري!
محد گال بالغ شني ما عندك عقل؟
درت ظهري امشي بإتجاه الباب اريد اطلع للحديقه نص ساعة وگاع ينتظرني.
ملعبچيه بنت الباشا ملعبچيه.
ما جاوبته طلعت للحديقه واسرعت خطواتي
عبرت من يم البلكونه خاف شخص يشوفني.
وصلت نهاية الحديقه ماكو احد. ناديته بصوت ناصي
هِلال: أبو وگعه وينك؟ عزا مو وگت تختفي وين وليت.
چيّت من الحايط الخارجي مال البيت و وگف على رجليه.
وَگاع: اجيت هلاله.
هِلال: Cok güzel تچيّت من الحايط مثل المجرمين. شتسوي برا مو المفروض نلتقي؟
حصل خير صديقي راد فزعه ورحتله.
اي نوع من الفزعات.؟
چيّت الثاني وهو مبين راكض.
وَتان: وحق جدنا السابع هد حيلي ابن النعلنگي.
هلو هاي شتسوي هنا.؟
شجاي يصير.؟
محد يجاوب واكتملت السبحه بجيته، شمر جليكان فاضي وچيّت بعدها، يحچي وما منتبهلي
أبيل: سلملي عليها سفره سفوري بشط العرب هسا تلگاهم واصلين للكويت.
احم
احمم احممم ااحوووم
و سم شبيك أبني؟
المكان شبه مظلم ركز بالوجوه وشافني، اردف.
أبيل: هااي شتسوي هناااا.؟
هِلال: السؤال ااانتوا وين چنتو شمسوووين؟
أبيل: ما نسوي شي ما نسوي روحي نامي يلا.
يدفع بظهري واني ارجع.
هِلال: مسوين مُصيبه موو؟ إلا اشتكي يم عزاام.
ثلاثتهم ضحكو بوجهي
هِلال: شني اليضحك شنيي اليضحك.
اشرولي للبوابة الرئيسيه انفتحت ودخل سيارة عزام وعلى سَند وياه صايره غربال من أثر الرصاص. نزل منها وما يسد الباب وراه على سَند شمر السويچ للحارس وبإيده چيس ورقي فورا دخل للبيت.
أما عزام أشر على الشباب وصاح.
اذا الشغل چآن ناااقص أكمل عليكم فاهمين؟
أبيل: لا خويا كلشي بيرفكت مو چنت ويانه.
بعد يومين نجتمع بالمينا خل نشوف تاليها.
وگاع: لا يضل بالك عريسنا
ليش واگفين بالزاوية، تعالو اجتماع.
دخل للبيت وما چآن ملاحظني.
وَتان: هذا شكل عريس باچر عرسه، توه راجع من مُلاحقه شبه سفره إلى الله.
أبيل: تخيلو عزّهَ رعيده تعرف بالصار.
هِلال: تذبها براسك الأفضل تسكت.
أبيل: اي الفُگرر آنه
وَتان: آنه الخليت علّه بگلب عدواااني.
وگاع: صوتك يا همچ.
وتن وأبيل راحو بقيت ويا وگاع.
هِلال: شني الصار و منو تعرضلكم؟
وَگاع: بيت ياسين الكلب ما غيرهم.
وشني سويتو بيهم.؟ جليكان النفط على شني صرفتوها.؟
علي بضاعتهم الغير شرعيه، رادو يدخلوها للسوگ من خلال أوراق مزوره بأسمنا عود احنه عبرناها من الميناء.
وشني صار عليها؟
أبيل حرگها ونثر رمادها بشط العرب.
براو واجيتوا بالطريق هجمو عليكم وربك ستر.
الله يستر الجميع انسي هذا موضوع روتين اليومي، شصار على حبيب القلب.؟
بله اسكت لا تصير تافه، ما صار شي سويت روحي حبابه وفقط.
شوية حظن شوية بوسه ترا خطيه المگرود.
لا تصير نذل شهل اخلاق استحي شويه!
اليستحو ماتو. بعدين انتوا متزوجين، اتس نورمال
انتوا ليش تحجون بنفس الأسلوب؟
طبع متوآرث.
المهم عرفت شي مهم عمي الدرهم ديلعب بأسهُم الشركه ومنطي حصه لجسار على ما اعتقد
انتي شجاي تحچين مستوعبه؟
مستوعبه و هدآم بنفسه گال أفضح وساختك يم عمامي وأگللهم شلون تودي اسهُم وتجيب اسهُم.
وتالي چآن شايفني اتسمّع عليهم.
وهدام ليش يحچي حچي خطير وهو عارف انتي تتسمعين عليهم؟
ما ادري والله
معقوله يساعدنا
لا ما أوقع اعتقد چآن رد فعله بعدما عمي ما انطاه اهميه وفوگاها ضربه راشدي.
ااخخ اخخ اووف بويييه اشتر، تحچين صدك؟
ابو وگعه بليييززز.
گليز تمام لا تتوسلين ما اتشمت بالحُب مالچ.
تراا ما احچي شي والله!
يا ستي احچي شني سمعتي بعد؟
سمعته ببداية المكالمه، يگول ما اريدهم يجون حاتم ماله كلمه وخوالها حمزه وعماد يقتلوها ويشربون من دمها، ما ادري عن خوال مني يحچون
دقيقه عقلي صار إيرور منا حاتم وعماد وحمزه اخوان يَقين عفوا العمه يَقين، ومنا خوالها شلون خاف سامعه غلط، احتمال گال اخوانها؟
لا والله گال خوالها يقتلوها يشربون من دمها ااذا عرفو بيها بالعراق.
إذا عرفو بيها بالعراق؟
بشني تفكر؟
بنات بيت جابر المياحي.
شهل ألغاز، عائلة عمه يَقين شعدهه ويا بيت جابر المياحي شدخلهن بعدين محد يدري وينهن بالعراق او اسمائهن الحقيقيه.
كلشي يبيّن بالأيام الجايه، ما بقى شي وينكشفون بيت جابر المياحي وامچ قريبآ ترجلچ.
بس لو AXR يستعجل هو هكر محترف اكيد يخترق انظمتهم. ويعرف مكانهه مره ثانيه.
انغث منه فد كافر ما يخاف الله.
هسا احنه شعلينا بدينه ومُعتقده المهم يساعدنه.
أي هو لا محلد ولا عنده دين، الأفضل ما تتعمقين بموضوعهم.
طلع وتن وصاحله، هو هم راح وراهم.
أمرهم غريب ما عدهم يوم اجازه، . او بدون مصايب.
بقيت شويه بالحديقه وبعدها دخلت جوا.
ال بتراء
گمت بهدوء وطلعت على غرفتي.
التوتر يقرأ ألف الشغله صارت واقعية
وما اعرف من الدين غير اسم الإمام على وآل بيته
ما متذكره شي ثاني من طفولتي او شنو نسوي كمسلمين غير زيارة آل البيت عليهم السلام.
والعقد الشرعي ما فهمت قصدهم الاعرفه الزواج يكون بالمحكمه وأوراق رسميه، على سَند اكمل عقد المحكمه بس معقوله زواجنا مو حقيقي بمأنه اسمي الحقيقي مو مكتوب؟
بتراء: بهذا الحال حرام الشسمه. لا دقيقه.
آني فعلا يسموني براء سواء عند جسار او هسا هنا
يعني زواجنا حقيقي؟
اجتني لحظة إدراك موسعه عيوني
بتراء: اءء بالليلة العرس راح يشوف الوشم امداااني ليش ما فكرت بيها؟
گمت افتر بالغرفه ما ادري شنو الحل يعني
بتراء: مثل ما گالت سيرا انحصرتي حصرة الچلب
يا بتوره انحصرتي حصرة الچلب.
رفعت التيشيرت باوعت بالوشم گدام المرايه
بتراء: اخفيها بكريم اساس؟
فزيت متصنمه بمكاني لمن دخل بدون سابق إنذار. باوع بالغرفه بعدها على حالها ونظرلي والتيشيرت مرفوع شويه بسرعه نزلته.
علي سَند: شتسوين؟
بتراء: اانت شلون تدخل بدون ما تدگ البااب؟
تقدم اتجاهي وبإيده چيس ورقي أبيض عليه علامة تفاحه مگروطه.
رتبت التيشيرت وعدلت شعري أنوب تراجعت خطوه.
ما ناكل بشر شبيج.
حيوان نباتي وما عرفتك وخر خلي مسافه بينا.
انچبي
خانني التعبير اقصد بشر نباتي.
گلب عيونه وگعد بطرف الچربايه اخذ النظره الكامله عن الغرفه، اردف.
وين موبايلچ؟
بحظن الخاولي
ن نعم.؟
اقصد اءء
خانچ التعبير هو بالحمام؟
هو ء اي مو بحظن الخاولي هو هيجي مو الخاولي مسفط قاطين؟ فآني خليته بالنص
هء هاي وين گايم.
گايم اجيبه من حظن الخاولي.
ثوله خايفه لا يبرد.
علي عليي سند اني اني اجيبه اوگف.
دخل للحمام واني التزمت الصمت هو أيضا ما جاوبني ولا نطق كلمه صار يدور على الموبايل بين الخاوليات لگاها وضل يتفحصه ضهر و وجه
طلع للغرفه وگف بالبرنده نظرلي وشمرها.
رحتله ركض باوعت لتحت التلفون صار طحين.
انتهينا من أول خطوة.
ليشش حراماات رااح.
چذب بگلبي فرحانه خلصت من هذا الهم بس بقى تهديده إذا رجع تواصل وياي وهددني بخواتي.
عافني ودخل گعد بمكانه آني هم رجعت للغرفه حاسه راح اخذ راحتي بالحچي.
طلع عُلبة موبايل جديده لونها بنفسجي غامق وبيها ثلاث كاميرات.
بتراء: هاي لونها ما حلو وعدهه ثلاث كاميرات.
شدعوه؟
الدعوة بالمحكمه، هذا 14 برو ماكس بيربل
ضليت ساكته شمدريني بالتكنلوجيا.
ضل ملتهي يرتبه وخلى السيم كارد اثناء هذا الإنشغال اردف بدون لا يرفع راسه ينظرلي.
ليش تحسسيني انچ چنتي عايشه بعالم مُنعزل بعيداً عن كلشي؟
اخذتلي صفنه على كلامه نظرلي كأن منتظر جواب.
اي بعالم مُنعزل عن التكنولوجيا ما احب اتعمق بي.
حسناً لِنرى.
سجل الأرقام عليها وچانت أسمه وباقي كلهن أسماء خواته ومن ظمنهن اسم هلال و سجل اخر رقم.
بتراء: هاي رقم منو؟
أمي.
بتراء: جيبه آني اسجله.
انطاني وكتبت عليه ماما يَقين رجعتله
بتراء: انت احفظه اني ما اعرف بيها لحدما اتعلم.
اخذله صفنه على الأسم وبعدها حفظها.
بتراء: عادي تسجل رقم أخويه عزام؟
نعم، اخوچ من وين؟
بتراء: من باب الاحترام! عادي اذا ما راضي لا تسجل.
اي ما راضي رقمي الوحيد يتم تسجيله
تعاي گعدي بصفي.
بتراء: ليش؟
نظراته وهو يخوزر وترتني گعدت بهدوء
دخل الإعدادات والأمان وگال ديري وجهچ
عيونه تنظر لعيوني رفع الشاشه بوجهي.
لا تعاينيلي ركزي بشاشة الموبايل.
شگاعد تسوي؟
ناخذ بصمة الوجه ك قفل أمان.
درت وجهي بهدوء والتوتر يقرا ألف تم حفظ بصمه الوجه، و شوفني الرمز الأولي
احفظيها 2005.
هزيت راسي اي وگلبي ما مرتاح.
أخذها وخلاهه عالشحن چنت گاعده بمكاني
وهو واگف يم تاج الچربايه اردف.
براء عندچ شي تگولينها؟
بتراء: ها. مثل شنو؟
مرات السكوت يؤدي للتَهلُكه، تگدرين تحچين
ومستعد اتفهمچ.
بتراء: لأ ما ماكو احچيه و شنو وشنو تتفهمني شنو تقصد؟
ماكو شي اقصده، مجرد اذا چنتي حابه تحچين عن شي مضوجچ عندچ وقت منا لحد باچر المسا.
بتراء: و وبعد المسا؟
ما يضل الوگت وگتچ يصير وگتي.
بتراء: اء اهاااا فهمتتت فهمتتت.
طلع للباب وهو يضحك بتسليك.
اي خوش هم زين هيجي فاهمه.
شگد غثني ما لحگت أسد الباب البنات دخلن وراه، عزّه هم اجت وياهن.
أريم: مررت اخونااا جيناچ الليله يمعدل الميله
بتراء: اهلا وسهلا اهلا.
سيرا: ووييت ويت آيفون 14 احمم.
هِلال: مبروك عليچ حبيبتي.
عزّهَ: الف مبروك براء، أريم لا تعلين الصوت
حسيت أكو شي گعدنه عالچربايه ونرتب الأغراض
بس عزّهَ ما تمد ايدها وهلال همستلي.
هِلال: احم ترا هي حتى أغراضها ما تعزل.
بتراء: ليش؟
هِلال: عدهه بنيه تشتغل بالبيت هي ترتب غرفتها، .
بتراء: اها هيج هنن سيدات الأعمال؟
هِلال: هيج هي عزّه ما ادري عن غيرهن.
سيرا وأريم شغلن اغنيه ويرگصن خلوني انصدم
شلون يعرفن أنوب ويغنن ويا الأغنيه واحنه نشاهد
گومي رگصي وارتاحي خلي الرگص رداحي
الليل ماا عوفچ ابدد الليله ليله صباحي.
گامت هلال انظمت الهن وعزه مستغربه.
بتراء: شبيچ عزوز أكو شي غلط؟
عزّهَ: بعد باچر ذكرى وفات مرت عمي أيهم ام هلال! و يبدو هلال ناسيه.
درت وجهي بهدوء يبدو ما تدري مرت عمها عايشه وحتى هلال يبدو ناسيه ذكرى سنوية امها
اكملت عزهَ كلامها وهي تحجي.
عزّهَ: ما لاحظتي استعجال عمو؟
بسبب الذكرى السنوية عبن هيجي العرس قبل يوم 10/10.
بتراء: يا سنه اختفت؟
عزّهَ: قصدچ توفت الله يرحمها، بسنة 2005
بلعت ريگ معقوله على سَند كاشفني وانطاني اشاره بخصوص رمز الموبايل اللي چآن 2005؟
گامت بهدوء وطفت الاغنيه.
عزّهَ: أريم سيرا هلال، إذا ناسيه بعد باچر عدنه ذكرى وفات أمچ.
هلال احمرت وعيونها فجأة دمعت بس ما بچت
فقط اردفت.
هلال: ها أي چنت ناسيه.
رايحه اغسل وجهي چنت مخليه كريم.
دخلت للحمام والبقيه التمن.
أريم: يعني إلا تذكرينها؟
عزّهَ: ترا ما اقصد شي لكن احتراما لهيج ذكرى مؤلمه حچيت.
سيرا: تدرين شني عزوزه احس عزاء مو حفلة عرس حتى ما خليتي نسوي ليلة الحنّه.
بتراء: ليلة الحنّه شنو؟
أريم: يا حبيبي ما تعرفين ليلة الحنّه شني؟
عزّهَ: حفله نسائيه بالليل والعروسه تگعد يحنون ايدها ولازم إلا تبچي، تقاليد مالها داعي اور.
أريم: حههه كلمن وذوقه حُبي كلمن وذوقه.
رجعت هلال وگعدنه نسولف وركزت على عزّه وهي تحظن هلال وتراضيها، عجيبه شخصية عزّه رغم شخصيتها قوية وقياديه إلى أنه مستحيل ما تطيب خاطر الناس اللي حواليها.
وتضل تستمع اغلب الحديث ساكته ما تنطي رأيها إلا ما ندر.
ضلينا لل2 بعدها كلمن راحت على غرفتها
تسوي روتينها بالنظافه والعنايه، آني هم اخذت
المقشر والغسولات، دخلت للحمام للساعه 3: 30
طلعت ولبست بجامة النوم فورا نمت و هاي چانت أول ليله هادئة تُمر عليّه من سنين.
رُقيه
گعدت الصبح على لمسات هادئه درت وجهي شفتها سُعاد.
رُقيه: س سُعااد؟
سُعاد: بنيتي الغاليه رُقيه.
گمت من فراشي حظنتها بلهفه ودق دخلت وگفت بالباب وحچت.
وَدق: لو هاشم ما سافر سُعاد خانم ما چانت ترجع.
ابتعدت عنها وتذكرت الصار واللي عرفته.
رُقيه: شلون خليتينا نعيش هيج چذبه كُل هاي السنين؟
سُعاد: السبب من ابوكم الگواد.
وَدق: شنو سبب كُرهج ل هاشم؟
رُقيه: احچي سُعاد ايام وانتي ماكو فقط لأن هاشم بالبيت ليش!
سُعاد: ابوچن شغله مو قانوني ولا إسلامي.
ودق: على اساس جسار شغله قانوني و إسلامي هو غيرر تاجر غير شرعي!
رُقيه: دقيقه افهم منها، شلون مو إسلامي؟
سعاد: ابوچ بخلال خمس سنوات شلون جمع ثروه تُقدر بالمليارات؟ غير أنظم لذولاك الجماعه.
ودق: ما يهمنا هو شلون جمع ملياراته اليهمنه انتي ليش تخليتي عننا وعفتي البيت.؟
رُقيه: اذا عبالج وجوده يقدم شي فهذا غلط.
احنه لا عدنه اب اسمه هاشم ولا عدنه اب اسمه جسار، يتامى احنه ومالنا غير الله.
سُعاد: وآني شني مو امچن.
وَدق: شبيچ سُعاااادي مو وگت البچي.
رُقيه: أمي وابوي انتي ما اقصدچ.
لمتنا بحظنها وچانت لحظات عتاب بينا
رفعت راسي شفت وسن بالباب وستايلها دائما
مُثير فد زايعه المستحى، سعاد نظراتها ل وسن چانت غريبه.
ما طولت هوايا عافتنا ومشت من يم الغرفه.
سُعاد: تبقى اختچن.
وَدق: مسميتها ألبومه الشگره.
رُقيه: ما جاي اتقبلها هوايا جرحتني بكلامها.
سُعاد: هي هم عبالها أنتن بنات جسار.
آني وجسار وهاشم نعرف الحقيقه ماكو غيرنا.
رُقيه: جاسر هم يعرف وبصف هاشم، ولد نصار هُمه اللي ما يعرفون شي.
ودق: على كُلن گومي اليوم عدنه عررس.
والفستان يوصل بعد ساعتين.
سُعاد: اهم شي انتبهن من ولد الأشتر ذولي داهيه. ماكو بذكائهم.
بسناها وگمت هي طلعت و ودق راحت على غرفتها، .
للساعه اربعه ونص تجهزنا على آخر حبه.
وبقت اخر اللمسات وهي المجوهرات
لبست عقد كرستال أسود ويا أسوار وتراچي طقم منها.
اما شعري ف شسورته وبرمته بطريقه تناسب وترهم على الفستان، گعدت ألبس كعب عالي بخيوط ينرادله وقت.
بهل اثناء دخلت وَدق متأنقه لأبعد الحدود
وكلش لايگ عليها الأحمر الغامق خاصة گصة الفستان من فوگ تجنن ورافعه شعرهه ومنزله الغرّة كله كيرلي.
رُقيه: اللهم صلي على محمد وآل محمد.
تستعرض الكعب والعقد اللي لابسته كرستال ابيض مناسب على الفستان. كملت ربط الكعب وگمت
وَدق: باوعي تخبلين تشلّين بس آني أكثر.
رُقيه: من گد الفخامة داحس احنه خوات المعرس.
وَدق: يبوو تخيلي تخيلي اليوم مثل سندريلا
وربانزل نلگه أمير حكايتنا؟
رُقيه: متأثره بالمسلسلات التركيه.
دخلت سُعاد صلت على محمد وتقرا آيات قرآنية علينا.
سُعاد: عين الحاره بارده عليجن تعاي تعاي شهل گصه هيجي الزمي الفستان.
رُقيه: سُعاد هي هيجي شلون امشي بيها.
سُعاد: ريولچ طالعه شني هي هيجي.
راحت ل وَدق ورفعت أكتاف الفتسان هي الگصه لازم تكون مكشوفه الأكتاف.
سُعاد: چتافچ طالعه.
رجعت نزلتها وتحجي بإنفعال.
وَدق: سووعااااد هي هييج موديلهاا.
رُقيه: وآني ما اغطي الگصه هيج موديلهاا.
احتارت بينا وتحجي.
سُعاد: وحدده مطلعه ريوولها والثانيه مطلعه چتاافها شني انتن تريدن تنخطفننن؟
وَدق: هذا هو المطلوب
سُعاد: شنيي شنييي.
وَدق: فديتج لا تأخرينا نتشاقى هو منو يرضى بينا احنا حفيدات جابر الجربوع.
باست خدها وطلعت.
سُعاد: تبوووسيين تراااب گبره هو اشرف من ابوچ وعمامج.
شلت تلفوني وأخذت جُنطه صغيره مناسبه
مريت بصفها بستها وحچيت بيني وبين بذنفسي.
رُقيه: لو نايمين ولا مخلفين هاشم وعمامي مو چآن احسن.؟
سُعاد: بنت الگوااااد هاااشم اطيييح حظظظج اااحترمي جددچ وحبوبتچ بببننننت النعاال.
خنست يبدو سمعت أفكاري.
طلعت للباب لگيت وَدق صاعده بالسيارة ناجي.
رُقيه: انزلي.
ناجي: انتي اصعدي بلا حچي زايد خوما اعوفچن تروحن بالتكاسي؟
رُقيه: لا نروح بسيارة البيت اعرف اسوگ.
المهم انت ضل بعيد. شااااهين جيب السويچ.
الحارس راح جاب السويچ وَدق نزلت وذبت حچايه تغثه.
وَدق: مسيطرة تمشيك مسطرة.
ناجي: انزل اطيح حظچ يبنت القندره.
رُقيه: خلي يولي انتي تعاي.
رحنا للسياره الثانيه صعدت والفستان تعبني من هسا، وَدق كذالك صعدت شدينا حزام.
و طلعنا من البيت تحت أنظار ناجي و نائل اللي فجأة شفناه واگف بصفه يضحك ويحجي بأذنه.
رُقيه: انسان مو طبيعي، ابد ما اجرعه
وَدق: هو منو يجرعهم حباية العافيه ما تبلعهم.
خلص الطريق بهدوء اول ما وصلت گدام باب الفندق گلبي گام يدگ. اردفت وَدق
وَدق: متوتره ما ادري ليش.
رُقيه: حتى آني بس على ويانه علي.
انزلي يلا.
نزلنا واخذو السياره للگراج ثنينا لزمنا إيد بعض
ودخلنا للفندق عند الرسبشن وگفنا.
رُقيه: احنا ضمن المعازيم بحفلة بيت الباشا.
دقيقه اتأكد.
وحده تباوع للثانيه شنو تتأكد هو احنا معزومين.
شسمچ؟
رُقيه: أسمي رُقيه الجابر.
عفوا ماكو ما موجوده.
وَدق: شلون ماكو؟ اتأكدي زين
عزيزتي غلطانه بالأسم هي أسمها رُقيه حازم الجابر. صح؟
اندارينا لشاب اشگراني اعتقد اسمه هدآم
اجا وگف يم الموضفه وطلب منها تتأكد.
اي صح اسمچ موجوده رُقيه حازم الجابر و البنيه الثانيه ودق حازم الجابر.
وَدق: گتلچ تأكدي.
حصل خير تفضلن آنساتي ضيفات مُميزات.
مسيو هدآم الهواتف.
اووه نسيت، بلا أمرا لازم تعوفن تلفوناتچن
عند الرسبشن هذا إجراء أمني شخصي ما نريد يتم تصوير الحفل او نشره تحت أي مُسمى.
وَدق: اي منو گال نصوركم شنو عازمين رونالدو؟
رُقيه: احم وَدق! اي طبعا طبعآ نسلم تلفوناتنا.
انطيتها تلفوني وَدق من ورا خشمها سلمت التلفون.
هسا تفضلن وياي.
مشينا وياه، وَدق تهمسلي.
وَدق: شخص محترم بس إجراءاتهم سخيفه معقوله اصور وانشر؟
رُقيه: هذا إجراء طبيعي للأمن الشخصي هو التلفون شنسوي بي خل يبقى عدهم.
يلا خاتونات منا القاعه.
رُقيه: شُكرا على الاستقبال الحلو كلك ذوق.
لا شُكرا على الواجب.
اسلوبه وترني ما ادري ليش لكن ودق ريلاكس على اخر درجه، دخلنا وياه للقاعه الفخمه والأغاني اصواتها عاليه.
نباوع بالوجوه ما نعرف أحد فقط زميلاتي بالشركه معروفات. هدآم راح بين المعازيم بقينا وحدنا.
رُقيه: امشي وياي اياچ تبتعدين عني.
وَدق: بليز رقرق مو تربطيني بيچ تمام. هه هاي هاي هلو هلو.
رُقيه: عليمن هااي هاي وهلو هلو.
وَدق: تسليك تسليك لعد شسوي كلهم يباوعون بينا.
شاردات من ديزني لاند.
أم الأسود اويلي يابه.
ام الأحمر تگول روسيه.
وَدق: يصچمونا لو اني غلطانه؟
رُقيه: انطيهم الأذن الطرشه.
وگفنا بنص القاعه لمن صرنا مُحاطين بشباب ثلاثه.
اووف الواحد يحتار.
هلوو بيبي اعرفچ على نفسي أمير
وَدق: هه أمير اي مملكه؟
مملكة الاحساس مملكة الحُب من اول نظره.
وَدق: ريلي؟
اووه بلاك ستايل، اسمي مجد.
رُقيه: شبييك صاحي؟
وَدق: اضربك كلّه؟
فجأة طلعو الثلاثي وگع، وتن، إيمار كلمن سحب واحد بطريقه غير مباشره وگوه متمالكين نفسهم، ابو گاع جر مجد و عيونه تتفحصني من راسي لحد رجليه، اردف
وگاع: الماشايف وشاف ترا زحمه.
وَتان: وحق جدنا السابع صحيحه الماشايف وشاف ترا زحمه، أميرالقلوب تعال وياي.
وگاع: مجد ال امشي امشي وياي خل افهمك كلمتين.
راحو الاخوه وسحبوا الشباب لخارج القاعه عود يحچون وياهم اما هذا الثاني ابتسم بوجهنا.
إيمار: تفضلن تفضلن.
وَدق: هلو ابو شفقه بس ليش ما لابس شفقتك اليوم؟
يا نعم شگلتي؟
رُقيه: هه وَدق تذب ميانه بسرعه
وَدق: لا احنه نعرف بعض.
اها انتي ام لفه چنت ناسيچ.
وَدق: يا نعم نعم؟
انعم الله عليچ استمتعن بوقتچن.
گلب عيونه وعافنا
وَدق: شگد غثني!
رُقيه: حقه يرد المغثه ليش گلتي عنه ابو شفقه وانوب شنو ليش ما لبسها اليوم.
وَدق: مو صوچه صوچ حفيد الهمج طلع هيج سُمعه عليّه.
هِلال
الكل چآن حاظر بقاعة الحفله والعروسات جاهزات كلشي چآن من أحسن ما يكون
نظرات على سَند ل براء وايدهم الشابكه بعضها
عزام وعزّهَ اللي حُبهم كبر من الطفوله واليوم تكلل بالزواج، بالجهه الثانيه هدآم واگف وآني بهاي الجهه ثنينا عيونا تحاچي وتعاتب بعضها
شچان صار لو ما اجبرني!؟
حرمني من هاي اللحظات المُميره، مستحيل اسامحه، . لزمت طرف فستاني وتقدمت لباب القاعه و هو أيضا تقدم لزم يدة الباب وياي.
راح نفتح باب القاعه سويه، حاولت اكسر عقدة وجهي، ابتسمت وصحت بصوت عالي وأريم ويا سيرا يرددن ورايه.
هِلال: ااالف الصلاة والسلام عليك يا حبيب الله محمدد.
فتحنا الباب وابتعدنا الاغاني تشتغل وخاصة اغنيه حسام الرسام ألف مبروك
أجواء ماكو منها زوجات عمامي ما وگفن الهلاهل وبس التصوير بالكاميرا الخاصه يتم، ومن أهم القرارت ما يدخل شخص شايل موبايله.
سُرعان ما ال DJ غير لإغنية Gasolina. اشتعل الحماس عزام وعزّهَ دخلو وهمه منسجمين ويا الأغنيه من بعدهم على سَند وبراء اللي رايحه بغير عالم فرحانه فرحانه كلش وعلى وياها يرددون ويا الأغنيه.
أجواء من العُمر درت وجهي ل مكان الDJ شفت إيمار واگف ونازع الجاكيت، رافع اكمام القميص الأبيض بطريقه حلوه خلى السماعات بأذن و عدد
وياااي ويااي. 1-2-3
شغل ريمكس اغنية Calm Down
والكل يردد وراه.
بيييبي. Caaaalm Doooown.
اشتعلت الاجواء ومنا سيرا تغث عمه سجى وتكول بوجهه
سيرا: نووو تيلمي نووو نووو نووو.
إيمار ولع الاجواء بالريمكس خاصة لمن نصى الموسيقى والكل يردد بصوت واحد.
بيبي Caaaalm Down.
Caaaalm Down Caaaalm Down
وگف ال Dj وصاح.
نجي للعراقي والزعيييم غزوااان الفهددد بويه.
جيييت وجااايبلك گلبي سوي بي اليعجببك
اخسرر العالم كلها لااا تخسر اليحببك.
الكل يرگص ويغني ويا الريمكس نظر ل سيرا او اني هيج حسيت عيونه عليها وغنى ويا الاغنيه.
ماالي غيرك بالدنيا انت فصل وانا ألبس
انت عيني ومن تبعد بالدرررب ابقى اااتلمس
وَتن نزع جاكيته ولبس نظرات شمسية وصعد للستيچ اخذ المايك من إيمار ويغني المقطع الثاني. وعيونه على بنت جابر وَدق
حباااب يمك صاير وانا مدوخ عشاير
آنا المحير الدنيا صافن بروحييي وحاآير.
هدآم ضارب الحظور بعُرض الحايط ولزم إيدي ويرگصني حواليه ويغني.
يا عُمري باوع دمعي
فكر بحآلي و شوگي.
ما خون حُبك لحظه، لااا وحگ ربي الفوگي.
هِلال: منا العالم هدآم.
خل يولون.
ابتعد عنه رحت يم عزام وهو اول مره يسويها ويغني مندمج ويا الأغنيه.
من يمي تمشي مرهدن والگلب شبت ناره
گلبيش گلبك خايب بالعشگ چنه حجاره.
عزّهَ: هااا هاااا
ما جاوبها حظنها وهو طاير من الفرحه.
أما الثُنائي الحلوين على سَند فرها وهي طايره من الفرحه غنالها مقطع حلو بس هي تلاشت ابتسامتها ما ادري حسيتها اخذت الوضع بجديه.
مرات احس اتغشني.
بس بالبچي تعيشني، ردتك تلمني بحظنك.
مو فوگ ضيمي تطشني
كلنا اندارينا للحاروگه وهو داخل لساحة الرگص بهيده وإيده بجيبه عيونه تسرق النظرات من أريم.
لك فدوى باوع باوع.
بالگلب حُبك طابع.
الگُمر بطل يطلع من شآف وجهك طآلع
صفگت بحماس عليهم وصحت بصوت عالي.
هِلال: توأمي الغااااالي Coook güzeeeeeel -
صفگنا لإيمار ومنا انس صعد همس شي بأذنه
هو هز راسه اي أنس اخذ المايك
وان تو ثري يشتغل هذا؟، اوك
ارتفعت أصوات الريمكس مره ثانيه والكل منتظر
يسمع شني هي هاي المره.
آني سمعت سمعت سمعت بيبتي هوست.
هوست للعروسه هوست للعروسه. وين دورها ولگاهاااا.
والكل يكمل وراه وهو اكثر حماس چن العرس عرس اخوه. أخذنا استراحه عشر دقايق ورجع.
صوت ال DJ عالي وأبيل طالب من إيمار اغنيه يردد وراها اكيد خباثه منه يقصد عزّه.
ها چنه وهاا چنه انطني ارباي واخذنَّه
ها چنه وهاا چنه انطني ارباي واخذنَّه
انظمو باقي الشباب أنس، وتن، إيمار
ياا گلبي يا گلبي تعبك راح يا گلبي
شفت الظيم من جبته گتلني يلا كبرته
واجن على حاظر واخذنه.
سجى بس تهز راسه وتحچي والله صح
سيرا: وهااا چنه وهااا چنه صاار الحچي للچنه اخوووش صاار الحچي للچنه.
هِلال: اههه اههه صعد الحماس عدهه.
رُقيه
حرفياً الحفله من أروع ما يكون والأجواء مشتعله
وگاع و أبيل صعدو للستيج، الحلفه عباره عن اغاني الفنان غزوان الفهد وكله ذوق إيمار و الثاني وتن.
شغلو اغنيه اخيرا والبنات كلنا انسحبنا بقت بس الشباب، أبيل صاح من بينهم
يلا نعلگها؟ يلا نحرگها بانزيين بانزين.
البقيه يكملون الاغنيه ويلعبون جوله.
بأمر السيد طبووها رآية حيدر رفعووها.
والفلوجه يردوها للأنبار يرجعوها.
بهل اثناء دخل الضابط الاستخباراتي اللي ألتقيت بي بالمركز، بلعت ريگ من التوتر، متأنق بالأسود
والنظارات شالهن عاف جماعة الجوله والرگص.
والاغنيه مستمره وعيوني تراقب سيره بإتجاه الباشا.
والاتراااك تبلغوها وگاع الموصل عوفوهاا
ذوله صفوها جيش وحيّتك ربي.
وگف گدام الباشا مد إيده تصافحو وراح للاشتر أيضا صافحه، اما لمن وگف گدام الأدهم نظرله وحچى شي بعدها تصافحو.
الحمد لله على سلامتچ. وطالعه تخبلين.
انداريت چآن أنس ابتسمت بتسليك.
رُقيه: الله يسلمك، تسلم على اطراءك.
ليس اطراء وإنما حقيقه تخبيلن يا حظ الياخذ گلبچ.
رُقيه: وَدق وين راحت رايحه اشوف وينها انتظرني راجعه.
أمشي امشي ولا توگفين خل يولي فد زاحف
رُقيه: يماااا قاسم.
لزمني ما خلاني اوگع، استقمت وعدلت الفستان من گدام والگصة تجي على جهة رجلي اليسار.
رُقيه: احم عيونك وين! و مره ثانيه لا تلزمني
ماكو داعي اعرف استقيم لوحدي.
وگاع: شارده من الغثيث أنس ازعجج؟
رُقيه: ها، ليش شعليك، ادور على وَدق ابتعد عن طريقي.
ما جاي بطريقچ هيّ صدفه وحق جدنا السابع.
تقرب خطوه بعدها ابتعد عن طريقي اجيت امر بصفه لزم إيدي وبسرعه سحبتها.
رُقيه: شبيك ما تستحي ولا تخاف من الله؟
عفت المستحى الچ مطلعه ريولچ و زرورج
باقي تطلعين بطنچ مثل الهنديات.
ضربته راشدي خفيف على كد طاقتي
وضل يلتفت حوالين المكان هو بجهه ما بيها
ناس.
ضربتيييني؟
رُقيه: مره ثانيه تحچي بأدب وياي اصلا مالك حق تحجي مفهووم؟
مالي حق؟ أوكي.
ضل يجي ويروح محترك دمه.
المشكله مااا نمد إيدنا على النسواان.
رُقيه: هو انت بس فكر تمد ايدك حتى اشوفك النسوان شتخلف.
عفته بوضعه ورجعت لمكان الحفل والرگص.
شفت وَدق واگفه ويا سيرا وإيمار رحتلهم.
رُقيه: هلو حبايب شلونكم شخباركم طبعا الف مبروك ويلا وَدق لازم نمشي.
إيمار: اوصلكم؟
سيرا: كلك ذوق ممكن تتركنا على انفراد.
رُقيه: فعلا كلك ذوق عدنه سيارتنا.
وَدق: كلك ذوق ابو شفقه.
تنگطون ذوق، تنگط ذوق ابو شفقه.
دخل وتن بنصنا خلى ايد على كتف إيمار وإيد على كتف وَدق.
وَتان: العفو يا آنسه.
شال ايده بعدما ودق نظرتله.
اندارينا القاعه صارت هدوء وشغلو اغنية سلو بلشو العرسان يرگصون على انغامها.
عفت وَدق ويا سيرا لمن تأكدت الشباب راحو بعيد
ضليت واگفه اشاهدهم شگد حلوين ركزت بملامح العروسه الثانيه.
رُقيه: وين شايفتها؟
تقدمت بين الحظور وعيوني ما تصدگ شجاي اشوف.
رُقيه: نفسها. نفسها بحفل التوقيع.
خليت إيدي على حلگي بصدمه معقوله
نفسها بتراء او متوهمه؟ واذا بتراء شلون على سَند خاطبها همه أعداء ويا جسار.
رحت جبت وَدق.
وَدق: شبيچ رُقيه ليش عيونج محمره؟
رُقيه: شايفه عروسة على سَند.
وَدق: اي تخبل، شبيها؟
رُقيه: نفسها اللي جاسر چآن جايبها لحفل التوقيع
وبعدها من من ناجي حاول يتعرضلي هي انقذتني.
وَدق: ما جاي افهم شي.
رُقيه: ركزي وياي، جاسر وين ما يروح بتراء تروح وياه فبيوم الحفل مو گلت ما يعوفون بتراء راح يجيبوها؟ وهاي چآن جايبها بس ما جنت متخيله هي.
وَدق: بس بس بتراء هربت من جاسر بالاربعين
شلون وصلت عند بيت الباشا وشلون على سَند تزوجها؟ اكيد أكو إنَّ
رُقيه: لازم نحچي وياها هي اكيد تتعرف علينا
احس راح تعرفنا.
وَدق: وگفي ما حلوه ديرگصون.
رُقيه: ننتظر ننتظر.
نار و اشتعلت بيّه عيوني ما تفارگها احساسي ما يخيب. ، خلصت الرگصه ورحنا اول شي باركنا
ل عَزام و عروسته
رُقيه: الف مبروك زواج الدهر ان شاء الله.
حظنت عزّه وهي هم تشكرت على حظورنا
اما عزام مثل العاده ابتسم بوجهي ورحب بيّه.
عروسة على سَند چانت واگفه وياه بس ما منتبهه لوجودي رحت وگفت گدامها
عيوني بين على سَند وبين عروسته شنو اتصرف شگول شحچي خاف مو هي وخاف هي.
علي سَند راح سلم على واحد من الحظور.
وآني ويا ودق اللي اجت بصفي ننظرلها عيونها لمعن بالدموع وتحاول تتمالك نفسها
آني تقدمت حظنتها وهمست.
رُقيه: ال الف مبروك زواجج أختي.
سمعت شهگتها وهي تبادلني الحظن وتگول.
بتراء: روحح اختتچ روحها اشش فراشتي انتي اشش لا تخلين احد يحس بينا.
رُقيه: ي يعني انتي انتي؟
بتراء: اء اي اي بس اشش لا تبچين اذا عرفونا
مستحيل يعفون عنا.
ابتعدت مسحت طرف عيني واهفي على وجهي.
ما اريد ابجي، وَدق تقدمت هي أقوى مني تتمالك نفسها سدت حلگها منبهره.
وَدق: يمه ما شاء الله ش شوفي احلا عروسه.
حظنت وَدق وتبوسها بحيث أريم اجت من بعيد صاحت.
أريم: اغااار اغااار هاي شني صاحبتن عروسة اخويه؟
ابتعدت والابتسامه تضاعفت على وجهنا.
ثلاثتنا حظناها و ابتعدنه من على سَند رجع
نظر لوجهه تلامس خدودها.
علي سَند: براء بيچ شي؟
بتراء: لا ما بيه.
حاوطها وباس راسها مبين يحبها بس شلون وشنو قصتهم اكيد شي يوم نعرف.
رُقيه: خويه على سَند عادي ناخذ رقم رقم عروستك ونصادقها.؟
علي سَند: لا ما يصير.
تلاشت ابتسامتي لكن سُرعان ما ابتسم
واردف.
عادي جدآ، گارسون تعال، روح جيب قلم ودفتر ملاحظات.
راح الگارسون شويه ورجع بإيده دفتر وقلم
علي سَند كتب الرقم رفع أنظاره اردف.
يا ويلچن تالي الليل تحشن براسها او تحچن عليه.
وَدق: انت صير حباب وياها واحنا ما نستلمك.
رُقيه: هه تتشاقه
ههه اي. تفضلي هذا هو.
اخذت الورقه ورجعت سويت روحي اباركلها بس حتى احظنها.
بعد سوالف هوايا لزمت إيد وَدق وطلعنا للرسبشن.
رُقيه: اريد تلفوناتنا.
جميل جدآ ما صارت فرصه نسلم على بعض.
رُقيه حازم جابر
انداريت چآن نفسه الضابط الاستخباراتي.
مديت إيدي للمصافحه
رُقيه: السلام عليكم.
هو طلع ايده من جيبه وخلاه على گلبه.
صگر: وعليكم السلام بويه.
رُقيه: عن اذنك، امشي وَدق.
شلت تلفوناتنا و عبرنا بصفه اردف ورايه.
صگر: سنلتقي كثيرا سنلتقي.
اكملت طريقي للباب الحارس جاب السياره صعدنا و وَدق طول الوقت تتسأل.
وَدق: منو هذا؟ وليش يگول راح تلتقون.
رُقيه: بعدين احچيلچ.
ال بتراء
بعدما ألتقيت بخواتي وأخيرا الفرحه صارت فرحتين والتوتر يقرا ألف، الحفله خلصت
وطلعو حاجزين جناح خاص للعرسان.
بعدما الكل باركولنا بقيت بوحدي بالغرفه
بتراء: اهدي اهدي ماكو شي.
گمت افتر بالغرفه واتذكر كلام ماما يَقين واغط بهدومي.
بتراء: الوشم شسوي بي!
فزيت لمن دخل للغرفة نزلت ايدي من ظهري.
بتراء: اجيت؟
علي سَند: لا بعدني بروسيا.
بتراء: ههه طريف.
فتح الگرافه وشمرها عالتُخم
بتراء: آني اني.
نزع الجاكيت وفتح الدُگم، أجا بإتجاهي
وأخيرا.
بتراء: وأخيرا شنو ء؟
ردت ابتعد حاوط خصري ورفع وجهي بوجهه.
خوف، خجل، توتر؟
بتراء: اءحم كلهن.
حسيته يفتح قيطان الفستان وهمس بأذني
ما عندچ شي تگوليه؟
بتراء: ءم مثل شنو؟
اي شي يخلصچ من نار گلبي؟
نظرت لعيونه وحچيت.
بتراء: ل لاء ماكو شي يخلصني منك.
هز راسه اي و اطفئ الأضواء صارت عتمه
وما ادري شلون وكيف تم كلشي بينا.
قرب راسه يم راسي همس بإذني وهو يلامس خصلات شعري نزولا لرقبتي.
صرتي بأسمي من راسچ لحد رجليچ
بتراء جسار جابر المياحي.
فتحت عيوني على وسعهن، گام من يمي وراح للحمام، حسيت نار وشبت بگلبي وبس اشهگ واحس مخنوگه، شنو راح يصير بعد هذا الكلام.