رواية بنت الشيطان الجزء الثالث للكاتبة رحمة نبيل كاملة
لو فاكرين ان العيله دي جابت آخرها في الجنون يبقي غلطانين لو فاكرين ان الحياه بقت وردي واشطا يبقي متعرفوش جنان دانه ولا جربتوا سمر في لحظات جنانها لو مفكرين نور بقت عاقله يبقي اقولكم اللي جاي هيغير رأيكم لو فاكرين ان خالد هيتعدل يبقي مقرأتوش النوفيلا دي عشان في النوفيلا ده هنشوف ان عيله مالك لسه مجابتش آخرها في الجنون
عايزين تعرفوا آخرهم ومشاكستهم وحياتهم اللي هنبدأ تزيد اثاره وجنون يبقي تابعوا معايا
نوفيلا: اخر مراحل الجنون (بنت الشيطان الجزء الثالث)
تقديم
طب سؤال تعرفوا دانه
أكيد تعرفوها صح طب تعرفوا جنونها اكيد تعرفوه صح؟
احب اقولكم تؤ تؤ لسه مشفتوش دانه اللي بجد خصوصا لما تلمح طرف حاجه مؤنثه بتحوم حول زوجها العزيز هنا بقي بنشوف وحش ياشباب طب سمر
مالها
فاكرين ابله سمر او ميس سمر عشان متتعصبش
آه طبعا فاكرينها مالها يعني
اسكتوا مش سمر ربنا كرمها وبقت مجنونه
ايه ده لحظه بس مهي سمر مجنونه دايما ايه الجديد
لا ما هي الله اكبر وسعت النشاط وانتشرت في العيله كلها وبقت عالميه اه والله دخلت على الجيل الثالث.
مالك او الشيطان
ماله حبيب الملايين
لو فاكرين انكم شوفتوا الشيطان قبل كده مع اعداءه فأنتم مشفتوش الشيطان في يوم تجمع العيله في في لحظه الخناقة المميزه بين الكل والجنون في اعلي مراحله.
ليث
حلو الملامح ابو رمش سايح
ايون هو اسكتوا مش ربنا كرمه واتجوز من البت دانه وجاب قردين توأم اسود من دانه وعبده في أيامهم اه والله زي مابقول كده
عبده
باشا قلبنا كلنا ماله
عبده ده بقي ربنا بيرد فيه كل اللي عمله في نور من خلال ثلاث أشياء صغيره تسمي زياد واياد وبنته القرده ملاك ومراته الهبله رحمة ومرتبه بيتسحب دون أن يشعر منه في تصليح الحجات.
خالد
ماله اوعي تقولي هو التاني اتغير وربنا هداه
لا يا عم استغفر الله هو لسه زي ماهو مشافش ساعه تربيه هو ومراته الهبله اللي كل كلمه تبقي سحاحه وتنزل عياط وبناته اللي طلعوا اسود منه هو وابوه في ساعه واحده ديما الكبيره وريما الصغيره مشروع غوازي مستقبلي إنما ايه هيهز شارع الهرم.
طب مراد
البارد ده عارفينه ماله ده
لا عادي ده لسه بارد زي ما هو إلا مع حبيبه قلبه ودلوعه مراد روجي وابنهم البارد اللي شلل سمر على ايده اللي اسمه حازم.
حسام
طائر الليل الحزين ايوه عارفينه ماله ده
مش ربنا كرمه واتجن اه والله كله بسبب تالا بنته وابنه المزغود ومراته اللي دماغها لسعت على كبر.
غيث
الملاك الطاهر الهادي؟
ايوه هو بالضبط ده الحمدلله ربنا كرمه واتجوز البت نرمين اللي بتعمل نفسها هبله ومن بنها وخلفوا عيل صغير مزغود كده ربنا يخليه يارب.
ادم
معشوق الجماهير
الله ينور عليكم ده ربنا بقي كرمه اخر كرم وكتب على البت رحيل اللي كانت مع رحمه في الملجأ فاكرينها صح.
أسد وجميله
لا دول مش محتاجه تقولي عنهم حاجه باين أساسا من الاسم تحسيه مسلسل تركي.
طب مازن وساره
اه الناس اللي بتحب على نفسها دي عارفينها.
عمر وجنه
دول عسلات بقي والله.
كل دول قصص هنعيشها مع بعض بكل جنونها ومشاكستهم وبلاويهم هنشوف مصايب من العيار التقيل ساعات هنقضيها في الضحك معاهم والمرح ونشوف العيله بنت المجنونه هتجيب آخرها ولا لا في آخر مراحل الجنون والعشق اللي خرج عن التقاليد فرغم مرور السنين الحب منقصش ولو بمقدار ذره وآحده بل بالعكس زاد وزاد حتى كاد يفيض.
فصول رواية بنت الشيطان الجزء الثالث
- رواية بنت الشيطان الجزء الثالث للكاتبة رحمة نبيل الفصل الأول
- رواية بنت الشيطان الجزء الثالث للكاتبة رحمة نبيل الفصل الثاني
- رواية بنت الشيطان الجزء الثالث للكاتبة رحمة نبيل الفصل الثالث
- رواية بنت الشيطان الجزء الثالث للكاتبة رحمة نبيل الفصل الرابع
- رواية بنت الشيطان الجزء الثالث للكاتبة رحمة نبيل الفصل الخامس
- رواية بنت الشيطان الجزء الثالث للكاتبة رحمة نبيل الفصل السادس
- رواية بنت الشيطان الجزء الثالث للكاتبة رحمة نبيل الفصل السابع
- رواية بنت الشيطان الجزء الثالث للكاتبة رحمة نبيل الفصل الثامن
...باقي الفصول اتباعا كل يوم فصل