رواية وتيرة الأعرج للكاتبة حوراء السعيدي الفصل التاسع عشر
غرام.
كلشي يصير ويانا بالحياة نتعلم منه شگد
ما چان صعب
و رغم أذيته و دماره النا إلا أكو من يتعلم و ياخذه
درس للمستقبل و أكو إلى تنزرع بي القوة بعد الضعف
و التعب إلى مر بي خسرت أمي و أهلي بس يا ترى يستحقون كلمة أهل؟
و هم ظلموني فوگ ظلم الدنيا طلعت من دوامة
الأفكار إلى محاوكاني من طل عليَّ مبتسم.
كُميل: گاعدة وحدج
غرام: ماكو شي أسوي.
گعد بدون ما يحچي گدامي يباوعلي.
شلون صرتي؟
أحاول أتأقلم ويا الوضع بعد ماكو حجة.
بقى ساكت حسيته عنده كلام يريد يحچي ما طول سكوته و وفتح الموضوع.
تذكرين الموضوع إلى حچينا بي.
صفنت ما أتذكر أي موضوع بالضبط هزيت براسي بعدم فهم.
يا موضوع
الدكتور النفسي
شبيه؟
ما رايد أضغط عليج بس لو تحاولين ما خسرانة شي.
و تتوقع راح أتخلص من كلشي إذا أروحله.
هذا الشي أنتِ تقررينه غرام
شوگت نروح.
أنرسمت أبتسامة فرح و هز راسه بتأيد يشجعني.
شوگت ما تحبين.
ما أدري إذا هذا الشي راح يفيدني أو لا بس كرهت
ضعفي كرهت كلشي يخليني ضعيفة و هزيلة
تعبت
أريد أعيش مثل أي إنسان عايش حياته طبيعية أنظلمت
بسبب عادات و تقاليد ليش اني هم أبقى مُستمرة أظلم بنفسي.
مهما سويت ما راح أتخلص من نفسي و لا حياتي
تنتهي و سبحان الله من چنت عند أهلي شلون چان بكل
مرة موضوع موتي يتأجل ف كلشي بي حكمة.
رفعت راسي أباوع للإنسان الگاعد گدامي شگد دافع عني
شگد وگف ويايَّ ميهمه حياته تكون بخطر.
أو لا و بكل
فعل منه احترامي يزاد اله شخصياً لو غيره أستغل ضعفي و حطامي.
كُميل: خالي وين خذتيلج صفنة
غرام: راح تبقى دائماً ويايَّ؟
بدون ما أفكر جوابي هوَ أي
حتى لو بقيت طول عمري بهذا وضعي؟
وشبيه وضعج عيناي أنتِ إلى تگدرين تطلعين
نفسج من هالنقطة و تبدين بداية جديدة.
واذا فشلت
ما أتفشلين راح تنجحين إذا ماكو فشل ماكو نجاح
صح
أي ام العيون التلمع هسه شگلتي.
أبتسمت لا أرادياً من زمان ما سامعتها منه.
أخذ موعد و أني جاهزة
بس أريد وعد منج
شنو
أوعديني تحاولين حتى لو تتأذين أتحملي أريد
أشوف غرام جديدة و قوية ما يكسرها شي.
تحسرت حسرة أذت روحي و أني اتمنى هذا الشي هزيت براسي.
ان شاء الله.
جر خدي بخفه خجلت من حركته درت وجهي منطيته ظهري.
هسه شسويتلج
شسمه راح أنام
أيي أشردي أشردي.
طفرت من يمه أطلع غطى ثاني هل الفترة الليالي
باردة كلش عدلت فراشنا باوعت النفسي بالمراية
وجهي شاحب نمت و هوَ وگف نزع ساعته ومحابسه.
إلي يلبسهن حطهن على جهه و أتمدد بصفي بس وجهه
عابس فكرت يمكن الموضوع يخصنا بس طلع غير.
غرام: كمولة ليش ضايج
كُميل: ما ضايج
لا تضم عني مبين ضايج.
دار بجسمه قريب مني صرنا واحد مقابل الثاني يباوعلي بنظرات حزينة.
أخاف أحجيلج و تضحكين عليَّ
لا شنو السالفة.
غرام خايف على أرسلان و خايف على غياهب
غياهب بله فهمت ليش خايف عليها بس أرسلان ليش؟ من شنو خايف عليه يعني
أحنا مو زلم خنث و ما نگدر ناخذ حگنا من عياش وسالم.
أندوسهم بالقنادر حشاج بس المشكلة شغلة الثارات من تبدي
ما تنتهي إلا و ماخذه أكثر من شخص و ذوله أغلبهم يصيرون ضحية.
تقصد إذا قتلتوا سالم و عياش أهلهم هم ما راح يسكتون
و يرجعون يقتلون منكم و هيج الوضع يستمر
بالضبط و أنا ما رايد هاي السالفة يشهد ربي روحي محترگة
علي أختي و رجلها و بنتها، عمر عاقل من فهمته أقتنع هم
قبل چان مهوس بشي اسمه أنتقام بس كسر كلمتي
بشي واحد من أتقرب للبنيه إلى اسمها نيروز أرسلان.
إلي لعب بعقله متأكد و هاي شصار بي بالنهاية
حب البنيه و خسرها و هسه جاي يموت الف موته بيومه.
اني هم مرات يكسر خاطري مبين يحبها
و أرسلان إذا سواها دم راح يروح بهذا الدم.
بلعت ريگ بخوف من كلامه لأن ديحجي بكل جدية.
اسم الله أن شاء الله يرجع العقله ويتراجع
ياررريتتت والله ما كاسر خاطري غير هاي البنيه
إلي جاي تدفع ثمن ذنب مالها علاقة بي.
اني سمعت أجه جدها بيوم العزيمة منو منهم.
القندرة عياش ما أدري شلون كلنا لزمنا أرواحنا و أتصرفنا طبيعي
نفسه إلى دعم المرحوم حسين؟
أي و تدرين غرام طول الگعدة لازم گلبي من أرسلان گلت لا أيسوي شي و ينسى روحه.
و رسول الله لو أتشوف خالة غياهب شگد حبابة و أختها و نيروز حبابات كلش حبابات.
أبتسم و تغيرت نظراته قرب نفسه الوجهي.
حتى انا حباب شو ما تحچين عني هيج
ههههههههه
شو تضحكين علوية
لعد أبجي
لا عليج الزهرة كافي بچي من شفتج و شفتيني بواريج مفتوحة.
ها تعيرني كُميل
لا خالي.
خوش راح أنام.
بقى يباوع وترني.
غرام: هااا؟
كُميل: شكوو
شبيك دتباوع هيج
مشتبها شوگت مباوعلج
صحيح أيي أييي
بكيفج لا أتصدگين.
غمضت عيوني بقيت الثواني مرت و أحس بشي بزني بخدي أثر شوارب طبع قبلة بخدي و أبتعد.
أعذريني علوية بس ما أخلي خدج الكيمر هذا بنفسي.
غطيت نفسي بالغطى وجهي نار شبت بي صخام الصخمني
ألساني أنبلع أسمعه صوت ضحكته ما أتجرأت بعد أباوعله أو احچي وياه.
ما أدري شلون نمت فزينا الصبح و هم لا والله مو فزة كمزة
رعب من سمعنا صوت صرخة طلع كُميل گدامي يركض
من خوفي حتى حجابي تيهته وينه گوا لگيته طلعت الصوت
جاي من غرفة ناز دخلت الها و أتجحظت عيوني غياهب
واگعة بالگاع و رگبتها تنزف أثر جرح درت بعيوني
عمر و كُميل لازمين ناز بأيدها كزازه منين جابتها
هم مامخلين شي يمها باوعت للگاع گلاص مكسور
تريد تهجم على غياهب و گوا لازميها من يمي دخيلج يالزهرة أم الحسن.
عمر: غيااااهب شدخلللج هناااا.
لزمت رگبتها بألم واضح من ملامحها و خزرت عمر.
غياهب: و أنتم شكوووو حابسينهااا
چااا ما تشوفين وضعهاااا
طبعاً تصير متوحشة إذا حابسينها بين أربع حيطااان.
مارد عليها بعد عمر أشرلي كُميل.
كُميل: غرام أخذي غياهب و أطلعن.
سحبتها من أيدها لأن ناز أتخبلت طلعنه من الغرفة
سديت الباب و مليكة گعدت على جهه.
غرام: ليش دخلتي مو تدرين ب أرسلان مانع دخولج الها، ليش دتجيبين الأذية النفسج يا حبيبتي.
غياهب: و منو هذا أرسلان شلون أرجف خوف منه عاد.
سكتت لأن واحد أضرب من الثاني هزيت راسي
بيأس وين تنطي وجهك و منو تحاچي راسه يابس ويعاند.
هسه گليلي ليش دخلتيلها
أريد أخذها الدكتورة صديقتي
دكتورة شنو
نفسية يمكن ناز عندها حالة نفسية و صدمة قوية بسبب إلى تعرضت اله بالماضي.
بقيت أباوعلها متعجبة أشرتلي بحواجبها.
هااا غرام شبيج دتباعين هيج.
و انتِ من كل عقلج أرسلان يقبل.
والله خبصتيني بي دسمعي لعد أدوس حتى على
أرسلان و أخذها و گولي غياهب ما گااالت.
والله أنتِ فلا تگعدين راحة.
اخذتها أداوي رگبتها و الحمدلله چان سطحي داويته
الها و حطيتلها اللازم لاحظت اكو حرق طبگت حواجبي بأستغراب.
اگلج غياهب
أممم
شنو هذا الأثر إلى عندج
هيج.
فهمت من نبرتها و ملامحها ما حابه تحجي بالموضوع
ما لحيت وياها طلعوا الولد من غرفة ناز گعكوا مالهم.
خُلگ بس بعدين كبت بينهم و بين غياهب أتمالخوا بالحچي.
عمر: غياهب رجاءً أبتعدي عن ناز يعني أنتِ مصرة إلا أرسلان يدفنج بأيده.
رفعت عيونها تباوعله أشرت بأصبعها.
غياهب: بس أنطوني سبب واحد مقنعع يخليكم ما تاخذونها تعالجوها.
منووووو گال مااا ماخذيناهااا أخذناهااا غياااهب بس ماكووو نتيجة
عادي نجرررب هم هسه شخسرانين ليش مصعبين الووووضع.
غياهب تدرين ناز ما چانت مؤذية لهاي الدرجة بس الدكاترة خبلوهااا بالعلاجات.
هنا صوجكم أنتك ما عرفتوا تاخذونها الدكاترة زينين و بيهم حظظظ.
يجي أرسلان و أفتحي الموضوع وياه
فتحته و رفض ما قبل
چاا بعد شكووو متعبة نفسج.
خزرته بعيونها إلى بسواد الليل.
انتَ زلمة أو لا.
شنو هذا الحچي شبيج انتِ؟
أشرت على عمر و كُميل عندها جرئة بالكلام قوية.
غياهب: إذا أنتم فعلاً زلم ما تمشون وره أرسلان إلي
من بدايته النهايته غلط بغلط وين رجولتكم وين موقفكم
وين كلامكم ليش مخلينه هوَ أمشي كلامه عليكم؟
أنخلقت لحظة صمت بسبب كلامها بصراحة اني هنا أ
تفقت ويا كلامها ليش هالگد حذرين منه حاچاها كُميل رادلها الجواب.
كُميل: أحنا ما نخاف يا أصيلة يا مرباية، ناز ما قصرنا
بمرضها أفترينا بيها الدكاترة بس زاد وضعها للاسوء
علي العلاج و من بعدها گطعنا هذا الشي أرسلان
إلي تحچين عنه كلنا ندري بي ماشي بالغلط
و أول غلط أنتِ.
و لو أدري أكو أمل بشفاء ناز انا بنفسي أخذها و أنعل.
حتى أبو أرسلان حچايتج ثكيلة چانت بس ما ألومج من حقج
يجي أرسلان و بنفسي راح أقنعه تأخذين ناز بس ياترى
راح تتحملين المسؤؤلية؟ لأن لو زادت حالتها هنا
أرسلان ما يرحمج ما احچيلج علمود تخافين و تنسحبين
احچيلج لأن أعرف هذا الشخص شنو طينته
و بكيفج.
طلعوا هوَ و عمر الشغلهم ضايجين أما غياهب ما أهتمت گعدت.
غرام: اذا تأذيج خلي ناخذج للمستشفى
غياهب: لا
للعصر دخل كُميل وحدة بدون لا سلام و لا كلام.
سحبت نفسي من يم مليكة و غياهب من الصبح طلع
و ما أعرف شي عنه حتى ما أكل شي دخلت وراه.
غرام: وين جنت من الصبح طالع
كُميل: بالشغل
هااا
أكو شي.؟
لا ماكو شي.
اذا ما أتعبج صبيلي غدة ما متغدي.
شعجب؟
كمزت من مكاني عيوني متوسعة بسبب ردت فعله عاط بوجهي.
أدررريي شنوووو تحقيق مااا أررريد حتى سممممم.
صفنت بي اني شحچيت و هيچ ضاج بدون ما احچي
طلعت مختنگة بعبرتي والله ما حچيت شي شبيه.
هيج أتصرف جهزت الاكل إلى ضامته اله بس گلت يمكن
يتغده بالشغل مرات إذا ما يرجع هناك يتغده دموعي
صارن ينزلن أمسح بيهن و يرجعن ينزلن انهضمت منه
غسلت وجهي أخذته ردت أدخل للغرفة أنفتح الباب صار بوجهي
بقى صافن ومبين چنت ابچي من وجهي إلى أنگلب
نزل عيونه بهدوء للصينيه إلى بين أيديَّ.
كُميل: گتلج ما أريد ليش رحتي سويتي.
أردفت مختنگة بصوتي.
غرام: أكيد جوعان طالع بدون ريوگ.
أخذه مني و راح للصالة دخلت سديت باب غرفتي.
دفنت وجهي بالمخدة بچيت حد ما طگت عيوني من إلى صار
غفيت و دموعي بعيوني فتحت عيوني راسي صاير طبل من سمعت صوت غياهب.
غياهب: گومي أتعشي
غرام: ما أريد، أريد أنام.
نايمة من العصر.
غطيت وجهي ما أريد أتشوف وضعي.
أي و أريد أنام بعد
شبيج علوية مو على بعضج صاير شي
تعبانة و حابة ابقى وحدي
براحتج.
طلعت بقيت وحدي نايمة مر وقت و بليلتها حتى هوَ
ما دخل للغرفة و لا شفته الليل كله ما أدري عنه شي.
مثل عادته للفجر يله دخل و أني الغبية أبقى گاعدة و ألف تفكير براسي يصير.
كُميل: هم مبچيها و هم گاعدة تنتظرني.
مارديت عليه بقيت متجاهلة كلامه معقولة اني لحيت وياه؟
بس ما حچيت شي و مالحيت ليش هيج ضاج غطيت
نفسي بحيث كلشي ما طالع مني أنسحب الغطى مني
باوعتله بغضب عيونه ذبلانة نظرات تنظرلي ما فهمتها مشى أصبعه داير مداير عيوني.
ليش تبچين بسرعة
منو گال بچيت؟
أبتسم بتعب.
تعلميني بيج أم دميعة
ما أريد احچي وياك.
عليج الزهرة
أي
ليش
تعرف ليش ما يحتاج أشرح.
رفعني ماخذني الحضنه أيده تمشي بشعري باس عيوني جسمي قشعر.
غرام.
صوتي گوا طلع بعد ما خنست من تصرفه.
هاا
أشيل حزنج بگلبي بس عيونج لا تنزل دمعة منهن .
هل الجملة أنزرعت بعقلي و گلبي بقيت ساكتة و هوَ
نفس الحالة أبتعد عني مال براسه على كتفي.
من تشوفيني ضايج لا تسئليني شي لأن أفقد و هاي
مرتين يتكرر هذا الشي وياج و أعلي صوتي عليج
و أنا ما أريد أصير سبب ينزل دموعج جاي أحارب.
هواية شغلات علمود أشوف ضحكتج و أخليج مرتاحة
كافي عليج إلى بيج لاتزودينها بقهرج مني.
بقيت بنفس صمتي و هوَ بعد ما حچى شي باوعتله
نايم غافي تعبه هذا كله من أرسلان خايف عليه
و خايف منه رجعت راسه على المخدة و غطيته
قررت بعد ما اسئله من يكون بهيج وضع.
حنين.
حنين: بسسك عيارررة زاايدة صاررلك شگد طلعت من المستشفى.
درغام: أخخ بطني شبيجج ويايَّ.
أسكت أحسللك گووووا متحملتك لوووو ما بابا يجيبني سحلللل
و لا أجي و هسه أمك كملتهاااا من خلتني أجيبلك الاكل
ليش؟ شمسوي انا و شبيج تحچين هيج
اسئلللل نفسك شصخمت بالمستشفى
شسويت؟
حچيتله كلشي بالحرف الواحد هز بأيده مثل إلى مستهزأ.
خايبة عبالي مطلع أسرار الدولة و شغلي طلعن ذني و مطنكرة أمدااج.
يله ما عليك عتب.
هن كم حچاية
أنچبببب.
فتح عيونه مصدوم من كلمتي وبنفس الوقت شكلي صار مثل شكله.
چفصة شبيك أييي چفصةةة.
أشگ حلگج إذا تعيديهاااا
أنچبببب
وولللچ حنينننن.
دخلت خالة جوهرة على أصواتنا.
جوهرة: شبيكم
درغام: يمه شكووو مخليتهاا تجي چان أنتِ جبتي الاكل.
وگفت بمكاني ضربت چربايته برجلي.
حنين: مووووو صوووچك صوچي انااا إلى مگابلتك المزنجرررر.
عفته وطلعت كلش ضايجة منه أتمنى هيج أعضه عضه.
مال چلاب، گعدت يم أبوية و خالي يسولفون عن السياسة
و هالكلاوات شابعين منها مال الدولة، فتحت جهازي أتصفح بي
لگيت طلب رسالة جايني من ولد أنطيته قبول الرسالته
دا أكتب منو و شهگت من أنسحب الجهاز مني گعد
بصفي باوعت الخالي و أبوية ما منتبهين علينا.
حنين: شنو هالتصرف درغام؟
ما جاوبني بقى يباوع بالمراسلة طابك حواجبه
دار وجهه عليه عيون بگصته همسلي.
درغام: بدون أي صوت تعاي ورايَّ
ما أجي.
انا رايح و أشوف منو إلى ما تجي.
أخذ جهازي و رجع الغرفته بقيت أكل بأظافري أفكر أو لا نوب
جهازي عنده أووف غصباً عني رحت وراه دخلت شفته
گاعد و لازمه بأيده يهز برجله مثل حركة غياهب من تتعصب كتفت أيديَّ.
حنين: خير!
درغام: منو هذا؟
شمدرينييي گدامك المحادثة شدتشوووف
أشوووف نعال دازلج شلونج ست حنين
أي وشكو بيها؟ يعني شدعوة مكبرها
أهااا گتيلي مكبرهااا
أي يمكن شخص ويايَّ بالدوام.
تحسه يريد ينفجر مديت راسي أباوع للجهاز لگدام
من شفته يكتب لصاحب الحساب. أتفضل منو؟ رفعت عيوني اله.
ليش تحچي بأسمي ووولك
غير نعرف شيريد منج
ترا كلش عيب تصرفك مال جهال
العيب بالجيب بلائي.
زفرت نفس بضوجة مرت دقائق و هذا جاوب كاتب شلونج
لو ماكله تبن و لاداخله للطلبات رفع راسه خازرني و يحچي بصوت مغلف بالغضب.
يسئل عنج شنو هل التطورات
أكتبله بخير بشوفتك
نعااال على راسج و راسه أحسن
وراسك على الواهس.
راح أشك حلگج حنينننن.
سكتت و التزمت بالصمت بالمختصر خفت أنسحل
بقى يحچي ويا الولد فوگاها ما يخليني أشوف
بالاخير لحگت أنظاري أتشوف من ضربة بلوك وحط الجهاز بأيدي
حنين: ها شصار درغام عرفت منو؟
درغام: أيييييييي شلوووون ما أعرررفه معجبينجج كثرررانين ستت حنين.
نثرت شعري بغرور.
شسوي بعد حلوة و الناس تنعجب ما ألومهم.
غابت أبتسامتي إلى ظهرت بعفوية من لزمني من زندي بقوة و عيونه تحچي غيرته و قهره.
كااافيي.
منو إلى راسل؟
نفسه إلى أهله أجوا خطبوج.
اتفاجئت منين عرف حسابي حتى ما نعرفهم أحنا أخذت صفنة شطولها.
شو صفنتي تعررفيييي
لا والله، بس منين عرفت حسابي اتفاجئت.
هذااا يررريد يتگطع النعااااال على راسه الظاهرر.
كافي درغام لا تسويلنا سالفة حظرته هايهية.
لازم عجبج الوضع بلائي
مگرووودة ياا أني
أويلي على المگرودة
دعوووفها الأيدي.
دگ جهازي رقم ما أعرفه عيونه تحولت للرقم رجع سحبه.
مني فتح الخط أشرلي اني احچي بلعت ريگي الله اليستر منو هذا.
حنين: منو؟
أجه صوت رجولي و هوَ يگول.
مرحبا ست حنين.
عضيت شفتي من شفته راح ينفجر.
أتفضل
أني أمجد
منو امجد؟
ضحك بصوت هذا و هوَ يگول.
أمجد نفسي إلى حضرتيتي من حسابج.
فتحت عيوني سده بوجه الخط درغام سحب جهازه
سجل الرقم صرت ألطم بصمت.
شراح أتسوي درغام؟ لااا تتخبللل
هاج جهازج و أطلعيي
غيررر أعرف شتسويي
أطلعيي
لاااا أتصيح؟
أتقرب إلى وجهه بوجهي خازرني و خازرته أردفت بصوت مفرفح.
انتِ ما جاي تحترگين مثلي انا نفسي إلى أغاررر عليج
حتى من حبج الأبوووج و أتمنى تحبينيييي مثله بسسسس
لااااا أنتِ مااا مهتمة الشي و لا مهتمة للزماااال
الوواگف گدامج الشي الوحيد إلى تعرفيننن أتسوووينااا تچفصين ببطنييي.
بس اني ما أقص...
ما خلاني أكمل كلامي رفع أيده أشر على الباب.
ممكن تطلعين و تعوفيني وحدي.
سويت مثل ما طلب رجعنا للبيت بس وين المصايب تلحگك لو تصير جوا الگاع.
لليل واگف أبوية يسويلنا اكل و أني وياه يسولف ويايَّ
علي عيال غياهب و يگلي خوش ناس و يحمد بأخلاقهم
و بأستقبالهم أندگ الباب طلع فتحه مديت راسي من باب
المطبخ شفته خالي جابر و ملامحه ما تبشر بخير.
سلطان: حياك أتفضل خوية
جابر: لا مو وگتها اجيت أخذك ويايَّ لأن مالگيت عمران.
خير أن شاء الله؟
درغام متعارك ويا ولد
ولد؟ يا ولد منو هذا.
ما أدري هسه خلي نروح لأن رجال خير مفاككهم و مخليهم هسه ببيته.
رجع أبوية بدل، متأكدة تعارك ويا هذا الولد إلى أسمه
أمجد مابيها أي مجال شسوويي بروحي شسوويي
غيرته عمته و راح يدخل روحه بالمشاكل رادوا يطلعون رجع أبوية عليَّ.
سلطان: وانتِ تبقين وحدج حنين
حنين: عادي بابا.
لااا أمشي بدلي أبقي يم جوهرة.
ما ناقشته صعدت بدلت بسرعة وطلعت وياهم نزلوني
يم بيت خالي جابر و هم راحوا دخلت جوا بقينا گاعدين.
ننتظر و خالتي تلوب تريد تعرف شصاير بالعشرة بالليل
دخلوا علينا أباوعله جرح بحاجبه مشگوك أستلمته أمه.
جوهرة: وتااالي ويااااك درغام طفللل أنتَ تروووح تتعارك وياااا الوادم.
درغام: يمة أنتِ ما تدرين بشي ف أسكتي رحمه الأهلج.
وولك مااا صارلك فترة مسوويي عملية رايددد تجلطنييي و تموووتني.
لزم أيديها يبوس بيهن وهيَّ تبچي خطية.
يومي قبل يومج حبيبتي يمة.
مسحت دموعها و سئلته.
ويامن متعارك
ويااا وأحد قندرة و نعااال.
قاطع الحديث سؤال أبويى إلى لاحظته من اول ما دخل ساكت.
سلطان: حنين جهازج وين.
أشرتله ناحية المكان إلى بي جهازي.
حنين: هذا بابا
جيبي.
رحت جبته و هنا اتأكدت عركة درغام ويا الولد نفسه
انطيته الجهاز وگفت متوترة رغم مامسوية غلط بس أكره المشاكل ورعبها.
فتحي الرمز بنيتي.
فتحته اله بقى يگلب بي إلى أن دخل محادثة امجد
الي ما محذوفة بقر يقرأ بيها و عيوني تراقب حركاته.
و كل شوية يرفع حاجبه ويرجع ينزله إلى أن كملت رفع راسه الدرغام.
سلطان: يستااهل هاي الگتله.
جابر: صدگ تحچي سلطااان مسگط الولد و مزورگة.
چا شني بوية يراسل بأعراض الناس.
دخلت علينا خالتي وجدان يمكن تاركين الباب مفتوح من شافت درغام أيدها على گلبها.
وجدان: ولك شسويت بي عبالي صايرلك شي من خابرتني أمك.
درغام: شبيه عمه أنتن النسوان والله تحبن الدراما
و الغسل هاي لأن نخاف عليك
ماكو شي يدعي للخوف.
سلمت علينا بس أبوية ما قبل نگعد گال نرجع يمكن بسبب
موقفه ويا خالتي بس ما يريد يبين هذا الشي ردنا نطلع صاحت ورانا خالتي.
وجدان: وين رايحين؟
باوعت الأبوية وگف و دار عليهم بس حسيت ابتسامته مجاملة ألهم.
سلطان: راجع انا و بنتي البيتنا دكتورة
وجدان: چنك ماخذ بخاطرك مني.
رفع أيده يأشرلها بمعنى ماكو هيج شي.
لا عليمن شي أنتهى و راح
بس چنها عيونك تحچي غير هذا الحچي.
انا حچي عيوني لو ينفهم چان ما وصلت بيوم من الايام الهل مراحل.
صاح درغام مشجع أبوية بكلامه وعيونه عليَّ.
درغام: أيييي والله ياااا عمييي أيييي والعباس أيييييييي و الحسينننن أيييي.
وجدان: عيني دكتورة أتفضلي.
بدأت توزع نظراتها علينا و ثبتتهن على خالي جابر
إلي أنطاها إشارة تنطلق بالكلام رجعت باوعت الأبوية.
شو أنتَ مغلس.
رد بعدم فهم.
عليمن مغلس؟
چاا مو خبصت روحك
عليمن أخبص بروحي، روحي ما أنخبصت بس عليج.
و أحترمت قرارج وهاي ثاني مرة ترفضيني بيها بالماضي
سويتيها و رفضتي و رجعتي رفضتي طلب الزواج.
انتَ لو صدگ تريد ما خذيت بكلامي بس هيَّ الگلوب تتبدل ما تبقى مثل ما هيَّ.
حنين: خالة شو لصتيهاا وفريتيها على أبوية.
درغام: أنتِ بذات أسكتي
وانتَ منووو حاچي ويااااك
أدافع ال عمتي
ادافع الأبوية.
هزيت بأيدي رجعت أكمل كلامي ويا خالتي.
خالة أنتِ مو نفسج گلتيله ما أريد اتزوجك؟
وجدان: نعم، و ابوج ما صدگ علمود يسحب روحه.
شنو يعني؟
شفهمتي أنتِ هسه حنين.
سلطان: دوختينا يا بنت الناس احجي إلى أتريدي وجدان.
نهض خالي جابر من مكانه يضحك.
جابر: يمعودين أختي تستحي تگلكم تعالوا خطبوني.
صفن أبوية و اتغيرت ملامحه ما مصدگ إلى سمعه.
سلطان: شنو جابر
خوية حتى ظهر ما نريد منكم أخذوها وعيشوا بسعادة.
أردفت خالتي مبتسمة وجهه صار أحمر من الخجل.
وجدان: يااا وشمالني ما إلى مهر شني فصلية.
هذا الحچي كله و أبو السلاطين صافن رحت عليه.
حنين: بابا باااباااا يباوووو أحوووووي.
دار وجهه إلى انرسمت ابتسامة فرح على ملامحه و عيونه صارت تلمع لمععع.
ها بنيتي
خالتي وافقت و العباس وافقت. كلللوووشش.
طگيتها بهلهولة الكل يضحك تقدم الها و عيونه لازالت لمعة الفرحة داخلهن فرحة حلم سنين راح يتحقق.
سلطان: صدگ تحچين وجدان إلى سمعته من قناعة
وجدان: ليش أنتَ بعد ما تريدني سلطان
ياهوا ما يريدج ولچ سنين انا أنتظر هذا اليوم.
ضحكت خالتي يموتون يخبلون يشگون شگ بجمالهم
ويا بعض اثنينهم خجلانين أخذني الواهس من فرحتي
و رجعت أهلهل بصوت عالي صاح درغام بأنزعاج.
درغام: شبيججج هلهولتج هلهولة مصرررياات.
حنين: لك عيني فرحانة أبوية راح يتزوج.
رجعنا گعدنا و الفرحة غامرتنا من بعد سنين طويلة
يستاهل أبوية اليوم رب العالمين أنطاه جزاة صبره.
سلطان: ليش غيرتي رأيج.
وجدان: فكرت إلها صح و شفت قرار رفضي چان
غلط و حتى عمران گال أرجعي فكري بالموضوع.
چا مو نفسه إلى بقى يحچي عليَّ بذاك اليوم
حچى هيج من حرگة گلبه وانتَ تدري بي يحبك
بس الماضي مرات هم يحرگ گلب الإنسان من يتذكره
و هوَ ما رجع حچى بالموضوع إلا لمن جابلي گبر أمي إلى ماتت.
شلون جابه حسب علمي سالم ما يرضى يگول مكانها
أمي هيلة أنطته المكان لأن أبوي قفل يگول شي عنها.
الحمدلله.
حنين: أووف ناقصنا غياهب أوگفوا أخابرها.
سلطان: عيب بابا مو هسه أتاخر الوگت ويمكن زوجها يمها.
درغام: لا ماموجود بدوامه.
اتصلت عليها بسرعة جاوبتني فتحت الصوت الكل بدأ يسمع.
غياهب: هلا حنينه.
حنين: شتنطيني إذا أنطيج خبر إلا بشدة
أممم إلى تريدي شنو الخبر؟
لااا گولي بالأول شتنطيني
يابه إلى تريدي بس احچي وفضيهاا.
درغام: دحچي شگد تشلعين الگلب.
غياهب: هاي شنو صوت درغام أنتم عندهم لو هم عندكم.
حنين: أحنا عندهم.
شلونهم خوالي
بخير غياهب شفت لبسة ب 75 الف تشترينها إلى إذا وافقتي احچيلج الخبر.
اگلج ترا أنتِ تعينتي و هسه عندج وظيفة المفروض
أنتِ تشتريلي لأن اني بعد لا وظيفة و لا شي.
چاا ما تفتحيلج مكتب
بالمستقبل أن شاء الله.
أشجعججج
هسسه عوووفينا و احچيي
أحزرري.
ولي أروح أنام أحسلي
لا لا تعاي وعلى راح احچي
يله و إذا شي بايخ تعرفين شسوي
بس گليلي بالأول تشتريلي اللبسة لو لا ترا فلووووس نسيبي هووواية
أشترري أشترري بس احچي.
حنين: أبوية راح يتزوج.
أختفى صوتها عبالنا أنسد الخط بس چانت بعدها على الخط رجعت گالت.
غياهب: أبوية يتزوج؟
أي خوش مرة لگيناله.
شلون هيج لعد و خالتي؟
شعلينا بخالتج هيَّ ما أتريده شنو الرجال قابل يوگف حياته أكثر
أكلي تبن مفهوم! اني ما اقبل بهذا الشي وينه
أبويا أنطينياه شنو ياخذ غير خالتي.
الكل وجوه محموسة من الضحك بدون صوت تحمحم أبوية و حچى وياها.
سلطان: هاا بابا غياهب
غياهب: صدگ إلى سمعته.!
ليش وين المشكلة.
ماكو مشكلة بس شلون تاخذ غير خالتي
غير هيَّ ما أتريدني
تريدك ونبي معليك بيها بس هيَّ هم حقها تاخذ
موقف و حقها بكلشي بس أنطوها مجال تفكر
لا بعد هايهية غياهب كلمن يشوف حياته كافي لهنا أنتظرت هواية.
أردفت وهيَّ ضايجة.
خوش بكيفكم بس من هسه اگلك انا هاي إلى راح تتزوجها
و تصير مرتك لا راح أحبهااا ولا اريدها و لا حتى أجيكم.
هنا الكل ضحك بصوت أجت خالتي حچت وياها فرحانة لأن تدافعلها.
وجدان: خالاتي بعد عمري.
غياهب: ياا حتى أنتِ هنا، اگلكم شنو أنتم ناصبين عليَّ.
هاي أختج و أبوج أتفقوا عليج
فهموني شكو
حنين: أبوج و خالتج أنفكت چبستهم و راح يتزوجون.
غياهب: أحلفيي.
وعلي
خاف دتشاقون ويايَّ ترا شوفوا ما أحب هيج شقة
لااا يا شقة اگلها الرجال راح يتزوجني تگلي تشاقون.
ضحكت ضحكة مليانة سعادة بالخبر.
غياهب: حَبيبي بابا و أخيراً أجاك الفرج ألف مبروووك.
بقت تحچي وياهم و فرحتها ما تقل عن فرحة الكل.
و أتفقنا على كلشي وهيَّ ويانا ما قبلت أتسده و خالتي
رفضت رفض قاطع ماتريد عرس و أبوية أتفق وياها گالوا
أنسوي گعدة بينا الخميس بعمنى بعد أربع أيام أما
خالي عمران ف خالي جابر گال هوَ يتفاهم وياه.
الثاني يوم طلعت الدوامي أمشي بالفرع مالتنا شوگت
أشتري سيارة و أخلص شفته گدامي اتجاهلته و كملت طريقي أجه يمشي ورايَّ و يحچي.
درغام: يبنيه يبنيه.
كاتمة ضحكتي و مستمرة أمشي.
مو احجي وياااك يا حلو يا زيتون.
وگفت بمكاني مستدارة اله أتصنع العصبية.
حنين: خيررر شكو لاحگني شتريد.
رفع أيده يأشر على گلبه.
مو بيدي هذا الجابني و يريدج بلائي.
رجعت أكمل طريقي منطيته ظهري أمشي و دگات گلبي
راح تفضحني و تخزيني أنسحبت من أيدي باوعت بالشارع ماكو أحد.
عووووف أيدي أحسن ما أسوي شي يندمك.
نزل راسه لأن أطول مني.
انتِ تعرفين انا منو مو؟
رفعت حاجبي أباوعله بتحدي چنت لابسة كعب سحگت
رجله بالكعب بقى لازم أيدي ضاغط عليها غمض.
عيونه مبتسم بألم أردفت من بين أسناني.
لا ما أعرفك شو عرفنا على حضرة جنايك.
أبتعد عني و ابتسم أكثر بكل ثقة.
سبع الهورة بلائي الجميل.
شفت السائق وصل عفته تاركته بدون جواب صعدت
و گلبي ملعوب بعداداته اباوعله من الجامة واگف
يباوع حطيت أيدي على گلبي و اهمس بكلمات
أستقر يا گلبي أستقر و لا تفضحني دخيلك.
غياهب.
مرت أيام فترة دوامه و خلصت نزل بس محد فتح موضوع
الي صار بغرفة ناز لأن خايفين عليَّ منه طلع من غرفتها
وهاي حالته يطلع منها وجهه مغيم بالحزن گعد ساكت
و أيده لازم بيها الجكارة و كأنما ديفكر بشي جنت
گاعدة مقابيلة بأيدي صحن فواكة أكل رفع راسه.
أرسلان: الدكتورة وين صايرة؟
غياهب: يا دكتورة
الي حچيتي عنها.
عفت الصحن من أيدي حطيته على جهه لو ما الثكل
إلا أرگص من فرحتي أنطيته عنوانها.
شبيج شگيتي الحلگ.
ما أتوقعت راح تقتنع
وبعدني ما مقتنع بس ناخذها و أنشوف كلامها
لأن حضرتج سويتي هالدكتورة نبي.
شگددد جذاب شووگت سويتها نبي بس گتلك من الدكاترة الشاطرين و المعروفين
نفس الشي
لا تختلف أنتَ تزود بكلامك
لحي لحي ما أوووصيج
أحترم نفسك و احچيي عدل ويايَّ
شمسويلج سابج؟
لا بله هاي العايزة
حتى من أسبكم حلال كلشي بيكم حلال أنتم
درووووح.
لزمت الصحن رجعت أكل.
أرسلان: خلي العصر ناخذها
غياهب: ماشي.
بقت عيونه تباوع لباب أخته نظراته تختلف من يحس دا أباوع
عليه تتغير كل نظراته و تتحول للغضب، للعصر جهزت نفسي دخل عليَّ.
غياهب
هااا عيني.
عض شفته بحيرة يريد يحچي شي.
تگدرين تغيرين ملابس ناز مليكة مريضة اليوم
تمام.
دخلت وياه الغرفتها خفت من ردت فعلها بس بقت
هادئة شو هذا دخل وياي و بقى واگف.
وين داخل
أدور وجهي لأن ما اگدر ابقيجن وحدجن أفهميني.
فهمت شيقصد يمكن لان ناز تأذي إذا تبقى ويا أحد وحدها.
شفت هالشي، بس الغريب بوجوده تكون هادئه متأذي أحد
طلعت ملابس ألبسها بدلتلها و أصبعي أحسن من قبل
أنقهرت بداخلي عليها شگد شكلها حلو بنية بقمة الجمال
و هم ما مقصرين بشي وياها وين اللبس الزين نظافة
اربعة وعشرين ساعة غرفتها ما بيها اغراض بسبب حالتها
بذاك اليوم من أذتني لأن دخلتلها بأيدي گلاص أبتسمت بوجها تباوعلي بعيونها الزرگ.
غياهب: كملنا اووه شهل الجمال هذا.
دار وجهه عيونه صارت عليها أبتسم گعد يصفها لزم خدودها.
أرسلان: شنو هذا الجمال أروحله فدوة.
أبتسمتله ناز و حسيتها فهمت كلامه و حضنته والله
واضح عقلها سليم دام هيج تصرفاتها فتحت كنتورها أدور على حجاب بس ماكو.
ماكو حاجبات الها
مو محجبة
لعدخلينا نطلع.
هز راسه بقبول و طلعنا غرام فرحانة لأن قبل أرسلان
ناخذها گالت هيَّ تنطي خبر للولد ناز مثل الشخص
إلي يكون محبوس بنص الظلام و يطلع عيونها بصعوبة.
تفتح بيهن حقها إذا باقية بين أربع جدران ضمت وجها بصدر
أرسلان منزعجة من الضوء صعدها بهدوء صعدت وياها
بصفها قفل البيبان أرسلان كلشي يصير ممكن تجيها حالتها.
عيونها بقت تتفحص الشارع أنتبهتله يباوعلي من الجامة إلى گدامه ما أهتميت.
أرسلان: شنو هذا الجرح إلى برگبتج.
صرت بالجهة الثانية أباوع هم للشارع أتهرب من سؤالة.
غياهب: أنجرحت
أدري أنجرحتي چا شبيه أعمى ما أشوف بس شنو السبب
بالغلط
شبيها هاي.
انتَ شعليك شدخلك بيَّ؟ من تالي تظهرلي هل الاهتمام.
سكت بعد ما حچى شي ديله هسه و إذا عرف دخلت إلها
شلون أخاف بس مالي خلگ للقوانة وياه وصلنا
للدكتورة قبل نطلع بلغتها جاينها وصلنا رحبت بينا.
نورس: أهلاً وسهلاً
أرسلان: أهلاً بيج دكتورة.
بأيد أرسلان أتوقع تقارير ما أنتبهت كلش مال شنو
بالضبط گعدنا ناز بجهة و أحنا گعدنا يم نورس
بدأ يشرحلها وضع ناز شلون كان وشلون صار أنطاها.
التقارير و كلشي يخصها بدأت الدكتورة نورس تقرأ بيهم.
نورس اگدر احچي ويا ناز
أرسلان: يفضل بوجودي
ماكو مشكلة.
راحوا يم ناز بقيت بمكاني أباوعلهم گعدت نورس
ويا ناز تحچي و تسولف وياها بينما ناز عندها خوفة
منها و هذا الشي طبيعي بحالتها مر وقت
و رجعوا الأماكنهم.
غياهب: هاا نورس
نورس: أن شاء الله خير الواضح البنيه عقلها سليم
بس متعرضة الصدمة و هالصدمة بسبب بحالتها
و وصلتها الهاي المرحلة رجعت تحچي ويا أرسلان.
أستاذ أرسلان غلط منكم عزلتوها من المفترض المريضة تطلعوها من الجو إلى هيَّ بي
دكتورة سابقاً ما عازلينها بس من بدأ وضعها يوصل
لمرحلة الأذية أكثر من دكتور ماخذها الهم و كلهم ما گدروا
ينطوني حل الحالتها غير العلاجات إلى دمرتها
تستخدمولها مهدئات؟
نعم
أگطعوها
نعم؟
المهدئات مثل المخدرات أستاذ و سلبياتها تگدر تطلع عليها
تمام دكتورة شنو الحل هسه برأيج
نبلش بالعلاج أن شاء الله و يارب تستجاب اله وضعها.
صعب بس ما اصعب على رب العالمين أن شاء الله نگدر ننجح
شگد نسبة الشفاء؟
ما اگدر أنطيك حالياً نسبة.
هز براسه و عيونه رجعت تباوعلها أترخصنا منها متشكرينها
طول الطريق أحاول أفهمه نتبع كل التعليمات وصلنا للبيت و الكل چان بأنتظارنا.
كُميل: هااااا.
أبتسمت أشرله بحواجبي.
غياهب: رحنا للدكتورة.
راد يدخلها أرسلان للغرفة صحت وراه.
لاااا أرسلان لا ترجعهااا ووتعزلهاا
أرسلان: و ليش
ما سمعت الدكتورة شگالت؟
رجع بيها گعدها ويانا و الكل تحسه متوتر بس عندهم
فرح من شافوا أرسلان أقتنع و أتوقع غرام مسولفتلهم كلشي
لأن قبل لا أطلع حچيتلها كلشي بدأ أرسلان يسولف
ويا أخته و يحاول يشوفها تعرف الموجودين أو لا.
أشر على كُميل.
أرسلان: شوفي ناز هذا منو.
رفعت عيونها المُغرمة بيهن من جمالهن سبحان الخالق
بقت تباوع باتجاه خالها طبگت حواجبها بأنزعاج الدقائق رجعت طبيعية.
ناز: خ. خالو ك. كُميل.
الكلمة تطلع بصعوبة بسبب هيَّ ما تحچي أبتسم أرسلان
بفرح نتيجة معرفتها الموجودين رجع أشرلها على
عمر و هم جاوبته و عرفته رجع حاضنها يبوس براسها.
نزلت دموع مليكة.
مليكة: يوم إلى أشوفج راجعة مثل قبل.
الموجودين فرحانين بيها و عمر يحضن بيها هم فرحان
بيها التفتنا على صوت الخال من گال.
كُميل: أرسلان عمك سلطان خابر.
أردفت و هوَ ما عاجبه.
أرسلان: شيريد
مسوين گعدة بينهم علمود زواجه و عززمنا
شدددد.
أي والله عمك راح يجدد شبابه
من حقه، شتگول أنا وياك هم نجدد
لا مكتفي أنا
يله أحنا نجدد شكو بيها شتگولين غياهب.
باوعتله بطرف عيني.
غياهب: يوم المُنى و أخلص منك
ما تخلصين حضرة المحامية.
بدينا بعلاج ناز و وضعها زاد للاسوء بس گالت الدكتورة
هذا الشي طبيعي بالعلاج لأن بالبداية بس صخمان شيفهمه طبك أيدي وره ظهري.
غياهب: شبيك أرسلان
أرسلان: ليششششش وضعهااااا ساء.
ما سمعت الدكتورة شگالت، گالت طبيعي لان بداية علاج لعد شتررريدهااا من أول جلسة ترررجعلكم.
والله ثم والله ياااا غيااهب إذا ناززز زادت حالتها اموووتج يصير على أيدي.
دفعني أنضربت بالحايط إلى گدامي صحت بألم
متوجعة عيوني دمعت صحت بصوت.
الله ياااااخذك.
طلع طبك الباب بقوا قفلت الباب أنهاريت بدموعي
أحس تعبت طاقتي خلصت لشوگت أبقى أتحملللل
هاااي الهمجية مالت هل الانسااان مسحت دموعي فتحت.
الباب لا يكسره ما يتعامل بالهدوء هو و الهدوء خطان لا يلتقيان.
أجه يوم الخميس اليوم زواج أبوية اليوم راح ياخذ حب حياته
و يستقر جاب هالسنين تعب بتعب و حياته ما مستقرة دخلت غرام مطنكرة.
غياهب: شبيها علويتنا
غرام: هذا كُميل ضوووجني
شسوالج
لِچ شكله أريد ألبسه يگلي لا ماتلبسينه ليش يگلي والله
شنو هذا يبرز بياضج شنو هذا يبرز صماخج بطلت حتى روحه ويااااكم ما روح.
ضحكت شلون تحچي.
غير يغار على مرته
هه هه.
خال زوجي الغيور
شو أسكتي.
أندگ باب غرفتي فتحته چان الخال أبتسمت ما دخل بقى يباوعلها.
كُميل: يله تعاي ألبسي إلى تريدي بس عووفي الطناكيررر
غرام: تجذب عليَّ هسه من اگلك ألبس هذا اللون أبقى تطلعلي سوالف من جوا الگاااع.
لااااا و الزهرة هايهية
ترا حلفت أنتَ.
طلعت تتناكر وياه يداهرون والله يا علوية سوالفج
مثل سوالف فهاوة حنين الرجال ميت بيها
و هيَّ
و لا چنها لا أحساس و لا شي مخبلات الزلم وراهن.
فتحت كنتوري صافنة شنو ألبس مو مال ألبس شي مبالغ بس
المهم مرتب لأن عرس بينا شهگت نازه من أنفتح الباب بهمجية غمضت عيوني مهبوطة.
أرسلان: هاي أنتِ هنا
غياهب: لا خيالي
شتسوين
أريد أجهز نفسي علمود نروح الأهلي.
گعد يشتغل بهل الحاسبات إلى گدامه درت وجهي.
شو گاعد
چا شتريدين
ما أتروح الأهلي
اذا أشوف جدج ما ألزم نفسي خاف بالمرة إلى راحت لزمتها هل المرة ما أضمنها
بعد أحسن لا أتروح.
عاط بصوت.
لاااات شو الااااا أروح.
ياربي شخص عبارة عن كُتلة تناقض أنتَ.
وگف بصفي يطلع ملابس شو هذا صار يطلع ويشمر بهل الملابس بنص الغرفة.
ليشش تشمرررر الملابس
ما جاي يعجبني شي
و أتسوي هل الفوضى.
عادي أنتِ نظفيهاااا
ما أشتغل عندك خدامة والله العظيم هسه أنتَ كلهن ترجعهن لمكانهن
شوفي حبي انا صح تشوفيني مرتب بس داخل غرفتي
أشمر تشمر مالي خلگ أرتب بحيث جواريبي واحد بالشمال
و واحد بالجنوب و صارلي فترة لازم روحي وياااج و مستخطيج ما گالبلج الغرفة.
الي يشوف ترتيبك و أناقتك يگول هذا ماكو منه طلعت حقيقتك هسه.
نعم
گعدت لأزمة لبسي الرسمي قررت ألبس رسمي غمضت
عيوني من شفته بدأ يفتح بأزرار القميص.
غياهب: شدتسوووي
أرسلان: أسويلج أستعراض، يعني شسوي أبدل.
ماكو أماكن إلا گددددااامي.
العيارة دبل فوووول تنام بصفي عادي بس من أبدل گداهاااا تستشرررف
اتأدب
عيارة النسوان بعدد.
لا تلغي أنتَ ما چنت تبدل گدامي شنو المعنى اليوم
يعجبني
كملت؟
اممممم.
فتحت عيوني شفته لابس بنطرون اسود و قميص أبيض
وگف گدام المراية يرتب بنفسه من ضخامته القميص لاطش لطش
أكيد السبب يرجع للعضلات إلى عنده سحب السترة لبسها دار مبتسم إلى غمزلي.
شلوووني؟
تلعب النفس
شكراً الرأيج بس مو مهم، المهم أنا المقتنع.
لعد شكوووو سئلتني
أقضي وقت براسج
شگددد حقيررر.
طلع بدلت ملابسي سحبت علبة المكياج إلى مخليتها
بس منظر حطيت لأن وجهي صاير يفشل هو إلى يعيش.
ويا الأعرج شيصير مثلاً خدوده تفاح، لبست أسوارة ناعمة
و حلقتي إلى مجبورة ألبسها گدام الناس طلعت شفتهم كلهم جاهزين
غرام شتلبس تطلع تضوي ضوي حقه الخال يغار
لابسة فستان أحمر دموي و مطعم بأسود عبايتها
بأيدها لبستها عمر ما أجه بقى ويا ناز صعدت ويا أرسلان
و مليكة و غرام ويا الخال أتوجهنا البيت أهلي أرسلان
أخذ الطريق كله يبسمر لأن أبوية بهذا العمر راح يتزوج
بس تمنيت يعرف إلى أبوية تعرضله جان ما بقئ يستهزأ.
و صلنا الأهلي نزلنا رحبوا بينا ماكو أحد أبوية ما عازم
لا باقي خوالي و لا أهله حتى عياش ماموجود بس ما أعرف
شعجب بعزيمة أهل أرسلان جابه مايريدهم بأي مناسبة
تخصه لأن هم سبب هدم فرحته بيوم من الأيام
دخلنا جوا الزلم بالصالة الجبيرة، البنات موجودات
عالگتها ست چفصة بالاغاني أجت تركض حضنتني نيروز هم موجودة سلمن على غرام و مليكة.
حنين: همزين أجيتي يله ويانا
غياهب: مابي حيل وين خالتي.
طلعت خالتي لابسة فستان مرتب يليق بيها وجها ينگط خجل رحبت بينا حضنتها أضحك.
غياهب: شبيج خالة شدعوة هالگد خجلانة
وجدان: والله حتى هالحفلة ما ردت أسويها بس گبنا علمودكم و ننجمع سوا
حبيبتي ما مسوية شي غلط هذا اليوم كلنا أنتظرناه بفارغ الصبر
الحمدلله.
ردت أجي من عقدتوا بالشرع بس ما صارلي مجال
شلونج انتِ مرتاحية ويا بيت زوجج
أممم كلش مرتاحة.
گرصتني بأيدي على طريقة كلامي لأن چانت بأستهزاء
اووي وجدانو شبيج.
انچبي احچي.
مرتاحة مرتاحة الحمدلله كلهم حبابين
وزوجج
تهي بهي وين أكو منه أحسد نفسي عليه.
أجت نيروز گعدت بنصنا.
نيروز: شتسولفن
وجدان: اسئلها عن أهل زوجها و إذا مرتاحة
هااا أي شلونهم
تگول زينين.
صاحت خالتي جوهرة على خالتي وجدان گعدن يم مليكة بقينا اني و نيروز.
نيروز: صدگ غياهب شلونه وضعج وياهم
غياهب: كلهم زينين إلا صخمان
و عمر هم زين؟
اذا نقارنه ب أرسلان ف أحسن بهواية منه حتى ما يقبل على تصرفاته
أها.
قررت احچيله كلشي صار بليلة العرس و الاسرار إلي
أنكشفت أسولف وهي وجها صارت تعابيرة تتغير من كلشي احچي.
شدتحچين يعني أرسلان و عمر مو اخوان من اب و أم
لا بس هم أخوان لان أتربوا سوا
أنفر عقلي فرررر
أوف نيروز لا تذكريني داحس راح اموت من قهري
الله يساعدج.
أريد أفهم هوَ وين يريد يوصل
يعني هسه عندهم أخت غير أنسام
أي اسمها ناز لو تشوفينها تموت
و طلعوا سالم و عياش هم السبب
أي من الله ياخذهم.
هسه عرفت ليش عمر قبل يسئلني عنهم.
ما كملنا كلامنا من شفنا العلوية و حنين أجن گعدن ويانا.
حنين: أخخ گلبي
غياهب: سلامتج شبيج
المزنجر أكو غيره
ترررا والله لعبتي نفسنا كافي طيحتي حظ الرجال
ولچن لزم هذا إلى خطبني و گاتله گتله أخت الموت
بس فلت منها و ما گدروا أهله يسوله شي لأن ابنهم المراسلني
و أبوية هددهم إذا يسون شي الدرغام مايصير خير.
طبه مرض.
غرام: حنين إذا يحبج ليش ما تقبلين مو غريب ابن خالج.
نيروز: طلع على لساني شعر و أني احچي.
عوفنها عوفنها هاي لمن تشوف وحدة ثانية تاخذه يله ترتاح.
حنين: شحدة.
لعد كاافي شلعتي گلبه خليها أبالج لو غيره يدوس على گلبه
و عليج و على حبه و راح يفكر بكرامته بس هوَ رغم كلشي بقى لليوم متمسك بيج.
وشلون أعرف مشاعري أتجاهه شوفن اني أغار عليه
أموت أحترگ إذا شفت وحدة تحچي وياه من شفت
اخت على حچت وياه فرررت فررر بدمي.
غياهب: اگعدي بينج وبين نفسج و فكري بكلشي راح تلگين الجواب السؤالج
غرام: صح أتفق ويا غياهب.
وانتِ غرام لا تبقين بس تتفقين حبيبتي ترا حالج من حالها
هم مخلية الخال يركض وراج
أحنا وضعنا يختلف مو مثل وضع حنين وابن خالج.
غياهب: اگلجن ضجت شووو دوخرن عني محد دتفتهم
إلا تشوفنهم ويا نسوان غيرجن هنا يلا تعرفن شضيعتن من أيدجن.
حنين: شبيج غويهبة ويانا.
عفتهن گاعدات صعدت الغرفتي مشتاقتلها دخلت نظيفة شعجب حنين صايرة نادرة أفتريت بيها
و أباوع الأغراضي كلشي بيها بمكانه ما متغير شي طلعت جنطة
أحط بيها الاغراض إلى اريد أخذها حطيت كم كتاب و بعد كم شغلة.
ذكرت الكوب مالتي إلى چنت أشرب بي متعودة عليه
نزلت سئلت حنين عنه أنطتنياه رجعت فوگ حطيته
بالجنطة رحت للصندوق إلى بي أحلى ما عندي القراصة
گعدت و حطيته گبالي أباوعلها بتمعن و اتسائل صاحبها.
وين صفى بي الدهر گلبي ما اگدر أتحكم بي
و بمشاعره
من أشوفها و أتذكره، فزيت من دوامة أفكاري على صوت الباب من أنفتح.
دخل بطولة و عيونه تفتر حول الغرفة سد الباب
القراصة لازالت بأيدي أتشخصت عيونه عليها بدأ يتقدم بخطوات
طابك حواجبه و شي غريب أحتل ملامحه الجامدة
صفن رفع عيونه ردت ارجعها لمكانها للصندوق ولزم ايدي
نضرات عيونه صارت تتنقل بين ايدي إلى لازمه بيها القراصة
وبين ملامح وجهي سحبها بهدوء من ايدي يباوعلها.
بأستغراب لأول مرة أشوفه هل الملامح هيج تستغرب.