رواية عروس الهور الجزء الأول للكاتبة هيلانا الفصل الثامن والثلاثون
عفت أجوانا بالمطبخ ورحت أنام
وأني صاعدة لاكتني عمتي نازلة
باوعتلي بطرف عينها ونزلت مدري أشلون. كشرت عن ملامحي وكملت طريقي
شبيها هاي المراة شتريد هسه موزين بنية حلوة مثلي ماخذة أبنها
حتى احفاد حلوين راح يجونها
دخلت للغرفة بوجهي للحمام سبحت وبدلت ملابسي
اجيت نمت بصف علي، تنهدت واني أمررر ايدي
علي وجهه ملامحة تعبانة
ومسومر وجهه ضعفان ولو هو اسمر بس
صاير اسمر بالزايد من التعب والشمس.
فتحت ايدة ودخلت بحضنه نمت وهو ما حس
بيه خفت شبي رجال بالعادة بسرعة يفز
وخرت ونگزتة من ايدة وحجيت بهمس
: -علي، حبيبي ابو مصطفى
ماكو ولا حركة خليت راسي على صدرة يتنفس
لعد شبي شو ما يرد
خاف ميت وضال بي النفس الاخير
يمة رجلي
ندستة من ايدة بخوف: -علييي اكعد علييي
ماكو عاد عطت بوجهه وضربتة بخفت أيدي على متنة: -عليييي ااااكعدددد
خطية فز ومن الخرعة طاح من جرباية جان
نايم بالطرف وهو يصيح بوجهي.
: - أنعل عشيرتج أشبيج ااااا شكووو
جريت نفس براحة وحطيت أيدي على صدري
: -ماكو شي حسبالي ميت شبيك ما تتحرك
: -من أگوم أگفخجج كواد يلومني
: -شعلية صوجك اكلك على وابو مصطفى وانت ماكو لا حس ولا خبر كلت الرجال انتقل لدار حقة مابيه مجال المهم تعال نام حبيبي
عود مديتلة ايدي نترت بيه ولبسني ورجع لمكانة
نام ودار وجهه عني
هاي شبي صاير ما يتحمل والله ولا صوجة
صوجي أني خايفة عليه
ثاني يوم الصبح. كعدت مفتحة تك عين شفتة.
واكف يم الشباك
لابس ملابسة ومكمل وبيدة جكارة جان يدخن
وعلى حافة الشباك أكو استكان جاي
صافن ورايح بغير عالم مبين كتلة وأني أوخر
الحااف وأكوم
شمس-: صباح الخير
ما تحرك بقى عيونة على الشارع وساكت تقربت منه صرت وراة وحطيت أيدي على ظهرة
: - علي.
حس بيه التفتلي وأبتسم أبتسامة خفيفة
علي-: صباح النور كعدتي
شمس: -أي وين رايح
سحب نفس عميق من جيكارته
وكال
علي: -عندي شغلة
شمس-: شغلة شنو.
طفة الجكارة وخلاها بالنفاضة وأخذ الاستكان شرب شوية منه
-: شغلة مهمة
شمس: - على لا تلعب بأعصابي وين رايح
علي-: بعدين أكلج
شمس-: شنو بعدين كلشي عندك بعدين حتى سالفتك ما كملتها قبل كم يوم شوكت بعدين
علي-: الحياة هيج مو كلشي ينكال بنفس الوكت
شمس: -أهوو علي
حجة وهو ماشي بتجاه الباب
-: لا تخافين أني راح أرجع ونحجي
شمس-: شوكت
علي-: من أخلص شغلي
خلة ومشة بقيت وحدي رحت بدلت ملابسي وغسلت، وصليت.
هاي بس أني اصلي الشمس طالعة وبكل عين صلفة أدعي رب العالمين وهو أني صلاة على وقت ما أصلي
كملت وطلعت أروح أكبل عمتي وأتريك وياها
وأتعرف أكثر على أجواء أعيالي
قبل لا تجي أختي ونطفر من هل بيت
لان اكيد راح أتصير مشاكل
وشجن تتحس وتستحي مو مال مشاكل
فلازم أدير بالي عليها وأبعدها عن هالاجواء
نزلت لصالة لگيتهم يتريكون وأم على وجه عابس باوعتلي بنظرة حسيتها دكول هاي شجابها.
ابتسمت بتساع أعتقد راح تبلش حرب عالمية ثالثة بينا
شمس: -صباح الخير يا جماعة شلونكم
اجوانا: -صباح النور شمس تفضلي
سحبت الكرسي وكعدت بصف مصطفى وخربطت شعرة بيدي وهو ابتسملي
شگد حلو هالطفل وينكرط يمه همزين
ما طالع لا على أمة ولا على أبو
يلا أن شاءلله ياخذ أطباع مرت أبو
ألي هي أني شلون مرت أبو فديتني
ام علي: -علي وين
شمس: -طلع
ام علي: -شوكت ناوي ياخذج من وجهي لو مبقيج تغثيني كل يوم وتنسد شهيتي من الصبح.
الله جوي هاي العركات الأنيقة عمتي ماشاء الله حيل كيوت حتى بالعركات
تنهدت وجريت الخبزسويت لفة بيض واجوانا صبتلي جاي
رفعت عيوني الها مضيقة عيونها بكره
سكتتت. رجعت كالت بلوم
: -مدللة جناين هالوكت تكعد بكيفه وتنام بكيفه لعد شبي حظي لا عمة خلتني ارتاح لا رجل يكول هاي مرتي
كالتلها أجوانا: - ليش ماما حبيبي
: - يمه الزمن تغير احنا من أهل الله جنه لعد مثل أمهات السحورة هسه مخليته يباوع لحلكها.
شمس: - هاي البسامير عليه تتشامر.
اجوانا: -لا شموسة ماما بس تذكرت ايام شبابها
أم علي: - لعد شبيج أخذتي الحجي عليج لو اللي بعبة صخيل يمعمع شني تسوين أسحورة؟
شمس: - أي
فكت حلكها وكالت: -أسحورة
هزيت راسي بأي وهي كامت من مكانها متعصبة وأجوانا دكولها شمس تشاقة: - مو صدك شمس
وتعض على شفتها
: -لا مو شقة أني صدك أسوي وحتى مسوية لعلي
لهذا السبب يموت عليه ويباوع لحكلي مثل ما كلتي عمة.
: -أصخام صخمني منين جابج إلى فوگي النوب أمهات السحورة
راحت تركض لغرفتها مدري شتسوي وأجوانا تأففت وهزت راسها بعدم رضا كالت بعتب
: -هاي ليش شمس
شمس: -لعد ما تشوفيها شتحجي
أجوانا: - ولج ماما تخاف من هيج سوالف موهوسة دشوفي شراح تسوي بينا من وراج
أني ما أخذت الموضوع بجدية كملنا ريوك وطلعت للحديقة ألعب وي مصطفى وأجوانا
وكل شوي أدز رسالة لعلي من موبايل أجوانا أسأله عن أختي بلكي خبر.
آخر شي دزلي رسالة كال جايبلج هدية وياي حلوة، كلبي كارصني بلكي شجونة
التفتت من شفت مرة عجوز لابسة عباءة تهف اجتنة وام على استقبلتها دخلنا جوة
لكيت المراة مبخرة البيت والدخانة تكتل أجوانا صعدت مصطفى للغرفة كالت لا يختنك من هالدخانة
واني كعدت على طرف المسند مال قنفة اباوعلهن ام على تبخر والمراة تقرا آيات على البيت
التفتت عليه وكالت: - كليلي وين دافنتة
شمس: - شنو هو عمة
ام علي: -السحر ولج
شمس: - ها بالمكبرة.
كالت العجوز الكشافة: - لازم تاخذونها حتى اطلعه والا هيج ما نكدر نسوي شي حتى يبطل سحر لازم نطلعه والسحر المدفون خطير
حطت ايدها على راسها وحجت بضياع
: -يمة علاوي سودة عليه شخذك على هاي ام السحورة وروح ولدي جنت متأكدة مسويتله عمل شني علاوي ياخذج دهر لفج ام شعفة من اول ما شفتج ما ارتاحيتلج
تدنت مني لزمتني وسحلتني وهي دكول للعجوز: -اقري عليها شوفيلي جارة خايفة على علي
اجت اجوانا تضحك وهي توخر امها.
: -ماما والله شمس تشاقة أشبيج
شمس: -لا ما دا أشاقة فعلا سويت عمة
اجوانا: -ولج شمس
ام علي: -بس يجي على ياخذنة لنجف نطلع سحرج
شمس: -عللوة عمة هم مناك أزور أهلي وهم نطلع السحر
سحبتني اجوانا من أيدهة وصعدنة فوك نضحك
: -والله تافه
ضحكت وحجيت بمرح: -شمسوية هي أمج مدري شلونها
: -تحبج مادام على يحبج هسه هي تحبج كوة بس أصبري عليها.
: -هو لازم تحبني ترى ماعدها غير حل يعني المفروض تگيف بيه هم متحملة أبنها الدايح وهم متحملتها
: -علي يدري دكولين عليه دايح
: -لا ما يدري اذا درى تصير بالنعل
: -لعد أني أكلة
: -تفتنين على مرت أخوج
أندارت وحجت بضحكة وأني كاعدة على جرباية
: -اذا مرت أخوي ساعدتني ما أفتن عليها
: -بشنو أساعدج
: -تجمعين راسين بالحلال وتجمعيني وي عصام
: -ميخالف خلة ترجع أختي وأجمعكم هسه بالي يم شجن
كعدت يمي تتمضحك ولزمت أدية.
: -ان شاءلله ترجع سالمة الج وتفرحين بيها حتى أني تشوقت أتعرف عليها
: -أي ان شاءلله بس تجي
بقينة نسولف أستمع الها وهي تسولفي عن علاقتها بعصام من جانت أصغيرة ويجيهم وشلون تحبة
حسيتها خطية أيع الحب من طرف واحد دمار
بلكي طلع ما يحبها.
: -شجن
تصلب جسمي باوعت على الحفره بعد عصام ما طالع نرعبت وزحفت للحفره واني اهمس
: -ع، عصام
ظلمه وما دا اشوفه جنت اردد وهمس لنفسي
: - منو هذا
طلع عصام ولزم ايدي اثنينه على كعدتنا
واني كتله بخفوت
: - اكو احد هنا صوت قريب واحد شافنه
كال بصوت خاف بس حاد
: - ششش لا تتحركين
صوت الخطوات بدا يقترب منه وصوت الرجال صار اوضح عصام توسعت عيوني صوته من قريب حسيته مألوف
وعصام حجه بنبرة ارتياح: - عزيز.
لحد ما تقرب منه كلش باوعتله لابس اسود وملثم وبيده سلاح وعصام ضحك وگام حضنه وهو يكله
: - ولك يا تفر وينك اتاخرت
هو ضحك وباوعلي جنت واكفه بسد عصام حجه بابتسامه مهذبه
: -شلونج خويه شجن الحمدلله على السلامة
هزيت راسي بدون ما احجي عود زينه هو للي يشوف حالي يكول زينه
صعدنه بالسياره وهو جان اكو شاب ثاني منتظرنه بالسياره يسوق وعزيز بصفه وعصام صعد وياي بالخاني ورة
كاله عصام بستفهام: -شصار بره.
عزيز: -الدنيا مكلوبه نقسمنا هشام وجماعته دخلوا للمكان ولزموا واحد من المهربين المطلوبين وعلى ينتظرنه باول بوابه واني لحكتك
عصام: - بعد روحي عزوز
همست لعصام: - زين شنو هسه عصام
: - هسه لازم نطلع من المنطقه بسرعه
شجن: - يعني احنه بامان لو بعد
عصام: -انتي وياي يعني بامان
مسافه قليله وطلعنا من المنطقه ووصلنا منطقه ثانيه هو نفس الشارع بس مجرد كل جهه باسم لگينه علي.
منتظرنه مادري كلش فرحت من شفته حسيته من اهلي يمكن لان زوج اختي احساسي من اشوفه عكس
من اشوف عصام وعزيز هو احسه اخويه فتحلي الباب وابتسم نزلت
ورحتله كبل حضني واني جنت خايفه ودموعي بعيني وكلي اتراب
كال: - خلصت خلصت لتبجين
اخذني للسيارتة صعدني وبقيت اباوعله يسولف وي عصام وعزيز انوب حضن عصام ورجع على سيارته فتح الباب ديصعد وعصام صاح عليه
: - شوكت اجيب امي واجيكم
علي: - شعدك جاي
عصام: -أخذ مرتي.
علي: -مالك مرة يمي
عصام: - ها ابو الغيره خلصت شغلتك وتيهتني
علي: - لا يبوي بس كتلك اسال عليك جا شنهي نشتري سمج بالشط غير نعرفك
عصام: -ما اريد احلف بس بالعباس اذا مطمطت السالفه اخطفها لو توافق وانت براحتك خالي
علي: - يول ساقط ما ارتاحلك اطيك مرة
عصام: -بالقران تبت وداعتك
علي: - اختبرك وسهله
هز ايده ما راضي: - ها هيج صارت؟ الله كريم
طكها ضحكه على وتحرك وهو راح وي جماعته مسافه الطريق واني ملهوفه.
اشوف اختي مشتاقتلها وروحي لايبه عليها بس هي بقت لي من اهلي
غمضت عيوني واني اتذكر الخوف والرعب للي عشته والوجوه القذرة للي حاولت تسلب حياتي
وعصام وجوده ودفاعه عني جان معرض نفسه للخطر على شاني تنفست بعمق واخيرا
تحررت شعور الحريه غير
خلصت من ذاك المكان المعفن
وگفت السياره كبال بيت حلو
ومرتب وعلى التفتلي كال: - وصلنا انزلي حبيبتي.
نزلت وانتظرتة مستغربه المكان ما اكدر افوت لحد ما صف سيارته واجه فات قبلي واني وراه بوجهنة للصاله
جانت هوسه وبخور ودخان ويطكطكن حرمل ماعرف شكو
علي خله ايده بجيبه واكف يباوعلهم وهمه اصلا ملتهين دورت عيوني بينهم ادور اختي شفتها
مرتگيه على الدرج وتضحك رفعت راسها شافتنا اختفت ضحكتها توسعت عيونها
وكالت: -شجن
اجتني ركض حضنتني وهي تبجي شكد جنت مشتاقتلها عبالك شفت اهلي كلهم.
جانت لازمه ايدي وتبوس بيه وماتريد تعوفني ابد وهي تبجي التفتت لعلي وحجت بدموع
: - شكرا لان رجعت اختي على ما اعرف شلون اشكرك بس والله راح ابقى مديونه الك طول عمري ما انسى فضلك
علي: - ولو تدللين كلشي طايح لعيونج
انوب هي عرفتني على اهل على والكل جان ساكت لان هو موجود
بس اخته حسيتها فرحت من تعرفت عليه بس امه جانت مشمئزه ومنقرفه مني
هو صح اني جنت مو هلكد ووضعي سيء بس مو حلو كسران الخاطر.
ونظرة الاستصغار توجع اخذتني شمس وصعدنا كتلها بهمس
: -عمتج ليش تباوع عليه
شمس: - لا تركزين مو ذات اهميه
شجن: - حسيت مزعوجة من جيتي هنا
شمس: - لا ماكو هيج شي
شجن: -ما شفتي وجهه وملامحها شلون جانت
شمس: - لا هو هذا ديكور وجهه عمتي هيج معليج
ماعرف ما اقتنعت بس سكتت صعدنا للغرفه شمس وهي حضرتلي ملابس وسبحت جنت احس براحه ونعسانه شكد عبالك صار قرن ما نايمه.
بس حطيت راسي نمت وما اهتميت اني نايمه بغرفتهم خطيه على وين نام هسه واني محتله الغرفه.
: -شمس
بعد ما نامت شجن طلعت لصالة ماكو ولا نفر
شفت بس على بالحديقة كاعد يدخن
كلت هاي فرصتي أروح أحجي ويا أشوية
وخلي يكملي
جان صافن اجيت من ورة حطيت أدية على
متونة ودنكت خليت بوسة على خدة
تحرك فگة ديضحك لزم أيدي أنداريت
كعدت أكبالة
: -شكرااا هواي
: -يبااا مو كلنا تتدللين شعدي غيرج أنة
: -فدوة لكلبك ابو مصطفى
حگ خشمه وديشرب جاي اخذت استكانة.
من ايدة شربت منه شوية ورجعتة اله ابتسم ابتسامة جانبية اتربعت بكعدتي وكتلة
: -ممكن تحجيلي
: -شني
: -كلشي ما كملت السالفة مال ذيج ليلة
: -مو هسه
: -لا هسه ترى اذا ما حجيتلي ما تحرك خطوة ولا أطلع للخارج
تنهد وكال: -وين وصلنا
: -حجيتلي من جنت ب بس ما كملت الباقي.
: -من جنت هناك تعرفت على وساف جان مهرب أسلحة ممنوعات أثار الغاية جانت ناخذ منه معلومات كم مرة سربت الة معلومة وطلعت اله جم شحنه سلامات حتى يبلع الطعم وهنا هو وثق بيه بقيت أشتغل ويا بالنوادي ليلية هناك وبعدها رجعنا للعراق كملنا هنا وتوسع الشغل
: -بالنوادي
: -اي
: -وللي هناك
: -أنسدن مو ذاك الانفتاح جانت شقق عبارة عن نادي وبالسر اذا نكمشت تنجلد لو تنسجن بس بالعراق
تايهه وهنا أمن الشغل.
: -زين ومرتك وين تعرفت عليها سهاد
: -هناك
: -وليش أزوجتها
ضحك بتساع: -داخلة حيل بالجوء
: -شبيك كلي
: -هاي سالفة طويل يول جنت مريض هسه خلينا بالمهم
: -يلا ماشي كمل
فرك جبينه تنهد وهو يسند ظهره عالحايط
يدخن ويباوعلي حجة بجدية
: - من رجعت للعراق الشغل كبر جنت بعدني أشتغل ويا وساف بس صرت أشتغل لحساب جهات بالدولة وأستغليت منصبي حتى أوصل لزاد.
چان مطلوب منّي أراقب وساف وبعد عصابات شغلهم كله مخدرات وأسلاح يعبرون من العراق ويدخلون للعراق المهم حطيت جواسيس داخل بيتكم
: -مرام
: -صح مرام جانت مجندة
: -بشنو ساعدتك
: -زرعت أجهزة وكامرات داخل بيتكم توصلني كل معلومة بشكل مباشر عنكم
: -لعد ليش خطفتني يعني أني جنت الهدف
: -لا ما جنتي أنتِ الهدف عائلة سالم كله جانت هدف بس أنتِ صرتي بالوجه المهم اكو تنصت جان على خطج
: -هااا وخطفتني بيوم دكيت عليك.
: -لتصيرين ثولة شلون أخطفج؟
: -لعد أشلون اجيت من اتصلت بيك
: -ما جنتي متصلة بيه
: -شلون ما فهمت
: -انت داكة رقم شخص ما تعرفي بس انة جنت مخلي ناس يتابعون خطج دزولي المكالمة اتعجبت منو هذا يكلج جاي حددنة عنوانة ودزيت الشباب لعنوان كلت خاف لعبة من وساف وهو يدري مراقبج وأنة ما أثق بي كلاوات بس من وصلوا الشباب جان واحد سكير اصلا من وصلو للمكانة لكو نايم
: -كال جايج
: -جان سكران ومطفي
: -وانت اجيت بمكانة.
: -انة أصلا جنت ماخذ بيت قريب عليكم وفرصة واجت وأنة احب استغلال الفرص أعوفج
: -لعد ليش رجعتني
: -لخاطر أمي
: -أشلون أمك شعليها
: -من خطفتج بيوم طگيتيني جيلة طلعتي مخابرتها
: -ترى أني ما خابرتها هو مبايلك جان يدك وأني ضميري وزني وجاوبت ولو أنتِ ما تستاهل واحد ينكسر خاطرة عليك. اكول صدك شعجب ما متت
: -جنت لابس سترة جوة القميص
: -ليش
: -متوقع هالحرگة منج
: -تقصدت تخلي المسدس بينه
: -اي
: -وشتفاديت؟ بلا.
: -صراحة ما أستفاديت شي نيتي أبقيج وأهدد أبوج بيج ما أرجعج حتى يعترف على نفسه وعلى أزاد بس للي صار بعد ما خابرتي الوالدة تغير كلشي
: -شنو أتغير
: -حلفتني أرجعج للاهلج وأبعد عن المشاكل
وحتى أريحها رجعتج بس سالفة الانتقام ما طلعت من راسي كلت أدور غير طريقة بس من عرفت حياتج بخطر رجعت
: -ليش بخطر ترى محد جان لاحگني غيرك
: -أيهاب جان وراج
: -وهو ليش جان لاحكني ومنين يعرفني.
: -جان صديقي شاركته الخطة كله بس غدرني
وراح يشتغل من وراي وي عصابة معروفة ب
: -يعني هو ما جان وياك بالحكومة
: -لا يول صاحبي واصلا مايدري بيه بدولة متوقعني وي وساف
: -و أنتِ شنو شعجب رجعت عليه يعني شعليك
حتى لو حياتي بخطر
هز راسه وابتسم. اخذ نفس من جكارتة وكال
: -والله ما أدري
: -لا لا صدك على ليش رجعت
: -يبااا ما أدري هو كلت ما أخليها تتأذى وبس
: -اممم زين وشلون عرفت المستشفى الجنت بي
: -سالتج أختج
: -شجن؟
: -اي شجن هههههه رحت للبيتكم وسألت
: -عزاا ما تلام من دكول أختج فاهيه شلون كالتلك
بلا ما توقعت يصير بيه شي ما فكرت
: -حتى لو ما كايلة هم أگدر أعرف مكانج
: -لا ما تعرف اذا مراقب خطي فأأني بالمستشفى ماعندي مبايل
: -لا جنت مخلي جهاز تجسس بشعرج
باوعتله بضوجة: -جنت مخلي من اخذتني للمختبر صح؟ وأني اكول راسي يوجعني من اوكع مرات
علي الجهه الزينت شعري منها شگد قاسي ما خفت أتأذى.
: - ما تتأذين هي خصلة شعر وي شعرج وين الاذية بعد الموضوع ومابي تنقل صوت اليمج بشكل مباشر وتححدد مكانج بس طبعاً السالفة أتعب ولازم أرجع لمختبر الا أحدد موقعج وأخذ المعلومات ف أنة أختصرت الطريق ورحت للبيتكم
: -زين لحظه أيهاب ليش يريد يخطفني.
: -ابن عمج العار مالة صاحب غدار خنيث خبيث فهواي ثارات واناس أطلبة وأكو قسم مثل ايهاب وغيرة يدورن فرص وطمع يخطفج يهددة بيج ما شاف التهديد جاب نتيجة يبيعج تفصيخ ماكو اسهل منها
: -يمه برد بس لا تبيعون أعضاء هم
: -جماعة وساف لا بس الكاعد يشتغل وياهم ايهاب
اي
سالتة بشك: -زين ايهاب مات
: -طبعاً جا أشلون
: -بس كبرة فارغ تدري مو
: -اي و أنتِ شوداج لكبرة.
: -من وراك ما تسولفلي خليتني أدور وحدي بسببك جان عضني الجلب ومتت
تذكرت السيدي والملفات كتلة بهتمام
: - تدري وصلني فيديو بي ايهاب واعتقد عايش ال
قاطعنة دكة مبايلة خلة وگام على جهة يخابر
ماعرف منو خابرة
تحرك وهو يكول: -جاي مسافة الطريق أنتظروني
كمت وراة التفتلي: -رايح لا تنتظريني نامي
: -وين رايح علي
: -ماكدر احجيلج مستعجل
باسني على خدي ومشة، جان بالي يمة ماكدريت أنام رحت تمددت يم أختي نايمة بعمق.
مررت أيدي على وجهه سودة على عليه
حيل متغيرة ووجهه منتهي ولا كانو ذيج شجن الجانت موردة.
: -شجن
ثاني يوم الصبح البيت جان متوتر ولحظت هالشي
من خلال علاقة شمس وعمتها
وخطية نسيبي صاير بنص لا يگدر يزعل أمه
ولا شمس بينهن يكسر ويجبر
جنه كاعدة يمه هو وشمس وأني اكبالهم
كال
: - لازم أسوي تحاليل ال
جنت ماعرف شنو هالتحليل بس هو كال اكو دكتورة هناك هي ترتب كلشي
شمس كالتلة بستفهام: -ليش تسوي هيج تحليل
علي: -منطيهة أبر
شمس: -شنو هالأبر وتأثيره على أختي.
حجة بجدية-: تأثيرها مبين ركزي على أختج تشوفينه؟ هاي الأبر بيها مادة NTX-47 تأذي الأعصاب وتسبب نوع من الإدمان والحكة. تخليها تحس كلشي بشكل مضاعف
شمس-: يعني شلون؟
علي: يعني إذا عدها حكة خفيفة بإيدها هي تحس كل جسمها يحكها وتبدي تأكل بجسمها بشكل هستيري هالأبر تلعب بأعصاب الضحية ست أشهر كافية تخليها تفقد الذاكرة وترجع بعقل طفلة ورا ست أشهر إذا استمرت عليها تموت الأبر هاي جيلة بس تموتج بدون ما تحسين تاگلج من جوة
ارتعبت شمس وو يدها على حلگهة
: - يعني هسه شجن شلون فدوة على اختي كلشي ولا شجن أموت أني إذا صار عليها شي.
علي-: لا تخافين ما ماخذة هواي وإحنا باجر نسويلها تحليل ونتأكد
شجن: -تذكرت من جنت من أحتاج الإبرة أكوم أسمع أصوات رغم ما يمي أحد
علي-: هي تسبب هلوسة
شمس كلش جانت قلقانة وعلى خلة واحد من الحماية ياخذنة لان هو مادري وين راح
بقينة ساعتين لحد ما كملنا وطللعنا من المستشفى حسيت بالضعف
بس ارتاحيت شوي لأن التحاليل انتهت.
طول ما جنت موجودة جانت اكو دكتورة شكرة حلوة موجودة هي جانت مشرفة على حالتي وهي حددت نوع التحاليل اللي تريدهن
شمس تعرفها وكل شوي وكالت
: -أني هاي الصفيرة هواي سوتلي فضل هم تبرعت لرجلي بكلية وهم هسه أختي يلا خوش بنية
طلعنا وهي تدردم واحنا طالعين لاكانا بيرس وجهه بوجهه ما أعرف شيسوي هنا من شافني البسمة شكت حلگة كال بتساع
بيرس: - شجن عاش من شافج
شجن: - أستاذ بيرس أهلاً وسهلاً.
بيرس: -شخبارج خيرج شصاير وياج.
هو طبعاً شاف حالتي ومبين شكلي مال موتة
كالتله شمس
-: مريضة شوي بعد وفاة ماما وبابا انتكست حالة شجن تعرف اللي صار مو سهل علينة
بيرس-: الله يساعدكم البقية بحياتكم سمعت باللي صار بس تدرون ما كدريت أجي حتى ما أسبب سوء فهم
شمس-: أي نعرف ما تقصر
ركز عليه وحجة بهتمام-: بس أنتي بخير شجن محتاجة شي أي شي كولي والله أني حاضر
شجن: - لا تسلم
بيرس: - جنت أتمنى أكدر أسوي شي.
سحبتني شمس من أيدي.
: - الحمد لله على كل حال ومرة ثانية نشكرك
باوعلي بنظرة مليانة شوك وأني مشيت وي أختي طلعنا وگفنة برة منتظرين عصام يجي
شمس كالت عصام راح يجي ياخذنة بهل اثنا أجة ورانة أستاذ بيرس التفتتنة عليه كال
: -ممكن نحجي شوي وحدنة شجن
: -لا مستعجلين أنريد نمشي
: -عشر دقايق مو هواي
جنت خايفة خاف يجي عصام وأتصير مشكلة بس حرجني ولح فكتلة
: -تفضل
وكفت على جهه وأختي بقت تباوعلنا من بعيد.
بيرس: - شجن إذا تحتاجين أي شي أي شي بس كولي أني موجود
شجن-: تسلم أستاذ
بيرس: - كلش قلق عليج شكلج تعبان
شجن: -مريضة وهسه لازم أروح من رخصتك
تحرگت دا أمشي صار گدامي
: - شجن لحظة
: -نعم أستاذ بيرس
: - أريد أسألج سؤال سؤال كلش مهم
ما أشوف غير شمس أجت كالت: -يلا شجن
وهو حجة: -بس سؤال شجن
حجت بحدة وهي تلزم أيدي
: -ماكو أسئلة هسه تاخرنة وشجن تعبانة
تجاهل وجود شمس وكلي: - صدك أنتِ رفضتي عرض الزواج مني.
تتنهدت وباوعتلة بنظرة خالية من اي مشاعر
: - أي صح رفضتك
تصلب وجهه جان الجواب مثل الصاعقة
نظرة ألم عميقة مرت بعيونة
يمكن جان متوقع أني أحبه والرفض جان من علي
بخيبة أمل كال-: رفضتي يعني، يعني أنتي ما تريديني
شمس-: أستاذ بيرس كافي هذا مو مكان ولا وقت مناسب لهيج حجي
بيرس: -بس أني أحبج شجن ليش رفضتي توقعتج تحبيني
سحبتني شمس بقوة لازمة ايدي وتحجي
: -شوكت خطبج ولج شكو من وراي ما أدري.
رفعت راسي دا أحجي شفت عصام جاي يربي
عيونة على بيرس وعليه بس لا شافنة
وبيرس أجة ورانة يمشي سريع وصاح
: -شجن أوكفي لحظه لو سمحتي
هنا صدك نشف دمي أني منا مريضة ومنا ذولة هو وين جان بيرس شنو هستوني صرت عزيزة
وكاتل نفسه عليه وين جان من جنت أحبه وأتمنى
النظىرة منه هسه بالنسبة الي
فقط عصام يسوة الدنيا وما بيها وما اريد أحد
غيرة كلشي بيه يريد عصام بس
نزل عصام من سيارتة وكال بأمر
: -أصعدن
بلعت ريكي وهمست: -ع. عصام.
حجة بحدة: -ششش أصعدي
صعدت وشمس بصفيي وهو سد الباب وسمعت بيرس يكلة
: -بس أحجي شوي وي شجن
بدون اي تفاهم ولا جواب أرگع بيرس كله بشارع
وگعة بالكاع
شصار بيه انرعبت گمت أبجي يعني مو كافي قهر
ومشاكل ومصايب كل يوم
ضميت وجهي بحضن شمس وهمة الناس فرقتهم
بعد ما گفخ بيرس مرتين
طبعاً بيرس حيل مودب ومهذب حتى ما شال أيدة
ولا اتعارك جان بس يدافع عن نفسه بهدوء
ويكلة: -بس خلة أخدمك وأشرحلك الموضوع.
بس عصام تحسه مداوي عليه ويريد بس حجة
بحيث بسطة ودگدگدة
صعد ورگع الباب بكل قوتة وشمس كالتلة
بحدة: -هو هذا تصرف مو عيب ليش هيج وي رجال
وهو ولا گانة يشوف شمس التفتلي وجهه محتقن
: -شععدددة يررركض ورراج
لميت نفسي حاطة ادية على وجهي أبجي
: -والله أجة وحدة أسال شمس وأني ما كتلة اي شي
عاطت بي شمس: -لااااا تصيحح على أختي منووو أنتِ وتحاسبنا شعليك عسى ما نوكف وي ياهوو الجان لااااا تتدخل شنو أنتِ ابوه اخوها وتحاسب.
حجة كاتم عصبيتة
: -ششش ترى محترمج لخاطر علي
: -خاب طير تحترمني غصباااا عليك ولا تتدخل ولا تصيح على شجن مو تايهتلك
باوعلي وأني حجيت بدموع: -هو. هوو، بس بس سالني شلوني وليش بالمستشفى وهاهيه والله أني أصلا ماعندي شي ويا والله عصام لا تفهم غلط
شمس: -و أنتِ شكوو تبررين الة خلي يفهم غلط طبة طوب
جنت أناشغ وعلى كلبي وجعني والعبرة تكسرت بروحي وأشهگ الكلام كوة يطلع مني
: -لا. لا، هو فهمني غلط اااني اني عصام.
تأفف ورد عليه بهدوء وهو يمدلي بطل ماي بارد
: -أشربي ماي وأهدي لتبجين
طبعاً كل هاي الهوسه شمس مصدومة هي صح كل شوي وهدت على عصام
بس أني متاكدة هي شاكة بينة وعلى الاغلب
نفضحنا من ورة عصام
أخذتة شمس من أيدة وفتحتة إلى شربت شوي منه ودرت وجهي على جامة أناشغ والسيارة هدوء
وبس صوتي وشمس كل شوي وكالت
: -حبيبتي شجون كافي فدوة يروحي
وهو بس يتأفف أخر شي طلع جكارتة وگام يدخن
وصلنا ونزلت بسرعة وي أختي.
لازمة أيدي وفتتنه أباوعلة بقى صاف سيارتة وعيوني وراي درت وجهي وفتت
لاكتنة أجوانا تبتسم كالت
: -الحمدلله على السلامة طمنوني شنو الاخبار
شمس: -ماكو اخبار تحليل على باجر يطلع
جوانا: -لعد ان شاءلله خير وبس الاخبار الزينة
عكفت وجهه وحجت: -شجون باجية
شمس: -اي سحبوا منها دم وهي تخاف من الأبرة وشبعت بجي
كرصت خدي بلطف: -يا حبيبتي مثلي اني هم اخاف.
صعدنة للغرفة وشمس قفلت الباب والتفتلي بوجهه هواي اسالة بس قبل كلشي حضنتي
وأني أبجي حسيت هي الجبيرة
مو أني على تصرفاته بس أني
تعبت من كلشي صار وياي زين وبعدني
واگفة على رجلية بعد كل المصايب
وخرت من حضنها مسحت أدموعي ومشيت للجرباية نمت وتغطيت اجت كعدت على طرف
جرباية يمي كالت بستفهام
: -شنو بينج وبين عصام
: -شنو
: -سوالي واضح
: -ماكو شي.
: -ماكو شي زين وللي صار بالمستشفى وللي صار بسيارة هو بيا حق يصيح عليج كليلي
بقيت ساكتة حجت بشك: -بينكم علاقة صح
: -اي
: -من شوكت
: -من ردنة نسافر وهو رجعنا وبقينا بيتا هو من ذاك الوقت
: -كل هالمدة
: -ايي
: -زين ليش ما كلتيلي
: -لان ماكو فرصة دشوفين المشاكل وحدة ورة الثانية
: -زين احنا راح نسافر شنو الوضع
: -ماعرف
: -متاكدة يحبچ
: -متاكدة
: -و أنتِ هم تحبي.
هزيت راسي وأني مدنكة جرت نفس وحجت بتفكير: -هو ماعندة وحدة غيرج بحياتة
: -لا بس أني
ابتسمت وكالت: -اكو احد غيري يدري بعلاقتكم
: -ما اعرف بس يمكن رجلج يدري لان هو للي
رفض بيرس من أجة خطبني
: -لحظة لحظة على شعلي وشنو رفض شو أحجيلي
لان دخت وگمت ما أربط
: -باعي بيرس أجة أتقدملي من رجعنا للبيتنا بغداد وبيومها على وعصام أجو وماما كالت لعلي الراي رايك
فكت حلگها بصدمة: -ماما هيج كالت.
: -اي والله حتى أني نصدمت كلت لو شمس موجودة وتشوف
: -ششوف أحجي بلا
: -ماما وعلى علاقتهم ماعرف بس جانت كلش متحسنة وحتى أني شفتها أنطته ملفات وسيدي وكالت تريد تحجيلنا شي مهم جانت منتظرتج بس أنت ما أجيتي
جانت ملامح الصدمة محتلة وجهة
: -وبعد شكالتلج ماما
: -كالت ولد عمجن أذياب همة السبب بموت أبوجن وبس على الساتر الوحيد الجن ودائما شيكول الجن سون، شمس صارت هواي سوالف أنتِ ماتدرين بيه.
هزت راسها بمعنى أحجي. استعدلت بگعدتي
وحجيت
: -ازاد باعني لصديقة وساف وحاول يزوجني الة غصب وماما ما رضت ومن كالت انروح لبغداد وتعاركت وياهم هو حاول يقتل ماما ويتخلص منها
بالمستشفى لان همة تعاركوا وهي تخربطت ووكعت وهناك اتفق وي الدكتور يقتلها واحنا سجنه بوحدة من الغرف اني ومرام
: -مرام؟
: -اي مرام شايفة ماما شگد جانت تحجي عليها ودكول مو خوش بنية بس طلعت نعمة الصديقة وعلى تجنن لو شايفتها شكد دافعتلي ووكفت وياي لو ماهي جان أني ضايعة من خطفني ازاد هي وياي وهو هددهة حتى تسكت ومنعها ترجع لبغداد
ومن خطفني وجبرني اتزوج وساف هم هي جانت وياي لو ما هيه جان ضعت هي مثلج جانت تحاول تساعدني دوم
شهكت وحجت: -شنو عيدي شگلتي
: -شمس ماعرف والله هواي حجي
: -كمليلي شصار شجن.
: -هواي سوالف كلش هواي شمس حتى بموت ماما وساف هو قتل ماما كدامي وهددني صورني وبالتصوير خلاني أعترف على نسيبي
توسعت عيونها بصدمة وجهه شاحب جامدة
: -ماما ماتت كدامج
هزيت راسي ودموعي ترست وجهي تدنت مني حضنتني وبجينا سوة وحدة توأسي الثانية.
جنت محتاجة هالحضن مستحيل احد يعوض
حضن العائلة ونفر واحد يبقالك من عائلتك يعوضك هواي
: -كل هذا صار وياج
: -كلش هواي اشياء صارت أنتِ ما تدرين شمس.
بس كل للي اعرفه بيت عمو وازاد بالخصوص جان سببب بدمار بيتنا وعلى خطية هواي ساعدنة رغم عداوتة وي بابا بس ابد ما شفت منه الا الخير أني هواي بدرت مني تصرفات محلوة تجاهة بس هو ابد ما أنطة بيه وتاكدت من ما حجالج اي شي
گامت مخلية ايدهة على راسها بضياع
: -ما أتحمل بعد اختنگت راح أطلع برة
: -تمام
خلت ومشت وأني بقيت كاعدة على طرف الجرباية للحظات أستوعب حجم الأسرار التي كشفتها
حسيت بثگل على صدري.
خلصت منها من شاركت أختي بيها
گمت متجهة للحمام خطواتي ثكيلة فتحت الباب ودخلت وكفت على المغسلة
عيوني على المراية وجهي شاحب عيوني رايحة
وهالات سوداء عميقة جوة عيوني
وجهي ذبلان و باهت وشعري صاير يلعب النفس
مررت يدي على وجهي
وأني أتلمس أ عظام وجنتي البارزة
كل للي صار وهالمصايب والأحداث
تركت بصماتها الواضحة على ملامحي
ركزت على مراية عبالك مو أني هاي بنية ثانية وين راحت شجن ليش هيج ندمرت حياتنا.
حجيت وي نفسي: - منو أنتي
ضحكت مقهور وغسلت وجهي
تذكرت الحبوب والأبر
للي جانت تساعدني على النوم وشوي تقلل من الحكة صح خفت عندي شوي بس بعدني أحك وجسمي يوجعني
طلعت من الحمام باوعت من الشباك
بس شمس كاعدة وأيدهة على خدهة صافنه وحدهة
رجعت تمددت كلت خليها دكول لعلي
يخابر عصام علمود الأبر
نمت وماعرفت شگد نمت بس جنت تعبانة وذبيت نفسي بدون ما أحس.
فزيت على كابوس حتى بالنومة ما مرتاحة لگيت أختي كاعدة يم الشباك على قنفة وصافنه
: -شمس
اندارت وابتسمت: -صحة النوم حلوتي رايحة أجيب الج عشة ما دام كعدتي
هي مشت وأني غسلت وكعدت يم الشباك منتظرتها تجي. صدك دخلت بيدهة صينية
خلتها گدامي: -يلا أكلي هواي ضعفانة
شجن: -من الراحة
ضحكت: -اي كلش مكتوبة الراحة النا
: -أكلي وياي
: -ما أشتهي
: -أحسج ما مرتاحة
: -بالي يم على بعدة ما جاي ممرتاحة
: -هسه يجي ان شاءلله.
هزت راسها وسكتت تباوع لشارع
: -شمس اذا اكو شي كولي سامعه خبر
: -لا ماكو شي تعشي وارتاحي أنتِ
: -أني أختج اذا اكو شي أحجي لا تضمين بداخلج نعيش المصايب سوة وأني شفت انواع اشكال صارت عندي مناعة من الصدمات فلا تخافي عليه أحجي
: -ماكو شي حبيبتي شجون والله
: -ماشي على راحتج بس اني حاسة اكو وما راح أضغط عليج
كملت عشة وكالتلي: -نطلع نشم هوء ونشرب جاي بالحديقة
نزلنا جوة وهي جابت جاي.
: -خلي على ياخذنة نزور ماما أني مشتاقلتها
: -اي بس يجي أكلة أني هم اريد أروحلها
: -هواي جانت متمنية تشوفج
مسحت على وجهه وعيونه دمعن
: -أني أثنينهم ما شفتهم أحسهم ما راضين عليه بحيث أبد ما وگفت عليهم ما جنت أبنة بارة وهواي شلعت كلبهم
: -لتحجين هيج أنتِ شلج غرض
: -أحس بالذنب دوم
عصرت أيدهه وحجيت أهديهه: -لا تحسين بعد أنتِ معليج هذا حظنة من دنيا شنسوي بعد
: -تسمحولي أكعد وياكم.
التفتنة اخت على اجت وجايبة وياها صحن كيك
كعدت وخلت بالنص
شمس: -هم كيكة
جوانا: -شو ما عاجبج
شمس: -لا عاجبني بس أنتي كل ما أشوفج جايبة كيك
أجوانا-: غير أحبكم التفت عليه بتسأل
: -وأنتي شجن شلون صرتي؟
شجن-: الحمد لله أحسن
أجوانا: - الحمدلله. والله الدنيا صارت تخوف كل يوم نسمع مصيبة شكل
شمس: -أي والله الله يستر
أجوانا: - بس الحمد لله أنتو سوا هذا أهم شي الأخت سند
أني وشمس وحدة باوعت بوجه الثانية وضحكنه.
شمس-: والله صدك أني وشجن ما عدنا غير بعض
أجوانا: -ولا تنسين على هم هو يحبكم هواي بس ما يعرف يعبر
شمس-: أعرف اعرف اخوج كلش زين اعرفه
أجوانا-: أي مبين
حجتها وغمزت ما فهمت
سر التغمز والهمس بينهن
وراها بيومين أجتي مرام جنت طايرة من الفرحة بجيتها بس شمس سلمت عليها بثكل وطلعت
خلتنة وحدنة حجت بفرحة
: -شجون كلبي راح من وراج كلت راحت الفرخة
: -ما تدرين شصار بيه جنت راح أموت
: -مو الج الموت اسم الله على عيونج.
كملت وهي تحجي بخبث: -منو طلعج السوبرمان حبيبج مو
ضحكت خجلانة: -اي عصام ساعدني
مرام: -اويلي تطورات وحركات سولفيلي
حجيت كل الموضوع الها وهي ضربت على فخدها بحسرة
: -لعد أني عزيز شوكت يحن عليه
: -بعدة ما حن عليج
: -منين يحضي
كملت بهتمام: -صدك ما دريتي ازاد القندرة نحكم موبد
فكيت حلكي: -عزززااا شوكت وشمس تدري
مرام: -البارحة جانت محكمتة ومادري اذا شمس تدري بس على عندة علم.
شجن: -الله ينتقم منه هو الجان السبب بموت أهلي
أجرم بينا وطشرنة ودفعنة ذنوبة بمكانة عسى لا شاف النور خلة أكوم أبشر شمس
: -لا أكعدي مو هسه عود من أروح هسه خلينا نسولف لان مشتاقتلج
حضنتها وهي لفت أديها على متوني حاضنتني
: -يعمري مرمر أموت عليج صديقتي الوحيدة
: -وأني هم كلش أحبج شجون لتنسين هالكلام ابد صداقتي بيج ما جان بيه غاية أو اي شي
: -ما فهمت شنو اغاية ليش كاعد تحجين هيج.
: -بدون سبب مجرد حبيت أگلج شكد أحبج ولو أنتِ بعد غرگانة وي الحبيب مو بحالي
: -لا شنو أهم شي أنتِ عندي
: -شوفي أتمنالج كل الخير وكون السعادة ما تفارگج أخاف ما أشوفج بعد لان راح أسافر لربيل أستقر هناك
: -ليش عود
: -والله شسوي مالگيت لي رجال بغداد عاد اروح أدور هناك بلكي أحصلي واحد گردي قبل لا يفوتني القطار
ضحكت بمرح وبهل أثنأ شمس فأتتت بيدهة كلاص عصير تشىرب بي كتلها وأني أكوم من مكاني.
: -لج شمس ازاد نحكم موبد
بزت العصير من حلگها بصدمة: -منوووو كااالج
: -مرام
مرام: -اي صحيح ازاد نحكم البارحة
فرحت بس بنفس الوقت اكو نظرات غريبة بين شمس ومرام وأني سألت مرام بستغراب
: -صدك منين دريتي بالخبر ولج ممصدكة خاف
يطلع جذب
حجت شمس من يمها: -يجوز سمعت من جيران من المعارف مو صح مرام
مرام: -اي صحيح، أجتي حضنتي وكالت
: -رايحة أني ديريبالج على نفسج والله يوفقكم بحياتكم أن شاءلله.
: - مرمر لا تگطعين بيه نبقى نتواصل
: -اي ليش لا بس أشوفلي رجال هناك وأستقر نتواصل
ضحكت وومشيت وياها لباب ودعتها
گضينة أيام مرة وحلوة سوة جانت صديقة وأخت بالنسبة إلى كلش أحبها
وراها بأيام طلعت التحليلات وعلى كلي سليمه مو ذاك التاثير بعدج ببداية وبالعلاجات تروح الحكة والاثار
شوي رجعت الوضع زين بس شي الوحيد
الجان للي جان مسبب قلق للعائلة وضع علي
لان مطلوب وهو يريد يسفرنة وشمس
خايفة هو ما يسافر ويانة.
بس هو ديكلها أسفركم بالاول
وأني بعدين الحگم المهم أنتم
أحنا ما جنة ماخذين وضع السفر بجدية
حسبالنة حجي لحد ما بالليل على العشة الكل ملتمين
أم على جانت كاعد على رأس الطاولة
وجههة ما يگصة السيف معبسة
وأجوانا كاعدة بصفي ومصطفى جان كاعد بصف شمس ب كرسيه الخاص
ويلعب بالخاشوگة ينغر بيه على الكلاص مالتة
لحد ما فات على هو البارحة ما رجع للبيت الصبح
أجة كعد أكبال أمة
الكل ساكت بوجودة أنكسر الصمت من كال.
: - السبت راح أسفركم
جان الكل متفاجى بس شمس الوحيدة كملت أكل بهدوء كنما تدري
أم على كالتلة بصدمة: - نسافر وين
علي-: أطلعكم لكندا وبعدين أشوف وين تستقرون
أم علي: - أني ما أروح وأعوف بيتي طلع البنات ومصطفى
علي: -يوم هذا القرار ما بي نقاش الوضع هنا مو أمان بعد
أم علي: -أني مرة جبيرة وهو العمر شباقي بي خليني هنا ببيتي وين ماخذني للغربة.
حجة بأمر: - يمه كافي هذا مو وكت نقاش القرار اتخذ الكل يطلع ما أبقي لا واحد وممنوع اي نقاش
سكتت ام على والكل جان ساكت على الاغلب محد راح يناقش هو گام صعد وشمس لحگته
بقينا بس أحنا وأجوانا تركص بمصطفى ودكلة
: -يايي راح نطلع للخارج ونجرب شعور الثلج أني وياك هناك ونلعب بي
يمكن هي جانت فرحانة عكس الكل
اما بالنسبة إلى ما جنت فرحانة بهيج خطوة
بس أشوف أفضل من حياتنا هنا
خطر بخطر خلة نشرد بروحنا.
الكل راح نام ما عدا على أجا عزيز وطلعوا
الله هذا معشوق مرام
ثول هسه لو حاب مرام شيخسر
غير تخبل هي
شگد ضجت عليها حاولت هواي لا طبخ لا مكياج
لا سحر ما فاد بي هههههه
ضحكت وأني أتذكر أسوالفها بقيت وحدي أفتر بالصالة مشتاقة لعصام أريد أشوفة
وما عندي مبايل أخابرة هاي شمس اذا هسه طلبت مبايلها راح تشك بيه أخابر عصام
وأني منهمگة بفكاري وأدور سبب أخذ بي
مبايل شمس الباب أندك بس دگة قوية.
ما تجرئت أفتح صايرة بيه خوف بس على دگة أجت البنية إلى تشتغل عدهم تفتح
اول ما فتحت الباب اجت عيني بعين
الشرطة وراها
يالله ذولة على منو جاين
معقولة على علي.