رواية وتيرة الأعرج للكاتبة حوراء السعيدي الفصل الخامس والثلاثون
غرام.
لزمت مكان الضربة روحي طلعت درت وجهي بهدوء أشوف منو هذا
و الا عيوني اتجحظت سرعان ما شفت ناز لازمة السچينة بايدها تباوعلي
بنظرات حقد رجفت بخوف دخل ارسلان يركض حاله صار ما يقل عن حالي
لزم ايدها گوا اخذ منها إلى بايدها رجعت مرتدة لوره دخل كُميل اتبسمر بمكانه
من شاف الوضع لزمني عيوني مرة تباوعلي و مرة تباوع ال ناز الواگفة عبالك بغير عالم بصدمة.
باوعت الايدي صارت عبارة عن دم بدون ما يحجي كُميل وبنص صدمته
رفعني طلع بيَّ من المطبخ و ارسلان لازم ناز شافتنا مليكة لطمت على خدها.
مليكة: ولك يمك شمالهااا مرررتك.
كُميل: بعدين يمة بعدين جيبيلي عبايتهاا بسرعة فدوة العينج.
عضيت شفتي كاتمة وجعي نزلت دموعي من الالم جابت عبايتي گعدني
يلبسني بيها طلعنا للمستشفى وصينة مليكة تبقى يم سراج، طول الطريق
أتصارع ويا الالم والله ما يتحمل شهگت بدموعي كل شوية داير وجهه.
يباوعلي بخوف ضرب على الستيرن مال السيارة بقوا.
كُميل: بسسس لوووو أعرررف شبيهاااا ليششش رجعت حالتهااا تأذي. شلون صار هيج غرام؟
جاوبته و احس ايدي انشلت شل بالوجع.
من گتلك رايحة استغربت دخولها وحدها لان كلنا ندري بحالة ناز اول
مادخلت كم خطوة مني الداخل المطبخ و احس بشي انغرش بكتفي.
بقى يستغفر و يتأفأف بين ما وصلنا للمستشفى نزلني دخلنا استلموني منه وگفت الدكتورة تشوف الجرح.
الحمدلله الجرح مو بعمق هسه نعالجه.
بدأت تداوي انطوني أبره و اتوقع جانت تخدير لان خيطوا الجرح بقيت
بمكاني متمددة بس ايدي بعدها تأذيني و حركتي ما عادت مثل قبل دخل كُميل گعد قريب مني.
كُميل: شلون صرتي.
ابتسمت وروحي منتهية.
غرام: احسن
وين احسن؟ و عيونج حمر يكثر ما باچية.
نزلت دموعي ما تحملت اكتمهن.
مو ايدي تأذيني.
لزم ايدي بهدوء على كيفه باسها ويباوعلي بقهر.
بيَّ و لا بيج رويحتي علوية، كافي بجي هسه تصيرين زينة.
مسحت دموعي بايدي الثانية ما اگدر احرك إلى نجرحت.
خلي نرجع هسه سراج يتنحس لو يجوع
بس أشوف الدكتورة و أجيج.
طلع الها بقيت وحدي گاعدة أفكر بوضع ناز والله البنيه چانت شحلاتهه
مابيها شي و حتى الجلسات ملتزمين بيها و لا جلسة مفوتين رغم كلشي صار ويانا باخر فترة.
رجع ساعدني البس عبايتي و ايدي أقل حركة تأذيني رفع راسه يباوعلي.
كُميل: ها غرام نطلع
غرام: اي.
رجعنا للبيت اول ما دخلنا صار بوجهنا ارسلان و جهه مغيم بالحزن مبين مقهور اجه علينا.
ارسلان: الحمدلله على سلامتج علوية
الله يسلمك.
أعتذر بأحراج.
اتمنى تعذرينا على إلى صار صدگيني انا مثلج مصدوم من إلى صار.
ما يحتاج الاعتذار خوية
شلونها ايدج.
كُميل: ماكو شي لا يضل بالك بس خيطوها وين ناز؟
ذب حسرة بقهر.
ارسلان: نومتها گوا سيطرت عليها
ليش رجعت هيج حالتها؟
ما ادري خالي باجر اخذها للدكتورة و انا خابرتها حجيتلها إلى صار گالت باجر تعاي و جيبها وياك.
دخل عمر جان طالع بقى يباوع علينا بأستغراب.
عمر: شعندكم مجتمعين.
دارت عيوني على ارسلان إلى حاچاه بنبرة كلها غضب.
ارسلان: وينننن جنت؟
طالع يعني هذا هم سؤال
ادررري طالع بسسس وين
شبيك ارسلان ترا مو طفل گدامك و تحاسبني هيج.
أشرلي كُميل ادخل جوا سويت مثل ما گال و بقوا ارسلان و عمر يتشاحنون.
بالكلام دخلت الغرفتي جانت مليكة حاطة سراج بحضنها بس شافتني
حطته بمكانه و اجتني خطية هيَّ هم تعبانة بامراضها.
مليكة: ها يمة شلون صرتي عمت عيني حجالي ارسلان
غرام: احسن خالة خو ما تعبج سراج وانتِ مريضة
لا يمة نايم گعدله دگايك ورجع نام
تعبتج وانتِ تعبانة.
خايبة غير ابن عزيزي هذا يحلاله التعب.
ابتسمت الكلامها.
الله يحفظج النا
شسولها ايدج
خيطوها.
لزمتني من ايدي گعدتني فتحت كنتوري طلعت منه ملابس إلى لان ملابسي كلها دم خجلت منها.
خالة اني ابدل
لا وين تگدرين وحدج و ايدج مخيطة.
وگفت خطية ساعدتني و على كيفها و اني جبانة اخاف من الخياط لازمة گلبي الى ان كملت.
يلة يمة نامي و ارتاحي و خلي اطلع اگطع النعال على ذوله إلى صوتهم وصل الي.
هدئيهم لان ارسلان متعصب و عمر ما يدري شصاير جان طالع
لا هذا
عمير طلع و ما گال لاحد بلگي صارله شي و احنا ماندري.
ميخالف قابل وين يروح اكيد ويت اصدقائه بس ارسلان ضايج من إلى صار و مدايتحكم بأعصابه.
هزت براسها و طلعت تمددت بمكاني باوعت الابني نايم ابتسمت متناسية
المي و وجعي نهضت من مكاني رحت عليه بسته بخده شميت عطره اريد
اگرطه شگد لطف رب العالمين چبير بحيث الانسان شگد يشوف تعب بحياته
بس كله يروح من يشوف عوض ربه، رجعت المكاني و لا زالت اصواتهم
تعلى مرة و تنصى مرة لان ارسلان صاير بركان و عمر هالمرة ما ادري.
شبيه مدايسكت عنه يردله بالكلام شلون غفيت ما ادري و اني بالي يمهم.
حسيت بشي ينحط عليَّ فتحت عيوني بنعاس.
كُميل: گعدتج عيناي
غرام: مو مشكلة شصار على الولد
شصار يعني مسلتوا وسكتوا و عمر هم صاير مخبل عيوني تعبت
و انا اخزر بي يسكت يدري بارسلان من يصير عصبي مايندل دربه.
بس هوَ چان طالع ما يدري بشي
مو هنا المشكلة، ارسلان مشكلته طالع ومايدري عنه متصل عليه ما يجاوبه
عمر مو طفل و عاقل.
مو بيده يخاف عليهم ارسلان صارت عنده خوفه من الخسارة يخاف يخسر احد من اخوانه بسبب ماضيه
الله يساعده شي مُتعب.
شلونها ايدج
احسن
ارجعي نامي خلي اسبح واجي.
اخذ ملابسه و طلع يسبح بقيت گاعدة من اجيت هنا بس مشاكل شوگت
نرتاح ونعيش بسلام غمضت عيوني و ابني گعد يبجي گعدت اجيت ابجي
وياه هسه شلون أرضعه وايدي هيج، بقيت واگفة أفكر شلون أشيله بصعوبة.
گدرت أدبرها و أشيله بايديَّ حطيته بحضني ارضع بي دخل ابوه ينشف بشعره باوعلنا أبتسم.
كُميل: ها هالسرسري گعد
جوعان
ابو بطن
ياااا
أشاقة شبيج علوية بكلشي تصدگين انتِ
أدري تشاقة.
دار أتمدد گبالنا يباوع علينا صافن و مبتسم ابتسمت على ابتسامته المرسومة على وجهه.
شبيك كُميل.
تدرين ما جنت متوقع أحصل انسانة مثلج و أصير أب.
نزلت عيوني على سراج إلى يرضع.
و لا اني بعد كلشي صار ويايَّ بالماضي گلت الحياة انتهت بالنسبة.
الي ماتوقعت ترجع الدنيا تضحكلي وتعوضني هالعوض.
اتقرب بصفي ولف ايده حولي.
تذكرين من ردتي جكليتة من اخذتج نزور
اي اذكر
بوگتهت نذرت اذا تحقق الب ابالي اجي و يايَّ كونية جكليت.
ضحكت و اني استرجع ذيج الايام.
بس ما عرفت شنو إلى جان ابالك ونذرت هالنذر؟
باوعلي بكُل حب و هيام و أردف.
انتِ.
اكتفيت بالابتسامة خجلانة شنو أرد نام ابني و كُميل أستلمني يحجي.
يگول انتِ من تتمرضين تبقين بس تتحركين بس شسوي طفل هذا ويريد اهتمام
و يجوع ما اگدر ابقي بدون رضاعة حطني بحضنه داير باله من جرحي حط وجهه بشعري.
كُميل
عيناي
شفت ارسلان شلون حچى على غياهب.
أهتز جسمه عرفته يضحك.
أي محروگ گلبه لان ما يگدر يتقرب الها الا تلعل الغالي عليه
وابوها خطية و الله احبه خوش رجال
يكره ارسلان دم سنونه صار
ان شاء الله يصير شي ويحبه هوَ وبنته
نتأمل، بس كون ارسلان ما يچفص بشي.
معقولة غياهب تسافر والله ارسلان يموت
و من يگول يخليها تسافر و تمر مرور الكرام.
رفعت راسي اباوعله طابكة حواجبي ما مفتهمة كلامه.
شلون يعني ليش هوَ گالك راح يسوي شي؟
هوَ ما گال بس تعلميني بي عشرة عمر وياع ارسلان عنده معارف
و صحبة قوية بالدوائر اكثر من قضيتج إلى صح دفعنا بيها فلوس ودخلنا ناس
بس هالناس كلها جانت من طرفه الا بحالة وحدة. يعوف غياهب من يقتنع تحتاج تبتعد و تصفي بالها.
ترا هيَّ هم أهلها مو قليلين خوالها ضباط و ابن خالها
و هنا العلة لا هوَ شويةو لا هم سلملي على الوضع
اوف شوگت يرتاحون والله تعبوا اثنينهم
اكو شي بيد ارسلان اذا تسلم الغياهب و ابوها احتمال يشفعله
شنو.
صفن الثواني گال.
شمدريني
لا والله لعد شكو تحجي هيج.
خلي ننام علويتي و عوفيني من ارسلان راسي صار شكبره من وراه و من وره مصايبه.
داحسك ضام شي
لا تحسين بعد.
حضني غمض عيونه ينام و بقى كلامه بعقلي يمكن صدگ ارسلان عنده شي
بس شنو اذا هم جمعهم الانتقام بقيت افكر و افكر و افكر كلشي ما طلع بعقلي من التعب نمت.
الثاني يوم ارسلان جهز نفسه ياخذ ناز بس جان وضعها مو مثل البارحة
حتى من شافتني ابتسمت إلى و لا عبالك نفسها إلى ضربتني بقينا
صافنين سراج بحضني اجت اتقدمت ناحيتي مد ايدها لزمت ايده تباوعله
و على وجهه نفس الابتسامة باست طراف أصابعه وطلعوا بيها ارسلان و عمر.
كُميل طلع الشغله بقيت گاعدة بمكاني مليكة ما تقبل الزم شي و اني
والله ميهون عليَّ تسوي شي و هيَّ مريضة بس تگلي انتِ ايدج اگعدي و اسكتي خليج بابنج
بدلت الابني بقيت گاعدة بملل قبل جانت غياهب مونستني و الجهاز
مو كلش احبه اني مرات اتصفح بي كُميل سوالي حساب ما متابعة
احد بس البنات و كُميل صار عندي فضول ادخل الحساب ارسلان مشايفته.
بس مرة لمحته معلق الخالة دخلت للمنشورات ادور عليه هذا خلك الفارغ من ما عنده شي وين يروح لحد مالگيته.
رفعت حواجبي حسابه عالي وكله ينشر صورة بس ابداً مو يم شغله كأنما
شخص عادي بملابس مدنية و التعليقات بفلس ضحكت من شفت وحدة معلقة خاب اطلع مابيَّ خير اذا أعلق لو ادز شي ضحكت بصوت اكثر من شفته راد عليها ان شاء الله راح يوصلج دبل طابوگ مو بلوك الخاطرج بالطريق بلگي يفيدج.
والله يا ارسلان وسوالفه عنده صورة هوَ و عمر ناشرها و هم من النوع المرتبين
بلبسهم و حتى اجسامهم مو ضخامة مبالغة بيها كلش مرتبين خصوصاً
عمر أحلى من ارسلان ك ملامح و يجذب شكله خصوصاً ابتسامته إلى بقمة
الهدوء خذت سكرين للصورة و عمر مبتسم بيها دزيتها النيروز و اني اضحك كتبتلها.
غرام: شوفي وليدنا قطعة نادرة انصحج تفكرين بالموضوع.
بسرعة شافتها دزت ايمويجي يضحك وردت.
نيروز: الله يحفظه الكم
بس الله يحفظه؟
لعد شنو.
لا هم زين منج و طلعت ذني الچايات شصار على هذا ارسول
منو أرسول؟
الخطبج
اسمه رسول مو ارسول منين جبتي هل الاسم
يا شمدريني عبالي اسمه هيج اي شصار
ما صارت بس امه دتحاول رغم دزينه الرفض من كم يوم
وين جنتي صار هواي من خطبوج
غير ملتهين بمصايبنا
هم صدگ بس تستاهلين بوسة لان رفضتي ان شاء الله احنا نجي نخطبج وتوافقين غصباً عليج
اكلج شو روحي خلي اجهز نفسي راح يجوني البنات اروح وياهن للصالون.
فتحولي كام من تكملون اشوفكم.
تدللين.
ختمت المحادثة وياها طلعت من البرنامج كله صارلي ساعتين اتصفح
بي راح أطگ من الملل وحتى السنة ما گدرت ارجع الدراستي لازم السنة التجي
ارجع الدوامي بعد مابيها مجال هيَّ بس سنة وحدة خلي اكملها المهم احصل شهادتي و ابني هم يكون كبران.
رجعوا الولد بس الصدمة من ناز شايلها ارسلان و لازمة بي ترجف دخيلك
ربي شبيها البنيه دخل بيها الغرفتها بقى عمر واگف وجهه محتقن رحت عليه.
غرام: عمر شبيها ناز؟
عمر: رجعت حالتها و حتى الدكتورة مصدومة مثلنا و بهل الحالة بعد الجلسات ما تفيد يمها
ما فهمت شنو يعني راح تبقى هيج؟
انطتنا دكتور عايش بالخارج نتواصل وياه و انشوف شيگول النا اذا طلب نسفرها اله نسافر بيها
بس والله مستغربة اخر فترة صارت زينة متأذي ليش رجعت لنقطة الصفر
علوية ناز وضعها صعب مو بسهولة تتحسن و يمكن حالتها تبقى للابد يوم زينة وتحسينها احسن و يوم ترجع لوضعها و للاسوء.
كلش أنقهرت بعد ما سمعت كلامه دخل المليكة بقيت بمكاني أختنگت
شنو ذنبها تبقى معلعة هيج و هم ديموتون قهر عليها حسبي الله ونعم الوكيل
بالكان السبب، بقى ارسلان يمها الساعات يله طلع گعد بالصالة و تحسه كل
حيل مابي إلى يشوفه يگول هذا ميتأثر شي بس بالحقيقة اخوانه نقطة
ضعفه مثل ما گال خاله صبيت بكلاص مي قدمته اله.
غرام: اتفضل.
اخذه مني هز راسه بأمتنان شربه صكة وحدة وحطه گدامه.
ارسلان: ما ادري ليش رجعت حالتها بعد ما اتأملت تتحسن
حچالي عمر شنو راح تسون
راح اتواصل ويا الدكتور إلى انطتني رقمه دكتورة نورس
هوَ وين صاير بيا دولة
لبنان.
خير ان شاء الله الله يسهل
ان شاء الله. سراج گاعد
اي تحب اجيبه الك؟
لا ابقي انا اجيبه من رخصتج يعني لان راح ادخل غرفتج
لا عادي.
دخل للغرفة الدقائق رجع شايلة بين ايديه و مبتسم بتعب يبوس بي گعد حطه بحضنه.
ارسلان: تدرين عبالي ناز سوت كل هذا لان غارت من سراج بس الدكتورة أكدت لا وضعها مو يم هيج شي.
خاف صدگ يعني لان انتَ تهتم بيها هواية وشافتك تتقرب السراج صارت عندها غيره.
لا الدكتورة گالت مو منه لان حجيتلها هالشي
لعد الحمدلله
بس علوية لا تبقون وحدكم يمها الا اذا احد يمها كلشي يصير الاحتياط واجب
ميخالف.
عفته يلعب ويا سراج شگد طلع يحب الاطفال و الحلو يعرف شلون يتعامل.
وياهم و ابني يسنح عليه حتى ما يبجي رجعه إلى ومادري وين راح
لليل رجع تواصلوا ويا الدكتور و شروحوله وضع ناز بأكمله طلب تقاريرها
تندز اله و بنفس الساعة ارسلان دزله كلشي يخص حالتها و گاله انتظر مني خبر بين ما أدقق التقارير.
حنين.
فتحت عيوني بعد ما جنت نايمة نومة عميقة أثر تعب البارحة نهضت
من مكاني غسلت وجهي نزلت شفتهم يتريگون شعجب ما مگعديني
و مخليتني غياهب براحتي يمكن لان بعده موعد الصالون ابتسمت.
حنين: صبااااح الخيررر يااا حلوووين.
سلطان: صباح العافية نظر عيني.
بسته بخده گعدت بصفه.
شنو غياهب منج من الشيطان ما وگفتي فوگ راسي.
غياهب: بعده موعدنا گلت خليها براحتها تنام وراها تعب
زين سويتي.
صبتلي خالتي عصير لان ما اشرب الچاي يعرفون طبعي بديت اكل
و الكل ساكت رفعت راسي شفت ابوية يباوعلي مبتسم.
سلطان: اليوم راح أزف الثانية و ان شاء الله هالمرة مو مثل الاولى و ما أغلط.
فترت عيوني على غياهب تاكل بهدوء ساكتة عيونها بالصحن إلى گدامها
احسها تنقهر من هيج كلام رغم من يحجون ما يقصدون يقروها بس يبقى الموضوع يحز بالخاطر.
حنين: ان شاء الله بابا و اني متأكدة لو عندك شي بدرغام ما وافقت بهذا الزواج
مو بذاك انطيت عمياوي و عهد عليَّ ارجع اكرر خطئيي عضيت أصبعي ندم على غلطتي.
رفعت غياهب راسها و حچت بثقة.
غياهب: درغام گد الكلمة و الامانة ان شاء الله تعب و هوَ يحاول يحصلها.
سلطان: ان شاء الله
وجدان: يله ماما كملن هم يالله تروحن لا ياخذجن الوگت.
نيروز تروح ويانا مو
اي قبل شوية تصلت بيها.
كملنا ريوگ و فرحانة ابوية راح يحظر زواجي لان درغام مو غريب وتعال
اليوم شاهد المعارك إلى حتصير بين ابوية وبين درغام، طلعنا من البيت بسيارة
غياهب مارادت احد تگول تصير اماطل وتعال خابر فلان ومدري شنو سيارتي
عندي ونروح بيها مرينا على نيروز صعدت واتوجهنا للصالون نفسه إلى سويت عنده مكياج حنتي.
باوعت للسيارة هدوء.
حنين: خاااب دشغللي اغنبة صخاام اللطاام بعين العدو عررسس لوووو فاتحة.
غياهب: مو تدرين اني و الاغاني مو كلش
بابا عررررسي شنووو مابيه اغااني درووحي هيج.
ربطت على جهازي اغاني و لان سيارة غياهب وبراحتنا نرگص بس خفيف
اني و نيروز غياهب تأشر عود مخبلات الماترگص بعرسها و فرحها قابل شوگت ترگص.
وصلنا للصالون ونفس روتين كل عروسه بالصالون بس اني اختاريت كلشي.
فخم بهذا اليوم و أكيد على شرط ابوية گال حنين تطلع من بيتي مو من الصالون
وبعدين ياخذوني للقاعة بدأت ام الصالون تشتغل و تشتغل بضمير
و متسوي شي الا تتأكد اني مقتنعة بي مر وقت كملنا باوعت النفسي فرحانة بالنتيجة.
تاج صغير على تسريحة شعري عشقت التفاصيل إلى انضافت إلى بهذا
اليوم بدلتي كلوش لبستها بمساعدة غياهب اباوع الغياهب مكياجها
عكس البارحة اليوم طالبة شي بسيط وخفيف، اتصل درغام گال ادزلجن سيارة.
بس غياهب رفضت گالتله سيارتها موجودة وهيَّ ترجعني للبيت، جهزت نفسي
وطلعنا من الصالون غياهب و نيروز فاطسات ضحك لان هنَّ إلى يرجعني واني وياهن اضحك على الواهس.
وصلنا للبيت خالاتي موجودات وخالات درغام هم لان الزفة من بيتنا أعتلت
الهلاهل ويا دخولي و اني شغلي اخذه وضعية الثكل و واوزع ابتسامات
خفيفة بقت خالة جوهرة تهوس وترگص غياهب بصفها تصفك وتضحك بفرح.
الفرح إلى من زمان ما شايفته بوجها مر وگت و گالوا أجت الزفة وصارت هوسة النسوان طبعاً.
هاي كم شخص هنا الباقي كله بالقاعة عدلتني غياهب گلبي صار بي سباق
من التوتر دخل درغام يمة شطالع المزنجر والله حَلو رغم مزنجر اشوفه احلى
واحد بعيني من بعد ابوية عطره سابقة اتلاگت عيوني بعيونه نزلت نظراتي
وصل يمي رفع راسي بايده همس بصوت بس اني وياه نگدر نسمعه لان غياهب ابتعدت عنه.
درغام: أموت و تحييني هالعيون السود المكحلة بلائيي الجميل .
خجلت أكثر و كزكزت عليه لو ما العيب و الفشل الا اگوم اجعصه بحضن
باس ايدي و گومني من مكاني و خالتي جوهرة تطش بالجكليت علينا ضحك الكل من گال درغام
درغام: يمة فشختي روسنا.
تقربت خالتي تبوس بي و عيونها مدمعة مادري ليش الناس بالاعراس تصير حساسة.
جوهرة: فرحانتلك امك تعبت وانتَ تنتظر هاليوم.
باسها براسها و نزل باس ايدها، دخل ابوية مبتسم سوله طريق يمشي.
بخطوات رزنة الى ان وصلي قبل راسي و ابتعد.
سلطان: بنيتي و نظر عيني و عزيزة روحي الف مبروك بابا حبيبتي زواج الدهر ان شاء الله تذكري دائماً انا وياج و سندج من بعد الله و مستحيل اتركج الله يهنيج و يوفقج ديربالج على نفسج و على زوجج ما اوصيح اريدج ترفعين راسي و ما اريد الناس تگول تربية سلطان بيها غلط زوجج تطيعي بما يرضي رب العالمين.
حضنته بقوا ما تحملت عيوني دمعت.
حنين: راسة مرفوع دائماً بابا وراح يبقى للأبد مرفوع.
جابت خالتي التخم مال الذهب لبسانياه جان تخم كامل من كلشي
كمل ورفع راسه الدرغام الواگف يباوعلنا بعيون تلمع.
سلطان: ما أوصيك بعد سبع الهورة و الحجي إلى حجيته وياك قبل لا
تدخل لا تنساه، عضيت الاصبع ندم مرة لا تخليني ارجع اعضه.
درغام: الافعال و الايام تثبتلك ان شاء الله عمي.
سلمني الدرغام و أعتلت الاصوات طلعنا و اصوات الاغاني تارسة الشارع و.
صار الوگت إلى اودع بي هذا البيت إلى تربيت وكبرت بي السيارات
تارسة الفرع درغام واگفلي مثل السد صعدني بسيارته خنگني خنگ.
حنين: شبيككك خنگتني
شوگت تتحجبين رحمة للكائنات.
سد باب السيارة و اصدقائه سدوا الشارع بسياراتهم اباوعلهم براحتي
و اصور ما ايشوفوني لان السيارة مضلل ضحكت من شفت مُجاهد
و على ذبوا فلك بالرگص و درغام بنصهم يرگص باوعت الغياهب صعدت بسيارتها.
وياها نيروز طلعت گدامنا بدأت السيارات تطلع من الفرع رجع درغام السيارته
صعد طلعنا من المنطقة لعبوا لعب اصدقائه اول مرة اشوفهم هواية چانوا.
نزل الجامة مُجاهد مطلع روحه من السيارة و هوَ يرگص عزا هذا مُجاهد؟ يصيح وطاير بالجو ويا الاغاني.
مُجاهد: أوگفلك يالزين معزب
ما خايف من واحد يعتب
تستاهل يا رفعة راسي كلشي
لعيونك ميتعب و أوگفلك يالزين معزب.
أها أها أسمععع أسمع رفع اصابعة يطگ بيهم.
أحنا الطگينا أصبعنا و حتى الحاكم وگفناااه، أحنا الطگينا أصبعنا و حتى الحاكم وگفناه.
يغني بصوت و الهورنات علگت.
جبنا الزين الزينة خلاها بوسط عينه لحم بالعرس ذبينااا لعبنا جولة للغالي.
اها اهااا، صار يهز بأكتافه.
والله لتعب بالهز چتفي حالف انا ومارد حلفي. دين الخوة بذمتي هواية شگد ما أنطي ما أوافي.
رجع قرب سيارته كلش قريب علينا يمكن لو درغام عنده اخ ما يفرحله هيج هم.
مُجاهد: اسمعع اسمععع و احنا النخبطهااا ونشررررب صافيهاااا
درغام خربان ضحك و متفاجئ بي رفع ايده على راسه نزلت جهازي من التصوير لازم اوثق هيج لحظات.
وصلنا للقاعة نزلنا و الاجواء و على تموت دخلنا و احنا ايد بايد گدامنا
المصورة و غياهب تطش بالورد علينا من گدام و نيروز من الخلف وصلني للكوشة
وطلع، بدأت اجواء العرس بنات خالاته و خالاته لعبن لعب بالرگص لان درغام.
يموت على خواله و هم نفس الحالة دخلن غياهب و نيروز اول مرة اشوف غياهب
ترگص هيج أحتلوا القاعة و اني گاعدة بمكاني ارگض اضحك بسعادة
اجت خالتي وجدان گومتني ما فهمت ليش الا لمن گالت.
وجدان: نزلي ويا اختج ارگصي.
ما گلت لا هوَ اني اريد بس واحد يدگلي الطبلة علمود أهز بروحي الكل
ابتعد وصرنا بس اني وغياهب بالدائرة رگصنا اني وياها جانت فرحتي متضاعفة
و اني اشوف اختي فرحانة إلى و كلشي اتسوي من گلبها حضنتني.
عيونها مدمعة، رجعوني المكاني و اباوع بعيوني للكل فرحان النا و يرگص بفرح
و منو تجي تبقى تصلي على النبي و تدعيلنا بالسعادة مشى الوگت على
هل الرنة تگعد وحدة من الردح تگوم الثانية ماكو بريك الى ان صار وقت دخولية درغام.
كلها گعدت ودخل حَبيبي بطوله إلى اروحله فدوة وبايده بوكيه ورد يمشي
باتجاهي و عيونه مادارت وصل يمي سلمني البوكيه باسني براسي.
بدأت الفقرات مال العرسان كلها سويناها و التصوير موجود وصلنا.
الفقرة الركص مال السلو و اثنينا نكرها بس مجبورين نسوي علمود التصوير
لزم ايدي و نزلنا، خففوا اضوية القاعة حاوط خصري وقربني اله نتمايل ويا كلمات الاغنية
يوزع ابتسامات بوجهي عيونه تشرحلي كل حُبه و عشقه قرب جبينه الجبيني همس وايده بايدي.
درغام: سنين أدعي ربي ما تلمس هل الايد غيري
حنين: و محد لمسها غيرك
مستحيل بيوم اعوفج من بعد تعب سنين صرتي مريتي وباسمي احبج حنيني.
أتقرب أكثر تحمحمت هذا يمكن نسى روحه.
احم. درغام
عيونه
لا تروح زايد الناس تباوع علينا
شعليها الناس.
باسني بخدي و گعد عاقل وجهي بوخ ضحك بصوت محد يسمعنا لان الاغنية طاغية على الاصوات.
أخ منك چفوصي صاير تخجل ما عرفتك
و شبيه عيني لعد ما اخجل.
حچى شي خلاني فاتحة حلگي و عيوني سوا سحگت رجله بكعب حذائيي.
تررررا اخابر ابوية وتدري بي شيسوي.
شبعني تگرص قبل لا أدخل يگلي خليك ثكيل ويا بنتي گدام الناس.
ضحكت من گلبي على سوالفهم.
عليك الله.
و الله و نوب ما يگرص هيج لا يفرگ الگرصة يگرص من گلبه
غير ماخذ بنته طبعاً يگرص من گلبه ديربالك على بنته ترا عندها اب يگلب الدنيا علمود بناته.
أحطها بعيوني، أوعدج وعد رجال گد كلمته ما راح ازعلج بيوم و اسوي كلشي يسعدج.
كل وعد ينطي بكل يقة گلبي لامسة كل شعور حَلو و كلماته الحنونة تركت
أثر بي باس ايدي خلصت الاغنية باوعت للمصورة مبتسمة ابتسمت بخجل منها.
كملنا هالفقرة و بقى شوية و طلع رجعت المكاني و نفس الاجواء رجعت صاروا
المعازيم يجون يتباركولي و الهدايا يقدموها إلى خالاتي كلهن قدمن هداية قطع ذهب.
ذكرت اهل خالة جوهرة زمان قبل چانت حالتهم المادية صعبة
بحيث امها
تخبز وتبيع للناس و ابوها عنده شغل بسيط اما هسه شلون رب العالمين رزقهم
خواتها المتزوجات كلهن بنعيم و ازواجهن واصلين مثل خالي جابر و اكثر و اهلها.
نفس الحالة اخوانها يغطون الناس بخيرهم وكرمهم نفسهم إلى جدي كرهم
و جان يقلل منهم لان جان رايد ام خالة جوهرة و ابوها صديقة ما جان يدري
جدي سالم رايدها و من خطبها الرجال سالم شن العداوة وياهم
خلص العرس وصار وگت نطلع من القاعة طلعني درغام ونفس الاجواء
زفونا للفندق خوب مُجاهد عمي لعب لعب گطع روحه بالرگص و فعلاً جان اخ ونعم الاخ الدرغام.
دخلن و يايَّ خالاتي و غياهب و هوَ جوا يم اصدقائه.
حنين: اگلچن شو بطني مغصتني
غياهب: گولي يا الله يمعودة
انتِ انجبي خووووش؟ بطلت رجعوني عمي رجعوني عمي بيمن احلفكم رجعوني وياكم.
علمود درغام يكسرج
دوورلي انتِ هم أخت.
ضحكت راحت تجهزلي اغراضي وبقن الخالات يوصن مثل اي عروسة
طلعن بقيت وحدي عمي و حق الامام على رجليَّ گوا بقيت واگفة عليهن طلعت
بس السان اكبر جبانة، سمعت صوت الباب ايدي على گلبي صوت المفاتيح القفلت الباب نحضنت من وره.
درغام: شبيها بلائي ترجف.
حنين: ولك شو خايفة
ليش جايبج الحرب ههههههه.
بقى يسولف ويايَّ طفرت منه وبدلت البدلة غسلت وجهي و رتبت نفسي
جايبة كلشي ممكن احتاجه طلعت شفته واگف يفرش بسجادات الصلاة لبست
ازاز الصلاة، وگفنا نصلي و كملنا بعدها تعشينا نسولف طبيعي علمود
انسى توتري غسلت فرشت اسناني رجعت اسولف وياه لزم ايدي و، يله برا
غياهب.
گلبي مطمئن على اختي لان واثقة كلش المنو سلمناها رجعنا للبيت هلكانين.
من التعب دخلنا اني و خالتي للبيت جان ابوية راجع قبلنا ما اجه بالزفة ما شفته ابتسمت بوجهه.
غياهب: ها يحلو راجع قبلنا
سلطان: اي طلعت من العرس قبل لا يخلص بابا
اممم
شلونها اختج
زينة زينة لا يضل بالك حَبيبي.
عفت خالتي ويا تسولف عن العرس وصعدت ابدل نزعت الكعب إلى لابسته
ورم رجليَّ لان ساعات طويلة اني لابسته ورگص و وگفة سبحت علمود جسمي
يرتاح من التعب تمددت بمكاني تعبانة بس هالمرة التعب يختلف تعب بي فرح.
لازم أكمل أوراق السفر دام حنين كمل عرسها و هم هم راح يسافرون
ذني الايام شهر عسل مرتبين وضعهم و على طلبها تريد تروح التركيا للجزيرة.
نمت الثاني يوم گعدت متكسرة تكسر گوا سحلت نفسي لان حنين و درغام
راح يجون البيت خالي و خالي جابر مسوي عزيمة علمودهم بدلنا وجهزنا
نفسنا طلعنا البيت خالي جابر وصلنا الهم بس بعدهم العرسان ما راجعين.
سلطان: شو اتأخروا
جابر: خوية غير عرسان.
باوعله ابوية تك عين ضحكت عليه للعشرة يله دخلوا علينا و السعادة
والراحة مالية ملامحهم باركنالهم گعدنا كلنا اجوا بيت خالي عمران هم تقربت
نيروز الحنبن حچت بصوت ناصي لا احد يسمع لو ينتبه.
نيروز: ايييي احجيلناا شكو ماكو.
عبالي اختي راح تخجل و تسكت شو هاي ابتسمت متسريحة.
غياهب: لعد البارحة وحدة گالت بطني مغصتني رجعوني وياكم.
حنين: هاي عيارت العرايس بعد.
ضحكنا بس اكيد ماتسولف شصار بس تسولف عن غزل درغام وهاي.
نيروز متسرسحة موتتني ضحك اجه درغام دفعني وگعد بنصنا اني و حنين.
غياهب: هاااي شبيك.
حط رجل على رجل و يباوع الابوية بخباثة سحب حنين باسها بخدها و اختي وجهه صار احمر من الخجل.
درغام: مررررررتي مرررررتي حلااااليييي بووية.
خزره ابوية ما يگدر يحجي مثل قبل و يا يابه خباثة درغام.
سلطان: كافي لا تتلطلط.
درغام: اموت على اللطلطة ويا بنتك.
غطيت وجهي عيوني مدمعة من الضحك عليهم عاط ابوية بي.
انچب ووولك.
مرررررتي بنتك مررررتي ركزززز مرررتي العب لعب و محددد يحچي ليش؟ لان مرررررتي
چااا و اذااا مرررتك انااا ابوهااا
ان شاء الله عن قريب تصير جدو بنتك تجيبلك طفل و انااا ابوووووه.
غياهب: هههههههه كافي هههههه درغام والله بطني بقت تأذيني من الضحك لا تخبله علينا
اريد اطلع الضيم إلى جان يسوي بيَّ ابو النص ساعة.
حنين
انبلع السانها بعد محد سمع شي منها لا تگدر تصير وياه و لا ويا ابوية گوا.
سكتناه و هوَ يغيض بأبوية، للغده گعدنا نتغده وسوالف درغام ما تخلص
يجيب ويحط اكل گدام حنين ويباوع الابوية من جوا لجوا.
درغام: اكلي ياروحي اكلي جعل محدد غيرج ياكل حبيبتي مررررتي ام بيتي.
سحبت نفس بعمق مرتاحة و اني اشوف هل الجمعة بس احس اكو شي
بداخلي ناقص ما اعرف شنو بالضبط، خلصنا اليوم كله يم بيت خالي
و هم اجتهم ناس يتباركون الهم، ردنا نطلع و اجاني اتصال من الدكتورة.
نورس إلى تعالج ناز، عفتهم واگفين يسولفون وگفت احجي وياها.
غياهب: هلا نورس
نورس: هلو عمري شلونج غياهب
الحمدلله بخير
اعذريني على الازعاج بس خابرتج اريد اعرف شصار بخصوص دكتور ماجد إلى نطيتكم رقمه.
طبكت حواجبي بعدم فهم ما مفتهمة على شنو تحجي بالضبط.
عفواً؟ ما فهمت يا رقم دكتور
رقم دكتور ماجد إلى نطيت رقمه الاستاذ ارسلان علمود حالة ناز
ليش هيَّ ناز مو تتعالج يمج؟
شنو غياهب ما عندج علم ناز وضعها اتراجع.
صفنت افسر كلامها.
بس هيَّ تحسن جانب منها.
صحيح بس وضعها للأسف ساء و اني ما اشوف جلساتها يمي تفيدها ف انطيت رقم الدكتور اعرفه الزوجج من الدكاترة الزينين بس بالخارج مو هنا.
هاا ماشي دكتورة شكراً الج بصراحة ما عندي خبر شصار ان شاء الله هم يبلغونج.
سديته منها متفاجئة بحالة ناز بس ليش هيج البنيه وضعها ساء، رجعت الاهلي الواگفين اجتني حنين.
حنين: شبيه وجهج؟
غياهب: شبيه؟
ما ادري مو مثل قبل شوية جنتي تضحكين و مودج حلو
هاي نورس إلى تتعالج يمها ناز
اي شتريد؟
شو تگلي وضع ناز متراجع و احتمال يسفروها للخارج لان منطيتهم اسم دكتور عايش خارج العراق
خطية الله يشافيها
امين.
ودعناهم و طلعنا من يم بيت خالي بالي أتشتت بالموضوع وصلنا البيتنا
و بيت خالي عمران ويانا لان طريقهم على طريقنا وگفنا يم الباب من شفتا
ارسلان نزل من سيارته گدام بيته همستلي نيروز مصدومة.
نيروز: عزا هذا شيسوي هنا.
غير اشترى هذا البيت
شبيج غياهب
شبيه؟
عود صدگ تحچين؟
اي والله شبيج و محد يعرف ابوية گال بعدين احاچي درغام و افهمه ما يتقرب اله.
صارت عيونهاا باتجاه ارسلان فتحتهن وصرخت
هاااا شنووو
و گرص شكو.
التفتت اباوع شكو اتجحظت عيوني و اني اشوف خالي عمران مشى باتجاه
ارسلان وگف گباله و مد أيده يتصافح وياه يسلم عليه حتى ابوية و خالتي انصدموا.
اباوعلهم وگفوا يسولفون و طبيعي و خالي ضحك وياه رمشت بثكل شنو داحلم رجع خالي النا كلنا نباوعله مصدومين.
عمران: شبيكم؟
سلطان: شو تسلم على ارسلان
ما بينا خلاف وكلشي سوا من حقه و غلطه الوحيد غياهب
خوش عمران.
دخل ابوية ضايج من تصرف خالي وجه كلامه خالي الخالتي.
عمران: شبيه رجلج.
بقت خالتي ساكتة اخذ عائلته و كمل طريقة دخلت خالتي للبيت بقيت واگفة.
بمكاني اباوعله لا زال واگف يم الباب يباوعلي باوعت الداخل البيت ابوية و خالتي دخلوا جوا، خذتني رجليَّ ناحيته.
غياهب: مرحبا.
ارسلان: مراحب.
لميت شفتي الداخل فمي محتارة شلون افتح الموضوع.
اتصلت بيَّ نورس و حچتلي عن إلى صاير
اي
شنو اي؟ يعني شبيها ناز و هيج رجعت
حالتها رجعت تعبت و نورس گالت...
رفعت حاجبي اباوعله بخزره.
نورس؟
باوع عليَّ بنظرات غريبة من ردت فعلي ادركت جفصتي و ما أدري بنفسي غلست و هوَ هم غلس و كمل كلامه.
دكتورة نورس اقصد.
اي شبيها
انطتني رقم دكتور و گالت يمكن يگدر يساعدنا
واتواصلت وياه
اي اكيد ودزيتله كل التقارير و خابرني گال جيبوها الي
وين عايش هذا الدكتور؟
لبنان.
صفنت بجوابه لبنان؟ حكيت جوا حنكي بتوتر.
هاا و منو راح ياخذها
عمر و انسام ما اگدرت اروح ما يقبلون يسمحولي بسبب شغلي و عمر يگدر يسيطر عليها مثلي.
الله يشافيها عيني اترخص منك.
وين عيني تفضلي البيتي چاي گهوة نضيفج
سوالف المسلسلات بطلها.
ضحك غمض عيونه ورجع فتحهن بمعنى اي.
ما تفوتج فايته.
ديله ادخل البيتك چنك قطاعين الطرق.
عفته ورجعت للبيت ويا دخولي صار بوجهي ابوية بلعت ريگ هسه اكيد راح يسئلني وين جنت هم دخلوا قبلي.
سلطان: وين جنتي بابا
غياهب: احجي ويا ارسلان ليش الجذب
شتسوين؟
الاتصال إلى اجانب من الدكتورة صديقتي إلى تعالج ناز ف، حجيتله كلشي.
وشلج علاقة غياهب؟
بابا أعرفك مو بهل الانانية؟
مااا اريد شي يربطج ويا هالشخص.
وانتَ گلتها هالشخص مو الباقين الكل هناك زينين و يستاهلون ينسئل عنهم
شوگت تبدين تكملين بأوراق سفرج؟
من باجر.
ماكو سفر الغي هالفكرة من بالج
نعم؟
مثل ما حچيت غياهب و كلمتي ما تنكسر
بس يا بابا.
بدون بس و بدون نقاش ما اريد تبعدين عنا ابقي هنا و أبدي حياتج من جديد بشهادتج و اصنعي حياة جديدة الج.
بس ليش غيرت رأيك.
لزم ايدي باسها وحچى بحنية.
بنيتي ما عندي الگلب إلى يتحمل فراگ أبقي هنا وسوي إلى تريدي.
بقيت ساكتة ما نطيت جواب يمكن كلامه صح.
الي تريده حبيبي ما أسافر هايهية.
ضحكت عيونه قبل مبسمه.
ما ضجتي؟
حضنت ايده.
لا دام الشي انتَ ماراضي عنه من المستحيل اسوي و أكسر كلمتك مو يگولون مرات الاهل أعرف بمصلحتنا
يا نظر عيني.
دخلنا جوا و خالتي گاعدة تحجي بالجهاز مادري ويامن بس إلى فهمته.
مريضة عندها بقيت گاعدة يمهم نسولف، مشت الأيام و اتصلت بالعلوية
من رقمي الخاص حتى لو أغيره هم راح يوصله ف ماكو فائدة و عرفت منها
ديشتغلون بخصوص سفر ناز و ذني الايام يسافرون و ابوية قدم طلب استقاله لان يگول بعد مو حمل دوام و شغل
طلعت من الاسواق اخذه كم شغلة للبيت دامشي و انضربت السلة مالتي بسلة شخص رفعت راسي بقيت صافنة هذا نفسه الاشقراني إلى دعمني.
اسف بدون قص...
گطم حچايته من شافني رفعت حاجبي بأستنكار.
هم گول بدون قصد هالمرة
هههههه والله هم بدون قصد
سيارتي هذيج المرة دعمتها و گلت بدون قصد هم
مو گتلج بوگتها اصلحها الج رزلتيني ورحتي.
تمام هاي المرة لعد حعذرك بس اذا صارت بالثالثة ماكو عذر بعد
ههههههههه تمام.
عفته و كملت طريقي اشتري الاغراض إلى وصتني عليهن خالتي كملت اتحاسب ويا المحاسب و اجاني اتصال من ابوية اشرتله يكملهن بين ما اجاوب ابوية وگفت بجهة.
غياهب: ها بابا.
سلطان: وين صرتي بنيتي اختج يمنا و باجر سفرتهم اجت تودعنا
اي جاية دقائق ويمكم.
شفت هذا الاشقراني مر من يمي سديته من ابوية وجعت للمحاسب
أنطي الحساب بس فاجئني من گال اندفع حسابج.
العفو بس اني ما دفعت شي
الاستاذ إلى طلع هسه دفع حسابج وحسابه سوا.
ضجت من تصرفه على أي اساس هيج يتصرف و منو هوَ ويدفع عني شنو
بحال فلوسه اني بسيطة اخذت الاغراض و طلعت امشي سريع وراه دورت.
عليه شفته واگف يحط بأغراضة بجنطة السيارة زفرت نفس بغضب هم اشگر فاهي و هم ما يگعد راحع رحت عليه امشي.
غياهب: عوووود هاي شيسموهااا؟
دار وجهه الي.
أعتبري تصليح السيارتج
مااا مقبول و اتوقع هذا الموضوع سديناه رجاءً هيج تصرفات ما تعجبني.
صفن بكلامي و بوجهي دارد عليه و اتبسمرت بمكاني من اجه صوت ارسلان و هوَ يگول.
ارسلان: مضيع شي بوجها؟
مسحت جبيني بايدي ما جان ناقصج يا غياهب غيره اتفضل هسه وشاهد.
المسرحية إلى حتصير اجه يمشي باتجاهنا لحد ما وصل يمنا خازرني ورجع يباوع للولد خازره.
ارسلان: موچنج اتأخرتي على البيت يحيلي.
انربط الساني هذا شديحجي و الولد هم مستغرب من دخوله.
غياهب: و شعليك انتَ الثاني؟
رد الولد و هوَ يسئل.
تعرفي؟
لا وين اعرفه شتشوف شخصيتي تگلب وجوه مجرمين
ارسلان: جذااابة والله تعرفني
حيرتوني هسه هيَّ تگول ما أعرفه و انتَ تگول تعرفني.
چا هسه انتَ شلك علاقة يالحبيب اخذ غريضاتك و اتوكل
نعم؟
مثل مااا سمعت.
غياهب: ارسلان باتمان خليك بروحك لاااا تدخل
ارسلان: ارجعي للبيت اهلج ينتظروج.
طلعت من جنطتي مبلغ حطيته على سيارة الولد.
أتفضل فلوسك و اتمنى هيج شي ما يتكرر لان مو بحاجة و اذا تحب تسوي خير اكو هواية ناس بحاجة هالشي.
عفتهم واگفين ورايَّ و أتوجهت السيارتي صعدت بيها حطيت اغراضي
شلون اثنين ما ينبلعون طلعت امشي راجعة للبيت بنص الطريق اسمع الصوت.
هورن يدگ وره سيارتي باوعت هذا ارسلان شبيه هذا تخبل رسمياً حرگني
حرگ يريدني أوگف، وگفت بجهة بقيت بالسيارة انفتح الباب مال سيارتي وجهه ينفض غصب سحبني من ايدي بقوا.
ارسلان: و لااااا حرررررف غياااهب.
بقت عيوني تباوع للشارع فرغ ماكو أحد بي عبالك كلشي مؤقت الصالحه
و الشارع الواگفين بي ما يبعد هواية عن منطقتنا رجعت انظاري عليه
واگف گدامي يرجف عيونه صارت تخوف خفت من شكلهن.
غياهب: شبيك ارسلان؟
منين تعرفي؟
طبگت حواجبي نسيت سالفة الولد إلى بالاسواق.
منو؟
اردف من بين أسنانه يخزر بيَّ. بي داء الخزرة هذا ياربي
بزر النستلة ابو نوتيلا
عن منو تحجي انتَ
هذا النعااال الجنتي واگفة وياااه
وانتَ شعليك ارسلان؟
شنوووو شعلية؟ لاااا تخبلينييي
أي والله شعلية زوجي؟ لا. حبيبي؟ هم لا اخوية ابوية اقاربي هم لا بعدددد شهللل التدخل منك
كلهن
شنوووو كلهن استغفرالله.
أصيرلج كلهم
ممكن تبتعد اريد ارجع للبيت هسه يضل بالهم.
مووووو قبل لاااا تجاوبينييي
مووووت بفضووولك
هيج يعني؟
مالك دخل بيَّ ارسسلان.
طبكت سيارة علينا باوعت اتوسعت عيوني من شفته هذا الولد نفسه
الي ديسئل عنه ارسلان، باوعتله زادت عصبيته راح تعلك.
محتاجة شي؟
ارسلان: وانتَ شعليككك مووو گتلك لااااا تدخل
رجاءً خلي عندك أسلوب بالكلام
تعلمني بالاسلوب؟
ما أعلمك عزيزي بس شبيك عصبي
رووووح مناااا.
تسودن ارسلان تسودن اتجاهله هذا الثاني و دار عليَّ يسئل.
محتاجة شي؟
غياهب: لا ما محتاجة شي و تگدر تروح
ارسلان: سمعتتتت تگدررررر تروووح
بس جاي أشوف الوضع غير و أتوقع جاي تضايقها انتَ.
مسح على وجهه ارسلان بعصبية يضحك بشر لزمت گلبي.
وانتَ منو حضرتك و تضيم الوضع؟
راهب: المحامي راهب جلال.
علي نفسك
هههههههه ادري على نفسي.
شلون بيَّ ببزر النستلة انا.
طبك حواجبه هذا راهب ما فاهم شيقصد ارسلان.
راهب: شنو بزر نستله خوية؟
مابيَّ اشرح تفضل تگدر تروح
و البنيه؟
خزره و هوَ يگله.
وانتَ شعلللليك بالبنيه؟
جاي أشوفك تضايق بيها
لا بشرفك.
شفت الوضع بدأ يتأزم و ارسلان فاقد أعصابه على الاخير دخلت بالموضوع.
غياهب: استاذ راهب ماكو اي مشكلة بينا دنتناقش اني وياه تگدر تطمن و تروح.
راهب: متأكدة؟
اي نعم.
مد كارت بايده.
هذا الكارت مالتي اذا احتاجيتي شي اتصلي بيَّ.
بقت بس عيوني تفتر بالنظر بينه وبين ارسلان ما احس غير ارسلان سحبه منه و شگگه سحك عليه بالحذاء.
ارسلان: ماااا تحتاجه هواية لحيت.
راهب: اني ما حاجي وياك.
انا وياهاااا واحد
ليش شتصير منك الست؟
طليقتي
لعد شكو لاحگهااا
چا انتَ شكوو حاشر خشمك.
غياهب: كااافي شبيكم. استاذ راهب اذا ممكن تروح گتلك نقاش بينا ما يحتاج هذا التدخل.
راهب: تمام اعتذر على التدخل.
صعد بسيارته و عيونه عليَّ مستغربة من نظراته درت وجهي عنه و ارسلان
لا زال يباوعله بحقد ما دار وجهه الا لمن راح رجع باوعلي عاط بوجهي.
ارسلان: طلععععع محااامي
غياهب: اي و شنو؟
يعني تعرفي؟
ما يخصك
جاوووبي غياهب
ما يخصك.
رد بهدوء عكس وضعه إلى هوَ بي.
ليش تحبين تشلعين گلبي
تستااهل
لشوگت
الى ان اموت
انجبي اسم الله
راجعة للبيت
خلينا نحجي
بشنوووو نحچي ارسسلان هوَ شنوووو إلى بقى علمووود نحچي بي شبقيتتت انتَ.
بقى صافن بردة فعلي جانت بعصبية حتى اني بذاتي اتفاجئت من نفسي ما ادري شبيه و ليش هيج انفعلت.
ارسلان: محتاجج غياهب
غياهب: بالحيل مالتك؟
حيل شنو؟
ارسسلان انييي مووو غبية عبااالك ما كشفت موضوع الاتصال الي
خليت نوررس علمود تتصل بيَّ و تخليني اجي احجي وياااك.
انتَ جبرتيني اسوي هالشي
هه لا والله
بسببج بسببج اتصالاتي ماتجاوبيهاااا تشوووفيني باليمين تروحين
باليسار چا شگددد كارهتني و ما تريدين تحچيننن ويايَّ.
اذا تعرف كل هذا ليش دتعب نفسك؟
اتعبلج غياهب التعب تستاهلي
أطلع من كل حيااتي اطلععع.
مسح وجهه ضرب ايد بأيد و أردف مختنگ.
لوووو اگدر چاان مااا شفتيني گدامج هسه
انسان ما يريدك ليش دتتعب نفسك علموده.
درت بجسمي منطيته ظهري گلبي واجعني من كلامي وياه فتحت باب السيارة ورجفت أطرافي من گال.
ارسلان: تريدني غياهب والله تريديني بس جاي تدوسين على نفسج
لو ما تريدين ما تحتفظين بالقراصة لليوم لو ما تريديني ما تنامين و دموعج بعيونج كاااافي تكابرين تعبتي نفسج وتعبتيني.
بقيت جامدة بمكاني مبلحقة عيوني شمعرفه بكل هذا مستحيل تكون حنين.
حاجيتله شي لان حلفت ما عندها اي تواصل ويا زفرت نفس اتصنع الثبات درت وجهي ابتسمت باستهزاء.
غياهب: منيلك هالكلام أوهامك وين موصلتك؟
ارسلان: مو أوهام هاي حقيقة جتي تنكريها
أوهامك بطلها بيبي.
طلع من جيبه حلقة هاي نفسها حلقتي حلقة زواجنا رفعها بوجهي مبتسم بس كل قهر الدنيا بملامحه.
راح ارجع البسج هل الحلقة بقناعتج
هزيت بايدي مستهزئة بكلامه صعدت بسيارتي متخردلة شييج غياهب.
شبيج اهدأي احجي ويا نفسي عفته واگف بمكانه شغلت سيارتي ردت أتحرك
بس مالحگت جمدت أطرافي من صار صوت أطلاق نار وحدة وره الثانية شهگت
برعب درت بعيوني اباوع المكانه رفضت نظراتي المنظر شخطت السيارة
مالحگت أشوف شي منها نزلت عيوني على الرصيف ارسلان واگع بطوله ودمه
اريد انزل صرت كلشي ما اگدر اسوي من الرعب إلى عشته نزلت اتعثر بخطواتي
ايدي تسللت جوا راسه جاحظة عيوني و انفاسي انحبست بصدري من شفته اثر طلقتين بصدره.