رواية وتيرة الأعرج للكاتبة حوراء السعيدي الفصل الحادي والعشرون
حنين.
فتحتها و كلي فضول اعرف إلى داخلها او شنو هاي بالضبط
بقيت صافنة بأستغراب ورقة تحمل تهديد؟
أنفتح الباب الداخلي مال البيت طلعت خالتي اتقربت و عيونها نزلت على الورقة وگفت تباوع.
وجدان: شنو هاي الورقة حنين؟
حنين: لگيتها بالباب شوفي شمكتوب ما فهمت شي
اخذتها مني قرت المكتوب بقت هم صافنة طبگتها وضمتها داخل كف أيدها
و هيَّ تأشرلي ندخل جوا رغم گلبي ما مرتاح للي مكتوب بس ما فهمت القصد.
وره ساعة رجعن خالاتي لبيوتهم مر كم يوم بلغت غياهب درغام تقدملي
و چانت فرحتها ماتقل عن فرحتنا بس الوضع متخربط و متكهرب يمنا لان جدي عياش انصاب بالشلل.
وجدان: ماكو تحسن بوضع عمي
سلطان: لا والله.
نهضت خالتي من مكانها دخلت الغرفتها و رجعت بأيدها نفس الورقة سلمتها الأبوية نظرلها بعدم فهم.
شنو هاي؟
بيوم إلى رحتوا بالليل حنين سدت الباب وراكم لگتها بالباب و مكتوب عليها تهديد.
اخذها يشوفها مسح على جبينه بخفة و ملامحه ملامح شخص يفكر الى ان گال.
الي جاي يسوي كل هذا عنده شي ويا أبوي و هدفه واحد و أتوضح هوَ أكو عداوه بالموضوع.
حنين: تمام عداوة وياه أحنا شكو علاقتنا يحط الورقة بالباب مالتنا؟
سلطان: أحتمال لان بيت ابنه
لعد يحطها ببيت واحد من عمامي ليش الا أحنا.
الله العالم بابا هذا الواضح جاي يلعب بينا.
أفترت عيوني و اني أفكر بشغلة وحدة بسرعة حچيتها.
عزززا لعد معقولة يكوووون إلى صوبني برجلي نفسه؟
وگف أبوية و ملامحه كلها تغيرت أشر بأصبعه بتفكير
ما أستبعدها.
أندگ الباب طلع أبوية يفتحه و اتفاجئنا من شفنا إلى داخل وياه بيبي ام أبوية.
ابداً ما داخلة البيتنا طول هالسنوات رحبنا بيها بس التعب مبين عليها
گعدت بصفها فرحانة بيها رغم ماحضينا بحنان الأجداد بس أحبها.
حنين: أبقي يمنا عليج الله بيبي.
أبتسمت بملامحها التعبانة رفعت ايدها الشعري تمسد عليه ورجعت نظرها الأبنها.
ام سلطان: كبرانات بناتك يمة.
ذب نفس بابا مصاحبته حسرة يبقون أهله مهما صار.
سلطان: اي يمه كبرتهن بالتعب وحدي زوجت وحدة و الثانية راح تتزوج و أنتم حالكم حال الغرب.
نزلت دموعها بس ما اعتبرتهن دموع چانن اشبه بالدم من بدأت تحچيله
عن طغيان جدي عياش و عذابه شلون منعها توصل النا رغم أبوية.
زين وياهم وبقى خاطره ثكيل عليهم بسبب سوالفهم و تصرفاتهم
فوگ ظلمهم گطعوا وياه. مسحت دموعها بشيلتها رفعت راسها تباوع بالوجوه.
ام سلطان: يمة أريدنك انتَ و وجدان بسالفة بينا.
أشرلي أبوية اتركهم وحدهم هزيت راسي بقبول طلعت من يمهم نوب
وحدي بالبيت ملل يموت دخلت للمطبخ لزمت موزة اكل بيها لزمت جهازي
خلي نتصل بخطيبي المستقبلي شو ناسيني هوَ بدوامه التحق
قبل كم يوم بس شو بعد ما گلبني وشاف روحه ابو جلطة.
درغام: نعم.
حنين: نعم الله ضلوعك شنوووو نعم؟
هاي انتِ حنيني ما منتبه ومحمد دايخ من الشغل جاوبت بدون ما أشوف الأسم
لا گول انتَ تغيرت.
فووگ التعب و الضيم يجيك تعب ثاني يا ربي
اوگف اوگف شتقصد يعني ما تتحملني؟
هدأت نبرة صوته و أردف.
لا حبيبي شلون ما اتحمل اذا انا ما اتحملج و يطيح حظي منو يتحملج.
أبتسمت و اني اگول.
لككك كزكزززت عليك
ههههههههه مسودنة.
صدگ درغام شو تعبان
أي والله شغل و مرات توصل أيام ماشايفين النوم.
سودة بوجهك سالم
لا تخلينييي أسبه
شگد محترمين أحنا نسب بجدنا
جد
فاااااسق.
درغام: احچيلي شنو الوضع يمكم
حنين: ماكو شي جديد جدي عياش نفس وضعه و داحس أبوية ضايج عليه
يبقى أبوه
وهسه عندنا بيبي
ياهي منهن
ام سلطان.
صفن الثواني مستغرب.
أهاا شعجب هيَّ مو ما تدخللكم
أي تگول جدي چان مانعها.
مااااال أحطططط سالم و عيااااش بغرفة
شتسويلهم؟
أبوسهم براسهم.
دا أرد عليه و كمزت بمكاني من سمعت صوت عيطة أبوية عاط بصوت قوي الدرجة من قوته حتى درغام سمعه.
شبيه ابووج حنين
م. ما أدري والله اوگف
لااا تسدين الخط بس روحي شوفي شكو.
الجهاز على أذني وصلت يم باب الصالة و صوت أبوية مفرفح.
سلطان: عساااااهم بجهنم وبئس المصيرررر شنووو من بشررر.
ما فهمت ليش هذا الكلام الا من گال وجمدت ملامحي.
مجرررميننن ابووووي و عمي مجرررررمين.
رجع يكمل بكلامه.
انتِ وعمتي هيلة ياااا يمة طوووول عمرچن سااااكتات عن الظلم هذا
و عن كل جرررائمهم اناااا ويننن الگى هالناااس إلى دمرووهم
ما أستبعدهااا حرگ محلات أبوووووي اله صلة بيهم كلشييي توووضح.
أبتعدت عن المكان مصدومة أحاول اجاوب درغام إلى يحچي ويايَّ
بس الساني أنشل اجدادي مجرمين؟ بدون وعي صعدت الغرفتي گعدت
أستوعب كلشي سمعته أنتبهت الجهازي يدگ درغام سادة وراجع يتصل جاوبته الكلمة بصعوبة تطلع مني.
حنين: سمعت كلشي درغام.
درغام: حنين لاااا تبينين تعرفين شي انتظري بين ما أنزل من دوامي و أشوف الوضع.
نزلت دموعي هذا طبعي يمكن من گد طيبة گلبي من أعرف شخص
مظلوم او متأذي ابچي عليه و اني ما أعرفه.
مجرمين يعني هم مأذين ناس دمروا ناس وهسه راجعين يأذونا كلنا مو بس هم.
أهدي أبوية مسحي دموعج لا تخليني أسبهم واحد واحد هسه خلي نفتهم
و بعدنا ما متأكدين إلى حرگ المحلات منهم او لا باختصار.
الموضوع بعده مامفهوم المهم حنين سوي مثل ما گتلج.
لا تتأخر
بلائي عليمن هذا البچي من أشتعلت صفحة سالم و عياش
خايفة أحد بيكم يتأذه
أطردي هاي الافكار من عقلج وصيري عاقلة.
بقى يسولف ويايَّ ينسيني إلى سمعته بس خوفي عليهم أتغلب خصوصاً
موضوع الورقة غفيت ما أدري بنفسي و هوَ عاف حتى شغلة يهدأ بيَّ
يعرفني ما اتحمل هيج شغلات، لليل گعدت الخط مسدود نمت و گلبي مقبوض مالي خلگ الشي.
نزلت جوا أهلي گاعدين وحدهم أبوية بركان من الأعصاب صاير
يمكن إلى يطخه ينعلس خالتي ملامحها مگلوبة كلشي متوتر گعدت بدون ما احجي.
وجدان: حنونة أصبلج اكل
حنين: لا خالة ما أشتهي اذا جعت اني اصب أرتاحي انتِ.
طلع ابوية من يمنا ساكت بقينا بس اني ووياها تمددت راسي على رجلها.
اگلج خالة
هااا حنين.
ردت اگلها سمعتكم بس ذكرت كلام درغام من طلب أتصرف طبيعي وما أحسسهم بشي اتراجعت عن كلامي.
حنين: شبيه أبوية؟
سكتت الثواني رفعت راسها نظراتها تحچي ألم الموضوع.
المصايب مصرة تخلي ما يرتاح
شصاير
لا تهتمين اكلي و لا تسهرين دوام عندج.
مشتاقة الغياهب
أتصلي بيها
جهازي فوگ أنطيني جهازج.
أنطتني جهازها أتصلنا بيها كام جاوبتنا چانت مبين هسه طالعة من الحمام ابتسمت النا.
غياهب: ها عيني ما تستحون متصلين هسه
حنين: شو سابحة شعندج.
كفختني خالتي تضحك.
وجدان: شلون بله الواحد ما يسبح سوالفج بطليهن.
طبعاً اني نيتي شريفة بس أنتم ما أدري شبيكم
غياهب: واضح شگد شريفة، شلونكم
كلنا بخير و ابوج غاط بالعسل ويا خالتج
چفوصي بطل سوالفك
وين زوجج
بدوامه
حتى درغام بالدوام
أي هم فرق أيام بينهم.
باوعتلها صح اختي ما اگول عنها صاحبة جسم بس هم مو ضعيفة
كلش بس من اتزوجت لليوم دالاحظها تضعف ما تسمن.
غياهب
ها عيني
شبيج ليش دتضعفين صايرة هيكل
هوَ اني هيج طبيعة جسمي ضعيفة
أدري بس ترا جان جسمج حلو وزين هسه حيل ضعفانة.
ما انطت جواب و غيرت الموضوع تسئل عن أبوية و اكثر شي
اكرهه من احجي بشي و يقلبون الموضوع الشي ثاني.
غياهب: ابوية ماكو يمكم
وجدان: هل الفترة تعبان دوام و يروح الجدج
شلون صار
نفس وضعه ماكو تحسن.
قوست شفايفها رافعة حواجبها هزت براسها و گالت.
بالمرصاد سبحان الله.
اني و خالتي اثنينا صفنا بكلامها اردفت خالتي بنص أستغرابها.
وجدان: شتقصدين غياهب؟
مو يمكم الموضوع بس شفت لقطة مسلسل واحد ظالم و بدأ ياخذ جزاته وجزاة أفعاله.
بقينا نسولف بمواضيع عامة و تركيزي بيها قلقني هذا ضعفها و اذا
نسئل ما تنطي جواب النا مغيرة اماكن اثاث غرفتها شوفتنا ترتيب
الغرفة و اكو باحد الزوايا مثل المكتب صغير يمكن الارسلان
بس غياهب صدمتنا من گالت يوم الصدمات أسمي.
غياهب: أرسلان عنده اخت
حنين: أي نعرفها انسام قصدج
لا عنده اخت ثانية.
وجدان: ما شفناها
لان مريضة.
الله يشافيها شنو نوع مرضها
أتوقع نفسي
ما تعالجوها.
دناخذها جلسات يم نورس تعرفيها يمكن بس ماكو تغيير بس صارت هادئة اكثر من قبل و تقريباً إلى يدخللها متأذي مثل قبل.
حنين: عزززززا ليش تاااأذي
غياهب: قبل اي بس هسه أحسن گتلج باقي وضعها نفسه
وجدان: چا شگد صارلها على نذا الوضع و شنو السبب
من سنين خالة و سنين طويلة، خلي السبب مكتوم أفضل
الله يشافيها خالاتي.
امين، اني راح انام أنتم اخذوا راحتكم.
سديناه منها مستغربين محد حچى عن اخت ارسلان الثانية راحت
خالتي تنام لان هن دوام عندها اكلت شوية وًكل دقيقة أصفن بشغلات
الي اليوم صارت كملت غسلت ماعوني صعدت نمت الثاني يوم طلعت الدوامي أمارس عملي.
يمعووودة تعبت لو رايحة مدرسة و يبقى تعيني سنين يله يطلع احسلي.
ضحكت انوار زميلتي بالدوام.
انوار: ههههههه انتِ ما تتحملين شغل.
أي والله هوَ بيت أهلي چانت اختي تشتغل و اتزوجت هسه خالتي اشتغل بس مو هواية.
دكتور عباس سئل عنج اليوم
گليله راح تنخطب.
ضحكت بصوت على طريقة جوابي.
لِچ سئل ما أدري شيريد الشي ثاني متزوج الرجال
متزوج و عينه تزورگ
أسكتي خيه لا تنسمعين و تصيرلج مشكلة
شبيج والله عينه تزورگ منا و منا ما شايفته من تفوت ممرضة او دكتورة شلون يباوعلها الادبسزز.
أمشي ناكل مالنا علاقة بي خلينا بشغلنا.
نزلنا علمود ناكل بدينا نسولف.
انوار: صدگ راح تنخطبين
حنين: أي والله
حب لو تقليد
ابن خالي چنت ساحلته وبعدين سحلني.
شنو هاي
أهوو هسه اسكتي و افهمي كلامي مابيَّ أشرح تعبانة اختصرت الج.
فات ولد ممرض شكله مرتب بقت انوار تباوعله و هوَ نفس الحالة گعد گبالنا و عيونه ما شالهن غمزتلها.
شو تباوعيله
هيج حنين.
حسيتها ضاجت كلش من شافته غيرت اسلوبي للجدية و تركت تفاهتي.
انوار شبيج ليش من شفتي ضجتي؟
چان خطيبي هذا و الحظ جابني هنا هوَ يداوم هم هنا
بس ليش فسختوا
بسبب أمه
أمه تس مو.
رجعت ظهرها لوره بدات تسولفلي قصتها.
انوار: هم ناس الله رازقهم و احنا حالنا على گدنا مو نفسهم دائماً
امه و أخواته يسمعني حجي و أبلعه السبب لان أحبه و حتى گدام أهلي
بدأن يتجسرن بالكلام بيوم من الايام صار كلام قوي بينهن وبين اختي الجبيرة
الي ردتهن و ما سمحت الهن يحچن عنه وطبعاً هنا صارت مشكلة جبيرة الدرجة
أمه هددته إذا ما يفسخ خطوبتنا تحرگ نفسها هوَ الوحيد الأهله عنده اربع خوات.
صدگ تحچين؟
صارلنا سنة من فسخنا بس ما اگدر أنساه وحظي جابني هنا.
خيوووولي لو يحبج و يريدج چان عرف شلون يحل الموضوع و ما تهونين عنده و لايكسرج
أبوية يگول حلم بعد أيشوف أظفر منج
حقه انوار هاي اهانة الكم حتى لو تحبينه متأكدة ما تقبليها الناس
تهيج بيج و بأهلج و تبقين ويا شخص ما يعرف يتصرف و أهله يشوفونج بالعين الصغيرة
الله كريم.
أوووف هسه لو مُجاهد يقبل يتزوج الا اخطبج اله
منو مُجاهد؟
صديق خطيبي المستقبلي واحد صاك للنعال
الله يحفظه.
ما يقبل يتزوج عنده عقدة من النسوان و الزواجً
الله يهدي
امين.
غياهب.
لبست نظاراتي سحبت كتاب من الكتب إلى جبتهن من بيت أهلي
اندگ الباب اجه صوت غرام دخلت بأيدها كوبي إلى جبته ويايَّ
من أهلي مسوية گهوة بي أبتسمت اللطافتها.
غرام: سويت گهوة و ما نسيتج
غياهب: شكراً علوية.
بقت تباوع للكتاب.
شدتقرين
كتاب
أممم مبينة تحبين قراءة الكتب
هواية انصحج تجربينً.
مو هوايتي يعني مو كلش أميل الهل شغلات
انسان عن انسان يختلف يس اكو كتب مفيدة تنطي وعي و أسلوب ثقافي و معلومات.
أحب الرسم اني أموت عليه.
اخذت رشفة من الگهوة باوعتلها باندهاش.
تعرفين ترسمين
اييي چنت دائماً بالمدرسة اخذ المركز الاول
انتِ قسم شنو.
ضحكت بهدوء مثل عادتها و هيَّ هم طبيعة صوتها گوا تسمعها بسبب خجلها ورزانتها بالكلام.
غرام: أسلامية
غياهب: و لأن ضحكتي معناها كُميل مصنف عليج
أي بالضبط
زوجج أنظي بس يصنف.
باوعت الشعري إلى بعدني مامشطته.
شو ما مشطة شعرج
تعاجزت بردانة كلش
لا لا تبقين هيج اوگفي.
راحت للمراية جابت المشط أشرتلي اتقرب الها.
شنو
تعاي أمشطلج.
ضحكت ما مانعت لان جسمي يكسر بي و نحلان يمكن بداية
صخونة گعدت ورايَّ تمشط بشعري ونسولف.
باجر جيلان و أمها جايات النا
عوفج منهن شلون صرتي دتشوفين تحسن
مرات أحس أحسن و مرات أتعب
عادي هذا الشي و بكل علاج نفسي هيج ويا الرقا يتحسن و يتخلص من كلشي.
تدرين شي غياهب
شنو
كُميل ما أعرف شلون أجازي
أممم تحسني و كلشي بوقته.
كملت تمشيط شعري عيوني گوا صرت افتحهن انتبهت الي.
شبيج غياهب
احس نفسي نعست كلش عادي تطفين الضوء وياج
شو اوگفي.
رفعت أيدها الجبيني تقيس حرارتي
لِچ هاي صخنتي
غطيني حبابة.
طلعت ما ادري وين صرت أرجف رجعت بايدها علاج شربتني
غطتني رادت تبقى ما قبلت طلعت وبعدني نفس الرجفة غمضت
عيوني نمت الكم ساعة بديت أحس بشي يتلمس جبيني وينزل
الرگبتي يهمس بأسمي بس ما اگدر ارد.
أرسلان: غياهب تسمعيني
غياهب: اممم.
أختفى صوته. شهگت من أنحط شي بارد فتحت عيوني إلى أحس جمر داخلهن ركزت بي.
انتَ ش. شتسوي هنا
أسكتي حرارتج مفولة أكو أحد يعوف أحد حرارته مرتفعة
لا أتصير حنون لأن أكرهك أكثر
ما صاير حنون السواد عيونج
اتأدب
اللسان البيكيسي حتى وهيَّ مريضة السانها بطولها.
ما اگدر احچي أكثر صار يسويلي كمادات عيوني فاتحتهن
ما أدري اذا إلى شافته عيوني حقيقي او مجرد تخيلات، عيونه تحمل الاهتمام و الخوف.
الي خلنا يسهر للصبح ويايَّ دفعت أيده لفيت نفسي بالغطى.
لو ما أدري شتسوي راح أبقى أكرهك
جيد.
أريد أعضك
شبيج انگلبتي الغير صنف.
رفعت عيوني بفطارية مبرطمة شفايفي.
خليني أعضك أرسلان.
هز براسه مد أيده گدامي.
عضي
بس أني ما أحب المسك
تلعب نفسج مني؟
كلش هواية.
اممم بس انتِ گلتي أريد أعضك
أي أريد بس ما أريد ألمسك
زين غياهب عندي حل الج
شنو
ألزمي أيدي من فوگ الغطى و عضيها.
حركت جسمي أريد اگعد بس ما اگدر داگتني دگ الصخونة مد أيده يساعدني رجعت دفعتها.
غياهب: موووو گتلك لا تلزمني مااا أحب
أرسلان: هو هذا إلى يسوي زين.
سندت نفسي و هوَ لا زال يباوعلي.
لااا تباوعلي لا أفكس عيونك
خدودج صايرات ورديةً
من الصخونة.
هز براسه و التقطت من همساته كلمات.
عيناها حادتان سوادها ك سواد قلبي .
بقيت هادئة على وضعيتي أباوعله بعيوني المذبلعها المرض نزل من يمي.
طلع ملابس اله اخذ منشفة باوعت لملابسة إلى لابسهن مدنية مو مال دوام.
ليش ملابسك مدنية
بحكم شغلنا.
طلع يسبح بس ما سئلت ليش راجع المفروض بعد أسبوع و ينزل من دوامه
نص ساعة و دخل بأيده گلاص أشرلي بحواجبه عليه.
أرسلان: أشربي
غياهب: ما أحبه
زين الج
ما.
رفع المنشفة على شعره ينشف بي نزلها على رگبته گعد بصفي لازمه
ارسلان: ما أتوقع وگت عناد وانتِ مريضة
غياهب: من يگول ما حاطلي شي بي.
طبگ حواجبه من كلامي.
شنو أحط مثلاً.
الله العالم انتَ مو مال أحد يثق بيك.
أبتسم يهز بأيده.
ما حاط شي أشربي و اذا ما اتريدين براحتج
ما أشربه ما أثق بيك
براحتج.
رجعت تمددت وغطيت نفسي كلي سحب الغطى من وجهي قيدني
بأيديه باوعتله منزعجة و منقرفة نزل راسه اخذ حنكي بعضة خفيفة
هاي ما چنت أدري تلعب نفسج مني لهل درجة
ليش جرحك الموضوع؟
همس بجوابه نظراته تتمعن بوجهي.
هواية.
ارسلان ابتعددد لا تفكررر تستغلللل الوضععع و اني مريضة إلى ابالككك ما يصيرررر.
بعد شعري عن وجهي الواگع من الجوانب.
صح مديت أيدي عليج و أذيتج بس لا تخافين الشي إلى أبالج لو أدري أعوف أنتقامي ما أسوي
راح أندددمك على كلشي
شتسوين يعني
والله اذا ما خليتك تعض هل الاصابع ندم و أشوف دموعك تنزل من عيونك أكون ناقصة شرف.
أبتعد عني يفرك بوجهه تمدد بالجهة الثانية بدون ما يحچي.
غياهب: انتَ إلى حرگت محلات جدي؟
أرسلان: أي انا
أنجلط و أنشل
أحسن لان اذا يموت بسرعة أضوج خلي يتلذذ بالعذاب.
اذا انتَ بديت بيهم ليش مبقيني يمك.
دار بعيونه إلى رمش بهدوء.
وجودج مهم بحياتي.
شلون يعني
مو مهم تعرفين حضرة المحامية
اگلك.
رد بصوت مُغلف بعصبية.
هاااي مرريضة و هيج تسئلين اذا صاحية شلوووون
اني تعبانة.
رجع دار بجسمه ناحيتي غصتي أخترقت بلعومي باوعلي بأهتمام.
من شنو
منك و من أمي و من كلشي أنتم كلكم أذيتوني
أمج؟
خلصت طاقتي بهذا اليوم ما گدرت هل المرة انجح و أكتك أستنزفت كل قوتي نزلت دموعي گعد مفزوع يباوعلي.
شبيج غياهب؟
تعبت مداتحسسس بتعبي
شبيها امج؟
انتم الاثنين أكرهكك داخلي يحمل كره كل البشرية أتجاهكم
شسوتلج.
سحبت الردن مطلعة الاثار غمضت عيوني نزلت دموعي اكثر رفعتهن بوجهه قبق راح ينفجر من الالم.
شايففف ذني
اي؟
هيَّ السبب.
صفن صفنة طويلة يبلع ريگه علامات الصدمة أحتلت ملامحه يباوعلي ويبوع للاثار.
چانت تعذبج؟
ضحكت كالمجنونة بنص دموعي.
تدري الايد إلى بيها أثار نفسها الايد إلى قلعت اظفري منها.
تدري بنفسك حكمت على روحك بالكره بنفس كرهي الزمُرد ماكو أي فرق بينكم
انتم الاثنين أذيتوني. نزلت عيوني امشي باصبعي عليهن بهدوء. تدري
ماحبيت اسويلهن تجميل رغم كرهي الهن و اذيتهن بس هنَّ سبب
قوتي اليوم انتم و أذيتكم راح تبقون ندوب بداخلي ما انسى إلى سويتوا و لا راح انسى اي شي منكم.
رفعت عيوني گاعد نفس گعدته جامد رجفت شفتي كرهت ضعفي
الي ظهر گدامه نزلت من مكاني طالعة من الغرفة طلعت من كل البيت.
امشي بالشارع ضايعة حاضنة نفسي ارجف. مالابسة شي
برجليَّ لو بيدي اختفي من كل هالعالم صرت بنص الشارع انسحبت من ايدي.
ارسلان: وين رايحة غياااهب
غياهب: عووووفني
وين اعووفج.
بعدته عني رجعت امشي وحدي اشهگ بدموعي يصيح ورايَّ متجاهلته
ما اهتميت ماريد احد تعبت رجع سحبني هل المرة حضني الصدره
بقوا جسمي لازالت الرجفة بي نزلت دموعي اكثر.
عوفني ارسلان
خلي نرجع للبيت انتِ مريضة.
شهگت وزادت حالتي للاصعب.
أختنگ ما اريد ارجع البيتك اني داموووت امووووت ماتحسسس.
گعدت بالگاع منهارة گابلني يحاول يقنعني ارجع للبيت بس ما اريده احسه سجن و انسجنت بي.
راح تتمرضين اكثر گومي
ما اريددد
شنو إلى تريدي انتِ
رجعني الأهلي
ما اگدر أرجعج.
حضن وجهي بين ايديه نظراته نظرات غير عن ارسلان إلى نعرفه.
ما چنت أدري هذا السبب
و اذا عرفت راح تستعطفني مثلاً؟
لا
معناها اخدمنا بسكوتك.
انرسمت شبه ابتسامة على وجهه گال.
و حتى وانتِ مريضة تطيرين بجبهتي
طبك مرض
ميخالف بس گومي نرجع
ما اريدد.
انا اخذج الاهلج من تنخطب حنيم و ابقي شگد ما تريدين هناك
واحد جذاب و ماعندك حچاية قبل فترة گتلي و ثاني يوم اجيت خذيتني
لا هل المرة صدگ
بس ماتجي البيت اهلي اريد ابقى وحدي
اممم و اذا اشتاقيتلج شلون
لا تجذب انتَ بشررر تحب تغثني و بس
صح.
أكره اليوم و الساعة إلى شفتك بيهم.
گام من مكانه گعد بصفي چنا مجادية گاعدين بالطريق.
ارسلان: بس انا أحبه.
غياهب: إلى يسمعك يگول هذا يحب من سنين هم ما يدرون حتى زواجنا أتفاق
اليوم ننام بالشارع بسبب حضرة جنابج
هوَ انتَ شكلك مال واحد لازم الشارع ومجرم ليش مستغرب الوضع
ليش تتنمرين عليَّ حضرة المحامية موعيب.
من تگلي النسوان تحبك اريد اشوف هاي النسوان إلى عاجبهن شكلك شديحسن اتفل على ذوقهن بيوم صرت انتَ من ذوقهن
كملتي؟
لا بعد اريد احجي
خوش كملي
ليش داحسك ماخذني على گد عقلي
بعد واجبي
احتررررم نفسك اني أعقل منك.
تحبين اللبلبي
الله شتهيته.
ضحك بصوت مسموع و الشارع بس الچلاب تفتر بي طبكت حواجبي منزعجة.
شبيك تضحك
هاي الصخونة احب اگلها رحم الله والديج لان صارت بيج
وليش
ظهرتلنا جانبج الطفولي.
سكتت مقوسة شفايفي اني اخجل اطلع جانبي الطفولي بسبب
شخصيتي إلى تغيرت و احس لازم اكون دائماً حادة الاطباع سحبت نفس خزرته.
اريد لبلبي
يله تعاي
وين
ناكل لبلبي.
غياهب: تضحك عليَّ انتَ وين اكو هسه
اكو انا اعرف واحد بس گومي مطيتي گلبي مططط.
باوعت النفسي و اللبسي رفعت راسي اله بعده واگف.
شلون اروح هيج
قابل راح أستعرض بيج راح تبقين بالسيارة
لا أنزل وياك
لا تبقين
مو بكيفك.
ولج وين انزلج وانتِ حتى نعال ما لابسة.
عضيت شفتي خجلانة من شكلي بس مانطيت بنفسي
و گتله.
مالك علاقة موديل نذا
الحچي يوصل بطرف الساني.
وگفت رجعنا للبيت امشي و هوَ بصفي دخلنا بالساحة دورت
علي نعالي ماموجود حتى نعال غرام ذكرت العصر طلعنا للحديقة.
من الباب الخلفي مال المطبخ و هذا خبصني ماجان اكو غير حل البس
نعال واحد من الولد لبست واحد بس ما ادري المنو بالضبط صعدت وياه نزلت عيونه الرجليَّ.
هاي شلابسة
نعال
هذا النعال التك منهن يطبك رجليج اثنينهن
نعالي يم المطبخ بالباب الثاني
و ماعرفتي تجيبينه
هسه لااا دوخناااا شعليك اني لابسته لووو انتَ
أويلي ياللسان بيكيسي بذاته.
شغل السيارة نمشي بشوارع بغداد بالليل نزلت الجامة الهواء ضرب.
بوجهي احلى شعور بقيت مغمضة عيوني البرودة تضرب بملامحي
بس احس ريگي يابس درت وجهي اله.
غياهب: ارسلان
ارسلان: حيلي
اريد مي
ملاحظة نفسج طلباتج تجي بوگت مو مناسب
شتريلي لا تصير ابو فليس.
وگف السيارة على جهة نزل فتح الجنطة مال السيارة اباوعله
شديسوي هذا رجع حط گدامي بطل مي.
تفضلي
شكراً
منج من الشيطان تشكريني
هوَ انتَ شيطان بذاتك.
مارد شربت نص البطل من العطش حطيته گدامي وگف السيارة.
مقابيل واحد يبيع هل شغلات لبلبي وباكله وهالسوالف نزل قفل السيارة
عليَّ يمكن يخاف انزل بهذا نعالي بقيت گاعدة رجع وجايب كاستين البخار
يطلع منهن انطاني وحدة حارر حطيت كلنكس خاف أتدمر صعد بمكانه
ناكل الهدوء محتل المكان بأثناء مدا اكل اجه ابالي هذا ليش زين ويايَّ؟
رفعت راسي مقلصة عيوني انتبهلي هز راسه بمعنى شكو.
انتَ من تصير ويايَّ زين أخاف منك
امم لماذا
عوف الفصحى لا تبقى تبچي بزاوية.
ليش تخافين من اصير زين وياج
أحسك ضاملي شي
أحب ذكائج غياهب سلطان.
شضاملي
سبرايز
الله اليستر منك و من سبرايزاتكً
ليش جانت امج تأذيج
ما حبتنا بسبب ماضيها ويا أبوية و خالتي ما چنت أميل الها بسبب
أذيتها و بنفسها زادت هذا البعد بافعالها بكل فرصة تختلي بينا
تضرب او اتسوي هل الاثار حصتي الاكبر
نگدر نفهم سبب اطباعج و قوتج ماضيج
الماضي يخلق منه شخصية احنا ما نريدها بس ننجبر نمشي بيها و نتعايش وياها.
و سبب النوبات إلى تجيج
هم منها.
عضيت شفتي منزلة عيوني اني ليش داحجيله هل الشخص عدوي ما لازم تحچيله غياهب.
خلينا نرجع للبيت ارسلان
تندمتي لان حچيتيلي؟
اي
امم ليش
احنا اعداء.
ماحچى شي اتوجهنا للبيت راجعين وبداخلي الندم اشتغل لان حجيتله
منو هوَ و أحچيله ماضيَّ هاي غلطة مني لان فضفضت اله إلى بداخلي
بس ما انكر ارتاحيت من الخنگة وصلنا للبيت ما انتظرته نمت بس كل.
ما افز الگاه گاعد رغم صخونتي احسن بس بقى سهران للصبح.
اجوا جيلان و امها و چانت زيارة مسالمة مشت الايام و أجه موعد خطوبة ست چفصة و سبع الهورة
اليوم إلى راح ينعقد حُبه بأسمه، ناز ماكو تحسن بحالتها غير انها قللت أذية
و هذا الشي بالنسبة إلى على حالتها إلى شفتها شي ايجابي
و خطوة مُمتازة
لان مو بسهولة تتعافى من گطعنا عنها المهدئات اتأذت و حالتها ساءت مثل المدمن.
بس الدكتورة طمنتنا گالت الان بالبداية رحت الاهلي قبل الخطوبة بيوم علمود اجهز اختي و وحيدتي.
غياهب: بالبداية البسي قفطان و بعدين الفستان
حنين: اي خوش بس الحذاء ضيگ
ماكو مشكلة غيري.
بدينا نجهز باغراضها هيَّ تعرف السوالف المكياج ما راحت للمركز قرارها
چان، سوينا تنظيف البشرتنا و نيروز ما گدرت تجي الصبح لان دوام عندها.
أولريش حواجبي حلوات لو أعدلهن
لا حلوات لا تتقربين الهن و تچفصين بيهن و اليوم خطوبتج.
احس ما مقتنعة بيهن
اتادبي و عوفيهن حنين والله حلوات.
تمام، اهل ارسلان راح يجون
اي
بنفسي اشوف اختهم إلى حجيتيلي عنها
تخبل سبحان الله شگد متعوب بخلقها
اوووف الفضوول اشتغل زين حبابة خليهم يجيبونها وياهم
ما اتوقع ارسلان يقبل
خابري
حنين البنيه مو مال هيج اجواء
دخابري شخسرانة.
طلعت منها دخلت الغرفتي إلى بيت اهلي ادري بي ما يقبل بس نحاول
بس قبلها قررت اتصل بنورس اشوف يناسبها هيج جو و ماله تأثير عليها او لا.
نورس: هلو حبيبتي غياهب
غياهب: شلونج نورس
الحمدلله
بس حابة اسئلج اليوم خطوبة اختي اذا ناز تحظر ويانا هيج اجواء تناسبها يعني زينة عليها لو ما تناسبها
بالعكس الاختلاط من صالحنا
يعني يناسبها مو خاف تجيها حالتها و تتأزم
لا اطمئني بس لا اتركونها وحدها
تمام دكتورة اشكرج
اهلاً.
سديته منها بسرعة اتصلت ب ارسلان اجاني صوته مبين بعده نايم.
ارسلان: ها غياهب
غياهب: نايم
اممم
شعجب مو من عادتك تبقى نايم لهيج وقت.
اتاخرت يله نمت
تمام شوف اگلك
گولي
عادي تجيبون ناز وياكم؟
بدون اي تفكير سرعة اجابته چانت.
لا
ليش؟ اني حجيت الاهلي عنها
ما اريد تتأثر
لا تخاف اني خابرت الدكتورة و گالت عادي. شرحتله شگالت من سئلتها.
اشوف الوضع
تمام.
سديته منه نزلت يم خالتي المخبوصة سعادة بداخلي بوجودها ماريد حنين
تحس بالنقص إلى حسيته بخطوبتي و زواجي وگفت أساعدها لان مخبوصة من البارحة.
وجدان: غياهب صدگ سمنانة.
غياهب: طبعاً تسمنين غير عايشة ويا أبوية احلى رجل بالعالم
ابوجن طبعاً تحچن عنه هيج
لِچ خالة هذا أبوية هم جمال هم أناقة هم شخصية هم عقل شتريدين اكثر
ابوج يمشي ويصيحلي المربربة
صايرة مربربة صدگ شو بس اني من تزوجت نخرطت عافيتي
خليني اضعف
حلو عليج.
لا لا اضعف هدومي صارن ضيگات.
دخل الصاك مال العشيرة يتبسم.
غياهب: ها رماد شعندك توزع ابتسامات
رماد: شفت وحدة صاكة بوووية بووية تفلش
وجدان: وين عمران خلي يجي يلزم ابنه.
عمه وعلى تموت
غياهب: هاي من هسه هيج.
نزلت حنين تركض بس شافها طفر هوَ يركض و هيَّ تركض وراه مافهمنا
شكو خالتي صاحت بيهم وگفت حنين فحطانة.
حنين: فلك طررررك ابو النسوووان
رماد: تروحيلي فدوة و فدوات
انجب ادبسزز امس شعندك تباوع البنت بيت ابو عثمان
وين شفتيني؟
شفتك من السطح
هيَّ تباوعلي كسرت خاطري باوعتلها مالومها ما گدرت تقاوم جمالي.
خابصنااا والله عيونه ملونة و ابيض
غير امي چنها روسية و طلعت عليها.
و لا يگعد ابن الروسية
همزين ما طلعت على أبوية املح.
موتنا ضحك صاحت بي خالتي.
وجدان: ولك عمت عينك هذا اخوي المملوح صير مثله بالاول عمران هذا ابو الطول الحلو
رماد: هسه هاي حنين شكل وحدة اليوم خطوبتها خاب اخذج للتقاطع
اجدي بيج احسلي على الاقل احصلي كم فلس براسج
حنين: عمت عينك ابو النسوان
وا هوَ و حنين يتناكرون و تگله عيب و فشل لا تباوع البنات الجيران عيب من اهلهن.
حتى لو هنَّ سولك حركة و من هالسوالف يرد عليها و يگلها غير اخبل و البنات صايرة
عليَّ بالنعل عاد بالاخير ضوجها لزگتة بضربة على ظهره و شردت فوگ
اجه الوقت إلى اجهز بي توأمي و روحي من الدنيا دخلت علينا نيروز بملابس
الدوام جايبة فستانها وياها بدينا احنا الثلاثي نجهز. المكياج حنين ونيروز
اشتغلن عليه لان اني مو كلش افهم بي بس شعرها اني سويته وجر الوقت الى ان كملناها.
طلعت من يمهن متوجه اجهز نفسي و بطلب من حنين ما البس شي اسود
ولبست على ذوقها فستان لون احمر كملت لبسه وگفت أسوي شعري اليوم
من صدگ عندي واهس اجهز نفسي فرحانة الاختي و الدرغام إلى بمثابة اخوية و اعزه
برمت شعري من گدام قبلها سحبته زاد طوله عفته مفتوح. زدت كحل عيوني
رغم هنَّ طبيعتهن معروفة اخذت قلم حمرة رسمت شفايفي طلعت اشگ
علي گولت حنين لبست كعب طولة متوسط لان اني طويلة مو قصيرة اخر لمسة كانت العطر.
نزلت جوا اشوف اذا كلشي كامل عزمنا الجيران و اهل ارسلان و هالمرة بيبياتي
اثنينهن اجن و صديقات حنين بالدوام اما خالتي جوهرة ما اعرف منو يجي
من طرفها اهلها ناس و النعم منهم مادري ليش جدي يكرهم بدأت الناس تتجمع
و خالتي تتغزل بيَّ لان لابسة الوان، انشگ حلگي بضحكة من شفت عيالي دخلوا و وياهم ناز طالعة تخبل مثل الاميرات.
تقدمت خالتي ترحب بيهم اما غرام ما يحتاج احجي عنها حتى جلسات.
دتفيدها داحس بدأت تخلق بشخصيتها الثقة بالنفس باوعتلي فتحت عيونها الخضر مبتسمة همستلي.
غرام: ارسلان اذا يشوفج يموع.
قلبت عيوني العب بخصلات شعري.
غياهب: ايععع علوية اسكتي خلينا فرحانين
هههههههه اول مرة اشوفج لابسة هيج لون يموت و رسول الله
مو بجمالج علوية، فرحت لان جبتوا ناز وياكم.
اي ارسلان گال و حتى عمر اجه ويانا
لا تجيبين سيرته يم نيروز خليها ناسيته
ان شاء الله وين ام روح الحلوة.
فوگ تجهز بنفسها هيَّ ونيروز تعاي نصعد و جيبي ناز.
صعدنا و وناز ويانا هادئة كلش فتحت الباب ابتسمت حنين بشوفتهن
سلمت على غرام شافت ناز عيونها لمعت من جمالها راحت وگفت بصفها.
حنين: هلو ناز اني حنين.
بقت ناز ساكتة بس تباوعلها بعيونها إلى أشبه بالسماء الزرقاء رجعت تحجي وياها.
امم شوفي اني العروس اليوم طالعة حلوة او لا اريد رأيج انتِ ذني ذوقهن خايس و معفن.
كلنا واگفات منتظرين ردت فعلها بلهفة و اتقبلنا الخايسة حنين حتى غلط غلطت
علينا بس علمود انشوف ردت فعل ناز، اتقدمت الحنين لزمت شعرها بايدها و ارفت بالكلام بكلمات متقطعة.
ناز: ش، شعرج طويل
غياهب: انتِ هم شعرج حلو ناز.
بقت عيونها معلكة بشعر حنين رحت عليها اتقصدت الزمها اشوف ردت فعلها ارتاحيت اكثر مت شفتها تقبلت ملمسي الها.
تحبين اسوي شعرج مثلها.
هزت براسها ببرائة هيَّ جان شعرها مرفوع گعدتها على الكرسي فتحت شعرها
الي يجي النص ظهرها سحبته هم و رتبته الها وگفت تباوع النفسها
بالمراية مخلية ايديها على وجها مبتسمة باوعتلي مثل الطفلة إلى من نسويلها شي وتفرح بي.
ناز: ط. طلعت حلوة شوفي.
البنات بقن يتغزلن بيها و هيَّ فرحانة نزلنا كلنا جوا حتى حنين و اختي گوا لازمينها فالوت درجة اولى.
حنين: شوووفن لا عبالجن ما ارگص وعلى اذب لحم بس خلي نعقد اني و المزنجر.
لزمتها اثبتها مرعوصة هاي لا تفشلنا.
غياهب: اييي ايي من تعقدون مو هسه و تفشلينا.
اجت خالتي بايدها جهازي.
وجدان: ارسلان يتصل.
اخذته طلعت لان هوسة للصالة الثانية سديت الباب.
غياهب: ها عيني
ارسلان: جبت ناز
أي شفتها زين سويت
شنو وضعها
كلش فرحانة.
ماشي تعاي للحديقة اريد انطيج شغلة تخصها
اهااا و ليش مانطيتها من جبتها
نسيت.
والله انتَ ملعب ما بيك امان بس راح اجي.
طلعت من باب المطبخ لان ما اگدر اطلع مناك الزلم لزمت فستاني ضميت
السچينة لافتها بي، مشيت تقدمت بخطوات ادور على صخمان هبطني من صوفر من ورايَّ التفتت اله.
شبيكك جنك جني كمزتني.
بقى صافن الثواني گال.
ارسلان: احترگوا اجدادج بتيزاب و نفط
وانتَ وياهم بيبي
هن عيونج سود شكو مخلية كحل لو عيارة زايدة هاي
بكيفي
و هاي شنو مخلية لحلگج معجون طماطة
حمرة ايععع
شبيج جنج مطي ماكل رمان.
ارسسسلان.
اشاقة شبيج شحجيت هسه انا
وين الشغلة إلى گلتلي عليها
يا شغلة؟
عرفتك ملعب فخاف عبالك بس انتَ تلعبها صح.
طلعت السچينة من الفستان أشرتله عليها.
غياهب: بس تتقرب احطها بنص گلبك
ارسلان: برعة
شعبالك لعد العب وياك مثل ما تلعب ويايَّ.
شكلج ذكرني باغنية
يا اغنية و لو اني موكلش بالاغاني.
حورية والله مو بشر حورية. لمن شفتها هنا شسوت بي. أشر ناحية گلبه. ذوبتي گلبي بهل الحسن يا سمرة العين سودة.
و الشفايف حمرة. حني عليَّ يا حلوة جننتيني گلبج ما بقت حنية.
اني حنطاوية مو سمرة
لا سمرة
والله حنطاوية
سمرة
شگددد تعااند
شوف منو يحجي بالعناد
هسه شكو انتَ خليتني اجي
الاعرج ما يخلي شي بنفسه جان بنفسي اشوفج شنو لابسة و شطالعة.
الله ينطيك العقل ابني
أوف يمة.
ارسلان
حيلي
اكو ورقة وصلت البيت اهلي حنين حجتلي وبيها تهديد انتَ؟
أي انا و مو بس البيتكم حتى ببيوت عمامج خليتها
وين تريد توصل؟
الگلبج حبيبي.
انتَ الحجي وياك فارغ مجرد ضياع للوقت
خوش يله امشي ارجعي الناس جاي تجي
علي اتفاقنا
يا اتفاق؟
خزرته يتقصد يسوي هيج ويلعب باعصابي.
ابقى يم اهلي كم يوم
اي ابقي لازمج انا؟ و اشبعي منهم زين.
عفته و رجعت متنزفزة من بروده و اسلوبه راح انجلط من كمية البرود إلى عنده
وگفت من ذكرت گال اشبعي منهم زين شيقصد هذا؟ ما يحجي شي الا وراه مصيبة
رجعت لجوا گالوا راح يعقدون اخذنا حنين للمكان إلى راح يتم بي العقد اشرلي.
ابوية البس شال لان سيد راح يعقدلهم اخذت من خالتي حطيته على شعري وگفت أستمع الكلام السيد من بدأ يعقد.
حنين.
بلشت فقرات العقد و بعض الطقوس إلى تصير بالخطوبة عادات اهلنا
الرجفة احتلت جسمي من توتري غمضت عيوني اسيطر على نفسي
و اسمع للسيد يرتل بالايات گلبي يرگص بفرحته وراح يطلع من مكانه شعور
مختلط، خوف، قلق، توتر همستلي خالتي.
وجدان: بالثالثة أنطي الموافقة خالاتي.
بدأ السيد ياخذ وكالة الموافقة مني و من درغام و مثل ما گالت خالتي بالثالثة انطيته موافقتي.
حنين: نعم قبلت وانتَ وكيلي.
هلاهل صارت بكل مكان اعتلت الثواني رجع ياخذ وكالة الموافقة من سبع الهورة
ما گدرت أشوف شكله لان منزلة عيوني بس اسمع صوته طلعت موافقته
بنبرة خشنة مغلفتها السعادة ترجف فرحاً وأيقنت هل الرجفة ما جانت عادية رجفة حبه الي.
درغام: نعم انا درغام جابر قبلت بالزواج من حنين سلطان.
عجت الاصوات بالهلاهل للمرة الثانية و الجكليت أنطش علينا رجعت المكاني.
و الكل يتبارك بقيت مبتسمة كل ما اذكر رجفة صوته بعدها دخل علمود نلبس
الحلقات رفعت عيوني اباوعله لابس قاط كحلي و الساعة مزينة معصم ايده
بس مالابس الرباط لان ما يحبه عيونه تلمع بفرحتهن صار يمي مبتسم اتقدمت
غياهب بايدها الحلقات لبسنا الحلقات و اكيد ماتخلوا الرجفة من ايدينا بسبب سعادتنا قبل جبيني و همس.
درغام: عوض الصبر انتِ صبرت عليج وربي انطانياج.
ابتسمت بوجهه بهيج مواقف اصير فاهية ماعرف شحجي خالتي جوهرة تروح وتجي تبوس بينا التفتت اله.
حنين: درغام
درغام: ها يمريتي.
ابتسمت اكثر الكلامه.
شنو ما نرگص
نرگص ليش ما نرگص
عليك علي.؟
وعلي
يللله متحمسسةة أرگص
يعني راح تظهريلي فيفي عبدوا إلى بداخلج.
أي حبيبي
شگلتي.؟
حبيبي
انعل ابوج
وولك عووووفه الابوية لاااا اطلعللله هسه يطلگني منك.
مدلي ايده يضحك.
گومي بلائي سنين و انا انتظر هذا اليوم.
صاح الغياهب گاللها نريد نرگص عضت شفتها تگول ما تگعدون راحة انتم
نزع سترته انطاها الامه صرنا بالنص لان جنا بالصالة الجبيرة شغلوا اغاني
صرنا نهزززز هزززز هزززز اني وياه نضحك كل ضحكة منه نابعة من عمق قلبنا
كل ما يصير قريب مني يهمسلي بكلمات غزل تخلق بداخلي فراشات.
سحبني من ايدي حضني گدام الكل مقبل كتفي بهدوء، وسجل يا تاريخ اول خطوبة مابيها تس هيَّ خطوبتي.
اشتغلت اغنية بس هل المرة رومانسية بقى حاضني قبل صح جنت احضنه بس مو مثل شعور اليوم يختلف.
درغام: بلائي الجميل.
ها
انا اليوم كاشخ بحبج، سيدة گلبي صارت إلى متباهي بيج.
محاوط خصري احسه فاصل و ما مهتم للموجودين.
احبج اموت على ربج إلى خلقج الي
حتى اني
شنو انتِ
مثلك ههههههه
شنو مثلي.
گرصته بأيده
لا أتصير ابو درب
أريد اسمعها.
باوعت الغياهب كاتمة ابتسامتها و لان تصور بينا ف قريبة علينا ما استبعدها تسمع الحديثنا و اتاكدت من توقعي من گالت.
غياهب: دحچي يا عيني احچي الرجال سنين منتظرها.
رفعت ايديَّ محاوطة رقبته اتقربت اله مبتسمة.
باوع بعيوني
ليش انا شايف غيرهن ابوية شبهذلنا غيرهن
احبك.
أبتسم ابتسامة من خلالها ظهرت اسنانه غمض عيونه بس مالحگنا نفرح فرحة كاملة
و احنا انشوف غياهب إلى اتبدل لون بشرتها لازمة جبينها حاولت تنسحب.
بهدوء بس مالحگت وگعت مغمى عليها ابتعد درغام راكض عليها صارت هوسة
رفعها شايلها صحت وراه ينتظرني صعدت بسرعة غيرت ملابسي اختي وجها انگلب
كركم نزلت اركض خايفة بس عيوني بقت تدور من شفت درغام واگف وغياهب ماموجودة.
حنين: وين اختي درغام؟
درغام: خذاها رجلها گدامنا اصعدي نلحگهم ابوج هم وياهم.
صعدت وياه و اتسائل ليش وضعها هيج ماجان بيها شي وصلنا للمستشفى.
شفنا ابوية واگف و ارسلان إلى يفتر بقلق طلعت ممرضة بايدها فحص دم
من شفته زاد خوفي معقولة اكو شي خطر بقينا ننظر و رواحنا انتهت من الانتظار
طلعت الدكتورة گالت ماكو شي خطر بس ماحجت بالضبط شنو إلى بيها لازم الا التحليل يطلع
مرت الساعة و اجت الدكتورة بايدها التحليل.
الدكتورة: طلعت التحاليل.
اتقدم ارسلان اول واحد يسئلها.
ارسلان: اي دكتورة شبيها غياهب؟
باوعتلنا مبتسمة و صعقتنا بالخبر إلى دخلنا بحالة صدمة.
مبروك المريضة حامل.