رواية بين قلبها وعينيها كبرياء للكاتبة شمس العراقية الفصل السابع والعشرون
ازهار انداريت أباوع على? مروان وعيونه تشخصت بالتلفون وايديه على? شفايفه مصدوم شگو يا ساتر بابا فتح التلفون ورجع قفله ونزل رأسه وعمي گال
فاضل لا حول ولا قوة الا بالله امشي نحجي حارث عمي تعال
كمال اتفضلوا يابه اتفضلوا.
ازهار اخذهم بابا ل الاستقبال وهو منزل رأسه وبالگوة يمشي مثل الظهره أنكسر گلبي وجعني بقيت واكفه وأباوع ل أخواني وعايشه برعب وامي تباوعلهم مو عارفين شگو وعصام يباوع بالتلفون وضرب گصته وغمض عيونه ويعض بشفايفه بلعت ريگي بخوف حتّى شفايفي يبسن على? الخوف
الشفته من حبك يا هشام سكر راح يصير بيه
وصال واحد منكم يفهمنا شگوو شبيكم ولك يمه عصام شصاير احجيلنا.
مروان ازهار والله اليوم أموتج على أيدي يا ادبسزز ولج أزهار
ازهار ما حسيت غير مروان اجه ركض يريد يضربني وعصام جرني من ايدي بقوه خلاني ورا ظهره
مروان ولج ادبسزز اليوم موتج حلال خليني افوخ گلبي بيها خليني عصام وخر عنها دأكولك وخر عنها عوفليها اكسرها تكسسير وانت المفروض اول واحد يذبحها مو تخليها بظهرك.
عصام ازهار بحمايتي ما تضربها فاهم امشي وخر ونصي صوتك لا افرغي قهررري كله بيك.
ليشششش ادافعلها مو هاي خزتتنا وفضحتنا وصورها عند عمامي ولج هسه لو اشرب من دمج گلبي ما يبرد عصام وخر عني عوفيلها اتمزمز بيها هالساقطه
اكل وانجب شو دوخر منا والله ما تضربها وايدك اكسرها اذا تقربت عليها يله امششي.
ازهار مخلي ايديه اثنين ويحاميني وامي تجر بمروان ومروان منين ما يجي يريد يلزمني عصام يلتف عليه شديت ايدي بتشيرته قوي صايره بظهره وما حسيت غير مروان شال المزهريه يريد يشمرها ب?اسي هجم عليه عصام وضربه بوكس وبطحه بالكاع وتعاركوا بينهم ومروان نام على عصام ورجع عصام گلبه ونفضه من ملابسه وعلى صوتهم طلع بابا صاح بيهم وعصام دفر مروان على? خاصرته وتقرب عليه صرت بظهره.
كمال شنوو هالخبال هسه وكت ضرب شغلوا عقلكم وحلوا السالفه كبل ما تنشر الصور على? المواقع وننفضح ما بيكم واحد عقله يشتغل بس شاطرين بالصياح والمعارك لا بارك الله بيكم.
ازهار ابويه دخل الاستقبال وركع الباب ومروان نهض يمسح الدم من خشمه وفتح التلفون وجهه عليه وشفت الصور بس مو بوضوح لن بينا مسافه.
مروان شوفي خاتون شوفي تدرين صورج عند كل عمامي على? موقع الفيسبوك واصلات الهم تدرين لو لا شوفي بنتج الادبسزز شوفي عيني شوفي تربيتج الشريفه شمبدعه شمصخمه تكعدين وياه بالسياره وسوالف أدبسزز اخ لو الزمج اكلج اكل
عصام اكل لا اكطع النعال على? حلكك الخايس واعلمك شلون تحجي دماغ زز.
مروان أنت شبيك متكولي سطرك العباس انطگيت بسحر شبيك إلى اعرفه بهيج مواقف ايدك والصلخ شعجباه هسه صرت الاخ الحنين ومخليها بظهرك وهي فضحتنا بصورها الادبسزز ولك بس خليني ابرد نار كلبي بيها بس خليني اخ لو الزمج اخ افصخج والله اذبحج عوفيلها اني هم اخوها شنو بس انت يحقلك تضربها
ازهار مصدمه بمروان طلع شايل حقد بگلبه فضيع يحجي بكلب محروك ويغلط ويفشر وامي كعدت تبجي وعصام عاط بي وجاوبه.
اني اخوها الجبير واضربها واكسر راسها بس خلاص انضربت على? فعل غلطتها من عرفنا اول مره واخذت استحقاقها وزايد ضربتها واذيتها وتادبت وعرفت حجم غلطتها والسالفه مر عليها وگت وما شفت منها تصرف موزين كاعده وساكته وهي مو حيوان كل شوي تنضرب وياهو يجي يضربها وانت اسكت خوش اسكت خو على الصور لا تحجي عرضك عزيز وعرض العالم رخيص شتدري لعد
عصام لاتشبج لحيه بلحيه.
لا حبيبي ما أشبج هي مشبوجه وخلصانين منها والوكت مو مال ضرب واذا تريد تضرب وتأدب أدب اللي رسل الصور لعمامنا عوفلي العنفصه والصوت العالي هسه وخل اشوف شغلي.
يا شغل ليش بعد اكدر اطلع عتبة الباب من وراها لك بس عوفننيي
ازهار دفعه وغلط عليه وسحبني من ايدي
عصام مروان ولي عن وجهي ما ناقصك هسه
وانتِ تعالي امشي بغرفتي اسيا لحكيني.
ازهار دخلني الصاله كعدت على? التخم حيلي يرجف وايديه لزمتهن رجفه قويه وخوف وعصام يگلب بالتلفون وعاكد الكصه وكالي
عصام تعرفين حساب رشا
ازهار اي اعرفه انطاني التلفون بحثت عنه ما طلعلي
عصام دخلي على? حسابج هي مو ضمن الاصدقاء لازم معلقه الج شوفي التعليقات
هسه دخلت على حسابي بعده موجود وايديه يرجفون وهو فوك رأسي دورت بالتعليقات ماكو ما موجود سحب التلفون وكال
حذفت حساباتها اذن هي ورا السالفه ماكو غيرها.
اخذ التلفون وطلع ودخلت اسيا هاا شصار
اسسيا اووف على حظج لو تدرين صورج وين واصله
الصخام الوجه منو نشرهن
لعمامكم ولد عماكم حارث وحسن وعمج فاضل همزين مو عمج داود ما دازيهن لن هذاك عقليته تختلف ما يتفاهم الظاهر اللي رسلهن يعرف الصله بينكم من خلال التعليقات والاصدقاء وحده من الصور عصام گال مفبركه وحده لا حقيقيه
يمه صخام عزا العزاني هم شفتيهن ما شفتهن اني واضح على? سريع.
وحده أنتِ وهشام بالسسياره ولازم ايدج ويبوس بيها هاي عصام كال حقيقيه بس الثانيه اللي واكفه وهشام حاضنج لا كال هاي مفبركه
، والسالفه من يصير بيها صور مفبركه تخوف ماتشوفين اخوج ما ضربج كاعد يفكر ويخابر ويسأل لن السالفه تريد عقل يشتغل ويمخخها ويفكر بيها شلون تنحل
لطمت على وجهي عزا انفضحنا خل يذبحوني شكوو عايشه خل يذبحوني اني فضحتهم وخزيتهم.
طلعت ركض ولكيتهم واكفين وصحت بيهم اذبحوني واخلصوا من العار اللي سببته الكم اني عار وحقكم عليه بكلشي تسسونه عصام ضل صافن ومروان ما كال باطل اجه مألف ضربني كف ولزمني من ركبتي خنكي وعصام سحبه ودفعه بعيد وكاله
عصام اذا ما تعوفها افرغ المسدس براسك خليني اشوف شغلي بسسسس عاد وانتِ كعدي بمكانج مو وكت دراما وبطولات ما جان تفكرين بهذا اليوم.
ازهار جرني وكعدني بصف امي على? حافة الدرج لزمت ايدها وهي لسانها يردد ادعيه وايات واني اباوع اخواني وابجي مروان يفتر ويباوعلي بحقد ومتحلفلي بالشر وعصام يخابر ما اعرف بمنو ومخبوص ودايخ
عصام كم اخ عدها اي اي واخوها الجبير هذا وين يدوام يعني اذا اروحله للبيت الكاه موجود هسه.
لا يمعود شسوي بالمزعطه اريدلي زلمه اتفاهم وياه السالفه مو مال اكعد احجي واتناقش ويه شاب متهور يكوم يلفها عليه وما يتفاهم ماشي شوفلي اخوها الجبير موجود وردلي خبر انتظرك.
مروان انت شتسسوي لخاطر ربك من كل عقلك تسال على? اخوانها من يكول رشا دزتهن ليش ما تكول حبيب الگلب هشام هو دزهن كالك ما انطوها اليه خل افضحهم واشهرهم بالعشيره وبالاخص بعد ما انت ذليته كدام عشيرته والزلم الجابهم وياه يگول بلكي اضغط عليهم واكسر شوكتهم ويزوجونها اليه غصب.
والله أنت تفتهم عايفلي راس الحيه وراكضلي ورا الملدوغ ورشا لو تريد ادزهن جان من زمان دزتهن شعجب هسه يله تذكرت.
لا لا الرجال ما عنده هاي السوالف وما يسويها هاي سوالف نسوان مو سوالف زلمه اني صحيح ما اطيقه وما انطي مره لو ياذن باب بيتي بس الحق ينگال الزلمه فقير ما يسويها شبي خبل ولو يريد يدز جان دزلك غير صور ليش يفبرك! وأنت أعرف؟
اكص ايدي اذا ما طلع هو وراها شتحجي أنت
انت بس اكرمنا بسكوتك خليني اشوف شغلي
ازهار مروان عافنه ودخل الاستقبال يم عمامي وعصام ينتظر أتصال وشوي ورن تلفونه.
عصام هاا خويه أشسويت يمعود شسوي بيها تريدني اروح اتعارك واطلع لساني واتكابح ويه مره علمود تفضحني كدام خلك الله اني اريدلي زلمه اتفاهم وياه واخليهن كدامه وحده اثنين وسالت عليهم خوش ناس واوادم بس ما ادري هالسكط شلون بنتهم گتلك شوفلي اخوها الجبير حايرلي بصخمينه لخاطر ربك شكد فاهي ديله فضني
ازهار قطع الاتصال وامي كامت عليه
وصال هاا يمه فدوة لطولك أشسويت
عصام كل الخير حجيه كل الخير
وصال رشا شلون عرفتها.
اي لعد منو غيرها وحاذفه حساباتها يعني هي ثبت التهمه على? نفسها بس والله الا اطيح حظها واسود عيشتها كدام اهلها.
عصام يمه واختك فدوه لاتظلمونها بعد خايفه عليها من مروان
خل يأكل محد عليه بيها لاتخافين ارتاحي اسيا قيسي ضغطها
اسيا ماشي عيني
ازهار مشت امي تقيس ضغطها وهو يكلب بالتلفون واني افرك بإيده وامسح بدموعي وباوعلي ورن تلفونه ورد.
عصام هاا يالفاهي أشسويت اي يعني مو بالدوام اكيد بالبيت ماشي يابه كثر الله خيرك نخدمك بيوم عرسك ديله ولي بعدين اخابرك انكلع شكد تلغي
ازهار رجع باوعلي وكال
عصام تندلين بيتهم
ازهار اي اندله ومروان هم يندله مره وداها
عصام ماشي
ازهار راح الاستقبال وطلعت اشوف ومشوا عصام ومروان وحارث صعدوا بسياره وحده وطلعوا راحوا الهم وبابا وعمي واكفين يم باب الاستقبال وسمعت عمي كال.
فاضل غلط منك ما وافقت على? زواجهم الولد اجاكم من الباب ورايد نسبكم يعني ما غلطان الزلمه على? سنة الله ورسوله ليش ترفضونه وبعدين صار اللي صار هسه لو هي على? ذمته جان هالصور ما الها تأثير بعد تكون حلاله.
ازهار شيفيد الحجي والملامه بعد يا عمي رجعت يم أمي وضغطها معلك واسيا حارت بيها خطيه ما عافتها واني كاعده وابجي واخذتني بحضنها وتمسح على? شعري وتسكت بيه.
وصال الله كريم بنيتي تفض على? خير وتصفى سوالف لاتخافين دام اخوج عصام وكف وياج هو يضرب ويقسي بس عقله شغال ويفتهم شوكت يضرب ويقسي وشوگت يشغل عقله.
هزيت رأسي ومر وقت هواي واسيا اتصلت على عصام وجاوبها
اسيا هاا گلبي تاخرتوا
عصام غير ابرد نار كلبي يله اجيكم
أشسويت
كولي أخوانها شسووا وتستاهل من ايدها اني ما إلى دخل وبري من خطيتها اللهم اني بلغت.
وشوكت تجون.
رايح يم عمامي تعرفين الصور يمهم يعني الاحتياط واجب انتِ ديري بالج على امي وعينج عليها
من عيوني لايضل بالك قطع الخط وهنا سمعن كلامه
وصال حسبي الله ونعم الوكيل بيها وتستاهل لعد شتدري اعراض العالم هاي ووما وراها اهل اخوانها
عبالها اخوانها يصيرون ضدها ما تدري بهيج مواقف ابو كرم الذيب ابو الكلفات يرعطها رعط عيني طولك يابه الله يحفظكم.
ازهار بقيت ساكته وموقفي صعب يعني بعد ما يتصلح الوضع صعب انوب ازداد سوء ياربي شلون اباوع بوجه عمامي وبابا واخواني بالاخص اخويه عصام كبر بعيني هواي أصلاً من يومه كبير بعيني عيني روحك خيي يبعد روح اخيتك.
لليل يله رجعوا ودخلوا الاستقبال وحجوا لبابا وعمي فاضل كلشي بس بابا ضل ساكت واجاني أحساس هالسكوت وراه شيء؟
صبينا عشه ومحد أكل وعصام اخذ عائلته ودخلوا غرفتهم واني غسلت المواعين وامي تحجي ويه مروان وتهدي بي بس هو قافله جنيته عليه الا يكتلني والله ما ناقصه كافي البيه.
امي مشت غرفتها لحكت بابا وجلبت بيها وين رايحه اخاف من مروان فدوة لعيونج اخذيني وياج.
وصال لا بنيتي لاتخافين حجيت وياه وفهمته وعصام هم مأكد عليه ومانعه يتقربلج وابوج هم حذرهم لاتخافين صعدي غرفتج نامي وارتاحي انتِ هم تعبتي يله فايته انام راسي يريد ينفجر.
ازهار راحت بقيت وحدي بالمطبخ ومروان طلع من الاستقبال بيده تلفونه واجه فتح الثلاجه اخذ بطل ماي ويباوعلي بحقد والشر تارس عيونه والله ما خفت من عصام ونظراته بكثر ما خايفه من مروان.
مروان شعندج كاعده ليش ما مطموره امشي انطمري بغرفتج يله تحركييي كدامي تحركيي
ازهار صاح بيه وانفتح الباب وطلع عصام وصصاح بيه
عصام اني شحجيت شبيك انت متفهم مو گتلك عوفها تعالي نامي يمنا
مروان ما عليه بيها ختولي تنكبر بغرفتها
عصام لا هواي صدگتك يله ازهار تعالي
ازهار مشيت وعيونه تريد تأكلني فتحلي الباب ودخلت وصاح ل اسيا واسمعه يحجي وياها وخطيه اجتني ولابسه روب وتغطي بروحها.
اسيا يا هلا والله نورت واشرقت مملكتنا اليوم منو ينام يمنا عصام اخذ جهالك وخلصني اني بعد ما اريدكم اجه من يسد مكانهم وزايد
عصام خُفت
اسيا هههه هسه احضر الج فراش
عصام لا اخذ كرم وانام بغرفته وخل تجي تنام يمج خوما تنومينها بالصاله تصلب من البرد.
اسيا اي لعد امشوا غادروا المكان حالاً
عصام اسيا مو اكوملج
اسيا شبيك كمت تغار.
ازهار ضحكت عليهم واخذ كرم ودخل غرفته واني رحت ورا اسيا كعدت على الجربايه وجابت كرزات وعصائر وجبس وفرشت سفره معدله وفتحت التلفون وشغلت فلم وذبت الروب وصورت بالتلفون شتسوين ولج
أسيا اغورهم
ازهار لا خطيه انوب خربت عليكم راحتكم
اسيا لا يمعوده شسالفه نعوض بعدين لاتخافين علينا ما نفوت وقت بدل ضائع اوكفي خل ادزله ماعون هسه اجيج.
ازهار راحت واجتني تضحك هاا ولج.
انصادينا نفش رياشتي بس بقيت صامده ما حلقت للغيوم حرامات.
شعندج سوالف تضحك خرب ونسه أنتِ
اتشاقه اخوج الثكيل لن انتِ يمنا انطاني بطاقه حمره طرد عام وحبيت اضحكج شبيج يمعوده تفرج ان شاءلله لاتنقهرين.
الله يسمع منج ضلينا كاعدين نشوف فلم وناكل وتونست وياها خففت عني وتذكرت ايامنا قبل لا اتعرف على هشام من جان يلتحق عصام واجي ابات يمها وتعلوله وسوالف ونشوف افلام ونكت وضحك وتحشيش من تعرفت على? هشام انكلبت موازين حياتي فوك تحت وكل هذا وخسرته وخسرت كل اهلي وثقتهم وهشام ياريت لو ما خسرانته.
تاخر الوقت ونمت وهي ضلت ترضع جود واجه على? بالي ليش هو هم يروح من البال يارب اسعده وين ما يكون وصبر گلبي على? فراكه.
. الصبح كعدت واسيا لكيتها تگوي ملابس عصام
كمت ورتبت الفراش صباح الخير
اسيل صباح السعاده لروحك الحلوه حبيبي
ازهار فدوه لوجهج عصام بعده نايم
لا من الفجر كعد صلى وما نام وهسه كاعد بالاستقبال هو وعمي وعمج فاضل يمنا.
هاا ماشي عيني مشكورين
تدللي طابلكم عاودا احنه برسم الخدمه.
فديتج، طلعت ورحت المطبخ أمي تطبخ ومروان يفتر وشافني صفن بوجهي وجه غاضب وامي صاحت
وصال مروان ما گافي عوف اخيتك
مروان شمسويلها
ازهار ما شال نظراته عني وحسيت عنده شيء يريد يحجي وياي بي وخفت حيل صعدت غرفتي سبحت ومشط شعري واني طالعه مروان صعد وتقرب عليه
مروان عندي كلام وياج بس مو هسه خوش
ازهار هزيت رأسي ومشيت ونزلت لكيت اسيا كاعده وتكلب بتلفونها وساعدت ماما لن عمي يضل? الغده كعدت انظف خضروات واسيا كالت.
اسيا هذا مروان شبي مو صاحي أبداً
ازهار ليش شمسوي
تعالي شوفي شنو ناشر اقري الكلام مالته لحظه اعلق اله خل اسوي تاك لزلمتي.
عقلت تعال شوف راح يهجمون علينا زومبي ورد عليها احظرج من الكوكب كله بس ما حظرها بس هددها ضحكت عليهم وعصام تفاعل بضحك.
وصار وقت الغده وخلصنا وغسلت المواعين وعمي وبابا طلعوا يمكن راحوا بيت جدي على جديتي اكيد ما تدري احنه ما نبلغها بمشاكلنا.
للعصر عصام وأسيا اخذوا كرم دكتور اخصائي تغذيه وجود هم مصخنه طلعوا من وكت وامي راحت وياهم وبابا ما جان ما موجود بس اني ومجد ومروان فوك نايم بغرفته وخايفه منه يارب يضل نايم لما يرجعون للبيت.
كاعده بالمطبخ لوحدي وضوجه كلت خل اسويلهم العشه من وكت وتاخر الوقت وما اجو كمت طلعت كبه كلت خل تموع وياها بورك وطلعت لحم اثرم بي اسوي مخلمه ونزل مروان وبيده تلفون لاحظت عليه زين هذا تلفوني شجابه يمه مو جان يم عصام شرب ماي وتقرب عليه واني متت خوف
مروان لاتخافين وتعالي وراي ل الاستقبال
أزهار ذبيت السجينه ومشيت وراه وشفت مجد بالحديقه يقرأ فتحلي الباب ودخلت وراه كعد وهو واكف
مروان هذا تلفونج؟
اي تلفوني.
أفتحيلي الرمز
ليش أفتحه
شنو ليش تفتحينه والج عين وتسألين شگد صلفه لعد شو يله فتحي
أعذرني مروان ما أكدر افتحه الك مو من حقك تلفوني وبي أشيائي وخصوصياتي يعني عيب تشوفهن ما حسيت غير ضربني گف وسبحني من شعري بقوه
اشيائي وخصوصياتي وتگولينها بكل وقاحه وبدون مستحى وكدام أخوج ولج هسه من الزمج وانعنع عظامج احد يمنعني لا
مروان كافي والله حرام عليك اللي تسوي بيه
حرام عليه شو فتحي الرمز يله
ما افتحه والله.
فتحي الرمز داكولچ
ما افتحه عندت وعافني ومسح وجهه وتغيرت ملامحه هدأ
لاتخافين مني ما أذيج وثقي بيه خافي من عصام اذا فتحه وشاف اللي بي شيسوي بيج
عصام ما يفتحه لو يريد جان فتحه من اول مره
ولج صدگتي بي خايف عليج وحنون ترى يمثلج وهو اكثر واحد رافض زواجج ف اذا فتحتي وامني بيه ما راح اذيج واحذف گلشي لن تلفونج ما اكدر ابقي هيج وهو بي سوالفج فهمتي عليه
يعني تخاف عليه
اي لعد شعبالج
گول والله
لاتخافين مني.
تقرب لزمني من وجهي بحنيه وابتسم وغمض عينه بس ما تقراهن اني امسحهن وانطيك التلفون
ماشي متفقين
انطاني التلفون وفتحته گبل سحبه من ايدي وجلبت بي مروان جيبه مروان عفيه لااا مروان دفعني ودخل على? المحادثات يقراهن كلهن والاتصال والصور وضل يكلب بحدود النص
ساعه واني ابلع بريگي من الخوف تقرب عليه ولزمني من شعري بحيث رفع رأسي لسما
شجنتي تسوون من تحجون كاميرا هااا
ما نسوي شيء شنسوي يعني والله بس نحجي.
بس تحجون مو وشتحجون ادبسزز
والله العظيم سوالف عاديه مروان رگبتي راح تنكسر ضربني كف وكعني بالكاع وجابلي الحزام لا مروان لا فدووه ضربني على? ظهري وصرخت بوجع وضربني واجت بوجهي لا مررررروان دخيلك لااااااا
صورج كلهن عنده ولج ادبسزز تحجين وياه اتصال وفاتحه وياه كاميرا اليوم اقضي على? حياتج اموتج.
يضرب بدون رحمه وجرني من شعري ملخه بيده وسمعت صوت عصام وامي وفرفحت ودفع الباب بقوه وهجم عليه قضه عليه بوكسيات واخر شيء نفضه من تيشرته وعاط بي وامي ركضت اخذتني بحضنها وتبجي عليه
عصام ولك جان استحيت على? شاربك استغليت غيابي عن البيت وأستفردت بيها واني محذرك ما تتقرب الها وسيادته كالك اشنقك اذا تضربها ليا ناقص گافي عليك تفله.
مروان مو ناقص بالاول شوف اختك شمسويه ولاعبه لعب شوف المحادثات شوف الصور شنو دازتله
ازهار سحبه وشمره على? التخم بدون ما يباوع ورجع گاله
عصام وأنت شششششگوو تفتحه وتقرا المحادثات وتشوف صور اختك منو سمحلك مو عيب عليك ولك تلفونها شكد صارله يمي ما فكرت افتحه ولا افكر
بس گولي غيرتك وين من جابرها تفتحلك التلفون ما الك حق عيب لك تعرف شنو عيب شيء صار وأنتهى غلطت وتعاقبت لا يوميه نعيد بالسيناريو نفسسه.
شنو منو سمحلي غصباً على? راسها وين عايشين احنه ما نقرأ ونشوف شمصخمه الخاتون
انت شفت الافنديه جانت تحجي وياه اتصال كاميرا هاي فكرت بيها لااااا متفكرووون طبعاً
ازهار لزمه بقوه وعاط بي.
عصام عقلك الخايس والوسخ والافكار البي لاتطبقهن وتشوفهن بغيرك لن مو كلها نفسياتهم خايسه مثلك ف لاتكوم تجفصك وتخربط بسوالفك لا قسم بالله ادفنك بكاعك واكول للعالم استشهد اني مو ناقص غيره وشرف تجي أنت تعلمني شفكر وتزرع الافكار براسي اختي اعرفها شنو واعرف هشام شنو من طينه طينته ف تنجب وتسكت.
ازهار نفضه ودفعه وسحب التلفون وقفله ورجع مروان گال.
خوش تبررر افعالها باجر تشوف نفسسها ما غلطت تكول اخويه واكف بصفي ويشجعني شنو يعني خل اغلط انوب انت تضرب منا وتطبطب على? ظهرها منا أشسوينا لعد
انجب لك مو اني مثلك نفسي وسخه اقرا محادثات أختي وابحوش بصورها ولك جان استحيت بعدين تلفون جنت ضامه بسيارتي شلون لكيته وشعليك بي
لكيته وخلص
تلفونها يضل يمي وانت تاكل نعل مكطعه على? حلكك خوش.
ازهار امي كومتني وعبرت مروان وصفنت بوجهه.
وصال عبالك ضربك لاختك ما اله حوبه باجر تعثرك يا ابن بطني مع الاسف عليك يا يمه.
ازهار اخذتني الحمام سبحتني وشافت الاثار وضلت تبجي عمت من الدموع ولمتني بحضنها وتشهك
اخذتني لغرفتها ونومتني بفراشها وكاعده يم رأسي وبهل الاثناء دخل بابا متفاجئ
كمال شكو شبيكم
وصال كمال گافي بنتي ما جايزه منها واحد يحلها واحد يلزمها شوهه جسمها شنو محد حب كفرت خوما كفرت والولد مرتين اجاكم وطردوا.
كمال اني مو منعت احد يتقرب الها منو كسر كلمتي وضربها مروان لو عصام
وصال عصام مرضي بس العاقل السكوتي لكيناه فاتح تلفونها وصابغ جلدها ليش من الله متخافون مو هاي نثيه عذبتوها شلعتوا گلبها كافي كمال كافي
كمال ولك مروان مروان.
ازهار بس لا يضربه كمت ركضت وراه بابا واكف بالنص وعصام طلع من غرفته ومروان نزل من فوك يمشي على? كيف بابا تقدم راد يضربه وكفت كدامه لا بابا دخيلك لا اضربني اني بس هو لا ما اريد عائلتي تتفكك أكثر بسببي اعرف حجم غلطتي وما بيها شيء اخويه واكبر مني وضربني يمون على? ركبتي ميخالف بس لاتضربه فاتحه ايديه اثنيهن وبابا رافع ايده نزلها واني دموعي يجرن بالكوه اشوف.
كمال هالمشكله اني راح احلها من ساسها واريد كواد منكم يفتح حلكه الا اعلكه بالبكه سبع ليالي اذا اكو بنكه تشيلكم واحدكم بكد الثور لا عقل لا فهم بس شاطرين بالضرب والصياح دماغززيه.
ازهار عصام دخل وما حجه شيء واسيا ضلت واكفه ومروان رجع لغرفته وبابا طلع وتقربت اسيا ضحكت وكالت
اسيا هواي متاثره باب الحاره شنو هالابداعيه
مو وكتج اسيا يبقون اخواني قبل عصام وهسه مروان گلبي ما يتحمل اكثر.
لعد ليش رجلي ما دافعتيله ما قلتي ابو عصام من ضرب معتز لو لن شن هجوم كاسح على? هشاموا
ضحكت ما تجوزين من سوالفج
خوما اذاج
اي والله
شكد نزل من عيني جان فقير وعاقل وسأكت طلع داهيه الحمدلله والشكر على زلمتي يمه گلبه ابيض وحنين ما يحقد مو هذا حقود ومبين گلبه اسود وافكاره فد وسخه صدمني من گال اتصال كاميرا قرف شنو هاي من كل عقله هيج يفكر.
كلمن وعقليته وتفكيره
يله گلبي اروح على جهالي.
أخذي راحتج حبيبتي راحت واني رجعت يم أمي وضلت زعلانه ما تحجي وياهم كلهم حتّى بابا زعلت عليه والبيت متكأب لن ما تحجي وياهم تسوي واجبها تجاهم بس يحاجونها ما تجاوبهم وهما تخبلوا
عصام يمه شسالفه ما تسمعينا صوتج يمه عيني أنتِ يل صوتج نغمه رنانه هسه اني ليش زعلانه عليه.
ازهار يبوس بيها وساكته ومروان شافها هيج بدال ما يراضيها صعد لغرفته ومن الصبح التحق بدون ما يگول النا حتّى ما كلفنا لا بكوي ولا بتحضير ملابسه
وضلينا على هل الحال ونزل مروان بس جانت اوضاعه مخربطه ودايخ وطول الوقت صافن شغل بالي حسيته ما مرتاح واكو شيء مضوجه وشاغل تفكيره.
بيوم عمي فاضل وعمي علوان ولده اثنين وعمي داودد ولده اربعه وعصام جان متحضر ما عرفت ليش ومروان نزل هم كاشخ ودخلوا الاستقبال وحضرنا الجاي والاستكاين حسيت امي تعرف لن وجهه جان مورد وسمعنا صوت وركضنا واسيا نباوع من الشباك باوعنا الكاميرا ست سيارات كلهن فخمات نزلوا منها كومه زلم كلها شيوخ وضباط باوعتلي اسيا وكالت
اسيا باعي اهناك منو نزل باعي زين.
ازهار منو ركزت وهشام هذا هشام يعني هاي المشيه اليه شهكت وبجيت وحضنتني اسيا وبجيت بحزن وطلعوا كلهم سلام ومباوس بس كلشي بالرسميه دخلوا الاستقبال واحنه مشينا المطبخ واجه مروان اخذ الماي والجاي وعصام اجه دخل الغرفه وطلع وباوعلي وحجه وجه كلامه النا اني وامي.
عصام والله لو مو يجيبلي ست سيارات لو رتل عسكري لو مو شيوخ وضباط لو يجيبلي الامه والائمه ازهار ما يشوف أظفرها وطردته مرتين وضلت الثالثه احمله وأدزه ل أهله
ازهار امي ما جاوبته وهو ضاج ومشه ل الاستقبال
مر وقت هواي بحدود الساعه ادري شتحجون بهل الاثناء صار صوت عالي وطلع عصام مزعوج
عصام اني ارفض وهو يوافق اشسوينا احنه لعد اني شنو دوري كأخ واخوها الجبير.
ازهار بهل الاثناء طلع بابا وراه مروان وسحبهم لغرفة عصام وقفلوا الباب واني واسيا نسمع
كمال گافي مهزله فضحتونا خلاص هذا الموضوع لازم ينسد واللي أكوله يتنفذ لاتخززوني كدام الكاعدين
مروان سيادتك ليش انت خليتنا نحجي ما انت موافق وخلاص يعني كل دور ما النا كأخوانها حتّى تفشلنا نحجي شيء لن الاخ جايب سيد وجاي يعني كبل يعقد عليها.
عصام احمله هو والسيد مالته وازهار متصيرله مره لا وفواكاها جايبلي شيخ عشيرتنا هذا وين يريد يوصل
كمال يريد أختك افهمها شلون ما تفهمها واني ما مستعد اخسر أختكم بسبب طيشكم وغباءكم بس تضربون بيها لو واحد منكم يسكطها وين اروح من خطيتها.
عصام سيادتك خليها عليه والله ما تتندم وازهار اخليها على??اسي والله محد يكرب صوبها بس لاتكسر كلمتنا وتنطيها اله وننفضح بالزايد انت هيج جاي تشجع على? الغلط بدال ما تصلحه تزيده
شوفوا ولكم اني سويت الكم قدر وقيمه كدام الكاعدين وكتلهم اخذ رأي اخوانها بس انتوا مو مال تقدير واحترام.
سسيادتك لاتكسسرني بزواج ازهار من هشام يابه زواجها غلط بغلط مو من مستوانا ولا مستواها هذا فقير وحاله على? كده ما تعيش وياه والله ما تعيش اختي واعرفها معلمه على? الدلال واللبس وطلعات والاكلات والتوصيل شغال على مدار الأسبو?.
. اني ما مستنقص منه لن فقير حال بس فرق الطبقات يدمر اكبر علاقه لن هي من مستوى وهو من مستوى ما راح يتفاهمون ولا ازهار تكدر تعيش وياه يعني عليك الله تريد تقنعني ازهار تعيش على? مصرف سايق تكسي يا دوب يدبر العلاكه وبركبته اربع نسوان وحده من اخواته ارمله وراها جهال وامه مريضه وبيتهم 150 متر وتعبان وهو المعين الوحيد الهم لا راتب لا شئ شلون تزوجها اله شلون
مروان صدك تحجي هذا طلع حافي ومنتف.
لعد هاي السيارات مأجرهن الافندي يتفخخ علينا
كمال مروان عيب شنو هالحجي وهذا هو
هو رجال ويعرف يدبر نفسه يعيشها ويتحمل مسؤولية أهل وزواج وبيت وهذا اختيارها بعد واطلع من خطيتها خاف بعدين تكول ابويه ظلمني.
عصام سيادتك صدك هيج تفكر شنو اختيارها ليش وين عايشين احنه نمشي على رايها ترة احنه اكبر منها واعرف بمصلحتها وهالزواج من مسووليتنا احنه خل تكول ابويه ظلمني برفضه تبجليها أسبوع اسبوعين وتسسكت ولا ترجعلك مطلكه ومنزله رگبتها هذاك الوكت شيفيد الأختيار.
كمال الظاهر أنتوا الحجي وياكم ما منا خلاص والجماعه ينتظرون اني ماشي تحبون تحضرون كاخوانها وانتوا ساكتين ما تحبون ابقوا لاتفضحوني كدام العالم والشيخ العشيره مالتنا والضباط.
عصام يعني شنو تنطيها اله
كمال اي
ازهار رجعنا دخلت المطبخ وطلع بابا ضايج توجه الاستقبال وطلعوا اخواني وكفوا بالصاله مخلين ايديهم ويفترون وعصام لازم رأسه واجه گبل على امي وكال الها.
عصام أنتِ وراها مو والله شگيت وكلت هالسكوت وراه سالفه يعني صارلج ايام ساكته ومزاعله الكل علمود هذا اليوم ما تحجين ويه ولدج علمود هشام ننزل ونلتحق زعلانه علينا علمود هشام طلعنا قندره ما نسوى لا كلمه لا راي لا شور
يعني والله وصلت بيه اطب واخلي طلقه براسه لما العيب واكف براسي من الشيخ والزلم الكاعده اخ الله.
ابقي ابقي ساكته ابقي ابقي لاتحجين ابقي بس من ترجعلج ورقتها بيدها هذاك الوكت بيج خير واحجي يابه والله اذا طلگها ورجعها شسوي بيكم اشهركم لن انتوا الاساس أنتِ وابويه ادري بنيه ما كدرتوا عليها كلمتين وراجدين وابوك الله يرحمه بس اكلوها اكلوها خليكم خليكم اني ليش متعب نفسي لييش حارك اعصابي ليش حارك اعصابي.
والحلف والاقسام القطعتها على? نفسي منو يوفي دينها منو يحملها برگبته منووو هااا.
وصال صوم وفگ دين حلفك وقسمك
عصام ترديني اصوم علمود هشام والله لو اعرف ادخل جهنم هشام ثانيه وحده ما اصوم عليه.
ازهار باوعلي ما مرتضي ومشه وجر الكرسي وكعد بالصاله وخله ايده على راسه ومروان يفتر ويدخن وعينه على باب الاستقبال وكرم تقرب على ابوه وعاط بي
عصام تعالي اخذي من وجهيييي.
ازهار ضليت حايره من شفتهم هيج محتركين حرك بالاخص عصام نار ومشتعله ردت اركض واحضنهم واكولهم اللي تردونه يجرالكم اني ما موافقه بس عاندت گلبي
وانفتح الباب وطلع حارث وكال الهم
حارث عصام مروان واحد منكم يجيب المحروسه اختكم يعقد عليها
ازهار عصام منزل راسه ومروان ضل ساكت
عصام وين اجيبها بنص الزلم خل سليمه يجي أختي خطوه ما تحرك من مكانها هذا الموجود اذا ما شلعت گلبه.
حارث عصام يمعود استهدي بالرحمن هاي هي قسمتها بعد كول يالله شو كوم عيب من الاوادم الكاعده
عصام عوفنيييي حارث رحمه لامه محمد عوفنيي
ازهار امي راحت غرفة بابا جابتلي بركع ومروان شافه ضل صافن يربي مختنگين والله امي لبسته اليه وهما ضل صافنين عليه ومشيت من كدامهم عصام صد وجهه عني ومروان انطاني ظهره
وصال يله يمه ازهار امشي.
ازهار مشيت واخواني ما يباوعون بوجهي وصلت الباب مفتوح شويه منه وهشام گبالي حتى ركزت عليه وفرحتي مكسوره.
وصار الكلام واردد وابجي واعاد عليه من جديد بسبب صوتي ودموعي وتمت الموافقه واتم الزواج وارتفعت اصوات المباركات ومروان دفر المزهريات مالت دخوليه الباب يكون گبار وشكو مزهريه كدامه كسرها وضرب الكاميرات بوكسيات وسواهن تراب وشال السويج وطلع من البيت وعصام على? كعدته ما تحرك من مكانه اشهك ودموعي ما نشفت مشيت بنص الكزاز وهوسة اخواني وزعلهم باوعت على? عصام اباوع على? شفايفه ترجف وايديه يرجفون وعيونه دم ونزلت دمعته يمه دمعته شكد عزيزه مشيت لعنده خويه نهض ومسح دمعته وعيونه جمر وصفن بوجهي وكال.
عصام گسر عيني وأخذج
ازهار سهم ونبته بگلبي نزلت?أسي ومشه للغرفه وسمعت الباب انقفل أسيا طبطبت على أكتافي تواسيني وتباركلي
اسيا مع الوكت يتقبلون لاتزعلين ومبارك حبيبتي تستاهلين كل الخير بالرفاه والبنين يروحي ربي يسعدكم ان شاءلله عوفي الحزن هسه وكت الفرح ولج صرتي لهشام.
ازهار اسيا أنكسرت فرحتي يا فرح واني أهلي مو راضين على زواجي وأخواني زعلانين مني يا فرح أسيا نار مشتعله بروحي خسرتتهم خسرتتهم وخسراتهم جبيره ما تتعوض حضنتني وبجيت على? كتفها وكعدنا بالصاله ومر وقت والزلم علنوا عن اصواتهم طلعوا راح يرحون ومجد جاب الاستكاين ولم الكاسات وكلهم راحوا واجه بابا تقدم وعيونه مليانات دمو? باسني من راسي كبل حضنته وتمسكت بي وبجيت بحضنه بابا بابا حبيبي يروحي اشتاقيتلك حيل اشتاقيتلك والله ضعت من دونك الدنيا تخنك مالها طعم بابا حبيبي حاضنته وابجي واشهك بصدره واشم بريحته وامي عيونها تصب دموع حتّى أسيا تبجي باسني من بين عيوني ومسح دموعي وكال.
كمال الله يسعدج بنيتي سويت اللي يرضيج وطلعت من خطيتج واريدج تكونين سباعيه وام بيت وتتحملين المسؤوليه ورجلج تخلينه بعيونج هو واهله ومثل ما انا احنه اهلج هما هم اهلج وتضمين سرج وسر بيتج وعيالج وتحترمينهم كلهم بابا من زلمتج لأصغر واحد بيهم اني ربيتج بالغالي وداريتج بماي عيوني واريدج ترفعين رأسي ويكولون ونعم منها ومن تربيتها ما اريد يذمونج ولا يلومونج على? اختيارج ويلومني لن انطيتج اله فهمتي عليه.
اي بابا فهمت عليك وكلامك مقدس عندي
الزواج مسووليه عظيمه والله يسعدكم ان شاءلله
ما كدر يكمل كلامه راح لغرفته وبجيت وامي تسكت بيه ماما حبيبتي ما أنسى وكفتج وياي لولاچ يمكن اضيع
وصال المهم عندي اشوفج سعيده ومرتاحه ومتأكده هشام راح يسعدج خليج قويه تمام امي
ازهار تمام مسحت دموعي وباستني
وصال أروح أشوف ابوج
ازهار ماشي راحت وضلينا بس اني واسيا وشوي وجود كامت تبجي وعصام صاحلها
عصام اسيا وينج.
أسيا اجيت عيني يله حبيبي روحي ارتاحي ولا تشغلين بالج تمام شو تعالي بوسه من هالوجه الحلو ولج وجهج ما يلوگه الحزن انت حلاتج بس الفرح
اسيا عسى ما أنحرم من حنيتج
ولا منج يروحي يله اروح على جهالي
الله وياج راحت وضليت لوحدي بالصاله الكزاز منثر بكل مكان والارواح حزينه ومروان ما رجع للبيت لحد الان مجد عبرني بدون كلام يمكن تاثر بموقف أخواني واخذ على خاطره.
نهضت بتعب وصعدت لغرفتي غيرت ملابسي وتمددت بسريري ولزمت گلبي وبجيت ما حسيت بطعم الفرح واني صرت حلالك زواجنا خالف كل القوانين مو بس الاهل كلهم أن شاءلله تستحق هالتضحيه يا حبيبي مبروك علينا غمضت عيوني والدمع يهل منهن.
يل جنت مفكره نفسي فزت وانتصرت عليه خاصه بعدما غلقت حساباتي بس العكس ما جان هيج العزله والصفنات والافكار التاخذني وتجيبني خلتني أصحى على? زماني واستعيد أسمي وهويتي اللي طمستهن بالوحل.
مر أسبو? واني روحي ساكنه وهادئه بس الافكار شغاله ومثل المكينه صوتها يرن بدماغي وكلامه يتردد بمسامعي شعور الندم ياكل ويشرب وياي اني شلون صرت هيج نذله وتماديت وياه وتجاوزت عليه وكلتله تطلع حوبتي بأختك هي شعليها وهي بنت عمي اني ليش هيج غبيه ليش ياربي اشسويت بعمري يربي سامحني.
وصلت للموت الكلام ماذي بحقي هواي مأذي كلامه ما جاي يطلع من راسي احسسه يصيح بالغرفه كمت اسد اذاني لدرجه وصلت لمرحله تقبلت الغلط واعترف اني غلطت مروان ماله ذنب اني دخلت حياته وقلبت موازينه اني جذبته اني فتحتله الابواب المغلقه اني خليته ينحرف ويعبر ويتجاوز حدوده وياي خاصه بعد كلمته اللي كالها جنت عبالي تطلعين بنت اوادم طلعتي انكس منهن بهواي هاي الكلمه خلتني اعيد حساباتي سنه ليكدام والغلط مو بي الغلط بيه اني.
التزمت بصلاتي بس جنت احس صلاتي ما مقبوله لن عيشته برعب وتهربت منه صرت انانيه وحقيره اكثر منه هو حظرني لن الموقف الصار بينا ما كدر يتقبله ونزلت من عينه وصرت حالي حال العاهرات اني ليش هيج سويت بي بالله صارله شيء يربي.
كمت فتحت تلفوني ردت ارجع حسابي تالي تراجعت لا ما ارجعه خل اشوفه من حسابي الاصلي رحت على حسابه هو صديق هديل لكيته مغير صورته لابس اسود وشفقه وبظهره مثل الضباب ما بيين منه شيء بس سكن گلبي الخوف من قريت كتابه النص فوك الصوره اقرا وايديه يرجفون يعني شنو قصده؟
مروان سوف نلتقي قريباً ولاتظن أنك هربت مني فالعقاب قادم فلا تنسي من انا وماذا اكون هذا تحذير أخير??.
بلعت ريگي ويييي الكلام مليان رعب يمه گلبي ايديه لزمتهن الرجفه ودخلت على التعليقات عصام معلق اله
امسح هالاكلان
وحارث معلق اله الله حيو ابن العم روح والهوا بظهرك
هديل معلقه اله ابن عمي العلم لوكيه تطيري انتِ وابن عمج المسقط واسيا زوجه عصام مسويه تاك لعصام وكاتبه تعال شوف زومبي راح يهجمون علينا وعصام منطيها اعجاب اضحكني ومروان راد عليها أنتِ راح احظرج من الكوكب كله.
والباقين كلهم تمجيد اله لن الافندي عنده مجمتع رجعت اكلب تعليق عصام انمسح يمكن حظر اخوه
رجعت اقرا النص وكمت ابلع بريگي يعني شنو قصده بهل النشر يعرفني اني مراقبه حسابه فنشر
رحت بحثت على النت وريتني ما بحثت انصدمت شمرت التلفون صخام اني وين مدخله نفسي اشسويت اذا هسه دخل علينا يمه واهلييي وحارث وامي وابويه وعمامي وهذا كح يشهرني ويلفها عليه والله يذبحوني.
أيديه يرجفون وكلبي يدك سريع ونفسي ضاك عليه ياربي اشسويت ياربي سامحني واستر عليه والله التوبه بعد ما اعيدها والله افتر وادعي واتوسل يارب
بقيت الليل كامل عايشته برعب وابجي ما اعرف المن اروح المن اشكي همي ومصيبتي ومنو راح يفهمني ويوكف وياي واني متأكده كلهم يصيرون ضدي ويردون القصاص محد يحك مروان كلها تكول اسيل مذنبه اي اني مذنبه بس محد يغفرلي ذنبي.
ساعه ساعه روحي تغيب عني شعور الخوف العشته بهذاك اليوم يخلص عمري وما انساه ولا انسى العشته والمعانات العانيت منها مروان عيشني بكابوس اظلم ومخيف عالم مليان رعب وخوف.
كمت افز من اي صوت الشباك اذا تحرك يفز گلبي ودموعي ما يتسولف عليهن لحالهن علن الحداد كمت سديت الشباك زين لن الصوت ما خله عقل براسي من الخوف العشته رجعت نمت بفراشي وشديت على الغطا واتخيله بالصوره الناشرها يفتح عليه الباب وراه حارث بإيده سجين واصرخ بصوت مكتوم ضاغطه على شفايفي بقوه گافي عوفني فدوة والله مالي ذنب.
المن تروحين المن تروحين المن تروحين منو يسمعج اسيل منو يفهمج اسيل اروح على عصام لا لا هو حذرني منه يمكن مثل حارث ما يتفاهم وياذيني اروح اراسل هديل لا ما اظن توكف وياي راح تكعد تلومني وگبل تروح تراسل عصام تلكاها حجه علمود تحجي وياه اختي واعرفها لا ختولي اكول.
ل ازهار لا خطيه انوب اخوها يرجع عليها ويكولها متورطه وياها لا لا ما اروح اراسل اي احد كلهم كواويد وانذال ويصيرون شرفاء ب?اسي محد يگول عليه خطيه والله گبل يذبحوني يمه واموت يمه.
احجي ويه روحي مثل المخبله بمنشور واحد دمرني نزلني للقاع لعد اذا صار گبالي وجه لوجه شيصير بيه اني جذابه اتظاهرات بالقوه كدامه وهو يعرفني جبانه واعشقه وبس ينفخ عليه اطير موت اليكرفج اسيل.
صحيت على أمي تكعد بيه وترش ماي على وجهي وعلى ملامحها الخوف والهلع وتشيل بإيده وتنفض بجسمي احس بلمساتها بس روحي مو حاسه بيها لهيب مشتعله نيرانه بإجزاء جسمي اخر محاوله نغزت گلبي على نغزه أبره أمي شايلتها بيدها وكلها دم رفعت عيني مليانات دموع باوعتلها بحزن معتم.
جنان أسيل بنيتي حاجيني شبيج متحسيين بگلشي من البارحه نايمه وهسه دنيا الليل دزيت عليج الجهال يكعدونج ونزلوا كالولي بيبي عمتي نكعد بيها متكعد ولج شبيج حاجيني شنو اليوجعج اجتج الشهريه مو وبطنج تاذيج اسيل حاجيني لاتباعيلي هيج.
أسيل جاوبتها ما بيه شيء.
جنان شلون ما بيج وأني صارلي ساعه انفض بيج وأنتِ متحسين بيه الا نغزتج بالابره يله فزيتي شو كومي اسبحي اخاف حرارتج مرتفعه ونابته بالعظم عظامج تصل عليج يله كومي
أسيل اخذتني وترفعني من الكاع وارجع اوكع اخر شيء عاطت وصاحت ابويه
جنان ولك ابو حارث الحك اسيل ما اعرف شبيها.
اسيل فتحت عيوني بالاستقبال على التخم وامي تمسح على راسي وتقرا ايات وحارث هم موجود باوعتلهم واحد واحد وبابا گال.
علوان حارث امشي ناخذها المستشفى
حارث كلشي ما بيها يمعودين ضغطها مصفر هسه تصحصح ولج اسيل شلونج هسه هاا حاجيني زينه
اسيل الحمدلله احسن يباوعلي ورن تلفونه هو وواكف جاوب
حارث هلا مروان.؟ هاا وين أنت اجيت اتفضل لعد ليش يم الباب يله على? راحتك يله جايك اني انتظرني
اسيل فز گلبي ونهضت مرعوبه واريد ابلع ريكي وحارث طلع وكال
حارث اني طالع يمه الجهال راح ابقيهم من ارجع اخذهم
جنان ماشي لا يضل بالك.
علوان شيريد منك أبن عمك مروان
حارث علمود سالفه
علوان لاتخلي يروح اعزمه على? العشه عيب
حارث اذا يضل اعزمه ليش لا مروان ورده
اسيل حارث طلع وبابا ضل واكف يمه اروح ارتاح بغرفتي
جنان لا يمه ابقي جوه بعدج تعبانه.
اسيل لا تخافين عليه ما بيه شيء مثل ما كال حارث ضغطي نازل هزت راسها وصعدت غرفتي دورت على تلفوني ولكيته منين اجيب رقمه معقوله عرفني لازم اتواصل وياه وامنعه مستحيل اخلي يگول الهم بالاخص حارث، اكيد حدد الموقع وعرف مكاني وعرفني وخابر على? حارث يحجون بسالفه وهالسالفه اني يمه صخام وعزا وطين ب?اسج اسيل
كمت صليت وكاعده على? سجادتي وابجي باوعت الساعه لازم اسوي شيء بلكي ما حجاله شلون يحجي هو هم غلط وياي.
رحت سجلت دخول لحسابي القديم بعده الشركه ما حاذفته ولكيته داز الرساله وحاذفها وجان فاتح نت ايديه يرجفون وكتبت اله مروان جاوبني بكل ثقه
نعم
شفتها ما رديت رجع كتبلي
ما يحتاج تنشرين المقطع اني راح اجي انشرج بيدي دقايق واوصل بابكم والكفج ونتواجه على المكشوف وجه لوجه وطلعي عضلاتج عليه من ورا الكيبورد أنتِ بيمن مندكه ولج ويامن خليتي رأسج
مروان حباب كتبتها عالسريع.
گتلج اهل اهلج انبشهم وماكو اسهل منها حددت موقعج وجايج واشوف منو اليهددني ويندك بيه.
خرطت العافيه وابجي والطم كبل كتبت عالسريع لاااافدووه مروان اني عرضك وشرفك ومن دمك ولحمك والله اهلي يموتني والله اني مظلومه يا ابن عمي
ابن عمي؟
اعرف ما قدرت هالكلمه ابن عمي وتجاوزت حدودي وياك وغلطت وغلطتي ما تنغفر واني طفله وانت الجبير واعتبرني اختك واستر عليه اني عرضك وشرفك
لحظه لحظه عيدي شگلتي
شسمه.
وكعتي بشر اعمالج تعالي ولج طلعتي من كرايبي يا عم منهم راح اتصل جاوبيني خوش والا اعدمج.
وكعت على السرير كدر يضحك على? عقلي وبكلمتين سحبني وجرجر لساني واني الثوله من الخوف اعترفت على روحي غمضت عيوني وكلت هاي هي شيصير خل يصير اول تالي يعرف خل يعرف هسه احسن ما بعدين انفضح وواحد من اهلي يلكفني واروح بالرجلين هو ولا غيره، أتصل وجاوبته وصوته ما مسموع هوسه
راح ادزلج رقمي خابريني على? الرصيد
أنت عرفتني.
خابريني
ما عندي رصيد
دزيلي رقمج
دزيته اله ولحظات واتصل كمت قفلت الباب وجاوبته فشلانه منه الو
شوفي مال اني عرضك وشرفك وبنت عمك هذن الكلاوات ما يعبرن عليه لن ما عندي بنات عم سافلات ومنحطات ومطلقات مثلج وامثالج يا ناقصه كلهن بنات بيوت ومستورات عليمن تجذبين شوفي ولج لحد الان ساكت ومطول بالي وخلگي وياج ف الاحسن الج گولي منو دازج عليه ساجوسه؟ وشكد تردين ادفعلج
مروان
خ عوفيلي اسمي هسه احجيلي بالنظيف.
يعني ما عرفتني
شوفي بالكوه واكف احاجيج رحمه لكل عزيز عندج جاوبيني على? كد السؤال
اني بجيت وهو ساكت اشهك بالكوه كلتها اني بنت عمك علوان أسيل اخت حارث وحسن
كذب لاتكذبين بيت عمي واعرفهم تربيهم مسك واخلاقهم مشهودلها منو دازج علينا ولج
والله ما جاي اكذب شبيك
شسمج كلتيلي
أسيل
أسيل تشاقين
لا والله ما داتشاقه
شنو اليثبتلي صدق كلامج
والله العظيم ما داكذب عليك.
تردين بحلفج اصدك؟ من يكول ما جاي تتبلين عليهم لو تطعنين بشرف بنات عمي لن بنات عمي العز والشرف گله لج ادبسزز
ليش متصدگني جاي احلفك والله
اريد دليل شلون اصدگج بله
حارث يمك قبل شوي خابرته
أي جان يمي علمود سالفه هسه راح
أنت جنت جاي علينا
اي صحيح
هسه صدگت
لا مستحيل يعني أنتِ أسيل بنت عمي علوان
اي أني بهل الاثناء اجاني صوت حارث ويدك بالباب
حارث اسيل فتحي الباب اسيل
اسيل لازم اروح
مروان وين موليه.
اسيل ما اكدر حارث اجه والباب مقفول ما تسمع صوته راح انفضح باي قطعت الخط وحذفت المكالمه وحارث كسر الباب شمرت التلفون على الرف حتّى ما سجلت خروج من الحساب ولا حذفت المقطع حسيت هاي نهايتي الاخيره.
فتحت الباب وباوعلي بشك وكال
حارث شجنتي تسوين ساعه ادك بالباب ما تسمعين
اسيل جنت نايمه ما حسيت
ونايمه بابج شگو قافلته ما تحجين
اسيل من ورا الجهال وراسي يوجعني كلت ارتاح بغرفتي والله نقذتني امي من كالت.
جنان حارث انزل مروان اجه عليك
اسيل ورن تلفونه مكتوب مروان
حارث هسه جنت يمه هاا ابن العم يا هلا بيك صدك جذب تدلل على? طلي راح انزل اجيتك شبيك مستعجل اجيتك يمعود
اسيل نزل وهو يحجي على? التلفون بعدني واكفه وصاحني
حارث نزلي ساعدي امي بالعشه يله
اسيل اي جايه ركضت سجلت خروج من الحساب
ورجعت التلفون ونزلت جوه وامي انخبصت كامت تطلع لحم من المجمده شسوين يمه.
جنان ابن عمج مروان يتعشى يمنا عيب من عنده روحي طلعي كبه من الفريز يله تحركي.
اسيل اي هو اجه لو بعده
جنان لا واكف بالباب هو اخوج
اسيل بلعت ريگي وطلعت الكبه واجيت خليتها على? السنك وايديه يرجفون وامي كالت
جنان وجهج ليش اصفر ولج خاف مشكل بيج ابو صفار وانوب ترجفين شو عوفي من ايدج وكعدي ارتاحي.
اسيل كعدت على? الكرسي يم باب المطبخ وامي فتحت الباب والباب الحوش صار گبالي دخل هو وحارث راساً كمت مرعوبه بس حارث وجهه يضحك وتقدم وصارت عيونه بنص عيوني وتلاكينا بوگت موخوش وگت صفن بوجهي وفزيت على? صوت حارث من كال اسمي وهنا اثبتني اني فعلاً اسيل مو هبه
حارث أسيل سويلنا جاي
اسيل هزيت راسي وكمت وكفت وهما دخلوا هو دنك نزع حذاءه وباوعلي يمه نظراته ما تتفسر.
واني فشلانه منه دخل الاستقبال ومسحت دموعي وسويتله الجاي واجه حارث اخذه وكال
حارث ولج باوعيلي هاي ليش هيج مصفره يمه وجهه ما يعجبني خاف بيها ابو صفار
جنان اني هم كلت هيج باجر اوديها
اسيل امي مخبوصه بالعشه واني واكفه ابلع بريگي لا بيه اكعد لا بيه اوكف اجه ابويه وامي وصته على? مسواك وراح واجه حارث خله الصينيه استكان مليان ما شارب منه وصاح عليه من الباب
حارث اشوف البيت وارجعلك خابروني
مروان اخذ راحتك.
حارث يا هلا بأبن عمي
اسيل مشه وامي حضرت العشه خلت لحم بالصينيه بالفرن واذن راحت تصلي ونسرين يم اهلها رايحه اخذها حسن وبابا طلع يتسوك واني بالمطبخ اغسل الاستكاين وسمعت صوت خفيف رفعت?أسي لكيته واكف يم الباب ويتلفت
مروان جيبلي تلفونج بساع
اسيل جاوبته واني منزله راسي ليش شسوي بي
مو وكت اسألتج بسرعه جيبي
فوك
صعدي جيبي.
ماشي ركضت شلته بدون تردد وبدون تفكير وفعلاً اني ريبورد متحرك ونزلت جوه دورت عليه ماكو لكيته راجع الاستقبال مديت راسي وشافني وتقرب صوبي مديته وسحبه من ايدي
مروان الرمز
اسيل كمت اخربط الاحرف ما تطلع لساني خدر ما اعرف شجاني انثولت بس ساكته ودموعي تجري
فتحي بسرعه.
اخذته وايديه يرجفون فتحته وهو صافن بوجهي يتلفت خاف احد يشوفنا باوعلي وركز بوجهي كلش زين كانما يريد يتاكد ضل صافن بملامح وجهي وعلى خصري وغمض عيونه ومشه وطلع برى
رجعت المطبخ وهو بالحديقه يكلب بي ويباوع ناحيتي يمكن جان ما مصدك الا يشوف التلفون لن ما معقوله بيت عمه تطلع منهم هالتربيه السكط انطاني ظهره واني عيوني عليه واجتي امي سويت روحي اغسل.
جنان صارلج ساعه بهل الاستكانات عوفيهن وروحي نظفي الاستقبال ماطول ابن عمج بالحديقه عيب كله كطوف جگاير وهوسه يله بسرعه
اسيل اي هسه رحت الاستقبال شنظف ليش ايدي تاخذ على? شيء والله انثولت وعميت نظفت الكوشات وشفت تلفونه والباكيت والجداحه والسويج صفنت عليهن وفزيت على? خيال رفعت راسي هو تقدم سريع ولزمني من ايدي قوي وعصر اللحم نبت اظافره وخلاه بيدي وكال
مروان راسليني واتساب ويله ولي من خلقتي.
اسيل اخذته ومشيت وصارت امي بوجهي فزيت مرعوبه
جنان توني اجيت اكولج ابن عمج فات واستحيت اكوله اسيل جاي تنظف شكد عيب
اسيل بس فات طلعت ما نظفت شيء عبرتها للمطبخ ومديت راسي واكف يم الباب مخنزر عليه
مسحت وجهي وصلتني رساله
مروان صعدي كبري تلفونج ولاتضلين كدامي تردين تفضحينا بعيونج الله يأخذج
اسيل صعدت وكلبت لكيته حاذف المقطع؟ وصوري كلهن لكيتهن محذوفات ما مبقيلي ولا صوره واني الصور اخذتهن اله ما حذفتهن كبر.
يله عاد هو ما شايفهن شو ضل شيء ما شافه
موت الياخذني على? هالموقف خليت نفسي
بي فزيت على? رسالته
مروان سكط حساباتج حذفيهن وتلفونج فرمتي
حتى ما اكدر احجي وياه فشلانه منه موقفي يفشل شحجي وياه ياربي رجع دزلي
بالليل أخصم الكلام وياج؟
ما جاوبته حذفت الرسائل ونزلت ما لكيته وامي كاعده بالمطبخ هاا يمه.
جنان مروان راح تعذر مني وگال ما اكدر خابروا من الدوام حرامات شويت لحم كومه يله هسه ادز منه لبيت اخوج رجعي الكبه بالمجمده.
اسيل ماشي رجعتها واجه حارث وخابره يصيح عليه وعصبي وشكله زعل منه ودخلوا هو وجهاله وابويه اجه هم ما رضى على? تصرفه ما يدرون بي ما يكدر يبقى من وراي يحسبها صعبه يكعد على? فراشكم ويكابلكم وهو استغفرالله ذنبي لو ذنبه ذنبنا اثنينا، صبينا العشه واني ما اكلت نفسي تلعب غسلت المواعين وضليت كاعده ما ردت اصعد وحارث يشك بيه خل استر على? نفسي دام انسترت على? ايده.
حارث راح هو وجهاله بس امي وابويه ضلوا وصعدت غرفتي وفتحت واتساب حتّى استحي يربي عبالك قباض ارواح مو شخص جانت روحي بي دزلي لايك ورجعت رجعته واتصل وجاوبته گبل بدون سابق أنذار گال
مروان حذفتيهن فرمتي التلفون
اسيل لا والله
عوفي اني اتلفه هو والبي
ما فهمت عليك.
عساج لافهمتي والله يكصف عمرج يعني ولج لحد الان ما مصدك ركزت بوجهج ما شايفج بس بالصور واحجي وياج وهم ما مصدك وشفت صورج نفسهن جنتي ادزيهن وهم ما مصدك ودخلت على? حسابج وشفت المحادثات البينا وهم ما مصدك والمقطع محتفظه بي حضرتج وهم ما مصدك، ولج ما عرفتج لن ما قبل مباوعلج وأنتِ عرضي شرفي كوليلي شلون اصدك واتقبل أنتِ عرضي فهمينها هبه خرب بحظ الكواد انوب اسمج اسمج لا انوب منفصله متكوليلي منين متعلمه هاي الدروب التعبانه.
اذا احجيلك ما راح تفهمني كام يصيح بعصبيه
شفهم ولج شفهم حتّى فشلان احاجيج وتعذرت الف عذر علمود لا اكابل اخوانج ولج بنت عمي عرضي شرفي اخ الله اخ مصيبه صابتج.
تستر عليه مو
اكل واني الممنون ونعال مكطع على? حلكي وحلكج واللي صار بينا جنس مخلوق ما يعرف بي خوما احد يدري
لا والله أبداً بس انت
شسويلج هسه كومه كلام واسئله برأسي شحجي ما ادري اني رجال عاجز والله عاجز عقلي كام ما يربط كلشي.
بجيت وكتمت صوتي وگلبي يوجعني
شوفي اريد افشر اخ لساني اخ روحي ولي عن وجهي الصبح احاجيج واخصمها وياج؟
عساج لاصبحتي كون نامت عليج بلوكه
أمين يارب سگت وقطع الخط حذفت الاتصال والمحادثه والحسابات وفرمت الجهاز وبقيت فقط حساباتي الاصليه رجع دزلي على? ماسنجر
طفي الانترنت وانحمي مية الف حساب عندج شتحذفين واحد اثنين يله نحمي عوفيلي.
حذفت رسالته وطفيت النت وتلفوني صار نظيف يا ترى اني شلون انظف وشراح يصير بيه وكال الصبح احاجيج بشنو نحجي شنو أباله اذا زواج مستحيل اوافق يربي فشله ما ترهم منين ما اجيبها ما ترهم.
منو يگول زواج أسيل بكيفج كمتي تفكرين حيري بمصيبتج بالأول معقوله يگول الهم عليه لن حذف المقطع وما ضل عندي أي دليل وهيج يكدر يگسر ركبتي بالمحادثات معقوله يصير نذل ويسويها ويقضي على? حياتي هيج يكون اخذ بثاره مني وتخلص من العار مالتي.
يارب شنو قرارك مروان.