رواية بين قلبها وعينيها كبرياء للكاتبة شمس العراقية الفصل الثالث والعشرون
أسيل صحيت على? صدمه من أهلي وبالأخص أخويه حارث هذا عبالك عدوته مو أخته من دمه ولحمه مسممني بعيشتي.
واكفة وصايره أعصاب متلاغين أني وأمي تحاول تفهمني وأني قافله على? القضيه يمه شالسالفه أنتِ أمي ترى ما يصير هيچ ما الج اي رأيي بحياتي كلها حتّى بزواجي حارث يتدخل لا وجايبلي عريس الغفله لاحس لا خبر لا صوت على? السكوتي وتعالي أسيل وافقي وأنجبي وغصباً عليج ليش يابه شگالولگم عني ادري ارمله منفصله ضاله بالدار نايمه على? گلوبهم متعاجزين من لگمتي وعيشتي.
جنان أنجبي دكافي عاد أگلتي گلوبنا مو تردين تزوجين وتخلصين من الخدامه وجهال أخوانج شالعين گلبج هاي اجتج قسمتج رجال خوش رجال ومحامي مثل اخوج وبيته لوحده بعد شتردين واخوج لما يعرفه خوش زلمه ما يريد يزوجج والولد يريد نسبنا على? معرفة اخوج حارث.
والله ما اتزوج ما موافقه شنهي غصب
ليش ما موافقه خاتون
ما اريد اتزوج بطلت ما اريد اتزوج ما اريد.
لاتصرخين ووجع اليوجعج لا شوف توافقين وغصباً عليج أششو تخبلتي على? عمرج شتردين لعد
گتلج ما اريد أتزوج افهميني زواج ما اريد اتزوج بيا لغه احاجيج يمه حبابه أنتِ امي مره وحده بحياتج سوي معروف وصدقه على? رأس خلفتج اوكفي وياي وكنسسلي هالزواج وبلغي حارث يلغي الخطبه من أساسها
لا أنتِ ما ضال عقل برأسج تخبلتي رسمي وين يلغيها يمصخمه بلغ الجماعه وصار عدهم علم وعمامج كلهم يحضرون تردين تسودين وجوهننا.
انوب عمامي كلهم يحضرون! والعباس ابو فاضل أدچ روحي بسجين وابليكم شو دراسه ما خليتوني اكمل كعدتوني وحارث أفندي حرمني من دراستي وبنته ومرته عادي عنده بس على? أخته نفش رياشته وطلع عضلاته حسبي الله عليه ما مسامحته دنيا واخره
شوفي أسيل زواج وتزوجين وأهلج موافقين ودگي ولطمي منا لباجر على? راحتج يمه من حقج يله ولي عن طريقي صارلج ساعه ترطنين ب?أسسي.
ضربتني على??اسي ومشت وخلتني انكز من القهر يربي شسوي بعمري وين اولي وين انطي وجهي ومروان والله اموت روحي وما اتزوج غيره فتحت لدنيا على? حبه اول حب بحياتي وبالأخير أصير لغيره.
بقيت بغرفة امي ما حاجيت احد ولا اشتغلت بس اليحاجيني اكله بسنوني حسن كلما يشوفني يضحك ونسرين تقنع بيه واني معنده وميبسه?اسسي ما أتزوج ما أتزوج.
بقيت كاعده وابجي بصوت مسمو? وامي بالمطبخ تصيح وتغلط عليه واني انكز من القهر.
جنان سسم حتّى سسم أدري يذبحج ويكصبج شگو تعنين مثل الخبله، أنتِ فلا تجنين عقل لأ والله.
أسيل ما أتزوج لاتذبحوني
شوو سگتييي.
ما أسگت وبعدين اني بعدني صغيره ويني وين الزواج تلحكون تخلصون مني لو هاي هم هديل من طلگها عصام بس ردتي تزوجينها وتالي ذبيتيها بلحك جلب وهسه تضمين من الراتب والزايده والناقصه المن ل هديل ترئ يا أسسلام بناتج ما جايبتنا من الشار? بس تردين تزوجينه، روحي شوفي أزهار شلون أهلها يحبونها ومدللينها ومحد يجبرها ويغصبها على? شئ، خوما مثلكم عبالك دار أيتام!
شمرت عليه الجفجير جان شگت?أسي همزين اجه بالحايط وبهل الأثناء دخلت علينا هديل ومباوس هي وأمي وتحب بيها وتحضن تمنيت مره وحده تحضني هالحضن رايحه بالحصره الج الله يا اسيل يا فاين البخت ياخذني بحضنه ويشبعني أحضان الله! والله شگلي اظل حاضنه المخده خرب بحظي الكواد نايمه عليه سليمه.
هديل شبيچ وجهج يلطم وباجر خطابتج يجون عليج الله هذا وجه وحده باجر خطبتها يمه شو وجهه معشب لا حافات لا صابغات ادري النسوان يجن شيشوفن يشوفني لو يشوفنج غير يشوفنها.
جنان ليش هي تنطي مجال الواحد يشوف دربه من ساعة گلتلها على? الخطبه وهي مطنگره وتبجي وتنكز خبلتني والله، ما تكعدين وياها وتعلمينها هاي باجر تفضحني كدام الغربه والله تسمد وجهه من الجدر وتنفش گفشتها وتتدخل عليهم اختج واعرفها عدها سوالف ما تخطر بالعقل وينخاف منها.
أسيل واشيل بوق واطوط عليهم عبالج ما اسويها
هديل عزا صخام الوجه ليش أنتِ ما موافقه؟
لا ما موافقه وما أتزوجه لو يموت والله لو يعلك روحه بالبنگه ما أتزوجه.
وشجابره يتعلك بالبنگه علمودج عوفيلي سوالفج الخايسه هسه وحاجيني بالنظيف ليش ما موافقه ولج شبي شفت صورته يخبل شخصيه ولبسه كله رسمي واناقه وفول كشخه يطك بالكا? وحالته الماديه زينه وبيتج لوحدج شتردين بعد
حتّى لو ما اريده
ليش مو جنتي تردين تتزوجين شغيرج؟
هيج وبعدين منين تعرفينه؟
حارث خابرني وحجالي وأسماء دزتلي حسابه وكلها تمدح بي ولج تنحسدين عليه بس هاا بي شيء مو حلو؟
شنو هو
يشبه عصام
طاح حظچ وحظ تفكيرج وياج اي والله ليش عصام هم اكو منه شبي وصار كخاا لو ضال أبالج ونفسج بي وتشبهين كل الزلم بي اكول ما تنجبين وتسكتين أشرفلج
يااا شبيج جاي اكولج من خلال تحليلي لشخصيته يعني ابو نسسوان وشيطان ما تخفي عليه خافيه ووكح
دتنجبي احسسن.
لاتتجاوزين خوش.
جنان هديل جبتج تقنعينها مو تخبلينها خلي تحليلج بعدين لا انوب تتعاركن، يله بنيتي كومي ناخذج لصالون نحفلح ونصبغلج واظافرج نرتبهم ترتبيات من كلشي
أسيل جاي أكولكم ما موافقه شبيكم انتوا
هديل شبيچ تخبلتي ما عليج منها يله كومي تحضري يله حاجزين صالون يله اسسييل
أسيل يعني تزوجوني غصب
هديل لا ما نغصبج تشوفين أهل الولد والشوفه الشرعيه احتمال يعجبج شمدريج أنتِ اكرم من الله.
أسيل كمت من لا حيله باليد لبست صايه وجه الارمله وطلعنا للصالون ما اعرف ليش مستعجلين? زواجي بس متأكده أسماء ورا هالزواج تريد تخلص مني علمود يصفالها الجو بيت العيال وبكيفها لا صداد لا رداد بس تنكلع أسيل وگتها بكيفها.
وصلنا وأول شيء صبغتلي شقارات وحفتلي وسوتلي اظافري ونظفت جسمي يعني ترتبيات كامله وبعدها طلعنا لسوك أمي كومه اخذتلي شغلات وفساتين ولفت أنتباهي فستان قصير ومفتوح من يم الصدر لون أحمر لون دم الغزل لصق على? الجسم متت عليه أخذته وهنا أستغربن بس ما كالن
رجعنا البيت كومة أغراض كلهن هديل صعدتهن لغرفتي وفرحانتلي باوعتلها اذا ما صارت القسمه وما عجبني كلهن اخذيهن خوش.
هديل لاتصير ان شاءلله يمعوده تخلصين من الخدامه لنسواين وجهالهن ما بزعتي من تدريس وتغير الحفاظات ونومي وطعمي وسبحي ونظفي وساختهم دكافي حتّى واهس للخلفه ما خلولج وبعدين الولد ما يتفوت وقسمه زينه شتردين يا عيني وحارث كال اريد اطلع من خطيتها ويوميه مشاكل هي والجناين سوالفهن متخلص.
هزيت?اسي على? الرغم ما موافقه وگلبي نار ومشتعله بي، نزلت على امي واني ضليت مكابله الاغراض ملابس والمكياجات وكاعده وتذكرته سحبت التلفون وبسرعه كتبت اله مشتاقتلك والله
دقايق وشافها وما رد عليها انوب انت ناقصه قهر فوك قهرري دتجاوبني ياعيني انت.
الليل كله هديل ترطن فوك?اسي وتعلم بيه عبالك الخطابه الها فرحانه اكثر مني ما تدري گلبي يم منو ونار الحب تأكل بيه هسه لو هديل ماخذه عصام جان اخذتني لحماها وكت كرامه وعزه نفس خرب بحظج وحظ تفكيرج.
نامت هي وجهالها بالكا? واني على? سريري راسلته ليش متجاوب مروان شبيك عيني لاتقلقني عليك بالي يمك والله جاوبني عفيه.
شافها وما رد عليه موتني قهر ونفس الوقت نشر ستوري حزين على? الفراق ومخلي گلب مكسور يمه منو گسرلك گلبك سوده بوجهي.
دزيتله منو مخليك هيج حزين سولفلي لاتبقئ ساكت وتخلي بالي يمك لخاطري اذا عندي خاطر عندك.
مروان هبه ممکن تعوفيني حاب ابقي لوحدي
أسيل اعوفك لوحدك بس الا اطمئن عليك يله
لايضل بالج عليه من يرتاح فكري اراسلج والله
وعد
وعد عيني ديري بالج على نفسج ولاتزعلين من وراي خوش.
تمام عيوني أنتَ شافها وما رد شبي ياربي شبي ليش ماله خلك يحاجيني ودايخ بزمانه وحزين فدمره.
نمت واني كل أفكاري يمه للصبح اني كاعده و?اسي مصطور ونفسي تلعب من السهر سبحت واستلمتني هديل تسشور بشعري ومكياج هي واسماء لعبن بخلقتي فلك ولبست فستان لون ابيض جايه من الحج! بقيت بغرفتي ونزلن يجهزن الضيافه والتجهيزات وهالامور.
دخلت على حسابه من زمان غالق الأنترنت عفت التلفون وسجلت خروج من الحساب وضميته ومر وقت واجوو وصوت وهوسة الزلم علنوا على? وصلوهم، نزلت وهديل تقرأ المعوذات دخلت المطبخ كعدت صافنه عليهن يرتبن ويحضرن
وفز گلبي لحظه أسماء گالت
أسماء بيت عمكم كمال اجو وصال هم اجت هديل اطلعي استقبليها عيب جايه لوحدها.
أسيل أجوو روحي ساحت من ذكرتهم والله اجاني شعور يخبل تمنيت لو يكونون بدال الخطابه وتكون خطوبتي من ابنهم ومروان بس شلون يرادلها بخت.
هديل داخت وأنثولت واسماء جرتها وطلعن باوعت من الشباك مباوس هما وحارث وحسن وعصام يضحك عبالك هو العريس لاحظت مروان ماكو وهديل سلمت على? عمتي واسماءلزكت تبوس وتحضن بيها دكافي شكد مشوهه ولزكه وعصام مر ولا عبالك شافها شئ لم تكن گبل دخل بثگل ل الاستقبال وعاشت ايده لن حتى المخبل يلاحظ أرتباكها وثوولها بحضوره تكوم ما تشوف دربها تدعم بالرايح والجاي ما اعرف هالشعور ليش ملاحكها تخاف منه لو باقي حب وخوف بگلبها اله بس مع ذلك ما يحقلها هو تزوج وشاف حياته وهي كذلك هاي يسسموها قلة ادب.
دخلت عمتي وتبوس بيه وصافنه بوجهي وبعينها دمعه حزن
وصال ربي يحرسج ويوفقج بحياتج يا بنيتي يمه شلون طالعه گمر ومضوي تشتعلين فدوه لهل الوجه الحلو جنج العافيه.
أسيل گمر ومضوي گلمة مروان! جرت حسرات ومشت وأسيل تغمز لهديل وعوجن حلكهن ولحكنها واني عيني على الباب وبهل الأثناء دخل هو وروحي ردتلي بشوفة طوله لابس أسود عبالك ميتله ميت والوجه حزين وشايل السويج قبل لا يوصل رديت باب المطبخ وروحي ترتجف بحضوره تفصلنا مسافه قليله أباوعله من حافة الباب دنك ينز? حذائه وخله بعد مسافه مرتب يخاف يوسخونه ويحفصونه اكيد ماركه.
وفتح تلفونه وقفله ورجعه عاگد الحواجب ومزعوج مشه وأستقبله حارث رديت الباب بقوه وفزيت على? صوت أسماء تعيط على? جهالها واجاها حارث يهلهل.
حارث وصركاعه شنو هالصوت صوتج يا مررره
أسماء شبيك غير جهالك وكحين ماينكدرلهم
أسيل عفتهم متلاغين ورحت الغرفه أمي أريد ابجي بس لازمه روحي بيني وبينه بس الحايط شلون تجي لخطبة وحده روحها بيك تعشق حتّى ضلك بس خيالك يكفيها.
مر وقت ما اعرف شكثر بس اجتني هديل ولبستني بركع كالوا شوفة شرعيه كمت انكز وصوتي علئ والله ما أتزوج شتسسسون سووا ما اتزوجه شنهييي كوه لو غصب
هديل ولج سگتي لا يسمعونه الزلم فضحتنا الله ياخذج امشي النسوان يردن يشوفنجن وبعدين الولد يشوفج يله تحركي
كتلج ما اريده وما اتحرك حاولت وياي وحجت الا ملت واجتني امي تكفخ بيه واني معنده وميبسه راسي.
جنان ولج تحركي فضحتينااا الولد ينتظر كومي يمصخمه.
ما اكووووم ما اريده وما أتزوج لاتذبحوني
حارث صوتج من الله ياخذج انفضحنا شو كومي لا اكومج بالحزام كومي
وصال على? كيفك ابني مو بالضرب يجوز البنيه ما موافقه والزواج مو بالغصب ام حارث اخذيهم وطلعي خليني احاجيها وافهم منها واني اقنعها خلوها عليه
حارث عمه فدواتج لا تتأخرين.
أسيل طلعوا وردت الباب وراهم بس شفتها انفجرت بالدموع وحضنتها وضليت ابجي بحضنها بيها ريحتة مخلوق من روحها ابن روحي ابنها شلون أكولها اني روحي معلگه بأبنج ما يحلالي رجال غيره
وصال أرتاحي حبيبتي وأستغفري ربج أرتاحي
أسيل انطتني كلنكس حتّى الكلنكس عزيز خرب بعقلج اسيل واصله مرحله مسحت دموعي وضغطت عليه وكل روحي ترتجف.
وصال ليش ما تردين تتزوجين شغيرج مو كالوا موافقه وكبل يعقدون الكم حسب ما سمعت من عمج والولد هيج كالولي.
أسيل لا عمه لاتصدكين الحجي اني محد اخذ رأيي والبارحه يله كالولي وصدموني بهل القرار أصلاً ولا احد سمعني وتصنت عليه و? رايي ويلعبن بيه مثل اللعابه ولن الولد من خوش ناس وبيته لوحده ومحامي ولازم اوافق ما يردون يعيدون تجربه هديل بيه لن انطوها لواحد فقير ومتندمين وحاسين بالذنب تجاهه!
هاي كل السالفه والا اني ما موافقه من البارحه لليوم صوتي طبگ من كثر ما صيحت وعلنت الرفض بس محد سمعني ولا احد اهتملي وكالوا بس تشوفينه تقتنعين وتوافقين عليه ليش شايل خرزه لو يسويلي سحر وأوفق عليه ضحكت وكالت
وصال أرتاحي لعد ما يكون الا خاطرج طيب
أسيل صدك عمه
وصال اي قابل اكذب عليج يله ريحي بالج رايحه احاجي عمج كمال والولد خل هما يتفاهمون وياهم ويحلونها بطريقتهم عمج كمال ما يجبر بنيه عالزواج.
أسيل حضنتها ووتبوس بيه وطلعت تلفونها واتصلت على? عصام انطاها رفض رجعت طلعت رقم مروان وگلبي كام يركص لوحده دتستقر فشلتنا كدام عمتي المستقبليه!
وصال اطلع من يم الزلم اريد احاجيك
مروان طالع
وصال أسمعني مروان
گولي يمه
البنيه ما موافقه عمامك غاصبينها على? الزواج
شو هسه يله تذكرت تحجي
قابل بيدها
لعد بيد منو صدك تحجين يمه الجماعه كاعدين لاتفشلونا وياهم ترى صار كاعد على? أعصابي اريد الخطبه تفض واولي للبيت.
انت ما عليك دزلي ابوك احجي وياه
وين يجيج لخاطر الله شوفي من هسه اكولج اذا جاي تطبخين طبخه قسم بالله يا وصال اشيل راسي وما تلكين اله اثر والرب اسويها
دتمشي وفضني
هسه ادزه الج والله انتن النسوان عدجن سوالف ماتخطر على? عقل إبليس.
أسيل باوعتلي وأبتسمت وطلعت وبقيت لوحدي وشويه ودخل عمو كمال ياربي هيبه وشخصيه الكاع تهابه وتحترمه سلمت عليه وحيل مستحيه منه
كمال سمعت ما موافقه صح بابا واجيت اسمعها منج.
أسيل اي عمي والله ما موافقه.
كمال خير أن شاءالله وحارث عندي هالجذاب كال النا موافقه بس يشوفها ونعقد الهم ام حارث تعالي احاجيج.
أسيل طلعوا ومر وقت وصار صوت الزلم عالي وامي ادك وتلطم وكل اشوي تجيني تضربني وهديل تهدد وأسماء تخوزر بعيونها وتدردم وتغم بيه وصرت دوشك ياهو يجي يجفص بطني بالكلام وبالفعل.
هديل اليوم كتلج عمل شعبي غير ما شفتي عمي كمال شلون رزل حارث وحسن غسلهم غسل عبالج تفوتج وحارث يسكتلج الله يستر بس الله يستر خزيتنا ويه العالم شيخلصنا من لسان حارث بعد
أسيل سگتت وضليت كاعده واكذب اذا گلت ما خفت لا والله متت خوف بهل الأثناء عمتي وصال طلعت مستعجله يردون يرحون وعرفته عمي كمال ضايج والولد كاموا يحجون لن تفشلوا من الخطابه.
خف الصوت وصار هدوء وهل الهدوء ما مرتاحتله كلش گلبي نغزني وما حسيت غير أخواني دخلوا عليه واولهم حارث جرني من شعري وضربني كف شال خدي بي ويصرخ بوجهي.
حارث ليش ما موافقه خاتون ليش فشلتينا كدام الاوادم وفضحتيني وخزيتني كدام صديق عمري فوك ما رايدلج الخير واريد أسترج وأنتِ الما راضيه احجيييي انبلع لسانج والله اليَوم اصلخ من جلدج جلد على? هالسالفه السويتها والموقف الخليتني بي كدام الغربه وكدام عماميييي ولد عمامي يا أدبسزززز.
ولج اني عمي كمال يمسح بيه الكا? من وراج أدبسزززز شتردين لعد لطم بس تلطمين ادعيه بس تدعين صوتج شايل البيت هيج عرامه ما شايف انتي كافي عليج كعده البيت هو هذا مكانج.
حسن منا وهيج اتعامل وياج بالقندره لن أنتِ مو مال احترامات دماغ زز حيوانه
أسيل حجوا الا بزعوا شعري مخله بيديه وصبغ جلدي بالحزام وحسسن يدفر بيه بدون وجع گلب وابويه يأديهم
علوان ربوها من جديد هالطايحة حظ فشلتينا الله يفشلج ويسود وجهج.
أسيل محد تقربلي ولا احد دافعلي موتوني من الضرب سحبت نفسي بصف الحايط وحارث بالگوه ياخذ نفسس وحسن تفل بوجهي ومشه ورجع حارث وجه كلامه.
حارث شوفي ولج هالمره مضت هيج مره لخ لو يجيج جلب مكصكات أذانه ازوجج اله والكواد اليطلع وراج واريدها من الله تكولين ما موافقه شسوي بيج يالله شسوي بيج اعدمج ومحمد اعدمج أنتِ تعرفين الترفض الزواج شنو معناها يعني عدها كواد عدها واحد جوه ابطاها بس اني الج يا اسيل سهله اذا ما ذبيتج بحلك جلب وخطيتج بهل الرگبه عسى ما تطلع بجهالي لن المثلج صلفات دواهن جفص بالقندره مو مال عيني وأغاتي.
أسيل تفل بوجهي ومشوا وأجتني أمي كملتها عليه.
جنان أرتاحيتي برد گلبج دأكليها هسه ينطبل عليج عبالج تفوت بارده مبرده لا ما تفوت الطيحان الحظ لو راد يجي يجفت جفته وحده مثلج من جفتي علينا يم عمتج وصال والافنديه صارتلي أم الأنسانيه راحت ركض على? رجلها وولدها وخلتنا نتبالع بريگانه گدامه فشلتينا الله يفشلج ويطيح حظج الله ياخذج شو گومي أنكبري بغرفتج وطولج الا لمحته الا أكسر رگبتج وأسكطج واخليج خدامه لنسسواين عبالي أدامي وازوجج رجال بي حظ وأسترج بس طلعتي مو وجه نعمه أنتِ هذا مو من زلمج لا والله، أنتِ كافي عليج واحد يسحلج بالقندره غداج تفله وعشاج نعله.
الله لا يبارك بعمرج يا أسيل حركتينا الله ياخذج گومي انكبري بغرفتج الله يكبرج
أسيل الكلام والاهانه والضرب والحقد والادعيه الشفتها منهم بهذا اليوم لو يركعون كدامي گلبي ما يرضئ عليهم سحلتني من شعري ودفعتني عالدرج أنضربت بالبايه كدامهم كلهم صعدت لغرفتي وكعدت أبجي على? حظي وأهلي أول مره أشوف أهل أعداء لبنتهم.
بهذا اليوم ماتت روحي ما ضل شي غالي عليه عشت ليلتي بالظلمه عشتها بكل حزن والالم تنهش بجسدي أثر الضربات تلقيتها من أخواني من كلام وأهانه وضرب وأذيه بهذا اليوم أسيل ماتت...
أزهار
كاعده بغرفة أمي وعيني على? فتحة الباب مقفول عليه طلعوا وقفلوا ومحد وصلني لحد هسه گلشي بگفه وبابا لوحده بگفه من أجاني وعاتبني بكلام خلاني أكرهه روحي لن خسرته وخسرت مكانتي وحبي وخسرت ثقتهم وخسرت أهلي كلهم.
كمال من بعد هذاك الحب والدلال هيج تجازيني بابا هيج تجازين تعب أبوج هيج ازهار خسرتيني للابد الله يسامحج على النار الخليتها بگلب أبوج كسرتيني بين أخوانج كسرتيني كدام نفسي الله يسامحج.
أزهار كلماته ترن بمسامعي بكل ثانيه عشت شعور الذنب بكل حذافيره ونفس الوقت گلبي يوجعني من أذكره وكعتي بالنار يا أزهار.
فزيت على? صوت أسيا تحاجيني من ورا الباب نهضت بتعب هاا أسيا
أسيا شلونج
أزهار شلون أكون
الحمدلله على كل حال أعذريني خاف جنت السبب
لا يمعوده أنتِ شعليج وأعذريني جفصت بالكلام
لا عادي أصلاً نسيت تعرفيني گلبي طيب ما اشيل على? احد وبسرعه أنسئ بس سوالف اخوج ما أنساهن
ضحكت أوففف أسيا.
شسمه تلفونج عند عصام وأريد احاول اخذه وأتلفه أخاف يفتحه وأنوب يشوف المحادثات ويتخبل عليج ومشكلتج تتعسر بالزايد
أي حبابه بس أخاف تصيرلج مشاكل عوفي خيولي وعصام ما اعتقد يسويها لن عيب وصعبه عليه
لا بس أدعيلي وما عليچ
أسيا
هاا عيني
أريد منج طلب فدوه رحتلج لاترديني
گولي شنو هو؟
تبلغين هشام باللي صار.
لا عفيه أعفيني منها اني بدون شيء أخوج من عرف صبغني صبغ والله ما بيه انام من الوجع والضرب الاكلته حبابه ما أكدر والله اخاف منه.
لعد شلون يعرف
شيعرف يمصخمه عوفي خل يفلت برياشته أخوانج اذا يلگونه بوصله كاع يسونه حميس أنتِ أعرف بيهم
أريده يبيض وجهي أسيا افهميني أحبه أني ما حبيته علمود أعوفه.
أزهار من كل عقلج تحجين هالحجي يا يبيض وجهج وين عايشين أحنه بابا تصير حرب والله ويوكع بيها دم عبالج السالفه بالساهل بالاخص عصام هذا مجرم ما يتفاهم نهائي قافل على? القضيه
فدوه أروحلج بس هالطلب
أخاف والله أصلاً تحجين وبطني مغصتني أول مره أخاف منه هالكثر احاجيج وحيلي يرتجف
تمام أنسي لعد على? راحتج حبيبتي
أحاولج والله أذا گدرت بس رقمه وين الكاه
ما يحتاج رقم راسلي على? حسابه تعرفينه أنتِ.
ولج مصيبه خرب بعقلج وهو أكيد هسه يشك ما تروحين الدوامج ويا خوفي باجر يجيج ويطلعون عليه اتخيلي بس اتخيلي عصام بس ينفخ عليه يطير
عيني هو ليش ما تكولين هو ينفخ عليهم يطيرون أنتِ شايفته شگد حلو وگلبه وحبه شگد نظيف هشام ماكو منه أثنين.
ما أعرف شگولج بس لاتقدمين الرجال على? الأهل والأخ هذول عزوه وأهلج عزوتج أزهار يروح هشام يجي غيره بس أخوانج وأهلج من يعوضج مكانهم وفكري بكلامي.
صفنت وبجيت بين نارين أسيا نارين
الله يبرد نار گلبج ويريحج يله لازم اروح اجوو عزا اخوج اجه باي
عصام شعندج يمها اني شحجيت وياج ارطن گردي لو هندي امشيييي تحركي للغرفه كدامي ييييييله
أزهار صوته جان عالي وطغئ عليها بتجبره وصوتها تبخر بحضوره وسمعت صوت المفاتيح انفتح الباب دخلت أمي باوعتلي وگالت.
وصال عوفي مرت أخوج بحالها ما ناقصه مشاكل گافي عليها مشاكلها هي ورجلها ما متفاهمين بعدهم توهم رجعوا ما لحكوا يتراضون اجتهم سالفتج و? الخالي بلاش حصلتها گتله وصبغ جلدها والله لو تشوفينها تبجين? حالها وجهه صاير الوان بله أنتِ الغلطانه هي على? شنو بس أخوج وتعرفينه لهذا عوفيها بحالها وتحاجيج من ورى الباب لاتجاوبينها ادري بيها ما عدها گلب وتفداج بروحها أسيا معدنها ذهب والله يهدي أخوج عليها.
أزهار قفلت الباب ووكعت والله أني أتمنالهم السعاده وريت الضرب بس اليه وما يمس منها شعره لن أسيا افديها بروحي واكون مقصره بحقها على? الرغم غلطت بحقها اجتني تسأل عني وبس.
شتسأل بعد عكب الصار
يمه هم تفكرين بيه لو خلص كرهتيني وحالج من حال بابا وأخواني وموقفج من موقفهم ضلت ساكته وكعت يم رجليها وابوس بيهم فدوه رحتلج لاتتخلين عني ما عندي غيرج أنتِ أمي لاتكرهيني ولاتعوفيني شوفي شسوا بيه أبنج شوفييي.
ماكو ام تكرهه ظناها وشفت وحقهم يمه وأخوج رجال شرقي وتحكمه عادات وتقاليد ومجمتع عايش بي من جد وأب وهذا واقعنا من هذاك اليوم لهذا اليوم وهما أنطوج الثقه والحريه ما خنگوج بالحياة حياتج عن باقي البنات أنتِ بعز ونعيم يا بنتي.
نزلت?اسي ما جاوبتها.
وين عايشين البنت تحب وتعشگ براحتها ولاتنسين نفسج أنتِ من حبيتي هشام ما فكرتي بيهم ولا خليتهم على? بالج وتجاهلتي أسمهم وسمعتهم وحجيت وياج ولبستي كلامي وأستمريتي بعشگج لواحد حتى مو من مستواج لاعبالج اني تهمني المستويات بس أهلج تهمهم وفرق الطبقات مأذي يا بنيتي مأذي تعيشين طول عمرج بمعانات وأذيه لو يصب روحه بالذهب تبقين أنتِ شيء وهو شيء وگافي عليج أهلج ما يحترمونه ولا يعترفون بي نسيب الهم.
يمه حبيت تعرفين شنو يعني حبيت يعني مو كيفي ضربت على? صدري بقوه كيف هالگلب المنعول أهل أهله يمه حبيته يمه يحبني ويقدسني يمه يفداني بروحه رجال نظيف بحبه وروحه وگلشي بي يمه رجال مشتريني بدم گلبه ومن أهل الله ما عنده سوالف موزينه ومن حبيته ما همتني المستويات وفرق الطبقات البينا ولا حتّى الظروف حبيته اله حبيته روحه وأخلاقه.
أبوس ايدج لاتتخلين عني اروحلج فدوه ساعديني والله أحبه وروحي بي بس هالمره افهمي شعوري واحساسي بس هالمره اوكفي وياي لاتصيرين ضدي ابوس برجليها وابجي رفععتني من الكاع وضمتني لصدرها وكامت تبجي وتمسسح على? شعري ومسحت دموعي
ولج شسويلج أخوانج يعدمونج ليش متخافين منهم اخ يالقهر شمسوي هالمغضوب بگلبج محتله مثل أحتلال اسرائيل مصيبه صابته على? هالعشك
يمه فدوه اروحلج ساعديني رفعت وجهي وحاجتني.
أزهار ماما رجعي لعقلج بطلي رعونيه خلاص اصحي ماما على? شنو أساعدج على? تعاستج على? موتج وخرابج ضمي حجايتج بطنج وأدفي بيها روحج واصحي وفكري بأبوج واخوانج وسوالف العشك ما توكل خبز ولا تشبع جوعان ولاتستر عريان وما وراها بس خراب البيوت وطيحان الحظ.
وإذا أجه خطبني
أنتِ ليش ما تستحين وعينج گويه
يمه فدوه أسمعيني
ما أسمع أي شيء وأذا مورطه أسيا تخابره لو تبلغه أعدمج أزهار لاتخليني أتندم أنطيتج وجه.
سگتت ونزلت رأسي
ليش ضرب عصام الج ما گفاج ولج اني أمه ارجف رجف منه تردين يعيد الضرب مره ثانيه ويضل يرعد علينا وهشام اذا الله يحبه ما يتقرب صوبنا لن اذا وصل الباب أخوانج يدزونه لاهله على? عگازه عوفي وأنسسي ورجعي أبني مكانتج بين أهلج صح اللي صار ما ينسي وصعب بس أنتِ تكدرين تثبتين نفسج بينهم وبالاخص ابوج.
طلعت وضليت بقهري وتمر الأيام ومر أسبو? اني بغرفة ماما وأسيا ما شفتها عرفت من أمي عصام ما يخليها تطلع معاقبها وحتئ تلفونها ساحبه منها ومشدد عليها فدمره وفهمت منها لحد الان متزاعلين وأمي شايله همهم أنقهرت عليهم اني السبب لوما مشكلتي جان هما تراضوا ويرجعون طبيعي.
الدنيا الصبح والساعه ب 8 وتذكرت دوامي وهشام وأستغربت ما اجه ولا وصل بابنا شلون عرف منو وصله خبر معقوله اتصل على تلفوني وعصام رد عليه لا ما يسسويها مو لهل الدرجه عيب يفضح نفسه ويگوله عرفت اكو علاقه بينك وبين أختي لا عصام مو من هالنو? يربي شلون عرف أسيا ما عدها تلفون تبلغه تلفونها يم عصام هسه غير لو تجي وأفهم منها.
أسيا
من بعد مشكلة ازهار والضرب الأكلته جسمي كله يوجعني قسه عليه هواي قسه ضربني بدون وجع گلب وهو بسلامة عمره ما يتفاهم والوضع مو مال تفاهم حقه كل رجال بمكانه يسوي هيج او يجوز أكثر.
غسلت المواعين ورحت الغرفتي كعدت أرضع بنتي واجه هو جان يم عمي عبرني بدون ما يباوعلي فتح الكنتور ونفضه كله الملابس كلهن والباقيات وسخات بالغساله طين ب?اسي راح يكوم يهلهل.
عصام سلاباتي كلهن ما مغسولات هسه شلبس گومي خاتووون كومي عينييي
أسيا أنتَ كلهم موسخهن واني لكيتهم على? الجربايه كلهن خليتهن بالغساله
عامي شامي كومتيهن بالغساله خوما كلهم لابستهن شعندي ما شايف لو البس قاطين واحد فوك الثاني هسه شلبس
مو كدامك كومه أختارلك لبسه قابل وين رايح
دتنجبي وين رايح مولي لخطبه هذن كلهن ذبيهن ما يفيدن رايح اشوف مروان وراجعلج اصبريلي قبط حسابج متفوتلج والله.
راح واجه جايب ملابس كومه وكعدت أكويله خبصني بس يلبس وينز? ويرتب بروحه ما خلص الا بطلعان الروح وراحوا وقبل لا يطلعون تلاغوا وعرفت سالفه تخص مروان لن من خلال كلامه
مروان سالفة الخطبه تشيلوها من رأسكم وزواج ما اتزوج فاهمين لانهوه ولا بلوه عمي ما اريدها خل تمششي بقسمتها
أسيا عفتهم يحجون ورجعت الغرفتي نومت جهالي وگلبت الغرفه على? التلفونات ماكو لا تلفوني ولا تلفون ازهار هذا شيطان تلفهن بمكان محد يندله.
حجيت ويه أزهار وطلبها التعجيزي ضل ب?اسي ونفس الوقت مقهوره عليها بهل الاثناء اجه هو عاط بيه ودخلت الغرفه كدامه وأنثولت لن امشي وهو وراي
عصام أني شحجيت شصخمت وياج مو گلت ما توصلينها ليش ما تسمعين كلمتي شو صايره ما تخافين مني هااا ولج گويان چلدج خاتوووون
أسيا رحت اسأل عنها أشسويت قابل كفرت فوك زيينتي يعني عاط بيه.
هالزين منج ما أريده محد گايلج صيري حنينه شوفي أسسيا اذا ما تجرين عدل وتسمعين كلمتي قسمًا برب العزه اخليج تكرهين العيشه وياي لاتصيرين حماره وتهجمين بيتج بيدج اكلت وكلتلج سالفة أختي لاتتدخلين بيها بيج دوده لو تحبين اضربج واهري جلدج هااااا تحبين تعلمتي على? قساوتي وياج تعلمتيييي موووو احاجيج
شحجي والله ثولتني من?اسي لرجليه خلاص بعد ما اروح ولا اوصلها تريد شيء بعد
غضب عليجن مو نسوان صراكيع رحمتك ربي.
طلع وانركع الباب خرب بأعصابك خبلي الجهال
رجعت كملت ملابسه غسل وكوي متت يله خلصتهن واني منا جسمي كله يون عليه
طبعاً قفل علينا الباب بس كرم ماخذ راحته اني الكا? محضوره عليه حظر تجوال رضعت بنتي وبقيت كاعده لوحدي وتاخر الوكت واجه شايل كرم نومه على? الجربايه
عصام تنام يمي يم ابوك
أسيا مشه واجه بيده علاكه خلاها على? الميز
عصام هذا أكل تسممي بي.
ما حاجيته لن واضح عليه صاير أعصاب غير ملابسه ونام وحضن كرم وتلفونه خلاه جوه مخدته عقلي طار من تصرفه يابه ذبحني من الوريد لوريد كمت شلت بنتي وعفتله الغرفه ونمت بغرفة كرم بدون عشه ومن نمت لصبح بقيت كاعده نار بگلبي منا معقوله كام يشك بيه خرب بحظي اخ يالقهر.
مر يومين ماكو بينا اي كلام بس يباوعلي بحقد وعيونه نعسانات شكله مال واحد ما نايم أبداً يمكن لن مشتاقلي اخ يالقهر واني هم مشتاقتلك والله بس اذيتني هواي وقسيت عليه بدون رحمه.
كاعده ومخليتها على? رجليه واهز بيها واجه هو وجان يحجي على? التلفون على? طاري اكو توصيل يمكن موصي على? ملابس اله بعدين قرر هو وصديقه يطلعون وگلت هاي خوش فرصه ادور على? التلفونات وأبلغ هشام كمل اتصال ولبس وطلع بدون كلام.
تأكدت منه راح وكمت ادور بالغرفه گلبتها وين مخلي ضل بس الكنتور جبت الكرسي وصعدت وخليت ايدي ولكيته بس تلفوني موجود!
گبل فتحته ورحت بحثت على? حسابه ولكيته يارب أستر عليه بس خل أكمل هالمعروف وبعدها اتوب واتحمل خبالاته كلهن يارب
، دخلت على المراسله دزيتله هشام خيي موجود اني زوجة أخو ازهار شافها وما رد يمكن عباله عصام هسه هذا شفهمه ويجاوبني هشام يمعود جاوب مو وگتك هسه كبل أتصلت عليه واستغفر ربي دجاوبني.
هشام نعم منو وياي.
أسيا لاتخاف اني مو عصام والله العظيم من خوفي من عصام كمت اعلسس طبعاً مو عصام وصوتج شنو دوره خرب بطني كامت توجعني يمه عالسريع حجيت راح اقطعه باي سديته دقايق وجاوبني برساله
هشام هلا خيتي الف رحمه على? والديج بس ازهار خيتي ازهاااار شلونها خوما أذوها طمنيني عنها يرحم أهلج والله محترك بنار عليها وما جاوبتج لن تعرفين الوضع ما اريد يسوء أكثر.
اسيا لا عادي وازهار شلونها الله يكون بالعون والموقف صعب وانت سيد العارفين وانت منو گالك
حشاج فد كحبه وصلتلي الخبر
رشا
بنت الكواويد ما وراها زلم شوفي خيتي اخاف أخذ من وقتح بس رشا عدها صور النا اني وازهار بالسياره كاعدين اذا دزتهن لأخوانها تصير مشاكل واني هاليومين اجي اخطبها من أهلها اذا دزتهن اليوم رشا اني ذباحها
يا صخام وعزا وهسه شلون.
ما اعوفها والخلقها ما اعوفها وصليلها هالحجي وكوليلها هشام هالمره مو بدم گلبه ياخذج مستعد انطي روحي فدوه وقربان لشعره من شعراتها واني وأهلها لو كاتل لو مكتول اجي افرش بابكم وما اتخلئ عنها وبارك الله بيج والله يكثر من امثالج
باي لاتراسل دير بالك
من عيوني الاثنين خيتي ربي يستر عليج.
أسيا گلبي يريد يوگف گبل حذفت المحادثه كلها وايدي ترجف أنثولت وجسمي واطرافي حسست بوجوده يمي والله حست وكع التلفون نزلت نفسي أشيله من الكا? وتخشبت أجتني الجمده وشگو خليه بخلايا جسمي سكنت وهدأت من الخوف لحظه سمعت صوته!
عصام بيا لغه تحبين أتفاهم وياج!