رواية بين سلاسل العادات للكاتبة كفاية كاظم الفصل الثاني عشر
-رحيل ماحبتي بيوم تلث سنوات هي عايشة بتعاسة هنا. لاتريدني ولا تهواني مجرد تادي واجبها كزوجة والا اطلب منها لو ما اطلب منها عسى ماسنة ماتبادر
-مو انتم تزوجتو عن حب!
-رحيل ماحبتني تزوجتني حتى تحرك كلب صاحبي
فتحت عيوني على وسعهن وخدوي شتعلن نار رجع كمل كلامة بكلب محروك.
-جانت حبيبة صاحبي وتزوجتني حتى تحرك كلبة
-شلوون.
-عرس صاحبي ورحت لعرسة ببغداد جنت واكف بباب القاعة فاتت مني بنية سطرتني بعطرها بداخلي ذميتها لن حرام طلع صاحبي وجهها مايگصة السيف.
-شبيك گالبها عود عرسك مغندب علية خير
-اففففف افففففف
-شمالك تتأفاف طيرت النعمة مال الغسل
-اي والله كون غسل اليغسلني بالمغيسل
-شسالفتك كول يا الله
انطاني ضهرة يطحن جكاير ودمعتة بطرف عينة
طبطبت على ضهرة: -سولفلي شمالك
-خربو كلشي
-ياهو ذولة.
-اهلي جابولي بت خالتي لااريدها ولا إلى نفس بيها گلبي مشتعل من ورة بت الناس الورطتها بحبي
-بس لاجنت تحب لا تكولها
-اخ اخخخخ ميت بالحب
-وشلون هسة
-حرگت گلبها مابيدي شي
-دكول يا الله وارضى بقدرك يجوز بت خالتك تطلع احسن من حبيبتك صدك لو بيها خير اللك جا صارتلك انساها وشوف دربك بعد انتهت لاتكسر كلبين سوى
-حرگت گلبها وكسرتة تكسر عبالها خنتها وتزوجت صاحبتها
-صاحبتهااااا.
-اي هي وبت خالتي صاحبات عبالها ضحكت عليها ماتدري اهلي لزگولي بيها وشدو فرد شدة
-الله يستر سالفتك داجة
-كلش يخوي شحجيلك وتفهمني
جان حيل متاذي ومنكسر دش جوة وضليت بمجاني صافن مرت نفس البنية وكفت بالشارع منتظرة سيارة همست بصوت ماعبالي تسمعني.
-شوكت اجيتي وشوكت طلعتي شني هاي
التفتتلي عاكدة حواجبة اول نضرة منها حبيتها حب من اول نضرة حجت بعصبية.
-وانت شكو ادخل اطلع لتدخل
-على كيفج وين مدخل شصار هسة انة شحجيت.
ماردت وضلت واكفة تحرك بيها الشمس ردت اكللها اوصلج بس خفت تكلي تتحرش بية ومالي خلگها دارت وجهها صاير احمر على وردي.
رحيل: -انت مو صديقة لاكرم وصلني لو معندك غيرة
-اصل الغيرة احنا ولو
صعدت بسيارتي استغربت شلون صعدت وياي ضليت ساكت وهي تحجي تغيرت نفسيتها شوية سوت جو بالسيارة وصارت تحجي وتستفسر عن حياتي وقرابتي من العريس.
وصلتها لبيتها ورجعت ضلت بعقلي ورة فترة هم صادفتها جانت نضراتها تدل معجبة بية فترة قصيرة وصحتلي فرصة حاجيتها كلتها راح اخطبج وانطتني موافقتها جانت كلش فرحانة وتزوجنا.
سفانة: -وبعدين
فارس: -هههه ورة البعدين اهمال برود اكثر شغلتين تكتل العلاقة ومو بس هيج هسة اكتشفت جانت تشرب حبوب منع الحمل ماتريد تخلف مني
سفانة: -شهكت بصوت خليت ايدي على حلكي كلبت عيوني مامستوعبة معقولة رحيل هيج سوت، دار وجهها وحجة برود.
فارس: -الله يوفقها
- هثة وين راحت وشلون دريت
-مو غبي حتى تعبر علية من اسلوبها وبرودها عرفتها مارايدتني بس ماتوقعتها تحب غيري
-شلون دريت تحب ثاحبك
-من ولد صاحبي كلشي تبين إلى تزوج صاحبتها وتزوجت صاحبة ماينضم شي لازم يجي يوم وتطلع الشمس على الحرامية
-يعني دريت بيها كبل لاتطلكها.
-لا جنت شاك ماعندي دليل عليها كامت تفتح سيرة الطلاك بحجة الاطفال عرفتها تريدها حجة ماكدرت اطلكها الا اعرف سالفتها تالي فتحت الموضوع جدام الكل طلكتها خليها تتحرر وتروح ورة هواها ليش ضالة وياي وكلبها لغيري
-شراح تثوي هي
-شعلية بيها
-وانت
-شبيه انة مو هل جدامج متت نگصت
-تحجي ثدك عدك الموضوع عادي
-شسوي مثلا جانت تحبة وضل الحب بكلبها ماكدرت تنسة ولاكدرت تتعايش الله يسعدها بحياتها.
يحجي وعيونة تلمع يحبها اي اكيد ولحد الان بلعت غصتي ودرت وجهي عنة ارتب بالملابس شسوي بگلبي المتروس عشگ الة وهو گلبة متروس لغيري، دارني علية گوة مصبرة روحي ما ابجي.
-كتلج كلشي حتى تفهمين وضعي انتي اول واحد احجيلة الصار ماريدنج تحجين لواحد
-اي
-بعدج ضايجة
-لا بث اريدن امشي.
عفت البيدي وطلعت بوجهي للحمام بجيت لمن مليت عيوني ورمن من البجي صاحن علية نروح سبحت وطلعت جهزت روحي وضليت متانية نوف كاعدة تمشط بيها امها.
نوف: -ماما وين ميمو ما رجع
-لا والله
-ليش وين راح ارريدة
-بعدين اجيبلج غيرة
-ما اريد غيرة احبة بس الة
حجت والغصة خانگتها
-سجاد شلون ضال وحدة بدون حياوي موجانو سوى شلون تعود بدونة
تنهدت عمتي بقهر ومسحت عيونها
-شيسوي وشنسوي.
-نسيتونة ولا جن انتي امنا الكبرتنا عمر عفتينة ماسالتي عني ضليت يم الغرب موتدرين بية اخاف اضل وحدي ليش هيج عفتيني
جانت تحجي بقهر بجت عمتي ماتحملت جلماتها ونبرة صوتها ابتعدت عنها تباوعلها بتوسل.
-ماما راح اتزوج هنا بعد ما اشوفكم قبل جنتو قريبين عني كل فترة اجيكم وحياوي يمي هسة صرت وحدي هنا شلون اعيش اخوانج يخوفوني ومايريدوني.
نزلن دموعها غطت وجها بيدها وانفجرت تبجي حضنتها عمتي وتكابلن يبجن مسحت دموعي يكول جاي اباوعفلم حزين.
رضية: -ياا خية شجاجن كلبتنها مناحة وداعتج نحطها بعيونه صكد جذب ياا هيج كالوها ماتحجين شي يعيشة
عائشة: صدك غير جنتي ادللها عمة نوف انة مثل امج شتريدين بس كولي اصيرلج ماي
دخلت جدة نوفة وغسلتهن غسل بالرزايل ورجعت علينة.
-يلة بساعجن وراجن زفة وعرس صيرن سباعيات بيضن وجوهنا وسدن حلوج الحجت عليجن بالباطل عبن انتن حفيدات ناصر ماتغلطن بس هاي الناس فاسگة
تباوع لامي الواكفة تخوزر بينة كضت وطلعت
-اتغدن مو تضلن بدون اجل للعصر يتغدون بيجن ارواحتجن تنسحل خاف تكولن محد كالنة
دنكت راسي وطلعت وجهي مولع نار رحت يم البنات بين ماتكمل نوف.
سجى: -بلمنا طك بلمكم يهل العماره وابنه يريد بتكم يهل العمارة شعر شعر هز يلكمررر لا لا لا للاالاالاا
هدى: -اهووو انسطرنا سطرر عاب حلگج دوختينا
سجى: -اخونا خوش اخووووو يستااهل الهووسة واخونه خووش اخوو
رغد: -لا هذني قديمات نريد حلوات كسر فنين هيج
سجى: -هذاا لعبناا ولادكوول استهتار هذا ردحنااا
ولادكول استهاار
تهز جتف وتدبج بالكاع دخلت عليها امها رزلتها لان ماصايرة سنة من مات عمي حمزة حتى اسود محد ذبت بيهن.
رغد: -شلون حظ اغبر عدجن لا ركص لاهلاهل بلة هذا هم عرس
سجى: -جيس حب خية مو عرس فكوررر اخ انة عرسي اسوية يهبببل على الموديل البدلة والحركات والبركات شلون لميس وجماعتها رومانسيين شني كلها تصفگ فوك راسي ولازميلي الباب متانين الفرج
سفانة: -اهووو بطني كامت توجعننني
سجى: -هاي بس حجي بعدج بعدج ماشفتي الصدك خو نوفة تكعدلج كعدة بعتبة الباب
وجهي انبلع من الخوف انة ناقصني تفكير وحركان كلب.
رغد: خاب جذب ماكو شي لا تخافين محد يلزملج الباب هاي حاطة دوبها وي جدة نوفة وهي اصلا ما الها علاقة بهاي السوالف ولا وحدة عدنة تدخل عسما شهر ضليتو
سجى: -هم صح اشاقة وياج لو كايلة هذا الحجي لنوف يمكن تتسودن فوك ماهي مسودنة
سفانة: حكها الصار مو هين ترة هي بعدها ماتعرف اهمية الصار ولاتعرف ليش كلها كالبة وجوها عليهم
سجى: -اي والله صح صح هاي بت مثقفة مو نفسنة مفتحين بالبن
هدى: -يصيحوج روحي.
ودعتهن ورحت اخذنا جاسب بسيارة عمي كعدت عائشة ليدكدام وانة ونوف وامها ورة باوعتلها مخلية راسها على الجامة وترسم خطوط دارت وجهها باهت مابية روح همست بصوت ناصي.
-اكلج سفانة
-كولي
-ما احب ابوج وعمامج يخوفوني
-مالج غرض بيهم ابتعدي عنهم
-بيتكم يخنگ مااعرف شلون عايشين بية مو نفس بيتنة ههههه بية طاقة.
دارت وجهها للجامة مانطقت حرف ولاحركت ايد بااردة كلش مو مثل ماشفناها نزلنا للصالون بيه جم مرة بين مانتغدة يوصلنة السرة.
-شبيج ماما اكلي مايصير تبقين بدون اكل
نوف: -ما اشتهي من اجوع اكل
كملنا غدانة خطية نوف ما اكلت تنقش تنقش اجانة السرة بلشت بنوف كملتها طلعت لعابة شما اكول حلوة اقصر ملامحة ناعمة تخبل والمكياج ما كثرت قليل خلت طبعا بتوجيهات من عمتي (امها).
كل شوية وكايلتلها شيلي هذا غيري لون الحمرة الا ان وصلت لنتيجة تجنن.
بلشت بية ما حسيت الا من ندسني بالي مو يمهن باوعت لشكلي وابتسمت كلش فرحت بشكلي الحمدلله ضبط وطلعت حلوة بالمكياج ملامحي بارزات عجبني المكياج نازك ومرتب...
تلمست بدلتي مرصعة بحجر ميلت خصلة من شعري اتمايز روحي اختفت ملامحي من اتذكرت حياتي المنتظرتني وفارس شلون يتقبلني غمضت عيوني وكلت شيصير خل يصير الرضة بية والما رضة انة شعلية ما راح افرض روحي علية لو شيصير خلية يضل عايش وي حبة.
طلعونا بالهلاهل ماشفت دربي لازمتني عايشة تمشي بية انفصلت عن العالم من رمو طلق ماسوينة زفة وهوسة شي بسيط بيناتنة عيب من العالم رجعونا للبيت اكيد اكو ناس وهلاهل كعدونا بالهول اباوع لنوف على جمودها وانة اطگطگ شسالفتها هاي لهدرجة مامهتمة للوضع.
ما لمحت فارس ولا انمار للعصر طببونا لحجرتنة دخلت جدة حكمة ونوفة وصني وعلمني شغلات عامة باركلي وطلعن عافني وحيدي اكل بروحي من الخوف والقلق المفروض امي تجي تباركلي وينها محسوبة علية بالاسم.
عيوني تفتر بالغرفة وعقلي يتخيل عرسه القديم جان فرحان كلش ابتسامتة مزينة وجهها بلعت ريك وغمضت عيوني ما اريد اتخيل شي ولا اقارن بس ردت اشوف تعابير شكلة.
بنص الهوسة الصارت براسي والهدوء المحتل الغرفة انفتح الباب فزيت حسبالي فارس، درت عيوني بقهر ماناقصة حركان كلب.
-راح انشوف ياهو الصادگ بينة كونج طلعتي مو بت اتشاهدي على روحج ترة محد يرحم يكتلونج بساعتها.
انفصلت لدقايق افكر هاي امي لا مو امي لا امي الجابتني اي متاكدة، نزيت من سمعت صوتة لفلفت روحي وضليت مجلبة بالبركع زين مارفعت راسي ابدد احس بية يتحرك بالحجرة مالي عين اشوفة شيسوي كتلني الفضول ورفعت عيوني يصفط بسترتة باقي بالقميص الابيض صارت عيونة بعيوني دنكت راسا والله فشلة هسة يكول تباوعلي جانت.
فارس: شمالج متجمدة اخذي راحتج بعد هذا مجانج.
ضليت احوس بمجاني والعبرة خانگتني تانيتة يوخر من الكنتور ابتعد ورحت اطلعلي ملابس دموعي شوية وينزلن شهل ورطة الا انة بيها معقولة صرت زوجة لفارس.
دورت بالملابس اخذت دشداشة مرتبة مستحيل اسويها والبس مشلتح حتى اغرية رحت ابدل ورة البردة بعدني مافاتحة السحابة وانجريت من ايدي انرطمت بصدرة فتحت عيوني ارجف.
-فارث
-خل نكمل كلشي اليوم
-لا لا ما اكدر
-متانينة كلها تريد النيشان خل نخلص اول وتالي براسج.
دنكت راسي ودموعي تنزل على خدي حسيت باستحقار ما ادري ليش رفع راسي بيدة مسح دموعي
وطبع قبلة على راسي.
-لا تضعفين اريدج قوية اثبتي طهارتج السودتها امج واكسري عينها
باوعت بعيونة ماعرفت افسر نظراتة شبكت اصابعي اعصر بيهن ماحسيت بية من قبلني بادلتة ووو.
جان هادء وحذر كلش كل شوية يعتذر مني مسح دموعي وقبل راسي وباركلي لفلفت روحي عافني وطلع نزلت دموعي من سمعت امي تهلهل بصوت عالي...
باوعت بالغرفة بيها كأبة اختنكت فجاة وتذكرت خطيبي شحالي لو اليوم عرسي منة همجي قذر جان شسوة بية استغفرالله ما ادري ليش اجة على بالي فركت صدري اتنفس شوية ورجع طلعلي ملابس وساعدني.
كاعدة على السرير ببدلتي البيضة كلبت عيوني بالغرفة وتنهدت بقهر رحت للمراية اشوف شكلي برطمت شفتي صرت عروس شبسرعة مو جنت طفلة مكياج وبدلة وتسريحة وبركع شنو من هوسة فليت البركع من راسي وشمرتة بالكاع فتحت شعري بسرعة ماتعبني طلعت كلنس مرطب ومسحت المكياج.
انفتح الباب باوعتله بالمراية وجهها مكلوب كلاب لابس قاط اسود طالع كلش حلو نزع السترة وشمرها على السرير كعد مخلي راسة بيدة.
طلعت ملابس ودورت بالغرفة ماكو حمام اخذت ملابسي ورحت اريد افتح الباب اروح ابدل بالحمام جرني من ايدي بقوة فاتح عيونة السود على وسعهن
-شبيك ايدي
عتيت ايدي منة كوة تلمستها بيدي صايرة حمرة ردت احجي وسحبني من يم الباب وعاط بوجهي.
-وووين موووليية
-ابدل متشوف ملابسي بيدي
غمض عيونة استغفر ومسح جبينة باوعلي من رجلية لراسي هز راسة وانطاني كفاة.
-هسة اريد ابدل شلون يعني ابقى بالبدلة مو لعبت نفسي.
حجة طالعة روحة: -بدلي داير وجهي انة
-لا بلة تضحك علية بلة درت وجهك واني بعدني ممخلصة
-ما ادير شعندي دايرة فضيهااا بساعج
ردت ابدل واتراجعت ماكدر لو يطلع لو اروح للحمام كعدت على السرير كالبة خلقتي وملابسي بحضني
انمار: وتالي وياج ليش مابدلتي
-ما ما اطلع
-ووين اوولي موو ووكتتتج
-شبيك تصيح علية شسويتلك اني
راح للكنتور طلع ملابس الة حجة منطيني ضهرة
-بدلي بساعج ترة روح روحي طالعة.
عيبت علية ورحت للكنتور راح اختنك من ورة البدلة فتحتة وباوعت بية مجال ابدل بية بس البدلة جبيرة درت وجهي اله يباوعلي باستغراب.
-شوف دير وجهك راح انزع البدلة بس وبعدين ادخل بالكنتور ابدل براحتي تمام
رفعلي حاجبة ماعاجبة الوضع انطاني ضهرة وكال
-ديلا فضيهاا
ردت انزع البدلة ماتنزع مديت اي بيها سحابة مالحتها رحت صرت كدامة بدون ماحجي
-شتريدين
-شبيك افتحها.
سكت دقايق اسمع بس صوت نفسة العالي: -ديلا شنو السالفه افتحهااا خللينني ابدددل
حسيت ايده تمشي على ضهري فورا ابتعدت منة وجهي مصخن باوعتلة وجهاا احمر بسرعة نزعتها بعدة داير وجهها، دخلت بالكنتور بدلت وانكلبت على ضهري من ردت اطلع تكسرت شكد غبية منطية ضهري للباب.
-الله الله
-اي اخخخ غبية كسرت روحي مو هيج
-مابيج شي كومي
كومني كعدت على السرير اباوعله صاير كدامي يفتر يباوعلي ويدير وجهاا.
-دوختني شبيك.
-لا اله الا الله
-محمد رسول الله
صار مقابيلي كلش نفسه بوجهي رجعت ليورة ودفعتة من صدرة.
-شبيك شوية ابتعد عني
-امج ماحجت وياج
-حجينا هواااي تونست كون تضل وياي هنا لو اروح يمهاا الله
صافن بوجهي ابتعد وراح للكنتور نزرع قميصة وبقى يلعب بغراضة طلع موس شهكت وفتحت عيوني على وسعهن من جرح ايدة وطلع الدم ركضتلة ارجف لزمت ايدة اريد احجي ماكدر طلع قماشة بيضة مسح بيها الدم صحت بية بخوف.
-شددهاا راااح تمووت يمةة شلوون هيج شسويت ليش جرحت نفسك لييش
نتر ايدي منة بقيت صافنة علية بدل وطلع ورة شوية رجع طبگ الباب نزع قميصة ايدة تجري دم طلع لفاف ومعقم ضمد الجرح بقيت جامدة بمكاني اباوعله سحبني من ايدي وكعدني على السرير وكعد بصفي فاتح عيونة بعصبية مسح على لحيتة وحجة بصوت ناصي.
-اذا سألوج كولي كلشي زين خوش
-اي خوش.
-اي واحد يسألج اليوم باجر ورة شهر عن اي شي يخصنا احنا الاثنين لاتجاوبين حتى لو امج
-ليش يعني ما اجاوب امي اذا سالتني
-اذا سالتج عن علاقتنة لاتصيرين ثولة افتحي عقلج
باوعت بوجهة ممفتهمة قصدة نتر بية بعصبية
-فاااهيية
-انتتت الفااهي مو ااانيي
-خرررب ررروحج اشتتتعلتي
- هاااي عليية
-لا على ابوي الكوا
بقيت فاتحة عيوني واباوعلة شبية هذا هيج عصبي راح ينفجر بوجهي شرايينة بارزات بشكل مو طبيعي.
انمار: -راح تكعدين بهاي الحجرة إلى هي حجرتي تمشين على قواعد مو شلون ماجان
-هااا
-غراضي لا تتكربين الهن لو شيصير ديربالج تدنين الهن حدج خانتج خوش
-خوش
-لبسج تبدلينة البسي دشاديش عراض شوية مو بجامة طافرة وحاصرتج حصر
-يااا بس بالغرفة
-حتى لو بالغرفة لبسج انتبهي اله مو كاعدة وحيدج مثل كبل وابوي وعمامي لاتختلطين بيهم مفهوم
-اي حتى اني ماحبهم
-ولا هما يحبونج بعد الصار
غمضت عيوني وذبيت نفس.
-لا تعانديني تعيشين بسلام لا والله تكسرين جلمتي تشوفين كبالج الشيطان الرجيم فضولية لاتصيرين على كلشي تسالين وعقل الجهال بدلية
هزيت ايدي وكمت من يمة ماعاجبني كلامة جرني من ايدي ورجعني لمكاني مسح على متني بعصبية مكتومة.
-ااانة شكلتتتت
-هواي كلت
-خلصتتتتت حجييي حتى تكوومين
بلعت ريكي خايفة منة شكلة يخوف حجيت بتوتر
-اسفة شبيك
-ثاني مررة احتررمي منن اخلص الا تمشين
-اي.
-حجي ممنوع تحجين شلونة انمار وياج غير سوالف ممننننوع تنسوولف بس كولي زين غراضيي عووفيهن بحالهن الغرفة حافضي على ترتيبها ما اريدها وصخة وما اريد منج شي، رايدة مني شي
-لا
عافني وطلع بقيت بمكاني صافنة بالفضاء دورت عيوني بالغرفة ترتيبها كلش حلو مابيها الوان هواي ولابيها مزهريات و ورد حتى نشرة مابيها عكس غرفة فارس بس الصاحة هاي احلى شوية هادئة احسها.
درت وجهي للباب دخل بيدة صينية اكل نزلها بالكاع واشرلي اجي كعدت مقابيلة الصينية مليانة اكل اباوعلة ياكل بشراهية يسوي الخبزة قسمين ابتسمت على شكلة يشهي رفع عيونة خازرني.
-لهدرجة انة حلو مادريت
-اممم لا مو لهدرجة
-اي مبين اكلي لاتضلين فااهية
تنهدت بعصبية واكلت شوية شبعت بسرعة عفتة ياكل ورحت للبلازما ماعرف شلون اشغلها اجيبها منا واردها منا.
-لاتخربينهاا هساع اشغلها
ردت اطلع وصاح بية
-ووويننن.
خزرتة وحجيت بعصبية: -ااارريد اطلع شلوون بلة شنوو سجننن كل ما ارريد اطلع وصحتت بيية وووين
شال الصينية واجة باتجاهي دفعني بيدة وطلع سد الباب وراة افتح بية ماينفتح ضربت رجلي بالكاع حقير قفلة شنو يريد يحبسني هنا دخل ورجع قفلة كتفت ادية خازرتة.
-شبييك انتت ليش قافل البابب اريد اطلع اشوف امي اخوتي شلون ابقى هنا اليوم كلة
ماجاوبني وراح للكنتور رحت وراه صايرة نار جريتة من ايدي وعطت بية.
-مووو احجيي وياااك متسممع لييش تغلس افتح الباب
-راسييي سطرتيةةة وتااالي ويااج وتاالي بس هذاا الاسبوع عديةة على خيير وبعدهااا ناااميي بالشاررع مالي غرض بيج
-وشمعنى هذا الاسبوع
-عررساان صخمااان مايصيررر
تنهدت بقهر ورجعت العب بالبلازما اشغل بيها بعدني بيدة وشغل النقطة خلاة على سبيستون ورجع لمكانة.
-ترة اني مو طفلة مطلعلي قناة الجهال
-خوش
-اي خوش لاعبالك.
كعدت اكلب مابية قنوات حلوة كلها اخبار وقنوات اجنبية رجعتة على سبيستون وضليت اتابع افلام كارتون طالع لوفي المطاط تمددت بمكاني واندمجت ميتة ضحك ايدة توصل مسافات بعد مطاط، صارت بالعشرة واني من فلم لفلم اجة تمددت بصفي مخلي مسافة تفصلنة منطيني ضهرة حسيتة غفة خفت الغرفة ضلمة والبلازما مشتغلة ماكدرت اطفيها اخاف ندستة بيدي.
-انهار انهار
-همم هممم
-كوم شبيك
-شتريدين
-طفي التلفزيون وطلعني للحمام.
-روحي اطلعي الطابق فارغ هساع
-ما اخاف شبيك الدنيا صايرة سودة
-حياتي سودة مو الدنيا
-كوومم
ذب الغطة وكام كوة عنة طفة البلازما وطلع وياي
-مو تعوفني اوكفلي
-روحي فضيها
رحت ارركض استخدمت الحمام ورجعت بسرعة
-بعد شتريدين فضيها
-اريد مي
راد ينزل وجلبت بية
-وين؟
-اجيبلج ماي وين يعني
-اجي وياك
خزرني بمعنى يكلي لابلة: -اخاف شبيك تبقيني وحدي
-ديلا امشي
نزلت مجلبة بيدة شربت مي واخذ صلاحية وياة.
سمعت صوت وراي ردت التفتت وحضني مخليني كدامة ماشفت منو ورانة.
-شعدكم
انمار: -سلامتك
-عاار الله ياخذك ورة امك
سحلني من ايدي للغرفة دفعني وسد الباب من ورة بقيت جامدة منو هذا الحجة وشيقصد خليت ايدي على كلبي من سمعت صوت تكسير فتحت الباب ردت مايتفتح باوعت بالغرفة تخوف شبة ضلمة كمت اطگطگ بمكاني رحت للزاوية كعدت وخليت اصابعي بذاناتي.
مر وقت كلش هواي صار يتخيلي اشباح والعياذ بالله متت خوف صرت ارجف ضميت راسي بحضني ودموعي تنزل فزيت وشهگت بصوت عالي من انطبگ الباب بقوة خيالة گدامي رحتلة ارجف صرت يمة نفسة عالي لزمت ايدة ترجف.
-انمار انهار
-وياج
-شبيك ليش ترجف
-نامي روحي
-شغل الضوة اخاف
-تؤ
-لا شغلة خل اشوفك
اخذني من ايدي يرجف واني ارجف وياه كعدني على السرير.
-نامي
تمددت بمكاني غطاني واختفى
-وينك
-يمج
-تعال نام غرفتك تخوف مو مثل غرفتي القديمه.
-كلنة نخوف مو بس غرفنا
-شبيك لاتخوفني
-نامي
-تعال يمي
حسيتة قريب مني تلمست المكان صارت ايدي على رجلة.
-منو هذا الحجة وياك
-واحد حقير
-منو
-شايل حقارة الكون كلة
-شسمة
-هو العار
-شبيك احجي منو
-نامي انة شكتلج مو كلت لاتساليني وكلتي خوش
-لا مو خوش. سمعت صوت تكسير شنو هذا؟
-نامي
-مو تعوفني وحدي ترة اكو جني ياخذني لجهاله
-روحي وياة اذا اجاج ابد لاتضلين هنا
-تريدني اروح وي الجنييي صددك!
-اي روحي شعندج ضالة هنا روحي احسلج
غطاني عدل وصار يدك علية يردني انام وفعلا نمت وكعدت مفزوعة على صوتة.
-عووفهاااا لااا عووفوهااا مااا مسووية شييي ليششش لااااااااااا
اضرب على خدة اريدة يصحة دمي جمد يتحلم شغلت الضوة ورجعت اكعد بية.
-كووم كووم حلم مو صدك كوم
باوعلي مطگگ عيونة خفت من شكلة صافن علية
-انتي منين
-شبيك انهار البارحة تزوجنة وفتحت السحاب مالت البدلة بيدك
لزمني من ايدي مقربني علية بلعت العافية.
-سويتلج شي
-اي اي
-شسويت كولي
-شغلتلي البلازمة ودرتة على سبيستون
ابتعد مني يمسح بوجهة ويرجع يباوعلي يتنفس بصوت عالي ويحجي وي نفسة كلام ممفهوم
-مريض انت
-عوفيني
-ممسويتلك شي
-ما اريد واحد يسويلي شي
باوعلي وطلع من الغرفة بقيت بصدمتي شبية هذا مو جان حباب شبسرعة گلب بعدنة بسم الله ضليت احوس بالغرفة رجعت لمكاني صافنة وافكر بحضي المصخم وين اوصل بية غفيت على كعدتي.
فزيت من اندك الباب بقوة ردت اكوم وصار كدامي راح يفتحة فتحت حلكي هذا شجابة مو طلع البارحه يمتها رجع المنشفة على صدرة بدون قميص بس بجامة لابس فتح الباب مطلع بس راسة.
-خير
-الففف مبررروك شاايف كل الخيييرر اجينه نبارك الكم شني ماتستقبلني
فتحت عيوني على وسعهن معقولة لو جاي اتخيل هذا صوت التفات شجابها اندفع الباب رادت تدخل وانمار صار بوجهها ماخلاها...
انمار: -الوضع مايسمح ملابسنة مطشرة بالكاع من نلبس عود باركي براحتج
سد الباب بوجهها بقيت بوضع الصدمة اباوع بالكاع ماكو ملابس.
-ليش تجذب وينها الملابس
-كومي بدلي وروحي اسبحي
-ابدل وبعدين اسبح شبيك انت مخبل
دار وجهة خازرني سكتت وحجيت بصوت ناصي
-لو واحد يسبح لو يبدل مو ثنينهن
-جا كومي اسبحي احسن
-من الصبح اسبح لا والله
-وجعة من الله جا شلون هسة شيكولون كومي بساعج.
-هسة انت شعليك بية سبحت بالعافية عليك اني ما اسبح الصبح مو زين اغسل وجهي بية حيل
راح للكنتور عبالي يطلعلة ملابس طلع ملابسي وجرني من ايدي.
-يا شبيك
-كومي اسبحي ماطول بعدهم مخمودين
ردت احجي مانطاني مجال اخذني للحمام بتراكي محد جان موجود الممر فارغ دخلني الحمام وعلك ملابسي وجهي اشتعل نار مطلعلي ملابس كاملة
-من تخلصين لفي راسج وركبتج وطگيها ركضة مو تمشين جنج سلحفاة.
طبك الباب بعدني حتى مامصحصحة متت من الحركة شدخلة بيه حتى ملابس يطلعلي ماصارت هيج سبحت ولبست فستان ابيض بية ورد وردي و من جوة كلوش كلش حلو لفيت شعري مثل مكلي وفتحت الباب دورت عيوني بالمكان فارغ طكيتها ركضة لغرفتي سديت الباب فحطانة.
-ماصارت هاي
انمار: -شنية
-كل واحد علية بروحة اسبح ما اسبح شدخلك بية هسة اني كتلك على شي بعدني بنومتي شمرتني بالحمام
داير وجهة يمشط شعرة رش عطر.
-كل يومية تسبحين الصبح مو اضل اعلم بيج
-الا الصبح
-اي سبحة الصبح الها سمعة خاصة
-شلون
-بعدين اشرحلج بس المفروض تعرفينها
-ليش مو هسة
-شعجب امج ماعلمتج
-كلشي اعرف اني لا عبالك
-ها خوش يلة كملي خل ننزل
ذبيت المنشفة من راسي طلعت جديدة نشفت شعري ورحت ادور بالزيوت تاهت علية الزيوت من المرطبات والغسولات شكد امي مامخلية شي ماجايبتة.
-اكلك وين الزيت
-هذا.
اشرلي على واحد اخذتة خليت منه وكعدت بالكاع على ركبي خليت شعري ليكدام امشط بية بعدني بالبداية وفحطت شعري ثخين كلش وطويل ما اكدرلة وحدي.
-حباب حبوبي مشط شعري بطريقك
-انت مشطية ما ماشي انة مكابلج وكاعد
-ياا شبيك والله هواي ترة ما اكدر
-شوية شوية تخلصين
-هسه انمونة شصار عليك لو مشطتني قابل يطير نصك
-بالضبط
-طلعت حقير عبالي حباب
-صح تعودي محد يبرالج مو جانت امج تمشطة وهسة عافتج
-ما عافتني.
خنگتني العبرة كمت من مكاني صرت بسد الكنتور كعدت امشط ودموعي تنزل امسح بيهن وماكو
-ليش تبجين احجي من مصلحتج محد دايم للثاني
-روح منا
-جيبي امشطلج
-ما اريد هسة انزل لامي
جر المشط من ايدي جريتة منة ودموعي تنزل
-ما جيبة
-مو قصدي لاتصيرين حساسة
لفيت شعري كبة وفتت من عندة سحبني من ايدي وكعدني على السرير...
-ما ارريدك تساعدني
-اسسسسسس
كعدت ساكتة مبوزة شفتي خنگتني العبرة وهذا يمشط على كيف
-جاي دغدغني ترة مو هيج.
-هاا مو اخاف يتكطع
-لا لتخاف ميصير بية شي
جاي يمشط بية وانفتح الباب فتحت عيوني تباوعلنة وجهاا احمررر.
-التفات
التفات: -هاا ماعبالي سوى
انمار: -وهسة شفتينة سوى عرسان لازم نضل سوة وفهمج كفاية
التفات: -اي بالعافية عليكم شگايلة هسة
باوعتلها طالعة روحي شكد اكرها واكرة نضراتها القذرة لانمار اول ماشفتها عرفتها تحبة حتى مجنت اعرف اسمة.
-التفات: بعد شتريدين حتى شعرج يمشطة حظوظ.
انمار: -قل اعوذ برب الفلق اطلعي وسدي الباب وراج بلا زحمه
التفات: -لاتخاف ما احسد عيني باردة
انمار: -مبين
التفات: -اي شلونج نوف خو ما اذاج نمر البارحة كولي لا تستحين خاف تنزفين حتى اساعدج
باوعتلها صفح شكاعد تحجي هاي استغفر الله
انمار: -لا تخافين عليها واطلعي برة
التفات: -ترة انة اخت العروس شبيك ماعندك ذوق
انمار: -عفتة الج ياصاحبة الذوق الرفيع.
التفات: -اي والله انة صاحبة ذوق بس انت الماعندك جاي اباركلكم وتطرد بية
انمار: من ننزل باركي حالج حالهم وهسة عوفينة عدنا شغل
بقت تباوع بالغرفة عيوني عليها حسيت شي بركبتي يبزز درت وجهي مخلي راسة برگبتي ويعض خفيف وجهي اشتعل نار شبية هذا انجلب علية انوب كام يعض انطبگ الباب وخر مني.
-شبيك ليش هيج تسوي محاجيتك
-جانت دودة تمشي على ركبتج واخذتها بسنوني
-ضحكتني شبيك انت صاحي
-وعلي لا
-يلا ماكملت شطلعت هاي.
-شسويلج اذا شعرج شطولة
-شكد اكرهااا
-حرام عليج اكو ناس تتمناة احسن هسة لو صلعة
-لا يمة اسم الله صلعة شطلع
-بيضة سلك
-الله اليستر استغفر الله بعد احبة
-هذا هو المطلوب
لفاة وبقيت لازمتة جابلي غراصة صغيرة ثبتة بية المشكلة متعودة على الضفيرة لبست شالي وخليت عطر.
-خلي حمرة كحلة.
اخذت قلم كحل خطيت عيوني وخليت حمرة طوووخ وخليت مورد لخدودي طلعت توب مايحتاج اخلي شي بعد بشرتي بيضة وحواجبي من حفيتهن طلعن يخبلن هنا سود.
: -يلا
تقرب مني ولزم شفتي بيدة مرر اصبعة
-صوجي كتلج عاار
ايدة صارت حمرة باوعت للمرايا باقي اثر حمرة كلش قليل هزيت ايدي شبية هذا بس مو صوجة صوجي اني امشي بكلامة نزلنة سوى بعدنا على الدرج ولزم ايدي.
-ابتسمي
-ابتسمت.
-اي شي صار بالحجرة يضل بيها لا ام ولا اخو ولا اي كائن من كان يدري شيصير لاتحجين اي شي واكثر شي تجاوبين علية زينين الحمدلله خوش
-خوش
نفخت بملل كل شوية وعايد هالكليشة حفضتها هسة شبيها الحجرة لو شيصير بيها تنزل مركبات فضائية تالي الليل اشو كلشي ماشفت بيها.
نزلنا واشتغلت الهلاهل كلها باركتلنة ماعدا عمي فايز كالب خلقتة يريد يحرگنة همست بصوت ناصي.
-شبية ابوك ضايج
-معليج بية
-احسه يريد يكغخني.
-حتى اهجم البيت على راسهم
-واوو لهدرجة تخاف علية
-اممم لا
-لعد ليش مخليتهم يأذوني بيت حمزة وعقدت علية وهنا من طلعت للبستان ماخليتهم يسوولي شي
-لانج باسمي صرتي
-وقبل لا اصير باسمك هم ساعدتني
-لو ما عاقد عليج هسة انتي مدفونة يم علي
لزمتني الضحكة سديت حلكي بيدي
-عاااع لا تبالغ مو لهدرجة علمود كلام وصور يقتلوني تحجي صدك لو تشاقة
-يا ريتني اتشاقة اخخخخ اخ
-شبيك
-كلهن.
جدة نوة: -ولكم دبسكم ماشبعتو سوالف ما دكولون وادم موجوده
فايز: -طايحين حظ شتترجين منهم ياهو بيهم خير
انمار: -لا تشمررر بالحجييييي
فايز: -اهم شي اعصابك وليدي الغالي صحتك حافظ عليها لن محد يفيدك غيرهاا
انمار: -حجي زايد لا تحجي
فايز: تأمرني امر شبيك لبيك كلني بين اديك
جدة نوة: -شمالكم تتناكرون مو هيضناكم يلا بسكم خلينة فرحانين بيكم وببنياتنة بيضن وجوهنا
فايز: -بخدمتج حجية هسة انة شحجيت كلشي ماكو.
عائشة: -بسك عاد مامليت
فايز: -ما امل ابدددد بس مرات اغلس
تغير حال انمار صار وجهاا احمرر وشرايينة برزت طلع فورا بعد ماشفتة رحت يم البنات وطرت فرح من شفت شروق تسالمنة سلام حااار و باركت لسفانة صايرة تخبل بس كلش مستحية.
سجى: -شمالج ولج سفينة راح تموتين هاي الفرخة مو وياج مو مثلج
سفانة: هاا لا عادي مامستحية شبية
سجى: -حبي اخذي راحتج ترة احنا مو فااارس هههه
رغد: صارت تشوفنة كلنة فارس
سجى: -اضنها ولج.
سفانة: -بنات شبيجن
سجى: -شحم ولحم ودم كلشي بينة بس انتي شبيج
اموووح
رغد: -ها ولجن شخبار العرس غلستن عنا
سجى: -فاسقة
.
رغد: -لا ولج مو هيج قصدي شبيج لاتشيلين ذنبي
سجى: -نوف تسولفنة هاي سفانة كلشي مايطلع منها
نوف: -شسولف
سجى: شلونكم ما لونكم
نوف: ؛ زينين
رغد: شوفي زينين
التفات: قصدها خو ما متأذية يوجعج شي حتى انطيج حباية تهدئج
نوف: -ما اريد شكرا
التفات: -الضاهر جان رقيق، وياج بس لا عبالج ترة بس بالبداية.
سجى: -هااا هاا شو انتي طلعتي على الترابي مو هيج كالوها
التفات: -شحجينة خية المفروض هي تسولف مو نجرجر بيها ماصارت هاي
سجى: سدن السالفة بناات نرجع نحجي بالدراسة
كعدت بصف شروق والتفات تخوزر بية شوية ودخلت اسراء كالبة خلقتها كملت السبحة ردت اطلع وجذبني حديث رغد.
رغد: راح اقدم تخدير بس كون يقبلوني
سجى: -ما اضن قدمي تحليلات يقبلونج
رغد: -كلشي اقدم وشيطلع من الله نعمة الله وانتي شدقدمين.
سجى: -انكلووز بويااي بعد كلة انكليزي how، things، master اويلي عليك يالبالي شكدد غثيث
رغد: -احمم خوش ست شايفة الخير
سجى: thank you
رغد: -هلو هلو اكلج نوف صدك داومين لا
نوف: -اي اداوم
رغد: -خير ان شاءلله
التفات: -هههههااااايييييي تكمل دراسة ههههه باااح مااكو دراسة ماعدنة بت تتزوج وتدرس سلميلي على القرطاسية بعد صرتي ربت بيت حالج حال جدة نوة
نوف: -نشوف
متت حركة من حركاتها المستفزة عفتهن ورحت وي هدى وشروق.
هدى: -تعالن اراويجن السوار الجابلياه عباس
شروق: -والله عباس كله هدايا بعد شتريدين
هدى: -خطية كبل لايلتحق اشترالياه كال خلية ذكرى مني
طلعت سوار بسيط يلمع طايرة بية فرح كل شوية وضامتة لصدرها
نوف: -صار عندي فضول اشوف عباس
هدى: -من يجي اعرفج علية كلش حباب
شروق: -وردة ماكو منة، اكلجن وين زهراء شو ماكو
هدى: -بحجرتها
شروق: -بعدها على حالتهاا
هدى: -شنسوي مايفيد وياها الحجي عفناها براحتها.
دخلنة لغرفة بيها بنية شابة بكدي كاعدة بالكاع وترسم سلمنة عليها ردت السلام ورجعت تكمل رسمتها كعدت يمها اشوفها شنو ترسم...
سلاح رياجيل هواي دم تارس الكاع طفل فاتح حلكة يصرخ امراة مقتولة على وجهها ابتسامة عيوني دمعت واني اتخيل هالمشهد حقيقة.
-مبدعة شلون رسمتية
زهراء: موش انة الرسمتة
-لعد
-لكيتها حلوة اريد ارسم مثلها
-هاا.
مندمجة وي لوحتها ولا كانة موجودين شوية وطلعنا رحت صبو الغدة رحت صليت وتغديت وي امي وشروق.
-ماما شلون بدراستي
-ماعليها شي لاتخافين تنقلين
-شوكت ترجعين
-بعدني
-خل نرجع سوى للبيت ما اريد ابقى هنا خل نرجع مثل قبل تذكرين ماما من جنتي ترزليني بعدين تصالحيني لو تصيحين علية اسبح وتمشطين شعري
اخذيني وياج لا تعوفيني حبابة هنا مو مثل غاد مامرتاحة.
-مايصير عمري انتي لاكل شوية وتذكرتينة وكلتي نرجع مثل كبل كبل راح وبعد مايرجع عيشي من جديد وي ناس جديدين بعد انتي تزوجتي وصرتي مسؤؤلة عن زوج وباجر اطفال لا تحنين وتونين ماكو شي يريد احنا ولد اليوم عيشي اليوم وي رجلج انسينة
-ما اكدر شلون انساكم غير انتو اهلي. من عفتكم مارتاحيت ابدد
-ان شاءلله ترتاحين بس كولي يا الله
-يا الله
-يلة اني انزل جوة ضلي بغرفتج.
طلعت ونزلت دموعي تمنيتها تكلي اي وتاخذني وياها ماجاي احس بالراحة احس بالحزن بكل زواية الغرفة كاعدة وحدي ماعرف ليش مايصير يبقن يمي البنات من سالتهن كالن لان عروس...
شغلت البلازما وكعدت على افلام كاررتون ماحسيت على روحي من غفيت كعدت جسمي مكسر كل ضني الدنيا العصر وخرت البردة الدنيا ليل لعد شكد مر وقت من نمت شنو سالفتهم ليش محد كعدني.
شهگت بصوت من شفت الساعة بالوحدة ونص معقولة نمت كل هذا الوقت لعد انمار وين لحد هسه ماكو لزمت راسي موتني جسمي تعبان نحلانة كلش.
بطني صارت تصوفر ردت انزل بس خفت اخير شي نزلت البيت اضلم وسنوني تضارب من الخوف شنزلني لو باقية بجوعتي احسنلي واخيرا وصلت للمطبخ دورت بالثلاجة ماعجبني البيها طلعت بتيتة وكعدت اكشر واحجي وي نفسي حتى لا اخاف.
-شوصلني لهنا من بغداد للناصرية اوووفف بعيدة.
هسة عود صدك الصار شنو هاي الخربطة انخطبت لعادل بعدين لانهار وتزوجت هففف هسة وين راح عايفني وحدي مو كتلة اخاف ابقى بغرفتك.
-هسة تلكينة من حضن الحضن حتى عندة خلفة زنا مثلة العاارر.