رواية عروس الهور الجزء الأول للكاتبة هيلانا الفصل التاسع والثلاثون
: -شجن
تتوالى الهزام وتكثر الزلات نسأل
ماهي الغنائم مقابل العثرات
واگفة على أطراف أصابعي أعيوني أتعلكت على الباب لحد ما التفت البنية وكالت
: -أنسة شجن جاين عليج الشرطة
أشرت على نفسي مستغربة ما مصدكة
: -أني
هزت راسها ب اي وتنحت من الباب موخرة وصعدت الدرج دكلهم
وهمة فاتوا كالولي: -أنتِ شجن سالم
رجفت وعيوني أدمع: - أني، إي أني ليش شصاير
الضابط-: أنتِ موقوفة حالياً للاشتباه بجريمة قتل وياريت تتعاونين ويانه.
ما حسيت غير الكلبجات بدية وأني فاگة عيوني بصدمة
لحد ما صوت شمس فززني وهي تعيط بيهم
: -وين مااخذين أختي
رد عليه: -عليها بلاغ بجريمة قتل
شمس-: شنووو شتحجون شبيكم قتل شنووو ووين ماااخذين شجن
: -اعتقلوها يلاا
ام علي: -لحظة يمة اوكف فهمني شكوو وين ماخذين البنية
جمدت ما أعرف شتصرف من الصدمة بس عيوني تتنقل بينهم أباوعلهم
شمس الخبصت نفسها وام على لازمتها وهمة أخذوني للسيارة مشيت وياهم جامدة.
وضايعة مَرات تختنك وتدخل بدوامة جَبيرة
وتحسَ
كلشي حوليك ضدك
وماكو شي ديصلحّ كلشي خراب
وكل يوم مصيبة شكل
بعدني ما أخذت نفس
ليش هيج؟ شمسوية بدنياااا
أدور على سبب إلى كاعد أتعاقب عليه
بس ماكو
أسال نفسي وأفكر
ماكو جواب لسؤالي
أسوأ شي يمر على اي شخص
يحزن من نفسه وعلى نفسه
وينكسر خاطرة على روحة
ويداري أدموعة
غصة بلعومي وأوسي وأصبرها بذكر الله
آله بذكر الله تطمئنَ القلوبّ
دائما ماما دكول.
لازم نكملَ مسيرة الحياة بتعبها وبحزنها وبفرحها وبكلشي بيها ومرات يكون هذا أختبار من رب العالمين علينة ف كُل هذا يمثل القوة الأنسان وصبرة وتحملة
بس أني ما ظل عندي صبر ولا قوى
تعبت خلص والله لو الله ياخذ عمري ولا هاالعذاب
وصلنا المركز الشرطة
دورت عيوني عليه جان المبنى كئيب
والحياطين رمادية
تعكس قسوة المكان
فتح الشرطي باب السيارة
وأخذني خطواتي ثكيلة وحلكي يابس
دا أمشي برجلية ل مصير مجهول
ذبوني بالتوقيف.
ضاجت بيه الوسيعة شگد حاولت أتمالك نفسي
بس بجيت
گمت أفتر وأحوس وحدي بس أني أهنا
مرعوبة وريجي يابس
جنت أستذكر الاحداث جريمة قتل؟ قاتلة منو أني
غير جنت متهشمة ومتحطمة شوكت ارتكبت هالجريمة
من بين ضجيج أفكاري أتذكرت موت ماما
والمسدس وعصام من خابر وكال بصماتها عليه
معقولة جان يقصدني، مسحت على وجهي
وأني أكل بشفتي بهلع
محد أجاني ولا أحد حجة وياي خايفة
ارجف ارجف
ما عندي أسلاح غير الدعاء وماكو أمل
منتظرة عصام او أختي.
علي اكيد ميگدر يسويلي شي هو مطلوب
لدولة أصلا
أفكاري تنهش بروحي كلشي بدا يصير بلا معنى...
كلشي إنكلب بغمضة عين
وأني بس عيوني على الباب
يمكن أحد يفتحه يمكن أحد يتذكرني
فجأة، انفتح الباب وروحي طارت أجت عيوني عليها همست: - رررغد
أجتني بسرعة حضنتها وأني أبجي
: -طلعووووني طلللعوووني فددوة رغد طلعوووني مناااااا شنووو تهمتي لييش جابوني اااني ما قاتلة احدد والله شنو جريمة
كالت: - شجن بس أخذي نفس ونسولف وأكلج شكوو.
: -ماكدر مختنكة رغدد، عصام وين كليلي خلي يلحكلي
هي طلعت جابتلي ماي وأجت واني كعدت أشرب
ماي بارد بس كلبي حار ما دا يبرد
رغد: -شجن تاهميج بقتل والدتج
هي كالت هيج لو أني ارتعشت كل خلية بجسمي
بجزع أنفض: -لا لا والله شنو شنو شن...
ضحكت وأني ابجي وهي تحاول تهديني
: -أن، ت تعقلين هالكلام. لا، لااااا أني مو قاتلة! صدگيني! والله ماما ما شلون أقتل ماااماااا، غير آخر لحظة گبل لا تموت بإيدي حتى ما خلوني المسهااا.
: -بصماتج جانت على السلاح باب الاستقبال ما بيه آثار كسر والبلاغ إجاي من مصدر أولي هنا يمشون على الدلة مو مهم نسبة القرابة ويما ناس تقتل اهلها
: -حتى أنتِ ما مصدگتني شلون تفكرين أني أگتل أمي
: - آني ما جاي أحكم عليج وأگلج أنتِ مسوية هالجريمة بالعكس مصدكتج غير أعرفج بس غيري ميصدگج
كعدت أنحب وأدية على وجهي وأنوب أثكال من الكلبجات و فوك ما خسرت ماما أنوب متهميني بموتها.
: -فدوة شمس وينها خلى تجي محتاجة أختي وعصام هم خابري علمودي
: - عصام خابرتة جاي بالطريق واختج عفتها برة
ممنوع تتدخل آني الوحيدة المسموح إلى أدخل عليج
: -ليش أنتِ
: -هسه أترگج من هذا الموضوع أسمعيني زين، راح نحطلج محامي وراح نشتغل على الملف نقطة نقطة إنتِ حالياً مشتبه بيچ مو مدانة وهاي كلش تفرق
مسحت وجهي بكمي المرتبك وعيوني متعلگة بيها
: - يعني آني رح أطلع شكد أبقى هنا.
عضت شفتها سكتت ثواني بعدين گالت بنبرة هادئة
: - التحقيقات تاخذ وقت بس أهم شي لا تعترفين بشي ما مسويته مهما ضغطوا عليج لأن اعترافچ إذا صار صعب يتبدل
: - واذا خوفوني أني هسه هيج وخايفة كلش
: - لا تسمعين كلام أحد ولا تخافين لا تعترفين بي شي بس يوصل المحامي وعصام همة يشوفون شيسون الج
هزّيت راسي بصمت منكسرة وروحي لايعة
رفعت راسي قبل لا تتطلع كلت الها
: - رغد انتي شنو تشتغلين وشلون دخلتي لهنا.
سكتت لحظة طويلة مرت بينّا نظرة صارت غير شكل كأنما تفكر شدگول وبيا طريقة توصل المعلومة
وبنبرة خافتة مبحوحة حجت
: - مو هنا شغلي بس مسموحلي أدخل اكيد وأجيت علمودج خابروني هسه خلطلع أطمئن شمس عليج
جنت دا أباوعلها لحد ما طلعت وبقيت وحدي
مرت عليه ساعات جوة وأني من القلق
أفتر ما أعرف أكعد
حسيت أكو خطوات وباب أنفتح منو أجة معقولة رغد جابت المحامي وأجت لو عصام
عيوني تترقب الباب لحد ما أنفتح وفات عصام.
من شفتة بجيت بالزايد وهو حضني
وخرت من حضنة رفعت عيوني الة باوعتلة وعيوني جمر أحسهن وراسي يريد ينفجر من الوجع حجيت بحرگة
شجن: -طلعنييي منااااا مااااتحمل ماا أااتحمل السجن الموت أهون عليه والله
مسح على وجهة محتار والحيرة بعيوني حسيتة مكسور وهو يشوفني هيج
مد أيدة فتح الكلبجات من أدية جانن حمر محزوزات
لزمهن يفرك بيهن عيوني عليه وأبجي
: -عصااام حباب أحجي راح أنحكم موو ما راح تساعدني...
مسح أدموعي وسحبني كعدني وهو واكف يمي حجة وهو يحاول يقلل خوفي والهلع إلى دا امر بي
: -هدي شجن أريدچ تركزين وتحجين بس الحفظتة الج رغد لا تبجين وتخافين
ثرت بوجه وگمت من مكاني لزمني ضربتة بدية منهارة وهو يحاول يثبتني
: -مااااا أهدددة جريمة هاي جريمة راح أخيس هنااااا ماااكدر أتخيل نفسي أگضي كل عمري هنا مااااشفت شي والله ماشفت شي بحياتي أنت مرررتااااح ما راح تحس بوجعي.
حجة بعصبية: -مرتاااح لچ بابة ما أعرف الراحة شني وحگگ على ما متيه المركز يمچ
أدية ترجف وعيوني مغوشات من الدمع. أيأست من الحياة راح أندفن هنا
حضن وجهي بين ادي عيوني التهمل المليانة حزن وخوف بعيونة الحادة الثابتة وهو يحاول يشجعني
مشكلتي أني أخاف وما سيطر على نفسي
كالي بثقة مطلقة: -لا تخافين هشام راح يحقق وياج وأنة وصيتة عليج فحجي ولا ترتبگين
: -خاف ما أطلع
: -أطلعچ والله
: -واذا نحكمت، حجيتها وشهگت.
تنهد وحضني بجيت ضامة وجهي بحضنة محتمية بي وما عندي أحد غيرة كال بهمس: -أهربچ من السجن وأطلعچ لتركيا ما خليچ هنا
وخرت وكعدت بالكاع والله نفسيتي تعبت
أطلع من مصيبة أوگع بالثانية
فرگ جبينة ومسح على وجهه مشتت وأگف حيران
ثنى ركبتة ونحنى كدامي نزل راسة لراسي وسألني.
: -أفتحي عقلج وياي وركزي أعتراف ماكو ممنوع ولا بحرف ما أريد أتخافين واحد من جماعتنه يحقق وياج وأنة هواي موصي عليج يعني ما أريد أنهيار وقلق اريدج قوية صامدة بعد روحي أنة وراج أي شي يصير أطلعج أطلعج عسى ما أدخل للسجن بمكانج
شهگت وحطيت أيدي على صدري
: -لا أسم الله عليك وين داخل والله يخوف يكتم النفس أحس ضايك نفسي هنا وكوة أتنفس
: -أهم شي ما أريدج تخافين وكلشي سهل
هزيت راسي رغم هو طمنئي وشجعني هواي.
بس أني ابد ما مرتاحة مفرفحة ودنيا طالعة
من عيني لو ميتة ولا هالمعانات إلى دا أعيشها.
: -شمس
العائلة هي من كلشي تحميك اذا لزم الأمر وأنت هم راح تحميهم. عشت طفولتي بينهم ذكريات وأيام حلوة
حياة هادئة مابيه لا هم ولا حزن ولا تفكر شنو
راح أيصير
قبل كم يوم جنت فرحانة وأخيراا أختي رجعت
تذكرت أيام قبل ورجعت بذاكرتي
لذيج الايام منو جان متوقع مضمومة النا هيج مصايب
غمضت أعيوني فحسيت بيد على متني أترتب
أنتبهت رغد سالتها بلهفة
: -بشري شلونها شجن وشنو الاخبار راح تتطلع يفرجون عنها.
: -ان شاءلله بس مو اليوم
: -كفالة ما يصير نطلعها بيها اليوم
: -لا ما أعتقد لان أكو دليل على التهمة متلبستها
: -ما أنروح للبيتنا وأندور بي بلكي نلگة فد دليل يثبت براتها
: -وشنو ممكن نلگة هناك
: ما أدري بس لازم نحاول يمكن اكو شي ناسيته ممكن يساعدنا
: - فكرة حلوة نجرب
: -أني هم كلت هيج لازم نروح وندور كل زاوية
گمنه وأني مشيت گدامها بعجلة بلكي نلگة فد شي يساعد أختي
: - أني وياج لازم نلاگي شي يبرئ شجن.
طلعنا من المركز مشينة بسيارة رغد مسافة الطريق
وصلنة البيت
جان البيت عبالك مهجوروهو فعلا مهجور بعد موت أهلي بعد ما جان يضج بالحياة هسه صنتة عبالك مكبرة وحياطينة بيها آثار الزمن والايام الحلوة
المضت
فتحت الباب ودخلنة جوة جان الهواء ثكيل ورايحة ذرات التراب تملي المكان
المكان مثل ما هو ما متغير شيء.
رغد صعدت لطابق ثاني وهي تحجي: -راح أبدي
من فوك
: -تمام وأني أدور جوة.
دخلت غرفة أهلي جانت مرتبة بيها هواي الذكريات
صفنت على صورة بابا وماما معلگة على الحايط
ابتسمت بحزن شگد الدنيا مالها أمان بيوم وليلة
راحوا أثنينهم
تنهدت وتحرگت دورت الدرج والكنتور حتى جوة
الجرباية دورت ما بقى مكان فردشت الغرفة
ولميتها ماكو شي. رجعت دورت الصالة والمطبخ
ابد ولا أكو أثار لشي منا منا
رغد: -ما لگيت شي
التفت رغد نزلت من فوك حرگت أكتافي بمعنى
: -أني هم
كعدت على القنفة ضامة وجهي بين أدية ومدنگة.
أحي باليأس مسيطر عليه
ما أعتقد راح نلكى شي ذولة المجرمين ما يعوفون وراهم شي خبرة
رغد: -لازم نمشي شمس مادام ماكو شي
شمس: -أرجعي أنتِ أني باقية هنا شكراً جزيلا على كلشي
رغد: -ولو حياتي هذا واجبي وراح أنبقى وي شجن لحد ما تتطلع أن شاءلله
شمس: - ما تقصرون الله يوفقكم
هي مشت وأني صعدت فوك للغرفتنة فتت وعفت الباب مفتوح
تمددت على الجرباية عيوني على السگف وعلى كل
زاوية بالغرفة مليانة أتراب
شنو هالذكريات التوجع.
شنو هالايام السودة
غمضت أعيوني بهدوء وأخذتني النومة ماعرفت شگد مر وقت بس حسيت أكو شي
علي وجهي ديتحرك حسبالي ذبانة لو نغمشة
ضربت وجهي على خفيف وبقيت مغمضة
بس نفس الحرگة على شعري تحرگت منزعجة وفتحت عيوني لگيت على نايم بصفي
بقيت أباوعلة بستغراب ابتسم وكال
: -باقية وحدج هنا
: -اي
: -ليش مو تدرين وساف الهتلي بعدنة ما لازمينة
: -ماعرف أخذتني النومة بيش الساعه هسه
: -بالتلاثة الفجر
: -اختي بالسجن تعرف مو.
هز راسه. تقربت يمه وهو أستعدل بگعدتة وتربع
لزمت أدي برجاء: -علي مالي غيرك لا تخليها بالسجن
: -أطلعها لتبجين
: -أحلفلي
: -يا يوم كتلج حجاية ورجعت بيها؟
: -مو هيج بس أني خايفة على أختي
: -أنة وراها ما أعوفها
أستبشرت ملامحي وحضنته شگد حلو من يكون
الزوج أبو وأخو وعائلة كاملة لزوجتة يسندها ويهتم بيها وبصعب المواقف ما يعوفها
وعلي هيج جان بالنسبة إلى دائما يحل مشاكلي
وحاير بيه وحتى خسر وظيفتة من وراي.
وهسه عليه دعوة وكل هذا وهو ابد ما ححسسني
أني ثكيلة عليه او دسبب مشاكل ومتاعب اله
بالعكس دوم يحير شلون يلمني
لحضنة ويححسني بحبة ودائما أنهزم الة وأشگي مشاكلي ووجعي الة وهو موجود أدري راح أكون بخير ومستحيل أتأذى
هو أحنا هيج ما نريد شي أكثر من رجال يحبنا ويحترمنا ويكون سند.
رغد
ورة ما أنسجنت شجن عرفنة وساف وراها هو قبل بفترة عصام كال ماخذ بصماتها توقعنه هالعبة منه
خلصنا من أزاد وبقى وساف أزاد جان غبي وهو مطلوب بهواي جرائم وفوك الجرائم قتل عمة
وقتل أهل على واكو ناس ثانية هم تتطلبة ثار أججها على عليه ووفوك جرائمة المخدرات والسلاح
طمس طمسة باالسجن بعد ما قدم هشام كل الدلال إلى دزها على عليه ونحكم موبد بعد ميطلع.
اول مره ينتصر الحق على الباطل فرحانة وحاسة بالامتنان لعلي لأن لو ما هو مستحيل يتحقق هيج
أنجاز منو جان يتوقع أزاد يوگع على گد ما قوي والحكومة بيدة جنت مأيسة بيوم أخذ ثار أخوية منه بس الحمدلله أكو رب العالمين الاقوى من ازاد وغيرة
وخلة على بطريقي وعرفني عليه هئية الاسباب
وجنت سبب بأخذ ثارة وخلصنا من هيج حثالة
وان شاءلله مايطلع بعد طول عمرة
بقى وساف العار منهزم هسه الكل يدور عليه.
بس ماكو الة اي أثر وخطية ورطوا شجن
ذني البنات هواي تعذبن بدون ذنب، أجينة للشقة كال على ممكن نلگة فد خيط
علي مو جان يشتغل وياهم فيندل هواي أماكن
اكو مغيرهن واكو باقيات بس على أساس
عوائل ساكنه بيهن بس جذب اكيد
هاي لعبة من العاب ووساف
وصلنا للشقة على أساس يتواجد بي وساف
هو البيت مخلي مخزن لمخدرات
علي وأگف وعزيز يدور صعد لطابق الثاني
وأني يم علي. لزم أستكان الجاي
جان أكو ريوك وصمون على طاولة كال
: -الجاي حار.
: -شنو يعني
رفع أصبعة بوجهي وهمس: -ششش
مشة خطوات حذرة لطابق للي جوة اكو درج يوديك لطابق جوة ومبين متروك لان حتى الباب مزنجر
مشيت وراة بخطوات هادئة وأيدي على أسلاحي
دفع الباب برجلة بهدوء
بدون ما يطلع صوت وفتنة نزلنا الدرج
خطوة خطوة
لاگنة غرفتين وحدة مقفولة والثانية الباب مالتها مردود رد
وگفت وراة أني وأرقب خاف أحد. يجيت علينا من فوك وهو دفر الباب وفاات
بس جانت فارغة ضرب على الباب بقبضة أيدة وصاح بعصبية.
: -شلللون شررردود من أيدي
سكتت وهو يمسح على وجهه ويستغفر
: -أمشي رغد
: -ما تخلينا أندور بعد
: -رغد
مشيت من حلك ساكت من حسيته عصبي طلعنه من الغرفة وهو سد الباب
ومشة كعد على الدرج صفنت عليه أجيت أحجي أشرلي بصبعة: -اشش بدون نفس
الدرج صاير أكبال الغرفة كلش وهو مطلع جكارتة ويدخن ومسدسة بيدة وأني وأگفة يم الغرفة
الثانية المقفولة واگفة وهم متحذرة
بس ما دري شنو كاعد يدور بعقل علي.
أنفتح الباب الفوك ونزل عزيز التفتلة على وأشرلة بمعنى بلا صوت
اجة نازلة على خفة أصابعة وكف بصفي
تقريبااا ساعة احنا كاعدين على صامت واگفين
رجلية تعبن وعلى ماعدة نية يمشي
وهمة ماكو شاردين أصلا
بس ما ادري شمنتظرين
بهل أثناء أنفتح الباب وطلعوا أثنين تفاجوا من شافونة وعلى بالحظات طك أول واحد. طلقة برجلة والثاني رفع أدي بخوف وركع مخلي ادي على راسة يمكن أنهبط
كالهم بملل
: -كواويد نلعب غميضة شني.
صعدناهم فوك وجتفهم عزيز وعلى يفتر عليهم
كالهم بتسأل: -وين وساف
حجة واحد منهم لان الثاني جان يعوي من الجرح مالتة ويبجي
فالثاني هو الجان يحجي بمكانة
: -ما ندري
: -شني شغلكم؟
: -نبيع السلاح الكاعد يوصلنا
: -منو يوصلة الكم
: -واحد أسمه أنس
: -وساف ما شايفي؟
: -لا والله ما نعرفه
: -حلو تشتغلون ويا بس ما تعرفونة؟
باوعوا بخوف واحد منهم كالة: -ما نعرف والله ما نعرف شغلنا بس السلاح اليوصل
ما أحس غير طكة بوكسي على وجهه.
وگعة بالگاع وأصياحة هز الغرفة
: -شوووف ولك هنااااا أچتلك اذا ما تفك حلگة وتحجي يلااا ترى خلگي ضيگ أحححجججيييي؟
: -ما نعرف
: -ولا شوية
هز راسه: -ولا أشوية
: -جااا موت أحسلك ماكو فايدة منك
التفتت على عزيز وحجة بأمر: -عزيز أدفنة وخلي بس راسة طالع يتهوى
عزيز سحلة وهو يتوسل يريدة يعوف لحد ما وصل
اخر شي الباب وكال: -ووووساف اليوم جاي علمود شحنه مال مخدرات يريد يعبرها الحدود.
: -اي عفية هيج من الاول ليش أتعبنة وأتعب روحك
أخذناهم أني و عزيز على أساس أحنا لازميهم لان همة مطلوبين وعلى راح كال دزولي عصام
وعصام بالمركز ما دام شجن هناك هو ما يتحرك
خلة أروح أكلة.
: -شجن
الحياطين بيض الكاميرا بالزاوية
كاعدة على الجهة الثانية من الطاولة ملامحي مرهقة عيوني يوجعني من البجي
دخل هذا النقيب هشام الكالي عليه عصام
وهو شايل ملف بيدة حجة
هشام: - السلام عليكم خلة الملف عالطاولة بهدوء وأبتسملي ابتسامة خفيفة كانو ديطمنئي كال
: -شلونج شجن كلشي تمام أكو شي ناقصج مي تردين أجيبلج؟
رديت بصوت مبحوح وتعبان
: -لا كلشي ما أريد، شكراً.
هشام: -تمام قبل لا نبلّش أحب أگلچ أني ما جاي أضغط عليج أني جاي أسمعج يعني إذا تحبين تحچين آني حاضر وإذا تحبين تسكتين علما يجي المحامي هم من حققج بس أتمنى نتعاون سوى لأن كلشي يهمچ ويهمنا ينحل
نزلت راسي أمسح بدموعي بكمام قميصي
: -يعني وين أكو واحد عاقل يگتل أمة والله العظيم ما سوّيت شي.
هشام: -أصدگج بس اكو ما يصدك الحجي وحدة مو دليل واحنا بالعراق اكو هيج قضايا واكو مثلج هالنوع من القضايا مرات البريء يتورط بس شغلتنه نعرف شنو صار بالضبط راح أسئلج وانتي جاوبي على راحتچ تمام؟
هزيت راسي بالعة الغصة
هشام: -نرجع ليوم الحادث يوم الخميس شنو اللي صار
سولفت كل الموضوع الة
كال بهتمام: -أحد يگدر يأكد هذا الكلام أحد شافج يشهد الج.
شجن: - ما أعتقد لأن الليل والناس نايمة بس هو خطفني قبل هالمرة وحاول يزوجني غصب وعندي شاهدة جيرانة اسمها مرام
من ذكرت اسم مرام ضيق عيونة بفتور وطيف ابتسامة لاح على شفتة سرعان ما أختفى
دنك يدون ملاحظاته بهدوء
: -راح نستدعي الجيران ونسأل هم
سألني هواي أسالة جنت مجاوبة ويا لأن جان هادي
ولطيف وياي ما خوفني رغم أول ما دخل عليه بزي العسكري أنرهبت بس من حجينة أطمنئيت.
گام وعيوني وراة فتح الباب وامر الشرطي إلى بالباب يرجعني لتوقيف
مر يوم وكالوا راح يحولوني على المحكمة وعصام ما أجة البارحة إلى بس رغد وجايبة أكل بس ويني وين الاكل أكدر أكل بيا حال أني
طلعوني مكلبجة ودموعي بعيوني حالي حال اي متهم شنو بقى ما شفت الضيم كله مر عليه
من طلعنا جنت أباوع بالعيون أدور عصام
بس ماكو معقولة أتخلى عني خاف لان دخلت سجن بس لا عافني يربي
شهكت أبجي وارجف لاگني هو النقيب هشام مبتسم.
باوعتلة بعيون متوسلة خايفة بنبرة طيبة يطمنئي
حجيت بدموع: -فدوة سيدي راح يسجنوني
هشام: -لا أن شاءلله خير
مشينة وشفت أختي بالمركز جانت تبجي وتريد بس توصلني بس رغد لازمتها وأني أخذوني
أخذت الطريق أدعي باللة وأهل البيت يلگون
حل إلى لأن هالمرة أموت مابيه مجال
من وصلنا لگينة المحامي هناك بقينا شوي أنوب دخلونة جنت ارجف رجيف الها رهبة
وما شفت أبد عصام وينه مو
كال ما أعوفج ليش عافني.
بقاعة المحكمة جنت وأگفة عيوني تعبانة
المحامي عادل جان كل شوي يباوعلي ويهز راسة بمعنى أطمنئي
جان القاضي يراجع الأوراق حجة
: -حسب تقرير التحقيق، المتهمة شجن ع. ح وُجدت بصماتها على السلاح المستخدم بجريمة القتل ويُطلب تمديد توقيفها ثلاثين يوم لغرض استكمال التحقيق
ممثل الادعاء العام: -الأدلة المرفقة تكفي للاستمرار بتوقيفها ووجود بصماتها على السلاح دليل كافٍي مبدئيًا لإبقائها تحت الحجز الاحتياطي.
المحامي رفع إيده بهدوء ويحجي بنبرة هادئة بس حازمة: -سيدي القاضي نطلب تسجيل اعتراض رسمي على قرار تمديد التوقيف ونطلب إطلاق سراح موكلتي بكفالة لحين اكتمال التحقيق
القاضي: -على أي أساس أستاذ عادل البصمات موجودة.
عادل: - نعم بصمات موكلتي موجودة بس ماكو أي شاهد يربطها بالجريمة لحظة وقوعها لا تصوير لا شهود ولا حتى دافع واضح لارتكابها للجريمة وعلاقتها بالوالدتها جانت جيدة وعائلة متفاهمة ماعدهم اي مشاكل ولازم ناخذ بعين الاعتبار موكلتي أتعرضت للاختطاف مرتين
رد القاضي وحسيتة قاسي من ملامحة وكلامة
: -بس البصمات حقيقية وموجودة.
عادل: -إي بس هاي البصمات وحدها مو كافية مو شرط إذا البصمة على السلاح يعني هي قاتلة السلاح ممكن يكون نُقل من شخص لشخص ممكن أحد خلى السلاح بإيدها بدون علمها وبالإضافة لهذا عدنا شاهدة محتملة جيرانهم وأطالب باستدعاء الشاهدة للجلسة القادمة
ممثل الادعاء: - لا تزال مشتبَه بيها وماكو دليل يثبت براتها.
عادل: -ولهذا نطلب إطلاق سراح مشروط موكلتي ما عدها سجل ما عدها أي سابقة وجودها جوة التوقيف ما راح يضيف شي للتحقيق بالعكس احتمال تأثر نفسيتها وتنهار أكثر
باوعلي القاضي ورجع عيونة على المحامي
جنت أحس الموت واكف على أعتاب روحي
حجة موجهه كلامة للمحامي: -
أنت تطلب كفالة مؤقتة لحين استدعاء الشهود وفحص الأدلة من جديد؟
عادل: -نعم سيدي ونضيف طلب بفحص السلاح المختبري من جديد لمعرفة إذا بيه بصمات ثانية مو بس بصمات موكلتي
ممثل الادعاء: -هذا يأخذ وقت ويأخّر الإجراءات
عادل: -بس مو أهم من سجن إنسانة بريئة كل دقيقة تگضيها داخل التوقيف هي ظلم بلا دليل كافي
ساد الصمت لحظات داخل القاعة الكل ساكت القاضي باوع على الأوراق وبعدين حجة بنبرة حاسمة أخذت كل ذرة شجاعة عندي.
القاضي: -راح ننظر بالطلب وراح نستدعي الشاهدة ونعيد فحص البصمات بس إلى ذاك الوكت نقرر إطلاق سراح المتهمة بكفالة مالية ومتابعة التحقيق بجلسة جديدة خلال أسبوع القادم
نهاريت أبجي ماعرف فرحانة وعيوني تتنقل بينهم والمحامي لم أوراقه وطلعنة جان شاطر وشخصيته قوية
واحنا طالعين كالي: - صدگيني راح أثبت الحقيقة
وأن شاءلله أطلعج منها
: -أني ممتنة الك كلش شكراا
: -واجبي هذا ست شجن.
طلعنا ولكيت شمس تنتظرني حضنتني وأني أدور عيوني على الحاضرين ماكو بس رغد وشمس وام على هم جانت موجودة
واحنا طالعين جانن يتناكرن هي وشمس عود هي جاية وي شمس اخر شي كالت
جاية علمودج خالة هاي ام شعفة السحارة ما احبها
وشمس دكلها بس خلة تخلص قضية أختي اذا ما طگيتج بسحر وخليتج تموتين عليه فلا أطلع بت أبوي
خطية هبطت المرة وهي مبينة أتخاف ضحكني
واني روحي ممرودة.
واحنا طالعين لاگانة عصام جاي هو وهذا النقيب هشام دنكت راسي وهو كال أصعدن بالسيارة
جان صافها قريب على الباب رحنة صعدنة وهمة مشوا للمحامي أنطوا ملف وبقواا شوي يسولفون ويا
وعصام أجة صعد وباوعلي بجامة كال
: -الحمدلله على السلامة
ما جاوبتة درت وجهي كلش ضايجة منه
عافني بالمحكمة واني جنت بشد الحظات حياتي
ومحتاجتة كلش
تنهد وحجة بصوت عالي: -ياربي وين أنطي وجهي حتى نعمة الله زعلانة عليه.
بقيت ساكته بس شمس باوعتلي ورجعت عيونها اله كالتلة بتلاعب
: -أنتبه على الطريق عصام لا نموت احنا ونعمة الله
: -المهم النعمة أنتم عادي
: -شو طير اني راح أصير ام ابن على هذا والله لو يسمعك
: -شيطلع سيد على علاوي
: -أنتِ بهاي ما تلام صاحبك ساقط
: -ما يستحي
: -و أنتِ مو احسن منه ترى
: -هسه أنة حاجي ليش تخربينة مو فرحانين
ابتسمت رغم ضايجة بس اني وام على ساكتين
ام على تخرط بسبحتها وتستغفر واني هم ساكته.
باقية شمس تلغي هي وعصام لحد ما وصلنا
البيت نزلت قبلهم ركض للبيت.
: -شمس
بالليل نمت بعد تعب وقلق بسبب قضية أختي
نص الليل جنت نايمة وأسمع صوت همس
وحجي فتحت عيوني أنعس وأحاول أركز
سمعتة بين أكو أحد ما أهتميت كملت نومتي
جنت تعبانة
وصار الهمس غريب. شمس
أحس احد يصيح بأأسمي ويكررة فزيت باوعت بصفي على ماكو بس أني نايمة وعرگانة هم
مسحت وجهي وگمت طلعت من الغرفة كتمت صوتي ومشيت خطوات نازلة على الدرج ورة الصوت نزيت من سمعت شي أنكسر جفلت بقيت جامدة بمكاني وسميت بأأسم الله.
يا ساتر يا رب لا تخوفني
كلشي إلا هذا الصوت أعرف شنو يجي وراة
نزلت والضو مال الدرج يتخربط يقل ويرجع يرتفع عبالك الكهرباء جاية شوط يضوي ويطفي
صوت خطوات بالمطبخ حسيت برجفة بظهري وبرودة هوء بارد لامس ركبتي
واگفت بمكاني ودگات گلبي تجيب التايه
چانت إيدي ترتجف لزمت الحايط حسيت شي رطب
ضويت من تلفوني ماكو شي
نزلت وكفت كدام المطبخ الباب مفتوح شوية وضوء الثلاجة عاكس على نص المطبخ.
الباقي كله غركان بالظلمة مثل ظلمة الكبر
خطيت رجلي أفوت والسكوت يفزز روحي بس فجأة سمعت صوت علي
صوت منخفض كأنه ديهمس
ويحچي وي أحد...
مديت راسي بتجاه شباك المطبخ تجمدت
عيوني توسعن شفت على واكف ظهره إلى ووجهة على الشباك ويحچي وي الفراغ
إيده اليسرى تشير عالهوة اليمنى مرتخية وكأنه ديباوع بوجه أحد أكبالة بس ماكو أحد كباله
وكفت أتنفس بخفة ركّزت وعيني على ظله
ظل على مو طبيعي مو مطابق حركته.
جسمه يتحرك وظله ثابت ما يتغير
قربت خطوتين وهو اندار بسرعة وجهه جامد ما بي روح وابتسامته تخوف عبس وأتغير شكلة من شافني كال بصوت غريب
: -شمسسس
رديت بخوف
: -وي منو چنت تحچي
سكت ثواني ولف وجهه مرة ثانية عالفراغ على جهة الشباك وماعرف شنو همس بس مو كلام عربي
لا عبارة عن أحرف متقاطعة همسهن وصارت حرگة غريبة بالمطبخ رجعت لازگة بالباب وأذكر شگو اية حافظتها.
شعل الضوء وجر الكرسي أشرلي أكعد تقدمت كعدت وأدية ترجف أباوعلة اريد أتاكد خاف مو هو
جابلي مي من الثلاجة سألتة بحذر
: -وي منو جنت تحجي
: -ما حاجي شوكت حجيت
: -شفتك وهاي ثاني مرة مدري ثالث مرة
: -هسه شتردين
: -منو جان يمك
: -شلج غرض بالهسوالف
: -يعني أشوف رجلي ديحجي وي الفراغ ومالي غرض المفروض أسكت ما أسال
: -يجوز رجلج خبل مريض عادي
: -اي عادي كلي اذا مريض حتى نشوف دكتور يعالجك
: -وتالي شمس.
: -أنتِ وتالي وياك على شوكت ناوي تحجيلي
سحب الكرسي كعد أكبالي وأني بعدني خايفة
رغم گمت هواي أشوف شغلات ومريت بسوالف
أكبر بس بعدني أخاف وأدخل حالة من الرعب
همس بجمود: -جنت أحجي وي ال ذكر أسمه وشعور غريب زارني حسيتة يمنه ماعرف ليش
: -منو هذا
: -قريني
: -مثل للي جان لاحگني حتى يكتلني
هز راسة وطلع جكارة يدخن كتلة بستفهام
: -ما تخاف يكتلك شلون تحجي ويا
: -من زمان سيطرت عليه مايگدر يكتلني
: -و أنتِ شلون حررتة.
: -مو أني شيخ من النجف هو حررة وسوا حرز إلى حتى ما يضرني
: -شنو أستفاديت من حررت هيج كائن موذي
: -بالغلط رحت للهور وي ألحجي والغروب جنت وأگف على الضفة والضفة بيه كبر يكولون بي بنية مدفونة عروس ميته بليلة العرس وعلى اساس منتحرة ال
قاطعتة بصدمة فاگة حلكي
: -وليش تنتحر بنية شابة وبليلة عرسها
: -جايچ الحجي بس أصبري
: -تمام كمل.
: -يكولون بايعه نفسها للشيطان ومايصير تزوج وفق عهود هي مسويتهااا ومن أزوجت خلت بالعهد وماتت منتحرة
: -يعني همة كتلوها صح. أني هيج جان يصير وياي شخص يگلي أكتلي نفسج
: -أنتِ سهاد البلعبت بيج ذيج البنية هي لاعبة بنفسها المهم هاي سوالف منو يصدك بيهة بيومها واكف قريب على الكبر وأكول معقولة اجيت يمها قريت سورة الفاتحة الها وجيتت سبحت بالحوض
اكو حوض ينصب أصبابة ويخلون بي ماطور ماي ويوصلون ماي للعرب.
: -و أنتِ سبحت الغروب
: -اي الغروب هو زرت الكبر وسبحت ورجعت للبيتنا يم الحجية ف بالليل وأنة نايم شفت يمي بنية لابسه بدلة عرس وملامحها كلش حلوة وگعدت من النوم خايف ماكو ولا طير ودنيا الصبح تكرر الحلم خمس ليال ورة بعض كل يوم تجيني الگاهة يم راسي ما أهتميت هملت السالفة كلت خاف ما أكل أكلة غاثتني
طبعاً طول ما هو يحجي أني أباوع لملامحة
خاف ما هو مدري شحس بس خفت كمل برود.
: -باليلة من ليال خنگتني اجت تتطلع بروحي وعافتني
: -ليش عافتك وما موتتك
: -اكو بيهم نوع خبيث يحب يتلاعب بالضحية
قبل لا يمومتها
: -بالاول يسوي عندك حالة نفسية الا يموتك
: -واحتمال يخليك تنتحر من وحدك
: -ها تمام وبعدين
: -بعدين ورة ما رجعت من ال
جنت تعبان كلش وقررت أروح لنجف حتى أزور واريح النفسية وبالطريق عطلت السيارة ورجعت.
وراها بجم يوم اختنگت أمي أخذتها المستشفى كالوت جلطة وأنة بتت يمها ومن نايم شفت البنية نفسها اجت واكفة يم أمي هنا صدك خفت
: -حسبالي ما تخاف
: -ما تخاف في حال تعرف عدوك وتخاف في حال ما تعرف عدوك ولا مكانيته ولاشني كاعد يصير
: -زين كمل الهم علاقة بمرض أمك
: -اي هي السبب بمرضها لا بيه جلطة ولا غيرة
: -شلون هيج
: -ما أدري والله
: -وشسويت
: -أول مره تحجي وياي وكالتلي بصريح العبارة نزوج لو تموت أمك.
فكيت حلكي وشهگت مد أيدة خلاهة على حلگي
مبتسم: -و أنتِ شسويت لا دكلي وافقت
سحبت دخان من جكارتة وكال: -وافقت
: -وأزوجتوا
: -أزوجنا وبدة الطيحان حظ وطيحت حظي كل يوم بالليل تخنگني لحد ما أشوفة كلش أنگطع النفس اريد أموت تهدني وكل يوم هالعبة غير سيارتي كل شوي تعطلها إلى وتعال صلح مرات وأنة ماشي بالطريق الگاهة كاعدة يمي
: -يالله سترك الله يساعدك أشلون تحملت.
: -بالبداية والله تعبت رغم أيماني القوي بس زلفت الطريق هجرت صلاتي والقران لا صيام لا روحة للجامع حتى بشغلي گمت أقصر بس الله فرج عليه بعدين
: -شلون
: -مشيت لنجف وبالحضرة سولفت سالفتلي للشيخ
ودلاني على شيخ ثاني كال هو يحل سالفتك
صدك رحتلة جان عندة مكتبة بدرابين النجف القديمة سولفت كل التفاصيل وكال يباا هاي أميرة من بني ال وذولة مو هنا بصحراء السعودية
كتلة: -يعني شني شيخ شسوي هساع.
: -نسيطر عليها الا بكتاب شمس المعارف اكو قوانين بي تخص العالم الثاني وتعويذات خاصة بيهم غير هيج ماتكدر وهاي كلش قوية دير بالك لا تموتك ضروري تسرع وبقرب وقت جايبلي الكتاب
شمس: -ما كتلة منين أجيبة الك
: -لا أنطاني عنوان شخص ب سافرتلة وجبت الكتاب منه قديم وملفوف بقطعة اقماش سودة
اخذتة لنجف للشيخ فتحة وأنطاني التعويذة حتى أسيطر بيها
: -وسيطرت.
: -ما ادري بالاول بس من طبقت التعويذة ورجعت للبيتنا اول مره انام مرتاح وماكو لا صوت ولا هوسه يمي ولا هي خنگتني الغرفة جانت خالية منها بس أنة ما كعدت من صار الكتاب بيدي بدل ما ارجعه للصاحبة أخذتة هم للشيخ صبي معروف بسوالف السحر والشعوذة سولفتلة السالفة وكتلة على الكتاب جان فرحان بي ما مصدك وشلون حصلت هاي النسخة المهم مشت الايام كل ما أفرغ من شغلي.
أخذ الكتاب وأروحلة وهو يقرأ أني ما قاري ويگلي هاي الصفحة هيج بيها وذيج هيج شوي شوي بدة يتغير
: -سالتة خيرك شكو
كال: -مريض
بس ما كال شني مرضة وراها بشهر صادف عدنة مهمة من رجعت من المهمة رحتلة لكيتة ميت
اهل المنطقة كالوا منتحر الشيخ ومحد يعرف الاسباب. رجعت للبيتنا فكرت هواي بسالفة وبحثت على الكتاب وبعدين رجعت للنجف لنفس الشيخ سولفتلة السالفة كال
: -خطر دير بالك تفتحة رجعة لصاحبة.
أصريت الا أفتحة وأقرا فكال: -أتحمل عواقب أفعالك
كتلة: -شنو أسوي شي يصير
رد: -تموت مثل الشيخ صاحبك
بقيت مترردد سنة والكتاب ضامة بين فايلات المهمة وقافل عليه وهاي السنة كله أنة أبحث عن طرق أتحصن بيها اذا فتحتة ف وحدة من طرق حرز الامام على وهذا مو حي الله ومو كل واحد يسوي الا بالعتبة جان اكو رجال سيد هناك يسوي وبحالة وحدة اذا شافوك منتهي وتريد تموت غير هيج لا
: -والطريقة الثانية
: -الصلاة
: -لعد أنتِ تصلي.
: -لا مو الصلاة الواجبة. صلاة الليل والقران
حرز الانسان صلاة الليل ينغشي على عيونهم ما يگدرون يضرون أنسان يصليها
: -و أنتِ ما جنت أتصليها
: -لا وبديت أصلي أخذتلي شهرين ملتزم بيها وحتى أضمن سلامتي أكثر رحت لنجف وقنعت الشيخ يسوي حرز
: -وشلون أقتنع شگتلة
: -ما أقتنع هددتة وأنة رائد ما راد يتورط وي الحكومة سوالي الحرز باالسر
رفع أصبعة جان الخاتم مالتة اللي عليه أسم
الامام على عليه السلام وابتسم وباسة كال.
: -هذا الحرز
: -زين شمعنى حرز الامام على ليش يعني شنو السبب
: -لأن الإمام على عليه السلام جان يخوض معارك وي الجن وقاتل ملوكهم و حارب جنّي اسمه الزهاق أو صاحب العُقد وختم الجن بطلاسم معينة وربطهم و كتلهم بسيفه ذو الفقار
: -وشنو صحة هالكلام أكو مصدر الة
: -ماكو رواية موثوقة باالكتب الحديثة أو التاريخ الإسلامي مثل نهج البلاغة وسيرة ابن هشام
تثبت إنة الإمام على قاتل الجن.
بس أكو روايات تتحجي عن علمه بالجن أو قدرته على مخاطبتهم وهذا وارد بهواي مصادر
: -شنو هالمصادر
: -كتاب دلائل الإمامة - الطبري الإمامي (القرن الثالث الهجري بي ادلة عن الجن جانت تجي ل الإمام على تسأله بمسائل الدين وقسم يعلّمهم الأحكام واكو رواية دكول أمير المؤمنين جان يُخاطب الجن ويأمرهم
وما ننسى الشيخ الطوسي - الغيبة و الأمالي.
يُذكر الإمام على جان عندة علم بالجن شهدوا ويا هواي مواقف مثل دفن النبي ص يعني اكو هواي دلالات تثبت أنة الإمام على عليه السلام دخل وادي الجن و قاتل جماعة من الجن بإذن من النبي صلى الله عليه وآله وقسم يذكر قصة اسمها القلزم أو وادي برهوت وغيرها بعد هواي اذا نسولف بيها لباجر ما نخلص
: -زين تمام ورة ما سويت الحرز شنو صار.
: -فتحتة وقريتة ورجعت لنجف للشيخ اكو رموز وأحرف ما تنعرف شني المعنى منها هو علمني بس على مسوليتي
: -اي وشستفاديت منه
: -ما استفاديت بس بالغلط حررت القرين
: -وارجع واكول ما موتتك
: -لا بينا عهد بس مرات يخل بالعهد ويخوفج
شهكت وهو ضحك: -عززا على شنو هالكلام
: -اي والله من يجي للبيت ويلگاج يخبث عليج
ويخوفج تتذكرين من خطفتج أول مرة بالشقة
هزيت راسي بمعنى وياك كمل.
: -هو جان موجود من سألتي وي منو أسولف جنت أسولف ويا وحزرتة ما يقرب بس مابي أمان فخليت الخاتم بصبعج ومشيت
: -يعني مايگدر يسويلي شي والحرز عندي
: -لا ما يگدر
: -زين و أنتِ شلون هيج سويت ما خفت على روحك
: -لا يول بالبدايات جنت أخاف بس بعدين تعودت على الوضع
: -زين شلون تتعامل وياهم والعياذ بالله منهم
: -الهم وقت محدد مو كل أيام ومو كول يستدعيهم فقط الخادم
: -شنو يعني خادم.
: -يعني يكون حافظ شروطهم مثل ساحر أو مشعوذ. أو شخص ربط نفسة بعهد وياهم بس إذا شخص عادي حاول يتواصل وياهم لو يتأذى لو يموت
: -زين مايصير يساعدوك أبلاش يعني الا أتصير خادم لو مشعوذ
: - ماكو بلا مقابل ولا شي يجي بلا ثمن كله عهود ودم ومحرّمات ونجاسة وذبح
: -تمام كمل
: -اخاف عليج
: -ما اخاف على حباب كمل فدوة يلاااااا
جذب أني جنت خايفة بس سويت نفسي شجاعة اريد أعرف كلشي فضولي موتني.
: -والخادم او المشعوذ شلون يستحضرهم
: -يعرف أيام حضورهم وبيا لغة يستدعيهم
شنو نوع القرابين
: -شنو يعني قرابين
: -يعني شنو مقابل كل خدمة يقدمها الج لازم أنتِ تنطين مقابل الة وهاي كلش خطرة كتلج أقل زلة منج لو يگتلج لو يكتل احد عزيز عليج
: -علي هسه أنتِ شايفهم
ضحك وكال: -طبعاً لا
: -لعد أشلون أتعاملت وياهم.
: -محد يگدر يشوفهم على شكلهم الحقيقي همة يتشكلون لو على هيئة بشر لو حيوان لو جماد وأكثر شي على هيئة بشر يجوز أنتِ متعاملة وياهم بس ما تعرفينهم جداا عادي
: - شلون يعني شلون أكون متعاملة وياهم وأني ما أعرف
: - مو كل من يحچي وياج بشر ومو كل نظرة طبيعية أحيانًا تجين تتعاملين ويا شخص ترتاحين له فجأة وبعدين يختفي و تنسين ملامحة هاي علامات وإنتِ مو أول وحدة
: -شلون ما دا افهم.
: - أكو ناس مرّوا بحياتچ ما انتبهتي إلهم بس هُمّه مو منّا جايين يراقبون يختبرون أو حتى ياخذون منچ شي مو شرط دم أحيانًا شعورچ خوفچ أو سرّ دفنتيه بعقلج
: - أبديت أشك ب نفسي
: - أول خطوة ب هالطريق هو الشك ثاني خطوة الارتباط وثالث خطوة صعب ترجعين بعدها
: - زين وإذا قرّيت من هاي الكتب للي أنت قاريها شراح يصير شو أنتِ مابيك شي
: -منو كالج مابية شي؟ دافع ثمنها
: - شنو ممكن أدفع.
: - حياتچ عقلچ نومچ صحتچ أو شخص تحبينه
: - بس لحظة أكو ناس تدّعي إنو تشوف وتتعامل بس عايشة طبيعية شلون هيج
- ييااا خرابيط وجذب ذوله مو طبيعيين قسم مربوطين بعهد وقسم يسوون الطقوس بالسر ومو كلهم عايشين طبيعي بيهم يتحاسبون بنص الليل وبيهم يفقد عقلهم شوي شوي
: - زين ال نفسهم موزينين لو بيهم زين.
: - مو كلهم بس أكثريتهم ما يتعاملون ويا البشر إلا لأغراضهم يعني حتى إذا ساعدوج راح ياخذون شي حتى لو ما عرفتي شنو
: -التواصل وياهم شلون
: -بالدم أغلب الطقوس تطلب ذبح حتى لو دجاجة لأن الدم هو عملة التواصل يمهم والعهد لازم اي الشخص مستعد يگطع عهد يعني يقدم شي مقابل شي وضروري الطقوس هاي بالمكبرة لو غرفة معزولة وحدك او مكان مهجور المهم وحدك ولعلم اذا گضوك أو شگو بيك جاي بدافع الفضول يزبيك.
: -على كلامك هذا معناه الكشافين وللي يتخذون خيرة ويسون گطوع للناس شغلهم صدك ويگدرون يعالجون على فرض همة يشتغلون وي عالم ثاني
: -أنتِ مسحورة ويجيچ كشاف يعالج بالسحر هنا ينعل والديچ
: -تعرف من وراك رحت للكشاف وتفل بوجهي
معقولة باعني للشيطان
: -شباع منج بابة هو أنتِ نص عقل
: -رحماللة ولديك لعد غير من وراك اتخبلت
: -وداعة أمي شگد حاولت أحميج حتى محبسي أنطيتة الج ادبسززز
: -اي غصباا عليك لعد بس اتمرضني.
: -روحي نامي
: -لاااا ما انام بعد خفت
: -جااا مو ادري بيج أنة
: -يمة خاف يذبحوني
: -خفة هالحكلك شني يذبحونج
: -ما أدري
طگهة ضحكة وحجة: -تمسلت
: -شنو للي يدفع أنسان عاقل يسوي هيج شغلات ويتعامل وي هيج مخلوقات
: -كل أنسان عندة دافع
: -وأنت شنو للي دفعك
: - ماكو دافع عندي جنت طايش وما أفكر
بهل أثناء أندك الباب وهو گام كال أفتح گمت أخاف من دكات الباب من كثر الهبطات.