رواية لبوة علي للكاتبة كفاية كاظم الفصل التاسع
حيدر...
كلشي بالدنيا وراثة ينورث من الاب للأبناء...
حقدي على عمي خلاني أحقد على ولدة...
ابد مافكرت اتواصل وياهم وحتى لو تخطر بالي هالفكرة اتذكر التعب التعبتة والأشياء الصارت وياي امحي هالفكرةمن راسي...
حلو الواحد من عندة ولد عم مثل اخوتة يوگفون بضهرة بس للاسف ما صار عمي فرق هواي بينة ميز ولدة عنة دللهم وعيشهم بنعيم واحنة بنص الجحيم عشنة محد سال علينة متنة عشنة شكلنة شربنة...
كرهي لبوهم انتقل الهم...
حجيت من بين سنوني احجيييي ليش تشتغل ب خلصننن افلوسسس ابوووكككك...
رد عليه بخوف كوه يجر الكلمة مبين فقير مو مال هاي سوالف...
-كل الصار اني ما إلى علاقه بيه
رديت عليه باستهزاء-ههههه يعني متبري من ابوك
-مثل ماهو تبرا من عندي من زمان
-شصخمت
-مامصخم بس حبيت وحده وما قبل اتزوجها گال ربع دينار ما انطيك وإذا تزوجتها اتبرة من عندك
-ومن انسحبت عنك العصا السحرية مثل البطل رحت تشغل ب.
-نتيجه أفعاله دمرنه بسبب أفعاله، تدري اخوي شاهين مات
حجيت بصدمه فاتح عيوني على وسعهن -منوووو شاهين مات!
-اي مات بسرطان الدم
ضغطت على عيوني بقوة مامصدگ الخبر -شوكت مات؟
-كبل سنه
رديت بكلب محروگ وعيوني دخنن -شاهيننن مات راح شاهين.
-تحبه؟
مسحت وجهي وحجيت بضياع وعيوني تفتر بالمكان...
-رغم السوا ابوكم بس انتم مالكم علاقه حتى لو احقد بس مستحيل اكرهكم حاولت هواي اكرهكم بس ماكدرت مو بيدي...
لعنه السواه طلعت بيكم الله يعذبه بيكم
ماتاخذه من غيرك ضلما تدفعه الما وهذا الصار
-يعني ما حاقد علينه
جريت حسرة شکت گلبي
-تؤ ما نسيت من جنت اتعارك وي ولد المنطقة شلون شاهين يوكف وياي ما يعوفني ابد يكلي اني اخوك خاف ماعندك اخو...
جنة نعلب سوى نروح للمدرسه سوى...
-اخخخخخخ شاهين مو الكككك موالكككك
-ليش ما اجيته بعد كل هاي السنين.
-ردت اجيه بس مو بذاك حالي ردت اجي حيدرا الما يهاب أحد ردت اجيه بواهس جديد احضنه مثل گبل من جنه نتعارك ونرجع اخخخخخخ
-جان دائما يتذكرك ويسولفلي عنك تدري حته من هو مريض وصاني گال إذا لگيته گله اني ما إلى علاقه وشگد دورت عليك گال گله شاهين يحبك وحاسبك اخو وسند لحد هاي الحضه دورت عليك شگد بس ما حصلت شي و لاتنسى شاهين.
سمعت الكلام احس خنجر نبت بصدري مسحت وجهي مرارا وتكرارا و طلعت من الغرفه وصحت على جلال...
حيدر -جلال شوف شغلك روح كمل التحقيق
-بالخدمه ضلعي، وانته وين رايح؟
-عندي شغل، واي شي يصير خبرني
-على هالخشم
كل شي ينتهي ويغادر الا الذكريات تبقى متمركزه
لا اتركها ولا يوم تركتني ثم سنين رحلت ثم مشاعر
دفنت ثم احاديث طويت كل شي رحل وتركك
وحيدا في منتصف الطريق
طريق طويل
الا تحتاج أحد أن يرافقك؟
بلى، لكن دعني لااقول شي.
لماذا؟
بكل بساطه يرحل ما اتحدث عنه
اتبقى في الماضي؟
كلا، سأحقق مستقبلا مقتبسا من الماضي بنكهه الحاضر.
----------------
لبوة...
الشي الوحيد إلى ارتاح من أسويه شغلي
وجودي بالمستشفى بين الناس المرضى احس بأمل جبير ينمو بداخلي رغم المكان مايناسب حالتي ضوضاء عارمة و رغم مااحب الاختلاط بس احب شغلي...
دخلت للكافتريا لاگتني نفس الدكتورة الجديدة ابتعدت عن طريقها ورحت اشتريت بطل مي ونساتل اجت يمي اخذت گلاص عصير ماركزت وياها اخذت الاريدة ودفعت فلوس ماحس الا العصير متبدي على جتفي فار دمي عرفتها متقصدتني اجت تمثل عبالها اني غشيمة.
-اسفة حبيبتي فلت من ايدي اعذريني
رادت تمسحة بيدها دفعت ايدها ودست على رجلها بقوة جفلت بوجهي همس باذنها.
-نصيحة لاتندگين بية حضج اطيحه لايهمني وضيفة ولا بطيخ اسحلج سحل اذا عدتيهة ثاني مرة افتهمتي مايحتاح اعيد.
-بس.
-اس لاتحجين كلمة وحدة منج تجنين على روحج فديري بالج
رادت تحجي عفتها ومشيت ربك ما لابسة الابكوت جا صرت فلم بس بسيطة والله الا اندمها رحت للحمامات غسلت واجت براسي فكرة نعلت الشيطان ورحت لغرفة دكتوره سليمة اشتكي عليها قبل لا ادگ الباب رجعت هسه اني احط راسي براسها ماتسوى.
رحت اكمل شغلي لاگتني زينة تضحك...
زينه -صلاوات محمديه علويه جعفريه
لبوة - اللهم صل على محمد وال محمد، شكو شصاير؟
-اجت تبارك افندم يعني بدت الغيبة بدا الحش
-لابربج، اكتملت السبحه
-وناسه وناسه وناسه
-اشو ماكو لج وينها
-هنيك
تأشر بيدها درت وجهي أي والله هاي تبو صايرة تخبل سمنانة وكبرانة بعد صارت ام شيخلصنة هي قبل شلونها.
تبارك -يا صلوات شنو هل الطله البهيه واخيرا كحلت عيوني بشوفتج...
لبوة -هلا يكلبي، شلونج شخبارج مشتاقين داده
حيل مفتقدة وجودج...
-فدوة لكلبج اني الاشوق مشتاقتلج خيرات الله
بصوت معتز
-خجلتيني الجلبه
-بعدج اسلوبج هو هو عبالي تتغيرين يصير براسج
حض شوية انوثة ورقة ماكو اهمداني
زينه -لا ما اسمحلج تحجين على صاحبتي لا اسحل
بيج الگاع
لبوة-عفيه بنيتي ما ضاعت تربيتي بيج دافعيلي
زينه -افااااااا برسم الخدمه الضلع الما ينشلع من
الدنگه للدنگه
تبارك - شبيجن احترمن وجودي شويه.
گولن شخص غايب عنجن فترة طويلة سون روحجن مشتاقات لوجودي بس مو صوجن الوصج
صوج گلبي الما عرف يختار اختاريتجن من دون الكل غير تعاملني بحنية
زينه -سودة علية رجلج قاسي الضاهر
لبوة -اي بنيتي سولفي طفلكي الصغير كيف حاله
زوجك المصون عمتك الجرباء اخت زوجك البلهاء
و
ين صفة بيهم الدهر
تبارك -هيووو وحده وحده اولا ابني لاعب بيه
شناوو ورجلي عوفنه على صفحه وعمتي خف.
سمها والعوبه حماتي راح تتزوج واخلص منها نايمة على جبدي...
زينه-كللوشششششش من راح تتزوج، وامداج ومدا رجلج
تبارك -لبوة صيحي بيها تغلط على علوشكي
زينه -لا هله ولا مرحبا اجت ام علوشكييي اوييي
تبارك -لبوووووةةة
لبوة-وجعه شبيجن جنجن ديوجه يله گدامي
گل وحده لشغلها انتن مو وجه رحمه...
زينه -هاا القردة رتاحيتي
تبارك -ولج هاي عليمن دوكفيلي الا اسويج
كباب عروگ
زينه-يمه خفت شو دتعاي.
لبوة-ياا ولجن كافي نضربتن عين قل اعوذ برب
الفلق حتى الأطفال احسن منجن
تبارك -من شر ما خلق
زينه -خمسه وخمياسه عين الحاسودددد بيها عودد
ا
كيد حطن عيونهن الما يخافن من الله
لبوة-يلا دعبلن لا تجي سليمه مشكل تسحل كرامتجن بالگاع
تبارك زينه -هم صدكككك
لبوة -زينة وتبارك يكول شرايك مخلصاتها عرك...
بديت بشغلي بالي يم يقين كل شويه اتلمس السوار البيدي رغم بسيط بس حبيته ومن أحب شي مشكله هاي.
عمليه ابوها بنهاية الأسبوع كلش متحمسه رغم هاي مو اول عمليه أسويها بس احس بفرح...
بدأ شغلي بين المرضى.
بين ملكوم و معلول ضاعت احلام بلا قيود
ضاعت امنيات ليتها تتحقق...
ليتها ترجع الأمل الذي اختفى في وجوه هولاء
الناس ليته يرجع كما كان...
كمل شغلي احس انثولت اروح اخذ، اسراحة طلعت من الصاله صادفت الضابط حيدرا جان كاعد على الكرسي يدخن جاي بالزي نازع القمصله باقي بالتشيرت رغم الجو باارد...
باوعتلها ملاحمه باين بيهن تعب، اعرف الشخص المتعوب من عيونه يدخن ورايح بغير عالم رحت باتجاهة تحمحمت وحجيت...
-التدخين مضر بالصحه ممكن تعوف البيدك لأن ماتستفاد شي صدگني لو بية خير ماتوفر عند الكل
ابتسم بقهر وحجة بهدوء وعيونة دم...
-ليس هي ضلت على التدخين
-قدر احنة بمستشفى واكو ناس مرضى مو زين عليهم ابتدخين واكو وناس ماتحبه تشوف هيج منضر افتهمت
-گولي ما احب ريحه التدخين.
- اييي تلعب نفسي من التدخين والمدخنين
-اذا هيج ها هايه
ذب الجكارة بالگاع داسها برجله عفتة ومشيت مشيت لغرفتي متنرفزة من الريحة صاح وراي...
-دكتورة ممكن تشوفين عمليتي
درت وجهي باوعتله مصدومة
-عزااا نسيت أنت صارلك تقريبا اسبوع من سويت عمليه شلون مداوم وعندك الشغله عاديه تماما
رد برود قاتل اول مرة اشوف انسان بارد مثلي...
-اعوف شغلي مثلا
-منو گال عوفه غير تطيب بالاول وارجع منو الازمك
الشغل مايتأذة عكس البشر
-عوفي هذا الحچي وشوفي عمليتي
رفعت حاجب وخليت ايدي بجيب الابكوت.
- الضاهر كلامي ما يعجب
باوع بعيوني يبوو اكرة واحد يباوع بوجهي عن قرب درت وجهي صفح من گال
-بالعكس كلش يعجبني
-احمممم يله امشي اكشف عليها
، جاي امشي شفت مريضتي نايمة بالمستشفى حجيت ببتسامه: -شلونج ام عماد
-هلا بهلوجه النوراني
-يروحي انتي شلونج ما صرتي احسن.
-لايمه صرت احسن بس هذا الدكتور ما يفعل يطلعنه
-يگطع الشك باليقين بعد دكتور سليم ما ينخاف عليج دكتور سليم افضل مني بهواي استاذي هذا
-شو أنه اشوفه رچل دچاچه ما يحل
-ههههههههههه خاله اسكتي لا احد يسمعج
-چا أنه مجذبه
-حشاج بس خاله هذا طبعه يلح بحيث يتأكد من شفاء المريض تماماً دكتور سليم ممتاز
-اندري بعد على الله وعليكم
-معافاية بذن الله من تحتاجين شي اني موجوده براس الخدمه.
-فدوة يمه ما تقصرين اغدي سبع فدوات لهل طول الحلو
- طلعين بالسلامه
گلت بگلبي مبين حلو رحت للغرفه افحص عمليه المصاب اشرتلة يدخل دخل ورفع التشيرت مادري ليش استحيت رغم هذا شغلي يمكن نضرتة علية وكفت بصفة احس نفسي بگد النمله بصفه يادوب اوصل لمكان الجرح.
-اخذت الادويه.؟
-تؤ
-انوب تكول لا لعد شلون تريد تطيب حضره الملازم
-نقيب وليس ملازم
-مو شغلي هذا بس انت مستهزأ ب الادويه والعلاج.
-منو گال بس مرات العلاج يكون مو شي ينبلع
-عمليتك كلش زينه تگدر تفتح الخياطات
- فتحيهن شمنتضرة
رديت بابتسامه-مو شغلي
-چا شغل جدي
-اكيد لا هسه ادزلك ممرض يفتحهن شغلهم هذا
عفتة و ردت امشي استوقفتني من حجة...
-اگول شي
-گول
-الابتسامه لايگتلج
-هههههههه مادوم راح تنوخذ مني ضريبه عليها
كلش غاليه
-لهلدرجه
-هههه عوفك من هلحجي وانتبه لنفسك وعائلتك
-ليش انتي تعرفينهم
-تؤ، ابتسامه شخص واحد تسبب الفرحه للعائله.
اهتمامك بنفسك يسعد عائلتك
ردت اطلع وصارت بوجهي زينه وجهة احمر وتلهث اكيد جانت تركض حجت بصوت عالي...
-لبوة حبيبج اجه يريدج بسرعه
خبصنا خبص
-ههههههه يلا هسه اجي گليله عدها شغل
درت وجهي اباوع لمريضي عاگد حواجبة
بعصبيه شرايينه تريد تنفجر اكيد من التدخين الاشخاص المدخنين تبرز عروقهم بصورة اكبر، ...
-يوللل بيك شي اساعدك بشي
-روحي لحبيبج منتضرج لا يطول أكثر زحمه من عنده
-استغفر الله يلا هسه اروح، راح ادز الممرض.
طلعت بوجهي لگيته منتضر بالممر گاعد ويهز برجله
اول ما شافني گام مشيت بتجاهة...
-هلا بسرحان شلونك شخبارك
-مو زين وهاي صاحبتج كل ما اكلها وين الدكتورة
الزغيرة خل تنطيني دوة راح اموت تگلي عوندها
شغل
-هههههههه صدوك جان عندي شغل شيوجعك
-كلبي يوجعني
-اهااا هسه انطيك علاج على الفور، طلعت من جيبي
نستله قدمتها اله هاي علاجك تفضل
-ايي بس انتي حبابه كلهم مو حبابين
-اي بس لازم تاخذ علاجك وكل يوميه انطيك وحده
تمام.
-موافق موافق تعيش المفترسة تعيش
-هههههه هاي فوگاها انوب مفترسه
-اسف اسف انتي مو مفترسه هما مفترسين
-يلا سرحان الشاطر روح وي الممرضه مو تسوي مشاكل تمام
-تمام تمام
زينه -الله شكد كيوت شوف علاقتكم لا ينحسد عليها
-ومرض جايه گدام الرجال وتصيحين حبيبج شبيج انتي صاحيه
-هم گولي ما يحبج
-ومرض ما تشوفينا مريض مو بعقله
-المهم يحبج
حجيت بغرور-وين الجديد بالموضوع الكل يحبني
-والواكف بالباب يباوعلج من ضمنهم.
التفتت شفت حيدرا واگف بالباب مكتف
ادينه مبتسم گبل درت وجهي: شوكت جان هنا
-من زماننننن
-وسم ما تكولين يلا دعبلي ما ناقصني وجهج
القذر
-عاععععع وجهي وجهي اني
-شلون اروح هسة لسليمه احركها عليج
-لا كلشي ولا سليمه رحمه لجدج السابع عشر
-امممم روحي لشغلج شو تفترين وراي لاتجيج عقوبه
-لا بس اجيت اشوف شكو ماكو
-ضلي بسوالفج التعبانه، يلا روحي كملي شغلج
حجت من ورى خشمها...
-راااايحه
------------------.
زينه -حياتي عادية من الدوام للبيت ماكو اي اضافة لو نكهة بيها بس من اسولف وي البنات احس بتغير جو اذا ابقى بالبيت تصير بية كأبة يمة محد اله غرض بالثاني...
اما علاء اوفف يعلاء مدري شبية دوم على بالي حتى لو ما افكر بية يخطر ببالي من يوم ما حضرته بعد ما رجع شفته. لو راسلني من حساب ثاني الصراحه افكر بيه لا ارادي رغم ما صارلي هواي اعرفه بس يگول اعرفه من زمان...
كملت شغلي رحت اشوف لبوة لگيتها طالعه قبلي كالعاده تجي قبلي وتطلع قباي طلعت من المستشفى
انتظر تكسي انتبهت لعلاء واگف يم سيارته ويخابر ما منتبه إلى درت وجهي عنة وبقيت انتظر تكسي التفتت من گال.
-اريد احجي وياج
حجيت واني مكتفة ادية لصدري: - گول شرايد
-مااحب اسلوبج هذا بدلي تمام
-الحبيته أو لا مو مشكلتي
-شبيج بابه مشحونه علي
-احترم نفسك اولا، وثانيا احجي التريدة.
-اولا اني محترم وثانيا مثل ما تشوفين المكان مو مال واحد يحجي
-المطلوب؟
-اريد احجي وياج بس مو هنا
-لعد وين تريد تحجي حضره الملازم ابو البنات
-استغفر الله مو اگول مشحونه
-شقصدك جنت فارغه لو دميه اني حتى انشحن
-بووويه اشتغل النگ، نروح للكافتيريا أو انتي المكان اليعجبج
-اوكيي وبعدين؟
-احجي
-ياطلابه الما تخلص سواها قصه شتحجي...
-هسه دمشي واني احجي.
مشة گدامي، مشيت وراة واني اتذمر هسه هذا شيريد مني كلة من وراي اني ضربت وياة ميانة رحنة للحديقه كتفت ايديه وحجيت بجدية -يلا احجي
-انطيني مجال
-گدامك احجي
-احمم شوفي اولا اني ما احب الف والدوران من الاخير رايدج ام زعاطيطي
شوفي اني حبيتج اول ما شفتج وردتج بالحلال.
هسه لا تحجين شي ابد فكري ورديلي جواب انتضرج أخذي راحتج مو گبل تحجين وتگولين لا.
-بقيت جامده بمكاني وجهة گب حرارة ما مستوعبه الگاله ماحاطة بالي يحجي وياي بهيح موضوع مدري يضحك علية الله اعلم سكتت ماحجيت شي مدري وين راح تفكيري...
-الوووو دكتورة روحي اجبي
-رديت بفهاوة ها شبيك
-بيه انتي
-ها
-وجعا
-ليش تغلط على هسه غالطه عليك اني
-يعني شسوي مثلا فهاوتج تكتل
-انجب اني مو فاهيه
-ولج لا تگليلي انجب راح اصير رجلج بس لاتگولين
اليمنه لو اليسرة
-هففففف يعرف سوالفي الحقير.
-زنو شو تغلطين على عينك عينك ليش ماتحترمين كضي السانك زنو ترة عيب عليج واني مو بگدج هسه انتي لا احترمتيني كرجال غريب ولا اكبر منح ولا جاي يخطبج...
-يمتها غلطت ليش تجذب
-يلا بعدين احاسبج على كلامج من تصيرين مرتي
رفعت حاجبي وحجيت بغرور-ومنو گال اوافق
-غصبا على شاربج توافقين
-عزااا منيلي شوارب
-دشوفي بالشمس مبينات روحي حفيهن واذا تحبين اني اخذلج خيط بس جيبي بكرة من يمج.
بقيت اتلمس فوگ شفتي منيلي، شوارب، -جذاب ماعندي شوارب والله
عض على شفتة وحجة...
-رحمه لحنش نزلي ايدج وما انسى غلطج هذا وهسه
اني رايح عندي شغل افتحي الحضر عني زنو فدوة لگلبج.
حجاه ومشه مستعجل...
-والله ياالله الثقه تحجي الف عندة
صاح وهو يريد يصعد السيارة -مليون مو الف
عزا سمعني رجعت للبيت والموضوع ما داخل راسي اتصلت بلبوة ماكو حرگت الموبايل ماترد الصراحه قلقت عليها ضليت الوب شويه وصار الجو رعد ومطر...
اكيد شبكه ماكو بهل زلگ رجعت فتحت
الحضر عن علاء گمت ادز اموجيات يضحكون واحد
مطلع السانه ترست المحادثه ورجعت حضرته
ماادري شبيه اعتقد تخبلت...
------------.
لبوة -طلعت من المستشفى الجو مغيم بيها مطرة
تفيض الديرة وصلت للبيت والتوتر عندي بدأ قفلت الباب واسمع صوت الهوى العالي بدت ترعد...
كعدت بالزاويه خليت راسي بين رجليه وحضنت نفسي قوي بدت الرجفه بجسمي وي كل صوت تفزز
جروحي احس روحي تطير بالهوى العالي...
ما اوصف شعوري بهيج أجواء اخاف الكهرباء طفت البيت صار اضلم هندس مايبين شي واسمع خرير السگف مدري منين جاي ماتحركت خطوة من مكاني.
مااعرف شگد مر وقت واني على گعدتي والمطر يزغغ ما يسكت ساعه احط أصابعي على آذاني ساعه احضن نفسي صوت المطر من ينزل بالگاع جنة يحفر بروحي حفر...
كولشي ولا هيج جو احس الدنيا غاضبة علينة
بقيت على وضعي ما اريد ارفع راسي وأشوف
الجو مضلم بدأ صوت الرعد يقوى وكلبي تزيد
دگاته وانرعب أكثر ضليت أردد...
ياعلي ياعلي ياعلي ياعلي
اتذكرت دعاء الامام على (ع)
نادي عليا مضهر العجائب تجده عونا لك في النوائب.
وكل غم وهم ينجلي بولايتك ياعلي ياعلي
يارب هديها يارب ياعلي ياعلي
صوت الرعد يعلى واعلي صوتي بالدعاء صار عصار برد ومطر وهوى وانمزجن سوة صوت الرعد والمطر والهوى العالي ومنا الجو اضلم أجواء مرعبة بمعنى الكلمه البيت فارغ بس اني...
اتذكرت الصورة رحت اتلمس بالحايط اندل مكانها بدون ما اشوف طلعتها قديمه كلش سنين وهاي الصورة وياي حضنتها ونزلت دموعي.
يبرالي علي.
بس هاي الصوره بقتلي لزمتها من الإطار صرت اتلمسها غاندمجت برسمها وتفاصيلها نسيت الجو وشضام من عواصف خليت بالي بالصورة ماادري شلون فلتت من ايدي للگاع وانكسرت الجامه مالتها
گعدت الم بالكزاز ابجي واحجي...
-لا لا تعوفني حبابه ابقي وياي انتي صارلج هواي
وياي هسه اصلحج لاتعوفيني كلها عافتني بس انتي ما تعوفني مو ما تعوفني
من البجي گمت ما اشوف شي عيوني غوشت
حسيت الجو هدأء فتحت عيوني احاول اهدأ نفسي.
بس بعد النار شتعلت من جديد شيطفيها...
باوعت لديه كلهن دم والصوره متروسه صرت
امسح بالصورة بعكس ايدي رجعت غسلت ايديني عقمتهن لفيتهن بشاش...
ما ادري بيش الساعه بس اكيد فايت الااذان
توضيت ورحت اصلي ما ادري شكد بقيت اصلي
خليت الصورة بحضني ولفيت راسي ونمت وكل شويه افزز...
گعدت وي اذان الفجر لكيت الصورة بحضني أردفت
-اني مو طفله الطفله بقت بالماضي هسه اني لبوة
مثل ما خلصت من الماضي راح اخلص من هل شعور.
رحت توضيت وصليت بطبعي من أخلص صلاه
ابقى ساكته ما ادعي ابد استحي اطلب من رب
العالمين لأن هواي طالبته...
اخلص تسبيح وابقى على كعدتي ماحب احجي هو يعرف إلى بداخلنه من انهضم دموعي يحجن ع البيه...
رحت سويت رويگ جبرت نفسي اكل اكلت شويه
رحت بدلت لبست فستان بينصل اسودفوكاه قمصله
جلد قصيرة خفيفه كلش وشال ابيض وبوت ابيض وجنطه بلونه طلعت متوجهة ل إيلام...
الجو صاحي زين بس بارد بقيت يمه نص ساعه سمعت صوت أشخاص ماميزهم سمعت صوت مازن الصوت بدأ يقرب تمشيت خطوات شفت مازن ويا
ولد تلاثه يسالفون ماكو مسافه قليله تفصلنة
أردفت
-خيرررر شتسويييي هناااا أنته وهذوله العفطيه الوياك
حجة بطبعه الخبيث الما يغيرا ابد.
-صباح النور والسرور والسعادة هاذا يسمونه صباح من نشوف هيج شكل
أردفت بعصبيه-شترريدددد اخذ الوياككك وروح
منا لا اجي اطيح حضك...
-يابه علكيفج اعصابج هدي علينة.
حجيت بعصبيه - ولييييي من وجهههييي ما ناقصتك من الصبببحح
ضحك وبرم شواربه حجة بحقارة...
-شكلج وانتي عصبيه بعد احلى يصير
مازن شكلة عبارة عن استفزاز نضراتة كلامة حركاتة كولشي يسوية مستفز...
رديت بعصبيه مكتومه إعلانا لإطلاق النار
-لا اليوم تريد تودعها مووو احجي كلمتك الأخيرة
للعفطيه اليمك بلكي يحققونها مشيت باتجاها
ناويه خلاصه شلكة كدامي طابوگة بوري اشمرة علية.
فجأة وما حس الا صوت سيارات شرطه صوت دبكات ع الأرض كأنها رجت الارض صوت اسلحه...
غمضت عيوني وراسي يريد ينفجر لزمته بثنين ايديه دكات گلبي تخفق بجنون كل ذره بجسمي ترجف كمت احس بوشوشه كأنما جسمي يبعث تردد بالضبط مثل التلفزيون من يوشوش ماحسيت بشي ثاني...
فتحت عيوني بثقل احس راسي صاير مثل الجبل باوعت ليديني على لفتهن و رجفتهن خفيفه رفعت راسي اني وين، گاعده على كرسي گدامي مثل الميز بس شكله وصخ الغرفه خنگه نوعا ما الاضاءه مو كلش هافته...
بين مااني استكشف المكان نفسي لعبانه منة سمعت صوت خطوات باتجاهي التفتت وراي شخص ضخم بحيث من يمشي يطلع صوت اثر خطواته اجه گعد گبالي اريد اركز بوجها ما أكدر رصيت عيوني حيل رجعت فتحتهن أردفت
-حيدرا.
بقى ساكت قابض أيده ومركز عليها
حجيت بصوت يرجف -شجابني لهنا ليش جبتوني
هسه اني وين؟
رفع رأسه حجه بصوت هادء
-بالمركز
-شسوي هنا؟
-متهمه
فتحت عيوني ع وسعهن -بشنو متهمه؟
ر
د برود...
-تجارة المخدرات
حسيت راح يغمى على حجيت بصوت متحشر
-شگاعد تحجي شبيك أنته مخبل شكو جايبني هنا؟
رگع مقبض أيده على الميز وحجة بعصبية...
-اني اسألج مو انتي شتسوين هناك
فززني بصوته العالي زاد من حالتي سوء...
-احجي بصوت گوه يطلع -بيتي هناك بيتي.
اريدددد اطلعع فدوه راح اختنگ طلعني من هذا المكان.
يحجي بين سنونه-انتي متهمه ما جايبينج بفندق
تشرطين اسئلج جاوبييي
نفسي العالي يصعد وينزل احس روحي شتعلت
نار اباوع للمكان افتح عيوني وارجع اغمضهن
-راح اموتتتت طلعوني منااااااا
رجعت المشاهد القديمه براسي غمضت عيوني بقوة قبضت ايديه ثنينهن وادگ ع الميز بسهتريا...
-طلعونييييي راححححح اموتتتتتتت علييييي
طلعنييييي عليييييي راححححح اموتتتتتتت
لاتخلينيييي هنااااا راحححح اموتتتت علييييي.
-گمت ماسيطر على نفسي ادگ ع الميز بهمجيه
والصوت يطلع من گلبي لزم ايديه يهديني
بقيت أصيح أكثر...
-لاتلززززمنيييي لحددددد يلزمنيييي وخروووو.
منييي لحددددد يلزمنيييي وصخيننننننن لا
تلزمونيييييي قذررريننننن راحححح توصخونيييي
شويه سكتت حسيت بدكات گلبي هدأت اسمع صوت نفسي العالي مغمضه عيوني ودموعي ينزلن بغزارة ابتسمت من شفته اجه يمي بقيت اضحك يعني اجيت ها هيه راح تأخذني...
حسيت بهدوء تام گلبي هدء نفسي العالي النار طفت نوعا ما غمضت عيوني باريحيه من شفته
اجي باتجاهي يمسح على راسي ماحسيت
بشي ثاني غير الراحه...
ما اجمل الابتسامه التي تشق طريقها وسط
الدموع
هكذا هي الحياه
لقاء يلا موعود
وفراق بلا سبب.