رواية ولد الباشا للكاتبة فاطمة الأحمد الفصل الرابع والثلاثون
أريم
بعدما خلص العرس والعرسان كلمن دخل لجناحه الخاص، احنه هم طلعنا من الفندق وكلمن صعد بالسيارات الجاين بيها.
عمامي وابويه ويا وگاع، أما النسوان ويا هدهده
بسيارة وَتان رجعو، بقت هلال إللي صعدت ويا هدآم وسيارتهم تمشي گدامنا واحنه البقيه.
سيرا و إيمار وآني راجعين بسيارة أبيل.
إيمار چآن صاعد گدام واحنه بالخلف.
اني بجهة أبيل وسيرا بجهة إيمار.
سيرا وإيمار كلمن راسه بموبايله وآني اراقب.
أضواء الطريق والجو يجنن بآواخر الخريف وكلما ارفع عيوني اشوف أبيل يعاينلي.
سيرا: ساعه شگد؟
إيمار: موبايلچ بإيدچ.
سيرا: ما سألتك، اريم شگد الساعه؟
أريم: ما ادري، أبيل شگد الساعه؟
نظرلي بعدها نظر للمرايه الخارجيه.
أبيل: ساعه من الساعات السوده القادمه.
إيمار: شتقصد؟
أبيل: ان شاء الله أكون غلطان وما لاحگني.
نزلت الجامه وطلعت إيدي اتحسس الجو انرسمت ابتسامه على وجهي لمن أول قطرات من المطر وگعن وتلامسن إيدي.
أريم: دا تُمطر والله دا تُمطر هاي اول زخة مطر بالشتا.
أبيل شافني مطلعه إيدي عاط بيّه اردف.
سحبييييي اييدچ اااريم.
إيمار: صوتك شبيك.
أريم: احچي برُقيّ ويايه، شبيييك مُختتتل إيييدي.
من عنده رفع الجامه واجبرني اسحب إيدي.
سيرا: ول هيييوووو شبييك وياهه، أريم تأذيتي؟
ضليت افرك إيدي وهزيت راسي اي إيمار حچى وياه لكن سكته بكلمه وحده، بدل الگير وزاد السُرعه.
انت اتصل بهدام، أريم شدي الحزام، سيرا شدي الحزام ولا تخافين تمام.
سيرا: هاي شديت الحزام احچي شديصير؟
إيمار منو لاحگنا مو احچي وياك جاوب إيمااار؟
أريم: أبيل فدوى گول غيرها.
سيرا: وااااات فهموووني.
گتلچ فُگر خليچ بعيده عني.
اخذتلي صفنه على نظراته اللي كلها صراحه.
إيمار اتصل بهدام.
الو هدآم هذا أبيل يريد يحچي وياك.
اخذ الموبايل منه، يحچي ويسوگ بسُرعه
هدآم سيارتين jeep2021 سوده تلحگ سيارتي.
خليك حذر، هدآم هدآم اسمعني اختي وياك، هدآم أختي وياك هاي روحي وبأمانتك.
گلبي رجف كلامه خوفني نظرلي بالجامه وهو يستمع ل هدآم، بعدها اردف.
خويا لا توصيني على روحي.
إيمار: شكم روح عندك يبعد اخوك
انت اسكت، هدآم بس اسرع ولا توگف
عوف الباقي عليَّه، ها والله اذا اختك صارت عليها شي تتفل بوجهي هي الدنيا كلها تافله بوجهي بقت عليك، الله وياك ما اسمع ما اسمع.
إيمار: شني هسا المفروض لاحگينا ناس بالمافيا؟
أبيل: لا ناس من الزفه بعدها تهوس.
سيرا: ما اريد اموت اريد أحقق أحلامي.
إيمار: هسا حچيچ هذا تمثيل لو صدگي؟
سيرا: كلما تريد تستخف بموهبتي تذكر نفسك طالب فنون جميله، وتريد تصير فنان.
إيمار: على الأقل مو أكبر أحلامي التمثيل.
أبيل: بسسس مو وگت عركاااتكم. أريم وخري من يم الجامه وخرري.
أريم: أبيل حباب ريلاكس شويه گمت اتوتر.
أبيل: دخيلك يا على الضرغام انوب تستخدم مُفرداتي. هاچ اتصلي على شسمه هذا هذا الغثيث ذيل ابوچ ماجد
سيرا: دقيييقه هاي ليشش تغلط على بابا.
أبيل: إيماار سكتها. ، هدآم وين صرت؟
إيمار: اسكتي مو وگتچ.
سيرا: ااانتبه راااح تسوي حاااادث.
سياره عُبرت مثل سُرعة البرق لوما الله ستر چآن رحنا بيها، أبيل سيطر على القياده وبهل أثناء چآن يحچي ويا هدآم من موبايل إيمار.
سيارة وحده تلحگني الثااانيه عبرت هدااام عبرت ااانتبه لا توگف.
أريم: ألو ماجد مااااجد الحگنااا ألحگنااا
شتسوي ببغداااد، چآ وليييي، أبيل ماجد رايح على بغداد بأمر من بابا
لبس كفوفه و تفقد المخزن بعدما بدل للقيادة الذاتية.
إيمار: بدون قتل! أبيل وروح أمي ما اسامحك إذا تقتل شخص بليلة ذكرى وفاتها.
سحب أقسام نظرلي و نظر لإيمار.
أبيل: وعيونها ما اقتل عمد هذا دفاع عن النفس.
أريم: اااابييل اااانتبه.
السياره كسرت على سيارتنا ومنا أبيل يصوب من الجامه لكن ماكو فايده السيارة وگفت واجبرت أبيل يوگف سيارته.
إيدنا على گلبنا وأبيل يهمس.
نهاية مأساوية أو بداية جديدة نهاية مأساوية أو بداية جديده
إيمار نظرله ومتوتر. أبيل اردف
خلي حچاية أُمنا ببالك إيمار ولا تخاف من الخطوه الجايه، نهاية مأساوية او بداية جديدة.
مو خايف وداعة شعرها التمري، نهاية مأساوية أو بداية جديدة.
هنا أدركت اذا واحد منهم چآن بمصيبه يتشجع بهذا الكلام اللي تعلموها من أمهم وما يترددون بالخطوة الراح يخطوها.
تقربت حاوطت سيرا وعيوني يغوشن من الدموع
وآني اشوف أبيل راح ينزل وبس الله يستر شراح يصير علينا.
السيارة نزل منها أربع رجال وگفو بصف واحد وبالمنتصف الخامس متلثم، منا أبيل وإيمار راح ينزلون.
أريم: أبيل ل لا تعاركهم سوي اللي يطلبونه منك.
سيرا: إيمار بداعة أمك انتبهو على نفسكم.
أريم ما اريد اشوفكم تموتون گدامي.
أبيل: اشش محد يموت بإذن لله أريم انتبهيلها.
رفعت انظاري للمثلم اللي اردف وهو يأشر علينا.
چؤ هذوله ما ناوين ينزلون روح اسحلهم.
زخات المطر اشتدت ومساحة السياره تمسح وما تلحگ لزمتني الخفقان لمن أبيل اردف.
تمام راح انزل وحدي.
أبيل شني تنزل وحدك جاي وياك.
إيمار ابقى يمهن.
نزل أبيل وإيمار لحگه الإثنين نزلو وأبيل عاط بي.
غبيييي مااا تفهم ااارجع.
ماعوفك خويه.
هههه اخووي الزود وحزااام الظهر.
بكل حقاره يغني وفرد ذراعه تحت المطر
أبيل: من الآخر شتريد.
اريدها.
ميل راسه ناحيتي واشر بالمسدس.
أبيل: ارسل دريم او حُلم.
هد على الملثم يضربه بوكسات والثاني ما يقاوم.
لكن سُرعان ما گام و رد الضرب بقوه والباقي لازمين إيمار.
أريم: سي سيراا ابقي ابقي لا تطلعين، ااابيل
نزلت مثل المتسودنه ركضت عليه رفعت راسه
أبچي وما اعرف شسوي خشمه ينزف.
أريم: أبيل افتح عيونك أبيل تسمعني ااابيل.
كنبص جرني من شعري وأبيل فتح عيونه گام
سحبني من إيده ورجع يضربه.
ااابن ياااسين مو گلت لاااا تجي بدررربي.
شسوي اااعشق التحديي.
نهايتك على إيدي نهااايتك على إيدي.
ونهاية اخوك على إيدي، شباااب.
سيرا: إيماااار.
ركضتله وتعثرت بالكعب لكن تركته وراها وركضت بإتجاه الشاب اللي رفع المسدس على إيمار اللي ثنين مسكينه بنفس الوقت.
أريم: س سيراااا.
انطيني أريم واتركلك اخوك او اخذ إيمار واخذ أريم شتگولون گايز ههههههههههههه.
إيمار: سيرااا ااارجعي للسياراااا ااارجعي سيرااا.
هدت على واحد ضربته كلّه لكن قيدها وخلى المسدس براسها.
زعيم اصفيها؟
سانيه وحده افكر. Kill her.
صرت گدامه واتوسل بي، والمطر مستمر. بهيچ ليلة مأساوية
أريم: ل لااا لاالاا لا اجي اجي وياك اجي بس عوفها عوف أبيل عوف إيمار و عوف سيرا.
اعد للثلاثه اختاري واحد منهم بسرعه تك تك واحد تك تك ثنين تك تك...
تك تك Game over.
صار يلتفت حواليه و أدرك.
كمييين ااانسحبووو.
المكان مُحاصر أرض جَو، وين تنسحب؟
صوت الهليكوبتر صار قريب والمكان صار عباره عن ليزرات حمره على جسمنا ووجهنا وبالمُقدمه الضابط صگر اللي چان ضيف خاص بالحفله، .
الأربعه رفعو ايدهم بإستسلام إلا ابن ياسين
اللي وجه السلاح ناحيتي اردف.
مو قبل ما ااااقتل بنت الأدهم
دفعني گدام أبيل وصوب عليَّه.
خليت ايدي على اذني وصرخت من ورا الصوت ومنا الكل يصرخ بأسم أبيل اللي حاوطني.
القوات الخاصة ألقت القبض عليهم وآني وگعت من طولي ويا أبيل
أبيل ااابيل اطلبوووو الإسعاااف الإسعاااف
سيرا: اااريم أريم الإسعاااف وين أريم ما بيچ شي أبيل متصاوب.
دخلت بحالة عدم استوعاب درت وجهي ل ورا ظهري أبيل غارگ بدمه اللي اختلط ويا ماي المطر بالشارع والقميص الأبيض صاير أحمر، تقربت منه چآن راسه على رجل إيمار اللي ما يلحگ يمسح دموعه انهاريت اصرخ باسمه وانادي إسعاف.
أريم: ااابيل أبيل لييش سويت هييجي ااابيل الإسعاااف وين الإسعاااف ياااا الله ياااا على يااا ابا الفضل الإسعاااف اااطلبو الإسعاااف.
ل لااا لا لا تترك اخوك لا تغدرر بيّه وتروحلها الليله ليلة امي تاخذك مني وابقى وحدي أبيل لا تروحلها اضل وحدي ولكمم الإسعااااااف.
وصل الإسعاف والقوات الخاصة ألقو القبض على ابن ياسين.
ماااا تخلصيييين مني كااابوسچ الأسووود اااني كااابوسچ الأسود ياااا حقييييره.
المُسعفين شالو أبيل عالسديه و اخذوه للإسعاف واحنه ثلاثتنا ردنا نصعد بالإسعاف لكن رفضو
الضابط اردف ويانه وطمنا على سيرا.
صگر: اختكم بعيوني اجيبها ونجي وراكم.
تقربت من باب الإسعاف و إيدها ترجف رجف لزمت إيده اللي كله دم، لكن ابد ما ينظرللها.
اخوك راح يگوم بالسلامه
أنت أقوى من هيچي لا تضعف. و
نتر إيدها وعاط بكل صوته
أااااخلي الدم يوصل للركب إاااذا اخويه ماااات بسبب أعدااااء ااابوچ.
سيرا: ء إإيمارر.
ل جهنم.
المُسعفين اغلقو الباب بوجهها والإسعاف انطلق بكُل سُرعته.
چنت لازمه إيده وابچي ومنا المُسعفين مستمرين بالإسعافات الأولية إيمار گام وخر إيدي، يحچي وعيونه تذرف الدموع.
لا تلزمين إيده لحد يتقرب من أخويه كُلكم مسؤولين عن إصابته وإذا صارله شي بسبب أعداء ابوچ اصير كابوس لبيت أدهم.
صح آني السبب صحح بس فدوى لا تسوي هيچي خايفه عليه مثلك وأكثر.
ل لاالاا لااا تگولين ااكثر محددد يحبببه ويخااف على ااابيل بگدي محدد، اخويه هذا اااخويه، بس نزلي إيدچ نزلي إاييدچ.
لو سمحتو هذا إسعاف بدون صوت المريض حالته خطره، نحاول نوگف النزيف إصابته قريبه من القلب.
اسف اسف بس سويله اي شي أسعفه أنقذ حياته مالي غيره.
بس اشهگاتي تنسمع اندگ تلفون إيمار وچان بجيبه طلعه وإيده ترجف قرأ الأسم وضل صافن
سحبت التلفون منه شفته عمو أيهم.
أريم: أهدى إيمار لا تسوي هيجي اهدى وادعليه، راح اجاوب عمو.
اشش لا لا تگولين حالته خطيره ابويه ينجلط يموت بأرضه.
تمام خويه فدوى كافي.
مسح وجه ودم أبيل نازل بطوله استقويت وبألف يا على طلع صوتي.
أريم: أ ألوو عمو أيهم.
أريم بنتي انتي بخير أبيل يمچ؟ ابن ياسين انلزم؟
إيمار وينه ليش ما رد هو، سيرا ما تجاوب اشتر ما حچالي تفاصيل الكمين وهسا هو طالع للمركز، الو بنتي.
أريم: أبيل. عمو أبيل.
انطيني احچي وياه.
أريم: عمو أبيل هو.
أريم احچي أبيل وينه عافچ ويا إيمار ورجع لوحده؟
غمضت عيوني والدموع ما توگف
أريم: لا عمو أبيل ما عافني أبيل بالمستشفى تصاوب و والو الو
أبيل تصاوب بالمستشفى تصاوب بذراعه تصاوب برجله وين متصاوب عباااس جيب السياره، أريم بنتي احچي خوما بيچ شي أبيل هم إصابته خفيفه مو؟
اصفريت لمن جهاز نبضات القلب صار يدگ بسُرعه مو طبيعيه.
أريم: أ أاابيييل.
قفلت الخط وتقربت حظنت وجه بين ايديه واحجي ومنا المُسعفين يسحبوني عنه.
أريم: أ أبيل أبيل لا تسوي هيچي بيّه ااابيل بداعة الغاليه لا تسوي هييچي بيييّه إيمااار احجي ااانت ويااااه.
وگع يم السديه على ركبه مهدود حيله
أريم: إيمار گوم احچي ويا اخوك أبيل ي يسمع منك أبيل تسمع منه وتگوووم ااابيل.
ألتمو المُسعفين يسووله صدمات كهربائيه
إلى أن...
ال بتراء
قرب راسه يم راسي همس بإذني وهو يلامس خصلات شعري نزولا لرقبتي.
صرتي بأسمي من راسچ لحد رجليچ
بتراء جسار جابر المياحي.
فتحت عيوني على وسعهن، گام من يمي وراح للحمام، حسيت نار وشبت بگلبي وبس اشهگ واحس مخنوگه، شنو راح يصير بعد هذا الكلام.
تلامست رقبتي النفس ضاگ بيّه، كل جسمي اهتز ودخلت بنوبة بُكاء صامته و اسوء شي انه الإنسان يدخُل في نوبة بُكاء صامته.
شفايفي يرجفن رجف من انطق المُناجاة اللي وعيت على سماعها من أمي المغدوره.
صوتي اختفى بس چنت احچي واحاول اخفف الصار على عقلي وگلبي
بتراء: د دخيييلك يااا على السَند دخيييلك.
ش شسويت بحالي شسويت أن انطااني فُرص هوااايا لمح هوااايا ليش ما حچيييت.
نظرت ناحية الباب ساعة معلگه وارقامها تلمع فسفوري، چانت 4: 30 الفجر، سمعت صوت الباب، على سَند طلع من الحمام والغُرفه بيها ضوء خفيف، فرش شي على الارض وخلى قطعة دائريه مثل حجر او شي مُشابه گدامه، وگف استقام
كبر الله اكبر وبعد ما سمعت صوته ولا يرفع راسه
يُمر دقيقه ويثني ظهره بعدها يگوم وينزل يركع.
استقويت بيا على وگمت شلون ما چآن لملمت روحي واحس حيلي رايح، دخلت الحمام وسديت الباب بدون ما اقفله، عفت الچرچف بمكانه ومشيت بإتجاه الدُش فتحت الماي الحار والبارد اقل شي
وگفت تحته واحس الموت أهون من هذا السواه بيّه، .
دموعي والماي أخطلتن وبس افرك جسمي بعُنف كلما اتذكر لمساته، . خلصت گلبي و روحي بالبچي
وجسمي كُله صار أثر اضافري، سديت الماي
وطلعت لبست روب الحمام وشعري ينگط ماي
وگفت گدام المرايه.
بتراء: ما انكسرتي بتراء ما انكسرتي انتي قويه
و وتعادلتو هو اخفى وجهه الحقيقي تحت القناع وانتي اخفيتي اسمچ الحقيقي.
انتبهت على أثر تركه على رقبتي
نار وشبت بگلبي، راسي فجأة يوجعني للحظه تذكرت ذاك الحبوب الأخذته بالإجبار وشلون چآن يخلي عقلي مسترخي. بلا هواجيس.
بتراء: جاسر جااسر يدبرهاا راح اموت من وجع راسي ك كاااافي تفكرررين كافي كافي تفكريين.
كسرت المرايه بالمزهريه الچانت قريبه.
وما حسيت إلا على سَند دخل للحمام مصفر من الهبطه
شصار خوما بيچ شي.
بدون تردد تقرب حظني ويهمس.
اشش لا تأذين روحچ.
عن يااا روح تحچي وانت گتّالهاااا.
اضرب ظهره واحاول ابتعد عنه
اشش لاا تسمعيني صوتچ گتلچ احچي اي شي يخلصچ من ناري، بس ما حچيتي.
ابعدته عني بدون أن اذرف دمعه وحده
بتراء: بعدد لا تقترب مني ولا تلزمني ولا.
ولا تحچين لحظه هنا گزازه.
شالني بدون سابق إنذار واني اضرب بكتفه وهو
يمشي بيّه للغُرفه.
بتراء: گللللت لااا تلزمني يااا يااا حقيررررر.
شايلچ ما لازمچ، ان شاء الله خانچ التعبير؟
بتراء: لا والله من كُلل گلبييي ااانت حقيررررر والسويته قبل ساااعاات اااحقر واااقذررر من افعاال ولد نَصاااار.
خلاني على التُخم وقرب وجهه اردف.
أولا هذا حق شرعي وانتي ما اعترضتي ولا اجبرتچ او عنفتچ ثاني شي، گعدة عتب وياك رايد.
أولا اسمه غدر غدرت بيّه بس يجي يوم واردها إلك، ثاني شي ماكو عتب بينا تصافينا أنت اخفيت وجهك الحقيقي واني اخفيت اسمي الحقيقي.
بعدچ ما شايفه على سَند من يلعن سلف سلفچ
نظرات عيونه تحچي صراحة كلامه ابتعد راح للكنتور جاب خاولي واجا وگف ورا التُخم
لا تسوي روحك بنادم وأنت حيوان.
طلع لسانچ الزباله اللي متربي تحت عكازة جسار.
بعدك ما شايف بتراء من تلعن سلف سلفك.
لف شعري على ايده بدون ما يأذيني وهمس يم اذني.
خليني معتبرچ جنس لطيف ما ناقصني شخصيتچ المتفحله، ولا أريد أذيتج جسدياً.
خلى شعري بالخاولي وبلش ينشفه بهدوء
نار ومشتعله بگلبي اريد افهم شنو نوعه من بين البشر، كارهني وحاقد عليَّه، بس ما يأذيني جسدياً.
ليش ما صرخت عاركت كسرت ليش ساكت؟
اليحترگ تاليته يبرد أنتي ثوله وجاهله للحياة الخارجيه.
مو ثوله، اعرف شلون تحچي وياي آني كلشي اسوي لخاطر احرر خواتي من ظُلم جسار.
كلشي سويتي وما تحررن من ظُلمه. گتلچ ثقي بيّه على سَندچ.
شايفها سهله اثق بياهو الچان؟ وإذا غدرت بيّه
مثل الصار من ساعات؟
تقرب همس بأذني
تعتبرين الصار بينا غدر؟ ليش اذيتچ؟
رفعت صوتي عليچ؟ خوفتچ مني؟
لا بس انت تعرفني ما اخاف منك ف قررت تأذيني بخواتي.
ابتعد و سكت لثواني بعدها تقرب خلى حنجه على كتفي، اردف.
آنه هم عندي اخت مفقوده واعرف هذا الشعور مو نذل حتى ااذيچ بخواتچ اللي هنن اصلا مو خواتچ.
ش شنوو شجاي تحچي شنو خواتي مو خواتي.
هذا سببه قذارة ابوچ وعمچ.
ابتعدت وگمت صح جسمي وراسي يوجعني لكن وگفت على حيلي
بتراء: لا شجاي تحچي خواتي هذني بس بس من ابويه من أبويه.
ليش مصدومه هاي مو جديده على ابوچ.
لا لا تريد تخبلني هاي طريقة انتقااامك تريدني افقد اعصابي، هذني خواتي. انت انت شلون عرفتهن؟ و وشلون عزمتهن للحفله، تريد تحرگ گلبي بشوفتهن؟
حچيت هيج ولزمت ياخة التيشيرت.
نزل إيدي اردف ببرود.
رفقا بوضعچ والخاطر تفرحين جبتهن للحفله
واعتقد عرفن انتي بتراء.
لا چذااب كُلكم مثلتو عليّه كلشي چآن تمثيييل ناااهد اامل ندى يَقين هلال اااريم سيراا عزّه كلهم كلهم مشتررركين بهاي المسررحيييه.
لا
اضرب بصدره واحچي بگلب محروگ
شهللل بروووود البيييك اااحچييي كُل هذاا الحب والإهتماااام چذذذب حتى اااصدگ وااااحس عااائلتك احتوتنييي.
لا محد يدري بيچ بنت جسار فقط عمي اشتر و آنه.
بس اشتر؟ ههه وابوووك يدررري يدررري.
اوو خل احچيلك سواالف ابوك التعباانه لعددد
اعرف كلشي، وما يهمني حچيچ.
ما يهمك؟ ما يهممك تعرف ااابوك
ساااوم على اختك المفقوووده وبعضمة لسااانه گال مأمن عليها، شنوو يقصد اء؟ يعني باعهااا.
لزمني من رقبتي قطع عني النفس وعيونه تريد تطلع من العصبيه.
لا تخليني اندم على لطافتي وياچ البيّه مكفيييني فوگ چذبببچ چننننتي مثل الغبببيه تساااعدين جاااسر وتخليه يتجسس علينا ها؟ هذا اقل شي لازم اخلي طلقه برااسچ بسببه چاان ممكن اااخسر فررد من عااائلتي بسببچ.
عيوني من قوة قبضته دمعن گوه اردفت.
ماا چنت اساعده ماا چنت اساااعده چنت جنت اعووف الموبايل بالغُررفه بالغُررفه.
بعدما أبويه هددچ أو چنتي راااح تنفذيين كلام جاااسر.
علي على سَند ما دام ابوك حچالك كلشي اكيد اكيد تعرف مكان خواتي دليني على بيتهن اخذهن وما تشوف وجهي ما تشوف وجهي.
ترك رقبتي ابتعد يمسح وجهه ومتوتر.
چنت افرك مكان ايده واحس روحي چانت راح تطلع. گحيت ونظرلي شاف وضعي تقرب راد يحظن وجهي ابتعدت.
آسف ما چنت رايد أذيتچ خل اشوف خوما بيچ شي.
خليك بعيد عني خليك بعيييد رقيه وَدق وينهن
شلون اجن للحفله.
طلبت من عمي اشتر يخلي وگاع يعزم.
موضفين الشركه خاصة الشفت المسائي اللي
رُقيه تداوم بي وهكذا.
بيتهن ويين بييتهن اانت وعمك وابوك تعرفون؟
نعرف وما مُمكن ندليچ على بيت جسار.
ش شتريد انت شتريد خل انفذ وبس بالمقابل اريد خواتي.
هم گالت خواتها بويه ما عندچ خوات مااكو هنن بناااات هاشم هاشم. نفسسسه اللي وشمم على ظهرررج نفسه اللي زرع هاااي الفكررره براااسچ.
ه هاشم هاشم منو ليش ليشش ما ااتذكررره.
اشش اهدي چنتي طفله من امچ خلت عمچ يوشم الفراشات على ظهرچ.
امي؟ خلتني شلون لا چذااب عليي لا تچذبب
امي ليش تسوي هيييچ.
سوت هيچي عبن هاشم حچى عن قذارة جسار وهي خافت على حياتچ ما چآن عندهه حل ثاني
تريدني اصدگ بيك شلون تعرف كل هذا الحچي؟
ما جاوبني بهل اثناء انسمع صوت موبايل يدگ
ضل يدور على مصدر الصوت.
موبايلي وين؟
مسحت عيوني وحچيت.
موبايلي ما اندلّه تريد اندلّ موبايلك.
تحچين هوايا بس حچيچ بلا فايده.
دور ولگى موبايلي، شمرها عالتُخم، رجع يدور بين الأغراض لگى موبايله چآن بعده يدگ قرأ الأسم
وگاع يتصل بهيجي وقت، خير ان شاء الله.
جانت الساعه 6: الصبح، جاوبه وبضحكه.
مو تشوف شويه متأخر چآن اتصل ساعه بال2 باركلي.
اتلاشت ابتسامته واصفر لونه يدور على شي ويحچي گوه.
شووگت شوگتتت وينه شصااار بيا مستشفى، دورري على السووويچ لا تصفنيييين دخيلك يا أبا الفضل جاييك جايك مسافه الطريق.
قفل الخط وما ادري على شنو ندور، جرني من يم الميز
وخررري مااا منچ فااايده. وين خليت السووويچ وييين.
دورت بدون صوت لگيته تحت الميزه، شلته ومديت إيدي.
هذا هو.
نضرلي وعيونه صايرات احمر مثل الدم
أخذها وحظني ما جاي استوعب تصرفاته.
بتراء ابن عمي بالعناية ادعيله يگوم بالسلامه
ادعيله ما يموت.
بادرته بالحظن حسيته خطيه.
الله يكون وياه بالنهايه البقاء للأقوى.
ابتعد ومتنرفز يخوزر بيّه.
لاااا ااانتي موو معقووله عوود تواااسيني لو تجفصين ببطني؟
شمدريني خانني التعبير أول مره احاول اواسي شخص.
دخيلك يا أبا الفضل.
دخيلك يا على السَند.
خوزر بيّه ولبس جاكيته الجلد گعد عالتُخم يربط قيطان بسطاله الأسود، لاحظت نفسي بعدني بالروب. وگفت گدامه، اردفت
انتظرني ابدل خوما تعوفني هنا.
شبيها هنا ابقي ماكو داعي تجين.
شعندي هنا خاف جاسر يجي شسوي بوقتها؟
نظرلي واردف.
ما يگدر يجيچ اصلا ما يدري بيچ متزوجه، بس مع ذلك بدلي بسرعه ماكو وقت خل اشوف تاليها.
عفته قبل لا يكمل كلامه فتحت الكنتور ملابسنا كلها معلگه اخذت فستان أسود كلوش حد الركب ويا حزام جلد لونه بني وحذاء رياضي أبيض، شاف الفستان بإيدي و اردف.
لا تفولين على حياته شني تلبسين اسود.
هسا يموت وما تلحگه الأحسن تخليني اللبس بسرعه ونطلع.
خانچ التعبير خانچ التعبير تااالي وياا جفصااتج، بدلي بسررعه.
دخلت الحمام بدلت بسرعه، شعري بس مشطته
وطلعت گعدت بصفه عالتُخم اللبس حذائي
بس ما اعرف شلون اربط القيطان وهو بس يحچي.
يلا بسررعه هي قيطان اربطيها بسرعه
اذا بيك خير انت اربطها واكرمني بسكوتك مو تشوف ما أعرف.
كضي لسانچ بنت الطايح حظه كضيي لساانچ.
كنصب سحب معصم رجلي گدامه ربط القيطان بطريقه حلوه و راح للتك الثاني ربطها أيضا وآني صافنه على طبعه الغريب، يكرهني او يحبني او كُل هذا فخ؟
لا تصفنين بوجهي گومي خل نطلع.
گام شال موبايله والسويچ.
جيبي تلفونچ لا تنسيها.
عافني وطلع بسرعه شلت تلفوني وطلعت وراه
شفته يمشي بالممر، اسرعت خطواتي صرت بصفه، دخلنا للمصعد وبالمصعد اتصل على أخته عزّه.
ال عَزّه
بعدما قضينا ليلة من العُمر ضلينا نايمين
لحدما صحت على صوت موبايلي. چنت مخليها وضع اهتزاز وعالميز البصف الچربايه.
مديت إيدي أخذته وگمت گعدت شفت عزام بعده نايم، تقربت بسته بهدوء بعدها جاوبت على سَند
عزّهَ: الو صباح الخير وصباحية مُباركه.
ألنا وألچ تعاي للمستشفى.
دقيقه على سَند على كيفك اخويه ساعه شگد؟
ساعه 6: 30 براء بيها شي شعندك بالمستشفى.؟
ليلة البارحة بيت ياسين هجمو على سيارة أبيل.
حتى ياخذون أريم وتصير عركه و ابن ياسين راد يصوب على أريم أبيل حماها، هسا هو بالإنعاش حالته خطيره.
عزام گعد من النوم فتح عيونه ومستغرب سألني ويامن تحچين، آني من الصدمه عيوني ما ترمش، تقرب باسني بخدي.
شبيچ هذا يا فُگر من اخوانچ مات؟
عيوني انترسن دموع، گعد و سحب التلفون.
احجي على ليش متصل شحچيت ويا عزّهَ؟
أبيل بالإنعاش احنه بالطريق انت جيب عزّهَ وتعال.
إيده گامت ترجف وعيونه تدور بفراغ.
وگع الموبايل من إيده وگام للحمام.
االو عزام الو تسمعني.
خويه گول ما بي شي گول ما بي شي
عزّه استعجلوا و عزام لا تخليه يسوگ بهل حاله.
انت فجرر الخبر بوجه وگول لا تخليه يسوگ.
المهم تعالو بسرعه.
تمام تمام جايين.
قفلت الخط وگمت لبست وانتظر عزام يطلع حتى اسبح، مرن اقل من خمس دقايق طلع چان سابح و مبدل دخلت بسرعه سبحت، بدلت وطلعت.
شسورت شعري بس نشفت الماي منه ومشطته.
اما عزام بهل أثناء لبس جاكيته وشال ساعته لبسها. وايده ترجف، چنت ارفع شعري وعيوني عليه، شديته، تقربت حظنته.
عزّهَ: اهدى حبيبي راح يكون بخير.
شد على حظني واعرفه يكابر يبچي گدامي بس صوته البيها غصه تتسلل ل اذاني.
اهد بيت ياسين على راسهم إذا أبيل ما گام بالسلامه. اصفيييهم واحد واحد
غافلته وسحبت السويچ من جيبه.
حاولت ابين الموضوع بسيط قدر المُستطاع
شد حيلك هسا نوصل ونشوفه گاعد بزونه بسبع أرواح. ههه.
ابتعد عني وراح للباب فورا طلع وهو يحچي.
أبيل عظمة سمچ بحلگچ هلگد غاثچ.؟
لا وحگ العباس اتشاقه شبيك.
نزلنا من الفندق للكراچ وهو خطواته اشبه بالركض، يدور على السويچ ما يلگاها.
عزام: متأكد جبته وينه.
طلعت السويچ فتحت باب السياره تحت انظاره المصدوم ومعصب.
شيسوي يمچ جيبي.
اصعد ولا تأخرنا.
عزّهَ لا تسودنيني انزلي، آنه اسوگ جيبي.
شديت الحزام وشغلت السياره بدلت الگير وانتظره يصعد.
تمام حسابچ بعدين.
ادفع بالبطاقة لا تنسى.
صعد وانطلقت للمستشفى، طول الطريق چآن يتصل على جماعته، وينطيهم تعليمات أنهم يراقبون بيت ياسين.
وصلنا للمستشفى الخاص بينا ودخلنا ركض.
للرسبشن.
عزام: أبيل أيهم الباشا بيا طابق
الثالث مسيو.
راح فورا للمصعد.
عزّهَ: تمام ليلى شكرا.
رحت وراه دخلنا المصعد دقايق وانفتح الباب.
چنت لازمه إيده اول ما شفنا كُلهم ملتمين
تركنا ايد بعض ورحنالهم ركض.
اخويه وين ااابيل وينه.
وگاع: بالإنعاش بعده ما گعد.
عُبر بصفه راح لباب الغُرفه لگاها مُقفله.
الباب افتحو الباب لازم اشوفه احچي وياه واااحد منكم يفتتتح الباااب.
عمي اشتر سحبه وضل حاظنه ويخفف عنه.
اما عمو أيهم واگف عند الشباك عيونه على أبيل
علي سَند وبراء واگفين بجهة ويا سيرا و أريم اللي بعدها ما غاسله ايدها من دمه وبس صافنه.
رحت حظنتهن والخوف يحتلني كلما افكر
لوما أبيل ما چنت حاظنه خواتي هسا والله أعلم.
درت عيوني عند الباب إيمار گاعد ومرجع ضهره للحايط الدم نازل بطوله وايده كله دم.
يكتب شي عالارضيه.
عفتها تروحله، تقربت وعيونها تدمع كنبصت گدامه.
سيرا: إ إيمار گوم غسل وبدل و.
ركزنا على المكتوب بالدم، انتهيتو.
رفع عيونه المحمرات، اردف.
إيمار: بنات أدهم لا توگفن گدامي، بنااات ااادهممم لااا توفگن گدااامي.
سيرا: اهدى اهدى والله الصار كله مو بإيدناا.
گام بسرعه ولزم ذراعها اجا سحب ذراع أريم تحت صيحاتنا على تصرفه وگفهن گدام الشباك أشر على أبيل ويحچي بگلب محروگ.
شوووفن شوووفن بناات الادهم شوووفن المووت يفتر حوااالين حااارسچ الشخصييي
االموووت يييفتررر حوااالين اااخويه اخويه
و اختي المااا عننندي غيرررها داخله بحااالة صدمه وانهيااار بسبب منو؟
الباشا: اشتر تعال اخذ إيمار.
الأشتر: تعال ابني اخوك حالته مستقره وما مقبوله منك، لا تعلي صوتك هذني بناتنا وشمعات بيتنا مالهن دخل، وَتن ليش صافن تعال كض صاحبك.
نتر ايد عمي واشر على خواتي وبالمُقدمه چنت آني وهنن ورايه.
بسببچ ااارييم بسببچ اخويه بالإنعاااش
وانتي عزّهَ ان شاء الله يبرررد گلبببچ تحقق مُراادچ اخويه ضحى بحياته لأجل اااختتچ وهم مااا توگف بعيينچ ماا توگف، انتهيتو ااانتهيتو نهايتكم على إيدي إذا اخوييه يتركني تفهميييين.
عمي ايهم گام احتواه و حظنه عرفت دخل بحالة نفسية نادره وما بوعيه.
تقربت من على سَند وبراء بصفه، حظنتها
وهي حچت.
بتراء: اهدي عزوزه أنتي قويه.
عزّهَ: عرض حياته للخطر براء و حالة إيمار شوفي حالته. عزام جبل وانهد حيله على اخوه.
مسحت دموعي ودخلت ويا على سَند وبراء على غرفة هلال اللي بصف العناية المركزة.
دخلت وشفت ايدها كله جروح ونايمه، بالجهه الثانيه هدآم گاعد وعيونه على هلال، هو الثاني قميصه كله دم.
شهگت وركضت يمه كنبصت احاول اشوف شبي.
والدموع تنزل عشره عشره.
عزّهَ: شني الصار وياكم ليش ليش هيج حالتك وهلال داخله بصدمة بس ايدها شبي فهموووني.
أمل: چانت على رجليها تمشي بس من شافت حالة اخوانها، هلال وگعت من طولها.
تقربت امي الچانت گاعده عند هلال عبن هيجي ما شفتها برا، خلتني أگوم وامشي وياها.
گعدت على التُخم الموجود بالغُرفه وبلشت تسردلي الصار.
رُقيه
رجعنا للبيت وچان أظلم يبدو محد گاعد فورا رحنا
علي غرفتي وما مصدگات انه ألتقينا بأختنا
بعد كُل هاي السنين، الليل ما نمناه للصبح نسولف بيها، وشلون راح نحچي هذا الخبر الحلو
ل سُعاد
ودق راحت على دوامها وآني بقيت ضليت محتاره شلون احچيلها او انتظر ودق ترجع من الدوام ونحچي سويه؟
علي كُلن بدلت وتحظرت لدوامي، نزلت تحت البيت هدوء، هدوء اربكني.
خطيت خطواتي بإتجاه غُرفة حبوبه سُعاد.
وآني متوتره وما ادري ليش.
وگفت بمكاني الباب ما مسدود شويه مفتوح
و صوت بُكاء جاي من جوا تقربت أكثر.
من الصدمه خليت ايدي على حلگي.
وَسن مخليه راسها بحظن حبوبه وتبچي.
بابا اخفى عني حقيقة عندي خوات من نفس الأم سُعاد بليز صدگيني وروح أمي صرت احبهن
خواتي هذني خواتي
سُعاد: آني صدگتچ و رُقيه؟
كلامچ اول ما اجيتي شلون تصححيها.
مسحت عيونها ومستمره بالبُكاء.
وَسن: عبالي بنات جسار بابا هيجي حچااالي گال امچ مرت جسار وهذني بناتهه يعني شني بإيدي
تالي طلع كُل هذا الحچي چذب و ذاك اليوم فجر الخبر بينا. سُعاد بغلاة امنا عندچ بس احچي ويا رُقيه
سُعاد: تدرين كلش زين أحبچ مثل ما أحب خواتچ
وما افرق بينچن، بس ما بيدي اغير شي اختچ رُقيه گلبها طيب و تسامح اذا انتي حچيتي وياها يكون احسن.
دموعي تنزل وعيوني عليها گامت گعدت هي وملابسها المُعتاده، تمسح تحت عيونها بكلينس.
وتحچي بخشم مرفوع.
وَسن: no no بليز سُعاد بليز هي أصغر مني هي تجي تحاچيني وآني اسوي روحي حبابه ونرجع خوات.
ما ادري ليش ابتسمت على اسلوبها حبوبه ضربتها على فخذها وحچت.
سُعاد: لااا تضلين تعوين بالإنگليزي انتي حچيتي واذيتي مشاعرها يا ثوله.
دنگت تبچي ورجعت رفعت راسها تمسح تحت عيونها وتحچي بطريقه تخلي الواحد غصبا ما عليه يبتسم.
وَسن: اووه ياه ياه، مع ذلك فكري بمكانتي وشخصيتي Omg Omg مستحيل، شغلي عقلچ يل عاجوزه هيلپ مي بيبي بليز هيلپ مي.
مسحت دموعي وحاولت اخفي ابتسامتي
گحيت ودخلت احچي.
رُقيه: مو گالت لا تعوين بالإنگليزي.
وَسن: Look سُعاد بيبي اجت برجليها.
رُقيه: لا تعوين.
وَسن: ترا لحيتن، لا تعوين شني معناها بالعراقي؟
آني وحبوبه وحده تباوع بالثانيه المُثقفه ما تعرف العراقي كلش.
رُقيه: يعني لا تنبحين بالإنگليزي.
انطع الإتصال عدهه وصفنت على حبوبه بعدها
وزعت نظرات بينا وحچت.
وَسن: اذا آني اعوي بالإنگليزي انتن تعون بالعراقي. بيبي.
وسعن عيونا اني وحبوبه اللي صاحت بيها.
سُعاد: بببببنت الگواااااااد هاااشم بببنننت نسل القنااادر اااني اااعووي؟
وَسن: what s going on baby. تعلمتها منچ صح رُقرق؟
رُقيه: ينرادلچ إعادة ضبط المصنع. سُعاد رايحه على دوامي من ارجع عندي خبر مُنتظر احچيها ألچ.
وَسن: صار عندچ بوي فريند هاءء؟
رُقيه: واااااات شااايفتني قذره مثلچ يعع.
وَسن: اختچ اني لا تغلطين عليّه!
رُقيه: انتي زايعه المستحه من تستحين وگتها اعتبرچ اختي.
وَسن: بليز بيبي بليز شلون يستحون المهم ترضين.
سُعاد: وسسن!
وَسن: وات حُبي ترا صُدگ اريد ارضيها
شلون استحي مثلا مثلا البس تنوره اقصر حتى استحي؟
رُقيه: سعاد رايحه اذا بقيت شويه لخ اتخبل عليها.
وَسن: رُقيه لحظه بيبي بليز I m sorry &، I love you.
طلعت من غرفة سعاد شلت ملفات شغلي و، احچي ببالي وأقلد كلامها
رُقيه: دماغ سز أدب سز، شلووون استحي مثلا مثلا البس تنوررره اقصررر حتى استحي، ثوله والله.
اانتبه ماا تشوف گدامك؟
بالباب تصادمت ويا ناجي
ناجي: اعتذر ما شفتچ بالي يم سالفه. وين طالعه؟
شلت الملفات وعددتهن.
رُقيه: الموبايل وينه؟ اي تذكرت بجيب الجاكيت، . وخر من وجهي.
لزم ذراعي وگفني، گلبت عيوني بنفاذ صبر.
ناجي: وين رايحه بكل هاي الأناقة.؟
رُقيه: من يوم يومي أنيقه. ورايحه على دوامي.
ناجي: تمام صح كلامچ قبل السته اكون منتظرچ بالگراج.
رُقيه: علوا من هسا تلحگني.
عفته ومشيت ومنا نائل اللي مرجع وَدق من الكُليه، شافنا هيچي نزل النظاره من عيونه عدل شعره ويلتفت ل وَدق التمشي وراه
نَائل: اخ من بنات جسار الگواااد اخ اخ.
هااا خوياااي شگالت رقرقتك شبيك مش على بعضك.
ناجي: تعال بلا حچي زايد.
رجع لبس النظاره بعيونه وأثناء ما يمشي يم ناجي يوزع نضرات بينا احنه الثلاثه. ويغني.
ااالمشاعر مش كلام نفسي احس بالإهتمام
طمنيني مره وحده ان شاء الله حتى في المناام
ودعت اختي ابتعدت للباب امشي واسمعهم يحچون.
ناجي: لا تصير سخيف من شوگت تسمع اغاني قديمة.
نَائل: له له صدگ ما تدري بأخوك يسمع وائل جسار؟ او ليش اصلا يحب يسمع وائل جسار؟
ناجي: تقارب أسماء لو شني لا تصير تافه بله.
نَائل: فعلآ نَائل & وائل شايف؟ خاف يطلع أبن جسار الگواد العدنه هههههههههههههههههههههه.
ناجي: التافهه يقرأ الف!
نَائل: هاك الاقوى إحتمال يطلع اخونا الأكبر من جسار العار؟
ناجي: ملاحض روحك اسأت ل أمنا؟
نَائل: احم اسف أماه لم اقصد.
رگعت باب القصر وراي دمي فاير منهم شگد مُستفزين. وگفت اول تكسي وصعدت متوجهه للشركه.
وصلت بالموعد ودخلت على الشركه كأن مهجوره
مُدرائها وينهم رحت للرسبشن سلمت ملفات ضمن واجباتها.
رُقيه: هلو اسمچ چآن رويدا؟
اي مس رُقيه تفضلي.
رُقيه: هذا الملف انتي توصليها للإداره التنفيذيه بالميناء.
تمام مس هسا اوصله بالبريد.
رُقيه: وسؤال، صاير شي ليش الشركه هدوء؟
ليش ما تردين بالصار ليلة البارحه؟
رُقيه: شصار احچيلي ما ادري بشي.
بيت ياسين شركه منافسة واعداء لبيت الباشا
صارت صِدامات بينهم ورادو يخطفون مس أريم أدهم بس المسيو أبيل انقذها والرصاصه اجت بجسمه.
مصدومه حرفيا شهل مصيبه الصايره وياهم.
رُقيه: الله يسهلها عليهم المسيو أبيل شلونه هسا؟
بعده ما گاعد من الغيبوبه عبن الرصاصه قريبه من القلب، هاي اخر المعلومات اللي وصلني من جُمانه.
رُقيه: گلتي من جُمانه؟
اي صارت مُساعده خاصه عند المسيو وگاع.
رُقيه: وراحت وياه للشركه؟
اي راحت وياه، مس رُقيه أكو شي ثاني غير هذا الملف؟
رُقيه: لا ماكو شي ثاني، شكرا.
طلعت للمصعد و ادور على اسمه ما ألگاه.
رُقيه: مُسااعييده خاااصه يطبچ عرج.
وين رقم الطايح حظه وينه اي هذا هو.
اتصلت عليه ومنتظرة يجاوب مر دقيقتين وما يجاوب اتصلت مره ثانيه وهل مره جاوب.
رُقيه: استاذ وگاع الف الحمد لله على سلامة ابن عمك شلون صار، وأنت شلون وضعك؟
احم مس رُقيه آني جُمانه.
رُقيه: وات وانتي شكو تجاوبين على موبايله ابو گاع وين؟
هذا شغلي اثناء الدوام، عفوا منو ابو گاع.
رُقيه: بس انتي برا الشركه، اي اقصد وگاع.
صارت مهاوشات واجاني صوته.
يا نعم مس، رُقيه.
رُقيه: اءاي أنعم الله عليك عندي سؤال بخصوص أحداث قضية ملف 71 ال الموكل.
شبي الموكل
اها ما بي شي، هسا احل الموضوع.
و و الحمد لله على سلامة ابن عمك.
تنهد واردف
ألله يسلمچ.
رُقيه: راح اقفل.؟
اي رحم الله والديچ. جُمانه ألغي اجتماع اليوم. الله وياچ مس رُقيه.
بقيت ساكته تصرفه صدمني او اني جاي ابالغ لا أكثر اي أبالغ. طلعت من المصعد ودخلت على قسمنا والمُدير أنس واگف بإيده ملف يدقق بي.
أنس: تعدل على البند الثاني والرابع.
انتبهلي عبرت بصفه ودخلت على مكتبي.
آني هم انتبهت جاي بإتجاهي رتبت الملف وبديت بالشغل، هذا وگف گدامي.
أنس: شلونچ اليوم؟
رُقيه: الحمد لله استاذ ليش هذا السؤال؟
عرفت من وگاع چنتي مريضه.
رُقيه: أي. انفلونزا موسميه تعرف بداية الشتا
وهاي.
يس صح، ما بيچ إلا العافيه.
اي احم عادي بعد الدوام نطلع سوا؟
مثبتة عيوني على شاشة الابتوب وهذا هيج حچآ
فورا نظرتله.
رُقيه: عفوا استاذ شگلت عيد ما سمعت؟
ريلاكس سنيوريتا اقصد اعزمچ على گهوه.
رُقيه: أها ثانكيو ما اشرب گهوه.
نسكافيه.
رُقيه: گهوه بحليب هذا هم ما اشربه.
فعلا ماكو داعي.
سبانش لاتيه؟
عفت الماوس والكيبورد نظرتله مع ابتسامه تسليكيه، صرت حافظه طبعه لزگه هذا
رُقيه: لا بأس بها.
علي فكرة هم بيها گهوه وحليب.
رُقيه: اههه اعرف استاذ بس مذاقها يكتلف عن التقليديات، بمأنه بيها حليب مكثف.
احم تمام ارجعي على شغلچ.
اباوعله بإبتسامه تسليكيه هذا شحچي وياه
همست بيني وبين نفسي وبس اهز راسي اي.
رُقيه: اههه استاذ اني بشغلي بس انت تلهيني ماعندك شي تسوي؟
ردلي الإبتسامة التسليكيه هز راسه لا
من الخجل خليت عيني بالملف امثل قرائته.
وهو راح من يمي ويدندن بأغنية ما اعرف شجاي يگول، شبيهم هذوله نائل بالبيت وأنس بالدوام
مرض الغناء منتشر لو شنو؟
أريم
صار العصر والدكاترة يجون ويروحون، محد يصرح عن حالته رغم گام من الغيبوبه فتح عيونه ونادا امه وأبو و إيمار، ضل يكرر مُناداتهم
إلى أن الكتور المسؤل عن حالته، گال نفر واحد يروحله كُل ساعتين. لكن إيمار أصر يدخل وياه
دخلو يطمئنو عليه بعدما الممرضه جابت ملابس خاصة بالعناية، لبسوها، دخلو وضلينا من الشباك نراقب.
بهل اثناء، وتن جايب حبوبه وجاي.
عزام راحله رزله.
عزام: ااانت ما تگليي شلوون تطلع وتجيبها وياك؟
وَتان: چا شسوي خويه سترت على روحي وجبتها منو يگدرللها.
اجت يم الباب وهي ترزلنا واحد واحد.
ناهد: ول حفيد الهمج وين چنت عنه شماله أبيل شماله شو وخري خل ادخل اگعده واگعد وگاع بگبره خل اشوف شبي هاي تاليته الزلمه الخشنه.
جرت الممرضه رادت تدخل للعناية.
ما بصير شو عم تعملي يا حجه.
وَتان: اي والله الحجه مش سائله عنك هلئ تؤل.
هيدا ال hospital باسمها وتألعك تأليعه مرتبه.
الأشتر: خلصت عمري أگول فلان أللزم لسانك ونعلان أللزم لسانك.
وَتان: النعلان اعرفه والفلان آنه.
كُلنا نعرف واحد ابويا والثاني وتن لوما احنه بالمستشفى عمي چآن داس بمصارينه وگالها بعظمة لسانه.
الأشتر: لو ما چنا بالمستشفى وحق جدنا السابع چآن دست على مصارينك يا أدب سز اخلاق ما ضل احترام ما ضل.
محد چآن منتبه غيري، هُدهُده دخلت للغرفه واحنه وراها عالواهس رفعت طرف الفستان بعدنا بلبس البارحه محد قبل يرجع للبيت او يبدل.
إيمار وعمو على إيده اليسار وعزام بالباب وگف
هُدهُده دخلت بصيحه خلت عمو وإيمار يگومو مستغربين.
ناهد: ول أبن الحاروگ شماالك گوم گوم
گوم الزلمة الخشنه اللزم هذا ابوك گاعد گبالك
بشبابه كُل اسبوع يتصاوب وما صار ناعم مثلك.
وَتان: أعتقد عمي ايرون مان إذا مو ايرون مان چآن صار غربال صدگ چذب كل أسبوع متصاوب.
الأشتر: وصلت حدها ويااك اطلع براا.
ناهد: كل شهر شهرين.
كل هذا الحچي والسوالف وأبيل نايم تحت تأثير الدوا. انفتح الباب اندارينا شفناهم هلال وهدآم
من شافت أبيل مشت بخطوات مُسرعه، تبچي وتناديهم.
هِلال: بابا، أبيل أبيل شلون صار إيمار عُمرم.
گام راحلها قبل لا توصل يمهم حظن اخته ويبوس خدودها وراسها، والتصرف اللي أثر بينا كُلنا لمن
اخذ خصلات شعرها شمها ورجع حظنها يگول، .
إيمار: جانم روحم أنتي يل بيچ ريحة امنا.
هِلال: فدوى إيماري كافي خل اشوف أبيل.
الاثنين ابتعدوا يمسحون عيونهم، . هلال تقدمت وعمو گام باسها فوگ شعرها وانطاها المجال.
گعدت لزمت إيده وتحچي بإبتسامه مخلوطه ويا الدموع.
هِلال: توأمي ال الغالي روح هلال أنت.
ش شوف لا تگول فُگر ترا آني مثلك تأذيت الفرق الفرق ما اجت الرصاصه بيّه.
خلت ايده على جبينها وتبچي. إلى أن سمعنا صوت أنين بعدها حرك راسه يحاول يحچي الكل التم عليه. ، فقط نسوان عمامي وامي رجعن للبيت.
هِلال: بابا أبيل دا يُگعد هُدهُده أبيل دا يُگعد.
من الفرحه گمت أبچي چنت بعيده واگفه عند رجله من فتح عيونه اعتقد شافني اول وحده عبن
بلش يحچي بلسان ثگيل او يهلوس بسبب الدوا. وآثار العمليه.
بنت الدرررهم گتلچ فُگر خليييچ بعيده عني.
إيمار وينه اخويه وينه وصية امي وينه هلال هاي أنتي لو امي ليش لابسه أبيض امي لو أنتي؟
الكل مستغرب هلال ما لابسه أبيض أبيل شجاي يشوف الكل يعرف الشبه الكبير بين هلال وامها
لكن أبيل معقوله يتخيل امه؟
الباشا: اهدى ابني انت تحت تأثير الدوا.
لاا أمي هناا او هاي هلال؟
يابه شوگت رجعت امي امي رجعتها؟ Annem
Seni çok seviyorum، neredeydin
تقربت من عزّهَ همست.
أريم: شگال؟
عزّهَ: امي أحبك كثيرا أين كُنتي.
عمو ايهم ضغط زر الإنذار دقيقة والأطباء دخلو.
الباشا: الكل يطلع لازم الدكتور يشوف وضعه.
حبوبه راحتله باسته وتضرب على كتفه وتشجعه و عمو اشتر يحاول يسحبها
ناهد: يلا بالزلمه الخشنه باچر نخرجك.
وَتان: وحق جدنا السابع هُدهُده تريد تأهله للنهائي گُبل على وادي السلام.
راح يكون أول ضييف بصف جدنا السابع
دخل وگاع وما لحگ على شي عمو سحبه وياه.
طلعه ويا حبوبه.
الأشتر: طلع اطلع شگد نادم على خلفتكم انت واخوك.
نظرت ل سيرا الواگفه بجهة وصافنه على الكل تقرب إيمار منها خفت يعصب عليها مره ثانيه
رحت يمهم.
أريم: سيرا.
حسيته هادئ خاصة من وگف گدامها نظر لعيونها
اردف.
روحي عالبيت بدلي وارتاحي ماكو داعي تبقين.
سيرا: و انت.
آنه شني.
سيرا: بدل وارتاح، على الأقل اغسل إيدك.
نظر لإيده وهز راسه اي
أريم: تمام تعاي سيرا.
اخذتها وياي برا الغرفه والكل طلع حتى هلال وهدام، . على سَند و براء رجعو بعدما چانو نازلين للحديقه.
علي سَند: أبيل شلون صار؟
الباشا: أحسن وگعد من تأثير الأدويه
وگاع: عندي شغله ضروريه اخلصها وارجع.
الأشتر: وصل بنات عمك للبيت وروح على شغلك الضروري. على سَند مرتك هم خل ترجع.
علي سَند: لا عمي احنه راجعين للفندق ومناك نرجع للبيت سويه.
وَتان: اي احم تعاي هُدهُده تعاي ارافقچ للمصعد.
رجعنا بسيارة وگاع وحبوبه بسيارة وتن.
طول الطريق چآن ساكت إلى أن، سأل.
وگاع: گامت القيامه ببيت آل الباشا، ابوچن وين؟
أريم: اتصل بيّه اطمئن علينا وعلى أبيل.
اي وينه وين أراضيه؟
أريم: گال عنده شغله ببغداد والله بعد ما ادري.
بعد الجواب ما سألني مره ثانيه.
رُقيه
بعدما اكملت الدوام جنت ناسيه موضوع العزيمه مالة الاستاذ أنس حتى ما نزلت للگراج طلعت من الشركه عالشارع العام وگفت التكسي وما لحگت اصعد.
والسبانش لاتيه شصار عليه.؟
شهل بلوه يا ربي.
رُقيه: اي احم نسيته اهه. بغير مره
سد باب التكسي وگاله روح.
أنس: ما يصير ماخذ وعد منچ.
رُقيه: انطيتك وعد هاي شوگت؟
هسا گلتي انطيتك وعد.
رُقيه: ناصب عليّه انت؟
لا ما ناصب ههه ليش انصب اتشاقه.
تفضلي ولا تخجليني.
لا حول ولا قوة الا بالله شلون لزگه.
مشيت وياه للسيارة صعدت وهو هم صعد شد الحزام نظرلي.
انس: شدي الحزام هسا انغرم مخالفه خمسين ألف منو يدفعها.
رُقيه: ما نروح للكافيه واحتفظ بفلوسك بغير مره.
انس: دقيقه وين تنزلين ترا اتشاقه.
رُقيه: هه طريف.
شديت الحزام واحس اريد اخنگه شگد مغثه.
ربع ساعة و وصلنا للكافتيريا چانت الساعه 6: 30 المُغرب، بهل وقت اكون بالبيت.
گعدنا واحس ما مرتاحه ليش احس راح يصير شي.
طلب الگارسون و نظرلي.
أنس: اخذي راحتچ، ليش متوتره؟
رُقيه: لا ما متوتره.
أنس: اوك، لو سمحت واحد سبانش لاتيه والثاني اسبريسو.
رُقيه: لا ما يصير لازم تجرب السبانش لاتيه.
لو سمحت ثنين سبانش لاتيه.
انس: نجرب ليش لا، لكُل شيء أول مره.
كل ابتساماتي تسليكيله للصراحه احس هذا هيجي لازم اتعامل وياه.
جابو الطلب وضلينا نسولف عن الشغل بعدها صار يحچيلي عن عائلته.
أنس: بالحقيقة آني انباري بس بحرب داعش انتقلت للبصره. واستقريت ويا عائلتي. أبوي تعرفينه چآن ضابط مهم.
رُقيه: ابوك الله يرحمه چآن ضابط؟
اي وحل قضايه مهمه بالبلد آخرها چآن
يدور ورا تاجر - - - جمع معلومات عنه بس.
عاف الفنجان حسيت راح تنكسر بإيده.
رُقيه: بس؟
ابتسم بوجهي وقرب راسه يحچي بهمس.
الگواد قتل ابويه وعائلتي فرد مره.
رُقيه: حسبي الله ونعم الوكيل، الله يرحمهم.
حسبي الله ونعم الوكيل.
مبين مقهور إلى أبعد درجه لعد غير هذا ابوه.
شربت من الفنجان وشفته صافن علينا
چآن گاعد ويا وفد يمكن اجتماع عملي. بلعت ريگ حسيت بالتوتر. خاصة لمن اتصل على رقمي. والموبايل گدامي اقرأ الأسم
أبو گاع يتصل.
بهل اثناء انس لزم إيدي حاولت اسحب ايدي لزمها بقوه اردف.
انس: شكرا لأن قبلتي الدعوه.
رُقيه: العفو، بس ايدي.
حسيت متقصد او شي لأن عيونه على طاولة وگاع اللي يحاول يتجاهل المنظر.
انس: تمام اعتذر.
شلت تلفوني وگمت.
رُقيه: شكرا على السبانش لاتيه، بس لازم ارجع حبوبه تقلق اذا اتأخر.
ما انتظرت جوابه فورا گمت مشيت تحت أنظار وگاع اللي احسه يگصني گص بعيونه الحاده.
رُقيه: انتي غبيه شعندج ويا مدير قسمچ.
تكسي. على منطقة - - -
البيت يبعد نص ساعة، ما مر عشر دقايق
وحسيت ابو التكسي توتر.
رُقيه: أكو شي؟
اختي هاي أكو سياره سوده تلحگنا من اول تقاطع.
رُقيه: لا توگف خويه لا توگف خاف ناس مو زينه.
هز راسه بالقبول لكن سُرعان ما انحدرت السياره
والسياره اللي تلحگنا كسرت على ابو التكسي، داس بريك قوي ضليت اردد آيات قرآنية من الهبطه.
فزيت على صوت طرق على الجامه.
انزلي يا خاتون.
ال عزّهَ
بعدما أبيل وضعه استقر وبعدما عزام چآن طالع للحديقه رجعنا سويه رحنا گعدنه عند أبيل.
بعدها عزام باس اخوه وطلعنا برا الغرفه. ولزم إيدي.
عزام: لازم نرجع للفندق ناخذ أغراضنا و على البيت.
عزّهَ: تمام حبيبي.
طلعنا من المستشفى فورا على الفندق.
من وصلنا الرسبشن وگفونا والإبتسامة على وجههم.
مسيو عزام وصلك هدية خاصة بزواجكم
تركناها بالغُرفه.
عزّهَ: حلوو هذا منو؟
گال سُبرايز.
عزام: نشوف شهل سُبرايز.
لزم ايدي وكل شويه يبوس بيها.
دخلنا للمصعد وهو حاظن اكتافي.
وصلنا للنجاح الخاص بينا طلع كرت الغُرفه
وفتح الباب.
الغرفه عباره عن بالونات بالأسود والأبيض.
عزّهَ: نايس. عزام؟
عزام: ترا ما عندي گلب ثاني هو واحد وانتي صاحبته. لا تبلشين سوالف الزوجات التقليديات
سديت الباب تشبثت برقبته.
عزّهَ: امم خلي عينك بعيني يلا.
تقرب باسني بدال هذا الطلب ابتعد وراح للعُلبه اللي متروكه على الچربايه عليها كرت.
عزّهَ: خل نقراها. هدية زواجك
عزام: نشوف شبيها؟
عزّهَ: أوكيي متحمسه.
ابتسم وفتحتها وياه ابعدت الزينه الداخليه وطلع
شيء اشبه بكتاب و مُغلف ويا ضرف ابيض.
توترت ونظرتله هو محتاره شني يسوي.
فتح الظرف وطلع ورقه فتحها وعزام عيونه ما ترمش من الصدمه، اخذت الورقه من إيده.
و قريت اول سطر اجت عيني عليه
ه هذا. DNA Test.