رواية بين قلبها وعينيها كبرياء للكاتبة شمس العراقية الفصل السادس والعشرون
أسيل بعدني عايشه بصدمه وما مصدگه يمكن
اكو خلل بالانترنت يمكن بالشبكة الواي فاي يمكن حسابه تعطل يمكن انحظر أكلب بالرسائل وانطي اعذار وحج علمود ارضي نفسي أنه ما محظوره؟
وأيديه يرتجفون دخلت ماكو محظوره شحجي شسوي يا مصيبتج يا أسيل تصخمتي وتعزيتي.
وكع التلفون بالكا? وگلبي دگاته ما تنعد وصار عندي وجع بصدري قوي لدرجه أختنكت افرك بصدري وگلبي يريد يشك القفص الصدري ويطلع مصدوم صدمه عمره بشخص حبه وثق بي ينكز بصدري من قهره وصدمته.
اندك الباب مسحت دموعي وسجلت خروج بسرعه ورجعت التلفون وركضت فتحته أمي تباوعلي بشك
جنان شنو جنتي نايمه
أسيل اي لعد شسوي.
جنان جهال اخوج حارث جبتهم وياي نوميهم يمج اسماء تعبت ونايمه بالمستشفى بقيت اخوج يمها وهسه راح اروحلهم عينج عليهم واذا مديتي ايدج وضربتي واحد منهم اكسرلج أيدج.
أسيل ماشي دخلوا وهي راحت فرشتلهم ونومتهم ورجعت تمددت بفراشي وتلفوني عفته يمكن الجهال الله دزهم اليه علمود ما اراسله هسه من غير حساب خليني هسه خليني أتقبل الصدمه خليني اتقبل اللي سويته بنفسي خليني أتقبل غلطتي الفاحشه واتقبل الحظر أجاني من عنده.
الجهال ناموا واني النوم طاير من عيوني وأتذكر كل الكلام والغزل والهيام والوعود وصوته وثقته بنفسه وكلمة أتزوجج واني مستحيل اتراجع عن كلمتي اني زلمه كلمتي وحده! والكواد اليعوفج أنتِ مالتي أنتِ إلى هذا مكانج بصفي كلهن يترددهن بمسامعي وانقشهن بكل خلاياه دماغي.
هههه ضحك عليج اسيل جان يلحس بدماغج عسل جابج لطريقه بكلام المعسول واخذ اللي يريده وشمرج فد مزبله هو هذا مكاني اني وحده قذره ووسخه ما استاهل اعيش اني الموت افضل حل اليه اخلص اهلي مني ومن سوالفي اني وحده عاله والغلط مو من اهلي الغلط من عندي اني بالغت بحبه هواي وأنطيته حجم أكبر من حجمه.
ليش الحب مأذي لهل الدرجه حبيتك من گل گلبي والله صرت مهوسه بيك ادمنتك وعشقتك وحفظت كل تفاصيلك وملامحك ولبسك الانيق ووسامتك والرجوله الطاغيه وحتى شامه بوجهك اعرف مكانها وشمرة ايدك وضحتكك العفويه وحنيتك المفرطه وشخصيتك القويه هذن كلهن حبيتهن بصدق نيتي وبياض گلبي عكسن ويه سواد گلبك بوساخة غريزتك لعبن دورهن وأتقنن الفن بإساليب الخدعه واللعبه وممارسه تنويم على? العقل بكلمات الغزل وتمجيد وتطبيل والوعود الكاذبه الى ان اخذتني لعالمك المنحرف وسقطتني تحت إقدامك عاشقه راضخه لكل مطاليبك المحرمه ونفذتها بكل اذن صاغيه واعلنت ألانحدار وسقط الشرف بإسم الحب.
مرت أيام واني مبتعده وتلفوني غالقته جنت اريد استعيد نفسي اللي دمرتها بإيده بس يحتاجلي وقت اصفي بي دماغي وتهدأ روحي من كل الافكار والعن اخر ذره حب وما تبقى منه.
طول الوقت أشتغل ذبيت حرگتي بالتنظيف والطبخ اجمد وافرز وسويت حملة تنظيفات وأمي راضيه عليه لن سويت العيله وزايد كامت تتودد اليه بس نفرتها وابتعدت عنها كلما تباوعلي اصد وجهي عنها كمت ما احب اطيق اشوف وجهه ما يوم حسستني هي أمي ولا اني انخلقت من روحها ومن دمها ولحمها ما عاملتني كأبنه عاملتني خادمه وبس
من يومها معاملتها قاسيه وياي وضدي وما يوم دافعتلي ووكفت من جانبي.
هي السبب الرئيسي بكل اللي صارلي هي خلتني ارخص روحي والجئ اله أدور على? الحب والامان وعطف والحنان والاحتواء والكلام الحلو كلهن فاقدتهن من أمي رحت دورت عليهن يم مروان انطاهن اليه وفواكاهن حبة حلوه بس كان العطاء ثمنه مبخس ماكو شيء تحصله بدون ما تدفع ثمنه عمر ليكدام وبعدها تعيش طول عمرك تدفع الثمن غالي.
واكفه جوه الدوش والماي بارد واتغسل من الذنوب اللي أرتكبتها بحق نفسي والعلاقه اللي صارت بينا والوقت اللي رحنا بي بعالم منحدر والشيطان يعرف لعبته ولعبها صح.
طلعت وشعري رطب لبست وشفت التراكسود الاسود وتذكرت الصور؟ شلته وشمرته بالوساخه كعدت بقيت صافنه وصار وقت العشه نزلت علمود ميحسون عليه ويلاحظون شبيه صبيت الهم العشه وغسلت المواعين وسويت العليه وأكثر واخر شيء صبيتلهم الجاي امي وابويه كاعدين يم الصوبه خليته يم أمي ومشيت تمنيت يكولولي كعدي ويانا بس ما إلى مكان وحتى لو اكو ما اكعد بعد.
صعدت غرفتي الملجئ الوحيد اللي صرت أكرهه ادخل الها كعدت رأسي مصد? وصار التلفون كبالي كمت قفلت الباب وجبت الهيتفون ودخلت على? المقطع وشفته كله واني ابجي واباوعله بكل حقد ليش استغليتني يا حقير يا نذل حسبي لله ونعم الوكيل عليك يا مروان وأني الغبيه شلون فرطت بروحي ورخصتها اله لن احبه خرب بعقلي وبحبي.
مسحت دموعي وطلعت من المقطع وقفلته وسجلت دخول لحسابي ولحد الأن حاظرني رحت حذفته لن ما اله ضروره بعد شگو مبقيته دام كل هل ألايام ما رفع الحظر ما يرفعه بعد بس عادي ولا يرفعه؟
سويت حساب جديد وغلقوا ما يصير تخبلت يربي ليش هيج بالكوه الف لعبه لعبت يله صار سويته ورحت على? البحث كتبت اسمه ما طلعلي بحثت كومه ماكو هذا وين راح معقوله حذف حسابه تعطل.
رحت على? حساب عصام يربي شكد ادامي ومحترم روحه فقط اسمه ونهائي ما ينشر صورته ومنشوراته كلها عن الوطن ومنشورات عسكريه حتّى زوجته اذا تعلق فقط ينطيها لايك خوما مثل اخوه كرة عينج اسيل حبيتي واحد مسقط وسرسري.
ضليت أكلب بالتعليقات ادور على? حسابه ولكيته مغير أسمه وحاذف صورته؟ هاي ليش هيج مسوي معقوله كام يخاف وأخذ حذره مني لو يريد يبتعد عني شكد نزلت من عيني لخاطر ربك دخلت على المراسله وايديه يرجفون اريد اكتب ما بيه بالگوه كتب اله عندي كلمتين وياك وبعدها اني احظرك مو أنتَ تحظرني
شافها وما رد مرت دقايق وكتب
مروان هاا هبه شلونج
أسيل وشمعرفك أني هبه
لن رحت على? حسابج غالقته هذا جديد مسويته.
اي لن أنتَ حظرتني من هذاك وهسه رحت ترفع الحظر وتتأكد اني هبه لو لا
ادري بيج هبه احساسي ميخيب
عوفنا من احساسك ميهمني؟ ممكن اعرف ليش حظرتني
شو تحاجيني بنرة خشنه صدك ما تستحين
شلون تحب أحجي وياك
هبه شتردين وبعدين لخاطر الله شكد تسوين حسابات متملين من هاي السالفه
لا مليت وصحيت على? زماني من لحظة الحظرتني بيها
ههههه زين صحيتي
تستهزأ بيه.
بابا روحي شكد تلغين
هاا تريدني اروح.
أي وياريت والله ما دخليلي خاص بعد اني واحد مرتبط وراح اتزوج شوفيلج غيري والله يسعدج
تتزوج كلتلي واني شنو مو وعدتني بالزواج وكلتلي أحبج والكواد اليعوفج وين كلامك ووعودك اليه مو كلت اني زلمه كلمتي وحده وهاي شغلتي ما اخلف بوعد انطي لاحد
أتزوجج! بابا منو ضاحك بعقلج بالزواج مخبل عاقل برأسي كرشه اتزوج وحده مثلج
ليش شبيه.
شنو شبيج وحده مسقطه وشغلها ترضي الزلم وتقيم علاقات على التلفون الله كم واحد غيري مشكل على الخط ومتونس بيج شنو نسيتي نفسج شلون دزيتلي صورج وشوفتيني جسمج وسويتي كلشي بإرادتج بدون اي رفض مثل وحده عادي عدها السالفه ومسويتها قبل بس والله طلعتي متمرسه وخبره
اني مسقطه وكل هذا الكلام الي
اي لعد شنو أنتِ شتحبين أكولچ تنطين دروس ومواعظ بالجامع لو شنو بالضبط
گافي اجفص بكلامك هواي تجاوزت گافي مروان.
ترى ساكته إلك لن ما اريد انزل لمستوى اخلاقك
لا والله تردين ادكلج تحيه على? شرفج بنت الكواد
واشرف منك
أشرف مني شلووون بلا وأنتِ تقيمين علاقات على? التلفون شجاب الشرف يمج يعرفج تعرفينه ادبسززز شبعتي وكمتي تستشرفين برأسيي ولج اني لو الكاج كدام اخوج انام وياج وابرد دودتج والكواد الحاويج بيته اشدله كرون ستيل شرط طولهن متر انت وامثالج نايمات بالخاص وساحلات نفسهن
يا مسقطه.
ما سقطت مثلك انت ساقط شنو نسيت نفسك أشسويت اني ما بدر مني اي تصرف مخزي
السقوط والانحراف اجه منك مو مني لاتصيرلي شريف هسه وتبيع مثاليات برأسي وانت لاعب لعب اني وحده على نياتي وانت ضحكت عليه وكتلي اتزوجج
بعدج تتأملين بابا شكد رخيصه أنتِ لملمي الباقي من كرامتج ويلا ولي بدون مطرود احسن ما اركعج بحظر سداسي الابعاد.
وشبيه شارب عرگ لو مو صاحي اتزوج وحده مثلج اذا اتزوج اتزوج وحده شريفه وبنت بيوت ونفسها عزيزه مو وحده ساحله نفسها بالقندره وبس تتبجج وتتشكى وكاعدتلي على التلفون وليل نهار فاتحه الانترنت وتسوي حسابات الله يدري منو بعد تراسيلن غيري وجايتنني تكولي نتزوج والله عليج سوالف تضحك
تدري شنو
شنو بله.
هذا كلامك مردود عليه بس أكولها الك سويت كل هذا لن أحبك وثقت بيك حتّى حبيتك اكثر وأعز من نفسي ما جان ابالي غير فكره انجمع اني وياك حبيتك حب شريف ونظيف وأنت استغليتني وأستغليت حبي الك واخذت اللي تريده بكل بساطه وبعدين حظرتني وهسه رجعت كملت اللي بديته حرفياً مصدومه صدمه عمري بيك.
يا حب شريف تحجين عنه هذا مو حب هذا رخص وحده مثلج هاي شغلتها گلشي عندج مباح بكلمتين تنزعين ونفسج تريد هالشي شسويلج يعني اني رجال اعزب ومحروم وأنتِ منفصله ومفحمه شصير يعني وصوره كدامي وعاريه وشحمه بيضه والوان فاتنه ومغريه طبعاً دين ما يضل برأسي
وأنتِ بديتي مو اني لاتصيرلي شريفه وتستشرفين براسي وامثالج مزبلات وعبالي تطلعين بنت أوادم طلعتي ارخص منهن بهواي.
شكثر جنت مخدوعه بيك وحسبي الله ونعم الوكيل عليك عسى شرفي وحوبتي ودمعتي وكسرتي ما تتعداك يا مروان روح ربي لا يوفقك وتتلكاه بأختك وبناتك
أنجبي لج اختي اشرف منج تاج راسج كح بنت الكواويد اختي ما تجبين طاريها على لسانج يا ادبسزز
أختك ما الها دخل اعرف بس هذا قانون إلهي ثابت وأني اشرف منك واشرفك وتاج راسك يا ساقط كواد.
واحد مسقط وبايع ومخلص ويلعب بعرض غيره ويضحك على بنات العالم بإسم الحب تعرف شلون تستغلهن لجانبك وتاخذهن لمصيدكك القذره يا قذر ووسخ أنتَ اقذر شخص شفته وتعرفت عليه بحياتي كلها لدرجه حاسه بقرف واني اراسلك دزيتها وثواني وكتبلي
بنت صرتيلي شريفه هسه صار عندج شرف وتبيعين مثاليات برأسي شوفي لج امحيج اقضي على حياتج الزمي حدودج وياي ولسانج هذا اكصه الج ادبسزز اذا ما وصلتلج وشنقتج بيدي اني مو مروان.
عود لاتقصر يا مروان كمال.
منين تعرفين اسم ابويه وجدي تعالي لج ادبسزز
شنو نسيت من جنت فاقد شحجيت مو كلتلي اريدج تقدسين اسمي وقدست اسمك الكامل وعلى لسانك حتّى اهلك ما سلموا من قذارتك.
تدري شنو ما حبيت ارد الاذيه واتكابح وياك واصير انذل منك بس دام اني وحده مسقطه ورخيصه تدلل عليه لحظه وحده ثواني عندي الك شلون شيء
هبه شقصدج؟
اصبر شبيك خفت لاتخاف لاتخاف شيء تتونس بي لن خاف ما تلكه وحده مثلي تحبك وتقدس اسمك!
هذا يسد الك حاجه.
عن شنو تحجين لج كح ادبسزز شنو هذا الشيء
لاتغلط
اغلط وانعل الوالديج يا بنت الكواويد
گتلك لاتغلط ترى تتندم والله
انجبي ساقطه شو خل اركعج بحظر اني ليش كاعد احجي وياج ما أدري
قبل لا يحظرني وصله المقطع مرت دقايق هو ساكت كتبت اله هاا شنو تفأجات؟ شافها وما رد
هبه شنو هذا مو عيب عليج تصورين هاي عود أنتِ صديقتي؟ شو امسحي وبلا اكلان.
هسه صرت هبه صديقتك قبل شوي جنت كح ومسقطه وادبسزز، شوف يا ابن الاوادم أنت غلطت بحقي هواي وتجاوزت هواي واني تأذيت بسببك هواي وخسرت شرفي كدام نفسي وغضبت ربي وتحملت بذنب بسبب حبك وبالاخير هيج اتجازئ ودام وصلنا لهل النقطه خلاص بعد
هبه خل نحجي راح اتصل جاوبي حبيبي.
ما اجاوب امثالك اخاف اسويلك اغراء لن اني رخيصه وفاتنه وصوتي طفولي وانثوي على گولتك ويوكع اكبر واحد واخاف عليك توكع وتقع في المحارم وما تشتهي الانفس لن نفسك خطيه شاب اعزب ومحروم يله عادي المقطع يكفي ويوفي؟
انجبي لج واكلي والمقطع خلي الج ادبسزز صارتلي شريفه هسه عود تبينلي قويه وانتقم منك وتحجيلي بالمثاليات وتفلسف برأسي بابا امثالج كلشي ما يكدرون يسوون يلا دي صوجي جنت محترمتج أنت كافي عليج الاهانه.
غصباً على راسك تحترمني
اكلي نعل مكطعه على حلكج الخايس ادبسزز
ما تحترم وبعدك على عنادك ومبادئك الخالده وتغلط عليه خوش من عيوني الاثنين
لاتقصرين.
اوك هسه ادزه ل أخوك عصام مبين عليه خوش زلمه وعسكري معروف ومكانه حساس اذا شافه اكيد ياثر عليه وترحون بيها تسعه بإسود وخل يشوف اخوه شيسوي ويلعب بعرض بنات العالم شنو ما عدكم عرض انتوا هيج تلعب لعب وهاا ادزله كل كلامك وكذبك والتمجيد والتطبيل والوعود الضحكت بيها على عقلي وخل يشوف شغله وياك لن الظاهر أنتَ ما متربي خل أهلك يربونك من جديد.
هبه اهلي خط أحمر أموتج والعباس ابو فاضل اقضي على حياتج.
أهلك خط أحمر وأني شرفي مو خط أحمر يا ناقص وبلا شرف
شايفه إذا توكعين بيدي شسوي بيچ أفصخج تفصيخ بسنوني اسويج مندي داكولچ عوفي اخويه عصام اذا دخلتي اله خاص ما تدرين شسوي بيج وين ما تكونين اجيبج لو تصيرين جوه الكاع اهل اهلج انبشهم.
ليش تخاف من أخوك؟
لا ما اخاف وما اخاف بس من الخلقني لا أنتِ ولا امثالج يخوفون جلبي وتعالي شمعرفج هو اخويه.
لا هواي تخاف من الخلقك واحد ساقط واخوك من التعليقات ومن الاسم عرفته أخوك.
عصام طلعينه من راسج لا راسج اشيله وعلى اشرب من دمج اخويه عوفي خط احمر ما تتقربين اله.
يله ميخالف اعوفه تدلل
انجبي ادبسزز تهدديني بمقطع وأنتِ شنو نسيتي نفسج إشسويتي ما وراج أهل وصورج العاريه متخافين؟
بلي وراي أهل ويسدون عين الشمس ويمحونك من الخريطه هم بس دام اني رخيصه ورخصت نفسي الك بإسم الحب ما عندي شيء عزيز بعد خل اطير رگبتي ساعه المنى وصوري بقيهن الك احتفظ بيهن وعلگهن بالحايط اذا تريد لذكرى!
هبه كافي شنو هالحجي المخربط شو كمتي تمسلتين تعالي خل نتفاهم راح اتصل عليج وجاوبي
ما ضل بيها تفاهم خصمت كلام وصلت لنقطه ما منها خط رجعه نفذ صبري
هبه أنتِ عاقله متسوينها مو.
ما ضل عقل بعد خاصه بعد كل كلمه كلتها اليه وجرحتني بيها وطول ما انت تحجي وتسب وتفشر عليه اني ابجي بدال الدمع دم وشكد حبيتك وادمنتك وجنت اشوف الدنيا بيك صرت اكرهك اضعاف وكلبي متاذي منك ونار مشتعله بروحي
هبه كافي خبال عوفيلي الجرايد والكليشه الدازتها وتعالي نحجي اتصال ونتفاهم
أكولك كلام قبل لا اروح
ما تروحين تبقين وياي اموتج اذا رحتي تفهمين ما تروحين.
مو مهم بعد روحتي وبقيتي نفس الشيء بس خليها أبالك كما تدين تدان وكما تعين تعان وكما تعيب تعاب وكما ترحم ترحم وكما تزرع تحصد هذا النص سجله عندك واحفظه كلش زين
. رب العالمين مو غافل لا شايف كلشي وما يفوتها الك وحوبتي واذيتي ودمعتي وكسرتي وذنبي تتلكاهن كدامك وبعرضك وبشرفك بأختك لو بناتك بالمستقبل ولو بعد حين.
هبه بغلات كل عزيز عليج جاوبيني خل نتفاهم.
ما اجاوبك بعد وروح اتزوج الشريفه بنت بيوت تلمك وتصيرلك ام بيتك شتسوي بالرخيصه تضحكون على بنات العالم بإسم الحب والزواج وتلعبون عليهن وتاخذون اللي تردونه وبعدين يله دي خلصت بطاقتج ووكت الزواج تردون الشريفات
هبه اترجاج خل نحجي اتصال الكتابه ما نوصل لاي حل.
أتصل ورفضته رجعت كتبت وهو يتصل وارفضه.
شوف مروان كمال، المقطع خلال أسبو? تلكاه على المواقع التواصل الاجتماعي كلها واخلي العالم تباوعلك واهلك يسحلونك سحلة الجلب والشباب المحرومه تتونس عليش بس أنتَ عايش بنعيم وخيرات وفيره لا هذا مو عدل لازم يكون انصاف دزيتها اله، وأتصل ورفضته ورجع اتصل وارفض ورجع يكتب وانطيته حظر؟ قفلت الباب? اصابعه
وحذفت الحساب علمود ما يكدر يدزلي شيء ويضل عايش بخوف ورعب؟ وسجلت دخول لحسابي الاصلي...
أسيا حياتنا ما تخلص من الأكشن وكلنا أعصاب ودمنا حار بالاخص زلمتي يمه صدقه لطوله
جنت اغسل ملابس وأسمع هوسه برى بس ما أهتميت ولا تدخلت وهو منعني اختلط او اتدخل ولازم ألتزم بكلامه واللي يريده يجراله.
أجاني كرم ويكمز يريد يطلع وين يا امي مو هاي العابك منثره تارسه الغرفه والصاله شتريد بعد
كرم ما اريد بيبي وعمه.
اسيا هسه أوكف نشفت ايدي وتلفوني عالشحن يتصل يبووه مخليته صامت من ورى جود كومه متصل عليه ولا ادري گبل جاوبته هلا عيني
عصام تلفونج وين گابرته ساعه صارلي أتصل
والله ما ادري جنت بالحمام اغسل ملابس ومخليته صامت علمود جودي
اطلعي شوفيلي هشام الكح بعده موجود لو وله
يا هشام
اسسسيا لاتخبليني اطلعي شوفي موجودين يم الباب لو ولوا
ليش اجو
اسسسيا مو وكت ثولج هسه
ها اي طالعه ليش انت وين
بالطريق راح اوصلكم
لعد ليش تسأل.
هيج كيفي امشي يله
تمام
بسرعه رديلي خبر
ماشي قطع الخط وجود تبجي شلتها وطلعنا وكرم يكمز لن جان يسمع اتصال ابوه
كرم بابا راح يجي بابا راح يجي يسلام
اسيا طلعت وجود بحضني ولكيتهن يباعن الكاميرات وتلفوني عفته بالغرفه ما بلغته ولا ابلغه لن بس خوف ازهار كافي عليه وبقيت وياهن وصارت هوسه گبت للستار واني انثولت بنتي شالعه گلبي بس تتنعوص وفات علينا وصارت مشادات كلام بينهم ما دخلت نفسي نهائي هو وأهله شعليه.
بس من وصلنا وتقرب حضني من ظهري وباسني من كصتي قوي واني أشهك بريحته خدرت ردت اوكع وسندني بإيده وهمس
عصام شفتي زلمتج
أسيا أي شفت فدوه لزلمتي
ابوس هل الحلك اليتفداني
همزين هشام اجه وشفناك
انجبي لج
شو النجبي صايره حلوه من حلگك و? كلبي مثل العسل يا عسلي أنت
ستري علينا خليني نافش ريشي بالغرفه عود نطير اني وياج مو هسه خل افض هالسالفه على خير واتفرغلج.
تمام ونحن بالانتظار التفت على جود وكام يسولف وياها وهاي صافنه على? ابوها وصايره تحب السوالف وهو فنان يحب يضل يسولف واله خلك طويل
لج ادبسزز حليانه وراي هاا هذا الجمال مهره مليارين لعد اتعب واربي ومشلو? گلبي وع الحاضر يجي ابو حصن ياخذج لا والله اذا ما اشلع گلبه
مثل ما تشلع گلب هشام ليش هيج سويت خطيه
لاتتدخلين
بس
اسيا كرصي الدوده
شنو هاي مو ازعل
زعلي منو اليراضيج بعد.
عفس وجهه والتفت على جهاله وانوب تلاغوا هو واخوه ما تدخلت لن بس حجيت شمرلي حجايه غثني بيها ضلينا واكفين ننتظر عمي وهو كل شوي يباو? لأخته ويهز براسه واباوعلها تكسر الخاطر واكفه لوحدها بصف الحايط وتشلع بإظافرها ومنزله رأسها كلما ترفعه عصام يخزرها ثولها اخر شيء ما تحملت لن طفح الكيل عصام گافي تباوعلها هم خطيه
عصام اسيا شحجينا.
اسيا سگتت وبهل الاثناء دخل علينا عمي وشگله ما يبشر بالخير من مشيته العسكريه وهيئة حضوره
المخيفه وصل لعدنه وضرب عصام كف سحب روحي من صدري شهكت وايدي على حلگي وكرم گبل لزم ايد ابوه باوعلي وكال
عصام اخذي الجهال وروحي الغرفه
أسيا ما اروح الا انت ويانا نزل راسه وعمتي كامت تحجي وعمي هواي قسى عليه بالكلام وبالاخير سحب روحه ومشينا لغرفتنا وقفل الباب وكعد على الجربايه وضل كاعد ومنطينا ظهره ويفرك بإيده.
وكرم كمز على الجربايه وحضن ابوه من ركبته ويبوس بي فرحان لن نازل وضل يلعب بشورابه وبإذانه وعصام ضحك وكلبه وخلاه على بطنه وكاموا يلعبون ويدغغ بي وكرم خربان ضحك وكل شوي حاضن ابوه.
عفتهم وكمت غيرتلها ملابسها لن زوعت ورضعتها ونامت بسريرها بصف جربايتنا وكرم نام عصام كام غسل وغير ملابسه ضل بالداخليات وحضن كرم واني ذبيت ثوبي ولبست شيء خفيف ولو وقت مو مناسب بس الاحتياط واجب رفع راسه وباوعلي.
طفي كل الاضويه وتعالي نامي بحضني
تمام طفيت الاضويه ودفع كرم على صفحه وخله مخاد خاف يوكع وسحبني لحضنه وضل يبوس من ركبتي قبلات متعدده وبكثره اني ذبت بلمساته وحسيته هدأ كلبت نفسي لكيته نايم تلمست مكان الضربه وتقربت بسته وضليت مخليه شفايفي بهدوء
واشم ريحته نزلت على ركبته ابوس بيها بجنون هو ماكو لا حس لا نفس حبيبي شنو نمت
عصام نامي تعبان هسه گتلج من تفض اتفرغلج ليش تستعجلين على? رزقج.
أسيا غير مشتاقتلك يا حبيبي
شو انكلبي لاتستوكحين هسه تعبان
عصام
وجع شو بوسه
ماكو حتى بوسه ما انطي
تعالي بنت خوش اوادم طلعتي نار وين جنتي گبل
غير صار اشهر صحراء قاحله
هم صدك فديت اليتزعل ويريد حناني فديته
سحبني بحضنه ونمنا لن فعلاً حسيته تعبان ومتأثر هواي بس اني استوكحت من شفته ضحكت ونمت وراسي بين احضانه جعصني جعص.
نمنا تعبانين واني تعبانه من ورا الركض وراه كرم وجود تعب والنومه بحضنه احس كل تعبي يحل عليه نمنا نومت اهل الكهف الباب كومه دك ما تحركنا.
مر وقت كعدت لكيته يكلب بالملابس كمت ساعدته وكشخ ورششت عطر طلع شيخ حبيبي
عصام هو اني شيخ
أسيا فدوة لشيخ مالتي
فدوة لحلكج اليوم موعدنا خوش مو تنامين
تمام وعشه ما نتعشى
من ارجع سويلنا وكرم كعدي عشي ونومي قبل لا اجي خوش
تجي تلكي كل الامور تمام
اي لن باجر ارجع
شنو لا عفيه.
اي والله اخذت اجازه يوم واحد تخلص وانزل نزول كامل واعوضج
لعد ما تنام ششوف منك
خل تفض على? خير لن بالي مو صافي عوفيني هسه
طلع وكمت كعدت كرم ما يقبل يكعد شلته بفراشه ورجعت غيرت الجرجف وسبحت ولبست بدله نوم لاتستر ولا ادفي انصلبت من البرد ولبست روب قديفه لن شكله يتاخر وشغلت التدفئه.
بقيت بالغرفه اكلب بتلفوني وجود كعدت خليتها يمي تلعب الا تعبت ونومتها واجه شمر السبحه ودنك باسها على? كيفك لاتكعد.
عصام كرم عيشتي
أسيا ما كعد حاولت وياه وهو أكل اندومي قبل بوقت
كم مره منبه عليج الاندومي ممنوع
شسويله هو يضل بس ينكنك عليه ما يرضى ومجد يجيبله
موزين عليه هو ضعيف صاير من انزل اودي دكتور اخصائي تغديه.
الله كريم حبيبي تريد عشه اسويلك
لا نفسي تلعب وما جوعان فايت اسبح.
تمام غير دشداشته ودخل الحمام وحضرتله ملابسه وطلع لبس بس شورت باوعلي من ليفوك ليجوه
شنو هذا جوه الروب
ما أعرف.
تعالي اني اعرف شو ذبي ادري المن لابسته
شمر الروب وضل صافن
هاي اني جبتها الج مو
اي هنا كلهن انت ليش تخليني البس على? ذوقي
لك يعيش ذوقي من انزل هم اجييلج وجبه لخ تدرين مال شنو هسه
شنو
جگاره وساجده عبيد
لا حباب اتخبل من ريحتها بس ساجده اي والله صار ايام تطرب براسي
انجبي صدكتي
تقرب عليه وصرت بحضنه وحاضنته من وجهه بكفوف ايدي شكو بيها عوفلي المواضيع العائليه على? صفحه وخليك بس إلى وبحضني ومملكتي.
اليوم ادمر المملكه وافترس الملكه
تقرب واخذ شفايفي وبدع وابد? واخذني لعالمه
المليان جنون وطغى بالشوق وكان ختامها أحضان دافيه...
كعدت على? صوت منبه عصام طفي فدوه
عصام وين اطفي شو انكلبي اريد اكوم ولج تاخرت
جلبت بي وين تروح ما اخليك والله
لازم التحق گلبي اتعاقب واليوم كومه شغل عندي من انزل اعوضج ما اطلع من الغرفه ابقى مكابلج
سحبت نفسي وغطيت نفسي بالغطا وهو كام ورجع باوعلي كمت ابجي واشهك انفجرت بالدموع.
أسيا گلبي باوعيلي
مشتاقتلك تقرب عليه وحضني ويبوس بيه واني حاضنته وأبجي احبك اموت على الخلقك روحي بيك من تلتحق اموت وراك احس روحي غريبه بين الكل روحي تضل مخنوكه لما تنزل يله تردلي.
ادري والله ادري شصايرلج ومتخبله عليه هيج
بقيت حاضنته ورن تلفونه وكمز وجاوب بسرعه ويوضح الهم وشكله تاخر قطع الخط وطفر الحمام
اسيا المنشفه والبدله بسرعه حبيبي.
كمت حضرتهن كلهن وطلع لبس عالسريع واني كالعاده اللمسات الأخيره عليه ورشيتله العطر وتقرب باس جود لن جانت كاعده ورجع باس كرم بهدوء لن اذا كعد يسوي التحاق زقنبوت ويضل بس يصرخ وراه شال سلاحه وتلفونه واغراضه وباوعلي
تعالي ولج اخذتي روحي شسويلج هسه
حضنته من توصل حاجيني اتصال
افتحلج كاميرا هم يله ديري بالج على? الجهال ومصرفكم موجود مع السلامه گلبي
طلع وصل الباب
احبج ولج.
فدوة لطولك راح الله وياه وقفلت الباب واصعب شيء من ارجع الغرفه وفراشه فارغ وملابسه على? الجربايه ومنشفته على الحافه وعطره على? الميز إلى مزوجات عسكري يحسسن باللي جاي احسسه والمعانات اللي تمر عليه بغيابه حتّى ما شبعانين منه
وهو دوامه يختلف عن مروان اخوه الحمدلله على كل حال وربي يحفظه النا ويحفظ جميع ابطالنا.
ما نمت وراه غسلت ملابس ونظفت مملكتنا
واتصلت عليه رفضني مرت دقايق.
عصام بعدين
اسيا وصلت
اي حبيبي.
الحمدلله عفته كعدت كرم تريك وطفر على مجد
ل الاستقبال يشتريله ورحت المطبخ طبخت الغده وساعدت عمتي بالتنظيف ورجعت الغرفه سبحت
ولكيته دازلي
عصام اشتاقيتلج وأختنكت خنك كلما اتذكر شكلج وراي روحي تغيب عليج
أسيا اتصلت عليه وجاوبني مو عبالك صايرين نخبل
اسم الله من عينج لاتحسدينا
تدري علاقتنا تجنن
أنتِ تحبين الاكشن شسويلج
وأنتَ هم مو قصر
أني رجال اسيا
فدوة لرجالي أعشقه
لو ضال يمج شحرامات عفت حضنج الدافي.
لاتذكرني اكوم ابجي
ماشي حبيبي أعوضج، كرم اكل جودي شلونها الصبح ردت اكلها صايره تعصر بروحها تتحارش بيه
اي تخلي الواحد يكزكز عليها صدك اسالك شصار على? هشام وافقتوا لو لا
ما وافقنا لا
ليش خطيه
ماله نصيب
بعدك ضايج
مقهور مو بس ضايج ونار بگلبي
عليمن على? أختك
اسيا كافي
تمام حبيبي على? راحتك
يله بوسيلي الجهال ونفسج.
الله وياك حبيبي قطع الخط ومن جبت طاريها انكلبت كل موازينه حتّى طريقة كلامه تغيرت اي اخته مهما يكون لو شما تصير بينهم مشاكل وعواقب تضل الاخت اخت والاخ اخ.
ومرت الايام كاظيتها بين اطفالي كل وقتي الهم وشغل البيت بيني وبين عمتي وأزهار عازله نفسها بغرفتها اتمنى اصعدلها اشوفها بس كلت احتمال تحب تبقى لوحدها حقها اللي صار مو قليل الله يعينها...
وجنت البس كرم توه طالع من الحمام ورن تلفوني جاوبته وفتح سبيكر هاا گلبي.
عصام اجيتكم
اسيا شهكت صدك الف هلا بيك بعدني جاي احجي كرم طفر على? الباب ولحكته اصيح وراه ودخل علينا ذب جنطته وشاله ويفتر بي وشابكه من ركبته ويبوس بي وتقرب حضني وباسني من كصتي ودخلنا مملكتنا.
عصام شلون تسبحون ما تتنظروني هاا ولكم
اسيا نزل كرم بالكاع وشال جود ويبوس اكلها اكلها واني اباوعله انتظر سره يجيني واني شوكت.
عصام أنتِ غيرهم كلهم الج الحصه الجبيره كلني الج تعالي يا بنيتي ودنيتي
اسيا حضن دافي وشوك مميت بالنص ساعه نتبادل الشوك بالكوه شلع روحه من شفايفي ودخل يسبح وكرم راح على اجداده وطلع من الحمام جنت اجمع الالعاب لن ميحب الهوسه اجه قفل الباب وسحبني من ايدي بدون كلام ورجع كمل منين ما توقف واكملنا معركه الجنون والحب المكنون...
أزهار حياتي توقفت وصارت خاليه من الاحداث ويسكنها نفس الروتين القاتل والمميت مثل الكهف المهجور والروح حزينه وداخله في سبات عميق.
. من أخر مره حجيت وياه وجان كلامه غريب أكذب اذا كلت ما خلالي أمل لن حجه بثقه على الرغم واثقه ومتيقنه أهلي ما يتراجعون عن قرارهم ويوافقون على? زواجنا.
. بالأخص أخويه عصام هذا رافض رفض قطعي وكلمته ما يثنيها وما يتراجع عنها وحتى لو علن أنسحابه بابا ما يتخلى عنه ويرجعه لن يعرفه گلبه طيب وابيض ونقي لن بنفس اليوم ضربه كف وبالليل دزوا عليه وحضر طبيعي
ومن التحق ونزل يسولف وياه ولا كأنما صاير شيء هذا يخلي بابا يتمسك بي لن كلش يحترمه ويهابه عصام مرضي بس عكس وياي وصار أول الناس ضدي صرت عدوته مو أخته كلما يباوعلي بنظراته يخليني أكرهه روحي الف مره.
أهلي كلهم موجودين بالبيت ولازم ماما تطبخ بهذا اليوم الاكلات اللي يحبونها مثلاً برياني عصام يحبه ويعشق هالأكله وياها روبه ومروان يتخبل منها يحب مرگة بتيته على? قطع لحم وياها تمن شرط قطع البتيته تكون كبار وبابا يحب الدولمه ومجد ياكل ويه الكل عادي ما عنده اكل محدد وبس من ينجمعون تسويلهم أكلاتهم اليحبونها.
أني جهزت الحشوه مالت البرياني وامي كملته وقطعت البتيته يعني مساعد شيف من الصبح كعدنا وبلشنا طبخ وبالتسعه كعدت أسيا نظفت كل البيت وغسلت الحوش شگبره كله غسلته طلع يلمع حتّى الدرج مسحته وبخرته وفتحت الشبابيك وشغلت قراءن بيها شيء حلو تسوي شغلها على? اتم وجه بدون ما تتعاجز او وجهه يثكل.
نلف بالدولمه واجت هي رادت تغسل المواعين على? السنك أمي منعتها وما قبلت.
وصال وين تردين شو عوفيهن اني اغسلهن سويتي اللي عليج وزايد روحي بنيتي گافي
أسيا لا عمه هنا مواعين
أسيا لاتعاندين كافي امي اني هم ما اراضها على? نفسي كومه اشتغلتي وتعبتي وعمج لو شايفج هم ما يرضى تشتغلين هلكد لن ندري بيج شكثر تعتبين ويه جهالج وشالعين گلبج وهالايام يجيب وحده تساعدنا اني ما بيه بس الطبخ وازهار هالتكدر عليه وأنتِ وراج زلمتج وجهالج.
علي? راحتكم يمه يله من رخصتكم.
ازهار شمرتلي بوسه وهمست.
أسيا بحبك
ازهار وانا كمان بعشقك ضحكت وراحت وضلينا نلف واجه بابا كابلنا ويقلد على? امي وناصب عليها
كمال هاي ليش جعصتيها لفيها عدل مثل اخواتها
وصال كمال خليني اشوف شغلي
كمال جاي اعلمج شبيج ياعيني
لن مسويتلك دولمه مزاجك برتقالي
ادري بيج تدللين بيه جعل ما انحرم من دلالج عمي وين اكو منج.
خجلتني كمال والبنيه كاعده
اخجلي يابه اخجلي زلمج كعدوا لو لحد الان متوثين لظهاري
لحد الان عوفهم خطيه تعبانين.
عصام اذا گلتي تعبان اكولج اي هذا شعنده من التعب شو دوامه مكتب وكاعد كعدي كافي نوم
عوفه شعندك اله
لاتعلمينه على? الدلال خل يكعد
ازهار بهل الاثناء نزل وجهه يضحك وسلم على بابا وصفكوا ايدهم وكعدوا يحجون على? شغل المعرض لن هو ومروان متفاهمين? هذا الشغل وعلاقتهم قويه عصام ما يتدخل بالشغل لن دوامه والتزاماته أكثر يا دوب ينزل يكظي وقته ويه جهاله.
اذن وبابا توضى ومجد هم وعصام طلع يرحون لجامع مروان جان كاعد يتصفح بالانترنت وعصام صاح عليه
عصام يله ما تگوم
مروان روحوا انتوا اصلي بالبيت
ليش صغير ما تجي ويانا
يا اخي شكد تلح.
ازهار ما جاوبه ولحكهم ومروان ضل كاعد يمي بالمطبخ يگلب بالتلفونه وامي راحت تصلي واني احضر بالمواعين واثرم بالسلطه ومر وقت ودخل عصام حضرت الكلاصات والماي وانداريت صار تلفون مروان كدام عيوني لن منطيني ظهره صور بنيه يكلب بالصور صديت وجهي.
وتقرب عصام شافني وسوه حركه
عصام اششش
ازهار هزيت رأسي وتقرب وكف وراه ومخلي ايده بجيبوبه ويباوع الصور وكبل سحب التلفون من عنده بقوه ومروان تخبل وكام يصيح عليه.
مروان جيب تلفوني منو سمحلك
عصام منو سمحلي مو والله اليوم اكسرلك يا ساقط شنو هاي الصور ولك اعراض العالم شتسوي بتلفونك
ازهار للامانه عصام من سحب التلفون ما كلب بالصور بس اخذه من عنده ومروان يدافع ويريد يسحبه وعصبي نار وعصام ضربه بوكس وكعه بالكاع ومروان نهض من الكاع خشمه ينزف واني تخشبت بس واكفه واباوعلهم ورجع مروان مسح الدم من خشمه وتلاوا هو وعصام ويحاول يأخذ التلفون بالغصب من عنده.
مروان شعليك أنت شعليك يا اخي بگلششي حاشر خشمك وتتدخل شو جيبه تلفوني جيبه مو من حقك تسحب تلفوني هذا وشي خاص وراجع اليه
عصام خاص يا ساقط خاص ومحتفظ بصور بنيه عاريه هذا عرض العالم يا كواد يا خنزير ولك جان استحيت على? شاربك ولا نحجي على? هشام طلعت انت انكس منه وما تفرق عنه بإي شيء
مروان لاتجفص بكلامك وتلفوني تجيبه.
عصام اجفص بطنك هم شو امشي كدامي اصعد لغرفتك نتحاسب قبل لا يجي سيادته وما اريد اخزيك كدامه لن ادري بيك مسقط وسرسري من يومك امشييي تحرررك لا اسحلك بالقندره.
مروان اهووووو بابا شبيك انت تلفوني وصور حبيبتي شو جيبه انت مو مال إحترامات
لا خوش حبيبتك شوو دتعال
ازهار سحبه من ياخته ودفعه على? الدرج ومروان ينكز ويحجي وعصبي وصعدوا وامي خطيه اجت خايفه? صوتهم وراها اسسيا.
وصال شگوو شبيهم اخوانج اسم الله ما يمر يوم نرتاح بي حتّى بيوم الجمعه خبالهم مشتغل
أسيا شعدهم صعدوا فوك
ازهار هسه اجي صاعده وراهم صعدت وامي واسيا ما رضن عليه
وصال وين موليه ولج شو نزلي هسه ابوج يجي ويسال عليكم شگوله
أسيا ازهار نزلي وتعوذي أبليس لاتحصلين كتله شلج بيهم عوفيلي فضولج هسه شو نزلي يمعوده
ازهار ما تنصت عليهن وصعدت وراهم الباب ما قافلينه وصوتهم مسمو? واكثر شيء صوت عصام لن نبرته خشنه.
عصام افتح التلفون يله افتحه
مروان ما افتحه
لا شو تفتحه وغصباً على رأسك
عصام گافي ترى طوختها ومو من حقك تتدخل بحياتي وتلفوني هذا وخصوصياتي محد اله دخل اني شاب اعزب
شاب ومحتفظ بأعراض العالم شنو من طينه طينتك متكولي لك ساقط ناقص غيره
احترم نفسك واحجي عدل اني مو ساقط والصور صور حبيبتي وين المشكله.
مو حبيبتك جذاب اذا تقصد هناس ف اني اكثر واحد يعرفها نجره وكحه وذكيه واخوها صاحبي شلون ادز صورها بهل الشكل وتعرف اخوها صديق اخوه حبيبها متسويها واصلاً متاكد معيشتك بعطش واحلف عليك موو هي، هاي وحده غيرها مو
اي غيرها ارتاحيت
شوف لك من حقك تحب وتنحب بس مال تسقط وتحتفظ بصورهن بتلفونك اقضي عليك اشنقك وربي اسويها
ترى من حقي تلفوني هذا شو اني ما اتدخل بحياتك وتلفونك شبي.
اتدخل واكسر راسك من اشوفك أعوج وتلفونك ما كلنا شيء بس مو تحفظ بي أعراض العالم شتسوي بيهن يعني تنام على صورهن مو
عصااام كافي
ولك اني بصور زوجتي ما محتفظ بتلفوني مو عاد اعراض العالم افتح تلفونك يله افتحه
عصام لخاطر ربك لاتلح وتسويلنا سالفه
افتحه مروان
ما تشوفهن
منو گالك اريد اشوفهن ساقط تحذفهن كدامي
ازهار سگتوا شو سگتوا الو يمعودين
مروان مسحتهن والله.
عصام اخر مره تحتفظ بصور بنات بتلفونك فاهم عليه من طاح حظك هاي عود انت عسكري وتحمي الوطن.
مروان اهووووو عاد ما نخلص من لسانك
ترى اعرف بسوالفك ومخلي ايدي على گلبي من وراك لا تصخم وجهنا واذا هيج ما تكدر بدون مره ما تتزوج شبيك شناقصك
ما اتزوج هسه وبعدين انتوا رفضتوها
رفضناها مو معناها الحياة توقفت عليها اسيل شبيها ليش ما تريدها
أسيل منو
بنت عمي علوان
اذا عنده بنيه هم ما ادري ما شايفها.
طبعاً اذا هناس ماخذ عقلك منين تشوف كدامك واعرف راجع صاير سرسري من عافتك هناس لن عمي فاضل سمعانك تحجي سوالف سخيفه بالاستقبال واجه كالي مروان زوجوا
ماكو هيج حجي لاعاد تكوم تتبلى
أتبلاك ليش شعندي وياك واني اكول شعنده نايم بيت جدي طلعت ماخذ راحتك البيت ما بي احد واستقبالهم فارغ ماخذ راحتك شتسوي ولك.
اهووووو
وجعوا حاجيني عدل لا اجيبلك الحزام واربيك.
عمي ماكو من هالحجي والله واني احب هناس اعشقها وما اخونها ولا اسويها بحياتي واذا تصير ف نزوه وخلصت وهاي هي
هاا
اي فضنا عاد
گبر حتّى گبر شوف لك تصير عاقل وتعوف هاي السوالف خوش وبنات العالم اكسر ركبتك والله وبث ما تفتح بعد يوميه فاتحلي وتتمضحك وياهن من طاح صبغك اي والله.
خلص والله هاي هي
نشوف وهاا لاتضل بس تنشر بصورك وستوريات دك حزن عايش دور الضحيه جنك ارمله وتلطم.
لا اله الا الله
عليك ديله انزل نتزقنب.
ازهار ركضت وسمعت صوته وراي
عصام اوكفي اوكفي وين موليه
ازهار هاا وكفت ولزمني من اذني وشد عليها
عصام شعندج فوك شمصعدج ورانا جنتي تتسمعين مو
ازهار لا هسه اجيت دزوني اصيحلكم على الغده قبل لا يبرد
عصام هاا اكيد
اكيد
يله نزلي، مروان وين صرت انزل يله
مروان اجيت ابو خابصها اجيت
ازهار نزلت كدامهم وهما وراي وبابا باوعلنا ثلاثتنا وجه نظره ناحيتي عباله كتلوني
كمال شعدكم ويه اختكم
عصام ما عدنا شيء.
كمال اني شحجيت مو كلت محد يتقرب الها بعد
مروان منو حاجي وياها
عصام ماكو شي سيادتك لايضل بالك يله يمه ذوقينا طبخج
ازهار غير الموضوع وفتح الجدر وتقرب همس
عصام وأنتِ اني اعلمج بعدين كلتيلي دزوج تصيحينا على الغده خوش تعرفين تمثلين.
ازهار مشه وسحب الگرسي وكعد واسيا كامت تصب واني ساعدتها وكملنا وكعدنا وكاموا يسولفون بينهم ونوعاً ما ارتاحيت لن رجعت كعدت كابلتهم على سفره وحده? الرغم نظراتهم اليه بس اهون.
كاعدين بالمطبخ يشربون الجاي بالكاع يم الصوبه مثل اي بيت عراقي وابويه نايم على رجلين امي وتفلي بشعره وعصام يسولف ويه جودي مخليها بالنص ويلعبها وكرم يغار ومروان سحبه يبوس ويراضي بي ويرفعه برجليه لسما ويرجع ينزله ومجد يصبلهم جاي من القوري على? الصوبه واسيا حاشكه نفسها بصف عصام صافنه عليه ورايحه بعالم ثاني فاقده الاخت ضحكت عليها واني اغسل المواعين
كملت ونشفت ايدي وأمي باوعتلي وابتسمتلي.
وصال تعال نشفي إيدج يم الصوبه اليوم تعبتي
ازهار تقدمت وصرت قريبه من بابا باوعلي وغير نظرته على? جودي ويضحكها وعصام رفع عينه عليه گبل نزلت رأسي تهربت من نظراته وخليت ايديه اتحمى وهما يسولفون بس اني البيه النقص نقصهم ونقص ثقتهم وخسراتهم جبيره.
بس ما مرت على خير عبالك ورانا نفس ما نرتاح فزينا على? صوت الجرس صوت قوي وتلفوناتنه كلها تركع أتصالات وأول واحد فز مرعوب هو مروان.
عصام هذا حارث يتصل خير يا ساتر.
كمال وعمك فاضل هم يتصل اطلعوا فتحوا الباب مروان تحرك كوم افتحلهم
ازهار مروان وجهه اصفر قطرة دم ما ضلت بجسمه ويبلع بريگه حتى عصام لاحظ عليه
عصام اني رايح افتح وخدروا الجاي
ازهار باوعلهم بالكاميرات وصاح
عصام عمي فاضل وحارث اجو
ازهار بابا نهض ومروان كام يگلب بتلفونه بخبال وإيديه ترجف وامي صاحت بي من شافته يرجف
وصال متكولي شجاك شبيك كمت ترعص
مروان ما بيييييه شيء شبيه قابل.
ازهار طلعنا كلنا بالصاله لحكنا بابا وهو ضل بالمطبخ ويگلب بالتلفون ما عرفنا شجاه وانكلبت احواله 180 درجه ودخلوا عصام وحارث وعيونهم بالتلفونات وعمي فاضل سلم على بابا وگال
فاضل فتحوا تلفوناتكم عمي فتحوها.