رواية وقار الغريب للكاتبة حوراء السعيدي الفصل السادس عشر
صفا.
زينب تحچي واني أحس دمي غلى من أفعالهم
وشلون الأنسان يگدر يأذي لهذهِ الدرجة وفعلاً چان الحقد
اله دور كبير، وَهج مركزة بكل حرف تحچي زينب كأنما جاي تحفظ كل الكلام.
زينب: عمي ماراح لا خطبها ولا تدخل تدخله چان أعتراضه
علي هذا الزواج والسبب كوثر تحچي براسه اتزوج عميد الدين
دُنيا إلى إذا تسولف مثل نسمة الهوا الباردة على الإنسان.
صوت ماينسمع الها، خلوقة بشكل مالها علاقة بأحد بَس كوثر الله لا يوفقها دمرتها دمار.
صفا: شسوت هل الحية؟
زينب: بالبداية شدت وياها لأن چانت عايشة هنا حاربتها محارب
ساعة شغل ساعة كلام، ومرة فرح طيحتها من الدرج
وكسرت أيدها، شبعنها ضيم يخلون عميد الدين يفرفح تفرفح
بالاول چان يسكت لأن يگول ابوي وما اگدر اعلي صوتي عليه
وكلشي ولا غضب الوالدين وهيَّ البنيه حرام اذا تحچي شي.
كلش كلش من أهل الله والله العظيم وتگول اتحمل الخاطر رجلي.
بَس هم طلعوا كلشي من ماعونه مثل مايگولون اهلنا
وصلت وياهم يخلون حيدر يمد أيده على زوجة عميد الدين
هنا محد سكت اتخبلوا ولدنا مو عن احمدلچن بالولد بس هم تربية جدي
وجدي ونعم من تربيته علمهم المرأة شنو وشنو احترامها
وشلون تتعامل وياها، اله ولده يگول ماعرفت اربيهم
من عرف عميد الدين حيدر ماد أيده على دُنيا وضاربها هنا اتغير كلشي.
وَهج: ايمد أيده عليها؟
زينب: اي مدها والولد ما مرروها اله مرور الكلام لزموا گطعوا تگطع بيومها
وعميد الدين طرده من البيت وگلهم هذا الشخص اذا يدخل للبيت
اطرده واطرد كلمن يدخله، هنا عمي هادي دخن شلون يحچي هيچ
لأن هوَ ربى اولاد مرته وفضلهم على أولاده.
أكرم يگول چان يلزم آدم بصغره يموته موت گتل
لأن حيدر وآدم نفس العمر وأطفال من يتعاركون
كل الاطفال هيچ، بس كوثر چانت تدفعه وتخلي يلزمه مايرحم بي.
من أكرم إلى زيد كلهم گلوبهم محمله على أبوهم لا انطاهم
حنان الاب، ولا قام بواجبهم ك أب كله غلط وضرب واهانه گدام الناس
جدي الوحيد إلى لمهم واحتواهم عمتي مرة فقرة مابيدها شي.
صفا: زينب شصار بعدين على دُنيا
الي صار من عميد الدين طرد حيدر وحذرهم وهددهم
إذا يدخل لهنا يطرده لو يموته كوثر لعبت لعبتها بسمها
دخلت بالشعوذه وسوت سحر ال دُنيا وعميد الدين خلت البنيه
الچانت تموت برجلها، خلتها تنفر منه ما اتريده.
تصرخ صريخ إذا اتشوف عميد الدين گدامها اتصيح ما اريدة.
أردفت وَهج مختنكة
وَهج: يمه سوده عليَّ گلبي أنمرد عليهم.
نزلت دموع زينب وريم واگفة يم الباب تباوعلها وحالها
مو أحسن من وَهج خصوصاً بعد ماگالت الكلام الي
لوع گلوبنه تلوع على حال عميد الدين
زينب: خلتها تنفر منه وبعد مارادته شگد حاولنه نعالجها
بس كلشي مفاد كأنما الحلول اختفت، منو ناخذها اله.
ما يگدر عليها خبلوها، حتى گالوا يمكن حالة نفسية وخذاها عميد الدين
لأحسن الدكاترة وماكو فائدة، انحرم منها بحيث يحجز يم الدكاترة وما ايشوفها وجهه.
بالاخير طلبت الطلاگ منه اتخبل حچه راد ما اقتنعت كرهته
الحب القوي إلى بينهم أتحول لمجزرة كره
ولأن وضعها ماچان يساعد
طبق كلشي اتريده ماطلگها گالها ابقي يم اهلچ شگد ماتريدين
عافها يمهم وچان عنده أمل بيوم ترجعله دُنيا إلى حبها گلبه مثل قبل.
بقت يم أهلها ست أشهر بكل مرة يروح هناك يريد أيشوفها ترفض
ماتريده تگله ما أريدك وهالكلمة چانت بمثابة اسهام تضرب گلبه.
اله بذاك اليوم الأسود طلعت بي وبعد مارجعت لا البيتها
ولا ال عميد الدين إلى چان انتظاره الها على الجمر طلعت
ويا امها واختها بأحد مناطق بغداد وهناك صار انفجار أدى
الأستشهادها وأستشهاد امها واختها وراحت دُنيا ومات گلب عميد الدين وياها.
مسحت دموعي واني أسمع قصتها واتخيل شگد چان.
صعب هذا العذاب مرته راحت وهيَّ مو بوعيها وكارهته
چا شگد گلبك قوي يا عميد الدين واتحملت كل هذا
البنات عيونهن مدمعة مسحت وَهج وجها ووجهت سؤالها.
وَهج: شلون عرفتوا كوثر مسويتلها سحر؟
ذبت حسرة وجاوبتها زينب
زينب: عمتي سامعتها هيَّ وبنتها يسولفن ومن حچت
عمي هادي لزمها لعب بيها لعب يگلها تتهمين مرتي هنا جدي گاله
اثنينهن يحلفن بكلام الله (القرآن) وبعد كلام الله هذا.
منو يتجرأ يحلف بي چذب بيومها حلفاهن جدي اثنينهن
وبكل صلافه كوثر حلفت چذب واحنا متأكدين هيَّ.
لأن محد اله مصلحة ايسوي هيچ حتى عمتي ناهدة صح دمها ثكيل
بس اتحبها ال دُنيا، عميد الدين اتعارك ويا ابوه عركه شكبرها
وگال لو هم لو انا بهذا البيت، ابوه عاند مايطلع من البيت
وطلع عميد الدين من هذا البيت، قبل سنتين طلعوا منا
لأن كوثر رادت بيت وحدها ولأن حيدر هم ضال يم خواله تگول ابني أريده يمي.
من طلعوا حاچو جدي والولد يحجون ويا عميد علمود يرجع
بس رفض وگايل للولد ما اگدر ادخل للبيت بي ذكريات دُنيا
عمتي انشلع گلبها، من غير رونق إلى اخذها ومحد يعرف عنها شي
اني أحب عمتي سلمى بمثابة امي مره فقيرة كلش وگضت حياتها
مشلوع گلبها ويا عمي إلى هاجرها وما داري عنها وهذا سبب
الحقد والكره بين عميد الدين وأبوه وكوثر وحيدر بذاك اليوم من طرده
الخاطر جدي عميد لزم نفسه وماموته.
أبتسمت بنص دموعها، ونهضت من مكانها تمسح بوجها
زينب: اعذرني قهرتچن ونزلت دموعچن
وَهج: بالعكس زينب احنا إلى نشكرچ الله يرحمهم
واكيد راحوا المكان افضل بهواي من الدنيا.
عافتنه وطلعت
بقينه ننتظر جدي والولد إلى راحو ايشوفون وضع عميد وزيد.
مرت ساعات يله رجعوا بس وحدهم بدونهم وباجي سلمى عيونها تباوع وراهم
سلمى: هاا عمي شو رجعت وحدك وين ولدي.
جاوبها جدي
عزام: مايرضون يتنازلون حيدر وصاحبه ورجلج الردي واگف وياهم.
اخخخ يااا هادي تاليتك تصف ويااا الغريب على ولدك
بزق جدي بالأرض ورجع گال
اليوم أثبتوا ماعرفت اربيكم وتعبي كله ضاع.
سلمى: يعني شنووو عمي اليلة ولدددي يناموون بالسسجن
ضرب جدي عكازته بالباب بقوا وعصبية صاير بركان من العصبية.
عزام: وطبهممم مررررررض الف مررررة گلنه قبل لاااا تتصرررفون عقلكم شغلووووا
آدم: چا شتريده يسوي جدي عميد الدين تعب يله وصل لهل مرحلة بشغله يجي هذا
ال يحركه.
عمي أخذوها منييي حيدررر لووو شافته عيني هم اگتله فوگ گتلته هااي.
اتريدوووون تجلطووووونيييي انعل ابوووكم لااا ابوووو ابووووكم
أكرم: آدم اطلع برا
آدم: منا اليومين حيدر إذا ما أتنازل عن الشكوووه وحگ العباسسس ابووو فاضل اله احررررگ بيتهممم وهم بنصه وگولوا آدم ما گال حلفت بالعباسسس ابوووو راس الحار.
قشعر جسمي من حلفانه وعصبيته عافهم وطلع
دخلت وَهج گعدت وجدي گلبه محروك.
وَهج: هوَ مو عنده تسجيل كاميرات وشافهم يقدم التصوير
للشرطة وهم يتصرفون ليش راح ضربه وهيچ كبرت.
أكرم: ما يقتنع عميد الدين خوية إذا ما ياخذ حگه بأيده مايرتاح
بَس بهذا تصرفه ضر نفسه
غير يقتنع، هسه قبل لا نرجع گوا خلوني أشوفه اعاتبه
اگله خوية ليش سويت هيچ شوف شصار بيك يگلي المهم
بردت گلبي طز بكلشي، ماكو ولاذرة ندم بعيونه.
عزام: وهذااا اخووووك الثاني زيد شعنده مووولييي وياااه.
صفا: جدو قابل يعوفه وحدة فرقة مساعدة وياه
ضل يباوعلي و وَهج خزرتني نزلت عيوني اتهرب من نظراتهم
الظاهر چفصت هسه دسكتي منو طلب رأيج.
الثاني يوم هم راحوا جدي وأكرم ماقبلوا آدم يروح وياهم
گالوله أنتَ عصبي وماتتفاهم وتخرب كلشي وخلوا يروح الشغلة بالاستوديو
ريم رجعت من دوامها گالبه خلقتها سئلناها شبيچ ماقبلت تحچي
صفا: نگلچ تعبانة تگولين لا، نگلج أحد مضايقچ تگولين لا چاا شبيچ هيووو.
ريم: اسكتي عني صفا ترا مالي خلك.
گعدت يمها لزمت أيدها ومبين كلش الضوجة مسيطرة عليها
صفا: ليش تكتمين احنا مو اخواتچ
ريم: هذا استاذ مناف ثاني مرة يطردني من المحاضرة
اليوم طردني لأن اتأخرت بس دقيقتين عن المحاضرة
زوودها هذااا
فد يوم انفجر بي وعسا ما انفصل مو مهم
اروح وياچ اطيحلچ حضه
هالمرة هم راح أسكت بس والله بالمرة الجاية إذا سواها ولااا اسسسسكت.
زينب: روحي احچي الزوجج عنه
هزت أيدها ريم تعوج بحلگها باستهزاء.
ريم: زوجي؟ زوجي گاعد يتسامر ويا حبيبة القلب
زينب: أنتِ فاهية ومابيچ خير لا تزعلين مني
ريم: وليششش؟
مخليته براحته
ترررا لاااا احبههه ولااا يحبنييي بأي حق أمنعهههه انييييي ليشش تنرفززون الواحد.
صفا: احم. شنو رأيج انسوي شي
ريم: عندي دراسة اهوايَّ لازم ادرس
صفا: شوفن الساني يحكني لازم احچيلچن فد سالفة
ريم: احچي
وين ايفان
گاعدة يم امها
هااا خوش، بس مادري منين ابلش.
زينب: دحجي حتى لو مخربط نفهم.
صفا: لا چذب اضحك عليجن ماكو شي
غمتني ريم بنص كصتي وراحت تدرس، ماحجيت
اريد افهم شنو موضوع آدم، الكلام إلى گاله فعلاً يعني لو مجرد شقه منه
ولو وَهج كلامها چان يگول مو شقه بَس لازم اتأكد.
دخل آدم للمطبخ تقريباً ب 2 ونص ولا يباوع بوجهي
چنت أشرب گهوة نزلت أنظاره على الكوب إلى بأيدي
أردف بدون مايباوعلي وراح يفتح الثلاجة
آدم: كثرة الگهوة موزينة على القلب
صفا: ادري
آدم: چاا شكو تشربينها.
سندت نفسي على مكان السنك أسولف وياه
صفا: هو احنا هيچ البشر نرغب كلشي ممنوع
من حچيت هيچ رفع راسه يباوعلي مبتسم
صح كلامچ
آدم
هاا صفصف
اخر مرة تذكر شحچيت ويايَّ
لا
لا تبيع هالسوالف يمي ما أحبها مال الشخص إلى يستغبي
ويسوي نفسه ناسي كلشي وهو يتذكر كل كلامه وأفعاله
رحم الله والديچ سويتيني غبي
إذا تتضاهر بهذا الشي ف اسفة أنتَ غبي.
بعد بنات أشرف الشريف الصلافة تخرخر منچن
نرجع الموضوعنه.
يا موضوع؟ ليش احنا شوگت حچينه بموضوع.
أبتسمت بخفه مايدري مستعده للصبح ابقى مكابلته علمود
أخذ إلى أريده ولا أمل ويامن وگعت نفسك حضرة المُتنمر.
اكو واحد گال ميتتت بيچ صفصف
خاب مسودن هذا لا تصدگين بي.
حطيت الكوب بجهه ورحتله بخطوات وگفت گدامه
أتريد تلعب؟
لا
چاا ليش تتهرب
مامتهرب وإذا على كلامي قبل يوم هيچ غلسي چان أبالي شي اتأكد منه
وشنو هذا الشي
شي شخصي خاص.
أنتَ مريض؟
بسرعة رفع راسه متشخصه عيونه ناحيتي.
شتحچين أنتِ؟ منوووو گالچ هذا الكلام
آدم انصير اصدقاء؟
شنووو هاي نوب جديدة
تمام اهدأ بيبي، شوف ما اگدر الزمك بس جد اريد انصير اصدقاء
ترا ابن عمچ انييي شنو انصير اصدقاء.
أبتسمت بوچهه أريده يهدأ، اذا يبقى بهذا الوضع مستحيل نتفاهم.
عادي اكو اولاد عم يصيرون اصدقاء
شلون؟
تعال نگعد
گعد وگعدت گباله والتوتر راكبني بس لازم افهم كلشي منه
الضغط والعياط والعناد مايوكلن خبز
آدم: يله احچي صفصف أسمعچ.
صفا: شوف يعني يصيرون اصدقاء قريبين على بعض
وواحد يفضفض للثاني، واحد ينصح الثاني من واحد بيهم يسوي غلط
الثاني ينصحه أو من يكون محتار بشي أو محتاج شي.
مامحتاج هذا الشي اني، أنتِ محتاجته؟
اي
تمام صفصف أصيرلج صديق
بس اني ما اريد هيچ
چا شتريدين
التعادل
ضحك وبرزت أسنانه.
عدالتيش يالكيوت
اني هم أصير صديقتك ونتبادل كلشي
كلشي؟
هزيت راسي ب اي سند أيده على الميز وأيده صارت جوا راسه يباوعلي.
آدم: وين اتريدين توصلين.
صفا: للعُمق
صعب
ماكو شي صعب
اكو
ماجاوبتني أنتَ صدگ مريض؟
اي
شنو مرضك يعني خطر
ما ادري بس هو مأذيني ياكل بروحي اكل.
نتساعد ونتخلص منه
حاولوا اخواني ويايَّ وماگدرت فشلت
نهضت من مكاني احاول اكون إيجابية وياه ضحكت وافتريت حول نفسي فتحت ايديَّ
بس هالمرة وياك صفصف
تتعبين
عادي
لا
اي
لا
اي
ليش تعاندين؟
صفا: آدم مو شغلة عناد بس حلو الإنسان يكون أيجابي
ويفكر بأيجابية، أنتَ ليش يأس من حالتك.
آدم: لأن اني فاشل بهذا الشي جربت اكثر من مرة وفشلت.
بالعكس اني كلش أحب اكون إيجابية وأحب الناس إلى تفكر هيچ
دائماً لازم انفكر بهذا الجانب ونحاول مانخلي الأفكار السلبية
تأثر علينا و على حياتنا، من راح نفكر هيچ يتحقق إلى نفكر بي بالسلبي
بس لو تحاول تجرب تفكر بالعكس شوف شلون راح تنجح
نجاحك وفشلك يعتمد على أفكارك صدگني.
هسه شرايدة أنتِ؟
انصير اصدقاء ونتساعد
مامحتاج.
موووو بكيفك، اوعععع ترا زودتهاا تدلل وتعاند عبالك سَند
ترررررا الزززززمك بخشبةةةةة أكسررها عليك
قبل شويَّ چنتي الأستاذة النصوحة هسه انگلبتي على الأفتراس
مووو بعد خلص صبري صارلي ساعة احچس واتلوك مافاد
چاا شلون تريدين تتحمليني وتتحملين مرضي وسلبياته.
هسه دحچي خلينه نعرف بشنو مريض علمود أشوف نفسي
اگدر عليك اولا، إذا أنتَ عاگد النونه وكله ماتررريد شلون نعررف بله
هم اخواني ماگدرولي تگدريلي أنتِ الفصمه ام خشه.
نووووو بليزززز ما اسمحلك تستهزأ بقدراتي
اويلي عليچ يمه
ضحكت ورجعت بمكاني أحاول وياه وأحاول أعرف شنو إلى بي.
آدم اني كيوت
كلشش ورقيقة
چاا صير صديقي ماتتمنى اتصير عندك صديقة مثلي
تحمحم و نهض من مكانه راح يغسل بالسنك ورجع يمسح بأيده
بالمنشفه إلى على باب المطبخ
لا اتعبين نفسچ ويايَّ، اهتمي بنفسچ وبحياتچ وكلامي
بذاك اليوم انسي لأن مابي اي شي صحيح.
راد يطلع قويت نفسي واتجرأت بالكلام
صفا: بَس عيوونك تگول العكس.
وگف بمكانه استدار ناحيتي
آدم: عادي العيون هم مرات تخدع
لا نظراتك حقيقية
أتقدم إلى صار قريب عليَّ ونفس النظرات بعيونه بلعت ريگ
نفترض كلامي صحيح شنو راح استفاد؟ عندچ مثل مشاعري
اكيد لا ف ليش نضحك على نفسنا واتعب واتعبچ ويايَّ.
آدم
رفع أصبعه گدام شفايفه بمعنى اسكتي
اتريدين اتسمعين الحقيقة
اي
أي احبچ، وعبرت هالمرحلة الغريبة چانت وحدة من أمنياتي
أشوفچ گلبي ينبض مجرد ينذكر اسمچ گدامي.
بَس شلون آدم اني وأنتَ ماجنه قريبين
من بعض وكلمن بمكان؟
حبيتچ وحبيت هالضحكة من اول مرة شفت صورتچ
ويا رائد وأنتِ تضحكين هاي الضحكة إلى خلتني دايخ بزماني
اني شخص مدمن ضحكتچ يومي كفيل يتغير بيها
من أيشوفها يتغير للأحسن ومن مايشوفها يتغير للاسوء وشي ناقص بيومي
عشگت نبرة هالصوت من سمعتها اول مرة وأنتِ تحچين
ويا اخوچ وتسولفين وتضحكين وغيرچ چان محترگ حررگ.
وكل مايتذكرج يضحك مثل المسودن وحدة اني فوگ عذاب مرضي متعذب بيچ.
ومن رجعتي هنا زدتي الضيم ضيمين وحگ العباس ابو فاضل
خليتيني أعيش بتناقض، لزمت روحي اهوايَّ وأمنع نفسي عنچ
بَس فشلت إذا ما أشوفچ بيومي اضل مثل الضايع تدرين
الصورة اخذتها من رائد بدون مايدري ولليوم محتفظ بيها.
أبتعد عني مد أيده الجيبة طلع منها الصورة چان طابگها فتحها
وحطها گدامي، عيوني صارت تحرگني دمعت من شفت الصورة.
چانت بعيد ميلادي سوا إلى رائد والصورة اني وياه ماخذينها نزلت دموعي
آدم: إذا ما اشوف قبل ما انام ماتغمض عيوني.
أحس نفسي دخت من كلشي سمعته عافني بنص أستغرابي
وصدمتي وطلع بقيت وحدي ضايعة ماكو كلام يعبر
عن مشاعري والموقف إلى صرت بي.
ريم.
گ
عدت من نومتي حتى دراسة مادرست باجر خطوبة سُرى
ولحت اجي تگول ماعندي صديقات واني لحد الان ماحاچيه الأمي
وإذا احچيلها هسه وهذا التوتر بالبيت تلزمني وتخبزني خبز العباس.
والوضع بالبيت متوتر كلش بسبب شغلة
عميد الدين وزيد
طلعت غسلت علمود اصحصح نوب جوعانه كلشي مماكله
شفت زينب اتسوي اكل رحت يمها اباوعلها اتجهزه بصينيه
ريم: المنو دا تحضرين هذا الاكل
زينب: الوارث
اني هم جوعانة
اصبلچ
اكل مرضى هذا شيشبع
اكو اكل زاد من الغده شوفي.
طلعت رحت فتحت الثلاجة چان برياني بالدجاج
أخذته حميته وصبيت إلى بصحن شويَّ ودخلت
زينب: اطلب منچ طلب
جاووبتها واني اكل
ريم: إذا اگدر تدللين
ساعدي وارث بالاكل.
شسويله يعني احطله ممه وين امه
راحت البيت كوثر هيَّ وامج ومحد بالبيت
صفا لفت راسها ونامت مادري شبيها
والباقين وين؟
كلها طالعة
وليش ماتساعدينه أنتِ
شلون أساعده لازم أحد يساعده يگعد خو ماتريدين اني الزمه
نهجم بيتكم أهل الديانه. جدي مارجع
لا من طلعة الصبح.
رحت دخلت ال وارث بغرفة جدي نايم، مخلي أيدة إلى ما بيها شي
علي عيونه لاحظت لابس خاتم رجالي الشذرة مالته شفافه
جايه ودمارات أيده بارزه.
تحمحمت رفعها من عيونه طابك حواجبه
وارث: ها ريم
ريم: اجيت اكل وياك جوعانة
طبك حواجبه مافاهم كلامي جبت الطبلة حطيتها عليها الصينية
زينب مخليتها بجهه رحتله بدون ما اباوعله
خلي اساعدك علمود راسك
ليش أنتِ وين الباقين
كلهم طلعوا بشغل وجدي بعده ماراجع
راح اتعبج دكتورة
ماكو تعب وردة.
سمعته يستغفر بصوت ناصي ساعدته يگعد حطيت وراه مخده
نوب زينب مسويتله شوربه مال عدس بس همزين سوتها لأن بيها فوائد.
اخذتها بايدي لزمت الخاشوكة گعدت قريب منه
وارث: اني اكل لا اتعبين نفسچ
ريم: تذكر من گتلي هيچ تردين مجازاتي الچ.
جنت ضايج وحجيتها ما اقصد شي بيها
لا خليت كرامتي تشعر بالإهانة
ام الكرامة
إلا الكرامة
يعني هسه جاي تساعديني لأن گتلج هيچ
اي
شگد عزيزة نفس أنتِ
ليش الواحد بدون كرامة شيسوا
هههه تربية العم عدنان.
بلعت غصتي من ذكر ابوية اتصنعت الثبات بين ما كملت اكله أبتعدت عنه
ما اكلتي
ما احب الشوربة جنت اتلاطف وياك.
من گتلك اكل وياك
اكلي شي لا تبقين جوعانة وأنتِ عندج دراسة
مو زين عليچ الجوع مايخليچ تركزين
أن شاء الله
شلت الصينية، وأسمع زينب ترحب عدلت الربطه إلى لابستها
رفعت حاجبي من شفت نريمان دخلت دخلت مبتسمة من شافتني اتلاشت ابتسامتها.
دخلت امها گالت السلام عليكم ردينه السلام وهيَّ لزگت روحها بصفه
بقيت واگفة متقصده لأن هذهِ مو مال انطيها خد وعين أبتسمت بوجها
ريم: هلو عيوني شلونچ ياا ضرتي.
ردت امها عليَّ.
ام حكيم: شنو هذا الكلام ماما
أشرت على نفسي بتعجب أمثل
ريم: ليش خالتو شنو حچيت مثل ماهيَّ خطيبة وارث اني هم.
نريمان: أنتِ معروفة سالفتچ ابقى اني الأصلية
تحمحم وارث يخزر بيها وغير الموضوع
وارث: شلونج ام حكيم
الحمدلله ابني أنتَ شلون صرت
احسن أن شاء الله
گعدت غصباً عليهن على الكرسي مال جدي مال الصلاة
وصحت الزينب الواگفة تباوعلنه
ريم: زنايب ولو اتعبج ياروحي اخذيها اني مايصير اعوف.
ضرررتي وامها عيب، اجت زينب عاضه شفتها
عن لا تضحك غمزتلي عود عاشت ايدج.
نريمان لازمه أيد وارث الحيووانة لازمتها حيل عبالك يريد يشرد منها التس
نريمان: يله حبيبي اتحسن علمود نتزوج
ريم: حالفه بعرسكم اركص للصبح
وارث احتار يسكت منو ويوگف ويا منو اني أعلمك
من گتلك طلگني عاندت دشوف شراح اسوي بيك ام شنوفه.
نريمان: ليش تحضرين عرسنا؟
ريم: طبعاً حبيبتي غير زواج زوجي.
ضلت متفاجئه من كلامي و وجهه انصبغ احمر من عصبيتها رجعت احرگ گلبها
زواجي قبل زواجكم تجين أنتِ العرسنا؟
هنا ما اتحملت وگفت وصارت تنتر بالكلام
مووو چنج اخذچ الواهسسسس
ريم: ليش عيوني انتِ يا بعد گلبي شمسوية فوگ مدا اعزمچ.
ضحكت ودمها فاير
هههههههههه عرسي يصير قبل عرسچ.
باوعت الوارث وجهتله السؤال
ريم: زوجي العزيز ليش مانطيتها خبر زواجنه قبلها وهيَّ تأخذها وتسافر.
نريمان: انطاانييي خبرررر ووافقتتت بسسس هسسسه وهناا ماااا موووافقة
وارث: نررريمان؟
شنو نريمان وارث انييي حبيبتك انيي المفروض اتسويلي العررس موووهايييي إلى من كم يووووم دخلت حياااتك
وارث: اسمها ريم، ثانياً اتوقع تفاهمنه اني وياچ بهذا الموضوع
ماا اتقبل هذااا الشييييي بشنووو هيَّ أحسن منيييي واني شنوو موقفي
گددام اهلييي وعماميييي والناسسس.
ريم: لعد أحد جابرج تزوجين واحد متزوج
وارث: ريم كافي ممكن؟
نريمان: شوووففف شلوووون يحجي وياها بعدد بعددد اتووووسل الها.
اتجاهل كلامها وگال الامها
وارث: ام حكيم أخذي نريمان بعدين نتفاهم ولا تفهمين غلط لا تجيبينها هنا بعد وجيتكم على راسي.
اتخبلت هجمت عليَّ أتريد تضربني دفعتها بأيديَّ
ريم: دمشيييي لچ
سحلتها امها سحل واخذتها وصوتها يلعلع بالبيت لا خجل ولا مستحى
باوعتله عيونه قلبن حمر رفع حواجبه يباوعلي
وارث: ارتاحيتي من علگتيها؟
سويت حركة مال من شخص يرتاح ويضل يمسح صدرة
ريم: مي بارد ووگع على گلبي.
شتريدين بالضبط؟
گتلك من البداية طلگني ماطلگت
نبقى نعيد نفس الاسطوانه ونفس الكلام
عيني گتلك راح اندمك لأن ماقبلت اتطلگ
ريم بس هيچ جاي تخلقين مشاكل بيني وبينها
وشسووويلكم وانيييي؟ گتلك ياعيني حررني
من هذا الزواج إلى مقيدني بي ماتقبل اتحمل نتائج قراراتك.
اني هسه ماحبيت احجي وياچ گدامهن علمود
ما تنجرحين بكلمة مني لو تحسين فشلتچ گدامهن وتصرفج.
عيب ريم راجعي نفسچ لا اتصيرين بدون عقل والحقد يعميچ
ماا يهمنيييي اندمككك والله اندددمككك.
ضربت الباب برجلي وطلعت صارت بوجهي باجي نادية
دخلت للغرفة مالتي رگعت الباب ورايَّ سحبت الملازم والأشياء
الخاصة بدراستي اكتب واضغط بالقلم ضغط
ارص عليه بكل قوتي الاوراق أتزرفت.
لملمت أغراضي ورحت يم صفا دكيت الباب فتحته الغرفة ضلمه.
وباردة واني يم الباب لامسني الهوا البارد وسَند نايم و وَهج بعدها ماراجعه مو من عادتها تتأخر هيچ.
صفا: اليوم منتقلة يمي
ريم: تستقبليني لولا؟
صفا: سمعت عياطچن أنتِ ونريمان.
چان طلعتي وشفتي الدراما
مالي خلك
تعاي ادخلي
دخلت يمها گعدت فرشت أغراضي چني مهاجرة كل ساعة بمكان
شبيچ تتعاركين ويا ذبان وجهج
تعاركت اني و وارث
عزززا بسس لا فشلچ گدددامهننن؟
لا أصلاً وگف ويايَّ
چا شبيچ
ضوجني الحقير.
سكتت عني بقت تتصفح بجهازها واني ادرس رفعت راسي شفتها صافنه
ريم: الصفنه مو الچ
صفا: وَهج اتأخرت اليوم
ريم: يمكن شغل
صفا: ما ادري اتصل ما تجاوبني.
للمغرب كلش رجعن امي وخالة سلمى
نجاة: گلتلج ختولي مانروحلها مارضيتي
سلمى: گلبي نار على ولدي
نجاة: وهاي شكول تقدير الله يهدي اخوي منين لفها وجابها
أذن المغرب وانفتح باب الشارع دخلوا بالبداية جدي وأكرم
وراهم دخلوا عميد الدين و زيد أبتسمت بفرح ورحتلهن اركض.
ريم: طلعووا خالة طلعوووا جابهم جددي
راحت خطية تركض الولدها.
وتحضن بيهم وتبوس عبالك سنين ماشايفتهم
زيد: السجن هيج يخلي واحد عزيز چا إذا هيچ يوميا راح اگتل واحد
ضربه جدي ودخلوا سلمنه عليهم ماعدا آدم ماكو يمكن بشغله.
عزام: أسمعني زين عميد الدين وخافنك تگول جدي ماحچيت
عميد الدين: اتفضل جدي
عزام: حيدرر ممنوع تتقربوله بعد گتلتوه كسرتوا هايهيههه.
اييي شي يصيررر تجون تبلغوني لا تتصرفون من كيفكم شنووو رجل كرسي هنا انا
عميد الدين: حشاك جدي.
وويننن آدم
زينب: اجه من شغلة ورجع
هذا أحسنه مسوويلة سوويلفه ومهددهم إذا مايتنازلون يلعب بيهم طنب
عميد الدين: شلون عرفت؟
عزام: چاا شنييي البارحة كله نتوسل وماعبرونه شلمعنى اليوم رضوا فهموونيي
أكرم: لا جدي آدم ماعليه خابرته حلف ماواصل الهم.
عزام: چا شبدر وخلاهم يتنازلون الصبح كله أحچي وياهم.
عميد الدين بقى ساكت اجه سَند هستوا گاعد من النوم گعده
بحضنه ويشاقه وياه، رفع راسه عيونه تدور على أحد أستقرت
گدام الباب التفتت شفت وَهج دخلت ووياها أبوها وعيسى سلموا.
وَهج: الحمدلله على سلامتك عميد الدين
عميد الدين: الله يسلمچ ام سَند
راح سَند الامه واحنا دخلنه يم زينب نحضر بالعشاء
بثمانية يله رجع آدم ونسمع صوت ضحكة وياهم
مدينه السفرة ونقلنا الاكل الكل اجتمع گعدنا المعدة العائلية إلى يحبها گلبي.
زيد: اكلكم احس صارلي سنة ماسابح وهو بس يوم واحد بووووووية الوووسخ بوووية
آدم: منيلك النظافة أنتَ وتحس بالووسخ
زيد: بعلي البارحة احگ بظهري بالحايط خرب بلشت الوسخين
صفا: صفا: اخي ذول متعودين عندهم عادي
آدم: اخي بعينچ وبعين كل وحدة تگلي اخي شنووو مخاويچن من الررررضاعة.
أكرم: ادري شموكلينك بالسجن من اجيت لحد الان ماسديت بووزك
زيد: شبيك خوية عود أنتَ الدكتور المُثقف.
أكرم: لازمها علينا أنتَ مدرس أنتَ دكتور ادري مو بشر
همججج
مخلين الثقافة وأبوها الك.
دگ جهاز أكرم باوعله بأستغراب رفع راسه
ال جدي
أكرم: جدي هذا ابو نريمان
عزام: انطينياه
أخذه جدي وحطه على أذنه يحچي وياه بالبداية سلم عليه
وبقى يستمع اله ويهز براسه بقبول والكل صافن بي
بالنص ساعة يسولف وجدي يجاوبه بكلام مختصر مامفهوم حد ماسده.
عزام: وارث گاعد
سلمى: اي عمي.
هز براسه ونهض من مكانه راح غسل ودخل الوارث بس كلامهم چان مسموع.
عزام: شصاير هنا اليوم
وارث: شصاير جدي
عزام: انا جاي اسئلك شصاير بين نسوانك
وارث: هيج كلام مو مهم ليش؟
ابو نريمان خابر يگول ماداز مرتي وبنتي علمود ينهانن بنص بيتك
ومنو هاينهن يجوز مفتهم غلط يأبه
تخابر خطيبتك وتفهمها سوالف الكالات سوالف النسوان
لا تدخل بيها ولم نسوان بينهن يحلنها
أن شاء الله جدي.
رجع طلع جدي وراح للديوان مالتهم هز بأيده زيد.
زيد: السعلوه بعدها ماجايه هنا وزرعت الفتن
آدم: هو شصاير اليوم هنا
زينب: اجن نريمان وامهن وصار كلام بين ريم ونريمان
آدم: يعني تعاركن.
باوعتله بطرف عيني.
ريم: اخر عمري اتعارك ويا بنيه علمود رجال هيَّ حساسة ماتتحمل الكلام شسويلها.
آدم: الظاهر خطة تلعبينه على الحبلين بلشت
سلمى: حبلين شنيي
ريم: خالة ابنچ يجيب ويلفق عليَّ اني فقيرة ويني وين المشاكل
آدم: اويلييي يمه الفقررررر منچ واااگطع.
نجاة: چاا شنيي ششايف بنتي.
بقى يباوعلي واني اباوعله بخبث يأشرلي عود بسيطة
بهتت ضحكتي خاف يگتلني والله يخوف هذا
كملنا وسووا چاي
وعميد الدين گال من باجر يشتغل بالمحل ويرجعه مثل قبل
رادوا يساعدونه اخوانه بفلوس التصليح والخساير ماقبل.
وَهج.
وگفت اغسل جسمي هلكان من تعب اليوم سمعت احد يتحمحم أستداريت
عميد الدين: هاا يُبا خانسة اليوم
وَهج: تعب شغل اليوم وشفت مارجعنا لليل
عميد الدين: أرتاحي
وَهج: هو هم هيچ.
عفته واگف يغسل ودخلت ذبيت نفسي بالفراش حتى سَند يم صفا.
غمضت عيوني وأجاني أشعار لزمت الجهاز والنعاس
متغلب عليَّ بصعوبة فاتحة عيوني بس كل هذا طار
من شفت الفيديو إلى أندز الي، چان فيديو
ال بشار
بَس مبين شخص يصور بي لأن مو بوعيه والواضح شارب
مبين من حالته وصوت أنثى ناعم تحچي وياه القذر يبقى قذر.
بشار: عبالها صدگ مريض ولعبت بعاطفتها
ماتدري عرج مايطگني.
اتجحظت عيوني على كلامه جاوبته البنيه.
ليش أنتَ تحبها لو أتريد ابنك
أحبها شنو شبيچ أنتِ، بسببها ابوي هاناني والله لاطلع كل يوم هاني بي بسببها
وابنك؟
منو يگول ابني هيَّ مرت ابوها گاضي وياها ليلة اتريدين بنت أشرف تطلع شريفة.
لطمت على خدي بصدمة الله لا يوفقچ شذى حتى ويا بشار
رجعت اكمل بالفيديو وهو يحچي ماواعي على نفسه.
بشار: وتدرين ههههههههههه الورقة إلى انطيتهياه
مال اخوها رائد شذى إلى وصلتها إلى وگالت أكسرها بيها.
علمود تخرب العلاقة بينها وبين نادية وردت اكسب ثقتها
بس هيَّ ماتنغلب مو نفسها وَهج إلى تزوجتها.
وخلص الفيديو بقى الساني مربط ما اعرف شنو احچي الصدمات
بهذا الفيديو خلت جسمي جامد عن الحركة بلعت ريك
رجعت للمحادثة الرقم عراقي ومجهول مابي اي أسم گتبتله: منو أنتَ؟
خمس دقائق غاطه بأفكاري وأجاني أشعار رسالة من نفس الرقم كاتب.
فاعل خير.
اتصلت بي ماكو اتصلت على الخط مغلق بسرعة خابرت عميد الدين.
صح نفس البيت بَس ما أگدر احچي براحتي وياه گدام هالعدد الهائل من الناس.
عميد الدين: هاا يُبا
وَهج: راح ادزلك شغلة اندزت الي
سديته منه والفيديو همزين بعده موجود كلشي بجهه
وموضوع نادية ورائد بجهه شگد سافل وذيل الچلب عمره ماينعدل
دزيتله الفيديو بقيت گاعدة بمكاني أرجف ما ادري شبيَّ الدقائق رجع اتصل.
عميد الدين: دزيلي الرقم
وَهج: ثواني
نسخت الرقم ودزيته اله بقيت افتر بالغرفة راسي حسيته راح ينفجر.
واني هسه فهمت ليش نادية ماتحاچي شذى طلعت لازمه
عليها لزمه وتخاف چانت تفضحها بقيت انتظر وانتظر الساعتين وحدي
النوم اتبخر من عيوني لو بيدي هسه اروح البشار وابزق بنص كصته
السافل تربية الباشا شتطلع مثلاً القذرر جاي يدور انتقام
مايدري اني إلى من دمي ولحمي عالنه عليهم الحرب.
لليل كلش أجت صفا و وياها سَند ناموا وعميد الدين
ماكو هم اختفى اتصل مايجاوب طلعت برا سئلت عنه آدم الشخص الوحيد.
الي يعرف بكلشي بينه من اسئله مايشكك
آدم: فوگ بغرفته محتاجة شي؟
وَهج: اي والله ياريت تصعدله
بالخدمة
صعد اله بقيت واگفة بالصالة الكل نايم شويَّ ونزل هو وياه.
وگف قريب مني يباوع بأرجاء البيت
عميد الدين: بعدني ماواصل الشي يخص الرقم
وَهج: وأنتَ شلون تريد توصل للرقم؟
هسه أنتِ شعليچ
رفعت حاجبي أباوعله بشك.
أنتَ متأكد شغلك نجار
چا شنو
ما ادري أشك بهذا الشي
روحي نامي وارتاحي التعب يخليچ تفكرين بأشياء ماموجودة.
رجعت الغرفتي واسئل بنفسي معقولة شغلة نجار عنده اهوايَّ
معلومات، حطيت راسي على المخدة واني اگول ماكو شي ينضم
لابد بيوم ينفضح كلشي مثل ما هسه انفضح بشار وسوالفه وسوالف شذى
بَس شلون بشار وشذى هيچ الله يقررضكم قذرريننن.
الثاني يوم الصبح كعدنا من التعب سحلت نفسي سحل
ماگدرت الصخونه مترسخه بنص جسمي رجعت نمت
بعد ما انطيت خبر الأبوي ما اداوم اليوم.
في أحد ازقة الفيحاء
حيث تجلس
ناعسة العينان
أحد زوايا جدران
ذلك المنزل
المُتعب جدرانه
وراءها أسرار
وخفايا لا يعلم بيها
غير من سكنها.
اسراء: .
ماذا تخبأ لنا حياة هذهِ الأنثى لنغوص
داخل حياتها ونشهد مأساتها.