رواية بين قلبها وعينيها كبرياء للكاتبة شمس العراقية الفصل الرابع والعشرون
أسيا عيوني تشخصت عليه مرتاج على حافة الباب وأيديه بجيوبه ومركز نظراته عليه و? التلفون بنفس النظره.
. تقدم يمشي بخطوات بطيئه وصل لعندي تقرب ونزل لمستواي وسحب التلفون ورفع عيونه عليه ورمقني وشلني بنظراته گبل غمضت عيوني بكل قوتهن اعصر بيهن وگلبي يريد يوگف والرجفه موضو? ثاني وبلعومي عبالك واكف بي عامود أبلع بريگي ومختنگه حتّى لساني صار بي خدر مو مبالغه بس الخوف من عنده بهذيج اللحظه ما خفت منه يضربني لا والف لا، بس خفت أخسر ثقته ومكانتي.
عصام تحبين تنهانين بالقندره يله ترتاحين افتحي عيونج وباوعيلي افتحي عيونج.
أسيا ما كدرت أباوعله منزله رأسيّ ونَظراتي للكا?
التلفون شمطلعه من مكانه شيسوي يمج؟
ررددت أخابر أهلي
تخابرين أهلج صرتيلي حنينه بعد گلبي ولج عليمن وأنتِ بآيام العاديه كل أسبو? مره يله تخابرين أمج بس گولي اكو سالفه ثانيه أگولج اي لن أعرفج مرتي بعد منو يعرفج بگدي.
فتح التلفون ودخل سجل البحث وشاف أسم هشام وجهه وملامحه أنگلبت من عصام لواحد ما أعرفه گبل ضربني گف ولزمني من شعري ولوه رگبتي عصام راح تكسر رگبتي عصام.
خليتي بيها عصام ضاربه كلامي عرض الحايط ولامهتمه وعادي عندج كلش عادي وصايرتلي صاحبه مواقف الخايسسسه ولچ هسه من أصبغ جلدج أحد يلومني احد يگولي ليش وخطيه مو اجضعه بكاعه واصبغ جلده وياج لج ادبسزز متويين متجوزين ما تعقلين ما تخافين مني مو گتلج وحذرتج ليش حجايتي ما ألها مسمع عندج ليش.
مجلبه بقمصيه لن ما متوازنه ويه طوله وهيئته وهو لازمني من شعري بيد وحده ويحجي بعصبيه ردت اوكع وجلبت بي بقوه وايدي لامست صدره عبالك كهرباء وسرت بكل جسمه حسيت بي تغير توازنه واستغفر ربه وخله رأسي بشاشه التلفون وصاح بيه
اسيا جاوبيني وأذا جذبتي عليه أنهيج أموتج اقضي على? حياتج جاوبيني ترى واكف على? شعره!
عافني وعدل قمصيه والتلفون بيده موجه بوجهي شجاوبك!
. رجع يستغفر ويطلب الصبر وجود كامت تصرخ اجتني أنقاذ اريد أنهزم منه بس رجع صاح بوجهي
أسيا تعرفين شجاوبين هشام شيسوي بسجل البحث مالتج وبعدين اني التلفون مو تلفته مو گبرته وين لكيتي تعالي احجيلي تعالي وين منهزمه مني احاجييييييبج نعاااال
شسمه هو هو
اي كملي كملي.
هو موجود من زمان بسجل البحث
جذابه
دأكولك موجود من زمان ليش متصدك
والله جذابه وهسه اتأكد اوكفيلي وين موليه.
ردت اروح عاط بيه دخل على? هشام ورسل لايك تم التسليم قبظ ايده على التلفون بقوه وأشتعلت أعصابه بركان وهاچ...
أسيا الطلب مراسله ما بقئ معلك معناها حاجيه وياه قبل، أنتِ حاجيه ويه هشام؟
ما جاوبته رجع عاط بوجهي
أسيا أنكبري على? بنتج وليييييي من وجهيييي خلقتج ما اريد اشوفها كدامي اذا شوفتيني طولج أو لمحتج گدامي أقضي عليج ومحمد اتمزمز بيج امشششي وليييي من كدامي.
بثواني لازم اتبخر من كدامه ادري انطاني أنذار علمود ما يضربني وهذا الأنذار ما اجه عبث الشوك هو رحمني ونقذني من شر غضبه ووهج نار گلبه.
ما اعرف شلون شلت بنتي بحضني وبطانيتها والسله مالت الماي والحليب شلتها وكعت وأنخبصت بيها ورجع عاط بيه ودفرها برجله بقوه
گتلج اخذي بنتج ولي من وجهي عوفيلي.
سحبني من ذراعي بقوه ضاغط عليها وبيدي بنتي دخلني غرفة كرم وركع الباب وقفله بعصبيه وسمعت شيء تكسر رجع على? ميز البلازما وركع باب الغرفه وأشيائي تكسسرت أسمع صوت العطورات تنركع بالكاع الله ستر ما جنت بمكانهن جان أسبو? ما اتحرك غير يكسرني تكسير.
بقيت بالغرفه شايلتها وأفتر واخلي اللهايه ما تقتنع بيها جوعانه انطيتها صدري ما تشبع هي بالايام العاديه ما تقتنع بي لن حليبي خفيف يربي شسويلج هسه اصبري ماما لما أبوج أعصابه تهدأ يله حبيبي يله روحي يربي حاولت أفتح الباب ما انفتح مقفول.
شويه وسمعت صوت المفاتيح وانركع الباب الخارجي يعني طلع لبرى، فتحت الباب على? كيف وطلعت الصاله مگلوبه كزاز منثر بالكا? دخلت غرفتي حالتها يرثى لها ابجي طين مكياجي وصينية العطور الى الودا? مكياجاتي وعطوراتي وعطوراته كلهن مكسرات خرب ماركه اخ گلبي انعصر بعد نعل مكطعه متشوفين بعينج وأستاهل اي والله استاهل اني شلي بهل المواقف الطايح حظها وادري زلمتي زقنبوت شصخمت بعمري والله عمي حقه سوده بوجهي هسه شيفكر يربي شيفكر...
سمعت صوته قريب ناحيتنا گبل شلت الترمز والحليب وركضت الغرفه وهو دخل وعثرت ردت اوكع بس الله ستر.
عصام عمى حتّى عمى
أسيا قفلت الباب وكعدت اسويلها ممه ورضعتها ونامت سوده عليه جوعانه بقيت كاعده على? السرير كرم وهي بحضني تكعد وتنام واجه الليل حتّى ما تعشيت وبالي يم كرم ما شفته وليدي بهل الاثناء سمعت صوته بالصاله.
عصام روح نام يم جديتك يله بابا
كرم انام يمك انت مو گلت باجر تروح الدوام.
اي باجر اروح مو نفس كل مره التحق وانزل يا بابا قابل جديد الوضع عليك
بس اني اشتاقلك
يا روح ابوك تعال نام يمي وهالهوسه عوفها لاتباوع عليها خوش
اني بس انام يمك
ماشي أبني اصعد على? الجربايه لما احضر جنطتي وهاك مبايلي صير عاقل لاتتوكح هسه اجي.
أسيا باجر يلتحق! نار شبت بگلبي راح يلتحق گلشي ما شفت منه كعدت أبجي ولزمت الباب وأسترق السمع شيسوي اسمع صوت تعاليك جاي يحضر جنطته سوده عليه هسه لو يرضئ والله ما اخلي يروح زعلان مني.
ومر وقت وصار هدوء فتحت الباب وطلعت دخلت الغرفه لكيته ينزع ملابسه باقي بس بالداخليات تفاجئ بيه وحجه بهدوء لن كرم نايم
عصام أسيا رجعي الغرفه
أسيا بفرح يعني اجيب جود وارجع يمكم هسه اجي مشيت وگال.
لا ابقي مكبوره بغرفة كرم ما اريد أشوفج
عصام حبيبي بس أسمعني فدوه لعيونك غمض عيونه وأستغفر ورجع يلبس تيشرت خفيف وگال
أسسيا امشي
عصام
أسسسيا
خلص لاتعصب رايحه رجعت الغرفه مقهوره وبجيت شبعت بجي واخذت بنتي وحضنتها ونمت بس كل شويه أفز ونار بگلبي مشتعله روحي لايبه عليه مشتاقتله والله.
نايمه وحسيت بوجوده قريب علينا بقيت مغمضه عيوني يبوس بنته ويحجي وياها.
عصام ولج ادبسزز شمكعدج من الصبح مواعده بنت العرمه فدوه لهل الخلقه يله رجعي نامي يله
أسيا تنهد وسحب نفسس بحسره وغطانا وايده لامست أيدي وراح فتحت عيوني ماكو عفتها وكمزت وراه فتحت الباب دورت عليه بالمطبخ ماكو ركضت الحوش سيارته ماكو شبسرعه رحت بدون ما نتراضئ.
رجعت حزينه وخايبة الأمل وصارت عمتي بوجهي
وصال عصام راح الله وياه
أسيا أي التحق
وتراضيتوا.
أي من رخصتج عمه جود كاعده رجعت وقفلت الباب وكعدت أبجي دم دخلت غرفتنا ملابسه? الجربايه شلتهن وحضنتهن فراشه فارغ ومخلي المخاد علمود كرم لا يوكع كعدت واعصر بتيشرته التحق وهو زعلان من عندي وشايل بخاطره عليه
أسيل بقيت يومين محد يسأل عني وأني بس نايمه ما طايقه أحد وجسمي يون عليه من اثار الضرب انفتح الباب جنت منطيه ظهرري واسمع صوت امي وهديل يحجن بينهن.
هديل يمه خاف ماتت ما يصير هيج عقوبه هم خطيه وحرام عليكم هواي قسيتوا عليها لا اكل لا شرب حتّى الحيوان هم ما يعاقبونا هيج عقوبه.
جنان لاتخافين عليها ما تموت هاي بزون بسبع ارواح تموتني وتموتج وتبقئ عايشه وتستاهل من أيدها مو من أيد احد كرهت نفسسها بالكل بعد تفله محد يتفل بوجهه وتصير مضحكه لجناين أحترام محد يحترمها ودفرت نعمتها برجليها خليها خلي تحسس بذنبها بلكي تجني عقل وتجر عدل وتصير أدامي.
يمه فدوه اروحلج خل تنزل تأكل لكمه لاتصيرين ضدها وتوكفين ويه ولدج هي غلطت بس هم ميخالف تبقى بنتج
ختولي يله اخذي ملابسج زلمتج ينتظرج
يمه وأسيل
شسويلها ما يقبلون باجر عود خل تنزل تزقنب نزلت على راسها سليمه فضحتنا الله يكسر ركبتها الادبسزز.
أسيل ما مصدومه ولا متفاجئه بقساوتها لن مو جديده عليه عادي بس تحز بگلبي شلون ينطيها گلبها ابقئ بدون أكل يومين بس الماي بطني مر علكم مثل السم.
تقربت عليه هديل وتجس نبضي عبالها ميته باستني من رأسي وغطتني لن الغرفه بارده تصر? وطلعت
. ما اعرف شكثر مر وقت نهضت من فراشي بتعب باوعت الغرفه تخنك وريگي يابس جريت بطل يم رأسي شربته كله وأخذت نفس وتذكرته صار يومين ما مراسلته من بعد سالفة الخطوبه كمت قفلت الباب وجريت التلفون وسجلت دخول لحسابي لكيته دازلي رسائل كومه واكثر رساله لامست گلبي وطيبت شگو جرح بيه هي مشتاقلج؟
مروان هبه مشتاقلج الج وحشه وين غايبه عني مو بالعاده ما تسألين عليه علمتيني عليج وعلى سؤالج وأهتمامج ورحتي حتّى أنتِ يا هبه.
أسيل اجييت عيوني أنتَ
لك هلأ وينج ولج مختفيه
جان عدنا ظرف وأضطريت اغلق حسابي للأمان
أحتاجيتج وما لكيتج يمي كل شوي ادخل حسابج وماكو كلت هاي هيه راحت والله يسر الها.
لا وين أروح أعوفك
أصيله
مروان
هاا عيني
أكو شيء بگلبي وتعبت منه اريد احجي
أحجيلي عيني منو متعبج خير يا ساتر
تسمعني.
أي يمعوده لاتقلقيتني عليج شصاير وياج هبه
ما صاير شي بس أني
أنتِ شنو
أحبك؟
تحبيني اي ادري بيج
تدري حب صداقه بس
بس شنو
أحبك حب ما تتخيله اني ما احبك صديق احبك حبيب
شكاعد تحجين هبه
أي والله مو بس أحبك أعشقك أدمنك اعشق گلشي بيك تفاصيلك وكلامك وعصبيتك حتّى الفشار والغلط منك أحبه بالمخصتر اني مدمنه حبك مروان أحبك شافها وما رد عليه.
فاتح نت وما جاوبني ويمر الوقت وهو من اخر رساله بينا ما حجينا بعدها الصبح كمت سبحت وكاعده امشط بشعري والباب مفتوح لن مختنگه وصعدتلي أمي وخلت الأكل بالكاع وركعت الباب وراها حسستني حيوان وساجني لعبت نفسي من الوضعيه كمت أكلت كم لكمه وعفت الصينيه برا وغسلت ورجعت قفلت الباب وشغلت الصوبه.
ومر يومين على? اخر رساله شافها وما رد يمكن بعده تحت تأثير الصدمه ما متوقع مني اصارحه بحبي بهل السرعه واحس تسرعت بإعترافي اله.
راستله ليش مصدوم من وحده حبتك من گل گلبها كبل رد عليه
مروان وتعرفين أحب وحده ثانيه شهل الخيانه هبه گلبي مو الچ وحجيتلج عنها وگلشي يخص حبنا الصراحه مو بس مصدوم ومتفاجئ هم
أسيل ما تهمني اليهمني أنت وبس
لهل الدرجه تحبيني ولج
وأكثر ما تتخيل أحبك أكثر من امك الحملت بيك تسع شهور.
اويلي يابه أويلي على حبج أجه بالوكت مو جاهز للحب أبداً هبه ما أريد أظلمج وياي أني تعبان وما جاوبتج وأعترافج صدمني.
تعبك بيه ولا بيك گولي منو المتعبك
صارت هواي أمور عوفيها هسه مالي خلك صار ايام اطحن بروحي وشابع قهر اي شلونج شخبارج
اصير زينه من أكون يمك واسولف وياك
يمي
تعبانه مروان
سلامتج من التعب ميخالف تصير ظروف ولازم نتحملها خليج قويه ما اعرفج هيج انسانه ضعيفه
حبك هو الدمرني.
حبي شعليه ليش ماذيج بشي وما ادري؟
كمت اخربط وگلتلته نتزوج
نتزوج؟ هبه أنتِ تعبانه روحي أرتاحي أعترافاتج صايره خطيره.
هم يجي يوم وتحبني مروان مثلما اني حبيتك
ما أعرف هبه يمكن اي يمكن لا راح اتصل أريد افهم شبيج اليوم جاوبيني
أتصل شويه وأتصل وجاوبته
هاا هبه عيني وياي
يبعد عيوني الاثنين اي وياك
صوتج بالغزل غير شكل خطيييير
أتنفسسك
وبعد
أعشقك
وبعد
روحي بيك
هلكد تحبيني
واكثر واكثر اني مدمنه حب واحد اسمه مروان.
اوكفي هسه اجيج ابقي على? الاتصال لاتقطعينه صوت أنفاسج اخذ روحي ولج أشسويتي بيه
وين تروح خليك
أصعد لغرفتي
ليش وين أنت هسه
بالسياره كاعد
ليش ولوحدك
اي لوحدي ضايج وحبيت اضل لوحدي بس هسه لا اصعد لغرفتي لن مو لوحدي أنتِ وياي
بكل وقت أني وياك سمعت صوت باب السياره وخطواته من يمشي والباب من انفتح
دقايق واوصل غرفتي ثواني ابقي على? الخط لاتروحين
باقيه أنتظرك
دخلت غرفتي وأنتي وين
بغرفتي.
اويلي يابه أويلي اليوم نشتعل ونطفئ اني وياج
تنهد وجر حسره واني غراكنه وهيمانه بصوته رجع حجه
أي سولفيلي شبيج منو المضوجج وهيج روحج تعبانه اليوم أسمعج مثلما أنتِ دائماً تسمعيني وحده بوحده يوم أني يوم أنتِ
أحس ما عندي أحد بهل الدنيا بس أنتَ مروان عايشه شعور الغربيه بين أهلك وصعب تعيش هالشعور وأنت من دمهم ولحمهم.
هي هاي الدنيا كل يوم تصدمنا شكل مره أهل مره صديق مره حبيب وأني مصدوم بيج ما جاي أستوعب لج أستوحي
هههه لاتتمو? عفيه متعلمه على? تمرد رجولتك
شبيج نلطف الجو اريد أغيرلج المود وخلگج مگدر عليمن بويه منو يستاهل طز بالكل حشاج وحشى قدرج لاتهتمين هبه
كمت أبجي أنفجرت بالدمو? مو بيدي مروان گلبي مثل النار مشتعل من القهر اهواي أنظلمت بحياتي
خلاص لاتبجين عيني دمعتج عزيزه شو سگتي يله
لخاطرك مسحت دموعي.
اي عفيه ويسلم خاطرج
مروان اسألك سؤال جاوبني بكل صدق
وهو
ما عندك مشاعر تجاهي أبداً
تحبين أكذب عليج واجاملج لو احاجيج بالصراحه
أي شيء
واضح عليج هواي تحبيني ومتعذبه بحبي
اي والله
وليش بقيتي ساكته كل هالفتره وتصرفتي
كَ صديقه يعني تحبيني من زمان لو أثناء صداقتنا وكلامنا تولدت عندج المشاعر وحبيتني؟
مو مهم
بس نفسج أهم أني استاهل تحبيني وتعذبين نفسج علمودي؟
أي تستاهل عيوني.
بس أحب غيرج وگلبي الها وجاي أعاني من هالحب يعني اني مو مال احب وانحب فهمتي هبه
يعني تطردني
مو أطردج بس أخليج كدام الأمر الواقع والحقيقه اللي أنتِ متعمده ما تردين تشوفينها أني احب غيرج
فهمت خلاص كل شويه تعيدها
صوتج لاتعلينه بوجهي لا اكسرلج حلكج طايحة الحظ
سگتت وبس اسمع صوت انفاسه جاي أدخن
أي
شبيك حبيبي
حبيبج!
گلتها بالغلط
هبه
هاا
أذا شفت نفسي جاهز أحبج ما اعرف شگولج
أنتظرك عادي.
مشكله ما أريد اعالج الجرح بحب ثاني تتأذين وياي تبقين عايشه على? الهامش بس تنشافين بس محد يقراج.
قابله
قابله بشنو
عايشه على? الهامش المهم أني تحت ظلك وجودك
حابتني لنخا?
تجري بدمي
الله كريم
اسفه ضوجتك وأنت تعبان
لا عادي
حبيبتك وين
موجوده بس اكو مشاكل علاقتنا ما مستقره وما تستقر اذا مو زواج نار گلبي ما تطفئ اذا مو هي يمي
حجه بصوت تعبان هلكد تحبها
وشفايده هالحب ما وفيت بوعدي الها
الله يريح بالك.
تسلمين يله لازم اروح
اخذ راحتك
ديري بالج على نفسج
تمام قطع الخط وسجلت خروج وخليته على الشحن ورجعت تمددت نوعاً ما ارتاحيت من أعترفتله هم وإنزاح من صدري عبالك جبل على گلبي بلكي مع الوقت علاقتنا تتطور وتأخذ مجراها الصحيح دام هو وحبيبته علاقتهم متوتره يعني يترگون بعض.
الثاني يوم لظهر يله كعدت غسلت وجهي وباوعت من فوك أمي تنكس بالمكنسه بالبيت ولازمه ظهرها أنكسر گلبي عليها نزلت درجتين وعاطت بيه.
جنان وين نازله رجعي أنطمري بغرفتج
أسيل أساعدج انطيني عنج اني اكنس
دتمشي ولي ما اريدج ولا اريد شغلتج تمنين بيها عليه وبس تعيرينا اني واني عبالك جايبين من الشار? مو بنتنا.
يمه والله طگيت من الغرفه
هو هذا گبرج بلكي تصيرلج عبره رجعي يله.
نزلت?أسي ورجعت لغرفتي نظفتها وسبحت وغسلت ملابسي ونشرتهن على? السطح ومشطت شعري جنت لابسه تراك لونه اسود كلش حلو وظفرت شعري طكيت كم صوره خصري وجهي بس عيوني وخشمي خفيتهن بقيت أباو? لنفسي ومعجبه بصوري بهل الأثناء هو دزلي صوره ماعون بي فواكهه مقطعه ابتسمت اليوم منو مدللك
مروان الولده ومسويتلي شلون دولمه وهسه مكابلتني تعال أكل وخلص ماعون الفواكهه بله شگول الها نفسسي مسدوده ما تسمعني.
غير تحبك وتدلل بيك يله لخاطرها خلص الماعون
منين الكاها منج لو منها
من الاثنين لن إثنينا نحبك نفس الحب
بعد گلبي
رجع دزلي صوره كاعد على? الكرسي ومبتسم لابس زيتوني وجهه حزين على? رغم أبتسامته ضليت أتامل بصورته حضنتها لصدري وصار وقت الغده ودزلي صوره ل الدولمه
تفضلي على? أولها
عليكم بالف عافيه
يعافيج الله بعدين احاجيج يله ابويه اجه وممنو? نلزم التلفون بحضوره
أحبك
مو وگتها هسه بعدين نتفاهم عليها هاي الاحبك.
تمام بالانتظار شافها ودزلي سمايل مستحي عزاا خجلته يبوووه راح وافتقده وطول هالايام هو وياي وما عافني عكس أهلي شامريني بهل الغرفه وممنوع انزل والاكل امي تخلي يم الدرج تحز بگلبي ما الها كلمه ويه ولدها لو ابويه وجوده وعدم وجوده واحد ما تفرق لايحل ولا يربط مرات احسه مثل المزهريه
مرت الايام وكمت احسس بتطور بعلاقتنا صار كله وقته يكظي وياي نسولف ونتشارك همومنا واحد يثق بالثاني صار عندي بصيص أمل!
دزلي صورته واكف كدام المرايا كتبتله طالع تخبل
مروان مو بحلاتج من زمان ما شايفينج تتعزين عليه
گلبت بالصور ودزيتله خصري بالتراك الاسود
الاسود شاگ گلبج وطالع شنو هالخصر الجهنمي
أنوب دزيتله وجهي خفيت عيوني وخشمي وشعري شقارات ومظفور ورگبتي بارزه بلون التراك وأسود يفتن ملامح الجمال ويبرزها دزلي نار مشتعله
جمالج فتنه
ملگك
فاتنتي
تتغزل بيه
اي لعد شعبالج أغرگج بالغزل غير أني ما احجي
خبيث
اتخبث وياج
عادي.
جاي أباوع لصورتج دايخ بيها تدرين
ليش
لعابه بس اكو شي لفت أنتباهي؟
شنو عيوني
خصرج وهيئة جسمج مو مال وحده عمرها 30 سنه حتّى كلامج وتصرفاتج ما تحوي لعمرج بأي صله
لعد
حسب ما جاي أباوعلج هسه عمرج ما يتجاوز 18
لا غلطان
يابه نعتذر منج لعد دام هيج خصرج وجمالج وعمرج ثلاثين أنتِ ساحره ونفس المواصفات البالي
ولو البياض فلتر
يهمك
أهم شيء عندي الجمال الأخلاق تجي بالصونده
عزاا مو هيج.
اذا مو مرتي تكون صاروخ ما أقبل وجهج لاتكصينه ودزيلي هالخلقه كامله لا نتخارب
لا تجرح گلبي بقساوتك
شكد أكرهج من تنعوصين مال الزمج وادگج بالحزام
قاسي
خرب انه توازيني گوه اصير موخوش
شحجيت أني
يله حبيب بالليل أرجع واريد اتصال بزعت من الكتابه وصوتج أحبه أعشقه يرن برأسي بس مجرد تكولين الو مروان اعتبري اهله ماتوا
ههههه اسم الله عليهم وعليك روحي
يله حبيب باي نتواصل فيما بعد فيمالا.
اسيل باي حبيبي راح الله وياه وحضنت التلفون وفرحانه بدأ يحبني يعني أكو امل تنجح علاقتنا وتتطور أكثر حتّى لو تطول ميخالف راضيه واصبر عليك يا مروان.
أزهار
تمر الأيام وحظر التجوال خلص من راح عصام امي سمحتلي أطلع وهم بابا تعبان من الوضعيه لن محتله غرفتهم لهذا گالتلي رجعي لغرفتج.
صعدت غرفتي فارغه ما بيها روح تخنگ صوت مكالمتنا وسهر الليالي وسوالفنا وحبنا النظيف بجيت ومسحت دموعي أشتاقيتله فتحت المجر واكلب بالهدايا مالته وعصرت الف مالته كاتب عليه أحبج زهرتي شميته وضميته لصدري.
مر وقت هواي وأني بين الذكريات جمعتهن وكمت سبحت ونزلت لكيت اسيا تطعم كرم وجهه طافي وحزينه سلمت عليها ردت السلام برود جريت الكرسي وكعدت شلونج أسيا
أسيا الحمدلله تمام
أزهار شبيج زعلانه مني
لا ما زعلانه
شالت الماعون وغسلته وكرم تقرب باسني فديته حبيب عمته أسيا نكدر نحجي
بشنو
شبيج حبابه لاتمشين ويه الموجه خليج على? موقفج
ما تغير موقفي تجاهج والله بس تعبانه واعذريني
احجيلي شبيج حجيتي ويه هشام.
اي وسأل عنج وگال يريد يخطبج من أهلج بس شو ما بين بعد
صدك عليج الله
اي والله بس حذرني من رشا صديقتج كال عدها صور ما اعرف ايش
الله ياخذها ان شاءلله
هي من يومها مو راحه وأنت رافگتيها يله علمود تعرفين اوادمج
الحمدلله على كل حال أي وأنتي شلونج تراضيتوا
اي تراضينا لايضل بالج من رخصتج اروح اسبح بنتي
اخذي راحتج بس أمي وين
راحت هي ومحد للاسواق هسه تجي.
تمام راحت لغرفتها وشفت تلفون أمي على? الكاونتر كمت سحبته وصعدت غرفتي وأتصلت عليه گبل جاوبني
هشام نعم
أزهار هشامي
روحييي گلبي عيوني الأشوف بيهن زهرتي شلونج يبوي أنتِ خوما اذوج ضربوج مو قسوا عليج ادري محد رحم حالج ادري تعبوج من ورا حبي لاتزعلين منهم يبقون اهلج وحقهم احنه طولنا بعلاقتنا وحقج أنتِ وأهلج عليه فشلان منج ومنهم.
هشام جاي اموت خسرت أهلي كلهم وخسرتك
گلشي يرجع وعد ارجعلج گلشي
شلون.
خابرت ابوج ما جاوبني وأتصلت هواي رفضني ورحتله للمعرض
اي شصار
طردني وحقه ما الومه بس تعهدت اله اجيب جاهه واجي اخطبج ضل ساكت ما حجه شيء
وتجي
أجي وغصباً على? شاربي اني مو زلمه اذا ما وفيت بوعدي الج ما حبيتج علمود اخليج تتعذبين ورايه
هشام لازم ارجع تلفون امي اسمع صوتها رجعت.
ديري بالج گلبي عوفيلي التلفون اني اجي اخطبج والله وراح اجي قبل لا ينزل اخوج لن بس ينزل يظلمها عليه ويسدها بوجهي يله روحي ولاتتصلين اني ما اعوفج والله
ماشي حبيبي باي قطعت الخط ومسحت المكالمه وخليته بصدري ونزلت بس امي موجوده شافتني
وصال تعالي ساعديني
أزهار من عيوني نزلت وكفت يم السنك خليت التلفون على? الثلاجه همزين ما حست عليه.
ورجعت ارتب المسواك وياها وساعدتها بالغده واجوا اهلي وصبيت الغده بابا شافني صد وجهه عني ومشه لغرفته نزلت رأسي حزينه مروان باوعلي ما حجه شيء جر الكرسي وكعد مقابلي وگال
مروان شمطلعج من الغرفه والج عين تگابلينا بعد كل اللي السويتي
أزهار مروان
لاتشوفينا وجهج وحفظي الباقي من ماي وجهج
دفع الگرسي وكام وصعد لغرفته وباوعتلي أمي
وصال اخذي غداج وصعدي لغرفتج حقهم يمه
مجد ليش شگوو ازهار شبيج.
وصال ماكو شي متزاعله هي واخوها أنت أنتبه لدراستك
مجد خو اني ولا حاسبيني من العائله نفر زايد
وصال لاتضل تلغي ما ناقصتك
أزهار اخذت ماعون وصعدت واجه بابا شاف الماعون بيدي وگال لأمي
كمال اني طالع تغدوا
وصال وين ياعيني تعال اكل لكمه
أزهار ما جاوبها طلع ونفسي انسدت رجعته وصعدت الغرفتي بجيت وشبعت قهر بابا ماخذ روحي اخسرهم كلهم بس هو الموت اهون عليه من خسارته.
بقيت ايام كل وقتي بغرفتي والصبح انزل اساعد امي بالشغل وعلمتني على? هواي طبخات وعلاقتنا تحسنت امي تنكلب ويه الموجه ما عدها گلب وكلامها ما تكوله عبث لا والله مليان حكم.
حجيتلها عن هشام وبلغتها بگلشي وضلت ساكته
وصال شوگت يجي ما گالج
ازهار لا بس رايح ل بابا لمعرض وحاجي وياه
ما جابلي طاري أبوج
يمه أنتِ شتگولين اذا هشام اجه.
ما ينطونج اله تصير مشاكل خابري كوليله لايجي ويورط روحه وعصام حتّى لو بالدوام بأتصال واحد يگلب أبوج ويفر عقله ابوج ما يرضئ على? تصرفات عصام بس سميع لكلامه أبنه الجبير وعندج الحساب
أنتِ اوكفي ويانا وساعدينا الج تأثير على? عصام وأنت اقرب شخص اله فدوه اروحلج يمه سويلي هالمعروف
اكون دمرتج بيدي يا يمه
خل اشوفه شيگول عادي يعني من بعد اذنج
أنتِ مخابرته قبل هالمره ضل بيها اذن ليش ينكدرلج صلافتج فلا أكو منها.
يمه فدوه اروحلج
ديله بسرعه قبل لا يجي اخوج مروان
اخذت تلفونها ودزيتله رساله هاا هشام شصار وياك
أهلج بالبيت
لا ولا واحد كبل اتصل وامي كالت جاوبي جاوبته هاا هشام صوت سيارات بالكوه اسمعه
ابوج وينه مروان
ما موجودين والله
لاتكولينها عليج الله صدك اهلج مو بالبيت مو بلغت ابوج اجيكم وقبل لا اطلع كلتله
اي والله وبابا شگالك.
ليش يحجي بس ساكت عمي حقك على? رأسي بس اني رايد نسبكم هسه شلون راح اوصلكم وياي عمامي وناس مشوا وياي علمود يقنعون أهلج
ما اعرف شكولك خل اكول لامي واردلك خبر
ازهار وصلت بيتكم اني باعي الكاميرات تشوفيني
قطعت الخط سوده عليه راح يفشلونك بجيت فدوه ماما اجه هو وعمامه شلون محد موجود عفيه خابريهم سوي اي شيء
يا صخام الوجه امشي خل اخابر ابوج يبووه بس لاتصير مشكله ويتعاركون.
ازهار ايديه يرجفون وامي لزمتني من ايدي ومشيت وراها باوعنا بالكاميرات ست سيارات كلهم فخمات وزلم معگله وهو سوده عليه كاشخ ويخابر ويفتر وعينه على الكاميرا يدري جاي اباوعله عيوني تصب دمو? وگلبي محترك عليه ضلوا واكفين خطيه وامي تتصل محد يجاوبها حتّى رفض ما يرفضون اخر شي بابا غلق جهازه.
وصال مرد گلبي هالولد سوده بوجهج ازهار شمسويه بي انصلب من البرد ثلجوا الاوادم من وراج انوب اهلج حقروا دتجابوا دتعالوا حاجوا دتسلمي يا ازهار من احجي واكولج مستويات اهم شيء عند اهلج ما اخذتي بحجايتي شوفي شلون شتلوا وبقوا حشه قدره مثل الجلب ينطر يم الباب ويتصل محد يجاوبه لبسوا برجليهم مثل ما لبسوج وما شايفنج كدامهم ارتاحي هذا الحب والعشك ركضتلي وراه ذبحتي روحج شلتي خطيته شنو ذنبه هسه يتفشل من الاوادم الجايبهم وياه ومبين ناس معروفين.
تحجي وأني عيوني كمت ما اشوف بيهن من كثرما بجيت عليه وبهل الاثناء اتصل عليه
وصال جاوبي بسرعه جاوبي.
ازهار جاوبته هاا عيوني
هشام أهلج ليش هيج سوه بيه وابوج اتصل عليه ميجاوبني اخر غلق التلفون وشايفه بعين الجبيره وبمقام والدي الله يرحمه بس الحمدلله دزيلي رقم اخوج مروان بسرعه
شدزلك ما اكدر والله ما يسالون منين حصلت الرقم.
لعد دزيلي رقم عمج فاضل ازهار ركزي وياي ابويه أنتِ ساعديني مو بس لوحدي اني هم حاير ودايخ مثلج ياعيني
ما اكدر والله
وصال ميخالف كوليله هسه ادزه الك سدي الخط
ازهار سديته وعصام مُباشرةً اتصل وگلبي يريد يوكف والرجفه عبالك تكهربت وكع التلفون من ايدي من الخوف يمممممه عصااام عصاااام يييتصل يتتصل
وصال شبيج انكصعتي قابل يطلعلج من التلفون شو گبل ما خفتي منه هسه كام يخوف شو جبيبي
ازهار اخذته وفتحت الخط وجاوبته.
وصال هلا يمه
عصام لا هلا ولا مرحبا لا بيج ولا بنتج الأدبسزز عبالج ما ادري وتفوتنيييي سوالفجن لا كاعدلجن أنوب الأم تكود لبنتها ما جان هذا عشمي بيج يا يمه تنطيها تلفونج تخابره وهي كالتله خل يجي هاي حفرتله گبر بيدها
وصال انجب ولك واحجي عدل.
عصام هو اكلت من الخاتون بنتج تنطي الاحداثيات اول بأول لحبيب من تلفونج صار ساعه أتصل ومشغول عليمن عليه بس والله بعالي سماه لو يبنيلي جامع كدام البيت ويجمعلي الكفار كلهم ويصلي بيهم وبين حسن نيته ما أنطي مره ووأنتِ وبنتج جايجن بالطريق اوكفلي اصبرلي.