رواية لبوة علي للكاتبة كفاية كاظم الفصل الثامن
لبوة -طلعنة للدوام اني وزينة وصلنة ادهم ورجع بعدنة هستونة نريد ندخل شفت من بعيد وجةةالخير حجيت بانزعاج...
-اهوووو لا هله هسه هاذا هم وجه نصبح بيه اوففف استغفرالله واتوب إليه هسه وين نولي نطير اروح للفضاء حتى بالفضاء تطلعلي فضائين مزعجين
زينه -ولج نصي صوتج لا يسمعج
لبوة-واذا سمعني ليش اني عايلة بيه هو يجيبها لنفسة تصرفاتة ونضراتة تستفزني شيصير لو يفيرهن فتت من يمه واردفت...
-صباح الخير يا بطل.
جهاد -صباح النورر
لبوة-لا لا هاي ما متوقعتها خير ومنك
زينه -طارر الخير
جهاد -مصختنها زياده عاد شبيجن من الصبح
لبوة -هاي يعني شي گتلك صباح الخير معقوله ترة جاي ادي التحية
درت وجهي ومشيت افر بيدي...
زينة-لبوة اليوم الله اليستر من عندج
لبوة-ليش يأبه
زينة-عاعععع ولج كل يوميه هادئه بس اليوم باديه بخبال
لبوة-هرمونات داده
زينة-سيطري عليهن.
لبوة-ههههه خاب ما تسكتين شصيطر معسكر واسيطر علية، عود اليوم اذا كملنه من وكت نعزم سمر على الغدة
زينة-يايييي شگد اتمنى اشوفها
لبوة-تشوفينها داده، يلا اغربي عن وجهي عندي شغل
زينة-يا هاي مو گاعد نحجي
لبوة-گاعد لو يركض
زينة-هههه متضحك، اليوم بس الله يستر
لبوة-اگولج صدوك تبارك شوكت داوم
زينة-بس تخلص الامومه مابقة شي وأشوفهة الغثة
لبوة-لا تحجين على البنية بالعكس تبو حبابة
-دومج دافعيلها وهي وجههة وجهة البومة.
-صديقتنة تأدبي من تحجين عليها وشبيها البومة عيني اشو تخبل، ديلا روحي لشغلج ادعبلي...
-من تخلصين رمشيلي
-تمام
كل وحده بينة راحت لقسمها بديت بشغلي المعتاد بنص دوامي استدعوني لردهة الطوارئ...
كملت البيدي ورحت لردهة الطوارئ خلصت شغلي بيها وي طلعتي صادفتني طفله صغيره بملابس المدرسه جنطتها بحضنها گاعده على الكرسي تبجي.
حزت بخاطري وحركت مشاعري لازم اعرف شبيها مشيت باتجاها گعدت يمها وهي على وضعها، طلعت من جيبي نستله قدمتها باتجاها همست واني العب بشعرها...
-تريدين يحلوة
رفعت راسها، وجهة متروس دموع والحزن واضح عليها...
لبوه-يگولون الياكل حلو يصير يومة حلو
ردت عليه وهي تمسح وجهة
-ياهو يگول؟
-العلماء
-اي بس همه جذابين
-منو يكول جذابين ذولي علماء ميجذبون ابدد
-هم ابوي جان يجيبلي منهم
-وهسه؟
-هسه هوة مريض محد يجيبلي بعد.
-يصير زين، ويجيبلج مثل قبل وتصيرين سعيده
ردت بعفوية الاطفال المتعارف عليها...
-هوة حيل مريض، ما يگدر يحجي گلبه يوجعه
اشرت على گلبها باوعت عليها بقهر شكلها يكسر باب الگلب
-لبوة راح تعالجه
عقجت حواجبهة وحجت بتساؤل...
-ياهي لبوة؟
- اني لبوة، هسه عرفتي اسمي لازم اعرف اسمج
-يقين اسمي
-اسمج حلو مثلج
-اگلج انتي دكتوره
-يي
-خليني اشوفه حبابه فدوه مو انتي محد يحاجيج.
كلماتها يحرگن گلبي تحجي برائه ممزوجه بقهر رديت بحسرة بس هسه هوة تعبان، من يصير زين ادخلج اله...
-خاف ما يصير زين ابد
-لا يصير زين ويرجع للبيت، منو وياج جاي؟
-محد بس اني
-ليش، امج وين واحد من اقاربكم موجود
-امي مزوجه من زمان وعدها فروخ، وعمامي عدهم شغل يكولون شني كل يوميه نبقه يمه وعايفين شغلنة على مودة
عيوني گامن تطلع منهم حراره طفلة وحدها بالمستشفى يم والدها...
راح تروحين للمدرسه؟
-جنت بالمدرسة، بس المديره فصلتني
-ليش فصلتج؟
-لأن ما احضر واجباتي وأخذت صفر بالاملاء، البنات
گامن يصيحن على الكسوله، رؤى گالتلهن يصيحن علية...
كضيتها كتلتها والمعلمه اخذتني للإدارة والمديره گالتلي هم كسوله وهم وصخه وتعاركين، گلتلها اني مو وصخه هنا الوصخات.
ضلت تغلط وترزلني، اخذت كتبي بقت بس الدفاتر شوفي...
فتحت جنطتها تراويني دفاترها قديمات مشگگات احس بنار تاكل روحي هي تسولف واني ارجف.
من تحجي جنها تذكرني بطفولتي هم هيج جنت نفسها كل يومية متعاركة وماخذيني للمديرة...
-ليش ما رجعتي للبيت؟
-گلت اجي اشوفه، يگول من اشوفج اصير زين
-اروح افحصه واجي ابقي هنا تمام هزت براسها
-تمام
اخذت الاسم منها، مسحت وجهي ودخلت ادور عليه لگيته جان رجال جبير بالعمر كلش تعبان فحصته.
وقريت تخطيط القلب والاشعه المسوينها اله، گلبه تعبان ويحتاج عمليه الشرايين مسدوده طلعت من الردها امشي سريع اول ما شافتني گامت سويتلها بيدي اگعدي...
رحت لدكتور محمد ما لگيته بغرفته، سألت عنه
عنده عمليه، اخذت التقارير التخص حالته، صعدت
فوگ السطح، شغلت موسيقى، بديت ادرس حالته
اتصلت بدكتور محمد گال هسه اجي سمعت صوتة وراي درت وجهي علية حجة بابتسامة...
-شلونها دكتورتنا العصبيه.
-لا دكتور انوب أنته علي، اني مو عصبيه بس مرات اتعصب
-ههههههه قصدج مرات تصيرين هادئه
سويت حركه البوز عود زعلت حجيت واني مغمضة عيوني من الشمس -دكتور تساعدني
-اكيد احجي شصاير وياج
-اريد منك تقدم موعد العمليه، لان الحكومي ينطون موعد لسنه
-المن العمليه
-للمريض ^^^^^^^^^
-شنو مرضه؟
- مريض قلب
-بس اني مو اختصاصي قلبيه
-اعرف دكتور سليم اختصاصه قلبيه، بس اريدك تحجي وي المدير يقدم موعدها
-تدللين بعد امر خدمه.
-هههههههه صدوك يعني راح نسويها هذا الاسبوع
-احاول اگله حالته خطرة ما يتحمل لازم هذا الأسبوع
-شكرا والله حتى كلمه شكرا استحي اگولها، الله يوفقك
-واجبي هذا، بس العمليه لازم دكتور سليم يكون
موجود وياج
-اعرف هسه اروح اناقشه بحالته جاي ادرش بيها
-دكتور سليم اليوم إجازته بأجر يجي
-تمام أن شاء الله خير
رجعت للردها لگيتها بمكانها، حاضنه نفسها، مثل
حركتي بالضبط اول ما شافتني كامت...
امشي واحس الدنيا ما واسعتني من الفرح، نزلت بمستواها، اردفت والضحكة شاگة حلگي
-راح نسويله العمليه ويرجع ابوج قوي
حسيت بفرحتها فرحة الاطفال مميزة حيل
-تريدين تشوفينه
هزت راسها ب اي، لزمت أيدها ودخلتها للردها اول ما شافته ركضت اله...
رغم آلمه بس يحاول يسوي نفسه طبيعي
بقيت واگفه بمكاني واباوعلها شلون تسولف وياه
وتمسح على رأسه...
لازمه إصبعه وتحجي، ساعه تبجي، ماتحملت المنضر منظر الاب وبنتة ماكو اجمل من هيج منظر طلعت بوجهي للسطح گعدت الكرسي المتواجد دائما حطيت راسي بين رجليه، بس صوت شهگاتي عاليه...
الشي الوحيد الماگدر اسيطر عليه هن دموعي دائما يغدرني اخاف ينزلن گدام الناس هدأت نفسي ونزلت طلعتها من الردهة...
-يلا شفتي بطلج هسه اخذج وانروح للمدرسه
-يا مدرسه بعد اني بطلت ما روح
-تؤ تؤ بأجر اساعد ابوج ومن تكبرين تساعدين غيرج.
-ما روح كلها تضحك عليه، المديره تحجي عليه
وحتى صديقات ماعندي محد يحبني
-احجيلج سالفه
هزت رأسها اي
-تعالي نگعد ونسولف
اخذتها وگعدنة على الاستول الموجودة بالممرات بقت مركزة وياي.
قبل 13سنه جنت طالبة بالمتوسطة.
بالفرصة گاعده وحدي لازمه الدفتر بيدي ارسم رغم مو كلش اعرف ارسم، اجت اسماء جرت الدفتر من عندي حيل استفزتني واني كلشي ولا واحد يستفزني جانت دور مشاكل وياي نهضت وحجيت بعصبية...
-لجج انتي شلووون تلزززمين دفتري، جيبيهةةةة
عرفتها تريد تلعب وياي لعبة الحقارة...
-ما انطيه تعاي اخذيه
سون دائره وگامت وحده تشمره على الثانيه لزمت اسماء من شعرها گطعتها تگطع، رجعت على نور وهبه شبعتهن گتل، اجت المدرسه دزتني للاداره
المديره جانت گاعده على كرسي من شافتني
گامت صارت مقابيلي حجت بصوت عالي...
-هم انتي كل يوميه مسويتلج عرگه، هاي مو غاببببه
وكل اليجيييي تفترسيننننه
بقيت مركزه بعيونها صاحت بيه...
من احجييي وياج نزلي عيوووونج
بقيت بنفس هدوئي، رجعت گعدت على الكرسي وهي تأشر علية...
-انتي ما تنفعين لشي؛شكم مرة جايبتج لهنا؟
ماتبطلين من سوالفج؟ مسويتهههاااا غابه
مدررررسه هنا مدرررسة، اگول يتيمه خطيه
محد الها كل مرة اعديها الج وتالي وياج...
فار دمي مااحب واحد يكلي هاي الكلمة غلطت بس من كبرت تندمت هوااي
-انيي موووو يتيمه افتهمتتتييي لا تستخطيني مرة ثانيه
زمجرت بوجهي وهي تأشر للباب...
-اطلعي برا لا تلفين اعصابي أكثر برااااااااا
هو هذا الدفتر المسويه المشاكل عليه؟
شمرته بالگاع، رحت بهدوء ممزوج بعصبية، رفعته
من الگاع، سحبت كلنس من گدامها مسحته، لزمت
الكتب الفوگ الميز، شمرتهن بالگاع ماهتميت الها ابد ولاخفت احب أخذ بثاري بنفس اللحظة...
رفعت أيدها تضربني، لزمت أيدها دفعتها صاحت بصوت البلصفوف سمعته اذني انطرشت بوكتها...
-أنتي مفصوولهه، غبيههههه، ما تنفعين لشي.
ما اريييدددد اشوف وجهجججج هننناااا اتمنالج النجاح بحياتج إلى راح تقرگين بمشاكلچ...
رديت بعدم مبالاه واني ارفع بحاجبي
-والج بالمثل
-ادبسزززززززز غبيههههه طايحه الحض براااااااااا
رجعت للبيت طالعة روحي الدراسه الوحيدة هي التخلصني من الاني بية بس شسوي يفتعلن المشاكل واني ما اسكت خليت جنطتي على راسي لاكتني جدتي زمرد تجاهلتها ومشيت صاحت وراي...
-اوگفي لبوة وين جنطتج ولج اوگفي يمفلوكة مو احاجيج بس لافصلوج ولج انتي ما تبطلين مسوي روحج شقاوة، شلون كل مرة اروح أتوسل بيها خاطر ترجعج
-ما طالبه من عندج تروحين تتوسلين بأحد علمودي
-انفصلتي لبوة مو احاجيج
-لابس گالت انتي ذكائج فائق ما تفيدج المدرسه
سلموني شهاده تخرج گالولي الله وياج اگعدي بالبيت لاتعبين روحج بالروحة والرجعة.
-يمة من السانج وتالي وياج ترة تكعدين بالبيت حالج حال سميرة وتدرين كلش زين شني مصيرج راح احجي وي شيخ سليم يرجعج شدكولين
-ما ارررررجع لو شيصيرر
-اي ضلي لا ترجعين، وصيتج لبوج نسيتها مو گلتي
اصير دكتورة مو هاي حجايتج اله لو نسيتي دضلي خلي سعودة دك على اذنج العمر كله...
سكتت بس داخلي مشتعل نار هاي كلمتي الأخيرة ما لازم اعوف حلمي من ورا ناس بدون اخلاق لو مديرة حقيرة ولا اضل لسعاد وجهالهة خدامة مثل ماگالت.
-اي بس مو بهاي المدرسه تنقلوني منها...
-خاب جا وين اخليج ذيج المدرسة بعيده وخط ما عدج شلون دبرينها يمفلوكة
-عادي امشي ما اهتم عندي رجلين الله المن انطاهن الي
-اخخخخ يعنادج اخخخخ هسه اروح احجي وي الزلمه يشوفلج مدرسة
-مو تتوسلين بيه ما وصيج بعد
طلعت من البيت گالبة وجهة نقلوني لمدرسة جديده، جانت كولش بعيده رجليه طيح بين ما اوصل واروح وارجع وحدي، بقيت على وضعي
بالفرصة ارسم لو اكتب ما اختلط باي أحد...
رغم اكو طالبات يجن يحجن وياي يريدن اصادقهم بس مااگدر تحملت اشكال الحجي، المتوحده جان الكل يصيحلي المتوحده تحملت الطريق التعب الاذية وشوفي اني وين وهما وين...
دائما يصادفني البنات الجانن وياي بالمدرسة يغثني اعرفهن من اسمائهن صايرات عجايز وحالهن حال واني وياهن نفس العمر الله كريم والشهادة تصنع منج شخصية قوية صعب تنكسرين بسهولة تصير الج مكانة بالمجتمع لاتضيعين هاي الفرصة من ايدج بعدين تدندمين بگد شعر راسج.
-يلا هسه نروح للمدرسه الدوام راح يخلص، بس
ارجعج وباجر ترجعين داومين
-ها هية شكراً الج دكتورة.
-اخ انتي اليوم شكرتيني بس اني ماگدرت اشكر شيخ سليم شگد ضجت عليه تمنيت يبقه عايش واردله المعروف.
-جا هو وين راح
-الموت اخذة
الله يرحمه دائما جان كل ما يشوفني يگلي گواج الله بنيتي صيري طبيبة وعالجيني بلاش مو تأخذين مني فلوس چنت اگله ما اعلاجك بلاش الا بفلوس اخخخخخ...
اريدج توعديني ما تعوفين دراستج مهما يصير وما تهتمين لا لمتنمر ولا لحاقد، كولشي راح يتغير وتنقلب الموازين خلي هاي الكلمه بالج لاتنسيها (شهادتج سندج)
لا تگولين لشخص هو سندي، الانسان يتغير يمكن
يروح يبتعد يموت، فلازم نخلي سند النا من بعد
رب العالمين وهي الشهادة...
يلا گومي اخذ إجازة زمنية نروح للمدرستج
اخذتها للمدرسة حجيت وي المديرة، شرحتلها حالتها.
بقت تعتذر گالت مااعرف وصيتها عليها، رجعنا للسوگ اشتريتلها كم قطعه ملابس على ذوقي
ومستلزمات تحتاجهن
-تاكلين شي حبيبتي
-بكيفج
اشتريتلها لفه وعصير كملتهن...
-يلا هسه ارجعي للبيت وباجر ارجعي، ديربالج على نفسج اوكييي
-اوكيي
راحت تركض گدامي شمرتلي بوسه بالهوى ومشت، رجعت للمستشفى فرحانة وبداخلي اترحم لشيخ سليم لاكتني زينة متخوصرتلي وعاگدة النونة...
زينه -ها ولج لبوة صار شگد ادور عليج، من اتصل.
بيج ليش ما تجاوبين ست محاسن شدعواج علينة
-يبوووو جانت عندي شغله
-مو گلتي اعزم سمر اليوم
-هو هيج عزمتها، خابرت ادهم يجيب مسواگ
-ليش ما شتريتي من المطعم وين تلحگين هسه
-ما احب اكلهم، عوفيها على داده
رجعنا للبيت ذبيت السترة والشال و سويت تمن احمر وزلاطه خلطت لبن شويه واجه ادهم جابلي الوصيته عليهن غسلت السمج تبلته وخليته بالفرن رجعت اسوي خلطه للوجه نصيت التمن اجتني زينة...
زينه-اساعدج بشي.
-لا يگلبي ما عندي شي كملت
گعدت زينه شويه اندگ الباب راحت تفتحة
زينه -اروح افتح الباب، هلو تفضلي
سمر -هلا بيج گلبي انتي زينه
-ايييي
-يمه فدوة للله شهل جمال
-عيونج الحلوه تسلمين گلبي
لبوة -حجيت واني اشتغل هلا بسمرة نورتي
-هلا ب لبوة المفترسة
-ما تعوفين هاي الكلمه
سمر -ما مجذبه عليج
لبوة-اجت باتجاهي صحت بيها لا سمر عليج الله ابقي بمكانج لاتتقريبن
سمر -شبيج اريد اسلم عليج گبررر.
-مو وگتها بعدني ما سابحه روحي طالعه من خشمي
شوفي العرگ يصب يعع
-يعني الا تسبحين
-شي طبيعي ما تشوفيني وصخه
سمر - وين اشوف جنج چكليته
-تؤ وصخه
- خاب زنو هاي شلون مصاحبتها الله يساعدج عليها
يمكن لو لزمتيها بالغلط ترفس بطنج
زينه-هههههه متعوده على خبالاتها
لبوة -نعمه الله عليجن سويتني مخبله
سمر -ليس لدي علاقه بما قالته هذه السليطه
زينه -يا نوب صرت سليطه
لبوة -لعد بس سويتيني خبله
سمر -كما تدين تدان.
لبوة -نظام الحياه هيج يگول، وأن شاء الله ينطبق
باسرع وقت على الكل
سمر سكتت وزينه ما تعرف شي. يلا اني اروح
أسبح انتبهن علىالسمج لا يحترگ، رحت سبحت طلعت من الحمام لافة المنشفة على راسي بوست ابن سمر ورحت للمطبخ صبيت تمن خليت السمج بمواعين طوال، الطرشي ولبن، تمر والزلاطه فرغتهن بكاسات صغار...
-سمررر زنوووو تعالن تغدن
سمر -ولج انتي جني يمتها طلعتي
لبوة-قبل شويه
زينه -ما صحتيلنة نصب وياج.
لبوة-ايباخخخ يگول صدوك عزيمه ماتسكتن
زينه-هاي عزيمه مال ناس مثقفين دباوع الترتيب
سمر -دباع الجمال
زينه -دباع الاناقه
لبوة -بابا انتن شبيجن، تعالن اكولجن انتن منين
تعرفن بعض متقابلات بدون علمي من قبل!
زينه -ما اعرفها ما اعرفها لم اراها من قبل يا اختاه
سمر -الله وكيلج ومحمد كفيلج ما اعرفها اليوم شفتها
لبوة -لعد شبسرعه تأقلمتن على بعض
سمر -ممكن تعوفين اسألتج السخيفه وتخلينا ناكل
زينه -مصارين بطني تشابچن.
لبوة -دباوع التشبيه هسه مال اكفخج على عينج
سمر -اسسسسسسس بدون نقاشات حادة خلونه ناكل
لبوة -گمزتيني گبر ولا يگول متزوجه وعدها جهال
شوف تصرفاتها
سمر -طززززز بكلامج الباطل
لبوة-خوب زينه ذبتها على الصامت بعد دقايق تمسح
السفرة
زينه -ومرض انتي مو ما تقبيلن واحد يحجي من
ياكل
لبوة -اكلن يابة اكلن اروح اودي غده لادهم
عوفولي وياچن مو تمسحن المواعين ماوصيجن بعد.
رحت لبيت جدي دگيت الباب طلعت فاطمه سلمت عليها انطيتها الصينيه جلبت بيه ادخل تعذرتها وتمشيت للبستان اشوف إيلام حضنته قوي وكالمعتاد مشطت شعرة...
اخذتلي شوية گلت اروح بدربي انطي الملا فلوسه قبل لا يخلص الشهر مشيت لبيته مسافه مو ذاك البعد دگيت الباب طلعت مرته سلمت عليها وانطيتها الفلوس و رجعت...
بطريق الجرعة شفت الغرفه نفسها، لعبت روحي شفتها من بعيد نفس القذاره حيطانها سودة اسمع صوت ضحكات حقيرة من بعيد حركت راسي بانزعاج.
-اي هو. هو
-ههههههههههه شلونج لبوة ملكه الغابه سوري اعتذر رجلج ملك الغابه بس للاسف انتي ما متزوجه منو يصير مالكها أنتي لا لا ما يصير
-مازززززززننننن شتريدددد لا تلعببب بالنارر
-اعصابج ما اريد شي بس ما يصير لازم تشوفين
ذيج الغرفه تسترجعين ذكرياتج الحلوة.
خنگته من رگبته بكل قوتي واحجي كازة على سنوني
-ماززززززن الووووصخ بوساخه هاي الغرفه
تريد تموت گلي لا تستفزني مو من صالحك
انته تحجي وياي من كل عقلك مو تدري بيه ماعندي عقل...
، صار وجها احمر طوخ وابتسامتة الخبيثة على وجهة حسيته راح يفقد دفعته من صدرة حجيت محذرتة.
-ثاني مرة لا تفكر تحجي
-هه هه هه عبالج تنسين لا ما تنسين انتي هناك
مكانج
رحت ضربته راجدي دار وجهة.
-عبرتكم من زمان لا تنسون اني غالبتكم بهواي أنته وجلابكم...
عفتة ومشيت صايرة نااار، مرات مااحس بروحي أفقد تجيني قوة لا إرادية مثل اليصير بيه صرع يسد ايدة بقوة هيج اني اذا شخص استفزني أفقد علية...
رجعت للبيت دمي فاير بوجهي للحمام غسلت ادية صارن حمرر الا عفتهن گعدت اكل وي البنات بس بعديش نفسي نسدت...
سمر -شبيج وجهج احمر
زينه -صدوك لبوة بيج شي
لبوة: حجيت بعصبية: من زمااااان وووجهي احمررررر شبيههه.
زينه-شبيج داده اعصابج
لبوة -مابييييه شششيي
گامت زينه وراها سمر گالن شبعنا، مسحت وجهي واستغفرت الله هنا شنو ذنبهن أصيح عليهن باوعت للاكل وتنهدت...
. شكد جنت مشتهية اكل هسة ابد اريد اتقيء لميت الاكل أجن البنات يغسلن المواعين ماحب واحد يشتغل بمكاني ابدد...
سمر -جيبي خية اني اغسلهن روحي اكعدي انتي تعبانة من الدوام
-تؤ
سمر -يا عاد خليني اساعدج بشي
لبوة-مااريد منجن شي بس ارتاحن اهم شي راحتجن.
سمر -مرتاحين خية ارتاحي انتي
-هههههههههه كل هاي السنين طلعت المواعين متعبتني وسالبه راحتي افااا
سكتت سمر و زينه بس تباوع ساكته...
لبوة-يلا بنات طلعنا فلم بين ما اكمل
راحن البنات بعد كلمتي كلمة عزلت المواعين وغسلتهن احب اشتغل شغلي بيدي كملت المطبخ رجعت على البيت نضفت الأرضية بديتول ومعطرات تضيع ريحتة...
سمر وزينة ضارباتها سوالف شكد يحجن رحت لابن سمر طلعت ايدينه شميتهن بوسته ورحت يم البنات انضم لحديثهن على الرغم ما احب اسولف...
-اگولج سمر ترا بست يزن
سمر - ههههههههههه بويه بطني ولج زينه كضيني
لبوة-هسه شبيجن وانتي زينه لا تضحكين لا اكسر سنونج
سمر -عوفي هاي المسكينة ولج اني جم مرة گتلج عوفي سوالف الحراميه يگول تريدين تبوگينة عادي بوسية ليش تگليلي
زينه -انتي وين شايفه حرامي يريد يبوگ شي يگول.
سمر -هم صدك، ولج زوينه مشيها الي
لبوة-ومرض غير ابنج يعني شلون ابوسه وما اگلج خاف حرام
زينه-هاي البت شريفه اعجبتني
لبوة -ديلا اسكتن يلا اموري حبيبي تعال افرك فريرة
سمر -شو انتي ما تحترمين هاي عليمن اسكتن وتزمخين
لبوة -يعني عليمن اكيد عليجن، ترا لا تشوفين
نفسج متزوجه وعندج جهال ابقى اكبر منج
زينه -لا لا لا اصدق ما تسمعه اذناي لبوة اكبر من سمر عزاا
سمر -لج هاي لبوة اكبر منه اني وادهم بس الطرگاعه.
شكلها تبين بعدها بالمتوسطة
زينه -قزومه
سمر -لا ولج هاي فصمه، جانت بالاعداديه الملا
يكلها عمي ما تجيبين واجب بنتي اليوم غايبه بالخامس وياج شعبه ب ومن ترجع تگله ما انطونه شي وثاني يوم اجت البت تبجي المعلمه كاتلتها لأن ما محضره.
زينه -هههههههه بطني فطست
سمر -لج شسولفلج تكتل الميت وتمشي بجنازته عدها سوالف يبووو
لبوة -ترا اسمعجن على الأقل نصن صوتجن
سمر -بعدج تلعبين وي الجهال
لبوة -ما تشوفيني العب وياج.
زينه -بم في منتصف الجبهه
سمر -ولج لا تفرينه حيل يدوخ
لبوة -معلومه خطيرة
بقيت البنات مسويات جو بالبيت بس اكيد مايضلن طول العمر للعصر راحت زينه أهلها رجعو شويه وراها راحت سمر اجة رجلها اخذها...
فرغ البيت بديت ادرس للعمليه لثاني يوم بالدوام خبرني دكتور محمد العمليه بعد اسبوع نسويها محاجي المدير وگايله، درست الحاله وي دكتور سليم ماضل شي للعمليه لگيت يقين جايه وي عمها خبرتهم على الموعد.
حجت بعفوية وهي لأزمة شي بيدها مامخليتة يبين...
يقين-انطيني ايدج
لبوة-حجيت باستغراب شتسوين بيها ردت بعفوية
-بس مديها إلى حبابه
مديت ايدي الها ربطت بيدي اسوار بيه تلث نجمات
شكد فرحت اول مرة افرح بشي او يمكن محد هاديني شي من قبل تلمست الاسوار رغم بسيط بس شگد فرحت بية وخاصه النجمات بعددهم.
-انتي مو ما تحبين واحد يگلج شكرا هاي بدالها
-حبيبتي يجنن وعد ما انزعه ابد.
رحت اكمل شغلي وابتسامتي مامفارگتني، خلص دوامي ورجعت للبيت...
-----------
غزل -گعدت الصبح نشيطة بدلت ورحت اسوي ريوگ صبح علية حيدر...
حيدر -صباح الخير
-صباح النور كلبي
- شمگعدج من الصبح
-عندي دوام شنو نسيت
-لا بس عبالي دوامج ضهري روحي اگعدي أزل
-اليوم مداوم
-شعجب؟
-ما ادري صاير عدها اضطراب منا المعهد ومنا المدرسه
-الله يساعدها وانتي غزول شلونج بالدراسه،؟..
-زينه بس اگولك حيدر
-گولي يا گلب حيدر
-ضايجه.
-افااا من المضوج غزولتنا؟
-ما ادري بس ضايجه والله
- انطيني سبب!
نصيت القوري وگعدت گباله اسولف.
-شوف صديقتي زوجت بقيت وحدي ما عندي صديقات وهنا أزل گاضيتها دراسه وانته شهر موجود وشهر ماكو وباقية بين أربع حيطان...
لمني بحضنه يمسح على راسي حيدر حيل حنين شما اگول مااوصفة كلشي اسولفله حتى عن صديقاتي...
-ان شاء الله العصر اطلعجن
-وين؟
-اليعجبج
-شكراااا
-تدلل دكتورتنا
-يايييييي أن شاء الله اصير احسن دكتوره
-ههههه.
-حضره جنابك تستهزء مو
-استغفر الله اني استهزء ومن منو
-عبالي
-يله بويه راح الوكت صبيلي جاي
تريكنا بسرعة لبست جنطتي گال اني اوصلج بين ماابدل بقيت منتظرتة نزل بالزي العسكري
-ياعععععععع
-شبيج بويه تخبلتي
-لا بس صاير تخبل
بسمه -دگولي ما شاء الله ام حلگ لاطگينا بعين
-يمة ترة ما أحسد اني
-حتى لو موتحسدين بس ما يصير تحجين بهاي هيج من تشوفين كلشي بيت سيارة واحد حلو كولي ما شاء الله...
غزل -ماشيييي.
فتحت الباب بقيت انتظره بالشارع. طبگت سيارة
موديل راقي. نزل منها جلال، لابس الزي العسكري
والنضارات، يفلش تفلش. بقا واگف يم سيارته شوية وطلع حيدر. سلم عليه صاح علية...
-يله بويه تعاي اصعدي
صعدت ورا وهما ليگدام. ريحه العطر تارسه السيارة يحجون على الشغل كلشي ما افهم، شويه وصلني يم باب المدرسة.
گلت بكلبي هسة لو المدرسة يم المركز مالتك ماكو زلزال ويزحزحها شوية بعد شنريد من الله اطلع اشوفك ومن ارجع هم اشوفك...
---: ------
جلال -لا ياأخي انت سوبرمان نعم سجل اخ علاء
علاء -اوكف خل اقط القلم بحلگي يلا سجلت
نعم حيدر سوبرمان
جلال -لا الرجل الخارق
حيدر -بابا انتم شبيكم، شاربين شي من الصبح لو
مثگلين البارحه
علاء -ولي على آمتي كيف بتحكي هيك عنا
جلال -انته ما بتعرفنا تتهمنا بشرفنا واخلائنا.
حيدر -خلوني اكمل شغلي انخرسم انگلبتم علي
باب الحاره
علاء-وشبية باب الحارة شو يخبل يلا جلوله خل نمثل اني ابو عصام وانته سعاد
جلال-من طلگها من طلگها...
احممم ولي ولي ياشرمه ياوصخا أنا سعاد خانو ست الحاره تجي وحده شرشوحه مثلك تحكي على نزافتي
حيدر -يامو اجه ابي يامو
علاء -سعادددد شوعم بيصيررر
جلال-مافي شي ابن عمي هي فوزيه اخذت
الطناجي تبعنا ورجعتهم وصخين
علاء -وانتي تراددينها وصوتك مالي الحاره.
جلال -هيه ما عدها تربايه وهيك بتحكي معي
علاء -وانتي شو عدك تربايه احسن منا
جلال-فشرت أنا مربايه احسن تربايه.
علاء -شو التي
جلال-والله مو بئصدي سامحني ابن عمي ريتو ينئطع الساني على هل كلمه
علاء-سعاد أنا بتئليلي فشرت
جلال-والله مو بئصدي سامحني ابن عمي
علاء-سعاد لمي اواعيك وروحي لبيت اهلك انتي طالئ
جلال-ولي على آمتي ولي انخرب بيتك يسعاد.
حيدر-يلا كملتو الدراما بعد سعاد وتطلكت وأبو عصام ينام بالمحل خلوني اشوف شغلي شرفو المحل عزلنة...
گعدت افكر بخطه الزم الجريذيه بيها من صدك جريذية حتى نفس القذارة عدهم صفات مشتركة
كل مرة يطفرون رغم الخطه ناجحه لكن هالمرة
لواني لو همه...
اجاني نداء يگول...
سيد سبعه، سيد سبعه اجب
حيدر-واضح ارسل
وصلني النداء وجميع المعلومات الردتها صحت بصوت عالي نااااااهددددد
دخل بسرعه...
ناهد -حاضر سيدي.
-صيحلي علاء وجلال وعزت بسرعه
ناهد -صار سييدييي
دقائق ودخلوا الولد يريدون يعرفون شكو...
حيدر -رجعت ضهري على الكرسي وحجيت باريحية لكينه مكان الجريذيه
علاء -خاف ناصبيلنه كمين نفس ذيج المرة
حيدر -منووووو الينصبببب المنوووو كميننننن
جلال -على كيفك سيدي اعصابك
حيدر -هالمرة المعلومات مؤكدة ماكوو تهاون
علاء -ترا جرحك بعده اخضر
حيدر -مابيه شي عوفوكم مني
جلال -ياهو گالك على الخبر؟
حيدر -الضابط سرحان.
عزت -يلا نطلع بساع شمتانين
حيدر -يعجبني حماسك، هاي بس يمي ما لزمتوهم بالمرة الفاتت
علاء -موانته هم جنت ويأنه سيدي وما لزمتهم...
حيدر -ايييي وتصاوبتتتت انتمممم شنييي شغلكمممم
عفتهم وطلعت أشرت وأمرت...
حاتم بسرعه اتصل برائد حكمت
حاتم -حاضر سييديي
بسرعه اتصل بيه حاتم واني اخذت الولد وطلعت...
طلعنا سوى وعجلتين إسناد ويانه سويت نداء فوري
للسيطرات بالجهاز (اللاسلكي)
سبعطش للسيطرة، سبعطعش للسيطرة اجب...
جاوبوني النداء من السيطرة المركزيه
وصلنا للمكان الوصفوا النه بعدما تاكدنه المكان محاصر من جميع الاتجاهات داهمنا المكان والشرطه
ويانه اول شخص دخل جلال طلع وياه ست
أشخاص يطلعون بنهايه العشرينات
ركزت نضري على شاب، معقوله هو اي هووو
جلال -بس ذوله موجودين سيدي
رجعنا للدائرة فورا أخذهم جلال لغرفه التحقيق
قصدي التعذيب رحت علية...
جلال -ها خير اليوم مشرفنا
حيدر -انجب واحترم نفسك.
جلال -حاضر سييديي، شعندك جايني مو من عوايدك
حيدر -شويه ودخلوا الولد رحت مرحب بيهم.
يا مرحبا يا مرحبا شهل صدفه الحلوة لايربي لا اصدق ماذا ترا عيناي حبيب البابا بابا شلونه لا معقوله اليوم أنته بضيافتي صح انتو ما تضيفون بس اني غير الكل يحجي بضيافتي، مو جلوله
جلال-شني جنك تعرفه
حيدر -شلون ما عرفه هاذا ابن عمووو الحبيب
ابن الناس الطاگه شلون ابوك خلاك تشتغل
الضاهر فلوسكم خلصت...
-اي سولف ابن عمووو منو انتم وشكم واحد والمن تابعين ومنو يرأسكم، بقا ساكت وجههه اصفر يفرك
بيده صحت بيهة
حيدر -احججججييييييييييي
حسن-ما اعرف ما اعرف شي
حيدر-جلوله شوف شغلك ما اريد اوصخ ايدي بية
جلال -بالخدمه ضلع
ضربه جلال راچدي خسف وجههة خسف وجهة صار
احمر جاب جلال الكهرباء من شافاها گام يصيح
حسن-راح اححجججي راااححح احجججيي
حيدر -فدوه لابن عموو شفت جلال ما تعبك خوش
ولد بعد گرايبي هذا.
جلال -احجي انتم شگد وين چبيركم ابو هابر
-ما ادري عنه شي احنا صايرين مراتب الريس
محد شايفه
حيدر -مراتب شني هاي انوب
-سيدييي يعني واحد يرشدنا ويقسم علينا الشغل
واكو اكبر من عنده يمشي بكلامه واكو الأكبر بعد
جلال -بعد شيبي، كمل انطيني اسمائهم
حسن-سيدي ما نعرف اسمائهم الحقيقة نعرف بس
الالقابهم
حيدر -شسمها صخامهم
-سيدي واحد يسمونه الواوي هو وابنه الضبع ذوله هما يقسمونه
حيدر -جريذيه ذوله ولد
جلال-شيغسموكم.
-ينطونا شاحنات نوصلهم للمكان اليگلونا عليه ونص
يجيبون شاحنات الهم
جلال -شبيها الشاحنات
- مو سوى مرات مخدرات مرات اسلحه ومرات نسوان
حيدر- حلووو شغلكم روعه
ورثت جكارة گعدت على الكرسي مقلص عيوني وجلال يحقق وياه...
جلال -تندل اماكنهم
- بأجر عدهم تسليم بضاعه احسان يعرف
اماكنهم ووقت التسليم
حيدر-منو احسان
-سيدي الولد الجان ويانه
جلال -منو يضمن نلگاهم بالمكان إلى تگولونه علية
-سيدي تلگونهم بنفس المكان اني اضملك.
حيدر -احتمال درو بيكم انلزمتو ويغيرون اماكنهم
-لا سيدي محد راح يدري لأن منطينا مهمه توصيل
باليوم الثالث الا يبدون يفتقدونا
حيدر -جلال اطلع برا
جلال -مو جاي نشتغل
حيدر -اطللللع بررررراااا
طلع جلال بقى گدامي ابن العم يطگطگ أصابعه وجههة احمر حجيت واني اتقرب منه...
-اي گلبي شعجب الوالد مخليك تشتغل بالمخدرات
خلصتم فلوس
حسن-حيدر...
حيدر -لا تكوووولللللل حيدررررر ابن الكلبببببببب.