رواية بين قلبها وعينيها كبرياء للكاتبة شمس العراقية الفصل الثالث والثمانون والأخير
بيوم العصريات جاي أحضر فاكهه وهشام يلبس يريد يروح المعرض حبي تعال تأكل ويانا
هشام لا ما ضل وگت عليه
أزهار ماشي حبيبي هم تتأخر.
حسب الشغل يله نلتقي على العشه سلام
الله وياك حبيبي راح وكعدت اني وبنتي خليتها تأكل وطلعت مواد العنايه والسنفره وباوعت شعري يحتاج اله صبغ وقص وترتيبات عبالي على عرس مجد بس شكله الاخ مطول يله بس اروح لاهلي اروح الصالون ورن تلفوني مروان هلا والله
مروان شلونج عيني.
أزهار بخير الله يسلمك وأنتوا شلونك أسيل وجهالك
كلنا بخير والله دايحيين اني وأسيل والجهال.
ها أي شگو بيها خطيه يغيرون أجواء
أي والله أكول تحضري أنتِ وبنتج راح أجي أخذكم عشاكم يمنا وهشام يجي من المعرض هو وأبويه
أها تمام شوكت تجي
هسه نجي.
ماشي عيني أنتظركم، قطع الخط غزل تعاي ماما نلبس نروح بيت جدو وكشخنا اني وبنتي وكملنا وانتظرنا وأجه مروان ونزل شال غزل يبوس بيها ونزلت أسيل باوستها هلا حبيبتي شلونج لك حكم شنو هالجمال تنگال أنت تنگال.
أسيل دبدوب
أزهار جيبي أخذته وصعدنا ليكدام وطلعنا لببيت
وبالطريق بابا خابره يمر المعرض علمود اوراق وطبگنا يم المعرض مروان فدوه خل انزل وياك
مروان شعندج نازله
لا أريد أشوف هشام بالمكتب حباب.
وين نازله خطيه والله يستحي ما شايفه واحد كاعد على المكتب وهذا مكان شغل وكلهم زلم لا كعدي هسه أودي الأواراق وارجع
حباب فدوه اروحلك بس أشوف.
عمي والله كاعد بمكتب أرقى من مكتبي وأبوج مهتم بي اكثر من عدنا كلمته هي التمشي ليش خايفه عليه ياعيني.
حباب
ديله نزلي
نزلت وراه وأسيل غمزتلي ودخلنا ومروان يحجي عليه واخذني المكتب مالته وصلنا شگد حلو وراقي واكف ويدقق أوراق وابويه وياه ومندمجين ورفع?اسه وتفاجئ.
كمال ازهار هاي شجابج بابا
ازهار اجيت اسلم عليكم.
كمال روحوا البيت بابا هذا مكان عمل عيب يله امشوا مروان تعال وياي المكتب.
ازهار راحوا ودخلت أفتريت وهو صافن عليه يلوك الك حبيبي تستاهل عادي أخذ وياك صوره ممكن
هشام أكول امشي روحي
هاا تطردني من مكتبك اوفا عليك
ما عاش اليطردج بس هذا مكان كله زلم شجابج ياعيني.
زعلت
لج ما عاش اليزعلج تعاي ناخذ اني وياج
هو أخذلي بصفه واني صافنه عليه.
مروان عيني بلابل الحب خلصوا قبل لا يجيكم ابويه
هشام يله يله امشي
أزهار باي حبيبي مشيت ويه مروان حيل فرحانه وطلعنا للبيت وصلنا مروان شال سيدرا وغزل تغار منها يمها الدود الدود يضحك عليها واسيل أخذت منه سيدرا واني حكم بحضني ودخلت وحكم بحضني ولكيتهم كلهم مجموعين بالحديقه ومشغلين الشوايه وعصام واكف يمها وعمار ومجد على ايده شايلين شياش التكه هلاو اني اجيت
عصام ألف هلأ
عمار لك هلا هلا.
مجد أجتي حبيبه خالها جيبها تعاي اميرتي تعاي
ازهار بوسه بوستهم واحد واحد عصام شنو هالعطر الطيبب هذا جديد
مروان اي عيني يوصي وما يگول النا بالجذب اذكرنا بشيشه عطر احنه اخوانك المساكين.
ازهار اي والله مروان شصار عليه هو عطر
عصام عوذه عوذه والله اكول الكم ما توصون تكولون غالي شسويلكم بعد.
مروان اي صدك غالي وصي منا ونوصي وياك الا من الخارج لو جماعة المملكه يحبون الفخفخه مو بيدهم.
ازهار غمزلي وضحگنا واجتي أمي حضنتها هلا ماما واسيل نزلت كاشخه وانطتهم سيدرا وكفت تحضر المقبلات هي ومروان صُدك أسيا وين.
وصال فاتت تسبح لان تدمرت هي حضرت الدجاج واللحم وكلشي شوفيها ما خلصت علمود تفرشن السفره بالحديقه بالكاع الجو حلو ما ضل وگت ابوج وهشام هسه يجون.
ازهار تمام رحت عليها لگيتها تخلي مكياج هلاو شافتني وشهگت بفرح
أسيا ازهار
حضنتني مشتاقين عمي شُنو هالجمال ضاربه أبر نظاره مو
أي.
ليا خاينه صايره بذاته وتصادقين غيري
والله من جنت يم أهلي مرت أخويه راحت ورحت وياها يله أسيل تريد تروح ونروح سوه وصبغي وعدلي وكلشي تردينه وعلى حسابي وأنتِ العزيزه محد ياخذ مكانج
بس اني وأسيل صديقات ما أريدج خلي مرت أخوج تفيدج خاينه خنتي العهد والوعد بينا زعلت.
گلشي ولا زعلك حبيبي على عرس مجد نسوي تعديلات كامله
يا عرس شوكت
ليش ما تدرين أها خرب خربت المفأجاه.
ليا خاينين وأني هسه يله تحجون تعاي تعاي سولفي شمسوين شمخططين من ظهري
ولج كالوا على العشه نكول الهم واني جفصت بيها
لا عادي اسوي روحي ما ادري وانتي صندوق أسراري ما تضمين عليه يله احجيلي شُنو هالتطورات ورافع شلون وافق لو غيرها
لا مو غيرها نفسها شهد ورافع هو أتصل على عمو وكمال ما افرط بيكم ونسبكم الحمدلله من وافق لو تدرين مجد شكثر فرحان
والخطبه شوكت.
ما كالوا بس بعد هسه يله نمشي اخذتنا السوالف تأخرنا عليهم.
طلعنا اني وياها أسيل بالمطبخ تجهز المقبلات ومروان نزل من فوك مغير ملابسه
عصام مروان تعال هشام وابويه اجوا.
ازهار طلعنا وهشام وابويه واكفين يتذقون وعصام يقدم الهم وعمار يشوي.
عمار هذا الشوي مالتي عصام كلهن حركهن
عصام اني دشوف الشوي مالتي يخبل للوز.
ازهار أندار وشافني وأبتسم وخله وحده بلحگي وامي فارشه السفره ومرتبه الكعده تخبل ومروان كاعد ومخلي حكم وسيدرا بحضنه وغزل صاعده على ركبة مجد وكرم يلعب طوبه هو وجود.
وصال كرم كافي لعب بيبي
مروان امشي غسل انت واختك بصابون مرتين ها مرتين اذا اجيت وشميتهن ما بيهن ريحة صابون ماكو عشه واعاقبك انت وياها يله غسلوا زين
كرم نغسل ثلاث مرات
مروان يله بعد احسن لك سويهن اربع مرات بالعدله خوش
كرم اي جود تعاي نغسل.
عصام لاتخليها تنكع ملابسها مو تسبح بالمغسله مثل عمك غسلو وتعالوا.
ازهار كعدت وبصف مروان وباوعلي شبيك
مروان العفو هذا مكان مرتي
ازهار اي عيني مكان مرته اكعد بصف رجلي
مروان يمه هالبنيه ولا تستحي
وصال عليمن تطلع اكيد على أخوانها
مجد بم فجرت الجبهه والله فجرتها عيني ام رجلي تعاي اخذي بنتج كسرت رگبتي واليوم عضتني ما اعرف ليش قلبت عليه
ازهار مو سمعت بيك راح تتزوج
مروان أنتِ منو گالج
ازهار هاا.
مجد أسيا أنتِ ما تضمين سالفه
عصام خير شبيكم ويه أسيا.
مروان عمي هيج ما بينا شيء گلشي ولا احد يجيب طاري الملكه
ازهار ضحكنا واجه ابويه وانجمعنا كلنا وهشام بحضنه غزل وكعدت بصفه وهما ضحكوا عليه
وعمار جاب المشاوي وخلاها يم امي كاعده بصف ابويه وتوزع النا واول شيء ابويه وهشام وكثرت وهما يباعون.
مجد مروان تشوف اللي أنا اشوف.
مروان اشوف حبيبي أشوف مو يكولون النسيب قطعه من القلب دهاك أستلم وانوب وحيد يمه احنه عائلتنا جبيره اربع نفرات لاتنسين.
وصال جهالك ما يأكلون بس انت ومرتك المن اربع نفرات هاك يمه عصام الك مرتك وجهالك
مروان واني
وصال هسه يا امي دصبر
مروان لا والله اني الوسطاني طبعاً
وصال هاك يمه هاي حصة سيدرا هم
مروان وحكم
وصال وينه وين الاكل هو بس شوربه تريد تأكل براس الولد.
عمار مجد العزابيه الهم الله دشوف المتزوجين شوف الدلال.
مجد يمه عيني نحن هنا على بختج لاتنسينا.
وصال دصبروا يا امي.
ازهار ابويه يضحك عليهم ويباوع النا كلنا وكملت توزيع وبلشنا ناكل بسم الله وكملنا واسيا واسيل استلمن المواعين واني صبيتلهم جاي من الفحم يخبل وكعدنا بالحديقه نشرب الجاي ومروان أكل غزل اكل هاي جنتك عيني ترى حجزناه أول ما صار.
مروان هي جنتي أصلاً ما خليتله وحده ما حجزتها خاف ما يعجبنه يقلب علمود بكيفه يختار.
عوزه يقلب يصحلكم وحده مثل بنتي.
لا عيني أحنه بنت العم ما يفرط بيها جود بنت المملكه بس المشكله مهرها غالي
عصام اي عيني شعبالكم بنتي هاي اذا مهرها مو مليار لا يگابلني.
مروان لك مو اخوك منين اجيبلك مليار
عصام مشگلتهم مو تتقشمر بنت المملكه هاي بنت المملكه.
ازهار ضحگنا وفتحوا موضوع مجد والمشيه.
كمال والله دام مجموعين نبلغ عمامكم ونروح هسه شتگولون
عصام لا يابه ما جاهزين ادري طايرين شعدنا خليها فد ثلاثة ايام هيج
كمال خير ليش ثلاثة ايام
ازهار عصام باوع ل اسيا ومروان حجه
مروان يابه علمود التوصيل.
كمال ها فهمت ماشي بس استعجلوا
ازهار تعالوا لزمتكم يا خاينين يا توصيل تحجون عنه.
عمار موصين لنسوانهم فساتين خاف ما تدرين هاي اني گتلج واسيا من خارج القطر بس أسيل لا منا.
ازهار اي عيني يوصون بس ما كالوا خلي نكول اختنا خطيه لو نوصي الها سمعت بابا سمعت شفت بعينك ولدك يوصون لسنوانهم وما يذكرون اختهم وحيدتهم خاينين هما ونسوانهم
كمال اي والله بابا سمعت وشفت وحقج
مروان اني ما عليه أحنه بسطاء وأنت توصين براندات أكيد حسابج يم هذولاك جماعة المملكه
عصام خو أنت تريد الزله? جماعة المملكه نايمين على گلبك.
مجد عيني هشام ما تشارك ما تشوفها شلون شاطت عليهم.
هشام انتظرهم يعرضون خدامتهم لان غالي وبرندات شتكول عمي.
كمال اي والله أبني زين تسوي انت بس أتفرج غصباً عليهم يوصون الها وياهم وعلمود مره ثانيه ما ينسونها وكم مره منبه عليكم أختكم لاتنسونها
ازهار لا واضح نسوني الله يدري شموصيات
عصام مروان أكلناها
مروان لا دباوع هشام وابويه
ازهار واحد يغمز لثاني وضحكنا كلنا ما اريد عيني ابو غزل موجود ما يقصر.
هشام أطلبي وأمري بس اني لو بمكانج اقط أخواني لان خانوج ووصوا وما ارضى الا بتوصيل.
عصام دهاك استلم عمي فستانج عليه أصلاً بعده الطلب ما طالع اختاري اليعجبج البيج يم اسيا
ازهار اتشاقه شبيكم ضحگوا يله وين البيج رجعوا ضحگوا وكعدت بنص اسيا واسيل وأختارينا وثبتنا الحجر اسيل شلون فستانج
مروان لاتشوفينه
ازهار ليش
مروان هيج خباثه خل نشوف ياهو الاحلى من خارج القطر لو داخل القطر احنه بسطاء مو مثلكم.
ازهار اي عيني ضحگنا وكعدنا نسولف بوسط الضحكات والنغمات وبين نسوان أخواني ونختار ونخطط لعرس مجد واخواني وهشام وابويه يحجون على المشيه ومنو ومنو يعزمون وأمي كذلك تقترح عليهم وتشاركهم ال?أي...
وزار الفرح بيتنا بعرس أخوي مجد وربي يحفظ أخواني ويحفظ الكم أخوانكم.
كانت معكم ازهار الى هنا وأقفل لكم ملف حياتي أتمنى كنت خفيفة الظل عليكم ولطيفة بحكايتي وأن تكون لكم قصتي مفيده وبها العُبر والدورس والأستفاده والمعرفه لكم بجميع أحداثها ومساراتها من أول لقاء لي مع هشام أن وصلنا خط النهايه وانا مع اهلي واجواء العائليه مجتمعين بكل حب مع السلامه وداعاً، أزهار?.
أسيا من يوم سافر واني أنسانه ميته خاليه من أي شعور وصليت ودعيت وتوسلت رب العالمين يرجعلي عصام وطلبت السماح وبجيت لأن اني غلطت وتذمرت لان المفروض مني أعرف عصام شنو وما ممكن يسويها هو بشبابه ما سواها عاد من تزوج بس الشيطان شاطر والغيره لعبت دورها وكلام مرام لعب دوره بعقلي وأنجرفت وصار اللي صار نلعب بعقلي وصدكت هو رايح لمكان موزين وظنيت بي السوء وظلمته ودعيت عليه بكل برود گلبي ماكو كلام ينگال بحقي غير أنه اني زوجة متذمره..
وغادرت حياته وأبتعدت عنه لان شفت هيج أحسن الي واله ودام دعائي أستجاب وصار الحادث كان ممكن أكون السبب بموته أسم الله عليه أذن اني مو الزوجه التستحق تكون زوجته ولو صعبه عليه بس گلبي نار ومستعده انطي روحي بس هو يعيش..
كاعده بغرفة أمي وأبجي وأمي مكابلتني وتحجي وياي وأني قافله لا ماما هيج أحسن اني ما أستاهل عصام اني دعيت عليه.
فوزيه يمه هذا قدر الله ومكتوب صح ما لازم تدعين عليه وتضبطين نفسج وأعصابج بهيح موقف بس هذا مو حل تعوفينه وتجين
اني ما أستحق اكون زوجته.
ليش شبيج وكلشي سويتي علموده وعلمود زواجكم وما ينهجم بيتج وغيرج ملتهيات وعايفات زلمهن بكيفهم لعد الا يجيبها كبالج يله من يشوفج ما مهتمه اله ما يخاف منج ولا يحسب الج حساب والوضع عادي عنده يخونج ويخون عشره مثلج بس عصام مو مثلهم ماما عصام يحبج ومقدر حبج اله وغيرتج عليه.
كان المفروض منج ما تتسرعين بالحكم عليه ولا تظلمين نفسج وتظلمينه لعد هذا حل بيوم رجوعه من السفر تجيني وتكابليني وتبجين وعايفته وهو بأمس الحاجه الج هذا حل يا ماما هذا حل.
هيج أحسن ماما
لا مو أحسن لاتشلعين گلبي أسيا شو گبل ما عفتي بكل مشاكلكم المريتوا بيها هسه تعوفينه وهو بهذا وضعه هسه المفروض متحضره وتتسقبلينه بكلمه حلوه والحمدلله على سلامتك وتعتذرين منه على غلطج مو ما يستحقني وتبجين عليه.
رواء اسيا كلام عمتي صحيح يمعوده محمله نفسج الذنب وهو هم غلطان بحقج هما ما ينطون من نفسهم بس مو تظلمين نفسج خلص اللي صار صار وخوما كلمن تدعي دعائها مستجاب اني من تزوج اخوج منذر كومة دعيت عليه.
فوزيه أنتِ لسان دلاله حتى دعائج ما يُستجاب
رواء لسان دلاله بس جاب نتيجه سويت أبنج أدمي.
فوزيه أي أنتِ تعجبيني مو هاي مكابتلني وتبجي شو گومي غسلي وجهج ورواء جيبلي عبايتي وتعاي وياي نروح نعافي اله بسلامه ونوديها اله اكيد مشتاق الها
رواء لا عمه ليش مستعجله خلي ناخذها صالون مركز تجميل نغير ونضيف لمساتنا الانفلاقيه خطيه كايم من وجع تلكي مثل الحصان.
فوزيه هسه عوفيلي سوالفجن شو گومي يله
أسيا ما أكوم عوفيني
هذا عصام تعوفينه
أي
مو تموتين والله
خلي أموت
واذا تزوج عليج منو يفيدج
يتزوج شنو.
لعد يضل بدون مره وأنتِ غلطانه بحقه هسه يلكاها حجه ويطگج بمره
رواء عمه عوفينا اني أحجي وياها واقنعها.
فوزيه أي أنتِ أستاذه ما شاء الله عليج رجلج شوكت ينزل ما گالج علمود تتغدون يمي.
رواء كال ساعة وأوصل
فوزيه يوصل بالسلامه
أسيا راحت وكعدت رواء گبالي عوفيني.
ىلا ما أعوفج ولج جگمه أكو وحده تعوف رجلها بهيج وضع خبله أنتِ اني اخوج تزوج عليه ما عفته بس شعوطته وحرمته على نفسي خليته ينكز لسما لو رواء لو ماكو شبيج يحظي شغلي كيدج ودلعج ونسي كلشي.
ترى ختمت سوالف الدلع والملع على ايدي بس زعلان مني حيل زعلان.
أكولج طبعاً بعده زعلان ومقهور منج ولو يگتلج هم حقه انطي مجال بعده مريض ورى دعائج صار الحادث شيصير مثلاً هم الله يساعده بعده مصدوم بيج وصار الحادث وهواي تأذي صبري عليه وانطي مجال مو كبل تعوفينه وتجين للبيت اهلج.
شسوي لعد هيج أحسن.
ما تصيرين مثلي يحظي هياته أخوج يباو? على حلگي وهجامة البيوت انطاها دفره بيت أهلها وانعل ابوها لابو اهلها وياها واني ضليت متربعه على عرش گلبه وحتى بيت فتحلي لان منعت عنه الماء الهواء ولج هذا عقلج شغلي شغلي
مالي خلك هسه عقلي قافل.
شغلي ولج لاتصيرين مثلي ثوله وغبيه من التهيت بالسوالف التعبانه ومخليه عيني هنا وهنا على فلانه شُنو لبست وشنو سوت تجميل شنو أشترت وين سافرت وضليت وانك وانكد ب?أس الرجال شوف فلانه وشوف علانه رجلها شجاب الها وين سفرها وما رضيت بواقعي وحمدت ربي عليه وتالي هج الرجال وهجامه البيوت هاي شغلتهم لكن مجال ودخلت عالخط واخذته مني وخلتني بوجه الاسود وتالي اكلت وحل ويه اخوج.
والله صرنا من الروس وحرب اني وياه يوميه جايني يريد حقه مني ولج حتى دفرات دفراته جان سكطته والله بس لان تزوج وحرمته?نفسي عانيت ما عانيت وما رضيت الا بطلاگها وطلعت روحي ويه اخوج يله طلعتها من حياتنا وعسى درب السد لا رد شبيج يحظي لاتخلين مشكله بسيطه تخرب زواجكم لا أنوب تروح وحده تأخذه منج.
شبيج يحظي رجعي أسيا اليحبها والمتعلم عليها وتعرفين ما عنده سوالف مكسره ودروب تعبانه انطي الثقه والأمان خلي يرتاح كافي تعب الرجال خطيه ومسوي حادث وراجع من السفر وكلهم يستقبلونه وانتِ ماكو بينهم مو خطيه
يماا
اي ابجي ابجي فرغي علمود العصر أخذج الصالون اليوم اخوج يستلم الراتب اروح اسويله تعديلات واخلي ما يباو? بس على طولي لج ثاولته مخبلته
بس تدرين الصدك
شُنو.
عمي والله الفلوس الها دور اني منيلي ارتب اله هسه من صار عدنا راتب تعاي شوفي شلون مدللته لبس وعنايه وحتى تجميل وهالسوالف شوفي وجهي شلون صاير قبل يخزي والكلف مدمره صح ما يروح بس على أقل بشره بيها نظاره وحلوه.
أي شفت تخبلين طالعه بس لاتكثرين وتوسوسين بالتجميل ترى يصير عندج أدمان وتخربيين بشرتج حرامات اني عصام ما يقبل بس نواعم وأبر نضاره.
أي اني هم مثلج شيء خفيف وصدك كلامج والله بس تدرين أسيا ولج متخبل عليه لدرجه يكولي لو ادري هيج من زمان كايل الهم ومتوسل بيهم اتطوع عمي أحنه وين عايشين وطلع صدك محروم اخوج وحقه من تزوج عليه لدرجه اني هم هملته وقصرت وياه والتهيت بالجهال وهو يجي تعبان من ضيم الشغل واني أستقبله بس أتشكى ووجهي يلطم بوجهه ومرات يكون الصوج من عدنا مو بس من عدهم واني بيدي دفعته وسلمته الها.
لا مو شرط بس من عدنا اكو هما ما يتحملون ما عدهم طاقه تحمل مثلنا يختصر الطريق علينا وعلى نفسه يروح يلبي نزواته ورغباته بالخارج ومن يجي يمج بس يستنقص منج
أي صح أخوج هيج جان.
أي مو أكولج وفي حال كشفتي يطلع لنفسه الف عذر وعذر ويطلعج خيسة النسوان على ابو مهمله وهاملتني وما تهتم بنفسها وبيه ومن هالسوالف التعبانه يكوم يتبجج برأسج ويطلع نفسه الضحيه والمظلوم لدرجه حتى يخليج تصدكينه لان هاي شغلتهم يعرفون يطلعون نفسهم مثل الشعره من العجينه لان شُنو مشغلين عقلهم مو مثلنا نركض ورى عاطفتنا.
اي بالله الكريم كلامج صحيح.
بس مو مقياس والطرفين بيهم الاخطاء محد معصوم واذا عرفتي بنفسج مقصره بحق منذر واعترفتي هاي من الزينات وطوري من نفسج بس لاتكولين اله اني جنت مقصره بحقك ديري بالج ترى يتشاطر عليج.
لا أعجبج وهسه الوضع أختلف الكدامج رحت شديت لولب وخلفه ماكو والتفت على حياتي بيش تفيدني هالمزعطه أخوج أهم وخليته رقم واحد ومغركته ومدللته ولج أسيا هسه شسوي اله يتخبل ينثول أثاري التجميل والصالونات والاهتمام والدلال والكشخه وسوالف الدلع الها دور مهم والله ما تشوفين الساقطات يموتون عليهن لان يلبن رغباتهم وسوالفهم الطايح حظها والرجال مثل الطفل تدارينه يصير مطيع وخوش أدمي..
مو واحد رواء اكو زلم عيونهم فارغه لو تصيرين حوريه كدامهم يخونج وياهم هذا مو مقياس ثابت الخاين خاين والوفي وفي، ومو شرط عمليات التجميل والصالونات هي حل نهائي لان مو الكل عنده وشوفي اللي معتنيه بنفسها معتنيه عسى ما عنايتها تغسل بصابونه وتخلي فازلين كلش كافي وتلكين رجلها يعشق ربها
وأكو بيهن عمليات تجميل وخابصات نفسهن وروح وتعال وتلگين زلمهن متزوجين عليهن بالسر.
فه لاتكولين التجميل والصالونات حل ما اعتبر حل فه ديري بالج على بشرتج لاتغرج المظاهر ترة كلمن بداخله قصه ما يعلمها الا هو وربه واكو بيهن يسون لان يجملهن لأنفسهن مو لرجال لان هو مو محور الكون.
اي والله صح كلامج.
هواي حجت وأني?اسي فرغ وبگلبي الف غصه بس أرتاحيت من حجيت وياها وفرحتلها من أستقرت بحياتها خطيه هم تعذبت وعانت تستاهل ترتاح وبهل الأثناء دخل علينا منذر گمت سلمت عليه
منذر شوگت اجيتي
أسيا الصبح.
منذر ها هلا بيج عيني رواء تعاي شويه
رواء جايتك عيني جايتك
أسيا تجر بكلامها أي بعد تموعي ينعل بليسج اني ذبت مو عاد الرجال المسكين صارله شگد بالدوام وتوه نازل دمشي شوفي شيريد
يريد مقبلات ما شفتي شلون عيونه مجمرات عليه من الشوك والحب يله حبي يله اشوف زلمتي وأنتِ شوفي زلمتج وصل لو بعده لاتصيرين غبيه.
راحت وفتحت تلفوني باوعت الساعه وگت غده أكيد وصل من زمان لأن اني بعدني أهناك كالوا بالمطار خليت تلفوني عالشحن ورن باوعت الشاشه عمتي وصال ضليت متردده تالي جاوبتها ها عمه.
عصام شلونج
أسيا سمعت صوته لو روحي ردتلي حتى لهفتي هو حس بيها جاوبته بصوت مختنگ زينه وأنت شلونك
على الله.
ضلينا ساكتين رجع گال.
باجر أجي أخذج.
إذا ما بيك أني أجي
أي ما بيه وأذا تجين لعد ليش رحتي
ما أعرف.
ما تعرفين شُنو طفله أنتِ هاي أنتِ الجبيره والواعيه هيج لعد شخليتي للصغار شُنو معناها أرجع من السفر وأنتِ ماشيه لبيت أهلج خليتي الما يعرف شصاير بينا صار عنده علم.
بقيت ساكته.
ما تحجين ويامن أحجي أني ليش هيج سويتي شهل التصرفات الرعونيه أسيا عاجبج نرجع للمربع الأول ونصير أثنين قشامر ومضحكه بالعشيره ما كافي ما مليتي من هالسوالف يوميه تخلقين مشكله وأعذار تافهه وزعلانه ماشيه لأهلج گافي أسيا گافي أحنا گبرنا مو صغار عدنا أطفال أثنين تبقين بهذا عقلج ياهو يجي يضحك عليج هاا عاجبج هيج لو شُنو بالضبط گوليلي شتردين اصفي على بر علمود أوكع على علتج احجي تردين طلاك!
لا لا.
أي عبالي لان ما اطلگج لو تطلع نخله برأسج واجي اخذج وأني طايج حظي أهل اهلي مشتعلين بس ميخالف أكبر عقلي وياج وتجين ونحجي عالمكشوف ويصي? خير
ماشي
فيمالا.
الله وياك انتهى الأتصال وأجتي رواء وحجيت الها
مو گلنا يحبج يحظي شبيج أنتِ يله العصر نروح ونسوي تعديلات بسيطه
لا ما يحتاج ما عندي شيء روحي أنتِ
لعد بس تعاي وياي عالواهس حبابه ودره هم تريد تجي ويانا خطيه.
ماشي أروح وياكم راحت وللعصر ردت أراسله وابلغه تالي تراجعت هسه يگولي منا زعلانه منا تروح مراكز يبوه شگد عيب تالي كمت بدلت ورحت وياهن وتعديلات صبغت شعري ولمسات بسيطه ورجعنا البيت ولليل كاعدين أني ونسوان أخواني نسولف ودخلت علينا امي مزعوجه.
فوزيه هاي سالفه سالفتج رجلج مكسر ومسوي عمليات وحال الضيم حاله جاي يأخذ الخاتونه أسيا زعلانه أمشي لبسي ما بي ينزل جاي ويه أخوه عفت أخوانج واكفين وياه فشلتينا الله يفشلج گومي لبسي بسرعه
أسيا أي أي كمت لبست عبايتي وشلت جنطتي وطلعت سريع حتى ما ودعتهم طلعت أخواني هزوا روسهم منزعجين مني
أبراهيم أخر مره تجين زعلانه فاهمه
منذر كافي خيتي أعقلي مو صغيره أنتِ عيب.
أسيا ما حجيت شيء فتحت الباب وسلمت عمار رد السلام وهو يحجي ويه أخواني رفعلهم ايده ومشينا
يحجي هو وأخوه واني ورى ُمباشرةً وطاگ گلبي? شوفته يابه شُگثر مشتاقتله وصلنا والوقت جان متأخر ونزل عمار قبلي وهو صاح عليه.
عصام تعاي ساعديني
أسيا نزلت عمار وياي وأستند عليه وعمار مشه كدامنا يفر بالسويج واحنه نمشي على كيف الجهال نايمين لو بعدهم كاعدين
عصام لا ينتظرون أمهم الحلوه والزعلانه.
أسيا نزلت?أسي وعمار فتح الباب ودخلنا الأضويه طافيه نايمين دخلنا السويت مالتنا كعدته على الجربايه تمددت بهدوء مرتاح هيج.
أي شوفي ك?م عفته يبجي يريدج
ها هسه أشوفه يعني أنتِ مرجعني بهل الوقت علمود ك?م!
رجعنا
لا ما گلت شيءأني
هسه روحي شوفي وتعاليلي.
ماشي رحتله لكيته نايم رفعت?اسه ك?م حبيبي فتح عيونه نعسان وشهك حبيبي
گ?م ماما رجعتي لاتروحين بعد وتعوفيني لاتروحين.
ما أروح بعد ما أروح باقيه وياكم حضنته وأبوس بي يله نام وأرتاح ولاتخاف اني يمكم تمام هز?اسه ورجع كمل نومته وباوعت جود نايمه تقربت بستها وغطيتها وطلعت لگيته يگلب بتلفوني!
يعني أندفعتي من مرام! ليش ما تعرفيني أني شنو علمود أندفع من رافع وأمشي بدروب تعبانه لو طفل يضحك على عقلي رافع، وبعدين لو مثل ما تكول وأريد أروح معارض أربيل ليش الكواده بس موجوده بإربيل لو علمود سالفه خايسه وهاي كلمن راح لأربيل رايح نوادي ليليه!
بقيت ساكته.
هيج أني ناقص وطايح حظ أروح للحرام ما عندي أخت ما عندي بنت عوفج من هذا گله ليش ما أفكر مثلما أنتِ تفكرين ما اخاف من ربي لو اني تربيه شوار? ترى الكدامج تربيه كمال ووصال من سابع المستحيلات أطعن اهلي واطلع عن كلمتهم واخالف أمر رب العالمين وأتقرب للحرام والله علمود نزوه ليش أنتِ شناقصج شو حتى رقص ترقصيلي شيريد أكثر من هذا جمال وطول وخصر بس لسان اخ لسان مال الزمه واكطمه بسنوني علمود اتوبيين.
هي نبهتني بس
نبتهج وأنتِ سلام الله عليج ما گلتي باطل هجمتي حياتي بيدج على نك نك ومشاكل وهي بدال تنبهج وخايفه عليه لا اروح لمعارض أربيل خلي تتنبه لحياتها ورجلها وتمنعه من هالدرب ليش جايه عليج
تعرف برجلها وتعودت عليه وعلى أطباعه وسوالفه.
أنتِ گلتليها تعودت عليه ليش ما تكولين غارت منج! وهم سألتي نفسج رافع ليش صار سنين يهدد بيها اتزوج اتزوج وهو لحد هذا اليوم ماتزوج وتدرين من أول طفل هو يهدد بيها وهسه عدهم خمس اولاد وما تزوج!
هم سألتي نفسج ليش اني أكولج ليش لان يحبها وما يريد خسارتها وثقي وأعتقدي اللي يهدد بالزواج ما يتزوج بس انما اسلوب يتأخذه يخوف بي الشريك أحتمال شايف بيها أهمال ويريدها تتغير والا ليش يخون كدامها وجافص على مشاعرها بالقندره ليش يروح نوادي ليليه وهي تدري ليش كدام عينها لان الافنديه بايعته وما منعته ما حاربت بس انتن لو طخه لو اشلع مخه لو مثلج لو مثلها.
اني اذا اريد اروح مو بس اخاف من الله لا أخاف منج وعليج خايف على مشاعر أنسانه تحبني وتغار عليه من نسمة الهوا وفيه ومخلصه لحبي أنسانه مكرزه عمرها لسعادتي
هل من المعقوله عندي وحده مدللتني وتارسه عيني وتحبني وتغار عليه اجي أخونها كدام عينها وأبلغها اني رايح لغيرها هاي اكون عبرت قانون الصلافه وجفصت عليها وصدقي وأعتقدي ماكو خيانه تجي بدون أسباب لو تجي من أهمال لو نگد نگ لو ضغط.
أي
وجعي التوجعج
بهون عليك.
أي يهون يهون
ماشي مشيت وصاح وراي
وين موليه
أنام يم جهالي
يم جهالج رجعي بفراشج وعقلج هذا كبري كبري
عفته ومشيت غيرت ملابسي بالحمام وهو كاعد ورجعت لكيته متمدد ونمت بصف الحمدلله على سلامتك
بعد وگت
شلونك هسه شسويت اهناك
الحمدلله گلشي سويت شفت كومة نسوان حلوه
بالعافيه عليك متع نظرك
اي متعت نظري ها صارت بالعافيه عليك اي تدرين بيه ما بيه حظ متكسر وكاعد فه ضامنتني
اي نام وضليت كاعده عصام
نعسان أريد أنام
تضل زعلان مني.
زعلان عليج بس ما رحت گلت للكل اني زعلان من اسيا
بس أنت زعلان مني
نامي
ماشي نمت والصبح كعدت قبله توضيت وصليت وكعد هو صباح الخير
ً تعاي ساعديني أريد أكوم ظهري طگ.
كمت كومته وجهه صار قريب مني أخذك الحمام هز?اسه ودخلته الحمام ساعدته وهو مخنزر بوجهي وغسلت وجهه بأيدي وبسته من خده صفن بوجهي وسحب الفرشه يفرش أسنانه كمل وطلع غيرتله ملابسه وهو ذابها صفنه وزعله الثكيل شكله مطول عليج يا أسيا واني هاي الاعرفها وما أتوب منها وأستاهل والله أستاهل عاد شلون اكلها على زعل وعصبيه استلمي يا أستلمي..
خلص يوم وهو ما يحجي وياي بس كدام الأهل طبيعي علاقتنا واو بس ندخل غرفتنا لا غرباء على كد ما اساعده وهاي هي ابادر لا يفشلني لاخل ابادر شيصير خل يصير
، يكلب بتلفونه ومندمج عالخير
عصام على شُنو
اسيا الأيفون حلو.
شكراً
تقربت يمه بس مستحيه خليت?اسي على كتفه گلب عيونه عليه
وخري صماخج اني كتفي مخلوع اريد الملم عظامي واكوم مليت من هالوضعيه.
شصار هالصماخ هو?اسي هلكدودته بس گول أنت ما متحملني علمود تتحمل?أسي.
أنتِ گلج? بعضج ما تنحملين مو بس?اسج.
كثر الله خيرك
أي ابجي أبجي
اي ابجي ابجي على معاملتك اليه هاي تاليها عصام
عفته ونمت بس شنو نار بگلبي لصبح اني بس أتگلب ومره دفرته بالغلط وعاط سوده عليه يبوه شصار بي
وثول يثولج غير تتنبهين اني گوه سكن الوجع
أسفه والله اسفه مو قصدي خلص أنام يم الجهال وأنت اخذ راحتك ساعدته وغطيته واخذت مخدتي ورحت الغرفه ونمت يمهم لصبح كعدت على صوته يريدني ها عيني
تعاي وين رحتي وعفتيني.
وين أعوفك وأروح گولي شتريد
تعاي دلگي كتوفي بس على كيفج من مكان العمليه على الخفيف لان متشنج من العمليات والطيحان الحظ الشفته.
جبت دهن ودلكته اله بهدوء وبجيت من شفت مكان العمليات بسته من مكانهن وحضنته بيه ولا بيك والله ردت أموت وراك والله
لا واضح هواي ردتي تموتين كلاوتج هاي عليمن تعبريهن بله ما تسكتين
أبتعدت منه مصدومه عصام ليش هيج تسوي بيه
تعرفين نفسج شمسويه ليش تغشمين بنفسج.
أي أعرف وما ناسيه بس أنت تضل هيج بمعاملتك وياي وكلامك وقساوتك ما تنسى?.
أي ما أنسى ولا تنسين نفسج إشسويتي هنتيني وجفصتي على گلمتي وكل مره تسوينها وتضربيني ع?ض الحايط ولا كأنما اللي وجود وكلمتج هي اللازم تمشي صغرتيني گدام أهلي وحتى كدام هشام وگلتلج ما أنساها الج فوك هذا كله رجعتي طعنتي بيه وتنسبيني ل أمكان مو من مستواي ولا رايحلها ولا أعرفها ولا بعمري داخل نوادي ليليه سويتني أني وأبن الشار? والزنا واحد لا ويمكن أش?ف مني ورجعتي بكل صلافه خليتي عينج بعيني وكدام أمي تدعين عليه شنسى منهن هنا هواي وحده أثنين.
دام هيج ليش رجعتني.
رجعتج لأن تبقين أم جهالي بس مال تمشين گلمتج على گلمتي وتتصغرين وجودي هاي ما أمشيها الج وأذا ما تعرفين مالات الأوادم وشلون لازم المره تحترم رجلها وتحترم گلمته اني أعلمج ياهن ومو من ورى ظهره تخطط وتتفق وتمشي گلمتها عليه وبعدين تجيني أني ردت أموت وراك تموتين وراي ما تدعين عليه بالموت عندج أسبابج تحاجيني بهدوء مو صياح ومشگلتج بس تردين تتعاركين ونهاية كل زعل لازم لازم تمشين لأهلج معروفه بهل الشيء وتعالي يا عصام رجعني وتنازل ورضي هذا تردينه دائماً عصام هو يبادل بالصلح ويراضي حضرة جنابج ما تنزلين?أسج لاكبر?اس.
ومستغله نقطة ضعفي والله أحبج وأريد خاطرج هو هيج أسيا هيج يعني من شايفج شيخة الشيخات تشيخين عليه ومن أنطيج عين تنجلبين ولا تحترمين.
بجيت وهو سكت بعد ما حجه عفته دخلت الحمام أبجي وبعد ما حجينا بهل الموضو? أبتعدت عنه وهو كام يعتمد ويستند على تاج الجربايه بدون ما يگولي وحيل أنقهر ضل أسبو? ما شايفني واني قايمه بكل واجباتي وما مقصره..
وبيوم جنت طالعه من الحمام وأجاني توترت من وجوده حتى صخنت.
عصام أصدقائي وقادة عسكرين ومسؤولين يجون علينا عود طلعي ساعدي أمي واسيل
أسيل على العشه
لا عصريات ضيافه بس
ماشي عبرني ودخل الحمام گوه يمشي على العگازه والحمام سمعت صوته عزه بس لا وكع فتحت الباب لكيته لازم رجله ومتأذي شبيك جان صحتني اوف عصام أوف شو وخر خل أشوفه تعال سندته وهو موجوع شفتها مكان الحادث جلد منزوع واكع عليها عقمتها وكملتها مره ثانيه گولي.
ماشي سندته وغيرتله ملابسه وأثنينا ساكتين كملت كشخته وحتى العطر رشيته وطلع عمار اخذه
ودخلت المطبخ جايبين ضيافه أشكال وأنوا? كلها راقيه وعمتي وأسيل يرتبن ويحضرن بلشت وياهن واجو عمار ومجد يأخذون وكملنا وكاعدين وأجه مروان مزعوج وعمتي حاجته
وصال شبيك يمه شو عفتهم واجيت ما يصير يا أبني عيب لعد هما عليمن جايين غير عليكم
مروان لا واضح جاييين عليه.
مروان لا واضح جاييين عليه.
وصال شگو شبيك.
أسيا وبهل الأثناء اجه عمو كمال عصبي ومخبوص ويحجي على مروان
كمال شنو هل القلة الأحترامات هاي وشعندك كمت?أسك يفتل دكعد مو أوادم محترمينك وجايين وناس وهذا أمر للواء أثاري شكد يحبك.
مروان والله ما أرجع هو اني محد حافلني تره اني هم مسوي حادث وكلهم يعرفون عصام اني شكو خلك واحد والامر أسمعه يحجي ويه العقيد يكله والله عصام ابن كمال مستقبله مبين بس هذا مروان لا فيطي خل ارجع للدوام الا اشعل المركز على?أس الخلفه خو جماعتي عالنين البراءه مني ولا واحد أجه
لما مفركس گلبهم جان أجوي الله يدري شمسوي فواينك كلها يمي شوكت تعقل
من الله خلقني هيج طبعي.
اي هسه يلا توكل وياي كافي عاد تزعل اكعد يمي كلها تاخذلك تحيه.
ليش يابه اذا كعدت وحدي محد يحترمني مو هيانه عصام بعد أربع أمتار منك وكلها تسلم عليه
اي مو عصام طموح وباني علاقات ومكون مجتمع لنفسه وعلاقاته واسعه وأنت شايف نفسك عالعالم
أسيا اشويه وإجه عصام سانده هشام
كمال لا هلا كملت السبحه لعد عليمن جايين شنو هالتصرفات الطايح حظها تردون تخزوني كدامهم شبيكم خمس دقايق أثنينكم تلحكوني.
أسيا راح عمي متعصب منهم وعصام يحجي يدردم
وهشام راح ورى عمي
عصام عمي تعبان وراسي صاير خرابه ويني وين الكعده بس أريد اتمدد ظهري طگ فد فرحتلك مروان محد معبرك.
مروان أتشمت اتشمت ابو راس انت بس طيب سهله يمي
عمار بس عمي والله هشام متصدر الكعده ويه ابويه ولا عبالك احنا ولده أتبرئ من عدنا أبداً ولا يعرفنا خو اني شفت هذا رئيس قسم تعليم الجامعي كلت بلكي الله وابويه يكعدني بصفه اخذلي صوره اتفيك بيها يم الدكاتره.
وهذا الثاني يگول لأبويه عيب عليك كمال ما معرفنا على إستاذ هشام خلقه وأخلاق وعلم وفهم ورقي وأستاذ هشام لما أستاذ هشام حسسوني هشام الذهبي الا اكلتها يابسه اني ومجد والله ولا احد معبرنه وشايفنه خل يجي هشام الا احبسه بالحمام
مروان يمعود أسكت لا تجينا حاميه على رجلها والله وأنوب مكسرين من غير شيء شايخه علينا نوب رجلها شاخ علينا بعد فلا تتحاجى.
عصام اني رايح عيب أسيا علاجي بلكي يسكن الوجع.
أسيا عمار يسگت ومروان يغرد
مجد أبويه يكول لو يجون ويحترمون نفسهم لو اعلن فصلهم عام واديحهم بالشوار? حتى من البيت اطردهم.
مروان هذا صدك يحجي بالقرأن يسويها وأول ما يفصل يفصلني عمي أمشوا امشوا سندوني راح اوكع وأروحلهم زحف فشله.
أسيا مروان راح بس عصام متأذي وموجو? عمتي حست بي رحت جبتله العلاج أخذ واجاه عمار سنده وراح بس گوه يمشي.
مر الوقت والحمدلله مرت على خير ودخل عمي يرتب على كتف عصام برضا ومروان معصب كوه واكف.
عمار مروان والله يحبونك ويمدحون منك بس أنت ما اعرف شبيك وياهم وعصام هو لسان انت ولا تحجي لسانك بس على أسيل
مروان ما تسگت أنت الثاني يابه امر للواء شكال عني مدحني ذمني
كمال لا والله ابني مدح منك ومبين عليه يحبك ويعزك وعفيه بولدي مبيضين وجهي وين ما اروح سيرتكم طيبه بس مروان شويه أنت وكح اضبط اعصابك بابا عيب.
مروان تدلل علينا سيادتك أحاول أضبط أعصابي
أسيا راح الغرفه عمار أخذه واجه وعفتهم ولحكته لكيته متمدد خوما عندك وجع
عصام لا زين بس أريد اتمدد ظهري طگ.
أدلك الك أخاف متشنج باوعتله بنظره حزن ضل صافن عليه تمام على براحتك مشيت وصاح وراي
لا تعاي
تدلل نزعت قميصه وبديت أدللگه وهو يعن خوما قسيت عليك
لا عاشت أيدج.
بالعافيه، گملت وقبل لا أروح سحبني من أيدي بحنان، وسحب شالي بلطف، وعدل خصلات شعري بإطراف أصابعه الدافئة. تخللت أصابعه بين خصلات شعري، ونظراته التمعت بحب وهايم ولهان وأني قلبي ينبض بسرعه وشفايفي ترتجف من شدة الشعور ودمعتي بطارف عيني
شبيج خايفه ومتوتره
جاوبته بصوت يرجف وكلام متعلثم لا لا عادي
هذا التوتر والاحساس البيج ذكرني بأيام حُبنا وأول مره الزم أيدج بيها تذكرين شگلتلج بوگتها.
باوعتله بنظرة حزن ونزلت دمعتي ومسحها بإيده بحنيه، جاوبته أي أذكر گلتلي هاي أخر مره الزمها لأن ما اتحمل رجفتج تسويلي مصايب المره الثانيه الزمها وأنتِ حلالي.
وبعد
أنتِ أحن شيء لامسني وأحسبي حسابج صرتي من أشيائي العزيزه والثمينه حتى لو ما أجتمعنا تبقين شيء ثمنين عندي أني شخص يقدس الأشياء وينطيها قيمه بگلشي.
وبعد
أنتِ مو بس حبيبة عصام أنتِ ملكه قلب عصام.
ما ناسيه.
أي ولأ راح أنسى?، أنت حبيب روحي شلون أنسى كلامك وحنيتك وكلشي عشناه أني وياك محفور بذاكرتي.
هذن العشتهن وياج غفرن إلج
يعني سامحتني
الصا? ما ينعاد مره ثانيه وگلمتي ما تنكسر
أسفه وحقك عليه والله أعرف بنفسي غلطانه بس قبل لا أكمل كلامي تقرب وسحب شفايفي وأحس أنتهيت لزمتني الرجفه وما كدرت أقاومه سقطت تحت ذوبانه وذبت وياه وأعلنا الصلح وتركنا خلفنا الزعل وكل ما يُحزن القلوب...
مرت أشهر ورجعنا الحياتنا الطبيعيه بُكل حب والحمدلله عدت سلامات علينا وعلى أهل بيتنا وربي يجفينا ويجفيكم ش? الحوادث صح تعبنا وتأذينا وتألمنا وعشنا هواي أمور جانت صعبه بس هذا قدر ومقدر والحمدلله على كل حال..
بالصالون نتجهز وجود وغزل وسيدر يبجون يردون مكياج وتسريحه أزهار ما خلصتي تسكتيهن عفيه
أزهار بس أظافري.
أسيا باوعت ل اسيل طالعه تجنن لان ناعمه وصغيره وملامحها برئيه كلش طلعت حلوه ونازكه شُنو هالجمال أسيل طلعتي تخبلين
أسيل مو بجمالك حبيبي، اني خلصت خلي أشوف مروان خاف حكم كعد من النوم ويضل بس يبجي هذا ما بسكت اذا كعد يضل بس يصرخ.
أسيا راحت تخابره وگملنا واستلمن بناتنا فقط تسريحه شعر وترتيب ولبسنا العبي واجتي أسيل ها
أسيل يبجي وكلهم متحضرين بس مروان باقي سوده عليه ينتظرني يله خل نمشي عفيه.
أزهار أصبري يا عيني شعنده قابل هو قاط هسه يجي عمار ونروح
أسيا وشويه وأتصل عمار وطلعنا احنه بناتنا وعمار مشغل اغاني ومندمج ازهار صعدت ليكدام وتصفك هي وياه وجود تركص واسيل تصور بينا وصلنا وصوت الأغاني شايل البيت فاتحين بوب السيارات ومشغلين ألاغاني وعصام وهشام لابسين قوط نفس اللون أسود شافونا وضحكوا وبناتهم ركضن عليهم وأسيل وجه يلطم شكو شبيج.
اسيل رجلي ضل سوده بوجهي هاج سيدرا اروح اشوفه شسوي بالكشخه وهو ما كاشخ هاج بنتي
أسيا خلت سيدرا بحضني وصعدتله ركض فدوه شگد تحبه الله يحفظهم يارب دخلنا لبسنا الفساتين وعليها العبي وگملنا وازهار واكفه تأخذ صور حركات وعمار بصفها ويسوي حركات وكشخه وهو صدك طالع يخبل صدك مجد وين.
عمار بغرفة ابوي وامي كلمن لبس والتهى وهو زعل راح على أمي وابويه يعدلون الرباط مالته خبصني بي مية الف مره غيره ما يعرف يستقر عليه وطلب قاط من مروان وما انطاه لان هو يريد يلبسه شو هذا طنكر علينا ابويه كاله هسه اوصيلك لا عند
ازهار ليش هيج خطيه وشصار عليه مروان لو انطاه القاط رايحه أشوفه.
أسيا وبهل الاثناء نزلت اسيل بيدها القاط هذا المن
اسيل مروان دزه لمجد يگول خل يلبسه لان ما عجبه القاط مالته.
عمار والله مروان گلبه طيب وحنين بس محد يصدگني جيبي عيني جيبي.
أسيا اخذه وراح وضلينا كاعدين ننتظرهم وكرم يفتر كاشخ هو وابوه نفس القاط عيني هو وليدي
ودخلوا علينا هو وهشام باوعلي أشرلي عدلت شالي
عصام ها وين صاروا
ازهار هسه يجون مجد كمل ضل بس مروان
عصام أستلموا احنه والمغرب هسه تلگوا سابح أربع مرات يمعود ابو الحكم فضنا حبيبي.
أسيا وطلع مروان وعمي كمال طالع يخبل عمي الكشخه تلوك بس لعمو حجيت وعصام باوعلي عزه يغار وطلعت عمتي وصال كاشخه وعصام تقرب يعدل بشالها
عصام أسيا تعاي رتبي شالها وضبطي زين.
أسيا عدلت ورتبت شالها.
ونزل مروان وياه أسيل وحكم كاشخين وطالعين اجمل ثنائي.
عصام مروان قلم جاف شُنو هالكشخه عمي
طالع اطك ىالكا? واحد منكم يدك على الخشب يابه لاينحسد ابو الحكم.
أسيا نزل ويرتب على كتفه يمشي مشية غرور والكل ضحكوا وعمتي گبل باسته وحضنها وعمي هم يبوس بي
كمال ولكم هذا شكد ما انطي حنان يضل معوز ولا يكبر بعد بعيني مروان الوكح.
مروان أبو الحكم يابه? سن ورمح.
عصام والنعم عمي يله نمشي تأخرنا كرم جود طفروا على السياره باباتي.
أسيا ومشيت وراه بخطواتي الرنانه وهو باوعلي بنظرات خاطفه خطفت قلبي وأسره متولعه بنظراتك متولعه.
عصام أني أعلمج بس تخلص الخطوبه أصبريلي.
أسيا شبيك شگو
ضاملج حفله
غمزلي عرفت شيقصد سخيف، ومشينا كلمن بسيارته وعائلته وسيارتين حمايه ورانا وأول سياره طلعت سيارة هشام كلنا نفس السيارات لون أسود
وراهم عمي كمال وعمتي والسايق وحمايه ليكدام
واحنا وراهم وبعدنا مروان وعائلته وبعدنا مجد وعمار وتوجهنا الهم..
وسرع الها وبلش السباق مالتهم وهشام مألف وأجانا مروان طلع أولنا بالسياقه محد يكدرله وتلفونه يتصل عمي كمال عصام غلس لان مختبص هو وهشام يحجون على مروان جاوبته هلا عمي
كمال شنو هالانفلات هذا عود الجبير ما ينسون الحادث وشصار بيهم گوليليه خل يخفف السرعه
عصام خففت والله خففت.
أسيا خففنا سرعه ووصلنا بيت الجبير بيت الحجيه طبگوا السيارات ينتظرون البقيه ينجمعون ونمشي.
واجه ابو الطبل وجهالنا يردون ينزلون ونزلوا طبگت سيارات نسابة عمي فاضل أربعتهم وشويه وطبگت سيارة حارث هو وأبوه وحسن واجو على أسيل خطيه نزلت سلمت عليهم..
أنجمعوا كلهم ومقابل البيت وگفوا كلهم وبس كرم وحكم وياهم البنات انطوهم دفره اجن علينا يبجن
والمصور يصور بيهم وهشام صاير بصف عصام وعمار ومروان مجد العريس بالنص.
كملوا التصوير وأجوا ومشينا متوجهين الهم وسيارات كلها فخمه وهورنات وسيارات الحمايه وصلنا ما نزلنا الا الكل ينزلون قفلوا علينا وجود تخبلت تريد تنزل وأباوع الهوسه الحلوه المصور يصور نزول العريس وأخوانه بصفه وصوت الطبل ودخلوا واجو علينا فتحوا الباب نزلنا وراهم
ودخلنا البيت أستقبلنا ومن ضمنهن مرام كاشخه طالعه تخبل وتذكرت سالفتها وياي وازهار نغزتني شگو شبيج.
ازهار ليش يريد يتزوج عليها خطيه باوعيها شحلاتهها.
أسيا يكولون بعد ما يتزوج الله يهدي يله خل نمشي هسه عمتي تضل تحجي علينا حتى أسيل احسن من عدنا وراها جهال اثنين صغار وكعدت بصف عمتي يبوه مشينا ونزعنا العبي وكعدت بصف الحجيه باستني
الحجيه شكد احب بوستج نيال عصام نياله
أسيا يبوه فضاحه ضحگن ومرام اجتي باوستنا وكعدت بصف الحجيه.
الحجيه أي هيج أريدج عجبتيني عفيه عليج أسمعي كلمتي شوفي ياهو اليگولج أتزوج عليج غير اودي وادي السلام.
أسيا أبتسمت وجابوا الضيافه وطلعت شهد الصاكه شافتنا وأبتسمت وسلمت علينا طالعه تخبل والكوشه شيء راقي وفخم وگلشي من أحسنه وصار الكلام بينهم ومر الوقت وعلنوا الموافقه وبلشت الهلاهل ازهار ما هلهلتي ولج
ازهار هشام ما يقبل يگولي هلهولتج تجيب التايه.
أسيا هه خوش حلو هاي وشويه ودزوا على شهد حبيبي مستحيه وتبجي. عمتي وصال تبوس بيها وهي تبجي خطيه ولبست البركع وبلش كلام العقد وتم العقد وصارت شهد ل مجد.
وصار صوت الرمي بالجو عصام ومروان اثنينهم وشكلهم يجنن
وصال عين النبي تحرسكم يمه صلن على النبي
أزهار أمي كامت تخاف عليهم سوده عليه
أسيا أي ليش لعد حقها ولدها أربعتهم وكاشخين والكل يباوع الهم وعيون الناس ما ترحم.
أسيا أي ليش لعد حقها ولدها أربعتهم وكاشخين والكل يباوع الهم وعيون الناس ما ترحم.
أزهار أي والله تعالن خل نشوف شهد خطيه
عسه تبلش الحفله خل نشوف خاف اكو نقوصات
أسيا يله أمشي أسيل تعاي ويانا حبيبي
أسيل أجيتكم.
أسيا رحنلها ماكو أي نقص گلش تمام التمام وأسيل هديل طبگت بصفها يحجون واسماء جرت هديل على صفحه ودزتلنا أسيل فهمت تصرف أسماء ما تريد أسيل تتأثر بهديل وبكلامها لهذا بعدتهن عن بعض..
وأجه عريسنا وكعد? الكوشه بصف خطيبته شهد تقرب باسها من كصتها ومستحي عيني بس يمسح بگصته ومتوتر والكل باركوا اله هو منزل?أسه وهي كذلك ميته خجل وبلشت الحلفه وشغلوا الأغاني والتصوير شغال ولبسها الحلقه وهي كذلك وما طول على كد الصور والحلقه وراح وطلعوا الزلم كالوا راحوا بيت رافع واخذنا راحتنا وأرتفع صوت الأغاني وعشنا أجواء الفرح بكل تفاصيلها...
وخلال أسبوعين صار العرس ما طولوا فترة الخطوبه? گد ما خلصنا شغلنا والعرسان تجهزوا من غرفة وجهاز وغرفته جوه قريبه من غرفة عمي وعمتي هما أصلاً محد يريد يطلع من البيت وعن نفسي حابه مكاني والسويت مالتي كامل ما بي نقص ومرتاحه وأسيل كذلك وعرفت كالوا الأ يكبرون الجهال يله لان حالياً صغار وهي جاي تدرس وهو دوامه ما ترهم تطلع بيت لوحدها ولا هما يردون وهيج أستقرينا كلنا بيت العائله بيت عمي كمال وأولاده.
بالبيت جاي أكوي القمصان مالتهم بالصاله ونزل عمار بإيده قمصان اثنين وبناطيل جيبهن عيني بس عمار فدوه بس أخلص وصلنا الصالون ما ضل علينا وقت أصلاً تأخرنا باوع الساعه وهذن الصغار هم يردن
عمار يله كملن وبلغني أني يمهم بغرفة مجد.
أسيا راح ورجعت كملتهن گوي واجت أزهار شايله فستانها شبي
أزهار حلو شو ما مقتنعه بي
أي والله شبي يخبل والله صفي نيتج يمعوده بنتج وين خلي تجي أسبحها ويه جهالي أسيل وين صرتي نزلي عاد.
وصال أسيا كملتي ماما أفتري على البيت بخري راح يجون المعازيم وكل الكرايب أسيل وينج اليوم
أسيل اجيت عمه أجيت
أسيا كملت ودخلت عليهم لغرفه مجد بس عمار ومروان موجودين يمه هاي ملابسكم راح اعلكها اهنا محد جاوبني أباوع مجد صافن وكعد مزعوج داخ عريسنا ومروان يقترح عليهم وكالب الغرفه عرض ازياء ودخل عليهم حارث
سلم عليه وعليكم السلام
حارث هاي شُنو صدك تحجون ترى كلها وصلت وعمي گال خل يجي وكلها تسأل عيب تحرگوا عاد.
عمار شمدريني حاجي مروان أكولك من البارحه مية الف قاط لبسته والله مخلت أيده يمعود كافي أصلاً ولا واحد يركز على العريس كلها تباوع على العروس دشوفه وجه أصفر ادري يالكعبه لابسته قاط أبيض ووجه وجه واحد رايح للحج باوع التقوى والأيمان.
أسيا سوالفه تخرب ضحك زطلعت من يمهم والبيت هوسه كلها واصله وباوعت من الشباك كومة سيارات وعمي وعصام وهشام يستقبلون المعازيم دخلوا جوه الخيمه مخلينها بالحديقه الخلفيه للأمان..
أسيل أحنه شوكت نروح ترة تأخرنا حتى أسماء خابرتني من شوكت رايحات هنا ونسوان أخواني
وأخوات العروس والجنايين من يمتى بس احنه ضلينا.
أزهار خل اشوف هشام يوصلنا بس باع الازدحام شوكت يخف لخاطر الله ها حبيبي ما توصلنا فدوه.
هشام وين اوصلكم منين تطلعون أنتِ شايفه الازدحام وهسه ما أكدر أكو مسؤول راح يجي خل يوصل وندخل الجن سياره نأخذجن من الباب.
أزهار أي فدوه لاتنسانا احنه بشاربك حبيبي
أسيل خل نمشي اسيا كملتي گوي
أسيا اني كلها تعبني الا عصام علواه كلها مثله من البارحه كويتهن اله ليش هم علق هم حجه أبداً الا اخوانج صطروني كل شوي جايني هذا مروان ابو الازياء الله يساعدج أسيل عليه.
أسيل يمه كلبي عيني هو شعندي غيره.
أسيا يمه گلبي دمشي شوفي بنتج عمار هسه كال يوصلنا ولو من الصبح يكول هسه ومروان يعيط بي بعد وكت وين الوكت ترة راح يصبون الغده وناكلها ونعصه بالبيت شنو هاي راح ابجي كلها راحت.
أسيل علمود الجهال يكول ينشلع گلبهم لان هذا حكم الا وياي لو يم عمتي وعمتي مخبوصه خطيه ما تكدر اله.
أسيا يله رايحه البس عبايتي اتجهز طلعت لبست ودزيتله رساله حبيبي ملابسك جهزتهن وعطرك وحذاءك وكلشي وكرم هم وياك جهزتله ماكو اي نقص بس وصلنا الصالون
عصام ها عيني هذا هو يله تحضرن هسه هشام دخل السياره فرجت عليجن خبصتنا.
أسيا أبتسمت فدوه لعمرك أني ليش احبك شافها وما رد ملتهي لبست عالسريع وشلت ملابسنا ها نمشي جود تعاي ماما كرم من اشوف ابوك دخل سويت يغير ملابسه روح عليه يلبسك مو تضل مكابل عمامك وتنسي خوش حبيبي
كرم لا اني عمي مروان يلبسني
أسيا ماشي كيفك سمعتن ابني شيكول الظاهر عاجبه ذوق عمه وهو من الصبح لحد الان ملخ ايدين مجد ضحكنا وطبگت السياره عمه تردين شيء.
وصال لا بس روحن وخلصني.
أسيا صعدنا وسايق يسوق وهشام ليكدام وطلعنا من البيت وبالباب عصام صادفنا.
عصام لا تتأخر طياره وصلهن وارجع راح يوصل المسؤول يله اتوكلوا.
هشام أن شاءالله حبيبي
أسيا طلعنا لصالون مالتنا وصلنا الحمدلله حاجزين ماكو احد.
تأخرتوا من يمت أنتظركم
أزهار سكتي وخليها موزين اجيناج يله بلشي بينا.
أسيا وبلشنا بالمكياج واول وحده خلصت أسيل ملامحها ناعمه مكياجها هادئ كملت وكامت تصور وادز لمروان واتصل عليها وفقدت الاخت ولج جهالج.
أسيل يمي وين يرحون خل اشوف ابني الجبير
أسيا نيال گلبي
أزهار ترى فدوه
أسيا اي والله وكملنا وخابرته ها عصام شو ولا احد اجه علينا..
عصام وين يجون
أسيا لصالون شبيك عيني
خرب نسيناجن تدرين واصلاً الزفه جاهزه وراح نطلع وأنتن ضليتهن غير تخابرينه شمدرينا اذا صايرات هم ما ندري.
لاتشاقه كول والله اكو وحده ينسى مرته شلون تنسونا،
أسيل مروان ما ينساني هو كال بس اكمل واجي اخذكم شنو هاي معقوله لا ما ينساني
أسيا لا انت ما تنساني
عصام أصلاً اني اول واحد نسيتج
ها هيج
شلون أنساج يله عمار راح يوصلكم
لاتتشاقه هيج شقه
اوك حبيبتي يله.
قطع الخط وتجهزنا واجه عمار والاغاني فول وتوجهنا للبيت ولكينا فعلاَ الزفه جاهزه كلها سيارات سود فخمه وسبارة العرس مزينه بورد طبيعي دخلنا البيت وهوسه كلها واصله حتى أسماء ونسرين وهديل واصلات قبلنا خطيه شفت اسيل انخبصت بجهالها اخذت منها حكم وخفتت عنها
وصار الوقت الزفه تمشي كرم وين جود تعاي لزمي ايدي لاتضيعين ودخل عصام وهشام والاحلى يسون الهم مجال طالعين يخبلون لابسين نفس اللون تؤام.
دخلوا غرفة مجد وراهم المصورين اثنين وبلش التصوير وطلع العريس يمشي بصف عمي واخوانه وهشام شنو هالجمال ما شاءالله وطلعنا وياهم
والكل صعدوا وأنطلقنا بيت العروس وصلنا جانت طالعه تخبل ببتهم كلش جبير وفخم مثل بيتنا واخوانها كلهم بصفها فد شيء كلش حلو وتقدم مجد سلم عليهم وسلموها واجه رافع سلم على الكل ومرام واكفه بصفه طالعه تخبل لايكين لبعض
وطلعنا القاعه وكرم طفر يم سيارة عمه مروان.
عصام هذا أبنج شبي لازك بمروان خاف مخيل على بنته
أسيا ههه لا هو مروان يحبه وعلاقته قويه بي وكرم معجب بشخصيه عمه يكوله عمي مروان يلبسني
عصام أي عاد مروان باللبس والكشخه محد يلحكه بهاي حقه
اي بابا جود ليش ما تطفرين على واحد من عمامج وتفرغين النا الجو.
أسيا برطمت وزعلت من ابوها
عصام يابه بنيتي تزعل من أبوها وتغار من أمها لج غير أنتِ متربعه على عرش گلب أبوج تعاي يمي
أسيا وين وأني
عصام غارت يالحمزه غارت.
أسيا أخذها يبوس بيها واني اباوعله وهو يضحك وكرصني من خدي توجع ليش هيج
عصام علمود ما تغارين من بنتج
أسيا اي ما اغار ليش يابه ضحك وضحكته تشرح الروح فدوه صفن بعيني وتالي شغل السياره لان شكلنا مطولين على هالنظرات رحنا بعالم ثاني.
وصلنا القاعه واخذنا مكانه وهو راح يمهم بعد ما شفته واحنه نأخذ صور جماعيه أيدين وحركات وكذا وستوريات وحده تنشر وتسوي تاك لثانيه وفرحانين.
اسيل وجه اصفر تعبت لان حامل خطيه وهي بنيتها ضعيفه ما تتحمل ومروان باوعلنا واجاها سريع وكف يحجي هو وياها ويوصي بيها.
مروان كعدي لاتتحرگين من مكانج بس لما يخلص العرس وحكم ذبي على امي هذا بكد الدب يموته بطنج والله وسيدرا يمي عوفيها تعاي بابا
أسيا اخذ سيدرا وراح واجتي اسيل طبيعتها بسرعه تبين الها بطن ومن كعدت امها صلت على نبي وكالت الها
جنان اللهم صلِّ على محمد هالبطن مبين بيج بنيه
أسيا خاله شلون عرفتي.
جنان مبين من رسوم بطنها والله واعلم.
وصال الله كريم بنيه ولد ماكو فرق كله رزق مهم سلامتها ازهار يمه كعدي تضلين طايره ورى بنتج شنو ناسيه نفسج حامل عوفيها وين تروح وكلنا عينه عليها.
ازهار يمه غير ما تكعد وأخاف عليها توكع شيسكتها بعد وهي نعست تريد تنام بس معانده شلون كلهم كاعدين واني انام.
أسيا عوفيها تعاي كعدي رحمي البطنج خطيه هم روح كل شوي شايلتها بكد الدب ضحكت وضربتني على كتفي.
وبهل الاثناء صاحوا عليهم.
يابه تعالوا على الجوبي وينهم أخوان العريس كالوا ابو الكرم والجود بالجوبي محد يلحگه خل ينورنا
أسيا هذا منو كايله
ازهار عمار واكف يمه
تحيه لأبو غزل يابه أستاذ هشام النسيب الحبيب قطعه من القلب عمي خل نشوف الجوبي مالتك
ابو الحكم أغاتي عوف الطفله وتعال نورنا اليوم نريدك تفطر الكاع..
يابه وين النسابه وينهم ولد العم العريس وينهم حارث عيني عوف الأتصالات والعمل حالياً اطبكه على صفحه يا هلا ومرحبا أبو كرم نورنا الشيخ تحيه طيبه لابو كرم يابه.
تحيه لابو غزل وابو الحكم وابو رامي وابو مرتضى وتحيه لباقي النسايب، وتحيه حب واحترام لسيادة الوالد السيد كمال على الرأس والعميد فاضل عم العريس على راس ابو ساره وتحيه لعريسنا الورد مجد حبيبي شايف كل الخير وتحية أحترام ل الأستاذ الجامعي عمار كمال تحيه احترام لكل الحضور.
أزهار شُنو هاي كلها تحيات ضلت علينا عمي اني هم اريد تحيه.
أسيا خرب بيومج متت شُسوي بالتحيه هما زلم عيب تعاي بلشوا الجوبي خل نمتع نظرنا بهل الجمال.
أسيل الله خل نشوف زلمنا فدوه لزمتي شوفنا عليجن الله مو عبالك فستق حلبي.
أزهار أسيا مروان صا? فستق حلبي ربي تباوع تشوف اسيل شسوت بعبادك من مروان الى فستق حلبي.
أسيا ضحكنا كلنا لان كاعدين على طاوله جبيره وعمتي وصال حضنت أسيل وتبوس بيها وامها اخذت حكم منها وتبوس بي لاحظت صايره حيل حنينه على اسيل وجهالها وقريبه منها خطيه..
وأشتغلت الأغاني الجوبي عصام وبصفه هشام وبصفه حارث وبصفه مروان مجد وحسن وعمار ونسايب عمي فاضل أربعتهم وبلشوا الجوبي يمه فدوه لطوله زلمتي القائد مالتهم جعل محد يجوب غيرك، رفعت تلفوني وصورت وتصويري بس عليه وهو يجوب يضحك من كل كلبه هو وهشام نفتكوا
ولج ازهار شبيهم يضحگون.
ازهار تلكين مروان شمرلهم وحده.
أسيا مروان عاف ايديهم وتوسطهم وحركات وعزل عليهم وگابله عصام كتف على كتف وعمتي تصلي على النبي واسيل عيونها مدمعه شبيج ولج ام دميعه
أسيل ما تعرفن شكد أحبه
ازهار حبيبتي ربي يحفظه الج لا نعرف مبين عليج هواي تحبينه هو هم هواي يحبج.
أسيا وهشام ترأس الجوبي وازهار أخذتلها صفنه وأسماء ورانا تباوع لرجلها وكلمن عينها على زلمتها.
وعصام صاح لجود واخذها يبوس بيها ويركص وياها وهي فرحانه وهشام اخذ غزل ومروان ما كال باطل اخذ سيدرا وكرم لازم ايد مجد وحزين عباله راح من عنده تاخذه شهد سوده عليه شلون حزين على عمه
وخلص الجوبي واخذوا وقت ارتاحوا وصار وقت التصوير وصعدوا على الكوشه اول صوره كانت فقط عمي ولده اربعتهم وياهم هشام خطيه خله بصفه حتى ازهار أبتسمت الصوره حيل حلوه بيها هواي معاني مليانه حب وحنيه.
والصوره الثانيه ويه العرسان ودزوا علينا احنا وجهالنا وعمتي وصلت قبلنا عمي ساعدتها صعدت الكوشه وكفت بصف عمي وكفوا هما وازهار وياهم واني واسيل انخبصنا بجهالنا وعمي حجه ويه المصوره بنيه
كمال وين بابا انتظر جناييني.
عمار عمي اهم الشيء الجنايين عند سيادة الوالد
المصوره ربي يحفظه الكم
عمار تسلمين ويحفظج ربي
مروان أحم يله تعالن.
أسيا تقدمنا وكفنا كلمن بصف زوجها واخذتلنا صوره جماعيه النا كلنا وبعدها كلمن وعائلته وبعدها صور مفرده واني وعصام خبلنا المصوره ما خلينا لقطه ما اخذناها وحركات وكذا وهذولاك ينكزون.
مروان يله فضونا عاد احنه هم نريد ناخذ عاد جماعة المملكه وعدكم الحساب.
أسيا ضحكنا وتقدموا هما وباركنا للعروسه الف مبروك حبيبي شايفين كل الخير بالرفاه والبنين نورتينا.
شهد حبيبي الله يبارك بعمرج فدوه لگلبج النور نورج اكيد ام كرم عزيزه وغاليه.
أسيا حبيبتي نزلت وكعدت عالطاوله وعصام اجه كعد يمي وجود حاضنته من ركبته وتتوسل بي تعال كوم وياي شتريد منك
عصام تعال نأخذ صور اني وياك لوحدنا مثل ما أخذت أنتِ وامي بس لوحدنا امي ما تجي ويانا
جود بزعل بابا.
عصام لا بابا لا ميخالف هسه بس يخلصون نأخذ والله اني حاضر شتردين يصي? طلباتج أوامر بابا
اسيا ها جود سالمين.
عصام عوفيها من كل عقلج عيونج بگصتج تغارين من بنتج صدك جذب أسيا، تعاي بحضني اوف البنات اوف مشيبات گلبي البنات.
أسيا غمزلي وضحك وشوي وعمار اشرله وهو شالها مثل الأميرات وتقدموا واخذوا صور ولقطات هو وياها أب وبنته تخبل وهو فنان وهي شايفته البطل مالتها وهو البطل مالتي هاي شلون أفهمها هو مالتي عشق جود لأبوها عبر الاوصاف والقارات.
وأكملنا مراسيم العرس وانتهت وختمنا أفراحنا وغادرنا القاعه بإفراحنا وزفينا العرسان البيت محد راد فندق ما أعرف عيالي شبيهم ويه الفنادق ههه
ولا عروس ليلة عرسها بفندق كلنا بالبيت..
دخلت المملكه مالتي تعبانه? الأخير ودخل عصام شايل جود وحاضنته من ركبته نايمه اخذها لفراشها
وأسمع صوت كرم يبجي شبيك حبيبي
عصام يبجي على عمه دخلي جوه ما يصي? بابا وعمك الك محد ياخذه منك
كرم لا شهد اخذته.
عصام أستلم غيريله ملابسه وخل نطلع نتعشى هاي جودي نامت على لفه عود كعديها ساعة نوب عشيها خطيه.
أسيا ماشي تعال أسبحك اخذته سبحته ولبسته ملابس بيت وكشخ يله روح يم عمك عمار هسه اجي طلع وعصام قفل الباب وين وكت عشه
عصام عوفيلي العشه هسه عندي حفله اريد انصبها اهنا وهسه
شو هسه
مشكلتي أريدها هسه صعدت برأسي عندج ثوب
أي عندي خرب عصام مو وكته والله.
لا وكته كلشي وگته وهسه هيج عاجبني اتمزمز على كوله مروان اليوم كلنا نتمزمز.
تقرب وحاوطني من خصري بلمسات ناعمه وهمس بصوت ذايب
مو تخافين عليه من معارض اربيل
أنتفضت والله ما ارقصلك يعني جنت ناوي تروح الهن مو
لا والله ولا ابالي أصلاً بس ليش اروح ومملكتي تكفي بالغرض وأنت ما بيج قصور بس يعني شو اشتهيت الرقص ومستحي منج ها شگلتي نبلش بحفلتنا ونولع الجو.
واهلك أخاف أحد يجي.
محد يوصل منو بحالنا وبعيدين عنهم ملتهين هسه عوفينا من الأهل خلينا بالعسل يا عسلي
تقرب أخذ شفايفي واستمرينا وفر خصري وحضني وابتعدت عنه أخذت بدله من الكنتور ولبستها وهو قفل الشبابيك والبردات وقفل الباب وقفل الأضويه وشعل الأناره
وكعد كعدة ملوك وشغلي اغنيه وفتحت شعري وميلت خصري بحركات مليانه أغراء ولعت الجو.
مرت نص ساعه وتعبت وهو شارد ورايح بعالم ثاني وصار بيها جگاره واني اميل خصري بحركات مليانه تعب ونعس طفيت عصام كافي ما بيه اكمل رقص نهض وسحبني من خصري واخذني لحضنه وانتهت ليلتنا..
نايمه وهو راح يسبح عصام راح انام عود جيب كرم خل ينام لا يضل سهران ترى صارله يومين ما نايم البارحه بالحنه لصبح هو كاعد وياكم.
عصام ماشي.
أسيا نمت ومر وقت ولكيت نفسي بحضنه وكملت نومتي للصبح كعدنا على صوت عمتي ادك الباب كمت لبست الروب ها عمه اجيت فتحت الباب مديت?اسي
وصال كعدوا يمه الريوك جاهز ريوك العرسان وجمعة أهل ازهار وهشام من شوكت اجو حتى أسيل هم نزلت الا انتوا كسرنا الباب كعدوا ماما
أسيا والله عمه جسمي مكسر عادي ما احضر.
شنو عادي ما تحضرين لا مو عادي غير أنتِ مرت الجبير وهسه أهلها واخواتها ونسوان اخوانها يجون وشبيج مكسره شمسويه مو هذن وياج من الصبح كاعدات وكاشخات شحلاتهن يلا بدون نقاش كشخب وتعاي وكعدي عصام هم خل يكعد هم مكسرته مثلج.
لا عمه شسالفه هسه دقايق ونجهز راحت ورجعت اعصر بجسمي باوعت الجهال ولا ابالهم يكعدون وجود غلست عليها ما عشيتها سوده عليه دخلت الغرفه وشفته شلون نايم شمرت نفسي بحضنه
عصام صباح الخير حبيبي.
أسيا صباح العظام المكسره من ورى الرقص وطلباتك التعجيزيه ماضل عظم بجسمي صاحي و?اسي مفتر ادري منو ضال يسوي شعر شعر بربك عصام مطفيه عالاخير
جانت من العمر ولج ضاربه برأسي مال هسه نسوي اعاده وبالاعاده أفاده بس الدنيا صبح واكفه
ضحك وغمرني بحضنه وتالي كام راح على جهاله يشوفهم واني دخلت الحمام سبحت ولبست احلى ما عندي دام السالفه بيها جنايين..
كملت كلشي وعصام استلم الجهال خلصني منهم.
وطلعنا سوه ولكيناهم عالميز الطعام مرتبات الريوك اشكال وانواع وازهار واسيل انبهرت بيهن شنو هالنشاط يابه وكاشخات عيني.
واجتي العروس شهد ما شاء الله عليها تخبل سلمت علينا ومجد وراها وأخوانه لزموا دك ضحك وشقه وعصام سحبه لحضنه يبوس بي اوي فدوه أخوهم الصغير ربي يحفظكم..
تقربنا وباركنا الها كلنا وعمي باسها وعمتي كذلك.
وكعدنا وانجمعنا على سفره وحده وازهار باوعتلي وغمزتلي خرب بيومج عرفتني وعرفت سوالفي السافله مثلي.
وكلنا كاعدين على سفره وحده كلمن بصف زوجها وجهالها وعمي مترأس السفره ويباوع النا واحد واحد وعمتي مبتسمه وتوزع النا الجاي وعمار مطفي هالأخير فاتح عينه نص ونص الا زلمنا نشيطيين ومأكلين باجه من الصبح على سوالف وضحك
مروان عمار من يمك المربى شبيك مطفي رب الحلو ما تتزوج شكو ضال لوحدك شو مجد عبرك وتزوج.
عصام يمه الخبز من يمج ما اريد صمون
هشام ازهار عوفيها وتريكي هي تجوع وتأكل
أزهار والله ما تاكل ادري بيها صايره فد مره والبارحه بالعشه ما أكلت واكل أنت عيني ما عليك بيه هسه بس أكملها اني أكل.
أسيل مروان انطيني البيض من يمك أوكل سيدرا
أسيا جود عوفي أبوج خل يتريك براحته تعاي كعدب يمي واكلي ريوكج يله ماما ما يصير خنكتي بس مجلبه برگبته.
كرم بابا أريد الجبنه يم شهد.