رواية عروس الهور الجزء الأول للكاتبة هيلانا الفصل الحادي عشر
نزلت من غرفتي بهدوء بس صوت بابا وأزاد بالصالون أستوقفني.
كعدت على أخر باية، أستمع لهم مو طبعي أتسمع، بس كلامهم بهمس شدّني.
سالم: - ما أريد شمس تتأذى أزاد لازم ترجع لي بتي سالمة.
أزاد: -عمي لا توصيني عليها تعرف شنو تعني لي شمس. بس أنتَ هسة لازم ترجعون للعمارة هيج أكدر أضمن سلامتكم على الأقل لحد ما نخلص من بيت هاشم.
سالم: - ما أدري والله بس صعب تدري بنات جامعة ومرت عمك هنا كلهم متعودين على حياتهم هنا.
أزاد: حياتكم أهم وهسة الوضع خطر. ترجعون يمي تبقون كم يوم بين ما أرتب لكم بيت وأخلي عليه حماية تبقون يمي لحد ما يستقر الجوء أرجع لبغداد أنت والعائلة
سالم: شوكت؟
أزاد: من عين باجر.
سالم: - خوش جا اليوم أحجي للعائلة وإن شاء الله باجر راجعين ولازم أشوفلي واحد ينقل الاثاث والاغراض.
أزاد: - انت بس خذ العائلة وارجع وأنا أخلي الولد ينقلون الأثاث ونرتب لكم بيت جديد.
بابا طبطب على كتف أزاد و هزّ رأسه بامتنان. گمت رحت للمطبخ وكفت على السنك. شنو هاي؟ راح نرجع هناك؟ شلون أنعيش والله، هنا ما خلصنا نكعد يمهم غير يطلعون لنا گرون. أوففف!
شوية ومشى أزاد سمعت طگة الباب وبابا صعد للغرفة. ماكو دقائق، وگبت العيطة بينه وبين ماما. أكيد ما قبلت تروح يارب كون أتاثر عليه ومتخلي ياخذنا يم أعمامي.
بس للأسف خابت ظنوني وماما قبلت تروح. شلون وليش؟ ما أدري بس هي قبلت.
ثاني يوم رحنا من الصبح ما أخذنا وياي إلا جنطة صغيرة بيه ملابسنا والأشياء الضرورية.
تاركين ذكرياتنا وحياتنا هنا متوجهين للمكان ما عشنة بي ولا حابين نروحلة مجبورين
ماتخيلت نفسي بيوم ارجع لهاي المحافظة
ربيت وترعرت بمكان ثاني
ما حس نفسي انتمي لهنا امتعظت غيض بداخلي
مر وقت ووكفت السيارة.
اكبال مزرعة نزلت ورة ماما وبابا أجر بجنطتي، واستقبلنة جدو وعمو أبو ازاد
واخوان أزاد. صادق وعساف جنت مركز عليهم وفزيت من صفنتي على صوت ماما وهي دكلي
: -سلمي على جدج.
بعد ما أنطتني نظرة ماراضية فركت ادية بتوتر وتركت الجنطة
: اه جدو
تقربت سلمت علية ودنكت بست ايدة مثل ما أمرت ماما وهو باسني براسي ورحب بينا بحب خالص جدا
جنت كاعدة بصف ماما وأني أحسب بعدد الاشخاص إلى مقابيلي حاليا.
عدد النساء حوالي عشرة واكفات وأثنين كاعدات
وحدة حجية واعتقد زوجة الجدو
بس مو بيبي أم أبوية لا هي زوجة جدو فقط لان جدو مزوج أثنين
وثانية عمة بابا أچمالة
بعدني اذكر ملامحها ما أنساها ابد
أحب هل أنسانة على كدد ماهيه لطيفة وحنونة وبيه صفات غاية بالخلق
التفتت على جهة جدو أكو فد خمس ارجال واگفين
واحد شايب غير عساف الكاعد يمنة
هسه عرفت اسمة عساف حلو ابن عمي اسمة عساف
هذا اخو ازاد الچبير.
اما البقية ما اعرفهم وماعرف منين طلعو كل هل نفرات معقول صاير عدهم تكاثر بعد ما نتقلنة لبغداد
جانت الساعة ال بالعشرة والحديث ما أنتهى والكل مخبوص بالقضية
بس أني تعبانة جدا وردت اخذ قسط من الراحة لان بكافة الاحوال اني مايطلع بيدي شي
أسوي الهم غير أبجي بس بيت جدو جان الهم رأي ثاني وزاد جاي بالطريق
وبابا بقة منتظرة حتى يحجي ويا، أجاني الفرج أخيرا بعد ما جدو كال.
جهزتو غرفة لشجن ترتاح بيه. اجيت أكوم أبوسة من راسة، لان مدمرة دمار من التعب
لذت بالافرار بمجرد ما كالت مرت عمي لشغالة تاخذني لغرفتي
البيت واسع وبي هواي مداخل ومخارج صعدنة لطابق ثاني وجان مخرج ودرج يطلعك من
طبق ثاني لحديقة الامامية للبيت، فتتت لغرفة وجانت كلش حلوة
هي طلعت واني ارتميت بتعب على سرير، جان يوم شاق وعصيب
غمضت عيوني ونمت بملابسي واني افكر شنو راح يصير وكم يوم راح نبقى هنا.
وشنو مصير شمس المفقودة وهل احداث كله ترن براسي
فزيت على صوت يكعدني رمشت أستوعب منو واكف اكبالي
غمضت عيوني وفتحتهن حيل. حجية جبيرة بالعمر مرتبة كلش كلش
تنورة وقميص اسود وشال ذابتة ذب على راسها ولابسة نظرات
تحسها كاشخة وعدها فد طلعة لشي مكان كالت بأحترام
: -ست شجن ينتظروج على العشة
وخرت الغطة وحجيت: -شوي وانزل وراج
رحت غسلت ورتبت ملابسي ونزلت كعدت بالصالة
مابيه احد فارغة لعد وينهم.
لميت رجلية وتربعت على التخم مررت عيوني على صورة جدو معلكة على جدار
بقيت اتامل التحفيات الموجودة كله قديمات تحسسك بعدك بزمن التسعينات
كل هل خير والفلوس والجاه إلى عايشين بي أعمامي هي بفضل ازاد
أزاد جان ضابط قبل السقوط جان منصبة حساس وخطر وجلاد بنفس الوقت
أيام ما بدأ يشتغل جان من يجي لبغداد يمر علينا وشمس جانت بعده أصغيرة
وكلش أتحبة وهو يجي متلهف الهه وشكد يجيب هدايا الها بس بيوم من الايام.
كعدنة على فاجعة أعدام ابن عمي ميسر. الي هو اركان جان بحزب الدعوة
بس محد يعرف بنتمائة وشغلة وازاد هو إلى باعة ووصلة لحبل المشنقة بيدة
وبسبب هل سالفة ترفع وصار أقوى من قبل بس هل شي سببب رعب النا
الناس جانت تتحسدنة عود عدنة ناس بدولة بس إلى عايش ويانة راح يعرف وضعنه
جانت ماما اربعة وعشرين ساعة تلغن بينه تمجيد الرئيس وكلمات الحب وميصير نحجي كدام
اي احد. من اعمامي على الحكومة ولا حرف.
وشمس بعد ما سمعت بموت اركان وازاد هو السبب
كامت تخاف منه وتتخبل لحد ما كبرت وحتى بعد السقوط وأنتهى الحكم بقت أتخاف
ولحد هسه من تحجي دكول الحياطين الها أذان ماما دكول
وهو كلما تكبر يزيد حبة اله وهي عكسة يزيد كرهه الة
بعد السقوط، الحياة تغيرت كلياً. صار الوضع مشوش، والناس كلها متوجسة.
صارت الشوارع مليانة حواجز وكل واحد يحاول يلمّ شتات حياته.
ازاد ختفى بهاي الفترة واهلة كالو طلع خارج العراق.
وهو جان مشرف على أعدامات
هواي ناس وشخصيات معروفة بالتالي هو جان مطلوب وناس جانت أدور ثار
جنت أحاول أفهم شصير بس كلشي جان غريب ومربك.
: -شجونة كاعدة وحدج
فزيت ورفعت راسي جنت صافنة على الشباك وبالي راح لذيج الايام
عساف كعد على الكنبة مقابيلي يدخن سيجارة ويباوع ليكدام
عساف شخصية هادية ومرتب عكس ازاد
مندفع ووكح
عساف: -كبرانة شجون
أبتسمت ملاطفة: -اكيد لعد شنو أبقى أصغيرة
عساف: -وحليانة هم.
شجن: -شكرا على الاطراء اللطيف
رفع عيونه عليّ وكال: شعجب بعدج ممزوجة
شجن: -بعد وقت
عساف: -شكد عمرج هسه
شجن: -هواي عشت
ضحك وبعد عيونة علية. توترت لان كاعدين وحدنة
عود كالت تعالي أتعشي أنوب ماكو
خاف اسالة وخاف عيب. طفة جكارتة وحجة
: -اخذي راحتج البيت بيتج لا تتتقيدين
: -عساف أنت هنا وأني ادور عليك
التفتنة لمصدر الصوت مسرة زوجة عساف
كالهة: -شني ضايع وادورين عليه.
مسرة: -لا بس مالكيتك فوك ولا بالگراج توقعت بالحديقة
عساف: -شفت بت عمي كاعدة وكعدت يمه ندردش
تأفففت وحجت بخبث مغلف بالطافة: -اي همزين لعد
دورت عيونهه إلى وكالت
: -شسوي شجن اخاف على عسافي من النسوان الخطافة
أبتسمت مجاملة ما رديت عليه وهو كال يلا كومو نتعشة
نزلنة لصالون بالطابق الارضي ولكيت الكل متجمع على السفرة واني مثل المطفية كاعدة فوك
بس اني هم شدراني البيت جبير
واحد يضيع.
كعدت بين ماما وبابا وجدو كاعد على راس طاولة واكبالي عساف ومرتة
وبصفهم ازاد ومن جهه ثانية بصفنة صادق وزوجتة حسناء ومرت عمي ام عساف وعمو
جنت مااكدر اكل رغم الاكل طيب بس تقيدت
من ورة نظرات عساف المستمرة الي
كلما ارفع راسي الكة مخلي ادي جوة حنگة وصافنه بوجهي ومن أنتبه يدير وجهه
انوب هاي مسرة مبينه وكحة ولسان والله تفرسني اذا لگفتني اباوع لرجله
وعلى اساس ميته عليه بس شنو مدري هو شو نظراتة غريبة.
اكلت شلون ما جان وكمت طلعت للحديقة شوي واجت ماما وراي كالت
: -شو ما تعشيتي ماما
: -مو جوعانة
: -أكللهم يصعدولج اكل للغرفتج خاف تستحين من أعمامج
: -لا ما اريد بس ماما شوكت راجعين لبغداد
: -منرجع
: -تحجين صدك ماما
: -اي ولله
: -وحياتنا هناك
: -بلشن حياتجن هنا ماكو فرق
: -لا حياتنا موو هنا انتم دا تقرورون بكيفكم
: -مابيدي شي هذا قرار ابوج واعمامج
: -كولي اعمامي لان بابا يمشي بكيفهم
: -نتحمل شنسوي
: -مو مجبورين.
: -لا مجبورين حتى ترجع أختج
: -شلون يعني شمس شعليه
: -ازاد كال راح يرجعهه ولازم نتحمل بين ما ترجع وراها اكو الف حل عود بس هسه أستقري وجامليهم لا تبقين شادة وجهج عليهم
: -خنگة وهمه دا يزورونة وذني جناينهم مدري شلون يباوعلي
: -عادي يا أمي واذا باوعلجن ياكلنج
: -مو هيج بس أتحسس منهن
: -خيولن أتحملي هل فترة خلا نشوف شلون تصفة
: -تمام وعمر؟
: -شبي
: -بعدج على قرارج.
: -كلشي اسوي لمصلحتجن بعدين تكبرين واتصيرين ام وتعرفين شنو شعور الام وشلون تفكر واكيد راح تعرفين سعادتجن اهم شي واشوفجن مستقرات ومحد يحجي بسمعتج وشرفجن
: -اذا صىرت ام ما راح أصير مثلج ولا راح أجبر بنتي تزوج شخص متريدة
: -شبي عمر وليش متريدة شناقصة جمال شهادة افلوس شو خير بخير وخالتج بالبيت ادللج دلال شتردين بعد اكو احسن من هيج قسمة
: -مااحبه ما دا احس بشي تجاه.
: -طبيعي يحبيبتي الحب من يلبسج حلقة وتحجون وأطلعون راح تحبي وتگومين تموتين عليه وكولي امي كالت
هزيت راسي بالموافقة ودخلت جوة مليت وتعبت من العرايك وياريت لو تفيد متفيد.
شمس
ميام: -اذا كتلتوني شراح تستفادون
علي: -جا واذا عشت شني نستفاد
ميام: -كلشي
علي: -مثل شنو
ميام: -أدبرلك موضوع حاكم
علي: -جا مو خوش
ميام: -والله ماعرف بس مكان حاكم
علي: -وفر على روحك الدگاگ وأحچي
ميام: -العباس يسطرني ان جان ادري وما أحچي
نزلوا بالماي ومهاد يكلة: -أحچي ولك أحچي
غطوا راسة بالماي وهو يصيح: -أسمعني بس أسمعني علاوي العباس عليك اسمعنننني اااانه ماااخونك مااااخونك وداعة خوتنة.
علي: -أنچب لك أنچب
عزيز: -رح يموت على انه أكول كافي اليوم
علي: -يگتهن اليوم كلهن
عزيز: -بس هيچ يموت وماراح يفيدنة
علي: - وشني يعني،؟ چلب ومات
أشرللهم على وطلعو من الماي ونزلوا ربطو على الكرسي وهو يتنفس سريع مخنوك وشابع ماي
علي: -تحچي.؟
هز راسة بسرعة وهو يگح: -ايهاب أتفق وي مثنى عليك
علي: -حلو حبيبي وبعدين.
ميام: -بعدين مثنى خان بيهاب ووصل الحجي بصورة غير مباشرة ل ازاد وكالة بت عمك عد على ال هاشم خاطفه.
حجة على بسخرية: -اانخوك
ميام: -واخذ الحيطة ومنتظرك تلحگة للعمارة
علي: -أنة الحگة
ميام: -هو متوقع هيجي حركة منك
التفت على للدكتورة معرف شنو كالهة وهي راحت على الولد المربوط وهم زينت شوي من شعرة وخلت جهاز براسة ومن بعدهة فقد الوعي
مثل ما صار وياي بالضبط
كملت ولمت أغراضهه وعلى كال للمهاد
: -وصل الدكتورة
مهاد: -جا عزيز شنهي شغلة هو يوصله
عزيز: -عندي حساسية من النسوان
علي: -بدينه بكلان تبن.
عزيز: -وابو فاضل ترطن مكسيكي وأنه أنسطر
گوم أنت وديهة شبيك
هز أيدة مهاد وأخذة الدكتورة وتحرك، ركضت بسرعة وختلت ورة سيارة علي
لان همة طلعو وخاف يلزمني هذا المخبل وتصرفاتة ما تنحرز
مهاد مشة واجت سيارة لاكته وجهه بوجهه ودك هورن وبقى يدك لحد ما وصل ل علي
وعلي مبتسملة. وكفت سيارة ونزل منه شاب اشكر حلو وعيونه شهل حلو كلش حلو
علي: -تاخرت ربع ساعه
عصام: - هنه دقيقتين
علي: -ربع ساعه.
عصام: -فتهمنه عاد كول مساء الخير لو ماتعرف بالاصول والذوق
عدل وكفتة على وكالة: -ياازلمة من تحجي هيج احسك نثية وادور اهتمام ودلع ابن الطراك
ضحك ورد عليه بصوت أنثوي: -أوف دلعني علوش دلعني بعد روحي
ضربة علابية وشبگة: -اويلي أبطحك ومرغلك هنا هسه
عزيز: -جا وانه شو لا سلام لا كلام
عصام: -افااا انت بروحي كح.
أيع شكد ادبسززية ويحجون كلام محلو.
التمو تلاثتهم وعلى صعد على بنيد سيارة كعد. فاني كعدت ورة سيارة ودنكت احس راح الگف
عصام: -كالولي صايد حجلة
علي: -افاااا شتعرف اخوك يصيد حجل لا بوية كله غزلان
عزيز: -وغزلان من غزلان
عصام: -من بيت ازاد
سحب نفس من جكارتة وهز راسة بتفكير
عصام: -يعني ما ناوي ترجعه
علي: -حاليا لا
عزيز: -البنية خطية شنو ذنبه
علي: -ما مسويلهه شي وراح ارجعه بس مو هسه
عصام: -ابن الحلو ليش مترجعهه
علي: -مو شغلك.
عزيز: -كول عاجبتك الغزالة ومبقيه عدك
عصام: -والله ابن عمهه راح يمرعد دينة
علي: -شنهي اخبارة
عصام: -دزلك مرسال البارحة يكول الك ملهة يومين ترجعه والا ميصير خير
علي: -كون يكدر
عصام: -مادري بس هو متخبل على بت عمة وداخل استنفار امني القصر مالتهم كله حماية وطير الطاير ميدخل جوة
علي: -يصير زلمة ويجي ياخذ بت عمة جا أنة أكول لا
عزيز: -شنسوي علاوي.
علي: -نلعب على بارد وحق هو ابو الحسن اذا ماأرد الصاع صاعين أطلع عار على الزلم
عزيز: -شلون
علي: -بتة عمة ترجع بالمقابل يسلمنة حاكم ومعتز
عصام: -احتمال مايقبل
علي: -يقبل
عفتهم يسولفون ورجعت على كيف أتختل للغرفة الجنت بيه الصبح
أخاف يشوفني وما تنحرز ردة فعلة
جان اكو فراش لكيت نفسي نايمة عليه من اجيت
هو رجعت كعدت عليه، مرة ساعة تقريبا
وشفتة دخل ابتسملي
بس اني بقيت مغندبة بوجهه
كال.
-شلونة الغزال مالتي.
-شو أنت متعرف تحجي شنو مالتك
-أوفف أخرب على العصبي
-جوز مني عاد لا أكوم افلش وجهك والله لا عبالك بنية ترة كلشي يطلع مني
-اويلي اخدر أنة يلا گومي
خزرتة وماكمت جذب اكوم أنسحل شمالني مخبلة وهو الحقير يدري ويضحك عليه
وحقة يضحك اني شنو عمي رجال مجرم اني طگيتة طلقة وما مات ولهسه متندمة رغم هو المعفن ما مات
بس حسيت نفسي مجرمة وهو مدري شلون عايش ويمشي ويذبح بالوادم
: -لشوكت تبقى تضحك عليه
: -ماضاحك عليج.
: -مو كتلي اخذج للسدة
: -رح اخذج كومي يلا
گمت وطلعت امشي قبلة وهو وراي ويمشي ويصوفر ويذب حجي
مدري حسيتة يقصدني واستحيت من كبر لفة
صعدت بالصدر وهو اندار صعد بصفي
كتلة بتسأل: -ورة ما نكمل ترجعني للاهلي
بسل شواربة وحجة: -أشوف
شمس: -شنو تشوف
علي: -أحتمال ما اريد ارجعج
شمس: -عرفة ولفة وباقية يمك
عگف وجهه والتفتلي: -غير ام أبني
شمس: -ساعة السودة
علي: -أحلى ساعة.
درت وجهي عنه على جامة مو مال اخذ وأنطي بالحجي ويا هذا نيتة سودة على أهلي
ولا أكدر اوجهه وأحجي ما أضمن شيسوي فقررت أسايرة وسوي روحي ما أدري بشي
لحد ما أخلص من إلى أني بي بالاول وبعدين اذا ما رجعني لگة طريقة وأنهزم
مسافة الطريق وصارت دنيا الليل فكال نمر نتعشة ونكمل طريقنة
مرينة بمطعم على الشارع العام سياحي بس جان مختلف مو مثل باقي المطاعم
جان فاخر، من هذولة المطاعم اللي حتى بطل الماي بيها كاسات كزاز.
والناس هنا كلهم من الطبقة المخملية. مبين من لبسهم وأشكالهم
علي دا يماطل بطلب الأكل، يسوي نفسه مهتم بالمنيو، بس أني متأكدة إنو مركز وياي. عيونه تروح وتجي.
دورت عيوني بالمكان الموسيقى الكلاسيكية هادئة، الجو هادي بس أني كلبي يدك من التوتر. كاعدين بركن هادي، وأثنيناتنة ساكتين أني مجنبته أباوع لأي شي إلا على. علي
ما استمر هذا الوضع هواي انكسر الصمت من گامت بنية من الطاولة إلى بصفنة وأجتي علينة.
جسمها مليان وجهها دائري أبيض مثل الگطن وكفت يم علي
رفع راسة مستغرب ضرب صفنة عليها
يمكن فقد الولد ما أدري.
حطيت ايدي على الطاولة ارتكيت عليها
أباوعلهم.
جان تكول بصوت عالي شوية: - مساء الخير يا أنزك وأنق بشر بالسهرة
علي ضيق عيونه مستغرب ورجع نظراته اليّ، مدري ليش، لزمتني الضحكة. هو جان مصدوم ما مصدك وصراحة وقاحة البنية تخلي الواحد يفكر ألف تفكير.
كال باستفهام: - تحجين وياي.
: -ليش هو اكو واحد هنا أنق وأنزك منك
علي: ماكو
: -لعد ليش متفاجئ
علي: -تعرفيني
: -لا بس ممكن أعزمك على عشا
علي: -وين
: -على طاولتنا
حرك ثغره وكال بعجرفة
: -لا ما أكدر أعوف أنستي
التفتت أنطتني نظرة من فوك ليجوة رجعت تحجي ويا علي: - زين خل أكعد وأشارككم السهرة
علي: -شرايدة بالضبط
: -نتعشى ونتعرّف.
ضجت منها وهي شو كلش زايعة المستحة نقرت خفيف على الطاولة: -عيني أغاتي ديكلج مايريد شنو لزكتي
ردت بغرور: - شعليج.
: -اني شعلية
غمزلي على وحجة: -شمس لا تگطعين رزقي رجع كال للبنية أنتي شسمج
ردت بدلع: - مياس
علي-: مياس مو لحيتي
مياس-: أعرف تصرفي تهور وأني مستغربة من نفسي بس شسوي جذبتني وما بيه شي الإنسان يعبر عن مشاعره
علي-: انتي متأكدة
مياس-: متأكدة وجيت أحجي وياك وحقك تتفاجئ بس أني بنية متحررة كاسرة الحواجز المجتمعية.
علي: - يعني تايهة.
شمس: - محد مربيج
مياس: -لا أكيد مو بهالصياغة
علي: -زين شنو المطلوب هسة.
مياس: - عشا أو رقمك
شمس: - أثنينهن ماكو
مياس: -الحجي مو الج رجاء لا تتدخلين، اندارت لعلي كالت بضحكة أنثوية: -شكلت يحلو
علي: -شمس ما تقبل.
مياس: - يا شمس
علي: - مرتّي الكاعدة أكبالج
فكت حلگهة وأشرت بطرف أصبعهة: -يعني أنتي زوجته
شمس: - إي عندج مانع
مياس: - أوبس توقعت ما مرتبط.
شمس: -دمشي أزحلگي يلا
علي: -يعني صارلج ساعة تحجين وياي وما منتبه لمرتّي؟
مياس: - أعتذر ما توقعت هالوسامة والجمال مرتبط.
علي: -شنسوي الزين شرايته هواي.
ضوجتني كلش ولا بعينه حجيت راصة أسناني: -امشي لج امشي لا ألزمج وأطلع قهري بيج
خلت رجعت لطاولته ومادام احنا كاعدين عيونها على على يربي على جماله كبر ولا عده ذوق
بعد ما مشت عم السكوت على طاولتنا. السكوت اللي ما بي بس موسيقى كلاسيكية
لاسالفة ولا حتى همهمة خفيفة بس صوت أطباق الطعام اللي وصلت متأخرة وكأنو تذكرنا بوجودنا.
أني جنت أنقر بأصابعي على الطاولة أحس بضيق وأنا أباوع لوجه علي. وجهه ما جان عليه أي تعبير لا غضب ولا حتى استغراب. مثل كل مرة
أكلت على الساكت وعيني عليه
رفع كأسة الماي شربه بشربة وحدة
وكال بصوت هادي كملتي عشة.
شمس: -اي
علي: -نمشي
شمس: -ماشي
گمت غلست ورحت للسيارة قبلة وهو أجة وراي مدري حاسب ابو المطعم مدري راح أنطة رقمة لمياس خطية
حرك سيارة وكال: -سولفي مرتي وين أنروح.
: -علي أني شفت جريمة قتل وصرت مخبلة من وراك وانت كتلي راح تعالجني ووثقت بيك ولحد هسه دتماطل بسالفة ليش ما دا أفهم
: -ياحبيبي غير هل ماخذج
: -شنووووووو حبيبي شو انت متعرف تحچي
: -جا شكول
: -شمس أنييي تعرف شنو يعني عالية ما تنطخ مو أنوب حب واحد دايح مثلك
: -الزمي لسانج
: -واذا ما لزمته شسوي تكتلني مثل أيهاب
: -أسويهه
: -والله
: -جربيني
: -شمس متخاف
: -وعلي ما تعرفينة
: -أنت كلش مستهتر.
: - الحمدلله على نعمة الاستهتار
: -مفتخر
: -احب قلة الادب والاستهتار
: -قسمأ بالله أنت مو صاحي
: -بالعكس كلش صاحي أنة
خزرتة. باوعلي عاگد حاجبة ونظراتة حادة: -أشبيج كبد
: -لا تحجي وياي بهالطريقة ليش محسسنييي أني حبيبتككك
: -لان أنتي هيج
: -بكيفك هيته شنووو
: -اي بكيفي
: -والله انت مخبل
ضحكت بسخرية وكملت
: -مجرم ومريض ومخبل رسمي شنو يطلع بعد. منك...
ما حسيت لزمني من حنگي وقرب راسي الة احس.
وجهي وجعني همس بخبث: -شمس. شمس اخر واحد. كلي أنت مخبل دفنتة بتربان فلا تلعبين وياي الزمي السانج
: -ماخاف موتني
: -اويلي صايرة نمرة
: -دوخررر ايدك كسرت فگي، دفعتة ولزكت نفسي لباب السياره وهو بقى يسوق على الساكت
مشينة مسافة لحد ما وگفنة بمكان مهجور وكلة گصب وأثل هاي الاشجار المعمرة
وبس صوت الطيور تنود بي نزل وندار فتحلي الباب المكان يخوف وغريب
ترددت أنزل مدلي أيدة: -يلا تعالي
: -أخاف
: -أنة وياج.
: -هو أني أصلا أخاف منك
: -جا شلون أجيتي وياي
: -ملا چارة
: -أنزليي عيني
لزم أيدي بيدة جنت أباوع للمكان وكلبي يدك
وهو يمشي عادي وبيدة الثانية لازم كتاب شمس المعارف
وصلنة للكبر وحدة بهل هيمة صاير على ضفة النهر
والتراب مغطي ومبين قديم كلش
بديت أحس بصوات وهمسات نفس الاصوات إلى تجيني دوم گمت أحس بيهم موجودين
أحنا مو هنا وحدنة همة موجودين شوي شوي بدة صوت العويل والصريخ يعلى.
نرعبت بزايد رصيت على ايد على وهو شد على أيدي مثل إلى يطمني ويگلي لا تخافين
: -خلي نرجع للسيارة بطلت
: -لا
: -علي
: -شمس أثبتي لا تخافين أنة وياج
مشينة خطوات وگفنة يم الكبر وهو تحرك مد أيدة على الكبر وبدة يحجي گلام ما مفهوم
جنت أرجف وأني أحس بيهم وراي ما أشوفهم بس أنفاسهم بذاني احسهم يطخون أيدي
وشعري يتحرك بعشوائية، غمضت برعب وما خليت أية أعرفهه ما قريتهه لحد ما عاط بيه علي
: -شمسس أسكتي لا تتشتتيني.
: -شمسوية
: -لا تقرين أيات
: -بس.
: -سوي مثل ما گتلچ
بقيت ساكته وفجاءة صوت العويل والصراخ تحول لصوت طرب عبالك كاعدين بعرس
أتلفتت هيمة ودنيا ظلمة اذا أتحط أصبعك ما تشوفة والمكان مگطوع بس الاغاني عالگة
گمت أحس بروحي تلعب وريحة ما طيبة أشمهه بنفسي. ادية ترجف وكعت على ركباتي
أباوع لعلي اريد أستنجد بي بس هو جان بحالة من سكون وبيدة الكتاب وابد ما باوعلي
ردتة بس يلتفت احس أختنگت ومعدتي وصلت لحكلي أتقيت.
أتقيت أشياء غريبة وريحة كلش خايسة لعبت نفسي من نفسي بقيت أجتفت وروحي ذابت
وصوتي أبد ما طلع ولا كلت علي، ومن بعدهه فقدت الوعي
وعيت على صوت شوشرة يمي، فكيت عيوني
علي كيف ثگال
طاحت عيني على جماعة علي. عزيز ومهاد
واحد كاعد بالصدر والثاني يسوق
رفعت نفسي وحاولت أستعدل بكعدتي جسمي تعبان كلش ومالي حيل. التفتلي عزيز وكال
: -ها خوية شلون صرتي
: -زينة بس وين ماخذيني
: -لأهلج.
سگتت ما سالت مررت أصابعي على الكلادة بعده بركبتي واليوم عكس باقي الايام
حسيت نفسي خفيفة عكس ذيج الايام جنت أحس مختنگة وصدري مقبط وحدة
وصلنة لتقاطع، وبنص طريق أجة شخص ثاني أستلمني منهم والي فهمته
هو وسيط بينهم وبين أزاد. جان أسمه رائد
ركبت بسيارتة وجانت مسافة جدا قليلة
ووكفت السيارة على جهه جنت قلقانة ومتوترة وكلبي لاعب وما طمنيت لحد ما شفت
سيارة أزاد طبگت ويا سيارتين حماية تشكر من الرجال وفتحلي الباب.
أشرلي أنزل وأسبقة للسيارة، مشيت صعدت قبلة وهو بعدة يسولف وي رائد شوي وأجة
صعد بصفي على الساكت بس باوعلي بنظرة غريبة من فوك ليجوة مثل إلى يتفحصني
وجهه مغندب ميگصة السيف وملامحة محتدة.
بعد ما مشينا مسافة قصيرة ما أحس الا ووشت أذاني من الراشدي مالحكت أستوعب ليش أنضرب وهو جرني من شعري نبهت لوني
ازاد: -لللججج بتتتتت الكلب شلوووون تمشين ويا هاااااا.
لزمت إيده شعري ينشلع من مكانه المكان اللي ضربتني بي دكتورة گام يوجعني ويبزنّي
: -اااخهخخ ازززاددد عوفنيييييي وجعتني
ازاد: -حيوووووانةةةة صرنا كاولية من وراج والله إذا ما ربيتج من جديد يا شمس أطلع كواددد إلا أشوفج أنجوم الظهر لججج أني من وراج أتنازل لعدوي
شمس: -طبّبك مرض أني شعلية كتلك تعال طلعني
ازاد: -هذاااااا لسانج إلا أكصّه ماعرف يربيج عمي
شمس: -مرباية وأشرف منك.
هو وي كل حجاية يگفخني على وجهي. ركع راسي مرتين بدشبول حسيت بالدم على عيوني راح يموتي
نسطرت وأني منا تعبانة ما كدريت أحجي دخت كلش من شافني انتهيت عافني هدّني وروحي نسحلت وراسي كام يوجعني وجع ما يطاق.
مسافة طويلة واني شبه فاقدة وماعرف وين ماخذني ما وعيت على نفسي غير لما سحلني من سيارة
جابني سحل ونزل يدك بالباب قوي ودمي مغطيني عبالك فصلية لو تايهه لحلگة.
شجن
صوت دك الباب قوي نزلت بعد ما سمعت عياط وحجي قوي. انصدمت
واني اشوف شمس بيد أزاد منتهية، وجهها مشوّه من الكتل. ماما شافتها وفرفحت
بابا مو هنا راح يجيب باقي الأغراض من بيتنا. يا على منو يخلصها من إيدة؟
ماما تريد تاخذها من إيدة طاح بيها، دفعها
نهال لككك عوووف بتي ياااااهمجيييي شلون تضربها هيج؟
أزاد: وانعللللل ولديهههه
عساف تدخل دفع أزاد عنها ومجرد ما دفع ازاد عنها و ماما جرّتها لحضنها.
البقية جانوا يتفرجون لا صادق تدخل ولا مرت عمي ولا جناينها.
عساف: كبّر عقلك أزاد حتى إذا البنية غلطت مو هيج تسوي بيها
أزاد: أطيح حظهة بعدها ما شافت شي أدمرها دمار أطلع هالتگح من عيونج
أباوعله وهي بحضن ماما و حجة بصوت عالي حضّروا نفسكم باجر العقد مالتنا واريد كلشي جاهزز
ردت أمةمترفزة: -يعني تريد تموتني مالكيت غير هل عايبة تاخذهه
نهال: -ماااااكو عايب غير ابنج.
: -والله عمي امكانية اني لو عندي بناتج مافك حلگي بحجاية ولا اتفلهم
نهال: -تاج راسكم وراس كل واحد يحجي عليهن
وماذابتهن عليكم
ازاد: -حقج يابة حقج تردين تعبريهن لتكريت أثنينهن مو. ما نعچبچ أحنا
نهال: -ناس مثقفين اخوالهن مو مثلللك همججي بدل ما تحتويهه تضربه يااااغبي يا جاهل
ما أشوفلك غير ام ازاد هدت على ماما تريد تضربهه وازاد لزم وعاط بيه
: -كااافي يوووم كااافي لا تتدخلين وباجر عقدنة صار معلوم.
عاد شمس جان منتهيه بس مدري شلون نطت من حضن ماما وحجت بحقد: -البس جفن للكبررررر وماالبس بدلةةةة بيضة للواحد حيوان مثلككك
وهو فحم من العصبية اجة يلزمه ولو ما عساف جان موته بينة بخت بعساف موجود
هي وماتكدر تلزم السانها وهذا ازاد مسودن يتخبل اذا مراة تغلط عليه
يمة عود يحبها وهيج موته لو يكره شسوة
اخذتها للغرفة وصوت ازاد بعدة يرن وماما هم ما سكتتلة وهو يتخبل بزايد.
الشتايم والفشاير جانت تتناثر والله حسيت نفسنا بنات الليل على حجيهم
كلش كلش جان عدواني ومهيمن وحاد سنونة على شمس اذا ازوجوو يموته يطلعها من الاسلام
جانت تون واني امسح بالدم من وجه وخلي لزكة على مكان الجرح. أشرتلي على راسها
: -الوجع هنا
: -شسوي شمس منو ياخذج للمضمد يشوف راسج
: -بابا وينه
: -مو هنا بغداد
: -راح اموت من الوجع
: -هو اذا ماتموتين من الوجع ازاد يموتج
: -انتم شجابكم لعمارة
: -راح نعيش هنا نهائي.
غمضت عيونه مسحنة لحد. ما أجت ماما كالت كلت ل عساف راح يجيب المضمد جيرانهم لهنا يشوفهه
هذا عديم التربية ازاد ميقبل نطلع. فعلا بالليل أجة المضمد شافهه طلع راسها مشگوك
من دهر لفك ازاد. لف راسها وعلگ اله مغذي وهي نايمة ما حاسة بشي
ماما بقت كاعدة يمهه واني نمت
لثاني يوم كعدت الصبح لگيته كاعدة قبلي كاشخة
ومخلية مكياج وراسها ملفوف وجهه ازرك ومورم يربي هل بنية خبلة
مشت متجهه للباب صحت عليها: -وين رايحة.
: -أنزل جوة جوعانة اريد اتريك
: -لج شمس اكعدي خليهم يصعدولج ريوك هنا فدوة بلا مشاكل
: -وليش البد واضم راسي ممسوية شي غلط
: -ترى انتي غلطانة وسوايتج محد مسويه نهزمتي وي رجال غريب
: -والله هذا الغريب يسوة عشيرتي كله
صفنت عليه وهي نفخت كذلتهه وطلعت بكل صلفة نزلت جوة اووف منج شمس.
كاعدين بالمطبخ نتريك والصراحة لگمة كوة تفوت بالبلعوم ونوب بيت غريب
ولا بعمرنة أجينة للبيت عمي ابو ازاد وهسه كاعدين يمهم أنوب همه يگىرهونة
ومرت عمي بس تزور بشمس وهاي شمس اوف صلفة ومستفزة ولا عبالك مسوية عمايل
كاعدة تتريك وكل شوي وحركت طرف شعرها بصابعه
حجت ام ازاد.
حياة: -عيني الخاتون كومي حركي نفسج ساعدي البنات أطبخي شي مو راح أتصيرن جنة بهذا المهيوم.
شمس: -والله يا دادا اني من زمان خاتون والخاتون متحرك نفسها
: -مو يمي
: -بكل مكان بعدين شسوي الماما ما علمتني الطبخ
: -جا وازاد شتوگلينة على المطعم بعد عيني
: -ليش ضربت ازاد على ايدة يخطبني بنات عمة خير الله مطشرات ويخطب منهن شكو يركض وراي
: -ولج شگدودتج ولسانج شطولة الله يساعد أبني عليح هسه أنتي من حورج ويركض وراج ام زلم بس غير بسحورتچ علگتي الولد
أخذت رشفة من جاي وكالت برود.
: -الأصيلة تتعناها الزلم شسوي يعني بيدي وبعدين هسه أني سويت سحر سويت غير أسوي لواحد يسوى قابل أسوي للابنچ
ردت بعصبية: -والله على جثتي يزوج وحدة دايحة مثلج شبعووو بيها ورجعوها
: -الله وأيدج تسويلي فضل
خليتهم وصعدت فوك الجوء هنا يخنك وبس مناكرة هي مرت عمي متريد شمس بس أزاد يحبها
وشمس ترد الحجاية بعشرة ومدري شلونة الوضع
بقيت أحوس ماكدر أنام.
لحد ما أجت شمس دخلت تفتر وادور بالكنتور واني اباوعلهه طلعت صبغ اضافر
وشمرت نفسها على قنفة أصبغ بضافرها
: -انتي متحسين شنو
: -ليش
: -كل هل حجي وبعد الج عين ولا ادري هلكد صلفة
: -هسه دريتي
: -منو هذا الشردتي ويا ماراح تحجين
: -لا أحجي
: -اي بلا كليلي منو
: -عشيقي
: -وعلي ما تستحين
: -من زمان
أحجي وياهة والصدمة مسيطرة عليه اني ما شايفة هيج حيل متغيرة
صايرة تنگط خبث وحقارة ومستفزة بشكل
ولا جنهه أختي شمس.
البارحة طلعناهة جثة من أيد ازاد واليوم ولا عبالك مسويه شي تفتر وتتبختر
گمت طلعت من الغرفة اذا أبقى أتعارك وياهة
فتحت المبايل لكيت مكالمات من أستاذ بيرس
أستغربت وبنفس الوقت لفحتني كفخة من المشاعر
مادري حنيت واشتاكيت للايام قبل
ضغطت أتصال وأنتظرت شوي هو رد كبل كال
بلهفة: -شجن
شجن-أهلا أستاذ بيرس
بيرس: -الفففف هلاا وينج مختفية أجيت للبيتكم كالولي شايلين
شجن: -اي صح
بيرس: -وينن شلتو.
ترددت أحجيلة بس أكو شي بداخلي يدفعني أحجي وافضفض اله حجيت بتوتر
: - للعمارة
: -شوداكم هناك وشعجب شنو هل قرار بساع بساع
: -بعد صارت
: -اكو شي شجن أحجيلي
: -لا ماكو شي أستاذ، حبيت أغير الموضوع لان اذا بقيت أحجيلة عن خطبتي وانهار
كتله بتسأل: -شوكت أجيت لان كالو مسافر
بيرس: -ما صار يومين وأستغربت ماشفتج بالدائرة وسالت عنج ما مداومة كل وعبالي محمد التفر مسويلچ شي وأجيت للبيتكم
شجن: - الحمدلله على السلامة.
بيرس: -الله يسلمج بس شوكت ناوين ترجعون حتى ترجعين للشغلج
شجن: -ما راح نرجع
بيرس: -باقين بالعمارة
شجن: -اي
بيرس: -شجن شكو شصاير ليش متحجيلي صاير تطورات بقضية أختج
شجن: -أختي لگوهة رجعت
بيرس: -اي الحمدلله على السلامته جا بعد شكو
شجن: -هو يعني صارلتنة مشاكل وبابا قرار نعيش هنا يم أهله ونترك بغداد
تنهد ورد: -وين بالعمارة أنطيني عنوانكم
شجن: -شسوي بعنوانة
بيرس: -أجي أشوف الوالد وأتحمد الكم بالسلامة.
يربي ناقصني اني: - أحنا بخير وهاي ميحتاج تجي وأتعب نفسك
بيرس: -لأ، شجن. أنا أريد أعرف وينكم بالضبط. ما أكدر أطمن عليكم إذا ما عرفت وينكم.
شجن- أستاذ بيرس والله كلشي تمام بس قرار بابا نعيش هنا. بس هيج
بيرس: -إذا كلشي تمام ليش ما ترجعين للشغل؟
شجن: -لأن قرار بابا نعيش هنا. وما راح نرجع لبغداد.
يعني شلون ارجع بعد
بيرس: - شجن أني فاهمج بس الشغل مهم. إذا ما رجعتي، راح تخسرين فرص هواي.
شجن: -أعرف أستاذ. بس هسه الظروف ما تسمح.
بيرس: - إذا ما تگدرين ترجعين ممكن نتفق على شي مؤقت. تشتغلين شغل عن بعد، أو تجي يومين بالاسبوع.
شجن: -لا مو ممكن
بيرس: - تمام، شجن. أني موجود إذا احتجيتي أي مساعدة.
شجن: - شكراً أستاذ بيرس.
عصرت المبايل حيل بيدي يربي ما اريد أزوج
أحس متعلقة بي مادري أعجاب لو حب
بس احسه ملهوف إلى ويتحجج هسه شلون شسوي لو مطيتة العنوان.
رفعت راسي على طگة الباب. شمس وهي لازمة صحن فاكهه بيدهة وسجينة اجت كعدت أكبالي
ضحكت وحجت بنص عين: - شنو صار؟ المدير قلقان عليج؟
شجن: -شمس صوتج لا يسمعج أحد الموضوع مو لعبة.
شمس: - واضح مهتم بيج
شجن: -مهتم.؟ هو أستاذي، وما أريد أفسد العلاقة بيناتنا.
شمس: - العلاقة وأستاذج! ترا واضح دا يدور أكثر من هيج
شجن: -للي يسمعج يصدك
شمس: -طيب براحتج بس أني شايفة بيرس راح يكون خيار جيد يبقى أحس من أبن خالتج.
شجن: -مادري عوفج مني شراح أسوين
شمس: -بخصوص شنو
شجن: -علمود ازاد ترا حدد الخطبة هسه اكيد بس يجي بابا وجدو يحضر والبقية تعقدون
شمس: -هذا يحلم بالتسعين
شجن: -لا تستهانين بالسالفة
شمس: -ما راح أزوجة لو على گص ركبتي
شجن: -بلا سواه وكتلچ
شمس: -خفتنة وراحة
لويت حلكي بفتور. شمس حيل متغيرة بايعة ومخلصة فد مرة
أنتبهت لابسة كلادة بركبته بيه أسم علي حجيت بهمس: -أسمه علي
شمس: -منو
شجن: -حبيبج
شمس: -شگاعد تحجين شجن.
شجن: -اول مره أشوفج تلبسين كلادة مو متحبيهن
لزمتهه بيدهة وتنهدت: -هاي غير
شجن: -لازم منه
شمس-: يربي لزگت
حبيت أشوف ردتة فعله كتله: لعد أطينياهة أشوفه بلا
حجت بسرعة: -لا مالتي ماكدر
شجن: -بس أشوفهه شو احسه مميزة
شمس: -لا
شجن: -هيج تحبي
شمس: -والله مو صوجج صوجي كاعدة يمج
گامت واني صحت وراها: -كولي كولي تحبي لا تستحين
: -تحب منو،؟
التفنة على مصدر صوت أثنينة بسرعة.
نفلجنة واحنا نشوفة واگف أكبالنة بالباب.
شمس جمدت وبلعت ريكهة بخوف.