رواية وتيرة الأعرج للكاتبة حوراء السعيدي الفصل العشرون
غياهب.
أرسلان: شنو هاي؟
غياهب: دولارات يعني شدتشوف قراصة
دمج خفيف الله يحفظج مرتي.
مديت أيدي طالبة منه يرجعها إلى أشرتله بعيوني
بس لازال لازمها و يباوعلها.
هسه ما تگليلي منين
من ولد.
تغيرت ملامحه.
ولد؟
يعني شفته من اني صغيرة و چان مو كُلش چبير إذا عايش هسه أكيد شكله تغيير.
منو هذا الولد
ما أعرفه.
چا شلون مبقيتها عندج
أحب أحتفظ بالشغلات المُميزة.
رفعها يأشر عليها بتعجب.
تعتبريها شي مُميز.
هواية و أتمنى أرجع ألتقي بنفس الشخص.
خزرني بغضب.
شوووو ماخذه راحتج بالكلام أنتِ
أرسلان عوفنا من المثاليات اني وانتَ كل واحد بينا حياته
غير عن الثاني و محد اله علاقة بالثاني زواجنا اله أسبابه.
غياهب
نعم
انتِ تذكرين شكل هذا الشخص
أتذكر بس مو كلش و أكيد هسه تغيرت ملامحه
لأن الإنسان كل ما يتقدم بالعمر ملامحه تتغير
سولفيلي قصتها صار عندي فضول أسمع.
رفعت حاجبي و مستغربة من لهفته بالكلام.
ما يحتاج و خليك بفضولك بلگي أتطگ و تموووت
أويلي ياللسان البيكيسي.
الضعيف ما يگدر عليك يحتاجلك أنسان گلبه ميت يله يگدر عليك و يتحملك
أمم گلبج ميت
سحبت القراصة من أيده درت وجهي عنه منطيته ظهري حطيتها بمكانها.
من زمان
السبب؟
باوعت الأيديَّ أبتسمت بخذلان.
مرات تمر اشياء بحياتك تقتل كلشي بداخلك مثل
ما أنتَ أنتقامك قتل كلشي بداخلك الظروف خلقت منك أنسان.
عديم الرحمة اني متأكدة بيوم من الأيام أنتَ ما چنت بهالصورة و لا بهذا الخبث.
درت وجهي و هوَ بعده واگف ملامحه متغيرة نزلت
أنظاري الأيده القابضها ة بارزة دماراته.
أرسلان اني.
انتِ شنو.
ما راح اگدر أسامحك بسهولة بيوم من الأيام مهما
چانت ظروفك أنتَ ساومتني ب أختي و أبن خالي خليتني
أضحي في سبيل ما يتأذه أحد بيهم ما خليتلي
أي حل وياك أختي من المستحيل تتحمل شخص مثلك.
و درغام حلمه تعب بي سنين علمود يوصله تجي تدمره بأيدك
معناها أنتَ هنا دتنهي حياته. رفعت أصبعي إلى شلع أظفره
و هذا داشوفه مو؟ الوجع لحد الان بروحي.
مسحت دمعتي إلى نزلت و أردفت بنبرة و غصة أثر أنكساراتي منهم.
حتى لو ردت أخليلك عذر و أعذرك ماكو ما الاگي عذر لأفعالك إلى دتسويها.
أتقرب مني بحطوات استعجلت بخطواتي أطلع
منعني بلعت ريگ بوتر من أختلطت أنفاسه و يا أنفاسي
يباوع بعيوني همس بصوته المختنگ.
لو عشتي إلى عشته راح تسامحين إلى عيشوج كل هذا الوجع؟
لا
چا ليش كلكم تلوموني
لان ماشي بالطريق الغلط.
شهگت من غرس راسه برگبتي يسحب نفس بعمق.
نكسرت مرتين، ما تخطيت الأولى و كسروني بالثانية
ممكن تبتعد.
أبتعد رفع عيونه يفرگ بيهن طلع من كل الغرفة
جسمي شب نار متقزز من قربه و لمساته طلعت للحمام
صابتني حرارة قوية بجسمي أغسل وجهي
ب مي بارد
و رگبتي بس أريد أحس ببرودة الجو كأنما أشتعلت نيران.
طلعت من الحمام أسمع أصواتهم نشفت وجهي سحبت ن
فس لازم أرجع طبيعية ما أخلي شي يأثر عليَّ و لا حتى الأعرج.
نزلت الكل گاعد و حنين عالگة الجو گعدت بصف غرام و هيَّ ونيروز يرگصن.
غرام: أرسلان چان فوگ يمج مو
غياهب: أي
ضوجج بشي
لا ما ضوجني كلام عادي و نزل
تمام.
رجعنا نباوع للبنات نضحك بس ما داومت الضحكة
من سمعنا صوت الطلقة إلى صار الكل وگف داخل بحالة رعب.
جوهرة: أحضرينااا يا أم الحسن
وجدان: هذا أبوي متأكدة.
غياهب: أهدوا يا جماعة.
ردت أطلع أشوف شصاير دخل درغام عيونه بگصته رفع أصبعه يحچي بتحذير.
درغام: ممنوع وحدة تطلعع خصوصاً عمتي وجدان
وجدان: جدك هذا درغااام احچي الصدگ
أي هوَ و عمي مجيد هادين علينااا.
لزمت خالتي رأسها بقهر لزمنها البنات بدأ وضعها يتخربط
الله لا يوفقك سالم حتى فرح مثل البشر ما تخلينا نفرح.
أفترت عيوني شفتهم ألتهوا بخالتي طلعت أمشي سريع
أسمع صوت درغام ورايَّ بس ما أهتميت خوفي على.
أبوية أكبر، جمدت بمكاني من شفت الكل واگف
و سالم موجه السلاح على أبوية أنسحبت من أيدي.
درغام: وينننن جااااايه غيااهب شحچيت أنااا
غياهب: أبوية درغام فدوة سوووا شي
أيييي بس أرجعي كاافي إلى بينااا
لااااا ما أرجع.
دفعته مشيت أهرول الهم و أسمع صوته يحچي بصوت عالي يهدد.
سالم: زمُرد ذبيتهااااا بالسجن و هسسسه اتزوجت هل ال. غصباً عني تلعبووووون بكيفكم.
خوالي لازمين أبوية آلي فقد عقله من سمعه يغلطط على خالتي.
سلطان: أب أنتَ أب؟ أكوووو واحد يحچي على بنته هيچ
أدووووسك بالقندرة أنتَ و وياها
دوووس وشوف الزلم شتسووويي.
حچى آخر شخص ممكن يحچي مجيد و هوَ لازم سلاحه.
مجيد: بوية أنتَ عليمن متعب روحك بالحجي وياهم، أدخل أسحل وجدان من جوا و خلينا نروح.
عاط أبوية گوا لازمي.
سلطان: موووو هيته أكسرررر رجله إلى يوووووصل الهالات وجدان صااارت مرتي بأسمي و فنه إلى يفگ حلگه.
جابر: مجيد شبيكم تخبلتوا أنتَ و أبوي.
مجيد: حچى إلى مرته بت الخبازة.
هنا أنلاص الوضع عيوني بسرعة باوعت الدرغام
إلي فتح عيونه هجم عليه لزموا أرسلان و كُميل
و هوَ خطية صوته راح من أتزوج خالي جابر خالة جوهرة
لليوم يگلوله أو يعيرونه مرتك بنت الخبازة يعيرون
درغام نفس الشي لأن أمها قبل چانت تخبز و تبيع.
درغام: إلى يجيبببب طاااررري أمي و أهلهاا أشگ حلگه بالقندرررررة.
عمران: بوية گلتها الك قبل و أرجع اگولها الكم نسوانه.
صح مو بنات ناس مثل طبقتك بس عدهن شرف و أخلاق
تسووواكم و تروحون منا لا وحگ ابو الحسنين
أسحبكم للسجن و أبهذلكم أتعوذوا الشيطااان وروحووا منا.
أرسلان و كُميل نهائياً ما أتدخلوا و لا حچوا بحرف واحد
بس لازمين درغام عيوني بقت على سلاح سالم إلي
موجه أتجاه أبوية خايفة لا شيطانة يدفعه يرتكب جريمة اليوم
من يكون الخطر قريب من أحبابك مستعد أتسوي كلشي
بس علمود تبعدهم عنه حتى لو هذا الشي چان غلط.
سحبت نفسي من يمهم ما منتبهين مخبوصين و أصواتهم العالية
تارسة المكان طلعت من الباب السيارة أرسلان إلي
ما أدري إذا مفتوحه أو لا دائماً يخلي سلاحه بيها.
مديت أيدي للباب نبضات گلبي ما منتظمة
و أيدي
بدأت ترجف فتحته فرحت چانت السيارة مفتوحة أندل
المكان إلى يحطه بي مديت أيدي أخذته رجعت حاطته
وره ظهري مليناا من شي اسمه سالم دمر حياتنا أتوجهت
العيون عليَّ و الوجوه لونها أنخطف و أنقلبت كل الموازين.
من شافوني رفعت السلاح و وجهته أتجاه سالم.
أيديَّ يرجفن و شفتي ترجف خوفاً على أبوية.
غياهب: باللحظة إلى أبوية يتأذه أنتَ موووتك يصيررر وياااه قسماً بذات الله.
أرسلان: غياااهب شجاااي أتسوووين عوووفي السلاااح
درغام: ما يستاهل توسخين نفسج بي.
نزلت دموعي بوجع والله تعبانة و ماكو إلى يحس بهذا
التعب و هاي چانت فرصتي أطلع إلى بداخلي صرخت بصوت.
لااااااا يستاااهل كلشيييب بسبببه.
أبوية واگف ما يگدر يتحرك عيونه أنملت خوف
من تصرفي لأن يعرفون عندي لحظات تسرع ما أفكر بيها عدل.
سلطان: عوفي السلاح بابا هسه ينحل كلشي بس اتركي إلى بأيظج يله بنيتي.
مسحت دموعي بعكس أيدي عيوني صارت تغوش صحت بي.
غياهب: نزززززل سلاحك من أبووووية
سالم: رباة سالم شنتوقع منج
كلشي أتوقع شكو شي أبالك اگدررر أسوووي.
أتقرب أرسلان إلى خازرني بنفس الوقت خايف أرتكب خطأ.
أرسلان: أنطينيااه غيااهب
لاااااا تدخللل.
ناوية تخسرين نفسج؟
ما گدرت بعد أوگف على رجليَّ أكثر حاربت و حاربت
ما نجحت أجتني النوبة شهگت النفس وگع السلاح
مني أتلاگفه أرسلان شمره أرسلان على درغام ركضلي
أبوية إلى ما أهتم للخطر أخذني من أرسلان لامني الحضنه.
سلطان: أهدي بابا حبيبتي يمج أنا.
غمضت عيوني مثل كل مرة من تجيني أفصل عن العالم
ما فتحت عيوني الا على شي أنغز بأيدي فتحت
عيوني بتعب ممرضة تحطلي كانولا همست بصوت تعبان.
غياهب: بابا.
الممرضة: يم الباب منتظر.
أبتسمت بنص تعبي و حالتي يعني ما صارله شي جسمي كله مثل إلى مخدر.
مر وقت گدرت أرجع لوعيي بالكامل أبوية و أرسلان
واگفين يم راسي مجرد شافوني فتحت عيوني أثنينهم حچوا بوقت واحد.
سلطان، أرسلان: شلون صررتي؟
أبتسمت لا أرادياً من الموقف ضحك أبوية.
سلطان: گلبك على گلبي أرسلان.
أبتسم أرسلان بخفة و عيونه عليَّ.
أرسلان: الظاهر هيج.
بنيتي شلون صرتي
أحسن
الحمدلله
شصار شلون خلصتوا من سالم.
أردفت أرسلان.
أرسلان: چااا غير شاروخ خان خلاهم يتراجفون.
عرفته ديقصدني بكلامه نظرتله بطرف عيني.
اني وجهت السؤال الأبوية مو ألك
شفت عمي بنتك حچاية و ثاني حچاية تفشل بيَّ.
ضحك أبوية مقبل راسي رد عليه.
سلطان: هاي غياهب قوية ابوها أشد ظهري بيها الحنينة هاي.
أبتسمت الكلامه.
بابا
نظر عيني
أحضني.
گعد يمي حاضني، أحس بالامان و الحنية الحقيقية
و أني بحضنه كل شوية بايسني براسي و صخمان واگف مگابلنا.
أرسلان: عمي دام غياهب صارت أحسن خلينا نرجع للبيت.
سلطان: ترجعون النا لو تروحون البيتكم؟
رفعت نفسي من حضن أبوية باوعتله.
غياهب: أريد أبقى ذني اليومين يم أهلي
أرسلان: براحتج.
اتفاجئت من سرعة قبوله طلعنا من المستشفى راجعين
للبيت وصلنا و هوَ راح دخلنا البيت أهلي الكل منتظر
عبالك مفجرين راسي و هيج خايفين حضنتني خالتي.
وجدان: شلون صرتي خالاتي
غياهب: زينة والله شبيكم.
دخلنا جوا حنين وجها أصفر من الخوف گعدت بصفي حضنتني همستلي بخوف.
حنين: تعاركوا مرة ثانية وجدي بقى يهدد
غياهب: تهديدات فارغة
خايفة منه
لا تخافين ياروحي بس شلون فضت؟
صارت هويسة و گتلج تعاركوا بينهم و صياحهم
وصل الراس الشارع أجوا جدي عياش و عمامي
و بصعوبة حلوها و سحبوا سالم و مجيد.
الله ياخذهم حتى يوم فرحتنا خربوها
خالتي خطية بقت تلوم بنفسها و تگول بسببي
سودة عليَّ.
رفعت راسها تباوعلي بلعت ريگ بخوف كأنما أكو شي راعبها.
غياهب
ها
جدي سالم قبل لا يطلع گال جملة خوفتني
شگال؟
گال يجي يوم و أحرگ گلوبكم واحد واحد.
صفنت بكلامها أفهم جملته شنو المعنى بالضبط
ما چنت أدري فعلاً راح يجي يوم و يحرگ گلوبنا بشي محد متوقعة.
لا تهتمين الكلامه
صدگ شعجب راح تبقين هنا
بيت أهلي و أبقى بي شنو ما أيصير
لا بس أرسلانو شلون راح يفارگج.
هه أرسلانو.
حنين: بس والله عمي أنتِ ما ينگدرلج رفعتي السلاح بوجه الزلم.
ملت براسي على كتفها و أدري تصرفي مو كله صح أو صح ما أدري.
غياهب: أسوي كلشي بس علمود احافظ على الناس الأحبهم.
صح خرب فرحة خالتي و أبوية بس المهم صاروا
البعض و بعد محد يگدر يدخل بينهم ويفرقهم و متأكدة
أبوية لو على گص راسه بعد ما يترك خالتي راحوا خوالي
صعدت الغرفتي تعبانة حضنت المخدة و هل المرة بدون تفكير نمت.
للصبح گعدت فتحت عيوني من بعد أشهر أحس بشي
حَلو و أني بغرفتي و بين أهلي كلي نشاط غسلت و نزلت يمهم صبحت عليهم.
غياهب: نمت نومة عميقة يگلك صارلي سنة ما نايمة
سلطان: نوم العافية.
باوعتلهم مبتسمة اليوم فرحة أبوية باينه و خالتي
نفس الحالة دارت عيوني على حنين تتغامز عرفتها راح تچفص.
حنين: شلون چانت ليلتك بابا.
وگفت اللگمة ببلعومي من سؤالها أردف أبوية ضام ضحكته.
سلطان: بابا كملي ريوگج.
أي أكمله ليش ما أكمله بس خالة أنتِ احچيلي بابا هم تغزل بيج.
غياهب: جيرة بفرگج شنو هل الاسئلة
انتِ أسكتي لان فلتي منها بعرسج بعدين شعليج اني و بابا و خالتي.
لِچ عوبة عيب تسئلين هيج خصوصية هاي
أهوو عمي سكتنا.
والله اختي ألسانها فالوتي كلش غلط تنسئل هيج اسئلة
للمتزوجين مهما كانت القرابة يعتبر أحراج الهم وخصوصية
تبقى كملنا و گوا شلعنا خالتي من يمنا وخليناها
تروح يم أبوية، سوينا تنظيف شامل للبيت أكره التنظيف.
ويا حنين شغلها كله أماطل تندمك على الساعة إلى خليتها تنظيف وياك.
غياهب: حنين فكرتي
حنين: بشنو
علمود درغام
لا بعدني
راح أگطع النعال على ظهرج
أهووو غياهب.
حنين الرجال عايف الكل ورايدج أنتِ شنو عبالج محد تريده الله وكيلج
يموتن على واحد مثل شخصية درغام رجال
و ما يعيبه شي.
يعني شنو؟
أختصري موضوعكم طول هواية
ان شاء الله
شوگت؟
من يبيض الديج
لو حاچيه ويا الحايط أحسلي، لِچ هذا سبع الهورة.
بس شجاعته و حنيته كافيات بعدج ماتعرفين بالنعمة إلى رب العالمين منطيها الج.
گعدت على جهة و الماسحة بأيدها.
غياهب اني خايفة
من شنو
أخاف ما نتفق، اني مو مثل البنات لا طبخ لا شغل
ليش قابل هوَ ماخذج خدامة، لا تتوقعين هيج و لا راح يهتم لهيج تفاصيل.
ليش هوَ خطبني؟
لا بس إذا تتحركين يخطبج لأن هوَ قبل چان لازمته دراستج و هسه ماكو شي بعد
اليوم احچي وياه
شو أتحمسستي؟
أريد ألبس بدلة بيضة و أخذ صور و يرجعني الكم.
و الرجال؟
يروح البيتهم قابل شيسوله.
غميتها لطش بگصتها رجعت أكمل شغلي و هيَّ كل شويَّ ضاحكة تگول.
حنين: أتخيل نفسي يكمل العرس و اگله رجعني الأهلي يلزمني و يجنزني.
ضحكت على سوالفها أجت رسالة من أرسلان كاتب.
جهزي نفسج اليوم أجي اخذج .
هذا ديلعب لو شنو؟ كتبتله.
أتوقع أتفقنا أبقى كم يوم عند أهلي
غير مرة.
أتكفيت الشر و مالي خُلگ أتجادل وياه جهزت و أهلي
اتفاجئوا لأن علساس أبقى يمهم كم يوم طلعتلي.
عذر كذبي و أقتنعوا وصل المهجوم مالتي حتى
ما دخل من الباب سلم و طلعنا صعدت وياه.
غياهب: شيسمووون هذا تصررفك
أرسلان: شبيه يحيلي
أرسسلان لاااا تختبر مدى صبرررري وياااك
هوَ منو صابر على منو؟
هوَ أنتَ منو يگدر يتحملك
بس أنتِ.
سكتت ما جاوبته داخلي يفور دگ جهازي شفتها حنين أستغريت ما صار هواية من طلعت منهم فتحت خط عليها.
غياهب: ها حنين
حنين: وصلتوا
لا بعدنا ليش شصاير؟
هسه خالي جابر خابر أبوية گاله محل جدي عياش.
مال النجارة محترگ لاگينا وكلشي داخله راح وصار رماد.
غريب
ما أدري أبوية گاله ما أروح و لا أوصل
أحسن.
سديته منها ما أنطيت أهمية للموضوع بس الثواني
ذكرت إلى بينهم و بين أرسلان ألتفتت اله.
أرسلان
أمممم
انتَ البارحة وين چنت
ببيتي وين يعني.
لا تچذببب
براحتج ما مجبور أخليج تصدگين.
نرفزني ببرود ردوده.
انتَ وراه سالفة حرگ محل جدي
يا جد منهم
عياش
أررررسسسلاننن.
ما رد و لا أنطاني أي جواب السؤالي.
غياهب: وين تريد توصل بأفعالك.
غير كل جسر الموضوع و قلبه الموضوع آخر.
أرسلان: ما گتيلي شلونها النومة البارحة عند بيت أهلج
راحة نفسية من انتَ ماموجود
چا انا ليش گتلج راح أجي أخذج لأن حسيتج مرتاحة بدوني
مُستفز.
وصلنا للبيت عفت البار مفتوح و حتى الجنطة غصباً
عليه هوَ يجيبها بأيده دخلت سلمت على غرام و مليكة
اتفاجئن هم برجعتي و سئلن حچيتيت إلى صار بقت
مليكة تحچي على أرسلان دخل بأيده الجنطة شمرها بوجهي.
و دخل ال ناز راح أختنگ و اطگ و أموت من گعدة البيت أتصلت نيروز.
غياهب: هلا نيروزه
نيروز: بعدج عند أهلج.
چان صوتها تعبان مختنگة.
لا رجعت شبيج ليش هيج صوتج
تعبانة غياهب تعبت
راح أنطيج نصيحة وأنتِ شلون تفسريها فسريها.
گعدت بديت احچي وياها وضعها تعبان الدرجة تسولف
و تبچي و أكيد الموضوع يخص عمر إلى مداتگدر تتخطاه.
نيرو البشر لازم ما يوگف حياته و يتعب نفسه علمود شي فات و أنتهى سواء شخص أو أي شغلة چنت متعشم بيها و متعلق إذا بيها نصيب الك راح يرزقك رب العالمين و تكون من نصيبك لو يموت نفسه إذا ما مكتوبة اله هايهية. أحنا مانعرف رب العالمين شنو ضام النا و شنو مدبرلنا بدون ما تعرف ممكن ياخذ منك النجمة و ينطيك القمر ثقي كلشي يجي من رب العالمين هو الصح و الافضل النا إلى نخسره و نربحه إلى يروح و إلى يجي أضعافه هذا كله تعويض ليش تدمرين نفسج ما ألومج تحبينه حقج بس لشوگت تبقين هيج وأنتِ بهذا الوضع يمكن أنتهت قصتكم قبل لا تبدي و يمكن رب العالمين إله رأي آخر رب الخير لا يأتي إلا بالخير احفظي هذا الشي شگد ما الإنسان يصبر و يطول بصبره راح يجي العوض و دائماً رددي يارب اني راضية و صابرة و كُلي ثقة بيك و عندي ثقة ماراح تخيب أملي بيوم.
شكراً الكلامج غياهب هواية ريحني كلامج
هسه گومي غسلي و أرتاحي
انتِ ليش رجعتي
أرسلان أجه أخذني
والله هذا رجلج يخوف شلون عايشة وياه
هذا ما يعيش وياه بس إلى مثله.
ضحكت على كلامي سديته منها دعيت ربي يبرد گلبها نيروز ما تستاهل كلشي دتعاني.
حنين.
حنين: وولك گاافي
درغام: مو صوجج صوجي اشااقة ويااج.
نهض من مكانه نام على رجل خالتي وجدان أجوني
هوَ و أهله سحب أيد عمتي من أبوية.
عمي شبيك لاطش ب عمتي ما شايف.
سلطان: چا مرتي بوية تحملت سنين و منين يله حصلتها.
و هسه من حصتي كفينا شرك أنتَ و بنتك
حنين: علساس ميتين عليك أحنا المزنجر.
درغام: تمووووتون عليَّ لو ما أنا بحياتكم چان حياتكم عدم.
أييييي كلشششس نمووووت ننتهي إذا مو بحياتنا أنتَ.
أردفت خالتي من مكانها تضحك.
وجدان: ولكم كافي چنكم ضراير بس تتعاركون.
گعدت بصف أبوية حضنته.
حنين: بابا
سلطان: نظر عيني
أريد أتزوج.
طفر درغام من مكانه بعد ما چان نايم يباوع.
درغام: وينننن وينننن تتزوجين.
حچيت بخباثة متقصده.
حنين: أتزوج هذا أمجد
هذيج المرة گتلته گتله سطحية هل المرة أكسره و أنهي.
معليكك والله إني أريد أتزوج و هسه
سلطان: أدري يا بابا منين أجيبلج رجل بهذا الليل.
وجدان: ياااا نوب أنتَ صاف وياها راح تخبلون الولد
درغام: رااححح أنجلطططط.
انتَ أبقى بس جذب علينااا يوميا گايللل راح أنجلط و جذب ما بيك شي.
چا شتريدين أموت
لااا
چا شنو؟
دارت عيوني حول الكل عاضة شفتي و أردفت من كل عقلي گتله.
انتَ ليش ما تجي تخطبني؟
الكل تحولت أنظارها إلى و احچي من كل عقلي بدون أي شقة
و مطنكرة أجه درغام گعد بصفي دفره أبوية
و صاح.
سلطان: كااافي ولك طگت مرارتي منك عووزك بعد بسس تشيلهااا و تطلع بيها.
درغام: ها عني حتى أنتَ صرت ضدي.
انچب بس تلوحك بيها
هسه أسكت عمي عليك العباس خلينا نفهم منها.
باوعلي عيونه فرحانة و أني ماعرف شكو طنكرت.
درغام: حنين صدگ تريدين أخطبج.
عطت بي مثل المگروصة.
حنين: وشبيههه مثلاً مااا تخطبني عرررجه عوووورة.
غير أنتِ ما تريديني
لااا تچذب ولك شوگت گتلك هيج اني.
سحبني أبوية جاعصني بحضنه لأن ماباقي شي و أهجم عليه.
سلطان: بابا ترا انا أبوج يعني خاف نسيتي حبيبتي إلى گدامج أبوج.
حطت خالتي أيدها على حلگها ضامه ضحكتها لأن تدري ب أبوية شگد يغار علينا.
حنين: بابا أني أستحي منك والله
واضح بنيتي تطلبين الرجال يخطبج گدامي
شسمه أشاقة وياكم شبيكم هههههههه لا تصدگون.
درغام: أخخخ الجلطة وصلت وصلت
وجدان: وين وصلت ولك
راح تطگني عمة ذمة برگبتج يا حنين.
أندگ الباب مطلعنا من اجوائنا كلنا وگفنا لأن الدگ چان.
قوي راح فتحه أبوية سمعنا صوت رماد كلنا رحنا عليه.
سلطان: شبيك بابا
وجدان: شبيك عمة سودة بوجهي شبيك هيج فحطان.
رماد: محل جدي عياش الثاني هم أحترگ و أجيت اگللكم.
صفن الكل متعجبين و مستغربين ما صار هواية
من احترگ واحد من محلاته و اليوم الثاني لزمت
خالتي أيد أبوية تقنع بي طالبة منه.
وجدان: سلطان روح الأبوك ميخالف.
هز راسه بقبول وطلعوا وياه درغام و خالي مر وقت الساعة صارت بالوحدة بالليل و هم ماكو.
حنين: هااي كلها حووبة
وجدان: ما يصير هذا الكلام حنونه
لا ولله يصير، شيصير بيهم يستاهلونه فتوگ مسوين
ذولة إذا هم أبنهم مارحموا، اگص أيدي إذا
ما طلع واحد
ديعلم عليهم وينتقم منهم و ديردها الهم شوفي شمسوين اله.
لا تحچين گدام أبوج هالكلام يبقى أبوه
ما احچي گدام أبوية لأن أعرف ينقهر بس مو عليهم لا ينقهر منهم.
بقينا گاعدين و عيونا صارت تلزگ من النعاس و أبوية
بعده ما راجع غفيت بمكاني بس فزيت على صوت.
خالتي تخابر أبوية و صوت أبوية مسموع لأن هدوء.
سلطان: هاا وجدان
وجدان: بشرني شصاير.
والله ما أدري يگولون تماس كهربائي بس الشغلة دامها تكررت مرتين مو تماس
مقصودة
الواضح هيج
شوگت ترجع
نامي أنتِ و قفلي الباب لا تفتحينه الأحد اتأخر انا.
سدته منه و بقت گاعدة أباوعلها أتصفن.
غرام.
طلعت من سمعت صوت غياهب و أرسلان يتعاركون
هزيت راسي بأسف على وضعهم عمر گاعد و حاط
السماعات بأذنه و ماحاس بالوضع گعدت گباله بس شافني
نزعهن و طبك حواجبه من سمع صوتهم.
عمر: شبيهم ذوله
غرام: أكيد أرسلان مسوي شي
أستغفرلله والله مليناااا من هذا الوضع تاليتهااا
لو هوَ مخلص عليها لو هيَّ مخلصة عليه.
أختفى صوتهم أنفتح الباب طلعت غياهب صايرة.
بركان من الغضب و عيونها دم طلعت برا لحگها أرسلان راد يطلع صاح وراه عمر.
عمر: عووووفهاااا أرسلان خليهااا تتنفس مثل البشررر حتى النفس حاكمة عليهاااا.
اجه گعد يمنا منتعش بكلامه إلى حچاه.
أرسلان: محلين من محلات عياش صارت خفت ودعن
عمر: لازم أبالك تگعدهم على الحديدة
ليش لا خوية.
حط طلقة براسه و خلص الناس من كل خططك
ما يبرد الگلب هيج أضوگهم كل العذاب إلى عشناه.
صافنة بحديثهم هذا أرسلان ما عنده شي اسمه ستوب.
أو رحمة الأنتقام عامي عيونه، رجع عمر حاط سماعاته بأذنه سحبهن أرسلان منه.
شجاي تسمع
أجنبي
غدي شبيه الفن العراقي بشنو مقصر وياك
يااا أخي شعليك كلمن و ذوقه هسه أنتَ ذوقك ياس خضر
أحلى ذوق و شرفي.
أبتسم عمر من زمان ما شفتهم هيج يسولفون طبيعي
رغم حبهم البعض بس هذا الانتقام أثر على علاقتهم و خلاها متوترة.
عمر: تذكر أغنية ناوي گليبي من رحنا للصيد غنيناها
أرسلان: چا شلون ما أتذكر چان ويانا فؤاد.
مشتاقله ماكو گطع.
من أتزوج و صار عنده أطفال ما يلحگ يحك راسه.
رجعت غياهب بعد ساعة ما باوعت علينا دخلت الغرفتها
أجه يوم الأحد اليوم اول يوم بمراجعتي يم الدكتورة النفسية
صار فترة من حجزلي كُميل چنن مترددة و خايفة أفشل
بس مثل ما گال ماكو نجاح بدون فشل دخلنا للدكتورة رحبت بينا.
يا أهلاً غرام
غرام: أهلاً بيج دكتورة.
افرگ بأيديَّ من التوتر و زاد هذا الشي من أترخص كُميل تاركني وحدي وياها علمود اخذ راحتي بالكلام وياها.
دكتورة ممكن سؤال
أتفضلي
اني هسه هم راح أخذ علاجات
حسب حالتج.
هزيت براسي متشنجة من التوتر ابتسمت بوجهي أطمن بيَّ.
رخي نفسج غرام الج مساحتج الخاصة لا تتقيدين بشي و كلشي يصير هنا ما يطلع خارج الغرفة.
خايفة دكتورة
لا تخافين ماكو شي يدعي للخوف مجرد نفضفض.
بدأت تسولف ويايَّ و تطمن بيَّ نوعاً ما أرتاحيت
ما أدري إذا دائماً أول جلسة تكون صعبة بس بالنسبة إلى چانت صعبة
الدرجة كرهت نفسي بيها طلعت منها منهارة بأعصابي.
لزمني كُميل نترت أيده ما حچى شي كأنما عنده علم بكلشي.
رجعني للبيت و أحس روحي رايحة أتلگتنا غياهب
عيونها تتسائل عن وضعي عفتهم دخلت الغرفتي أنهاريت أنهيار تام.
ما بقى شي ما كسرته صوتي راح و أني أصرخ و ابچي.
ليشششش ليشششش هيچ شنوووو ذنبي.
احچي بدون وعي
و أطلع بكلشي كاتمته حد ما أنهد حيلي گعدت بالگاع اتنفس
سريع و جسمي يرجف أجتني موجة نعاس تمددت بمكاني
حاضنة نفسي أشهگ بدموعي غمضت عيوني الثواني.
أنشلت من مكاني ماعندي القوة افتح عيوني بس أعرفه هذا كُميل.
أجه صوت عمر يسئل عن وضعي.
عمر: خالي شنو الوضع شلونها؟
كُميل: ماكو شي عمر طبيعي هالشي گالت الدكتورة.
حطني بحضنه و جسمي بعده يرجف برد غطانا أثنينا بقى حاضني يمسد على شعري.
نامي غرام.
نزلت دموعي أكثر.
تعبانة
باجر يروح كل التعب
أريد أمي
صيري زينة و وعد أخذج الها
ليش عافتني
راحت المكان أحسن من هالدنيا.
استسلمت للنوم و اني بين هل الأيدين الأمينة إلي.
ما عافت أيدي بيوم من الايام وبقت ساندتني
صرنا كل يوم
نروح للجلسات هناك أطلع كلشي بداخلي و هذا الشي
چانت نتائجه أيجابية خفف عني هواية و بديت الاحظ
نفسيتي و شخصيتي بدن يتغيرن و الدكتورة نصحتني
أرجع أكمل دراستي راح يساعدني هذا الشي طلعت
من أحد الجلسات شفته واگف منتظرين.
كُميل: نطلع؟
أبتسمت مرتاحة.
غرام: أخذني المطعم
تدللين عيناي وين تريدين نروح.
بكيفك.
طلعنا من مكان الدكتورة بعدني مامتشافية بالكامل.
بس نسبة مني بدأت تتحسن سبقت خطواته و حضنت أيده
اول مرة أبادر و أتصرف هيج تصرف بس كل إلى أعرفه
ما أريد أخسر هذا الشخص إلى صار كل حياتي
أبتسم بدون ما يباوعلي يعرفني أخجل.
مطورين ام عيون التلمع.
نحاول نطور.
ضحك طلعنا لأحد المطاعم گعدنا ذكرت كلام دكتورتي من گالت.
الدكتورة: كثرة الأنعزال تولد اكتئاب و التعب النفسي
و الجسدي الإنسان لازم يعالج نفسه بالأختلاط يطلع يرفه.
عن نفسه يشارك بالحديث و النقاشات هذا الشي يقوي
من شخصيته المهم ما يترك مجال للعزلة و الكتمان يسيطر عليه
يتقبل كلشي بحياته شگد ما كان مؤذي يعيش لحظة الحزن
بوقتها و لحظة الفرح بوقتها بأختصار نعيش كل المشاعر بوقتها بدون كتمان.
كُميل: شنو ناكل غرام
غرام: بكيفك
شني ذابتها كله بكيفك أنتِ غير طلبتي نجي هنا عيارة لا تتعايرين.
ضحكت طلبنا اكل بقينا نسولف عن حالة ناز.
ما جاي أشوف تحسن بحالة ناز.
لا شلون ماكو دأحسها صارت اهدأ من قبل
أي غرام ما أختلفنا بس نفس الوضع
العافية بالتداريج ممولة
أشتعل ابو كمولة.
ترا أفتن يم خالة مليكة.
لا سكتت أمي تگطع نعال الحمام عليَّ إذا تسمعني ساب أبوي
صدگ أبوك چان حباب؟
عنده تفرقة طبقات.
لعد لو عايش يمكن ما قبل تتزوجني.
صفن بعيوني و هل المرة ما نزلت عيوني رغم گلبي
نبضاته مسموعة بس ما أريد أنزلهن أريد أباوع بعيونه
و أعيش الشعور ما أتهرب مثل كل مرة.
الخاطر هاي العيون إلى تلمع اوگف بوجه الكل.
أبتسمت الكلامه حاكة أرنبة أنفي.
تدري شغلة
لا ما أدري
الي يشوف شخصيتك ما يگول هيج
شلون؟
شوف مثلاً شكلك مال واحد يضحك و لا يشاقة و لا عنده كل هالجانب
بس من يعاشرك راح أيشوف غير شخصية فكاهية و حلوة و مرحة.
ههههههه يله هم نعمة بينا هاي الميزة.
قدم لنا الاكل بدينا ناكل بس كل شوية داخله بعالم
الأفكار رفعت عيوني شفته يباوع.
ليش ماتاكلين مو علساس جوعانة
داكل والله
و التصفن.
بعدت الاكل عني و أردفت.
مقهورة على الولد و غياهب
و أنا مقهور على نفسي
ليش شبيك انتَ؟
جاي تنقهرين عليهم و على العالم و أنا ضاربتني چلاق.
هههههههه وضعهم صدگ يقهر
طبهم مرض حشى غياهب هم جابوها الرواحهم
نيروز كلش حبابة ما أدري شلون عمر گدر يسوي هالشي وياها.
هسه عاض أصابعه ندم
بس تدري...
أنشل ألساني و گلبي حسيته راح يوگف من لمحت خيال
غمضت عيوني ورجعت فتحتهن ماكو أحد دا أتخيل يمكن.
بس أحس شفت غسان هنا، أنقبض گلبي التفت كُميل يباوع للمكان إلى داباوعله.
شبيج وجهج صوفر
هااا لا ماكو شي خلينا نرجع للبيت.
خالي وضعج مو مال ماكو شي گولي شبيج ما صارلج دقائق من چنتي تسولفين شحلاتج.
م. ما أدري يمكن شفت غسان.
تغيرت ملامحه و أتشخصت عيونه أتجاهي بأستغراب.
غسان؟
أي لمحته بس ما أدري إذا هوَ أو يشبه أو يمكن أتخيل
يجوز تتخيلين وينه نعلان أتمنى الگفى بيوم.
هزيت براسي و أقنع بنفسي تخيلات.
رجعنا للبيت لگينا أنسام عندنا بس اتفاجئنا و شهگت
من آثار الضرب إلى بوجها راحلها كُميل يحاول يستفسر منها عيونها مورمة من البچي.
كُميل: شصاير شنو هاي حالتج؟
حضنت خالها تبچي بصوت عالي و ماكو أحد بالبيت
من الولد گعد يهدأ بيها بس هيَّ خطية چانت حالتها صعبة
گطعت نفسها بالبچي و زادت من دخل أرسلان وشاف وضعها حچى بقمة الأستغراب.
أرسلان: أنسام؟
كُميل: هسه غير تحچي منو ماد أيده عليج.
مليكة: ولك يمه على كيفك وياها من أجت لهسه بس تبچي ماترضى تحچي.
حاوطوها كُميل و أرسلان يفهمون منها شبيها اني و غياهب صافنين بيهم.
أنسام: هذا حماي أتعاركوا الجهال بينهم جهالي و جهاله
واحد من جهالي ضرب أبنه ما أدري بشنو ورأسه أتأذه
انا والله ما أدري بيهم من طالعين بالعادة ما أخليهم
يوصلون الهم أتجنب المشاكل هوَ و مرته أتخبلوا هجموا عليَّ للبيت ورجلي بدوامه.
أرسلان: أي؟ كملي.
بقوا يحجون و يغلطون مارديت عليهم بس والله أرسلان
أحترگ گلبي من سب أهلي ما گدرت أسكت ماحس
غير هجم عليَّ و أتولاني بالضرب و مرته واگفة تشمت بيَّ.
أها يعني هوَ مد أيده عليج؟ و فوگاها حماج اخو رجلج مو رجلج؟ و عليمن علمود عركة جهال.
أي والله.
وگف عيونه يطاير منهن الشرار أرسلان و أحد من أخوانه اتأذه شيصير؟
طلعوا هوَ وكُميل ما يتحاچون من فعلة أخو زوج أنسام
وقفتهم غياهب مانعة طريقهم.
غياهب: إذا تروحون هسه و أتضربوا راح تضيعون حقهاا.
عاط بيها أرسلان بصوت رج البيت رج.
أرسلان: غيااااهب الشياطين تتكامززز گدااامي وخرررري.
وگفت تحاول توصله الفكرة.
بس أفهم مو كلشي نتعامل وياه بعصبية هوَ مد أيده عليها
و دخل عليها وضربها بنص بيتها كل الحق راح يكون وياها
لا تضيعوا بسبب عصبيتكم.
دفعها من گدامه ما مهتم و طلعوا هم الإثنين بقت واگفة تباوع وراهم دارت علينا.
غياهب: راح يضيع كل الحق و يركب الخطأ عليهم.
الولد بعد مارجعوا و أنسام بقت خايفة لا يسون شي
غلط ويتأذون و تلوم نفسها لأن أجت النا و ما أنتظرت زوجها
بس حماها غلط يمد أيده بيا حق هوَ أخو زوج لليل
كلش دخلوا علينا حتى عمر وياهم راحتلهم أنسام خايفة.
أنسام: شسويتوا؟
باس راسها أرسلان وحضنها.
أرسلان: ما عاش إلى يمد أيده على خواتي و أنا عايش و الأيد إلى تنمد بيوم عليجن أكسرها.
كُميل: هذا من زمان محمل عليه و اليوم عرس و جابه العباس خوش أنعلس علسة.
مليكة: صخام الصخمكم شسويتوووا بس لاااا گتلتوا
يمه ما سويناله شي بس طيحنه حظه و علمناه بنات الناس
مو تايهات و ماكو أحد وراهن و بناتنا ببيوتنا اميرات و عند رجلهن هم يبقن أميرات.
أبتسمت أنسام دموعها بعيونها.
أنسام: بس رجلي ما عنده علم بكلشي صار.
أرسلان: راح تبقين هنا من يجي عود النا حجي وياه.
كُميل: شراح أتسوي.
أنسام بعد ما ترجع البيتها إلى بصف عيالها إذا يريدها
رجلها و يريد جهاله يشتري هنا بيت يمنا بالمنطقة
و كافي مشاكل يبيع ذاك يبقي براحته و إذا يريد انا
بنفسي اخذلهم بيت المهم ما ترجع هناك بعد.
كلها سكتت ختم كلامه بقراره دگ جهاز غياهب أخذته
و دخلت جوا و مثل العادة عيون العاشق المجهولة تبقى تلاحگها.
الثاني يوم أجه زوج أنسام و الولد أستلموه بس بالكلام
المعقول لأن هم يحترموه و يگولون خوش ولد.
أرسلان: من شوگت أخو الزوج يمد أيده على مرت أخوه والله عشنا وشفنا.
جهاد: حقكم أرسلان و لا أنا راضي على فعلته.
خوش دامك ماراضي الحل بأيدك بردوا روسكم
من والمشاكل و أهلك عذراً منك بس غسلت أيدي منهم
و مو جديدة عليهم هاي السوالف بس چنا نگول
عيب ز فشل منك و لا چنهم هم إلى أجوا
و خطبوها.
شنو الحل خوية
بيع بيتك و تعالوا يمنا هنا بالمنطقة و محد اله علاقة
بالثاني كلمن گاعد ببيته و إذا ما تعجبك منطقتنا.
هواية مناطق هنا بس منطقة أهلك أنسام مالها رده الها.
و أنسام شنو رأيها؟
مثل كلامنا
خير أن شاء الله إلى تريده يجرالها تستاهل بنت الأصول.
جهاد انا أعزك بس بنفس الوقت من حقي أطلب منك
هالشي أختي أدور راحتها و هاي كلش جبيرة أخوك
يمد أيده عليها إذا أريد أگاومه حتى بالعشاير و أخذ حگها
بس احنا محترمين الرابط إلى جامعنا وياك.
حقكم خوية هايهية أعرض بيتي للبيع و أشتريلي.
بيت هنا يمكم أحسن على الأقل من أروح الدوامي مأمن أنتم يمها.
كُميل: شيخ العشيرة رايحيلة أهلك ورايدين گعدة لأن گتلنه أخوك.
جهاد: عليمن الگعدة على صخام الوجه.
بقوا يتناقشون
بالموضوع و طلب أيشوف مرته و جهاله و ماراضي على سوالف أهله.
حنين: خالة شنووووو هسه
وجدان: خايبة شمالج أنتِ سطرتيني صارلج يومين
يعني شنو اگله أني أريدك
أنتظري إذا رجع فتح الموضوع احچيله
لا لا أبو جلطة خاف صدگ ينجلط
أمشي أمشي جيبيلي الطماطة من الثلاجة.
رحت جبتلها الطماطة حطيتها بصفها هيَّ تطبخ و أني أفكر
احچي الابو جلطة بس شلون أحسها ثكيلة إذا احچيله عن مشاعري.
خاااالة
حنين راح تجلطيني عوفي انا احچيله
شتحچيللله
دهر إلى دهرني
هسسه أوووف غير تگلي شتحچيله.
ألمح اله و يفهمني
و أذا ما فهم
لا يفهم هذا يلگفها و هيَّ طايرة
لااا شنو نلمحله عيب هسه شنو يگول هاي شامرة بروحها شمر عليَّ
چا أسكتي و شوفي يمتى تفرج
خاف يخطب غيري
هوَ شايف غيرج علمود يخطب يالغمة.
سحبت كرسي گعدت عليه.
الله يرحم ذيج الأيام من چان ساحل روحه عليَّ
هسه صرت اني ساحلة نفسي عليه هذا المزنجر.
الدنيا دوارة
أي و القرآن شوف شلون دارت و خلتني أحبه
انتِ تحبينه من زمان حنونه بس ما چنتي واعية النفسج.
حطيت أيدي جوا خدي مبتسمة ما أخجل من خالتي متعودة عليها.
أموت عليه مو يگلي بلائي و حنيني أووووووف گلبي
هههههههه شاخطة أحلف عليج.
رجع أبوية محمل أغراض من السوگ أخذت قسم منه
باوعت للأغراض هواية شعندنا رفعت راسي اسئل.
حنين: بابا ليش هاي الأغراض كلها
سلطان: اليوم عندنا عزيمة عازم خوالج.
أجت خالتي تمشي و تتكلب بمشيتها چنها بطة سلمت عليه.
وجدان: الله يساعدك عيوني
سلطان: و يساعدج حبيبتي.
حنين: أي عيني حبيبتي شوووو ماتگلي اني حبيبتي.
سلطان: چانن عندي حبيبتين أسمهن غياهب و حنين و هسه صارن ثلاثة ويا وحدة أسمها وجدان.
أحنا مو
أحلى حبيبات الگلبي
شوف شلون قشمرني.
الوره الغده بلشنا تنظيف و نشتغل و همزين أبوية أتزوج
لعد منو يطبخ اني نظفت و هيَّ طبخت إلى يحطني
بمطبخ يغسل أيده مني لبست أتراك بيتي و هم خوالي
مو غربة سبحت و گعدت أمشط بشعري ما أحب الشعر الطويل.
بس أبوية ما يقبل نگص شي منه يحب شعرنا يشلع گلبي
و يطيح حظي بالغسل حتى الشامبو ما أطول عندي.
سوست ظفيرة صفح و أتراك لون ماروني حطيت
مرطب الشفايف و تعطرت و أخخ من تطلع نظيف تحس
روحك تنتعش بالنظافة نزلت جوا طلعت خالتي من الحمام ركضت عليها أتغامز.
حنين: ها وجدانو شو سابحة
وجدان: غير جنت أطبخ چا أستقبل العالم بريحة الطبخ
متأكدة ريحة طبخ
خايبة شو ولي عني أنتِ صايرة كلش عمي خلي سلطان يزوجج
اوي عيني هسه شحچينا.
غمتني و راحت هو شمحصلة اني بس غمات من غياهب
و خالتي گصتي لو عندها السان چان صاحت كافي مغمة
تمددت لأزمة جهازي أتصفح بي من الملل أجتني
رسالة من ابو جلطة كاتب راح نجيكم أنطيته لايك
رجع دز يچفص بالكلام سويت نفسي كلشي مفاهمة.
طلعت خالتي متأنقة و أبوية وياها گعدوا ما طولوا خوالي
و أجوا بيت خالي جابر و عمران أتحاضنا اني و نيروز حضن قوي
عبالك صار شگد مشايفين بعض بس هاي عادتنا من نتشاوف.
جوهرة: حنينه شلونج.
حنين: مشتاقتلج.
جابر: ما عرفتوا سبب حرگ المحلات سلطان؟
سلطان: لا والله
درغام: انا حيرني ذني السالفتين.
باوعوله أبوية و خوالي بنظرات تسائل.
جابر: شنو
درغام: اول سالفة إلى صوب حنين يگلك الگاع أنشگت
و بلعته ماكو أي شي يوصلنا اله و هسه سالفة هاي المحلات
كلنا بالاول تماس و مشيناها بس من ترجع تتكرر
هالشي غير و ما يدخل بالعقل هذا واحد جاي يسويها.
سلطان: إلى صوب حنين سالفته تصفن
درغام: ينعرف ماكو شي يبقى مخفي.
غيرت الموضوع خالة جوهرة.
جوهرة: چا ماعزمتوا غياهب ورجلها أنشوفهم.
وجدان: خابرتها گالت ما يگدرون يكون.
جرت السوالف بعد ما كملنا عشه گعدوا يشربون چاي
خالي عمران بدوامه بس عائلته أجت، أنطيت خالي أستكان الچاي يباوعلي مبتسم.
جابر: شلونه دوامج خالو
حنين: الحمدلله حَبيبي
الحمدلله بنيتي.
وگف درغام يباوع بعيونه على الگاعدين تحمهم لزمت الصينية صافنة شبيه.
درغام: عمي سلطان من رخصتك بس أريد احچي ويا حنين بموضوع مهم.
رفع أبوية تك حاجبه يباوعله.
سلطان: مرخوص.
غمزتلي نيروز مشيت وياه عاف الأماكن كلها و دخلنا للمطبخ سد الباب.
حنين: ليشش سديته؟
درغام: استغفرالله تخلي ألساني گوا يفلت، أريد احچي وياج.
خوش احچي حظرة الضابط
نعال أحسن ألف مرة گتلج لا تگولين هيج
فوگاهااا بعد
أسمعيني حنين راح احچي اخر مرة و القرار الج بأيدج أنتِ.
خبطت بطني من شفته يحچي بجَدية.
أتفضل.
رفع عيونه للسگف يحارب أبتسامته گال.
منين نزل هذا الأدب
أهوو دحچي.
شفتي؟ أنتِ هاي حقيقتج ويايَّ مو مال أتفضل.
عيبت عليه هز بأيده يضحك و بدأ يحچي بكلام بعيداً عن كلامنا إلى قبل شوية.
شوفي حنين انا هواية دست على روحي و على گلبي
علمود ما تخرب بينا و محمد باليوم أموت ألف موته سنين
منتظرج و أحلم باليوم إلى تصيرين بي الي
ما گدرت
أجازف بذيج الفترة و أجبرج عليَّ انتظرتج أنتِ بنفسج تبادليني
هل المشاعر وانا اليوم متأكد مو حاس هم أنتِ تحبيني مثل ما أنا أحبج.
لساني ضاع، بطني رجعت أنخبطت معدتي ما أدري شبيها أتقرب إلى همس.
جبت أهلي نخطبج موافقة يتحد گلبي ويا گلبج؟
رمشت بعيوني عدة رمشات على كلامه ما مصدگة
إلي دا أسمعه يعني هسه هاي جيتهم جاين يخطبوني
فزيت من صفنتي و فهاوتي على گرصة بأيدي عض أصبعه.
عووووفي الصفنات مووووتيني راح تجلطيني.
چذاب و حق العباس شنو الجلطة ماعندها شغل و عمل بس تجي ألك
هسه جاوووبي مو نعلتي صفحة جدي السابع
أفكر.
حط أذنه قريب من وجهي.
شنو؟ شنو شگلتي ما سمعت.
شبيك غيررر خطوبة عيني هاي زواج و هاي لازم أفكر
وليش تفكرين ترا أدري بيج موافقة بس جاي تشعوطين بگلبي.
ميخالف سبع الهورة اتحمل شوية بعد هسه أنتَ صبرت أصبر بعد
لاااا كااافي صبرررر صبرررت هواية عليج طيحتيي حظظييي بالصبر.
باوعت الحالته تعبه باين بملامحه و اتأذه يله كافي حنين تشلعين گلبه أكثر، غمزتله بحواجبي مبتسمة
موافقة
شگلتي؟
رفعت أيدي أشرله على گلبه
موافقة يتحد القلب ويا القلب دلغام.
طلعت من المطبخ مبتسمة و مشاعر الخجل محاوطتني
قبل لا أدخل يمهم أيدي على گلبي أريد أبتسامتي
تختفي ماكو لزگت عضيت حتى ألساني بس أريدها تروح
دخلت يمهم گعدت و نيروز تسئل بس ما اگدر احچي
لأن عاضة لساني بخفة أخاف أضحك دخل درغام و أبتسامة الفرح بوجهه.
أشر بعيونه الخالي گعد غمزلي بسرعة درت وجهي عنه.
جابر: خوية سلطان بدون مقدمات احنا نريد حنونه الدرغام وانتَ بعد تدري بكلشي.
سلطان: هاي حنونه گدامكم و اسئلوها بالنسبة إلى من زمان منطي موافقتي بالموضوع بس القرار يبقى قرارها.
أتمنيت أختفي أتمنيت أتبخر و لا يسئلوني بس وين أنحصرت باوعلي خالي.
جابر: هاا خالو حنين شگلتي.
حنين: هاا عليمن.
گعدت بصفي خالتي وجدان لأزمة أيدي مبتسمة و تخفف من توتري بأبتسامتها.
وجدان: أنطي موافقتج.
سحبت نفس و گلبي گام يرگص بنبضاته كمزت من عاط.
درغام: شنيي حنين مووووو شگيتينا.
أييييي شبيك غيررر أجهز نفسي ترررا أبطلللل
جابر: ولك عوفها براحتها
بوية توهه بالمطبخ گالتلي موافقة شبيها هسه.
حنين: هذا شبيه غيررر أكو ناس و أستحي
الله يرحم المستحى.
ما أريد بطلت مااا أريده
سلطان: و تالي ويااكم.
وجدان: أنتظروا شوية من رخصتكم تعاي ماما حنين.
اخذتني و طلعنا ما أدري شبيه أرجف من صارت صدگ.
وجدان: شگتيله بالمطبخ
حنين: گتله موافقة.
چا شمالج هسه من سئلوج خرطتي العافية.
بقيت أكمز بمكاني.
ما أدري ما أدري توتوت
خلينا نأجل الموافقة الغير يوم
لا لا خالة درغام خطية صبر هواية
راح ندخل و خليج طبيعية.
هزيت براسي ردنا ندخل صار بوجهنا درغام علامات القلق بعيونه.
درغام: حنين شبيج انا چنت أشاقة وياج جوا ضجتي مني؟
حنين: لا بس أحس توترت
عوفي الموضوع أرتاحي
لا ما يحتاج.
هز براسه بس مبين ضايج ما أدري مو بيدي هذا التوتر
دخلنا جوا وبتشجيع خالتي و نظراته إلى أنطيت موافقتي.
و خالة جوهرة صارت تهلهل و اني عشت دور الخجلانة
بس لا صدگ خجلت أتفقوا على نزول درغام أنسوي الخطوبة.
دگ جهاز أبوية جاوب و هوَ مبتسم طلع برا الصالة شوية
ورجع متغيرة ملامجة و سوا بأيده حركة التعجب.
جابر: خيرك
سلطان: أخر محل من محلات أبوي هم أحتررگ و أبوي بالمستشفى صايرة عنده جلطة
دخلنا بحالة أستغراب للمرة الثانية من الوضع شديصير؟
طلعوا من البيت گالوا يروحون للمستشفى طلعنا انا.
و خالتي وراهم رجعت خالتي جوا يم نسوان خوالي بقيت
واگفة يم الباب أباوعلهم أنطلقوا بسياراتهم ردت أسد
الباب و أستوقفني الورقة المحطوطة بين الحدايد
مال الباب باوعت للشارع ماكو أحد خالي من البشر سحبت أباوعلها شنو هاي؟