رواية وتيرة الأعرج للكاتبة حوراء السعيدي الفصل السابع والأربعون
غياهب.
گعدت بصف الباب مثبتة ايديَّ عليه بسبب إلى صار جسمي
كله صار يرجف و النفس أنسحب مني عيوني اتثبتت عليه و اني
دا اشوفه نزل يركض لمني بحضنه روحي أنتهت حچيت و الكلمة تطلع مني بأحرف متقطعة.
غياهب: ار. ارسلان.
رفعت ايدي بصعوبة ترجف اتلمس بوجهه ما مستوعبة إلى صار و لا مصدگة ما صارله شي و گدامي.
م. ما بيك شي؟
عيونه تباوعلي بقلق.
ارسلان: مابيَّ شي ياروحي.
رفعني من الگاع شايلني دخل جوا للبيت حطني على القنفة
و الخوف و القلق تارس ملامحه مسح وجهه بتوتر دخل للمطبخ
باقية وحدي منظر السيارة شلون انضرب الباب و انشال طبع بعقلي
ماتلحگ أتشوف شي منها مثل الرصاصة من تطلع من السلاح ماتلحگ على شي ما شفت إلى بداخلها.
رجع بايده كلاص مي ثنى ركبته و گعد لزم راسي من وره يشربني
و عيونه تتفحصه، تخيلت لو چان واگف يم الباب و ما داخل داخل.
السيارة يمكن ضربته نزلت دموعي، حضني يهدأ بيَّ و اني لازمة بي.
لو ما صاعد بالسيارة چان دعمتك ارسلان مستوعب إلى صارر؟
هذا انا يمج كافي تبچين غياهب حبيبتي.
ابتعدنا عن بعض من دخلوا ابوية و درغام لان اتوقع باقي الباب
مفتوح حسب ما أتذكر ما سديناه، ملامحهم مرسومة عليها
القلق اجه ابوية ارسلان گام من يمي حضني خايف.
سلطان: شصاير ارسلان؟ طلعنا على الصوت شبيهاا سيارتك و بنتي شبيها؟
غمض عيونه متنرفز ارسلان يحاول يلزم أعصابه.
ارسلان: أجت سيارة و انا صاعد بسيارتي ردت أسد الباب لان رايح الدوامي ما احس غير اجت سريع طيرت الباب.
رد ابوية بملامحه كلها تفكير.
هذا ثائر و متأكد حط ارسلان بعقله.
درغام: هذا يريد يلعب گولوا شلون؟ لان لو يريد يگتله موت چان قبل لا يصعد دعمه بس گتلكم رايد يلعب.
طبك حواجبه هاز براسه رد بهدوء عكس ملامحه اكثر شخص يستقبل
الخطر بهدوء عكس إلى بعقله وداخله.
ارسلان: مو مهم هسه كل هذا خلي ناخذ غياهب عمي شوف وضعها.
همست بنص دموعي صوتي گوا يطلع.
غياهب: ما يحتاج.
شلووون ما يحتاج شوفي روحج، شوفي وجهج شلون صار و انتِ حامل.
حاچاني ابوية يقنع بيَّ.
سلطان: زوجج وياه الحق بابا خلينا انشوف وضعج.
ما گدرت أرفض لان صار عندي ألم أسفل بطني وگف أبوية راد
يشيلني رجليَّ ميتات من الهبطة ما اگدر أمشي اتقدم ارسلان مترخص منه.
ارسلان: من رخصتك خليني انا أشيل غياهب.
ما عارض أبوية أخذني و طلع بيَّ گدامهم، ذرغام مشى گدامنا فتح سيارته صعدنا بيها ابوية صعد بصفه و اني و ارسلان وره.
وصلنا للمستشفى دخلوني للدكتورة بقى بس ارسلان يمي بدأت
الدكتورة يشغلها و الفحوصات الروتينية سولفتلها إلى صار بس
مو بالتفصيل گتلها زوجي لو ما لطف الله چان صار وياه حادث.
الدكتورة: لا تخافون ان شاء الله ماكو شي بس أثر الصدمة.
الي أتلقتها تحتاج راحة هالاشهر و لازم تاكلين ماما لان فقر دم صاير عندج.
ارسلان: مشكورة دكتورة.
ابتسمت بوجهنا و طلعت ذبيت نفس براحة ايدي على بطني هالطفل
معتزة بي ما اريد شي يأذي رفعت راسي اباوعله صافن بيَّ.
غياهب: راح ترجع الدوامك؟
ارسلان: عوفي الدوام هسه، شلونج تحسين بشي؟ احجي لا تبقين ساكتة.
احسن المهم الدكتورة طمنتنا.
رفع ايده لعيونه يعصر بيهن شهگت بدموعي لزم ايدي بايده حاضنها.
عزيزة عيون ارسلان والله هذا يمج مابيَّ شي ليش البچي فهميني؟ متأذية من شي يوجعج شي؟
رديت عليه من بين دموعي.
ما يأذيني شي بس خفت عليك.
طبع بوسات على وجهي يمسح بدموعي.
ما صار شي يمج انا.
أندگ الباب ابتعد دخلوا ابوية و درغام اجاني ابوية.
سلطان: هاا بابا شلون صرتي؟
مسحت دموعي بايدي كارهة هالسالفة اتحسس من كلشي
و دموعي مدا اسيطر عليهن عبالك يريدن عذر ينزلن اردفت بصوت مختنگ يرجف.
غياهب: زينة حبيبي.
درغام: الحمدلله على سلامتج خوية.
الله يسلمك.
رجعت الدكتورة و وصتهم عليَّ خصوصاً اني وصتني التزم بالاكل
و اني عدوي صاير طلعنا من المستشفى رجعنا البيتا درغام
وصلنا و گال عنده شغل دخلت ابوية ويانا.
ارسلان: راح أجهز غراضج علمود تروحين ويا أبوج الاهلج و انا اروحن الدوامي.
غياهب: اني اجهزهن لا أتعب نفسك.
اگعدي انتِ أو اگلج تعاي انا وياج علمود اعرف شتريدين خاف احط شي ماتريدي.
هزيت براسي اترخصنا من ابوية صعدنا فوگ سحبت جنطتي فتحتها.
غياهب اگعدي و انا اطلع غراضج إلى تريدينه احطه الج و الماتريدينه ارجعه.
أبتسمت بتعب.
تخربط اغراضي فوضوي انتَ مابيَّ حيل أرجع أرتب وراك.
امم ارتبهن الج أصير مرتب ماكو مشكلة.
تمام اني أشرلك وانتَ طلعهن بس لا تسوي فوضى.
هز براسه
موافق گعدت على الچرباية فتح كنتوري وگف گباله.
شطلعلج هسه؟
طلع ذني التراكين على أيدك اليمنى.
اي وگفي.
طلعهن بدون ما يسحبهن بفوضى أشرلي مبتسم.
ذني مو؟
أي أبني.
شفتي شلون شاطر.
حطهن بالجنطةو رجع هم وگف بصف الكنتور و يباوعلي
علمود أكله شنو يحط أستمريت وياه شنو إلى اريده يحطه مثل
العاقل يحيب و يسفط بدون غلط، و أهم شي ما يسوي فوضى
سد الجنطة بعد ما كملنا رفع راسه إلى ورجع يباوع للجنطة.
مو جنج كثرتي شنو راح تقيمين عند أهلج غياهب؟
لا وين هواية يمعود بس تعرف اني متعودة كل يوم اغير ملابسي.
مو بيدج نظيفة على رجلج.
رجلي إلى ايشوفه و أيشوف أناقته يگولون اوف شگد مرتب بس
لووو ايشوفون الفوضى إلى يسويها من يبدل تتغير نظرتهم.
غير انتِ بيج وهواس مال نظافة و ترتيب.
يله عيب خلي ننزل بابا گاعد جوا وحدة هسه شيگول علينا.
عباله هسه دخلنا شوط
اتأدب أدبسزز
اسف حضرة المحامية
حطلي من عطرك
هاي شنو
أصبر بي نفسي بين ما ترجع
اوگفي.
اني واگفة ترا.
فتح كنتوره طلع منه قميص من قمصانه غرگه تغرگ بالعطر
و فتح جنطتي حطه ويا ملابسي و گال.
هاي كل ما تتنسين عليَّ شمي و هذا عطري وياه هم.
هههههههههه اتنسى عليك صدگ والله.
علمود يغزر
شتقصد؟
ما أقصد شي روحي غسلي لا ابوج صدگ عباله ماخذين شرط.
منحرف
تحبينه أدري
منو؟
المنحرف.
قلبت عيوني طلعت غسلت وجهي اباوع النفسي بالمراية مال المغاسل
شصاير بحالي ما جنت اعرف الحمل متعب لهاي الدرجة رجعت
بدلت و نزلنا الابوية گاعد يخابر سده و وگف.
سلطان: درغام يگول رحت أدور على ثائر لاگي گاعد بالگهوة.
ويا صحبانه و لازمة بس ناكر و ما معترف مسوي شي.
ارسلان: اكيد ما راح يعترف شفتلك حرامي يعترف على روحه.
لا والله.
ارجع من دوامي و يصير خير هسه ما اگدر لأن ما فارغة.
انتَ شلون راح اتروح الدوامك اخذ سيارتي.
لا عمي مشكور انا احلها.
طلعنا البيت اهلي و اللي صار لازال بعقلي فزيت من تفكيري من ارسلان ضحك.
ارسلان: مانتعب بالطريق و احنا رايحين الاهلج شبختين ثلاثة نوصل.
فتح ابوية الباب دخل گدامنا حط الجنطة يم الباب الداخلي باوعتله و الشمس تضرب بعيوني.
غياهب: ما تدخل؟
ارسلان: لازم اروح للدوام ما اگدر اتأخرت كلش.
فدوة ارسلان انتبه النفسك إلى صار لحد الان من اتذكره أرجف.
لزم ايديَّ باوع للباب جوا ابوية ماموجود داخل و احنا بالحديقة.
ارسلان: انتِ هم انتبهي النفسج.
خابرني كل يوم و اذا ما تگدر دزلي رسالة.
صار، و بعد شنو أوامرج؟
ارجعلي بالسلامة، و كلشي ما اريد.
ان شاء الله يلا دخلي جوا.
راح تروح بتكسي؟
اي من ارجع اشوف وضع سيارتي اذا ما صارلها حل اخذ وحدة.
اخذ سيارتي اني تاركتها
لا سيارتج الج هاملتها بسبب وضعج باجر عكبة يتعدل وضعج و تحتاجيها.
بكيفة بس لان متعود سيارتك جوا ايدك راح تتقيد.
تنحل.
باس خدي حاضني طلع من بيت أهلي صفنت بمكاني عيونه تراقبه
الى ان طلع من الباب سده بايده دعيت ربي يحفظه، اخذت
جنطتي درت وجهي امشي دخلت للداخل اخذ ابوية الجنطة.
سلطان: ارتاحي نظر عيني لا تعبين نفسج.
گعدت شابكة اصابيع ايدي ببعض خايفة إلى سوا هذا الشي
اليوم يرجع يكرره التفتت على صوت ابوية من گال.
لا يضل بالج خليت درغام يوگف الارسلان عاى الشارع ياخذه.
ابتسمتله فرحانة بتصرفه.
الله لا يحرمني منك.
درغام گايل الثائر اذا ارسلان يتأذه أول المشتبهين انتَ و أخيسك بالسجون.
شگايله؟
يگله مالي علاقة، درغام يگول واضح هوَ من مهدده خايف.
و ثائر خنيث ما يگدر يسوي شي وحدة هذا انطي شرب و يدخل بعالمه.
خايفة بابا والله، من شفت إلى صار اليوم گلبي اجه يوگف.
الله كريم.
لليل رجعت خالتي من دوامها و ابوية حچالها إلى صار.
وجدان: انا ذولاك ولد اخواني غاسلة ايدي منهم و من تربيتهم لان تربية أبوي.
سلطان: ابوج الله يعلم بيا حفرة ضام روحه.
لليل صبت خالتي الاكل نفس لعبانة ذكرت كلامه شگد وصاني
انتبه و اكل و هم الدكتورة أكدت بكلامها، جبرت نفسي اكل و هوَ.
بعده ما متصل من طلع لحد الان معقولة لحد الان ما واصل
ابوية و خالتي فوگ راسي اكلي ما اكلي كملنا ردت اگوم اساعد خالتي ما قبلت.
وجدان: ماما انتِ ارتاحب هنَّ كلهن ماعونين شيرادلهن.
غياهب: راجعة من دوامج تعبانة.
سلطان صيح على بنتك يمة منج شگد تعاندين.
رحت عليها حضنتها.
شنو هاي وجدانو صايرة تشكين مني.
من عنادج هاي لو حنيم جان گبل گالت اي همزين خلصتوني.
ذيج جايفة ماعليها عتب بس الله وگعها بدرغام صابر وياها.
ههههههه هنا صدگ كلامج.
لا وتدرين شنو هيَّ و ارسلان نفس النمط و الطينة فد واحد فوضوي مثلها و اني و درغام نلملم وراهم.
باوعتلي ما مصدگتني.
لا غياهب ارسلان مو هيج.
هزيت بايدي و گعدت أسولف.
غير اني افتر وراه و يخاف يسوي شي و اعيط بي.
چااا گولي خالسة الرجال ولج.
لا خالة مو الهلدرجة.
رفعت حاجبها تباوعلي.
والله عاد انتن بنات سلطان ينخاف منجن.
مگرودة يا اني بصوت حنين.
ضحكت و شالت المواعين صاح ابوية.
سلطان: وجدااان چااي چااي بروح امج.
غياهب: أني اسويلك بابا.
أشرلي بسرعة ابقى بمكاني يهز راسه بيأس ما قابل.
سلطان: انتِ بس اگعدي يا بابا.
گعدنا يابه گعدنا.
دگ جهازي و عبالي ارسلان فز گلبي بس طلعت حنين جاوبتها.
حنين: هااا غياهب شلونج شلون صرتي؟ ما أدري والله هسه درغام حچالي.
چانت تحجي بخوف ورهبة.
غياهب: أحسن صغيرونتي لا تخافين شبيج جري نفس.
خفت عليج والله
الحمدلله احسن و بيت اهلي اني.
اجيج اني بس هذا ابني السربوت ما يگعد راحة.
اسمع الصوت درغام صاح بيها.
درغام: طالع عليج ابنج السربوت يالسربوته.
ضحكت بصوت حچيت من بين ضحكتها.
حنين: ما يقبل احجي شي عنه عبالك بس أبنه.
ابو الحسن هذا بعد اكيد ما يقبل على أبنه.
و اني ام الحسن دباعي فخامة الاسم.
والله شكلج و شخصيتج مو مال هذا الاسم انتِ وحدة شاخطة شجابج على هذا الاسم.
خلي انشوف انتِ بلااا شيطلع بيج و انشوف شتسمين.
امم احجيلي شلونه تعاملج ويا ابنج.
لا الحمدلله دا اتعلم بديت اعرفله حتى اليوم بدلتله بدون ما اخاف بس موتني بس يبجي.
طفل بعده قابل شتريدينه.
زين غياهب حبابة سئلي خالة ليش بس يتقيئ اهواية و استحي اسئل خالة جوهرة.
خلي اسئل.
صحت على خالتي علمود اسئلها طلعت من المطبخ بايدها
المجلافة مال المواعين و لابسة دشداشة جوا الركبة رافعة شعرها
خطفت نظرة سريعة من ابوية شلون صافن بيها ضميت ابتسامتي و حاچيتها.
غياهب: خالة حنين تگول شو الحسن بس يتقيئ.
وجدان: عادي ماما يصير عمره ست أشهر و يخف.
رجعت احاجي حنين.
غياهب: هاا سمعتي
حنين: اي خوووش.
بقت تسولف شوية ويايَّ و سدته راحت الابنها سمعته يبجي
طلعت خالتي بايدها چاي انطته الابوية اباوعلهم مبتسمة
ما ادري شبيه بس شكلهم حلو ضحكت خالتي ما ادري ابوية شنو
شمرلها من حچاية عفتهم صعدت ارتاح استوقفني صوت ابوية.
سلطان: وين رايحة بابا.
راح أتمدد فوگ و هم أنعس
براحتج.
دخلت الغرفتي و عيني على جهازي ليش لحد الان ما متصل
و دام درغام موجود ببيتهم يعني من زمان من واصل بدلت
تمددت بمكاني دزيتله رسالة كاتبتله.
غياهب: بالي يمك اذا اتشوف رسالتي طمني.
بقيت گاعدة رغم أنعس بس ما گدرت عيوني تغمض اخذت كتاب
من كتبي الباقية هنا قريت بي النص ساعة الشاشة ظهر بيها
اسمه دا يتصل بسرعة فتحت خط و گلبي دگاته مسموعة.
غياهب: ارسلان.
ارسلان: ياروحه.
وينك انتَ وينك؟ شگد صارلي منتظرتك.
اعذريني بس انشغلت و هسه يله گدرت الزم الجهاز.
وصلت مو؟
اي و من طلعت من بيتكم لگيت درغام واگفلي على الشارع
العام گتله مو عندك شغل طلع ابوج مرجعة من نص طريقة علمود عمي شگد حنين.
هههه اي گال بابا
اكلتي؟
اي والله اكلت.
كليتي شوية لو اهواي؟
امم يعني زين لان ابوية و خالتي هن كل شوية گايلين اكلي بعد، و اني اخاف اترزل أكل.
اييي يا بعد حيلي اكلي لا تبقين بدون اكل.
ان شاء الله.
سكتنا اثنينا و صوت الهوا من عنده مسموع.
أولريش.
عيوني.
ابوسهن.
ابتسمت الكلامه.
شنو ردت تگول.
تضيع الحروف يمج.
ههههههه لا والله
اگلج.
گول.
هم أحد گايلج قبلي صوت ضحكتج مُميز.
ضحكت و اني دا اجاوبه.
شنو هاي جديدة.
چنها العافية، بس والله صوت ضحكتج مُميز يرد روحي من أسمعه مو مال خبال و فضايح.
گول مو ضحكة الرقاصة ليش مستحي مني.
خفت ترزليني تريدين الصدگ.
حالياً اني گادرة عليك بس بالرزايل السبب لان حامل ما اگدر.
أدفر و أتعارك أخاف على البيبي بس من أولد بالسلامة ارجع
مثل قبل وياك شنو هاي ارسلان شو مو حلو اذا كله رومنسيات.
انتِ بالسنة حسنة تطلع منج الرومانسية خاف يعني ما منتبها گلت أذكرج.
يعني شوف.
امم اي شفت سولفيلي بنت سلطان.
سكتت الثواني نعلعلا عشيرتك شو هذا من يحجي بهدوء
يوترني و تزيد نبضات گلبي، لزمت خصلة من شعري الف بيها باصبعي
و اسولف وياه رجعت مراهقة زماني.
اي هذا شوف يعني اني احب اصير لا عبالك ما أحب بس أخجل.
چاا شلون؟ انا رجال ررمانسي اريد رومانسيات.
احترم نفسك شنو تدور رومانسيات.
مدورها ويا مرتي بالحلال.
لا ناقصك تدورها ويا غيري.
اذا اخونج شتسوين؟
اتريد التهمبل لو الصراحة.
سكتنا اثنينا و صوت الهوا من عنده مسموع.
أولريش.
عيوني.
ابوسهن.
ابتسمت الكلامه.
شنو ردت تگول.
تضيع الحروف يمج.
ههههههه لا والله
اگلج.
گول.
هم أحد گايلج قبلي صوت ضحكتج مُميز.
ضحكت و اني دا اجاوبه.
شنو هاي جديدة.
چنها العافية، بس والله صوت ضحكتج مُميز يرد روحي من أسمعه مو مال خبال و فضايح.
گول مو ضحكة الرقاصة ليش مستحي مني.
خفت ترزليني تريدين الصدگ.
حالياً اني گادرة عليك بس بالرزايل السبب لان حامل ما اگدر أدفر
و أتعارك أخاف على البيبي بس من أولد بالسلامة ارجع مثل قبل
وياك شنو هاي ارسلان شو مو حلو اذا كله رومنسيات.
انتِ بالسنة حسنة تطلع منج الرومانسية خاف يعني ما منتبها گلت أذكرج.
يعني شوف.
امم اي شفت سولفيلي بنت سلطان.
سكتت الثواني نعلعلا عشيرتك شو هذا من يحجي بهدوء
يوترني و تزيد نبضات گلبي، لزمت خصلة من شعري الف بيها
باصبعي و اسولف وياه رجعت مراهقة زماني.
اي هذا شوف يعني اني احب اصير لا عبالك ما أحب بس أخجل.
چاا شلون؟ انا رجال ررمانسي اريد رومانسيات.
احترم نفسك شنو تدور رومانسيات.
مدورها ويا مرتي بالحلال.
لا ناقصك تدورها ويا غيري.
اذا اخونج شتسوين؟
اتريد التهمبل لو الصراحة.
ضحك قوي يكح.
لا الصراحة شسوي بالتهمبل.
انطيك رزالة غسل و لبس أخليك تخجل من نفسك.
شددد كملي.
و أحرمك مني للموت والله أخليك تتحسر على شوفة خيالي
و تدري بيَّ من أقسى بگد ما گلبي بي حنين بس بي قساوة اضعاف هالحنية.
لا شنو شبيه ما عندي عقل أخونج مو زلمة إلى يخون.
حرامات ينعد على الزلم اصلاً.
اليوم ولد صديقي بالدوام من وصلت الدوامي خابروا صار
عنده ولد لو اتشوفينا شلون فرحان لأن اول طفل اله.
الله يحفظه اله.
امين.
لاحظت شغلة بي ما يندمج بالكلام بس ويايَّ تحسه يرتخي و يحچي براحته و هذا الشي حابته بي.
ارسلان: يلا بابا لازم أسده ما أوصيح بعد.
غياهب: مو تنسى كل يوم حاول تتواصل ويايَّ.
صار عزيزة عيوني.
ردت أسده مودعته اجاني صوته بنبرة مختلفة غير عن إلى چان يحجي بيها.
احم. غياهب
عيونها.
قبل لا اتصل بيج اجاني أحساس بس ما أدري اذا يطلع صدگ او لا يبقى أحساس.
شنو هوَ؟
حاس راح تجينه بنيه.
دمعت عيوني مُجرد سمعت نبرته من حچاها.
ان شاء الله احساسك يطلع صح حلوات البنات.
اشبعها حنية و حنان بس تجيني بنيه.
واني.
أدللج انتِ وياها.
بس لا تفرف و تعز بنتك أكثر مني.
ما أفرق و عيونج، شنو رأيج بس أرجع نروح للسونار مادري
بس گلبي مفرفح يريد يعرف شنو راح يجينه.
خلي ادخل بالخامس علمود يصير واضح بالرابع تصير خربطة
بكيفج بعد.
تحبني ارسلان؟
لا ما أحبج، عاشگج بنت سلطان.
هسه شلون راح أنام.
ليش؟ أكو شي.
تعودت على حضنك.
ضربت روحي راشدي خفيف لان همستها همس.
غياهب لا تحجين هيج لا تهيجين المواجع.
يلا يلا اوكي.
سمعت صوت صار قريب منه كبل گال.
راح أسده قبل لا تنامين انتبهي الروحج تغطي زين.
تمام.
سد الخط و گمت من مكاني سويت مثل ما وصاني متعودة
وگفت فرشت أسناني ضحكت على نفسي قبل شگد أعاند بي و ما اخذ بكلامه
و أسوي العكس هسه مثل العاقلة أسوي و انتظر منه هالاشياء
اذا ما يوصيني و يهتم لهاي التفاصيل أستفقدها و أضوج غسلت.
ورجعت لبست تراك مريح رجعت تمددت بمكاني قريت اية الكرسي
قبل النوم متعودة أقراها دائماً قبل لا انام.
غرام.
رجعت من الدوام صليت گعدت أقرا القران سديته بعد ما كملت
قراءة التفتت على صوت سراج اخذته الحضني طلعت نيروز
من غرفتها مطنكرة بس مو مثل عادتها.
نيروز: غرام عادي اسئلج سؤال؟
غرام: اي اسئلي.
ملامحها مليانة خجل قبل لا تحجي فرگت اصابيعها بتوتر و خجل نزلت راسها الثواني رفعته.
الوحدة من تزوج شگد يعني و يصير عندها طفل؟
بيد رب العالمين بنيه عن بنيه تختلف أكو إلى يتأخر حملها أكو لا.
هااا.
ابتسمت بوجهه مبين گلبها مرفرف على طفل.
تريدين طفل؟
هزت براسها مبتسمة.
غرام: يصير ان شاء الله و بعدكم ببداية زواجكم.
نيروز: اي هم صدگ، بس حنين ما طولت و صارت حامل و غياهب هم بس اني بعدني.
رفعت سراج برسته اباوعله يباوع ال نيروز و صافن بيها و هاي
اي شخص گدامه اذا يسولف عبالك جبير يخلي تركيزه وياه.
حتى صرت اگول بي وهواس مال تركيز.
اذا مرت سنة و ما صار راجعي يم دكتورة مختصة.
اي حتى عمر گال البارحة.
هوَ عمر طلع ويا خالة للشغل؟
اي الصبح طلعوا و ما اجوا للغدة خابرني عمر گال عندهم شغل ما يجون.
لعد هاج سراج خلي بس ارتب غرفتي و اغسل الملابس إلى عندي.
خذته مني دخلت الغرفتي رتبتها سريع و اخذت الملابس الوسخة ذبيتها
بالغسالة تغسلهن اليوم خميس و سوزان جاي اتسوي خميسات ابوية.
عندها تگول اول خميس سووا عمامي و متفشلين گدام الناس اكل قليل وناس باقية بدون اكل.
بس كُميل ما يقبل اروح لان عمامي يجون الها بالخميسات
هم و نسوانهم، ما ادري اذا راح اگدر اتخطى الموضوع
و اتعودت
علي الصدمات بسبب إلى شفته بحياتي مديت راسي باوعت النيروز
گاعدة تلاعب بسراج استداريت على صوت باب الحمام طلعت منه
ناز من الحمام لافة شعرها لابسة اتراك زيتوني ياكل
و يشرب عليها ايشع عليها بسبب ششدة بياضها.
ناز: هلو اجيتي من دوامج.
غرام: اي بس ما شفتج.
عمر انطاني مسائل رياضيات احلها لازم و من يجي يشوفهن و بقيت احل بيهن و دخلت اسبح.
شلونج بالمواد ما بقى شي للامتحانات.
يعني زينة بس اواجه صعوبة لان المواد مدارستها من زمان تاركة و اكو تغيير.
بالتركيز و الفهم كلشي يتسهل.
ان شاء الله، البارحة حلمت حلم غريب شو.
باوعتلها طابكة حواجبها.
خير ان شاء الله حلم شنو؟
هذ الولد إلى شفناه من رحنا للنجف.
يا ولد؟
هذا يمكن يصير صديق أرسلان اللي گعد ويانا بالزيارة.
ها هذا الولد ما أعرفه كلش اي شبيه؟
شو شفته بالحلم.
شجابه عليج و اتشوفي بالحلم؟
ما أدري
شنو الحلم.
ما أتذكره كلش بس اللي أتذكره شفت هذا الشخص.
عادي حلم عابر لا تخلي أبالج.
اي صح، وين سراج.
جوا يم نيروزه.
رايحة اله مشتاقتله اليوم ما شفته بس بالغدة.
راحت عليهم
و اني رجعت اكمل شغلي جففت الملابس بعد الغسل وشريتهن.
رجعت يم البنات گاعدات ناز تمشط بشعرها رغم جمال لونه بس گاصته من رجعت من السفر.
ناز: هاي غياهب شلون تمشط شعرها اني همزين گصيته
بس احب الشعر الطويل بس هم ماريده.
جاوبتها نيروز.
نيروز: عمو سلطان يموت على شعر بناته عندج غياهب تحب شعرها
بس حنين ما اتحبه لو بيدها تگصه بس تخاف من ابوها ما تگدر تسوي شي.
غرام: شعري ديوگع صاير خفيف.
نيروز: هاي نقص فيتامينات و هم نفسيتج تعبانة يأثر.
اي يمكن لان ما چان هيج هسه يهر هر.
بقن يسولفن و اني ساكتة اتثبتت نظراتي على ناز الگاعدة
تسولف بشكل طبيعي ويا نيروز و لا عبالك مثل قبل إلى يشوفها
ينصدم بالتغيير و فعلاً ماكو شي صعب على رب العالمين و كل هذا فضله
من الله ثم الغياهب إلى حاربت علمود يوافقون بالعلاج، وضعها
اتحسن احسن اكثر من قبل بعد ماشافت اهلها.
غرام: لعد مليكة وين؟
نيروز: راحت الاختها هم رجعت تخربطت.
الله يشافيها داتتعذب بمرضها.
سمعنا دگة الباب دا يندگ.
ناز: منو جاي؟ هسه حتى ماكو أحد بالبيت غيرنا.
نيروز: رايحة اشوف اباوع من جوا الباب اذا زلم ما افتح الباب و اذا نسوان افتحه هاا شگلتن؟
غرام: خاف ابوج او اخوج.
لا ابوية بدوامه و ماما گالت من خابرتني الصبح رماد بدوامه
هالكسلان سنة ثانية بالسادس اذا يريدون يجون ينطوني خبر.
خوش روحي شوفي و مثل ماگلتي اذا رجال لا تفتحين الباب لان الولد يبقون يحجون.
طلعت تفتح الباب مرت دقائق و رجعت عاوجه حلگها طبكت
حواجبي على الوراها هاي جيلان.؟ شجابها هنا
و كُميل محذرها
توصل البيتنا اباوعلها لابسة لبس رسمي و الكعب يرن صوته وراها
و الواحد يحجي الحق هيَّ حلوة كلش حلوة، دخلت وياها
وگفت لازمة ابني ناز بقت على گعدتها تباوعلها بتك عين.
جيلان: السلام عليكم.
غرام: عليكم السلام.
شلونكم بنات.
نيروز: بخير.
شنو ماكو اتفضلي؟
رجعت بنظراتها نيروز تباوعلي بتعجب من تصرفاتها تتصرف.
طبيعي سحبت نفس بهدوء لان مالي خلگ للمشاكل كافي إلى بيَّ.
غرام: اتفضلي جيلان.
دخلت بحذائها على فراش البيت تمشي وگفتها ناز.
ناز: احترمي البيت إلى تدخليله.
دارت عيون جيلان على ناز أشرت اتجاه نفسها.
جيلان: ويايَّ؟
لعد ويا الحايط انزعي إلى لابسته بيتنا نظيف مو جنابج جاية داخلة بحذائج على الفراش.
ها العفو نسيت لان متعودة ببيتنا عادي هيج أمور.
طبعاً متعودة اذا مخلين مساعدة عندكم تنظف وراكم.
خزرت ناز وراحت نزعت حذائها و نيروز تأشرلي بحركة بمعنى
ريحت گلبي رجعت گعدنا كلنا و عيونها تباوع بارجاء البيت.
جيلان: لعد خالتي وين؟
غرام: راحت الخالتج المريضة راجعة متخربطة.
هاا شو ماندري، اييي شو ماكو أحد بيهم هنا حتى الولد.
رفعت حاجبي بأستنكار من سؤالها متحملتها على اعصابي.
ما اتوقع شي يخصج جيلان؟
هههههه و شكو ضجتي ترا كُميل ابن خالتي و خطيبي السابق.
وانتِ گلتيها خطيبج السابق عيب سؤالج عنه.
عجيب؟ شكو ضجتي هيج.
الي دا تسئلين عنه زوجي.
تمام تمام عيني.
دارت على ناز تباوعلها.
جيلان: وانتِ نازو شخبارج.
ناز: من الله بخير.
وشبيح هيج تنترين بالكلام؟ هم صار عندج السان وتحجين الله يرحم
ذيج الايام إلى چنتي بيها طگة ونص و مبتلين بيج.
اتجحظت عيوني على كلامها و جرئتها، انفتحت عيون ناز بصدمة من كلامها.
ناز: احچي عدل جيلان.
وشحاچية اني؟ مو چنتي مريضة ما بقى دكتور ماخذوج اله.
احتقن وجهه ناز و انصبغ من العصبية عاطت بيها.
وانتِ شععللليج؟
ليش تضوجين من الحقيقة.
غرام: كاافي جيلان زودتيها لا تنسين گاعدة بنص بيتنا احترمي.
شبيجن هيَّ مو جانت مريضة ويعالجون بيها.
نيروز: كلامج ما حچيتي بطريقة مقبولة بعدين انتِ شعليج
انتِ قابل المبتلية؟ اهلهاا مو انتِ الحمدلله عندها اخوان
يدفعون عمرهم كله عامودها كلامج تافة وسخيف مثلج.
ناز: گووومي اطلعي من بيتنا بلا كرامة.
بقت جيلان گاعدة ما تزحزحت من مكانها و حاطة رجل على رجل
تباوعلهن مع ابتسامة خبث بعد ما فورت دمنا تقربت الها ناز
وگفت گدامها شهگت فاتحة عيوني للمرة الثانية من تفلت عليها و هيَّ تحذرها.
ناز: اذا جاية و مخلية أبالج تعكرين اجوائنا غلطانة لا اتعبين نفسج ذنب
صغار بالنسبة النا اذا باقي ولو شوية بس من كرامتج و تريدين
تحافظين عليها گووومي أطلعي منا احسن ما يرجعون و يشوفونج و يمسحون الگاع بيج.
دفعت جيلان ناز من گداها ارتدت لوره لو ما نيروز تلزمها.
جيلان: ماااا ناقصني بس المخاابيل.
ناز: دوگفيلي و شوفي المخابيل شتسوي هسه.
ركضت ناز للمطبخ
و اني و نيروز واگفين بصدمتنا ب ناز ما توقعنا و لا اصلاً
اتوقعناها تكون بهل القوة طلعت من المطبخ لازمة چفچير بايدها أشرت الجيلان عليه.
اذا ما كسرته على ظهرج ما أطلع تربية الاعرج و أخته.
ركضت عليها
ناز و ذيج رادت تتحرك وگفتها ضربة ناز إلى اجتها صخااام الصخمني.
للمرة الثانية تنكتل جيلان بوحدة انعم منها ناز چانت مسيطرة عليها وهاي فضحتنا بالصريخ مالتها.
نيروز أشرلها اتروحلهن تفاككهن شو هاي گعدت لازمة بطنهااا فاطسة
ضحك ما تگدر حتى تحجي حطيت سراج يمها ركضت عليهن اريد
اسحب جيلان من ايدين ناز لان انفضحنااا فضيحة بالصريخ.
غرام: وللج وللج ناز عووفيهااا فضحتنااا.
ناز: خللي اعلمهاااا المخابيل شيسوون.
و كل ضربة توجها الها ذيج صوتها يعلى ما ينصى سحبتها.
حيل و جيلان ما صدگت صارت تركض من البيت طالعة و الحجاب
صفح صار لازمة اماكن جسمها تلبس بحذائها و تغللط على ناز.
جيلان: الكلبة المسووودنة اني اعلمج.
نار: زيج بصوت اخوية حبيبي.
خزرت نيروز طگتها ضحكة بصوت عالي و گاعدة مامهتمة للوضع.
انعللل ابوووج لابو اخوووج التافة مثلج.
ما گدرت اسيطر على ناز هنا ركضت وراها وبايدها الچفچير
ما عافته جيلان ماكملت لبس حذائها وطگتها ركضة لطمت على.
خدي و اني اسمع رجع الصريخ كب درّت النيروز.
غرام: وللج نيرووز گووومي ويايَّ.
نيروز: والله و لا اگوم خليهاا حيللل وياهااا و خلي تحمد
ربها هسه من سبت ابوها ارسلان و عمر ما موجودين چان زوعوها العافية.
يأست منها اتساعدني طلعت وراها وناز لازمتها بنص الساحة و تكفخ بيها.
حد ما وصلتهاا الباب الشارع فتحته ودفعتها مطلعتهاا تفلت عليها
و سدت الباب بوجهه، رجعت تمشي فحطانة ايدها على صدرها و الوجه مصبوغ صبغ احمرر.
ناز: بردت گلبي بيها هل العايقة.
غرام: انتِ بخير ناز؟
ايي مابيَّ شي بس هذا بعد لا تطبخون بي لعبت نفسي منه لأن لمس جيلان الحية.
راحت ذبته بالزبالة ورجعت جوا دخلت دخلت وراها و نيروز بس شافتها دخلت صاحت.
نيروز: خااب ابوسج و العباس ابوسج تعاااي خللي ابوسج على هل الگتله إلى انگتلتها جيلان التس.
هاي هم ما گالت لا راحت الها باستها و گعدن فاطسات ضحك و هنَّ
يسولفن على العركة هزيت بايدي مجنونات ردت ادخل للمطبخ.
مدين راسي من الباب صحت بصوت.
غرام: اذا انتِ تربية الاعرج، هايهية اتوضح مستقبل ابني دامه متعلق بارسلان.
ناز: راح يطلع تربية ارسلان يمشي و يتفل على إلى يضوجه.
صخااام الصخمني.
اسمعهن يضحكن ورايَّ هزيت براسي يأسه من الوضع صفنت أفكر
بس لا صدگ ابني يطلع هيج صخام بعينج غرام ابوه كُميل و ارسلان
موجود شيطلع ابنج يعني، لليل رجعوا الولد و البنات سولفوا الهم اللي صار.
كُميل: كفووو بعد خاالج.
عمر: طبهاااا مرض تستااهل.
ناز: كسرتهااا تكسر وداعتكم.
باسها عمز وهوَ مشجعها على تصرفها و اللي سوته طلع
عمر من وراه علاكة بيها غترة و عكال صغار.
كُميل: ولك شنو هاي.
عمر: اريد اسوي جلسة تصوير إلى واخذ سراج ويايَّ.
نيروز: عمر سراج وينه وين هالسوالف و العكال.
مالكم علاقة انتم انا وابن خالي.
لبسه الغترة و ابني مادري شيرطن ويا عمر و محد يفهم شي منه
و عمر مسوي نفسه فاهم عليه و يگله اييي وانتَ رجال و مدري شنو.
لف الغترة على راسه بس العكال تركه ما صار لفها بطريقة حلوة
مرتبة وگفة لازمة لان سراج بعده مايمشي يوگف ويوگع ثبته بايديه
وكُميل و عمر يهوسوله وسراج يكمز البنات ماتن عليه يصورن بي
مبتسمات ابتسمت المنظره همسلي كُميل.
كُميل: اضحكي مت فدوة اروح الهل الضحكة، الدنيا خلصانة علوية لا تحرميني من هالمبسم.
غرام: ماباقي شي الاربعين ابوية تاخذني؟
ان شاء الله.
بقوا ياخذوله صور صوروا فيديوهات باوعت الكُميل دزهن الارسلان.
و كتبله شوف أبنك، مشت الايام بين الدوام و البيت و مليكة بعد مارجعت
لان اختها خطية فد مرة وضعها كل ما جاي يتقدم للاسوء راحلها كُميل بس اني مارحت لان اقاربهم ما متقبلين وجودي.
اختي رحتلها كم مرة بس مو بالخميسات، اجه يوم الاربعين
مال ابوية سويتله ثواب و وزعنا للجوارين و هذا الشي سوا كُميل
قبل لا اني اطلب منه، باجر نطلع للنجف سراج يبقى يم نيروز ما اگدر اخذه ويايَّ.
الثاني يوم طلعنا الفجر اني و كُميل و سوزان گالت نلتقي بالمگبرة
علي طول الطريق مشغلين القران بعد ساعات وصلنا للمگبرة
و ضيعنا المكان خابر كُميل زوج سوزان بقى يحددله المكان
و يدلي لحد ما أندلينا وصلت رجليَّ الهم ر أنعصر گلبي و الخنگة
دمرتني من شفت گبورهم، رفضت قبل بمرة اجي الامي لان جنت ما مستعدة اشوفها.
قبل ردت بس اريد اجي بس من صارت صدگ و گالولي ناخذج.
ما اجيت و هسه اجيت و روحي شاغت باثنين مو بواحد مشيت بخطوات قبل لا اوصل الهم لزم ايدي.
كُميل: أتذكري هذا قدر رب العالمين و كلنا على نفس الطريق لا تأذين بروحج و تأذينهم.
هزيت براسي و غصتي أعتلت بلعومي خنگتني وگفت محتارة
منو إلى اروحله أول؟ اثنينهم بجهتين مختلفات، راحت رجليَّ
تخطي بخطواتها اتجاه أمي بدأت ذاكرتي تسترجع اخر نظرات و وداع بينا
من طلعتني من البيت ذاك.
گعدت بالتراب رفعت ايدي ترجف اتلمس بگبرها نزلت دموعي بغصة و شهگة.
يمة أروحلج فدوة هاي اني غرام اگعدي اتلگيني اجيتج اليوم
حررت دموعي أكثر صرخت بصوت من اعماق گلبي، يمة اگعدي
و اتلگيني اخخخ يايمة يا كسرتج المالها جبر، محتاجة الج وين
رحتي و عفتيني انحرمت منج هواي تعااي شوفي غرام شصار بيها.
حتى ابوية صار يمج صفيناا اني و سوزان وحدنا تعاي شوفي.
اطفالنا مو چانت أمنيتج اتشوفينهم رحتي و ما شفتي ابني مالحگتي تفرحين هالفرحة.
بچيت و عاتبت هواي بس ماكو فائدة لو ندري يرجعون لگضينا العمر كله نعتب و نبچي.
بس ما يرجعون عافونا بهل الدنيا و اختباراتها رفعت راسي
من كُميل ذب مي ورد على كبورهم انطاني قران بايدي.
كُميل: أقريلهم و ريحي نفسج وريحيهم علوية البچي مايفيد
بس ما امنعج تطلعين إلى بگلبج الله يساعدج و ينطيج من صبر مولاتي زينب.
بديت أقرأ و دموعي مابطلت احس بروحي جاي تتگطع من القهر
و العذاب مصيبة اكبر من مصيبة كملت رحت الابوية قريتله الفاتحة
ويا وجعي منه غصيت بدموعي وگفت سيارة زوج سوزان
نزلت منها وراهم منشئة عمامي بيها الواضح، باوعلي كُميل.
كُميل: انروح غرام؟
غرام: ليش انروح؟ هم أرض النجف أنمنع منها؟ بسببهم.
وصلت سوزان يمي انطتني ابنها عيونها انگلبت حمر گعدت
يم گبورهم ملخت روحها تملخ لازمنتها وحدة من عماتي إلى تخزر.
بيَّ كأنما مسوية شي غلط و عبالك عدوتها ما اتحملت اشوف اختي
بهذا الوضع انطيت سيف الكُميل ورحتتلها مديت ايدي اريد الزمها اندفعت باوعت مستغربة شنو هالبشر؟
مديحة: وخررري ايدج لااا اكسرنهااا الج كلشييي صارر من سبايبج
اخووووي مات من وراج من قهررج و عارج الماطموا.
عضيت شفتي
بقهر من كلامها و الناس الواگفة اتباوعلنا
دارت عيوني على زوجي إلى عيونه صارت بگصته بعد ما سمع كلامها.
ما اهتميت الها رجعت الاختي اريد الزمها هم ذفعتني ما اتحملت عطتتت بيهاا.
غرام: كاااافي شبيججج مااا اتشوووفين احناااا بياااا حال فووگ ظلمكم اليه تحچيننن هذا الحچي وخررري هيج.
دفعتهاا من طريقي و لزمت اختي إلى انتهت ما ادري اصبر بروحي
لو أصبرها و احنا نفس الجرح بس غصباً عليج يا غرام تقووين نفسج
و تكونين سند الهاا ماعندجن غير بعض من اليوم.
غرام: سوزان.
شهگت بدموعها متلوعة بحرگة گلبها.
سوزان: راحوا غرام راحوا اثنينهم وعافونا صفينااا بلا أهل.
راحوا الرحمة الله المكان احسن هالدنيا.
تعودت على هذا الجواب بكل مرة اسمعه.
ضربت وجها وتصرخ بصوت عالي صوتها انتهى اجه زوجها
يحاول يلزمها و يسيطر عليها بصعوبة گدرنا عليها، رفعت راسي
للموجودين عمامي و نسوانهم يخزرون بيَّ لو بيدهم هسه هنا
و بهذا المكان يگتلوني و يدفنوني صارت هوسة جاية من ورايَّ.
درت بجسمي اشوف شصاير شهگت و اني داشوف كُميل هوَ.
و عمي منصور واحد يدفع بالثاني و الزلم صايرين بنصهم همست سوزان بتعب.
سوزان: روحي الرجلج ذولة المايخافون الله لا يسون شي.
عفتها گاعدة و رحت امشي سريع العيون عليَّ بس اريد اوصل يمهم
عثرت بطابوكة گدامي لو مالازمة بواحد من الگبور چان وجهي اتحطم
وصلت يمهم لزمت كُميل من أيده ورجل سوزان اجه يركض هم لزمه حچيت بخوف.
غرام: كُميل عوفه تعاال ويايَّ.
منصور: هااا اهااا اجت اجت ساس البلة.
حچى كُميل بحدة وياه.
كُميل: ماااا غيركم ساااس البلة يالفكوررة عمام انتم حشى ساااادة محمد منكم و بريئ منكم رسول الله و أهل بيته.
أجرجر بي علمود يعوفهم.
كُميل فدوو عووفه دا تسمعني موو احچي وياااك.
منصور: ولي منااا يلااا انتِ ورجلج ما نتشرررف بيكم بينا.
طگ صبري باوعتله انفض غضب صحت بي گدام الموجودين.
غرام: علسااااس اني إلى اتشرررف بأمثالكم، أجيت الاهلي
ماااجاية السواد عيونكم حسبي الله ونعم الوكيل بيكم.
سحبت كُميل منهم يريد يهجم على منصور و لازمينة اني و فواز
متشعوط يصيح هدوووني صعده بالسيارة يهدي بي.
فواز: خوية امسح بوجهي هذا منصور ما يعرف يحجي لا يصير بخاطرك.
كُميل: بقندررة حشاااك لا أشترري و لا أعترف بي.
ارجعوا انتم البيتكم شوف مرتك صوفرت من الخوف كافي مصيبتها عليها.
سد الباب على كُميل و اجه باتجاهي.
فواز: خوية روحي انتِ و سوزان انا افهمها.
اثنينا درنا على مصدر صوت سوزان دا اتعارك بعمامي غمض عيونه زوجها بقلة صبر.
خلي اروحلهاا لا عمامج يسون شي انتم توكلوا.
غرام: بس شلون ماتشوفهاا دا تتعارك وياهم.
هيَّ محملة عليهم من زمان يلا خوية صعدي ويا رجلج.
صعدت و عيوني عليها ما اريد اروح بس شسوي الوگت و الظروف
ضدي و اقوى مني الشي إلى طمني زوجها يمها وياها ماراح
يخليهم يتقربولها، طلعنا من المگبرة زرنا الامام سريع ورجعنا البغداد.
لان ابني يتنحس من اطلع وبقى بالي عليه، باوعت الكُميل لازال طابك حواجبه بعصبية وجهتله سؤالي.
غرام: شصار بينك و بين منصور و هيج خلاك تفور بدمك؟
بقى ساكت ما جاوبني عيونه بالطريق.
مو أحاجيك كُميل؟
كُميل: بقى يمسلت بالحجي.
شمسلت؟
من اسمه تمسلت مايحتاج احچي
حچى عليَّ مو.
رجع ساكت مامنطيني جواب.
غرام: جاوبني.
ايييي بس ما سكتتله طيحت حظه و لو ما الوادم
الواگفة
بنص چان گتلته بنصهم و الزهرة ام الحسن بس بي بخت.
درت وجهي مختنگة دموعي بعيوني نزلت بهدوء على خدي
رغم عرفوا اني مالي ذنب و الذنب ذنب غسان بس بعدهم يكرهوني
و يحجون و يطعنون بيَّ بس ما اگول غير حسبي الله على الظالم.
درغام: شبيك ضلعي شو صاير تصفن هواي؟
مُجاهد: لا ماصافن وياك
بعدك ضايج على موضوع أمك
تريد الصدگ ابو الحسن؟
اي
گلبي ملچوم منهت منين ما أدير وجهي كلامها طابع بعقلي.
تتوقع مهددها؟
يااريت و ما تخليني هيج مكسور منها على الاثل لو تتواصل ويايَّ و تحچيلي.
جربت تتواصل ويا اختك؟
لا ما اريد اراسلها يخوي خاف هذا الكلب ابوها ايشوف المراسلة و يأذيها لان يفتش بجهازها دائماً.
هيَّ بالجامعة غير
اي.
چا شبيك يحظي الاغبر روحلها لهناك و احچي وياها و هنا راح تكتشف
اكو شي او با و امك إلى حچيته صدگ لو جذب و من قناعتها.
صفن بيَّ عبالك الامل رجع اله بالحياة.
شلووون راحت من بالي.
انتَ ماعاجبني صاير اتصفن هواي
لااا تلح گنالك ماكو شي.
أشوف صفناتك مو خالية مُجاهد و أعرفنك انا مو غشيم روح طكطكهن يم غيري.
حك فوگ حاجبة ورفع راسه يباوعلي.
اگلك
اسمعك.
لا هيج انا رايح الشغلي.
دگيت على الميز.
مو گتلك شغلتك مو خالية.
مارد عليَّ طلع بس متأكد هالفترة اكو شي اباله لان اخوي
من الطفولة و اعرفنه و حافظه مثل ما حافظ روحي دگ جهازي شفته ابوي.
درغام: الله يساعدك يابه.
رد عليَّ و صوته متغير حتى مارد على سلامي.
جابر: راح يوصللك فيديوهات شوفهن.
مال شنو؟
ذبلة حسرة و رجع يكمل.
يخص جدتك هيلة الله يرحمها.
سده بدون مايخليني اجاوبه وصللي انتظرت يحملن
و كلي فضول
اعرفه شني إلى بيهن كمل تحميلهه فتحت واحد منهم طبكت.
حواجبي بهل اللحظة بأستغراب هذا جدي سالم؟ الواضح التصوير
جديد چان گاعد و بمكان مهجور تقريباً الگاعد بي يشرب بالجكارة
و يباوع بالكاميرا و اكو من يصورة لان التصوير جاي يتحرك.
سالم: شلونهم ولادي، اولادي الباعوني راجعلكم ما بقو شي اصبرولي
تسكتون عن الگاتل أخوووكم عاارات الزلم ما اتصير الكم چارة
راجعلكم و اول واحد اخذ ثاري منه و اول واحد راح يتعاقب
هوَ إلى حرگ ابني مجيد حظروا روحكم كلكم راح تتعاقبون.
شوفوا الفيديو الثاني نهايتكم راح تصير مثل نهاية هذا الشخص.
خلص الفيديو الاول و انا صافن معناها ثائر عنده تواصل
وياه و الا شلون عرف بكل هذا بس يا شخص يگول عنه نهايتنا مثله؟
رجعت فتحت الثاني وريتني ما فاتحة و لا شفت شنو للي بي انا رجال
داخل باشكال الشغل الخطر
بشغلي بس مانهزيت مثل ما شفت هذا الفيديو جسمي كله صار يرجف قهررر، صدمة، رهبة.
مصور جدتي هيلة و هوَ يذبح بيها عيوني انفتحت بوسعهن.
ما رمشت من صدمتي يذبح بيها بكل دم بارد و بكل و حشية لحد
ما فصل راسها عن جسمها ترافس مثل الذبيحة إلى تنذبح مغرگة
بدمها حط رجله على جثتها و هوَ يگول.
سالم: هااي نهاية إلى يلعب وره ظهري.
انگطع الفيديو و عقلي وگف الدم صعد الراسي خابرت ابوي اسيطر على رجفتي ضربت الميز.
درغام: ثائرررر الكلللب واضح يعرررف مكااانه او عنده تواااصل وياااه.
حاچاني ابوي مكسور الله يساعد گلبه و هوَ ايشوف هاي الجريمة امثل بيها تمثيل سالم.
جابر: رحت البيتهم وامه تگلي مسافر.
شوووگت لحگ يسافررر شهل الكلاووات تلگاه حط ايده بايد سالم و اتفقوا علينا.
ادري ما مسافر درغام بس تلگاه ضحك على أهله و كلهم مسافر
و مثل ما گلت ثائر و ابوي حطوا ايد بايد و اتفقوا على دمارنا ارسلان حياته صارت بخطر.
ارسلان لازم ايشوف إلى وصللنا حياته صارت بخطر يابه لا يروح بيهاا الرجال.
دزيتهن ال عمران و خابرني مفرفح من شايفهن وقسم يگتل ابوي بايده على السوا ب أمي.
سديت الخط منه راسي راح ينفجر شنو هل البشر من اخطر
المجرمين الخطيرين يذبح بكل دم بارد و عبالك يذبح بحيوان
مو انسان اجت إشعارات على جهازي واحد وره الثاني باوعت للشاشة
هذا رقم ثائر دازلي صور لزمت الجهاز افتحهن اشوف شنو بيهن
هذا هوَ و سالم بدوا يلعبون فتحن الصور الثواني جمد الدم بجسمي من إلى شفته بالصور.