رواية وتيرة الأعرج للكاتبة حوراء السعيدي الفصل السادس والثلاثون
غياهب.
غياهب: ارسلان تسمعني.
فتح عيونه طابك حواجبه بألم، نزلت دموعي شگد ما حاقدة عليه و كارهته
بس ما أريد يصيرله شي عيونه تباوع للمكان حچى بصعوبة.
ارسلان: ارجعي للبيت غياهب هذا أغتيال الي.
رجع غمض عيونه بديت أفقد عقلي من منظره.
ارسسلان أفتح عيوونك لااا تغمضهنن لاااا تغمض راح آخذك للمستشفى.
يفتحتهن بس ما يستمر ما يگدر عفته بمكاني ركضت السيارتي اباوع للشارع.
ليش ماكو ليش من تصير هيج شغلات الناس تختفي نزلت دموعي أكثر
ارجف ادور على جهازي وينه وينه ايديَّ اتلطخت بدمه سحبت جنطتي
اريد افتحها ما ادري شصارلي عيوني بدأت تغوش گعدت بالگاع النفس ضاگ فتحت الجنطة طلعت جهازي.
امسح بعيوني الصارت تغوش احاول اشوف شي بوضوح ما صار گدامي
غير رقم ابوية اتصلت بي حطيت الجهاز على اذني رجعت يم ارسلان لزمت
ايده اجت بايدي الحلقة زاد عذاب روحي بهل اللحظة اخذتها اباوعلها.
و دموعي لازالت مُستمرة اجاني صوت ابوية يضحك و درغام يداهر وياه.
سلطان: ها بابا وين صرتي تأخرتي.
بلعومي أحتقن شهگت بنص دموعي بعذاب الكلام استصعبت يطلع.
غياهب: بابا.
تغيرت نبرة صوته ورد بخوف و تسائل.
غياهب؟ بابا شبيج ليش صوتج هيج؟
عيوني اتركزت اتجاه ارسلان اردفت بروح مُميتة.
بابا فدوة تعال راح يموت
يموت؟ منو شتحجين بنيتي فهميني
ارسلان
شنوووو ارسلان شجااابج على ارسلان غياااهب.
مو وگت هالشي فدوة تعال الدم اخذه.
ولچ يا دم خبلتيني شصايرررر
م. ما أدري چنا واگفين نحجي بنص الطريق ردت ارجع بس اجت سيارة بيها. نزلت دموعي اكثر. رموا على ارسلان مشت سريع مالحگت أشوف شي
ويننن انتِ؟
رفعت راسي اباوع للطريق.
قريب عليكم بشارع ال
جايج ابقي بمكانج.
سديته منه حطيت الجهاز و الحلقة بجيبي ايديَّ على صدره إلى ينزف مسحت دموعي بعكس ايدي يرجعن ينزلن اشبه بماء المطر .
ما تموت راح ترجع و راح أشلع گلبك انتَ مو تگلي تستاهلين التعب.
مغمض عيونه ماكو اي ردت فعل منه.
انتَ دائماً تعاند كلشي عاند هالمرة هم الله يخليك لا تستلم.
حاولت اسحبه للسيارة بس ما اگدر بسبب بنية جسمه وگفت بنص الشارع
اريد ألمح سيارة ماكو اختفى كلشي و انسدت ابواب الدنيا بوجهي اخخ
يا هل الليلة شگد خذت من حيلي، طبكن سيارتين نزلوا منها ابوية و درغام
و ابوه اجوا يركضون باتجاهنا جاحظين عيونهم من منظرنا و مصيبتنا.
درغام: شصاير هنا؟
ما اگدر احجي انتهيت سحبني ابوية حاضني و عيونه مثبتة عليه رفعوا درغام
و خالي جابر بالسيارة طلعوا بي للمستشفى، أختنگت أنتهيت صرخت بصوت على اثره أحس ببلاعيمي تجرحت.
غياهب: راح يمووووت راح يموتتتتت باباااا.
حضنس ابوية و هوَ يگول.
سلطان: ما يموت كافي بابا انتِ إلى راح تموتين ولچ غياااهب.
اجتني حالتي إلى اكرها جسمي بدأ يموت وگعت بحضن ابوية دموعي
بعيوني أدور على النفس صدري يعتلى و يرجع ينزل أصارع بالنفس.
بس اريد اشم نسمة هوا، رفعني ابوية حطني بسيارته اخر ذرة طاقة
بجسمي فقدتها غمضت عيوني فاصلة عن الدنيا.
حنين.
طلعوا الكل ما فهمنا شي غير صاير شي الارسلان و غياهب وياه بس شوصلها
اله بقيت افتر بقلق خالاتي يدعن ماكو شي، طلعت من يمهن اتصل بيهم
محد يجاوب زاد خوفي و قلقي رجعت اكرر بالاتصال على درغام الى ان جاوب.
حنين: هااا درغام شصاير طلعتوا و بعد ما نطيتوا خبر.
درغام: ارسلان متصاوب و هسه دخلنا للمستشفى حالوا للعمليات على اخر نفس.
ذب حسرة وگال. لو يعيش لو يموت حنين.
شهگت حاطة ايدي على فمي.
متصاوب؟
اي زارفين صدره بطلقتين و نازف هواية
و اختي وين درغام؟ شنو حالها.
رجع يتحسر و يجاوبني.
فاقدة ابوج جابها جايتها حالتها هم منتهية
وين انتم بيا مستشفى
بنفس المستشفى إلى تداومين بيها اقرب شي مالگيت روحي غير بيها
خوش جايتكم اني.
اختفى صوته الثواني رد بنبرة صارمة مُغلفة بعصبية.
وينننن جاية وحدج بهل الليل
مستحيل اترك اختي بهيج وضع دتفتهم؟
لا تجين وحدج انتظري هسه اجي اخذج
لا تجذب عليَّ ما راح تجي
جايج و محمد جاااايج.
سديته منه مصعوقة و ارجف خوف ادري باختي اذا يصيرله شي تموت
دخلت للبيت دموعي بعيوني لزمتني خالتي وجدان بعد ما شافت حالي.
وجدان: شبيج ماما؟
حنين: ارسلان متصاوب و وضعه خطر و اختي جايتها حالتها و هم فااقدة.
لطمت خالتي على خدها.
دخيلك ربي.
جوهرة: حنينة يمة انتِ ياهوا گالج.
حنين: هسه درغام جاوبني و حچالي خالة.
اخذتني خالتي تغسل بوجهي انهاريت ابچي من جهة اختي ووضعها
و عذابها و من جهة ارسلان هالشخص رغم كلشي صار أعزه لليوم
مرت ساعة اجه درغاك دخل علينا بسرعة نهضت من مكاني اسئل بي بلگي ينطيني جواب يخفف نار گلبي.
حنين: هااا درغام شلونهم؟
باوعلي بحزن.
درغام: نفس الوضع
خلينا نروح.
هز براسه ساكت سحبت اغراضي طلعنا ما قبل خالاتي يجن صعدت بالسيارة انكث ارجف صعد من الجهة الثانية يباوعلي لزم ايدي.
درغام: چا اذا انتِ هيج حالتج شلون راح تسندين اختج؟
حنين: گلبي يتگطع من القهرررر
گولي يا الله ابوية.
شغل السيارة اتوجهنا للمستشفى الطريق كله عقلي صار يألف شغلات
سلبية طردت هل الافكار كلها بين ما وصلنا نزلت امشي گدامه خالي و ابوية واگفين.
حنين: بابا وين اختي؟
سلطان: جوا بالغرفة.
شلون صارت رجعت لوعيها؟
اي بس ما تحچي شي ساكتة.
اباوعلها يحچي بقهر رجعت لوره لزمني درغام دخلنا الها معلگيلها المغذي
دارت براسها بهدوء باوعت علينا گعدت بصفها درغام يأشرلي ما ابچي گدامها سحبت نفس اسيطر على نفسي.
حنين: غياهب حبيبتي.
رفعت عيونها تباوعلي رأستاً نزلت دموعها.
غياهب: ايديَّ أتلطخت بدمه.
حضنتها گلبي متگطع على حالها رجعت تحچي.
بعيوني شفته ينازع الموت.
حنين: باوعيلي غياهب.
رفعت راسها دموعها تارسة وجها تبچي بصوت عالي على أثره دخلوا ابوية و خالي.
ما راح يصيرله شي والله بس لا تفكرين بطريقة مو زينة.
فاقدة اختي منهارة ما واعية النفسها و لا مهتمة الشي طلعت من جيبها حلقة و تأشر بايدها الترجف عليها.
غياهب: هوَ گال راح أرجع ألبسج هل الحلقة.
اخذها ابوية مني گعد بمكاني ابتعدت عنهم يحجي وياها بس هيَّ رافضة.
السماع اي شي درت وجهي نزلت دموعي ما تحملت حالتها اسمع الكلامهم يواسون بيها ويصبرون عليها الموقف.
سلطان: هسه الدكتور يطلع و يطمنا كافي بابا نهيتي روحج عليه.
جابر: گولي يا الله خالي ان شاء الله ماكو شي تفائلوا بالخير تجدوه.
بقت مُستمرة بأنهيار دموعها عيونها ما اتوقفت ما هدأت الا أنطوها مهدأ خلاها
تنام طلعنا من الغرفة، حتى الفرحة إلى نفرحها ما نلحگ نفرحها كاملة.
لازم تبقى ناقصة اجه اتصال الخالي عافنا وراح يحجي على جهة.
سلطان: درغام خابرت أهله؟ انطيتهم خبر
درغام: خابرت خاله.
رجع خالي وجهه ما يتفسر بس ما أهتميت گعدت على الكرسي اسمع الحديثهم إلى صار رفعت راسي اباوعلهم.
درغام: شبيك يابه؟
دار بنظراته خالي اتجاهي و رجع يباوع الابوية نطق كلامه إلى بعيد البعد اسمعه بيوم.
جابر: زمُرد أنتحرت ماتت.
بلعت ريگ ارمش بهدوء بعيوني كلامه يرن بأذني صار طبكت حواجبي.
أستوعب كلامه، المراة إلى بقت بنفسي تگلي بنيتي بحنية ماتت؟
المراة إلى وصلت اختي لهذا الحال ماتت؟ عذبتنا بطفولتنا راحت هايهية
و احنا ما عندنا و لا موقف حلو وياها يذكرنا ببها نزلت دموعي بحرگان
گلب گعد أبوية إلى ملامحها أعتلتها الصدمة لزم ايدي.
سلطان: حنين
حنين: ماتت بابا ماتت وعافت بس ذكرياتها السيئة ما عندي ما عندي أي ذكرى منها حلوة و لا وحدة و لا وحدة ليش.
غطيت وجهي بايديه ابچي بلوعة وكسرة، حضني ابوية ساكت، راح خالي
لان طالبينا بالاسم الذكريات السيئة إلى تجمعنا كلها رجعت الذاكرتي
و صارت گدامي ما شفتا يوم حلو وياها ما شفنا حنان الام منها والله
بنفسي بقى هذا الشي وراح يبقى بنفسي ما انساه دخل ابوية الغياهب.
درغام: حنين عيونج راح تنعمي من البچي.
حنين: بس اريد أفهم ليش هيج حياتنا احنا ممأذين احد ليش الانسان.
الطيب والنظيف أتعبه الحياة ليش اختي ما شافت يوم حلو من انخلقتت لليوم گضتها لوعات بلوعات.
رب العالمين موجود يجي اليوم إلى يعوضها خليج قوية ابوية انتِ.
مر وقت اجوا أهل ارسلان خالة و عمر و جوهم ما تتفسر من خوفهم
علي ابنهم راحلهم درغام يحجي وياهم وگفت لازمة بالحايط اسيطر على أتزان جسمي رجع لزمني درغام.
وين رايحة
أختنگت طلعني برا.
لزمت بايده امشي إلى بالمستشفى يعرفوني كلها تباوع الحالتي ما أهتميت.
گعدنا برا عيوني جف مدمعها بلا وعي صرت احچي.
حنين: جنت اتمنى بيوم من الايام امي تنعدل شگد أبوية وكفلنا و شگد تعب علينا بس بقى جانب مننا فاقد حنان الام.
مد ايده يمسح بدموعي.
حقج
الي قاهرني بسببها اختي اليوم بهيج شخصية و بهيج مرض.
گعدت
احچي بقهر عنها و عن ذكرياتها جنت أكتم ما احجي شي اكثر شخص عنده
ذكريات سيئة وياها هيَّ غياهب لان اكثر وحدة تعذبت جوا ايدها، درغام ما.
حبها بيوم لان ما جانت تنطي فرصة تخلي شخص يحبها بسبب افعالها
و اسلوبها، رجعنا جوا رحنا على اهل ارسلان و هم انشوف وضعه
ماكو لحد الان خبر عنه ويا جيتنا اجه الدكتور.
كُميل: هااا دكتور
الدكتور: ننتظر ذني الساعات لعل يجتاز مرحلة الخطر او يصير تطور
بحالته اذا بقى بهذا الحال للأسف وضعه راح يكون صعب ادعوله.
راح الدكتور اباوع ال عمر خطية وجهه صار ما يتفسر و ما ايشوف.
بدربه بعد كلام الدكتور دار وجهه الخال شافنا واگفين اتقدم علينا و وضعه ما يقل عن ابن اخته.
كُميل: شلون صارت اختج خالي
حنين: على المهدأ
ما عرفتوا شصار؟
درغام: غياهب وضعها ما يسمح نسئل عن شي و تحجي بالتفصيل النا و هيَّ الوحيدة الجانت وياه.
مرت ليلة صعبة على الكل اجه ابوية انضم الهم سولفلهم إلى گالته غياهب
من خابرته دخلت الها شفتها تتحرك تريد تگوم ركضت عليها.
حنين: وين رايحة غياهب.
رفعت عيونها حمر.
غياهب: ارسلان شلونه؟
الدكتور گال ننتظر ذني الساعات.
غمضت عيونها المنتهيات لزمت بايدي و وگفت بطولها
أخذيني اله
ممنوع غياهب ما يصير ما يسمحون بهل الشي لان المريض تحت المراقبة
ميخالف حتى لو أشوفه من بعيد.
ما يقبلون والله غياهب اگعدي بس يتخطى مرحلة الخطر اخذج بتفسي.
رجعت گعدت بمكانها هادئة تعصر باصابع ايدها منزله راسها رفعته عيونها تتسائل.
خابرتوا أهله؟
اي اكيد و هذولي هم هنا بالمستشفى.
انفتح الباب دخل درغام شافها گاعدة ابتسم بوجها.
درغام: شلون صرتي خوية
غياهب: زينة
اممم تگدرين تحجيلنا إلى صار؟
اي.
سحب كرسي گعد گبالها يسمع الها بدأت تحجيله كلشي الى ان كملت سئلها.
زين ارسلان شوصله الج انتِ مو چنتي تسوقين.
مسحت وجها وايديها يرجفن.
جان يريد يحچي ويايَّ.
هاا.
من تصاوب گال هذا مخطط اغتيال اله.
ما شفتي احد؟
لا بس چانت سيارة وماشفت بس السلاح من رجع الداخلهل ومشوا سريع ما شفت شص منها.
دام الهدف ارسلان و ما أذوج فهذا الأغتيال واضح فعلاً اله.
طلع من الغرفة گعدت بصفها.
ادعيله.
انطيني جهازج.
أستغربت شتسوي بي.
شتسوين بي.
أقراله دعاء مال فاطمة الزهراء عليها اليلام
هاا اي اوگفي هسه اجيبه الج.
رحت طلعت جهازي انطيته الها گعدت يمها اثنينا نقرأ بي، غياهب دائماً تقراه
و لان مكانة أهل البيت لا تقاس ما خاب من توسل بهم.
قريته وياها مرة و هيَّ رجعت تقراه اكثر من مرة الثاني يوم الصبح محد.
رجع بقوا بسياراتهم ينتظرون لان ما يقبلون يبقون هالگد بالمستشفى
طلعت غياهب تمشي گوا ما عندها حيل إلى يعينها جان الكل واگفين محد
حچالها امي ماتت و أتوقع حتى لو عرفت ما راح تهتم لان ما تكنلها غير
مشاعر الكره، طلع الدكتور من ارسلان ما انطى أي خبر لان لا زال
نفس وضعه سحبت نفسي منهم رحت وراه بلگي ينطيني خبر عنه.
حنين: دكتور ممكن سؤال
الدكتور: تفضلي حنين
شنو وضع ارسلان بصراحة.
ما أدري شگلج حنين بس وضعه للأسف خطر.
تمام شكراً الك.
رجعت الهم كل امل ماعندي بعد جواب الدكتور سفرتنا ألغت لان مو بوضع
نسافر و اختي بهيج حالة وارسلان بين الحياة و الموت شفت ابوية واگف
مادري شعجب بقى هوَ ما يطيق ارسلان بس يمكن علمود اختي عيوني موتني ما نمت الليل كله.
درغام: حنين خلي ارجعج للبيت شوفي عيونج گوا فاتحتهن
حنين: شلون اروح ما اتشوف غياهب تحسها ضايعة
انا و ابوج هنا يمها
لا
حنين اسئلج سؤال.
اسئل درغام.
باوع الغياهب ورجع باوعلي.
غياهب تحب ارسلان مو؟
بقيت ساكتة و صافنة ما اعرف شجاوب لان اختي من اسئلها تتهرب مني ما تنطيني جواب.
ما ادري درغام
بصراحة؟
والله ما أدري سئلتها اكثر من مرة ما انطت جواب.
و تقنعيني هاي حالتها حالة وحدة تكره؟
لا.
ابوج هم جاي يشك بهالشي
مو وگتها ابداً
مخليها على راحتها يريد يتأكد من شكوكه.
سكتت شحچي و شگول ابوية گايل لو تطلع عيون ارسلان غياهب ما ترجعله.
و ادري هسه على أعصابه ساكت عن غياهب لان وضعها تعبان ما يگدر
يضغط عليها، مرت الساعات و ماكو شي جديد غياهب ما تقبل تاكل
و هيَّ رافضة استغربت عمر بعد ما شفته بس خاله لمن ابوية سئل.
سلطان: چا وين عمر؟
كُميل: انا خليته يرجع للبيت لان ناز وضعها رجع مثل قبل و ما نگدر نعوفها وحدها
ها الله يشافيها.
باوع ابوية الغياهب بنظرات و كأنما يگلها كاشفج و كاشف إلى بگلبج، أشرتلي اجي الها رحت الها.
حنين: هاا.
غياهب: اكو شي صار قبل لا يتصاوب ارسلان
شنو؟
صار نقاش حاد بينا و گال كلام
كلام شنو.؟
گال انتِ تريديني بس تدوسين على نفسج و لو ما تريديني ما تحتفظين بالقراصة و تنامين و دموعج بعيونج.
حچت بغصة اخر كلمات.
اكيد شكيتي اني إلى گايلتله.
بلحظة اي بس بعدين ذكرت انتِ أكدتيلي مابينكم اي تواصل
و هذا الصدگ والله مابينا تواصل و لا حتى حاجيتله شي يخصج.
لعدد منووو وصله هل الاشياء.
بقينا اثنينا نضرب صفنات منو ممكن موصلة كل هذا و شنو قصة القراصة
الي غياهب متعلقة بيها طلعنا من هل الافكار من شفنا الدكاترة يركضون
باتجاه غرفة ارسلان تشخصت عيون غياهب لزمتها.
حنين: أهدي غياهب على كيفج ويا نفسج.
عيونها عليهم.
غياهب: شصار ليش اكثر من دكتور ديدخلون اله.
هسه نفهم كلشي.
اخذتها لازمتها تمشي بخطوات مبعثرة و گفنا و الكل ملامحها تغيرت
لان وضعه حسب كلام الدكتور خطر وصعب يطلع منها.
كُميل: شنوووووو السالفة دخلووروا بعددد ماطلعوووا
حنين: خالي هم ديسون شغلهم
غيرررر احدد يطلععع يحچي.
بقينا ننتظر مر وقت غياهب انتهت بين ايديَّ طلعوا الدكاترة من شفت
ملامحهم انخمش گلبي ملامحهم ما تطمن راحوا عليهم الولد ضغطت
علي ايدي غياهب تحارب بنفسها ما توگع ودتجاهد تبقى واگفة و هنا الصدمة من الدكتور گال.
الدكتور: للأسف المريض دخل بغيبوبة.
كلنا ألتفتنا على شهگة غياهب العالية الطلعت من أعماق قلبها، رد عليه الخال إلى خطية وضعه صار ما ينحسد عليه.
كُميل: غيبوبة؟ لشوگت دكتور
الله العالم ممكن ايام ممكن شهر ممكن شهرين و ممكن حتى سنة ما نگدر نحدد.
انتهى النقاش وبقينا بنص صدمتنا و موقفنا اجه ابوية اخذ غياهب.
سلطان: غياهب بابا باوعيلي.
ماكو عيونها بقت متشخصة على باب الغرفة مال ارسلان ابوية يدير براسها مثبته ما گدرلها شهگت من ابوية عاط بيها.
أصحيييي بابااااا.
كأنما صوت ابوية طلعها من عالمها الجانت بي دارت وجها إلى گالت.
غياهب: گلتيلي راح أخليج تشوفينه.
سكتت شلون اخليها اتشوفه وهيَّ هذا وضعها.
حنين: اي غياهب بس مو هسه ارتاحي و شوفي
ما بيَّ شي اني بس اريد اشوفه.
يباوعلها ابوية ميت بقهره بينما هيَّ ما مهتمة شكيت اللحظة هاي مو اختي نفسها
اختي ما يهزها شي و لا وصلت بهل الحالة بيوم، ابوية من تصاوب.
و دخل مستشفى ما صار بيها هيج اذا طلع كلام درغام صح ف هنيال ارسلان گدر يربح گلبها على هيج حب.
گعدنا نقنع بيها نرجع للبيت و هيَّ قفلت ما ترجع حتى الخال حاچاها
ماكو قفلت طلعت روحنا يله أقتنعت لمن ابوية حلفلها يرجعها باجر بس تروح ترتاح
وياه تبدل ملابسها، طلعنا من المستشفى راجعين للبيت الطريق كله ساكتين
وصلنا مشت گدامنا ذكرني حالها بذاك اليوم من أطلگت جانت كسرتها.
اشبه بكسرة ذاك اليوم صار بوجهنا خالتي إلى عرفته مسوين استخلاف
الامي هنا خالتي چفصت بالموضوع و عبالها غياهب عندها خبر.
وجدان: البقاء لله و الباقية بحياتج.
باوعتلها غياهب بأستغراب.
غياهب: الباقية بحياتي؟
أشرت الخالتي تسكت ماتعرف شي صارت لحظة أدراك عندها غمض ابوية بقلة صبر.
سلطان: وجدان مو وگتها.
دارت غياهب علينا تباوع بوجهنا.
شصاير منو ميت؟
سكتنا شگد ما الموضوع احسه ما يهمها بس متأكدة راح تعيش الشعور إلى عشته اول ما وصل خبر موتها و تستذكر كلشي.
غياهب: مااا تحچون
سلطان: تعاي نگعد بابا.
لزم ايدها ودخلوا للصالة اجت خالتي تحجي بعصبية.
وجدان: ليششش ما گتولي ما عندها خبر
حنين: عبالي تدرين
سودة عليَّ شوف وضعها شلونه وضع ارسلان؟
للأسف دخل بغيبوبة ما تشوفينها منتهية.
دخلنا وراهم جانت گاعدة و ابوية گبالها حاضن ايديها وهيَّ تباوعله بتركيز.
سلطان: البارحة بالمستشفى اجانا خبر موت شخص.
بلعت ريگها بتوتر و أردفت.
غياهب: منو هل الشخص.
غمض عيونه و هوَ ينطيها الخبر
زمُرد أنتحرت.
الصمت أحتل المكان حبست انفاسي و اني انتظر ردت فعلها
زمُرد ماتت؟
اي.
نهضت من مكانها وگفت رافعة راسها ردت بكل صلابة و قساوة خلتنا صافنين بردت فعلها و هيَّ تگول.
غياهب: الى جهنم.
عافتنا بوسط صدمتنا صعدت تركض الغرفتها باوعت الابوية بتعجب.
سلطان: لا تنصدمون من ردت فعلها زمُرد زرعت هالشي بيها.
عفتهم صعدت وراها فتحت الباب شفتها واگفة تطلع ملابس الها من الكنتور
رحت عليها ايديها يرجفن و شهگتها مسموعة تمسح بعيونها.
حنين: غياهب.
حچت من بين نص دموعها.
غياهب: ثقي بالله ما حركت ساكن مني
لعد ليش تبجين؟
نزلت دموعها أكثر.
ابچي من وجع گلبي.
أخذت الملابس منها و هيَّ تمسح بوجها دموعها يرجعن ينزلن عبالك.
حالفات ما يوگفن عاطت بصوت وهيَّ تضرب وجها وتبجي بصوت عالي.
كااافييي كااافييي ما اريددد ابچييي انيي ويننن چنت ويننن صررررتتت.
احسن مما تكتمين شوفي الكتمان وين وصلج.
صارت تلوم بارسلان.
كله بسببه من دخللل حيااتييي صرررت ابچي اني مااا اريد بسببه كلشييي بسببه.
فتح الباب ابوية باوعلها وجهه مطعون طعن احمر وجه غياهب هم نفس الحالة اتجحظت عيوني من عاط بيها ابوية.
سلطان: شنوووو هل الاستهتااررر؟
لا ابداً مو وكته يحجي هيج اتقدم الها يباوعلها بغضب دخلت خالتي و درغام إلى ما ادري شوگت اجه.
وجدان: سلطان شجاي تسوي.
رفع ايده بتحذير.
سلطان: لحددد يدخلل.
الدنيا حالفة ما تخلينا نرتاح سحبها من ايدها وگفها.
شنووو هالحالة هاااا؟ عليمننن احچي.؟
ما ردت عليه لزمها من أكتافها يحجي وياها بعصبية ما ادري شبيه ابوية بحياته ما اتصرف هيج.
سلطان: موووو احجي ويااااج غياااهب عليمننن مگطعةة روحج على واحد.
ضحكك عليج لووووو عليمن تبجين على وحدة بنت منج هاااي الشخصية القاسية عليمنن تبچين بالضبط.
اتقدمت عليه اريد اخذ اختي من بين ايديه.
حنين: بابا شنو هالحجي الله يخليك شدتسوي
سلطان: شيلي اايدج حنين.
بقيت صافنة بتعجب معقولة هذا ابوية سحبني درغام من يمه.
درغام: عمي سلطان شنو السالفة شجاي تسوي ما اتشووف حالتهااا؟
مارد على احد بينا و رجع يحجي ويا غياهب سحبها من ايدها وگفها گدام المراية و أشر عليها.
سلطان: باوعي زين النفسج مقتنعة بيها؟ غياااهب أفهمي ارسلان ضحك عليج أفهمييي ضحككك علليييج.
رفعت ايديها غالقة اذاناتها رافضة تسمع كلامه ما متقبلة شي نزل ابوية ايديها
دفعته غياهب منهارة طشرت شكو شي موجود بالغرفة رفعت التحفية شالتها
شمرتها على المراية كسرتها اريد اروح الزمهاا ابوية يدفعني تخبلت شديصيرررر الابوية، بعدين يله فهمت ليس سوا كل هذا بقت.
غياهب تكسر ما خلت شي اجت باتجاه ابوية عيونها نطت حمر انكلبن.
غياهب: مااااا ضحك عليَّ ارسلان ماااا ضحك عليَّ انييي كلشي
سوووويته علموودكم ماااا ضحك عليَّ والله، انتم ما تعرفون شي انتم ماتعررررفون
شنووو إلى عشته هناااك متت اكثرررر من مرة و اني اتصنع القووووة هناك حاررربت حتى نفسي.
صوتها انتهى و هيَّ تصرخ و تحجي.
انتم شتعرررفون ماااا تعرررفووون شي ماا عندكم فكرة شلوووون.
جنت أعيش وياه بتناقض، مرة إلى اشوف حنية العالم كلها عنده و مرة اشوف
شيطان گدامي، اني نفسي إلى تحملت تسمع شغلات ما يسمعها و لا يتحملهااا
اي بشر اني نفسي جنت اشهد معاركه هوَ و اخوانه من ما ضيهم شترريد احجيلك؟
عن ناز إلى بعمر الورد خسرررت كل حياتها و سنين يعالجونهااا وماكو فائدة
لوووو تريد احجيلك عن عمرررر انسان بريئ دخللل و اتلوووث بالانتقام و خسرررر الانسانة إلى يحبهااا.
لو عن منو احجيلك باباا؟ عن ارسلان إلى طفولته اتلطخت بالدم و انزرع بداخله
شي اسمه انتقام وحقد انسان عاااش حيااته بتناقض يريد شي بسسسس انتقامه و حقده الهم دور و يمنعونه.
لو عن شنو احجيلك من جنت احتااج امي و اگعددد بالزاوية و اشووووف
هل الاثار. ضربت على ايدها. انتَ بس گلي عن شنو احجيلك گلي محمللل هووووواي. تريد اگلك حبيت شخص و الشخص طلع نفسه زوجي؟ إلى اذاني.
و هددني بأعز ما عندي و تعااال هنااا عيش بشعوررر يطلع روحك ويموتهاا
علي البطيئ انتَ شدتحجي بابا؟ هذا الشخص عاااف كلشي علموودي
بس اني عفته ليش؟ لان كرامتي اغلى من كلشي عفته و هوَ يتوسلي عفته ودموعه ورايَّ.
انتَ شنو عبالك كل هذا سهل عليَّ عبالكم اني تخطيت شي ماضي
و حاضر ماا تخطيت شي كلشي جذبهه ماكووو شي اسمه قوة عندي اني
ضعيفة ضعيفة بس دست على نفسي علمود اگدر اكمل بحياتي.
رفعت عيونها الغرگانة بدموعها وأردفت بنبرة كلها أنكسار.
غياهب: جربت تسئل طفلة عن شعورها و هيَّ تتعرض للتحرش؟
فتح ابوية عيونه عيوني و عيون الكل اتجحظت بعد سماع كلامها الاخير
اتقدم ابوية الها و هيَّ انفاسها مسموعة تبجي و تصرخ بأنهيار.
سلطان: تحرش؟ تحرش شنو غياهب.
مجيدد الكلب مجيدد الكلللب چان يسوووي هالشييي بطفولتي يتحرررررش بيَّ.
راسي انسطر و عقلي صار ما يستوعب إلى دتحجي اختي رد عليها ابوية بنص صدمته.
مجيد؟ مجيد يتحرش بيج.
هزت براسها و دموعها تتسابق على خدها.
غريتكم بالقوة بالوگت إلى محد چان يدري شداعيش بكل ليلة من أحط راسي
علي مخدتي الله وحدة چان يشهد على كلشي، ارسلان مو سيئ مثل ما تفكرون
والله مو سيئ غلطة الوحيد اني و ديتعاقب عليه وراح يبقى يتعااقب
ما اراح اسامحه على هالشي، شتريدون شخص يعيش مثل طفولته يبقى بريئ و ما يحقد؟
جاوبني انتَ بابا لووو تعرضت لهيج طفولة شيصيررر بگلبك.
گعدت بالگاع تمسح على صدرها تجر بالنفس.
غياهب: اتلطخت طفولتنا و شبابنا ما ارتاحينا اثنينا اتأذينا اثنينا انظلمنا.
رفعت عيوني الابوية مگابلها ودموعه تنزل ويا دموعها اخذها الحضنه
ساكت و هيَّ مستمرة تحجي اول مرة اختي تصير بهذا الوضع و تحچي إلى بگلبها
طلعت من الغرفة كلها خنگتني دخلت للحمام اغسل وجهي ب مي بارد اريد استوعب
كلشي حجته شگد كاتمة لعد شلون گدرت تكتم كل هذا العذاب اغسل بوجهي.
بس ما أحس ببرودة ال مي اختلطت دموعي وياه، طلعت درغام واگف معالم
وجهه تحجي صدمته و عصبيته ذبيت نفسي بحضنه ابچي بصمت.
حنين: عاشت كل هل الاشياء و احنا ماندري درغام اختي متدمرة.
درغام: تعاي ياروح درغام.
نزلني جوا و اني على الدرج اسمع أنينها و بكائها روحي تفرفح وياها
ما گدرت أبقى بمكاني رجعت الها دخلت وگفت يم الباب ماكو انتهت.
صارت تكح قوي من گد ما بچت رفعها ابوية اخذها للحمام يغسل بوجها رفع عيونه النابع القهر منهن.
سلطان: ادخلي سبحي اختج بابا.
هزيت راسي دخلت الها و هوَ طلع مسحت عيوني المجمرة سديت الباب وروحي شايغة عليها.
و على وضعها نزعتها ملابسها وهيَّ منتهية بين ايديَّ صارت بس جسد ذبيت
عليها مي فزت رجع غمضت عيونها ساكتة سبحتها و إني ساكتة طول الوقت
دموعي ماراضية تنشف شگد مقرف طفلة و تتعرض للتحرش و من منو من خالها.
الله راح يحتار بعذاب كل شخص وصلها لهل المرحلة كملتها صحت الخالتي تجيب
ملابس اجت انطتني الملابس ووضعها ما يقل عني بدلتلها طلعنا من الحمام اخذتها
الغرفتي غرفتها مگلوبة گلاب گعدتها اخذت المشط امشط بشعرها و هيَّ هادئة حتى رمش عيونها صار هادئ مثلها.
امشط بشعرها بصمت غياهب إلى طول عمرها ساندتنا و واگفتلنا إلى ضاگت
شوغاتنا كلنا اليوم محد گدر يسويلها شي محد گدر يخفف عليها عذابها الجانت.
كاتمته، كملت تمشيط شعرها إلى يخبل مثل الحرير و ناعم سويته الها ظفيرة
سحبت عطر من اغراضي الباقية هنا حطيتلها ادري بيها تحب هالشي.
حنين: تنامين؟
هزت براسها تمددت غطيتها گعدت بصفها حاضنتها اتمنى لو اگدر اسوي
شي يمحي كل إلى عاشته غمضت عيونها نزلت دموعي بهدوء مداگدر
كل ما أتذكر كلامها انتهي و اموت مسحت دموعي احجي وياها.
غياهب
غياهب: اممم
باجر تروحين الارسلان
اي اريد اشوفه
تمام نروح اني و وياج.
ما انطت جواب بقت مغمضة عيونها بين ما نامت وثكل نفسها طلعت
من الغرفة راسي يريد ينفجر عيوني ما اشوف بيهن من الالم إلى ملازمني
نزلت جوا شفتهم گاعدين توزعت نظراتي عليهم ابوية اعصابه تحجي
حالته درغام نفس الحالة خالتي عيونها مغورگة بدموعها.
سلطان: كلشي صار فوگ سويته علمود تطلع إلى كاتمته و ما اخليها تكتم اكثر
درغام: جنت ضدك بس هسه اگلك زين من سويت هالشي رغم انهيارها بس الافضل ما بقت كاتمة وتاكل بروحها.
مجيد مات و اتأخرنا يله عرفنا قذارته بس شلون
شنو شلون؟
شلون جان يوصل الغياهب.
گعدت دايخة عيوني صارت تغوش لزمت راسي بايدي باوعلي ابوية نهض من مكانه بسرعة لزمني.
سلطان: وجدان جيبي جهاز الضغط.
اجوا وكفوا على راسي خايفين عيوني بدأت تقفل احس بشي نزل من خشمي اتجحظت عيون درغام و هوَ يباوعلي سحب كلنكس حطه على خشمي.
درغام: يمكن ضغطهاا مرتفع.
جابت خالتي الجهاز قاسوا ضغطي لگوا مرتفع شالني درغام كبل للسيارة.
و ابوية وياه كبل للمستشفى بعد ما فحصتني الدكتورة.
الدكتورة: الحمدلله خشمها نزف تدرون لو ما نازف جان البنيه انجلطت.
باوعولي بخوف و قلق.
درغام: و هسه دكتورة شنو وضعها؟
احسن بس تحتاج ترتاح وخلوها تاكل اكل بعيد عن الموالح بكثرة.
طلعنا من المستشفى ابوية حاضني الكلبه ويتحسر همس بكلام گدرت ألتقطه.
سلطان: ياربي امتحانك صعب لا تمتحني بالاثنين.
رجعنا للبيت نزل درغام جاب العلاج من الصيدلية ابوية طلب منه ابقى.
يمهم ما اعترض نزلنا من وصلنا للبيت خالتي تتسائل عن وضعي طمنوها.
سلطان: وجدان صعدي حنين الغرفتها خلي ترتاح
درغام: عادي اصعدها انا
صعدها ابني.
اخذني يصعد بيَّ باية باية ويبوس براسي ابتسمت بنص تعبي.
درغام: خفت عليج ومحمد
حنين: صرت احسن
هاي من القهر هيج صار بيج
الي يسمع كلام اختي شتريده يصير.
فتح الباب شافها نايمة باوعلها بحزن نومني بصفها گعد بصفي حطيت راسي على رجله.
العبلي بشعري
صار.
غرس اصابعه بشعري بهدوء.
راح ترجع للبيت
لا باقي هنا بس تنامين انزل جوا انام بالصالة.
ما حسينا الا على صوت غياهب من گالت.
غياهب: شكو هنا؟
گعدت عبالي بيها شي او تتحلم تباوعلنا مبتسمة بخفة.
حنين: خرعتيني
شتسون هنا ما تروحون البيتكم نوب منيمها على رجله ما تستحون مو اني يمكم.
درغام: چا انتِ مو نايمة شگعدج لو مثل ابوج هم مؤقتتها
وانتَ ما تستحي وحدة نايمة يم اختها
مررررتي
عبالك ما شايف
چا وين شايف اول مرة أتزوج.
اباوعلها تتناكر وياه ابتسمت رغم تعبي بس من شفتها بهل الوضع جانب
مني ارتاح و درغام يتقصد يتناكر وياها يريدها تحجي.
غياهب: ديلا گوم أطلع لا نتخارب
درغام: انتِ نايمة بغرفة مرتي گومي أطلعي ما تستحين ما تگولين رجال و مرته ووو فوگاهاا بعدها نايمة
مرتك غرفتها ببيتك
و هنا هم هاي من نجيكم ننام هنا بهل الغرفة.
عوجت حلگها تهز بأيدها.
اسكتوا خلوني انام.
غطت حتى راسها نامت درت وجهي مبتسمة اله اشرتله بحواجبي اتجاه الباب باوعلي رافع حاجبه همس.
درغام: شكو؟
حنين: نريد ننام اني و اختي
و انا؟
انزل جوا نام
احلفي
و الامام علي.
وگف يضحك يغمم بيَّ المزنجر.
امداج تبيعيني علمود اختج
طبعاً.
عض اصبعه و أشرلي بسيطة طلع سد الباب حضنت غياهب من فوگ الغطة صاحت بيَّ.
غياهب: تررا اني مو درغام لا تشتبهين
حنين: ادبسزز ادري
خوش بس خنگتيني شبيج شهل الحضن القوي
ما. شو اجتني مشاعر جياشة.
زوجج جوا
شابعة احضان ما اريده اريدج
استغفرلله
اگلج غياهب
اممم
ارسلان هم چان يحضنج
تجي دفرة قبل لا يوصل الي.
غمضت عيوني اضحك بدون صوت.
غياهب: عليمن تضحكين بسكوت اضحكس راح تختنگين.
هههههههههه چلبة مو مغطاية شلون شفتيني
أدري بسوالفج
يله خلي ننام.
رفعت الغطى من راسها حسيتها تريد تحجي بس سكتت من شافت العلاج مالتي إلى الدكتورة خصصته الي.
غياهب: شنو هذا العلاج؟
حنين: شوية تعبت و اخذوني للمستشفى
شبيج؟
ضغط مو شي خطر.
حضنت وجهي تباوعلي بخوف و صوتها صاير مبحوح.
احجيلي شبيج يوجعج شي
والله بس ضغط لا تخافين هاي گدامج
تمام تعاي.
حضنتني الحضنها تمسد على شعري حضن الاخت الحنونة مثل حضن
الام غمضت عيوني بسرعة نمت من التعب و الصدمات إلى مرينا بيهن.
الثواني كمزت من مكاني وهيَّ فزت ويايَّ.
حنين: عززززززا غياااهب
غياهب: شكوو
ولچ انتِ چفصتي چفصة شكبرهااا
شچفصت؟
گلتي عمر خسر حب حياته.
صفنت بوجهي.
بس ما ذكرت اسم نيروز يمكن.
هاا اي صح ما ذكرتي بس خاف يسئلوج
أغلس
غياهب شنو قصة ارسلان و القراصة بس إلى فهمته يعني ارسلان و القراصة بينهم ربط
نامي بعدين احجيلج ارتاحي هسه
تمام.
رجعت المكاني اباوع بقت گاعدة.
ما تنامين
اي هسه.
احسها بدأت تسترجع كلامها إلى حجته و تفاصيله.
غياهب.
فتحت عيوني بس أحس نفسي خفيفة الثكل الچان على صدري خف
مو مثل قبل گعدت باوعت المكان حنين ما موجودة طلعت غسلت دخلت الغرفتي.
صايرة دمار اخذت ملابس من كنتوري بدلت كان عندي تردد انزل بعد كلامي إلى صار أندگ باب غرفتي.
غياهب: اتفضل.
انفتح الباب چان أبوية أبتسم بوجهي.
سلطان: صباح الخير بابا
صباح النور
أنزلي نتريگ سوا.
هزيت براسي بقبول اخذني من ايدي نزلنا جوا ابتسمت و اني اشوف
درغام و حنين يتناكرون كفخها على راسها صاح بي ابوية.
سلطان: هاااااي ببيتي و تكفخ بيهااا چااا ورايَّ شتسوي
درغام: انااا و مرررررتي نشاقة رجاءً لا تدخل.
خااااب كم ما ادخل و هوَ بنص بيتي.
گعدني على الكرسي و سحب كرسي حطه بصفي.
درغام: عمي ترا لعبت نفسي لا خاطب و مخليني متهني و لا متزوج و مخليني متهني.
گوم ولي البيتك محد جابرك تگعد هنا.
باوعله درغام بخباثة رافع حاجبه حضن حنين و ابوية يخزر بي.
ايدددك شيلهاااا لا اكسرهااا
مررررتي.
سوا لفة ابوية حطها بايدي.
سلطان: اكلي حبيبتي.
اخذتها من ايده حط گدامي كوب چاي رجعوا يداهرون بينهم سوا لفة ثانية.
انطاها لحنين إلى تضحك على سوالفهم بقى درغام يباوعله.
درغام: چا و انا ما تسويلي لفة؟
سلطان: سوي الروحك شبيك ناقصك ايد رجل
وجدان: انا اسويلك عمة.
سوتله خالتي و انطتهياه دزلها بوسة بالهوا عاط بي ابوية.
سلطان: الله اكبر نووووب دار على مرتي.
حطيت ايدي جوا خدي اباوعلهم و بالي وروحي بغير مكان اكلت لگمتين مالي نفس الشي.
غياهب: ليش ما سافرتوا
درغام: على بختج يا سفر غير مرة ان شاء الله تتعوض.
حنين: اي والله اني هم خرب واهسي حتى لو انروح ما راح نتونس
لغيتوها علمودي؟
درغام: فدوة الج خوية گتلج نعوضها.
سلطان: غياهب كملتي؟
اي
يله گومي
وين؟
نروح انشوف ارسلان.
بقيت مستغربة من كلامه.
انتَ تروح
اي ليش متفاجئة صح ما احبه بس الخاطرج رايح لان ما رايدج تروحين وحدج
حنين: علساس اني اروح وياها.
لا بابا كافي روحي ويا زوجج البيت خالج انا وياها غياهب لا يضل بالكم
تطردني؟
اي أطردج صارلج يومين عندنا شكو متزوجة.
درغام: منك من الشيطان سلطان
سلطان: انچب ترررا اخليها اسبوع هنا
لا على بختك نشاقة.
صعدت جهزت نفسي و نزلت حنين گالت شويةوترجع البيت عيالها مهما يكون
حتى لو أقارب زحمة و هيَّ ما صارلها هواية من تزوجت صعدت ويا ابوية
سيارتي ما اعرف منو جايبها، اتصلوا بايوية رايديني علمود حادث
ارسلان رحنا للمركز قدمت إلى عندي واتوجهنا للمستشفى، ابوية مشغل احد القصائد و صباح بغداد و اجوائه.
سلطان: غياهب
غياهب: ها بابا.
شلون تحسين نفسج
احسن
نجبرت اتعامل وياج البارحة باسلوب مُستفز ماردتج تكتمين و ما جنت ادري وره هالكتمان شغلات تصدمني
يمكن لو ما امسوي إلى سويته بقيت كاتمة هل الاشياء طول عمري
عندي هواية اسئلة بخصوص إلى حجيتي بس مو هسه ارتاحي و خلي تعدي هالفترة و نگعد نسولف اذا شفتي نفسج جاهزة
تمام.
وصلنا للمستشفى نزلت امشي متوجهة لداخل المستشفى ابوية أستوقفني.
هاج غياهب.
درت وجهي مستغربة.
شنو بابا.
طلع الحلقة من جيبه حطها بايدي.
البارحة طاحت منج.
اخذتها منه ضميتها بايديَّ دخلنا للمستشفى شفنا كُميل واگف يحجي ويا الدكتور.
سلطان: السلام عليكم.
صارت عيونه على ابوية اكيد متفاجئ بجيته.
كُميل: عليكم السلام
شخبار وضع ارسلان ماكو تحسن
لا والله نفسه وضعه منتظرين رحمة الله.
بقيت واگفة اريد أشوفه باوعلي الخال و فهم إلى اريده صاح للمرضة
ما ادري شنو حچه وياها سمحولي أدخل باوعت الابوية الواگف يباوعلي.
احسه ديتحمل كلشي على اعصابه بس علمودي، دخلت و كل ذرة بجسمي
ترجف زفرت نفس من أعماق قلبي مشيت بخطوات و الممرضة ويايَّ عضيت
شفتي ميتة قهر و اني اشوفه گدامي و الاجهزة محاوطته طلعت البنيه الممرضة.
بقيت وحدي ما ادري شسوي بهل اللحظة، بلعت غصتي موتتني و اني اشوفه
گدامي بهل الوضع نزلت دمعتي بهدوء مسحتها مرة قريت ما لازم نبجي
يم المريض لان هالشي يأثر عليه گعدت قريبة منه.
غياهب: اذا احجب هسه تسمعني يا ترى؟
فرگت وجهي مختنگة نزلت بجسمي قريبة منه لزمت ايده اصبعي يمسح عليها.
مو چنت تريدني أجيك هاي أجيتك مو رحت سويت شغلات غلط علمود تخليني
احچي وياك خليت نورس تتصل عليَّ علمود اجي و اتشوفني، أرجع الخاطر
الناس إلى منتظرتك ناز تنتظرك لازم تعالجها وترجعها مثل قبل عمر منتظرك. نزلت دموعي. حتى انا منتظرتك ارسلان.
بعدني ما مرتاحة ارجع اريد اشوف شگد صبرك و تعبك ويايَّ اريدك تتعبلي اريد أحس بلذة الحب إلى تحبنياه .
مسحت دموعي النزلت اكثر ما اگدر أسيطر عليهن رجعت شعري وره اذني.
ان شاء الله ما تطلع تسمع شي علمود من ترجه ما تبقى تفتر ورايََ و تگلي حجيتي هيج لان انتَ واحد لزگة.
اباوع بملامحه إلى اگول عنها ملامح مجرم بس هوَ مو هيج اني من كرهي
و ما اطيقه جنت احجي هيج اريد اضمه بنص گلبي و أسولفله شگد
محتاجته شگد أحبه مو بس هوَ إلى محتاجني و حابني.
رفعت ايدي تمشي على محياه.
معزتك خاصة بگلبي ، بگد ما روحي متأذية منك بگد ما هيَّ تهواك
مثل ما يگولون نفس بالرية صرت ارسلان فاروق.
دخلت الممرضة مسحت دموعي إلى للأسف ما سيطرت عليهن.
الممرضة: عيني بلا زحمة خلصت الزيارة.
هزيت راسي نهضت من مكاني بقت عيوني عليه اريدها تشبع من شوفته
مداتشبع تحسرت درت وجهي امشي خطيت كم خطوة و اني و الممرضة
وگفنا اثنينا من صار صوت بالاجهزة ركضت عليه بقيت جامدة بمكاني.
ما مفتهمة شديصير دخل الدكتور يركض وهم يگولون بينهم
المريض قلبه توقف .