رواية وتيرة الأعرج للكاتبة حوراء السعيدي الفصل السادس والأربعون
غرام.
فتحت عيوني بهدوء بقت تفتر حول المكان بهدوء هاي المستشفى الدقائق فاقدة
بخصوص اخر مرة شصار؟ شوصلني الهذا الحال بس ما طولت و اني
أسترجع اخر لحظات من اللي صار، أنفتح الباب دخل كُميل يخابر رفع
عيونه انتبه إلى راجعة صاحية وگف قريب مني غلق الاتصال ما ادري ويامن چان يحجي گعد بصفي.
كُميل: شلون صرتي؟
غرام: لا تسئلوني شلوني.
درت وجهي عنه للجهة الثانية و حررت دموعي، وجع بگلبي ماله علاج.
امي ماتت و ما شفتها و لا شبعت منها و هسه أبوية.
الله يرحمه علوية هيَّ هاي الدنيا.
رديت من بين دموعي مختنگة بغصتي.
الحمدلله على كل حال الله يرحمه.
مسحت دموعي بايدي و يرجعن ينزلن رجعت اباوعله و ادري بالجواب بس ما ادري ليش سئلت.
اريد اروح للفاتحة.
باوعلي بنظرات حيرة مسح وجهه لزم ايدي يطبطب عليها.
الفاتحة بيت عمامج، مو بيت اختج لو ابيتها جان خذيتج ما اتردد بتفكيري بس عند عمامج.
يعني ما أروح؟
ذب حسرة.
ما اگدر أخذج هناك نرجع للبيت و نصليله نقراله القران، الميت يريد من عندنا
هل الاشياء تخفف عنه ابچي ما أمنعج و لا أحد راح يمنعج.
شهگت بدموعي مقهورة.
و اختي؟ تبقى وحدها.
اسغفرلله ياربي، ترجع البيتها و بعيوني اخذج.
نزلت دموعي أكثر مكسورة شنو هالظلم و القساوة حتى فاتحته ما اگدر اروحلها
و أنحرمت منها مثلها مثل فاتحة أمي اخخ يا گلبي شتتحمل بعد، طلعنا من المستشفى.
و روحي ميتة دخلنا للبيت و صوت سراج يصرخ فز گلبي على صوت أبني
المفرفح اسرعت بخطواتي و دخلت جوا، جانت نيروز واگفة شايلته تحاول تسكته
و هوَ وجهه مگلوب دم من البجب مجرد شافني صار يرفرف يريد يذب
بروحه إلى اخذته منها گعدت بالگاع حاضنته الصدري و دموعي تنزل ويا دموعه.
غرام: يا روح أمك اجيتك اني لا تبجي.
نيروز: البقاء لله علوية.
رفعت بانظاري الها، اكثر كلمة ثكيلة على البشر من يتعزه بأحبابه و تنگاله هالكلمات.
حياتج الباقية.
دخلن مليكة و ناز يباوعلي بحزن و تعاطف عزني عفتهم اخذت ابني
و طلعت من مكاني دخلت الغرفتي نزعت عبايتي جسمي منتهي گلبي يأذيني
باوعت الابني الوجه و العيون حمر من البچي و الشهگة بصدره، دخلت
مليكة گعدت بصفي ايدها تمسد على ظهري بحنية مثل عادتها.
مليكة: أدري بيج مكسورة يا يمة.
بچيت اكثر بصوت مسموع ما اگدر أكتم.
غرام: هواية مكسورة مو شوية.
يروحون فدوة هم و شواربهم و عكلهم لدموعج.
خالة انحرمت من الاثنين ما اروح الفواتحهم بياااا ذنب.
ارتاحي چم يوم و بعيونه ناخذج الاهلج اغدي فدوة الوجهج.
رفعت راسي الها ما مصدگة كلامها.
صدگ؟ تاخذوني عليج رسول الله.
هزت براسها مأكدتلي كلامها طلعت، رضعت سراج و نومته دخلت للحمام
اسبح دموعي أختلطت ويا المي إلى دينزل مدا اگدر أعدي اللي صار رغم
أذيتهم الي، غمضت عيوني مرجعني شريط حياتي للايام السود إلى عشتها هناك.
شيصير لو بذاك اليوم ما سوا فعلته؟ چان ما خسرت هالگد
و لا تعذبت
بيوم و لا صار إلى صار اتأخرت بالحمام و اني الذكريات محاوطتني اختنگت بدموعي فزيت من اندگ الباب.
كُميل: علوية كاافي أطللعي.
سديت المي لبست ملابسي طلعت شفته واگف وحدة منطيني ظهره دار بجسمه اجه يمشي وگف گدامي حاضن وجهي.
لا تبقين تعزلين بنفسج انا يمج.
نصلي؟
ما دافنينه خابرت فواز رجل سوزان يگول بعدهم.
أختنت اكثر بهل الليلة أحتضني الحضنه بس عيني ما غفت و لا شافت النوم
من ايشوفني گاعدة يبقى گاعد الثاني يوم بقيت بفراشي دموعي ماوگفت
الليل كله احسهن جمرن راسي صدع دوام ما داومت ابني بس من يجوع أقربه الي.
اتأكدنا من دفنه صليناله صلاة الوحشة إلى بالبيت كلهم صلوله عزلت نفسي
وحدي اقراله قران، و صارت عادتي بهذا الشي كل يوم افتح القران و اقراله.
حمدت ربي لان بريته الذمة و سامحته ما اريد يتعذب بسببي، بس لا زالت الكسرة
بيَّ خابرت سوزان روحي مفرفحة عليها اجاني صوتها منتهي من الصياح گوا تحجي.
سوزان: شلونج غرام.
شهگت مهضومة من كلشي بالدنيا.
غرام: مقهورة سوزان مهضومة ما اجيت للفاتحة
سودة عليَّ عساها بحظهم و بختهم.
ردت اجي بس ما گدرت لان الفاتحة عند عمامي ولچ والله نار بگلبي بسببهم انحرمت من الاثنين.
ردت الفاتحة بيتي بس محد قبل هسه طلعت محنتهم و لاجنهم نفسهم
الي ذبوا و شمروا يمي من تمرض لاهم و لا نسوانهم رادوا.
تحچي و گلبهاا محترگ حررگ، همست بصوت مختنگة.
سوزان تعبانة محتاجة الحضنج
محتاجتج أكثر
مليكة وعدتني گالت ناخذج الاهلج
انتظري للأربعين و تعاي و اشوف زلمه يفك حلگه وياج الا اگطع النعال عليهم.
اني حتى امي ما رايحتلها ردت اروح بس الحياة ما منطيتني مجال يوميااا مصيبة.
بالاربعين انروح سوا.
بقت تصبر بيَّ و تبچي حالتي ماتقل عن حالتها سديته منها حاضنه نفسي.
بدأت الايام تمشي يوم بعد يوم حالتي مثل ما هيَّ ذكراهم بقى غصة بگلبي
شسويت من ماتوا كلشي ما سويت انسلب مني حتى هذا الحق و ما رحت
و لا ساعدت اختي ماوگفتلها ماسندتها بهيج مصيبة، ارسلان اجانا مرة
وحدة علمودي تعذرلي نيابةً عن غياهب لان البنيه حالتها تعبانة بسبب حملها.
فد مرة تعبت و كل يوم مغذيات عايشة عليهن بحيث ارسلان يشيلها شيل للمستشفى و هوَ روحه متلوعة عليها.
كُميل ما عايفني يحاول بكل الطرق يخفف عني بس ماكو شي يگدر
الم جرحك و هوَ جديد، داومت لان ما اگدر اغيب أكثر حتى تركيزي بالمحاضرات
مو ذاك التركيز بس مجبورة، بيوم دخلوا علينا ارسلان و غياهب إلى بايدها الكانولا.
و ملعوب بحالها لعب هل الحمل متعبها كلش بحيث الاكله إلى تاكلها تستفرغها ما تستقر بمعدتها حضنتني تتعذر مني.
غياهب: اسفة لان اجيت متأخرة بس وضعي جان ما يسمح
غرام: معذورة حبيبتي شلونج انتِ
تعب بتعب و الحمدلله
الله يساعدج.
گعدنا بالصالة كلنا من زمان الابتسامة ما مرت ملامحي من موت ابوية
بس تصرف سراج خلاني أبتسم گاعد بحضن ارسلان و لازم ايده مدت ايدها.
غياهب ايدها تريد تلزم ايده عباله تريد تلزم ايد ارسلان دفعها و يحجي يدردم بكلام ما مفهوم و يحجي بعصبية.
غياهب: ياا ولك اريد الزم أيدك.
بقى يصرخ بوجهه ارسلان ميت ضحك عليهم هوَ و الباقين حضنه يهدي
رفعت حاجبها غياهب تباوعله مدت ايدها مرة ثانية لزمت ايد ارسلان عناد بي و هوَ تخبل يدفع بايدها ويضرب بيها.
ارسلان: انتم عندكم سرج طفل و انا ما شاء الله مرتي هم طلعت طفلة.
غياهب: ترا ما سويت شي ليش مديخليني الزم ايدك.
يغار عليَّ.
لا والله؟
ابتسم ارسلان يباوعلها حصن سراج يبوس بي، اباوع الغياهب اتباوعلهم
ساكتة مو نفسها اللي نعرفها، لا اليوم داشوف عيونها تحجي مدى حبها
اله و غيرتها سبحان إلى مغير الاحوال نفسها إلى جانت تتخبل من اسمه.
غياهب: سراج السربوت منين طلعتلي انتَ.
سراج يباوعلها حاط راسه على صدر ارسلان و حاضنه يباوعلها بحقد.
ما ادري شلون اذا اجه طفلهم بالسلامة ابني يموت من غيرته، اجت ناز و
بايدها كتبها حطتهن كابلوها عمر و نيروز مثل كل يوم خطية ديتعبون وياها و عليها.
غياهب: علوية داداومين
غرام: اي
شلونه دوامج
ماشي حاله
الله يوفقج
يوفق الجميع.
حچى ارسلان موجه كلامه الناز.
ارسلان: اي ناز شلونج بالدراسة؟
رفعت راسها من الكتاب باوعت ال عمر ورجعت تباوعله.
ناز: عمر بس يصيح عليَّ من يدرسني عود مسوي روحه مدرس صدگي.
عمر: ايااا ناكرة الجميل.
ارسلان: أطيح حظك اذا تصيح عليها غصباً عليك تدرسها مثل ما اتريد
چا هيَّ أستيعابها بطيئ شبيدي
مشكلتك انتَ و مرتك تكفلتوا بيها
ناز: نيروزه اصلاً حبابة و اتفهمني بس هذا عمر لا.
كفخها عمر على راسها رجعت هيَّ كفخته بالكتاب صاح بيهم ارسلان.
ارسلان: هااااي شنووو ولكم عمررر ناززز؟
نيروز: حقك ما شايف شي هاي كل يوم يصيرون من الروس و نگعد نفاكك بيهم.
مو خوش سالفة هاي احسن شي أخليها بالخصوصي.
ناز: لاااا اني ارريد نيروزه افهم عليهاا بس عمر ما اريده يدرسني.
عمر: خفةً و راحة حتى شغلي هاملة علمودج ام السانين.
ارسلان: عمر لا تنسى من زمان هيَّ ما دارسة شلون تريدها تستلم
بسرعة اتعبوا عليها شوية و اتحملوا انا لو ما دوامي و وضع غياهب اجي بنفسي ادرسها.
غياهب: شنو رأيك ناخذها ويانا؟
حچت مليكة ما قابلة.
مليكة: انچبوا، عميرر يدرسها غصباً عليه انتَ يمة أهتم بمريتك شوف حالها يا بعد حالي شمسوي بيها الحمل.
ارسلان: خبلتني مليكة تاكله منا ذبته منا هسه يطلع ابني ما ادري بنتي شگدها
هاي اكو حوامل هيج اول اشهر اتحمل خلي خلگك طويل وياها.
مو عن هاي مليكة بس اضوج من اشوفها هيج وضعها تعبان و هيَّ
حامل لازم تاكل حتى الدكتورة گالت ووصتها اهمشي تاكل.
مو بيدها يمة هسه چم شهر و بلگي تصير زينة.
غياهب صافنة بيهم شلون يحجون عليها.
غياهب: لا تحچي عليَّ لا اليوم أخليك يم أهلك.
صاح عمر من مكانه.
عمر: كفوووو بالنسوان السنعة.
ارسلان: ما باقي شي و اروح الدوامي و يبقى بالي يمها.
بقت ساكتة حسيتها ضاجت بقى يباوعلها كأنما فهمها من ملامحها
الي تغيرت بقوا عندنا طول اليوم اجه كُميل من شغله شافهم عندنا بعده يم الباب و گال و هوَ موجه كلامه الهم.
كُميل: چلب العضكم گتلناه خاالي.
ارسلان: له له شو هذا عمير بعده عايش.
عمر: نعااال شعلية بكلشيي حطيتوا بالوسط.
سلم عليه و على غياهب بقى كُميل يباوعلها متفاجئ.
شني خالي شو خلصانة انتِ.
غياهب: أبن اختك ما يوكلني.
صتح ارسلان و گطم حچايته للنص.
ارسلان: شووووف ال. أقصد شوف الخوش أدمية بنت الخوش رجال
شتحچي انا ما اوكلج و انا اتوسل بيج بس كون تاكلين.
داشاقة بيبي.
عمر: هرمونات الحمل صايرة بارسلان مو بغياهب.
گرصته نيروز
يسكت ضامة ضحكتها اجت ناز إلى ماجنت منتبها من طلعت جانت سابحة
و مشطه شعرها گعدت بصف ارسلان و صار تلامس بينهم إلى صار هنا.
ارسلان ابتعد عنها مبتسم بخفة هيَّ فهمت الوضع ابتعدت عنه صارت
مسافة بينهم نزلت راسها خجلانة و ملامح الحزن برجهه.
ناز: اسفة نسيت.
ارسلان: عادي بابا لا تهتمين.
رفعت راسها تباوعله مبتسمة صارت عيونها على بطن غياهب سئلته.
اذا اجاك ولد شتسمي؟ و اذا بنيه شتسموها.
دارت عيون ارسلان الغياهب و رجع عليها.
بعدنا ما مقررين لحد الان و هم ما شايفين جنس الطفل.
هزت براسها ساكتة و كل شوية تسئل ارسلان بشي بس أريده يسولف.
وياها كسرت خاطري رغم هوَ ما يقصد شي و يبقى يسولف وياها و يا فرحتها هنا
صبينا العشه مالي نفس الشي اكلت قليل و غياهب ما اكلت بقى ارسلان يتوسل
بيها توسل تاكل ما اكلت كملنا نيروز ما تخليني الزم شي بالبيت من وفاة ابوية الشغل كله عليها هيَّ و ناز.
خجلت من مواقفها دخلتلها للمطبخ اغسل المواعين على الآقل وياها گوا خلتني دخلت غياهب يمنا الوجه اصفر گعدت على جهة باوعنالها اني و نيروز.
نيروز: بيج شي غياهب؟
مجرد سئلتها هذا السؤال نزلت دموعها غطت وجها بايديها تبجي عفنا اللي
بايدينا ورحنا الها نيروز سدت باب المطبخ گعدنا گبالها خايفين عليها.
غرام: غياهب شبيج احد ضوجج بشي؟
ردت من بين دموعها.
غياهب: لااا
لعد شبيج؟
نزلت ايديها تمسح بدموعها و يرجعن ينزلن.
ما أعرف شبيه مختنگة.
صاير شي وياج انتِ و ارسلان؟
لا بالعكس ما مقصر بشي ويايَّ
نيروز: لعدد شبيج يمعودة خوفتينا.
قدمت ايديها اللي صايرة خرايط من المغذيات.
المغذيات زرفت ايديَّ و من كلشي تلعب نفسي، اختنگت ما حابة هيج وضعية
و من ارسلان يروح استفقده بس ما أدري إلى اعرفه اني داتعلق بي اكثر اريده دائماً يمي.
حچت نيرود اضحك مكزكزة عليها شلون تحجي.
نيروز: اووووي غياهب عوود صدگ هاي انتِ ههههههههههه.
خزرتها تباوعلها.
غياهب: انچبي انتِ ما ناقصتج.
لِچ عيني وين چنتي ضامة كل هالحب هسه تطلع هرمونات الحمل.
عضيت شفتي النيروز تسكت لان شفت غياهب مو بوضع شقة لان مقهورة.
من وضعيتها رغم شي اعتيادي يصير عند اغلب الحوامل سكتت نيروز بقيت احجي وياها.
غرام: اللعبان النفس، إلى ديصير وياج عند اغلب الحوامل يتعبن كلش بس اول اشهر بعدها يتحسن.
غياهب: متأذية من هالشي أروح الأهلي يشبعون قهر عليَّ اجي البيتي
ارسلان نفس الحالة هم ما يحجون بس اني افهمهم من عيونهم.
يخافون عليج لان متاكلين و انتِ حامل.
رجعت تبجي و هيَّ تگول.
قابل بيدي اني الوضع كله ما طايقته.
أدري بيج تعبانة بس ميخالف اتحملي.
مسحت دموعها تعدل بحلقتها رفعت راسها تباوعلنا اني و نيروز ابتسمت بنص دموعها.
غياهب: يعاملني مثل الطفلة.
حطت ايدها نيروز جوا خذها تموت على هيج سوالف علساس عمر مقصر وياها.
نيروز: الله غياهب سولفيلنا حبابة عن علاقتكم لان انتِ ماتحچين شي عنكم بس يمكن هاي اثار الحمل خلينا نستغل الوضع.
رحعت خصلات شعرها المتقدمات وره اذنها مسحت وجها.
غياهب: بس لا تحجون الاحد.
مانحچي ما نحچي قابل المنو نحچي.
ما ادري شلون اشرح يعني.
غرام: احچي و احنا نفهم عليج خليج بطبيعتج و احجي إلى تحسي و التشوفي.
غياهب: شوفن قبل حيللل اكرررهه بسبب الزواج إلى صار بينا و جان متناقض
ويايَّ بس هسه ما أدري داشوف ارسلان ثاني شخص حنية العالم متجمعة بداخله
يهتم الاصغر تفاصيلي حتى الاشياء التافها، يمشطلي شعري، مرات يصيحيلي
بابا و بنيتيّ هالكلمات تخلي گلبي يطير بسعادته حتى ملابسي هوَ مرات.
يلبسنياهن حتى اسناني من اريد افرشهن هوَ يلزم الفرشة يحطلي بيها معجون
الاسنان، كل يوم قبل لا ينام يبوس عيوني و يگلي احبج عزيزة عيوني من اصيحله
باسمه ما يرد عليَّ غير بكلمة هاا يحيلي اذا اتأذه يتأذه قبلي، كل هالتفاصيل
جنت مستفقدتها بحياتي رغم بابا ما قصر بشي ويانا، حتى من مايحجي
اشوف الحب بعيونه الارسلان اوووووف ما أدري بس اللي اعرفه اني صرت عاشقة لهذا الرجل إلى چان أشوف دم سنوني.
غرام: فعلاً شوف الدنيا شلون تغير، منو چان يصدگ انتِ و أرسلان
ترجعون هيج و الوضع يطور، رجعتوا و منتظرين مولودكم الاول.
نيروز: دترجعين تعيشين ايام الطفولة.
غياهب: بس دا انقهر من يروح الدوامه جنت قبل اللوم حنين من تگول درغام
من يروح الدوامه انقهر و ابچي مرات و اني ارد عليها و اگلها شهل المبالغة إلى عندج و العيارة بس طلعت صدگ.
دوامه هذا غياهب لازم تتعودين.
دا احاول، درغام نقلوا مكان دوامه و صار قريب و ارسلان نفس الحالة بس
هم هاي المهمات إلى تطلع توگف گلبي من احچي يگلي بعد انتِ زوجة عسكري.
نيروز: ههههههه على طاري درغام بعده يفتر وره عمي سلطان
نفس الشي
و ارسلان ما يسوي مثله؟
لا وين ارسلان إذا ابرية موجود تحسي لازمين عليه السچينك بس من ابوية ما موجود يبقى يصيح ابووووج المراهق.
مو بس ابوج طلع هيج، ذاك اليوم اهلي عزمونا عود رحنل ف عمز نسى نفسه.
و گال نيروزتي، رماد طفر يگله ها سالمين نيروزتك شنو؟ و ابوية يگله شنوو هاي؟ و
حصرواج رجلي إلى وجهه صار احمررر من الخجل.
ضحكت غياهب من گلبها گالت.
الي ياخذ من عندنا يبتلي على روحه.
عفتهن يسولفن رجعت اغسل المواعين حلو الانسان من عنده هيج اهل يغارون
عليه و يقدسوه شيصير لو اهلي هيج، اجت نيروز بسرعة وگفت يمي تغسل.
نيروز: علوية خاف ضجتي ما نقصد شس والله بس لان متعودين نسولف عن اهلنا.
غرام: لا تتقيدون من حقكم هذا الشي.
أجه صوت غياهب تسئل عن اختي سوزان.
غياهب: شلونها اختج؟
علي الله.
و النعم بالله، شوگت الاربعين مالته؟
مابقى شي.
سويلة ختمة هنا بالبيت.
درت وجهي الها بايدي المجلافة.
يصير؟
اي عادي
ما أدري اشوف خالة و كُميل.
بكيفج بيبي.
اندگ الباب مال المطبخ نزلت ردن دشداشتي دخل ارسلان.
ارسلان: هاا نروح غياهب
غياهب: بكيفك.
صفن بوجهه الثواني يمكن فهم چانت تبجي هز براسه.
تمام خلينا نروح.
گامت من مكانها الثواني لزمت بالحايط دايخة لازمة راسها راح عليها لزمها
يستغفر بصوت ناصي و هوَ يهمس گعدها بمكانها انطيته گلاص مي شربها.
التفت إلى طالب مني.
ارسلان: و لو اتعبج ويايَّ خوية بس جيبيلي شي تاكله.
اييي اييي لا ماكو اي تعب.
رحت حطيتله بصحن فواكة تفاحة وبرتقالة و موزة حطيتهن گدامه گعد بصفها
صار يگشر بالبرتقالة و التفاحة يوكل بيها، استحيت من وگفتي يمهم أشرت النيروز.
نطلع و هاي لزگت الا تباوعلهم تگول احبهم سوا عفتها مبتسمة طلعت يم الموجودين گعدت مرت ربع ساعة و طلعوا.
ارسلان: احنا نترخص.
وگفت ناز.
ناز: لا ليش راح تروحون حبابين ابقوا يمنا ما شبعت منكم.
ارسلان: ان شاء الله على الجايات بنيتي بس إلى رايده منج تنتبهين على دراستج ما باقي شي للامتحانات.
گول وعد اجي و ابات يمكم.
ابتسم الكلامها.
وعد.
هزت راسها مبتسمة برضه وطلعوا الولد وياهم للباب رجعت يم نيروز شفتها مثل الخبلة تضحك وحدها.
غرام: ولج عيب ليش بقيتي واگفة.
نيروز: ههههههه علوية ما مصدگة ذولة ارسلان و غياهب
كلشي يتغير ما يبقى مثل ما هوَ
اي والله.
كملت شغلي و هيَّ بقت تمسح بالكاونتر طلعت من المطبخ ناز لازمة الكتاب
تقرأ و مليكة تسبح بسبحتها گعدت يمهن ساكتة و الأفكار تتضارب بعقلي جيتهم شوية غيرت من نفسيتي.
غياهب.
صعدت بالسيارة أسحب بالنفس بقى ارسلان واگف ويا خاله و عمر إلى فهمته
من خلال حديثهم يريدون يفتحون مشروع جديد بينهم دخل الخال جوا للبيت
بقوا عمر و ارسلان يسولفون جذب مسمعي حديثهم إلى كان.
ارسلان: اسئلك سؤال بس جاوب بالصدگ.
عمر: خير؟
انتَ و نيروز صاير شي بينكم؟
طبك حواجبه عمر مثل المستغرب من سؤال ارسلان.
لا ليش؟
شو احس علاقتكم ما ادري شلونها
شبيها خوية؟
مبتعدين.
بقيت مركزة وياهم خاف صدگ اكو شي بس ضحكة عمر طمنتنا من گال.
هيَّ تستحي تگلي لا تحچي شي ويايَّ گدام أهلك.
متأكد؟
و روح امي الحمدلله علاقتنا ناجحة و حلوة بس نيروز ارسلان تستحي من الشي اذا يخصنا اذا اگلها حبيبتي گدام العلوية وجهه ينگلب طماطة
اذا هيج الحمدلله ديربالك عليها لا انسى ابوها شوصاك عليها.
بعيوني.
سلم عليه و اجه صعد ابتسمت من سمعته يوصي بي و مهتم الهم رغم بعده عن اخوانه بس ماناسيهم و يلاحظ كلشي بيهم.
ارسلان: ها ست أولريش
غياهب: ها حضرة ابو قراصة
أذا أجتنا البنيه القراصة لبسيها الها.
تحب تجينا بنيه؟
ماكو فرق المهم أتمام الخلقة
سراج كلش متعلق بيك
عبالي من أبتعد عنه ينساني و يصير الوضع عادي بس طلعت غلطان.
اممم تحبه
أمووووت عليه، هاي من عفتيني احطه بصفي و اسولف وياه.
شتسولفون سولفلي؟
ما يخصج حجي بين الزلم
ايباااه.
امممم
ارسلان
هاا يحيلي.
هم ضام عن شي؟
صفن بوجهي مثل اللي يفكر.
شي مثل شنو؟
ما أدري داسئلك الك.
أي شي واحد
شنو؟
بس ما تزعلين مني؟
سكتت اريد اشوفه داختبره اريد اعرف نفسه الشي إلى حچته خالتي لو اكو شي ثاني مضموم عني، أبتسمت بوجهه.
لا ما أزعل
متأكدة غياهب؟
أي.
بقى يباوع بعيون كلها قلق و يتمعن بنظراته اتجاهي.
تدرين أحب عيونج.
أي أدري، بس لا تبقى تذب مقدمات فوت بالموضوع.
امم انتِ مو مرة سئلتيني منين أدري تنامين و القراصة بأيدج و قبل لا تنامين
تبچين و اعرف كل خطوة تسويها و انتِ وحدج وباقي السوالف السولفتها الج.
اي؟
خلي نوصل للبيت ونحجي.
هزت براسي، طلعنا من منطقة أهله و اتوجهنا البيتنا جانب مني ارتاح لان
عرفت شنو راح يحجي وصلنا للبيت باوعت الباب اهلي ابوية كل يوم يجي يشوفني
و يطمن عليَّ و يروح الحنين هم ايشوفها لان داخلة بحالة اكتأب نفسيتها.
فد مرة مدمرة و هذا الطبيعي يصير عند اغلب النساء بعد الولادة و ابنها شالع گلبها.
دخلنا للبيت گعدت بالصالة حط مفاتيح سيارته على الميز إلى گدامنا لزم مقعد حطاه وره ظهري.
غياهب: شكراً
ارسلان: عفواً حضرة المحامية.
تدري بالي يم حنين اني مو هواية رحتلها لان وضعي ماساعدني
نروحلها باجر انشوفها
ياريت كلش قصرت وياها اني.
تعرف بوضعج و عاذرتج.
تگلي انتِ بيها مجال تصيرين ام مو اني
ليش شبيها هيَّ ما فهمت؟
مددت رجليَّ وأسولف وياه.
تگول ما اعرف الكلشي و من يبجي اگعد ابجي وياه و تحاول اسكته ما ايسكت.
طفل بعده و هيَّ ماتعرف الكلشي تحتاج احد يعلمها
خالة جوهرة وياها و حتى درغام.
اممم تتعود ان شاء الله.
أجه گعد بصفي و القنفة ضيگة ماتكفي صحت بي.
غياهب: انجعصناااا.
ارسلان: شو صدگ.
خلي أعدل گعدتي.
عدلت گعدتي صار مجال سحبني الحضنه، غرست وجهي برگبته استنشق عطره غمضت عيوني بأرتياح گرصني بخصري بخفه.
لا تجبرينا على الأفعال.
يا أفعال المضارعة
لا خالتج
احترم نفسك
وخري عني لا ابوسج بوووسات مو بوسة گوا لازم روحي.
تعز نفسك عليَّ ارسلان؟
لا يحيلي انا كلي الج، زين مو يمج عطري حطي منه و شمي بنفسج.
ميفيد سويت هالطريقة ما احسها تشبعني.
گعدت على رجله وايديه محاوطتني رفعت ايديَّ حاوطت رقبته.
أحبك.
انچبي.
أحبك.
هم انچبي.
أحبك
راح أبوسج.
احتررم نفسك
چااا انچبي حبيبي.
يلا سولفلي.
شسولف؟
كلامك إلى ما كملته بالسيارة و گتلي بس نوصل احجيلج.
امممم ما تنسين شي.
لا.
بقى يباوع طابك حواجبه.
اگلج شنو هاي شو بله تعاي
شنو.؟
ما ادري هاي بعيونج اشو نزلي راسج
هوَ غير أعرف شنو
هسه غير تتقرب شبيج غياهب.
و بكل غباء نزلت وقربت نفسي اله ما أحس غير شال حنكي بعضة لزمت مكان العضة.
خبيث
احبج.
لا تبقى تغير بالموضوع احچي يلا عاد.
رجع طابك حواجبه.
شو ما گتيلي انا هم أحبك
يلا اني هم أحبك بس احجي.
لا ما اريد بعد الشي من ينطلب طلب ما تصير بي لذة.
ترررررا اني بالاول گتلك أحبك.
بس انا هم گتلج و ما گتيلي انا هم أحبك.
مشيت ايدي على شعره نزلتها الملامحه.
حبيبي النكد للنسوان مو للزلم.
لاااا بشرفج
و شرفي فصير عاقل و يلا سولف
تعاي بحضني و اسولفلج غياهب.
گعدت بصفه حاضني باس شعري ويشم بي شم بقى ساكت الثواني گال.
ارسلان: خالتج الچانت اساعدني شوية هم مو هواي تررا.
سويت نفسي كلشي ما اعرف و أمثل والله على هذا التمثيل مفروض يقدمولي الاوسكار.
ما فهمت بشنو تساعدك؟
بيوم من الايام تعبت و ضغطي أرتفع من قهر وحدة فوصة، خذاني مُجاهد
للمستشفى بوگتها هوَ ويايَّ و هناك شفتها صار كلام بينا و عاتبتني
اتوسلت بيها على الاقل بس تنطيني اخبارج.
ما تستحي تشغل خالتي جاسوسة لو ابوية داري يلعب بيكم لعب.
رفع ايدي باسها.
احلى خبر انطتنياه من گالت يمكن تحبك بليلتها گابلت بيتكم فرحان.
اممم.
غياهب.؟
عيوني
شو ردت فعلج عادية؟
لان اعرف بكلشي من اول يوم زواجنا خالتي دزتلي رسالة و حجتلي كلشي. اوگف أشوفك.
طلعت جهازي من جنطتي طلعت الرسالة حطيتها گدامه قراها قلب عيونه.
شو ما گالتلي و انا الجنت خايف تضوجين من عندنا.
يمكن لو ما راجعين و عرفت چان لعبت بيكم لعب
هااا چا الحمدلله من دريتي وره زواجنا چاا شلختي و ملختي علينا.
بعد يومين اتروح الدوامك؟
أي و ديرين بالج على نفسج ارلاً ثم طفلنا.
داضوج من اتروح.
بعدج ما متعودة؟ اگلج قبل جنتي تگلبين خلقتج من اجي من دوامي
قبل يختلف عن هسه.
الله يرحم ذيج الايام من شبعت بيها دفر.
أسولفلك شوية عن مغامراتي بالطفولة.
سولفيلي.
شوف هاي من چنا صغار هذا درغام دائماً يميل الحنين و اني اغار
علي اختي والله شنو بس يشيلها و يبوسها و هيَّ تكيف و اني يگول عليَّ وجهج ما يگصه السيف.
أهتز جسمه يضحك بصمت خازرته.
شوووو تضحك؟
لا مو يمج يروحي كملي كملي يروح فدوة الوجهج سبع الهورة.
أي شوف ف مرة اني ضجت يعني شنو يلزم اختي و يبوسها اني اغار على
الاحبهم من صغري جنت اول متوسط اجه گعد گبالي يشاقة وياهاا گامت
حنين تصيحيلي تريد چان يهمسلها يگلها لا ختولي اختج نفسية، هنا اني
ضجت شنو يگول عني هيج و ما يدري اني اسمعهم و اشوفهم من يم الباب دخلت
عليهم گتله ليش تحچي عليَّ يگلي محد حاجي عليج الجذاب و اني سمعته باذني رحتله شبعته دفرات و طردته من بيتنا.
ضحك بقوة و هوَ يجر بخدودي.
صلافتج من الطفولة يالصلفة.
مو صلفة اني، بس ما أسكت عن حقي
أدري بيج مو طيحتي حظي يلا رجعتي خليتيني يوميا نايم بالمستشفى.
تستاهل.
والله؟
اي والله ارسلان تستاهل أعذبك لان انتَ هم عذبتني و ما متندمة على اي شي سويته وياك
رحم الله والديج صراحتج ماشاء الله.
Welcome
غياهب.
أتقرب إلى يمسح على خدي بهدوء باس عيوني.
تدرين بس يمج لگيت راحتي حتى قبل من چنا ما نتوالم و نتعارك و انصير.
امالخ بس ارتاح يمج بس جنتي تخنگيني بشي واحد.
شنو؟
رفعت راسي اباوعله، عيونه انملت قهر.
من تگولين تلعب نفسي منك.
حچيتلك الاسباب، اصلاً جنت اسمعك بكل ليلة من تحجي ويايَّو اني نايمة و تبوس بشعري و تستنشق عطري.
اممم ما متعتيني؟
هاا؟ مو شوف اگول خطية يلا عوفي.
شوف الجذب حتى جذبتج ما تعرفين تلزگينها.
خووش يلااا اسكت لو ما ترتاح الا تفشلني.
راح تبقين العمر كله تحبيني؟
اذا بقيت هيج، تحبني و تدللني اي.
اممم.
ارسلان اريد اسئل شي بس گول والله اجاوب بصراحة.
اسئلي بابا.
انتَ هم حبيت قبلي؟
أي عشرة.
نهجم بيت التفخفخ.
شحاب يمعودة غياهب هوَ گضيت عمري و حياتي اركض منا و اروح منا أدبر بعيشتنا.
يعني تقنعني اني اول حب الك
أكيد، خلي أذكر أول يوم شفتج بي، طلعتي من الجامعة تمشين وحدج وگفتج
بنيه بالطريق قبل لا تصعدين سيارتج بقت تحچي وياج و انتِ مبتسمة الها
تهزين براسج ويا كلامها، شخصيتج مُميزة شعرج الاسود ميت بي صعدتي.
بسيارتج، مشيت وراج بدون ما اخليج تنتبهين لحد ما وصلتي البيتكم
صرت كل ما انزل من دوامي اگابل جامعتج و بيتكم بدون ما أحد يحس بيَّ.
منا و حبيتني.
اي، اتعارك ويا گلبي و اگله هاي ما اتناسبك هاي بنت العائلة إلى دمروا عائلتك.
بس ارسلان ليش انتَ أجيت علينا احنا تحديداً ليش مو الباقين.
شغلي دخلت
بي ويا درغام عن قصد علمود أدخل بينكم صرت أناني اكثر من ردتج تصيرين.
الي من اتزوجتج مو بس بدافع الانتقام لا اتزوجتج ردت اتملكج.
طلعت اناني اكثر مني.
ذب حسرة و ملامحه تحجي ندمه.
غلطت هواي انا
الي يتوب رب العالمين يغفر اله، و الخنجر الب ناقش عليه اسم أولريش؟
هاي سويتها من زمان من جنت أعز الطفلة إلى شفتها بالماضي إلى هيَّ انتِ
أسم أولريش صدگ ينطبق عليج أنثى الذئب ، فخور بيج انتِ زوجتي.
بقى يسولفلي عن اخطائه و شگد متندم بس چان حقده اللي يتحكم بي.
ارسلان: يله گومي ننام اتأخر الوقت.
بس اوگف من رخصتك اريد احجي وياك بموضوع.
باوعلي رجع المكانه.
موضوع شنو؟
عضيت شفتي متوترة من إلى راح احچي لزمت أيده.
غياهب: شوف اني وانتَ مرينا بهواية شغلات أذتنا و صدمات خصوصاً
انتَ أرسلان مرات أصفن شلون انتَ لليوم بعقل سليم و طبيعي بعد إلى شفته بطفولتك.
المقصد وين تريدين توصلين؟
داگول لو نراجع دكتور اني وياك احنا مقبلين على طفل ما أريد ماضينا يأثر على اطفالنا بالمستقبل.
تقصدين دكتور نفسي؟
اي.
مابي شي انا اطا تحبين انتِ بلشي بهالخطوة و انا وياج ما أعوفج.
بالعكس انتَ محتاج هذا الشي اكثر مني، اني حاولت قبل اكثر من مرة
و فشلت بس هالمرة اريد احاول وانتَ ويايَّ بهل الخطوة.
لزمت ايده قربتها البطني اباوع بعيونه.
الخاطر هالنفر إلى راح يجي الحياتنا.
تغيرت ملامحه بالع ريگ و أردف.
غياهب اختنگ اذا احجي بالماضي.
بس بالبداية راح نواجه صعوبة اذا ساعدنا نفسنا راح نتخطى.
بس انتِ حامل خاف يأثر عليج؟
أشوف نفسي أول جلسة اذا ما گدرت أجلها اني وره ولادتي بس انتَ ضروري شگلت؟
ما أدري خليني أفكر بالموضوع.
براحتك.
صعدنا ننام و مثل عادته يمشطلي شعري قبل لا انام و يفرشلي اسناني
و يجيب كلاص مي اشربه يرش من عطره علمودي يضمني بحضنه الدافي
و شگد ما اشم بي ما اشبع شايلة هم من يروح للدوام شلون بيَّ
الثاني يوم
طلعنا الحنين انشوفها و اليوم أبنها الاربعين مالته يسبحونه هم هاي السبحة.
القوية كلش لگينا ابوية و خالتي يمهم خالة جوهرة تسبحه گعدنا كلنا نباوعله
گاموا ارسلان و درغام گابلوها و حنيم بصفها خبلوا المرة تخبل.
درغام: يمة على كيفج.
ارسلان: خالة ايده على كيفج.
حنين: يمة ابني شو راسه گام يروح هيج و يجي هيج.
عاط بيهم ابوية خبلوها.
سلطان: گوووووموا انتم الثلاثة خبلتوووا المرة.
درغام: تررررا ابني انااا وبنتك لاااا تنسى نخااف عليه.
رفع ابوية ضرب كف بكف خازره.
ساعة السودة الناسبتك بيهاااا منطيهاا للغريب و لااا منطيهاا الك.
شحدك.
تفيدك هالسوالف.
خذيتها غصباً على الكل.
جابر: بوية انجب و خليك بابنك لا ياخذ بنته و ابنها وياها و يخليك تتوسل.
سلطان: چنك گاعد بعقلي جابر.
ضحك الكل و رجع درغام يحجي ويا امه ارسلان اجه گعد يمي بقوا حنين ورجلها
و كل شوية گايلين الخالتي على كيفج حد ما خلوها تعيط بيهم.
جوهرة: وولكم تااالي عمري أنتم تعلمووني اذا ماتكومون هسسه اجيب الماسحة اكسرررها على ظهركم.
درغام: هسه شبيج يمة شكلنااا احنا شبيج نفسية.
كملوا سبح الحسن و حنين مكيفة بي فرحانة رغم تعب ملامحها من السهر
و قلة النوم گعدوا يبدلوله و خالتي تعلم بحنين هيَّ ذابة تركيزها وياها و حتى
درغام، و هنا اتكافشوا هيَّ وياه هوَ يريد لون وهيَّ تريد لون.
درغام: ذووووقج خاايس حنينن.
و ما رهمت الگعدة بدون چفاصتها.
حنين: ماا اتشووف اختاريتك رجل إلى لان ذووووقي خااايس.
فتح عيونه و الكل وجوها انحمسن ضامين ابتسامتهم.
شگللتي ولج؟
مثل ما سمعت و لا تحجي على ذوقي المزنجر.
بسيطة هسه مستقوية بابوج يروح ويصير خير.
وجدان: شو اتهدد بيهاا گدامناا گووم سلطان خلي ناخذ بتنه.
سلطان: اي والله يلا بابا حنين جهزي نفسج و اعراضج و اغراض ابنج ناخذه ويانا.
درغام: دهررر فركم خوب انتم اتريدوها من الله بس علمود تاخذونهاا.
انا سامع الاهل يسلكون بناتهم بيت رجولتهن الا انتم حسرة على واحد يحجي حجاية گلتوووا ناخذهاا.
رد عليه ابوية.
هذا الموجود محد جبرك تناسبنا انا بناتي خط أحمر.
لزم فكه ارسلان يحرك بي.
ارسلان: و انا أشهد عمي الله يستر عليك خصوصاً ايدك كلش خفيفة.
أندگ باب بيت خالي بقوا بقينا واحد نباوع بوجه الثاني الدگة چانت مو طبيعية بهمجية گام خالي گال.
جابر: خير ان شاء الله.
طلع خالي و الباقين دخلت ويا حنين الغرفتها اخذت ابنها هم خاف يستبرد
و هسه مسبحينه رحت وراها گعدت بصف أبنها لزمت أصابعه الصغار بوستهن.
غياهب: شلون صرتي؟
حنين: ما ادري بس نظامي كله مخربط ينام بالنهار و يگعد بالليل.
مو گتلج بس بالبداية.
أي حتى خالة گالت.
باوعت الابنها على ملامحه مركزة الرموش نسخة أمه حسيته ماخذ ملامح
من أمه و أبوه ولو بعده صغير صار صياح برا رفعت راسي مستغربة.
حنين: بسم الله هاي شكو؟ ليش هذا الصوت.
غياهب: ما أدري.
رحنا اثنينا يم الشباك غرفتها يطل على الحديقة جان خالي جابر لازم ولد يريد يهجم
علي ارسلان الواگف ببرود يباوعله و ابوية لازمه وياه و ذاك يتهدد ركزت
بالولد هذا ثائر أبن مجيد؟ خالاتي واگفات على جهه، دارت حنين عليَّ.
حنين: بس لا عرف ارسلان الحرگ المعمل وبي ابوه الخسيس.
ما ادري طالعة افهم شصاير.
لزمتني من ايدي مانعتني گعدتني يم ابنها.
وين طالعة غياهب؟ ماتشوفين واصلة للستار بينهم اگعدي و اسكتي انتِ حامل مو فارغة.
بقيت گاعدة أنتظر على نار اصواتهم تعلى ما تنصى ساعة كاملة جرت نفس
الوضع رجعت وگفت يم الشباك شهگت من شفت ارسلان وجه ضربة لأبن
مجيد بنص وجهه لزمه درغام ماگدرت ابقى بمكاني طلعت امشي سريع ناسيه
حملي و وضعي طلعت برا ويا طلعتي صارت عيون ثائر عليَّ صاح بصوت.
ثائر: أجتتت أجتتت سااااس البلة.
صاح بي ابوية.
سلطان: السانك لااا اگصه الك.
فتحت عيوني متجحظه من گال.
هيَّ لووو مااا وحدة چان محدد اتقرررب الهااا هسه عررفت ليش عمتي زمُرد چااانت تعطب بيهاا طلعت تدري ببتها من الصغر وحدة.
جمدت بمكاني من كلامه محد گدر يسيطر على ارسلان لزموا هوَ و ابوية گطعواا
تگطعع بالگتل و درغام و خالي يريدون يطلعونه من جوا ايديهم ما يگدرون كسرررا تكسرر
گوا سحبوا منهم لمحتني عيون ارسلان عاف كلشي اكاني يركض لزم وجهي يلهث بأنفاسه العالية فحطان.
ارسلان: مالج علاقة بكلامه خيولي غياااهب لااا تهتميله.
شصاير؟
تعاي جوا.
اخذني من ايدي دخلني جوا للبيت و ابوية لازمة خالي گعدني بالصالة راح للحمام يغسل ايديه و رجع گعد گبالي.
لا تهتمين لاي شي حچاه هالزبالة.
ممكن أعرف شديصير؟ و ليش أجه متهجم علينا.
أصبري غياهب.
دخل ابوية يتصايح صاير نار من العصبية سحب جهازه ما ادري وياامن يخابر.
سلطان: تعاااال انتَ و أبنك بسرررعة البيت جاابر.
سده لازم راسه نهضت من مكاني خايفة عليه.
غياهب: بابا انتَ بخير؟
ماكو شي بابا ارتاحي.
فلتت ايده من المكان المثبت نفسه عليه لزمه درغام گعده جابوا جهاز السكر
يقيسون سكره لگوا صاعد بقت خالتي تحجي وياه و تهدي بي النص ساعة
دخلوا خالي عمران و وياه رماد بس شبيه؟ شصاير وياه؟ اثار ضرب بوجهه و جبينه متجرح هم.
جابر: شگاايل الابن مجيددد رمااد؟
رماد: يابه والله ما محاجي و جنت راجع للبيت لاگاني بالطريق بالاول ضل يحجي.
و يگول أنتم عفتوني و مالكم علاقة بينا خليتونا نشتغل يم العالم الغربة و انتم تلعبون
بالفلوس، گتله كل واحد جاي يشتغل بفلوسه ماتجي وانتَ گاعد ببيتك گام يغلط
عليك و على ابوي و يفشر ما گدرت اسكت تضاربنه انا وياه و بقى يحجي على...
سكت و هوَ يباوع الخالي عمران الواگف و اعصابه ماتقل عن الموجودين بس مكتفي بالسكوت حاچاه ابوية.
سلطان: رماد؟ كمل عليمن يحجي.
رماد: ضل يحجي على امي يگول ابوها باعها الابوك مثل السلعة الرخيصة
و حچى على عمتي جوهرة يگول بنت الفكر و امها خبازة و هيج منهن ضل يغلط
شتريدون مني أسكت؟ فقدت اعصابي و گتله تستاهلون كلشي صار بيكم على
هذا حقدكم و نكاستكم و چفصت بموضوع موت مجيد.
صاح خالي عمران مزلزل لجو باعصابه.
عمران: ابووووووي يبقى كو ابن كو.
جاير: چا ابن مجيد شمدري بسالفة حياة؟
ابووووك ما ادري قبل منيننن داري اكيددد من ابو حياة هذا الثاني الكلب ابن الكلب
اجاني مرة ابوي وحچى ما اهتميتله هاي قبل لا رماد يجي للدنيا جانت عندي بس نيروز طلع حاجي حتى الأحفادة.
درغام: اجه ثائر ابو العرك تهجم علينا بالاول و من شاف ارسلان تسودن و من سئله ابوي منين تدري گاله رماد حچالي.
رماد: خللي ياااكل اناااا ما حجيت من وحدي الا لمن چفص ببطني.
سلطان: هذا راح يخلي ارسلان بعقله.
ارسلان: شيريد ايسوي يشتكي عليَّ؟ خلي يروح ما يحصل شي.
لزمت جبيني ما نخلص من المشاكل ما مكتوب النا نرتاح.
عمران: ولكم ما بقى مكان مااا دوررناه ماكووو ماا موجوود لو ادري وينن ضام
روحه سالم اعدددمه بايدي و انعلللل ابو هيج أب.
وجدان: يجي يوم و يطلع ما يبقى النهاية العمر هيج.
أكتفيت بالسكوت و هم يحجون طلعت حنين لافه ابنها گعدت يمنا اخذه خالي
عمران منها شوية هدأ من شافه و خالة وجدان اخذت رماد تعالج جروحه.
عمران: شني ولك شو انتَ أملح على أبوك.
درغام: چااا شبيه ابوه شفايتله يطلععع عليه.
و حريشي و احنا شكلنااا.
أسمر بس ملامحه تخبل مثل أبوه.
حنين: خالي الاب مزنجر شتريده يطلع ورجاءً لا تحجون على ابني ذا تجرحني.
ضحك خالي يبوس بالحسن.
عمران: الام حنين و الاب درغام هذا من يكبر انشد روسنا منه.
جابر: لا تحجون على حفيدي.
دزتله حنين بوسه بالهوا صارت عيوني على رماد فاصل مو وياهم و عيونه كلها غضب مشيت اله وگفت يمهم هوَ و خالتي.
غياهب: مالك علاقة بكلام ثائر لا اتضوج بنفسك.
رماد: ما ضجت على شي بگد ما ضجت من حچى على امي و عمتي.
وجدان: تربية أبوي شتريده يطلع عمه.
رجعت المكاني و خالي ما قبل يروحون دز رماد يجيب امه راحت حنين
تعدل بنفسها تگول خلقتي صايرة تفشل حطت ابنها بحضني.
درغام: اگلكم مرررررتي وين راحت.
غياهب: هسه تجي.
گام عناد بابوية راح وراها ضحكت بصمت من شفت ابوية يباوعله تك عين همسلي ارسلان يضمضم بابتسامته.
ارسلان: ابوج عوزة بس يگول طلگوا بناتي وروحوا.
لا تحچي على أبوية
چا هذا الصدگ شوفي شلون يباوعلنا.
حچى ابوية قبل لا أرد عليه.
سلطان: ارسلان شبيك حاااط راسك براسهاا مااا شايفهاا.
ارسلان: احم. هاا عمي جنت جاي احچيلها عن شغلة.
أجلهااا من ترجع للبيت مو الا گدامنا.
مسح على وجهه عيونه دمعت من گد ما ضام ضحكته على شكل ابوية المتنرفز تحمحم يريد يتخلص من ضحكته.
اي عمي تدلل.
ما أتحمل بسرعة حط ايده على وجهه مدنك و جسمه يهتز يضحك عضيت شفتي اخزره يسكت لا ايشوفه و شيخلصنا.
حنين.
رجعت يم أهلي الحسن بعده بحضن غياهب و ارسلان گاعد بصفها
و تحسه متقيد آثاري طلعت السالفة ابوية وراها گعدنا واحد بصف الثاني اني و درغام رفع ايده حطها على اكتافي همسلي.
درغام: شوفي شراح أسوي بابوج.
حنين: عوفة عليك الله.
و محمد ما أعوفه شوفي نوب حتى ارسلان خلسه ما يخلي يوصل الغياهب گدامه.
هههههههه احس ارسلان يتمنى يعيط و يصيح مررررتي مررررتي مثلك.
تحمحم درغام و وزع نظراته.
درغام: ارسلان شبيك شارد عن مرتك خوية هااي مررررتك محد يگدر يحاجيك.
ارسلان: احم. السيف مخلي على رگبتي يا خوية.
خوية چا انا لو مو السيف يخلونه ما ابتعدد عن مرررتي بعد هاااي مرررتي.
رد أبوية مدنك على جهازه لابس مناظره.
سلطان: بابا حبيباتي جهزن نفسجن مشتاقلجن تعالن يمي فترة شهرين
ثلاثة اذا تريدن سنة هم عادي شوگت ما اشبع منجن اگلجن روحن.
ردت غياهب عليه.
غياهب: تدلل حبيبي حتى اني مشتاقتلك.
رفعلها ارسلان حاجبه.
ارسلان: من جاي اروح للدوام مر تروحيلهم؟ شنو ما تشبعين.
سلطان: تحاسبهاا شنو؟
لا ما احاسبها بس هيَّ هم زوجتي و اريدها يمي اذا نيتك تبقى بناتك يمك شكو مزوجهن.
هايهية ما صار شي طلگوهن هسه و اخذهن
لو اگتلك هم ما أطلگهااا.
هااا طلع السانك.
صار شگد متحمل طگت حوصلتي اعذرني بس ما تگدر بعد خاايب درغام شني حچايتك؟ هااا مررررررتي.
ضحكنا اني و درغام بصوت عالي لان قبل شوية ذكرنا هالسالفة اتقرب
ارسلان لزگ روحه يم غياهب و درغام لزم ايدي باسها يباوعله بشماته الابوية
، گام ابوية من مكانه ضايج و صدگ مو تمثيل صاح على خالتي إلى بالمطبخ.
سلطان: وجدددان وينج؟ تعاااي نرجع للبيت صوجي اجييي هنااا.
صاح عليه خالي جابر.
جابر: يمعود اگعد جاي يضوجون بيك اگعد هسه غير ازواجهن.
عمران: جابر هذا سلطان حلال عليه يتغزل باختنا گدامنا و حرام على أنسابته يحجون ويا نسوانهم.
التفت الابوية خالي عمران يحاچي.
اگعد سلطان چا اذا هيج تضوج لا تجتمع وياهم بمكان واحد.
سلطان: انا صوووووچي انطيتهم نسوووان هالسرسرية.
گوا گعدوا خوالي و الولد من شافوا صدگ ضاج بعد سكتوا خافوا صدگ
يسويها و يروح اجوا رماد و أمه، صبوا الغدة گعدنا كلنا ناكل سوا غياهب.
تنقش تنقش بالاكل بس ارسلان يجبرها تاكل وره الغده خابروا ارسلان بشغل.
ارسلان: غياهب ابقي هنا و اذا راح ابوج و خالتج روحي وياهم من اجي امر عليج.
غياهب: وين رايح؟
عندي شغل عزيزة عيوني أكمله و أرجع.
سلم و طلع للعصر كلها راحت و غياهب راحت ويا أهلي بقينا بس احنا دخل خالي جابر شال الحسن باسه.
جابر: جدو حبيبي.
درغام: بوية جنك تحبه اكثر مني.
معزته من معزتك يابه.
التفت الامه.
وانتِ يمة تحبيني لو تحبين الحسن أكثر.
جوهرة: نفس ما گال أبوك.
أبتسم ساكت حطه خالي عند درغام رفعه يباوعله و عيونه تلمع بضحكتهن و هوَ يباوعله.
درغام: ياروح أبوك اروح فدوة الهل الرموش.
ضل يبجي اجيت اصرخ و الطم بس گام بي يسولف وياه علساس يفهمه.
ها بابا ما تگلي شبيك بس تبجب مثل المگروص هيَّ أمك مگروصة انتَ عليمن تطلع.
حنين: هاااااا سمعتك.
سلكيها الخاطر ابنج.
هايهية متفقين.
بقى واگف بي حاضنه بين ايديه يسكت بي و يحجي وياه عبالك يفهمه ما سكت انطانياه قبل لا يرفع جسمه گال.
درغام: صحيح ابني حلو بس عگب عينج ما يحلى بعيني غيرج.
أبتسمت
الكلامه غمزلي راح گعد يم خالي يسولفون و اني اسكت بهذا
المگروص.
غياهب.
سلطان: هذا ثائر ما مرتاحلة خلي رجلج يديرباله منه لان ثائر تربية سالم.
غياهب: ارسلان عكب باجر رايح الدوامه لو تحاجي انتَ و تفهمه لان ادري بي راح يستهان و ما يهتم.
خلي يجي و احجي وياه، شلونج انتِ.
رفعتله ايديَّ بزعل على حالي.
ايديَّ تزرفت شوف.
بيَّ و لا بيج نظر عيني.
ابتسمت الكلامه.
بابا انتَ شگد حنون.
مثل حنيتج الضامتها بگلبج.
باثناء مداسولف اشتهيت بقلاوة غمضت عيوني.
بابا اشتهيت بقلاوة
بقلاوة؟
اي والنبي اريددد.
فتحت عيوني هوَ و خاالتي يضحكون لبس سترته.
سلطان: چنج على بقلاوة.
طلع يجيبلي بقيت گاعدة منتظرته بس اريده يجي صارلي فترة ما اشتهي.
شي و لا إلى نفس شي غير العطر ارسلان نص ساعة ورجع ابوية جايبلي البقلاوة
حطها گدامي، اخذتها الحضني إلى يشوفني يگول ما شايفة بقلاوة و بحياتها مماكلتها گعدت اكل و أستلذ بطعمها.
وجدان: لا تكثرين ماما لا يضرج اسم الله مو زينة الحلا دائماً.
مارديت عليها اكل و احس اريد اكل اكثر لليل اجاني ارسلان اخذني و ابوية
حچى وياه بالموضوع مال ثائر، خلاني اخذ الزاد من البقلاوة لان خالتي.
ماتحبها و هوَ سكر ماياكلهاا، رجعت البيتي باوع الايدي ارسلان.
ارسلان: شنو هذا؟
بقلاوة
شتسوين بيها
أحس أتنسيت بيها اليوم.
عافيات
الله يعافيك.
دخلت گدامه وگفني صوته.
ارسلان: غيااهب.
درت عليه.
غياهب: ها عيني.
فاجئني من گال.
اني موافق اخذ جلسات يم الدكتور.
أبتسمت بفرح عفت إلى بايدي وركضت اله حضنته و هوَ يصيح.
ولللج حااامل انتِ لااا تركضين.
نسيت بس من فرحتي والله صدگ راح تاخذ جلساات؟
الخاطرج أسوي كلشي.
أحبك هووواية ارسلان.
مو گدي غياهب مو گدي.
صعدنا فوگ فرحانة بهاي الخطوة إلى راح نخطيها گعدنا عيونه على بطني.
شوگت نعرف جنس الطفل.
غياهب: بعد مو هسه ليش؟
علمود نطلع انا وياج نجهز
بعد وگت.
هنَّ أشهر هسه يخلصن بسرعة ما انحس بيهن.
اممم من ترجع نبدي جلسات احتمال يم نورس، اني ارتاح النورس و اعرفها من زمان.
بكيفج إلى يعجبج اسوي.
مو بس إلى يعجبني إلى يعجبك هم لا اسوي اشياء ما مقتنع بيها بس علمودي انا ما اقبل بهذا الشي.
انا كلشي جاي اسوي السعادتج و سعادتج من سعادتي ادري بيج هالشي جاي تسوينا المصلحتنا بالمستقبل.
تحبني.
ضوه عيوني انتِ أعز من روحي.
أوف أوف شوگت أصير أتغزل مثلك.
لا تتغزلين مارايد منج شي كافي تبقين يمي العمر كله و تباوعيلي بهل العيون.
ابتسمت، ثاني يوم مشى اليوم طبيعي گضاها ويايَّ ما طلع من البيت بس.
طلع جاب النا خبز من المخبز الى ان اجه يوم التحاقه لدوامه وگف يلبس بساعته و اني گاعدة گباله مختنگة.
غياهب: شگد راح تبقى؟
ارسلان: حسب الشغل
راح أشتاق.
كمل ليس نزل المستواية قبل جبيني.
لا تبقين ضايجة غياهب ما اوصيح حاولي تنتبهين النفسج.
ان شاء الله.
نزلت وياه و جنطته بايده اخذ جهازه و مفاتيح سيارته حط بايدي مبلغ.
تحتاجي
عندي
ميخالف تحتاجي كلشي يصير و عندج مراجعة يم الدكتورة بعد يومين خلي.
عمي ياخذج مو تنسين انا هم اخابرج اذكرج و اذا تحتاجين اكثر فوگ يمج لا تاخذين من احد.
من توصل خابرني
صار، هاج هذا هم.
طلع ظرف باوعتله هم فلوس.
المنو هذا؟
نسيت انطي ال عمر مصرف ناز.
خاف ما يقبلون ارسلان.
لا انا كل شهر مخصصة الها و جاي انطي ما يگدرون يرفضون اذا رفضوا
اطيح حظهم، يمكن باجر نيروز تجي الاهلها و تجي اتشوفج انطي
ال عمر انتِ اذا اجه وياها و اذا ما شفتي انطي الها.
طلعنا برا لازم ايدي وگفت يم الباب قبل لا يطلع ضمني الحضنه الدقائق ساكت.
بس اطلع ورايَّ بساعة تروحين الاهلج.
تمام حبيبي
خااب اروح فدوة لليگول حبيبي.
طلع سيارته من الكراج بقيت واگفة يم الباب اباوعله جان باب السيارة
مفتوح و هوَ بداخل السيارة گاعد لوحلي بايده مبتسم لحظات هيَّ و اجت سيارة
مثل الطلقة شالت باب السيارة صرخت بصوت من عمق قلبي جسمي
صار يرجف ما گدرت اوگف أكثر على رجليَّ وگعت منتهية أثر اللي شفته.