رواية عروس الهور الجزء الأول للكاتبة هيلانا الفصل الأربعون
أجوانا توسلت بيَّة حتى أنام وياها بغرفتها بعد ما خالة أم على خلتهم يجهزون غرفة إلي
الغرفة چانت دافية ومريحة ألوانها هادية وريحة عطر خفيف دا تملي الغرفة
ما جنت اريد أجي بس أجوان لحت عليه
وگالت الا تنامين يمي
خلّي نصير صديقات أريد أتعرف عليچ أكثر
كلامها چان بريء وصوتها طفولي
ما رفضت وأني وحدي هم أظل أفكر باللي صار بأهلي فگلت أكضي وكت وياها بلكي أنسى شوي هذا الجحيم اللي دا أعيشه
چنت گاعدة على الچرباية.
ظهري مسنود على المخدات
وبحضني صحن فاكهة هي جابته إلي
تفاح وبرتقال بس ما أشتهي مجاملة أخذتة
وهسه صافنة عليه
هي رجعت حتى تجيب ببسي من المطبخ
الهدوء چان دا يلف الغرفة بس مو هدوء مريح هدوء مليان أفكار سودة أحس بگلبي دا يدك بقوة كأنما دا ينتظر شي
لحد ما دگ موبايلها فززني صوت الرنة چان خفيف بس كافي يكسر شرودي دگ مرتين بس أني غلّست گلت هي تجي وترد.
ما ردت أمد إيدي على شي مو إلى بس رجع دگ مرة ثالثة ومستمر صوت الرنة چان دا يزعجني گمت أخذته من الميز چان مخليته على الشحن
دا أقرأ الاسم أشوف منو المتصل بس تفاجأت وأني أشوف صورة عصام خلفية بالجهاز
الصورة چانت غريبة عصام لابس أسود وگاعد على بنيد السيارة ومخلي إيده على چتف على وحاضنه من ورا
وعلي مرتكي على السيارة اثنينهم چانوا دا يضحكون تحسهم أخوان أحس بگلبي انقبض هاي شنو.
استغربت يعني هي أحس ما بيها شي بريئة بس لا بيها شي لعد ليش ما مخلية صورة أخوها وحدة ليش مخلية صورتهم سوا
هزيت راسي منزعجة أحاول أطرد هاي الأفكار رجعت الموبايل على الميز يمكن اسم بنية صديقتها أو شي دا تتصل عليها حاولت أقنع نفسي بس الصورة چانت براسي
رجعت وبيدها الببسي كعدت أكبالي چانت دا تحاول بكل طاقتها تخلق جو من الألفة والراحة
أحس بگلبي دا ينقبض كل ما أشوف براءتها وشكلها الحلو ماعرف ليش.
حجت بحماس: -هم أتابعين أفلام
هزيت راسي ب لا
: -ياااااا لازم تابعين أكو فلم هسه أشوفة الج كلش حلو البطل بي
ضحكت بتساع: -متابعته علمود البطل
صفگت أديها بمرح: -ييي ولج يجنن قوي ذكي وماكو شي يوكفه يذكرني بعصام
نقبض كلبي همست: -عصام
كملت بحماس: -اي عصام صديق أخوية أتوقع ما تعرفي لحظة عندي أصور الة شوفيهن كلش حلو
مثل أبطال الأفلام بالضبط بس هو أحلى منهم.
چانت دا تضحك ببراءة ومتحمسة فتحت التليفون وهي تشوفني أصورة كلش هواي أصور للعصام عدها واغلبهن وي على بيهن كاصتهن مخلية بس أصور عصام
وبيهن لا وي أخوهة أنوب طلعت أصور قديمة هي وأصغيرة ويا حاضنها وهي تضحك كالت بحلامية وهي تتأمل الصورة
: -هاي من جنت بالابتدائية
بقيت ساكتة ما بدر مني اي ردة فعل غير الابتسامة وجانت مجاملة
شمرت التلفون على جهة وحجت
: -زين شنو بعد شفتي أفلام حلوة
: -ما أحب الافلام أني.
: -يعني بس أني مهوسة هواي أحب أفلام الأكشن وأحب الأفلام الرومانسية اللي بيها حب چبير
بقت تعدد وأني أهز براسي لحد ما نفتح الباب ودخلت شمس بيدها التليفون كالت
: -شجن مرام على خط تريد تحاجيج
گمزت بفرحة وحجيت: -مرمر
أخذت المبايل بدون ما أباوع بي ونزلت ركض للحديقة وأني نازلة حجيت: -هلا حياتي مرمر
: -طاحظج وحظ مرمر
عرفتة من صوتة عصام هاي شمس شبيه تضحك عليه تنهدت وكتلة بملل: -نعم شرايد ولو ما تستاهل.
: -أفااااا زعلان الصاك
: -ايي واصلا أني حسبالي مرام لو أعرف أنت ما أجاوب
: -ومرام صايرة أهم مني
: - زعلانة لا تحجي وياي
جر نفس وكال: -أشلون أخلصهاا وياج مأأدري مايعه حيل وتزعلين هواي وبتلى كلبي بيج
: -ما ركضت وراك حتى تحبني
: -خالي أنة ركضت والعباس أنة الله يطيححظ قسمتي
طاح بالخط وسدة بوجهي. كعدت بالحديقة احس نهضمت گمت أبجي هسه أني مو من حقي أزعل
يعني معقولة طوختها ويا بقيت كاعده برة.
ماكو عشر دقايق ورجع دك
فتحت خط كال منزعج: -أريد أشوفچ
حجيت أمسح بدموعي: -مو زعلانين
رد بضحكة: -هسه أنتِ عليمن تبجين
: -غير دا تعيط عليه فوك فوك شينة كوي عينة
: -اوووي معيط عليها هواي تتنغوصين ملاحظة نفسج خالو
: -خوش لعد لا تتصل
: -أنتِ وين هسه
: -برة كاعدة
: -جايچ تانيني
: -ويننن جااي ليش أنتِ وين هسه
: -أكبال بيتكم
: -شعدك
: -هسه أجي وأگلچ شعدي
: -لااا تجي عصام اختي ونسيبي كاعدين بالمطبخ حباب خاف يشوفونة.
: -تعاي بالحديقة الورة الاستقبال تلگيني هناك بساع
سديت الخط واتلفتت تاگدت ماكو أحد ومشيت درت ورة البيت كعدت بسد الحايط وعيوني
علي السياج لحد ما شفتة طفر من سياج
عبالي راح يتكسر بس عادي گام
ما گمت ظليت بمكاني أجة كعد بصفي أرتگة
بظهرة على الحايط
: -شكو ليش زعلانة
حجاهة وهو يباوع ليگدام
: -ليش ما أجيت بالمحكمة
: -على هاي؟
: -يعني هاي شي عادي عندك
: -جااا مو أختج يمج
: -ما أريد أحد جنت اريدك أنتِ.
التفتلي مبتسم وهمس: -ليش أنة
عصرت أدية حيل وحجيت بدون ما أباوعلة
: -مو من أنتِ موجود ما أخاف
: -جااا غير رحت أدور وساف حتى أطلعج
درت وجهي عنه وحجيت بأسف
: -ماعرف حسبالي عفتني وگمت أبجي
: -أطلع كواد اذا أعوفج
أبتسمت ومسحت على وجهي كال بعد ما باوعلي
بنظرة حلوة: -تدرين أنتِ مثل شني
هزيت راسي بستفهام: -شنو
لف ركبته عاين السما ثواني ورجعلي يباوع بلهفة
: -مثل أول نفس أتنفسه وأنة بالحضرة.
حضرة الإمام الحسين عليه السلام الراحة إللي حسّيتهه بذاك المكان هي نفسها هسه وأنة يمج
بس الفرق إنّي هنا ما أدعي، هنا أتنفّسچ
وجهي كب نار ماعرف شگلة حسيته حيل جدي
وملهوف الية دنكت همس: -شو أرفعي راسج
: -مو أني أخجل منك
عض شفتة ويباوعلي بسخافة: -أجيب أمي بأجر شدكولين
ضحكت وصدك ضحكت بصوت عالي
: -لا أصبر خاف أنسجن
: -افااا جاااا أنة وين رحت وتنسجنين
: -ماعرف خايفة
: -لتخاف الصاك أنة وراك وراك.
: -خوش لعد عود من تخلص القضية وراها بسنة جيب أمك
فگة حلگة متفاجئ: -ليش سنة شكووو يا ستار الشيب طالع من طبعد سنة
حطيت ايدي على وجهي أضحك وهو معصب
: -شسالفة راح تشيب بسنة وحدة بعدين ماما ما صار هواي من توفت ماكدر البس بدلة بيضة ولا أفرح هسه عصام أسفة يعني أصبر عليه
: -أصبر أصبر جا شعدي غيرج أحبل أجيب
: -لا ما تحبل ههههه
: -وعلي يگرم طاري على هاي السنة الا أطلعها من عيونج
گمت من مكاني وهو ضحك وگام.
كتلة برتباك: -هاااا عصام شو نزلت بالكلام
: -لا بعد روحي أشاقة شني ما تحبين نشاقة
تقرب مني هيج سنتيمات كمل بخبث: -جذب ما أشاقة بس الزمج أشوفج شقة الناصرية أشلون
: -لا تشوفني ما أحب أشوف اصلا
: -لا شلون مايجوز
: -خوش رايحة باي
كلتها ومشيت سريع عفته واكف وراي فتت جوة واني اتلفت وراي ما احس غير نضربت بشمس كالت
: -وين جنتي
حجيت بغباء: -احجي وي مرام
: -حبيبي شجون اني جذبت وكلت مرام أنتِ شنو تكملين الجذبة الي.
: -لا اقصد مو جنت احجي ويا برة خاف احد يسمعنا. هذا تليفونج شكرا الله يخليلج نسيبي
هزت ايدها ممقتنعه واني اذا ابقى شوي انفضح
عفتها ورحت ركض للغرفة لكيت اجوانا نايمة
نمت بصفها.
: -شمس
: -كل أنسان عندة دافع
: -وأنت شنو للي دفعك
: - ماكو دافع عندي جنت طايش وما أفكر
بهل أثناء أندك الباب وهو گام كال أفتح گمت أخاف من دكات الباب من كثر الهبطات
گمت وراة دشوف شكو لاگتني شجن تضحك وتبتسم صدمتني وتفاجت ما أشوفني
والله تاثيرات عصام وأضحة هي صعدت وأني طلعت لباب مديت راسي شفت على يم سيارة يسولف وي هشام
رجعت لصالة نص ساعه تقريباا واجة كال بهتمام.
: -باجر ننتقل للبيت ثاني علما تخلص القضية واسفركم السالفة طالت
: -لوين ننتقل مو كلت اهنا امن
: -البيت أنعرف
: -اشلون
: -مادري والله بس مادام وصلت الشرطة اخبارية وعنوان بيتي يعني اكو راس جبير يندل بيتي
: -خاف وساف
: -لا قندرتيش
: -لعد منو
: -ما استبعد جماعة الشبكة
: -شنو ذولة علي
: -عصابة خطرين مرتبطين بجهات خارجية
: -ومحد گدر يلزمهم.
: -لا كل ما نلزم واحد منهم بالتحقيق يموت قبل لا نحصل اي معلومة منه اخر مره عصام وهشام لگفو كم واحد منهم بس ما أستفادينه شي
: -يعني يكتلوهم بالتحقيق
: -لا همة بالاصل ماخذين حبوب بس يلزمون يموتون
: -يعني شلون ما دا أفهم
: -عدهم حبوب ياخذون منها من يطلعون من مقرهم او الوكر اذا ما رجعوا واخذو علاج لهاي الحبوب معناه الموت حقهم
: -لعد احتماال ما ملزومين وصاير وياهم شي ثاني
: -مشكلتهم هاي بعد.
: -أنت منين تعرف هالسوالف
: -أستجوبت واحد بيهم كتهن ومات مالحگت أحصلي جم معلومة
: -بس خطية
: -يبااا كواويد يا خطية
: -تمام لعد أنتِ وين تريد تاخذنة هسه
: -أخذكم بيت عصام معزول وبعيد عن العين وراها أسفركم
هو كعد يدخن واحسه مهموم وأني راسي أفتل
شنو هالحياة التعبانة أتذكرت أيهاب كتلة بتسأل
: -علي أيهاب مات
رد بسخرية: -لا عايش
: -شبيك دا أحجي صدك
: -جيد
دار وجهه يدخن بضوجة. حجيت بشك.
: -إيهاب ميت هسه يعني مو عايش متاكد
هز راسه بهدوء نظراته ثابتة
: -أكيد...
بلعت ريگي وحجيت
: -والقرص شنو للي ندزّ إلي
: -ذاك القرص اندزّ إلچ حتى يشكّكونج بية كلشي مدروس
سكتت للحظة چنت حاول أستوعب
: -شنو استفاديتوا من موته؟!
التفتلي نظراته ما تغيرت
: -إيهاب جان مجرم ولو ما كاتلة جان راح يكتلج أنتِ وأهلچ
: -ماكو فرق أهلي هم ماتو شنو الفايدة
سكت. فركت وجهي وگمت أفتر وهو كاعد يدخن.
اخذت ماي من الثلاجة وارتكيت عليها
: -لعد اذا ميت مثل ما دكول ليش ماكو جثة بالكبر
: -أنة دفنتها بمكان ثاني
: -ليش
: -اكرام الميت دفنة
: -اهوو على عوف الاستهزاء على جهه وكلي ليش
: -ادري بيج راح أدورينة ونقلتة
: -لعد اذا تدري ليش ما دكلي
: -جنت مشغول ومخليج براحتج لان دري ماتوصلين للانتيجة
: -شگد خبيث من وراك حتى للدكتور للي سوالك عملية رحت
: -وكلتيلة على ما عندة أصابة.
: -اي صح وأصلا أنت جنت مجروح مدري أني ثولة
: -لا صدك جنت مجروح المسافة قريبة والجيلة خدشتني
: -بس ما بقى أثر
: -جاا هو خدش قابل حافرة صدري
: -همزين ما متت جان ضميري أنبني
ضحك. أجيت كعدت أكبالة عيوني بعيونة ودخان ملة المطبخ هاي ثالث جكارة الة
: -ليش ما عالجتني وأزوجتني
: -عجبتيني
: -شنو عجبك بيه
: -كلچ
: -سهاد كالتلي جان بيك تعالجني بس انت ما سويتها وربطت مصيري بمصيرك
: -صح.
: -انكر كول لا مو اني ما صدكتها كلتلها جذب
: -لامو جذب لبستج المحبس حتى ما تتأذين وأضمن زواجنا وراها أعالجج
: -بس أني بعدني أشوف واسمع أصوات
: - أسويلج حرز
: -وحرزك راح يحميني
: -من شني
: -من جماعتك
ابتسم شوي وحجة: -بينا عهد ما يأذون اي واحد من عائلتي
: -وشنو الضمان
: -ماكو ضمان همة نظامهم يمشي على عهود ما يخلون بالعهد اذا أنة ما خليت
: -والبنية
: -تريد تكتلچ وحاولت اكثر من مرة
: -ليش
: -تحبني.
كالها وضحك عبست بوجهه بضوجة
: -الموضوع ما يضحك
: -جا شگلج
: -هي شتريد
: -بالاول زواج ورة الزواج بدت تتطلب طلبات خايسة مني وعهود حتى أكتل ناس وأسجد الها
: -عزززاا
: -اي وداعتچ جااا هي مو سهله سالفة تجر سالفه
هذا العالم مو سهل هي خطوة وحدة بعد ما ترجعين أبد ولا تعشين حياة عادية حالج حال غيرج
: -زين ماتتكدر تكسر العهدد تتخلص منهم
: -ما ينكسر العهد الا بموتي
: -اسم الله عليك.
سكتت. هو دخّن جگارته الأخيرة ونفث الدخان ببطء چنه يتنفس سموم هالعالم اللي حبس نفسه بي
شنو هاي الحياة وين رايحين
همست: -يعني موتك ينهي كلشي؟
رد بصوت ناصي: -إي العهد ينكسر واللي رابطني بيهم ينتهي بس موتي مو سهل إذا عرفوا أنة ناوي أكسر العهد ياخذون روحي شويه شويه
: -ليش وافقت من البداية ليش دخلت ليش ما دورت غير حل
: -چنت حاير تايه مريض ومن چنت أطلب شي يحقق بس بكل مرة ياخذون جزء من إنسانيتي.
جزء من حياتي جزء من ديني الى أن نغمست
: -يعني معقولة ماكو اي طريقة مستحيل
: -أكو بس مو مال اطبقها بيها اذية لغير ناس
: -اشلون يعني
: -ينكسر العهد اذا أندفن أثر العهد بجسم طاهر
لازم يُندفن الحرز أو الختم بجسد شخص نقي
يعني روح طاهرة غالبًا طفل أو شخص بريء
: -يمة اسم الله وشنو ذنب الناس
: -اي مو كتلج انة ما اريد أذي بشر اتحمل عواقب
الطريق المشيت بي
سالتة أغير الموضوع لان حسيتة ضاج.
: -زين على شلون سجنت ازاد وليش ماكتلي
: -ما يستوجب اكلج
: -مو أني أريد أعرف تعرف ازاد معروف اخاف يطلع
: -ما يطلع لا تفكرين
: -وأثق
هز راسة رجعت كتلة بتسأل
: -زين شنو بيه هالقرص للي أمي منطيتة الك شنو جان بيه ليش ما كايلي
: -يا قرص
: -علي لتضم عليه ترى شجن كالتلي
تنهد وعبالك الدنيا على صدرة كال
: -القرص والملفات جان بيهن تسجيلات أدلة أسماء ناس قتل اغتصاب ابتزاز وتجارة بشر
: -وماما منين جابت هيج أدلة قوية.
: -من أبوج
: -ليش بابا شعلي
مسح على شواربة وحجة بجمود
: -أبوج جان مشارك بكل هاي الاجرام
شهگت ما مصدگة فاكة عيوني على وسعهن
: -ب. بابا
: -أبوچ للأسف جان جزء من اللعبة وحتى يأمن حياتة جامع كلشي وضامة يم أمج جان متوقع ابن اخو يغدرة ويكتلة
شهگت ودموعي طاحن ممصدكة مقهورة ولا توقعت هيج أسوالف
تتطلع من بابا جنت أشوفة قدوتي ومثالي
بالحياة وأفتخر بي جنت أحسنة عائلة بسيطة
حجيت بصوت يرجف.
: -لا لا تحچي لا على أبوية مستحيل بابا يكون هيج مجرم لا لا مستحيل يالله مو طبيعي هالشي
: -ما ردت أحجيلچ
: -ما أصدك والله بابا جان أنسان فقير أصلا ازاد هو إلى بهذلة هيج
هز راسه صوته ممزوج بأسف
: -كلشي بيّن التسجيل واضح صوتة شراگاتة ويا أزاد حتى البيوت السرية إلى ينخطف بيهن الناس موجودة
انهاريت چنت من الصدمة أكوم أفتر وأرجع أكعد وهو يباوعلي ساكت أخر شي كالي
: -شمس أهدي بابة.
التفتلة: -ماما اذا جانت تعرف ليش ما كالتلي
: -والله ما ادري شنو السبب
خليت وصعدت للغرفة احس ما أتحمل أسمع
بعد هاي أسوأ شي بحياتي.
: -شجن
ثاني يوم
جنت لابسة ومجهزة نفسي راح ننتقل
للبيت عصام
صراحه فرحانة أتذكرة لذاك البيت عشت بي
أيام حلوة لااا جذب ما جانت حلوة
جانت اجوانا مكيفة استغربت ماعرف ممرتاحة
عندي أحساس هي معجبة بعصام
هسه تاخذة مني يربي أنوب هو صديق أخوها
ويعرفها من زمان وانوب هي حلوة
صح أني هم حلوة بس هي أحلى شوي وشعرها
أشكر وعيونها ملونة
جنت اوهوس وحدي لحد ما دخلت شمس لابسة فتحت ثلاجة تاخذ ماي كتلها بهدوء
: -شمس.
التفتلي: -ها يروحي
: -أنتِ هم تغارين على نسيبي
ضحكت بمرح وحجت بغرور: -منين اغار
: -ماعرف يعني شفت هو هواي يعرف بنات من سهاد لدكتورة بالمستشفى ورغد وبعد الله يعلم اذا اكو شعجب ما تغارين منهن
طگتها ضحكة بصوت عالي: -تحجين صدك
حسيت باحراج ماعرف بللت شفتي مرتبكة
: -اسفة بس هيج فكرت وحدي.
: -باعي شجون كل شخص عندة جمالة الخاص هنه صح حلوات بس مو بجمالي ممكن احلى مني بس مو بملامحي أني فريدة ما أتكرر ولا راح يجي بحياة على بنية مثلي أني وبس مرة باالعمر لهذا السبب على ميگدر يفرط بيه يدري اذا رحت من ايدة ما يلگة مني لان فرصة المثلي فرصة بحياة علي.
وماگدر اغار منهم هي سهاد وعجوز وهاي دكتورة بس صابغة شعرها ان شاءلله من أصير تلاثينة هم أصبغ لعلي شعري واذا على رغد ف لا هو يعتبرها صديقة الة وصراحة ما أكدر اغار مالي خلك أحرك دمي على شنو أنوب يصير عندي تجاعيد يمه
تأففت وكعدت وهي أجت يمي كعدت اكبالي
كالت وهي تخلي كاسة الماي على الميز
: -شكوو ليش أسالين هيج أسالة
: -مكتوم كلبي ضايجة
: -شكوو يروحي
التفت وراي لباب گمت قفلتة ورجعت كعدت يمها.
كتلها بخفوت: -أني دا أغار على عصام
: -هو منو يكلب عصام وتغارين عليه شلونة عاد ناسينة بالشمس ومعطب
: -لا فدوة يخبل هم صافنه عليه ومركزة بمحلامحة
: -أعذريني أني أصفن بس على رجلي الازرك
كملت بحلامية وحب: -يمة حتى زراگة گمت أحبة.
ردت بسخرية مستمرة وهي تغمني: -أنوب الفاهية دكلي تغارين شغار هو أزرك موزين أني ماخذتة خلة يحمد ربة ويشكرة هو وأمة خوب عمتي والله لازم تروح مشي للمكة مرتين وهناك تشكر ربها على جنتها إلى هي أني
: - مو أني وعصام مو مثلكم عصام أحلى من نسيببي
: -اااانجببي لج ما أسمحلج ابو مصطفى يخبل
سكتت وهي متعصبة كالت
: -بس أني أحجي على رجلي ممنوع أحد غيري وثاني شي شخبصتيني بعصام جان جرچوبة مال باب مكسور.
: -تمام لا تعصبين عصام مو حلو بس نسيبي حلو
: -اعرف فدوة للخشمة يمه احبه
: -بس اني هم احب عصام
: -افتهمت بس كليلي شتردين قبل شوي
: -باعي ماعرف اذا صدك بس أحس اخت علي
تحب عصام
صفنت بوجهي ثواني وابتسمت حسيتها مجاملة
حجت: -لا ماكو هيج شي
: -البارحة جنه دنحجي وحجت عنه وفوگها مخلية أصورة خلفية
: -لان تعرفه من زمان وهو كلش قريب الهم على معتبرة واحد من عائلتة فاكيد هي هم تشوفة بمقام أخوو.
: -ممرتاحة أني كلش اغار عليه
سكتت وگامت باستني بخدي وكالت
: -كملي بس يجي على نمشي
صدك بالليل أجة على وعصام وأحنا صعدنة بسيارة على أني وشمس وخالة واجوانا بس مصطفى اخذة
عصام بسيارته وحسيت أجوان تحوس تريد تروح تصعد بسياره عصام بس تخاف من على وساكتة
وصراحة حتى أني أخاف منه لو ما هيج جان
رحت صعدت يمه ههههه
أحس نفسي صايرة خفيفة ويا. مديت أيدي ندست شمس اندارت تباوعلي بستفهام.
أشرتلها على مبايل واخذتة من أيدها تنهدت ودارت وجهه تسولف وي نسيبي وعمتها
هو مو سوالف ديتعاركن وعلى ديهدي الوضع
خطية الله يساعدة والله اثنينهن ما ينحملن
فصلت عنهم ودزيت رسالة على خط
: -هلاو عصام أني شجن
شوية ورد كاتب: -هلا والله بالصاك
ابتسمت بتساع وحجيت حتى عود أخلق موضوع ويا واحنا بالطريق كتلة
: -وين رايحين ليا بيت هسه
: -بگيفج أنتِ وين تردين أخذج.
: -لا أقصد يا بيت لان أتذكر مرة لما أني وشمس بيوم عملية على ومرة بيت لما خطفتني اني ومرام
رد عليه بخبث: -لا بالبيت الحصرتج بي
احس تكهربت امداني المن راسلتة هو ما يستحي
: -والله ما تستحي امداني ارسلك
دزلي ضحكة وكاتب: -لا زعلين عمي أنتِ حصرتيني
كبر والله عار طحت بالرسائل وحذفتهم لا تشوفهم شمس وطفيت المبايل ورجعتة الها
ودرت وجهي أباوع من الجامة السيارة چانت تمشي بسرعة تكسر سكون الليل.
أحس بگلبي يدك بقوة شنو مصيرنة معقولة
نخلص ونطلع من العراق يراد الها حظ وبخت
تعبنا كلش وماكو بعد طاقة مسافة طويلة ووگفنة باوعت من الشباك بيت عصام نزل على من السيارة
بهدوء ملامحه چانت جامدة عيونه تلمع ببرود
فتح الباب لخالة أم على وبعدين فتح بابي نزلنة
أني والبنات جسمي كله يوجعني الهوا البارد ضرب وجهي بس ما حسيت بي عيوني چانت تباوع على سيارة عصام اللي وصلت ورانا شفت عصام نزل منها وبحضنه مصطفى.
مصطفى چان دا يضحك بصوت عالي
وعصام چان يبتسم ابتسامة حنونة
وعيون أجوانا عليهم نظرة بيه لمحة حزن خفيفة گلبي ديوجعني من هذا المنظر
حسيتها چانت تباوع على عصام ومصطفى بنظرة بيها كأنما چانت تتمنى لو چانت هي اللي صعدت وياهم بس سرعان ما ابتسمت وحاولت تبين طبيعية
علي: -أدخلن للبيت
فتنة وشمس گدامنا وهو ما فات، صعدت فوك للغرفة القديمة مالتي رحت فتحت الشباك أباوعلة
جان يسولف وي على أنوب صعد سيارتة ومشة.
عاف البيت النا
أمدة حضي واني كيفت حسبالي راح نبقى ذني الكم يوم سوة وأشوفة وهاي.
ثاني يوم الصبح أخذت مبايل شمس
وخابرت مرام جنت أحجي وياها بالمطبخ ونضحك
حجيت بضحكة
: -وين ما وين بشري أزوجتي خلفتي
ردت وهي أطك بعلجها: -لا قررت التجى لسلام النفسي وأبطل تفكير بالمزاميز دا أنغث على الفاضي
: -وأني حسبالي أبارگلج
: -لا تباركين لما الگالي كردي بلكي على شلال وي السلام النفسي أصيدلي كردي أشقر
: -ما يناسبج الاشقر مو ذوقج.
: -لا ولج كلشي أگرف حتى بنفسجي المهم اسمه رجال ويسد عليه وحشة الليل ووحشة الجيب هم
: -بس وحشة الليل أجي أني أسدها اذا تردين
: -والجيب؟
: -لا مفلسة
: -دولي شسوي بيج بعد
ضحكت وهي هم تضحك كلش مشتاقتلها كملت بمرح: -شسوين بربيل وين استقريتي
: -يم شلال ما أفاركة منا لما أصيد الا أستقر بيت
: -بااعي خلة أسولفلج شصار وياي
كعدت سولفت كلشي الها وهي دكول
: -حرامات لو موجودة جان عشنة هالمغامرات سوا.
: -مو يحتاجون شاهد وأني خليتج أعتقد يدزون عليج
: -أكو ضباط حلوين
: -ايبب يخلبون ذوقج كله بالمركز
: -لعد أجي أكحل أعيوني وأشهدلج بيهة وبلايهة
: -اي عفية تعاي مشتاقتلج
ردت بتمني: -هيج وأحصلي زلمة خشن يسدلي وحشة الليل
: -يمعودة شسوين بي
: -طبعاً عيني انت عدج عصام وتخوطين صفح
: -هههههههه يااا ولج
: -اي والله عصام ساد وحشة الليل والنهار وكلشي غير مزموز يخبل.
ضحكت وبقينا نسولف شگد بس هي تغير لي مزاجي بسوالفها الحلوة.
وراها بأيام سمعت من شمس لازمين وساف
ومعتقلة هشام وحاليا بالتوقيف
وعلي رايح لشوملي كالت شمس يريد يجيب تصوير كامرة تثبت برائتي بس ما فهمت
شي من گلامهة تصوير شنو إلى راح يجيبة علي
ومن بيتنا وشمس طمطمت الموضوع
حتى ما أنطت مجال أسالها
ما أهتميت بس جنت خايفة
لبست وطلعت عصام
منتظرنة رحنا للمحكمة
مستحيل شعوري ما ينوصف مرعوبة
جانت لحظة حاسمه لو الحرية لو السجن
وماكو خيار ثالث أباوع بالعيون.
الخوف وأضح بعيون الكل ما عدا
عصام والمحامي جانوا يطمنونئي
وصدك مرام ما أجت أخذو شهادة
جيرانة للي يمنه وعلى ماقبل مرام
تجي مادري ليش
قاعة المحكمة الجو ثكيل
والعيون عليه حسيت نفسي
متهمة من صدك
ماكو صوت بس صوت الاوراق
كدام القاضي بعد ما قدمهن الة المحامي
وأني مكتوم على كلبي
حجة القاضي وهو يرفع راسة ويباوعلي
: -المتهمة شجن سالم تفضلي للمنصة
مشيت بخطوات ثابتة
رغم بداخلي أرجف وعلى ساعة أوگع.
القاضي: - حسب ما ورد تم العثور على سلاح الجريمة وعليه بصماتج شنو ردج؟
التفت على المحامي هزلي راسة بمعنى أحجي تشجعت وحجيت.
شجن: -سيدي القاضي البصمات صحيح بس أني ما قتلت أحد وهي والدتي وأني مرتين تهددت وهو إلى هددني جان شريك يشتغل وي أبن عمي أزاد للي مسجون هسه بتهمة المخدرات والقتل وهذا وساف صديقة حاول يزوجني غصب ومن رفضت ونهزمت لبغداد أجانة بالليل هو وجماعتة وقتل ماما كدام أعيوني وخلة السلاح بيدي وبعدها عافه بالبيت
حتى الشرطة تلگا وخطفني اني جنت مريضة وداعاني من الادمان بسببه الادوية للي جان ينطيها الي.
حجة المحامي وهو يخلي كدامة ملف
: -سيدي اليوم حصلنا أدلة جديدة من كاميرا مراقبة البيت تبين دخول وساف للبيت وقت الجريمة وقيامة بها وطابقنا البصمات مع بصمات المدعو وساف وتقرير الطب العدلي بين أن زاوية إطلاق النار ما تتوافق مع طول المتهمة ولا المكان
القاعة ننكلبت همهمة وأني جامدة أعصر بدية
لحظة مصيرية
القاضي: -يعني الأدلة الجديدة تنفي تورط المتهمة؟
عادل: - نعم سيدي وطلبنا مذكرة قبض على وساف والضابط المسؤول بلغنا أنه تم اعتقاله البارحة
بعد ما قدملة هواي أدلة وأثباتاتت كال
القاضي-: نعلن براءة المتهمة شجن سالم من التهم الموجهة إليها ونشكر تعاونها ترفع الجلسة
شهكت أضحك وأدموعي على خدي من الفرحة أجيت أحضن أستاذ عادل بس تمالكت نفسي وطلعت من القاعة
حضنت شمس والفرحة تشع من عيونها جنت حابة أحضن عصام هم وأشكرة بس عيب
أگتفيت ببتسامة وهو هم أبتسملي.
طلعنة من المحكمة راجعين للبيت
ولكيت أجوانا محضرة حفلة إلى وتصفك
تونست جنت طايرة من الفرحة
يمة شعور الحرية عظيم مالة مثيل
ما يساوي كنوز الدنيا الله يساعد
الناس للي بالسجن
وما لحگنة ناخذ نفس وعلى طلعنة
من العراق جان كلش مستعجل
صارت بساع بساع مالحكت
بيومها أشوف عصام ولا أودعة
من سالت شمس كالت رايح بمهة كربلاء
شگد أنقهرت ومنا شمس مقهورة
وتبجي على على جان يوم كيئب ولعبان نفس
والكل ضايج ومقهور خلص بعد ما منه رجعة.
وعلي أنطة شمس جنطة أصغيرة بيه ملفات وسجلات
كال: -راح أطلبون لجوء سياسي أول ما توصلون هناك
كالتلة شمس بحيرة: -بس أني كلشي ما أعرف ولا بعمري سافرت
لزم جف أيدهة وهو يحجي بهدوء ويقويهة
: -أعتمدج عليج أريدج نجرة لا تخافين أنة دبرتلكم كلشي أول ما توصلين هناك تروحين للمنظمة دكولين اسمچ وشني صار راح ياخذون إفادتج ويسوّولج حماية.
حجت بنبرة مرتجفة وهي تمسح دموعها من على خدها: -أخاف اخطأ بشي شغلة وأنضيع هناك وحدنة
علي: -ركزي وأحجي بشكو شي مر عليج تهديد اخطف كلشي موجود بالملفات و خابرت صديق ناشط إلى هناك من زمان طالع واستقر هناك راح يستقبلكم بس أهم شي لا تنطين العنوان الحقيقي لأي أحد
أعرف هي خايفة لان على مو ويانة وهو مايگدر يطلع لان عليه تهمة الا تهريب بس بالاول يطلعنا.
: -شمس أحنا كلنا سوة مثل ما كال على نحجي كلشي واكيد ما راح يشككون بكلامنه واحنا عدنة أدلة تثبت صحة كلامنه
هزت راسها ومسحت أدموعهة حجت بحزن وهي عيونها على علي
: -وأنت اشلون
علي: -أنة الحگم بعدين المهم أنتم هساع
شمس: -خلة نطلع سوا حباب
علي: -ماگدر يا عيني لازم أرجع أكمل كم شغلة وإذا طلعنا سوا راح يصيدونة فأنة الحكم بعدين
عاد هي بجت وحضنتة گدامنه أني سويت روحي ما أشوف درت وجه.
بس مصطفى يباوعلهم ويضحك يلا همة مدري أشلونهم ما يستحون بس هم خطية
راح نفترك وما نعرف اذا نرجع نلتقي لو لا بعد
شمس: -ديربالك على نفسي كلبي راح يبقى عندك فدوة لا تتتاخر عليه ترة ماالي حياة من دونك
علي: -لا تبجين راح أكون حذر بس ديروا بالكم هناك حياة جديدة تنتظركم لا تخربوها بالخوف ولا ترجعون ورا اريدكم أسباع
بعد ما ودعنة ومشينة
متوجهين للمطار هو وصلنا هناك
و بقى صاف سيارتة برة يباوعلنا من بعيد.
وشمس تمشي وتتلفت عليه كل شوي
لحد ما دخلنا جان عزيز
ويانة كمل كل الإجراءات
مطار بغداد صالة المغادرين
جنت وأگفة وعيوني على اختي تبجي
ومصطفى واجوانا يلعبون وخالة ام على هم تبجي
يلا خلوهن يبجن احسن من مشاكلهن
عيوني راحت على اجوانا حسيتها طفلة ماعرف ليش تصرفاتها ابد مو مال اكبار تحسها برئيه
فززني الصوت من كال.
السادة المسافرين على متن الرحلة رقم TK803 المتوجهة إلى تورنتو عبر إسطنبول يرجى التوجه إلى البوابة رقم 8 الصعود يبدأ الآن
شمس: -يعني خلص هاهيه رايحين
شجن: -يمعوّدِة، كندا مو آخر الدنيا
بعد يومين تتعودين ويجي نسيبي ونتونس
شمس: -ياريت گدرت أگول لروحي هالحچي
سكتت واجوانا كالت: -يلا كومن
مشينا متوجهين للبوابة واحنا تاركين ورانا ذكريات وأهل وطفولة وحياة عشناها هنا بالحلوة والمرة.
ايام حلوة وايام قاسيةتركنا بابا وماما
مدفونين هنا ومشينة للبلد غريب ويجوز
بعد ما نرجع نهائي
التفت اخر مره وراي وأني أشوف لوحة مكتوب عليها المغادرة - Departures
هاهيه رايحين بعد ما نرجع نهائي
وصلنا مطار إسطنبول - صالة الترانزيت -
بقينا تقريبا ساعتين بالمطار منتظرين الرحلة
قبل لا نتوجهه لكندا
بذني ساعتين جابت اجوانا اكل
أكلنة وجاي وأشوي ارتاحينا
جان الجوء بتركيا مغيم وديمطر
اجوائهم كلش حلوة.
ما أتاخرنة هواي وتوجهة رحلة للكندا
نزلنا بمطار تورنتو الدولي
كندا
الجو بارد ورطب شمس
لازمة بيدها جوازها
وعيونها أدور بكل الاتجاهات
وبيدها الجنطة هم
لحد ما شفنة رجل متوسط الطول
لابس جاكيت ورافع ورقة بيها أسم على ال هاشم وبيها صورة هم مخلي صدك ضحكت
و شمس أشىرتلة بيدها هي
مشت قبلنة واحنا وراها
كالتلة: -صديق علي
رد: -إي أني أهلن بيكم الحمدلله عالسلامة
شمس: -الله يسلمك.
حجة بهتمام: -جنت خايف تضيعن بالترانزيت اسطنبول شوية زدحام
شمس: -لا الحمدلله وصلنا بخير
كال ببتسامة طيبة: -كلشي راح يصير أسهل من هسه تعالوا السيارة تنتظركم نروح نرتاح وباجر نبدأ إجراءات اللجوء لا تخافن كلشي حسب محسوب أحسابة
شمس: -وإذا سألونا شجابنا شنسوي.
-: كلشي محسوب عندنا ملف كامل من لحظة مغادرتكم بغداد لحد هنانا خليكم هادئات وإن شاء الله يصير خير أهم شي اليوم ترتاحون لأن اليوم أنتهى ما الحك نسوي شي على بأجر نبدي بالاجراءت
تنهدت شمس بضوجة وهمست
: -الله يستر ما ردنا نهاجر بس العراق مو النا بعد
رحنا صعدنا بسيارة الرجال جانت دافية
بذات المكان بارد فأول ما صعدنة بسيارة
حسينة بالدفوا.
وأخذنة للشقة كال هاي الكم موثثة طبعاً ما أحتاجينة مترجم هو الرجال متمكن ومبين
عايش من زمان هنا بحيث يحجي بطلاقة
ثاني يوم راحت شمس وقدمت كل الاوراق
وسوت كل الإجراءات
طبعاً المنظمة متعاونة أكثر ويا النساء والأطفال خاصة بحالات العنف و التهديد فجانوا متعاونين ويانا
كالوا نبقى تحت إشراف ال Case Worker، اللي يتابع وضعناا القانوني والاجتماعي.
وكذلك الاخ جيكزلي كال: -المنظمة توفر كورسات لغة جلسات دعم نفسي وحتى مترجم مجاني هواي حجة عنهم
بعد ما قدمنة لجوء بقينة شهرين بولاية تورونتو جان كلشي مجاني السكن والتعليم اللغات والاكل والشرب والعلاج واكو دعم حكومي للاجئين بس احنا جنه ما مرتاحين والشقة للي خلونة بيها جانت أصغيرة ومو مريحة
قدمنه طلب رسمي حتى ننتقل ل اوتاوا وجان لازم اكو سبب مقنع فهو صديق على جان موجود ويانة.
وكالهم لان اني صديقهم حابين يجون يمي
بنفس الولاية وهم هنا ممرتاحين باالشقة هناك
مكان أفضل وشغل هم فما رفضوا
أنتقلنا وأستقرينة بولاية أوتاوا جانت أمنة وهادئة وبيها جالية عراقية و الاجئين هواي ما تحس بنفسك غريب ابد
والمكان هنا يفتح النفس تحس عايش بغير عالم
والله احنا العراقين مظلومين ناس مرتاحة
واحنا حروب وقتل وتهجير وضيم
بضيم شوف الناس شلون عايشة هنا مرتاحة
والشي للي مطمنئة أكثر وجود.
صديق على للي يتردد علينا كل
يوم ويجيب مسواك
وسجلنا بمدرسة حتى نتعلم للغة الفرنسية لان
اغلب للي هنا يحجون فرنسي ما عدا اجوانا
كالت أضبط لغتي الانكليزية احسن
مرت الايام وبقينة ست
أشهر ذني الاشهر ماعدنة
اي أتصال وي علي
وشمس رغم تبين قوية
وحاسة نفسها هي المسوؤلة عنة
واصلا كل المسوؤلية عليها
بس دوم بالليل الگاهة تبجي على علي
أحاول أوسيها بس ماعرف شسوي حقها
وبذني الاشهر جانت هي أكثر
وحدة تتطلع بينا.
بحيث أندلت الطريق والاماكن هنا
وگامت هي تتسوك وتعلمت للغة الفرنسية
جنت أني أبقى بالبيت وي خالة
وهي تاخذ مصطفى واجوانا للمدرسة
للي يدرسون بيه لللغات اجوانا تعلمت الانكليزية بحيت كامت تحجي بطلاقة وشمس الفرنسية
بس اني بقيت جان مالي خلك ابد وبس أفكر
بعصام أتمنى يجي او أسمع خبر عنة
وأعد الايام يوم بعد يوم.