رواية وتيرة الأعرج للكاتبة حوراء السعيدي الفصل الحادي عشر
حنين.
طلعت من يم خالة جوهرة و غياهب بعد
ما دزلي
رسالة أطلع برا، بقيت واگفة الدقائق أجه أسمع خطواته
و گلبي دگاته زادت من المواجهة رجليَّ حسيتهن بعد ما يحملني.
أنفجر بوجهي بعصبية.
درغام: شبيج ليش هيچ صاير بحالج؟ ليش تتهربين حتى من نظراتي
احچيلي سويت شي غلط غلطت بحقج ليششش هذا البرووود.
حنين: تتقبل الصراحة حتى لو تأذيك؟
باوعلي بنظرات ماليها العتب أعترف أذتني بس.
ما أريد أوهمه بشي ما موجود لازم اليوم أفهمه كلشي.
أتقبلها إذا تنهي كل هذا العذاب إلى بينا.
أبتسمت اخذت أيده لزمتها ضغط على أيدي بأيده
الثانية غمضت عيوني بديت بتسلسل كلامي وياه.
-انتَ أنسان معزتك خاصة ب گلبي من طفولتي لليوم
موجود بحياتي ما قصرت بشي ويايَّ، فتحت عيوني المدمعة
أشوفه ساكت صافن بوجهي يسمع الكلامي قويت
نفسي وأردفت. أني أحبك بس مو نفس مشاعرك.
كملي كلامج
اني والله ما أريد أوهمك بشي بشي ماموجود.
و لا أچذب عليك هنيالها إلى تحصل شخص مثلك
بس شسوي مو بيدي مشاعري أتجاهك مو مثل مشاعرك إلى بداخلي
مايتجاوز حدود شي أسمه صداقة فدوة درغام أنتَ دا تفهمني مو.
فاهمج حنيني
چنت أتهرب منك بذيج الفترة لأن أخاف أخسرك
ما أريد شي يأثر على صداقتنا أدري صعبة عليك بس.
أبتعد عني سحب أيده من أيدي حسيت گلبي راد يوگف
من وضعه شلون تغير بقى واگف منطيني ظهره كل ثانية
عاصر عيونه ويمسح بوجهه بالاخير دار ناحيتي مواجهني.
شهگت من سحبني من أيدي صرت بظهر الحايط إلى ورايَّ.
أدعيلي الله يبرد گلبي، بس لا تدعيلي الله يرزقني بغيرج ما أبريج الذمة
بس.
قاطع كلامي من شافني أنهار بدموعي.
اشش كافي تبچين هايهية إلى تريدي بس لا تذبلين
أكثر جاي أموت باليوم ألف موته من أشوفج هيچ
اسفة
بلائي الجميل أنتِ .
نزلت دموعي أكثر.
درغام
مو گتلج كافي إلى تريدي يجرالج و حگ عيونج بعد.
أبتعد عني مبتسم بس القهر و الكسرة نابعات من عمق عيونه.
طلع من البيت، گعدت منهارة بدموعي و گلبي يأذيني.
ما ابچي على نفسي ابچي عليه هوَ كل عذابي وتعبي هذا
بسببه من أشوفه بهذا الحال أتعب أكثر منه سمعت صوت
غياهب الثواني صرت بحضنها حضنتها بكل قوتي ابچي تعبانة.
غياهب.
بقيت واگفة جامدة بدون أي حركة من إلى سمعته
بقيت بمكاني أستمع الحديثهم إلى دار بينهم و بطلبه
المفاجئ رد عليه أبوية بنبرة أستغراب و كأنما متفاجئ بطلبه.
سلطان: منو من بناتي؟
صار هدوء الثواني أصواتهم أختفت شدّت مسمعي
بالجواب أتجحظت عيوني من گال.
أرسلان: غياهب.
بعد ما سمعت الجواب صعدت الغرفتي أركض مصعوقة
سديت الباب و أفتر بالغرفة بنبض مُتسارع ليش يطلبني.
أني للزواج حتى ما صارلنا فترة طويلة غير أشهر من أتعرفنا
علي بعض وين يريد يوصل هذا الشخص شنو إلى وراه.
مرت ساعات و أني بغرفتي ما نزلت و أحساسي
يگلي أكو شي ما مضبوط طلعت من أفكاري من دخلت حنين.
حنين: وين أختفيتي غياهب؟
غياهب: هنا.
گعدت ساكتة هاي هم سالفتها داچة سئلتها عنه وله لو بعده.
اگلج حنين
رفعت راسها چانت صافنة و أيدها جوا خدها باوعتلي.
هاا.
هذا راح لو بعده
منو
شبيج صخمان أرسلان
أيي راح
و بابا وين؟
جوا ليش تسئلين
هيج.
شبيج متوترة و لون وجهج مخطوف بيج شي؟
لا ليش شبيه ما بيَّ شي
لا والله ما متوهمة شوفي وجهج بالمراية.
وگفت گدام المراية أباوع النفسي ملامحي متغيرة
و فعلاً تجلب الشكوك بس وجهي مو مخطوف لونه حسيتها بالغت.
غياهب: ما أدري يمكن لأن لازمني صداع تعاي ننزل جوا.
نزلنا نمشي سئلتها عن درغام.
شلونج
حنين: أحسن
هم رجع حچى وياج
لا.
هزيت راسي متفهمة الوضع، چان أبوية گاعد من سمع أصواتنا.
رفع راسه أبتسم النا رديتله الأبتسامة من گال.
سلطان: و أنا اگول وين بناتي مختفيات وعايفات أبوهن.
گعدنا بصفه حنين حضنته.
غياهب: چان يمك خطار و صعدنا فوگ
أي أرسلان چان هنا.
سكتت ما علقت بشي و لازمة گلبي لا يفتح الموضوع.
حنين: بابا
سلطان: نظر عيني
أحبك أني. أرسلان ليش أجه هنا.
ضحك و گرص خدها بخفه.
هيج علمود شغلة.
جاوبها و أنظاره عليَّ بنفس اللحظة أتصل رقم أنطيته رفض
و رجعت مندمجة ويا أبوية و حنين بس ما أستسلم.
رجع يكرر بالاتصال رغم نطيته صامت نهضت من مكاني
طلعت للحديقة أشوف منو هل السزز حرگنا حرگ.
غياهب: نعم.
ماكو صوت ردت أسده لأن مليت من الاتصالات
المجهولة أجاني صوت أنصدمت من إلى سمعته.
الاعرج: شلونج حضرة المحامية.
عرفته من صوته ابتعدت أكثر لآخر الحديقة تجنباً لا أحد يسمع.
غياهب: هذا أنتَ
الاعرج: أي نعم أنا.
منيلك رقمي
مو صعب على الاعرج
يا بطيخ شرايد أنتَ
شهيتيني بالبطيخ تصدگين
لا والله ما أصدگ خصوصاً منك أنتَ.
قاسية
دحجي وفضهااا شررايد
ليش مستعجلة على رزقج؟
سكتت كلامه كله ما مرتاحتله و لا هوَ شخصياً أرتاحله من اليوم إلى شفته بي.
رزق شنو؟
نفوت بالغميج لو لا.
ذبيت نفس بقلة صبر.
احچي
وافقي على عرض الزواج.
أتصنعت الغباء و عدم الفهم كأنما ما فاهمة شي.
يا زواج بيبي؟
بيبي شفتج واگفة لا أتصيرين أم درب
بيبي متوهم
لا عليج الله.
طگها بضحكة بصوت مسموع هزيت بأيدي
مو طبيعي
هالشخص وين شافني أريد أفهم رجعت أكمل كلامي وياه.
ما علينا سواء شفتني أو لا زواج شنو
جايج من الباب
اگلك شوف أني سوالف الألغاز ما تعجبني احچي طگ بطگ أحسن
رجال جاي يخطبج من أهلج على سنة الله ورسوله بيها شي يا حبي
حبك برص كون.
سكت و تغيرة نبرة صوته للجدية هل المرة وأختلف
كلشي بعد ما كلامه إلى چان ما مفهوم بين المزاح و الصدگ.
مجبورة توافقين على الزواج غياهب
وليش مجبورة شبيك بابا شارب شي أنتَ
براحتج بس أتذكري كلامي زين أنتِ بذاتج راح توافقين.
سده بوجهي بحقارة ردت ارجع أدخل جوا وگفت
من أتذكرت المجهول آخر رسالة چان كاتب بيها محدد
يوم السبت الثواني صابني شك المجهول اله علاقة ب الاعرج
بس شنو الغاية من كل هذا معقولة أكو شي يربطهم لو فعلاً هاي صدفة؟
نيروز أييي لازم أحچي وياهاا فتحت الجهاز أتصل بيها وين يله جاوبت.
نيروز: هَلا غياهب
غياهب: نيروز لازم نحچي
ليش شكو و ليش هيج صوتج
تعااي النا
هسه؟
أييي
خلي أشوف أبوية لو رماد يوصلوني الكم.
سديته منها هيَّ الوحيدة إلى اگدر أفهم و أوصل للحقيقة
من خلالها رجعت يم أهلي گعدت ما سئلوا منو المتصل
بقوا مستمرين يسولفون بس بالي مو يمهم نص ساعة
و أجت نيروز موصلها رماد يم الباب و راجع
أخذتها نصعد فوگ أستوقفني صوت حنين.
حنين: هاي وين رايحات
غياهب: عندي موضوع ويا نيروز.
أيي أجي وياجن
لا لا أبقي يم بابا ما نتأخر
يعني أسرار من ورايَّ؟
رد عليها أبوية الگاعد يباوعلنا و أنقذنا.
سلطان: حنين بابا عوفيهن براحتهن أبقي خليج يمي.
گعدت بمكانها ضايجة ما اگدر احچي شي گدامها
قبل لا أفهم الموضوع صعدنا اني و نيروز سديت
الباب و هيَّ تباوعلي بأستغراب من وضعي.
نيروز: شبيج خوفتيني.
غمضت عيوني اهدأ بنفسي و اتأكد إذا إلى راح أسوي صح أو لا
رفعت راسي أريد احچي صار صوت طلقة قوي عبالك
بنص بيتنا شهگت بخوف فزت نيروز من مكانها مرعوبة.
ش. شنووووو هذا
قبضة أيدي أسيطر على نفسي رجليَّ صارت خيوط.
من الخوف نزلت نيروز قبلي من الهبطة أمشي بهدوء نزلت وراها
باوعت بأرجاء البيت ماكو أحد لا أبوية و لا حنين
حتى نيروز إلى چانت يمي عبالك داحلم بحلم
طلعت خارج البيت
و أسمع الأصوات والهوسة نيروز واگفة يم الباب
و كل هاي الهوسة ب باب بيت جيرانة ابو أيمن.
غياهب: شكو نيروز
دارت وجها دموعها متجمعة بعيونها و أنطتني الخبر إلى خلاني بحالة صدمة.
نيروز: أبو أيمن قتل زوجته.
جان خبر النا كلنا صدمة لأن إلى نعرفه هم من سنين هنا
مجاورينا ما شفنا منهم شي مو حَلو عائلة محبة البعضها
خصوصاً أبو أيمن رجال محترم ماله علاقة بالرايح و لا بالجاي.
بابا لعد وين؟
حنين راحت جوا لأن بنتهم گوا ساحبيها
من أمها و عمو وياهم.
قشعر جسمي من إللي داسمعه سترك ياربي من المخفيات
عبرت على بيتهم عفت نيروز يم باب بيتنا دخلت و ياريت
ما دخلت الموقف هزني هز الأم أمدد بالگاع مغرگة بدمها.
و الأب گاعد و أيده على راسه أما الأبن يريد يهجم على أبو
و لازمي أبوية و الجيران ويا دخولي دخلت الشرطة بدوا بشغلهم.
حنين وجهه أصفر لأزمة وفاء بنتهم باوع أبوية بأسف على حالتهم.
سلطان: أخذي وفاء البيتنا بابا البنيه تعبانة
غياهب: أي بابا بس و أخوها؟
مالج علاقة بي بأخوها أخذي البنيه أنتِ الولد
گوا لازمينة بس نعوفه يرتكب جريمة فوگ جريمة أبو.
أشرت الحنين نطلع أخذناها و طلعنا لأن حالتها تعبانة.
دخلنا البيتنا نيروز موجودة ويانا و البنيه وفاء ما على
ألسانها غير أمي ماتت دخلتها للحمام أغير ملابسها كلها دم.
-حنين ملابس جيبي
حنين: أي هسه.
الدقائق رجعت أنطتني الملابس حطيتهن بجهة
غيرت ملابسها و غسلتلها رفعت راسها إلى بوجه
شاحب و حتى دمعة وحدة ما نزلت منها.
وفاء: أمي أنقتلت اني شفتها أنقتلت أمي.
ما أدري شنو إلى احچي بهيج موقف صعب المصيبة
قتل مو موت الله لزمت أيدها و هي تحت الصدمة ما طلع مني غير كلمتين.
غياهب: الله يرحمها.
بقت مستمرة تهمس بهالكلمات إلى تزرف الگلب زرف
طلعنا من الحمام گعدتها بالصالة دخل أبوية يدور بعيونه
عرفته يدور عليها أجه گعد بصفها بعيونه نظرات الحيرة.
سلطان: عمو تگدرين تشهدين.
وگفت معترضة على كلامه لأن البنيه مو بحال يسمح الها.
بابا صدگ تحچي شوف حالتهااا؟
طالبينها، و أخوها متخبل گوا دخلناه البيت الجيران
و قفلنا الباب عليه انگلب وحش ويريد بس يلزم أبوه.
اتوزعت نظراتي بينه وبين وفاء الفاصلة عنه وعن حديثنا همستله.
ماعرفتوا ليش قتلهاا؟
لا والله و الناس صارت تحچي بكيفها.
يابه فدوة العينك البنيه بعدها بحالة صدمة شوفلك حل مو وقت ياخذون أقوالها.
هز براسه متفهم الوضع و طلع نيروز و حنين عيونهن أنتهت عليها
ما أدري رغم گلبي إلى يتگطع من الداخل بس مانزلت دمعة مني غير عنهن.
مرت ثلاث أيام الوضع ببيتنا متوتر بسبب وضع وفاء إلى بدأ يتأزم.
أجه أخوها و أنطى الأبوية وعد يكون هادئ فعلاً
اجه و حاول وحاول وياها كلشي مفاد البنيه منتهية بسبب الصدمة إلى تعرضت الها.
حنين: والقرآن گلبي داينزف قهر عليهم
غياهب: بحياتي ماصرت فضولية بكثرة مثل هسه شصار؟
أم راحت الربها و لحد الآن مانعرف السبب أب راح للسجن
أبن مشرد بالشوارع، بنت حالتها مدا انعرف شبيها.
تدرين حتى اني من أصفن للشغلة مدالاگي جواب لأن أمهم چانت خوش مرة
ألبيوت أسرار.
دخل أبوية بس وضعه مو تمام الواضح ألتفتت الحنين
عيونها بجهازها ما أدري ويامن تحچي عفت إلى بأيدي ورحت عليه گاعد وصافن.
غياهب: هاا يابه ماكو شي جديد شصاير وضعك مو على بعضه
سلطان: عرفت سبب موت أمهم.
گعدت بصفه و أردفت بأهتمام و فضول
من الأمر.
أييي؟
بقى ساكت بس نظراته تنبع قهر و أسف.
أبو أيمن عنده مرض نفسي و كاشف زوجته تخونه.
شنو؟
علاقة غير شرعية.
فتحت عيوني بكل وسعهن بعدم تصديق.
شنوووووو.
لزمني من أيدي.
صوتج يااا بابا
بابا شدا تحچي أنتَ
-هذا إلى عرفته و حالي من حالج مصدوم كل هالسنين
الرجال جارنا و ماظهر منه غير الطيب يصير بي هيج حسافة والله.
والبنيه وفاء شراح يصير بيها أخوها وين
أنطينا خبر عن وضعها گالوا بين ما تصير زينة
ياخذون أقوالها أخوها متسودن لو شايفة شصاير بحاله.
سودة عليَّ تدمروا و خسروا أهلهم
الهم الله غياهب
شعجب عمامهم خوالهم ما أجوا ما معقولة مگطوعين من شجرة؟
عمامهم تعارك وياهم أيمن خوال ماكو حسب كلامه
گال بس جدة و جدته و متوفين بس إلى خلاني
صافن العمام ما اهتموا البت اخوهم عندي.
سحبت نفس بقهر كلش قهرني الموضوع مرات خطأ
شخص واحد يدمر عائلة بأكملها و هذا إلى صار بعائلة
بيت أبو أيمن بس ماتوقعت الدمار راح يكون الهلدرجة قوي.
تركت أبوية و صعدت للبنيه أشوفها عفتها نايمة
فتحت الباب شفتها على نفس النومة تقربت گعدت.
يمها صفنت بيها هسه هاي شنو ذنبها هيج تدمر و هيَّ بهذا العمر.
غياهب: وفاء حبيبتي يله أگعدي كافي نوم.
ماكو أي ردت فعل منها لزمت أيديها باردات أنخمش گلبي
من شفت شفايفها بيض وجسمها كله بارد بلعت ريگ و ضربت خدها بخفة.
وفاء وفاء أگعدي.
رفعت أيدي گدام أنفها ماكو أي نفس زاد خوفي رجعت أحاول وياها
جثة هامدة گدامي صرخت بصوت على أثره أحس بلعومي شخط.
باااااباااااا.
ماطول مجيئة و هوَ يدخل علينا مفزوع د.
سلطان: شكووو بابا شبيچ.
أريد احچي ما اگدر بلعومي أذاني بصعوبة نطقت الكلمات.
و، وفاء ماتگعد دا أحاول وياها فدوة تعاال شوووفهااا.
دخلت حنين تركض مفزوعة هم لزمتني هالمرة دموعي
نزلت ما گدرت أقاومهن مسحتهن بسرعة
و رحت على أبوية.
هاا بابا فدوة شبيهااا ليش ماااتگعددد
أعتلى الحزن ملامح أبوية و الخيبة و هوَ يگول.
البنيه ميتة.
أني ليش اتعلقت بيها ليش كل هذا التأثير صار
رحت عليه أباوعلها و أرجع أباوعله.
لا لا شنوووو ماتتت أني عفتهااا مابيهاا شي والله مااا چان بيهاا
أي شي شوف بابا حتى شعرها مشطته قبل لا تنام.
صاح على حنين تلزمني بس حالتي أتهسترت من
الخبر دفعتها عني لزمت أيده أتوسل بي.
بغلاتنااا عندك خلللي نااخذهاا للمستشفى يمكن هناااك يسولها شي فدوة.
شيسولهااا غياااهب البنيه ماتتت مااتتت
گتلك خلليييي ناااخذهااا ليششش ماتفهمني عفتهاااا مابيهاااا شي ولكم والله مابيهااا شي.
بدون ما يرد عليَّ رفعها من مكانها نزل بيها
و أني أمشي
وراه صعدنا بالسيارة راسها على رجليَّ دموعي مداتوگف
اني مو من النوع إلى بسهولة أتعلق بالبشر ليش هل الإنسانة هيچ تعلقت بيها.
كلهن كم يوم بقت يمي ليش هذا التأثير بيها بعدها صغيرة
ما شافت شي من الدنيا وصلنا للمستشفى أخذوها
من عندنا بقينا واگفين ننتظر حضني أبوية يهدأ بيَّ.
سلطان: راح تموتين على كيفج ويا نفسج بابا
غياهب: اني والله عفتهااا مابيهاا شي.
الأعمار بيد الله
لا لا ماميتة يمكن ضغطهااا.
صرت أقنع نفسي بهذا السبب رافضة الحقيقة بس ماكو
مهرب من الواقع طلع الدكتور هز راسه بيأس وحزن.
الدكتور: للأسف المريضة متوفية من ساعتين البقاء لله.
رمشت بعيوني بثكل من إلى سمعته دموعي إلى صارت
تشرح شعوري و حالتي و أنضاف هذا اليوم لأيامي السود
مستحيل أنساها و لاأنسى أي موقف تعرضت اله بحياتي.
أنطينه خبر الأخوها إلى ماصارلة أيام من خسر أمه و أبوه.
مهما كانت الحقيقة تبقى أمه و يبقى أبوه و يبقى فقدانهم صعب
و عمامهم رجعوا وياهم من سمعوا بخبر وفاتها
أندفنت و أندفن كُلشي وياها بقى تفكيري الأخ شلون راح يعيش طبيعي.
حاولت أرجع الحياتي الطبيعية بعد ما أنتهت وفاء من حياتي
خسارتها كانت كأنما خاسرة اختي تعبت الأيام عازلة نفسي
أتقبل موتتها بس نسيت شغلة غياهب ما من الممكن ترتاح بحياتها.
فزيت بأحد الأيام على صوت بالشباك دنيا نص الليل باوعت.
ماكو شي رجعت نمت يمكن البزازين رجع نفس
الصوت نهضت من مكاني فتحت الشباك ماكو شي نزلت جوا.
البيت كل أضويته طافية و نايمين أهلي رحت الباب المطبخ
إلي يطل على الحديقة هسه غير أخاف أنجرع لا ماكو بقيت
مستمرة فتحت الباب مديت راسي أشوف شنو هذا الصوت
شهگت و أحس نبضي براسي صار من أنسحبت
من أيدي و ألزگت بالحايط بس أيد حامية ظهري من الأذية.
أتجحظت عيوني بعدم أستيعاب.
غياهب: شتصخمم هنااا ولك شلووون دخلت.
الاعرج: الحياطين شنو فائدتها
أبوووو الحياطين شرررايد بنصاص الليالي
أشووفج
أكو واحد هسه يجي أشو تصرفاتك ما أدري شلونها حضرتك ماخذ ميانة زيادة بكلشي خير.
رفع أيده حطها فوگ راسي مثبتها بالحايط
و أيده الثانية وره ظهري دفعتها عني.
فوگ ما أصير رومانسي و أطفرلج من الحياطين
ايععععععع
شوف الايعععع مالتهااا.
دفعته عني تملصت نفسي منه أسحب نفس اهدأ بوضعي.
للمرة الألف اسئلك شرايد هواية بديت تتجاوز حدودك.
وافقي على الزواج
لووووو تمووووت
ما أموووت وراح توافقين
هه أييي أييي من حبي و عشقي الك أوافق دطيررر بابا.
رجع الحيوان سحبني على الحايط صرت أتلاوى
ويا علمود أخلص نفسي شعري صار كفشة
و على
وجهي رفع أيده يرتب بي صحت بصوت مكتوم.
هيووووو أيدك
هيووو بعينج راح يجيج أطراك أسطرج سطر بي
أوييي الحگوووني متتت من الخوف دطيرر
هواية تصرفين دطير شبيج متوحشة
زوواج ماااا أتزوجك لوووو تطلع نخلة براسك
أمممم
شكووو دتباوع هيج؟
عيونج حلوة
و عبالك هسه راح اتأثر و أخجل و أتسرسح مثل البنات.
ولچ كااافي أثبتي خلي احچي وياااج وينج ويننن البناااات أنتِ
مااا ارريد
خرررب بعنادج
خرررب بوجهك يالمجرم يا ابو الحياطين تطفر على الناس نص الليل.
أبتعد عني صارت عيني على أيده لازم بيها ورقة
رجع يمي بدون ما يتقرب إلى رفعها گدام وجهي.
تعرفين شنو هاي؟
رفعت حاجبي و أنفاسي سريعة.
شنو؟
حطها بأيدي بهدوء كل حركاته عبالك شخص دارس كلشي.
أقريها.
بقيت أباوعلها بدون ما أفتحها.
شنو هاي الورقة؟
أقريها و أفتحيها بنفسج حضرة المحامية.
رجعت شعري وره أذني و أيديَّ يرجفن فتحتها اقرأ
بيها بتركيز أتصنمت و أحس بگلبي صار ينبض ببطئ
و أني اقرأ المكتوب معقولة البشر الهل الدرجة حقير و أستغلالي.
غرام.
فتحت عيوني شفت نفسي بالمستشفى فاصلة عن كلشي الثواني
رجعت بذاكرتي آخر كلام سمعته من أم أحسان كُميل
گاعد أنفجرت بالبجي أتخبلللت أضرب بوجهي لزمني يحاول
يسيطر عليَّ ابچي بكل لوعة و شوغة شوغاتي كثرن وهدن كل حيلي.
كُميل: كاافي غرام لا تسوين بنفسج هيچ حررررام.
غرام: چنت تدرررري أميييي ميتةةة مووووو أحلفك بأعز ما عندك احچيلييي.
هز براسه، نزلت دموعي أكثر أنطيته ظهري
و بس صوت.
شهگاتي مسموع تعلى ما تنصى بچيت حد ما حسيت عيوني
الشرار صار يطلع منهن و راسي كاد ينفجر درت
وجهي عبالي طلع بس بعده گاعد نفس گعدته
وبچيتي راح ترجع؟
هزيت راسي بدموع.
لا
أذيتي نفسج راح ترجع؟
هم لاااا.
شنو هذا الضعف إلى عندج
ليش إلى مثلي شنو تريدها تكون
ليش شبيچ أنتِ شنو هل الأستحقار أتجاه نفسج غرام
إذا انت بنفسج مستحقرة ذاتج وتهينين بيها
و ساكتة و ضعيفة شنو تتوقعين من الناس.
شهگت بدموعي أكثر أجه گعد يمي لزم كف أيدي حاضنة بأيده.
بس أني.
ماكو بس و ماكو أنا لازم تصيرين قوية الضعيف
ما يعيش بالحياة أخذي حقج بهاي الأيدين لا تنطين مجال
الأحد يمسج ولو بكلمة وحدة أنتِ أشرف
و أطهر منهم.
إذا أنتِ تضعفين و غيرج يضعف و تسكتون عن حقوقكم
وتخلون أليسوا و المايسوا يحچي عليكم شلون
راح تگدرون تعيشون بهاي الحياة تذكرين أول ما شفتج
گتلج بالذئاب البشرية هيَّ الناس تاكلج وماترحمج.
و أنا ما تعجبني البنيه الضعيفة أحب النسوان إلى تاخذ حگها
بأيدها من العيون عندي ثقة بيج ساعدي نفسج خليها
نقطة مهمة بحياتج محد يگدر يساعدج غير انتِ ساعدي
روحج وقويها أخذي القوة من رب العالمين وبعدها من نفسج حاربي الحقج.
الآلاف البنات إلى مثل حالتج بيهن إلى أستسلمن
و بيهن إلى حاربن و صارن قويات و شوفي وين وصلن اليوم
وحدة منهن لو أنذكر اسمها يگول. والنعم
و كلي الشرف بيها.
أدري إلى مريتي بي مو سهل و لا سهل تتخطينه بس أنتِ فد مرة مأيسة من الحياة.
سكتت ما جاوبت شي لأن كلامه كله صح وشرحلي
واقعنا بس شسوي بروحي إلى أحسها بس جسد بقيت
ما متقبلة أي شي عدلت حجابي و لبست عبايتي
بعد ما سمحولنا نطلع من المستشفى سندني لازمني حد ما دخلني للسيارة عمر موجود وياه.
عمر: الحمدلله على سلامتج
غرام: الله يسلمك.
صعدت گوا أعين بنفسي ماعندي الحيل الشي رجعت راسي.
لوره و أمي ماغابت عن بالي اخخخ يا يمة يا بعد روحي
رحتي وأنتِ مفرفحة عليَّ اليوم أني إلى روحي و گلبي فرفحوا بخبر موتج.
كُميل: أمي و أنسام رادن يجن ما خليتهن ضل بالهن عليج.
مارديت ساق عمر السيارة و طول الطريق هم يحچون على أم أحسان
بس يمكن لو ما هيَّ أني ما أعرف ب أمي متوفية
و أبقى بعالم الوهم و أبقى على أمل نلتقي بيوم من الأيام
رجعت للواقع من شفت السيارة وگفت باوعت بهدوء و تعب.
طبكت حواجبي غمضت عيوني ورجعت افتحهن
أتمنى هذا حلم مو حقيقة بقيت عيوني متشخصة على إلى گدامي.
الدنيا ليل و الطريق إلى صرنا بي ماكو أحد بي غير السيارة
إلي وگفت گبالنا السيارة إلى بيها عمامي أييي ذوله عمامي
و من ضمنهم إبن عمي الچبير رادوا ينزلون لزمت أيد كُميل أتوسل بي توسل.
غرام: ويننن نازلين لا تنزلووون فدوة شوفهم مسلحيننن
كُميل: أهدي خالي أنزل أشوفهم و أرجع
ذووولة عمامي والله عمامي.
واذا صخامج عمامج استغفرالله أگعدي هنا و ممنوع تنزلين.
ماردوا عليَّ و نزلوا هوَ و عمر، أباوعلهم كلهم مسلحين
نزلوا من السيارة و هم ما عندهم سلاح شلون يدافعون
عن نفسهم صرت ألوب وحدي خايفة وأرجف فوگ مصيبتي
هسه الناس يتأذون بسببي بس عمامي و أدري بيهم ما يمررون شي
بسهولة أتقدمت لگدام أدور على جهاز أحد منهم شفت
جهاز كُميل سحبته من الرعب و الذعر إلى عشته الزم بي يرجع يوگع مني.
مابي رمز فرحت أكثر لو چان بي رمز چان تعقدت الأمور
بقيت أدور على رقم أرسلان هو الوحيد إلى أعرفه و يگدر
يساعدنا كل ثانية أرفع راسي أشوفهم شفتي ترجف
مجرد لگيت اسمه بسرعة أتصلت عليه.
الاعرج: هااا خالي
شهگت بدموع مكتومة تغيرت نبرة صوته
و هوَ يسئل.
منوو ويايَّ؟
أني أني غرررام فدوة خوية الحگلنا راح يأذون خالك و أخوووك
ويننن أنتم
ما أدري بس يمكن أحنا بالطريق رجعنا من المستشفى البيتكم.
سده بوجهي بقيت گاعدة بمكاني بس ما گدرت أبقى
أكثر بعد ما شفتهم وجهوا السلاح عليهم و صار المدافع
بينهم وگعوا عمر أثر ضربة غدارة منهم نزلت أسحل بنفسي أرجف رجيف السعف بالهوا.
صرت بنصهم شافني كُميل لو الشياطين گامت تتكامز گدامه.
كُميل: شكوووو نزلتييي أناااا شحچيتتت
عفته يحچي خوفاً عليه و درت على محمد أبن عمي.
غرام: محمد فدوة لا أتسوويلهم شي هم مالهم
علاقة بشي أخذني اني و عوفهم بسس لااا أتسوييي شي يأذيهم.
صاح كُميل بصوت عالي يحذر بيهم.
وحگ الزهرة أم الحسن إلى يتقرررب الها أكسرررر أيده.
بقيت مصفنة بينهم هم شنو ذنبهم حموني
و فتحولي
بيتهم أردلهم الخير بالشر لا غلط، رجعت احاچي بعمامي.
أنتم مو أتريدون تطمون عاركم هاي أني گدامكم أخذوووني و عوفوهم.
سحبني محمد من حجابي إلى أنفتح و شعري كله طلع.
محمد: أشهر و أحناااا ندوررر عليج لا ليلنا ليل ولااا نهارناااا نهاررررر ياااا كلبة.
كُميل: ماااا كلب غيرررك يالخنيثث تتقون على بنيه خايبين
إذا زلم صدگ واجهوا زلم موووو نسوان و عاركم
طموا بأبن عمكم مووو بيها يااا ناقصين العقووول.
ما أحس غير أنرفعت براشدي شل جهة وجهي صرخت بألم
وگعت بالگاع صارت تجيني الضربات ما أدري منين و روحي
تطلع ببطئ ضربة أقوا من إلى قبلها ما الحگ أدافع عن نفسي
و تجيني الضربة الثانية عشت الموت بهل اللحظة
أسمع صوت الولد يصيحون بس لازمينهم لأن هم أكثر منهم.
كحيت دم لعبانة نفسي وگفت السيارة نزلوا منها أرسلان
إلي عيونه صارت بكصته مجرد شاف الوضع و وياه ولد
ما أعرفه أول مرة أشوفه دخلوا بنصهم صارت ناس تضرب بناس
وكل واحد لازملة واحد ويتضاربون عيوني صرت أغمض بيهن
و أفتح بيهن عيوني بدأت تغوش خفت أكثر من صرت
أشوف السلاح بين أيديهم واحد موجه على الثاني.
طفر كُميل على محمد نام عليه و دگ گتل
كُميل: الأيد إلى تنمد عليهااا أكسررررها والخلقك.
فقدت توازني بسبب الضرب إلى أنضربته غمضت عيوني
فاقدة للمرة الثانية اليوم و أمنيتي ما أرجع أفتح عيوني و أرحل من هالدنيا د
رجعت لوعيي بعد ماعالجوني مرجعيني للمستشفى
بعدها طلعنا الصبح راجعين للبيت كل جسمي يون عليَّ أكثر
من شعور سيئ محاوطني لازمني من أيدي يمشي بيَّ.
كُميل: على كيفج خالي
چانت الدنيا الصبح أنفتح الباب أستقبلونا خالة مليكة و أنسام
و أتوقعت وجوهم راح تكون مختلفة و صاير بخاطرهم.
لأن أتبهذلوا بسببي بس صار العكس وزاد احترامي وحبي الهم بعد موقفهم.
مليكة: الحمدلله على سلامتج يمه
غرام: الله يسلمج خالة.
من الضرب گوا أمشي كل جزء بجسمي يأذيني
و يعيق حركتي بالمشي فزيت فاتحة عيوني من أيد
حاوطت خصري ما گدرت احجي دنگت راسي حچيت بصوت ناصي.
شداتسوي أنتَ
أساعدج لا تخافين.
هزيت براسي ذبيت كل ثكلي عليه ساعدني حد ما وصلت
للغرفة بذيج الفترة جابلها اثاث جديد كل هل الاشياء ما تهمني.
تمددت بفراشي علمود أرتاح طلعت أم كُميل و أنسام علمود أرتاح نزلت
دموعي بتعب عمامي شگد حاقدين و بنظرهم أني وحدة عار عليهم.
حسيت بملمس أيد بأيدي فتحت عيوني.
كُميل: شگد تبجين رحمه الدينج
غرام: ما بيدي شي الحل الوحيد إلى اگدر أعبر بي عن وجعي
عيونج راح تنعمي
عسااهن.
حط أيده على شفايفي خازرني.
لااا تحچين مرة ثانية هيج خوووش
من خوفي منه هزيت براسي أبتعد عني وجهتله سؤالي.
شراح يصير بعمامي.
راح يتحاسبون قانونياً و عشائرياً لأن هم إلى گطعوا الطريق علينا و العايلين بينا
ما راح يعوفونا بحالنا
ما خايف منهم
كُميل
عيناي خالي
شسمه اني أريد.
شتريدين محتاجة شي؟
لا بس اني أريد نتطلگ
بهتت ملامحه من كلامي و طلبي أردف.
ليش غرام قصرت بشي وياج.
نزلت دموعي.
لا ما قصرت بشي لا أنتَ و لا أهلك و أني لو مهما سويتهما أرد جميلكم و معروفكم هذا بس.
بس شنو؟
بس أني ما أريد أحد يتأذه بسببي.
و منو يتأذه ترا انا و عمر مابينا شي هاي جروح بسيطة و عادية لا تخافين.
اليوم عادية باجر الله يعلم شيسون عمامي يمشون
بالعشاير مستعدين يقتلون قتل المهم إلى يريدوا يحققوا
نامي و أرتاحي وشيلي هذا الموضوع من بالج طلاگ ماكو.
أنفجرت بچي و قهر من جهة أمي و من جهة خوفي عليه
نمت ودموعي مزروعة بعيوني گعدت فتحت عيوني على صوت
حركة بالغرفة باوعت شفته واگف يبدل ويلبس بالقميص.
بعده مامدكم الدكم غمضت عيوني خجلانة من الموقف أجاني صوته.
كُميل: عيناي عليمن المستحى زوجج صرت
بقيت مغمضة عيوني و أرد عليه.
غرام: أيي وإذا
أخخ منج يالمتدينة، صدگ ماگتيلي أنتِ قسم شنو مو گتيلي مرحلة أخيرة
أسلامية
ألعببب
هاا شكو؟
أگول هاي الديانة منيلج طلعتي تدرسين هذا القسم يخرب بيتي مدرسة أسلامية.
-هسه شكو دا تستهزأ
لا ما أستهزأ قابل كل مدرسات الإسلامية مثلج
شلون يعني
هيچ، أفتحي عيونج كملت.
فتحت عيوني چان مكمل أندك الباب دخلت أنسام سلمت
علينا بأيدها صينية أكل باوعتلي بأبتسامة حلوة و لطيفة مثلها.
أنسام: شلونج اليوم غرام گلبي
غرام: أحسن
والله ردنا نجي للمستشفى بس ماقبلوا
عادي
كُميل: خلصتي؟
باوعتله أنسام تضحك لأن متعودة عليه يمكن لو اني چان بچيت من الفشلة.
ههههههه طالعين خالي على كيفك
يله بعد خالج بلا مطرود
هوَ أنتَ شبقيت جرحت أحساسي
نهجم بيتج أم الأحاسيس وأنتِ بصغرج شابعة نعالات.
حطيت أيدي على حلگي صافنة بيهم من كل عقله
هذا يفشل بيها هيج و هيَّ فاطسة ضحك ويا بالسوالف
هوَ يذب الحچاية تفطس ضحك و ما يضحك أتعجب عليه
طلعت و هوَ جاب الصينية قربها يمي بعد ما طلعت غسلت ورجعت.
تطلعين يمهم
أيي
خوش تعاي.
مد أيده يريد يگومني رفضت أخجل منه خصوصاً بعد ما سواها قبل.
لا أني اگدر اگوم وحدي
وينج أنتِ غير صايرة أكسباير
شنو هاي أنوب
منتهية صلاحيتج هههههههاااااي.
أبتسمت بنص حزني على ضحكته شلون يضحكها صدگ.
صايرة أكسباير حتى من أمشي أعرج بمشيتي طلعنا
يمهم الكل موجود بس أرسلان ماموجود
گعدت على القنفة
لأن ما اگدر اگعد بالگاع بسبب رجلي الصمت محتلني
حتى حزن على أمي مداعرف شلون أحزن مامستوعبة الفكرة و لا متقبلتها.
گالت مليكة.
مليكة: الحزن عمره ما رجع الميت و إلى يفگد عزيز تضل جمرته بگلبه
غرام: مدا أتقبل و لا أگدر أتقبل امي ماتت أحسها بعدها عايشة و أني بكابوس
راح تضل عايشة بگلبج.
أباوعلهم كلهم ساكتين رفعت أنسام عيونها مدمعة.
أنسام: لا أم تتعوض و لا أب يتعوض لو تملكين
الدنيا بأكملها أخذي وقتج من الحزن بس مو دائماً
لأن الحياة تستمر ونعيشها سواء أتقبلنا أو لا.
عمر ساكت مدنك ما علق بشي بس أصابع أيده يحركهن بهدوء.
بقن يواسيني ساعة ابچي و أنتهي ساعة أسكت
حتى دموعي جفت إلى يقهرني و يخلي گلبي ينزف بقهره
أمي ميتة من زمان مو هسه و أني ماعندي خبر عنها.
لليل كلش دخل أرسلان بس وجهه ما يتفسر من الغضب
من يمي خفت دخل الغرفه بدون حتى ما يسلم رگع الباب
بقوا من قوته كمزت من مكاني محد حچى عبالك متعودين عليه.
صبوا الاكل وره الصلاة جاب كُميل صينية أكل و گعد
يسويلي لفات أستحيت من شفت عمر يباوعلنا و يبتسم من جوا لجوا.
غرام: أني اكل مابيَّ شي
كُميل: ميخالف اني أوكلج
لا اني أكل والله اگدر شبيك مو معوقة ترا
هسه شكو تلحين فوگ ما أوكلج.
حاولت وياه ما قبل إلا هوَ يوكلني باثناء مداكل
و العائلة تسولف صار صوت قوي من أحد الغرف الموجودة
الي مرة دخللها أرسلان و بأيده صينية من فترة باوعت ال كُميل.
شنو هذا الصوت
هيج لا تهتمين كملي اكل
بس الصوت قوي
غرام گتلج كملي أكل لاااا تبقين تحجين بالموضوع.
بس.
قاطع كلامي بصوته العالي إلى ماتوقعت تكون ردت
فعله هيج قوية عاط بيَّ گدامهم خلاني أتفشللل.
گتلججج لاااا تلحينننننن.
دنگت راسي من شفت عيونهم صارت علينا بلعت اللكمة
كوا من الموقف حسيت باحراج و فشلة طلع من البيت كُميل
طو إلى يخليني ادخل بداومة أستغراب و خوف أي تصرف
يطلع من أحد محد يحجي أو يسئل، خليت أنسام ترجعني الغرفتي.
عبرت الساعة ال 12: 00 و هوَ ما راجع ليش أنغث هالگد
من كلامي شنو موجود بهاي الغرفة و هيج ممنوع أحد
يدخللها أو يسئل للفجر أني گاعدة حسيت بحركة
بالباب غمضت عيوني أمثل النوم حسيت بي گعد بصفي همس بصوته.
كُميل: نايمة؟
ما رديت عليه بقيت ساكتة رجع گال.
أدري بيج گاعدة
فتحت عيوني ما أستمريت بالتمثيلية فشلت أبتسم بوجهي بخفة.
شتريد؟
مو بقصدي أعلي صوتي عليج گدام أهلي
بعد عليته شيفيد و خليتني غاطة بهدومي من الفشلة
بس أنتِ لحيتي و گتلج أتركي الموضوع
شنو بيها الغرفة؟
أستغفرلله چااا أحنا عليمن تزاعلنا غرام
لأن صيحت عليَّ
و أني ليش صيحت عليج
لأن بقيت اسئلك
يعني تعترفين
هزيت براسي ضايجة.
نتصالح؟
لا
أثنينا غلطانين.
لا بس أنتَ.
ياااا صبررررر أيوووووب
شووووف رجعت صيحت عليَّ
غرام
هااا
الشغلات إلى ماتخصج لا تدخلين بيها لأن مرات
من ندخل بشي ما يخصنا ممكن نجيب الأذية النا.
أنتم ليش هذا الغموض عندكم
كل أنسان عنده جانب غموض بحياته
اني ما أحب هالشي أحب الإنسان الواضح و بديت أخاف
طبطب على أيدي بهدوء.
لااا تخافين و أني يمج.
سكتت ما جاوبته صفنت بالكنتوى إلى گدامي فزيت من گال.
هسه شنو نبقى هيج
شنو
نتصالح لو نبقى زعلانين
ما زعلانة.
چا صارلج ساعة تتگلبين عليَّ و تبيعين ثكل أخ من عيارة النسوان
اگلك گوم نام اتأخر الوقت
أي والله تعبان يله تدني خلي أنام.
شنووو وين تنام؟
ضل يتلفت بالغرفة رجع گال.
أنام عند الجيران مثلاً؟
ي بس يعني شسمه هذا يعني اني اگول نومة الگاع هم مريحة تگدر تنام عليها
انتِ منيلج هل الكلاوات خالي
بس ما أيصير ننام بفراش واحد
ليش؟
أنطيته ظهري منحرجة.
مو شسمه أحنا زواجنا مجرد فترى محددة
و ما أريد يصير شي غلط.
أختفى صوته الثواني رجع گال.
انا ما أريد شي منج غرام.
گام طلع فراش اله فرشه بالگاع و نام بقيت أكل
بروحي بداخلي بعد ما باوع بوجهي.
زعلت مني؟
لااا نامي علوية
حطيت راسي على المخدة و ألف فكرة أبالي هذا الرجال
راح يبقى مساندني لو يتغير بيوم من الايام، الثاني يوم
العصر گاعدين دخل أرسلان گعد وجهه مغضب هم.
وراه بدقائق دخل عمر بقيت صافنة بشكله وجهه بي
أثار ضرب گعد ينافخ بعصبية لطمت مليكة على صدرها.
مليكة: شمااالك ولك عمرررر.
عمر: مابيَّ شي
كُميل: شلون مابيك شي وكصتك معنجرة
أباوعلهم أرسلان و عمر يتشاحنون بالنظرات وگفت أنسام
الي أتجاهلت الموضوع وگالت زوجها وصل راح ياخذها
قبل لا تطلع دنگت على أرسلان همستله كلام و گدرت ألتقط منها كم كلمة.
أنسام: لا تستعجل بتصرفاتك.
ودعتنا وراحت طلع وياها كُميل يسلم على رجلها
من رجع وگف يم الباب أشر للولد الگاعدين.
كُميل: گووووموا گداامي الأستهتارر زاد هووواية ززاااد.
حچى هالكلمات بعصبية وگفوا أرسلان و عمر بدون ما يعترضون
دخلوا للصالة الثانية دخل وراهم و سد الباب حطيت
أيدي على گلبي الله يعلم شراح يصير و هم كلهم ب
ركان صايرين بحيث بس تطخهم يكبون.
صار هدوء الدقائق من الوقت و أني و مليكة وگفنا
علي صوت أرسلان إلى رج البيت و هوَ يگول.
الاعرج: أتزوجهاااا و غصباً عليكمم سووواء قبلتوووووا أو لاااا
سكتنا متسائلات منو هاي إلى أرسلان هيج قفل
عليها و صوته راح و هوَ يحارب بخالة.
و أخوه علمودهاااا!