رواية عروس الهور الجزء الأول للكاتبة هيلانا الفصل الخامس والعشرون
ما رديت عليه دك هواي غلست ما أدري شحجي او شسوي
بقينا بالضريح جم ساعة بين ما تعشينة هو محد الة نفس ياكل بس أزاد ما خلة شي ما جابة
وطاير من الفرحة وكاعد أكبالي وكل شوي يگلي: -أكلي شمس ليش ما تاكلين
شمس: -ما أشتهي
ازاد: -أجيبلج تگة تحبينها أنتِ
شمس: -لا
نهال: -عوفهه عمة حامل وما تشتهي
هي كالت هيج لو هو جمد باوعلي بنظرة ما أعرف أفسرها لا هي كره لا هي صدمة.
جان بيدة لگمة رجعها لصينية ومسح على وجهه بضوجة طلع باكيت جكاير وگام يدخن
عمي كال: -والله مادري أشگلج على خير والبركة يو لا
نهال: -لا خوية لا تبارك خلفة من بيت هاشم لا بيه خير ولا بركة
سكت عمي حسيتة مايريد يحط بخاطري
عمي كلش هادء وما يحب المشاكل وخير مادري ازاد على منو طالع
زين هو يدري بزاد الة أيد بمقتل أخو واذا درى شراح يسوي.
شگد شفت عارات بحياتي بس ما شفت أحد مثل أزاد. بابا جان يشوفة مثل أبنة ويقنع بيه أوفق عليه
شوف تالي شلون دمر بيتنا وباك ضحكتنة هالحقير
كملنة و رجعنا من النجف وصلنا بالخمسة الصبح للبيت عمو راح للبيتهم وأحنا أزاد وصلنا
فتت ساندة ماما بحضني خاف توگع
وازاد فأت ويانة أول ما شغل الضوء لگينة على كاعد بالصالة مخلي رجل على رجل ويدخن بالظلمة
تفأجت وبلعت طن هوء وازاد كالة بعصبية
: -شتسوووي هناااا.
گام من مكانة وطفة جكارتة أجة بتجاهنة وازاد عيونة صارت بگصتة
وكف أكبالة وخطفلي بنظرة سريعة مثل إلى متوعد إلى بشي شغلة
علي: -شسوي هنا مو شغلك
ماما جانت تعبانة فأخذتهة للغرفته وهمه بقوا بالصالة او بالاصح ردت أشرد من عيونة
وخرت الغطة ونومته ونزعت جواريبه
وطلعت شفتهم بعدهم وأگفين
علي: -أزاد تدري فرعون ليش تفرعن.؟
ضحك بستهزاء وحرك راسة بعدم أهتمام
-ليش.!
علي: -لأن مالگة أحد يردة ويفرك حلگة وينعل أبو لابو النعال الواكف وراة
أحتقن وجهه أزاد وتقرب خطوة من على شد على شفايفة بحقد: -مدكلي يا مطي حجالك السالفة هاي
ضحك على وهو هم أبتسم ورجع حجة بتذكير
: -جا أسولفلك سالفة حلوة
هز راسة على بمعنى أحجي
: - هاشم. غمض عيونة بتفكير وطگ أصبع ذكرني ذكرني هاااا أتذكرت قبل لا يصعد محكمة الثورة.
دنك وبأس رجلية كال ولدي مالهم ذنب شگد توسل بيه شگد ولك علااوووي ما توقعتك نجرر والله ما تشبهه أبووك ال
بعد ما مكمل وديحجي بستهزاء ويضحك وعلى رگعة بوكس أحسة نكلب صار شخص ثاني
هجم عليه طاحلة بوكسيات وهو يحجي بصوت مرعب: -وحگ علييي أشرررب من دمك اليييوووم
جان لازمة من ياختة وهو وگع بالگاع من وگع جان قريب على ميز المراية يم الباب نضرب راسة بيهة
شبعة دفرات وبوكسيات من صدمة بقيت مصطفة بمكاني أباوعلهم جامدة.
طلع مسدسة جمدت أطرافي راح يكتلة ركضتلة وصرخت: -عليييي لااااااااا
لزمتة من أيدة دفعني عنه ورجع رگعة بطرف المسدس على راسة بحيث صار جثة
لزمتة من أيدة أتوسل بي وهو يلهث وعيونة مغيمة تحسه حاقد حقد الدنيا كله ع ازاد
: -فدددددوة على لاااااا يموووت وتبتلي بببببيييي شسسسوي
عصر أيدي حيل وكال: -ما أسمعلج صوت تمشييين بدون ما دكليلي رررررجل كررررسييي لو رجلج ادبسزززز
خفت منه: -لا والله فجاة صارت ب.
لبسني ودنك على ازاد سحل من سترتة للسيارة طلعت أركض ورة وأني أتعثر
أتوسل بي يعوفة بس هو أبد قفل، طلع حبل من جنطة مالت سيارتة وربط رجلين أزاد بالحبل وشدة من ورة بسيارتة
احس الموت دخل برجلية. أباوع لزاد شبه واعي الضربة ماثرة عليه دايخ منسطر
مشة للسيارة صعد ركضت صرت كدامة
جر نفس ونزل بسرعة عاف الباب مفتوح.
جرني من أيدي بحركة قوية ححسيتة خلع جتفي وزمخ بيه: -لااااا تستعجلين على موتج بعدة ماجايج السرة على دكتج مال اليوم
رجع السيارتة وشغلها تحرك سحلة وراة بسيارة
بقيت أتنفس سريع جامدة بمكاني
راح يموتة يالله راح ندمر كلنا محد راح يطلع سالم من هل الحقد والكره إلى بينهم
اذا مات ازاد اعمامي ما يسكتون ولا اخوتة وعلى جن رسمي ومابقى عندة ولا خيط تكهرب من ذكر ابو كدامة
كعدت بمكاني أبجي بصوت عالي أدية يرجفن.
عنت روحي وگمت
رجلية وحدة أطك بالثانية وجسمي صار خشببة
بداخلي رهبة
طلعت مبايلي وخابرت على عصام كبل فتح خط
كتلة بسرعة
: -عصام الحك على راح يقتل ازاد
عصام: -شنووو.؟ وعلى وييين هسه
شمس: -مادري وين بس ربط أزاد بسيارتة وأخذة سحل فدوة الحك عليه لا يموتة وأتصير مصيبة
سد الخط مني وأني ضليت وحدي أفتر وأبجي بالصالة الغصة بلعومي
الوجع بكلبي ما ينوصف. عقلي قفل گمت ما أستوعب أني جاي أشوف إلى يصير.
بس ما دا أستوعب. مشيت للغرفة شفتت ماما بعدهة نايمة
دخلت لحمام غسلت وجهي وأني أدعي يا ربيييي لا تموّت أزاد مو وقته
أني ما أدري أصدك بمنو واذا أزاد الة فعلا أيد بمقتل بابا فالقانون يحاسبة بس مو هيج يموت
أني ما أتمنى الموت للاحد حتى عدوي أني هيج
و ما مستعدة لمصيبة ثانية ما مستعدة أتحاسب على شي ما چنت أعرف أبعاده.
زين شبيّ علي. تحول لوحش.
ليش هيج نكلب من ذكر أبو أني أعرف أزاد بزمناتة مسوي هواي مصايب بس مو كلش أعرفهه
شنو عداوتة وي على وليش كالة أبوك توسلني
هو منين يعرف أبو علي
علي چنه شايل حقد عليهم غريب
هواي أسالة براسي كلش هواي بس محد يجاوبني
سمعت الباب يندك. ما لي حيل أروح أفتحة
تعبانة لدرجة أريد أنام وما أكعد بلكي يروح هالتعب مني
سمعت صوت صادق وهو يصيح وينكم يأأهل الدار
طلعت لصالة شفتة حاط أدي على جامة ويحاول يبااوع.
بس هو ما يشوف الجام يعكس لخارج مو لداخل
فتحت الباب
صادق: -ها الله بالخير
شمس: -هلة
صادق: -اكلج أزاد وين نخابرة ما يرد هو مو واصلكم اخر شي
بلعت ريكي أرتبكت ماعرف شگلة: -ه، ااا ما ادري هو وصلنا ومشة
صادق: -تمام اني رايح خاف يجيكم كليلة يخابرني
هزيت راسي وقفلت الباب وأرتكيت عليه عقلي فارغ. على لوين جاي يسحبنة
أني أحبة وهالشي دمرني هو مصدر أماني وهسه صار مصدر خوفي ما ادري شنو وراة.
منو هو وليش خطفني. وين جان عقلي ليش جنت غاظة النظر عن هواي أمور
ليش ما أهتميت للكلام أهلي ووثقت بي
هزيت راسي ما اريد أصدك إلى يدور أبالي
أني جنت مريضة ومحتاجة للاحد يساعدني مرضي ما خلاني أفكر بالصح والغلط مشيت ورة على عمة عيوني
شسوي هسه أني ما باقيلي بس هو
واذا طلع حالة حالهم شسوي بروحي أني وكلبي الضيعتة عندة
أبجي وأحس البجي ما يريحني ولا يسولي شي.
اكو نقص عندي اريد احط راسي على صدرة وأبجي اريدة يكلي أنة يمج لا تخافين مثل كل مرة
بس هل مرة أني خوفي منه
جريت خطواتي للغرفتي، ما نايمة البارحة وبس بجيي واليوم هم ذبيت نفسي على الفراش
راسي ثكيل وعيوني راح ينعمن من
البجي غمضت وغفيت
بين نايمة وبين واعية حسيت بصوت أعياط عالي بقيت غافية حسبالي دا أحلم
بس صوت يدك براسي فتحت عيوني أباوع على السكف صفنت ثواني أميز الصوت.
طفرت من مكاني هذا صوت اعياط بيتنة ما اجة ابالي غير على وازاد معقولة قتلة
نزلت ركض لصالة. شفت مرت عمي يمنه تلطم وادك وماما تحاول تهديها اول ما شافتني أجتني
لزمت أدية بتوسل اجتي تبوسهم سحبتهم ووخرت حجت بدموع: -شمس ماااالي غيرج كليلي رجلج ويننن اااخذ ازاد
صفنت هي منين عرفت شنو طشش الخبر
حجيت بصوت يرجف: -والله ماعرف عمة
: -ما تعرفين رجلج وين يروح وين اخذ ولد عمج من الصبح يدورون ما لكوا.
: -اني هم ما ادري لو ادري اكول
كامت تلطم ع وجهه كسرت خاطري بقيت أبالع الخبر طش خاف على قتلة وهيج طلعت السالفة والا شلون طشت
أباوع لمرة گطعت نفسها
ماعرف كسرت خاطري
انكتمت أنفاسي ضليت واگفة بمكاني مثل التمثال صوت اللطم ونحيب مرت عمي
صوت أمي تحاول تهديها كلهن
صارن طنين براسي
صاحت مرت عمي بنحيب
: -وينه أزاد شمس بالله عليچ، إذا صايرله شي كليلي آني أمّه آنيييي، ما أتحمل.
لساني ثگيل ما گدرت أجاوب چنت أحاول ألملم أفكاري زين شگلها على سحلة بسيارتة وأخذة
: -هو مو وصلكم شلون شوكت تعارك وي رجلج وشلون هيج لطمت على وجهة حيل المرة مرعوبة
حچيت و صوتي يرجف ينكسر وي كل حجاية تتطلع مني
: -عمة صدگيني ما أدري وينه
بقت تعيط وتبجي ذبحت نفسها ذبح
سحبت نفسي وماما ملتهيه وي مرت عمي
وطلعت لشارع كلت اروح للبيتنا
ادور على بلكي الكا هناك هو
او رغد اي واحد أني ما أندل الاماكن.
الي ممكن على يتردد عليها
هو بس بيتنا اذا انجبرت أنتظرة بي يجوز يجي وين يروح يعني
أجرت تكسي ومشيت. مسافة الطريق وصلت جنت گاضة كلبي بيدي خاف أموتة
اذا موتة راح يصير الدم لركاب
نزلت اركض من السيارة، تعثرت وگعت بس ما حسيت كمت بسرعة وكملت ركضي
صدري ينشگ من التعب، عيوني تفتر بكل الاتجاهات
دفعت باب البيت دخلت جوة دورت بكل الغرف واني أصيح على بس الرد چان، سكوت قاتل.
عليييي، ويننك عليييي!
الصوت مالتي يضرب بجدران البيت يرد بصدى خاوي الدنيا بهل لحظة صارت باردة بطريقة تخوّف
گلبي يركض وحواسي تايهة طلعت للحديقة ركض وياريتني ما طلعت...
چمدت بمكاني، عيوني توسعن شفته، شفت على كاعد ع بننيد سيارتة يدخن
و المسدس بإيده وإبتسامته؟ باردة
بس، أزاد
روحي تلگفت بصدري النفس انسحب من حلگي ما گدرت أحچي، أزاد
حافر له گبر ومگعده بي مربوط بسلاسل دم ناشف على وجهه جفونه مسدودة چنّه مو صاحي.
ركضت له تحت نظرات على إلى انحنيت عليه أصابعي ترجف وأنا أحاول أفك السلاسل من ادي حاولت أفكهن بس الا مفتاح للاف سلسلة عليه وقافلهة بقفل
جان يعرف محاولاتي يأسة وما أفكههه يعرف من حركة كلبي دحاول وماراح اكدر اسوي شي
اكتف يتفرج عليه من بعيد
كمت أصرخ وي كل صرخة صوتي يطلع محمّل بقهر يگطع الضلوع.
أزاد. أزاد، حاولت أصحي بس هو فاقد من كثر الضرب
ما تحرگ، ما تغير شي، ادموعي اللي نزلت مني حسيتها حرگت روحي من جوا.
عفته ماكدريت أفكة ورجعت لعلي عطت بوجهه بحقد
: -والله حراااااام عليك عمة گطعت نفسهااااا، لا تموّته على فدوة إذا مو علّمودة على مود أمّه، أنت هم عدك أم والظنّة غالي الله يخليك، لا تموّته
عينه ترمش ببرود نفخ دخان الجگارة وضحك ضحكة نصها تهكم ونصها ميتة
: -راح يموت.
صرخت نبرة صوتي طلعت چنها جلدة انسلخت من لحمي
: - لاااااا، ميموت! شنوو بكيفك؟
مسح شفتة بطرف إبهامه وكأنه كلشي عادي وكأنه ماكو روح دا يزهگهة بيده: - إي، بكيفي.
الدنيا ضاكت كلش علية شسوي أشلون أساعد ازاد
عيوني تنتقل بينه وبين على ما أعرف شلون أتصرف...
: - الله يخليك لا تسويها...
ذب الجكارة سحگها بحذاءه، چان يمسح ثوبه بإيد وحدة والمسدس بعده بإيده الثانية، باوعلي بنظرة ميتة نظرة ما بيها رحمة ما بيها أي مشاعر
حجيت بدموع: - فرصة وحدة علي
رفع المسدس وجهه على راس ازاد وكلي.
: -ماكو داعي ندور على فرص نرتاح ونريّح
ضربتة بثنين أدية على صدرة رجع خطوة عطت بوجهه ودموعي تتطافر.
: -لككك كااااافي عليييي كااااافي اهواااي ناس جاااي تموووت ليييش هيج دسووووي لييششش حاااقد هلگد انننتت شنوووو مااااعندك كلب مااااتحس ااااني تعبتتت وااالله تعبببت مو كااافي، شفتك بعيني تقتل ايهاب وادفنة مو كااافي بابا مات وخسرتة وهسه راح تقتل ازاااد تعبتني عيشتني برعب ودمرت حياااتي ليييش هيج دسوي انننت شلك وياااانة شمسويلك
أبتسم بتسامة شر مغلفة بقسوة ولا هزتة أدموعي وأنهياري ولا أهتم.
علي: -ما عاش ولا جابتة أمة اليندك بيه و يتحداني مصيره التراب.
: -ما اريددد أشوفك تقتل أقاربي كدام عيوني اذا عدك شي وياهم خلي بالقانون فدوة بدون دم واجرام اني خطية ما دا اكسر خاطرك شوف وين وصلتني شوف حالي علي
ما أهتم أبد تحسة أنسان ميت
شهگت حيل وحطيت أدية على وجهي من وجهه السلاح على أزاد
طفر يم أزاد بالحفرة ثنى ركبتة ونحنى عليه لازمة من ياختة بيدة واليد ثانية لازم بيه اسلاحة.
: -مادامك تذكر الماضي ما ناسي جاا الحگگ بيهم شدكول، كمل بضحكة حقودة شفت أشلون ما تصعب عليه جبتك
راح يموتة والله راح يموتة راح يموت شخص ثاني كدامي وهم بيد الشخص إلى أني أحبة وأشوفة أمان
بس هو مو أمان هو كله شر
: -علييييي
التفتتت على صوت عصام. بلعت ريكي ياربي كون يمنعة أجة يركض
بس على أبد ما باوعلة تحس حقدة وكرهه يشع من عيونة ويتلذذ من يقتل بشر
اي أني هيج دا أشوفة بهاي وگفتة وجبروتة.
أباوع لزاد ورجع عيونة لعلي كال بعصبية
: -شششتسسسوي يمعود صددك تتتحجي رراااح تخرب كللللشييي علينا
رد عليه برود: -تأخرت، ازاد أحترگت ورقتة كتلك أجيبة أجيبة ما أفوتهه الة بس هو أستعجل بموتة
جر نفس وكال بصوت هادى: -يبااا خليني أگلك شي
الدم بالدم وراها شنو بعد؟ تريد أزورك بالنجف
لو أزورك بالسجن لا تصير ك
أنت عندك فرصة، تاخذ حقك وانت مرفوع الراس بالقانون.
جرة من أيدة طلعة من الحفرة أخذة ووگف على جهه يقنع بي أباوعلهم بس على قافل ومبين رافض يهز راسة برفض وعصام يحجي ويا
أحس تعبت أنتهيت حتى معدتي وجعتني
گمت فتت جوة كعدت بالصالة وأدية على وجهي
شنو هل الحياة المرة شنو هل عذاب
بقيت أباوعلهم متأملة عصام يقنعة
من جامة أشوفهم هواي بقوا يحجون لحد ما عصام مشة بتجاه ازاد
فگة وشالة للسيارة على وفتح الباب الخلفي لحديقة أخذة بسيارة على ومشة.
بس على بقى كاعد بالحديقة يدخن وحدة
أخذلة شوية كمل جكارتة وكام
جنت أباوعلة مر من يمي بيدة سترتة طالع حتى ما باوعلي ولا كانة يشوفني شگد كرهته بهالحظة
خليت ورجعت للبيتنا بس فارغ حتى أمي ماكو
خاف راحت وي مرت عمي
كعدت بالصالة وحدي أفكر
زين اذا أيهاب عايش وما ميت شلون على كال مات
وأشتگة على أهلي ولبسهم التهمة
وأني أصلا شفتة بعيني دفنة
لنفترض هو ميت لعد وهذا المقطع مصور بأيام قليلة
وراح يمر سنة على موت أيهاب.
شنو طلع من الكبور
اكو شي دا يصير بس ما أدري شنو ولا گادرة أربط الاحداث
لازم أخابر على ماما أتجيب شجن من بيت عمي حتى ننطلع لبغداد
لأن الوضع كل يوم أنكس من إلى قبلة ما أريد نبقى هنا ولا أريد أشوف ولد عمي يموتون على أيد علي
عمي خطية كلش خطية بس ولدة عارات
وهم ما أريد أشوف على يموت على أيدهم
وهمة واحد متربص بالثاني.
: -شجن
مسحت أدموعي وكآبة سيطرت عليه ومتت قهر مشيعين بابا وأني ما حضرت دفنته ولا شفته للآخر مرة شگد صعبة وتوجع الروح
أنوب هذا عصام السافل كالها بكل برود ولا عباله هذا أبويه ولازم أحضر دفنته حرمني منه
ويريدني أحبه من حبتك سليمة إن شاء الله
انتبهت على مرام طلعت من الغرفة شادة شال على راسها وبيدها بكرة وملقط ومقص
كعدت يمي تحف عفية والله عدها خلك ورفعت الحاجب صار جنه خيط.
باوعتلها بزعل عقجت وجهها بستفهام
: -ليش رحتي وغيرتي إفادتج
: -أويلي عاد هسه انتي هم رجعتي لنفس السالفة
: -ايي جنت شاهدة ليش غيرتي حچيچ تصيرين وياهم علينا
: - جبرونيييييييييييي
: - علي
ردت بمياعة: - لا فدوة لطولة ما شفته رجل شمس هذا عصام ورغد جبروني
: -من دخلتي المركز جان أشتكيتي عليهم وكلتي جبروني هناك ما يگدرون يسولج شي
لوت حلگها بملل وطلعت قلم كحلة مخليته بملابسها الداخلية خطت عيونها.
: -ماكدريت شفت العسكريين وذبت سحروني دخلت للمركز چان الضابط الأول يشبه كاظم الساهر والثاني مثل حسام الرسام عبالي داخلة مسابقة منو يفوز بكلبج مو مركز شرطة
: - أني هم غاسلة إيدي منج
: - واحد منهم چان يگلي خوش بنية إذا ساعدتينا نساعدچ گلت هذا الحب الحقيقي ضميت عليه السالفة وگلت يمكن أطول السالفة وكل يوم رايحة راجعة للمركز ويحبني وأحبه.
لا لا بلا أني أصلا حبيته من شفت الصقر مدري النسر بقى بس هو يحبني ونخلف أصقورة
: -ميت عليج
حكت راسها وحجت بضوجة: - شسوي شجن يعني تصير وي أزاد يكتلك على تصير وي على يكتلك أزاد شتسوي حيرة ربي
صحت بيه منزعجة وضايجة منها: - انجبي
: -كله من وراج ولج اني اجيت ادورلي زلمة هنوب جلبتوا بيه تعالي أشهدي
: -شسوي لعد اني هم وياج نفس العذاب ما تشوفين شلون ساجنينة هنا.
: -بس تدرين اني فكرتلها زين إذا طلعت منا بخير وسلامة رجعت لبغداد نذر عليه الا أصير رگاصة وأگضي ليل كله طك خصر وشعر ولصبح
: -كبر حتى نذرج مابي خير مثلج
: -لعد اشلون اكعد واسكت
: -انجبي حرام هيج تحجين هاي محارم
نفتح الباب ودخل عزيز وهي وكفت متخوصرة كالتله بعصبية
: -اكولك انتم شنو مگعدينة هنا وعايفنة وحدنة هنوب العلج خلص وملابس ماعندي احتريت شلون ما أسبح نضل بوصخنة.
فضحتنه الفضيحة كرصته من رجلها اريدهة تسكت ماكو اخر شي التفتلي وزمخت بيه
: -شعدج
: -فضحتينة اسكتي
: - اووع شنو فضحتكم
كملت وهي ترفع اصبعها بضجر
: - اريد اسبح شلون هسه البسلي برداية
خطية عزيز جامد واكف بالباب حتى بعده ما كال سلام عليكم ومرام استلمته اندار يريد يرجع وكالها بهدوء
: -اشتردين أجيب الكم من السوك أختي أمري
: -ولك اني مو اختتك لا تكلي اختي استحي عاد صدك إلى استحوا ماتوا
: -جا شگلج.
: -كول مرام مرمر مريومة شنو اختي منين اجيت ماعندي اخوان اني ناقصني انته
: -تمام هاهيه مرام
: -لا لا اشو مرمر احلى
: -المهم هسه شتردين اجيبلكم من سوك
كعدت اتسفط عليه شنو يجيب الها وهو مطلع ورقة وقلم ويسجل اخر شي كالتلة
: -لا تنسى الحمرة السحرية والعلج وفدوة العيناك داخليات هم وياك
هنا دوروني من الفشلة ضميت وجهي بدية ما شفت وجه عزيز اشلون من سمعت طكت الباب
وخرت ادية باوعلها رجعت تحف
كمت ودفرتها برجلي.
: -عزة العزاج يا الفضيحة شيكول علينا
: -طبه مرض واذا كال يتگبدهة لعد بس مخلينا هنا بعدين صنانة يطلع لازم اسبح هو اني كل هالعطور
والكشخات وما محصلة رجال هنوب اصناني يطلع واخيس منو يكلبني بعد
عفتها تحف وفتت ل الغرفة مسيطر عليه الحزن اريد أمي شنو هالعذاب والمأساة إلى احنا بيه
كعدت على جرباية راگية راسي على حايط ومتلفلة بالحاف
هي هاي الغرفة أصغيرة وبيها بوفية وجرباية حديد ام النفر صايرة.
كلش وي الحايط ويمها ميز أمراية
يخنك الامكان هنا بقيت صافنة وحدي وبس أبچي صدك لعبت نفسي اريد أرجع للبيتنا
ورة العشة أجتني مرام كالت تعالي أتعشي بس ما طلعت فراحت بس هي تعشت وحدها
لان همة ما يجون هسه يجون كلش بالليل مادري مو بيت عبالك ملهى جياتهم كله بالليل
خوب عصام السافل يجي تالي الليل لو يجي بنهار شوي ويمشي مادري شعنده.
رفعت عيوني لمرام داخلة وبيدها أجياسة فتحتهن وحجت بمرح وهي أطلع ملابس وتشمر يمي على الجرباية
: -واخيرا هسه أكدر أسبح اوف يمه جنت راح أموت من الوصخ ما أموت موت الله
تنهدت واستعدلت بكعدتي وهي طلعت من الكيس ست لونه وردي وطگته ضحكة
أحس وجهي صار أحمر حجيت بصدمة
: - هذا عزيز جابه
: -لعد منو غيره اني وصيته يجيب ملابس مبين يعرف بحاجات البنات يمه خرا باهله ولا عنده ذوق جايب وردي.
وجهي كب من الفشلة الموضوع كلش يفشل الصراحة
وهي جانت لازمته بيدها وتأشر بي وتضحك
وطلعت واحد ثاني لونه أسود وشمرته بحضني
: -يلوك وي بشرتج البيضة
وحتى تكمل الفشلة انفتح الباب وفات عصام وراه رغد فكيت حلگي بفتور ومرام من الصدمة أستحت.
شمرت الست عليه وگع بحضني فهيت شأسوي وهذا عصام صارت عيونه عليه جريتهن بسرعة
جوه الحاف ورغد كوه كاتمة ضحكتها واگفة وراه عصام ومادة راسها.
هو دار وجهه يريد يطلع وحچى: -: آسف عبالي شجن وحدها
مرام مشت للبباب طالعة
: -أي إي اخذ راحتك اذا عندك شي احنا طالعين أصلاً سحبت رغد من إيدها وهي تگوللها
عندي شغلة وياچ تعاي
خلّتني وحدي وأني غايصة بهدومي وياريت لو اللي إيد لا بيها ولا عليها.
بقيت إيدي جوه الحاف ضاغطة على الملابس وشتتت عيوني عنه أبد ما باوعتله.
تقدّم كم خطوة وأكو ابتسامة خبيثة على وجهه مع العلم هو يحاول يصمد ما يبيّن يضحك.
بس مكشوف ذيچ ياها.
چان اكو فستان أسود طويل مشمور على الجرباية. هي مرام العوبة فردشتهن وأني أكلت الفشلة.
باوعلها وگال: -خير، شكو شسوين بيه؟
-: عندي موعد.
- ويامن؟ مواعدة من وراي
-: وي واحد عفطي ما يستحي مجرم.
-: ها يعني وياي؟ جيد.
-: رحم الله امرء عرف قدر نفسه
-: بسمارچ يدگ بالعظم
لبسته ما رديت. أشرلي بعيونه على الملابس وحچى
-: منو جابهن؟
-: أخ عزيز
ضيّق عيونه بشك وحچى: -كلهن؟
- شنو كلهن؟
حك لحيته وتأفف أحس يريد يگول شي بس ما أدري يمكن ما يگدر.
رجع حرّك إصبعه على الجياسة وأشرلي على الملابس اللي ضامتهن جوه الحاف فد منحط وسافل لأبعد حد.
- كلهن عزيز جابهن؟
عناد بيه گتله: إييي.
- أنتي وصيتي؟
- لا
- چا منو؟
- مرام
جر نفس براحة وضحك، كبر خوفني حسبالي لو شبيه. ابتسم شوية.
- اذا تحتاجين شي گليلي مو ترحين لعزيز.
- لا ما أگولك، أروح لأخ عزيز.
باوعلي بنص عين: حتى أطيح حظچ.
- أنت شكو؟ مو چنك رحت زايد؟ ترى أنت خاطفني.
- لا صدگ خاطفها؟ چا وعزيز شني؟
- هو صح وياك بس على الأقل ما أگدر ألومه لا هو ولا رغد اللي إجى وخطفني من المركز أنت.
عيونه تتبع حركتي، يوترني. بللت شفتي بارتباك: - ممكن تطلع هسة؟ أريد أنام.
- تعشيتي
- لا
- يا رب البوذيين ليش؟
- شعليك أنت شكو
تقدّم مني چنت گاعدة. انحنى حتى يصير قريب عليّ، رجعت كلش للحايط.
تقرّب احتگ أنفه بأنفي: أنا هم جوعان.
- ما تروح تاكل لعد؟ شكو لطش هنا؟
مشت عيوني على ملامحي وهمس: أدور وجبة دسمة.
صفنت شوية وفهمت قصدة. حرّكت راسي مبتعدة عنه وهو استعدل بوگفته مبتسم.
- دوّوولي أطلع من غرفتي يلاااا
غمزلي ومشى. كبر، شوف حركاته السافلة مثله.
وراها فكرنة
وقررنة ننهزم والصراحة جانت فكرتي وقنعت مرام
طبعا مرام عاجبها الوضع
ما تريد تولي حتى اهلها نستهم
افتر بالصالة وأدور عيوني على الحياطين اريد أتاكد اكو فد شي كامرة أنعال بس ماكو
ومرام شادة الشال وكاعدة تلف دولمة وصت عزيز جاب الها المكونات
حيل ماخذة راحتها عبالك كاعدة بيت الخلفوها وصايرة ام بيت
ومطيحة حظ اخ عزيز كل شوي دازتة على شغلة بس رغد وعصام مكيفين عليها.
تسويلهم أكلات وترجع ليورة كلة طبخ ونفخ
وأطك رماش لعزيز كل شوي تغمزلة عود بشقة
بس هو يستحي ويدير وجهه هسه كام يشرد ما يلفي علينا بس على كد السلام
لو يجي عندة شغل وياهم
طبعا الولد هج من ورة مرام
هسه شبيه لو عصام هم يستحي
ويخجل مثل عزيز
: -اكلج جيبلي أوراق العنب
: -مرام منو عاتب عليج تسوين دولمة
: -لنفسي اريدد اكل راح يصير بيه فقر دم فوك فقر العلاقات والحب.
مشيت لمطبخ جبت الورق أنطيتة الها اخذتة وادردم وتندب بحضها
شجن: -شكو
مرام: -لج هذا الخوينس عزيز طلع مرتبط العار وصاير شريف براسي
: -شدراج
: -شفتة البارحة من الشباك واكف بباب العمارة هو وأبنية يم سيارتة نوب جنها گمر سطعش والعيون تخبل
: -عادي يعني شنو جنتي متوقعة مثلا
: -ياااه كلت ما مرتبط واكربسة ونزوج اخذ وياي نسيب ل أمي
: -احلامج وردية وين اكو شاب بهيج عمر ماعندة علاقة
: -ااافف كلبي حاسني بس كلت لا يمة.
أنفتح الباب وفات عصام وملابسة كله تراب ودم وجهه ما يگصة السيف، سكتنة
حتى سلام ما سلم فات الغرفة الثانية والمفتاح معلگة بالحزام
خرخشة المفتاح بلكبي هذا حبل نجاتنة ونشرد من هل مكان
ندستني بسجينة بيدهة
: -هذا المزموز فات ينام اكيد فوتي وراة واخذي المفتاح
: -أني لا والله أخاف هذا عصام مالة امان فوتي انتي بمكاني.
: -شجن مع أحترامي الج بس تاكلين خرا وراح توكليني وياج وج العوبة اني اذا فتت وكمشني اريد ابوك المفتاح والله اروح بشربة ماي بس أنتي لا ما يحاجيج
: -شنو وحد
: -اي عيني وحد لعد ما شوفي شلون يباوعلج من يجي لو بالليل يفوت للغرفة ياخذلة نظرة ويروح
فكيت عيوني متفاجئة: -شوكت فايت الغرفة عصام
ضحكت بمرح: -والله كل ليلة يفوت بيج بخت بيه انام وياج بنفس الغرفة احتماال لو ما اني ي...
ما كملت وكامت تغامز وتمزمز.
هفيته بالورگة ع راسها: -دولي شگد تافه
بقت تضحك وأني افتر يمهه مرت ساعة ومشيت للغرفة فتحت الباب على كيف
شفتة نايم على وجهه ونايم بملابسة مبين تعبان الله يساعدة اذا هو اربعة وعشرين ساعة يطرك
ويتخم طبعا يتعب السافل
رجعت على مرام
: -اكلج هذا نام
: -خوش فرصة استغليها مو تردين نشرد
: -واذا لزمني
: -بس انطيي بوسة يتيه دربة ويعوفج مايسويلج شي
: -ما ترحين أنتي تنطينة هاي البوسة على كولتج.
: -يعني اني لو يرضة اكول لا بس مدري شبي حظي وي الزلم ما كاعد شو بوس واعرف ابوس وحضن واعرف احضن واتغزل واحف وسوي دولمة واركص لعد شيردون بعد
: -حبابة روحي أنتي فدوة علمودي صديقتج
گامت مسحت أديها بالثوب مالتها وهي تعلج مشت لباب
: -باعي رايحة أفوت اذا سمعتيني عطتت تعالي مو تخليني وحدي بيد هالمزموز خاف يغتصبني
: -عصام اصلا موؤدب معليج
: -لو ما نهار كله تصيحين سافل
: -مو يعصبني فحجي عليه هو موؤدب فوتي.
كوة قنعتها فاتتت وبقيت أنتظرها ماكو ثواني وهي صرخت عزااا لزمهة
ركضت دفعت الباب وفتتت
شفتة مفتح تك عين ومخلي أسلاحة براسها من شافني عگف وجهه ونزل السلاح
كال بحدة: -شسون هنا
مرام نخلست حجيت بتبرير: -اااء هااا مو اني دزيت مرام تصيحلك تاكل دولمة
شمر نفسة على جرباية نعسان بس يباوعلي تك عين
وحجة بستغراب: -الي
هزيت راسي
: -شعجب مهتمة بيه خاف حلمان
: -لا شلون مو كلت جوعان فشنو طبخنة تعال تاكل
: -ما اريد هسه بعدين.
بكلبي كتلة طبك مرض
: -ايى اي على راحتك يلا مرام لا زعجين عصام تعالي
طلعنه من الغرفة وهي گفختني على راسي ورجعت تلف بدولمة وترزل بيه
: -يمة جااا متتت كله من وراج
: -شبيج متي هسه شسوالج هو مسدس
: -اي حقج ما شفتي شلون كعدلي ولزمني عود توني دا اخذ المفتاح من يم راسة مدري شلون فز بيه
هبطني حتى أطفال بعد ما تصير عندي فلك طرج انتي دفعتيني
سكتت وهي بعده تحجي عليه. هسه شلون
كلت مابيه مجال.
خلا رغد تجي ونجرب حضنة وي رغد اكيد ناخذة منه هم عدهم اكثر من نسخة لمفتاح الشقة
شالت الجدر تخلي على الطباخ وأني وأگفة وراها عود افكر أقنعها تفوت مرة ثانية
ما حس غير الباب أتفلش من دك عزاا منو هجم علينا
علي صوت الباب طلع عصام من الغرفة
بوجهه لباب واحنه وگفنه نباوع جان فاتت بنية
لابسة تنورة قصيرة وقميص أبيض
وكعب ابو البسمار والجنطة بيدهة
مادري شكلها يوحي ان هي محامية بس السانها ابد ما يدل على هل شي.
عصام: -خير شكو ست زهراء
زهراء- ازاد بالمستشفى والله أطلع هل عملة من عيونك الا احطك بالسجن أخليك تعفن وأنعل عشيرتك
ابتسم وعض على شفتة: -الله ويدج حطيني وين ما تردين
ايع شوف السافل ملامحة مستفزة
رفعت أصبعه ونقرت على صدرة بتهديد
: -شنو حسبالك من سويت هيج راح نخاف منكم لا نكسر راسكم بس كله بالقانون وان شاءلله الاراضي كله ماخذيهه ما ضل الا القليل وانتم ايامكم معدودة
عصام: -تمام.
زهراء: -علي يدري بسوايتك يدري تخطط وتشتغل من وراة
عصام: -لا مايدري شوري من راسي
زهراء: -لعد عود يفيدك شورك من يتعمم اسمك على الشبكة
عصام: -منو يعممة انتي
زهراء: -لا أنت تعرف منو كسار راسكم
باوعلنة ورجع كالها: -يمي ناس محترمة گصري لسانج زهراء حتى ما أترس حلگج نعل
جان هي هيج أخذتلنا نظرة مال أستحقار حسستنة عبالك بنات الليل
طبعا مرام بيه طفگة ما تسكت حجت.
: -شنو قصددك يعني هاي البنية كح لا لا عيب كلش عيب صح شكلها مال اكح بس الشكل معلي
شو هاي شالت نفسها ودكتهه بالكاع: -دكليلي كح لج تايهه
راح تصير عركة نسوان بس قبل لا تصير عصام اخذهة وطلع وقفل لباب ورة
ما ادري ما اخذني صبر ركضت اباوع من الشباك
ليجوة
شفتهم طلعوا أخذهة يم سيارتة
وهي تسولف ويا بعصبية وتبجي بس هو هادء
اخر شي حضنتة عزاا.
فكيت حلكي ومرام هم نصدمت
مرام: -شنو حبيبتة هاي شنو الفتيلة.
احس كبيت نار، يركض وراي اربعة وعشرين ساعة وهسه هو وهاي محاضن الله ياخذة
وخرت من الشباك فتت للغرفة
عرفته عار ومنحط والله فد لعبت نفسي منه احس ختنكت مادري ضجت كلش گمت أبجي
أخر شي غسلت وجهي وفكرت اخلي مرام تخابر على أكولة ما أشتگي بس رجعني
ومن يرجعني هناك اكول لماما وشمس ولو هي شمس صافة وي رجلها بس ميخالف احجيلها
المهم أطلع منا وما أبقى مكابلة هذا المستهتر عصام.
بالعشة ما طلعت أتعشيت وياهم لحد ما سمعت صوت رغد معناه اجت
گمت لصالة شفتهم كلهم ملتمين بالغرفة مال الاجهزة هاي قافلين عليها
ورغد تخابر وعصام يباوع لشاشة وجهه محتقن
حتى مرام هم وياهم واگفة ما فهمت شكو وليش مخبوصين
اجيت صرت ورة مرام أباوع على شاشة الكمبيوتر
شفت صورة عصام وصورة على وأسماهم الكاملة وعليها دائرة حمرة
رغد مادري وين منو تحجي بس كالتلة
: -ها تمام بس لازم بسرعة ترى تعممت صورة على وعصام على الشبكة.
قفلت الخط وعصام تأفف
رغد: -علي وين ليش ما يرد
عصام: -الظهر عفته بيتهم اكيد وصلة خبر
رغد: -شنسوي نكشفنا
عصام: -مو الكل
عزيز: -كشفوك انت وعلى اهم عنصرين شنو بقى بعد
عصام: -منو دك الناقصة بينة
عزيز: -بيناتنة خاين
رغد: -هو على الاغلب اكو عنصر باعنة
التفت عزيز على عصام وكالة: -منو تتوقع
ما رد عصام ومشة للغرفة وهمه بقوا بينهم يحجون رجعت لصالة
ما ادري شسوي هسه
وهو شكو منو باعهم وشنو يعني تعممت أسماهم.
أنوب عزيز مشة ورغد كالت
: -حضرن نفسجن راح نطلع من البيت هذا
بأجر لغير مكان مو امان هنا بعد
شجن: -يعني اذا مو امان خلونة انروح ل اهلنا والسلام عليكم
رغد: -مو بكيفي هاي اومر علي
شجن: -اريد احجي ويا
رغد: -هسه هو ما فارغ
شجن: -لعد شوكت يفرغ وصليلة كلام كليلة شجن ما تشتكي ومستعدة احجي مثل حجي مرام بس خلا يرجعني لعبت نفسنا والله
رغد: -اوكي اهدي رايحة لمكتب اذا شفته هناك اكلة.
خلت ومشت ومرام هم راحت نامت بقيت بس أني بالصالة صارت بالوحدة تقريبا و شفت عصام طالع
من الغرفة لابس كله أسود وبيدة جنطة سودة ومبينة مليانة وثكيلة ماعرف شمخلي بيه
نزل جوة رحت اباوعله من الشباك خلاها بسيارة ورجع للعمارة
رجعت لمكاني فاتت للغرفة كل هذا هو يمر من يمي طاب طالع بس ولا كانة يشوفني ملتهي
وكفت باب الغرفة شفت مدنك بيدة سلاح يصير مثل القناص مادري يمكن قناص خلا بجنطة طويلة عبالك مال الة عزف.
وسلاح ثاني رفع بلوزتة وخلا بحزامة التفتت شافني واگفة ما حجة حجيت بستفهام
: -وين رايح
: -لبغداد
: -شعندك
: -مهمة
: -شنو هي
: -أسرار دولة ما تخصج
: -تخصني
ابتسم ورجع خطوة عليه بعد ما جان طالع لباب
كال: -شلون تخصج
: -مادام خاطفني وساجني هنا يعني تخصني ومن حقي اعرف شديصير وتوضحلي
: -بعد عدج أومر ثانية
: -ترجعني للبيتنا
: -وغيرة
: -شعندك وي هاي البنية المحامية
: -مني
: -هاي االاجت الظهر ام تنورة
: -وليش أسالين.
: -عجبني أسال فضول
: -فضول لو غيرة
: -على منو اغار عليك ههه دخلا احبك بالاول الا اغار عليك
: -عبالي تغارين كلت أكلج منو
: -دولي منو انت واغار عليك
: -هم صدك
لف ودار وجهه ومشة وقفل الباب گلعة بلا ردة
واحد سافل كل شوي لازم وحدة يحضن بيه يكثر بالحبايب.
: -شمس
خابرت ماما حتى أساله عن أزاد كالت بالمستشفى وضعة زين
الحمدلله ما فطس
شمس: -شوكت تجين من بيت عمي
نهال: -بعد شوي عساف يجيبني
شمس: -وشجن تجي وياج
حجت برتباك: -لا تبقى يم بيت عمج ليلة
شمس: -شكو باقية ما تجي مخضرة يم بيت عمي.
ماما حاجيها غير نريد نطلع لبغداد تعالوا نفكر شلون أنشيل ونطلع من هل مشاكل هسه وقت بيت عمي شنو هل دياحة.
نهال: -شبيج شمس أكلتيني وشربتيني أنطيها فنتك تتنفس شجن اكثر وحدة متأثرة على ابوه خليها تغير جوء هنا يم البنات
شمس: -ماما يعني هي وقتها هسه
نهال: -من أجي نحجي
قفلت الخط بوجهي شبيه لو ماهي خبصتني بالبداية حتى أنروح هسه ليش تماطل بالسالفة
أجت أبالي أدور غرفة بابا ماعرف بس بلكي الگة شي
فتت للغرفة منين أبلش بيه
بديت بالكنتور نفشتة نفش مابي شي
رجعت دورت كل الجنط الموجودة بالكنتور.
اخر جنطة جانت ذهبية بيه قفل على الارقام تنفتح جربت أكثر من رقم حتى مواليد بابا خليتها ما نفتحت
بعدني أدور بالغرفة وحسيت بحركة جاية من برة
منو أجة خاف ماما
گمت لباب فتحتة بعدني ما طالعة وشفت واحد مثلم صاعد لطابق الثاني بعدة على الدرج يمشي على أطروف أصابعة
بلعت ريكي بخوف أني
وحدي رجعت طلعت أسلاح بابا
ماما مخليتة جوة الملابس أخذتة وطلعت بهيدة أمشي صعدت ورة
اكو غرفة مسويها مكتب لبابا فوك.
شفتها مفتوحة اكيد فات الها
هاي الغرفه خاصة بابا ما نفوت الها ابد
وأني أصلا أزوجت ما لحگت أفهم شكو بهالغرفة
دفعت الباب على كيفي شفتة مدنك ويدور بالمكتب وجهت السلاح عليه
مو صعبة عليه بالضرورة
أقتل بدون ما يرفلي جفن.