رواية وقار الغريب للكاتبة حوراء السعيدي الفصل الثامن عشر
وَهج.
رفع عگازته أشرلي أرجع لداخل الغرفة، رجعت أمشي
بخطوات وكُلي توتر من الموقف وگفت قريبة من عميد الدين
ألي ملامح الخجل والاحراج بانت على ملامحه
عزام: عميد الدين؟
تحمحم عميد الدين واردف مجاوبه
عميد الدين: هلا جدي
عزام: شتسوي هنا وبهذا الوگت؟
وزع نظراته ألي وبعيونه الحيرة بالجواب لأن جدي مايعرف
بكل هذا الزواج بعد ما أكدلي عميد هذا الشي
عميد الدين: وَهج مريضة واجيت أشوفها.
رفع حاجبه جدي يباوعلنه بنظرات شك
عزام: ومن شوگت احنا عندنا زلم تدخل لغرف النسوان بهيچ وگت؟
وياك الحق جدي.
گعد جدي ونظراته ثابتة علينا
انا مربيكم واعرفنكم واحد واحد وأحساسي بيكم عمره ماغلط
جيتك هنا وبهذا الوگت موش خالية ولاني اعرفنكم
واعرف شمربي ماتطلع منكم هيچ تصرفات.
راح عميد الدين گعد بصفه حضن أيده بأيد جدي
بَس انا اليوم يا جدي لأول مرة بحياتي أسوي شي بدون أذن منك.
رفع راسه باوعلي جدي وگال.
شجابكم واحد يم الثاني شكي وأحساسي مايغلطن شلون رهمتوا وانتم الاثنين
نار وبارود اذا تجتمعون يحترك كلشي
بلا وعي أبتسمت لوصفه نار وبارود
وَهج: حبيت وصفك النا جدو.
عزام: احچولي شني سالفتكم انتم الاثنين عبنها مبينه مو خالية
عميد الدين: جدي انا و وَهج متزوجين
دار وچهه بهدوء وعلامات الصدمة أحتلت ملامحه
ششنيييي؟
أله أسبابه أسمع مني واحكم
ضرب عگازته بالأرض وصار بركان من الغضب.
شسمععع متزووووج بالسررر عميد الدين من وررراييي اتسوووييي هالسوووالف.
نهض من مكانه عميد الدين يفرك بوچهه وشعره رجع استدار ناحية جدي
عميد الدين: حَبيبي جدي افهمني بالاول
عزام: فهمنيييي
عميد الدين: علمود حمايتها وحماية ابنها وثأر رائد وحدها
ماتگدر الهم وإذا لزموها مايرحمووونها يموتونها
ولااا يهتموون وأنتَ أعلم بعدد ماحاجه أسولف أشرف شنو من بشر.
هدأت ملامح جدي من بعد كلمات عميد الدين الأخيرة.
وَهج: ابوي يتاجر بالممنوعات هذا الشي معروف
اكو شي ثاني ضامينه؟ ما أعرفه
عزام: أنتِ ليش وافقتي؟ بهذا الزواج وَهج
حركت شفايفي
أريد أجاوبه وسبقني بالجواب عميد الدين
عميد الدين: انا قنعتهاا جدي هيَّ ماچانت قابلة
بَس علمود الشغل وخطورته وأبنها قنعت.
باوعتله بتعجب شلون فرر كلشي صح عرض عليَّ الزواج
وكل هذا صار بَس هوَ ماجبرني على شي واني اتزوجته
لأحد الأسباب إلى هيَّ رونق سوالي حركة بعيونه بمعنى لا تحچين شي.
عزام: وتبقوووون تتختلون هيچ
عميد الدين: لا اكيد
شلون؟ راح تخبلنييي ووولك
جدي أنتَ راح تخطبلي وَهج من أشرف.
طبگت حواجبي بعدم فهم شنو براس هذا الشخص
الي تصرفاته بدأت تخليني اشك بي غريب الدرجة ماجاي أفهمه
عزام: كام يخبط شبيك بووية أنتَ غير متزوجها
أي بَس محد يعرف بهذا الزواج غير آدم أنتَ تخطبلياها من أبوها
وهوَ راح ينتعش بالخبر والوضع لأن صارلة فترة يهدد بيها.
ويجبر بيها تتقربلي ف أحنا هنا نحقق إلى يريده ونمشي وياه بالخطة.
وبعدين
رفع ايديَّ عميد الدين لفوگ كأنما يتمغط ويسولف بكل أريحه
كأنما متأكد من كلشي يحچي.
بعدين يصير الشغل السنع حَبيبي هسه مجرد خفايف جاي نشتغلهن
والمعمل إلى حرررگته.
عض شفته وغمض عيونه مبتسم رجع
فتحهن ويباوعلي
فضحتني جدي
وَهج: لا لتخاف ما انفضحت لأن جوابك
من ذاك اليوم فهمته
عزام: والله ما ادري بيكم لحد الان صافن أنتَ ووين و وَهج وين.
عميد الدين: عوفنه من كلشي جدي شگلت هسه تساعدنا لا.
عزام: خلوني أفكر
عافنه وطلع سد الباب أستداريت اله
وَهج: شنو إلى براسك؟
عميد الدين: كل خير يُبا
وَهج: ممكن هالخطوة تشكك ابوي بيَّ
عميد الدين: خليچ واثقة عميد الدين مايخطي خطوة إلا ومتأكد منها.
أنشوف أخرتها وأنشوف أخرة الاسرار إلى ضامها.
رفع أيده ودگ صدره
حگچ وحگ رائد وحگ صفا تأخذيهن بأيدچ وبظهرچ أنا وحگ شيلة امي.
عرفت شلون تمتص غضب جدي، بس ليش ماگتله قبلت.
لأن چنت اريد اعرف شي عن روانق من خلالك
هذا الشي بينه خاص مو شرط الكل يعرفه.
فتح الباب وطلع رجعت المكاني گاعدة اهز برجلي
يمكن زواجنا ينعلن أفضل مال نبقى نتختل مثل الحرامية
ماترهم وممكن بيوم من الأيام أحد ايشوفنا وينكشف كلشي
ومن جهه كلشي متشابك ببعض زفرت نفس بضجر
وَهج: ووينك ظافرر وين رحت.
مانمت للصبح عيوني ماگدرت اغمضهن ونايمة أهوايَّ
بدلت للدوام ودخلت صفا گوا فاتحة عيونها سدت الباب بسرعة
صفا: شصاررر.
وَهج: شنو
صفا: تدرين البارحة مانمت اشتغلت حارس عليكم
أنتِ وعميد الدين أخاف احد يدخل عليكم نوب لزمني جدي
ولو اتشوفين التحقيق خلى گلبي يوگع بأيدي من الخوف.
وَهج: يعني أنتِ إلى گتيله عميد الدين جوا عندي
صفا: اي بَس گال لا تحچين لچ عزززززا بعيني لوو اتشووفين شلون يحقق متت بدمي وخوفي منه
عرف بزواجي اني وعميد الدين
عزززززززا
وجععع شبيچ عزززا ماعزززا
طنننن عزززا اركصص عزززا الطم عززززا.
وعميد طلعلي بشغلة صفح
شنو.
طلب من جدي يخطبني من أبوي
عزززززا
وووويننن الشبشبب
اسفة اسفة بعد ما اگولها بسس تعبرر عن صدمتيي شبيججج
أبوي صارله فترة يهدد علمود أتقرب من عميد الدين
يريد يستخدمي وسيلة علمود يحصل الشغلات
الي موجودة عنده، بَس شنو هالشغلات الله العالم.
صفا: اني أثق ب عميد الدين
وَهج: الله كريم. راح تنامين؟
صفا: أي
ردت اجاوبها وصفنت إذا هيَّ الليل كله گاعدة معناها شافت آدم بسرعة باوعت عليها
وَهج: أنتِ بقيتي الليل كله تراقبين؟
راحت باتجاه السرير وتجاوبني
اي وشفت كلشي
كلشي مثل شنو يعني
شفت وضع آدم
وليش بقيتي ضامه نفسچ
هذا لازم يتعالج حرامات يدمر شبابه.
آدم يحبچ صفا
تمددت بمكانها وسندت ظهرها على تاج السرير نزلت دموعها
غلططط مايصيررر غلططط يحبنيييي
لأن مُدمن؟
مووو بَس هيچ راح لووو اموووت مايخلونه انصيرر البعض
وَهج أنتِ أكثر وحدة تعرفين ابوي ماينطي وحدة بينا إذا ما يستفاد برراسهاا.
بقيت ساكتة وأسمع الصوت شهگاتها
أنتِ بَس لا.
لاا مو مثل إلى ابالچ اني ما اتجرأ أحب واعيش
عذاب الفقد والحرمان اخاف انكسر واكسر إلى أحبه ويايَّ.
رحت گعدت يمها حضنت وچها بكفوف أيديَّ امسح بدموعها
وَهج: لا تعلقين گلبچ بيَّ معناها ولأن اعرفچ احچي هذا الكلام
صفا: يعني أبتعد عنه؟
ابتعدي إذا ما الچ نيه
أريد اساعده
شلون اتساعدي وهوَ حتى اخوانه ماگدروا اله.
رفعت عيونها للسقف وبعدها دموعها تنزل بهدوء
هوَ حباب ويايَّ ولطيف كلش وگلبه طيب اني ما أحبه والله.
بَس ما اريد يبقى بهذا الدمار راح احاول أتقرب منه بأسم الصداقة
وأساعده هاا شگلتي وَهج، أخذ قوتي وأصراري منچ.
والماضي
هوَ مو مثل عيسى
وأنتِ تكرهين المدمنين شلون
أجبر نفسي اتحمل خطية باجي سلمى ولدها حبابين والله
شوفي أكرم شكد شهم ورجال ومايقبل بالغلط و وارث هم طيب وهادئ
آدم گلبه طيب ويحب اخوانه، عميد الدين يحارب
علمود يحمينه وزيد من ايشوفني ضايجة يجي يضحكني.
ذبيت حسرة
ما ادري خايفة عليچ
سنديني بهذا القرار.
خايفة توگعين بيها
أساعده وبَس
الي أتريدي رغم گلت ال عميد الدين ماراح اخلي يتقرب الچ إذا مايتعالج
هوَ ما يأذيني إلى يحب ميأذي
لا تستغلين هالنقطة ولا تأملين بنفسچ بيها.
وظيفتي بَس أخلي يقضي على هذا الإدمان
وإذا اتعلق بيچ شلون بهالحالة صفصف؟
سكتت ماجاوبتني نهضت من مكاني مصيبة إذا حبيته بيوم
ومصيبة إذا ابوي عرف والله يخلي گلوبهم تنهدم
ويحرگها هوَ شغلها وحاربها بي مو تحب شخص.
أباوعلها غمضت عيونها نامت مادري تتصنع النوم غطيتها وطلعت.
نزل آدم من فوگ يفرگ بعيونه وگفت بمكاني
أباوعله
شاب من الشباب إلى مثل الوردة حرامات مدمر نفسه
بَس كله هذا بسبب ابوه إلى طلع ماينقص عن ابوي عيونه مثل المورمه
آدم: صباح الخير
وَهج: صباح النور
شلون صرتي
احسن الحمدلله.
هز براسه وطلع مكمل طريقة طلعت ريم
من غرفتها
مبدله هم للدوام، أبتسمت
ريم: صباحو شلونج اليوم
احسن شلونچ أنتِ
كل ما ايصير عندي امتحان بطني تخبط.
هههههههه من التوتر لا تخلي يخرب عليچ
اي عود ادعيلي
مشينا اني وياها انسولف عن الدراسة دخلنا للصالة
الي بالعادة الكل يجتمع بيها سَند گاعد بصف زيد يباوع وياه بالجهاز.
صبحت عليهم محد موجود من الولد كلهم طالعين ماعدا زيد
ريم: شنو آدم طلع لعد منو ياخذني لدوامي
زيد: لا تلگينه برا منتظرج
راحت تمشي سريع خطية عبالها عايفها گام ابوي من يم جدي
وطلعنا للشركة عيسى ماموجود يمكن طالع قبلنا.
وصلنا للشركة چان الطريق كله أبوي ساكت مانطق بحرف
دخلنا اجانه المهندس باسل سلم علينا وأبوي دخل المكتبة
باسل: الحمدلله على سلامتچ ست وَهج
وَهج: الله يسلمك بَس عفوًا منويلك علم
باسل: حضرة الوالد بلغني لأن چنت انتظرج بخصوص شغل
وَهج: امم گتلي حضرة الوالد.
گدامنا شغل لازم نشتغله
تمام
رحنا لمكتبة ولدينا بالشغل ماكو هيچ عقل احترافي
وذكي بكلشي، تواجهنا صعوبات بالشغل هوَ بساعة يحل كلشي.
باسل: حاليًا بدأ بناء المشروع الجديد
نايس
تعبتي؟
لا استاذ.
اخذت الملف إلى گدامي اقلب بي بَس أحس بنظراته مخترقتني
باسل: ابنچ شگد عمره.
رفعت عيونه بعلامة أستفهام
وَهج: ليش تسئل عنه
من باب الفضول
بعده مامتعدي الست سنوات
الله يحُفظه الچ
أبتسمت مجاملة اله
شكرًا.
رجعنا للشغل مكملين شغلنا مرت نص ساعة وصارت هوسة
اني وباسل واحد بقى يباوع بوجه الثاني طلعت گدامه.
وإذا أشوف شذى واگفة گدام باب مكتب ابوي اتدگ بي بكل ما عندها قوا
شذى: أشرررررف
أبوي ماكو داخل المكتب الواضح ورافض يستقبلها
بقيت واگفة اباوعلها والموظفين يباوعون بتسائل ويتهامسون بينهم.
وَهج: الكل الشغله
مجرد سمعت صوتي اجتني تمشي باسل بصفي واگف
شذى: منورة بالشركة.
كتفت ايديَّ مبتسمة
وَهج: ياهلا ويا مَرحبا مشتاقين شذاهن
باسل: اني اترخص أخذوا راحتكم
عافنه وراح بقينه اني ووياها.
أشوفچ هنا
ابوچ رافض يشوفني.
انتعش انتعاش بهيچ اخبار
عيسى راح يتصرف وياچ.
ضحكت بصوت شبه عالي واني من أصحاب الضحكة الرنانه
هههههههههههههه، لچ بيا وجه جايه هنا اريد افهم
لا كرامة، لا شرف، لا اخلاق من شنو الله خالقچ.
راح تتعاقبين وَهج
فريت أيدي باستهزاء
إذا تتأذه مني شعره وحدة الفيديو مالتچ أنتِ وأبو العيس يصير حديث الساعة.
صوفر وجها وتركت المكان كله طلعت من الشركة
شجابها لهنا و وين چانت، أنفتح الباب مال مكتب ابوي.
وشعجب عيسى ما اله خبر بموضوع الفيديو شذى ماگايله اله صرت اعرف بكلشي عنهم.
أشرف: ادخلي
دخلت وياه سد الباب أشرلي اگعد كلي قلق منه حركاته غريبة.
وَهج: خير ان شاء الله
گعد مقابيلي يدخن الثواني اتغير شكله للفرح
أشرف: جدج خطبج مني ال عميد الدين.
ما اتفاجأت بَس لازم أمثل علمود مايشك بشي وگفت بسرعة أمثل عدم التصديق
وَهج: شنووووو لا مستحيل
أشرف: اجت النعمة النا ليش نرفسها
نعمتيشش هذا الزواج ما وموافقة عليه.
مو بكيفج بابا وَهج راح توافقين على هذا الزواج ويتم برضاتج واقتناعج.
احنااا شنووو چاان اتفاقنااا
اتفاقنااا إلى أريده اتسوووي
وأنتَ شسووويت موو رجعوا طالبو ب سَند
مجرد حركات منهم لا تكترثين الهم بابا
الله يابروودك
أتقدم ناحيتي احاول اشوف بعيونه شي يدل على الرحمه
علي حنية اب بعيونه ماكو الطغيان يمشي ويا دمهم.
هالمرة مو بيت الباشا إلى ياخذون ابنچ منچ اني إلى أخذه.
واخليچ تحلمين اتشوفين خياله العناد ما ايفيدچ لا تماطلين بالموضوع
باجر من تروح يم الله شلون راح اتواجهه وأنتَ هاي أفعالك؟
اشش لا تبقين تنطين محاضرات دينية الچ وقت بَس اليوم وترجعيلي الجواب.
طلعت منه رغم ادري بكلشي بس هممممم رجع سسااوووم
حياتي عبارة عن مسااووومات دخلت المكتبي طبكت الباب
گعدت لازمه گلبي، غمضت عيوني بألم مثل إلى يبزني صار
لزمت جهازي ايدي ترجف ادور على اسمه
من بين الأسماء.
الموجودة اتصلت صار ملجأ إلى بكل مرة أضعف وبكل مرة أحتاج احد.
عميد الدين: هلا يُبا
وَهج: مشغول؟
اتفرغلج
چنت يم ابوي
غثچ مو
بقيت أسولفله كلشي صار بيني وبينه وشلون ساومني والغصه خانگتني
يصعب عليَّ و على كل انسان يتساوم ومنين من أهله مو من غريب.
ليش تغثين نفسچ أنتِ شنو ماتعرفينه ابوچ وتعرفينه شنو
يصعب عليه بكل شي يساوومني
خرب بروحك أشرف، گوومي غسلي راح تموووتين.
عميد الدين اني ابني عندي كلشي بالدنيا فدوة لتراب رجلي
ادري بيچ
إذا يگلولي موتي ومايتأذه اموت ولا اخلي شي يأذي.
شهگت بدموعي حطيت أيدي على حلگي مانعه صوتي يطلع
شوفي ورب العرش لازم نفسي وما اريد اخرب الشغل
لا تخليني هسه اجي النص الشركة واسحله هوو وأبنه گلبي محمل عليهممم
اجت شذى هم هنا
هاي مالي علاقة بيها لأن ماعندي شغل وياها
بَس اني عندي
اگعدي راحة يا وگيحة.
عميد الدين اني وگيحة بالحق مو صح؟
سكت الثواني رد مبين مختنك بضحكته
اي يُبا
أحسك تضحك على عقلي
لا وين اتجرأ
اي اي ابقى استهزأ.
بالعكس وَهج انا ما استهزأ بيچ أنتِ انسانة مُحاربة وقوية
متحمله شغلات فووگ من طاقتچ و مُضحية فخور بيچ
جاي تدافعين عن ابنچ واختچ بنفس الوقت دخلتي بنص
شغل ابوچ إلى إذا انلزمتي بي الله العالم شيصير
بس مع ذلك دخلتي وجاي تلعبين بيهم والله هاي قوتج واصرارچ
تذكرني بالمرحوم رائد هم هيچ چان مثلچ.
انعصر گلبي عصر من جاب طاري رائد
وَهج: أنتَ واخوانك اهوايَّ تعزون رائد
عميد الدين: الله رزقني بأخوان أربعة ورائد خامسهم
اريد اتسولفلي عن علاقتكم
فد يوم أن شاء الله هسه ارجعي وَهج إلى اعرفها
ولا تنهزين بكلامهم وأفعالهم هاي الروس أخرتها تتكسر.
عميد الدين الشغل إلى بالفلاشة شصار عليه
أجلته
ليش؟
من نتزوج ايصير كلشي كدامچ، اي شغل ايصير أيصير بوجودج
علمود مايبقى القلق ماكل گلبچ
هههههههه شگد متفهم ياربي.
هههههه روحي يله خليني ارجع الشغلي.
جاي تشتغل بالمحل مالتك
اي جبت واحد خو ما اخلي هيچ وشغلي يوگف
وحيدر بعد انتهى موضوعه
لا إذا ماكسرت ظهره بفصل يدلل حيدوري
خوش عود سويلي غرفة من تصاميمك الخاصة
تدللين
اي غير عروس ولازم اتسولي غرفة جديدة
ملكة التمثيل
ضحكت ونهيت المكالمة منه، مارجعت موافقتي الأبوي انطاني وقت اليوم كله.
خلص دوامنا وبالطريق رجع فتح الموضوع وانطيته موافقتي.
قمة الغباء عندهم، مايدري جاي يسلم برگبته لعدوه بدون ما يحس.
رجعنا للبيت وأبوي راح انطه موافقتي الجدي لليل من رجع الكل
وعمتي ناهدة هم رجعت جانت عند اخت زوجها
وأنفتح الموضوع إلى صدم الكل والبعض الفرحة
بانت بعيونه بينما البعض الحقد والغل سيطر عليه.
عزام: أكرم خابر ابوك يجي.
خابر أكرم على عمي هادي وربع ساعة واجه انضم النا
يشبه ابوي وسبحان الله نفس الطينة والخبث انطاهم الخبر جدي إلى صار الهم مثل الصاعقة.
عزام: جمعتكم علمود أبلغكم انا خطبت وَهج ال عميد الدين.
زيد چان يشرب جاي مجرد سمع كلام جدي غص
زيد: عليكم ابووووو النوووماس
باجي سلمى الفرحة انرسمت على وجها الكل فرح ماعدا
عمتي ناهدة وعمي هادي تحسهم هالخبر مسبه الهم.
ناهدة: شني بوية تاخذله مطلگة
باوعتلها بطرف عيني وصفا رفعت حاجبها تباوعلها
وريم لازمه أيد صفا خاف تگوم تهجم لأن اختي
ماعندها ستوب بهذا الموضوع، رد جدي بهدوء عليها
عزام: شبيها المطلگة؟
ناهدة: چا شني الله يعلم ليش النسوان تطلگ
وَهج: إلى يفكر مثل هذا التفكير من الاخير مع احترامي عقله عقل إلى يمشي بالشمس ومايحس
ناهدة: تجاوزززين عليَّ؟
وَهج: چا أنتِ هسه بكلامج من جمعتي كل المطلقات أحد ما اتجاوزتي بحقي
ناهدة: ماترررد بنتك أشررررف، وانتَ عميد الدين شنووووو نسيت مرررتك.
عفت كلشي وركزت باخر كلماتها ثبتت نظراتي عليه
رفع حاجبه يباوعلها
عميد الدين: عمه اختصرلچ الجواب.
دُنيا ذكرها ماينمحي للموت نهاية الكلام.
ناهدة: لا واضح وأنتَ راح تزوووج نسيت إلى اتلوووعت بيها
عميد الدين: إذا هيچ گلبج محتررك عليها چا ليش صافه ويا إلى چان السبب
وياهوووو الگال هيَّ موووو حلفت
يمهل ولا يُهمل
عااد اتزوج وحدة بررراسهاا خيرررر موو وحدة جوا أيدها طفل.
عمه كاافي تجاوزتي بكلامج ومحترمج لأن عمتي لا تخليني انسى كل هذا.
ماكفاها رد عميد الدين ضلت تحچي تحچي والكل ساكت يريد.
أيشوفوها وين توصل بكلامها وكل كلمة منها چانت بعبارة
سهم ينبت بنص گلبي نظرتها نظرة مو حلوة عن المطلقة
عزام: كااافيييي وووولچ بنت اخووووچ موووو غريبةةة.
ناهدة: والله بووية ولا أتشررف بيها بنت الخدامةة.
كمزت صفا من مكانها لزمتها گامت تصيح بنص الصالة
صفا: ترررررررا چفصتيييي بمصاررررين بطنه دكاافيييي
الي يسمعججج يگول ماخذه الملك سليمان بززززمانه
شبيچ مرررة تارس الشيب شعرررج تفكيرج منحط لهلدرجة.
شوفييي الناس وين وصلت وانتم بعدكم تفكرون المطلقة شي عيب وعاررررر.
ناهدة: هااك استلم وهسسه اجتني هل الزعطوطة
صفا: ديلا زعطوطة بسسس عقلييي أحسن وأثقف من عقلججج
ايفان: احترررمي نفسچ لااا تحچين ويا امي بهيج طررريقة
صفا: صدوووووك چا گولي للماما خلي تحترم نفسهاا
لأن انييي كلشييي ولا واحد يجيب اسم امي واختي بالموووزينن اكله اكلللل بسنوووييي.
وما ادري شعجب أبوي أدخل وحچه.
أشرف: ناهدة إلى بگلبج لا اتطلعي ويا بناتي خلي احترام الهن مثل ماتحترميني و وَهج حتى لو مطلقة هذا الشي مايمنع ترجع تتزوج وعميد الدين نفس الحالة
مرته الله يرحمها راحت الدار حقها بعد وهو رجال من حقه يعيش حياته هم.
همستلي صفا مصدومة
صفا: هذا أشرف لو مبدلي
أشرف: كلشي مصالح مو الخاطر عيونه يحچي
مو گلت أشرف الشريف يدافع عنه معجزة اعتبرها
هاي ايفان شبيها تخزر بينا هيچ
يمكن لان تعاركنا ويا امها.
رجعنا سكتنا ونباوع الهم صار الكلام يتشاحنون بي شحن
وناهدة تصيح شحننكم عليَّ وگلبنكم لعبت لعب عجيب
عبالك ابنها إلى راح يتزوج بالاخير ختمها عمي هادي من گال.
هادي: ولا أنا موافق على هذا الزواج چا شمالك أنتَ
لووو تجيبلي وحدة من بغداد لووو هسه مطلقة.
اباوع ال عميد الدين وجهه احتقن صار بركان شكله يخوف
من عصبيته عيونه نطت وإخوانه يراقبون بحركاته بملامح خوف
عميد الدين: اخرررر واحد اله حق يحچي.
هادي: ابووووك وغصباً عليك.
أبتسم بخفه عميد الدين رفع أيده وربت على كتف جدي
عميد الدين: انا أبوي عزام غيره ماعندي ابو أما أنتَ متت من زمان بالنسبة الي.
كلنا التفتنا على صوت آدم إلى دخل بدخول مفاجئ ماچان موجود
آدم: هوَ أنتَ ووين شايفينك زين انشوفك بس من نكتل حيدر تطلع نفسك
هادي: الله اكبرررر عليكم شتريدووون من الولددد ماكفاكم كسررتوا
آدم: الله اكبر علينا؟ وعلمود ابن الغريب هههههههه والله حَلو عاشت ايدك.
طلع عمي هادي ضايج ويغلط على ولده وناهدة راحت
خابرت ابنها وعاندت اله هسه تروح جدي ما اهتم الهم
ورجع يحچي بالموضوع ويا ابوي
عزام: بعد يومين انسوي الخطبة
أشرف: هايهيه بوية.
اجت باجي سلمى تبوس بيه وعبالها هذا الزواج حقيقي
ماتدري كلشي مزيف، شلون راح ايسون خطية عقد
شيخ واحنا عاقدين لازم احچي ويا جدي أو عميد الدين بهذا الموضوع
دخل سَند وگف بصفي لزم ايدي يباوعلي مبتسم ببرائه.
بقوا يتناقشون بموضوع الخطوبة مشاركات بشي
واتفقوا بعد يومين أتم والزواج بعدين يقرروا.
عميد الدين بعده وجهه محتقن ماشارك وياهم بالحديث
ينقر بأصابيعه على رجله حد ماكملوا النقاش كلها اتوزعت لغرفها
زيد طلع ويا اصدقاء اله، آدم هم رجع طلع
بقوا
بس أكرم وعميد الدين وعمتي ناهدة راحت
لليل كلش طلعت
للحديقة شفته گاعد مخلي أيده وره راسه ومغمض عيونه
گعدت قريب منه بس مبين ما حس عليَّ.
وَهج: بشنو يفكر العمدة.
فتح عيونه بهدوء، عدل گعدته
عميد الدين: ليش مانايمة
ما اجاني نوم، وانتَ
نفس الحالة
هزيت براسي ساكتة الليالي الشتوية بلشت والجو بدأ يكسر.
لا تضوجين من كلام عمتي ناهدة
مو ذات أهمية
لا اتكابرين گدامي
درت وچهي عليه، لون عيونه ما ادري شيسوي بگلبي وبنفس الوقت شكله رسمة عيونه لونهن كل هذا يذكرني ب رائد.
إذا الكسرة من أبوي وأخوي بنفسه يعيرني بالمطلقة تتخيل
راح يأثر عليَّ كلامها، بَس ما ادري بخصوص كلامها إلى يخصك.
يا كلام؟
زوجتك الله يرحمها.
رجع ظهره على الكرسي وذب حسرة
مثل ماگلت يبقى أحترام ذكراها بگلبي ماينمحي.
اكتفيت بالابتسامة الخفيفة ما أحس إلى حق ابقى اسئله عنها.
وَهج: ماعرفت الرقم إلى دزلي الفيديو مال بشار؟
عميد الدين: لا
منو هذا فاعل الخير ومنين يعرفني
ينعرف قابل يبقى مجهول
دنك على جهازه عيوني تراقبه مابي شي يدل اكو شي او يعرف شي
لا توتر ولا شي يخليك اتشك بي.
وَهج: شلون نعقد واحنا عاقدين.
عميد الدين: يمي هالسالفة
شلون؟
عندي شخص يمثل مثلچ
علساس أنتَ ماتمثل العمدة
نهض من مكانه يطگطگ بأصابيعه
خلي ننام ورانه شغل.
الثاني يوم نفس الروتين للشغل والبنات يخابرني يريدني
اجهزه وياهن الخطوبة كملت شغلي وطلعت وياهن للسوگ أخذته آدم
صفا ملتزمه بالهدوء مو من عادتها وهوَ هم ساكت حتى
من اتأخرنا ما حچه شي اخذت فستان إلى بسيط
والبنات هم أخذوا فساتين ريم حاولن وياها تأخذ الوان ماقبلت وأخذت هم اسود.
اجه يوم الخطوبة ولا كأنما خطوبة مزيفة التوتر موتني وگلبي نبضه براسه
كملتني ام الصالون كلشي سوته بطلب مني
و على ذوقي
اجت ويايَّ ريم للصالون لأن سَند بقى بالبيت وصفا بقت وياه.
ريم: Oh My God طلعتي برنسس
وَهج: هذا اللقب خاص بيچ
متنازلتلچ منه هوَ والي طلعه
متعاركين؟
احنا ساعة مثل توم وجيري وساعة أصحاب التناقض
الي عندنا يمشي بدمنا لا تتفاجئون.
وگفت گدام المراية اول مرة تحط ميك اب ملامحها ناعمه.
بس صاحبة عيون كبار واسعة وفستانها جاي من الخصر مخصر
ومن جوا كلوش هنا حسيتها صدك برنسس طالعة.
ريم: شو ماحبيت هذا الكحل بعيوني أحسه مادري شلون مطلعهن
وَهج: لا طالعة تخبلين والله.
اتقربت إلى مبتسمة
ريم: عيونج صح صغار بس لونهن بُني يموووت
وخصوصاً هسه من انرسمن بالكحل والضايف الجمال أكثر شعرج الكيرلي.
باوعت النفسي بالمراية إلى گدامي فعلاً شكلي طالع مُميز
واني صاحبة بشرة خمرية، زفرت نفس وأحس بضيقة صدر زاعجبتني.
خابر آدم گال اطلعن منتظرچن تسريحة شعري بسيطة
رادت ام الصالون تسحب شعري بس ماقبلت ردته على طبيعته
غطيت شعري وعدلت نفسي وطلعنه اله واگف يم سياراته هم كاشخ لابس رسمي.
آدم: استغفرالله استغفرالله
وَهج: شنو شكو
آدم: انتن نسوان اخواني عود صدك
ريم: لعد شبينه عيوني
آدم: اوووويلي عليچ يمه طالعااتت تمووتن وشرررفي.
نزلت صفا من السيارة ووياها سَند هم كاشخين وطالعين يخبلون.
وَهج: هاي شنو انتم هم شو ماركزت بيكم.
صفا: خاب صدقة المحمد والعطيته شطالعات
عيوني افترت على آدم مو مثل كل مرة هالمرة
كلش بعيد عنها وساكت ما انطه اي ردت فعل دگ جهازه.
أجه سَند إلى حضني
نزلت المستوا حاضنته كلها ثواني وكلشي انقلب
شخطت السيارات بصفنه رفعت راسي شفته بشار
وخمس سيارات وياه أفترت عيوني على الجهة الثانية
عميد الدين وإخوانه كأنما يعرفون بجيته وياهم شخص اول مرة أشوفه
نزل بشار اول واحد أتقدم ناحيتي رافع السلاح بوجهي.
صار گدامه عميد الدين بقى السلاح متوجه علينه اثنينه.
ضميت ابني الحضني، الموقف يرعُب جماعة بشار كلهم لابسين اسود مسلحين
وسياراتهم أبوابها مفتحة، عميد الدين وإخوانه صاروا كلهم گباله
أتقرب بشار بخطوات ناحيتنه البنات وجوهن انقلبت كركم من الخوف كلها رافعه أسلحتها.
بشار: شنووووو چااان اتفاقنااا
عميد الدين: تاخذ جماعتك منا لا ترجعون ودمكم بأيديكم
بشار: ابنييي أخذه واتزوجوا.
عميد الدين: حَبيبي أنتَ بيا لغة تفهم فهمني علمود اتفاهم وياك.
نزل عيونه على سَند إلى ميت من الخوف حاضنته بكل ماعندي قوا.
بلع ريگه وأردف بنبرة هادئه عيونه عليه
بشار: هذا ابني؟
وَهج: مووووو ابنك مووو ابنك أنتَ سقط حقك باليوم
الي رفضته انتهيتتتت بالنسبة إلى ك أب اله
تحرك بخطوة يريد يلزمه دفعه عميد الدين لوره
عميد الدين: ما تفهم شجااي تگووول
بشار: لااااا تدخل أنتَ.
صفا سيارة ابوي والباشا نزلوا يركضون سحب الباشا بشار وأبوي صار بالنص وهم بينهم يتدافعون ويتعاركون.
أشرف: باشااااا شحچينه احناااا
الباشا: بشار شجاي اتسوي هنا بابا
بشار: ارررريددد أشووووووف ابنييييي
أكرم: اكصر الشررر وروح منااا
آدم: وحگ ابووو فاضل زلمه بيكم إلى يتگرب الها لو الابنهااا.
صفا وريم صايرات بظهر آدم عاط الباشا
الباشا: وووولك أمشيييي بشارررر بعدينننن اتشووووفه
الناس صاررررت تباوووع لااا تفضحناااا.
بشار ماتحسه يسمع لأي حرف ابوه يحچي عيونه ظلت معلگه
علينا اني وسَند، انطه سلاحه الابوه ورجع يريد يتقرب عميد الدين
صاير بوجهه مايخلي يتقرب النا.
عميد الدين: الطفل مايعرفك
بشار: اي هسه خلي يتعرف عليَّ
حَبيبي أنتَ غبي لو تستغبي؟
لاااا تتجاووز
أشرف: بشارررر
مايرد عليهم يريد بس يوصل النا بلعت ريگ بتوتر
بنصهم وكلهم رافعين أسلحتهم الرعُب دب بگلوبنه.
بس هنا صار شي غريب من الباشا سحب بشار.
الباشا إلى چان رأيه مثل رأي بشارررر ويريدون
بس ياخذون ابني مني هسه اختلف يريد بس ياخذ ابنه منا
الباشا: أمشي ويايييي
ماقبل بشار، أشر الباشا الجماعته يجون ياخذون بشار
اجوا اثنين أصحاب بنيه ضخمه لزمو بشار وأخذوا
الداخل السيارة وهوَ يصيح بعلو صوته.
بشار: ررراح نررررجع نتوووواجه وَهججج.
الباشا أشر لجماعتهم يرجعون السياراتهم وطلعوا
زفرت نفس وجسمي بعده يرجف من هول الصدمة وكل إلى صار.
استدار عميد الدين علينا، أشر للبنات يجن
وراح ال آدم
عميد الدين: موووو اتصل عليك ليششش ماتجاووووب.
آدم: مامنتبه للجهاز ومن سمعتك اخر مرة جاوبتك مالحگت احچي شي وهم اجوا
عميد الدين: مرررة ثانية خلي اذنك تسمععع
هز براسه آدم عجبني هذا الشي بيهم إذا الاخ الاكبر
يغلط يعلي صوته مستحيل الاخ الأصغر يرادده.
توزعنه بالسيارات راجعين للبيت أبوي طلع بسيارته گدامنا
عميد الدين: تعاي اصعدي ويايَّ يُبا.
بدون ما انطق حرف أخذ سَند مني نظراته تباوع الايدي الترجف
صعدت وياه، والبنات اخذهن آدم طلعنا صعدت حط آدم بحضني
وسلاحه حطه صفح، شغل السيارة وانطلقنا راجعين للبيت.
وَهج: شلون عرفت بشار وصل هنا
عميد الدين: الناس الخيره وصلتلي الخبر
شووضع هالناس الخيرة كثرررانه، وبشار شمدريي
اكيد سامع من الشركة
وگف گدام محل دخله جاب بطل ماي ورجع للسيارة فتحه قدمه الي
بللي ريگچ حتى صوتچ يرجف.
مديت ايدي أشرلي دقيقة مادري شيريد ايسوي
دار من جهتي فتح الباب وحط البطل مال الماي گدامي يريد يشربني.
وَهج: انطينياه اني أشرب
عميد الدين: اتأخرنا يُبا اشربي
قرب أيده إلى شربني ونظراته مخترقتني نزلت عيوني
قبقه وحطه گدامي، رجع المكانه ورجعنه مكملين الطريق
اباوعله هم لابس رسمي مثل آدم محلق مخفف من لحيته
بطريقة مرتبة، ومخفف من شعره الكثيف
من الجوانب.
رفع راسه سَند يباوعلي بعيونه خوف
سَند: اني خفت ماما.
وَهج: لا اتخاف قرة عيني أنتَ
رجعت ضامته بحضني واحاول اخلي جسمي يهدأ
وصلنا البيت جدي وسيارات الولد كلها هم صفت
قبل لا انزل وجهت سؤالي اله
وَهج: اكو ولد جان وياكم منو هذا
عميد الدين: صديقي.
هزيت براسي ونزلت فستاني مستور ماحبيت أخذه
من هذا المشلتح والخفيف طوقني عميد الدين بطوله
حاميني عن لا أحد يباوعلي ما ادري شنو لأن چان
اكو ناس موجودة غريبة، دخلنا جوا البنات واگفات يم باب.
المطبخ الخارجي منتظراتني وكلهن خوف اجت صفا تركض بفستانها حضنتني.
صفا: متت من خوفي والقرآن
وَهج: عدت امي
اتلگني باجي سلمى ونادية يتسائلن طمتتهن فضت وماكو شي وباقي نسوان ما اعرفهن بعدين
عرفتهن يصيرن نسوان خوال عميد الدين وخالاته اخوات امه
سَند مايقبل يروح الاحد لازم بثوب فستاني ولا اني گلبي طاوعني أعوفه بعد إلى صار.
دخلوني للصالة الكبيرة متروسه نسوان وكلهن عيونهن صارت.
علي سَند إلى لازمته بأيدي ما اهتميت النظراتهم
النسوان يهلهلن وشغلوا اغاني گعدت بالمكان المخصص النا اني وعميد
ما ادري شوكت لحگوا حتى ماجنت ادري راح تكون هيچ خطبة كبيرة وهوسة.
مسوين النا كوشة بترتيب وكل تجيهزات الخطوبة اجت زينب يمي
زينب: عجبتج الترتيبات؟
وَهج: كلش حلوات بَس شلون لحگتوا اتسون كل هذا
زينب: افا عليچ عندچ بالبيت آدم وزيد ومانلحك الشي
غير من الصبح جابو صاحبهم أخته تشتغل بهالسوالف ورتبوا كلشي.
وَهج: تعبناكم
زينب: دسكتي خيه غيرر طايرة بالفرح وعلي
وهسه
اله اركص ركض بعرس اخوي ماراكصه هيچ دشوفي كوثر وبنتها هنا وين إلى يحبنه اله اموووتهننن بمكانهنننن
ضحكت على سوالفها
عبالي تشاقة گامت من مكانها ذبت الشال وهيَّ ماشاء الله
ماناقصها حلوة بشكل أشرت الريم والصفا ذني هم ماگالن لا ومبين متفقات.
جايبين Dj وعلگنهاا بالاغاني بنص الصالة اتربعن.
لعبن لعببب بالركص ويهزن رقبه من يمي رقبتي اذتني شلون هنَّ يهزن بيها.
عدلت شعري وعيوني عليهن اضحك بعرسي الاول من اتزوجت
بشار كل هالاجواء محد سواها إلى عبالك فصلية رايحة
طفر سَند بنصهن يركص ورحيق دخلت بالجو وياهن حطيت ايدي
علي حلگي ضامه ضحكتي عليهم، وكوثر كل عين علينه شكبرها وتخزر
والبنات فلا مهتمات ركصن ركص لما گالوا راح يعقدون.
هو عقديش ما ادري واحنا عاقدين اجت باجي نادية تجهز بيا.
ماعارضت حطولي مثل القماش الابيض فوگ راسي وطلعتني
گعدوني بالصالة الثانية وسووا طقوس الخطوبة
صاحت باجي نادية ال سَند استغربت شعندها وياه ما أكدر ارفع راسي
لأن الزلم بدو يدخلون واصواتهم مسموعة ضحكت مدمعة من سَند
صار يخليلي الهيل بين اصابيعي مد راسه
من جوا الغطا يضحك.
بدأ الشيخ يعقد بالايات القرآنية المعروفة والحديث المعروف
بكل عقد وهذا مادري منين جايبي ماشي بالدور بكل احتراف.
الشيخ: إذا قبلتي قولي نعم أنتَ وكيلي .
سحبت نفس من عمق قلبي وانطيته موافقتي بعدها
وجه نفس السؤال ال عميد الدين وانطاه موافقته وتم كلشي
عجت الأصوات بالهلاهل وضحكات الفرح صارت هوسة والكل يتبارك
قبل لا اطلع أسمع عميد الدين يهمس للشيخ.
عميد الدين: خايب الشيخ الاصلي ماسوا سوايتك منين متعلم هالسوالف.
رد عليه
اسكت خوية البارحة كله احفظ بيهن للصبح لا ابعرها
عاشت ايدك الك هدية مني شدة عصير.
اخذتني باجي نادية من يمهم ماسمعت باقي كلامهم
ومنو هذا ما ادري والله يضحك كلامه دخلت للصالة إلى بيها النسوان
وصارن يهلهلن وره شويَّ دخل عميد الدين بسرعة ماطول
لبسنه الحلقات وطلع ماطول، والنسوان يگولن ياا يستحي شنو.
مرت الساعات أجواء الحفلة مستمرة حد ماخلصت
وصارت الناس تتباركلي اجوا نسوان خواله وخالاته يتباركلي
وبعدها كلمن راح البيته فضت الهوسة احس راسي صار طبل.
حطيت شال فوگ راسي اريد اروح اغير ملابسي.
ودخلوا آدم وزيد خلوني صافنه، وگف آدم يدگ على الباب وزيد يركص ويهوسون.
آدم: وين دورها ولگاهااا فصوص روبه وياكفاهاا
زيد: هلاااا هلاااا
خربت ضحك عليهم داخلين بالدور والجو كلش خو آدم
عبالك ولا يدري بشي طلعن البنات واكيد صفا ماتفوتها وگفت اتصور بيهم.
آدم: وهااا وهااا، بالدم اشريها اليوم نوافيها بالدم اشريها اليوم نوافيها، صبابه ومصبوبه الخوه البينه وبينه.
دخلوا جدي والولد وعميد الدين وياهم يضحكون عليهم.
عفتهم ودخلت أبدل وهم بعدهم مستمرين آدم يجيب كولات
ويهوس وزيد يركص بدلت وافكر هسه صدگ بدأت الحرب الراح تشعل النيران .
ريم.
كملوا الولد رگص، بنفسي اسئل ليش صار كل هذا ال وَهج وهم متزوجين
بس استحي اكلها سمعتكم بذاك اليوم بقيت ساكتة وعشت الأجواء وياهم.
ومرتاحةة نريمان محد عزمها وما أجت لأن ادري بس تجي
اتسويلها مشكلة، خالة سلمى گالت مانعزمها
و وارث ماگدر
يطلع للخطبة دخلتله للغرفة أباوعله صفح هو ماشايفني.
هسه يله شافني ضل صافن بيَّ.
وارث: هاي شنو
باوعت ورايَّ ورجعت أباوعله
ريم: شنو؟
وارث: شمسويه بنفسج
ريم: شمدريني غير أم الصالون لطختني.
لم شفايفه للداخل يخفي ابتسامتة
احم. طالعة حلوة
قلبت عيوني متقصدة
اني من الله خلقني امووت بجمالي، جمالي رباني
خلي رجليج بالگاع على كيفچ
حسيته فشلني بس بقيت ثابتة على كلامي
و موقفي
مخليتهن لعد شلون دا أمشي عيني.
كملت الخطوبة
اي بَس آدم وزيد بعدهم يتمركصون
من نزلتي من السيارة هيچ؟
باوعت النفسي وباوعتله
اي
صدك؟
اي والله ليش شبيَّ
رفع أيده عض أصبعه
شووفييي شلووون ضيك من الخصر
لا هذا تصميمه هيچ هوَ مو ضيك صدك.
أمشي غيري ريم
شعليك اخي
اخي؟
اني وياك مثل الإخوان
هز براسه متنرفز اتقربت اله گعدت قريبة منه
شلونك اليوم
مايخصچ
صوچي اني دا اسئلك ابو شنوفه
نووووب ابو شنوفه
اي اي.
بوية ترفعين الضغط أنتِ
لا تحچي عليَّ لا اشكيك ال جدي بعدني ماكلتله
شلون عنفتوني أنتَ وآدم بذاك اليوم.
توسعت عيونه بصدمة من كلامي واني اضحك
عنفناچ؟
اي
احلفي
والله والله
ضحك بصوت عالي يهز براسه يضحك من گلبه.
ريم: احترررررررم نفسسسسك ولا تبقى تضحك من أحلف
وارث: بس فهميني بوية أنتِ ليش تگولين والله مرتين
ريم: ما ادري هيچ متعودة يعني بس من أحلف أحلف بصدق
وارث: بَس ماعنفناچ چنه نشاقه وياچ.
لاااا عنفتووني وخليتوني حابسه نفسي بالسطح
وآدم يركض ورايَّ بالچفچير شيسمووها هااي
شقة
لا بيت
تحشسين
لا اصنف
رررريم
خيررر.
گلبي ورم من سوالفچ.
قدمت ايدي گدامه رفعتها
شوف شلبست
عيونه باوعت الاصبعي إلى لابسه بي الحلقة
لبستيها
اي خالة سلمى طلبت مني وإلا فلااا البسهاا
ليش
بكيفييي يعجبنييي
خوش ابقي لابستها حتى بالدوام البسيهاا
لا ما اگدر اعذرني
ليش؟
اذا ألبسها بعد محد يخطبني.
شبيچ بووية گدامج مستقبل ودراسة شكوو تفكرين بالزواج هسه
شابة ومن حقي
استغفرالله
استغفر اهوايَّ كثرة الاستغفار تغفر الذنوب
عافني وانطاني.
ظهره نايم ضحكت بصمت عفته وطلعت.
بدلت ورحت يم البنات يسولفن عن الخطوبة
زينب: برد گلبي من كوثر اليوم بعد عندنا العرس اله اجلطها
صفا: نوب لابستلي بنخضرلي وهيَّ زركة استغفرالله
راح اصير مثل المُتنمر واحصل ذنوب بسس لا ذنب على الفاسقين.
ريم: اگلچن
زينب: گولي
ريم: وارث يگلي ابقي لابسة الحلقة شنو معناها هالتصرفات.
أبتسمت زينب
اي ابقي لابستها أنتِ غير خطيبته.
لادخيووولي هو لابس حلقة خطوبته ويا التس واني ايريدنيي البس هالحلقة
صفا: سالفتكم اتضحك اسفة بس مال واحد يخطب اثنين اول مرة اشوف هيچ.
بقيت ساكتة مقهورة نزعت الحلقة شنو ايريدني
أمشي بكيفه لا والف لااا، بقيت يمهن گاعدة يسولفن
الثاني يوم ردت اطلع للجامعة وجدي صاحلي
ريم: هاا جدي.
صدمني بكلامه
عزام: اليوم راح احچي كلشي الوارث
ريم: اليوم؟
عزام: اي وبوجودج وهوَ وضعه اتحسن عن قبل.
هزيت براسي وطلعت خايفة من ردت فعله وخايفة عليه
اليوم راح ينكسر من الإنسانة إلى حارب الكل علمودها
وصلني آدم للدوام وراح طول النهار بالدوام عقلي
مو يم دراستي وكل شويَّ معدتي ماغصتني عبالك
راح يكشفون حقيقتي مو حقيقة غيري، دكتور مناف
يدخل ينطي محاضرته ويطلع من ذاك اليوم لا يباوعلي
ولا يحچي ويايَّ گد شرح المحاضرات حتى صار مايطردني مثل قبل.
كمل الدوام ورجعت للبيت وگلبي بأيدي واگع من الخوف.
دخلت للحمام سبحت وگعدت بالغرفة اكل بأظافيري
انطيت خبر ال صفا وفرحت تگول خلي ينكشف كلشي
لا يبقى مخدوع، جدي گال اليوم گدام الكل يحچي والقرار
يصير بأيد وارث أما يكمل وياها أما ينهي كلشي بينهم.
وفعلاً اجت نريمان دزوا عليها هيَّ وامها وأبوها
والغريب جدي هم دز على كوثر وخالي هادي انجمع الكل
وگدام الكل انكشف كل الحقائق غير عن إلى جنت اعرفها هم، و وارث هم موجود.
عزام: انا چنت مانع زواجك بنريمان.
وارث: سالفة راحت جدي بعد وانحل كلشي
عزام: اسمعني بوية
وارث: اتفضل
أشر جدي ال عميد الدين وگف عميد الدين طلع جهازه
وأنفتح تسجيل الصوتي النريمان ويا بنيه، أسمع بالتسجيل وعيوني
ضلت تباوع ب وارث إلى منزل عيونه طابك حواجبه ويسمع بالكلام
الچان كافل يدمره و هذا الشي مو بس دمار اله دمار وعذاب الي.
نريمان: يمعودة شبيچ هو ناقص اهتمام ولگاه عندي.
جاوبتها البنيه إلى تحجي وياها.
حرام عليچ تلعبين بمشاعر شخص وهوَ هسه خطبچ يعني يحبچ صدگ
بابا هذا مايحبني هذا متعلق بيَّ لان انطيته اهتمام وحب
ناقصهن مفتقرهن بحياته إذا هو ابوه هاجر امه وعايشين ويا جدهم
وبعدين اگلج ذوله بيت حجي عزام شفايتلي اتزوج واحد منهم
بس هذا عجوز البين جدهم چان معارض زواجنا
هسه فنه إلى يحچي بعد يكون يموت وافتك منه.
نريمان أنتِ تراهنتي على وارث ويا ست زينه تذكرين مو.
اي اذكر چا سبب تقربي منه شنو الرهان الصار بينه اني وزينه
وبعدين مرت ابوه من عرفت اداوم وياه صارت تدفعلي
علمود ابقى وياه اتريدني ادخل النص بيتهم علمود اخليها تعلك بين الاخوان
وارث مايستاهل هذا الشي منچ نريمان
والله حبيبتي هو سحل نفسه سحل عليَّ وهم ضاربه عصفورين بحجر واحد
شنو
هو مدرس وهم هم الله ناعم عليهم حالتهم زينة
وهم حلو وهم مستفادة من مرت ابوه چا مثل حضي.
استلم الراتب منا أخذه ابوي منا، لو اتشوفينه بيوم ماگلوله
علساس اريد انتحر اجاني متخبل، عرفت شلون العبها وياه.
سده عميد الدين ماخله التسجيل مستمر لأن اتوضح كلشي
نريمان بداية علاقتها بوارث جانت رهان بينها وبين صديقتها
وبعدها الشي إلى ماجنت اعرفه موضوع كوثر وشلون خلتها تستمر
بالعلاقة هاي وتدفع الها فلوس علمود تدخل تخرب بين الاخوان
الحقد وصل بيها الهلدرجة ماكفاها إلى سوته ب عميد الدين هسه دمرت الثاني.
اباوع النريمان وجها كام ينطي الوان مانطقت الحرف
وأبوها فاتح عيونه بسبب إلى سمعه ماعدا امها مبينة متفقة وياها
وگف وارث وجسمه مامتوازن لازمه زيد وگف گدامها
نزلت دموعي على حالته الصدمة بملامحه
رافض يصدق
الي سمعه أشرلها بضياع على الجهاز إلى بأيد عميد الدين.
وارث: نريمان شنو هذا إلى سمعته؟
عزام: جدي انا ماجنت اگدر احچيلك لأن البنيه الي
وصلتلنه هل الحقيقة ماچان عندها دليل وخافت تتعاون ويانه.
وبعد شي ثاني، خطيبتك يا وارث عندها علاقة بغيرك
وهذا الواحد موجود نريمان تأخذ بالفلوس وتنطي اله
يضحك عليهااا، ومنطيته حتى من فلوس المهرر إلى انطيتهن الها.
لزم راسه وارث يعصر بعيونه، وگفت خايفة عليه اريد اروحله
بس ما اگدر خفت اتفشل گدامهم ويرفض قربي رجع عميد الدين يكمل عن جدي.
عميد الدين: وارث الولد موجود وعنده أدله عن هذا الشي
والبنيه صديقتها و وياكم بالدوام إذا تعرف ست وسن هيَّ نفسها.
أنتَ چنت مجرد رهن بينها وبين صديقاتها وهيَّ رادت تزوجك
هم تكسب الرهن وهم تستفاد وتضل تلعب بكيفها
وكوثر خلتها تتشجع أكثر من صارت تتفق وياها وتنطيها فلوس.
آدم: الولد موجود، ابو نريمان أنتَ هم لازم تروح ويانه
واتشوف كلشي من أدله عند الولد عن بنتك وإذا انتَ صدك رجال راح تأدبها.
أخذوا و وارث وطلعوا رايحين للولد يكملون باقي الأدلة
جدي حذر ممنوع نريمان تطلع عاف زيد بالبيت خاف تطلع وراحوا.
هجمت نريمان على كوثر صارن امالخ بينهن
نريمان: الله لااااا يووووووفقچ كله بسبببچ
كوثر: هوووو أنتِ بايعةةة روحچ يا علمود الفلوس وأنتِ وامچ كيفتن بسرعة.
ضلن وحدة تعير بالثانية وكل شويَّ متمالخات وحدة تطلع بخياس الثانية
مرت الساعة والساعتين وهم ماراجعين ماحس غير انسحبت من ايدي
نريمان: افرررحييييي افرحييييي راح ايصير الچ
وَهج: فوگ شينها گواة عينها.
دفعتها وَهج عني، حضنتني جسمي مادري شبي يرجف قلق، خوف، رهبة من الحقيقة إلى چانت ناقصة
لا تهتمين الها هسه يرجعون وايشوفون شغل هل الخايسةة طلعت حالها من حال شذى.
بعد ساعات رجعوا ايدي بلا وعي صارت على گلبي
من الرهبة والخوف واني اشوف وارث دخل بس مو مثل ماطلع
العيون دم دم وناطات بعصبية، ابو نريمان بس دخل
سحل نريمان نام عليها دگ گتل وهو يصيح
ابو نريمان: نزلتييييي راسي من الله لااا يووووفقچ.
موتها تمووووت خله دمها بطولها سحبه
عميد الدين وزيد منها
راحلها وارث يمشي گوا صار قريب عليها يباوعلها ويعاتب بيها.
وارث: هاي جزاتي نريمان؟ تلعبين من وراي وتخليني رهان
تربحينه گدام صديقاتچ علمود يگللچ عفية ومحد يندگ بيچ
اني وارث إلى وگفت بوجه الرجال إلى رباني علمودچ تجازيني هيچ مجازه.
مسح دموعه ورجع يعاتب بصوت مختنك
ولچ والله تعبت شفت الويل بس علمود اخطبج
واتصيرين إلى وحلالي ليش بس گليلي ليششش؟
وماكفاچ كل هذا طالعة ويا واحد ثاني وصورچ وياه
ولچ انييييي سنين ويااچ استحييي واخاف الله احچي وياچ كلمة مو حلوة
تاااليييي نايمة بحضن غيررررريييييي.
نهض من مكانه وجهه دم وعيونه نفس الحالة نزلت اخر دمعة
منه وهو مستصعب ينطق الكلمة شهگت امها من وارث نطق.
وارث: أنتِ طالگ.
نطق هالكلمتين وطلع من كل المكان اخذها ابوها سحل.
دخل عميد الدين صفك أيد بأيد من شاف كوثر.
عميد الدين: بسسسس گليييي شسووييي بيچ وگلبي يبررررد منچ
امووووتچ؟ همممم گلبييي مايبرد منچ
ورب العرش مايبررررررد منچ
عزام: هااااادي
هادي: هاا بوية.
عزام: أنتَ مخيرررر امااا اتطلگهااا هسسسه امااا اتبرأ منك لااا أنتَ ابنييي ولا انااا ابوووك
هادي: گول يا الله بوية يجوز جاي تجذب خطيبة وارث.
لأول مرة خالة سلمى تحچي من بعد سنين من الصمت
سلمى: كافي هادي كافي مووو لعبت بحالي انا وولدي.
دمرت عميد الدين ومرته قبل وچذبتنه وحلفنه بالقرآن وهيَّ حلفت چذب يمن دخيلك ربي
وهسسسه رجعت تدمرررر حياة ابني الثاني ومخلينيي معلگه هاجرنييي.
زيد: يمه لو تطلگين احسلچ وابوو النوماس تحصلين راتب
مطلقات براسه احسسلچ شمستفاده منه أنتِ
عزام: شگلتتت هادي
ضل يبلعم خالي ويباوع ال كوثر بس قراره چان صدمة أخرى النا من بعد صدمة وارث.
هادي: بوية انا مرتي ما اطلگهاا اعذرني.
عزام: اطلععععع برررررا بيتييييي روووح اطلععععع ورضاااك ماراح تحصله لااا دنياا ولا اخررررة الله يغضب عليك الله يغضب عليك يا هااادي.
وبكل صلافه أخذ مرته وطلعوا بقيت متعجبة يغضب ربه وأبوه علمود مرته لا خالي مستحيل يكون بعقله.
سحبت نفسي منهم أشوف وارث وين صار عميد الدين
هم ما ادري وين راح، رحت الغرفة الجدي إلى بالعادة يكون
بيها مالكيته طلعت برا هم ماكو صعدت فوگ وامي عيونها تراقبني.
بس ماتحچي ونظراتها إلى كأنما تگلي كاشفتچ ياريم.
دگيت الباب محد جاوبني فتحت الباب الغرفة ضلمه
أيست الگاه ردت اسد الباب واسمع صوت شهگه طالعة
من نص الگلب تشگه شگ، فتحت الضوء شفت وارث گاعد
حاضن وجهه بأيديَّ، أيده المتأذيه قبل خطوبة عميد الدين
بيوم فتحو اللفاف مالتها دخلت سديت الباب خطواتي متردده أتقرب اله.
ريم: وارث
مسح وچهه الصاير احمر وعيونه مورمه
وارث: اتفضلي.
عضيت شفتي ما ادري شنو احچي وشلون اواسي.
گعدت بصفه أباوعله، رفع عيونه إلى أردف بصوت مبحوح تعبان
وارث: ما استاهل إلى سوته.
وأنتَ لأن ماتستاهل رب العالمين شوفك حقيقتها
قبل لا تتزوج وممكن الوضع يتأزم ويصعب أكثر
گول الحمدلله ماتزوجتها وصار عندكم اطفال وهنا يصيرون الضحية هم.
ما ادري هذا تعلق صدك مثل ماگالت نريمان لو حُب صدك نزلت دمعه منه
گالها جدي اي والله گالها راح تندم يا وارث بس
ما اهتميت الكلامه وهسه فهمت شچان يقصد.
چنت اتمنى احچيلك قبل لا تخطب بَس جدي چان محلفني.
فتحت عيوني على چفصتي وهوعيونه اتجحظت بصدمة يباوعلي
وارث: چنتي تعرفين؟
ريم: مو كلشي والله مو كلشي
وگفت بمكاني أرجف وافرگ بأيديَّ
وارث: ريم جنتي تعرفين نريمان وحقيقتها.
وارث ماچنت اعررف كلشي وروح أبوية بس جدي حچالي
هيَّ متراهنه عليك ويا صديقاتها، وصديقتها الرايحة
ال عميد الدين ومسولفتله بس ماچان عندها إثبات ولا اي شي والله اتفاجأت اليوم بالاثبات والأدلة.
لأن ماچانت عندهم وچانوا خايفين يحجولك وماتصدگ.
زمخ بيَّ بصوت عالي
يعنييييي چنتيييي تعرررررفيننننن ررريم
لااااا تصيحححح عليَّ وارررررث
گلچن نفسسس الشييييي
احترررررررم نفسسسسك ولااا تقاررنييي بيها.
دفعني على الحايط لزم فكي عيونه ينگط الشرار منهن نزلت دموعي من خوفي منه.
حتى أنتِ يا ريم
والله ما چنت اعررف بكلشييي دا احلفلك
خيبتي ضني بيچ
انيشعلييييةةةة
چنتي اتشووفينييي متعذب واتشوفين الوضع شلون چان وسكتي.
شبيككك ابني دا اگلك جددي ماقبل احچي لااا تضل تطلعنيي غلطانةةة.
لزمت جهة گلبي وحسيت راح تجيني الحالة إلى اجتني بيوم خطوبته
من شاف شفايفي يبست جسمي مات لزمني حاضني بأيدي يحچي بخوف
وارث: ريمه شبيچ
حضني الصدره يهدأ بيَّ دخل عميد الدين وامي لطمت امي على خدها.
نجاة: شبيهااا وارررث شسوووويت الهاا.
أشوف كلشي بس ما اگدر احجي رفع راسه الها ونظرات الدم بعيونه
وارث: عليت صوتي عليها مو بقصد والله.
غمضت عيوني مستسلمة للظلام.
اسراء.
دخل نفس الشخص إلى انطاني الخمسة
و وياه مأمون
وگفوا يم الباب ويباوعون علينا أخذت اصيل وأسامة والطفل يمي
گعدتهم عيونه تباوع للكل هذا الشخص الغريب
رفع أيده أشر عليَّ بلعت العافية وأهلها من شفته يأشر
الاكل وگف ببلعومي، هز براسه مأمون وطلعوا.
منو هذا وليش أشر عليَّ اني من بين الكل وشعنده هنا
اني الصبح شفت وياه واحد لابس ملابس سلك عسكري
حتى الاكل عفته من التفكير إلى سيطر عليَّ.
لليل دخلت
ميسون صاحتلي رحت وراها وگفتني على جهة.
ميسون: مأمون راح يبيعچ اجه واحد دفع بيچ مبلغ بأحلامه
مأمون مايشوفه، ووافق باجر الصبح راح يجون ياخذونچ.
صاعقة ونزلت على راسي، بَس گلت يمكن ميسون تچذب
واتريد تورطني بعد ماهددتها أبتسمت بوجهه اخفي توتري
اسراء: سوالفچ مايمشن عليَّ كلهن مگطگطتهن جوا نعالي
ميسون: براحتچ لا تصدگين انتظري الصبح اتأكدي بنفسچ.
عافتني وراحت رجعت يمهم وخلت عقلي يلعب.
حتى لو اريد أشرد شلون اشرد واني مو وحدي
هم عصابة إذا يلزمونك يگطعونك ويذبون لحمك للچلاب
بقيت بمكاني گاعدة مر الليل هادئ وعيوني اتراقب باخواني
احساس بداخلي غريب بچيت ردت بس يروح مني ماراح.
للفجر گعدنا مثل كل يوم بس هالمرة گالتلي ميسون أنتِ ما اتروحين
اسراء: وليششش ما اروح اخواني ما اعرفهم وحددهم
ميسون: أوامر مأمون
من انعل ابووووچ لااا ابوووو مأمووون
ماحس غير فرت وجهي براشدي دفعتني الداخل.
الغرفة وأخذت اخواني مني، دگيت بالباب بكل ماعندي أقوا
اصرخ وابچي اخووواني يضيعوون بدوني اموووت بدوونهم.
اسراء: ميسسسون افتحيييي الباب ابووس ايدددچ افتحي الباب
ولكمممم وووووين ماخذينهمممم افتحووووا.
محد يجاوبني
گعدت وحدي وكهرباء ماكو اني عندي فوبيا من الظلام
اختنگ منه بسرعة، صرت گوا اجر بالنفس نزلت دموعي
ليشش يمه ليشش استثگلتينه اني واخواني ورحتي تعيشين حياتج.
مرت ساعة وحدي گاعد اتحرك قفل الباب كمزت من مكاني
ودخلت ميسون مبتسمة ردت اركض اهجم عليها وأستوقف
رجليَّ دخول نفس الشخص إلى شفته أمس واني بالشارع وبعدها اجه هنا
دخل بكامل هيبته ونفس الأناقة والترتيب إلى شفتهن أمس وگف گبالي.
ميسون: اتفضل استاذ هاي حلالك
اسراء: شنووووو حلالك؟ لا انتم عاجبكم افررررگ النعااال بحلوووگتكم فررررك
طلعت ميسون تاركتني وحدي وياه بدأ يتقرب إلى واني.
ارجع لوره والله اموته بأيدي إذا نفس إلى أبالي.
اسراء: خيررر ياطيررررر وين وينننن.
صاحب ملامح حاده وشعره خفيف من فوگ
اسمچ
شعليكككك
اسمچ
لااا تلححح اكررره هذا الشيي
جاوبي.
شوف انطيك نصيحة لوجه الله إذا أتريد تأخذني اشوووفك النبي عرربي وحگ الله ورسوووله
اخليك تمشيي بالشارع واتشگگ بهدووومك ويومياا اخليك تدورر عليَّ
لأن ماراح ابقى عندك يووووميا اشررد حد ما اخلص منك.
أتقرب همس قريب من أذني بنبرة صوت خشنه هادئة.
ظافر: يواش يواش.