رواية وتيرة الأعرج للكاتبة حوراء السعيدي الفصل الثالث والعشرون
غرام.
هدوء تام، صدمة أعتلت ملامح الموجودين، أنفاس تسارعت لحظة سماع صوت الرصاصة
كفيلة تخلي المكان يعج بهدوئه بس صوت انفاسي العالية مسموع فتحت عيوني
نزلت ادموعي مصاحبتها ابتسامة نصر و بنفس الوقت خذلان من شفت الطلقة
مخترقة راس غسان مات! بچيت أكثر گتلت اخوية گتلت إلى دمر حياتي همست مختنگة بالكلام.
غرام: أخذت حقي أخذت حق شرفي.
اتقدم كُميل حضني الصدره، گلبي حسيته راح يوگف بگد ما بچيت بهذا.
اليوم عيوني متوسعات من فعلتي المفروض اهلي يسون هذا الشي شمر ارسلان
عبايتي علينا لبسانياها كُميل لزم الولد الثاني صديق غسان دخلوا الشرطة
و استلموا كلشي بدأ ارسلان يحجي وياهم بس ما گدرت افسر كل الكلام
اذني صار بيها صوت مثل التصوفر غمضت عيوني فصلت عن كلشي اسمع
كُميل يصيح باسمس بس لساني ثكل و انشلت كل حركتي ما اگدر احجي.
ما فتحت عيوني الا من حسيت بنغزات بأيدي غياهب واگفة وبوجها علامات القلق.
اتجاهي هل الانسانة تدعمك حتى لو جانت باسوء حالاتها تحچي ويا الممرضة
انتبهت عليَّ اتقرب يمي ايدي الثانية معالجينها و ملفوفة بشاش ابيض.
غياهب: علوية شلون صرتي.
صفنت بوجها شعوري مرتاح حسيت اليوم حياتي فعلاً راح تتغير خف عذابي و خوفي.
غرام: أحس بروحي مرتاحة اخذت حقي بس بيها فراغ.
ارتاحي لا تتذكرين إلى صار
راح يسجنوني؟
ارسلان راح يحل الموضوع لان انتِ نخطفتي و حاولوا يعتدون عليج و يعتبر دفاع.
عن النفس و اكو اجراءات بس لا تخافين ارسلان تكفل بكلشي صح راح تطول بس دخل معارفة بالموضوع.
انفتح الباب دخل كُميل ابتسم بملامح طاغيها الخوف طلعت غياهب و الممرضة بقينا وحدنا.
كُميل: شلونها علويتي؟
غرام: يمكن احسن.
باس راسي يعدل بحجابي يدري ما احب يطلع شعري گدام غيره، نظراته كلها حيرة ادري خايف انسجن حضن ايدي بين ايديه.
و الزهرة خفت عليج
لا تخاف
أهلج وصللهم الخبر غسان مات.
نزلت دموعي.
انتَ أهلي كُميل اني ما عندي أهل غيرك
يا بعد هلي.
غياهب تگول الموضوع يم ارسلان ما انسجن؟
الموضوع معقد و ارسلان ما عافه جاي يشتغل بي عنده معارف قوية ان شاء الله ينحل.
هزيت براسي مغمضة عيوني اريد عقلي يتنظف من كل حدث سيء
اريد اعيش باقي عمري ويا هالشخص صفنت داخلة بافكاري
يا ترى شيصير
لو ما صار إلى صار بذاك اليوم جنت انسانة بسيطة اكبر همها تفكر بدراستها.
اكبر همها و بنفسها تطلع ويا اهلها طلعة عادية اغير جو هاي جانت اكبر همومي، دخل ارسلان تحمدلي بالسلامة.
ارسلان: خالي العلوية لازم تجي ويايَّ للمركز.
نهض من مكانه كُميل معترض.
كُميل: شبيك تخبلللتتتت ارسلان تريدهااا تدخل مررراكززز.
بأمانتي لا تخاف
لاااااا غرام ما تدخل مركز
لا تصعب الامور جاي نحلها تدريجياً رغم تعقيدها بس انطي مجال وعد مني ترجعلك.
بقى رافض و ارسلان يحجي وياه الى ان اقتنع دخلت غياهب ساعدتني بلبسي
اتوجهنا للمركز طول الطريق ارسلان يسد اتصال و يفتح اتصال مستحيل انسى
موقفة هذا شگد تعب علمود يثبت برائتي و غياهب بدأت تقترح عليه اسماء محاميين
معروفين اول مرة اشوفهم متصافين بشي و يتناقشون و يتفقون بكل هدوء
وصلنا أحس اختنگت اكثر ما قبل ارسلان ياخذوني للمكان المختص خوفاً عليَّ
لان وضعي الصحي شفعلي بلغني احجيلهم كلشي بس بحظور المحامي.
مر يوم كامل اني بالمركز الثاني يوم اجه المحامي بديت انطي اقوالي
و بمساعدة المحامي و ارسلان ايام مرت وهم يحاولون يحلون كلشي
الا ان صار شي ما متوقع هوَ أهلي تنازلوا عن كلشي و بعد تدخلات واسطات
ارسلان و اصدقائه انثبتت برائتي بس الغريب شلون اهلي اتنازلوا؟
الثاني يوم رجعنا للبيت مليكة تحضن و تبوس بكل لهفة و اشتياق طول هالفترة
من ضياعي ما اجه ابالي شلون لگوني ارسلان و كُميل بذاك اليوم.
غرام: شلون عرفتوا مكاني و اجيتوا
كُميل: والله يا علوية الا شوية بذاك اليوم افقد عقلي من كثر ما دورت عليج
بس ارسلان صح زبالة بس خوش عنده عقل و خوش عنده وگفات گدر بكاميرات الشارع
يحددون رقم السيارة إلى اخذوج بيها و ابن القندرة يعرف العراق كله بحيث ساعات وصلنا للمكان اسرع من البلوتوث.
ارسلان: أشكرك خالي
انچب.
ابتسم ارسلان ساكت شگد يغلط عليه و يحجي بس ارسلان يحترمه بشكل.
غياهب: المهم غرام بعد ابدي بداية جديدة و حاولي تتخطين كلشي بالماضي و عيشي حياتج.
دارت عيوني على كُميل من اتحمحم.
كُميل: احم غرام.
غرام: هاا
مخلية فكرة الطلاگ بعقلج بعدج؟
لا غيرتها
عليج الزهرة؟
ابتسمت بخجل گعد بصفي ما احس غير جر وجهي باس خدي بقوا جمدت بمكاني فاتحة عيوني و ارسلان يصيح.
ارسلان: شبيككك خااالي هووووب هوووب
عمر: دعوفه انتَ مرته و بكيفه
چاااا موووو گدامنااا
خالي اخذ راحتك مالك علاقة بارسلان.
كُميل: شنو هالزبالة أهتمله.
حطت غياهب ايدها على فمها كاتمة ضحكتها بس اتوقع لان ارسلان
حچوا عليه لو لان باسني وترك وجهي يبوخ بالخجل.
گام ارسلان من مكانه گعد بصف ارسلان مد أيده الجيبه طلع منها علبة
صغيرة دائرية فتحها طلع منها اسوار ناعم ذهب لبسها بايده باس ايدها بينما
هيَّ الضحكة مرسومة على وجها كانما أميرة و هيَّ فعلاً اميرتهم، رفع راسه
يباوعلنا لان كلنا عيونه عليهم مبتسمين المنظرهم حتى غياهب.
ارسلان: خير شبيكم صافنين ما شايفين بشر
غياهب: من جمالك غير! منو مباوعلك انتَ دنباوع ال ناز.
كتموا الولد ابتسامتهم منزلين روسهم لان غياهب و ارسلان من يجتمعون
بمكان واحد وسعلك بطن للضحك من قصفهم.
أنغلقت القضية بالكامل مر شهر الحمدلله بديت اتخطى الموضوع
و جلساتي
استمرت يم الدكتورة بس مرة رجعت انهاريت بعدها مشت جلساتي طبيعية
بيوم بالليل سمعت حديث كُميل و ارسلان و طلع ارسلان إلى مخلي اهلي يتنازلون.
عن إلى سويته نزلت دموعي هالشخص لو يعوف انتقامه ما يعيبه شي بعد.
بديت أميل ال كُميل و اشوف مشاعري تغيرت عن قبل بس الخجل ما يخليني
اظهر هذا الشي بس كلام الدكتورة جان يشجعني هواية اجه ابوية بيوم يشوفني
رفضت رغم اذيتي بس ماردت اي مواجهة وياهم و يمكن الناس اتشوف
هذا الشي انانية مني بس الشي إلى عيشونياه وصلوني المرحلة اتمنى الموت
اتبروا مني گدام العشاير خليتهم يوصلون كلامي ما اريد اي صلة تجمعني بيهم.
جابلي كُميل الجهاز بهل فترة حنين سوت مجموعة جامعتنا كلنا حتى انسام
ضفناها هم سكنت قريب علينا زوجها نفذ كل شروط اهلها و تكگول الحمدلله مرتاحة خابرته.
كُميل: هلا علويتي.
ابتسمت الكلامه بعد ما سمعت اسم غرام كله علويتي منه
غرام: هلا بيك كمولة شو ما اجيت للغدة.
عمر الكو طلع ويا اصدقائه اليوم و ماكو احد بمكاني
هاا مو ضل بالي كل يوم انتَ تجي
علوية اعترفي ضل بالج لو اشتاقيتيلي.
وجهي بوخ وگفت افتر بمكاني ساكتة و اهفي على وجهي.
لا بس يعني شوف هو يعني
راح تخلصها يعني و يعني.
ردت احجي سمعت صوت زلم يمه كال بعدين نحجي سديته بسرعة دخلت غياهب تتبختر بمشيتها غمزتلي.
غياهب: شبيها العلوية مگلوبة طماطة
لِچ عود خابرته اسئله ليش ما اجيت للغده يگلي ضل بالج لو مشتاقتلي
و شدعوة هل التأثير اني ارسلان گلي الاقوى و ما اتأثرت.
ههههههههههههههه والله
و النبي شبيج اني و لا عندي تأثير بهل السوالف
غياهب.
عيني.
باوعتلها لابسة نظاراتها و كتابها بايدها رافعه شعرها وبشرتها طبيعية خالية من اي شي.
ليش ما تحاولين تتقربين من ارسلان.
نزعت مناظرها طابگة حواجبها
شلون يعني اتقربله
يعني شوفي ترا الواضح ارسلان حابج بس ما يعترف النفسه بسبب انتقامه
ادري بي.
صدگ؟ شلون احجيلي يعني شلون تعرفين يحبج.
بالليل من اني نايمة يبقى يسولف يمي عن مشاعره و مرات يحجي
اشياء ما افهمها و مرات ياخذ ايدي يخليها جوا راسه بين ما يغفى اسحبها.
خطية
تعبني غرام اذاني هواية ارسلان ما اگدر أتقربله او أتقبله
يمكن من تبادلي هالشي راح يتغير
مستحيل يتغير بنفسه اعترف باحد الليالي گال ادوس على گلبي و ما انسحب من انتقامي
يعني شنو؟
باليوم إلى ينتهي انتقامه تنتهي علاقتنا.
لعد ليش تخلين ايدج جوا راسه يعني انتِ ليش متقبله هذا الشي وانتِ گلتي ما تحبين يتقرب الج
و لليوم مو يخلي راسه على ايدي يقشعر جسمي، بس الچلب من ينام فد بريئ.
يااا ارسلان چلب؟ لا كلش مامركزة بي
أسكتي لا تفتحلينا جروحنا.
شنسوي عشه
بكيفج هم الولد يجون
عمر ما اتوقع لان گال كُميل طالع ويا اصدقائه و ارسلان موجود مو
أي گاعد يم مليكة و ناز
كُميل هم يرجع ف گومي نشوف شعندنا نسوي بس اوگفي البس شي.
جنت لابسة دشداشة قصيرة بس مو كلش لان اني مو طويلة على گولته سنفورة
بدلت عدلت حجابي هالفترة ارسلان بالبيت حتى دوامه مو مثل قبل و من يسئلونه.
ليش ماتداوم ماينطي جواب، دخلنا للمطبخ قررنا نسوي تبسي دجاج وياه مقبلات
غياهب گالت هيَّ تطبخه و اني سويت المقبلات طبعاً الجهاز نقذني صرت اتفنن بالاكل و اتعلم منه.
غياهب: اگلج ارسلان عنده حساسية من الاكل الحار مو
غرام: اي ولج لا تحطين خطية يتأذه
تدللين عيني انتِ و ارسلان.
لليل الكل انجمع صبينا الاكل بس عمر ما رجع لان مخابر خاله گايله طالعين
للشمال گعدنا ناكل رفعت عيوني اشوف ارسلان وجهه احتقن أشر على المي.
انطته غياهب دارت وجها إلى غمزتلي تضحك و تأشرلي بحاجبها عليه فتحت
عيوني عرفتها حاطة فلفل حار ركزت بطعم الاكل اي والله بس حرورة.
ارسلان: منو إلى طابخة منجن؟
غياهب: اني
چاااا مااا تدرين عنددي حساااسية حضرررة المحامية
لا ادري
ليش تحطين چا فلفل حار؟
تاكل و ما مهتمة و تجاوبه ببرود عكسه هوَ.
لازم الاكل بي حرارة بيبي بس بشرفك طبخي مو يموت
انتِ شلج بيهااا گوولي اريددد أنتقم منك
مگروده يا اني على گولت حنين.
گام من مكانه ما كمل الاكل باوعتلي غياهب.
غياهب: شو ما كمل اكل
كُميل: ما يگدر لان تحسس عنده يضره شوفي هسه شراح يصير بي.
صدگ مر وقت طلع وجهه أحمررر و عيونه دخل للحمام يسبح اجتني غياهب مبرطمة.
ما عبالي هيج يصير بي عبالي مثل حساسيتنا
اذا عنده علاج خلي ياخذ منه
ما ادري
تندمتي ههههههه
لا.
لعد قبل شوية منو تباوعلي بنظرات ندم
تندمت لان ما اكل التبسي إلى تعبت بي
عود صدگ
أي والله.
ضحكت عجيبة غريبة هالبنيه طلع ارسلان من الحمام باوعلها خزرها خزرة
من يمي خفت بس هيَّ ما أهتمت حاطة رجل على رجل و تباوعله بشماته، اجه كُميل من غرفة امه صاح عليه.
كُميل: لك عيني هااا شلون صرت
ارسلان: لك عيني اخذوهاا من گدامي لا اطلع ضيم الحساسية بيهااااا
لك عيني بس هيَّ دواك
لك عيني خالي أسكت لا أتخبل عليكم.
نزلت دموعي من الضحك شلون يتحاورون و غياهب لا زالت نظرات الشماته موجهتهن اله.
دخلنا للغرفة اني و كُميل خربانين ضحك عليهم فتحت شعري امشط
بي اباوعله من المراية يتصفح يجهازه مشيت گعدت بصفه رفع راسه ابتسم بوجهي رجع يباوع بجهازه.
غرام: شدتباوع
كُميل: طوبة
هاا اني مو كلش احبها.
ليش حلوة عيناي
ما ادري احسها مملة.
رجع رفع راسه يباوعلي بثبات.
أقصد انتِ
شبيه اني
ليش هالگد حلوة؟
رجعت شعري لور مبتسمة.
اني حلوة يعني
تخبلين عيونج عالم ثاني.
فتحلي ايديه أشرلي على حضنه.
تعاي
هااا؟
تعاي شبيج اريد احجي وياج بشي.
ضميت نفسي بحضنه بس داحس راح انصهر من خجلي ضامه وجهي بصدره جسمه يهتز يضحك.
عليمن ضامه وجهج
ما، اخجل
مو لازم تتعودين عليَّ.
ما ادري بس اخجل.
تغيرت نبرة صوته.
غرام
هاا
ليش عندج تردد تتقربيلي.
شهگت من گلبني صرت جواه و عيونه بعيوني.
جاوبي
شجاوب؟
تحبيني؟
زادت سرعة انفاسي و نبضات گلبي غطيت وجهي بايديَّ ضحك و هوَ يگول.
هههههههه استحت
شسمه اريد انام.
خوش نامي بس ترا راح اتزوج الثانية انا.
بسرعة بعدت ايدي عن وجهي.
غرام: لاااا والله
كُميل: چا شنس مرتي ماتريدني
منو گال
لو تريدني چان گالت بس الواضح ماتريد تجذب عليَّ من گالت ماتريد تطلگ
بسسسسس اني مااااا اچذب.
چا گولي إلى بگلبج عليش ضامته
خوش اسمععع انس اريدك إلى و بس مفهووم؟
عليج الزهرة
اي و الزهرة.
يعني تحبيني
يمكن
انچبي.
دفعته من صدره مترفزه.
خوش لعد وخررر اصلاً انتَ تريد تتزوج ان...
قاطع كلامي و ذبلت عيوني من قبلني بهدوء بكُل حب بادلته هذا الشي بدون
اي تقييد ايده محاوطه ملامسة الخصري گلبي زادت دگاته ابتعد عني عيونه ذبلانه يباوعلي بهيام و تملك مبتسم.
علوية.
اردفت بانصهار.
ها كُميل
احبج علويتي.
رجع مقاطع جوابي للمرة الثانية هاجم عليَّ اخذ كلشي بتملك و رضا مني. رغم استذكاري للس تعرضت اله بس بكلامه و اطباعه گدر يسحب كل الخوف مني و تم زواجنا.
گعدت الصبح اباوع النفسي مقيدة بحضنه سحبت نفسي بهدوء منه وگفت اعدل بنفسي
شهگت من شفت اثار الجريمة برگبتي طلعت سبحت و رجعت و هوَ بعده نايم رجعت طلعت صارت بوجهي غياهب.
غياهب: صباح الخير عيني
غرام: صباح النور.
دخل ارسلان شافنا واگفات اجه باتجاهنا بقى يباوع الغياهب بنظرات ما مفهومة بالنسبة إلى وجه كلامه الها.
ارسلان: يله حضرة المحامية جهزي نفسج.
اردفت بمكانها هم ما فاهمته
غياهب: الشنو؟
للسبرايز إلى گتلج عليه.
أي و شنو السبرايز
رايحين للعمارة
للعمارة؟
غياهب.
العمارة؟ بحياتي ماداخلة الها هذا شنو إلى بعقله أبتسم بخبث مقوش شفايفه مسحت عيوني بهدوء.
غياهب: شنسوي بالعمارة
ارسلان: شهر عسل ما رحنا
عوف سوالفك السخيفة هاي وجاوب سؤالي
ما مجبور اجاوبج
و أتريد اروح وياك عمياوي؟
مجبورة.
رادت تحجي غرام رفع أيده يستوقفها.
ارسلان: مرت خالي اتمنى ما تدخلين او تسئلين عن شي خليج بنفسج.
افترت نظراتها ناحيتي وداخلهن علامة استفهام أشرتلها لاتدخل لا يروح
يچفص وياها دخل عمر إلى صاير ما يدخل للبيت الا الصبح عيونه دم كلنا صفنا
بشكله شعره مخربط و حالته حاله راحله ارسلان يباوعله بأستغراب من وضعه
لان إلى يعرف عمر اذا يشوفه هسه يستغرب من شكله هذا.
ارسلان: وين جنت عمر و ليش وضعك هيج؟
اردف بصوت مبحوح تعبان.
عمر: مابيَّ شي شعندكم متجمعين من الصبح.
لااا تجاوب السؤال بالسؤال من شوگت انتَ ترجع للبيت الصبح وهيج وضعك.
بقيت صافنة من حط راسه على كتف ارسلان و نزلت دموعه يحچي بصوت منتهي.
ما تريدني ارسلان نيروز ما تريدني.
غمض عيونه ارسلان.
ليش رحت الها.
شهگ عمر بدموعه مثل الطفل.
تگلي لو تنمد جنازتك گدامي ما يرف گلبي عليك بعد.
وگع بالگاع لزمه ارسلان حاطه بحضنه و عمر منهار يعاتب بي.
ليش ارسلان ليش دمرتنا جنت تگدر تحل كلشي بغير طريقة ليش خليتنا نسوي كل هذا ارسلان حبيبة روحي ماتريدني.
رفع راسه ارسلان يباوعلي بگد ما انقهرت بگد ما نشوة سعادة حاوطتني يستاهلون كلشي ديصير وياهم و إلى راح يعيشوا إلى عاشته نيروز مو سهل نظرتله بشماته.
ارسلان: عمر گوم اخذك الغرفتك
عمر: ليش تتهرب ارسلان
ما اتهرب منو گال اتهرب بس وضعك مو مال نقاش.
رفع راسه عمر يباوعلي ابتسم بنص دموعه ضرب ناحية گلب ارسلان بخفه.
عمر: بنت عمران عرفت شلون تاخذ حقها مني وانتَ إلى أقوا منها راح تاخذ حقها منك
بس بذيج الساعة محد راح يگلك انتَ صح الكل راح يگلك تستاهل والنار إلى شعلتها انتَ بس إلى راح تحترگ بيها.
بدون ما يرد رفعه ارسلاناخذه الغرفته غرام عيونها مدمعة و الخال واگف يم باب
غرفته يباوع للمسرحية إلى صارت رجع ارسلان ملامحه ما تتفسر سحب اجهزته و هوَ يمشي گال.
ارسلان: ساعة و ارجع اخذج
وينن؟
خزرني دمارات گصته راح تطگ.
غيااااهب
الله يااااخذني و أخلص منك.
عفته و دخلت للغرفة سحبت الجنطة احط بيها اغراضي ما گدرت اكملها گعدت
ارجف حاضنه نفسي مغمضة عيوني وين يريد يوصل بأفعاله مر وقت و اني بنفس
الحالة وگفت استجمع قوتي غيرت ملابسي أندگ الباب دخل رفعت حاجبي.
غياهب: منيلك هل الأخلاق و الذوق تدگ الباب
ارسلان: غياااهب مالي خلگج ترا
علساس اني إلى اليه خلگ الك
جيد كملتي؟
أي.
أبدل ملابسي أطلعي انتظريني برا.
صاير شريف سودة عليَّ
من زمان.
قلبت عيوني هازه ايدي طلعت شفت غرام و الخال گاعدين بس شافوني اجوا عليَّ.
كُميل: خالي وين رايحة انتِ
غياهب: اذا ما أروح الاعرج تعرفه شيسوي
أبقي هسه احاچي
هه و برأيك راح يقتنع؟ أكيد لا
أگعدي هسه.
گعدت لازمة راسي إلى راح ينفجر صرت مثل اللعبة يتحكم بيها بكيفه بتهديداته طلع مجهز نفسه راح عليه خاله.
كُميل: وين ماخذ البنيه
ارسلان: لا تدخلون.
تقربله كُميل همسله بأذنه ما اعرف شنو غيرت ملامح ارسلان و طبگ حواجبه.
خالي انتَ وين تحجي و انا وين.
راح تجي هسه.
عاط بصوت.
وشكورووو جاية هناااا؟
أشرله كُميل بمعنى ما ادري اندگ باب البيت اثنينهم التفتوا على مصدر الصوت أشرله خاله.
أجت.
شديحجون؟ و منو هاي إلى اجت طلع كُميل يفتح الباب بينما اني و غرام صافنين كلشي
ما مفتهمين ما طول و هوَ يدخل و وياه بنيه شابة شكلها عادي حلو مابي شي، عيونها اتثبتت على ارسلان.
فاطمة: السلام عليكم.
ردينا السلام و بعدني مفاهمة منو هاي بقت تباوع الارسلان إلى مارد السلام ولزم جهازه عيونه بي ما يباوع لشي راحت وگفت گدامه و اني اخذت وضعية المشاهد اريد اعرف منو هاي.
فاطمة: شلونك ارسلان.
اردف من طرف انفه.
ارسلان: من الله بخير
نگدر نحچي
لا.
ما اخذ من وقتك هواية
ما عندي وقت للجذب الزايد.
عبرها يمشي مخليها وره ظهره وگف گبالي ليس نظاراته السود.
ارسلان: وين غراضج
غياهب: بالغرفة.
دخل للغرفة يجيبهن اما هيَّ تتفحصني بنظراتها وجهت سؤالها الي.
فاطمة: منو انتِ؟
غياهب: حشى السامع إلى دخل جوا يصير زوجي.
فتحت عيونها و اردفت بعدم تصديق وكل ملامحها تغيرت.
زوجج؟
للأسف، و من خلال هالسوالف الواضح انتِ حابته احب اگلج المفروض ترگعين
روحج بالنعال على ذوقج شحسيتي من حبيتي هيج بشر بابا بوسي ايدج لان خلصتي منه.
طلع وبأيده جنطتين وحدة مالتي و وحدة مالتي باوعلها بأستصغار.
الاعرج: ارجعي منين ما اجيتي بس ذيج الاماكن تلفيج
فاطمة: ليش مصمم تبقى ثابت على موقفك و ما تسمع مني.
شسمع؟ عرفت كلشي ما يحتاج اسمع بصراحة مستحقر نفسي
لاول مرة بحياتي لان بيوم من الايام فكرت احمي وحدة مثلج خارطة كلشي.
ما خلاها تكمل طلع سحبت جنطتي الصغيرة اليدوية ودعتهم و طلعت وراه صعدت
بصفه ساق السيارة خارجين من منطقتهم متوجهين للعمارة صرت افكر شنو.
قصته وياها هيَّ الواضح تحبه من نظراتها ونبرة صوتها التفتت اله.
غياهب: انتَ جنت تحبها؟
ارسلان: منو
هاي البنيه
فاطمة اسمها
اي
لا.
لعد شنو قصتك وياها
قصة خايسة
اي شنو هيَّ.
باوعلي غمزلي ورجع يكمل يسوق.
تغارين عليَّ أويلي أويلي
بس لا تروح زايد و تسوي سيناريو
اممم يعني ما تغارين
بالاول خلي أبلعك بعدين أفكر أغار.
فاطمة عرفتها من كم سنة تشتغل بالتقاطع و هيَّ بنيه شابة و الشارع.
ما يرحم إلى مثلها خذيتها حجيت ويتها و نگدر نگول منعتها بعد ما تجي لهيج
اماكن و عرفت منها عندها امها مريضة و اخت صغيرة وهيَّ متكفلة بيهم
طلعت جذابة؟
لا إلى حجته كله صدگ بس مو هنا المشكلة
لعد؟
رحت وياها البيتهم وشفت وضعهم و حتى بيتهم مو ذاك البيت إلى ينسكن
بي طلعتهم منه و اجرت بيت و گتلها انا اتكفل كلشي من انا بالدوام خالي مايقصر بشي وياهم بين ما انزل اخذ مكانه
واو طلعت عندك شغلات زينة ورحمة.
وگف السيارة على جهة حك طارق حاجبه.
اممم من أشوف هيج حالات اتذكر طفولتي.
ليش انتَ جنت يعني تاخذ فلوس من الناس مثلها يعني سائل؟
لا بس جنت اشتغل بالشوارع و اتعرض لهواية شغلات تأذي و انا مو ذاك الكبر.
شصار بعدين على فاطمة؟
هز براسه رجع مكمل طريقه ويحچي.
ردت أخليلهن حماية لان بس نسوان بالبيت بس صدمتني الاخت طلعت بالنهار
تجدي و بالليل تهز خصر للي جيوبهم ثكال و خدعتني كل الفترة إلى ساعدتها بيها.
شلون عرفت؟
حطيت شخص يراقبها لان أنخلقت شكوك اتجاها بسبب تصرفاتها الغريبة
هااا اي وبعدين
شو خذاج الواهس
شبيك بيبي غير نفهم سالفتها.
بقيت ساكت الفترة انتظرها تحچيلي انتظرت لعل تتغير بس زادت ما نقصت
و قبل لا احجي وياها و اواجها اعترفت عندها مشاعر تجاهي ماسكتت
هل المرة وواجهتها بحقيقتها و من ذاك اليوم سحبت نفسي منها حاولت
توصلني بس جنت اصدها وخالي هم طلبت منه يگطع علاقته بيها.
يمكن عندها سبب خلاها تسوي هيج.
منو بينا مو حياته صعبة ست غياهب؟ منو بينا من ينام بداخله اذا مو الف حسرة؟
منو بينا ما عاش الضيم و الجوع بس اشتغل بشرف احسن ما ادخل روحي بهاي السوالف
مصرف شهري جان يوصللها هيَّ و امها و اختها وكلشي يحتاجونه يوصللهم
بس المثل يگول ذيل الچلب يبقى أعوج و هيَّ لليوم تشتغل بشغلها.
مارديت او بالاصح ماعندي جواب الكلامه حسيته صح ليش الانسان.
يلجأ لقوقعة هالعالم الوسخ و الغاط بالمحارم عسا ما تگعد الوحدة تخبز ببيتها
و تبيع للناس كلش كافي دام يشتغل بشرف و ما يذل نفسه ويهينها
غمضت عيوني مرجعة راسي لوره افكاري تتضارب فزيت من دگ جهازي چان أبوية.
غياهب: هلا حبيبي
سلطان: هلا بنيتي وين انتِ.
باوعت الارسلان إلى عيونه بالطريق ممهتم.
بالطريق للعمارة.
اردف بنبرة أستغراب.
للعمارة شتسوين
ارسلان عنده شغل
ها درغام هم اليوم راح للعمارة.
شنو؟ شيسوي ليش.
مو گتلج سلمته الموضوع إلى حاجيتج بي
هاا اي ذكرت
منتظره بلگي يحصلي معلومات عنوان يخص هالرجال.
صفنت بمعنى يمكن حصل عنوان بيتهم القديم ضل يسولف ابوية ويايَّ الى ان سديته
اذا اهلي عرفوا ماراح يسكتون و لا ارسلان يسكت دخيلك ياربي.
غياهب: ارسلان
ارسلان: نعم
درغام محصل عنوام بيت و ابوية يگول راح للعمارة يشوفه
واذا
شنووووو واذا راح تخبلنييي داگووووول عنوان بيت و يمكن بيتكم
شي أكيد عنوان بيتنا خلي يروح ماراح يحصل شي.
وانتَ عبالك درغام غبي
بصراحة لا ابن خالج ذكي بس مو اذكى مني.
اهلي اذا عرفوا ماراح يسكتون
قابل كلشي يبقى مضموم يجي يوم و يعرفون.
و تصير انتَ بالرجلين
هه
الله ياخذك
وياخذج ويايَّ
احناااا ويننن رايحيننن
لجهنم
جهنم تستقبل أمثالك، والله يا ارسلان لو ما موضوع درغام جان من زمان حجيتلهم كلشي
بسسس أعررفك نذل وراح تأذي، اختي گدرت أضمن خروجها من هاللعبة بسس درغام إلى لازمني.
أول و تالي بحيرة الدم راح تنفتح.
رمشت بثگل من كلامه المرعب.
بحيرة دم شنو تخبلت انتَ؟
چا شتريدين ثأري أتركه جاي أشتغلكم على الناعم
شگد شفت نااس نذلة و حقيرة بس مثلك ما شفت
أدري والله لان قطعة نادرة
قطعة
اللسان البيكيسي.
وصلنا للعمارة دخلنا بأحد المناطق أباوعلها و اتسائل وين جايبني نزلنا هوَ گدامي
بايده الجنط فتح الباب دخلنا للبيت اختنگت من ريحة الرطوبة و التراب إلى بي، ايدي على خشمي و نظراتي تتفحص المكان.
غياهب: وين جايبني؟
ارسلان: لا تگليلي ماعجبج
صدگ تحچي ارسلان؟ شنو هالمكان
هذا الموجود
ليش
كثرة الاسئلة مضرة بالصحة.
شبيك أبني؟ مضروب بشي على راسك
هااا يمة
وغمة الغمتك شدتلعب انتَ
أنطيني جهازج
نعمم
انطينياااه
بلااا خباااال ارسلان.
اتقدم باتجاهي سحب الجهاز مني بالقوا حطه بجيبه.
ممنوع تتواصلين ويا أحد و أهلج خليهم يمي.
ركضت عليه من اعصابي إلى دمرها اضرب بي.
انتَ شنوووووو الله ياااااخذك تخبللللت أكرررررهك اررررسلاننن أكرررهك دم سنوووني انتَ.
لزمني مقيدني دگات گلبي ما منتظمة همس باذني.
اهدأي لا تجيج النوبة غياهب
ووولككك انتَ تخلللييي الووواحد يهدأ
لا
مُستفززز حقيرررر.
دفعني، دفعتي صارت على الحايط انضربت گصتس بالحافة صرخت بألم
احس بشي صار ينزل على وجهي تلمسته قطرات دم نزلت متسلسلة
عيوني غوشت وگعت فاقدة الوعي بس احس بايدين لمتني، فتحت عيوني شفته.
گاعد گبالي باوعت للمكان هذا مو نفس المكان إلى دخلناله غير بيت لزمت جبيني متألمة.
وين احنا.
نهض من مكانه يتسائل.
شلون صرتي تحسين بألم.
رفعت عيوني اباوعله بحقد و كره.
انتَ تأذي و تجي تسئل تحسين بألم
غياهب والله نيتي ما أذيج بدون قصد صارت
و اتأذيت؟
مو قصدي
انسان متناقض
صحيح
أكرهك
شعور متبادل.
اريد احجي ويا اهلي
ماكو
شنوووو ماكوووو
انسي اهلج من اليوم.
هههههههههههههههههههه
اممم ليش الضحك
الواضح عقلك انتَ ضرب.
ما انطاني جواب مر اسبوع كامل احنا بنفس المكان ماكو شي جديد محبوسة
بالبيت الجهاز ماينطينياه بس من اخابر اهلي اطمنهم عني ويجبرني اكلهم الشبكة موزينة هنا.
عرفت هذا البيت يكون بيتهم القديم بس ما فهمت لعد درغام اي عنوان محصلة
عقلي افتر، حط گدامي اكل و من بين الاكل شفت قطع شونذر كلش احبه اخذت وحدة اكل بيها رفعت راسي اله.
غياهب: شلون طلعتوا منا.
يريد ياكل بس أستوقفه سؤالي.
ارسلان: من امي عفاف ماتت.
وانتَ منين عرفت اجدادي و عناوينا
بحثت ووصلت.
تدري مرات يعجبني ذكائك رغم كرهي الك
بس انتِ تعجبيني كلج
اتادب
متأدب.
كملت إلى بايدي واخذت قطعة ثانية من الشونذر اكل بيها و اسئل.
هم تروح الاهلك تزورهم.
ما جنت أدري سؤالي راح يكون مؤثر عليه و لا أعرف راح انصدم من الجواب.
لا.
شنو شنو ما زايرهم.!؟
لا بحياتي ما زايرهم.
اخذت صفنة بجوابه معقولة اهله من سنين متوفين و ديحارب الكل علمود ياخذ ثأره و ما يزورهم.
بس ليش ارسلان.
هواية سئلتي
ممكن تجاوبني
ما اگدر الاثنين شفت موتهم گدام عيوني.
قشعر بدني مجرد تخيلت الموقف رجعت شعري وره اذني ساكتة حتى
لو احجي الحجي ما يخفف أي الم داخلنا و لا يغير شي عاف الاكل و طلع
رجعت راسي على الحايط أضرب بخفة بي نزلت دموعي شوگت نرتاح؟
ونعيش حالنا حال اي بشر شوگت اخلص من هذا الكابوس، حسيت بالباب
انفتح مسحت دموعي بقيت على گعدتي ظهري صاير على جهة الباب اجاني صوته.
ارسلان: تطلعين ويايَّ؟
صوتي أحتقن حاولت ما أبين سحبت نفس.
غياهب: وين.
نتمشى ما ختنگتي صارلج اسبوع هنا.
بدون ما أرد وگفت ردت اطلع حط أيده مانعني طول بنظراته اتجاه عيوني.
لا تطلعين هيج.
باوعت النفسي مابيها شي ملابسي.
ليش
اذا عندج شي طويل البسي و غطي شعرج لان هنا مجتمع يختلف عن بغداد
تمام.
طلع سحبت جنطتي طلعت منها فستان طويل لبسته بس ماعندي شي
احطه على شعري طلعت اله واگف مرجع كتفه على الحاية صافن يدخن.
ارسلان.
دار بجسمه ناحيتي.
حيلي.
ما عندي شي احطه على شعري.
هز براسه.
ابقي هنا هسه اجي.
بقيت واگفة بمكاني البيت بنائه قديم و مر كلش جبير صارت عيني على باب
غرفة مقفولة بقفل مشيت بخطوات و عيوني عليها ليش مقفولة بهذا الشكل مديت
ايدي الزم القفل و كمزت بمكاني شاهگة من ايده لزمت ايدي مانعتني و عيونه خازرتني.
شتسوين هنا مو گتلج ابقي بمكانج
هوَ اي بقيت بس ليش هاي الغرفة مقفولة؟
اخذني من ايدي ساكت قبل لا نطلع، بايده شال فتحه حطه على شعري.
عدلي ما ادري شلون يلفونه
اني هم مو كلش اعرف أضبطه
صوج أبووووج
احترم نفسك و لا تجيب سيرة ابووووية على لسااانك.
وگفت گدام مراية صغيرة موجودة شلون البسه لفيته عليك يا الله وطلعنا چانت الدنيا ليل وصيف بوخه تگتل.
شو حارة كلش هنا
الجنوب دايماً هيج بالصيف
وين رايحين
ما ادري بس اختنگت من البيت.
ليش گتلي البسي حجاب
هيَّ شنو كل ساعة عايدينها
وشكوو دتحجي من وره خشمك گبر.
الناس هنا اكثر شي عشاير يا ست الحسن ونسوانهم محجبة ولابسة عباية.
هااا.
استمرينا نمشي ونسولف حسيته اندمج و هوَ يسولفلي عن العمارة
و اماكنها رغم احنا اصلنا عمارة هم بس اهلي من زمان اجوا البغداد
حتى ولادتنا اني و حنين بغداد مو عمارة، وگفنا يم شط وجهي اتعرق طلع من جيبه كلنكس مد ايده الي.
البغداديات رقيقات ما يتحملن عمت عيني.
اخذته منه امسح بوجهي رجع يدخن بهل الليلة شگد دخن رجع يباوعلي.
واگف گدامي و نظرات عيونه متمركزة عليَّ نظرات غريبة غيرت مسار نظري اباوع للشارع اخفي توتري منه.
تخافين مني؟
وليش يعنس اخاف منك
اذا هيج ليش ماتحطين عيونج بعيوني.
اتجاهلت كلامه و گلبي دگاته طبل رجع گال.
عيونج
شبيهن
سوادهن يحرگ حرگ
الله يحرگك لعد.
رفع حاجبه يباوعلي بتك عين.
خلي نرجع.
رجعنا نمشي و الشارع يصوصي شهگت من شفت چلب أسود واگف كمزت وراه.
عزززا ووولك ارررسلان الچلللب
منو الچلب ولچ؟
ووولك موووو انتَ هذا هذا.
منو؟
أشرتله و اني صايرة وراه نوب شكله يخوف دار جسمه مقلص عيونه.
طلعتي تخافين من الچلاب.
اييي لعددد شنو ماتشوووف شكله يخوف حتى شكلك أهووون منه.
توسعت عيونه يأشر اتجاه نفسه.
تقارنيني بچلب؟
علي الاقل الچلب وفاي وفي
هسه هذا السانج وشخصيتج و خابصتنا و تهددين و لاعبة لعب مشلخة و املخة عليَّ طلعتي تخافين من چلللب
شبيككك ترررا هذا يخووووف عزا يمه ولك شووف شلووون يباوعلنااا الله ياااخذك ارررسلان.
چاا انااا شعليههه مخليني واسطة
ها ما ادري بس وخره منا شبيككك واگف.
حچى بخبث.
لا عوفي يباوعلج خطية بلگي يعضج و يخلصني منج
احتررررم
شمسوي غاالط عليج اگلج غياهب صدگ خاف يباوع عليج لان عرفج من صنفه تذكرين من تمرضتي و گتيلي اريد اعضك.
وووحق الله انتَ اكبرررر. حقيررر
أشيلج؟
دطيررر
چا بكيفج ابقي بلگي يعضج ويخلصني من السانج.
مشو گدامي و اني واگفة بعدني بمكاني خايفة من هذا الچلب ابن الچلب.
بس ثواني نذا شديقصد بكلامه يستهزأ؟ امداج غياهب فضحتي
روحج صرت امشي على كيفي و اباوع للچلب ايعع طلع لسانه لعبت نفسي
اجيت اذب من راسي طلعة الكشرة وياك يا ارسلان و هذا من كل عقله
يمشي گدامي ما أتنفست براحة الا لمن اتخطيناه اتنفست براحة.
نيروز.
أيام و أيام عمر يحاول ما اگدر أسامحه أنك تنخدع مرتين هاي جريمة
صعب المسامحة عليها ختمها وياه بيوم من الايام و گتله لو تنمد جنازة گلبي بعد ما يرفلك ولا يسامحك.
، وجع گلبي منه ماكو شي يداوي، الأستغلال، الكذب، الخداع صعب على الانسان يسامح إلى عاملة بيهم.
حنين: نيروز ويننن صااافنة
نيروز: ها حنوشة وياج
ها و بله شنو چنت احچي
علي عرسج غير
اي بس بشنو بالضبط
علي البدلة
انجبي شفتي مو ويايَّ وين صفنتي أعترفي
شغلة أبالي جنت أفكر بيها.
هسه هذا المزنجر ابو جلطة يريد يسوي العرس شلون وجدي ما صارلة فترة من مات من يگول ابوية يقبل
اگلج ليش ما تسافرون مو أحسللكم شتسون بلغوة العرس.
صفنت بوجهي كأنما الفكرة عجبتها.
أي والله صدگ و بنفسي أسافر
احچي وياه و شوفي
أوف بس اني اريد البس بدلة
ألبسي منو لازمج
شلون
سووا جلسة تصوير قبل لا تسافرون.
اصبري نخابر درغام بس كون يرد لان بالدوام ما يگدر هواية يحجي.
اتصلت مرة مرتين جاوبها و ابن عمي براغي لسانه فالته.
درغام: ها بلائي
حنين: هلو عيني
شنو هلو عيني.
بسرعة حنين فتحت عيونها عاطت بي نمت على القنفة اضحك.
المزنجر نيروزه يمي تسمعك فاتحة صوت.
هااا اسف عبالي وحدج احم شلونج نيروزه.
جاوبته و اني اضحك
نيروز: هلو ابن عمي بخير.
درغام: و حريشي الحورشج شكو تضحكين
اذا سمعتك عمتي جوهرة تحجي هيج
الا تملص اذاناتي وتدگني بالنعال
حنين: يله كااافي اسكتوا خلوني احجي.
اردف درغام بنبرة سرسرية طبعاً هوَ من يوم يومه سرسري بسوالفه.
درغام: احچي يا بعد روحي
حنين: عيب حبيبي عيب شنو هالحجي
انجبي ويله احجي.
اي شوف قبل شوية اني و نيروز چنا دنفكر بشي
الله اليستر من تفكيرجن.
أهووو دسمع يا عيني
أسمعج
نيروز تگول هسه عليمن العرس ومادري شنو ف أقترحت ليش ما تسافرون احسللكم
اي؟
اي وجدي ما صارله كم شهر من مات عيب من الناس هسه شيگولون
اي؟
أشرتلي بمعنى مبين ما أقتنع بس رجعت تكمل شرحها اله.
اي فشنو نسوي جلسة تصوير شتگول.
انعلللل ابووووجن اثنينجن تفكيررر مابي خيررر مثلجن
هااي شبيك درغام
و محمد اي خير مابي تفكيرجن
نيروز: وليش بله؟ أحسللكم.
درغام: اولاً انا وحيد امي و ابوي ماعندي لا اخ و لا اخت يريدون يفرحون بيَّ
ثانياً ضابط و جماعتي كلها منتظره عرسي ثالثاً شعلية بعياش مات راح الربه ما اوگف حياتنا علموده
حنين: اي اي صح صوج نيروز خلت الفكرة ابالي
نيروز: يا حقيرة بسرعة بعتيني.
رد عليها درغام.
لا والله مو صوجها صوجج انتِ يالعربانة.
عفتهم يسولفون وگفت أعدل بشعري إلى يجي جوا اكتافي.
نيروز: اني راجعة للبيت انتم ابقوا سولفوا.
حنين: خوش ديربالج على نفسج عود من اريد اجهز اخابرج
ان شاء الله.
طلعت من غرفتها نزلت شفت عمي سلطان و عمتي وجدان گاعدين افرح بشوفتهم سوا.
سلطان: وين رايحة عمو
نيروز: اتأخرت و عندي دراسة عمو
وجدان: سلطان وصلها هذا رماد مايجي تلگاه دايح هسه
چا ياهو گالج اعوفها تروح وحدها.
بوستها وطلعنا اني و عمو سلطان نمشي بالشارع من گد ما طيب منو يجي
بالشارع يسلم عليه بحيث كل شوية واگفين سلم على اخر واحد واجه يمي مبتسم.
سلطان: ها عمو أخرتج بس الناس الخيرة تسلم وتاخذلها وگت تسولف.
لا عادي عمو.
وصلتا الفرع بيتنا نمشي سوالفه تخبل تحس روحه شبابية و هم هوَ مو كلش
جبير سبورتي كلش و الهل السبب علاقته ببناته قوية إلى يشوفهم يگول صديقهن مو ابوهن بسبب تعامله وگفنا يم باب بيتنا.
يله بابا ادخلي سلميلي على أهلج
تفضل ويايَّ
لا اريد ارجع عمتج وصتني على شغلات اجيبهن الها غير مرة ان شاء الله.
ضحكت على اسلوبه بگد ما يفرح بسوالفه عن عمتي بگد ماتحسه يخجل
دخلت للبيت گاعدة امي و ابوية بصفها دحست روحي بنصهم.
ها يا حلوين
عمران: چا عمج سلطان ليش ما دخل
شفتونا من الكاميرات گال عنده شغل غير مرة.
باوعت شفت گدامهم چاي و كعك و اني اخرب على الچاي.
نيروز: ماما چاي
نادين: شگد تشربين چاي شنو تدخنين يا ماما
أكو احلى منه لو هسه الدنيا تسمط سمط.
صبتلي اكلت وياهم نسولف ابوية ماعاجبته تصرفات رماد هامل دراسته، دخل علينا.
عمران: وين جنت؟
رماد: العب طوبة.
حچى بحدة وياه و ابوية من النوع العصبي يخليك تبلع العافية من يتعصب.
طووووبتيش رماااد انتَ بمكان مااا تدرس تسختتتت اگعددد أدرس مستقبلك هذا مااايفيدك شي احنااا أهلك ما نفيدددك
جاي ادرس قابل ادرس 24 ساعة يابه.
ما ادخلت لان يستاهل هل الرزالة مهمل الدراسته و ابوية ممقصر وياه أشر ابوية الامي.
أبنج فهمي لان اذا يبقى بهذا الاسلوب و التصرفات راح تضوجين من تصرفاتي
الجديدة وياه تگليلي اذا كبر الابن الاب يخاوي خاويته هواية بس ما جاااي اشووف اي فائدة.
طلع من يمنا و امي سحبت رماد نزلت عليه دك رزايل غير كون يحس و يتعلم.
رماد مُتعب من الطفولة و اخذ هذا الشي لليوم ابوية ماتعجبه هيج تصرفات
طايشة و هم مايريد يضغط عليه لان هو بعده ببداية عمره، الثاني يوم طلعت.
من الجامعة و هذا الخط صاير يتأخر بقيت واگفة درت وجهي من سمعت صوت مألوف ورايَّ و ما أختلف بمعرفته.
نيروز: عمر شتسوي هنا؟
عمر: ليش نسيتي انا هم چنت طالب هنا
لا ما نسيت
شلونج.
أباوعله ذبلان مو عمر إلى أعرفه مسح لحيته بهدوء طابك حواجبه مبتسم بوجهي.
متغير مو
ما يهمني
حقج شعجب واگفة هنا
منتظره الخط.
اتشخصت عيونه ناحية شعري إلى گصيته من فترة.
گاصة من شعرج نيروز؟
أي
بس هوَ مو طويل ليش تگصين بي
أتوقع شي خاص بيَّ.
اجه صوت ولد يصيح باسمه رفع أيده عمر أشرله بمعنى جايك رجع يكمل كلامه ويايَّ.
شوگت يجي خطج
هسه يجي
انتظر بين ما يجي
ماله داعي
بس انا اري.
قاطعت كلامه متنرفزة.
رجاءً أبتعد عني اذا شفتني باليمين روح باليسار و اذا شفتني باليسار روح باليمين.
ما اگدر أبتعد عنج
لا تگدر إلى يگدر يكذب و يخدع و يستغل تقنعني ما يگدر يبتعد؟ حجي قنع نفسك بي
ميخالف بس راح ابقى بين ما يجي خطج و اذا خايفة احد يشوفج عادي احنا نسابة.
بقى واگف درت وجهي للشارع گدامي ما اريد أباوعله و أضعف ذنبك صعب
ينغفر يا عمر دقائق واجه الخط خطيت خطوة رجعتله.
نيروز: اتمنى بعد ما نلتقي و لا تطلع گدامي بيوم من الايام.
هز براسه أشرلي
ادخل بالسيارة صعدت و گلبي يتگطع بقهره بقينا نتتظر اكو طالبة ما أدري وينها هسه وگتج تتأخرين
صارت ضربة قوية الدرجة كل البنات إلى بالخط شهگنا خوف نزل السايق من السيارة وگف يباوع ورانا نزلت الجامة مال جهتي.
نيروز: عمو خير شنو هالضربة
يمكن ولد ضربته سيازة التمت عليه الناس.
صابني شعور غريب ناحية هذا الحادث مشى السايق ايشوفه فضولي
نزلني اشوف امشي ورجليَّ خيوط من الخوف صارت اتلفت بالشارع اني.
عفته واگف وين اختفى؟ وگفت يم الهوسة الناس ملتمة ما اگدر أشوف
شي اكو ولد واگف طالب من ضمن الطلاب إلى بجامعتنا يگول.
لا حول لله ولك هذا مو عمر الجان يداوم هنا.
اتجحظت عيوني مجرد سماعي الكلماته اسمع الصوت الناس تصيح انقلووا.
للمستشفى ابتعدت الناس مسوين مجال ينقلوه للسيارة نزلت
دمعتي بضياع و اني اشوف الدم مغطي مايحرك لا ايد و لا رجل.