رواية لبوة علي للكاتبة كفاية كاظم الفصل الخامس
لبوة...
لحيت ع زينه تحجي بس ما حجتلي شي
هي هيج بالبدايه ما تسولف بعدين تنكتهن وحدة وحدة...
خلصت دوام من وقت ورجعت لبيت جدي، واهسي صفر لكن احاول أبين طبيعيه، دگيت الباب طلعلي مهدي يصير اخو ادهم الصغير بوسته بدينه...
شكله بريء وهادء، اكرز عليه دائما اشتريله واصيحة اسولف وياه عنده لدغة بالراء احب اسمعلة من يحجي يدخل بالگلب هالطفل، جهال فاطمه ينگطرطون ما عدا ادهم جذب حباب مو مثلهم.
سئلته منو موجود گال كلهم سحبت نفس بضجر
ودخلت.
-السلام عليكم
الكل- وعليكم السلام
رحت زمزم بست ايدينها أردفت
-شلونج يلغاليه
زمزم -هلا بريحه الغالي ولو اني زعلانه عليج
گاطعه بيه واني موصيتج عود بية
لبوة -زمزم والله شغل ما الحگ
سعاد -شطلع هالشغل گولي ما تريدين تشوفينا
لبوة-حجيتيها بلسانج وجهج ما بيه شوفه يسد النفس
-دحترمي روحج واحجي عدل
ادهم -عمي حقج هيه هاي هم شكول
لبوة-مو بله.
دخلت فاطمه بوجها البشوش كمت اسلم عليها
فاطمه -هلا يبعد العافيه
لبوة -هلا بيج گلبي شلونج
فاطمة-من شفت عيونج صرت زينه نورتي البيت
لبوة-منور البيت بوجودج
فاطمه -اليوم أشعر بسعادة لامثيل لها
لبوة-دومج گلبي السعاده تبرالج
فاطمة-وجودج سعاده ريحانتي
ادهم -ها يمه جا اني مو ابنج صار عمري اربعه وعشرين وانتي ما مسمعتني كلمه حلوه بس وي
لبوة تصيرين شاعره
لبوة -رجائا ممكن تبطل غيرة...
فاطمه -انته ليش تجذب مو البارحه گتلك تصبح
علي خير ولدي العزيز
ادهم -هم هاي حاسبتها على غزل أن شاء الله
لبوة -الضاهر الجفاف واصل مرحله دور كلام حلو
ادهم -الجفاف وصل للنخاع جف نهر النيل وتفطر
فاطمه -يععع جا ما تكول وازوجك كل ما أگلك
تگول مو هسه
زمرد -يطبك مرض راح تصير شايب حتى بزرة ما تصير عندك شوكت تلحگ تخلف.
ادهم - اهووووو ما اريد لا دورلي سالفه زوجن لبوة بيبي اني اصغر من عدها ما تحجن عليها شو بس على گادرات صدگ لو گالو گدرت ابوي على امي
سعاد -فاتاها القطار بعد ياهو اليكلبها
لبوة -عفت القطار الج ولبنتج المهتلفه
اني صعدت بطياره
ادهم -لا يوجد شئ اسمه فاتك القطار فجميع القطارات تعود الى نفس المحطه
لبوة -هاي العبارة واسي بيها روحج انتي وبنتج
سعاد-والله بنتي الف واحد يتمناها.
ادهم -هسه خل نشوف واحد عوفينا من الف شو كلشي ماكو
زمرد -سعاد كافي مو وكتج اذا عندج سالفه
ماصخه احتفضي بيها لروحج
سعاد -تطرديني علمود هاي ام المستشفيات
زمرد -ما طردتج بس مووكت حجيج الماسخ هسه
فاطمه -هاي ام المستشفيات دكتورة تنقذ حياه
الناس تطلعهم من حلگ الموت الضاهر غاثتج هواي
ادهم -بيش كيلو الليمون گلولي
سعاد -ماشاء الله صايرين محامين لست لبوة
لبوة-دكتورررة وليس ستت.
شويه ودخل عمي سلطان يحجي بطريقتة أحسها استفزاز إلى هسة شورطني واجيت ساعة السودة الشفت بيها شكلة الماصخ...
سلطان -هلا يابويه شلونج شخبارج مشتاقين
لبوة -رديت علية من ورة خشمي من الله بخير
سلطان -دومج بخير بنيتي
لبوة: حجيت كازة على سنوني لا تگول بنيتي ديربالك تعيد هاي الكلمه مرة ثانيه
سلطان -افااا إذا ما تعتبريني مثل ابوج الموت اهون إلى من هلعيشه.
لبوة -هو انت لوبيك خير من زمان متت بس سامع اليكول العار ما يموت
سلطان -افا عليج لبوة مو يكولون العم والد
واني مبثابه ابوج الله يرحمه شلون تحجين
وياي هيج
لبوة -هههههههه هههههه ضحكتني والله قصدك جالد ودير بالك تشبه روحك بابوي افتهمت مايحتاح اعيد
زمرد -ولكم كافي عدنه خطبه مو عركه منين اتلاگاها نسكت واحد يحجي الثاني.
سلطان -يمه ما تشوفين حفيدتج شلون تحجي ولا يگول اني عمها احترام معدوم عدها شكبرها تصير بعد مو كبرت كبل نگول جاهل
زمرد -وانت شكو تحجي وياها لو الا تسوونها عركة الا ترتاحون يلا كل واحد يطش ولو من وجهي وانتي لبوة تعاي يمي
لبوة -علا ساعه انفجر احس الساعة وكفت لعبت نفسي يگول داخلة بسجن الحوت شويه دخل مازن
اكتملت السبحه ياربي جان ناقصتةة خرب يومكم كلكم مثل الاستفزاز اريد بيكم واحد خير افففف...
مازن -لا اصدق ما تراة عيني لبوة موجوده لو
اني احلم أحدكم يضربني ويقول لي يا مازن
انك تحلم
لبوة: -ضربته أمه سعاد وحجت بخباثة ومكر والله لو تسمعونها شلون تحجي يعلگ الضغط عدكم
سعاد-يمه لو تضل بالحلم احسن الك الواقع ما يبشر بخير
مازن -لا يمة لا تحجين هيج اگول الجو حلو حتى العطر يخبل الجو صار يموتتتت تعال وشم
لبوة -ان شاء الله يسمع منك ويموتك أنته وربعك
دگول امين
ادهم -امييين.
مازن: ليش هيج بنت عمي غير احنة نحبج
لبوة: حباك البين وسواك نصين وحبتك حية ام سبع روس بلكي والله نخلص من شكلك المعفن
-اگلج اشو انتي شايلة الفواصل عينك عينك شفتوها لو مجذب عليكم اني
زمرد: يلا مويزن شرف المحل عزلنة لا اجيك بعكازتي يبووو مانخلص شلون بيكم انة
مازن: هسه اني شحجيت غير اسلم على بنت عمي الغالية بس هي مجلوبة
لبوة: -جلب الجلبك ان شاءلله
زمرد: مانريد سلامك احتفظ بية لروحك يلا امشي منا ماعوزنة.
مازن: علكيفج زمردة رايحين يابة
لبوة: -اسوء شعور من تتواجد وي ناس راووك نجوم الضهر يمكن هذا المثل يقرب الاشياء العانيتها منهم تكرههم تحس بقرف منهم ومتواجد وياهم بنفس المكان...
بدأت الخطبه واني لعبانه روحي من الأجواء
والبشر البيها واكفة على صفحة بس اباوع بعيوني لا صفگة ولا ضحكة تدخل ناس منين مامنين ما اعرف واحد بيهم...
شويه واجت سمر هي وجهالها مثل امها فاطمه يا سبحان الله نفس الابتسامه والطلالة مبتسمة للهوة بس همه الارتاحلهم اول ما دخلت اجت علي...
سمر -واني اكول البيت منور اثاري لبوة يمنه
لبوة -منور بوجودكم
سمر -ولج شني هاي شتاكلين عسل يوميه زايده
جمال
ادهم -جمال بدون طول سوده عليه قزمه
لبوة: -خزرته أردفت عفت الطول لزرافات العدكم
سمر -بعد بيتي سوگجن ماشي وين ما يحطونجن
ترهمن مثل الطماطه بكلشي راهمة...
لبوة: -اكو ناس ينطون المكان طاقة إيجابية بطلتهم سمر وجودها راحه تضحك وتنكت هي وادهم
شايله ابنها بحضنها صغير أردفت بهمس
-اكلج سمر عادي ابوس ابنج
سمر-ههههه ولج شنو عادي نوب شلون تحجي
يكول راح تبوكه ههههه اكيد عادي فتحي ايدج
لبوة -لا ما أگدر اشيله خاف يوگع
سمر -اني يمج ما يوگع
لبوة -لا شوفي بقيه يمج اني راح اطلع بس أيده
سمر -ههههه هسه شگول عليج بس مو تاكلينها
لبوة -شگولولج عليه
سمر - لبوة المفترسة.
لبوة -خزرته بشقه فتحت الگماط على كيفي طلعت ايديناته الصغار حيل ناعمه وبيهن دفو بوستهن وشميتهن ريحتهم تجننن
سمر -خيه شو اني اشوفج تحبين الجهال حيل
جا ما تزوجين وجيبين طفل ينكرط مثلج
لبوة: -من كالت هيج حسيتها ذبت عليه تيزاب حجيت بعصبية مكتومة سمر لا تعيدين هذا الموضوع ثاني مرة اوكيييي
سمر -خاب لبوة على كيفج بس تدرين مو قصدي بس
اگلج هاي سنه الحياه واول وتالي مايصير
تعيشين لوحدج العمر كلة مو صح...
لبوة - سمر خلص سدي السالفه
سمر -لبوة لا تزعلين مني
لبوة -انتي ما ينزعل منج عزيزتي
سمر -صدك جا نطيني حبه
لبوة-ممكن تعوفين الحب وهسه اجيبلج كرتونه كرزي
براحتج
سمر -هههه صايرة تحسشين
لبوة-بس وياج گلبي
كملت الخطبه واخيرا بطلاع الروح جنت ماخذتلي مكان وحدي معتزله عن الكل، ريان ما عندي علاقه وياها لا رحت باركتلها ولاهم يحزنون لان الصراحة ماشايفتها غير مرة أو مرتين بالاكثر...
هي تصير بت اخو فاطمه گرايبنه حيل لكن علاقتي منقطعه وي گرايبي ابد ما التقي بيهم...
احنه عدنه اي مناسبه بالعشيرة تصير بيت جدي، إلى ساكنين بيه عمامي سلطان وطلال هما
وجهالهم بحيث بيت جدي كولش جبير وبنائة حلو رغم قديم...
خلصت الخطبه سلمت وطلعت بوجهي للحمام يمكن بالساعه اني أسبح تلوثت من شفتهم طلعت لابسة تراك خفيف شسورت شعري شغلت التلفزيون طلعت مسلسل الفناء تركي يجنن سجينات وكذاا...
صار المغرب شغلت قرآن، رحت توضيت بين ما يأذن إذن صليت إلى ولاهلي احس نار بصدري مشتعله يمكن لان شفتهم وانعادت الذكريات...
ياربي طفيها تعبت راح تحرگ الاخضر واليابس تعبت ياربي شوكت اخلص وما يخطر بالي شي تنهدت بضيق يمكن مااخلص ابد...
باوعت لاتجاه المكتبة فوكاها سجادة الصلاة مصفطة وتربة وبصفها السبحة مشمورة بعشوائية ابتسمت منضرها مريح احسن واحلى والذ شعور من تصلي وتحجي البداخلك لرب العالمين ترتاح نفسياً تحس جزء من همك انزاح...
خلصت صلاه رجعت السجادة لوضعها القديم طلعت للسطح محتاجة اشوفهم بس هلمرة غير ماكو بعيوني دموع بعيوني نار موجرة...
بست اصابيعي خليتهم على كلبي ع مكان النبض
دگات گلبي عاليه تنهدت بحسرة بقيت مركزه بيهم.
شي بداخلي يصرخ اتمنى اصرخ من كل كلبي ويروح هالشعور من جنت صغيرة ولحد هذا كبري ما اتذكر مرة صرخت حتى لو اوصل مرحلة من الالم اكتفي بدموعي التنزل بهدوء بكائي صامت...
بقيت ع هل حال أكثر من ساعتين بدون اي كلام ماگدر احجي شي الداخل فوضى والخارج بقمة الهدوء...
الجو بارد واني لابسه بس التراك ماحس بالبروده ابد النار البصدري ما تحسسني بالبرد...
الجو محتاج شي واحد بس وهو صوت باسم من يحصرك الالم والتعب والهم سوي شغلتين صلي لرب العالمين وابجي ع الحسين (ع)...
شغلت قصيدة ورحت بعالمها المليء حزن.
مفارگ وليلي يذكرني بهجرهم
ماانام وگاعد مگابل صورهم
الله لا ينطيك ضالم يا دهرهم.
----------------
زينه...
اكثر شي مثير الازعاج هو التطفل ومحاولة الشخص المقابل تخطي الحدود المرسومة وتجاهلها تماما...
بديت بدوامي المتعارف دخلت للمنزع متأخرة جانت عندي مناقشة بسرعه خلصتها اول ما فتحتت الباب حسيت نفسي انسحبت المنزع صغير مثل الحمامات
تقريبا انسحبت للغرفه بس كولش صغيرة...
المنزع فارغ محد بية بس اني احس بطني خبطت وگلبي راح يوگف اريد انطق مااگدر صرت اختض بمكاني فتحت عيوني بصدمه من شفته نفسة صديق الضابط علاء حجيت بصوت يرجف...
-علاء؟ شبيك! شتريد مني؟
احجي و التوتر والخوف يحجي الف حجة بابتسامة
ماكرة حسيتها.
علاء -اريد اشوفج
زينة -وهوه لأن تريد شوفني جايني هنا بيك شي أنته؟
علاء-بيه انتي
زينة -استجمعت كل قوتي وحجيت وياة: - انجب وخرة خليني اطلع.
علاء-ماسويلج شي بس اريد احجي وثاني مرة لاتغلطين
زينة -وشحدك تسويلي شي ترة اصيحلك لبوة وحگ اسد الزهرة تعلگك بالبنكه
علاء-هههههههه هههههه بويه بطني انوب لبوة
جنها قوطيه حتى القوطيه اكبر من عدها
زينة-هييييي لا تحجي على صاحبتي لا امرعدك تمرعد
علاء-يابويه يا يأبه ولج مرعدتي كلبي مايحتاج تمرعديني هو الگلب صار حصتج.
زينة -احاول أبين ماخايفة حتى لايستفرد بية رفعت اصبعي بوجهة شوف بلا لغوه زايده وخر خليني اطلع ومحمد إذا حاولت تتقرب لبوة دمر حياتك حتى شغلك تفصلك منه...
علاء-هههههههه صدك لو گالو الگرعه تتمزا براس اختها ترة درينه بيها لبوة بس مو لهدرجه رجال
شكبرني وشكدني طول بعرض قوطيه تسحلني
زينة-انجب ولاتگول قوطيه قوطيه بعينك
ومثل ما يكولون الحجارة الما تعجبك تفشخك وتطير راسك
علاء-بويه راسي هاي بلوكه مو حجارة.
زينة-ومرض يله كول شرايد خلصني اريد اطلع انت ماتستحي يلا وخر وخر
علاء-الله هيج الله يسمع من حلگج الينگىرط گرط ويصيبني مرض وتجين تعالجيني
زينة -استغفر الله يله وخر لا أصيح بصوت الم الناس
عليك
علاء-علكيفج زنزن اعصابج بس اريد اگلج شي واحد لا تضحكين بفهاوة افتهمتي اذا سمعت بيج ضاحكه گدام واحد ما تلومين الا نفسج
زينة -لابله وانته شعليك بكيفي اضحك ما اضحك بكيفي
علاء-هاي قبل لا اشوفج بكيفج بس هسه كلشي بكيفي.
زينة -انجب ولي من يمي وراي شغل راح انفصل من وراك
علاء-اليغلط يتعاقب ولازم اعاقبج
زينة -لابله خوفتني كمت ارجف يلا وخر لا اسطرك على عينك ومحمد راح أصيح الم المستشفى عليك
علاء-وجعه من الله شو بله اسطريني
زينة: -هو واكف بالباب واني قريبة علحايط بيناتنة مسافة شوية حسيت راح يغمى علية من الخوف صح ارجف بس ماسكتتلة ابد شوية وسكت بدأ يتقرب عليه واني ارجع ليورة انصدمت بالحايط...
ردت أصيح سد حلگي بشفايفه احس روحي راحت لابية أصيح ولا ادفعة لازم راسي بيده ادفع بيه مثل الحايط ما يندفع، نفسي انگطع روح ما ضلت عندي ابتعد عني گال جمله وطلع...
علاء-ديربالج على روحج مرتي
زينة: -نار وگبت بيه جسمي كلة يرجف مسحت شفايفي بقرف شلون يتجرأ ويبوسني انوب يگلي
مرتي دموعي گامو ينزلن غطيت وجهي بيدي وگمت ابجي بحركة مسحت وجهي لاتجي وحدة تشوفني وتطلعلها سالفة علية عدلت شالي وطلعت...
من داومت ولحد الان محد تجرأ وحجة وياي كلمة مو زينة لو تجاوز وياي، نأدي واجبنة ونطلع بس هذا مستقوي برتبتة عبالة محد يحاجية والناس تخاف من عندة وكولشي يريدة يسوية...
طلعت و احس الناس كلها تدري شصار مدنكه راسي وامشي سريع سمعت لبوة تصيح عليه غلست لان ادري بيها تكشفني بسرعة...
كملت دربي واجت وراي سالتني كتلها مابيه شي لكن اكيد ما تصدك بس منتظرة احجيلها عافتني.
وراحت واني روحي بايده دز دكتور جهاد علية بحتاجني مساعدة وياة رحت وجان التوتر واضح علية.
حجة مستفسر مني: -بية شي زينة
رديت بتوتر جنه راح يعرف ويطش الخبر بالمستشفى وعلى ابطل ذني يسودنني: -ها لا ما بية شي انت شلونك
ذب نفس ضايج لا والله طالعة روحة: -ماشي الحال
الصراحه انكسر خاطري علية اعرف عليمن ضايج بس محد بيدة شي الحب دماار للانسان الحمدلله مبعدة نفسي عن هيج سوالف كملت شغلي رجعت
للبيت...
-----------------
علاء: -بويه ترة بعدك جرحك اخضر على الأقل ابقى
يومين بالمستشفى لو بيك طفگة
حيدر -مابيه شي طلقات وطلعوهن بعد شكو باقي
ادگ سوالف وي السستر مادگلي
علاء-ترة شكوك وطلعوهن ما سحبوهن
حيدر-لابربك معلومه جديده
علاء-ومرض هوه مو صوجك صوج اليخاف عليك
حيدر -تخاف على لو تريد تبقى يم زنون
علاء-انجب حيدر راح ازعل من عندك أنته منين تجيب هاي الكلاوات.
حيدر-حبيبي وليدي سوالفك مو على ادري بيك سحلت روحك سحل بس شوف ترة البنيه مبينه نظيفه مو تفضحنا أسبح وخلي عطر من تروحلها
هاي اذا انطتك مجال مادام ذيج صاحبتها كلشي ماتحصل منها
علاء-حيدر انجب لا اجيك احط طلقه براسك ليش تخرب بسمعتي ترة اگل لامي عليك اخليهة تشهرك بالمنطقة
حيدر -ههههه شو كايم تزاكط عليه على كوله
دكتورة لبوة جنه ثور انت ثور افريزي
علاء-ولك هاي لبوة طرگاعة بويايييييي طك بالكاع.
حيدر -الضاهر حاط عينك حتى على الفراشه والسستر بعد بعد طلعهن لو انت حتى بالچلبة تنعجب ما الومك عفطي
علاء-لا ولك هاي مثل اختي ماباوعتلها بهاي النضرة الخايسة صاحبة مرتي بعد استحرم افكر بيها
حيدر-مو جنت تكول انجب ومسوي روحك ثكيل
كبل مرتك من اول نظره شني هاي ولك
علاء- فهاوتها وضحكتها شكتني نصين مو بت دهر فرها فر خاب تخبل يلا اني اخذها وانت أخذ صاحبتها تفيدك خبله مثلك تتراهمون حتى نفس العقدة.
حيدر-انجب وإذا عدت الكلام اشمرك من السيارة
وهيه تمشي
علاء-ترة إني جاي اسوق
حيدر-يله انجب وامشي لاتحجي هواي سوالفك خليهن الى بعد غد
علاء: -هسه اني نعديت منها بس انت شبيك كله انجب ما انجب
حيدر: -شوف موبايلك و بلا لغوة زايدة
علاء-هذا جلال الجلب الوو. ها جلوله يمعود ارجع احنا طلعنا من المستشفى
جلال -شني ولكم جني شبسرعه كام على حيله
اني صخونه انام سبوع كامل بالفراش مو طلقة
حيدر -قل أعوذ برب الفلق من عينك.
علاء -التانكي يتأثر وهوه لا
جلال -امداكم عود جايبلكم غده سم حتى سم
تاكل حويدر
حيدر -كبدي اكله أنت وسعديه ام البن تونسو شضال بالدنيا بعد روحي
جلال -حمددديه حمددديه جم مرة اكررر احفضو اسمها من هسه مااسمح لاي بشر يغلط باسمها حب من اول روبة
علاء -افتهمنا آذاني انطرشت تف عليكم مكروهين
حيدر -هاي عليمن ولك
علاء -على جلال مو عليك
جلال -بسيطه اني أعلمك بس اشوفك اذا ما
اترس وجهك تفال ارد الدين.
حيدر -ولكم كافي لعبتو رواحتنا الله ياخذكم ثنينكم
ويخلصني منكم لا ليش ماياخذني ويعوفكم سوة
تتلاطمون على فراكي
علاء -حبيبي لتضوح من ورا هذا التافه هسه
اني اغير جوك بس لتضوج
حيدر -خاب انجب مالي خلگك وصلني ولي من وجهي
علاء-ليش حياتي گولي من شنو ضايج حووووبي
جلال -صمام گلبي عوفي هذا چنة بومه تغزلي بيه
جايبلج اكل وجاي
علاء -فوديتك حبيبي أنته اموووحح رومانسي فتاك
حيدر -وصلني لبيتي وسد التليفون لا تسوي حادث.
وانته نعال ما ريد أكلك روح اندحس
جلال -ها فوكاها امداك حويدر
علاء -حبيبي جلجل امسحها بوجهي لتضوج
عيوني أنته هذا ميعرف يحجي
جلال -بعد رويحتي بس انتي تعرفين تحجين
علاء-امووووح حبيبي اجه اخوي يله باي باي نتخابر غير مرة
علاء -شعجب ما رحت لبيتكم؟
حيدر-محد يدري على ما اصير زين ارجع امي تنجلط عبالها بالواجب بعدني
علاء-تحتاج شي ابقى يمك اذا تريد
حيدر-جفيني شرك ما ريد شي.
علاء- بهل الزمن اليسوي خير محد يريده سوي زين وذب بالشط
حيدر-هسة انته وين رايح؟
علاء-امر بالمركز اكمل شغلي ومناك جلال الگاه كدامي
حيدر-الله وياك وديربالك من تسوق انتبه لطريقك مو تلتهي بالموبايل وتسوي حادث عوف النعل لاتلتهي بية
علاء-حاضر گلبي وانتي ديربالج على روحج وعلى الجهال اكلي زين ومشطي شعفتج بعد روحي
حيدر-اكل خر
تنهد ودخل للبيت بخطوات ثكيله بيت متأكل لاحد يعلم سرة شجرة الزيتون تعيد الحيوية.
دخل للمرسم بخطوات متثاقلة سحب
لوحه فارغه واخذ الالوان وبدأ يرسم...
وحوله عشرات من اللوحات كانة فنان يرسم لوحه يرجع يرسم غيرها لنفس االرسمة
يحجي بكلام مامفهوم ملجأة الوحيد هوايتة الرسم وخصوصا لرسمة معينة ينقاش نفسة بخصوص رسمة اللوحة.
-البركان دخل على الغابه لا لا
الغابه دخلت على البركان لا لا
نوجدن بنفس اللحظة غابه وبركان.
حيدرا.
-مو هيج هي گالت مو هيج
اوگفي راح ارسم احسن واعلمج
بس لاتبجين
تعب من كثرة المحاولات...
گعد على الكرسي سحب جكارة شعلها
وبدأ يسحب الدخان ويزفرة في بالجو امتلئت الغرفة دخان...
هناك اسئلة تجول في مخيلتة كل شي غير واضح
طلع بخطوات ثگيلة گعد على احد القنفات القديمة رفع راسة للسگف ويشتم ريحة البيت القديم بهذا البيت ذكريات قديمة يتمنى ترجع ويعيش بوسط ذيج الايام الجانت ايام خير علية...
ياترى شجانت من ايام!
ما نويت احبك هالكثر، بس
عيونك خذت بالي وخذتني.