رواية بين قلبها وعينيها كبرياء للكاتبة شمس العراقية الفصل الخامس والعشرون
ازهار قطع الخط وامي وجهه اصفر وتبلع بريكها ما خلت دعاء ما دعته وامام ما نخته وورافعه ايديها وتدعي بخوف يربي أشسويت بإهلي رعب العايشته امي گافي عليه وهذا عصام ما يسمي بالرحم?ن يارب تعدي على خير.
وصال يمه الفاطمه يم الزهره ياعلي دخيلك
يارب الطفنا يارب ثبت عقل هالولد يارب هدي.
ازهار اني بس افرك بأيديه ورجليه ماتن ماضل بيه حيل اوكف وطلعت اسيا من غرفتها شايله بنتها وراها كرم واجت كابلتنا ونباوع الكاميرات بكل تركيز وكرم يكمز فرحان بإنجازات ابوه
كرم بابا راح يجي بابا راح يجي يسلام
وصال گرة عينك ياجده شلون عندك أب عصباجي
اسيا ابنج يا عمه غير طالع عليكم
وصال ما طالع على احد بينا هذا مبدلينا بالخدج.
ازهار يحجن بينهن واني بالي يمه أباوعله هشام واكف وياهم ويحجي ويه الزلم يمكن راح يرحون وليش ما بهل الاثناء كلهم انداروا ولن سيارة عصام اجتهم مألفه كل سرعته وفرها كدامهم وفزينا وكمزنا على? صوت طلقات نازل على النص مثبت رجليه بالكا? وشايل الرشاش وكام يضرب بالسماا صلي عالسريع والزلم كلهم على? سيارتهم يبوووه فضاحه يربي تخزينااا وعلي.
وصال يبوووووه يبووووه انفضحنا صرنا سينما تخزينا دتسلم هذا خبل وربي هذا مو صاحي
ازهار اني مخليه ايدي على? گلبي وميته رعب واسيا ركضت للغرفه وامي صاحت وراها
وصال دتعالي عيني وين رايحه شوفي بطولات زلمتج المخبل خزانا ادري هو هيج خليت طشارهم ماله والي وخبلت ألاوادم جان استحيت يا يمه ادري كفر الولد خوما كفر فوك ما جايكم من الباب.
ازهار حاطه ايدي على? گلبي وعيوني على? الكاميرات شمر الرشاش داخل السياره وتوجه على? هشام وينفض بيده بعصبيه وشكله يهدد وتدخلوا زلم بينهم ما ينفگ ولا ينلزم وهشام نفس الشي وبهل الاثناء اجه مروان فر سيارته طبگها بصف سيارة عصام ونزل ركض حضن عصام ويفازع بينهم صار بالنص مره يحضن هشام مره عصام وعصام اربع زلم لازمينه ما يكدرون اله وهشام مروان يدفع بي انلاصت على??اسج ازهار.
وامي تدعي وادك على? وجهه واسيا اجتها الضحكه هذا هم حظي وفضت من مروان سحب عصام ودفر الباب ودخله وطلعنا نباوعلهم وصوتهم عالي
مروان شهل التصرفات مال جهال موعيب فضحتنا العالم شعليها بهذا الخبال كله مشكلتنا وياه تخوف الاودام الجايه وياه ليششش شكوو ترمي بالجوو من سمحلك بهل الشي.
عصام لعد ترديني أسكتله واحد ما يستحييي بكل عين صلفه جاي يخطب ياكل نعل مكطعه ويبوس قنادر ما اله مره عندي روح كوله اذا ما يولي منا اطلع اخلص عليه ومحمد اتمزمز بي
مروان فضنا عاااااد شوووف عصام اني طالع واذا لحكتني اعوف هشام واتفرغلك.
عصام تروح تطرده لو اني ارجع اخلص علي.
ازهار مروان طلع وركع الباب وراه وعصام اجاه اتصال ويحجي بعصبيه وغلق التلفون وتوجه علينا وامي سحبتنا لداخل نخاف من عنده رجعت على? الكاميرات مروان واكف يعتذر منهم ويخلي ايده على راسه ومسلام هو وياهم وهشام هم سلم عليه وشغلوا سيارتهم وطلعوا ومروان دخل السيارات لداخل البيت للكراج
ودخل عصام باوعلنا وباوع الكاميرا گبل طفاهن وگال.
عصام ما شاءلله خوش مسويات أجواء وكذا ولج ادبسزز اني شحجيت أنتِ ليش هيج صلفه وعرمه لازم ضرب هذاك اليوم ما فاتج تردين اعيده مره لخ
ازهار يحجي ويشمر بيده يريد يلزمني واني بظهر أمي وامي تصد بي وتدفعه وهو صوته عالي ويصيح ويغلط عليه ورجع على? امي
عصام خو أنتِ أبوسج على? أنجازاتج صافه وياها عاشوا والله هو محد طيح حظنا غيرجن لو عينج عليها ما استهترت واستفلت
وصال عصام تجاوزت حدودك وياي هواي.
ازهار دخل مروان ودفعه وكام يحجي عليه
مروان شو أنت أستكحبت فدمره انوب رجعت على? امي گافي يمعود هو هيج اخذتنا بخبالك وصوتك العالي متكولي عليمن طالع
عصام ما طالع على احد لعد شترديني اسوي واني ادري الخاتون تخابره من تلفون امي واني شكو سحبت التلفون منها خو ارجعه الها و? حياة عينك يا تاجر
مروان عمي لاتسوي شيء واطلع منها فضحتنا تدري بنفسك خزيتنا بين الاوادم ماكو هيج بشر.
دولي لك تريد اصير مثلك وما مهتم لاحد ولابس الوضعيه وكت الحجي تطلع لسانك بالقيم والحكم امشي ولي خيخه كل وقتك عينك بالمبايل تجكك بي.
مروان عصام احترم نفسك ولا ادوس بالحجي لا والله انسى أنتَ اخويه الجبير واصير موخوش ادامي
ازهار مروان يتخبل وراد يهجم عليه وامي وكفت بينهم وتهدي بي وعصام ما تزحزح من مكانه ويحجي بثقه ولا ابالي.
عصام غصباً عليك تحترمني والما عاجبه كلامي وتصرفاتي خل يلكاه اقرب حايط ويطلخ راسه.
ازهار مروان سكت ويفرك بوجهه ويستغفر وامي تهدي بي
وصال ميخالف يمه ميخالف اخوك الجبير وانت العاقل الحكيم عوفه هذا خبل ماخذنا بصياحه
عصام خبل انوب كثر الله خيرج يمه.
ازهار مروان ضحك بإستهزاء ويهز برأسه كوه لازم نفسه على? سوالفه واني وجهه اليتيمه وكل شويه يرمقني بنظره يشلني بيها شل عافنا والتفت على? جهاله وشال كرم ويبوس بي وكال
عصام هاا ولكم اشبالي شفتوا ابوكم الاسد شسوه والله ينراد النا بس غابه ونكمل الاسد والشبل واللبوات فدوه لعمركم يابه
وصال بصوت ناصي، گرة عيني على الأسد والغابه مالته بالضيم هو انت بين البشر ما جارعينك انوب بالغابه!
عصام شفتي زلمتج.
أسيا اي شفته فدوه لزلمتي
ازهار اخذها بحضنه وباسها من كصتها كدامنا ومخلي ايده ورا ظهرها ويسولف ويه بنته ومروان يهز بيده
مروان شفتي الاخ حتّى ما كال اهلي واكفين وعيب تولاها البوس بدون مستحى طلعت السالفه هيج وطلع خباله بالعالم ابنج هذا موصاحي
وصال أسكتت يمعود هي هم ما شايفه منه ريگ طيب الله يهدي عليها
عصام ابووووويه وين صار شوكت يجي اريد افوت لغرفتي؟
مروان حمى الاخ
وصال مرووووان اسكت لا يسمعك.
ازهار صايره بصف الحايط وهما كل واحد بصف امي ومروان يحجون بينهم ومروان كل شويه يباوعلي بنظرات عتب ما اكدر اباوعلهم وعصام يسولف ويه بنته وكرم مجلب بي.
بهل الاثناء سمعنا صوت بابا علن عن وجوده وعصام وكف بشموخ ومروان ابتعد عن امي وباوعلي ودخل بابا عصبي لن من شگله يمشي بخطوات سريعه وأيديه تهفي بالغضب العارم تقدم على? عصام وضربه كف قوي كدام الكل شهگت بقهر ما تمنيت توصل الامور لهل النقطه وعائلتي تتفكك وامي كامت تصيح عليه وعصبت صارت نار ومروان غمض عيونه وگبل انترسن دموع وايديه يرجفون لن بابا ضرب عصام سحب روحي من صدري من ضربه.
وصال ليش ضربته ليش هو هيج يا كمال هيج
كمال اضربه واكسرر?اسه هم لعد تصرفاته مالت واحد فاهم ورجل دوله شلون تستخدم السلاح مو ضمن القانون بأي حق تزرع الرعب بالمواطنين بإي حق وين عايشين احنه شنو هالخبال هذا متخاف تتعاقب والله لوما تعبك واكف بعيني اني بيدي افصلك واشيل الرتب من كتافك والله.
هاي عود أنتِ ابني الجبير الواعي الفاهم الدارس اللي الشهاداته اطول من عمره كلها تهابك تحترمك وتقدرك وين ما امشي يمدحونك كدامي ليش ولك ليش ترمي بالجوو بإي حق ولك فضحتنا وخزيتنا الكل يسألون ليش ابن كمال هيج سوه سويتنا فرجه لامة محمد بهذا تصرفك الرعوني والطايش
بس أريد أعرف منو بلغك منو گلك تعال منو رايد منك تتدخل؟
عصام ليش مو من العائله وازهار مو اختي مو عرضي لو تردوني اكعبها وانطيها اله بعد كل اللي صار
. بس والله هذا الشي ما يصير وبالاحلام اظفر ازهار ما يلوحه وبي خير وينطر يم الباب وكولوله وصولوله كلامي بطير زاجل! هالمره اذا يوصل بابي خل الجلاب تنهش اذا ما ربطت له جلاب بولسيه اني مو ابو كرم.
كمال عصام تجاوزت حدودك أكثر من اللازم شوف ولك سالفة اختك تشيل أيدك منها وتصير أدامي لا انسى أنتَ ابني، أستغفر الله واتوب اليه
وصال ازهار ركض ماي ل ابوج
ازهار ركض مروان قبلي انطاه الماي وبابا تعب بالكوه ياخذ النفس ومروان يفتح دكم القميص بابا وعصام منزل رأسه بالكا? وطبع الكف احمر على? خده اخذ روحي ريتني ميته يا خويه ريت الكف اليه ولا الك انسحبت روحي من صدري من كرم يحاجي وهو ماله خلكه.
عصام هاا بابا هاا هسه بابا هسه خل جدو يصير زين هسه حبيبي
ازهار رفع?أسه وباوعلي گبل نزلت عيوني بالكا? وتنهد وباوعلهم وگال.
عصام خلاص مثل ما تريد سيادتك وصحتك عندي بالدنيا كلها واني كدامك وتمون وكلامك على? رأسي من فوك أني اسحب روحي ومالي شغل بعد الظاهر كلامي كله ما أله اي اهميه وكل اللي سويته لمصلحة هالعائله ولمصلحتها وكرهني الله اذا اكرهه واذا أنت انطيتها اله ومتأكد راح ترجع الكم ومن هالشارب اذا ما رجعها اني اكود على? عرضي يله بابا امشوا.
ازهار شال كرم وسحب اسيا ودخلوا وقفلوا بابهم وبابا مشه لغرفته وامي لحكته تمشي سريع وخايفه عليه ومروان باوعلي خبلني بنظراته عبرته ومشيت سريع وخايفه گبل طفرت لغرفتي وقفلتها على? نفسي.
بجيت الأ طگت روحي?أسي موتني من الصدا? روحي أحتركت صارت رماد وبالاخص لحظه بابا ضرب عصام اغمض عيوني بكل قوتهن ما اريد أتذكر المشهد ونظرات عصام اليه ول أهلي كلهم وانسحابه حسيته أنجرح من كلام بابا وتأذئ سوده بوجهي عليك يا خويه سوده بوجهي الله ياخذ عافيتي ولا اشوفك متأذي ومقهور بسببي الله يأخذني.
ل الليل صار وقت العشه أندك الباب صحت منو؟
مجد اني مجد
ازهار كمت فتحتله الباب هاا مجد
نزلي تعشي.
ما اريد عيوني أنتَ
مجد نزلي خيتي وتعشي وياي لاتنقهرين تنحل سالفتج ان شاءالله هسه سمعت بابا يحجي على? التلفون ويه عمي فاضل علمودج
دمعت عيوني وجاوبته ليش عرفت
اني عارف من زمان بس محد يگولي لن ما يردون أتاثر ويأثر على? دراستي
دراستك اهم من گلشي عيوني أنتَ
لاتزعلين من بابا واخواني هما هيج عقليتهم اعذريهم يعني حقهم
بعد روحي حضني بكل قوته بجيت على? أكتافه شكراً هواي مجد.
أنتِ اختي وهواي أحبج واتمنالج الخير يله نزلي مسوي أندومي واريدج تاكلين وياي من زمان ما ماكلين اني وياج
تدلل نزلت وياه لكيت امي تصب عشه ومروان يراسل شافني وصفن بوجهي وعاف التلفون توترت من وجوده وساعدت ماما
وصال أخوج ومرته ما طلعوا دزيت مجد محد فتحله الباب ضل بالي يمهم وكرم جان جوعان اريدهم يجون يتعشون ويانا.
مروان يمه خلص لاتكبرين الموضو? وتقهرين بروحج لا ضغطج يرتفع صحتج أهم عوفيهم يجوعون ويطلعون وكرم تلكينه ترس بطنه حلويات
ازهار أباوعلها تفرك بيدها وكل اشوي تروح تباوع بابهم واجت ولازمه گلبها يمه فدوه رحتلج اكعدي ارتاحي
وصال منين تجيني الراحه مروان أتصل على? أخوك
مروان أتصلت تلفونه مغلق ولخاطرج كايم اشوفه
ازهار كام وراحلهم واحنه وراه ويدك بالباب محد يفتح ولا يسمعونه صوتهم.
مروان عصام أفتح الباب امي تريد تطمئن عليك بالها مشغول يمعود ضغطها راح يعلك عصام ابو الغيره الحنون ابو گلب الطيب ولك افتح ليا زمال
هذا ما يفتح شسويله
أزهار رجع دنك باوع من جوه الباب وگال
مروان الاضويه طافيه يمكن نايمين وازعجناهم يله امشوا يله يمه شسالفه ست الكل ادري شبي قابل شسوله كص رأسه
وصال يمه اسم الله عليه وعلى عمره وطوله يمه عيوني الاشوف بيهن يمه عيني هو.
مروان حاركه دمج عليمن ترى هو عين الكحبه هسه يطلعلج يهلهلج بصوت ساجده عبيد.
وصال جوز من سوالفك ما ناقصتك
أزهار كعدنا واني انحشكت بصف امي لزكت بيها وحست بيه ولزمت ايدي بحنيه
وصال أكلي وكملي اكلج كافي تقهرين بروحج الله كريم يحلها الف حلال يله مدوا ايدكم.
ازهار بلشنا نأكل وتلفون مروان أتصل وتوتر رفضه ورجع أتصل نفض ايده واخذ تلفونه وطلع برا كملنا وشلت المواعين اغسل بيهن ومجد صب الجاي بس محد شرب وأمي كل شوي تباو? عليهم شگلها راح تفرش يم بابهم وتنام كطعت گلبي من كعدت بالكا?
بهل الاثناء اجه مروان مستعجل وگال لأمي
مروان كومي يمه بسرعه الجماعه راح يجون
وصال منو ولك يا جماعه
ازهار باوعلي وگال.
مروان منو قابل هذولاك الناس يله اني صاعد اغير ملابسي ودگي الباب على? عصام خل يتحضر اذا عرف بعدين يزعل شيخلصنا من لسانه.
ليش متعوفه اخاف نايم وهو توه نازل تعبان
توج تردينه يطلع يتعشى من سمعتي اجو غيرتي رأيج؟
مو تدري بأخوك
أدري والله العظيم أدري بس زعلان رضيان لازم يكون موجود هو من اكو بس اني وابويه ووعمي فاضل يله صاعد اغير ملابسي كعدوا كسروا الباب عليه مجد اذا ماكو ضيافه اطفر ل الأسواق طياره.
أزهار نوعاً ما أستبشرت خير يارب حنن گلوبهم علينا يارب كامت أمي وراحت عليهم واني شفت الثلاجه وبلغت مجد شنو يجيب
مجد بس هذن
أزهار اي جيب زايد مو ناقص خوش
مجد ماشي عيني.
أزهار راح واني عيني على امي ادك بالباب وانفتحت الاضويه كعدوا
وصال يمه عصام اكعد والله شعلت گلبي جاوبني يا أمي
أزهار فتح الباب بملابس الداخليه ويفرك بعيونه وباسها من رأسها واخذها بحضنه ويبوس بيها وهي تبجي.
عصام شسالفه يمه لا لا ما هيج أتفقنا دموعج عزيزه عليه يا بعد روحي يا يمه خلص اني اسف وحقج عليه أعذريني جفصت بكلامي وياج
وصال ليش ما تفتحلي اخذت روحي كسرنا الباب عليك تخليني متعلعله عليك اهون عليك
عصام لا يابعد عيني والله جنت نايم
وصال نوم العافيه يمه يله غير ملابسك وتحضر الجماعه راح يجون بالطريق هسه اخوك مروان كال ألنا وصعد يغير ملابسه
عصام خير يا طير شو ما ضلت مستحئ فدمره.
وصال الولد جايكم من الباب وانت اضبط اعصابك فدوة اروحلك وعمك موجود احضر ولاتزعل من ابوك
عصام ازعل من الدنيا كلها من سيادته ما ازعل يمون، يله ماشي هسه اغير ملابسي واجي
أزهار مروان نزل لابس قاط وعصام گلب عيونه وصاح بي
عصام وين مولي بهذا لبسك شعندك كاشخ وتتنفض ادري يخطبون البنت مو يخطبونك
مروان شلبس الهم تراكسود بشرفك.
عصام كافي عليهم برموده والله يالله شهل الوضعيه الخايسه هسه شعنده جاي اريد انطمر ارتاح، بعدين مو طردنا شو ما عنده احساس ادري كرامته وين؟
وصال روح البس يا امي
عصام رايح عمي رايح
ازهار راح وامي اجتي ولحكتها ومروان راح الاستقبال واجه عمي فاضل كاشخ سلم من بعيد وكف يحجي هو وبابا ودخلوا الاستقبال ومر وقت ودخل مجد خله الضيافه على? الميز وطلع عصام لابس لبس عربي ويفر بسبحته وباوع على? الضيافه وگال.
عصام بس جاي.
ازهار باوعلي ومشه ودخل الاستقبال وسمعنا صوت يمكن أجو وامي مشت تشوف واشرتلي رحت عليها ومن ورا البرده طلع مروان فتحلهم الباب سياره وحده نزل هشام وياه رجال جبير وزلم اثنين بعمر عصام واحد منهم لابس عسكري وتسلاموا هما ومروان وطلعوا ابويه وعمي فاضل تسلاموا وعصام تقدم سلم عليهم بس وصل هشام لف ايده وما سلم عليه من فاتوا هشام باوع ناحيتنا وشافني وعيونه لمعت وامي گبل ردت البرده وجرتني المطبخ خفنا من عصام يلمحنا.
گلبي يدك سريع ودموعي تصب امسح بيهن وينزلن وامي تفتر وتباوعلي أخر شيء أخذتني بحضنها جنت بأمس الحاجه لهل الحضن.
. طلع مروان واجه علينا
مروان ماي وجاي
وصال اي هاك يمه مجد كوم ساعد اخوك
مجد ما مغير ملابسي صدك تحجين والله ما اروح
مروان لا ابقى اني اخذ شوكت تغير ملابسك.
ازهار اخذ الماي والجاي وتلكاه عصام وبقينا كاعدين ننتظر لا نكدر نروح نسترق السمع يربي شصار اباو? الساعه الميل گوه يتحرك روحي ذابت مثل الشمعه أكثر شيء أكرهه هو الانتظار مو أنتظار شلون ماجان أنتظار أصعب قرار.
وصال شو مرت أخوج ما بينت بعد بالجذب ما سألت كالت خل اشوف عمتي حماتي شو ما صدكت اجه زلمتها طبت بعد ما طلعت والاضويه طافيه شنو نايمه لحد الان؟
أزهار عوفيها يمه هي هم الله يساعدها بسببي صارتلها مشاكل ويه رجلها ومبين ما متراضين
اي حسيت لن عصام اجه متلهف بس شافها فش ابني واعرفه اسيا نقطه ضعفه يتسرسح كدامها اني شريد منهم يهديهم الرحم?ن بس جان سألت علينا
يمه خل تفض هسه والله كريم تلكينها أول وحده واكفه ويانا أسيا معدنها ذهب واحتمال نامت هي وجهالها وهم شالعين گلبها صغار خطيه.
جريت حسرات وعيني على? الباب تالي جريت الكرسي وكعدت ومرت ساعه وسمعنا صوتهم
وصال مجد كوم شوف يمه
مجد ما مبدل ملابسي
وصال دكوم قابل يأخذون وياك صوره وشبيهن ملابسك مو لابس تراكسود واول لبسه الك بعده يلمع شو دكوم.
مجد والله ما اكوم هسه يجون ولدج وافهمي منهم
أزهار عند وما تحرك أخواني عدهم الكشخه اهم شيء، سمعت صوت السياره راحوا يمه راحوا
وصال أي يمه خوما يباتون لعد.
أزهار هم صدك، شويه ودخلوا من باب الرئيسي عصام وراه مروان عصام مشه وامي كامت راحت عليه
وصال هاا يمه شصار
عصام لاتخافين هالمره طردته بأدب؟ تعرفيني متربي عشر مرات؟
وصال يعني ما وافقتوا
عصام وما احلانا نوافق شتحجين يمه مروان القاط اريده بربك عجبني السواد مالته اخذ گلبي
مروان ماكو لاتعلك روحك بالثرريا ما انطي هذا غالي وشهرين يله وصل
عصام خاب تطير أنت وقاطك عاد من حوره.
أزهار بقيت كاعده ما بيه اتحرك وأصواتهم بإذاني يحجون بينهم والوضع كلش طبيعي واني روحي أنتزعت من صدري طردوا ما ينطوني الك يابعد عيني
نزلت دموعي واجتي امي
وصال الحمدلله على وعده الله يعوضج يا بنتي
أزهار ما أريد الله يعوضني بغيره أريده هو
وصال ولج سگتي أخوانج واكفين لايسمعونج.
أزهار على أساس هما ما حبوا ما عشگوا بس عليهم حلال وعليه حرام واني ما حبيت واحد يضحك عليه من أول علاقتنا هو وعدني بالزواج وصدق نيته واضحه بعيونه ويمه الشريف بهل الوكت ما ضلتله خبزه.
اجاكم من الباب وطردتوا وهنتوا كدام أهله وناسه ورجع جابهم واجه بنفس اليوم وهم رجعتوا طردتوا
گافي يا أمي.
عفتها ومشيت وبالكوه اشوف من الدموع الغركت بيها مشيت مروان واكف يم الدرج يسولف وعصام متخصر ويسمعله عبرتهم سريع وايدي على شفايفي دخلت غرفتي وقفلتها وحضنت مخدتي ابجييي.
ل أول مره حسيت روحي ما إلى وجود من رفضوا حطموني قبل لا يحطمونه كسروا حُبنا ونثروا وصرنا أشلاء مبعثره ولو أموت اشرفلي لن مو كادره أعيش بفراق الأحبه ولا كادره ارجع امارس حياتي طبيعي بين أهلي وهما فاقدين الثقه بيه وخسرتهم كلهم وخسراتي جبيره ومتتعوض بالأخص بابا وبعده هشام اخ هشام.
، بابا البطل الأول بحياتي ما اقدم عليه اي شخص بس مع الأسف ما قدرت حبه وعطفه وحنانه عليه ياريت هالگلب ما حب ولا تعذب ولا عذبتك وياي يا هشام ذليتك وعذبتك بحبي بس يكفيني صدق نيتك ومشاعرك وحبك المخلص وسويت اللي عليك وزايد ما اكدر اكولها أختنكت ما اكدر اكولها ربي يسعدك ويه غيري ما اكدر أنتَ مالتي انت حبيب روحي الحبيبته بدم گلبي.
بقيت أيام عازله روحي بغرفتي بس أمي اشوفها ومرات مجد يصعدلي يسأل عني حتّى اسيا ما شايفتها وعصام من بعد هذاك اليوم ثاني الصبح رجع الدوامه وأهلي كاموا يحجون عليه علمود دوامه والتزامه وبالاخص بابا شخص يحب التزام والأنضباط وجداً وفي ومخلص بعمله ويريد اولاده مثله.
انفتح الباب ودخلت امي بيدها صينية الأكل خلتها كدامي واني ما إلى نفس بأي شيء روحي مقموته.
وصال وجهج أصفر راح توكعين يا أمي أكلي لكمه على? اقل لخاطري متعبه نفسي وجايبتلج الأكل.
ازهار يمه يكفيني حنيتج عليه أشبع من اشوفج واكفه وياي صدكيني ما اللي نفس ولو جعت أنزل أكل
علي? راحتج بنيتي، أبوج اليوم سألني عليج؟
فز گلبي من گالت ابوج لزمت ايديها اي اي شگالج
گالي ليش ما تنزل جوه لاتعوفينها لوحدها وگال
شگال بعد
خل ترجع تمارس حياتها وتنسى الصار
أنسى! يعني ماكو أمل بعد خلاص هاي هي.
أي ما ينطونج اله وحجيت وياه وقنعته ساكت ما حجه شيء وياريته يحجي من يوم كشفوج هو ما بدر منه اي كلام تجاهج يمكن عايش بصدمه وما متوقع منج ولهذا يا ازهار يمه تقبلي واقعج وأعذري أبوج واخوانج هذا واقعنا مفروض غصب عنا ولازم نتقبله بالرضى بالرفض ماكو حل ثاني
ليش هما عادي يحبون وينحبون ليش حلال عليهم وحرام علينا ليش يمه ليش ماكو أنصاف وعداله بين المرأه والرجل.
لن مذكور الرجال قوامون على? النساء والناس ثبتوا هالكلام بقاموسهم ومشوا عليه ومن زمن اجدادنا نعرف الرجال يغلط ما ينعاب يلومونه بس ما يعيبونه بأغلاطه ابسط مثال الرجال من يخون مرته تتحمله وتصبر عليه والمتجمع بدال ما يلومه يلومها مثلي من رحت حجيت على? اسيا ولمتها.
. ويذبون السبب بيها اي حقه يخون أنتِ هاملته وتنكين برأسه وملتهيه بالجهال وعايفته ما يدرون هي شايله مسؤوليه أكبر من عاتقها تربي اجيال وتسعئ لبناء حياتهم وانشاء جو عائلي واستقرار يعني تصوري تكتم گلشي بگلبها علمود اطفالها علمود تخلق جيل واعي مو معنف بسبب مشاكل الاهل ومو كل البعض منهن واذا خانت لو تنقتل لو تنفصل بدون حقوق وتتعامل معامله الحيوانات من الاهل كلهم يصيرون ضدها هو هالشيء غلط جبير وما ينغفر بس اوضحلج السبب بين الرجال والمره.
والمرأه العكس تماماً ما تكدر تغلط وتحب وتنحب لن السمعه انربطبت بيها اكثر ما انربطت بالولد دائماً امي جانت تكولي كلما تفكرين تغلطين تذكري ابوج واخوانج خليهم بين حاجبج قصدها بين عيونج بغلطه وحده ادمر أجيال بعدج مو كيفي ولا كيفج بس المجتمع ينظر للمرأه اكثر ما ينظر للرجل.
واتمنى تكونين فهمتي كلامي ونظرتج ل اخوانج ليش هما يحبون على? كيفهم واني لا شوفي أمي الكلام سهل ينگال وسهل ينكتب بس من تتعمقين بي صعب جداً وواقعج مفروض عليج مجبوره تعيشينه بدون ما تحرفينه وتغيرنه وتتقبلينه مثل ما هو.
. احنه إناث هما ذكور هما رجال أحنه نساء
شوفي كمية الأختلاف بين التسميات ومنها وقيسي.
هواي اطلعن عن واقعهن وتدمرن وأنتهت حياتهن بلمح البصر وبيهن ضاعن وتشتت احوالهن واللي مثلج تحمد ربها ليل ونهار على? أهلها واخوانها ونعمتها العظيمه احمدي ربج عليهم ولاتدعين عليهم بسبب حرگة گلبج على? شخص غريب الحبيب يتعوض بس الاب الاخ محد يعوضه.
ازهار سحبت ايدها من أيدي وكامت وصفنت على? كل كلامها امي عظيمه جداً يمكن لو سامعه نصيحتها من اول مره ما وصلت لهل النقطه.
ومرت الأيام اكذب اذا كلت تعاشيت طبيعي بعدني بمكاني وروحي ذايبه مثل الشمعه جاي أقطع بالحم نسوي گبة جربش مرگه على? الغده وامي راحت ل الاسواق عدها نقوصات مسواك لن مجد يقرأ وبابا مشدد عليه ما يطلع يريده يطلع معدل.
اسمع صوت اسيا متلاغيه هي وجهالها لن فاتحه الابواب وتنظف واشتغلت المكنسه كملت ثرم كمت نكعته بماي وملح وشفت تلفون أمي؟ تلفت ماكو أحد كتبت اله على? السريع شلونك رد عليه مُباشرةً عبالك ينتظر مني هالمسج.
هشام شلوني من بعدج ما إلى لون وأنتِ شلونج مشتاقلج زهرتي
ازهار بجيت وكتبت اله مو بگدي شايف طفله ضايعه اني هاي الطفله
هاي الطفله بنيتي وما أخليج تضيعين بعد
ما فهمت.
بعدين تفهمين حبيبي يله مسحي الرسائل ورجعي تلفون امج نفس مكانه وديري بالج على? نفسج ولاتنقهرين أبداً
هشام
روحه المعلعله عليج وعيونه الما يجافيهن نوم من دونج أحبج وما احب غيرج وابقى أنتظرج لو اعرف اضل طول عمري أعزب أنتِ حبي العزيز وما اعوفه
اعشقك اتنفسك وجودك بدنيتي
واني هم يله گلبي انتبهي على? نفسج ولاتنقهرين
ماشي حبيبي وأنت هم مع السلامه
گلبي وربي وياج.
مسحت دموعي وحذفت الرسائل ورجعت التلفون لمكانه أنداريت ماكو احد بس صوت مجد بالاستقبال يقرأ وطلع كرم ما لابس ملابسه ويركض واسيا تصيح عليه
اسيا وين تريد تعال اغيرلك ملابس هو يجي ولك اوكف هسه يحجي عليك كرم ولك كرم اني اعلمك.
ازهار انفتح الباب ودخل عصام بيده جنطته وشاله ويبوس بي ويفتر هو وياه واسيا شايله ملابس بيدها نزله بالكاع وحضنته وباسها من كصتها ويحجون انداريت عنهم والتفت ماكو راحوا تمنيت اعيش هالشعور مثلهم.
أسيا.
من بعد اخر مره التحق بيها وأحنه متزاعلين وماكو تواصل بينا لن تلفوني اخذه مني وهالشي حطمني بالزايد وكتها اكتشفت خسرت ثقته ومكانتي العزيزه عنده على? الرغم كل اغلاطي بحقه بالكلام هو لحد الان ما جرحني بكلمه بس الا إذا جان موقفه صعب وأعترف اني تدخلت بشيء ميعنيني مشكلته هو وأخته مالي دخل وحذرني وما التزمت بالحذر لما وكع عليه بموقف مجرد ما اتخليه انقرف والف فكره تجي ابالي واطحن بروحي قهر واكول هم يرجع عصام الاحبه ويثق بيه مره ثانيه حطمت مكانتي بيدي دمرت نفسسي وضعت بين هالمشاكل بحسن نيتي وطيبه قلبي الما تنفع بهذا الوكت.
نظفت مملكتنا ورجعت گلشي المكانه وكل قطعه اشيلها من الگا? اتدمر ويخطر على? بالي وارجع لنقطة الصفر اول مره يزعل وهلكد انقهر واتأثر
فاتحه الكنتور وصافنه على? قطع ملابسه اليأخذن العقل مرتب وأنيق بشكل سحبت التيشرته وضميته لصدري ما كدرت اتحمل احس شيء أكثر من طاقتي اذا اضل هيج لما ينزل اني انتهي شيصبرني اموت
فتحت الباب وطلعت لكيت عمتي بالغرفه تصلي وازهار ما موجوده عمه تلفونج موجود أريده.
وصال اي يمه شسوين بي ليش تلفونج وين
أسيا شغلته ما يشتغل عادي استخدم تلفونج
عادي يمه
أخذته ورخت الغرفتي راسلته من حساب عمتي كتبت اله شلونك مرت دقايق وجاوبني
عصام زين
الك وحشه
ليش
البيت يخنگ من دونك شافها وما جاوب عصام
هاا
اني أسيا
أدري
أسفه حبيبي حقك عليه
عوفي تلفون امي ورجعي الها
بس اريد احجي وياك
واني هم اريد احجي وياج انطي مجال اكمل كلامي ملكوفه شعندج
شابعه قهر والله.
ديله رجعي التلفون مالتها وتعالي راسيلني من تلفونج تلكينه بالمجر الميز التواليت بين الاكسسورات مالاتج وبعد لاتراسلني من الفون ثاني
تلفوني
أي يله امشي
قبل لا امشي يعني رجعت تثق بيه
لما اثق بيج شگو ملفيج بيتي شكوو حاويج بغرفتي يله عوفيلي الحجي هسه وتعاليلي من تلفونج وهاا غيرته نقلت الشريحه والحسابات مالاتج على? التلفون الجديد ولو ما تستاهلين بس المعامله مع الله شنسوي هاي هي.
اعشقك هسه أجيك من تلفوني شافها وما رد رجع كتب
حذفي محادثه
حذفتها حبيبي رجعت التلفون وركضت الغرفه دورت عليه ولكيته وبجيت انوب قهرني بالزايد
فتحته ودخلت على? الماسنجر لكيته دازلي
الاسف هاي مالتج وين اوديها بيش تفيديني أسيا أنتِ غلطتي وغلطج جبير وزلمه غيري ما يلفيج بعد.
وسبق وحذرتج ومنعتج لاتتدخلين بمشاكل أهلي اي من يكون مو بس ازهار بس أنتِ ما أخذتي بكلمتي ولا أهتميتي اليه وعادي عندج ولابسه الوضعيه ولا تكولين وراي رجال ولازم احترمه واحترم كلامه واسمعه واني غلطت واحاول اصلح غلطتي قبل لا يخسرني
حبيبي بس اسمعني
خليني أكمل كلامي لاتقاطعيني
كمل عيوني أنتَ
أنتِ أشسويتي بدال ما تصلحين الغلط الاول اجيتي وزدتي الغلط غلطين هاي شيسموها اسيا؟ يسموها مره ما خايفه من أحد؟
لا والله أخاف منك وكلامك تاج على رأسي
ورحتي نفذتي طلب أزهار بدون خوف مني وعلى رغم صلافة أختي واستمرارها بالغلط وبمعرفتنا تجيين أنتِ تزودينها عليه ولج اني گافي عليه سالفه اختي مطيره النوم من عيوني شحمل حتّى احمل انوب أنتِ بدال ما اجي أسند روحي بيج اجيج الكاج ضدي ومخالفتني ومستمره وتشجعينها? الغلط.
بس والله ما حبيت اصير ضدها اني وياها مثل الاخوات من يوم التزوجنا اني وياك هي حسبة أخت واعز وأنت تعرف طبيعيه علاقتننا وجنت تكولي يوم احظر ازهار من كثرما تحجين وياها ليل نهار وماخذتج مني بس مراسلات تذكر جنت تغار من عدنا.
اي اذكر وبالعكس ما كارهه هالشيء ولما اعرفج شنو جان ضربتج بس ادري بيج تصرفتي بحسن نيتج وطيبة گلبج
اي والله دزيتها ما رد رجعت كتبت اله راح اتصل مشتاقه لصوتك
اتصلي.
اتصلت وجاوبني وصوت انفاسه عاليه بالكوه حجيت حبيبي
هاا
مشتاقه لصوتك
اي شسويلج هسه
بعدك زعلان
شتشوفين
بعدك
لهذا عوفيني براحتي
ما أعوفك والله
لاتلحين
والله الح ما اعوفك تفهم
خليج عزيزه نفس مثلما اعرفج ومتعلم عليج هذا التغير ما احبه ابقي نفس ما أنتِ
ايبس خشمي عليك
يبسي
هاا متمل
لا ما أمل
يعني ما تحبني أركض وراك
اخاف عليج تتعبين
رضيت
انجبي بعدنا متزاعلين
لعد هاي شنو
نسولف بس لن أنتِ مشتاقه لصوتي ما اريد اخليها بنفسج.
جذاب رضيت بس تتعزز عليه
جذاب لاتكولينها مره ثانيه
تامر حبيبي
أسمعي كلامي
تدلل حبيبي
ما تخالفيني ولا تعانديني
تأمر حبيبي
ابتعدي قدر الامكان عن هالمشكله لا من بعيد ولا من قريب ورأيج ما تنطينه لا بزين ولا بشين ما اريد اسمع يكولون اسيا زوجه عصام الها ايد بالموضو? اسمج ما اريده احد يذكره وينجاب طاريه
من عيوني الاثنين.
تخلص المشكله ورجعي وياهم مثل قبل عادي ما امنعج من اهلي بس هسه بهل الوضع لا ما اريدج تتدخلين نهائياً.
أن شاءالله، رضيت
لا
ليش ما ترضى
بكيفي
خبيث
مو بكدج
اني مو خبيثة هسه جنت تكولي من طيبة كلبج
ليش الگلبه طيب ما يخبث يضل عاقل
اي لعد شمسوي المسكين
شالع گلبي من مكانه
وين أنتَ هسه علمود اجي ابوس گلبك واراضي
عندي واجب تجين تلزمين وياي ونحرس الوطن اني وياج
أي شكد حلو.
أم شكد حلو ما تتحملين نازكه انوب احير بنزاكتج بحماية الوطن شصير متكوليلي
وياك گلشي اتحمل الحر والبرد وكل التغيرات المناخيه
تخليني انحرف گوه
انحرف يمي ولا يم غيري
تعالي لعد بس بارده تصلب أنتِ شايفه الجو هسه شلونه
سوده عليه انتوا ابطالنا ربي يحميكم
أمين
اجي ادفيك بحضني
خرب بحظ الكواد وين الكاج هسه
اجي
انجبي شيجيبج
مشتاقه لحضنك والله
تعالي المج بحضني هم ادفيني وهم ادفيج
بجيت
شگوو كمتي تنشكين
اريدك هسه.
محد گالج زعليني وتريدني هسه وين اجيج رب الحلو اسيا فحمتي گلبي جنت لازم واجب وساكت شجابج هسه
الجهال كاموا يبجون وما اهتميت
الجهال كومي عليهم
ما اريدهم
خبال شو كومي يله
ما
لا اله الا الله على هل المره
تحبك تموت عليك
واني اتنفسها والله روحي هي يله كومي على
جهالي عمي مو جهالج
جهالك منو امهم هااا منوو
تخبلت منو قابل أنتِ غير
اي عبالي
عقلج هذا اطلعه وابوسه
وبوسني هم.
أبوسج ليش لا مو بس بوسه كلشي يخطر على بالج بالخدمه يدلل عليه حبيبي الوكح
مو اوكح منك
اعترفي تحبين وكاحتي
اموت اموت بيها
اسم الله? عمرج يله كومي عليهم شوفيهم شيردون كرم طولي بالج عليه لاتزعلينه لخاطري ما شبعان من عنده
واني
اخ أنتِ أخ خليها پكلبي احسن ديله روحي عود احاجيح بعدين اروح اتعشئ
تمام حبيبي أحبك
اعشگج بوسيلي الجهال وبوسيلي روحج
تدلل حبيبي انتهئ الاتصال واني مرتاحه فدوه لعيونه گلبه طيب بسرعه يرضى.
كمت على? فروخي وابوس بيهم ولكم ابوكم رضى رضى والله مال ساجده عبيد واركص لصبح بس كون ابوكم موجود لن يحب هاي الفقره وامكم تبد? بيها عزاا تخبلت زر عقلي العالم وينها واني حايرتلي بالركض شكد فشله كعدي اسيا دتسقري وكت ركص هسه.
رضعتها وغيرتلها وخليتها بسريرها وكرم سبحته وكومت الالعاب بالصاله العب جوله اليوم ما امنعك بس لا تشخبط? الحايط هاا
كرم اوك ماما.
اسيا ابوس الاوك مالتك عفته وطلعت الاجواء مشحونه عمي يباوع للكل بعصبيه حتّى خفت وبقيت بغرفتي وقله اطلع على? كد ما انظف واساعد عمتي وارجع يم جهالي هما أصلاً ما ينطوني مجال بالاخص جود بس تنعوص عليه واني طاگني الشوك على? ابوها.
اخر الناس تعشينا بعد ما الكل ناموا طلعت حميت الاكل وتعشينا اني وكرم بالصاله مالتنا ورجعت غسلتهن ورجعت يمهم كرم نام من وكت لن مثل الديج من الفجريات يكعد متعلم من يلتحق ابوه يتنحس فلهذا يكعد وتعلم على? هالروتين.
كملت الهوسه واخيراً فتحت التلفون ومن ساعه دازلي رساله وما ادري
عصام نايمين حبيبي نوم العوافي يابه.
اسيا اي ناموا بس اني كاعده لوحدي ابويه مو يمي دزيتله سمايل يبجي.
يا بعد عين ابوج شسويلج هسه خبلتيني تدرين
هو أني مخبله بيك
ملاحظه أني اعقل منج؟
هاا عصام
تغيرت الموجه صرت عصام
لاتلعب على? الوتر الحساس أثنينا مليانين اغلاط
حبيبي أنت تعيشتوا اكل كرم زين لن صاير ضعيف
اي اكلنا بس اني ما اكلت
ليش ما اكلتي
لن انت ما موجود
هي مال كلاوات دستي بالماعون ويمي تبيعن نزاكه اثنين بربع ولج مو اني حافظج
خبيث اتنزك عليك شبيك
تنزكي يابه هو أنتِ نازكه شتصيرين ياعيني
اصيرلك كلشي.
اليوم الدلال هجم موخوش هجمه بعد يوميه ازعل واشيل خشمي عليج اصبريلي منا وهيج
عصام
لا لا اتشاقه
اي عبالي شوكت تنام
من أنتِ تنامين انومج يله لن اني عندي واجب عايف الوطن ومكابلج شايفه هيج تضحيه تضحين بكدي أنتِ لا والله
واني اكول داعش منين طبوا علينا اثاري انت مضحي بينا لا والفشله من وراي؟
انجبي
بحبك انا
استوكحتي
اي بالله
من اجي اني اعلمج
دتعال عمي وعلمني على? كيف كيفك
امشي روحي انطمري شعلتيني.
هو انت كل الاوقات مشتعل اني مالي دخل
خرب بيومج لو الزمج هسه يله نامي حبيبي
تصبح على وجهي اليحبك
مساءچ وصباحج عافيه حبيبي
راح الله وياه ونمت مرتاحه وقرررت منا وهيج ادير بالي عليه وما ازعله لن والله هو حباب بس اني مو مال احترامات دخل انام احسن جريت مخده وحضنتها وابوس بيها وكت احضن المخاد والله وكت.
أسيل مرت الايام كمت انزل جوه بس ما أكعد وياهم على? السفره كعدت مره ورزلوني وكمت للمطبخ فكمت اكل بالمطبخ اسوي خبيطه تمن ومركه وأكل وكلش متعقده وكارهه گلشي.
وهالايام البقيت بيها لوحدي بالغرفه يجيني شعور اقتل نفسي واخلص من هالحياة شو لا أهل يردون وجودي لا ام تحبني وتحن وتعطف عليه لا اخ يسأل ويتفقد أخته لا اخت تكول خل اراسل اختي ماتت عدلت لا حبيب اليه لوحدي يحجي وياي بس گلبه مو اليه يحبها الها على? الرغم طول الوقت نتراسل ومهتم بيه وما يعوفني بس احس بشعور المشاركه
وشمرت التلفون يمه ناقصه ذنوب انوب اموت ورب العالمين غاضب عليه واتعاقب فوك عقاب اهلي الي.
لا متسوى عليمن ادمر نفسي منو يستاهل ليش ما اعيش حياتي.
نزلت المغرب والمطبخ فارغ وامي مغيره ملابسها شنو تطلعين كلت اسالج شسوي على? العشه.
جنان اي أخوج حارث مسويه عزيمه لجماعته واحنه هم عزمنا يله نسرين وين صرتي بدلتلي لجهال
نسرين اي عمه هياتني خلصت اي بدلتلهم كملنا
اسيل واني ما اروح وياكم
جنان ليش الج عين ووجه تباعين بوجه اخوج وين تولين ويانا ابقي بغرفتج وانجبي
تعوفوني لوحدي.
شگوو عليج قابل نقفل البوب يله نسرين نمتي
أسيل يمه عليج الله اخذيني وياج اني هم طاگه روحي من الغرفه اريد اطلع اشوفلي بشر
دنجبي تشوفين بشر مو شفناج أشسويتي يله نسرين.
أسيل طلعت نسرين كاشخه وطلعن وقفلن البوب عليه ضليت واكفه بنص المطبخ لوحدي والبيت يصرع فارغ والدنيا صارت الليل والكهرباء طفت متت خوف بينما شغل المولدوكلش انقهرت شلون انطاهم گلبهم يبقوني لوحدي ويرحون بجيت بقهر والبيت يصر?.
صعدت غرفتي وقفلت الباب ومشيت لسريري وشفت الاكياس بالكاع من اخر مره اشترينا ملابس بيها ضلن محد فتحهن
فتحتهن صار كدامي الفستان طلعته ولبسته وبرز ملامح جسمي كلها بالاخص المناطق الإنثويه وفتحه الصدر فاضحه بس طلع قالب وفصلني تفصال قنبله ذريه ولبست سنسال ذهب وسشورت شعري طويل واشقر طلعت وحده ثانيه وكعدت اخلي مكياج وبالغت وخليت حمره لون أحمر ألبس وارتب وداخلي قهر وحزن وتولد داخلي شعور الانتقام!
فتحت تلفوني وسجلت دخول لحسابي ولكيته فاتح ودازلي رساله
مروان وين تختفين
أسيل يمك وين قابل
وين يمي كلما ادخل الكاج غالقه الانترنت هيج اوضاعج مخربطه
اكثر ما تتصور وتعبانه بشكل مو معقول
سلامتج حبيبي
حبيبي؟
أي ليش مستغربه
ما مستغربه بس ما متعوده عليك تگولها اليه
حبج اليه هو جبرني أكولها يمكن اني حبيتج وراح أحبج أكثر من حبج اليه
صدك مروان
اي حبيبتي
تدري جبرت بخاطري بهذا كلامك خاصه بعد ما أهلي عافوني لوحدي بالبيت.
ليش عافوج يعني هسه لوحدج بالبيت؟
اي والله تصدك أخويه معزوم واخذ مرته وجهاله وعافني! وحالياً كاعده بغرفتي وقافله بابي وخايفه
لاتخافين حبيبتي أني يمج وما اعوفج وعد وراح اتصل عليج دامج لوحدج احب اسمع صوتج خوش
اتصل حبيبي شويه واتصل وجاوبته هلا
اووووف لك مية مية مية مليار هلا لج احد كايلج صوتج ياخذ العقل
لا أنت اول شخص يگول هالكلام.
واخر شيء صوتج عالم ثاني إدمان خرب حظ الكواد لج اشتعلوا اهلج على? هالصوت الانثوي امج بيش متنسيه بيج عسل ياعسل.
خجلتني مروان
اخجلي حبيبي اخجلي الكواد الما ينطيج وعد
كول والله وعد متعوفني
وعد حبيبتي
يعني نتزوج
اي شكو بيها نتزوج بس مو هسه خل نتعرف اكثر خوش متفقين حبيبتي
أي عمري مثل ما تريد متفقين
هسه احنه نحب بعض واريدج ما تخالفين امري ولا تعصين شوري وين ما تطلعين تبلغيني
أصلاً ما طالعه وشتريد اني حاضره.
يابعد گلبي
أحبك
فدوة لحبج هبه تحبيني يعني شريد واطلب منج تسوين؟
أي عيوني الك
اكيد هبه
أكيد حبيبي
بعدين وعد نتزوج خوش
والله
مجذب عليج قبل شبيج ما واثقه مني وخايفه بابا مستحيل اكذب عليج لو اضحك عليج اني من احب اوفي بحبي الج هاي شغلتي
اني واثقه منك ومن صدقك ومتأكده ما تضحك عليه.
شوفي هبه نهاية كل علاقه زواج ودامج تحبيني هالكثر مستحيل افرط بحب أنسانه تحبني وتقدس أسمي وتفاصيلي شريد أكثر من هيج حب أصلاً محظوظ بيج وبحبج عمي نيالي وبختي بيج.
عليك الله صدك نتزوج اوعدني مروان
وعد نتزوج وكافي تلحين بسالفه الزواج وكل شويه اوعدني مروان وماادري ايش اني رجال انطيتج كلمه وخلاص اوفي بيها فهمتي عليه
احبك موت
هذا حبج دمرني هبه أريدج سكرت بصوتج تعرفين شنو سكرت
ما فهمت.
شلون ما فهمتي منفصله وما تفهمين لعد شجنتي متزوجه حايط رب الحلو
مو
عوفينا هسه خليني اشوفج تعالي كام يله حبيبي
ولاتزعليتني منج
مستحيل ازعلك
لعد راضيني
شلون
هسه افتحي كام ومن نتزوج اني وياج افهمج شلون لن الظاهر أنتِ الماخذته ما عارف قيمتج ومحد يعرف قيمتج غيري اني انتي صرتي مالتي وحبيبتي والي لوحدي وبس نتزوج تصيرين مريت مروان.
فدوه اروحلك لحظه قطعت الاتصال وقبل لا افتح كام سويت شيء! ما اعرف ليش سويته.
وأتصل وفتحت كام لابس ملابس داخليه ومرتاج على? التاج وصافن عليه بس شبه الفاقد
قربي الكاميرا على? شفايفج اويلي شايفه لو الزمهن اخ
تقزقزت من حركاته وقرب الكاميرا على? وجهه ويطلب اقرب شفايفي لعبت روحي مروان شبيك ما اعرفك ولا متعلمه عليك هيج حباب ارجع على? شخصيتك الاعرفها ما حبيت هذا الجانب من عندك
عوفيلي الشخصيه هسه هاي من نتزوج نتفاهم عليها
عفيه راح اسد الكاميرا.
رجعي هبه وين رايحه بس تروحين ترجعين ما تلكيني
لا عفيه وين تروح وتخليني تدري بيه احبك ليش تعذبني
ما معذبج بس ما احب وحده تعاندني وكتلج احبج وعدتج نتزوج بعد ع شنو خايفه وترجفين وتردين تروحين هو هذا حبج اليه امشي ولي والكواد بعد اليحجي وياج
شمر ايده وعفس وجهه وزعل مني وبرطمت وبجيت تمام بس لاتزعل مني اني لن احبك واخاف والله واحس بقرف
تتقرفين مني حبيبي
لا مو هيج ما جاي تفهمني.
فاهمج حبيبي يله روحي وخلاص كلشي ينتهي وانسيني مع السلامه
لا لا حباب لاتروح وتخليني والله اموت وراك تعرف اذا رحت وخليتني وحيده شيصير بحالي واني ما عندي بالدنيا غيرك بس انت احجي وياك واحبك انت روحي وكلشي بحياتي لاتعوفيني وتروح
ما يعجب العجب حرت وياج
خلاص لاتزعل باوعلي خل اشوفك تقرب وابتسلمي
احبج لج
اعشقك
ما تزعليني بعد
أبداً والله.
كومي شوفيني شلابسه شنو هذا لازك على? جسمج خرط عافيتي ينعل بليس اشتعلوو أهلج كلهم
بعدين من نتزوج شوفني كلني هسه ما اكدر راح اسد الخط اخاف اخويه يجي
هبه ليش تزعليني منج شحجينا هسه نرجع للمربع الاول ترى تعبتيني ماكو هيج بنيه متناقضه مثلج
ما اريدك تزعل بس افهمني اخاف مروان
تخافين من واحد يريد يتزوجج اذا ما تردين نتزوج سدي الخط يله روحي الله وياج
لا اريد نتزوج وانت وعدتني ومتخلف بوعدك
وعد وعد حبيبي أنتِ.
تمام اوكف لحظه وكفت وشاف خصري وكام يتغزل بسخافه
احتركوووا اشتعلوااا هبه بقي الكاميرا على? ركبتج وشفايفج يله حبيبي يله روحي لج احبببببج اعشقج شنو هالخصر يمووووت
تحبنييي والله تحبني
أحبج والكواد اليعوفج انتي إلى وتصيرين مرتي والا اتزوجج بابا شبيج اني اكول كلام ما اتراجع عنه
كول والله
شايفه جربايتي هذا مكانج بصفي باعي زين.
يأشر واني عايشه بأحلام ورديه ورحت وياه بعالمه هو يطلب واني بكل أذن صاغيه انفذله طلباته وشاف كل صدري وركبتي وشفايفي حتّى عيوني ما طلب ما لح عليه يشوفهن وحسيته انتهئ لن صوته اختفئ وكال
هبه اريد منج بس تتغزلين بيه كل كلمات الغزل تكوليهن بصوتج الناعم صوت طفل ولج عليج صوت اليسكر ويوكع أكبر واحد يله حبيبي
ليش حبيبي
سوي الگتلج عليه ولاتعاندين يله
تمام حبيبي فديت رجولتك اعشقك أحبك أدمنك روحيييي بيك.
صيحيييي اسميييي قدسينييييي ولج أشسويتي بيه
مروان حبيبي مروان البطل مالتي ضليت اتغزل بي وبعدها انكلبت الكاميرا واختفئ وصوته صار بي صدا
راجعلج حبيبي أسبح واجيج.
ليش تسبح
هبه روحي هسه اجيج.
قطع الخط وراح وضغطت على? رز الحفظ!
ورحت جبت هيتفون وفتحته وكعدت اشوفه كله ولعبت نفسي ونوعاً عرفت اللي صار بينا كرهت نفسي بشكل مينطاق اني أشسويت بعمري وهو شلون كدر يسيطر عليه اني وين جان عقلي يربي عبالك جنت تحت تنويم مغناطيسي صخام بوجهي.
شمرت التلفون ومسحت وجهي وجسمي كله نار يشتعل يعني صارت علاقه محرمه يمه يمه يمه لطمت على? وجهي ونزعت الفستان وشگكته بالمقص واستهترت ملخت شعري وامشي وافتر بالغرفه شبه الفقدت عقلي بالكوه اخذ نفسس اني وين جنت اشسويت اشسويت اشسويت يالله
ركضت الحمام سبحت بماي بارد من شدة حرارة جسمي وطلعت وسمعت صوت اهلي جوه علنوا عن وصلوهم دخلت وقفلت باب غرفتي وفتحت التلفون وحفظت المقطع بحافظه وقفلته برمز.
راسلته هاا مروان ميجاوبني حبيبي هم ميجاوبني ومرت ساعه وهو فاتح نت وميجاوب أتصلت عليه رفضني گبل هذا شبي ليش هيج يتعامل وياي معقوله ضحك عليه؟
عفته على? راحته كلت أحتمال مشغول او عنده ظرف ما راسلته بعد بس إلى صدمني ستورياته كلها حزن وينشر طبيعي ويرد على? التعليقات يعني عنده مجال مو مشغول هذا التجاهل شيسموا.
يومين مرن واني دايخه بزماني وخايفه عايشه بخوف مو طبيعي ما مرتاحه وشعور بالذنب موتني سلني سل، حتى بعد ما راسلته ولا صرت اهتمله شيء بداخلي طفه ناحيته هذاك الاعجاب تبخر ينشر صورته وبيها كل معاني الوسامه والرجوله صارت ما تعنيلي ولا تجذبني ولا يفز گلبي من اشوفه لن عايفني ومتجاهلني ولا كانما اليه اي وجود.
رديت? الستوري وكتبت اله منور ربي يحفظك شافها وكتب شكراً؟ شكراً رجعت تتعامل وياي برسميه مروان انقهرت حيل وكتبت اله ليش هيج تتعامل وياي بس قبل لا ارسلها صار شي صدمني صدمة عمري لدرجه التلفون وكع من أيدي ونار اشتعلت بگلبي صدمه كبيره ما اتخطاها بكل حياتي
تحظرني مروان!؟