رواية بين قلبها وعينيها كبرياء للكاتبة شمس العراقية الفصل الثاني والثمانون
#الاخيرررررر، #القسم1
مساء الخيرات گلبي صح تأخرت عليكم بس الحمدلله أكملت النهاية باتم صوره دون أختصار دون أستعجال النهايه مطوله جداً أستمتعوا بقراءتها أحبتي كُل الحب???
(النهايه الى الودا?).
أزهار مرت هل الأيام وكلنا عايشين بقلق واني ملتهيه بغزل وجهال أخوي سوده عليه متقطع گلبي عليهم عندي هما أهم من بنتي وبالأخص ك?م يياو? بنظره حزن لو شُنو نسويله ونحاول ن?سم الفرحه? وجه يضل حزين بس مع ذلك ما قصرت وياهم أني وأسيل الله يرضى? عليها عباره عن كتله من الحنيه والمحنه شُگو طفل? الكره الأرضيه تحن عليه ولاحظت الأطفال يحبونها وعدها قبول واسع منهم ونيال سيدرا? هيج أم متأكده ما تقصر بحقها لان واضح شكثر تحبها ومحتويتها كأنما من مخلوقه من روحها مو بس بنت مروان وهناس لا بنت أسيل والأم التربي مو اللي تخلف والله يعوضها خي? بإمها أسيل ونعم الزوجه ونعم الأم...
الحياة عبارة عن سلسلة من التجارب والمواقف التي تشكلنا وتجعلنا أقوياء. كل خطأ نرتكبه، وكل تحدٍي نواجهه، هو فرصة للتعلم والنمو
وكل التجارب الصعبه مرينا بيها نتعلم كيفية التعامل معها ونتجاوزها وعندما نخطئ نتعلم من أخطائنا ونصبح أكثر حكمة العيب ليس في الخطأ نفسه بل في عدم التعلم منه والاستمرار في تكراره.
والاعتراف بالأخطاء والاعتراف بالذنوب هو خطوة مهمة نحو التوبة والنمو والعمل على تحسين أنفسنا وطلب السماح والمغفرة من الآخرين ومن الله والشعور بالراحة والسلام الداخلي والأستمرار بالعيش بكل رضا وقبول...
وبيوم بالليل سيدرا صخنت صارت نار وأسيل شايلتها وتبجي أخذتها غسلتها وخليت الها كمادات وانطيتها خافض حراره لاتخافين ما بيها شيء شاطت? أبوها مثل ك?م و جود أطفال تلوعوا شنو ذنبهم يربي فدواتك.
أسيل باجر من الصبح نأحذها خاف بيها شيء فدوه ليش حرارتها مرتفعه اكيد عدها ألتهاب بجسمها
لا يضل بالج ميخالف باجر نوديها علمود نطمئن أكثر يله أمشي نامي وأرتاحي اني كاعده يمها هسه تخف عنها هزت?اسها بس ما راحت لصبح ضلت مخليتها بحضنها وكاعده حيل تحبها وحنينه عليها.
، واني جود وغزل متعاركات على حضني وغزل كل شوي ناتفه جود بعضه مخليتها عايطه وجود فد فقيره أمي هواي تشبها بعصام تكول طالعه على أبوها تتعصب بس بالمواقف تتطلب منها عصبيه بس راكزه عقلها عقل ابوها هواي صفات من عصام اما كرم لا أحسه يشبه مروان بس يدور حنان ومتعلق بأمه هواي الا بنتي ما عدها صاحب صديق حتى أبوها قلبت عليه ويتصل كاميرا تكظيها بف وبف يحاول يريد قفلت عالقضيه ما يفيد وياها باقي بس مجد ما قلبت عليه وهو بالعاده حبيب الأطفال.
الصبح أسيل أخذت سيدرا وعمتي زينب وعمي فاضل أخذهن للظهر ورجعو وطالع عدها التهابات مجاري ومنطينها علاجات وأسيل مخليتها بحضنها وتبجي
أسيل أني هالفتره هملتها صوجي كله مني التهيت بنفسي وتالي تمرضت بسببي سوده بوجهي يروحي
زينب گولي يالله طفل ما يتمرض انطاها علاجات أستمري عليهن وهسه تصي? زينه، يله نسوي الغده
أسيل بس أنومها واجي.
أزهار راحت نومتها وأجتي واني جنت محضره مواد الدولمه گعدنا نسويها وأندك الجرس كمت باوعت بالكاميرات هاي هناس وأختها أيفين مو عبالك بعد وگت.
أسيل منو أجه
أزهار هناس وأختها إيفين.
أسيل فتحي الباب شمنتظره
زينب أجتي على بنتها.
أزهار هو أنتظر هاليوم الي تشرف بي صار أسبوعين حال الضيم حالنا صرنا مزق وجنايز وهي ما فكرت تجي ولا حتى تسأل? بنتها ليش هيج شدعوه ترى أتصال ما يكلف عليها وإيفين أگول إلها تكول امي هم مسافره واني دوام وين اخليها وأطفالي وين أجيبها وسوتلها سالفه.
وهسه جايتني بالحرام الا اطردهن لو أعرف أصير موخوش أدمي كَلنا حقها وانظلمت بس تبقى أمها ليش هيج كطعت بيها هسه عمي مرينا بظرف دسألي على بنتج شبيها ما بيها مو خطيه طفله.
أسيل لا ولج عيب تنحسب علينا عوفيها يمعوده.
أزهار ما أكدر مقهوره منها عوفني.
زينب أزهار ماما لاتسويلنا مشكله والبنيه جانت مسافره يعني ما عدها علم مهما يكون تضل أم سيدرا وأهلج ما يقبلون بأي تصرف مووحلو صيري عاقله ومروان هم تضل أم بنته ومتاكد ما يرضى بالطرد عيب عمه.
أزهار ماشي عمه مثل ما تردين طلعت ألهن دخلن تقربن عليه باوسني
هناس الف الحمدلله على سلامتهم ما تشوفون الشر يارب.
ازهار الله يسلمج
إيفين طلعوا من المستشفى لو بعدهم.
أزهار لا والله بعدهم أتفضلن دخلن كعدن وضيفتهن وأسيل وعمه زينب دخلن سلمن عليهن وهناس تباوع ل أسيل ركزت على بطنها.
هناس ولدتي مو
أسيل أي الحمدلله
الف الحمدلله على سلامتج ومبروك ما أجاكم شصارلج.
ولد.
حبيبي يتربى بعزكم ودلالكم يعني سيدرا صارلها أخ وينها نايمه كاعده أجيت أخذها وهم أتعبكم أنتوا وضعكم صعب ووالده جديد أكيد متعبتج واني كنت مسافره وماما هم سافرت لهذا نعتذر ما اجيناكم بهيج ظرف بس من سمعت كنت بسفر وصعب أرجع لان مو لوحدي اني وزوجي لهذا خلصت السفره يله.
لا عادي ولا يهمج لا ما متعبتني بالعكس والله أي نايمه قبل شوي نامت وأذا عندج شغل بقيها عادي
لا أخذها عفيه جيبها اليه.
أزهار أسيل تباوعلي روحي أسيل جيبيها راحت وأجتي وياها أغراضها أخذتها تبوس بيها وحاضنتها وتشمر بروحها على أسيل وهي ما الها خلك حضنت أسيل من رگبتها وهناس بهتت ملامحها تفرك بإيدها ونزلت دمعتها مسحتها على السريع
هناس ماما سيدرا حبيبتي تجين وياي
أسيل شوي اليوم ما إلها خلك لهذا متنحسه
هناس شلون لعد تعاي ماما
أزهار أخذتها وگامت تبجي وكعدت تحجي وياها وتبوس بيها وشغلت الها التلفون أبتسمت الها.
أيفين أني خاله حبيبتي الأميرتي الحلوه.
أزهار أقتنعت وحضنت أمها وگامن وأسيل تباو? عليها وتبجي ومشن وسيدرا تباوع أسيل وصرخت ومد أيدها وتقربت أسيل تبوس بيها.
هناس روحي ماما روحي
أزهار أخذتها تبوس بيها وحاضنتها من رگبتها
هناس ممنونه منج لان أحتويتها وحبيتها كأنما أنتِ أمها مو أني الله يبارك بيج وشكراً? گلشي سيدرا ماما حبيبتي باي، يله إيفين.
أيفين وسيدرا.
هناس مريضه ما تشوفينها أشسوت خوما أخذها غصب منها وهي متعلقه بيها تصير زينه واجي يله أمشي مع السلامه تضل عدكم العافيه.
ازهار الله يعافيج يا هلا بيجن ودعن وطلعن بس هناس مبين حيل ضاجت ورجعت يمهن سيدرا حاضنه أسيل ونعسانه رجعي كملي نومتها ونامي وارتاحي وياها والغده أحنه نكمله هزت?أسها وراحت وكملنا الغده اني وعمتي زينب وكعدنا نحجي اني وياها ونسولف وصفنت على عمتي عمه
زينب ها عيني
هم تضوجين لوحدج
لا عادي.
ما نسيتي
لأ ولا أنساه شذكرج بي هسه دكملي الدولمه أنتِ من تشتغلين تكلبين دفاتر الماضي كلشي ينعاد بذاكرتج بنت أخويه وأعرفج.
خطر? بالي عمه هو أستشهد مات الله يرحمه يعني هذا قدر ومقدر ما تنجمعون ليش وقفتي حياتج من بعده
هو جان حب كل حياتي وصديق أخواني حيل جان قريب منهم أكثر ما قريب مني لدرجه أمي جانت تگول عليه هذا أبني بس للقدر رأي أخر.
أي اعرف جنتوا تحبون بعض ومن خطبج وافقوا بس ما تمت فرحتكم بس هذا ما يمنع تكملين حياتج.
أزهار قفلي الموضو? لان من زمان قفلته خليني شيء خاص بيه وبعدين أنتِ مو قفل قلبج بس? هشام رغم گلشي صا? رجعتوا البعض واني گلبي حب رافد ما يحب غيره وراضيه بقسمتي والحمدلله أخواني ما مقصرين وياي وأنتوا ربي يحفظكم اليه.
حضنتها فدوه أروحلج عمه ويحفظج النا يا أجمل وأحن عمه بالكون يله خل نكمل الدولمه هسه تجينا فريال ضحگت وغلقنا الموضو? قصتها تقهر وحزينه وناقصه..
ولكل منا لديه حكايه وقصه فريده يصنعها بنفسه أو يصنعها القدر له، قصه خاصه بهِ يعيشها لوحده بفرحها وحزنها ونجاحها وفراقها بكل ما فيها من أحداث وتفاصيل ويكون فيها بطلاً وقد يكون خالياً من البطل وأحياناً يعيش الحب من طرف واحد ويجد نفسهُ منعزلاً عن العالم ويعيش في عالمه الخاص..
گملنا وأجوا عمتي فريال وجديتي من المستشفى جابهم عمار خطيه سايق البيت يودي ويجيب دخلوا وعمه زينب أخذتهم الماي هاا عمار شلونك شبيك شو ضايج.
عمار لا هيج بس تعبان والله صاعد أنام لحد يكعدني وأظن محد يروح بعد.
أزهار ماشي أصعد نام وأرتاح والعصر أكعد أتغده صعد وصبينا الغده وأجتمعنا وأني وجمعت الجهال وكعدت اغديهم وكرم معبس كالعاده بس يتحمل ويصبر لما يطلعون بالسلامه وتعدي علينا هالأيام بسلام...
قبل بيوم من خروجهم كاعدين كلنا وأسيل هي وبنتها بحظنها وعمتي مخليه كرم وجود بحظنها
وعمتي فريال تفتر وتنظف ما تعرف تكعد عمه كعدي صدك جذب والله تجي أم شامل واني وياها ونكمله
فريال خليني أشتغل احسن ما كاعده ما أعرف أكعد وعمج وين راح خابر أهلج لا شوكت يجون الصبح العصر ما عرفتي
أزهار لا الصبح گالوا نجي وبهل الأثناء اندك الجرس وعمي ما موجود بس أحنه باوعت سيارة رافع هذا شجابه
فريال عليج الله أطلعي عليه.
أزهار ها عمه جديتي نايمه كاعده خلي تطلعه شو تضبه لان هواي مستخف
أسيل ازهار وياه بنات مو لوحده!
ازهار عمتي فريال طلعت أستقبلته وباوعت من الباب شهد وأختها إيناس هاي شجابهن شعجب
أسيل شالي من يمج لبسته وطلعت سلمت عليهن وهو واكف بعد مسافه يحجي هو وعمتي وباوع ناحيتي دخلن جوه كرصت شهد شجابج شُنو هالتطورات أخوج نازل عليَّ وحي.
شهد سكتي وخليها صدمنا دخل علينا تجهزن وأمشن وياي بيت عمي أريد اسوي الهم أستقبال ما صار بالشرق الأوسط بس مياسين عدها دوام ما كدرت بس اني وأيناس جابنا ومرام كالعاده متعاركين هو وياها..
أزهار ها هيج الحجي يله اتفضلن هاا نوسه شلونج
أيناس ماشي الحال حبيبي
أزهار دخلن البيت وكمت اني وعمتي طبخنا الغده والظهر دخلوا علينا ولد عمامي رافع وناجح وخالد وما حاسبه حسابهم يبوه عمه شلون هسه.
فريال هما هم ما اعرف شلونهم انطوا خبر قبل بوقت رافع گتله هم تضل عالغده كال لا المره زعلانه اروح اراضيها لان ما تفض على?اسي اذا ما ترضى الظاهر صايره من ال?وس.
أزهار هو?اس الفتيله رافع يله خل نطبخ لج شهد تعاي ساعديني ايناس وين راحت.
شهد صادقت أسيل وطفرن الغرفه فوك وعافن عليه المزعطه صرت فيلم سينمائي بس اوكفيلي هسه اجيبهن سحل واجيج ونطبخلج طلي واخواني لاتخافين ما يحجون اذا تأخر الغده بس رافع شوي يضل يفتر يخبصنا كلشي ولا بطنه يتأخر الاكل عنها.
أزهار ركضي بسرعه، شويه ونزلن وبلشنا طبخ طبخت لحم وتمن وياه غدانا وهنا استلمن الخضروات والمقبلات لما كملت ظهري انقسم بالنص وصبينا وعمي وخالد اجو اخذوا الاكل وعمار بالدوام بعده ما جاي فضيت الغده وخلصوا المواعين البنات ما قصرن...
صبيتلهم الجاي وانطيته لعمي كاعد وياهم هو وجديتي الحمدلله بيضت وجه اي عيني اني بنت وصال وكمال شعبالكم كعدنا نشرب الجاي.
شهد لزمي هاي بنتج عضتني ملختني شنو هاي شوهتلي أيدي واني لازمه ايدها عنها لان مريضه خطيه ما أجيبها بصطره أنومها بكاعها لج شُنو محد كالج مخلفه جلب.
أزهار عوذه منج يمه بنيتي خلي تعض شمسويتلكم هي عضه اوي.
شهد اي عيني ما جايزين من لحمنا ملختنا.
فريال بس يرحون نستلم البيت جلف خوش بنياتي
شهد من عيناي عمه صدك جذب
أزهار غمزتلها فرة عروس عيني اخباركم.
شهد لاتبجيني ماكو شيء قفلوا الموضو? ورافع گال ما ينحجي بي بعد وعمامي يضلون عمامي بس ما اعرف ليش گالي تعاي جواني على گلبي لا والقهر مجد مو اهنا شگو جايه على جهرتج
أزهار عابت جهرتج دمشي وياي انظف السويت
بهل الاثناء دخلن علينا مياسين دكتوره شايله واطك بكعبها
مياسين اكو غداء
أزهار اي حبيبي اكو صدك جذب اتفضلي وغداج يجي لعندج
مياسين فدوه لكلبج
أزهار منو جابج
مياسين رافع وصلني وراح السوك يتسوك للعزيمه.
أزهار ها زين امشي للمطبخ اصبلج الغده صبيت الها الغده تغدت وغيرت ملابسها واجتي ام شامل خطيه واستلمنا البيت غسل وتنظيف وغيرت الديكور اني والبنات أسيل اموت اذا تشتغلين لزمي بنتج وكعدي يم جديتي.
وكملنا تنظيف حتى الكراج ودخل رافع وناجح جابوا المسواك خلوا شفتهم دخلت البيت سريع اخذت بنتي ومشيت ولليل هما يفترون عرفت يجيب طباخ وجاي يحهزون العده وكلشي يخص العزيمه وعمار وعمي فاضل وياهم ومجد بالدوام..
كاعدين وصرنا جنايز من التعب لان سوينا حملة تنظيف عميقه للبيت كله حتى الطابق الثاني ما خلينا شيء ما نظفناه واهس ناس على ناس وجديتي مستمتعه بالاجواء وتفدنا وكاعده بالصاله صايره سويتلها الجاي واخذته الها ودخل رافع باوعلي گبل مشيت للمطبخ وعمتي فريال تضحك عليه تقدم باسها من أيدها نفضت ايدها وتحجي عليه لان ما جايب مرام مره من المرات بصوته العالي کال الها.
رافع شسويلها يا جده هي ما ترضى تجي اضل اتوسل بيها شطلعت هاي ترى هواي منطيتها عين ومكبره?أسها عليه والله جانت فد ادمي من شافتج وياها انجلبت عليه صاير ولا اكدرلها.
الحجيه وشگو تجعر شگيت طبلة أذني شعندك تصيح لو ما تعرف تحجي بصوت ناصي لا والله كول هي ما تگدرلك غير شالع گلبها خل تفض هالهوسه وجيبها عليه عندي حجي وياها وزواج ما تتزوج وتشيل المره من?اسك لا اخليك تحلم تلزم مره.
لا مرام ولا غيرها الا اخليك بحصرة النسوان واني نعيمه اسويها رافع وتعرفني.
رافع هو شلتها لان غيري اخذها من اخذه الله
أزهار عوذه خفت حلگك عفته لان حسيته متعمد يصيح بصوت عالي عود سمعي أنتِ المقصوده شگد حقير ولا يطهر..
رافع جاي جاي اكو
أزهار عمه صبيله اني رايحه على بنتي
رافع خلص ما اريد
أزهار خله وطلع بعد أحسن كافي عاد طوختها وحقها ما تجي وين تجي وانت هاي تصرفاتك الله يساعدها عليك شلون متحملتك ما ادري.
لليل كاعدين وعمتي فريال جابت الحبشكلات وجيس الحب
فريال التغفي كبل لا نخلص جيس الحب افين حظها
أزهار عمه هو جيس هسه تفتح حلكها أسيل وتجي غزل وينفضنا
أسيل حطت روحها ورايه أنتِ مثل اخوج عمار نسخه.
أزهار نشاقه يمعوده غير نمون عليك يا حلو ضحكت وكعدنا نسولف ونكرز وشهد كل شويه وذبتلها سالفه تضحك اخر شي كالت
شهد أكوللكم اشو اسيل صايره جنها خويلد المجدي الجان يوكف يم الجامعه.
أزهار عزه التشبيه كارثه بس ليش عفيه ما أسمحلج تحجين على زوجة أخويه شُنو هاي حميت والله شبيها شحلاتها كون مروان يسمعج
شهد اوي عيني خفت دباعي زوجة أخوج دباعن خلقتها الحواجب والشوارب بيهن طبخه جاي
أزهار هو منو اله خلك دكومي جيبي خيط خل عمتي فريال تحفلها عن نفسي مسويه ليزر وخلصانه من هالعذاب.
شهد اوفا عليج اني حفافه خط اول ماكو احد يلحكني.
أسيل ديلا ام خط أول استعجلي وجوهنا صايره جنها غابات الامزون.
أزهار راحت جابت واجت كعدت تحفلها واسيل كل شويه عايطه وجهه حساس يما كملت وجها أحمر على بنفسجي.
أسيل عمه اني أغلب الأوقات ما أحف وجهي اخلي مشقر لان وجهي يتحسس من الخيط ويطلعلي حب هسه شسوي وجهي أنكلب خلقته وباجر مروان يجي يبوه.
فريال روحي خلي مي وشكر كلشي ما يطلع
أزهار راحت واجت وجهه مدبك وسيدرا تلحس بوجهه خرب متنا من الضحك كملنا وكل وحده اخذتلها صفحه ونامت.
وگعدنا من الفجر مجد توه نازل جنطته بالباب وعمه فريال تسوي جاي وهو متمدد بالصاله مبين عليه تعبان سوده عليه.
أسيل تسوي ممه لسيدرا اني طلعت لكيت رافع وشهد ومياسين يغسلون بالكدوره والغراض بس باوعلي ورجع يكمل شغله طلعت اغسل الحوش وأجتني ام شامل ساعدتني بالحوش هذا داخلي للبيت الصفحه الثانيه للسيارات وره يم الحديقة هذا ساحه فارغه خليناها للطباخ يطبخ بيها.
گملنا رجعنا نظفنا الصاله وأسيل كشخت هي وسيدرا لبستها بدله ورتبت وبخرت البيت والبنات وياها سبحن جهال عصام وغزل ماخذه ثاري من رافع بشهد عبالك تحس كل شويه وناتفتها بعظه ومخليتها تعيط
ومجد برى رافع مجلب بي ما يخلي يدخل البيت دعوفه ادك عليه شغل هو تعبان خل يدخل يشوفها خطيه وهي هم تحرمص وتباو? عيونها وكعن من كثرما تباو? الباب وجديتي تباوع الها وصاحت بيها
الحجيه شهد جده ثگلي أخوانج يفترون.
أزهار هزت?اسها ومشت خطيه واني رحت أخذت غزل سبحتها ومشطتلها حضرت القواري وطلعتهن هنه والجاي والغراض أستكاين وكلشي جاهز لان مجد كال جايجي موجود هو يستلم هالمهمه.
والخبز كالو حاجزين يم الفرن يجيبون مناك بس كال ماي نخلي بالمجمدات والثلاجه هو أساساً بارد جايبنا من الاسواق ومبلغين أبو الاسواق يحتاجون بعد بارد والعصائر نفس الحاله.
وأجن نسوان عمامي وجنان هديل واسماء كلهم اجو باركوا لاسيل عبالهم بعدها هناك الاهتمام بغير وقته ما مرغوب وبلا طعم
وأسيل أساساً مو مهتمه لان كلش فرحانه راح تلتقي بابنها وحبيبها زوجها ملبسه سيدرا بدله وتفتر بيها اجن نسوان عمامي واجت جديتي وعمتي سهيله استقبلتهن كأنوا الامر طبيعي لكن داخلي الف غصه كلشي انساه اله فزه غزل من شافتهن شلون نصرعت وتبجي طفله وما نست أني شلون أنسى?.
خالي سلمان جايبهن وجاي عفتهن واخذتها اسكت بيها وهنا حسن بيها لكن ما كدرن يحجن أخذتها الغرفه وفستاني مجهزته بس انومها ادخل أسبح.
هاي شغلتها مطوله عفت غزل تلعب بالأيباد طفرت الحمام سبحت وسويت تقشير وسنفره وطلعت لبست وسشورت شعري ولبست الفستان وكعدت أخلي مكياج كملت گلشي وشلتها ونزلت كلهن شافني وعمتي سهيله أبتسمتلي تجاهلتها وگلبي قبضني أختنگت مجرد شفتهم گلشي انعاد وهما رجعوا العلاقه يمكن لخاطر أمي ومصيبتنا جبيره الحمدلله عدت سلامات...
دخلت السويت ومملكه مالتهم نظفته البارحه بس حضرتلهم الحمام وملابسهم وأخذت من ملابس عصام لهشام لان ما صارلي مجال أروح البيت وطلعت صعدت الغرفه وحضرتله الحمام وعطرت الغرفه گلشي تمام التمام..
وفتحت تلفوني هشام دازلي رساله
هشام ها شلونكم اليوم كطعتي بيه
أزهار هلا حبيبي والله ملتهيه شوكت توصلون
ما ضل شيء أقل الساعه بس بشرفج حضريلي حمام خست.
تدلل حبيبي كم هشام عندي
أويلي بس الزمج اسويج ثريد عالحببيبي مالتج.
ضحكت من قلبي ليش يعمري شسويت
بنت كمال الخوش رجال اني بصف ابوج وأخوج يباوعلي هسه يهفني بالموبايل على?أسي
ها مروان
اكو غيره الحلو والمؤدب نظراته مال واحد يعرف گلشي يدرس الواحد دراسه عامه وشرط عميقه.
لا وين اكو هو واحد وأبنه تكررت نسخته اي كلش ينتبه وعقله واعي.
اي صح بس عمي طلع حقج تتباهين بإخوانج وأبوج طلعتوا صُدك معدنكم أصيل بس اليعاشركم يعرف طيب أصلكم ومعدنكم.
أبتسمت اي هذا الحجي حتى لا مره والثانيه وكلت أخوانج وابوج.
لا لا توبه المهم أشسويتوا ما سويتوا العزيمه منو تكفلها عمار مأخذ أجازه راح يستقبلنا
رافع وناجح ومظفر وخالد وحارث وحسن كل ولد عمامي وعمي علوان وعمي داوود وعمي فاضل كلها هنا والطباخ اجا والذبايح جهزت ومجد حضر واني كلشي حضرت الحمام الكم ملابس هم كلكم حضرتلكم گلشي جاهز
أي عفيه هذا مروان خبصني الحمام والحمام.
اي عيني لا تخاف گلشي حاضر لايضل بالكم هشام فدوه أفتحلي كاميرا اشوفهم طاگ گلبي عليهم.
تدللي وأشوفج هم وتشوفيني
اوكف حبيبي أنزل على الجهال خطيه وأتصل عليك
وأحم كاشختلك
اكشخي يابه اكشخي جعل محد يكشخ غيرج
خجلتني
لك أموت على خجلج أموت
هسه ارجعلك
منتظرج على نار
نزلت اني وغزل وشفت سيدرا شلتها تعالوا تعالوا نحجي كاميرا اجو كرم وجود وسيدرا بحضني وفتحنا كاميرا تونسنا وياهم ويابه فد مشتاقه الهم طاگ كلبي نهيت الاتصال.
راح واني التفت لكيت جديتي جايه وكاعده يم جديتي الثانيه واجتمعهن رحت على مجد شفته هو واسيل كاعدين يأكلون ريوك ما متريكين
أخذت كلاص جاي شربت ورحت على غزل لكيتها هي وسيدرا وجود وكرم يلعبون عفتهم ورحت على عمامي اخذتلي فره كلشي جاهز بخرت البيت تبخيره أخيره والاستقبال..
وفزيت على صوت الطبل والزمر دخلوا بيتنا والجهال كلهم طلعوا يتراگضون أولهم بنتي العرمه متصدره ادري يا ماما سباق هو لو يوز? حلاوه من فدوه لهل الطول والركضه كلها مشوا عليه وسيدرا النتفه تحبي وتبجي ليش عفتوني أسيل تخبلت شالتها وتصيح مجد يجي يأخذها تريد تشوف قربانها.
والاحلى كرم لازم أيد أخته جود يمه فديت الحنين طالع على عمته وعمامه أخذتلهم صوره وعزل ادفع بيهم وكفت بصف أبو الطبل تقرب رافع باسها منك من الشيطان وأسيل نكزت من القهر.
أسيل عفيه تعالوا أخذوا بنتي.
مجد جيبها تعاي عمو ولج اخاف تنصرع لان صوته عالي هذولاك كبار ولا يخافون عادي عدهم خو غزل احسه شفاء لكل لمرض بيها دباعيها.
أزهار عينك من بنتي عينك
مجد عيني عليها من حبي الها.
أزهار فدوه لطولك اخذها رافعها فوك ويبوس بيها واني وكفت عدلت كشختي وأسيل حشگت نفسها ترتب حلوه عمي طالعه تموتين
أسيل منيلي وجهي تعبان صايره العب النفس
أزهار لا والله بالعكس تخبلين طالعه عادي جنج العافيه وما عليج من حجيهن اخاف يكولن الج على وجهج تعبان وجسمج خربان سمعي منا طلعي منا والده جديد بعدج نفسه شتصيرين
أسيل فديتج اني.
أزهار حبيبتي خل أشوفهم وين صاروا أتصلت رفضني وسمعنا الصوت باوعنا دخلوا السيارت وأنتشروا الحمايات لان صار تجمع بابا اشرلهم قفلوا الباب الخارجي بسرعه وشلت سلة الجگليت وطلعنا إلهم وطشينا الجگليت والهلاهل أني وجديتي وسلمت عليهم وعصام باسني من?اسي سوده عليه وضعه حيل تعبان يكولون صار زين وينه والله فد تعبان گوه يمشي نوب صوت طبل ازعجه وكاموا يرمون طلقات كلش ماله داعي لا طبل ولا رمي بالجو وينه وين هالسوالف وهما مرضى..
مروان شايل ابنه رافعه ليفوك وهو يگول
مروان حيا الله زلمتي نورت بيت جدك يا فخر
أزهار حبيبي الف الحمدلله على سلامتكم نورت بيت جدك يروح عمتك الف هلا ومرحبا بسته واجتي اسيل تبجي الموقف يبجي اخذته تبوس بي وحاضنته ومروان يسكت بيها ودخلوا البيت سلمت على ماما وبابا كلش تعبانين سوده عليه وشفت هشام الحمدلله على سلامتك حبيبي شلونك
هشام الله يسلمج حبيبتي اليشوفج شيصير
أزهار بخير أكيد
هشام فدوه لوجهج.
أزهار خجلت من نظراته ومشيت لان العيون علينا مشيت كدامه ودخلت البيت وأنخبصنا وأبويه دز عليه وراح بعد ما شفته صعدت غيرت فستاني مو مال كشخه وتندمت لان لبسته لان من شفت وضع عصام تقطع قلبي والبس وجع يوجعني كملت وعدلت شالي ونزلت ولكيت هشام يدور عليه عباله زعلت ما يدري اني من شفت عصام الدنيا طلعت من عيني.
دخلت? عصام لكيته نايم وأسيا مگابلته وتبجي ها ليش تبجين شبي خوما موجو?.
أسيا يشگي من?اسه گوه نام الا أخذ مسكنات يله
أزهار لاتخافين ما بي شيء حادث سياره بعد يرادله وقت يله يرجع لوضعه الطبيعي الله كريم عيني يله گومي سبحي وأرتاحي علمود تتغدين راح يصبون الغده.
مالي واهس ولا الي نفس حتى الماي مر عوفيني أزهار بس عينج على جهالي غديهم وهاي هي عود اذا كعد وشفته زين أكل لكمه.
براحتج طلعت من يمها أنعصر گلبي ربي يشفيك ويعافيك واجتي امي بيدها صينيه أكل المن يمه.
أسيا خل تلم جهالها وتأكل راح توكع من طولها فتحيلي الباب وأنتِ روحي على رجلج يريد يسبح ويستحي يصعد فوك.
أي دخلت ومشيت لكيته واكف هو وعمار
عمار أمشي وياي على شُنو مستحي غريب قابل أنت منا وبينا واليحجي حجايه أكسر حلگه صارلك شگد ويانا أهل أهلك انسلگوا أمشي عمي
أزهار باوعلي وصعدوا سوه دزيتله رساله أخذ راحتك حبيبي وملابسك والحمام گلشي حضرته الك.
هشام أي شفت عاشت ايدج حبيبتي عود بس نتغدا نروح البيتنا تعبان وأريد أرتاح جسمي متكسر.
ماشي حبيبي عفت التلفون ورحت يمهم صابين الغده وكعدنا تغدينا والمواعين البنات استلموهن وأم شامل وياهن خطيه ما قصرت عمه فريال أم شامل گولي للولد يخلون الها اكل من الجدر ويكثرون اللحم وگلشي هي منا وبينا ما اوصيج بيها بعد فدواتج عينج عليها.
فريال من عيني شلون أم شامل ذهب صافي.
أم شامل انتوا ذهب صافي والله معدنكم أصيل الله يجفيكم الشر ويشفيلكم عصام ومروان.
أزهار أمين يارب، اجتني غزل تبجي نعست شلتها وصعدت نومتها وشلت ملابسه غسلتهن ونشرتهن ورجعت لكيته حاضن غزل ونايم تعبان قفلت الباب خفت من الجهال يصعدون تقريت نمت وغزل بنصه وهو حس بيه باسني من أيدي أسفه كعدتك
هشام ولا يهمج هو أني أريد تكعديني تعاي يمي تعاي.
أزهار تقربت وسحبني لحضنه شميت عطره وسكرت كل التعب تبخر هشام مشتاقه لحضنك هشامي حبيبي گلبي.
مو بگدي يروح هشامج مو بگدي.
باسني من كصتي وبسرعه غفى مبين عليه التعب بشكل واني هم غفيت ما اعرف شكثر مر الوقت رن تلفوني باوعت امي سحبت نفسي جاوبتها ها ماما.
وصال شنو نايمه
أزهار اي والله يمه أخذتني نومه خوما صاير شيء.
لا بس أبوج سأل على هشام أستحيت أكوله نايم فوك كتله صعد وعمار فه أنتِ نزلي لاتضلين فوك شوي عيب من أخوانج وهذن الحبايب يتلفن.
تمام هسه نازله وهشام يحتاج أكعده
لا عوفي نايم خطيه بس أنتِ نزلي وأنتبهي فهمتي عليه شلون تتنبهين يعني...
فهمت وما صار شيء والله من البالج أصلاً نايم من التعب گبل غفه وهسه أنزل
ماشي أمي اني علمودج يا عيني هنا ينتقدن.
ادري بيهن يله نازله قطعت الأتصال باوعتله نايم غطيتهم باوعت شكلي طبيعي عدلت شالي ونزلت صادفني مروان طالع وعمار يساعده ها عيني شلونك
مروان لا الحمدلله أحسن بس قالقني وما مخلي عقل ب?أسي عصام وضعه أبداً ما عاجبني.
أزهار اي اني هم ما عجبني وضعه حيل تعبان وأنت بسلامتك جان بقيت بغرفة امي خوما تضل صاعد نازل وضعك بعده.
لا الحمدلله هذول شُنو شغلهم يله نزلني.
نزلنا وهما راحوا الاستقبال لأن عصام نايم وأمي تصيح بالجهال لان عصام نايم والجهال وكح
وصال سگتوا والله اليعيط سگتوا هذا مو جاهل وياكم شو ما اله صوت.
أزهار ها يمه شلونه
وصال بعده يم الله رجلج بعده نايم
اي والله
يله دخلي سلمي على خالاتج كلهن موجوات
يمه فدوه الغي هاي الفقره مال فوتي سلمي وخالاتي صارلي شكد ما شايفتهن هسه أدخل أسلم عليهن أعفيني منها.
خوما صغيره أنتِ صرتي أم بعدج تستحين أضل أعلم بيج كلما تجي وحده اشحطط بيج عدلي شالج وتعاي سلمي عليهن يسألن عليج.
أهوو ماما
وجعوا شو أمشي عيب منهن ما جايات من زمان وأجني وسألن يله امشي عاد فضيني ترى مالي خلگج?اسي مشلوش على أخوج.
يله جايه راحت وعدلت شالي وشفت شهد متحضره ها تروحون
شهد أي والله رافع دز علينا بس امي والجنايين ومياسين يضلن اني وايناس نروح تعرفين بعد
أي اعرف شفتي عاد لا.
ً لا حتى لو تصح فرصه ما أخاطر يمه والموبايل موجود بيش مقصر نتواصل
حبيبي الله يجمعكم بالحلال ان شاءالله ويهدي رافع عليكم.
أمين يارب يله حب هسه يضل يصيح علينا لان هو صعدت عنده صاي? نار وشرار ما يتفاهم لان مرام تريد تمشي لعمامها وراح يأخذ جديتي وياه تكعد وتحجي وياها وتقنعها لان هو يكول هاي هي بعد ما أتزوج يله حبيبي بوسه.
الله يهدي عليها ويصلح الحال مع السلامه حبيبتي عود نتواصل راحت مستعجله ولاحظت عليها حيل عاقله مو هذن بس يلكفن ويردن فرصه يشوفن حبيبن لا بالعكس أصلاً ما فاركت خيال اخواتها.
رجعت امي صاحت عليه شلون سالفه هاي
وصال أزهار حبيبتي تعاي ماما.
أزهار أي ماما أجيت دخلت عليهن يبوه أنثولت وأكثر نظرات ما حبيتها نظرات جديتي وضحى تتفحصني من فوك ليجوه حتى?اسي يوجعني اي واحد تابع اله عقلي يوكف گلشي عشته ينعاد بذاكرتي ما كدرت گبل طلعت لازمه صدري مختنگه وصلت الدرج گوه أخذ النفس وكلشي بعقلي الصراخ والضرب وكل سوالفه المكسره وفزيت مرعوبه بحيث شهگت يمه
هشام أزهار شبيج حبيبتي.
أزهار لا هيج ماكو شيء طلع مروان سانده عمار شافنا باوعلي وطلعت أمي تحجي.
وصال ما تجين تسلمين? خالاتج ليش طلعتي ماما ازهار حبيبتي شبيج
مروان خالاتها گلتيلي لازم نسيتي سوالف شاهين وقذارته نسيتوهم بحجة أحنه أهل وجمعة حبايب ولدج مسوين حادث ولازم نسامح ومن هالسوالف التعبانه يمه ترى لخاطرج جارعهم فه رجاءاً أعفي ازهار من السلام والكلام الصار وياها مو قليل ولا سهل عليها تذكره ياريت ما تزعلين.
وصال أني مو قصدي والله بس خالاتها رادن شوفتها ومحد جايب سيرة شاهين وهاي هي لاتدخلين مو لازم وأسفه ماما حبيبتي خاف لحيت عليج.
ازهار لا عادي هشام ما حجه بس يباوعلي
عمار هشام أبويه يسأل عليك كاعد بالأستقبال.
هشام ماشي عيني رايحله أزهار عود تحضري نروح البيت.
وصال وين أبني ضلوا تعشوا ورحوا.
هشام لا عيني عمه عشاكم واصل بس اني تعبان وأريد أرتاح وهم أخواتي يردون يجون يباركولي ونجيكم ان شاءالله باجر العصر اني يمكم.
مروان يابه? راحتك ومن حقك روح أرتاح بيتك وتعبناك ويانا مشكور على كلشي ابو غزل حبيبي
هشام تدلل لا شُكر? واجب وأنتوا أهلي
أزهار راح على أبويه ومروان وعمار صعدوا فوك لليل صار وقت العشه واجه هشام ها عيني نروح
هشام اي صعدي لبسي بينما اطلع سيارتي من الكراج لان لخه صايره ازدحام.
أزهار ماشي حبيبي صعدت وشوي صعدتلي أسيل ها عيني باوعت عليها تبجي شگو شبيج شصاير
أسيل نزلي كلهم مجموعين يم عصام طلع يمهم شوي ورجع وضعه تعب فد مره وكلهم يمه وأجيتج
أزهار يمه أسم الله نزلت ركض وكلهم فوك?أسه ومروان مدنك?أسه يبجي واسيا والجهال بحضنه يبجون عصام شبي مجد عصام شبي حاجني وهو يبجي
مجد ما أعرف ما اعرف عمت عيني يا خويه لاتسويها ك?م فدواتك طولك لاتسويها بأهلك وأخوانك ابويه أنت.
أزهار أمي تحجي وتبجي فد مره صارت طلعوها واني ابجي وكاتمه صوتي وأباوع الهم منوم جهاله بحضنه ونايم على رجلين أسيا كعدت ابجي واجه عمار حضنته وابجي وياه ودخل بابا وهشام ورافع ولد عمامي ويحجون واني بالي مو يمهم بس ابجي
بابا عيونه دم مليانات دموع بس يحاول يكون قوي بهيج وضع مروان نهض مجد ساعده وطلع برى
بقينا كاعدين يمه ونام أمي سحبت الجهال منه وهو لزم أيديها ومنعها.
عصام عوفيهم نايمين يمي مشتاقلهم عوفيهم.
وصال لاتحرك گلبي يروح أمك لاتخوفني عليك
عصام ليش خايفه هذا قدر الله اذا مكتوب لي أموت أموت وإذا أعيش أعيش لاتقهرين بروحج وتبجين لاتخافين بس موجوع من?اسي كلها كم يوم ويسكن عليه الوجع خلص كافي بس تبجين.
أزهار مسح دموعها وهي تبوس بي رفعت?أسه من حضن أسيا اللي صايره جنازه بس أسيا ما قبلت ورفضت وأمي كعدت بالكاع وكابلتهم واني لازمه?أسي وأبجي لصبح احنه كاعدين وهناك كام يعيط من?أسه واخذنا الجهال من يمه اسيل اخذيهم يمج صعديهم فوك بغرفتي.
عصام ولك يابه تعال خلي طلقه ب?أسي وريحني من هالعذاب أخ?اسي أخ?أسي يابه ولج يمه يما
لحگيلي يما.
وصال سوده بوجه أمك شوفي ابوج ركض.
أزهار طلعت ركض عليهم كاعدين بالحديقه محد نام تعالوا عصام فدمره صار كلهم تراكضوا ومروان وكع سوده عليه وشوي وأسمع عياط أمي يمه عصام يمه ركضت وأمي تصرخ
كمال أسعاف واحد منكم يخابر الأسعاف
هشام بالطريق عمي بالطريق نأخذ بالسياره عمار حضر السياره بسرعه تحرك اخوك راح يروح من بين ايدينا مو مال صفنات تحرك
وصال أرتاح كمال أبنك مات ارتاح كلبك مات شوفه انتهى ابنك أبنك.
أسيا بيش طاليته تفاولين عليه بالموت ما مات ما مات ما بي شيء فقد الوعي لان الوجع قوي تحركوا اخذوا المستشفى تحرکوا..
أزهار عصام مغمض عيونه وأمي تبوس بي دموعي وكفن بعيني وجسمي تخشب وابويه ينفض بي فتح عيونه بس ما بي عايش الحمدلله عايش.
عصام يابه تعبت تعبت ما بيه تعبت.
كمال اتحمل بابا هشام تعال ساعدني نرفعه عمار مجد تحرگوا.
أزهار ركضوا ورفعوا وهشام رفعه اكثر شيء وصلت الأسعاف ودخلوا للبيت شالوا بالسديه وطلعوا وأمي وأسيا وراه بس بابا منعهن.
كمال ولا وحده تجي هشام عمار وبس يله امشوا
أزهار طلعت سيارة الأسعاف بس بابا صعد وياه وهشام وعمار وراه وضلينا وراه نبجي ومروان كاعد مدنك?أسه ويبجي...
وعشنا بقلق وعذاب نفسي كلمن كاعد بزاويه وتلفوناتنا بإيديننا ونتصل يكولون بعده ومحد يقبل نطلع من البيت بابا أعصابه فايره وأتصل هشام جاوبته ها هشام عصام شلونه.
هشام الحمدلله هسه أستقر وضعه هسه بس يجي عمج فاضل واني عمي نروح الوزير علمود بس يستقر وضعه نسافر خابر على اطباء وبلغهم بحالته
روحي البيت حضري جنطة السفر وجوازي بعد تعرفين جيبهن بيت أهلج تمام..
أزهار تمام قطع الأتصال وبلغتهم.
مروان مجد وصلها بيتها اخ لوما رجليه خانت بيه لعد اني اضل كاعد.
أزهار يلوم بنفسه طلعنا للبيت وصلنا حضرت كلشي وطلعنا للبيت ويومين مروا عشناهن بخوف ورعب وامي انتهت عالاخير واسيا ميته نصحي بيها وتفقد واجه عمار اخذ الجنط وكل التقارير شوكت طيارتهم
عمار ما ادري
أزهار ياهو نحاجي ما يحجون اعصاب نار واحنه ضلينا بخوف ولصبح كاعدين عالنار ومكابله امي واقيس ضغطها واسمعهم يحجون.
مروان ها وصلوا الف الحمدلله منو ومنو سافر وياهم ها بس عمي فاضل اي هذا هو يمعود بس يصير زين ويرجعلنا بالسلامه ماشي فيمالاا.
وصال ها يمه ولك واحد منكم يبرد نار گلبي يمه مروان أنت گلبك حنين برد نار گلبنا هاي مريته ماتت واني أم ولكم گلب والده على بختكم يمه ليش هيج تسسون بأمكم
مروان لاتخافين يمه هسه وصلوا الحمدلله ومتوجهين المستشفى.
وصال شوكت سافروا ليش ما گىتلولي ليش ما أخذوني ويه ابني شلون يسافر واني باقيه اهنا شلون
مروان گولوا يالله ليش تفاولون عليه سافر والله يكتب الشفاء ان شاءالله ادعولها واذا رحتوا واذا بقيتوا شتسون اله.
أزهار بالگوه قنعها وسگتها وأسيا ماكو سألت عنها كالن دخلت غرفتها لگيتها لابسه ازرار الصلاة وتصلي وكملت كعدت تقرأ قرأن عفتها على راحتها ورحت على الجهال خطيه انرعبوا ومجد اخذهم.
واني رجعت يم امي وبيتنا ازدحام كل عمامي يمنا
وضلينا ايام عايشين بقلق ويتواصلون وياهم وهشام راستله ما فاتح ما يجاوبني يمكن ملتهي..
متحضرين گالوا اليوم توصل طائرتهم صح تأخروا بس ميخالف دام يصير زين ويرجعلنا أبو ك?م بصحه والعافية نصبر عسى ما سنه يا يابه شكثر مشتاقين الهم وهالأيام المرت علينا الله لايشوفها لعبد مسلم ولا يفجع أهل بإعزاز گلبها والمر علينا صعب حيل صعب الكلام ما يكفي بالشرح عن الالم الأم? ولدها ولا الأب يحس نفسه هو المذنب والمسؤول ولا أخت ما بيدها شيء غير الدعاء والصبر..
ولا الزوجه اللي هي أسيا محمله نفسها الذنب ومعتگفه بغرفتها عايشه بعزلتها بصلاتها بقراءة القرأن حتى أمي أحسن منها تجيها ساعات تصي? زينه تجمعنا اني وأخواني ونكعد نسولف ونتصل عليهم كاميرا ونحجي لو نخلي حكم بنصننا وفرحة مروان أنه هو أب ل أطفال أثنين تنسيينا هواي هموم، الأ أسيا الحزن العايشه بي من يوم سافر ونظراتها تكسر الخاطر وأمي حاولت وياها تطلع من غرفتها ترجع أسيا النعرفها قافله وبس تبجي...
لابسه فستاني وأمي تسشور شعري ماما عليج الله حلو خوما أوفر أخاف أقاربنا يكولون لابسه أحمر وأخوانها مسوين حادث أعرف سوالفهم.
وصال لا مو أوفر لبسي وسگتي لأن أمج ناذره نذر البس أحمر بس يرجعلي أخوج! بالسلامه
باوعتلها بعلامة أستفهمام على وجهي تلبسين أحمر شُنو من نذر هذا اكيد هاي سوالف جديتي وضحى.
هسه أنتِ شعليج لبسي وسگتي علمود ما يبين عليه الأم وبنتها وأضيع محد يركز عليه هو ساعة زمان وأذبه.
ضحكت يمه ولدج شلون مروان يفضحنا واللة ناصبين فخ لثور عزه ماما نصير سينما صدك جذب اني شبيه لابسه أحمر هسه نذرلي غير لون الأ احمر وبهيج مناسبه
أهو عاد
خلص خلص هذا هو والله حلو يخبل شبي الأحمر
وبهل الأثناء دخلت علينا أسيا لابسه أسيا وين تروحين!
وصال ها بنتي شو لابسه شُنو تروحين وياهم لمطار
أزهار بس هما راحوا ويامن تروح
أسيا لا عمه أروح لبيت أهلي.
وصال بيت أهلج وليش شبيج ماما أسيا أكو زوجه تروح بيت أهلها ورجلها راجع من السفر وهو رايح يتعالج.
أسيا لا عمه أني حلفت بس يرجع بالسلامه أروح لبيت أهلي هيج أحسن اني ما أستحق أبنج ودعيت عليه بالموت والله أستجاب دعائي..
، أني جريمه أبقى بحياته ودام راح يرجع ووضعه الصحي زين اني أمشي وأستروا ما شفتوا مني وأمانه عمه زوجي وحده تستحقه ويستحقها وحده تقدر نعمتها وما تمشي بكلام هاي وهذيج وتخرب راحتها وتدعي على زوجها بالموت وحده أحسن مني صح ما تحبه مثلي بس على أقل تشكر ربها وتحمدهُ على نعمة وجوده فوك?أسها و?أس أطفالها واني غلطت وغلطي كبير وأنسحب من حياته عهد خليته برگبتي بس يوصل أني اروح بيت أهلي...
أزهار شُنو هاي صدك تحجون وحده تلبس أحمر والثانيه تمشي بيت أهلها شُنو هالخرافات المصدگينها ترى هذا أمر الله وقدر ومقدر لا كيفي ولا كيفجن لا مو معقول عليج الله أسيا يعني عصام يجي وأنتِ بيت أهلج أذا سأل عليج شنگوله وبابا والناس لا مو طبيعية أسيا مو طبيعية...
وصال ما أدري شگولج بس بنتي ما يصي? هيج تسوين بنفسج ويجوز اني حجيت وقسيت عليج بس والله من حركة گلبي رجعت عليج وحقج عليه وادري بيج شكثر تحبينه وما الكه غيرج لو الف الكون ومحد ياخذ مكانج تضلين أسيا لعصام وماكو وحده توصل اظفر من اظافرج واللي صار يصير عبره الج ولكل وحده تدعي بساعة عصبيه بس مال تمشين بيت اهلج لا ماما بس أنتِ حالفه شلون.
أسيا الجهال راح أبقيهم يشوفون أبوهم عود بعدين جيبيوهم اليه يله عيني مع السلامه أخاف يوصلون
أزهار باوستنا أثنينا وشالت جنطتها وطلعت ماما احجي شيء ومنعيها شو هاي سوتها صدك ومشت
وصال حالفه يمه حالفه خل تمشي وهو يرجعها لأن برگبتها حلفان وكالته بلحظه لوم بنفسها متشوفينها تبجي وتسحل بروحها گوه راحت الله يهديج أسيا ويثبت عقلج يالخبله هي هاي سالفه.
أزهار طلعت من يوم ماما تريد تلبس الأحمر ونزلت أسيل كشختها واو لك شنو هالجمال كارثه عمي ذوق منو هالجمال هذا حجت بعفويه وأبتسامه بخجل
أسيل ذوق مروان.
أزهار فدوه يخبل تستاهلين حكم لك شو تعال شتو هالكشخه لك طالع صاك على عمامك ها فديتك اني وباوعت كرم كاشخ وكاعد يم الدرج حزين كرم حبيبي ليش كاعد وحدك
كرم عمه امي بعد ما ترجع مو.
أزهار لا شنو هالحجي لاترجع هسه بابا من يجي يروح يجيبها لان ماما حالفه بس تصير زين تروح بيت اهلها ماشي يعني ترجع هز?اسه وسمعنا صوت هورنات العاليه وصلوا وصلوا ولزمت أيده وصل بابا يله امشي وطلعنا نتراكض وطلعت امي لابسه الاحمر وكلها تباوع الها وهي لابست الوضعيه لا والله طالعه تجننن منو كال الاحمر ما يلوك لوصال غير طالعه تولع شراره...
طلعنا ونزلوا وعصام يضحك وضحكته الها معاني هواي فرحه بحب ومجد ببأيده كاميرا وكفوا كلهم وأخذلهم صور جماعيه وهذاك الحلو العيونه أكلتني واكف بصف بابا خلصوا تصوير وكلهم يباعون ل امي مستغربين وهي عبرتهم وركضت على عصام وكعت بالكاع رجليها ما يحملنها وكعت يم رجليه وتبوس بي وهو يسحب بيها ومروان گومها من الكاع وحضنت عصام وتبجي وصوت شهگاتها شگ گلبي وهو يبوس بيها وحاضنها بكل قوته واحنه نبجي.
وصال الف الحمدلله من رجعتلي رجعت لحضن أمك يبعد أهلي كلهم يبعد روح امك الف الحمدلله على سلامتك يمه.
عصام الله يسلمج عيني يمه الجهال وين كرم بابا حبيبي جود باباتي تعالوا يا يابه شكثر مشتاق الكم
أزهار راحوا اله يبوس بيهم بشوك وحاضنهم وتقدمت سلمت عليه وأخواني يضحكون بصوت مكتوم وابويه يغمز الهم
كمال والله اليضحك عليها الا اكس? حلگه شبي يخبل الأحمر.
مروان اي سيادتك شحاجين يا عيني يخبل الأحمر.
أزهار عيني يخبل عليج الاحمر ناصبه فخ المن ولج
أزهار مروان
مروان اتشاقه شبيج والله طالعات تخبلن ثنائي رائع بيرفكت جان كلتوا اخلي اسيل وياكم تلبس شنو بس الاحمر يلوك الكم.
أزهار اي تقشمر تقشمر ضحكنا ومشوا كدامي وبابا باوعلي وغمزلي وسوه بإيده حركه يعني واو وضحك عود على أمي خرب متت..
واجه حبيبي عيونه فاضحته بالشوك على الرغم التعب مغطي على ملامحه بس حبه وشوقه الي غير أبتسمت اله الحمدلله على سلامتك حبيبي.
هشام الله يسلمج غاليتي شُنو هذا لابسته
أزهار ليش ما عجبك
ما عجبني شُنو غير شاك گلبج وطالعه تضوين ولج تشتعلين انوب أحمر رب الحلو دمشي كدامي الكل يباوعلنا لاننحسد يالكعبه وتطيرين مني دمشي
أي أي گول ما عجبك
لا عجبني تولعت بي بس أغار وهواي? گلبي هواي
غمزلي أحبك
أمشي لاتذوبين گلبي هسه گوه لازم نفسي عنج
مشيت كدامه وهو محترك بنار الشوك.
دخلنا البيت ولاحظنا محد من أقاربنا حضر زين خلينا بأجواء العائليه ويحجون بينهم وعرفت
عمار والله رافع ادمي على كد ما وصلنا وگال للكل يله أمشوا خليهم اهل بينهم يأخذون راحتهم عود بغير وكت نجيكم يا اخي طب بعيني.
عصام من يومه معدل أبو الحسن.
أزهار واكفين بالصاله يحجون وهو عيونه أدور عليها يتلفت بينا أسيل تقدمت سلمت عليه سلم عالسريع رد السلام باوعلي هز?اسها معناها وين أسيا امي محتاره شُنو تجاوبه عاد كرم گاله
كرم بابا أمي راحت لخوالي خالي أبراهيم أجه أخذها قبل لاتجون هي راحت.
عصام راحت لخوالك ليش يمه شصاير وراي أسيا ليش راحت.
وصال ماكو شيء يمه بس حلفان برگبتها
كمال وشنو من حلفان هذا شلون تمشي بهيج يوم وأنتِ يا وصال شلون تخلينها تمشي.
وصال بعدين نحجي هسه أرتاحوا
أزهار ضل ساكت ما حجه بس أنصدم وكعد يرتاح
كمال أذا غداكم جاهز صبولنا الغده
وصال اي عيني جاهز تعاي أزهار وياي
أزهار رحت وياها وصبينا الغده وكعدنا كلنا على االسفره وحده واجه من الغرفه ساعدوا مغير ملابسه بس مبين عليه شكثر ضايج لان هي ماكو
وتغدينا وكملت غسلت المواعين واجتني اسيل ها
اسيل رجلج سأل عنج خطيه واكف ينتظرج
أزهار نشفت ايدي وطلعت عليه ها حبيبي
هشام ها حبي ما نمشي لبيتنا.
أزهار أرتاح هسه عود بالليل نروح لان اليوم هوسه والعصر يجون عليه ها شتگول وقاطعني بابا وگال.
كمال لا بابا أمشي ويه زلمتج لبيتكم هو هم تعبان
وشيگولج تكولين أي كلمه على كلمته ما تحجين يله بابا صعدي تجهزي أنتِ وبنتج وروحي ويرتاح عود تعالوا.
أزهار ماشي بابا مثل ما تريد هزيت?أسي وصعدت وهو مبتسم صعدت لبست وتجهزت ونزلت واكف هو وأخواني بس عصام ما موجود بينهم دخل غرفته.
مروان يابه طاب الكم عاودوا تعلمنا عليك أستاذ هشام العزيز والغالي ما قصرت حبيبي ما قصرت
هشام تدلل أبو الحكم ما سويت شيء هذا واجبي
أزهار وودعت أخواني وأمي وابويه ردت أدخل على عصام كالوا عوفي أخذ جهاله ودخلوا خل يرتاح.
طلعنا وكلهم ويانا وصلنا للباب وبابا وتودعيه لهشام عبالك أبوه ترس عيني دمو? طبطب على أكتافه وأخواني وشقاهم وياه
عمار ابو الغزل الحب لاتطول علينا
هشام أن شاءالله حبيبي.
ازهار ودعناهم وطلعنا لبيتنا فرحانه بسلامتهم وبرجوعنا لبيتنا بعد كل هالمعانات وكفته ويانا بحزنا وبفرحنا هو يسوق واني صافنه عليه
هشام وين صافن حبيبي
صافنه بيك حبيبي، سحب أيدي وباسها وشد عليها وقاطعتنا غزل وفرقت أيدينا وحضنت أبوها تغار ورجع غمزلي
الج ومحد يأخذني منج.
فدوه لوجهك أبتسم ونظراته شارحه گلشي وصلنا البيتنا نزلت وهو شال غزل ويضحك وياها واني وراه ودخلت كبل ذبيت عبايتي وأستلمته غسل هشام لاتخلي غزل تطلع تضل بس تنكز على?اسي الا أكمل يله.
عوفي هسه
لا ما تشوفه شلون وسخ انظفه واجيك
ها زين خل أنومها لعد.
غمزلي وضحك اي تمام راح وبلشت تنظيف جلفت البيت ولمتعه واخر شيء وكفت اغسل وجهي وأجه هو أحتضني هشام بس أسبح وأجي ما سمعني أخذ شفايفي وضعت بين شفايفه وأيديه حاوطت خصري وأحتلني بطغيان شوكه وحبه وعشنا شوقنا وبعدنا
بنص أحضانه وصافن بعيوني واني غرگانه بتفاصيله هشامي حيل أحبك.
هشام حبج ولا شيء يم حب هشام الج
يحجي واني أباوعله بعيون ناعسه وأذن صاغيه وقلب ولهان بحبه وعشقه ولهان
تدرين زهرتي
شُنو هشامي.
قصتنا هسه أبتدت
قصتنا حلوه بكل معانيها وگلشي جمعني بيك حابته بحزنه وأفراحه دام نهايته كانت وياك قابله وأشد القبول دامك بقيت وفي لحبي أهلا ومرحباً بكلشي وياك.
أي والله وفي بس ما وفيت من ما كملت وياج لحد هذا يومنا من ترگتج بنص الطريق أنتِ وبنتي أهنا اني صرت نذل وغدرت بيج وسحبت نفسي مو لان ما أحبج لأن شفت نفسي ظلمتج وما ردت أظلمج أكثر ولان متأكد بظهرج أهلج وأخوانج أهل ونعم الأهل اني لو مثلج عندي هيج أهل حقي من أشيل خشمي وابو كبرياء وكبريائي طاغي مو الكل يكسره بس هشام أحتل الساحه وتمرد وأحتضنه.
يمك يتلاشى كل كبريائي دام ماكو أنثى غيري ومكاني بالحفظ بالصون ما يضل كبرياء أمام الوفاء
والحب والأخلاص.
أبوس كبريائج يابه
هُشام
يبعد حروف أسمي
شوف حبيبي اني ما عندي شك بس نتأكد نُحن النساء قلبنا جمر يغلي بالغيره يعني أبداً أبداً مَا حبيت بعدي
وغلات غزل ثمرة حُبنا ماكو وحده وصلت مكانج باقي بالحفظ والصون والحب مره ما يصير مرتين.
وأنتِ الأولى على عرش مملكتي وقلبي مستحيل أنثى غيرج تزور قلبي مستحيل شما تبعدين وتلفين الدنيا تجين تلكين مكانج هو هو منتظرج بكل حب.
أحبك هشام
فدوه لروحج الأحبها تعاي يروح هشامج تعاي
غمرني بحنانه وحنيته وحبه الوفي ما خان حبي بنظره حتى من أفترقنا ضل على الوعد وما زرات قلبه ولا أنثى غيري بقيت بس أني بقلبه وراح أبقى مدى الحياة أن شاءالله...
يومين يله صححنا ورجعنا لحياتنا الطبيعيه هو حل عليه التعب وسافر زاد عليه وشفت الفرحه بعيونه بقرب أهلي وأهتمامهم بالأخص بابا الي صرت أشوفه يعتمد على هشام أكثر من أخواني الأتصالات كثرانه بينهم والعلاقات متطوره الف الحمدلله من كانت النهايات مرضيه بقبول ورضا الأهل..
وبيوم العصريات كاعده جاي أسوي كيكه وگملتها وهو يفتر شبيك حبيبي شو رايح جاي
هشام گملتي.
أزهار أي دقايق بس أقلبها بالصينيه علمود تبرد وأخليها بالثلاجه وأخلي صوص الشكولاتة عليها
تعالي كعدي نحجي
ها حبي وگف قريب مني شبيك
شسمه
شسمه صرت مثلي هه شنو شسمه
أخواتي يردون يجون يباركون لي على البيت و? رجوعنا
أي شگو بيها الف هلا بيهم گبل حضني وباسني أي ما گتلي شوگت يجون
أيمان گالتلي بالليل
عالعشه مو يله لازم أجهزلهم العشه ما ضل وقت غير تبلغني قبل بوقت ياعيني.
لا مو عالعشه كالت ما نريد نكلف عليكم ورى العشه يجون
ها ماشي لعد على فواكهه وكرزات وعصائر هيج شيء واني مسويه كيكه بس جيب فواكهه وكرزات وعصائر وحلويات لجهال.
من يومج معدله وبنت أوصول.
حبيبي واجبي ويبقون أخواتك وأنت أخوهن الوحيد وما ألهن غيرك وكل أنسان يخطأ محد بينا معصوم من الخطأ وسبحان الما يخطأ بحياته وتعلمنا من اخطاءنا وتجاوزناها وبالنهاية ما يصح الأ الصحيح وهنا تزوجن وكلمن مشت بقسمتها وبيت رجلها شيردن يسولي بعد أكثر من زياره لأخوهن وصلة الرحم حلوه وأن شاءالله ما أقصر.
أروحلج فدوه حشاج من القصر وأنتِ بنت عمي كمال وأخوانج عصام ومروان وعمار ومجد ذيابه.
فدوه أروحلكم ربي يحفظكم اليه.
يله يله ما ضل وقت روح السوك وجيب الوصيتك عليهن حبيبي هم يله علمود بس نتعشى ارتبهن.
ماشي حبيبتي رايح.
باسني من شفايفي وراح وخليت الصوص الشكولاتة وخليتها بالثلاجه وسويت العشه كملته واجه هشام وتعشينا بس غسلت المواعين رحت ركض غيرت ملابسي وتعطرت وهشام يغير لغزل وتتفيك عليه لبسني هيج ولبسني هيج ولج گافي تتأمرين على أبوج اكس?ج ها عبالج يله لبسي وبله لغوه كل شوي نازعه وتعال بابا لبسني.
عيني حبيبي على كيفج وياها انهديتي عليها جنج عمتي من تنهد علينا اعصابج شمفهمه طفله وخل تدلل القاضي راضي ليكون تغارون.
لا يابه ليش نغار هو انت الي ضحك واني اخلي مكياج كملت واندك الباب
يالله يله غزل يله بابا.
طلعت وياه وفتح الباب أيمان وجهالها وراها صبا بحضنها بنيه وحامل! وسجى بيدها عبله حلويات سلمت على أيمان وصبا تقدمت باوستني وسجى شبگتني وكامت تبجي ورجعت حضنت هشام وتبجي گوه سگتها وايمان تبوس بغزل دخلوا الاستقبال ولاحظت أفراح ماكو
هشام أفراح مو وياكم.
أيمان هسه بارق يجيبها.
أزهار كعدنا شوي وكمت رحت جبت الضيافه ضيفتهن وكعدت بصف أيمان شوي واندك الباب طلع هشام وأسمع صوتها بالحوش دخلت بحضنها وحده وهشام شايل وحده تؤام بنات كمت سلمت عليها.
أفراح شلونج عيني لج غزل كبرانه تعاي حبيبي تعاي بوسه شلونك عيني هشام بالخير عليكم تستاهلون.
أزهار الحمدلله الله يسلمج كعدنا ويحجن بينهم وأيمان بصفي حسيتها عدها كلام تريد تحجي.
أيمان فرح تزوجت بارق هو أصلاً من زمان يريدها صح متزوج بس بعد قسمتها عدها بنات تؤام وبيتها لوحدها وصبا أخذت أبن عمي عدها بس بنيه وحامل بيها ولد وسجى عايشه بيت عمي جاي تتدرس.
أزهار الله يسعدكم يارب وأنتِ.
أيمان تزوجت حماي ولميت جهالي كافي تبهذلت وبهذلتهم وياي وياريتني متزوجه من زمان هسه يله حسيت بروحي أنسانه والتفت على روحي صح صعبه بس أريد اعيش وأعيش هاليتامى وهو عمهم حسبة أبوهم.
أزهار تستاهلين كل الخير مو كدامج والله
أيمان ادري بيج عيني ولا عبالج أنتِ السبب لا والله بس أحنه ظلمناج وظلمنا أخويه وأمي ماتت من قهرها? هشام راحت بحصرة شوفتج أنتِ وغزل
ومن سمعنا هشام يريد يرجعج عمي گال أله أذا ترجعها رجعها بيت لوحدها وبمستواها بنات الناس مو لعبه مو كدها لاتورط روحك وتشيل خطيتها مره ثانيه كاله زوج أخواتك وأمن عليهن اذا ما تزوجت نطلبها الك اذا تزوجت الله يسر الها.
واني گتلهم أرجع يم عيالي موافقه على حمايه وصار الكلام وتمت الموافقه ورجعت وبارق طلب ايد افراح زواجها صار غصب ما تريده لان متزوج فتح الها بيت لوحدها وصبا عمي احمد اخذها لأبنه عايشه ويه العيال وسجى عايشه بيت عمي ابو بارق.
جاي تدرس وعمي گاله بيع البيت وزع حصص أخواتك والباقي نجمعلك وناخذلك بيت زين انطوها الك خيراً على خير ما انطوها تزوج من ثوبك بس هو رفض لو ازهار لو ما اتزوج عاد اني تنازلت عن حصتي لان رجلي ما قبل كال هشام ما قصر صارلكم عمر عايشين يمه وافراح بارق ما قبل وتنازلت بس صبا لا اخذت حصتها وسجى قدمت بيهن على جامعه جاي تدرس والباقيات جمعوا اله واشتروا الكم هالبيت.
ازهار ما عرفت شجاوبها گمت جبت الضيافه وكعدنا سوالف اكثر شيء عالجهال ما تعمقنا وبنات أفراح يخبلن كزكزت عليهن حبيبي وصار الوقت وكامن وباسهن اخوهن وافراح الوحيده بس تبجي حسيتها مظلومه بزواجها بس صبا تضحك واجاها زوجها يخبل سلم على هشام ويبوس بنته وراحوا
حتى أيمان اجه زوجها شلون زلمه فد أدمي سلم علينا ووراحوا وسجى ضلت هي وأفراح تروح وياها
سجى هو اليوم يمها مو.
أفراح أي وتعاي نامي يمي جيبي كتبج وتعاي تبقين هالأسبو? كله يمي لان باجر هو يلتحق.
سجى ماشي عيني شفتي غزل كبرانه تخبل صايره
أفراح أي شفتها تخبل ما شاءالله.
هشام يله عيني بارق اجه.
أفراح جيبي غنى منى نامت عاد بس اوصل البيت تكعد يله عيني دخلتنا خير عليكم مع السلامه
أزهار راحن ودعماهن ودخلت جمعت مواعين الضيافه ورحت المطبخ غسلتهن ولحگني هشام بقيت ساكته خوما بسببي تزوجن خطيه.
هشام لا أنتِ شعليج ولا أني متعاجز منهن بس كلمن اجتها قسمتها وصبا بموافقتها تم الزواج وايمان هم بس أفراح لا والله عمي جبرها ولا اني رضيت على زواجها وبارق رادهغ وحلف ما تطلع من البيت لغيره صارت هواي مشاكل وعمي فضها هيج.
وسجى ردت اخذها يمي عمي ما قبل لان بس هو وعمتي وبنات عمي أثنين ولده كلهم متزوجين بيوتهم لوحدهم گال تضل يمي وهي وافقت علمود بنات عمي ما جبرت ولا وحده بيهن بس أفراح ضلت غصه بصدري عليها نظلمت وصح بيتها لوحدها واحسن عيشه ومدلله اكل وفلوس بس
أزهار سگت ومشه على غزل أنقهرت عليها والله يسعدهن كلهن كملت تنظيف وترتيب البيت ورحت لكيته منوم غزل غيرت ملابسي ونمت بحضنه لاتضوج حبيبي أنت هم تعذبت بحياتك.
امي ماتت وهي راضيه عليه وعليج هواي رادت شوفتج أنتِ وغزل بس الموت اخذها بسرعه بسرعه
الله يرحمها برحمته الواسعه
أمين يارب.
ضلينا صافنين بشريط حياتنا وانعاد گلشي بلحظه قصيره كل الأحداث من الموقف الجمعنا اني وياه والصداقه والذكريات والكلام والأهل والحزن والأذيه يم يتبعها الفرح وراحة البال وانجمعنا بعد كم هائل من المعانات وعيني بعيني ونفضنا الماضي وكلشي عشناهُ خلفنا ونستمر ونعيش الحاضر والمستقبل بكل تفاصيله مع بنتنا ومع أهلنا بالود والرحمه..
مر كم شه? والشهريه غابتلي عرفت نفسي حامل لان الاعراض واضحه للعصر وأحنه كاعدين بالصاله اني وغزل نباوع ماشا والدب أنعدينه من جهال عصام وهشام كاعد يصلح أوراق أمتحانات لطلابه ومندمج بكل التركيز حبيبي اجيبلك شيء.
هشام لا بس نصي صوت التلفزيون أنتِ وبنتج محتفلات على?أسي انوب عليه ماشا والدب
أزهار روح بالأستقبال خاف نشوشك وترسب كل الطلاب خطيه عود دير بالك عليهم لا تصير قاسي امانه خليك حنين عليهم حباب حباب.
توسلي بعد توسلي شبيج غير كلمن? أستحاقه ومجهوده وتعبه بالماده يصي? الما متعب نفسه انطي درجه نفس التعبان والسهران لا هذا مو عدل فه عوفيني أصلح الأوراق واكوم اروح السوك كتبلي قائمة النقوصات شمخلصين شجيب كتبيهن بورقه
مو على الماسنجر.
ماشي حبيبي بهل الأثناء رن تلفونه
هشام هذا عمي يتصل هلا عمي
كمال أبني هشام شلونك
بخير عمي الله يسلمك ويعزك أنتَ شلونك
بخير الحمدلله هشام تندل المعرض تجيني
لا والله عمي بس أمرني.
ما يأمر عليك عدو لعد روح البيت أخذ مروان وتعالوا أنتَ وياه.
هذا هو عمي صار بس خير عمي صاير شيء
لا أبني كل الخير
أزهار انتهى الاتصال وباوعلي بشك! ما اعرف والله لاتسألني
هشام يله راح اروحله وهذن خليهن بالليل أصلحهن خل أشوف عمي شيريد
تروح بيت أهلي مو
أي ليش تردين تروحين
ها هذاك اليوم جنا يمهم براحتك
نهاية الأسبو? نروح ماشي
ماشي حبيبي دخل الغرفه كشخ وطلع والمسواك.
من أرجع دزيهن برساله كمت وراه عود وياك أختبار حمل
حامل
يمكن مو أكيد
فدوه ميخالف أجيبلج لعد ديري بالج على نفسج
ماشي حبيبي راح وضلينا اني وغزل نباوع ومتونسين اني وياها للمغرب حيل تأخر هذا وين صا? أتصلت رفضني، تالي كمت سويت عشه وغزل طالعه? خوالها أندومي كالعاده شلون سالفه هاي بس اليوم ماكو بعد هزت?اسها ودخل علينا نزل المسولك ها حبيبي شو تأخرت.
هشام أحم نتعشى ونحجي وعشاج جاهز.
اي جاهز بشنو نحجي أباوعله وجهه أبتسامه شكو شبيك تتحرمص الا تحجيلي أعرفك گول شعندك شنو يريد منك بابا، مرتجي وأيده بجيوبه واني افتر بالمطبخ أصب العشه منتظره يحجيلي.
عمي طلب مني أشتغل بالمعرض ومجهزلي مكتب
صدك تحجي
اي والله اني هم مثلج متفاجئ
لا حبيبي لا تتفاجئ خلص أنتَ مكانك غير النسيب قطعه من القلب وتستاهل كل الخير.
هو عادي أوافق
أي عادي ليش ما وافقت
لا بس ما أدري.
لا حبيبي لا بس ولا هم يحزنون بابا أعتمد عليك وأنت انسان عملي وما بيها شيء.
أهلج هواي كبروا بعيني لوتشوفين مروان شكثر فرحلي من عمي گال المعرض أنت تشتغل بي لان احنه اغلب اوقاتنا دوام وسفر الأجتماعات والتزامات
بس عمي أهلج ما يتثقلون بالذهب والله خساره ما عرفت معدنهم من الأول ما عاشرتهم.
كلشي مقدر ومكتوب حبيبي أبتسم وتعشينا وهو فرحان واني فرحانه لفرحته يستاهل فدوه اروحلك بابا على هيج مبادره حلوه ربي يحفظك ألنا صدك جبتلي أختبار حمل
اي شلون لعد
اخذته منه ورحت شفت وطلعت حامل لان واضح ومبين كلش هشام تعال
ها بشري
حامل گبل حضني فرحان
مبروك حبيبي
الله يبارك بيك حبيبي
ينراد النا حفله
تدلل كمت جهزت حبشكلات وشغلنا فيلم وأحتفلنا فرحانين بهل الخبر وراح تكبر عائلتنا...
وأستمرت حياتنا الحلوه ومن يرجع من الدوام العصريات يروح المعرض لليل يله يرجع وبابا هداله سياره أخر موديل وهشام صار يحب الشغل بشكل واله واهس ويلبس وكشاخ درجه أولى وبابا صار كل أعتماده على هشام ويشتغل بالتركيز والشغل كل عجب بابا ومن يخابره يمدح منه..
واني تركت وظيفتي لان بابا ما يقبل واني هم أشوف مو بحاجتها وتعب زايد ومنا غزل وحامل والبيت يريد مني مسئووليّاتي كثرت وتريد مني وقت وجهد.
يتبع للقسم2.
Aucune description de photo disponible.
Toutes les réactions:
238 238
106 commentaires
J’aime
Commenter
Partager
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook
Facebook.
Facebook
Facebook
Facebook
Facebook
Facebook
Facebook
Facebook
Facebook
Facebook
قصص حقيقيه روعه الطائي · Suivre
ptnsooSedri726lm7r3i803iau57l03uif233 71999t2i8f2h24vl761alm ·
#بين قلبها وعينيها كبرياء
بقلم شمس العراقيه
#الاخيررررر، #القسم3
مجد هاك الجبنه حبيبي صدك جذب اصيرلك جبن شهد صرتي عدو لكرم احسبي حسابج وبيضي صفحتج يمه هذا حبيب عمه ويغار عليه ترى هسه يشوفج ديناصور مو شهد.
شهد حبيبي فدوه لوجهه أحنه أصدقاء وليس أعداء وشتريد كولي تريد غير الجبنه هاك عسل وياها ياعسل بس مهم ما تزعل مني.
وصال كمال تريد اصبلك جاي
كمال اي عيني صبيلي عصام بابا من يمك الخبز.
عمار يمه يعني عليج الله هسه المتزوجين علمود جنايينج تكعديهم هما ونسوانهم علمود الاتكيت مالتج وعزيمه وجمعة اهل ما بيها شيء اني العزابي منبصتني بالنص شگو ومكعدتني من النوم بالدفرات غسلت بقاصر وما صححت، والله مالي نفس اشرب حتى الجاي النعس بعده بعيوني عرس مجد شگ صفاحي وما شاءالله عليكم مسويني سايق العائله هاي مو وضعيه اني نفر مظلوم اطالب العداله والانصاف.
كمال محد گايلك ضل أعزب.
عمار مو هسه فد سنتين هيج يله بعد
وصال دام تأجل وما يعجبك العجب تاليتك تاخذ مو على مرامك.
مروان لا يمه على مرامه على مرامه مو عمار
أسيا غمزله وضحكوا وأخوانه ناصبين عليه واكو سر بينهم لان مجد شرك بالجاي اضن عمار واكع بالمصيده لان واحد يغمز الثاني حتى هشام مشارك وياهم ونظراته هو وعصام ويأشر لمروان واحنه نضحك على حركاتهم بكل حب بوسط عائلتنا الجميله عائلة بيت عمي كمال وعمتي وصال..
، كانت حياتي ملئيه بالأحداث والمشاكل الزوجيه جميعنا نعاني منها ومنها الزوجه أول شيء لازم تحمد ربها على رجلها وعلى واقعها وعيشتها وعلى گلشي وتكون فاهمته واذا اكو مشكله واجهتها لازم ما تضم عنه وتناقشه بكل هدوء الى ان يتوصلون لحل نهائي مو تسوي مشاكل وتخلقها بعصبيتها وعنادها لان لا العصبيه ولا العناد حل لكل مشكله بالعكس يزود الأمر سوءً مثل ما صار وياي بمواقف كثيره أنذكرت بالروايه وقريتوها مره الذنب مني ومره الذنب من عصام..
وأنتِ تعدين وهو يعد والرجال نهائي ما يتنازل نادراً ويواجهج بنفس الطريقه التواجهينه بيها لان بطبيعته يختلف عنا كرامته وكبريائه عالي رضينا أو زعلنا كلمتهم وحده ما تنقسم وحتى لو غلطانين ما يبررون لأنفسهم ولا يعترفون بإخطائهم.
والمفروض في العلاقه الزوجيه واحد منا يتنازل لطرف الثاني ويحاول يفهم طبيعة العلاقه الزوجيه ويعالج المشكله ويكون حكيم ويشغل عقله وما ينجرف ورى عاطفته ويدمر گلشي ويقلب الطاوله عليه يكون شخص حيادي لا يظلم نفسه ولا يظلم الشريك معاه.
والعلاقه الزوجيه بيها هواي أمور وجوانب لازم ندرسها ونتعب نفسنا لان ماكو حياة سعيده كامله دائما تكون ناقصه كلنا عانينا بحياتنا اني كدامكم عانيت ما عانيت بداية زواجي وهواي واجهت أمور صعبه كانت من مشكله أو خيانه او زعل أو كلمه.
وبصوره عامه الزواج صوره مو متكامله مثل ما نشوفها عند البعض او بالمواقع التواصل الاجتماعي والصور ومقاطع الحب التتنشر اكيد واحد منهم متنازل لأخر علمود العلاقه الزوجيه تستمر بإبهى? صوره ويكونون متفاهمين وحياة الزوجية مشتركة بيين الزوجين تحتاج صبر وتفاهم وتعاون بين الطرفين وياريت تكون قصتي بيها عبره لكل المتزوجات العايشات نفس واقعي وواقع مرام.
اللي هواي اكو مثل مرام عايشات واقعهن وساكتات لان ما بإيدهن الحل او يمكن اكو حلول بس هنا فضلن السكوت والصمت ل أسباب ثانيه منهن اللي اليتيمه واللي ما عدها اهل وسند بظهرها واللي أهلها يرفضونها لسبب ما عدنا بنات تتطلق ومنهن اللي ضحن بحياتهن لخاطر أطفالهن هواي أكو وكثير مثل مرام ما يكفي الكلام ولا الشرح بس العايشته يفهمن شعورها وضعفها والله يهدي ويثبت عقله على الرغم سمعنا شايل فكره الزواج..
مرات نصادف بحياتنا أشخاص فقرة وأخلاقهم حلوة وحسنى بس تلگي ما مرتاح بحياته ولامرتضي بواقعه وعايش بدوامة من الأفكار لايعرف يتقبل حياته گما هي ولا يعرف كيف يصلحها أو يحاول يغيرها واهنا بدل ما يتخذ واحد من الخيارين يتولد عندهُ خيار الثالث وهو حسد عيشة من أحد احسن منه.
وحالته أحسن من حاله ومرتاح ومرتضي بواقعه وتتولد عندهُ مشاعر نتيجة عدم الرضا وليش حياتي مو مثل فلان ليش اني هيج حياتي مخربطة وليش عدهم و ماعندي وكلها تتجمع بكلمة ليش ويتولد الدمار الدخلي لشخص بسبب الحسد ومقارنة مع حياة غيره وعدم تقبل حياته وواقعه.
لهذا الواحد لازم يكتفي بما أعطهُ رب العالمين ويتشكر ويحمد ربهُ على حياته وما يقارن نفسه مع اي شخص والمفروض نطور إنفسنا لان كل شخص عنده ميزة مميزة عن الاخرين وفي نهاية السعادة والرضا يأتيان من الداخل ومن قلوبنا لانفسنا..
والى هنا نودعكم بكل حب وأتمنى ان نكون خفيفين الظل وتكون قصتنا قد نالت اعجابكم بجميع أحداثها وتفاصيلها ومواقفها وبإحزانها وبإفراحها وان تكون قصتنا أستفدوا منها العبره والدرس الى هنا ونقول لكم الوداع كانت معكم أسيا أم كرم مع السلامه.
أسيل من يوم رجعت واني بالي يمهم وكل ساعه اتصل وهو ما يجاوب بزعت وطگ گلبي تالي كمت أخذت سيدرا وصعدت لغرفتنا وهنا ضلن يتعللن خطيه ما عافنا أبداً شهد وايناس مياسين كل شويه وحده تجي عمه زينب حتى اسماء أجتي علينا بس اني وين گلبي نار على أبني وعلى أبني الجبير اللي صاير روحه بخشمه وما يحجي كل ساعه اتصل ويفصله بوجهي ليش هيج تعذبني وتولعني عليك تخليني محتركه بنار بس أسمع صوتك.
نومتها بسريرها وكامت تبجي اخذتها بحضني تعاي نامي يمي ماما گامت تبجي الا على صدري نومتها حضنتني يله غفت مثل الملاك فدوه لوجهج
اتصل ما جاوبت مره مرتين وهم ما جاوبت لان مقهوره منه رجع دز رساله
مروان جاوبي بنت الاوادم تره اشتعلوا أهاليتي نفر نفر أسيل جاوبيني لاتلعبين بإعصابي.
ما أجاوب اشوفك شتسوي قابل گلبك محترك اكثر مني اني نار ومشتعله بصدري على أبني صدري موروم وصخونه نار وروحي شاطتت عليه انوب أبو مو يمي اكتملت السبحه، ورجع يتصل واني اريد أجاوبه بس متردده تالي ما صبرت فتحت خط وسكتت
مروان تعالي واتساب افتحي كاميرا مشتاك حيل مشتاك.
ما حجيت أبداً ولا نطيت أي صوت
ما تحبيني أدري بيج ولا هامج فراكي أبداً
العبره خنكتني هذا شلون بي
تبقين ساكته
ما رديت.
أحبج الخبله السافله ام دروب والشيطان حلو
أبجي دموعي خانني
بشرفج اذا كاعده وحدج فتحي كاميرا وأحجي وسمعيني صوتج لج مشتاك وطگ گلبي عليج وعلى سوالفج البايخه أنتِ وسيدرا جنت بوحده وصرت بإثنين.
أحبك
أدري ادري جرات النفس والشهكه شرحت عذابج وأشتياقج الي بدون ما تسمعيني صوتج أدري بيج
شوكت شوكت ما بيه راح أموت خل اجي عليك
لا مستحيل يومين اذا طلعوا اجيبه واجي والله بس أصبري
ليش شبي هلكد تأخر.
جاي ما كامل عنده نقص أوكسجين وتغذيه.
ليش تحرك گلبي خل اجي الله عليك
ما تجين وخلص لاتلحين
مروان عفيه
گلت خلص
سگتت وجاوبته ماشي
كملتي إمتحاناتج لو أجلتي.
لا امتحنت بس اعتقد حرسب بواحد لو أثنين
ليش يابه احنه ما نصدك تخلصين نوب دور ثاني
ما أدري بلكت العملي يشفعلي النظري بالدفرات
الله يسهل إلج يارب وتنجحين أي منا منا هم طلعتي أسيل ديري بالج.
لا والله وبس عمار يوديني ويجيبني لاتشغل بالك ولا تفكر اني مثل ما أني وتربيتك تعوفني وترجع تلگاني أسيل التحبك وتفديك بروحها.
أدري بيج وأحبج والله وأقسي عليج حتى لاتتخبلين وتجين، يله أفتحيلي كاميرا اشوفج مشتاك.
فتحت كاميرا بس هو ما فتح عود ليش الخيانه ما تفتح
ما يصير حرام
هاي وين لكيتها افتح أحسن ألك والله اسده
هاي ليش هيج تلفانه بشرفج هيج اكولج ديري بالج على روحج أسيل ليش هيج صايره.
ليش فراقك سهل تحسبه عندي مروان اني جاي اموت من دونك ضايعه والله الدنيا ما لمتني مثل ما أنتَ تلمني اني من دونك أموت.
نعله على جدك مروان على هالخلقه التالي انضل هيج سكتي رحمه لأهلج ولأ تكولين مروان سريع الاشتعال مروان.
أجي الله عليك
لا مستحيل بلكي يطلعوه باجر ولو اني اشوفه زين يصفط مميات ويرجع ليوره قوطيه حليب خلص.
أخاف بي شيء وأنت ما تكولي مو
لا عيني ليش اضم عليج.
أفتحلي كاميرا أشوفك فتح كاميرا الوجه تعبان بس شفته انفجرت بجي بعلومي يطكط من الحركه
مروان ترى أشتاقيتلك هواي.
واني اكثر والله تحملي بشرفج لا تثورين عليه كوه لازم روحي ما أهج من المستشفى واخمط حكم واجيج طاير.
حبيبي
يروح حببيج شبيج رب الحلو تتنعوصين أرحمي بحالي يولي.
مخنوگه والغرفه ما تنسكن من دونك
من اجي شرط انومج بحضني بدون ما أحد يفرقنا.
ترى شيطاني يحاجيني يگولي مروانج ما يحبج ملتهي بإبنه وناسيج واصلاً ما يحبج بعد اجه الي اخذ مكانج.
أستغفر الله أنتِ صايره ما تنطاقين ولي مو صوجج صوج اليحاجيج.
سديت الخط ابجي ردت انكد عليه اشويه اشو هذا زعل والله خبل المهم غثيته خل انام حضنت بنتي ونمت مر كم يوم وكالوا باجر يجون وبليل شهد حفتلي وجهي وازهار كالت
أزهار خل تفض هالمصايب أخذج اسويلج ليزر وأنفخ شفتج واسويلج تعديلات.
لا عيني لا ليزر ولا شيء اني ما أريد شي شفتي حلوه اني شفت اسماء لعبت لعب بروحها وهي على الطبيعة أحلى ما أريد وليزر مروان ما يقبل اتكشف على مره وتشوف جسمي عيب زوجي يغار خليتهن خربانات من الضحك ومن حفتلي وجهي انصلخ كملت وصعدت قشرت جسمي ورتبت شعري كعدت من الفجر نظفت الغرفه وعطرتها ولا راسلته عود اني زعلانه وكذا على ذيج المكالمات بعد ماكو تواصل بينا..
كشخت كشخه فوول لبست سيدرا بدله تجنن طلعت نزلت شايلتها وهنا ينظفن صارت بوجهي عمه زينب واسماء
أسماء عين النبي تحرسج اقري المعوذات.
أسيل قريت المعوذات على روحي وكعدت أنتظر لحد ما سمعنا اصوات الطبل والزمر أعلنت عن وصول أبو الحكم اسم وفعل وطفل فدوه لعمره جعل ربي محد اسمه ابو الحكم غيره ودخل وهو يستند على عكازه ايده ما بيها شيء بس رجله مجبسه عود كلت ما اتلكاه ولا اباوع عليه واني أول ما شفته أبجي بخبال وكلهن صافنات عليه..
أجت عمتي وراه كبل رحت على ابني اشتم بي وابوس بي ملهوفه عليه فدوه فدوه يروح أمك عرفتني ابن الحلو اني امك قربانك صدقه لوجهك تعرفني اني ماما اني امك حبيبي يضحكن عليه عمتي لازمتني تسگت بيه واني دموعي ما نشفت ابجي وابوس بي واضحك وارجع اباوع واكول هاي حقيقه عمتي كالت
وصال روحي لزلمتج وحكم يمي روحيله تره يدور وراج.
أسيل أخذته مني وهما صعدوا فوك يسبح ويرتاح صعدت وراه لكيته هو وعمار بالحمام اني مجهزه الملابس وكلشي جاهز ضليت أنتظره افرك بايديه لحد ما طلع عيونه فاضحته احس حيله يرجف من الشوك احسه كوه واكف هذا أحساسي رجليه ما ضل بيهن حيل وبطني ملختني وجع شعور حب شوك رغبه كلشي أتجمع بهالدقايق بس الزمه عمار يروح منا يجي منا اخر شيء عاط بي مروان
مروان شبيك ثولتني گملت أنزل عاد
عمار يلا راح انزل.
هو بس نزل واني طگيت السويت قفل اليوم يطلعون أجدادك من الكبر ما يخلصونك مني حضنته وأبوس بي من كل مكان بوجهه لازمته من شعره باوعلي باوعلي هم تفكر تفاركني هيج كول كول وعد ما أعوفج.
وعد ما أعوفج بس انطيني مجال اعبر عن اشتياقي اغتصبتيني على كيفج يابه.
ما تبطل ما تبطل سوالفك غير من كثر ما أحبك غمرني بحنانه أخذ مجراه تعبيراً عن اشتياقه بطريقه ملفته للنظر ترك أثار بركبتي بقساوه عضني من ركبتي شاغت روحي ليش هيج حبيبي
حتى ما تفكرين تغلسين عليه يومين ما أسمع صووتج يهوديه كافره أنتِ
كافره بالعشك أحبك حد الجنون اريدك بس الي
تتغزلين بيه وأنتِ حالتج حاله واني معوق ستري على روحج احسن.
ضحكت وكمت عدلت مكياجي وروحي وبدلت الكلابيه لان شكها ابن عمو كمال ولا يجوز وهو كاعد يراسل شويه واندك الباب دخل عمار اخذه ونزل واني هم نزلت على ابني حبيبي اخذته لكيت عمتي مسبحته خليت صدري ردت ارضعه وكالت
وصال الحليب اول شيء ذبي خاف مو زين
أسيل ضليت اذب منه كوومه وميخلص وازهار تغطي واسيا تغمز وعمتي تندس بيه واني ما أعرف على شنو اخر شيء عمه زينب عاطت بيه واخذتني تحجي عليه.
زينب وما يصير كدامهن تذبين من صدرج حليب هسه يطكجن بعين ديري بالج على نفسج وحليبج
لاينشف
والله ما أدري شمعرفني اخذته بغرفه عمتي وهي وياي وتعلمني شلون يرضع شوي شوي لما گام يرضع وينزل الحليب فد أرتاحيت ورضعته وشبع ونام اجه مجد كال
مجد السرير نصبناه يم الجربايه وأغراضه وملابسه كلشي جاهز فوك واي شيء تحتاجين مسج واحد تلكيني فوك راسج مدام مروان.
أسيل الله يدمك ما قصرت انت هم تعبت يوم النتعب بعرسك ونفرح بيك.
مجد رحمه الله والديج ما تقصرين والله بس أكولج اني اريد احاجيج أخاف تاخذين عليه نظره مو حلوه لهذا متردد أحجيلج
كول مجد أسمع
شهد گالت رافع بس أزهار تحاجي يقنع والله مو قصد أستغلال بس اني أعرف كانت هديل ما تخاف من أحد بس من عصام وما تسمع كلمة بس من عصام وهسه شهد تكول كفيلك الله بس تحاجي ازهار يقنع بلكي تقنعيها تحاجي ابن عمها قابل يأكلها.
والله تريد تسمع مني نصيحه
أي عادي أسمع گولي.
نصيحه من أخت لأخوها لأ أدخل أزهار بالسالفه وتصيرىها مشكله بغنى عنها وهي ما صارله فتره من رجعت لرجلها خطيه فه الأفضل لأ ادخل نسوان بسالفة زواجك لا أني ولا أزهار ولا حتى أسيا لا الموضوع موضوع زواج وهذا الشيء الزلم تتدخل وتقرره وإذا الله گاتب الك شهد تكون من نصيبك لا رافع ولا غيره يكدرون يوكفون بطريقك.
هم صح كلامج عمي والله أنتِ تفتهمين مشكوره.
تدلل أبتسم وراح ونومته على جرباية عمتي وطلعت لكيتهم هوسه سمعت وضع عصام تخربط لليل فدمره صار بقيت بغرفتي لان بس يبجي واجتي عمتي عليه وعيونها مخوخات على عصام خطيه.
وصال أخذي وصعدي بغرفتج احسن أهنا داخلين طالعين وهوسه وصوت لا يتخبل الولد روحي بغرفتج احسن هدوء مو كدام العين يله بنتي زينب تعاي ساعديها وصعديها لغرفتها اسيل أنتِ نفسه ادعي ل أبني.
أسيل گالتها ونزلت دمعتها الله يشفي الج عيني عمه ويكومه بالسلامه ويفرحج بطوله باستني وراحت.
وصعدت لغرفتي وعمتي زينب يمي ما عافتني لحد ما سافروا هي يمي خطيه وبعدها راحت وعمتي صعدتلي حالتها تكسر الخاطر بس ما عافتنا
ومرت الأيام ورجعوا من السفر والحمدلله اني بلشت أعتمد على نفسي على سهر ودراسه وتعب يبوه حالي بالضيم ومنا سيدرا بس كل هذا تجاوزتهن الحمدلله ونجحت ومروان فرحان ويبوس بيه.
مروان أبداً مو حرامات بيج التعب أنتِ بطله اني وسيدرا وحكم والوضع اللي صار ونجحتي سباعيه عمي هي گوه سباعيّه
أسيل شاركت فرحتي ويه أهلي بيت عمي كمال كلشي وصلته وحققته بفضلهم بفضل حبهم وحنيتم وعطاءهم وأحتواءهم اليه مو بس مروان ومروان وأهله صارولي أهل وكلشي أحتاجه الله عوضني وجبر خاطري بيهم وأكتملت عائلتي بطفلين سيدرا وحكم والله يحفظهم اليه هما وأبوهم..
ومر كم شهر ولاحظت الشهريه غايبتلي صار شكد بس ورة الأربعين أجتني يومين وبس وعمتي گالت لان ترضعين ما تنزل عليج وتعودت عليها بس ما أعرف ليش گلبي لعب من هالغياب يعني ما معقوله هلكد شسالفه وين أكو ضليت افكر ودايخه واحسب واباوع الحكم يربي والله بعده صغير ويرضع صدري رغم يرضع الاثنين بس هالأيام كله صدري واني مهتمه بتغذيتي ومروان يجييلي بهل الاكل خل ابني يسمن شبعي وشبعي صلولات بس صدري ويشبع ويقتنع..
نزلت على عمتي عمه ما نزلت
وصال شنو هي ما نزلت
أسيل صخيمه
أسيل ماما احجي عدل خل أفهمج
عمه الشهريه شبيج
اي مو ترضعين طبعاً ما تنزل
وشدخل لا مو شرط لان صارلها هواي وهي اجتني بس ورى الأربعين وبعدها ماكو.
وتقربلج
أي خوما حجاره لعد
شمدريني مو مكسر بس عمي وكت شغلتهم لو مو مكسرين.
عمه لعد وين ينطي وجه خطيه
أدبسزز مثل ابني والله عمه ما أدري يجوز حملتي وأنتِ وياه شلون اثنين تشتعلون.
عمه.
وصي? أختيار وشوفي والله كريم واذا حامل لاتتذمرين رزقج واجاج ولو حكم بعده صغير بس شسويلج ما ضبطي شغلج عدل.
عمه ما أريد عفيه اني هذولي اركض ركض أنوب الثالث وين الحك وراي دراستي گلت اكمل اتخرج وحكم يكبر فد أربع سنوات واحمل.
ماطول هيج ما جان تضبطين شغلج دمشي خل أكمل غداي عطلتيني.
ماشي صعدت فوك دزيتله رساله أريد أختبار حمل
شتسوين بي
يمكن حامل
لا بربج صدك تحجين
شو عبالك فرحان.
شلون ما فرحان هذا رزق أسيل رزق أكو أحلى من الاطفال شايفه سيدرا وحكم شمسوين بحالي مخبليني بحبهم يوم تلكيني مأكلهم وكاعد.
عزه جهالي
خبال يله رايح أجيبه
أنتظرك شويه وصعدلي ها حبيبي
هاج يله أنتظرج
أخذته منه ودخلت الحمام وضليت أنتظر ما بين كلشي رجعت كلشي ماكو يمكن أكسبياير.
أگولج ليش ما نسوي تحليل مو احسن العصر جهزي نفسج ونروح نسوي تحليل تمام.
ماشي حبيبي والعصر رحنا اني وياه وسوينا وكعدنا نتتظر وكلهن يباوعن النا بس اني وياه حشگت نفسي بصفه
شبيج ترة ما أطير والله
شوف البنات يباوعلك وأني ما أقبل
وخل يباعن يمتعن نظرهن خطيه خوما بس أنتِ
گرصته قوي
ينعل بليسج شالت اللحم شنو يهوديه أنتِ
ما جاوبته وطلع التحليل وكام راحله وأجاني مبتسم شكو توزع أبتسامات خله الورقه بيدي قريتها حامل لا الله عليك.
أي نعم ولي العهد الثاني ينورنا ولج حتى واني مكسر حبتلج.
امشي فدوه ومكيف وفرحان بإنجازاتك حكم بعده صغير ضجت ومشينا واني مطنگره.
شبيج نگلبت خلقتج ترى هذا رزق رزق لاتتبطرين على نعمتج غيرج بحصرة طفل وأنتِ ضايجه ولان حكم بعده صغير صغير يكبر بالعكس تربينهم نفس العمر مو هاي أمي ربتنا سوه شوفينا شحلاتنا.
ما جاوبته بس تلمست بطني واجاني شعور حلو نفس أول مره من حملت بحكم رجعت باوعتله وهذا أبوهم الجنت أحلم بي هسه أبو جهالي حضنت الورقه وحمدت ربي وشكرته وهو ضحك.
ها فگت الطنكوره الحمدلله
أي، وأخذ علبة حلويات وصلنا وزع الهم وكلهم مستغربين واني كاعده مستحيه وبشرهم والكل فرحوا النا وأسيا كرصتني وكالت
أسيا ولج مكسر وحبلتي بله ازهار رجلها ما بي شيء خطيه وراجعه جديد ومحرومين وحملت أنتِ شبيج.
أسيا ولج مكسر وحبلتي بله ازهار رجلها ما بي شيء خطيه وراجعه جديد ومحرومين وحملت أنتِ شبيج.
عوذه استحي.
فديت اليستحي أتشاقه والله لاتزعلين مني بس تدرين فرحتلج من كل گلبي ربي يكومج بالسلامه والأحلى أنتِ وأزهار حوامل.
أسيل صدك حامل عيوني ربي يگومها بالسلامه هسه أصعد أباركلها، اخذت حكم وصعدت وباركت الها وبلغتها بحملي وكامت تضحك.
أزهار ضلن بس أمي وأسيا
عزه أزهار شكو محملتهن خطيه وعمتي وين بيها خلفه.
هه اي بالخير عليج عمري من هسه گولي لمروان اذا بنيه واني ولد محجوزه لأبني اذا ولد واني بنيه بنتي لابنكم خاف تگولون من هسه
مروان سمعها لان فاتحه سماعه
أنتِ كربستي بناتج على ولدي يله اخذهن الثانيه
دتطير مره ثانيه والله بس الاولى ويضلن الاولى
حمت على بناتها حمت
ضحكنا يله حب ادعبلي أشوف جهال أخوج
واني هم اروح هشام هسه يجي طار الوكت
يله حبيبتي بوسيلي الجهال وابوهم.
يوصل حب انتهى الاتصال وبسته من خده هاي من أختك
وصلت وأنتِ
بعدين مو هسه
ها زين اذا بعدين
اي سحبني وأخذها من الشفه مو گتلك بعدين
وين بيه صبر لبعدين وأنتِ كدامي رب الحلو شيصبرني وجهالج وراج مثل البطه وفروخها
فديتنا صدك سيدرا وين
يم عمامها لاتشيلنها بعد من تصعدين أنتبهي على نفسج أنتِ حامل وبطنج روح وتعبين نفسج ويصير شيء لا سامح الله.
ماشي عيني لايضل بالك أنتبه على نفسي وعلى فروخي.
فديتكم.
نومت حكم وعمتي كالت لازم تفطمينه وشبعت قهر لان حامل على أساس الحليب يضره وفطمته ورجع على القواطي سوده عليه شلون سمن نشنش على صدري يله رزقه هلكد والحمدلله...
ومرت أشهر وحملي مستقر الحمدلله وبلش الدوام وكبرت مسؤولياتي ودراستي واطفالي وأبوهم كلش أتعب وهو هم دوامه رجعوا يدوامون وصح عمتي وياي ومن اروح أعوفهم عليها بس بالليل كلهم برأسي والمشكله سيدرا متعلقه بيه أكثر من الكل حكم ما يريدني بكثرها واني گلبي يتكطع رغم ما هاملتها بس اني احبها روحي بيها وبالدوام بس أفكر واخابر واخبص عمتي عليها لو بنتي من روحي مو هيج احبها أسبح وأمشط والي واهس العب بشعراتها الذهبيات وريحتهن مسك وعنبر..
ومن بعد عرس مجد وناس تجي تباركلنا على زواجه وأزهار يمنا جايه وطالعه الها بطن وهي عالحمل تطلع تخبل وبيضه تجنن لك شنو هالجمال شو محلوه طالعه كيك.
وصال يكولون اللي تحلو بيها بنيه
أزهار هي بنيه
أسيا صدك شوكت رحتي شو ما حجيتي
وصال يمتى صورتي ولج واني ليش ما ادري
أزهار على كيفجن يابه رحنا اني وهشام ما اتحملت اخلص الخامس يله رحنا والحمدلله بينت بنت.
وصال بالخير عليكم يمه الله يكومج بالسلامه أنتِ وياها واسيل هم اي واحنه شوكت نوديج ونعرف وامج تكول بيج بنيه عيونها ناظور اني بهاي السوالف ما اعرف لان خلفتي ما شاء الله كلهم ولد وازهار بينهم ولا ميزت كلهم نفس البطن والحباله
أسيل هالايام نروح ونشوف والله كريم أخذت حكم مني تبوس بي اكلته اكل
أزهار نسيبي عيني هو نسيبي.
اسيا عابت اي والله فلا اخذ من بناتج لابني.
أزهار غصباً عليج وعلى أبنج وحده جنه لمروان ووحده جنه لعصام وخوالهن وولد خوالهن وهنا اولى بيهم وانتن ما تحجن ولا حرف وتصيرن عمات حقيرات على بناتي يا ويلجن اهججن بالتفك والله.
أسيا يمه العرامه يمه سمعتي أسيل سمعتي عيني عمه سمعتي بنتج العرمه شتحجي
وصال سمعت وهي صادگه
أسيا لااا السالفه صارت ثخينه شهد عيني طبگي ويانا ليش ذابتها على الصامت انضمي لفريقنا
شهد هو وياكم حبيبتي اني ويه المظلومين.
أزهار عشتوا مأكلين عشاج ويه المظلومين يمه منجن يمه بعدجن ما صرتن عمات لبناتي وهيج
أسيل خربنا من الضحك وتونسنا وللعصر كاعدين نشرب جاي وشهد تفتر تقدم النا ومجد يباوع? طولها وهي ميته من الخجل ورن الجرس وعصام شاف الكاميرات
عصام هناس
مروان أجتي.
عصام أي نعم ولوحدها نزلت من السياره تطلع الها لو اني عيب واكفه بالباب ها شگلت.
مروان لا أنتَ أطلع الها.
عمار بس بالعاده هي ما تجي ادز اختها تأخذ سيدرا شعجب اليوم جايه
وصال لا تظلمونها شعجب وشعجب البنيه خابرتني تجي تبارك لمجد على زواجه على أساس هي واهلها يجون.
اسيل طلع عصام وكمت جهزت سيدرا والباب جان مفتوح مقابلنا واجتي بطنها بارزه حامل! باوعتله يلاعب بحكم ما باوع أبداً وهي دخلت الأستقبال ورحنا الها اني وعمتي وازهار واسيا وشهد راحت تجهز الضيافه دخلنا سلمنا عليها كلنا واخذت مني سيدرا تبوس بيها.
هناس عيني خاله الف مبروك على زواج مجد شايفين كل الخير والرفاه والبنين.
وصال أشكرج بنيتي الله يبارك بعمرج أمج واخواتج شلونهن.
هناس الحمدلله بخير هسه يوصلن على اساس نجي سوه بس اني گبل اجيت من الدوام عليكم
وصال يا هلا بيج بنيتي.
أسيل تحجي وتسولف واندمجت هي وعمتي واسيا بس مع ذلك احسسها انسانه حزينه من الداخل على الرغم شگد تبين قويه من الداخل بس من تحجي اكو غصه بداخلها لاحظتها وباوعتلي وابتسمت.
هناس صورتي بعدج
أسيل لا والله بعد
هناس الله يكومج بالسلامه
أسيل الله يسلمج وأنتِ هم الله يكومج بالسلامه
هناس الله يسلمج حبيبتي.
أسيل وطلع عصام فتح الباب واهلها وصلوا واستقبلتهم عمتي جابوا هدايا على رغم اللي صار بس ما قطعوا هالشيء وسلمت عليهن وشهد جابت الضيافه باركن الها وكعدن حوالي ساعه.
هناس يله اني أترخص تأخرت سيدرا اخذها وياي اليوم لبيتي مو بيت أهلي بس مروان يقبل.
وصال والله يمه ما ادري اي ليش ما يقبل ازهار گومي شوفي اخوج وتعاي
أسيل راحت واجتي شكله ما موافق.
أزهار يكول بيت اهلها عادي خلي تضل عسى ما أسبوع شهر أمها ومن حقها بس يم رجلها ما أقبل ويخاف عليها تستغرب ويخرب طبعها هذا الگاله
هناس هذا هو مثل ما يريد يله ماما اني أروح جيبوها وياكم وبالليل اجي يمكم أبات واشوفها لان رفعت ما موجود.
أسيل ودعناها وطلعت واشرتلي وعمتي هزتلي رأسها وبالحوش وكفت وياها ها هناس.
هناس أسيل ما أعرف منين أبدي كلامي وياج بس اللي أريد أكوله أنتِ تستحقين مروان وياريتني من الأول ما دخلت العلاقه وجنت اتمنى النهايه تكون مختلفه بس النهايه واضحه من البدايه بس جازفت ودخلت بالأخير صارت هالطفله ضحيه أغلاطنا وتشتت بين الأم والأب بس مع ذلك أنتِ ما حسستيها أنتِ مرت أب عاملتيها كأنما بنتج وحبيتها وأحتويتها حتى هي تعلقت بيج وحبتج يمكن حتى اكثر مني أو مع مرور الزمن اول ما تنطق ماما أنتِ تسمعينها مو أني وأنتِ احق بيها لان صرتي الها أم وكثر الله خيرج واني ممنونه منج على كلشي تجاه بنتي وحتى تجاهي ما شفت منج الأذيه والله يسعدكم بحياتكم.
وكل أم تفكر وتخاف على بنتها وباجر عكبه تكبر وأطفالج يكبرون طالبتج بطلب من أم فاركت بنتها
ل أسباب ما احب أحجيها واتطرق الها يفضل تضل بقلبي لان ماضي والماضي ما ينحجي بس والمهم هالطلب ما أريدج تكونين مرت اب خليج أسيل الأعرفها البريئه الفقيره ما الها صوت والله لو أعرفج أنتِ بشكلج وعمرج قبل الزواج ما أوافق ارفض كلمة يابا ولا اخاطر هالمخاطره وظلمت نفسي وظلمت بنتي وياي.
أسيل لا يضل بالج بنتج بنتي وتضل بنتج وكلمة ماما تگولها الج لأن أنتِ أمها وأنتِ تستحقينها حتى لو تخليتي عنها هذا ما يمنع أنتِ ما تستحقين كلمة ام واخذيها وياج شبعي منها ومروان اني احجي وياه
عليج الله صدك تحجين أكدر أخذها.
اي والله
والله لان رفعت ما موجود بس اني بالبيت كلت اخذها، شكراً أسيل
العفو تقربت شالتها وتبوس بيها اجيبلج اغراضها
لا عيني ما يحتاج كلشي متوفر عندي مع السلامه.
الله وياج اخذتها وراحت ورجعت من الباب لكيته واكف يم الشباك ويباوعلي مروان
صعدي فوك
بس
گتلج صعدي فوك
صعدت وعصام يحجي وياه وشويه واجه مروان بس خل أفهمك
هسه تذكرتي مروان شنو هالتصرف أكول شيء وتسوين شيء تمشين گلمتج عليه.
ترة أمها
على عيني وعلى?أسي بس تشوفها بيت أهلها مو بيت رجلها وناس غربه عن بنتي شبيج أنتِ.
أني إنقهرت عليها وهي أم ولاحظت عليها تعبانه وكوه تحجي واني وأنت نعرف هناس أنظلمت ويانا وكالت رجلها ما موجود بس اني بلبيت وبالليل اروح بيت اهلي يعني ما بيها شيء اذا أخذت بنتها بيتها ساعه ساعتين ليش تضخم الأمر يا عيني.
هي گالت الج رجلها ما موجود
اي والله
وشوكت ترجعها
بعد تضل يم خوالها وأكيد أيفين ترجعها
ماشي
خوما زعلت مني
لا بس اخر مره ينعاد هل التصرف كلمتي ما تنكسر.
ماشي والله اخر مره ما جاوبني ونزلت عمتي سألتني جاوبتها طبطبت على اكتافي
وصال الله يرضى عليج
أسيل وصار وقت العشه توقعته يضل زعلان لا الحلو اجه ووجه يضحك ورايح لسوك وجايب النا سمج وازهار تخبلت من ريحته وأني تقربت اخذته منه ونظفته وتبلته وشويته بالتنور.
وهو شايل حكم ويفتر يمنا ويباوعلي هذا شبي معقوله زعلان تقربت عليه مروان خوما زعلان مني
مروان الزعلان يجيبلج سمج
أسيل أدري بيك حنين
بس نتعشى صعدي فوك.
شعندك فوك أزهار هنا ما اصعد اضل اتعلل وياهن وننجمع كلنا وتعرفني ما أوفوت هيج كعدات
لازم مليتي مني مدام
لا حبيبي أني امل منك
لعد صعدي بدون نقاش
ما كتلي شعندك
مرتي وأريدج فوك تصيرين غبيه وسافله ليش
ضحكت وكرصني ميخالف أصعد تدلل
اي لان أهلج خابروني يردونج طگهم عرچ المحنه
رجف گلبي وحجيت بصوت مختنك أهلي.
اي وعمي شويه مريض وتعبان خابرتني امج الحنينه تبجج أسيل جيبها النا ومستفقره ما عرفتها والله مدري هذا جلد اللي لابسته من جلد خنزير بلاد أول.
لا مروان لاهيج تگول
تحسستي ونقص من وزنج من حجيت على أمج
تضل أمي مهما يكون أم
اويلي على گلبج الفطير عالني عل بس مروان يعرف علته ووكع عليها
اي والله بس مروان
مشتاك لأسمي
مروان
أنعل يومج لاتتنعوصين اهنا اهناك فوك بصخامنا بغرفتنا بجربايتنا
بحضننا.
سافله عليمن تطلعين رجلج سافل تعلمتي السفاله على أصولها ختم وفسفوره.
والنعم
دكملي السمج لا اخذج ورة البيت انعم عظامج
سخيف
أعشقها
منو
أسيل
منو هاي
أسيل
حلو أسمها
أسيل
شكد حلو أسمي وأنتَ تردده عمي نيالك تعشق أسمك مني أثاري فد شيء كلش حلو.
هو أنتِ حلوه
كرصني من خشمي وراح فدوه لطولك حبيبي الوكح والفاسق.
راح وكملت شوي السمك وأسيا وازهار يجهزن بالمطبخ جهزن السلطه والخضروات والطرشي وشهد جهزت السفره خليتها عالكاونتر وهنا تكفلن بالباقي اني صعدت فوك سبحت ورتبت نفسي ونزلت لكيته وأكفلي يم الدرج.
مروان ريحتج كلها صابون تردين تموتيني
أسيل اسم الله عليك بس بيه زفره سمك واخاف تلعب نفسك مني أعرفك بعد
فديت اليعرفني واليفهمني يله تعاي نتعشى هسه يخلصون السمك ونضل وجه اليتامى.
ماشي ومشيت أني وياه وكُلنا أنجمعنا على الميز الطعام وناس تقدم الناس وعمي يهز برأسه وعاجبه طعم السمك والشوي مبين.
كمال شنو هذا مروان كسرت القاعده وخربت علينا نظام الأكل والدايت من نواشف الى سمك مشوي والطعم عالمي والشوي تحفه عاشت أيدج بابا
أسيل الف عافيات عمو
مروان أگلوا عمي اليوم دك سمك يا نواشف يا بطيخ وازهار يمنا بس باالأول نفسج لعبت من ريحته هسه دستي أيدج بالعشره لو هاي نزاكه
مؤقته.
أزهار لعبت نفسي من ريحة الزفره مالته مو من الطعم والشوي بله ما تخليني أكل ولا تخرب عليه
مروان أگلي يابه أگلي عافيات.
أسيل كملنا وحكم قفل صار وقت نومته أخذته وصعدت نومته ومشيت الحمام والمواعين اسيا تغسلهن وشهد تصب الجاي وأزهار تمسح وتصيح على الجهال خبلوها.
أزهار مروان تعال تعال عليهم هسه يجي الا أخلي يشوي على اذانكم بصل اصبرولي.
مروان وينهم أجيت أجيت هاي شنو هالهوسه كرم وانت الجبير شبيك وياهن وأنتِ الثانيه شكو مخله شعرها شو كدامي يله كدامي
أسيل واكفه عالمحجر واباوعله يمشون كدامه ثلاثتهم وكفهم أصطفاف واحد يباوع الثاني واجه عصام وكف مخلي أيديه بجيوبه ويضحك
عصام مروان عليك الله لاتضربهم.
مروان لا بس أعقابهم رفعوا رجل وحده وابقوا واكفين على الرجل الثانيه ويا ويله يخالف الامر غزل لاتباعين محد يخلصج لو تمرغلين روحج بالكاع ماكو ومرض مو مريضه وحده جذابه ولوتيه صارلج شگد تضحكين علينا بس شفتي أبوج صرتي حصان هسه خلصت التمثيله يله اوكفي مثلهم لاتباعين هاي عليمن تباوعين! مجد هذا انت والله محد خبلهم غيرك امشي منا
مجد جهالي لاتأذيهم
كرم عمو مجد تعال
مروان تعال أطبك وياهم
مجد لا تشاقه.
عصام لا بهيج أمور مروان ما يعرف يتشاقه أطبك بصفهم يله صدك انت خبلتهم.
مجد صدك تحجون عمي مخابيل قسم بالله لاتخافون اني يمكم عمو لاتخافون.
أزهار مروان عاشت أيدك أستمر.
مروان مجد ارفع رجلك واوكف على رجل وحده
مجد تشاقه مروان
مروان يله وانتوا مثله معاقبين علمود محد يسوي وكاحه وناس تكتل ناس أعداء مو مثلكم بس عايطين يله
مجد واني شگو تعاقبني.
مروان أنت خبلتهم علينا يله.
أسيل عصام فتح التصوير ومجد رفع رجله واجتي شهد وشهكت وبضحك
شهد مروان هاي شمسوين برجلي عفيه لا
مروان سگتي لا اعاقبج وياه
شهد عزه هسه اذا عمو طلع وشافك مجد
مجد عادي عادي دام وكعت بيد هذول وجهالهم كلش عادي دشوفي الوراج معاقبين بنتها وتأيدهم
أسيل خرب سينما ومجد تعب واخذهم بحضنه يبوس بيهم وهما يباوعون لمروان بحقد وغزل تطلع لسانها وتعيب عليه.
مروان لو تموتين ما أخذج لأبني وكحه شسوي بيج أبني فقير ما اله خبزه وياج يومين تگتلينه حتى أنتِ جود ما اريدج بعد وكحه صايره عمي بناتكم وكحات العقل يم بنتي والله فد عاقله وتنكط أدب وأخلاق
أزهار مروان مو عبالك حميت، عفيه عصام أفتح الباب من يمك الجو صار حار كلش حار
عصام عوفي گلشي ولا بنته هو دگه ومدكوه ينبص بنته بالنص ويمدح بيها.
أسيل ضحگت عليهم رحت الحمام غسلت وجهي وفرشت أسناني ودخلت أتجهز نروح لبيت أهلي دزيتله رساله ها نروح لا
مروان لا
ليش
تأجلت
السبب
گلت لا وخلص كافي تلحين
غير أعرف ليش
هسه أصعد.
شويه وصعد وياه سيدرا! نزلها عالجربايه واجتني حضنتها شوكت اجتي
هسه أجتي تبجي وتريدج
عيني هي فدوه لبنيتي اي منو جابها
أمها
أمها
أي ليش
ها! ولوحدها
لا هي وأيفين
ومنو طلع الهن
أني
أنتَ
اي أني ليش
هيج ماكو شيء
ماكو شيء لعد شگو گلبتي خلقتج
ما گلبتها.
ترى متزوجه وأني متزوج هاي الغيره والشك بطليهن
هسه شحجيت
لا ما حجيتي بس ملامح وجهج صارت جوب
هيج
اي خلقتج لاتكلبينها بوجهي فاهمه
اي
نوميها هسه أجي
وين تروح
أهنا يم أخواني نلعب دومنه
ماشي، نزل ونومتها وهي حاضتني بقيتها بحضني لان مشتاقتلها واخذتني النومه غير هو حاضني من خصري ويبوس برقبتي مروان
ليش تنطين مكاني المفضل
بنتك هاي.
حتى لو هذا مكاني ما أقبل لا بنتي ولا أبني ينامون بي محد يأخذه ملكي الخاص كومي نوميها بسريرها وتعاي نوميني بحضنج مشتاك.
كمت نومتها بسريرها ورضعت حكم وغيرت ثوبي بثوم نوم وهو صافن عليه وسحبني لحضنه ويبوس بجنون ونمنا بأحضان بعض منغمرين بالحب...
الصبح فتحت عيوني بنعس الغرفه هدوء! شسالفه.
بس أسمع أصوات ضحك رفعت?اسي سرير حكم فارغ وسيدرا كذلك بس ملابسهم ثلاثتهم مرتبات على بالجربايه لبست ازار الصلاة وطلعت وباوعت من فوك أسيا تغسل بالصاله وشهد تنشف الارضيه وراها وريحة البخور صاعده فوك رجعت لغرفتي باوعت الساعه ب 10 اويلي شكد نايمه..
رتبت نفسي واخذت أغراضهم ونزلت حكم يلعب يم عمتي وازهار واكفه تطبخ الغده صباح الخير.
وصال صباح الخير هلا يمه اخذي جوعان وكلته وبعده جوعان سويله ممه ونومي لان صار طلي
أسيل اي سويتله وكعدت أرضعه لعد سيدرا وين اسيا وين جهالج
اسيا اخذهم مروان وطلع ما اعرف وين راحوا.
اسيل دزيتله رساله وين أنت
مروان اجيت
أسيل يكول اجيت
أسيا اي هياتهم وصلوا هاي شجايب وياه.
اسيل ودخل علينا جايب زحليكانه نصبها بنص الصاله والجهال فرحانين ويلعبون ويلعب سيدرا بس تخاف اخر شيء هو لعب كدامها وهي وراه وأحنا خربانين ضحك والجهال متونسين وياه وكومه جايب العاب الشبكه والكرات وصار البيت مدينه العاب ويركضون وراه وعمتي تضحك وتحجي.
وصال طلع طفولته هسه لازم من جنت صغير ما شبعت لعب يمه.
أسيل احلى شيء زحليكانه وشكله يخبل وهو يلعب ومندمج وياهم ولا هو اللي عاقبهم البارحه فدوه لگلبك الحنين أجمل زوج وأب شافته عيني
هو أنتَ
للظهر تغدينا والجهال يلعبون ولا أبالهم الغده وكاعده بصفه وحكم بحضني وسيدرا نامت بحضنه من تعب واللعب وهمس
مروان العصر جهزي نفسج أخذج لبيت أهلج حارث هم خابرني عليج مو أكولج أهلج طاكهم عرج المحنه عليج هدايتك ربي جنان تنهدي قادر ربي
أسيل مروان تضل أمي خطيه.
مروان وأني شكايل شحاجي عليها شبيج انكرصتي
ابات
لا بالليل اجي أخذج
ها خليني أبات
لا
حباب بس يوم واحد
گلت لا يعني لا شحجي اني هندي
لا دخيلك گلشي ولا الهندي مالتك
أي عبالي.
حكم نام وصعد سيدرا وشلته ونزل اخذه مني وصعدت لازمه خاصرتي بعدني ما ارتاحيت وحملت
نوم جهاله ونومني بحضنه للعصر كعدت لكيته يلبس كمت سبحت وتجهزت وجهزت الجهال حبيبي ترى سيدرا أخذها وياي.
أي لان اذا تعوفينها تضل تبجي وراج.
لا ما أعوفها تعاي ماما امشط الج شعراتج كملنا ونزلنا ورحت على غرفة عمتي وهو صاح وراي
وين رايحه تأخرنا
هسه بس أبلغ عمتي وصلت ودگيت الباب
وصال أدخل
أسيل عمه أحنه رايحين البيت أهلي حبيت ابلغج قبل لا أروح
ماشي بنيتي روحوا الله وياكم سلمي عليهم وسلميلي على امج.
يوصل وطلعت من يمها وتوجهنا لبيت أهلي وصلنا واستقبلنا أبويه تقربت واخذني بحضنه يبوس بيه ويبجي بجيت بحضنه وبسته من?أسه واخذ من عندي حكم يبوس بي وتقدم مروان سلم عليه وطلعت امي تقدمت اسلم عليها كبل سحبتني وحضنتني ومروان نزل?اسه ويرفعلي حواجبه حضنتها ونزلت دمعتي أبتعدت واخذت حكم من ابويه وتبوس بي.
علوان اتفضلوا يابه اتفضلوا مروان أبني اتفضل
مروان اي عمي سيدرا بابا تعاي.
أسيل دخلنا واباوع لأمي شلون تبوس بحكم من گل گلبها وهو يباوع بوجهه ويضحك شكله حبها
كعدنا بالأستقبال وابويه تعبان كسر كلبي وامي جابت جاي وكليجه مسويتها وحلويات لسيدرا خلتهن كدامها وشربنا الجاي واكلنا الكليحه كلش طيبه
مروان يله اني اترخص منكم
أسيل سلم عليهم وطلع وكمت وراه
مروان بالليل اجي اخذكم ديري بالج عالجهال.
أسيل ماشي مشه وطلعت امي وراه.
جنان مروان ابني فدوه لوجهك عوفها اليوم خل تبات عود باجر تعال أخذها.
مروان لا عمه غير مره أن شاء الله
يمه لاتردني هالمره وهي من زمان ما جايتنا خليها تبات
الله كريم شوف هي شتريد يله أترخص اني
أسيل راح هو وامي مشت شايله حكم وسيدرا كاعده يم أبويه تلعب بالسبحه وتحطها على راسه واني شلت الصينيه ورحت للمطبخ واجت امي خطيه حالها يقهر.
جنان والله أنتِ أصيله وغزر بيج التعب
أسيل كولي غزرن بيج الاهاين والخدامه.
حقوده ولا تنسين أبداً
بس گلبي طيب هم ما نسيتكم.
أي والله يمه وأني لو مخلفه جلبه بدال هديل أحسن لي من يوم رجعت لرجلها تجيني بالمناسبات حالها حال الغرب نص ساعه ما تكعد وبس تصيح وتنتر بوجهي وهذا حسن سنه گامله أخدمه واركض وره جهاله حليب وحفاظات وأصرف عليهم وراتب ابوج كله بختهم وأسماء تنطيني مصرف حك تعبي لجهال هم اصرفه عليهم تالي رجع نسرين ولا التفت وراه وكال هذوله أهلي وحدهم أوادم كبار ما غزر بيهم تعبي وركضي الهم هيج ولا جني أمهم.
حتى أسماء هم مصلحجيه بس على كد ما تنطي 100 الف وبالعطله بعد ما أشوفها بس عمت عيني حارث يوميه بليل يجي يتفكدنه أني وأبوه مسواك وعلاج يفتح علينا الباب ويكعد ويسولف ويانا يسد علينا وحشتنا والله بس أنتِ وحارث أودام وغزر بيكم تعبنا مو حرامات بيكم التعب.
الأنسان شيزرع يحصد أنتِ زرعتي بيه النقص واني حبيت أعوضه الكم وزرعتي المحنه بهديل وحسن اكتفوا واختفوا أما حارث أختلاطه بالمجتمع اله دور كلش كبير بإنوا ما ينساكم لأن أهله وتعبتوا عليه هو بطبعه حنين مثل عصام.
اي والله يمه وأني ما عرفت أوادمي الا انكفخت منهم ركضت وتعبت وتالي ضليت بس اني وابوج.
وحتى عيالج شكد قبحت وياهم وصرت موخوش أدمي ودمي محترك منهم على هديل وتالي هديل شسوتلي وهما شسوا ويانا والله فشلت من روحي من عزمونا على عرس مجد وعمتج تخابر وتعزمني بنفسها وتهلي وترحب بيه بالكلام عيالج أوادم وعمتج ذهب بس أحنه ما نعرف أوادمنا.
عيالي من يوم يومهم أوادم يله لاتزعلين كلنا نخطأ
تقربت خلت أيدها على كتفي وجسمي رجف من قربها.
وأنتِ بعدج زعلانه مني أني هواي قسيت عليج وظلمتج من دون أخوانج هم يجي يوم وتسامحيني
باوعتلها وبجيت وأخذتني بحضنها وصرخت بصوت مكسور يما.
أوف يا يمه سوده بوجه أمج كون الله يأخذني وارتاح.
لا يمه لا هيج تگولين اني صح مقهوره منج وگلبي مجوي ومحترك بنار بس ما أتمنى الموت أسم الله عليج وتبقين أمي والله روحي ترجف من يكولون أمج ومن مروان گالي أمج خابرتني كل جسمي رجف يمه والله أني أحبج بس أنتِ ما حبيتني وأبتعدي عني وخليتني ملطشه للوكت وأني هم لسان وكحه وراردتج والصوج مني مو بس منج أنتِ تبقين أم والأم حقها على أبناءها بس مو من حقهم يزعلون عليها واني ما زعلانه منج يكفيني حسيتي بخطأج وتقصيرج تجاهي يكفيني منج كلمة يمه أسيل هاي كلش كافيه عندي.
سوده بوجهي كون
لا يمه لاهيج تگولين تبقين أمي بستها من?اسها ولمتني بحضنها وهواي بجيت هواي بجيت بجي مال سنين مضت من دون حضنها وعطفها وحنيتها وكلامها من دون گلشي خالي منها.
يله أنتِ كعدي يم جهالج اني خل اسوي العشه واعزمي رجلج خل يتعشى ولا تخلينه ياخذج الله عليج ابقي ونس يمنا ماكو احد لا جاهل لا شيء
بس اني وابوج وجهالج عيني هما هذا حكم فرخ بگلبي.
ميخالف يمه ابات يمكم اني هسه أخابره وأكوله أبتسمت وأخذت حكم منها خليته يم ابويه ورجعت عليها لكيتها تحضر الكبه ومحضره صينيه بيها سمج تخلي بالفرن ومحضره صينيه كباب هم تريد تشوي وخابزه من الظهر وفرحانه بينا وبجهالي وتفتر عليهم
كمت طلعت الخضروات نظفتهن وهي ثرمت الزلاطه ومسويه حلويات وكيك من الصبح
يمه ليش هلكد متعبه روحج.
لا يمه من البارحة كلت يجون خل أكوم اسوي الهم وأحضر وتدرين بيه شكد اهتم بهالسوالف.
اي ادري بيج گملت ورحت خابرته جاوبني
حبيبي شلونك
مروان زين
حبي معزوم على العشه واني ابات يم أهلي اليوم
براحتج عيني من شاف أحبابه نسى? أصحابه ولا كلتي هالمسكين وين راح.
وووي حبيبي اني أنساك انسى? روحي وما أنساك
غني غني تنعوصي بتل بتل شلون تتنعوص كون هاي تحجيها بغرفتنا الا اسويج نصين.
لسانك مروان
شبي أحلى من يغرد وبسوالف السفاله أخذ الأوسكار والأول على الشرق الأوسط
شنو مفتخر عزه.
عزه العزاج أخلص من مروان تطلعيلي بهاي، بعد بعد ضيفي? قاموسج شيء
لا حبيبي ختمت قاموسي بإجمل واحن زوج وأب
لك فديت اني فديت وأشتاقيت وينهم يحنون ويعوفون أهلهم ويجون على حضنهم وينهم.
يلا حبيبي أدعبل عود تعال على العشه
تغلس بنت الأوادم مو أجي ادعبل عليج
مروان
أشتعلوا أشتعلوا
تجي على العشه مو يله تعال ولاتضوج هو يوم
أمج طاگها عرج المحنه صفح
مروان ما أقبل.
فدوه لعشيرة مروان صدقه لربج هو اني أستفزج حته تكولين مروان.
يلا باي لازم اروح أساعد أُمي
روحي ساعدي أمج عيني روحي أساعد أمي اوي
خرب ضحكت وأنتهى الاتصال ورحت جهزت العشه ويه امي والترتيبات وكلشي وكانت سفره تجننن حتى ومرتبه بشكل جبت تلفوني وخذتلها صور ونشرت ستوري كتب عليها بيت أهلي وسويت تاك لحارث وحارث كبل رد عالستوري.
أحلى من ينور بيت أبويه أنتظريني أجي بس ادعبل الجهال على خوالهم واجيكم.
ننتظركم عيني بكل ممنونيه.
عيني وماي عيني.
وكعدنا ننتظر ودخلوا علينا حارث ومروان وكمت جبت الاطباق الرئيسيه وناكل وسيدرا بحضن ابويه عبالك أميره وهو يوكلها وحكم بحضن امي يباوع ويناغي بصوته الحلو مروان ياكل ويغمز وحارث ملتهي ياكل ويلاعب سيدرا الي دردم وما نعرف تغلط تشتم تفشر وتسب علينا ومروان ياكل ويمدح بالاكل
مروان واني اكول أسيل ليش اكلها طيب اثاري الخلف عالخلفوا عمتي هم اكلها طيب.
جنان بالعافيه عيني بالعافيه.
أسيل خطيه أمي فرحانه باللمه وجمعتنا وتباوعلنا حسيتها مكسوره بغياب حسن وهديل لان أكثر إثنين حبتهم وغدروا بيها ونكروا تعبها وهي أم.
كملنا العشه واخذت المواعين اغسل بيهن هو واكف يمي.
مروان ما الله يهديج وتجين وياي شينومني وحدي رب الحلو ما تفكرين بمروانج.
أسيل نوو نوو حبيبي أهلي ثم أهلي
رب الحلو باعتني بكشر بصل جلبه ميغزر بعينج حضني أبو الدفه والحنيه.
أبداً أبداً اليوم يم أهلي أبات
ديلا عاد ميت على حضنج اني انام وحدي
أي حبيبي وتغطى زين
لا ما اتغطى وين اكو وحده تعوف رجلها وتبات يم أهلها وين اكو صايره دايره.
لا تتبرأ من اهلها علمود رجال ليش يابه.
عيني على كيفج أكلتيني بكشوري دنامي بحضن أمج وشوفي من يلمج بحضنه واذا احتاجيتني اني بالخدمه.
خدماتك غير مرحب بها اليوم نحتاجك في وقت لاحق عذراً منك
بذاته غداره خوانه
حبيبي
ميت هذا الي تكولين عليه حبيبج ميت.
أسم الله عليك يروحي روح الأستقبال وهسه اجيب الجاي واجي
ماشي والكرزات عالكاونتر جيبيهن أمج موصيه عليهن من الشمال توها كالت.
اي ادري وحتى خلتلك كالت من يروح انطيهم اله.
حنينه مو بيدها تنكط محنه جنان.
أستغفر مو زينين ما نرضى زينين هم ما نرضى
هم سگتنا سگتنا يله گملي وتعاي.
راح واعافني كملت كلشي وغسلت وأخذت الحلويات الي موصيه عليهن من سليمانيه علب حلقوم وكرزات وكاجو ولوز وجوز وقمر الدين وفواكهه مجففه حتى علج ماي كلش طيبات رتبت كلشي مروان يكول ضميلي منهن يغمز ما يدري امي محضرتله من كلشي..
أكلنا وتعللنا وسولفنا وضحكنا والجهال لعبوا وتونسوا وسيدرا حبتهم بالأخص بابا وحكم أستحل حضن أمي وهي ما ذبته بكاع وتباوعلنا وعيونها دمعه دمعه فرح ودمعه حزن.
ونضحك على سيدرا وحكم صارت ب 11 ومروان ترخص منهم وگام ورحت جبت الكارتون الي مخليه بي من كلشي وأخذهن وتشكر منها وراح الله وياه ورجعنا نسولف ونحجي عن هديل وحسن وتطورات حياتهم وهديل بيتها لوحدها وصايره حال وأحوال لبس مكياج وتجميل وطلعات ونست أُمي وتعبها.
وتالي نعست وگمت أخذت جهالي غيرتلهم ملابسهم بملابس نوم مريحه وأخذت علاجي وامي تأخذ فراش فرشلتنا بالاستقبال يم أبويه ما تكدر تعوفه لوحده أكتشفتها شكثر تحبه اباوعلها من الباب تفتر وراه شايله السجاده والخاولي.
جنان هاك عيني كمل صلاتك علمود تاخذ علاجك اليوم أنتَ ما التزمت بالبهريز شفتك اكلت حلقوم من ايد حارث وحارث هم ما ينطي گلبه الا يضوكك
علوان يا مره ما يفيد البهريز ما يفيد.
جنان لا يفيد ليش ما يفيد لاتشلع گلبي كافي القهر البيه لاتقهرني علوان لاتقهرني.
علوان يله منا وهيج التزم بس لاتضوجين يله روحي نامي
هذا علاجك لاتنساه يله كمل صلاتك
اسيل ابويه شلون وضعه
جنان والله أبوج زين لو يسد حلكه لان سكره يرتفع ونخاف عليه وديناه الدكتور كال لاتخافون وانطانا علاج ومفاصله هم توجعه والقالون.
اسيل انقهرت وكلبي وجعني الله يشفي ويعافي وكمت واخذتهم ونمنا واجه ابويه اخذ علاجه ونام يمنا والصبح كعدنا تريگينا للضحى مروان اجه ودعتهم ورحنا البيتنا.
مروان وأخيراً أنجمعت بعائلتي الجميله.
أسيل فدوه اروح لهل العائله الصاكه ضحكنا سوه وسيدرا حاضنه أبوها من ركبته وكل شوي يبوسها وحكم يناغي طول الطريق واني أتلمس بطني وشعور يكولي بنت وفعلاً طلع بيه بنوته وازهار كذلك وشهد هم حملت وصرنا ثلاث حوامل بعائلة عمو كمال..
، الأم محد يعوض مكانها لو تحصل حب الكون گله تضل عايش بنقص وما مكتفي وتريد بعد لان حب وحنان الأم غير شيء رباني ومختلف ومميز وياريت كل الأمهات ينتبهون ل أبناءهم سواء الولد أو البنت والبناتهم اكثر شيء لأن البنت هشه بسرعه تنكسر وما يُجبر كسرتنا بس الأم هي التبني وهي التكسر كلشي بيدها ومرات أحنه هم نخطأ ونغلط بحق أمهاتنا مثلي أني غلطت لمن راددت أمي وگفت بوجهه وعيرتها بكلشي أسوي الها اني هم الي دور بخراب علاقتي بإمي وأغلاطي هي سبب بس مو أسباب السبب الاول والرئيسي من عندي أني ما حافظت على نفسي وما لزمت عواطفي وسيطرت عليها انجرفت ورى عاطفتي بحجه أمي هاملتني صح جنت محتاحه حنان وأهتمام وعاطفه بس هذا مو عذر أروح أغلط واغلط وغلط كبير وانجرف لهاويه ولما مروان يمكن كان هسه اني بخبر كانَ..
الأهل مو شماعه نعلق عليها أخطائنا وأغلاطنا الزين والمتحكم بنفسه وشخصيته يكدر يسيطر على عاطفته وما ينجرف ويه قلبه والنقص اليعاني منه ما يروح يدوره بغير أمكان مهما كانت العواقب مثل ما سويت اني عفت كلشي وركزت بس على مروان لان عاطفتي تريده وتريد قربه ومشيت بدرب الخطأ ما يرضي لا الدين ولا العرف ولا المجتمع ولا يرضي الله سبحانه وتعالى.
وأرتبكت ذنب عظيم بحق نفسي وللموت ما راح أسامح نفسي مهما عشت بسعادة يضل هالذنب برقبتي واضل اطالب بمغفره من ربي
ومو الكل يوكف بطريقها واحد مثل مروان ويساعدها وينقذها من مستنقع الرذيله والأنحطاط مثل ما صار وياي أبن عمي نقذني وساعدني لأن من دمه ومحسوبه عليه ولا كل ولد العمام يخافون الله بإقاربهم مو الكل سوه الدنيا تخوف وناسها تخوف أكثر.
ولا الكل تنرزق بعيال مثل بيت عمو كمال وعمه مثل عمتي وصال ولا الكل يتأمن وينثق بي ونحجيله أسرارنا..
وعمه وصال مو بس عمه صارتلي ام نصحتني وأحتوتني وسترتني وساعدتني وسنتدني بوكت الجنت ضايعه من دون أم والدنيا تكفخ بيه من كل صوب ومروان من صوب بس مع ذلك وعيت وكبر عقلي وفهمت وعرفت وتعلمت وعشت شعور الام والأمومه وفهمت أمي وشعورها وتقصيرها وادركت اني هم غلطت بحقها وأثنينا أخطأنا بحق نفسننا والحمدلله على كل حال والحياة محطات ومراحل وتجارب وأمور كثيره نمر بيها ونعاني ونتألم ونتأذى بس الأهم نتعلم ونتقوى منها وكل خطأ لازم نتعلم منه ويكون عبره ودرس النا ما نعيده ونضع له حد مو نفتخر بي ونستمر بكل وقاحه ودنائه نفس بدون لا خوف من الأهل ولا من المجتمع ولا من الله سبحانه وتعالى..
والى هنا وأودعكم وأختم قصتي بكل أحداثها الحزينه والمفرحه والتي لامست قلوبهم وشرحت معاناة كثيره من البنات والمراهقات وأتمنى تكون درس وعبره لكل بنت ما توكع بنفس الغلط الوكعت بي وما تمشي بنفس الطريق المشيت بي طريق الوهم والدمار وانجراف نحو الهاويه طريق الحسابات المجهولة الهويه والمراسلات طريق الهلاك بإسم الحب والعاطفه المدمره..
لاتعيدين غلطتي لاتصيرين مثلي ترى ما منتظرج واحد مثل مروان لاتتأثرين بقصتي وعبالج النهايات السعيده هاي الحياة حلوه وتردين مثلها اني عانيت وتعذبت يله شفت العوض ولحد الان أدك بگلبي شلون حصلت عليه وبطريقه عيب وتضرني وتضر سمعتي وسمعة أهلي واخواني برمشة عين انزل رورسهم وامحي اسمهم وما اخلي الهم اسم بين الناس بنت فلان هيج سوت بنت فلان وبنت فلان هذول عرضهم سكط ويضل التاريخ يطبل بيج وبأغلاطج وتتوارث من جيل لجيل التأريج ما ينسى التأريخ يخلد گلشي ويركز على الأخطاء..
والى هنا وتتنهي قصتنا مروان وأسيل أتمنى لكم جميعاً العوض والسعاده مع السلامه أسيل?.