رواية عروس الهور الجزء الأول للكاتبة هيلانا الفصل العاشر
ظلام، برد، ريحة عفونة، وصدى أنفاسي اللي متلاحگة ترد عليّ من جدران المكان الضيك
كاعدة بزاوية حاضنة روحي ولامة نفسي أرجف، وعيوني مغوشة بالدموع
وهذا رجال جان كل شوي يفوت، يطيني نظرة، ويمشي ويراقب ساعتة منتظر شي معين يصير بس شنو؟
أربع ساعات وأنا هنا لا صوت، لا خبر بس كلبي مفزوع
فجأة صوت صياح هوسة وصوت أول طلقة! رجلية ماتت النفس انگطع.
ولزكت بروحي للحايط، سدّيت أذاني بيدي، كأنو اذا ما أسمعت ما راح يصر شي بس الطلقات جانت تمطر برا وحدة ورا الثانية كل صوت ياخذ قطعة من صبري!
راح تجيني طلقة؟ راح يدخلون؟ راح يكتلوني هنا؟ وبعدين صمت!
جان ممكن يكون صمت مريح لو ما جان موحش لهالدرجة حاولت أتحرك، أجر نفسي ببطء، أكتم أنفاسي قبل لا أوصل للباب اندفر الباب بقوة دخلو زلم ستة، كلهم لابسين أسود، أسلحتهم مرفوعة واحد منهم تقدم بخطوات ثكيلة.
صكّرت مكاني لا أكدر أشرد، ولا أكدر أحچي لو ذبحوني هسه، ما يلكون قطرة دم بجسمي
أشرلهم ياخذوني، وفعلا واحد اجة لزمني من ايدي واني عطتت: - شترررردون مننيي
رد واحد منهم والصوت مو غريب سامعته بس معرف وين كال: -ما راح ناذيچ لا تخافين نرجعچ للاهلج
: -شنو. شنو الضمان
: -ماكو ضمان.
ضحك الثاني وكال بسخرية-: ادور ضمانات وهي مخطوفة فوتي بابة يلا بساع
اخذوني وياهم وصوتي راح من الخوف جنت ساكته طول الطريق.
طبعا همة جانو سيارتين والسيارة للي صعدت بيه اني صعدو اثنين وياي بيها
بالطريق إلى كاعد بالصدر جان يخابر وحجة
بغضب-: وين گضينا. شرد بس على لحگة كون ربك ويگضة
رجع أنوب كمل بحقد: -أيهاب العار عض اليد المندت الة ونكر، العشرة بس، وين يولي يطير نگضة نگضة وأشوفة الامهات شتجيب
بقى يحجي عن واحد أسمة ايهاب واعتقد هو إلى خطفني. وبس يفشر.
مسافة الطريق عقلي يغلي بأالاسئلة، جسمي يرجف، وصوت اللي بالصدر يصب نار على واحد اسمه إيهاب.
هو اللي خطفني؟ ليش؟ شصار؟ شكو مو على اساس صديق بابا! ما دا أفهم. ليش خطفني
السيارة وكفت كدام بيتنا التفت اللي بالصدر، بوجهه بقايا غضب، وعيونة مثل السجاجين كال
: -أنزلي، خوية.
باب السيارة نفتح نزلت ما گدريت حتى أشكرهم، ركضت طايرة للبيت نفسي يتگطع، دموعي بعد ما نزلت، مثل حجر مجمد وكفت كدام الباب دگّيته بعنف أبجي، كلبي يدك يطلب حضن، أمان، حيطان تحميني الباب انفتح
وأكف أزاد! عيونه جانت جمر، وجهه صخر ما أنطاني فرصة حتى أحچي جرّني من شعري سحلني
من الباب لصالة. فكيت عيوني واني اشوف صالة مليانة بعمامي يبووي حتى جدو جاي
شمرني كدامهم وماما طفرت صرت بحضنه.
كالهم بسخرية: -اجت الخاتونة بتكم هم كولو نخطفت
وطگهة ضحكة يستهزا
بعدهم ما حاجين ناس مصدومة وناس تجر طول وناس عرض وهو جر اسلاحة
وشهرة عليه يريد يكتلني وبابا صار كدامة
وعمو ابو ازاد كمشة هو واخو صادق
وهو يدافع بيهم وسلاحة بيدة أني وراة ماما أبجي ولازمة بيدهة اريدهه تضمني يتراولي راح اموت.
وبابا لزم ازاد يريد ياخذ السلاح من ايدة ومايكدر طبعا ميكدر هو ازاد غير ضابط سابق وجان مدرب وكلش قوي وهم بعدة شاب وانوب صاحب جسم وين ينگدرلة
زمخ بي بابا كالة
: -بتييي هاي أني أعاقبه أنت شنو. وشعليككككك؟
نتر ايدة من بابا والمسدس بيدة
: -وخررر عمي مالك شغل أني أطم عارهن
نهال: -ماكو عارررر غيرررك بناتي يشرفنك
سالم: -أسكتي نهااال أسكتي
نهال: -دا أشوفة شلون يحجي على تاج راسة.
كالهة عمي: -اعرفي ربيهن وبعدين أحجي نهلة
رد ازاد بشمخرة: -چا ما ربيتهن عدل بناتج
سالم: ازاد سكتتلكك هواي بناتي خط أحمر بعدني ما متت وأعرف شلون أتصرف وياهن
نهال: -همچيتك طبقهه بيتكم مو يمي
ازاد: -محترمچ للخاطر عمي
التفتت بابا لماما وكالهة أطلعي عوفينة نحجي أني وأهلي، وفعلا ماما اخذتني ليفوك
واني ردت بس اشىرد من كدامهم خاف
ذاك الرجال ما موتني، يموتني ازاد المسودن.
يمة الوادم كله تسودنت، دخلت للغرفة ارجف كعدت على الجرباية وماما قفلت الباب
وكامت تلطم وتخرط بخدوهة وتفتر يمي بالغرفة
وتحجي بعصبية وعيونهة يرد يطلعن
: -لو ميتة ولا جايبتچن ساعة الگشرة.
: -م. م. ااا
: -صرنة فرجة وعلج بحلك اعمامجن راح تموتني لو مزوجتجن وانتن زعاطيط احسلي شحصلت اني هسه منجن بس شلعان الكلب
جنت بس ابجي وهي تندب بحضهه. أنوب طلعت مبايلهة وخابرت
خالتي كاتلهة: -تعالو اي جاهزة شجن معليج.
گطعت الخط والتفتلي: -حضري نفسج راح يعقد عليج عمر ومن اليوم ورايح لا اكو شغل ولا طلعة تكعدين بيت رجلج وتنجبين بعد لا شغل ولا دراسة حالجن حال بنات عمجن مستورات بيت ارجولتهن
دخت وجسمي ثكل بعد مالي خلك اناقشهه جريت المخدة ونمت
اريد استريح شوي من دوخة
مر يومين وبذني اليومين اكو شي
ديصير بس ماعرف شنو وأعمامي وبابا مخبوصين
وهل مرة حتى الشرطة ما خبرو عكس من نخطفت شمس جان بابا ميفارك المركز.
أنتظرتهم يرحون حتى أستفرد بابا وأحجي ويا خوما صدك يزوجوني عمر
بعد ما الكل راح وبقى بس ازاد يروح ويرد علينة وشوي هدءة الجوء صفنت شوي وي نفسي معقولة اني اخذ عمر
لا لو موت أحسلي
أتذكرت. أستاذ بيرس شكد هادي وشخصية ومحترم ويحترم المراة
وكلش ضروري أحترام المراة اصلا أني احب الرجال اللي يحترمون المراة
ومنا الرجال للي ساعدني الشهم. والله اني اريد هيج زلم ما أريد من أقاربي.
نزلت جوة شفت بابا كاعدة وحدة بالصالة اجيت بصفة ابتسملي
كال: -شلون صرتي
شجن: -زينة
تفاجت ما سالني منو خطفني ليش منو طلعني ووصلني لهنا اكو شي ديصير بس مادري شنو
بس مو مال أفكر أني هسه حايرة بضيمي
باوعت لبابا سالتة: -بابا صدك موافق على عمر
سالم: -الله كريم
شجن: -ونعم بالله بس جاوبني فدوة
سالم: -أن شاءلله
شجن: -الله يعيني على مصيبتي
سالم: -شبيج بوية متخبلة جا شبي عمر رجال ونعم منة وترى هو رجال ما يتعيب.
شجن: -على راسي وعيني ما كلت مو رجال بس، دا اكلك مااريدة أني ما أحس عندي مشاعر تجاهة
سالم: -حبيبتي بابة المشاعر والمودة كله تجي بعد الزواج
شجن: -بس مو عمر
دنك يعبث بطفاية رفع عيونة خزرني وحجة بحدة: -شجن هذا أخر كلام حضري نفسج باجر يجون أخوالج يعقدون
حسيت الحجي ينزل مثل صخرة على صدري
باوعت لبابا بكسرة ودموعي تجمعت بعيني
أنطاني نظرة وحدة وعصر على أجفوف أدية حجة وهو يگوم: -كلشي كاعد أسوي لمصلحتچ.
شجن: -ومصلحتي أزوج عمر
سالم: - أدري بيچ مو مقتنعة بس عمر خوش زلمة ومحترم وراح يسعدچ
شجن: -بس الزواج مو لعبة ما أكدر أرتبط بشخص ما أحس بيه أي شي. تجاهة
تنهد وجر نفس بحيرة وماحجة اي شي كانو يكلي خلص القرار أنحسم ماكو مفر
مشة واني بقيت أكل بنفسي وراسي أدمر من تفكير شسوي أنهزم
بس اذا انهزمت هل مره بابا لو ماما يصير بيهم شيء
كافي شمس نهزمت أنوب أني الحگهة.
بس أني هم حقي ما أكدر أضحي بمشاعري. بنفسي علمودهم شنو ذنبي
نهال: -شجن، الدنيا مو مثل ما تتخيلين، مو دايمًا تاخذين اللي تردينه، مرات لازم نرضى بالواقع.
التفتت. ماما أجتي كعدت يمي. ما حجيت وياها وأحس شايله عليه بكلبي كلش
هي إلى جابت عمر وهي إلى تفقت وي اخته على السالفة جاننن متفقات يزوجنة هو وشمس
وشمس طفرت، وكعت بيه أني
شجن: -أني ما أكدر ما أحب أبن أختج هي كوة.
نهال: -ياأمي يا حبيبتي بس جرّبي، إذا ما صار شيء ما تفاهمتوا على الأقل گولنا حاولتِ. ولو أني متاكدة راح تقتنعين مجرد تتعرفون وتحجون اكثر
غمضت عيوني حاولت ألزم نفسي وأبقى قوية
: -ما أگدر أوعدكم بشي.
نهال: -تمام حضّري نفسچ وباچر نشوف شلون تمشي الأمور.
عفتة وصعدت لغرفتي
حسيت كأنو واكفة على حافة الهاوية
ولازم اقررر، سواء جنت مستعدة لو لا.
باوعت للشباچ، الشمس گام تغيب، كأنو تگول اليوم انتهى، بس قرارچ بعده.
: -ما أگدر.
نفتح الباب ودخلت مرام ملهوفة أستغربت جيتهة اجتي حضنتي وكالت
: -الحمدلله على السلامة شجون
: -الله يسلمج حبيبتي بس من وين دريتي
-: ليش هو منو ميدري بعدين هذا ابن عمج شبي همجي اووي عاط بوجهي من دكيت الباب
: -خيولي ميحترم معليج بي
تلمست خدي وكالت: -لا تبجين المهم رجعتي
بجيت بقهر: -لو ميتة مو احسن لج ماما راح تزوجني اااني شعلية مو نخطفت كدام عينهم ليش مخلين الصوج بيه.
حضنتني وطبطبت على ظهري: -أهدي حبيبة أهدي واحجيلج شكو زواج شنو
كعدت حجيتلهة السالفة كله حجت بهدوء
مرام: -أفهم شنو تحسين بس العايلة كلها دا تفكر بمصلحتچ. ويجوز هذا الصح
شجن: -ما أگدر أعيش حياتي ويا شخص ما أحبه. الزواج مو يوم يومين. الزواج عشرة وحياة طويلة. شلون أعيش ويا واحد ما أحس بأي شي اتجاهه
مرام: -شجون المشاعر تجي ويا الوقت. يمكن بعد الزواج تحبينه.
شجن: -لا ما أگدر أخطي هالخطوة. ما أگدر أعيش أضحك على نفسي باجر واذا ما حبيتة شلون.؟
مرام: -ما أدري الصراحة بس فكري باهلج شوي
شجن: - ما أگدر أضحي بسعادتي علشان أحد. ولا حتى أهلي ما أگدر أعيش حياتي واني ما مرتاحة
مرام: - لازم تتعايشين وتتقبلين
شجن: -مو مستعدة أعيش واقع يصيرلي السجن.
مرام: -لا سجن شنو بالعكس اهلج يريدولچ الأفضل
شجن: - أدري يريدون الخير إلي، بس الخير إلى هو أنو أعيش حياتي بحريتي، مو أكون جزء من قرار ما إلى يد بيه اصلا همة ديقرون بكيفهم.
همست مرة ثانية، بس هالمرة جانت الكلمة بيها قرار. قرار إني ما راح أتزوج عمر، حتى لو وگف الكل ضدي.
شمس:
صار كم يوم هاي البنية مها زينة وياي ودحاول تتودد إلى أني ما كلت لا
أنطيته على مايه قابل شعندي وياها اذا على على فهو لا أعرفة ولا يعرفني
فبقيت أسايرها كلت أشوفها وين توصل وشوي استفاديت منها تجيب إلى ملابس منه
واني هنا ماعندي ملابس بشنو أبدل وتجي يمي نسولف ونضحك وتحجيلي عن ناسهم وأهلهم
وشلون عايشين فالوضوع تحت السيطرة
الغروب كلش كاعدين بالحوش ومها جانت تخلي حطب بالتنور تدوي.
حتى تخبز والحجية كل شوي كاتلهة ادوي زين حتى الخبز ميلزك بي
رفعت راسها كالت: -هيي البغدادية تعاي عاونيني
كلت ميخالف رحت يمهه كعدت أقطع العجين طوبات أصغيرة والف الهة وهي بعدهة توقد بالتنور
باوعت على الكلادة بصدري طبعا أني جنت لابسة شال اشلون ما جان شامرتة شمر
كالت: -گلادتچ حلوة
: -شكرا
: -ما تنطيها
اتذكرت على كال لا تنزعيه واني بدون شي ضارب عندي خيط أخاف أشخط وهو ماكو
: -لا حبيبتي أجتني هدية ما أكدر أنطيها.
: -نمونة شني
: -لا بس هي هدية والهدية ما تنعطي وعد أني أجيبلج غيرها
نكتتت ايدهة من الماي وتباوعلي مبوزة مثل الضاجت حجت بزعل: -انة اريدن هاي
: -والله محلوة أجيبلج أحلى منها
: -يووو حلووة جا غير بيه اسم علاوينة
لزمتهه بيدي تذكرت هي بيه اسم علي بس حرز باأسم الامام عليه السلام يعني مو علاويهم
هاي شراح يفهمه هسه، كملت العجين وكمت
عفتهه ورحت وهي تصيح وراي: -ماشايفة هي كلادة
للحد الليل بالعشة جانو مسوين سمچ شوي.
وكاعد يمنه كاظم واني والحجية
وكاظم ياكل بشراهة نسف السمجات نسف بس الحجية متاكل كلش قليل اكلهه
وتفلس وتخلي كدامي وكل شوي وكالت على واصاني عليج
والله لو يصير بي خير ويساعدني ويرجعني للاهلي ولا هل وصية
اكلت أشوية وياهم ورحت تمددت حتى جاي ما شربت احس نفسي مو هلكد
اكو فد شي كاتم على نفسي ممرتاحة. نمت وحسيت بخيال فوك راسي وايدة تتتلمس بشعري
سرت أقشعريرة بجسمي ورجف كلبي فتحت عيوني بسرعة وفزيت باوعت ماكو احد.
بس الحجية نايمة ودنيا الليل مسحت وجهي عركانة وصوت نباح الچلاب يجي من برة
شكد نايمة وبيش الساعة هسه اخر، شي عفتهم يتعشون. شوكت غفيت
مادري بس خفت كمت جريت أفراشي وخليته يم الحجية كلش بصفهة
غطيت راسي ومطلعة بس عيوني اباوع بكل الاتجاهات وارعش
ماكدر اغمض عيوني من الخوف. وخرت الغطة وتقربت من الحجية ندهتهه بصوت خافت
: -حبوبة، حبوبة أكعدي.
جان نومهة خفيف بحيث بسرعة فزت. واني جنت خايفة واريد اي شي احتمي بي كتلهه بسرعة
: -اريد انام بحضنچ عادي
جان هي ابتسمت ومدتلي ايدهة دحست نفسي بحضنها وكالت بضحكة: -نامي حبوبة نامي ادري بيج متعودة تنامين بحضن رجلچ
استغفرلله منين أجة رجلي غير أطيحظة
غمضت عيوني وضميت نفسي بحضنها
واتمنى اتلاشة اختفي الله ياخذك على شوكت تجي
هسه اموت هنا وانت ماكو.
طبعا اليوم علي. الدايح
أجة مدري وين جان غاط. جان كاعد يتغدة وحبوبتة تسولف ويا وتسالة عن امة
وكل شوي وكالتلة امك البغدادية الصفيرة أشلونهة
ولا أنوب هو مستقبل الموضوع
بكل راحبة صدر ويحجون سوة على امة...
وهو عادي دا ينطي الحجية على مايه. مليت اجيت يمه كتلة: -علي وين جنت
علي: -يم مرتي ثانية
خزرتة شكد تافه عبالي ميتة عليه كرصته من رجلة
تحرك وكال: -شني مشتاكتلي
: -مگطعة نفسي عليك
: -اي مبين.
: -ما كتلي وين جنت
: -شغل
: -صارلك أسبوع عايفني هنا وشوكت تعالجني
: -اليوم انروح للسدة
: -شنسوي
: -غير أعالجج
: -ها اوكي بس شنسوي
: -معليج خليهه وراي الج الصافي
هزيت راسي وگمت عفته يتغدة، طلعت برة بقيت أفتر وارهف عن نفسي
البارحة خفت خوفة اخت الصدك وعلى حسيت شي يفتر عليه الليل كله
أنوب رحت للمضيف مالتهم باني من گصب أني ما داخلة من قبل الة
تفاجت واني أشوف رجال مچتفي بي. ملامحة رايحة من ضرب وجهه كله تراب، ودم.
جان يتحرك بكل قوة ويحاول يفك نفسة بس ماكو
تقربت منه شلت الغطة من عيونة وهو فز
فتح عيونة حيل وباوعلي، ركزت بي هذا نفس الشخص الجابني من بغداد
ايهاب. حاول يرفع راسه، بلع ريگه بصعوبة، وهو يحچي وكأنما روحه تطلع وياه. كال بتوسل: -شمس دخيلج ساعديني
: -انت شسوي هنا
: -ماكدر أحجيلج شي بس فكيني على راح يكتلني
: -لا، لا. اكيد على ميقبل
: -مو أني ساعدتج ووصلتج للاهلج رديلي الدين وساعديني.
: - ماكدر انت تريد تكتلني اصلا
: -منو كالج على صح
: -اي
: -يجذب عليج يخدعج
: -لا ميجذب
: -زين ليش ما گتلتچ من جبتج ل بغداد مو جنتي وياي فكري بيهه لتصيرين غبية
: -شنو للي يخليني أثق بيك اصلا شنو يثبت كلامك صح وعلى شنو غايتة وياي هو اني شعندي مثلا
عيونه جانت تحچي غير كلام نظراته كأنه يريد يصيح بية يفهمني شي أنا ما شايفته
ضحك بسخرية وكال بهدوء قاتل.
: -لجج مو وياج أنتي شنو على غايتة اكبر منج انتي بس وسيلة يوصل عن طريقهه
توترت ونرعبت من كلامة معرف أصدكة لو أجذبة زين اني ليش وأثقة ب علي.
: -لا لا، على ميجذب!
هز راسه ونظرته صارت مظلمة أكثر، كأنه يحاول يحفر الحقيقة بعيني، وكال بحدة
: -يضحك عليج لحد ميوصل للي يريدة
بقيت صافنة بوجهة وهو فعلا أيهاب لو يريد يكتلني جان كتلني بالطريق ما وصلني للاهلي
فركت ادية وسالتة بصوت مرتجف: -ليش هو وين يوصل
ايهاب: -أهلج واعمامج وازاد على راس القائمة مخلي وانتي الطعم إلى يوصل عن طريقة
شمس: -ماجاي افهم عليك.
ايهاب: -فكيني وأني أفهمج اصلا اذا تردين أخذج وياي ونشرد سوة
شمس: -ماكدر
ايهاب: -رح تكونين سبب بموت هواي ناس
شمس: -واني شكو شتحجي انت
ايهاب: -كتلچ فگيني حتى أفهمج ماكو وكت والله
عفتة وطلعت عقلي كام يوز اذا أبقى أفكة
علي شيريد مني، يمكن حجي ايهاب واقعي
لازم اخذة بعين الاعتبار هو لو يگتلني جان سواهة من قبل شمعنى هسه
رحت كعدت بسد الشجرة وبقيت ساعات كاعدة وحدي وماعرف شسوي أنهزم زين واذ رحت أشلون.
معقولة اني مابيه شي وهو سوالي شي وخلاني اوهوس حتى يجبرني أبقى يمه
ليش أحسه رابط مصيري بمصيرة
بوسط هوسة أفكاري سمعت صوت طلقة على الصوت طارت الطيور وأني فز كلبي وطار وياهن
من وين ديجي الصوت. جان من جهة الساگية إلى تبعد مسافة عن البيت
رجعت لمضيف لكيتة ماكو أيهاب، ركضت للغرفة جانت بس حبوبة كتلهة بخوف: -علي وين
ردت وهي متمددة: -طلع لصيد وي ربعة هسه يجي يصيدون أطيور الماي.
كتلهه بكلبي لا حبوبة على يصيد بشر. ركضت للساگية مو أمشي مشي
لا اركض ركض واني دا أمشي صادفني كاظم جاي وبيدة سمج صايدة كال: -وين رايحة مرت اخوي
وكفت اللهث وايدي على صدري: -ها. ها مو شسمه اريد اسوي رياضة اركض شوي
كاظم: -على راحتج بس مو تتاخرين راحن تغرب والهور بي اضباع لا تنوگلين
هزيت راسي بي وكملت، وصلت للساگية وشفتة اي شفتة، على يحفر بگبر ويم جثة
جثة أيهاب، قتلة يربي موتة يالله مات فكيت عيوني مصدومة.
وواگفة بمكاني هو ما جان منتبه إلى ملتهي يحفر
المكان يم ساگية شبه مقطوع
ماكو احد ودنيا أغروب راح يصير الليل
رفع راسة شافني تفاجئ كال: -شمس
رجعت خطوة وهو عاف المسحاة و تقدم بتجاهي ادي كلهن دم
ركضت منهزمة مرعوبة منه، بس لزمني ودمر ادية احس لطخني ويا بالجريمة
ضربتة بعشوائية واني أحاول اخلص نفسي منه
: -عوووفني
: -بس أفهمج اشبيج
: -قتلت رجال يربي
رد بدون أهتمام: - ايهاب.
عطت بوجهه منهارة: -ليش ايهاب شنو حيوان غير بني ادم
: -شو مصدومة من زمان كتلچ أگتلة
: -ليش
: -شني ليش جان راح يكتلج لو ما گاتلة
: -لتجذب
: -والله
بقيت بمكاني وهو رجع كمل
حفر الكبر، وسحل الجثة دفن الرجال و دنيا صارت لليل وغيمت وظلمة
وباردة أسنوني أصگصگ واحد بواحد وصافنة عليه مفزوعة
أحس دشوف أشياء فضيعة أني هسه شاهدة على جريمة قتل
نزلت عيوني لدية يرجفن عصرتهن حيل ونكتتهن اريد تروح الرجفة بس ما راحت.
خايفة، لا مو خايفة اني مفزوعة كلبي طار من اضلوعي
علي شخص غامض ومجرم ويع ف أهلي
وبعد شنو يطلع وراة الله اعلم شكد سهلة عندة هيج يقتل بني ادم بهل سهولة
جان مدنك يطمم بالجثة ويساوي بالكبر بالمسحاة
حجيت بصوت يرجف مصدوم: -مات
رفع راسة عيوني بعيونة أني ما أخفي خوفي منه شكد ما حاول ابين شجاعة بس بداخلي مرعوبة منه
ماعندة مانع بي للحظة ممكن يقتل شخص والوضع عندة ماشي.
نظراتة الشرسة وحدهن يوحن شكد هو شخص غريب وغامض ميخاف ذكي ومتخفة عليه خافية
علي: -اي مات
شمس: -يعني خلص هاهيه مات الرجال
ارتگة على المسحاة وحجة برود: -لا هسه شوي ويكعد
جنت محتاجة يطمني حتى لو بالجذب، شي فضيع تشوف جريمة قتل وتندفن الجثة اكبالك
مستحيل الموقف ما ينوصف والله لا يخلي بشر، بهيج موقف بيوم من الايام
بس هو الحقير ما طمني ولا بكلمة كلش عادي عندة ويرد برود.
حطيت ادية على وجهي وبجيت، بجيت بصوت عالي أنحب تأففف وكال
: -موزين على طفل لا تبچين
هنا صدك أنهاريت كتلة بحقد: -الله ياخذك شكد مجرم وماعندك رحمة هيج سهله عندك الرجال مات
علي: -يابة وذا مات جاا شنسوي حد يومة
شمس: -أني، أني خايفة مرعوبة راح موت والله
علي: -مرعوبة.؟
شمس: -اي كلش والله
علي: -اي. لازم
أبتعد عن الكبر ومشة للسيارة جاب بطل مي مدهة الي: -أشربي واهدي.
اخذت البطل من أيدة لازمتة بيدي وهي ترجف وعلى البطل يهتز باوع على ادية وكال
: -أخذي نفس لا تموتين
شهكت اريد أحجي والعبرة متكسرة بكلبي هذا الاسبوع شفت جريمة فضيعة
: -م. م. ا. ر
زگح بيه
: -كافي رح تنچلطين
: -ما. ماك، اريد الكلمة تطلع لساني لزك بلهاتي
جفلت من لزم أدية بين ادي
أخذني للسيارة فتح الباب وصعدني ارتگة على الباب بظهر وجهه عليه ولازم جفوف أدية.
يحرگهن بحركة سريعة مثل الحرگة إلى نسويه بالاصطفاف بالمدرسة الصبح حتى ندفة
كال.
: -أنتي على هاي رجفتچ كولي الطفل يهز چتف
: -ش، ش.
: -لا يالحسن گامت توشوش
: -ش. شجچلبت أنت طفل وطفل هو وينة.؟
: -نسوي.؟
: - مالي خلگگ
عافني ومشة وگف يم الكبر قرأ سورة الفاتحة و جاب المسحاة إلى حفر بيه الكبر وأجة
صعد بصفي واندارلي: - هااا بشري رح الرچيف
: -ش، . شوي احسن
: -يابة شگد رچيچة
: -ترى جريمة انت تعرف شنو جريمة
: -ءااا.
هيج كالهة عود مستغرب او دا يستهزا
: -ولا أدري يابوية چأأ ضعت لو ما كايلتلي
: -أنت كتلت الرجال هذا
: -لا يول رجال صايم مصلي چا هيه بارياو شنو؟
: -لا تچذب
: -شنو رايچ أحلفلچ بالعباس
: -ليش تستهزا متحس يعني
حك طرف حاجبة وحجة بملل
: -تعرفين شنو جان رح يصير لو باقي عايش.؟
: -شنوو.؟
: -أنتي واهلج بعداد الاموات
: -أهلي شعليهم
: -شلون معليهم
: -أنتم شتردون منه ما دا أفهم
: -أحسلچ
: -علي
أبتسلمي وحجة بذوبان: -أعيونة.
كبر شگد تافه وميستحي
مسحت وجهي بس دموعي مصرات ينزلن اليوم بجيت بچي مال سنة ليكدام كتلة بدموع
: -دا أحجي بجدية
هز راسة وكال
: -جأا أنة شگايل هسه
: -دا تتمسخر وأني وأني
: -اي. اي. أنتي
: -أني تعبت والله والله العظيم رجعني للاهلي
: -أرجعچ
: -ايي
: -وين،؟
: -للاهلي
: -همة أهلج وين
: -ليش دسوي هيچ
: -شمسوي
رصيت أسنوني بگره: -علي
علي: -عيونة
شمس: -الله ياخذك
علي: -، هأا
شمس: -والله
علي: -ماشي
شمس: -ايي ماشي.
سكت. عيونة على الطريق والطريق أظلم وبس كصب وماي وأحنا نمشي على شارع ترابي
قريب على ضفة الماي. خايفة خاف يحطني ويكتلني وأندفن هنا ومحد يدري بيه
التفتلة هادي وثابت مركز على الطريق
: -هسه شنو
علي: -شنو
شمس: -ترجعني
علي: -لا
شمس: -ليش
علي: -بكيفي
شمس: -زين أنت هم مفكر تگتلني
علي: -شلون ما سمعت
شمس: -تكتلني يعني هم راح تموتني مثلهم
علي: -لا
شمس: -والله
علي: -ونبي نوح
شمس: -يعني ما أموت
علي: -أنتي شتردين.
شمس: -ما اريد أموت
علي: -ماشي
شمس: -كلت ماشي
علي: -اي
شمس: -علي
علي: -لو أسمي حلو لو أنتي شگلتي
شمس: -مو أني خايفة شوف أدية يرجفن
علي: -اي خافي
شمس: -يربي، حجيتهة وبجيت تعبت نفسيتي عض باطن خدة وأبتسم
: -لتصيرين زوچ
: -شنو
: -هيجي
: -ما فهمت قصدك
: -جا هو أنتي يايوم فهمتي
: -أني كرهتك والله كلش حقدت عليك
سكت ولبسني، صعدنة الشارع العام ومعرف وين رايحين
هنا كلشي مبهم، لحد ما صف سيارتة يم مطعم سياحي نزل جاب أكل وأجة.
وريحة الكباب عبت السيارة. جنت جوعانة بس الدم بدية لعبت نفسي من الاكل
اما هو فتح الصينية وكال بتلذذ بعد ما باوعلي: -اويلي تنگرط
: -شنو هي
: -الكبابة. سولي لفة وكال: -أكلي
: -ما أريد
: -لچ بابة أكلي لا تموتين
: -شلون ألك نفس تاكل هستوك دافن شخص
: -بثواب المرحوم
: -ميريد ثوابك جان خليتة عايش
: -أنة شعلية
: -لعد منو گتلة أبوي
: -طماطة حارة أوف
كلما يحجي يباوعلي ويگول. أوف. طيبة. تموت
مدري ياكل مدري يتغزل بالاكل.
مارتاحيتلة، وهو لح عليه هواي بس ما اكلت ويا الظاهر هو متعود يكتل وياكل بثواب الناس
الي يكتلهم الامر طبيعي عندة
دك مبايلة وهو ياكل أشرلي أطلعة. مديت أيدي وطلعتة من جيبة
وفتحت خط حجة ولكمة بحلكة: -نعم
رد الشخص الثاني: -علي وين أنت
علي: -شعليك
: -يمعود تعال حيدر أغتالو
علي: -لا يالحسن شلون
: -ما ادري بس تعال اخوي وهاي ثانية سهاد ماتحجي
: -لييش.
حجة ذاك بملل: -دكول يجي على الا أحچي فدوة لعينك تعال مالي خلك لسوالف النسوان
نتر بي بعصبية: -مو أنة اذا أجيت أشگهة نصين
هو كال هيج واني رفعت عيوني لعيونة صفن بوجهي وعاف الگمة مثل إلى ما جان قصدة
او شي يحجي كدامي. عاف الاكل وسحب المبايل من ايدي وكال
: -يلا سدة مسافة الطريق وأجي
اول ما سد الخط كتلة بفضول: -شنو خاطف وحدة جديدة
: -لا
: -وهاي سهاد منو
: -ضرتچ
: -شلون ما فهمت
: -مطفية
: -لتگلي مطفية ما أسمحلك.
: -ميخالف
: -شنو الميخالف
ما رد ورجع ياكل سم أن شاءلله. كمل وعاف إلى وحط الصينة ورة
ونزل غسل ورجع. كتلة اريد أغسل ادية
كلهن دم.
ف أخذني للمطعم جوة. جنت مخلية ادية بجيوبي وامشي وراة خايفة احد. يشوف الدم بدية
وهو كدامي فتت للحمام وهو بقى برا منتظرني جان الحمام خارجي مو داخل المطعم
دخلت وكفت على المغسلة وفركت ادية حيل بصابونة ورجعت بزاهي.
اريد أشلع ادية من مكانهن احس اريد ارجع نظيفة بس أني توصخت هذا المريض وصخني ويا
طلعت من الحمام شفتة يخابر ويدخن من اجيت سد الخط. كال
: - تاخرتي
: -غير غسلت
: -عبالي سبحتي
: -أحس نفسي وصخة
باوعلي وطول نظرتة عليه واني عيوني مدمعات هو فهم مقصد كلامي من كتلة وصخة
ما حجة مشة واني وراة للسيارة صعدت بالخاني ورة هل مره
التفتلي وكال.
: -شكو
: -نعسانة اريد انام
: -براحتج
رجعت سالتة: -أحنا وين رايحين
: -للسدة.
: -حبوبتك متدري من طلعت خاف تقلق
: -خابرتهم ارتاحي
هزيت راسي ونمت بسيارة دايخة ومنهگة وراسي صفة من البچي عيوني مغوشة من الدموع
من فتحت عيوني لكيت نفسي بمكان واسع
فراغ چبير وجدران مصبوغة بالوان سودة
محىلوة، ما جان عندي أحساس معين
لا خايفة ولا مطمنة أني فارغة من كلشي
وين مشاعر الخوف والرهبة
مال البارحة
المكان غريب. گمت من مكاني فتلت عيوني
بكل الاتجاهات
ومشيت خطوات بطيئة متجهة للباب طلعت والضوء طك بعيوني.
أني وين، هذا الجنت بيه غرفة قديمة وأكو بمسافة بعيدة غرفة خشب ويمه
سيارة علي. وصلت قريب لباب مديت راسي
أباوع وشفت علي
وأثنين زلم وبنية هاي الدكتورة إلى شفتها بالمختبر. واكو شخص مجتف ومعلگي
باالسگف بالعكس. ومخلين برميل ماي
علي حاط الكرسي بالعكس وكاعد عليه وذولة شباب واحد مرتكي على الحايط ويدخن وثاني
كل شوي ينزل هذا رجل برميل يغط راسة ويطلع
والبنية واگفة على جهه عدهة أكثر من جهاز مادري شسوي بيهن.
تدنيت يم الباب أستمع الهم.