رواية عروس الهور الجزء الأول للكاتبة هيلانا الفصل الرابع والعشرون
محَد فادِني كَلهم مواسم خَوف
ملابَس موتى بَس اول ايامي انعَز.!
مرت عشر دقايق وهو بالباب گمت ورة شفتة مرتكي على الباب وازاد واكف أكبالة
ما أدري شنو يحجي ويا من شافني أبتسم وكال
ازاد: -شمس أجيت أخذج يم أمج وأختج
شفت على باوعلي فركت أدية: -شكرا ازاد أبقى هنا
ازاد: -تبقين وحدج بت عمي هيج كالها بثقة كدام علي
علي: -أنة يم بت عمك مو وحدهة
مادري حسيتة رد بي أستهزاء ومعايرة ل ازاد
ذاك فرك وجهه وحرك راسة بعدم رضا
: -خوش الايام بينة ابن هاشم
: -أن شاءلله.
خلة ومشة وعلى قفل الباب وطب كعد سالتة
: -شيريد ازاد
: -يمسلت
: -لا صدك
باوعلي بعيونه اللي بيها شي ما أعرفه
: -اي والله يمسلت
مد رجلي وكال: -سويلي جاي
عرفتة ما يريد يحجي شگد مرات يسكت بس عيونه تحچي
خليت ومشيت لمطبخ خليت جاي على النار
وكتفت أدي مرتكية على السلك نزلت دمعة باردة من عيني إني ضايعة من حياتي من أبويا إلى راح من على إلى ما أعرف شنو ورة
بديت أخاف مو منه.
من نفسي إذا ضليت أمشي وراه. وأني ما أعرف شنو دواخله. هو دوم ما يحجيلي
صبيت الجاي وأخذتة الة
سمعتة يخابر ويحجي بتهديد
: -لا تتدخل طلع نفسك من سالفة لا بالقران أدكك وأدك وساف السافل
رد كالة بعصبية: -وحگ على ابن أبي طالب إلى يدوسلي على طرف أدوس على راسة وراس عشيرتة وتعرفني لا أخجل ولا أستحي أمشي ولي
قفل الخط وأني بمكاني والجاي بيدي ردت أفوت وجهازة دك مرة لخ.
باوع على شاشة وأتاففف فتح خط بدون ما يحجي مادري شنو كالوا الة رد بسخرية
: -يشهدون عليه عود يورطني الكلب أبن السطعش كلب والله الا علگهم بالبنكة واحد واحد شاربي مو عليه يهددني المطي
سمعت هواي شتم صار عندي تلوث سمعي وعلى صاير جنه السان دلالة
فتت حس بيه اندار وقفل الخط
: -سويتلك جاي
حطيتة گدامة وكعدت بصفة يخوط بالاستكان ويتأفف ما مرتاح
ساكت وأني هم ساكتة فرگت أصابعي سوة وكتلة
: -باجر أروح وي أهلي لنجف.
: -أنة أخذج
: -أريد أروح وياهم يعني وي ماما ما عوفهه وحدهة
: - براحتج
: -شكرا علي
جان لازم أستكان من كتلة شكرا رجعة بالصحن والتفتلي صفن بوجهي شوية وحجة
: -على شنوو
: -على كلشي سويتة على شاني من يوم تعرفنة ل لليوم
خلى عيونة على عيوني وحجة بطئ وهمس
: -أنتِ الغلط الوحيد الما متندم عليه
نمل جسمي وأستغربت كلامة
: -غلط ايش
: -هيجي
: -علي
: -روحة لعلي
: -هم ضام عليه شي
: -لاءء
سكتت وهو مدلي الاستكان
: -صبيلي بعد أستكان.
ابتسمت ورحت صبيتلة خليتة كدامة وحجيت
: -طيب
: -لا بس راسي يوجعني على الجاي
: -مو طيب وشربت استكانين
: -أشاقة
: -دكول عاشت أيدج
: -عاشت ايدج والله سباعية
خليت راسي على متنة: -علي منو الة ايد بموت بابا
: -ابن عمج العار
رفعت راسي بصدمة الة: -ازاد مو معقولة
: -لا معقولة
: - شي ما يتصدك
: -هو ما كاتل بيدة بس الة ايد متاكد مثل ما الله واحد ازاد الة ايد بالسالفة.
: -يا حقير الله ينتقم منة ليش هيج يسوي عود هذا ابن عمنه ومن لحمنة ودمنة شنو غايتة
خلة أيدة جو حنجي ورفع راسي الة ركز بعيوني
ارتبكت: -لا أدوخين روحج أنة أتكفل بالسالفه
ابتسمتلة وكتلة: -تبقى يمي ليلة
: -جا شلون أعوفج وحدج
: -همزين أنت موجود جان ضعت
: -ما أضيعين أنتي قوية
: -لا مو قوية جنت قبل متقوية بابا وهسه متقوية بيك
: -وأنة دوم بظهرج.
حضنت أدي وحجيت: -كلي ثقة بيك ديربالك تكسرني بيوم لا تخليهم يشمتون بيه أني جذبت الكل ووثقت بيك والثقة مو سهلة وما تنعطي لياهو الجان
عض على طرف شفتة وخر أدي مني طلع جكارة ورثها وأخذ نفس مادري حسيتة مهموم ومو على بعضة ما رد
عفتة على راحتة وگمت للغرفة مالتي رتبته وهو أجة وراي كال
: -اريد أسبح
: -بس ما عندك ملابس هنا
نزع قميصة وأني وأكفة ورة مرتگية على المغلسة التتفتت عليه يسولف وياي
صارت عيوني على صدرة.
أتذكرت كلام الدكتور من كال ماعندة اي أصابة سابقة تقربت منه خليت أيدي على صدرة
وهو لزم جف أيدي وضحك وباوعلي بستفهام
: -علي أني مو طگيتك جيلة
طگهة ضحكة بصوت عالي: -يا طلابة چيلة صارت عار
: -لا مو عار بس ليش ماكو أثار
: -طابت جا أضل دوم
: -بس هم يبقى الاثر
: -هسه أنتِ شتردين
: -ما أريد شي بس أستغربت. باوعت على مكان عمليتة ذاك يا واضح
: -شوف مكان عمليتك مبين
: -غير ماصارلي جم يوم طبعا تبين.
سكتت، كالي: -بعيونج حچي
هزيت راسي ب لا
: -جا أشبيج سكتتي
: -ماكو شي بس مستغربة ليش ماكو أثر
: -عمي أرجعي طگيني جيلة وسويلچ أثر
أبتسمت مجاملة بوجهه وهو حضني
ما مقتنعة بكلامة وهو يراوغني بالكلام غلست ما حجيت خليته يسبح وطلعت للغرفة
كلت مابيه مجال أرجع من النجف وأروح لمستشفى أستفسر عن الموضوع أكثر.
شجن
ازاد: -تعالي نحچي
مرام: -هاااااا أني لييشش
ازاد: -موضوع مهم تعاي
مرام: -آخ لو تدري شكد أكره كلمة موضوع مهم. كل ما واحد يكلي هيج يطلع أكو مصيبة
گامت وبيدهة لفة تاكل. كعدت بصفي كالها برود
: -أريدچ تشهدين عاللي صار
فتحت عيونها وضحكت بصوت عالي
: -أااااني أشهددد عمي لا شفت ولا سمعت جنت أشرب عصير وأصچم بالحلوين عاد أني شگو بعد.
رجع ظهرة ليورة مستند على القنفة حرك أيدة على أسلاحة الحاطة بصفة وعيون مرام صارت على السلاح وأني هنا تاگدت هو ديهددها بشگل غير مباشر
: -أنتي سمعتي وشفتي ولازم توافقين تشهدين
بس مرام وين عود تخاف لا أبد ردت عليه بحدة
: - هسه أنتي كومتني من عشاي علمود هاي
أعذرني ما أشتگي ولا أقدم اي أفادة بالمركز
: -تشتگين
: -ما أشتگييي
زگح بيها متعصب: -مرررام
: -نعم
: -اذا سكتي معناه مشاركة بالجريمة.
: -مشاركة بجريمة هاااي جديدة يعني شنو كوة.؟ بعدين شنو ذنبي مخليني بنص بلا رجل شمس سوالي شي أريد أعيش بسلام معلية
: -الچ الامان مني
طگتهه ضحگة: -فدوة يا أمان هو دحموا نفسكم بالاول غير عمك أنقتل
عصر سبحتة بيدة وعيونة راح يطلعن من كد ما تعصب منها كلت راح يكوم يركع راسها بالحايط بس اتمالك نفسة
: -إذا إنتي ما تروحين تدلين بإفادتچ واسمج ينذكر كشاهدة راح أضطر أخليهم يستدعونچ بالإجبار ونعتبرج مشاركة بالجريمة.
: -يعني راح أطلع مطلوبة مثل بالأفلام يكتبون على وجهي WANTED ههههه بربك تره شكلي ما يساعد أصير مجرمة أني كلشي بيه بريء، حتى ضحكتي مال أطفال.
أزاد: -ضحكتج ما راح تنفعج من خليج تعفنين بالسجن
حجة صادق من يمة: -انتي لو عدچ نقطة ضمير تروحين ودكولين الحق مو مجلبة ب أني مالي علاقة
مرام: - عيني يمكن يضربوني يمكن ينتقمون آني شنو ذنبي
ازاد: -كتلج أنتي بحمايتي
: -وتالي على يحطنة و يكتلنة أني وياك
: -يخسييي.
: -بس والله أخاف
: -الجبان يموت كل يوم، والشجاع يموت مرة وحدة. وإذا شجن مثل أختج فهاي مسؤوليتچ كإصديقة
والأدلة اللي عدنة تكمل بشهادتچ. إذا طلعتي منها على راح يظل طليق ويأذي غيرج ويكتل غير ناس
تنهدت وباوعت على أظافرها
: -لو بس دكلي راح أحصل شي بالمقابل آني ممكن أقتنع، فد مزموز منا مناك آني ما أبيع معلوماتي ببلاش
هو ما فهم قصدها شنو
كالها: -راح تحصلين حماية وسفرة لخارج وشقة هدية مني وشتتطلبين يتنفذ.
: -ياااه ههههههاي شدعوة كريم هيج
غمزلها وكال: - كريم وي الگرام مثلج
انوب كام وكال النا حضرن نفسجن راح يجي شخص يلقنجن ويلعمجن
ياخذ أفادتجن لازم تتدربن زين وما تغلطن
شجن: -ليش نغلط هو إلى الصار راح نحجي
ازاد: -نضيف عليه حبت مسك لنسيب حتى ميطلع منها نهائياااا
شجن: -ازاد شنو يعني
تقرب مني واني كاعدة تنهد وحجة بهدوؤء
: -كلشي علمود عمي اريد اخذ حگة فأانتي ساعديني شگلج أتسوين ماشي بت عمي
: -تمام ماشي
: -عفية عليج.
صدك صاحلنا رحنة بديوان لگينة رجال منتظرنة لابس زي عسكري ماعرفتة منو
كعدنة صفة ومرام تعلج كرصتني من أيدي نزيت
حجت بهمس: -شنو هل مزموز
: -انجبي مرام لا يسمعج هي وكته
بلش وي مرام سالها
: -اسمچ الكريم؟
ردت ببتسامة ويمكن تحاول تغري الشرطي
: مرام حيدر شُكري وياريت تكتب الشين بفتحة مو ضمّة لأن هواي ناس ينطقون اسمي غلط ويطلع شكري بدل شُكري وهي تفرق تره!
ازاد: -مرام أختصري
مرام: -يااه غير أنطي أسمي.
سكت ودار وجهه يدخن رجع الشرطي كالها
: -تمام المهنة؟
مرام: -حالياً عطالة بطالة بس عندي مشروع بسيط مكياج وجه إذا تحب أعتبرك أول أزبون أسوي خصم للشرطة ترى
أزاد: -مرام، ركّزي هاي جريمة
مرام: -بس خل أكسب زبون يمكن الشرطي عنده حبيبة يحب يهدية حمرة سحرية مني
الشرطي: -زين مرام أحجيلي شنو شُفتي يوم الحادث
طبعا هواي راوغت بالكلام بس بعدين حجت الخوف من ازاد خلاها تحجي
عدنة كلامنه أكثر من مرة وحفظنا مستحيل نغلط.
وكال باجر أخذكم لمركز.
شمس
ثاني يوم الصبح على أساس اليوم يشيعون بابا
بس من خابرت مرام كالت على باجر
اتفأجت ليش كالت اكو تاخر بالاجراءات الوفاة
حسيت كلامهة مو مقنع وماما ماكو أتصل ماأجاوب
علي مشة من الصبح وأني ضليت وحدي بالبيت
مكابلة صورة بابا وأبجي
الذنب ياكل بيه أكل أحس اني السبب بموتة مادري ليش يمكن كلام شجن أثر بيه
هل أحساس ميخليني أرتاح
أندك الباب. توقعت على رجع ماكو غيرة مشيت فتحتة ماكو أحد باوعت يمين يسار.
ماكو ولا طير. رجعت ليجوة ودا أسد الباب صارت عيني على الظرف
دنكت شلت الظرف
كلبته من جهتين
ما بي أي اسم لا عنوان لا ختم، منو دازة
فتحتة وگبل لا أقرا شمكتوب طاح منة قرص
كلبتة بيدي هذا نوع من الاقراص ما يشتغل الا سيدي لو كمبيوتر
أخذتة وصعدت فوك دا اريد أشوف شنو بي وسمعت صوت الباب أندك مرة لخ
أهوو شلون لعبان نفس نزلت ركض فتحتة صارت بوجهي ماما بس هي وحدهة شجن ماكو
: -هلا ماما أجيتوا.
حضنتني وفاتت جوة كعدت جبتلهة ماي وسالتها
: -شجن ليش ما أجت
توترت وكالت برتباك: -بقت يم بيت عمج يم البنات بالليل ازاد يجيبه كلت اخليها أتغير نفسيتها تبقى هنا بس تبجي
: -تمام بعد احسن بس مو على اساس اليوم تشيع بابا ليش أتأجل لباجر
: -هاااا. ما أدري ازاد كال ما كاملة أجراءات الوفاة
أنوب گامت كالت رايحة أصلي لبوجن مشت لللغرفة
وأني قررت أستغل الفرصة وأروح لمستشفى.
ما ادري كلبي يهوجس ويكلي أنتِ السبب بموت أبوج ويخليني أشكك بعلي حاولت أطرد هل الافكار من راسي بس ما فاد وحتى أقطع الشك باليقين قررت أروح
طلعت أجر بخطواتي المتررددة لشارع وكلبي ناغزني وما مرتاح
نگثت أدية أريد تروح الرجفة منهن
بس ما راحت أجرت تكسي من الشارع ومشيت
وصلت المستشفى جنت صافنه أنزل لو أرجع
خاف أنزل وأنصدم
وأخسر كلشي أني أدري بنفسي ما راح أخسر
بس على راح أخسر نفسي هم وأدمر.
عاندات الكل وكتلهم وأثقة منه يا ويلي على كلبي اذا كسر بيه
: -خوية وصلنة
أنتهبت لسايق يباوعلي بالمراية منتظرني أنزل
أبتسمت بوجهه بحراج وطلعت الگروة أنطيتة ونزلت
سالتهم عن الدكتور نفس الدكتور الجان مشرف على حالة على بالعملية
فتت لمكتبة بعد السكرتيرة سمحتلي
أول ما شافني عرفني رحب بيه وكال
: -أهلا ست شمس
سلمت عليه وكعدت فرگت أدية برتباك وهو حجة
: -شلون صار الاستاذ علي
: -هو الحمدلله
: -ملتزم بعلاجة
: -اي.
أبتسم. تحمحت وكتلة بتوتر
: -دكتور أني أجيت بخصوص موضوع وأريد مساعدتك
: -أذا أگدر ما كول لا تفضلي
: -علي. أقصد زوجي على ال هاشم هو جان متعرض لحادثة قديمة ومنصاب بصدرة
باوعتلة أتاكد هو وياي، هز راسة بمعنى كملي
: -اي فهو ميقبل يجي يسوي فحوصات وأني خايفة عليه أتصير عندة مضاعفات بسبب أصابتة السابقة ومنا هم رجع أنصاب وشلتوا الكلى الة ال...
قاطعني بهدوؤء: -ست شمس سبق وكتلج زوجج ماعندة أي أصابة او ضرر سابق.
: -لا دكتور عندة
: -يا بتي ماعندة قبل العملية سوينة الة كل الفحوصات سليم لو كان عندة صعب نسويلة زرع
: -متاكد دكتور
: -اكيد
: -أها شكر أني بس جنت خايفة عليه وهو راسة يابس مايقبل يسوي مراجعات
: -لا أن شاءلله مادام گام بعد ماعلية شي
: -أها. تمام شكرا دكتور أخذت من وقتك
: -كل الهلا ست شمس
غمضت بهدوء وأني أحاول أسيطر على أدموعي وما أنهار طلعت أمشي وكلبي يوجعني.
أجيت بشارع أمشي ما أجرت تكسي. رفعت أدية لوجهي مركزة على أصابعي أني ضغطت على الزناد
وشفتة وگع ودمة غطأ. شلون شلون هيج
دوي صوت السيارات والناس المارة وعيوني التهمل
وكلبي المتعلق بأمل وما قابل يصدك
كعدت على الرصيف روحي تلعب ورجلية ثكلن
خفت أوگع
حاولت حاولت شگد بس أنهارت حصوني وكل قوتي وجذبت كل الناس وصدگتة
يالله دخيلك كون ما يطلع إلى بالي صح
ما أتحمل، هزيت راسي وگمت وأني أحجي وي نفسي.
ميسويهة أكو غلط أكيد هو يحبني مالة غاية وياي
كال أحبج وحتى حجالي عن أبنة وعن أمة
يعني ما يخدعني لو يضحك عليه
هديت نفسي وكل ما أصبر نفسي أبجي
رجعت للبيت لگيت ماما كاعدة بصالة بحضنه صورة بابا تحجي ويا تعاتبة
رفعت راسها باوعتلي مستغربة حالتي مريت من يمه صاعدة صاحت عليه
ما رديت بوجهي لغرفتي روحي تلعب دنگت راسي بالمغسلة وأتقيت
حسيت روحي كاعد تتطلع گمت أبجي بالزايد
غسلت وجهي وكعدت بالحمام.
أنفتح الباب ودخلت ماما كالت بخوف وهي تلزم أدية: -أشبيج ماما
: -مابيه شي بس نفسي تلعب
: -وهذا البجي والدموع لان نفسج تلعب
هزيت راسي وهي خلت راسي بحضنها تمسح على شعري
: -تتعودين ماما هي هاي الحبالة ضيم وهاي بدايت نساوة تحملي شهر زمان وتروح
بلعت ريكي بغصة ماما عبالهه أني حامل وأني ما كتلها جانت جذبة
بقيت ساكته وهي كومتني للغرفة جابت خاولي مسحت وجهي وادية ولفت شعري.
: -راح أنزل أسويلج أكل مشتهية شي أجيبة الج من السوك
: -لا ما اريد
: - متاكدة ما مشتهية أكلة
: -ما مشتهية كلشي بس اريد أنام أحس نفسي دايخة
هي ما ضغطت عليه نزلت وأني تغطيت ردت أنام
بس ماكدريت
كل محاولاتي لقناع نفسي فشلت الحقيقة تندگ بالوجه
الي صعب أصدگة
شلون يخذلني شخص جنت منطيتة ثقة وحب جذبت الكل ووثقت بي شلووون
گمت من فراشي. فتحت الكنتور وطلعت الظرف
ملفوف بشال أسود وضامتة جوة الملابس.
لزمت القرص بيدي هذا ما يشتغل الا سيدي
وأحنا ما عدنة سيدي أشلون هسه
طلعت من الغرفة نزلت جوة. ماكو احد بس ماما باالمطبخ ما ادري شنو تتطبخ
ما انتبهت الية، بوجهي للغرفة بابا جان بيه كمبيوتر قديم جان يستخدمة قبل
خليتة على شحن وشغلتة أنتظرتة شوي بين ما أشتغل وخليت القرص
كلبي بيدي منتظرة يشتغل مثل المُتهم ينتظر
الحكم
أسم ماكو شي شاشة سودا
بعدين صوت والصورة بدة توضح
فگيت عيوني وأني أركز بالشخص الموجود بالمقطع.
ه. ذا ه. ذا ااايهاااب
جمدت صافنة على الشاشة وبصفة شاب ثاني
كاعدين بمطعم ياكلون ومبين إلى مصورهم
كاعد قريب عليهم لان المقطع يتحرك مو ثابت وكل شوي الشاشة تروح مبين كل شوي ينزلة جوة الطاولة وأنوب يىرجع يصور
إيهاب...
أيهاب إلى على دفنة كدام عيوني وكال مات
أيهااب عايش، جان مكتوب بالظرف التاريخ وكاتب هذا تصوير قبل شهر
قريت أخر سطر مكتوب جوة التاريخ
إذا هذا التسجيل وصلج معناها بعدني عدل.
وأني أدري على راح يحاول يخفي وجودي
حتى ما تعرفين الحقيقة...
گتمت شهگاتي بيه صرخة لعنان السما توصل
ضغطت على صدري. روحي دا تتطلع
أنطفت الشاشة، مديت أيدي أخذت القرص وطلعت أمشي وعيوني مغوشة من الدموع
ما حسيت غير ماما لزمتني يم درج وجهه مصدوم حجت وهي تحضن وجهي: -شمس يمة ولج اشبييجج اليوم اااحجيلي شضامة عليه وعيونج تهمل من الصبح.
ما تحملت وبجيت ضميت وجهي بحضنها ونحبت بصوت عالي شهگاتي الجنت كاتمتهة طلعت بحضن ولدتي
: -م. ام، ااا أني أني ضعت
: -اسم الله ماما شكو حبيبتي
: -خلينا أنروح منا بسرعة فدوة أني كلش خايفة
حاسة أكو شي راح يصير كلبي ما مرتاح
: -ماما حبيبتي شموسة بعدنة ما شيعنة اجنازة أبوج شلون نمشي
: -بس اني خايفة
: -من شنو
: -ما أدري خلا نمشي بسرعة فدوة ما نتأخر هنا
رد بستفهام: -لعد والطفل خاف هذا رجلج ما يخلينا انروح.
: -أنروح بالسر هو ما يدري
: -ما راح تحجيلي شكو شغير رايج فجاة
: -مو فجاة بس اني فكررت فكرت احسن شي أنروح
ونبعد عن المشاكل مثل انتي كلتي
: -هاهيه حبيبتي بس لا تبجين بعد
: -اي اي ما اابجي بس شرايج نلم أغراضنا ونطلع باجر.
: -شدعوة ماما ما نلحك وهم لازم أخابر واحد من اخوالجن يجينا ونشوف شوكت التشيع ماكدر اروح قبل لا يشيعون أبوجن سودة عليه وبعدين الناس شدكول عليجن بعد ابوهن ما مشيع عافنه ورجعن لبغداد ننتظر هل أسبوع
مسحت على وجهي وأني أكل بشفتي
: -لا لا لا مو مال انتظار
ردت بشك: -شكو حالتج غريبة اليوم
: -لا مثل كل يوم بس أني فقدت بابا ما نريد نفقد بعد ما أتحمل فكلت نسرع ونمشي أفضل
: -اي يروحي نمشي نمشي بس مو باجر
: -شكوووت.
: -ماعرف خلا اروح اخابر خالج أشوفة يگدر يشيلنا
واذا كلش نگول لواحد من ولد عمج
: -لا لا والله ماكو داعي نشيل وحدنة ما يحتاح لا خالو ولا ولد عمي أول أنروح وبعدين يدزون أغراضنا ورانا
: -أنتي ضامة عليه مصيبة أني متاكدة
حجيت بضحكة مصطنعة: -مصيبة شنو ماما
: -تعلميني بيج شمس شفتي روحج شلون مكلوبة من الصبح
: -مادري بس تعبانة من ورة الحمل وهم خايفة على أبني خاف على ياخذة مني.
: -شسوين بي بذرة ومن ابن هاشم مابيه خير
: -يبقى أبني شعلية بأابوو المهم فدوة فكري وخللي أنروح
هزت راسها وبقت أدك على خالو وأني صعدت للغرفة ضميت القرص بمكانة
وضليت أفتر أگرض بظافري بسنوني.
شجن
طلعنا من الصبح مرام بسيارة عساف
وأني وي أزاد وصادق ورانة بسيارتة وبعد سيارتين حماية
كلش ماخذ أحتياطاتة ازاد
وصلنا لمركز وكالي أبقي بسيارة شوي وأجيج
حتى أتنزلين
كتلة هاهيه بقيت منتظرة ومرت نص ساعه وهو ماكو
عيوني على على الناس طابة طالعة
فزيت من صفنتي على الباب أنفتح وصعد بصفي رجال لابس كاسكيتة ونظارة
شهگت حيل توني دا أعيط بوجهة وأگلة أنت منو
ما أحس غير فوهة أسلاحة زرفت خاصرتي.
فكيت حلكي مصدومة وخفت ميل راسة بحرگة خفيفة ونزع نظارة
أالتقت عيوني بعيونة ملامحة جامدة ما تعبر عن شي عضيت شفتي بحقد
عصام: -يبعد روحي كل يوم أدگيلج دگة ناقصة بينة
شجن: -تستاهلون
هز راسة بعدم أهتمام
: - اي شلونچ
: -مو زينة
: -منو وياچ
: -منووو غيركم يا قتلة يا مجرمين
: -أفاااا أكو وحدة دكل لحبيبه مجرم
التفتت لباب اريد أنزل حرك أسلاحة على خاصرتي أنرعبت بزايد والخوف أحتل كل خلية بجسمي.
ذول ناس مجرمين ما يخافون الله قتلوا بابا بدم بارد وراح يقتلونة هم
: -أكعدي وخليج عاقلة
: -واذا ما كعدت شتسوي تقتلني مثل ما قتلوا بابا
: -اي
: -ش. ن، ش...
شغل السيارة وأني عيوني على باب المركز وينك ازززاااد
مشينة. شديت على شفايفي بقسوة مجرد ما بعدنة عن المركز بمسافة وخر سلاحة مني
: -ووين ماخذني ااارييددد ااااشتكي ارريد اااخذ حق بابا
: -أنتي تاخذين حگ أبوج
: -ليش مو بعينك
: -اي
: -غصباااا عليك اخذ حقة وتشوف.
: -لا تصيحين بابا صوتج
: -شايف شگد اكرهك هسه كمت اكرهك أضعاف
: -لا فدوة حبيني
سكتت عنه وأحنا ماشين لاگتنة سيارة ركزت حيل
هاي سيارة بيرس شعندة هنا
فززت كل شوك بروحي وهو التفتت شافني وين أباوع وأني أتعمدت أبقى أباوع
الفرق بينه وبين بيرس من السمة للكاع
: -عيونج لا أفگسهن
ضحكت وهو حسيتة أنكلب شيطان
بسيطةأني الك
: -أستاذ بيرس هذا خاف جاي علمودي
بتسم نصة أبتسامة وحجة: -عار لو بي خير جا أخذچ.
: -ما عندي شي ويا حتى ياخذني ولو بينة شي اكيد سوا المستحيل علمودي
فزيت من طبك على جهه و لزمني بحركة سريعة من فكي: -يبااا اذا ذكرتي كدامي مرة ثانية أسگطج أتسكط ولو زلمة حوگ جا ما گضووا ولد عمج الطليان
رمشت بعيوني يالله أخاف منه بلعت وسكتت لحد ما وصلنا وصف سيارتة كدام بناية
نزلني ورة سحل لازم أيدي يوجعني النذل
ما أخذنة الدرج لا صعدنة بالمصعد.
لزكت نفسي على جهه وما رفعت عيني الة أتجنبة وهو أكبالي مكتف أدي وواكف وعيونة عليه
شوي وأنفتح باب المصعد بطابق الثاني مشيت ورة
دك الجرس على باب أنفتح طلعت رغد
: -يا هلا
طگت أيدها بيد عصام وكالتلة: -سبقتك
أشرلهه بعيونة عليه وفات: -شلعت كلبي
قفلت رغد الباب وأني فتت ورة وحجيت: -أني شالعة كلبك ليش مو انت شالع كلبي ترة وانت هسه خاطف شاهدة
رغد: -فعلا عصام يشلع الكلب
: -أفاااا أنة أشلع الكلب.
فكيت عيوني واني اشوف مرام كدامي تعلج اول ما شافتني طگتهه ضحكة
مرام: -اتاخرتي ولج
عصام: -ولا يهمج جبتهه الج حتى ما تحسين بالوحشة
: -ما تقصر فدوة شلون مزموز
: -أدللي
كاعدين بغرفة بيه لابتوبات وأجهزة هواي وشاشات تعرض صور وفيدوهات مادري ناس ما معروفين
وشخص جان كاعدة ويشتغل على لابتوب شوي سمين ومدبدب ولابس نظارة وعصام مرتكي على اكتاف الرجال ويسولف ويا ويأشرلة يقرب الصورة.
أني جنت ضايجة وأبجي بس مرام لا أطك بعلجها وتسولف عادي وي رغد وعزيز
واخ عزيز يغلس عنها محترم مو بيدي لحد ما فات على شافنة هز راسة بأسى
ومرام گامت وأيدها على خصرها جنه وحدة رقاصة
: -هلااا بنسيبي وداعتك وداعتة شموس جبررووني أشتگي لا حسبالكك من كيفي
ركز عليها وقلص عيونة بملل
: -سالتچ
: -لا
: -من أسالج جاوبي
: -أجاوب لعد ليش ما أجاوب تامر أمر بس لا تزعل نسيبي المعدل.
تأفف وسحب الكرسي كعد خلة رجل فوك رجل ويباوعلنا والكل ساكت بوجودة
بس مرام مايعة وتعلج وأطلع صوت من تعلج
فرك وجهه بضجر وكالها
: -أوگفي عدل وطلعي العلج
طلعتة وولزگته بالطاولة واخ عزيز وأگف بصفها خلى عليه كلنسة وشالة من الطاولة شگد نازك ونظيف كبر لفج مرام ما محسوبة على البنات ابد
علي: -منو دافعگم عليه
شجن: -محد أني اريد اخذ حق بابا
: -شفتيني بعينج؟
: -لا
: -جا شلون؟
: -الي أنت دازهم ذكروا أسمك جان علمتهم ما يذكرون أسمك عاد
: -غبائج موهبة شجن
گمزت مرام من يمها: -نسيبي وداعتك ابن عمها ازاد دا يدفع بينا والا أني فقيرة ويني وين المركز
شجن: -حتى اذا ما أشتگينة رب العالمين ياخذ حقنة منكم علي
علي: -عصام راح يرافگج لمركز وأفادتج تتغير
شجن: -ما راح أغير شي
علي: -ما أذكرين أسمي ولا أسم اي شخص يخصني
شجن: -كتلك ما أغير أفادتي
علي: -تموتين
شجن: -شنو يعني تكتلني.
: -جا شلون بارياو هي شني
: -وأختي. شدگلها اذا موتتني
: -تبجيلهة جم يوم عليج وتنس امر ربج نعترض على امر ربج
شجن: -بحياتي ما شفت واحد ح...
علي: -أششش اشش كلمة ثانية تشوفين تصرف ما يعجبج
شجن: -راح تندم على إلى دسوي بينه
تجاهل وجودي وكمل كلامة وهو يگوم
: -عصام مسوؤليتك هاي
عصام: -صار
خلة ومشة، والبقية هم لحگوا بقينا بس أني ومرام ورغد يمنه
هنه يسولفن بينهن وأني ما شاركتهن مخنوكة
حياتنا باردة وتعيسة.
مابيه دفو خالية من الامان والراحة باقين من أيد ليد
خالية من المشاعر والفرحة
بس الحزن مخيم علينا مكتوب علينا الحزن وعدم الراحة والفقدان
بابا مات وموتة بين ادية كبرني الف سنة وشيب راسي ظلمة بوجوهنا الدنيا الى متى نضل هيج
جريت نفس وكلت لرغد اريد انام نعسانة وفعلا احس بنعاس وخمول
اخذتني لوحدة من الغرف نمت بيه وصوت مرام بذاني أسمعها دكل لرغد
: -أنطيني اسماهم بس ارجع لبغداد أسويلهم سحر كلهم
: -شدعوة كلهم.
: -بلكي واحد يصيد
: -وعلي.؟
: -لا عيب من شموسة اخذ رجلها جنت اريد اخذ ابوها وكسحتة لا انوب بس احط عيني على رجلها هم اكسحة
غمضت عيوني ونمت واسوالفهن براسي.
نايمة وفزيت. فتلتت عيوني بالغرفة هدوؤء شجابني هنا وخرت الغطة وأني أتذكر عصام النذل جابني
كمت طلعت لصالة ماكو ولا نفر شنو وين راحوا
وخلوني هنا وحدي
مشيت لغرفة ثانية وأني أفرك بعيوني يوجعني من كثر ما بجيت صار كدامي عصام نزيت ورجعت خطوة هذا منين طلع حجييت برجفة: -خوفتني عبالي وحدي بالبيت
: -لازم فكرتي تشردين.
وخرت منه على جهه: -انتم مثل المرض الخبيث وين نشرد منكم بكل الاحوال ميتين بس نبقى نحارب لاخر نفس حتى نستصئال هل مرض
وخر مني رايح للجهة الغرفة إلى بيه أجهزة
رحت ورة كعد أكبال كمبيوتر وطلع ورقة بيه رقم
ما ادري شيسوي
فكرت أحاول أكسبة وأقشمرة
مو يكولون رجال يتقشمر بكلمة خلا أجرب وي عصام
: -عصام
همهم بدون ما يلتفت
: -أنت تحبني
أندرلي بالكرسي المتحرك ضيق عيونة بشك وشبح أبتسامة على شفتة وسرعان ما ختفت.
رد بجمود: -لا
تفأجاة من ردة حسبالي يكلي أحبح كبر أمداة
عار ساقط واحد نذل
أشرت على روحي: -يعني ما أستاهل تحبني
باوعلي شوية وحجة: -لا تستاهلين
: -لعد ليش ما تحبني
: -عندي شغل هسه مو مال أحبج
: -يعني الحب الة وقت معين
گام وبيدة أوراق مشة لباب وأني أسال بي
: -زين لا تحبني كلي مرام وين شو ماكو
: -ما تدرين بيه وين
: -لا جنت نايمة وكعدت لگيتهة ماكو
: -أنتِ حتى لو يجي حرامي يبوگج هم ماتدرين.
أرتكيت على باب بملل وهو مدنك يلبس بحذائة
: -منو ميت عليه يبوگني
رفع راسة وأبتسم: -أنة
بللت شفتي ووخرت نظراتي عنه
: -توك كلت ما أحبچ
: -ما أحبچ بس تستاهلين البوكة
: -ترة ما أفهم عليك سوالفك مابيه ربط
: -أحسن
: -زين ليش ما تساعدني هسه انت اذا ابوك مقتول ما تاخذ بثارة
: -طبعا
: -لعد ليش محمليني ذنب وما تخلوني اخذ حق بابا
: -مو أنتي ثولة وتصرفاتج بدون دليل
فتح الباب ديطلع صحت ورة: -ما كتلي مرام وين
: -بالمركز.
: -شسوووي
: -أتقدم أفادة
: -قتنعت وصارت وياكم
كاال بسخرية: -باعت القضية وسلمتها أتراب
: -خاف هددتهة
هز راسة، غمضت عيوني بنفاذ صبر ياربي فدوة ساعدني تعبت حجيت راصة أسنوني
: -شگد أگرهكم اذا مرام أقتنعت او هددتوها أني لو تموتون ما أغير أفادتي
أرتگة على الباب مقابيلي وعينة عليه حكيت خدي بتوتر
: -والله بلوة
: -شنو هي
ما جاوب ديمشي كتلة بستعجال: -عيوني يوجعني جيبلي وياك عصارة. قطرة.
التفتلي وركز بيهن مدة أيدة عليهن رجعت خطوة
: -شو بلا أشوفهن
وكفت صار أكبالي ومدة أيدة على عيني فتحهة هيج يباوعلها عقچ وجهه
: -ملتهبة شني
حركت أمتوني بمعنى ما أدري. حجة وهو طالع
: -من أرجع أجيبلج وياي قطرة من صيدلية
قفل الباب ورة ومشة. رجعت كعدت بالصالة
وأيدي على خدي هاي مرام بسرعة باعتني
حسيت نفسي وحيدة شگد ما أبين قوية وصلبة بس بالواقع أني هشة وضعيفة.
ودموعي شاهدة على حزني وضعفي لان ما بيدي شي غير البجي أحنا ماعدنة سند
هسه لو عدنة أخوان سند النا صار بينه هيج ضالين من أيد أعمامي ليد ذولة المجرمين
وهمة ناس أنكس من ناس بس مجبورين نساير أعمامي نكول ذولة أهلنا ونبقى بناتهم ولو همه هم أنعلة بس يبقون مو غربة
حنيت على نفسي ونكسر خاطري على روحي
والله نذلينا ذلة بس، الله يدري بيه.
بابا جابنة هنا وهسه راح وبقينة وحيدين لا سند ولا حامي بيد اليسوة والما يسوى يتمرجل علينا
أحس نفسي كبرت هواي كبرت بگد
حزني وجروحي
شهگت وأني الملم شتاتي تمددت على قنفة وتوسدت أدية وروحي ترجف الله موجود
أملي برب العالمين جبير مالنا عون ولا سند غيرة هو ياخذ حقنة اذا ما كدرنة أحنا ناخذة
شگد ما بقه بيا نفس أواسي روحي بيها
الثبات صار معركة
والنَفَس
صار شي نحسد عليه اللي يرتاح.
روحي ترجف من أشياء إلى ما أگدر أحچيها.
بس بعدني أگول الله موجود.
كلشي ممكن يخذلنا الناس الأمان الوعود
بس الله ما يخذل. هو ياخذ حقنة.
شمس
العصر كلش راح أتصير الغروب
نزلت جوة شفت ماما أتلوب تروح وترجع
كعدت يمهه وعيوني مورمة من البجي وأني هم الوب بس ناري بكلبي
عيونها مدمعة كالت: -البسي راح يجيبون أبوجن هسه
هي كالت هيج لو أني أنهاريت گمت أبجي وهي تبجي ويايي
صدك ساعة تقريبا وأجت سيارة أزاد وياها سيارة ثانية نيسان دبل قمارة مخلين تابوت بيه
نزلوا ودخلوا للبيت حطوا بالصالة وماما كامت تلطم وحاضنة التابوت ك.
عدت يمة شهگت برعب وحطيت أيدي على صدري اااخ بابا ضعيتنة جبيرة بعدك
اااه من الذنب الياكل بيه أنت متتت بسببيي
أني لو ما رحت وي على ما جان صار هيج
لو عايفتة ورايحة وياكم بذاك اليوم ما جان أنت هسه بالتابوت
جنت أحجي بكلبي وأكل بروحي أكل اريد أموت
مديت أيدي الترجف على التابوت وبقيت أنحب بصوت عالي
وعلى بجييي بجة عمو ومرتة وكل الموجودين
جان عزاء عائلي وحزنة بينا بس شجن ماكو
وأحنا نسيناها ما سالنة عنها.
بعدين عمي كال: -يلا نمشي من وكت قبل لا يجلجل الليل
أخذوا التابوت وماما قبل لا تصعد بسيارة حجت وي ازاد وكالتلة: -وين شجن
ازاد: -عفتهة بالبيت تخربطتة مو مال تروح ويانة لنجف والطريق بعيد
جان ماما سحبتة من أيدة ووگفت على صفحة تحجي ويا ما أفتهمت شكو بس الظاهر اكو شي
مادام ما تريدني أسمع
أجت كالت: -يلا أصعدي شمس
شمس: -لعد وشجن ما تجي
ازاد: -مو كتلج متخربطة
نهال: -اي سودة عليه منهارة على أبوها.
ازاد: -الله يصبركم على مصابكم واني دوم يمكم مرت عمي لا عبالكم عمي راح يعني هاهيه لا يابة دوم حدكم وبرسم الخدمة
نهال: -الله يخليك يايمة ما تقصر
هو صعد وأني صعدت يم ماما ورة وعمو بالصدر وبعد سيارة من أقاربنة راحت ويانة وسيارة إلى بيه التابوت
مسافة الطريق وصلنة كلش بالليل صارت الدفنة وماما ملخت نفسها تريد تبقى يم الكبر
كوة جبناه ماما حيل تحب بابا وعاشوا عمر سوا بلا مشاكل متفاهمين.
شگد جانت حياتنا حلوة وهادية
السعادة والضحكة جانت تلمع بعيونه
وهسه وين؟
ما بقه غير الهموم والحزن ومگدر خاطرنه خسرنة بابا، والجاي أعظم.
كعدنه بالضريح بعد ما زرناه دعيت الإمام على يگفّلنه أحنا يتامه وهو أبو اليتامه.
أتذكرت على أني ما كتلة رايحة لنجف وخاف يدري أنوب بسيارة أزاد ويسويلي مصيبة
اريدد أسايرة لحد ما ننهزم ولازم أخذ شجن وماما ونطلع لخارج هنا يلحگنة ويلزمني.
فززني من صفنتي صوت مبايلي رفعت أسمه يلمع بالشاشة علي
حرت أرد لو لا كلش حقدت عليه وبنفس الوقت خايفة منه.