رواية وتيرة الأعرج للكاتبة حوراء السعيدي الفصل السادس والعشرون

رواية وتيرة الأعرج للكاتبة حوراء السعيدي الفصل السادس والعشرون

غياهب.
بقى واگف يباوعلها طول بنظراته جيلان وجهه گام ينطي الوان الشي الي
خلانا نستغرب شلون واجهه يهاي الطريقة و هوَ مسحور.
كُميل: ماگدرتيلي بس گدرتيلي بهيج أشياء؟
عيونه نطت حمر تخوف الخال شگد ما اتشوفه يضحك ومرح من ينقلب يصير
اضرب من ارسلان شالها براشدي فر وجهه رجع لزمها وين إلى يوجهك موتهااا گتللل
و هوَ يسب بيها وامها تريده يعوفهاا ما تگدرله باوعت الغرام حسيت عاطفتها.

راح تدخلها خزرتها ما تتحرك من مكانها.
عافها وطلع بعد ما انطاها المقسوم وامها تضرب على راسها و تصيح
لان ضرب بنتها معناها السحر مو مال محبة و أكو شي غلط بالموضوع.
ام جيلان: يمهههه بنتي ماتت يمههه عسااا ايديكم تتكسررر
عمر: چا فوگ ما أنتن العايلات تدعن علينا صدگ ناس ماتستحي لا تخافين
الي مثل بنتج ما يصيرلها شي بس هذا درس العا علمود ما اتعيدها.
سحبت بنتها رادت تطلع صحت وراها.

غياهب: خاف ابالجن تشتكن و من هالكلاوات و تلعبن بذيلجن عندنا إلى ياخذجن الوره الشمس.
طلعن من بيتنا شفت عمر منزله راسه مثل إلى منحرج من فد شي باوعت الغرام
حجابها ماموجود و شعرها طالع أشرتلها بسرعة فهمتني سحبته لبسته خجلانة.
غرام: هسه عرفناه سحر بس شلون نعالج هذا الشي.
گالت مليكة وهيَّ تطلع بعبايتها.
مليكة: رجلج يردلج و انا هسه رايحة الواحد يعرف لهالسوالف
عمر: مليكة وين رايحة وحدج.!؟

ماني رايحة وحدي يا يمة رايحة الانسام و اخلي رجلها الياخذني.
راحت مليكة بقينا احنا واگفين غرام رجعت تبجي باوعلها عمر مبتسم بملامح كلها حماس.
عمر: علوية يعني راح يصير عندي ابن خال؟
ابتسمت من بين دموعها.
غرام: اي
مُبارك
الله يبارك بيج.
طلع من يمنا شفتها لازمة ببطنها طفرت من مكاني خايفة.
غياهب: گومي ارتاحي زين و عدت هيج بيج بخت هل النعلان ماسوتلج شي.
نومتها على چرباية مليكة و هيَّ على نفس الجرة بس تبجي.

ليش تبجين شي و انكشف.
طلع بدون ما يحجي شي حتى من عرف حامل با ابنه
غرام ترا مسحور اكيد ما يجيج بالاحضان لازم يتعالج بالاول اصبري.
هزت براسها عفتها ترتاح طلعت امشي بالبيت وحدي جان گلبي لاعب منها
و الحمدلله انكشف كلشي شلون الانسان يگدر يمشي بهيج اشياء
ما يخاف من اخرته حسبي الله و نعم الوكيل على كل شخص يمشي بهذا الدرب.
دخلت الغرفتي افترت عيوني فتحت حلگي شو هذا نايم؟ معقولة هذا العياط كله و نايم.

هاي لو اني افز من اول عيطة. لليل رجعت مليكة و گالت رايحة السيد و هنا اخذت جواب السؤالي.
مليكة: مسويتله علمود ينفر من مرته انطاني هذا ماي مقري عليه انرشه بكل الغرفة
بعد ما نغسلها و هدوم ابني كلها تنحرگ كلشي بالغرفة يتبدل وكُميل يروح يعالج نفسه.
سوينا مثل ما گالت مليكة غسلنا الغرفة اني وياها ماخلينا غرام تدخل ورشيناها
من المي إلى انطاها الها السيد، بس المشكلة كُميل صارله اسبوع و اكثر مختفي.

من ذاك اليوم بعد محد شاف اله أثر و هوَ لازم يروح يعالج نفسه السيد گايل نتلاحگ الموضوع.
بيوم گاعدة بالليل احجي ويا حنين و تبجي هاي حالتها من يوم حادثة الولد
اختي انزرع الرعب بداخلها لان قبل ماعبالها شغلهم بهل الخطورة و درغام و ارسلان
نهائياً ما يشاركون شي عن شغلهم بسبب إلى صار وياهم اخر مرة انجبروا يسولفون عن الحادث.
غياهب: حنين يعني شلون الرجال يترك شغله
حنين: والله خايفة مو بيدي.

حنونه اذا كل وحدة تخاف مثلج على زوجها و خطيبها لعد منو يبقى يحارب و يدافع
عن وطنه يا عيني گولي يا الله كلمن ويومه و ساعته من اول ما ينخلق مكتوب على جبينه
كلشي بحياته و بالعكس المفروض منج تكونين مساندته للي ديسوي شي يرفع الراس خليج سند اله مو ضده.
مسحت دموعها فاتحين كام اباوعلها صافنة هوَاني شنو إلى خلاني اضحي
غيركم انتم الاثنين لان جنت ادري راح توصلون الهل مرحلة من الحب و شگد.

راح يكون قوي ادري باختي صارت مو بس تحبه تموت عليه تتأذه قبل لا يتأذه تتمرض قبل لا يتمرض.
البارحة گتله لو اني لو شغلك
و خليتي بحيرة
اي و يگلي خيارج هذا نگعي و شربي مايه.
ما يلام بصراحة غلط و انتم الاثنين صعب يختار بينكم، نسيتي هذا حلمه
الي عاند بي هواية ناس ومنهم اهله علمود يحققه
ما نسيت شي بس ما اگدر ليش ما تفهمون، خايفة عليه والله اموت لو صارله شي.

اسم الله عليكم ان شاء الله مايصير غير إلى كاتبة رب العالمين.
رجعت تمسح بدموعها، ابتسمت شلون صايرة تحبه الملعونة.
حنين: غرام شلون صارت
غياهب: ماشي حالها بس بالها يم رجلها حتى بالشغل مديتواجد مختفي الرجال.
هسه احنا شبينا و لا وحدة بينا مرتاحة ليش حظنا هيج
اختبارات رب العالمين اذا أحب عبد ابتلاه
الحمدلله على كلشي.
حنين.
سديته من غياهب عيوني جمرت من البچي راسي صدع اتمنى يفهموني.

اني مشكلتي خايفة عليه ما توقعت نفسي بيوم احبه الهل درجة، اتصل عليه جاوبته امسح بدموعي.
حنين: ها دلغام
درغام: بلائيي انزلي للحديقة انا جوا
تمام.
طلعت غسلت وجهي نزلت ابوية و خالتي گاعدين الحمدلله ذني الايام وضعها
احسن طلعت بدون ما ينتبهون شفته واگف بجهة رفع راسه شافني فتح ايديه
رحتله اركض ذبيت نفسي بحضنه اشهگ بدموعي حاضنته.
درغام: هم بچت لِچ ابوية كافي بچي.
شديت بحضني اله حاضنته بكل قوتي.
حنين: لا تعوفني.

وين اعوفج حنيني يمج، هاي شگد طلعتي تحبيني ههههههه وين ضامة هذا الحب يا بعد روحي
احبك هواية
زين منو اكثر تحبينه انا لو ابوج
طبعاً ابوية، ابوية ماكو حب يتقارن بحبه و معزته
عبالي تگليلي انتَ
انتَ هم أحبك بس هذا ابوية
ادري ياروحي.
ابتعدت عنه گعد سحبني گعدني على رجله حاضني صافن بعيوني بهيام.
تدري اكو شي محير البعض
شنو؟
شلون جنت تميز بينا اني و غياهب دائماً يخربطون بينا و لليوم إلى ما يعرفنا يخربط بينا.

ابتسم ظهرن غمازاته رفع ايده يمشيها على خدي.
حابه تعرفين؟
اكيد.
الشامة، و عيونج الحادة.
ابتسمت الوصفة بس اي شامة يحجي عنها.
يا شامة؟
رفع عيونه لفوك للسماء يضحك ضحكت على ضحكته ضربته بكتفه.
گوووول اي شامة و ليش تضحك
يعني تريدين تعرفين
اي
خوش.
رفعني من خصري گعدني بمكانه و هوَ وگف گدامي بقت عيوني تباوعله
حك راسه نزل المستواية بدون ما افهم اي شي طبع قبلة جوا طرف شفتي.

بقيت كالصنم بمكاني ابتعد ورجع ببوسها مرة ثانية و هالمرة طول رجع ابتعد عني و وجهه بوجهي.
الشامة إلى بطرف شفتج دائماً أميزتج رغم نعومتها و صغرها بس اگدر اشوفها و اميزها.
رفعت ايدي لزمت مكان البوسة بايدي مبتسمة بس مو لان صار هذا الشي
فرحانة لان عرفت شنو إلى يميزني عن توأمي رجع مقرب وجهه الي.
ها چفوصي چنها عجبتج السالفة تحبين نجرب بعد انا بالخدمة المهم عندي فعل الخير.

دفعته عني كاتمة ضحكتي و بنفس الوقت وجهي مبوخ خجل.
لاااا كافي خلي اعمالك الخيرية الك.
سحبني الحضنه يضحك، هسه اذا ابوية يلگفنا شنسوي بالقندرة يركض ورانا.
بعد ما اريد اشوف دموعج
ان شاء الله.
باجر رايح الارسلان اشوفه تروحين ويايَّ
بس خليها بالليل علمود دوامي.
تدلل چفوصي
هسه اني شوگت مچفصة شبيكم ويايَّ
لا وين صدگ جذب عمي احنا إلى نچفص انتِ وينج وين التچفيص
اي والله مكرودة يا اني
عمتي شلون صارت
ذني الايام احسن.

ان شاء الله و يا الايام ترجع احسن و خلي ترجع تداوم
اي بابا هم گاللها
شلونه دوامج انتِ
حَلو.
امممم شكو ماكو بي
يعني شنو شكو ماكو قابل شبيه
اقصد الزملاء إلى بالدوام شلونهم
علي گد الشغل كلامي وياهم
عفية بمرتي.
ضحكت بصوت بعدني عنه يباوعلي مبتسم.
درغام: ليش تضحكين
حنين: ذكرت خالتي مرة سولفتلي تگول ابوج من غيرته عرض عليَّ مرة من كل عقله ابطل و كل شهر يگلها انطيج بگد راتبج.

هوَ انا بكلشي اشبه ابوج خوش طاحظنا يله حصلناجن
المهم بعد التعب حصلتوا إلى تتمنوه.
باسني بخدي.
احلى تعب و احلى شي تمنيته
وانتَ أحلى شي حصلته بحياتي
صح حنيني نسيت احجيلج انا حجيت ويا غياهب بخصوص علاقتها ويا ارسلان
شگالتلك.
حچى بالتسلسل الحديث إلى دار بينهم هم الاثنين عوجت حلگي ما مقتنعة.
وانتَ شنو رأيك
مو كلش اقتنعت الحجي بينا
مووتتني غياهب من ما تحچي
مو ندري من صغرها هيج شنو الجديد.

ماتشوفها شلون صارت بسبب كتمانها دمرت نفسها
الله كريم يله ادخلي جوا
ما تدخل؟
لا رايح المُجاهد
ما اله نية يتزوج
شايل الفكرة من باله شگد نحجي وياه
خاف يحب؟
ياريت بس وين كلشي ماكو مُجاهد ما مخلي وقت النفسه يرتاح حتى من الصغر
بضيم امه ورجلها ودراسته وبعدين بشغل و تدرين شكو شغل ياخذه
بس كون ما يصير بحياته وقت فراغ مايحب يتقرب الجنس حواء
اوف حرامات عاد شلون عندي وحدة تموت
ياهيَّ
صديقتي بالدوام اسمها انوار تخبل.

الله يحفظها چا ما اتمنى يتزوج و يستقر بحياته بس رافض شسوي ذاك على اتزوج و استقر بحياته.
بس والله هوَ صاك
راح اشگ حلگج
شبيك ترا مثل اخوية هوَ بس داقصد حرامات شاب مثله يضيع حياته هيج
شبيدي عليه الله يهدي
امين
يله گدامي نامي لا تسهرين عوفي الافلام و المسلسلات وراج دوام
تمام باجر انتظرك تجي تاخذني مو تعوفني وتروح
هه اعوفج؟ علمود تعرسين عليَّ.
ابتعذ عنه مشيت دزيتله بوسة بالهوا دخلت جوا انتبهلي ابوية.

سلطان: وين جنتي بابا.
صفنت اذا ابوية مافتح الباب لعد هذا اكيد مثل عادته يطفر من الباب.
حنين: هاا هذا شسمه درغام چان هنا
هاا چا ليش مادخل
راح المُجاهد.
هز براسه دحست روحي بنصهم هوَ و خالتي.
حنين: وجدانو شلون صرتي
وجدان: على الله
ونعم بالله شوفي حتى درغام يگلج داومي و غيري من نفسيتج
ان شاء لله ذني الايام ارجع.
بستها بخدها.
احبج.
گعدت يمهم نص ساعة وصعدت نمت الثاني يوم طلعت الدوامي مر اليوم مثل.

كل يوم بالدوام گعدت عندي استراحة اتصفح بالانستا شفت منتجات عناية
عارضينها حجزت بكج كامل ضحكت واني اشوف نفسي انطيتهم رقم درغام اختفت
ضحكتي من سمعت صوت مرة تصرخ طلعت شفتها گاعدة بالممر وتضرب
علي وجها تبجي الناس التمت عليها اجت انوار لزمتني من ايدي.
حنين: شبيها ليش هيج حالتها
انوار: بنتها اتوفت بالعملية
الله يساعد گلبها
العملية چانت صعبة بنتها مريضة قلب
الله يرحمها.

بقيت واگفة اباوع الحالها تگطع گلبي عليها الله لا يحرم احد مو ضناه لان صعب خسارته.
لليل اجاني درغام جهزت نفسي و طلعنا بنص الطريق واتصل عليه رقم فتح الصوت و يحجي وياه.
السلام عليكم
درغام: عليكم السلام اتفضل؟
اخوية الغالي انتم عندكم طلبية.
طبك حواجبه درغام بعدم فهم.
لا يمكن مشتبه ما موصي شي
العفو بس الرقم إلى حجزوا بي هوَ رقمك
خوية انا حتى وجهي اغسله بصابونة ام الرگي.

عضيت شفتي كاتمة ضحكتي اشرتله إلى خزرني و اتوقع لو بيده يشمرني من السيارة.
هاااا ايييييي ايييييييي هسه ذكرت هاااي البيت حاجزين منكم
ان شاء الله طلبكم باجر يوصل.
ان شاء الله خوية انتَ بس خابرني.
سده منه و لاحني بكفخة و گرصة واني فاطسة ضحك.
درغام: ليششش تنطين رفمي هاااي سوالفج ما تبطليهااا
حنين: غير زوجي و تدفعلي
ولچ مو على الدفع بس ليش ماگتيلي اتفشلت ويا الرجال
هسه وين يعرفك هوَ.

اخخخ من فصولج كل فصل اكبر من الثاني.
ضحكت وصلنا البيت اهل ارسلان ويا نزلتنا طبكت سيارة خالهم نزل منها
گدامنا سلم علينا دخلنا جوا هم مو مثلنا الزلم عندهم الها مكان وحدها و النسوان
هم وحدهن مانطيت خبر الغياهب دگيت الباب الداخلي طلعتلي غرام شگد تعبانة من شكلها ابتسمت بوجه بشوش ترحب بيَّ.
غرام: اهلاً و سهلاً
سلمت عليّها حاضنتها و تباركتلها على الحمل.
حنين: اكلج زوجج رجع لو بعده.
باوعتلي بحزن غيم ملامحها.

لا ماكو وخايفة عليه أرسلان يگول مايي شي بس يحتاج يبقى وحدة.
هههه هذا اجه هسه.
لمعت عيونها بالفرح و ضحكت.
عليج رسول الله
اي ورسول الله هسه من نزلنا نزل من سيارته ويانا.
حطت ايدها على گلبها عيونها مدمعة.
الحمدلله يا ربي
شنو وين اختي
يمكن يم ارسلان تفضلس اگعدي هسه اروح انطيها خبر.
هزيت براسي دخلت الصالتهم گعدت اباوعلها متأثثه بأرقى الاثاث و كلشي
بترتيب محطوط كمزت بمكاني على صوت غرام و هيَّ تصرخ.
غرام.

طلعت انطي خبر الغياهب بوجود حنين قبل لا تجي مسحت البيت بالصيف ما نفرش البيت
امشي مترهية و فرحانة كُميل رجع قاطع افكاري و اني اتزحلگ وگعت احس بظهري
انقسم قسمين من حلاة روحي و فرفحتها صرخت بعلو صوتي ما همتني نفسي
بكد ما همني طفلي نزلت دموعي النفس احسه صار صعب عليَّ من قوة الالم
علي أثر صوتي الكل طلع لزمتني غياهب و مليكة دخل كُميل من برا يركض.
مليكة: يمه صخام بوجهي وووولكم البنيه.

غياهب: خلونااا ناخذها للمستشفى.
بقت عيونه اتجاهي تمنيت بهل اللحظة يدخل بس بقى واگف مثل الضايع نزلت دموعي اكثر.
عمر: يمعوودين شبيكم مفهميننن شيلوهاااا.
همستلي غياهب باذني.
غياهب: تگدرين تمشين علوية.
شهگت من وجع ظهري و الوجع الصار ببطني.
غرام: م. مااگدر ظهررري موووتني.
أعتلت ملامح الحيرة وجها رجعت گالت.
اذا احد يجي يشيلج عادي؟
لاااا مو عادي شلووون يلزمنيي محررررم عليَّ اخخخخخ.

صرخت اخر جملة ميتة بالألم رادت تحجي اجه صوت كُميل يرجف.
كُميل: وخري غياهب گووومي جيبي عبايتها.
ابتعدت غياهب ركضت جابت عبايتي اخذها مني لبسانياها بدون ما يباوعلي
رفعني من الگاع طلع بيَّ يمشي سريع لحگتنا غياهب حطني بالسيارة صعدت
ويانا الطريق كله اتوسل بدعائي ما ريد شي يصير الطفلي والله هالطفل تعلقت بي و هوَ بعده ما جاي للدنيا.
وصلنا للمستشفى فتح الباب شالني و توسعت عيونه و هوَ يباوع المكاني.

درت وجهي شهگت بدموع و اني اشوف قطرات دم دخل للمستشفى
و على حظي الدكتورة دوامها خلص و ماقبلت تعالجني الا بعد ما صار نقاش حاد بينها وبين كُميل
دخلوني الها الالم اشبه بالطلوگ روحي داحسها تطلع مني على البطيئ بدأت بأجراءات الفحص.
غرام: دكتورة فدوة ابني عايش؟
الدكتورة: شنو سبب هذا وضعج
وگعت.
ما ادري شبقت اتسوي كتبت بورقة وطلبت ناخذ سونار رجعوا طلعوني.

ضربت ايد بايد منتهية راح اموت حولوني للسونار يتأكدون من الطفل
عايش او لا غياهب ويايَّ هوَ بقى بالخارج، لزمتني من ايدي تهدأ بيَّ.
غياهب: علوية أهدي ان شاء الله خير تفائلوا بالخير تجدوا.
غرام: خايفة
لا تخافين أهدي.
اجت البنيه إلى تاخذ سونار حطت مادة على مكان بطني وبقت تمشي
بالجهاز غمضت عيوني اطرافي ترجف ما فتحتهن الا لمن گالت.
لا تخافين الطفل عايش و بصحة جيدة.
ابتسمت بنص دموعي متناسية الم ظهري.

فدوة صدگ تحچين يعني مابي شي؟
بأحسن حال شوفي.
رفعت عيوني اباوع للجهاز غمضت عيوني احمد ربي رجعنا للدكتورة شافت التقرير
مال السونار و رجعوا يسولي فحوصات و اتاكدوا ما عندي كسر بس لازم ابقى
نايمة فترة لان إلى صار اذى جسمي و احتاج راحة علمود الطفل حسيت كلشي
صار معجزة يكون طفلي هيج متمسك بالحياة الوگعة إلى وكعتها مو بسيطة
بس رب العالمين ارحم بعبادة كتبتلنا العلاجات ورجعنا للبيت بنص الطريق.

نزل كُميل اشترى العلاج ورجع انطوني مسكن بالمستشفى الالم خف.
طول الطريق ساكت ماحجى شي گلبي اشتاق ال كُميل إلى اعرفه تعبت و اني داشوفه
بهيج وضع وبعيد عني دخل للبيت شايلني بين ايديه عيوني تباوعله الكل منتظر
خطية حتى حنين مارايحة منتظره غياهب و گفت تشرحلهم كلشي دخلني الغرفة
مليكة المخدة ناصية راح جاب مخدة ثانية حطها وره ظهري، تحسه
بدوامة حيرة يريد يتقدم بس اكو شي مانعه قبض ايده طابك حواجبه.

كُميل: راح اجيبلج ماي تشربين علاجج.
هزيت براسي طلع حطيت ايدي الترجف على بطني مبتسمة بتعب.
غرام: يا حبيب ماما خفت عليك بس انتَ مبين قوي من هسه مثل أبوك.
سكتت من شفته دخل بايده العلاج و گلاص مي گعد بصفي سحبت نفس
من عطره انطاني العلاج شربته صرت اكح ايده تسللت الظهري يمسد عليه بهدوء.
كُميل: على كيفج عيناي.
رجع ابتعد مكتفي بهل الجملة راد يطلع لزمت ايده مستوففته نزلت انظاره على مسكة ايدي لايده.

غرام: اذا مو الخاطري، الخاطر ابنك تعالج بس هالشي طالبته منك.
عفت ايده غمضت عيوني بقهر و الم من ظهري إلى نار مشتعلة بي دخلوا
يتحمدولي بالسلامة ماطولوا يمي بس ارسلان ما گدر بسبب وضعه الصحي
طلعوا كلهم بقت بس غياهب و حنين اترخصت گالت لازم يرجعون لان جاية هيَّ و خطيبها
رجعت غياهب حطت الجهاز گدامي باوعت هاي محادثتها ويا ارسلان لزمته.

انتبهت للرسائل كله صوتيات و كلام تهديدات من ارسلان بس اغلبها قديمة رفعت راسي.
غرام: شنو هذا
غياهب: غلسي على هذا التفخفخ مالته و التهديدات هاي من ما اجاوبه
يبقى يهدد علساس يخوفني بس هسه ماگدر يجي يسلم عليج و ماعنده رقمج دزلج
صوتية على جهازي و احنا نحجي وجع بس مو صوتية كتابة كتمت ضحكتي من كاتب الها.
ارسلان: يغربال لا تغلسين كم مرة ناهيج من هالسالفة.

فتحت غياهب الصوتية جان بيها سلام و يتحمدلي بالسلامة بطريقة
جداً لبقة و محترمة عكس كلامه وياها، لزمت راسها تتأفأف.
غياهب: اخخخخ يا گلبي
غرام: سلامة گلبج حبيبتي
تدرين مرات توصل ويايَّ اطلع رقم ابوية و اريد احجيله كلشي بس افكر
بالنتائج و أتراجع، افكر الساعات اذا ابوية بيوم من الايام عرف كلشي شنو ممكن يكون موقفي گدامه
ضحيتي انتِ يمكن يعذرونج و يتفهمونج.

ابوية عدوه الجذب و ماعلمنا نضم عليه من راح يعرف جذبت شنو شعوره؟
نزلت دموعها حاضنه نفسها و عيونها السود حمر.
غياهب مرات الحياة تجبرنا نسوي شغلات خارج ارادتنا.
مسحت دموعها شفتها ترجف.
شلون صرتي انتِ
المهم ابني بخير كلشي يهون
اوي عمري داحس ابنج يطلع واحد سربوت على گولة مليكة مثل ارسلان ايعععع
و يعيش ويا ارسلان لا هايهية من هسه ابنج معروف مستقبلج
هههههه ارسلان حباب بس اكو اشياء عاميته
سودة عليَّ كلش حباب.

شلون اثنين راسكم يابس.
وگفت رافعة حاجبها تعدل بشعرها.
غياهب: گلبي ما يبرد منه الا اضوگه المر إلى جرعته
يمكن الكلام مو وقته بس اثنينكم دتأذون بعض و هوَ يحبج غياهب.
أردفت بعصبية.
يا حب هذاااا ارسلان اتجرأ ومددددد ايده عليَّ، الحب موووو كااافي وينه الحب؟
من عررررفته لليوم بس الاذية شفتهااا منه عليمن اسااامحه؟ على تهديداته و جبري بهذا الزواج؟

لوووووو على فعلته بليلة زواجنااا لوووو فعلته وياااا اختي لوووو عليمن فهمينييي؟
سكتت لان حقها و انفعلت بالكلام وهذا دليل يوضح شگد متأذية منه وماكو شي
راح يشفع الارسلان يم غياهب طلعت من يمي دموعها على خدها اجت مليكة
اطمنت عني ونامت الليل مانمته من الالم الثاني يوم اجتنا انسام جهالها يموتون
علي غياهب رغم وكحين بس هيَّ تعرف شلون تتعامل وياهم من يجونت واحد بحضنها و الثاني لازم مشط يمشط بشعرها.

انسام: ولدي زاحفين على زوجة خالهم.
غياهب: يابه غير اني أموت محبوبة مو بيدي.
غمزتلها انسام و هيَّ تضحك.
دامج محبوبة هيج بلكي تلينين گلب أخوي.
قلبت عيونها غياهب ماعاجبها الكلام.
انسام مو اني احبج ليش تخليني اكرهج
خايبة والله ارسلان حنية العالم بگلبه بس ما يبين
حنيته على الناس مو عليَّ
انتِ لو تحركين نفسج و تتقربيله حتى إلى أباله يلغي
انتِ متأثرة بالافلام الهندية بيبي.

كلنا باوعنا على صوت واحد من جهال انسام حضن غياهب ويصيح لاااا.
انسام: ليش ماما خالو هذا
ما احبه.
سحبته غياهب الحضنها بوسته.
غياهب: اممم ليش ماتحبه مسويلك شي.
هز براسه اي.
شمسويلك.
من اثير وتح يدلي ابن التلب (من اصير وگح يگلي ابن الكلب)
ضحكنا كلنا على سوالفه هم صدگ وگحين يجفصون ببطن الواحد من يجون
النا ارسلان يبقى يصيح من وگاحتهم يدخلون الغرفته يطلعون اغراضه هذا يتخبل.

ما قبلت انسام تبقى يمنا رجعت البيتها جابت غياهب ناز يمي و الدكتورة مخابرة غياهب مغيرة اوقات جلساتها عن قبل.
غياهب: عمر راح يراجع اخر مراجعة
غرام: هذا الشهر مابقت مصيبة ما وگعت على راسنا
صوج ارسلان
شعلية؟
هاي صوج ذنوبه.
و لا تگعدين راحة، ولو اتعبج انطيني علاجي.
شربته باوعتلها تصفن.
كُميل موجود؟
لا بس سمعته يحجي ويا مليكة علمود العلاج إلى فهمته راح يحاول يتعالج.

السعادة استوطنت قلبي من عرفت أتمنيت فعلا يتعالج و يرجعلي مثل قبل
مرت أيام و ايام طويلة ما شايفته إلى عرفته ديتعالج مبتعد طالع من البيت.
الشغل كله على غياهب عمر اتحسن وضعه و رجع للشغل بالمعرض ناز ياخذها
عمر للجلسات و مرات غياهب وياهم من يرجعون يدخلون يحجون كل التفاصيل
الارسلان إلى هستوا بدأ وضعه يتحسن، ظهري احسن من قبل.
باحد الليالي.

شفت امي باحلامي گعدت فرحانة بس فرحتي بيها حزن من زمان ما شايفتها باحلامي
طلعت من الغرفة مال مليكة ظهري احسن صرت اگدر امشي باوعت للساعة
راح يأذن الفجر گعدت بالصالة شغلت التلفزيون نصيت الصوت شغلت دعاء صفنت بالفراغ إلى گدامي.
شگد حياتنا تغيرت بيوم من الايام حياتي جانت عبارة عن دراسة، شغل نوم بس هسه
كلشي تغير اليوم اني گاعدة و داخلي طفل الس اعتبرته معجزة من ربي.

مشتاقة الاختي متأكدة هسه هيَّ گلبها مثل نار گلبي. نزلت دموعي اندب بحظي
لا مثل البنات إلى حظروا فاتحة امهن و لا مثل البنات إلى عاشوا فرحة الزواج
من وحدة من خواتهم تتزوج، انگطع كل رابط بيني وبين اهلي بس اختي غير عنهم
بس اخاف بيوم اروحلها و زوجها ما يتقبل وجودي رغم هوَ انسان طيب بس البشر
هم يتغير مرات ننخدع بالبدايات و تظهر الوجوه الحقيقية بالمواقف تمددت على القنفة من رجع النعاس يحتلني.

غمضت عيوني بس ماغفيت على الاخير بعدني بوعيي اتجمد جسمي و زادت نبضات گلبي
من انطبعت قبلة بخدي، هذا هوَ اي اعرفه من عطره وملمسه بقيت مغمضة
عيوني انطبعت قبلة ثانية على خدي الثاني رجع باس عيوني بهدوء و هوَ يهمس بصوت تعبان.
كُميل: شگد بچت هالعيون شگد تعبتج انا فوگ تعب الدنيا عليج.
رفع ايدي باسها ويسولف بهمس.
علويتي.
رف گلبي على هالكلمة إلى من زمان ما سامعتها ضميت ابتسامتي من گال.

ام عيون التلمع ادري بيج گاعدة عيونج ترمش مثلي عدل عاد.
فتحت عيوني باوعتله بزعل.
غرام: ترا مايصير هيج؟
شنو؟
تكشفني بسرعة
البراءة إلى بيج تخليني اكشفج.
وين جنت هالفترة انتَ ليش ما تفكر بيَّ؟
وگف مادلي ايده بقيت اباوعله بدون ما افهم.
كُميل: گومي ويايَّ
غرام: وين؟
گومي و تعرفين.
لزمت بأيده وگفت طلعنا شو هذا اتوجه ناحية غرفة عمر دگ بابها مافتحه عمر.

رجع بدگ الى ان فتحه، عمر فاتح تك عين بسرعة درت وجهي متفشلة لان لابس بس شورت وكيمونه.
عمر: ها خالي شنو حالم بيَّ.
كُميل: حيوان اكو واحد يطلع هيج
چا شمدريني العلوية ويااك.
انچب و أدخل بدل وروح الغرفتنا
شسوي بغرفتكم و ليش اعوفن غرفتي؟
من اليوم انتَ تاخذ غرفتي و انا اخذ غرفتك
ما اريدها كلها سحورة نوب الكفلي سحر
تاكل تبن امي نظفتها من هل بس انا بعد ما اريدها نفسي طابت منها.

مااا اريدها گوا هيَّ، عرفتي ما اعوووفها
و الزهرة تاخذهاااا و تنام بيها.
اكو غرفة زايدة روح بيهااا اناااا شنوووو ذنبي تطلعوني من غررفتي
ما احب ذيج الغرفة تخنگ و صغيرة.
كوووون سيارة تلللفج يااا جيلان بنت الكلللب الله لاااا يوفقج هاااي دعوة واحد محروك گلبه من الفجرررية
هسه يله كافي شكثر تلغي دوختني
و غراضي شلون ترررا مو حالة هاي
اخذ بس فراشك باجر انقل اغراضك.
وغرفتك.

هم ما اريدها راح اتبرع بيها العائلة و اجيل جديدة
ما تتبرعون بيَّ هم و أفتك منكم
سددد بوزك و يلا فضهااا مرتي حامل ما تگدر توگف أكثر
عمت عيني الواضح مفعوله السحر سحوري تبخر
انجب.
دموعي تنزل من الضحك على محاورتهم درت وجهي دخل عمر يبدل وياخذ غراضه.
غرام: خطية ليش طلعته من غرفته
كُميل: ياخذ غرفتنا هم نفس المساحة و كافي عليه
لعد شبيها غرفتنا
ما اريدها.

طلع عمر يباوعلها ضايج والله عيب اخذنا غرفته وبهيج وقت على الاقل لو صابرين
لباجر مشى و هوَ يحجي بالاخير صاح گلت هسه يگعدون حسدناه عود هذا الهادئ.
عمر: الك الله يالفقيرررر الك الله يعميررررر يااااهوووو اجه وطيح حظظككك.
كُميل: ابن الطحال راح تگعد العالم النايمة.
دخلنا الغرفته كبل كُميل شال الفرشة المفروشة على الچرباية وطلع جديدة
ليش
خو ماتريدين ننام عليها
بس نظيفة
لا علويتي.

اتقدم رفعني حطني على الچرباية سحب حجابي من شعري يباوع بعيوني رجعت نفس النظرات إلى جنت مستفقدتها.
كُميل: راح احچيلج كلشي تسمعيني؟
اييي بس جعصت ابنا وخر شوية
هاا اسف.
ابتعد گعدنا واكد گبال الثاني لازم ايديَّ بايديه.
كُميل: بذيج الفترة إلى ابتعدت بيها عنج صرت ما اطيق وجودج و لا اهتم الشي
يخصج وصلت المرحلة عندي وجودج و غيابج نفس الشي ما يشكلن فارق بحياتي.

بس شي غريب بداخلي حسيت نفسي مثل اللعبة و اكو من يتحكم بيها ما جنت واعي
الشي غير الاحلام إلى جنت اشوفها، تجيني ساعات اريد اتقرب الج بس شي يمنعني متحكم بيَّ.
غرام: ردت تتزوج جيلان.
مو بوعيي كلشي سويته و حجيته بدون وعي ادري جرحتج بكلامي
و تصرفاتي جنت منطيج وعد عيونج ذني ماتنزل دمعة منهن بس نزلن و السبب
انا بس وغلاة عيونج عندي لو واعي للي سويته ما ابدلج بنسوان الكون كله انا عاشگج يا علوية
كلامك اذاني.

لو مگصوص الساني ولا حاچي ذاك الحچي.
ما جان ابالي ممكن جيلان اتسوي هيج لان اني وياك دورنا مالگينا
شي بس غياهب بقت مُصرة اكو شي غلط و بمساعدتها بالاخير انكشف كلشي
من رجعت من الدكتورة فرحانة اريد أنطيك خبر حملي بس انتَ صدمتني
ممنون الغياهب و الا سويت غلط اتندم عليه طول عمري
وين جنت مختفي.؟
قبل لا اعرف بسالفة جيلان گتلج تجيني احلام رحت الواحد گال مسوالك.

بس ما صدگته و بيوم ماعرفت سالفة جيلان حسيت الدنيا ضاگت بيَّ يمكن لو ما شايف
التصوير ما اقتنع بقيت بالشقة مالتي إلى جنتي بيها احتاجيت ابقى وحدي.
بس إلى عرفته انتَ دتجي هنا مرات بس مايقبلون اشوفة
انا طلبت منهم ما يخلون لقاء يجمعنا بين ما ارجع مثل قبل لان بقيت اتعالج يم سيد.
رفعت ايديَّ حضنت وجهه امسح بخفه علىَّ لحيته عيونه تعبانات حتى سواد صاير اسفلهن
اممم انتَ تعالجت لان گتلك الخاطر ابنك؟

باس جبيني و أردف.
تعالجت علموكم انتم الاثنين ما اريد اخسركم
كُميل
عيناي.
عضيت شفتي خجلانة شلون انطقها وجهي بوخ لان اني محاجيتها قبل شجعت نفسي اتجرأ.
اريد اگلك شي
اسمعج بكل أمتنان
شسمه
اممم شسمه بلا ابو شسمه
شنو تضحك عليَّ
لا عيب علوية شنو اضحك نوب تشورين بيَّ.
اي شوف
جاي اشوف و الزهرة
يعني اني
اخخ ربي شبيج انتِ.
سحبت نفس و گلبي دگاته مسموعة.
أحبك.

بسرعة غطيت وجهي ميتة بخجلي دگات گلبي صارت تتسابق صوته اختفى سحب ايديَّ من وجهي غمضت عيوني.
افتحي عيونج
ما
علوية بس افتحيهن
اخجل كُميل.
ضحك بقوا بسرعة فتحت عيوني حطيت ايدي على فمه امنع صوته فضحنا ورسول الله.
فضحتنا راح يگعدون.
أشرلي على ايدي وخرتها.
قبل كلشي علوية گليلي مسامحتك علمود ارتاح
مسامحتك تعرف ليش؟ لان موبوعيك
احبج و الزهرة.
رجع يبوس بوجهي و هوَ يتغزل بيَّ.
عاشگج ام العيون إلى التلمع.

گعدت الصبح على تحرشاته غطيت نفسي بالغطى.
غرام: يعني شلون ما تخلي الواحد نايم براحته
كُميل: تمبل نوم اگعدي تدريم بيش الساعة
شگد؟
ب 11 ساعة ويأذن الظهر.
طفرت من مكاني لزمني
ولج حامل انتِ حامل
نسيت
هسه ابني جوعان گومي اكلي.
رفعت حواجبي اباوعله.
يعني بس لان ابنك مو لان اني
بدت هرمونات الحمل
لعد شنو من هسه تفضله عليَّ
ولج مااا مفضلة يا حچاية ردي المكانج.
اتقربت اله حضنت ايده رمشت بعيوني.
كموله
شعندج؟
انتَ تحبني مو.

فوتي بالنظيف
سويلي اكل من ايدك انتَ
لا تتموعين
شنو أتموع
شبيج تجرين بالحجاية جر
قابل جديدة عليك هوَ كلامي هيج.
يصير ابوسج من تحجين
لا
حُضن اسلامي
لا هم عيب
اشتعللاا شعلان المشعووول
عليك الله منو شعلان تذكر اول مالتقينا هم جنت هيج تحجي
صديق ابوي واحد جلف اسمه شعلان مرة ضوجني گتله انعل ابوك شعلان المشعول صرت كل ما اضوج اسبه
يااا
ودعت عيونج إلى سبني سبي.
هههههههه
تضحك الفطيرة گومي نطلع.

طلعنا غسلت ودخلنا الهم كلهم گاعدين حتى عمر مارايح الشغله ارسلان بحضنه
حاسبته صارله كم يوم يطلع يگعد ويانا شافنا عمر خزرنا صاح بي خاله.
كُميل: شو تخزر؟
عمر: البارحة الاشباح تلعب فوگ راسي بغرفتكم
مليكة: لا تصير عيار مابيها شي بس گول اريدن غرفتي.
اي والله مليكة البارحة الفجر طلعوني من غرفتي فقير انا اللزمني ارسلان من يضوج
و گام يگتل بيَّ اللزمني خالي يغلط عليَّ و طلعني من غرفتي راح اهج منكم.

بعد روحي انعلك سلفة سلفاهم يرحولك فدوة
ارسلان: چا شبيه انا شو ماتگليلي هيج فالحة بس تتزعلين مني.
حچت غياهب كلنا سمعناها.
غياهب: هوَ انتَ منو يطيقك
ارسلان: سمعتج ترا
عادي بيبي و اذا سمعت
نعاااال بگصة سالم عوووفي كلمة بيبي
ريلاكس بيبي ريلاكس
صوووج ابوج المراهق
احتررم نفسك.
ادخل كُميل بينهم لان رادوا يتكافشون الا شوية
كُميل: و حريشي شبيكم مثل الفار و البزون.

ماتشوف بس المخازر بينهم گعد كُميل وسولف الاهله عن فترة العلاج الي
مر بيها لان جان مامسولفلهم بالتفاصيل سد ارسلان حاسبته و لازم يذبله سبرايز على گولته ويخلينا نصفن.
ارسلان: راح نرجع للعمارة.
باوعت الغياهب باوعتله بتك عين ردت عليه.
غياهب: اني ما اروح روح بس انتَ.
مارد عليها و لا انطى اهمية الكلامها حتى الولد ماعجبهم كلامه بسّ مثلاً من يحجون.

علساس يفيد ميفيد إلى براسه يسوي و ميخاف وهم يخافون يأذي غياهب لان من يفقد يفقد.
غياهب.
طلعت من بيت البيت متوجهه الاهلي بعد ما العلوية طمنتني رجع كلشي تمام
بينها هيَّ و الخال وگفت اشتري كم حاجة طبكت سيازتي على جهة خذت
الي اريده ورجعت داشغل بالسيارة ماحس غير ضربة قوية صارت اثرها انضرب
راسي لگدام بالستيرن على اثر ضربة من وره لزمت مكان الضربة نزلت اشوف.

منو هذا الله يطيح حظه صوج إلى مخلي يسوق نزل من السيارة ولد اشقراني اجه باتجاهي.
السلام عليكم كلش اعتذر منج بس جنت امشي سريع و ماسيطرت
لا والله؟
باوعلي فاتح عيونه متفاجئ من ردي باوعت الشكله مبين من اي طبقة و من طريقة لبسه و كلامه.
العفو بس أتوقع أعتذرت منج ما يحتاج الرد بأستهزاء
ترا انتَ الغلطان
ادري والله و جاهز لتصليح سيارة حضرتج
شكراً ما يحتاج بس مرة ثانية انتبه.
بس.
رفعت ايدي مقاطعة كلامه.

رجاءً بدون الحاح و اعتذارك مقبول
شو عصبية؟
استغفرلله لعد شتريد اصفگلك و اگلك رحم الله والديك لان ضربتني
براحتج بس شلون راح تسوقين وانتِ بهل الحالة
مابيَّ شي عيوني
اكرر اعتذاري الج شتحتاجين لا تترددين.
هزيت براسي رجعت السيارتي هيَّ ما تأذت كلش هسه اذا اروح الاهلي ابوية
راح يبقى يسئل غير هيج صاير عندي قلق من اسئلته رجعت للبيت اول
مادخلت عمر صار گدامي اتجحظت عيونه بأستغراب.
عمر: شبيج غياااهب؟ و ليششش رجعتي؟

جان يحجي بأهتمام استغربت من ردت فعله اول مرة هيج يصير بينا
غياهب: صار حادث بسيط ويايَّ بالطريق
بسسسسس ليشششش رجعتييي مااارحتييي الاهلج
خير عمر؟ ليش هالكلام.
عض اصبعه بغضب و احس الدنيا اتوقفت وهوَ يصدمني بجوابه.
ابوج
شبيه ابوية؟
ابوج صار عنده علم بكلشي
ما فهمت
ابوج صار عنده علم احنا منو و ليش ارسلان اتزوجج.
اتجحظت عيوني من جوابه درت بعيوني و المصيبةالكبرى أرسلان واگف و علامات.

الصدمة معتلية ملامحه اتقدم يمشي بخطوات هادئة وگف گدام عمر.
ارسلان: خفيت كلشي يخصنا شلون عرف؟ وانتِ شلون عرفت أبوها صار عنده علم؟
و هنا عمر خلانا صافنين بالجواب.
عمر: انا حجيتله كلشي.
توسعت عيون ارسلان اردف بتلعثم وعدم صدق.
ليش عمر؟
صار لازم يعرفون بنتهم ويامن عايشة و شنو متحملة.
رجع ارسلان لوره يستوعب فعلة اخوه.
وووولك ليشششش سوووووويت هيجججج عمررررر هذاااا انتقاااامك مني لانننن خسررررت نيروووز.

ماله علاقة انا سويت كل هذا علمود غياهب كااافي ياااا اخي ما مجبورررة تتحمل
و تتعاقب بشي مالهاااا ذنب بي تعبتتتت منك ولككك شووفهاااا ركزززز
بالتعب إلى بملامحهاتت ارسلان احنااااا موووور مجررمين و سيئين هيجج.
شهگت من ارسلان زرگ عمر ببوكس بنص وجهه رجع يضربه بالثاني ويصيح طلع الكل.
ارسلان: للمررررة الثانية تخررررررب كلشيييي وتغدرررررني.

عمر: وراح ابقى اخرررربه وووولك خووووية اصحى على رووحك كااافييي تدمرررر بيها
المجرمين هم سالم و عيااااش خذت حكك منه بقى بس سالم هوَ اهل بيته
ما رحمهم شتتوقعععع من هيج واحد نكسسس الباقين شعليهم.
دخل الخال يفاكك بينهم بس ارسلان تخبل وثار جنونه.
كُميل: ووولك ارسلان عووووف اخرووك.
دفعه من عمر صار بنصهم كمزت من مكاني نزلت دموعي بضعف من باب البيت صار
يندك بقوا مخيفة هايهية غياهب انتهى كلشي ماكر مجال بعد للجذب.

ولا تضمين شي عرفوا كلشي اهلج بس شلون راح اواجه ابوية راح الخال فتح
الباب كلشي بجهة و ابوية بجهة ثانية، فز گلبي برعب من سمعت صوت ابوية
اي هاي النبرة إلى كافلة ترعبني وتخليني ارجف دخلوا علينا هوَ و درغام
الشر بعيونه تنگط غضب توزعت نظرراتهم بيني وبين ارسلان.
غياهب: بابا بس خليني افهم.
ماخلاني اكمل كلامي رفع ايده بمعنى اسكت.
سلطان: حسابج راح يكون بعدين لا تستعجلين عندج وقت الكلشي.

نزلت دموعي اكثر و اني اشوفه اتقدم باتجاه ارسلان الواگف ملامحه
ما تقل عنهم بالغضب و الشر حط ايده وره ظهره يباوعله.
سلطان: هااا يالنسيب او ها يا عدونا المخفي بيا واحد تحب اصيحلك، چا هيج تجازي الامانة إلى اسلمها الك.
التفت إلى نزلت دموعي اكثر بغزارة بشعور مُتعب بألم وكلامه الشگ گلبي
بناتي ربيتهن بماي عيني جبت عمري تعبان و اتعب عليهن، اذا ينجرح اصبع.

وحدة منهن گلبي يتأذه وياهن، سلمت حنين الدرغام لان واثق المنو منطي
و سلمتك غياهب و لاول مرة ثقتي تخوني و تخليني اختار غلط بيوم من الايام
گتلك تداريها مثل ماتداري عيونك بنتي امانة عندك هوَ هذا حفاظك على الامانة ارسلان فاررررروووووق؟
انتقامك؟ انتَ تدرررري شگد صارلنااا ندوررر عليكم ياااا عائلة حسين
بس ردت خيط وصل يوصلني الكم وجنت مستعد إلى تطلبونا يجرالكك.

ثاريكم طلعتوا بنص ناسي وجنت غشيم بيكم غدرررتني ارسلان غدررررتني.
رجع اتقدم إلى بعيون كلها نظرات خيبة مني لزم ايدي تلمس مكان اظفري إلى شلعه ارسلان.
سلطان: هوَ إلى سوا بيج هيج مو؟ اقلتاً لا تجذبين هسه.
عيوني تتابع نظرات ارسلان ناحيتنا نزلت دمعة مني عيوني شگد عاتبته بهل الدقيقة.
غياهب: اي هوَ
وجرح گصتج إلى شفته بالمستشفى؟
هم هوَ بس بدون قصد
والجرح هذا هسه.
أشر على جرح الحادث إلى صار قبل ساعة.

صار حادث قبل ساعة واني بطريقي الكم
مد ايده عليج غير ذني؟
اي مرة.
حسيت نفسي مجرمة وتحت التحقيق و فعلاً جان اشبه بالتحقيق ما اگدر
انكر شي هز براسه ابوية رجع يم ارسلان شهگت فاتحة عيوني من ابوية بكل قوووته ضرررررب ارسلان.
سلطان: الايد إلى تنمد على بنااااتي ابتررررها ومااااا اهتم حسابي وياااك
ما خلص و بنتي دقيقة مااا تبقى هناااا اذا عندك انتقااام زلم مووووجودة.

و اخذ ثأرك منها سحبني ابوية من ايدي كل هذا و ارسلان ساكت ردنا نطلع
و انسحبت من ايدي الثانية انجريت من ايد ابوووية جان ارسلان عاااط بي درغام.
درغام: ارسسسلان شجاااييي اتسويييي.
ارسلان: غياهب ماتخطي خطوة من بيتي لازم نسيتوا هيَّ مررتي شرعاً و قانوناً
ووولك احناااا لووووو ندري هاااي حقيقتك بحياااتنا ماااا سلمناها
الك ووووولك انتَ غدددرتناااا يا حسافة عديتك صااااحب و اخو.
همست بصوت مختنگ.

غياهب: عوفني ارسلان
ارسلان: لااااااا.
سلطان: انتَ تزوجتهاااا علمود انتقاااامك و هسه انتقااامك اخذه من عندنا احناااا هيَّ مالهااا علاقة
ارسلان: منووووووو گال بس علموورود انتقاااامي؟ مثلاً اناااا غبي اتزوجهاااا بس علمود انتقاااامي.
حك ارنبة انفه بطرف اصبعه و حچى بكل ثقة.
ارسلان: غياهب ما تطلع منا وروحوا اشتكوا وشتسووون سوووا مرتي ماتطلعععع من البيت.

كُميل: ارسلان عوف البنيه تروح ويا ابوهااا بعدين نحل كلشي.
رجع عاط بصوته رج البيت رج.
گتللللكم غياااااهب مااااتطلعععع من البيت
چا كمل معروفة و احجيلهم عن عمايلك دامهم عرفوا كلشي.
اردف ابوية بنبرة ساخرة.
سلطان: لازم بعد اكو شغلات مانعرفها
ارسلان: انطيهن الكم كلهن جكة وحدة.
اي شو احجي يا نسيبي.
دار بعيونه يباوعلي بلع ريگ و نظراته تتوسلي بس الشنو بالضبط؟

ارسلان: انا إلى بذاك اليوم صوبت حنين بس ما جانت مقصودة و لا حتى
ابالي إلى ابالي جان غير، نفسي إلى حرگت محاات عياش.
نطت عيون درغام هجم على ارسلان من قوة الضربة إلى انطاها اله ارتديت
لوره لزمت بالحاط راح اموت گلبي راح يوگف من هل المواجهة.
درغام: هذاااا انتَ يااااا كللب اشهررررر و اشهررررر ادوررر عليك طلعتتتت بصفي و اناااا أدور عليك ولكك انتَ غدارررر.
ارسلان: سهلتها الك هسه ما انتعبك اكثر.

عافهم ابوية إلى عيونه صارت بگصته بدون ما يحجي شي لزمني من ايدي.
سلطان: اريد احجي وياج وحدنا.
هزيت براسي رحنا للصالة سد الباب ملامحه مو نفسها منطيني ظهره.
غياهب: الله يخليك بس اسمعني بابا بعدها اتصرف مثل ما اتريد و غلاتك انجبرت على كلشي سويته.
اتوقفت عقارب الساعة و دخلت بحالة صدمة و اني اشوفه ضربني؟
مد ايده عليَّ لاول مرة بحياته توسعت عيوني اريد استوعب إلى صار ابوية ضربني اني غياهب نظر عينه؟

ليششش غياااهب ليششش كل هالفترة تغشين بيَّ جنت مثل الغبيييي
و گلبي متشعووووط على افعاااال ابوي و عمي وانتَ طلعتي تعررررفين كلشي
وجنتِ تمثلين وين الثقة إلى بينا؟ عااااايشة ويااا شخص يخطط الدمار
عائلتج وتدرين بكل افعاله وساااكتة معقولة انتِ بنتي إلى ربيتها؟ بهل الايدين.
كلامه جان كافل ينهيني بس ليش محد فكر كل هذا سويته و تضحياتي جانت علمودهم؟
ما ردت احجي شي گدامهم ماردت اكسرج كدامهم بكلامي.

اردفت من بين غصتي مختنگة.
بابا
لااا تگولين بابا.
كلامه جان هواية ثكيل عليَّ ادري بنفسي غلطت بس مجبورة ننجبر نسوي
أشياء غصباً عنه من ننلزم من الايد التوجعنا جذاب إلى يگول ما اسوي شي لو بيوم
الزمت من الايد التوجعني الكلام سهل بس الفعل صعب محد راح يحيس بشعوري
ولا بشعور شلون كل يوم جنت اعيشه و اني ويا ارسلان رفعت عيوني اله رمشت بهدوء.

شنو إلى اتريده بابا شنو الس يريحك سوي ماعندي شي ادافع بي عن نفسي هاي الحقيقية كلها.
نظرلي بنظرات خنگتني عصرت گلبي عصر اصعب شي اشوفه نظرلت
الخيبة بعيونه ومني راد يطلع التفت إلى و عيونه مدمعة
سلطان: ديربالج على نفسج راح اسوي كلشي واخلصج منه بس خليج
قوية بس اتذكري انتِ خذلتي ابوج وهالشي غير مسامحه عليه.
طلع تاركني وحدي بضيمي و قهري بكسرتي و اذيتي وگعت بالگاع على.

ركبي نار بصدري دخلتلي العلوية لزمتني تمسح بدموعي
غرام: غياهب فدوة لا تبچين ينحل كلشي.
غياهب: خذلت ابوية جازيته بالخذلان
ما راح يبقى زعلان صدگيني ابوج انسان متفهم و يحبج يجي يوم و يسامحج
علي كلشي هسه محد يگدر يلومه كشف هيج حقيقة اذته و من حقه ياخذ موقف.
مسحت دموعي وگفت ارجف ما گدرت اسيطر على نفسي اجتني النوبة صرت
اشهگ بالنفس وارجف برعب راحت غرام تصيح للولد دخل ارسلان يركض اخذني.

من ايديها عيونه اتحولت على خدي يمكن جان اكو أثر من ضربة ابوية.
ارسلان: اطلعوا براا
كُميل: شتمسلللت انتَ شووووف البنيه الله لاااااا يوفقك ارسلان دمرتهاااااا.
گلللت اطلعوووووا بررررررا.
طلعوا الكل بقينا اني وياه حاضني الصدره يمسح بدموعي بايدين يرجفن اميز دگات گلبه اردف بصوت هامس.
عزيزة عيوني
بدأ جسمي يموت من تجيني هالحالة جسمي كله ينتهي ماعندي الحيل احرك بي اصبعي يمسد على شعري.

رجع يحجي بنبرة ترجف رجيف وصوت مخنوگ.
شلون أعوفج بس گليلي و انا روحي متعلگة بيج .
غمضت عيوني و ذاكرتي تستعيد بكلام ابوية نزلت دموعي بهدوء تحرگ بخدي
رفعني من مكاني اخذني الغرفتنا بملامح حزينة مو مال شخص فرحان
علي اذية غيره رجع مسح دموعي بابهام اصبعه عض شفته عيونه مدمعة.
ارسلان: حتى لو احجي ما راح تفهموني الكل ضدي حتى اخوي ما فرحان
علي السواه ابوج وياج ادري بيج نجرحتي من إلى صار غياهب انا طول عمري.

ضايع مالگيت إلى يدليني و يلمني جوا جناحه، تعبان اضعاف من تعبج وحگ لوعة گلبي على أهلي
عمضت عيوني واني اسمعله استسلمت للظلام خسرت كلشي اخر مل تبقى
هم اهلي وخسرتهم، ثلاث ايام مرت ما شفت اي اتصال منهم و لا اني إلى اگدر
اتصل ساجنة نفسي بالغرفة ما احجي ويا احد ارسلان ما يدخل للغرفة بس
بوقت نومته بدون ما يحجي حرف ويايَّ انفتح الباب باوعتله ببرد عيونه دم ضرب الميز بقوا.

ارسلان: ابووووج يرررريد ياخذج بالقااانون
غياهب: شتريد انتَ؟
محددد ياااخذج منييي افهميييي هالشي.
تمام
ليش تحچين ببرود؟
ما اهتم لاي شي بعد دام انكشف كلشي.
لزمني من ايدي مگومني من مكاني.
گووومي غياااهب مااا لازم تبقين هناا
لا تتخبل ارسسلان.
سحبني من ايدي وگفني بصفه طلع جنط طلع ملابسنا يحطهن بالجنط بعبث وهوَ يردد محد ياخذج مني
وين رايحين؟
لأي مكان.
وگف بطوله گدامي حضن وجهي عيونه تتمهن بتفاصيل وجهي التعبان.

لا تعوفيني
يجي يوم و كل واحد بينا يروح بطريقة.
ابتعد عني لوره ابتسم بخفه.
طريقنا واحد حضرة المحامية مايصير طريقين
يصير و يجي اليوم إلى راح اذكرك بي
غيري ملابسج طالع.
طلع گعدت و كلشي ميت بيَّ روحي جاي تموت على البطيئ لا اهل إلى لموني
و لا الدنيا رحمتني وريحت گلبي بيوم بدلت طلعت ماكو احد بس مليكة وغرام
الخال و عمر بشغلهم منو تگدر تحاجي وتقنعه زلم ما قنعوه تقنعه نسوان.

ودعتهم طلعت وياه ما اعرف وين بالضبط رايحين و لا اهتميت صرت ما اهتم
لاي شي من اليوم إلى انفضح بي كلشي هسه لو يلزموني و يموتوني
هم ما اهتم ادري بمشاكله ويا اهلي راح تكثر اخذ جهازي كسره ما انطيت
ردت فعل نزل عليَّ برود و هدوء ماجان عندي من قبل.
طلع بطريق ما شايفته بحياتي بس إلى اتاكدت هذا مو طريق العمارة إلى رحنا بي.
ارسلان: ما سئلتي هواية هل المرة
غياهب: ما يهمني.

وصلنا للمكان باوعت بأستغراب وين احنا؟ أشرلي امشي دخلت جوا المكان
تعبان خررررابة اكثر من البيت إلى رحناله بالعمارة حط الجنطة وكف يم الشباك يدخن وگفت بالجهة الثانية مكتفة ايديَّ.
غياهب: اي وين راح نوصل بعد
ارسلان: للمريخ
جيد
شدد صايرة تحچين مثلي
مثلاً الكلمة إلى انتَ تحچيها بس انتَ حاچيهاا؟
ههههههههه
ما حجيت شي يضحك.
يگولون إلى يضحكله متعوب تضحكله الدنيا
لا تخاف الدنيا جابت عمرها تكفخ بيَّ ماراح تضحكلي بيوم.

نفخ الدخان بوجهي صرت اگح.
الله يااااخذك
وياخذج ويايَّ على الواهس لان ما اگدر بدونج
منتظره اليوم إلى راح اتحرر من سجنك.
راد يتقرب إلى اكثر اشرتله بايدي.
لا تتقرب
ادري تلعب نفسج مني
لعد شكو تقترب؟
بلع ريگ و هوَ يباوعلي.
ما ادري
لا تتقرب الف مرررة گتلك لاااا تتقربلي ما احب افهككك هالشي واااحد يقررررف منك شكوووو تتقربله.
سحگ الجكارة بحذائه وطلع ردت اطلع قفل الباب رجعت گعدت شنو حال اهلي.

هسه ابوية گال راح اخلصج منه بس ماشفته بعد رجع دخل للحمام يسبح جان جهازه
مخلي ويا اغراضه ساعته و فلوسه على الميز بس لو اسمع صوت اختي لو ابوية كلش
كافي بس اريح گلبي سحبت جهازه ابلعم من خوفي مشيت على أطراف
اصابعي لان هو طبيعته يطول من يدخل للحمام دخلت للغرفة سديت الباب
فتحت الجهاز مخلي رمز ضربت جبيني شسوي ياربي.
صرت اجرب رموز ماكو بقيت الدقائق افكر اعرف تاريخ ميلاده دكيته انفتح.

بسرعة ابتسمت بنص توتري دخلت على الارقام ما اگدر اتصل بابوية لان مستحيل
يرد عليه و حنين مادري اذا صار عندها علم كتبت بالقائمة مال الارقام اسمها ماكو.
رقمها ما حافظته اختنگت بهل اللحظة احس الدنيا غلقت كل ابوابها بوجهي
خصوصاً بعد ما شفت نفسي وصلت مرحلة اتحسر على شوفه اهلي و اسمع
صوتهم نزلت دمعتي مسحتها و اني اهمس بيني وبين نفسي
خليج قوية غياهب مو وگت تضعفين گدامج هواية بعد.

الثواني ذكرت هوَ يسميها ام روح الحلوة كتبت الاسم بالبحث و اگول معقولة يكتب هيج.
شنو هل التفكير بس طلعت غلطانة مجرد كتبت الاسم طلعلي الرقم بالجهات حافظة
نهايته اتصلت و دگات گلبي تتساوع ردي فدوة حنين بس جاوبيني اسمع صوتج
طولت وهيَّ ما أترد هستوا الخط انفتح، سرت رجفة خوف بجسمي
و اني اشوف الباب مال الغرفة انفتح صوت حنيم تگول الو أشرلي بأصبعه بمعنى.

اسكتي اتقدم بعيون مغضبة سحب الجهاز مني طبكة بوجه حنين كمزت بمكاني
من ضرب الجهاز بالحايط اتفلش دفعني على الحايط و عيونه يتطاير منهم الشرار انفاسي اتسارعت وجسمي يرجف صار.