رواية لبوة علي للكاتبة كفاية كاظم الفصل الرابع
لبوة...
شعور غير متعارف اواجاع مخفية روح صارخة ذكريات غير منسية كلشي مجتمع يم روحي احس بخنگة مو طبيعة رحت لغرفه دكتور محمد مستجمعة قوتي ومخففة من غضبي دكيت الباب اخذت نفس ودخلت...
شفتة گاعد بمكتبة وجهة ينطي الوان لازم القلم وينقر بالميز بحرگة اشحت النضر عنها حجيت بصوت هادء، دكتور دزيت علي
رفع رأسه وگام على حيلة وادية مثبتهن ع ميز
حجة بعصبية مكتومة...
محمد-لبووة انتي شسويتي؟
بس فهميني شلون هيج تتصرفين!
انتي واعيه على الشي السويتية؟
لبوة: -حجيت بعصبية كازة على سنوني. ومكورة ايدة بقوة.
-دكتوورر لززم ايدددييي تعرفف شنووو معنى شخخص لمسسني؟
ماتعرف ولا راح تعرف
انتم تشوفون هذا الشي طبيعي بس يمي لا
وأبد مو طبيعي، ارتكب جريمه إذا واحد طخني.
ردت عليه بصوت عالي موجة اللوم علية...
محمد-لبوووة هذا مو عذررر...
تدررين شسويتي بيه لو ماتدريننن بالگوه طلعناه من عنددج انتي واعية للشي السويتية بعقلج شي شلون تهجمين عليه بهلطريقة تخبلتي...
انتي دكتورره واحنا مو بالشارررع هاي تصرفات أهل الشوراع انتي دكتوررررة...
لبوة -حجيت مقاطعة كلامة بهدوء وعدم مبالاه عكس داخلي، مشكلتة يستاهل ما گايلتله يلزمني...
رجعت حجيت بغضب صارم: -وحك اسددد الزهرةةة إذا حاجاني ثاني مرةة الا اموووته بيدي...
ردت عليه الدكتور مستهزء...
محمد -ماراح يحاجيج ولا تشوفينه بعد
لأن راح ينقلونج لغير مستشفى...
لبوة: -من كال هيج ما ستوعبت كلامه بقيت جامدة بمكاني ماعرف شنو الأفكار الهجمت علية بلحظتها أردفت بقلق -شگلت دكتور عيد؟
تنهد وحجة بحيرة...
محمد-مثل ما گتلج اجتج عقوبه وراح ينقلونج لغير مستشفى زين من يم الرجال وما اشتكة عليج لأن السويتية بيه مو شوية اهنتية گدام الكل من مرضى ومن كادر طبي بس هو خير وتنازل.
لبوة: -احاول اسيطر على اعصابي والبركان الجواي حجيت بعصبيه مكتومه والرجفة اخذت ايدي وصوتي...
- شنو و و نقل شگاعددد تحجييي أنته؟!
محمد-لبوة انتي تعرفين دكتور جهاد اقدم من عندج وعنده معارف ولا تنسين انتي هنتيه وتجاوزتي
عليه كدام الكل وغير واحد سوه غير شي...
لبوة -رديت بهدوء عكس إلى بيه. يطبه مرض هو منو التجاوز على منو، انتم بيكم شي صاحين...
انتم متاكين صاحين هااا
مسح وجهة بحيرة وحجة...
محمد -لبوة تدرين رادو يفصلوج بعد معاناة من الحجي وياهم الا قبلو ينقلوج لأن تصرفج مو تصرف دكتورة والشي السويتة ماله مبرر وحتى لو غلط وياج شنو الغلط اعتدي عليج لا إذن الحق وياه...
لبوة -حسيت بنار مشتعلة لو محترگة وميتة من زمان احسن إلى ولا المواقف التعرضت الهن الناس تشوف تصرفاتي مالهن مبرر لأن ماعايشين وياي ميعرفون شتعرضت شنو الوصلني لهلمرحلة كولشي اسوية.
غلط ومتعجرف بنضرهم بس ابد ما اهتميت الهم ولا يشكلون عندي شي لاهمة ولا كلامهم الماصخ...
طلعت من عندة بدون كلام محد يفتهمني المفروض واحد يوگف وياي ويبرر إلى لكن للاسف ماحصلت هيج انسان ومن تضل علية ابد ما ابرر للنفسي لو يحگموني بلعدام...
امشي بلا وعي خذلان مو طبيعي يراودني شعور فضيع محد مهتم اله ما اعرف وين اخذتني رجليه...
دخلت بغرفه فارغه تنهدت الفراغ الوحيد هو اليفتهمني ويحتويني سديت الباب صفنت بالفراغ اريد استوعب الجاي يصير.
شلون انقل واني مو بسهوله اتعود ع لمكان...
مو بسهوله اتعود على الأشخاص...
خاصه زينه شلون أگدر اتعود على فراگها الوحيده إلى ارتاحلها الوحيده إلى تهديني والوكفت وياي بهواي مواقف...
زينه موبس صديقه هي بمثابة اخت الي...
تعرف كل حالاتي...
گعدت بالگاع حضنت نفسي ودموعي بهدوء تنزل نار على خدي ما همني موضوع النقل اكو شي ثاني ياكل بروحي كلامهم بقة ماسرني من يگولون المتوحدة مصيرج بين أربع حيطان...
غمضت عيوني ما اريد افتحهن ما اريد اشوف اي شخص اريد انسى اريد أفقد الذاكره وانسى كولشي سمعتة اريد اغسل عقلي وامسح الكلام المترسب بية شهگت بحرگة من تذكرت كلامهم سمعت صوت رجولي يهمس قريب من عندي...
حيدر -تدرين ليش سموج لبوة حتى تفترسين.
شكو واحد يغثج مو تبجين هاي دموعج حرام تنزل...
اللبوة تبچي ما تبجي ما تنهار من ورة چلب...
أنتي لبوة تعرفين شنو لبوة؟
جسرة شامخة قوية ماتنهزم بسهولة حتى بنكسارهة قوه...
گومي امسحي دموعج وراويهم شموخ اللبوة
البوة ما تنكسر
فجاه وبلحضة ضياع بلحضة محتاج كلمة تطيب خاطرك تسمع كلام يرجع واهسك وقوتك من شخص متعرفة...
الكلام اثر بيه بلحضة ضعف ورجع واهسي وخف جزء كولش جبير من الم والخذلان البداخلي...
فتحت عيوني احس بيهم نار رفعت راسي
شفت نفس المريض رقم الغرفه 100 حيدر واگف مقابيلي لازم بطنه شكله متوجع مسحت وجهي ونهضت
أردفت بصوت مبحوح...
-شكرا
حجة بتساؤل موجوع...
حيدر: - على شنو؟
لبوة-حجيت بهمة واني اباوع للمكان المخلي علية ايدة بيك شي اساعدك؟
غمض عيونه من الالم وحجة صاك على سنونة...
حيدر -احس الجرح انفتح...
لبوة-حجيت بتوتر واني اقترب منه اوكف خل
اشوفه الك
صرت مقابيلة كلش رفعت التشيرت وأردفت...
-الجرح انفتح لازمه خياط من جديد روح تمدد بين مااتحضر لبست الكفوف وحضرت الادوات وهو جان مدد عقمت الجرح وأردفت بهدوء...
-سؤال وجواب بين ما اكمل
حيدر -ليش لا
لبوة-بديت اشتغل واسال بية: -شنو اسمك؟
-حيدرا
لبوة -رفعت حاجبي وحجيت متسائلة حيدر لو حيدرا؟
حيدر-حيدر بس ابوي يسميني حيدرا ومشيت علية
حجيت بابتسامة: - حلو حيدرا آلاف زايد من جمال الاسم وضايفلة وقار، مكان ترتاح بيه؟
حيدر -مكان شغلي اكيد...
لبوة --عندك شخص تتمنى تشوفه؟
سالته واني اخيط بالجرح رفعت راسي صارت عيني بعينه صفن بعيوني دنكت راسي أردف برود
حيدر-ما احب انسئل اني اسئل ما انسئل
رديت علية بنفس البرود: -من اشتغل ابدي اسئل المريض حتى لو اسئله تافها بنضرة بين ما اخلص الوقت يمضي بسرعة للمريض والطبيب وهو ميحس بوجع ويركز وي نفسة...
حيدر-ليش ما اني اسئلج...
لبوة -حاليآ ما لي خلگ مو بحال اسئله
لو الوقت غير الك الساحة...
حيدر -خلص اني هم مو بحال اسئله
لبوة: -خزرته ورجعت اخيط بالجرح كملت وطلعت من المستشفى رجعت للبيت بوجهي للحمام جلفت جسمي جلف صار الجلد احمرر الا ارتاحيت لبست ورحت اشوف ايلام الوحيد المن اشوفة ينزاح حزني اردفت بتعب...
-يا راحتي شلونك؟
بسته وحضنته احاول انسى الصار مشطت شعره ضفرته اله رجعت خربته بقيت العب ويا واضحك...
ايلامي ههههه شوف شسويت بشعرك شلون ظفاير هسه لو تگدر تحجي جا گلت خرب شرفي اذا ابقى بالعراق ههههه اتحملني ترة محد بهاي الدنيا الجبيرة يتحملني غيرك.
اجه صوت من وراي حركت معاني وجهي بانزعاج اعرف هالصوت المستفز مثل صاحبة...
-واخيرا شفنا طولج حضره الدكتورة اللطيفة
لبوة: درت وجهي خليت ايدي على خصري وعافسة وجهي شخص مقزز. مازززن
رد بنبرة حقيرة دل على شخصيتة...
مازن -ايي دكتورتنا مازززززززن.
لرديت لعبانة روحي، شتريد خير الضاهر جلدك يحكك.
-ااه معقوله ماتعرفين شريد بس يلا صدگ جلدي يحكني وايدج دوة فدوة مو ايد
-انجب ولي مني ما ناقصتك اني تعرف زين اليلعب بالنار يحرگ اصابيعة
مازن-علكيفج بابا اعصابج اهم شي
حجيت واني رافعة اصبعي محذرتة: -وحگ اسددد الزززهرة إذا ما تروووح من وجهي
اسحلك سححل وانت تعرفني كولشش زينن
مازن-اليوم مبينه اعصاب راح اعوفج بس مري علينه.
مرني مرني ذكرتيني بهاي الغنيه راح انزلها لخاطر عيونج
شكلة اسلوبة مستفز كولشي بيه مستفز رديت طالعة روحي: - استغفر الله شلون لزگه يا صبر ايوب...
عفته ورحت للبيت جوعانة و مالي واهس اكل شي لفيت راسي و نمت گعدت شبعانه نوم...
سويتلي بيتنجانيه اكلت شويه منها رغم طيبة بس، نفسيتي زفت حجيت وي نفسي لازم اطلع من جو الكأبه درت وجهي ادور بالبيت على شي يطلعني من إلى بيه شفت سيدي بس كلش صغير اذكر اشتريتة بتلث تالاف ربطتة بالبلوتوث شغلت ساجده عبيد رغم ما اسمع اغاني بس احب هاي الاغنيه...
انطوني فصليه.
شغلت الأغنية فتحت شلون شعر متقصف مدري شبية خفيف وقصير گاعد استخدملة زيت الخروع صار احسن والمشكلة دائما مخليتة مفتوح الا ماندر المة المفروض اضفرة بديت ارگص وي ايقاع الغنية الحماسي...
ارگص هو اني شعرف بالرگص هاي بدال مااشوفلي صرفة امداني حضي اغبر هسة الا يلزمني ابن الابنل
صرت احجي بصوت عالي وي نفسي حتى اتخطى الصار ومااهتم.
- وإذا نقلوني وشنو يعني وإذا فصلوني راح اموت لو تنتهي الدنيا وإذا نقلوني طزززز بالدنيا اهم شي صحتي على شنو احرگ دمي صدگ اني ما استحي من خليتهم يشمتون بية...
رن تليفوني شفته زينه فتحت الخط وكلني حماس اكيد لان بديت افكر بايجابية: -الوووو
-----:
زينه: -
دائما الناس تحكم على المقابل بدون متعرف ضروفة
نحكم على تصرف يمكن يشوفونه غلط واكبر غلط ويحكمون على صاحبة من خلالة...
ليش احنه نحكم وننطي رأينة بشي منعرف اسبابة
ليش نحجي على شخص ممأذينة ولا جايبنة بالطاري...
من نشوف شخص معتكف على نفسة وكافي خيرة شرة گبل گلنة علية مغرور متكبر زين هذا المتكبر مأذيك بشي لا إذن ماكو داعي نحجي علية عوفوة بحاله...
للاسف دائما يصير هيج ويحجون على لبوة بهلطريقة متكبرة مغرورة شايفة نفسها لأن متحجي على فلان وعلان لأن متاخذ غيبه مثلهم لأن متدخل بحياة الناس وتصير حشرية الكل ماخذ عليها هالنضرة...
وهي العكس خاصة وي المراجعين ماكو هيج المراجع الواحد يستغرق أكثر من نص ساعة متخلي شي متسئلة الطف منها ماكو مامرة دخلت ولگيتها ضايجة بوجة المراجعين حتى لو صاير وياها شي ابتسامتها ماتفارگ وجهة...
انقهرت عليها كولش الشي السوتة يمكن يشوفة المقابل مو صحيح بس الضروف خلتها تشوف كولشي مستباح خصوصاً إذا واحد لزمهة تعصب كولش مو الا جهاد...
ضليت افكر شلون بيها إذا انقلت شلون بيه متعوده عليها اليوم الما اشوفها بيه أحسه يوم شئم علاقتنا حيل قويه وقديمة عشنة هواي لحضات حلوة ومرة وشاركنها سوة بس شبيدي عليها حالي من حالها لا احل ولا اربط...
كملت شغلي رحت لغرفه الاستراحه جاي امشي استوقفني صوت رجولي درت وجهي شفت شخص وراي الطول والجسم ما شاء الله وانوب حنطاوي يشبه ممثل تركي لا يلحمزة بقيت واكفه بمكاني اجه يمشي بخطوات ثگيلة حك ارنبة خشمة وگال.
علاء -دكتورة ممكن تشوفين مريضنا
رديت علية بتساؤل: - يا مريض؟
علاء-حيدر صاحبي البارحة سوولة عملية رقم غرفته. 100
زينه-ها بس اني شغلي مو هناك روح شوف بذاك الممر غرفه دكاترة ثانيه هما شغلهم هناك...
علاء-وداعت حنش وجحا رحت وما لگيت أحد هو انتم كلكم واحد ديلا شوفي صاحبنة لايموت من جديد
زينة -ها يله يله جايه
اكلني اكل بنضراتة ولو هما كلهم عيونة زايغة باوع على الباج إلى بصدري وعدل شواربه مبتسم.
علاء-زينه حلو اسمج
زينة-دنگت راسي اباوع للباج ادرفت شكراً...
ضحك واحس گلبي گام يرگص انوب طلعت غمازته انسطرت هو بدون ابتسامه يسطر خرب ليش هيج انحط بمواقف سخيفة...
علاء-دكتورة هل تسمعينني اجبي الووو.
زينة-هااا شبيك
علاء-أنتي شبيج
زينة-خزرته عود اسوي نفسي شخصية مثل لبوة
بس ولو ابقى ثوله طول عمري اني وين هي وين
- مابيه شي
علاء-زين
زينه-زين لو اسيا هههههههه
علاء-والله خوش هم دكتوره وهم تحششش
زينة-امممم ما احششش اشش يرهم بش بش
گلت بگلبي الزم روحك يصابر أجن الخبالات مو وكتهن كلششش...
علاء -بعقلج شي انتي
زينه-ادري ديلا امشي بلا حجي زايد وراي شغل.
خزرني ومشه وراي مشيت اتعثر اني فد وحدة ثولة كولش ذاك هو اليشوفني يگلي فاهية، وصلت الغرفه دخلت...
جان المريض ممدد ع السرير وعاصر عيونه بالم شويه ونطبك الباب فزيت شفته واكف ورا الباب وهذا يعدل بگعدته الصراحه خفت حجيت بقلق
- هااا شبيه المريض
حجه الوراي بابتسامه ما ادري يراويني غمازته عود شوفيهن...
علاء -هسه يگلج شبيه مو ضلعي.
الصراحة گلبي گام يطگطگ ثنين وكل واحد ماشايلتة الگاع اباوع للمريض عدل گعدته وحجه بتعب: شبيها الدكتورة...
زينة -يا دكتورة؟
علاء -يعني يادكتورة صديقتج لبوة مدري ذيبه
أردفت بثول: هاا لبوة شبيها؟
علاء -شني هاي العركه الصارت من صباح الله
-يا عركه!
رمغت گصتي اتذكر هااا تذكرت العركه اي شبيها
علاء -بويه هاي البنيه ناويه تجلطني يعني على شني
تعاركت وگتلت ذاك السگط.
يحجي وذاك بس يباوع بعصبية مدري شكله هيج كلت اجاوب احسن انوب طام الباب منين أفلت
من الشباك طگطگت اصابعي ورديت بتوتر
ها هوه لزگه من اول ما داومت لازگلها
حيدر -شيريد منها؟
زينه-يحبها يعني شيريد منها وخطبها أكثر من مرة بس هي ما تريده
حيدر-ليش ما تريده؟
زينة-حجيت بعصبية...
شسويلها ما تحبه بس هو لزگه
حيدر -ليش ضربته الصبح؟
زينة -لزم أيدها لا لا جراها من أيدها مدري بعد بس هو هيج لو لزمها لو جراها...
حجة هذا الازم الباب مستهزء يفر بيده...
علاء -علمود لزمه ايد هيج سوت بيه
رديت علية بانزعاج: - وتحرگه هم هاي لبوة مو حي الله بعدك مسامع بيها
حيدر -والنعم منها بس ليش جان تگدر تعوفه وتمشي او ترزله فد رزاله معدله او تروح تشتكي علية
طلعو روحي يگول اني بمحكمة حجيت واني حاطة ايدي على خصري: - اگلكم انتم شعليكم بيها شنو تحقيق هو!
علاء -زنزن بنيتي جاوبي خاطر نمنع نقلها مو هسه إذا ما جاوبتينة ما نگدر نساعدها وراح ينقلونها
باخر الدنيا افتهمتي...
يحجي بهدوء وموجة كلامه إلى من گال زنزن معت وجهي صار نار تلبكت كولش.
-ها اذا هيج راح احجي شوفو هي ما تحب واحد
يلزمها تتتتخبل
علاء -هههه احلى شي هاي، اگلج زنزن ليش من صحت گامت ترجف وجهه صار احمر تريد تنفجر
زينه-ها اي والصوت العالي تكرها وما تحب التجمعات يأثرن عليها تحب الهدوء...
الاسمه حيدر بس يفرك بعيونه ما حجه شي بس هذا
ابو شوارب يحجي...
علاء -اكلج زنزن يعني مصابه بالوهواس القهري؟
زينة: اردفت بعصبيه لا منو كال هيج كل شخص مار بضرف يأثر عليه وهسه أنته شعليك بيها
علاء -علكيفج زنزن
حجيت واني اشر باصبعي: - هييي أنته ابو شوارب لا تكلي بعد زنزن ويله وخر اريد اطلع كافي مو من حقك تسال...
علاء-علكيفج زنزن علاء اسمييي علاءءء
زينة-علاء لو بيداء اني شدخلني.
علاء-هههه هم دكتورة وهم تحشش بش بشش
زينة-استغفر الله ديلا وخر
حجه الاسمه حيدر بهدوء ورزانة رغم مريض كلامه واضح ورزن...
حيدر-كليلها لاتبجي بعد خل تجي داوم من بأجر
زينة -يعني بعد ما ينقونها!
حيدر- اي
طرت من الفرح ماگدرت اسيطر على روحي حجيت بحماس: -هههه شكرا عن جد شكرا
علاء -جد لو خد
زينه-انته شبيك لهدرجه مركز بكلامي
علاء-انتي البديتي والشكرا گليلها إلى لأن اني
الحجيت وياهم يعني ما تشوفينه مدد شلون حاجاهم...
زينه -هاا يلا شكرا بس وخر اريد اطلع...
حيدر -اتصلي بيها گليلها على الخبر
زينة -يلا هسه
طلعت الموبايل من جيب الابكوت اتصلت عليها وشويه و فتحت
- الووو لبوة
اجاني صوتها بي نبرة خبالات اعرفها من تسودن والاغاني اجت بذني اخبالوتوة مو وقتج هسه راح اتفشل من وراها...
لبوة-ها زنون شلونج گلب اني زينه لا تخافين عليه
مابيه شي ما راح تصير بيه كآبة وانتحر ههههه...
زينه -شنو هاي انتي وين؟
لبوة-وين يعني بالبيت اگلج زنون ما تخلين اخوج يكتله واحد وينطونج فصلية بويييياااايي انوب اشغلج هاي الاغنيه واجيب الملا وياي وادگ وارگص
زينة -انتي شبيج تخبلتي؟!
لبوة -لج فكري ينطونج فصلية لشيخ يخبل انوب عصبي ويكتلج واجيج اني اسحله سحل گدام العالم اطير هيبته
زينة -غير يستقر بباي
لبوة -لج وداعه زيتونه اذا ما يخليج داومين الا اسودنه كل يوميه ادزله تهديد اخلية يمشي ويتلفت
زينة -لبوة كافي خليني احجي.
لبوة-هسه اني كاضه حلگج ماتحجين
زينة -باجر داومين
لبوة-هههههههه لا ولج ما داوم
زينة-لج ما ينقلوج بأجر داومين هنا
لبوة-شنو نزلت عليهم الملائكة؟
زينة -لا بس هاذا الضابط السويتيله العمليه حجه وياهم ومنع نقلج باوعت على علاء صحت
-لا لا صاحبه مو هو بس هو دزه...
گام يباوعلي ويضحك سحل روحي سحل بغمازاته.
لبوة -بس لاهذا الثور الهائج؟
زينه -هيوووووو علاء اسمه باوعت علية متفشلة
رد عليه برائه جنة زعل.
علاء-هاي فوكاها فوك ما رجعتج انوب سويتيني ثور
لبوة -ولج زينه انتي وين؟
زينه -بالغرفه
لبوة -بس لا يمهم
-ايي
- عزاا
علاء- على فكرة اني اسمي علاء شو كل وحده
مطلعتلي اسم هسه ابو شوارب وبلعناها انوب ثور
هسه تجيني وحده تكول طلي
زينه -ميععععععع
لبوة -زينه مو وكت خبالاتج انتي ويامن تحجين انتبهي.
باوعتله مخنزر على ومكتف أيديه عاگد حواجبة وصاحبه حاط أيده على عيونيه يضحك ضعت بهدومي وعلى يامنجي يوسف من البئر نجني من هاي الغرفة.
حجيت بتوتر وفشلة واضحة علية عود دكتوره وصرت طلي قبل شوية شگول عليج لبوة.
-تكول لبوة شكرا الكم ومعروفكم ما انساه ابد وتكول بعد الله يقدرني حتى اساعدكم بيوم من الايام لان هي ما تنسى ناسهة ودگول الله يوفقكم هواي هواي
علاء -هي هيج دكول؟
زينة -ايي هي ما سمعتها يله بلوة قصدي لبوة كتلهم
وصل شكرج سديت الفون حسيت بروحي جفصت
أردفت الله ينطيك وخر من الباب
اباوع اله غص بالضحك
علاء-شينطيني ام عيون.
يربي هسه اني ليش هيج: - ها لا قصدي الله يشافيه ان شاء الله
وخر من الباب طلعت احس صخنت ابقى فاهية وثولة طول عمري ماعرف احجي كلمتين بيهن خير، رجعت لشغلي كل شويه وأتذكر الغمازة
مو جنه ممثل بس وين شايفته راح اشوف الممثلين.
كلهم وأشوف المن يشبه اهوووو هسه شچلبت
شگد اني لزگه...
-----------
لبوة...
كولشي يهون ويمر بسرعة البرق الا المشاعر إذا نجرحت شيطيبهن لو يمحي اثر الجرح احاول بقدر الإمكان ماازعل ولا اذي نفسي بالتفكير لو بشي سلبي لأن هواي تأذيت من قبل اريد انصف روحي المحد نصفاها...
مر اليوم ما اهتميت للشي الصار لأن هالشي مو ذنبي ويمكن البعض يعتبره وقاحة وقلة ادب
بس بحالتي مااعتبر هالشي غلط...
من خابرتني زينه وگالتلي ماانقل فرحت أكثر لأن بنقلي راح يفرح البعض ويتشمت ماعرف شنو الشي الخلة هذا الضابط يحجي وياهم ماعرف يمكن لان شافني الصبح تنهدت اندك الباب رحت اشوف
-منوو.؟
ادهم -اني ادهم
لبوة-شتريد اصخم؟
ادهم -ومرض زمرد ودتني عليج
لبوة-شتريد گول من ورا الباب مثل السوريين أنا حرمة لحالي احكي شو بدك
ادهم -خاب باجر معزومه على الغده خطبت ريان
لبوة-اهوووو كلها ما تجي عدها دوام علساس ماتعرفني شنو.
ادهم -گالت اذا ما تجي ازعل وزعلي ثكيل هااا
لبوة-تدلل زمزم
ادهم -تجين؟
لبوة-ان شاء الله
ادهم -راح ابشرها اكلها جائت الأميرة دينزي بفستانها المزخرف بالالماس امداج اي والله
لبوة-ماراح ارد عليك لان مو من مستواي بس اكولك الله وياك انقلع
-غسل حتى غسل
راح ادهم نفخت بملل اهووو منين طلعولي مالي خلگ اشوفهم بس يله اروح حتى احرگ گلوبهم شوية شوفتي تغثهم هووواي، اليوم أحسه مختلف راح ارجع للمستشفى لازم ادقهم...
طبعاً بكل مكان اكو ناس غثه بالمدرسة بالجامعه بالعشيره ولحگونه بالدوام...
اني وزينه وتبارك ودكتور محمد اصدقاء كولش نسولف ونضحك والباقي مثل العگارب السم يمشي بدمهم...
دائما يحاولون يسوولنه مشاكل حتى نتعاقب لكن احنا مبتعدين كل البعد عنهم...
طلعت فستان زيتوني بلون عيوني قماشه يصير خفيف كلوش بيه كسرات من جوة مريح وشال قطني لون فاتح وبوت ابيض...
رشيت عطر خليت شويه تنت لشفايفي ما احتاج مكياج بس تنت خليت منه هم لخدودي مااخسر مكياج لبست سوار بيه عيون من الحسد مريت على إيلام شويه و خابرت ادهم يجي يوصلني
ادهم -بويااااااااااا شنو هاي؟
لبوة-ولبويه انجب لا اسحلك سحل
ادهم -عمي شوفتج تسحل اكبر راس
لبوة: ؛ضربته بوكس بضهرا انجب لا تمسلت
ادهم -سكتت يلا امشي بلوه
خزرته وصعدت وهو كل ساعه ينفزني
وصلت للمستشفى والواهس يحجي الف
لاكتني زينه تهز بحواجبها...
زينه -ولج شنو هاي تسطرين سطر هسه
اني منين اتلاكاها من ابو غمازات منج
لبوة-ها ولج منين هذا ابو غمازات؟
زينه -ها لا ولج هذا بطل مسلسل هندي مدري تركي المفلوك ضل ببالي من البارحة
باوعتلها بشك درت وجهي بالمكان وهمست: -مبين مبين
زينه -شبيج لبوة مو داكلج البطل مال المسلسل ليش ما تصدكين
لبوة-داده على كيفج راح تبجين مصدگتج مصدگتج
-اي عفية صدگيني
-لا الة الا الله كرهت الدوام لايا ربي لاتاخذ شغفي مني
-ها شكو ولج.
-نضراتهم وصخة
-كولشي بنضرج وصخ شنسوي نروح نغسل نضراتهم
-اوفف ياريت لان الوضع مقزز
-موبيدج نضيفة زيادة
كل وحدة منه راحت تبدي بشغلها جاي افتح الباب
طلع بوجهي الضابط حيدر صرنه وجه بوجه
رجعت ليورة و عيونة متركزة بوجهي اكرة من واحديباوع بوجهي ابتسمت وحجيت بامتنان.
-شكراً
رفع حاجب وسوة بيدة علامة النصر عگدت حواجبي اميز هالحركة قبل لاافسرها گال.
-هاي ثاني مرة الضاهر هواي تستهلكين كلمة شكراً.
استحيت احس تفشلت رفعت راسي اشوفه مركز على عيوني مقلص عيونه مثل اليذكر شي حجة وي نفسة بكلام ماگدرت افهمة.
حيدر-وين وين؟
-شنو وين؟ بيك شي أنت؟
عافني ومشه بدون لا يجاوبني استغربت هذا شبيه خطيه جرحة اخضر لاينفتح على الاقل واحد يسندة اليوم الثالث على تواجدة بنفس اليوم خرج من المستشفى المفروض يبقى يومين بعد...
رحت اشوف شغلي صار وقت استراحتي دامشي لغرفه الاستراحه وأشوف زينه وجهه احمر ومتوترة صحتلها مدري ما سمعت مدري غلست لحكتها استفسر منها.
- زينه شبيج؟
زينه-هااا شبيه لا ما بيه شي
لبوة-لج بابا مو على كولي شبيج أحد محاجيح
زينه -لا لا ما بيه شي.
انتي قوة لأحدهم
انتي امنيه لأحدهم
انتي الدواء لأحدهم.