رواية المنجمة للكاتبة كفاية كاظم الفصل العشرون
الو منو وياي
انتي زوجة ضرغام الجديدة
اي انتي منو
اني زوجتة الثالثة مبروك عليج صرتي الرابعة
ضحكت ضحكة بصوت عالي زرفت طبلة اذني بعدت التليفون عن اذني منزعجة لازالت تضحك اجتها هستريا ضحك كحت بصوت عالي وتحركت تشرب مي مانطقت ولابحرف بقيت ساكتة بس استمع رجعت تحجي.
عروستنا وياي انتي
نيزك: امممم
شبيج انصدمتي مو حقج والله ها لو تعرفين بالموضوع وما انصدمتي.
كمت من مكاني كلبي يفور اريد افلش التليفون وادوس علية برجلي بس استحملت دقايق اسمعلها
شوفي عيني ضرغام يتنفس نسوان فلوس جواة يمشي ويتزوج التعجبة الا ان سواهن اربعة عبالي اني اسيطر واختمهن لان جميلة بشكل ماشاء الله علية وهو مااااات مااات بس حتى يتزوجني بس الضاهر شافج وحب يغير المهم اني ماعندي مشكلة يروح ويرجع قابل يطير استمتعي بهاي الايام انتي وياة لان جايتكم.
لساني ثكل واحس اذني بيها وشواش اريد بس احجي سدت الاتصال وكع الموبايل وخر، من ايدي بعد مابية حيل قوتي خرت رمشت بعيوني اريد استوعب، ماكدر معقولة متزوج تلاثة واني الرابعة شلون يسوويها ويخدعني بهاي الطريقة الرخصية شلووووون.
بقيت على كعدتي ماتحركت ولا شوية عقلي جمد اريد استوعب ماكدر اباوع للتليفون بالكاع بلكت تتصل وتكول مقلب لو مخربطة بس ماصار.
شايل امير يضحك ويضحك بية ويبوس مشترين اشكال شافني بهتت ملامحة نزل امير بالكاع راح يلعب اجاني يركض ملهوف وخايف لزم وجهي بايدة رفعت عيوني اباوع بوجهة بجمود حرك راسي يسالني.
ضرغام: بيج شي كولي احد حاجاج؟
هزيت راسي وعيوني بوجهة دفعت ايدة استغرب اكثر بخوف سال.
ضرغام: شبيج كولي شبيج فدوه راح يوكف گلبي عليج.
كمت من مكاني اضحك بصوت عالي ودموعي نزلن شمرت التلفون برجلي علية انتبهلة فتح عيونة دنك علية رفعة يتفحص بية ابتعدت امشي بعيد عني ماكدر احجي اختنكت وصلت للسيارة خليت راسي عليها بس اريد اتنفس احس راح اموت.
سحبني من، ضهري بقوة دفعتة اضرب بية بعشوائية قيد ايدة لازمهن بقوة ثبتني موكفني بالكاع خليت عيوني بعيونة ودموعي تنزل بس منظري ثابت حجيت بهدوء.
نيزك: متزوج قبلي تلاثة ليش اتزوجتني؟
الرابعة اني اصير الرابعة!
شفتني رخصية ماعندي اهل ولا احد يطلع وراي عمي يريد يكتلني كلت هاي هي اعقد عليها هم احميها من عمها وهم اتونس وياها مرة وبلاش
ماعدها احد اخدعها بشكم كلامة وابقيها وياي للونسة؟ رخيصة لهدرجة شفتني؟ جاوبني يلا بعد ما اسمعلك اني بس هسة خلال هالكم دقيقة اباوع بوجهك بس.
خلة ايدة على حلكي يرجف وعيونة صارت دممم
ضرغام: مو رخصية والله اغلى شي تشوفة عيني هو انتي حبيتج اني حبيتج.
دفعت ايدة اضحك بصوت عالي باستهزاء كتلة
انت تحب النسوان كلها شكو حلوة تحبها ها وحتى المو حلوة اي بعد كمل جذب صرت تضحك لان انكشفت
يلزم بوجهي واني ادفع بية حصرني على السيارة صار كدامي منعني اتحرك مدنك راسة يحاجيني.
ضرغام: بالماضي متزوج وجانن على ذمتي هسة بس انتي على ذمتي طلكتهن والله طلكتهن اول ماعقدت عليج لان قررت ابلش وياج اخذتج بس انتي واعترفت بيج كدام العالم كلهن بالسر اخذتهن على كد الفراش ماحبيت اني بس انتي حبيتج
دفعتة اضرب بية واصيح بحركة
نيزك: لاتجذب انكشفتتتتتت بعد انكشفتتتتتت
انت اهم شي عندك الفراش اني هم هيج رررردتني واني اكول نيتة صافية ويحبني طلعت لان انعجبت بشكلي هاي عيوني نعجبت بيها ماحبيتها.
لطمتهن بيدي تخبل بكد ما لازم ادية قوي احسهن تكسرن بية ادفع بية بس اريدة يعوفني مايعوفني لعبت نفسي منة مجلب بية يصيح.
ضرغام: تخبلتي كاااااافي لج كااافي افهمج كلشي بالدليل اراويج كلشيييي بس لاتتخبلين
نيزك: ماريد اشوووف شي كرهتتتك خدعتنييي تحلم اباوع بشكلكككك.
فتح عيونة بقوة خفت من نظرتة صار شكلة يخوف هز راسة ابتعد مني شوية لزمت گلبي اتنفس سريع احس كلبي راح يوكف فتح تليفونة يكلب بية خلاة مقابيل وجهي مسحت عيوني مغوشة بتركيز يلة قريت عقد طلاك سيد كلب الصورة هم عقد طلاك والثلاثة هم عقد طلاك كلهن سيد وبفترات زمنية مختلفة سد التليفون ايدة ترجف رجعة بجيبة واني اباوعلة بحقد لعبت نفسي منه.
ضرغام: لا تباوعيلي هيج.
كواكب حذرتني منك كالت اول ما اجينة للبيت اتقربي من كل الناس الا ضرغام هواي حذرتني بس اني غبية اكلها حباب
عضيت اصبعي بقوة
نيزك: مرتين ماسمعت منها، حذرتني من يوسف ومنك وث.
فرك شفتي بيدة مردة مرد بصوت عاااالي يصيح
ضرغام: لاتجيبين اسمة بلسااااااااااااانج
دفعتة اضرب، بية شفتي موتتني
نيزك: ثنينكم موووو كفوووو لا انت ولا هووو
ضرغام: لاتخليني ارررررتكب جررررريمة اسكتي ولج اسكتييييي لاتقاررررنيني وياة.
نيزك: ارتكب جريمة منو الازمكككككك منوووو
ابتعد عني يمسح وجهة راح ورجع من شافني حامية علية وايدي قابضتها اريد اضرب ابتعد خاف لا اضربة ومايسكتلي دار وجهة يصيح.
ضرغام: طلكتهن بعد بس انتي على ذمتي تفتهمين عقلج عقلج شغلية جنت متزوج بالسر وابو نسوان بس بطلت من عرفتج هاي مو اوراق طلاككككهن كدامج مجذب عليج بالماضي مالج حق بية.
نيزك: يا ماضي هذا واني عروس ابتسامتي على وجهي تخابرني وحدة تكلي اني زوجتة الثالثة انتي الرابعة راجعتلكم استمعتووووووو
ضرب رجلة بالكاع يلطم على راسة بصوت عالي يصيح ويتوعد بغضب.
ضرغام: اذا ما ادوووس على راسها بالقندرررة بنت الكلب ال بنت مطلكها مو شفتييي الورقة مالت الطلاكككك تجذب عليج
هزيت راسي وعفتة وراي اصيح علية صرنة فرجة للعالم من وراة.
نيزك: فشررر فشررر حتى فد مرة اطلعك من عيني.
اجة وراي يردم بالكاع ردم هسة يلا تاكدت هو عصبي لا والله فوك العصبي مخبل اعصاب هذا يريد يلزمني وانتر روحي منه يصيح بانفعال.
ضرغام: كواكب تدري، وشاهدة على الحجي تدري بكلشي وافقت لان تفهمت هذا ماااااضي ماضي.
خزرتة بقوة
نيزك: ماتسويها
ليش ماتسويها ليشششش هووووو شكو جنت متزوج طلكت مسويلج شي مأذيج بشي شكووووو
نيزك: لاتصييييح بوووووجهي كاااافي لاتصييييح
ضرب على رجلة بقوة بهدوء مصطنع يكلي.
ضرغام: بعد ما اصيح بس افهمي ولا تخرطين بكيفج
احتررررم نفسك ولا تكووول اخرررط
انييي الاخررررط والمسلتتتت ااني
رحت لامير خطية مصدوم من عركتنا باقي بمكانة بس يباوع هالولد ولا يرتاح خلصها عرك بعرك سحبتة من ايدة لا اكدر اشيلة ولا اكدر احجي فحطت فحطني ابو النسوان هذا فحطني.
رحت امشي اجاني بالسيارة يصيح اصعد صعدت ورة ولا باوعتلة حتى غراضنا بقت ورانا طار بينة يحجي واني ما احاجية.
لاتطلعينة من خشمي هو بس هذا الاسبوع وتبدي الهوسة
نيزك: بس هذا الاسبوع تتنونس ماشبعت ونسة من النسوان
يا نسووووووووووان
خليت ايدي على اذني وامير خنس بحضني خاتل سكتت راح يكلبها بينة بقة يسب ويفشر وساعة يبررر وساعة يتوعد للبنية الاتصلت بية واني ساكتة ولا كاني موجوده مل مني وصاح بجزع
ضرغام: موووو وياج وياج اني كو احجي وحديييي.
مارديت علية ضرب على الاستيرن قوي وصلنة بطلاع الروح نزلت اجمع ملابسي وهو من شافني هيج تخبل لزمهن من ايدي شمرهن رجعت اجمعهن بدون ما احجي شي ايدية يرجفن خلصت وهو واكف ايدة على خاصرتة لازمها فحطان يتنفس بصوت مسموع باوعتلة بجمود مال راسة وكال
ضرغام: وين رايحة
نيزك: اروح ما ابقة يمك من البداية مامعبرتني وحجيتلي الحقيقة عميت عيوني كلبي هذا بعد مايريدك.
ابتسم ودنك راسة ذب حسرة يهز براسة رفعة باوعلي عيونة حمر: عرفتك ما تضل چي يمك ارتاحيتك امشي اخذج
طلعنا من السليمانية لمحافظتنة السيارة هدوئ
امير نام رجعت راسي ليورة العب بشعر ابني عيوني تحركني وكلامها كل ما اتذكرة يشعوط گلبي لو ضحكتها تخليني املخ روحي بس اني ساكتة ودخلي مشتعل لو مفهمني من البداية
باوعتلة تحمحمت وحجيت.
نيزك: ما كلتلي من البداية مو احسن.
ضرغام: لا مو احسن ماتقبلين بية لو كتلج راح تكولين ابو نسوان عجبتة ياخذني يتونس بية واني ماعندي اهل لو باجر يرجع يتزوج علية ماتثقين لابية ولابكلامي والشك يدمرنا
وهسة
كل الافكر بية كلتية مثل ماجنت مفكر ومتوقع نكتيهن نكت
ماتعرف شنو شعوري ولا راح تعرف لان مراح تصير بمكاني ولايحترك كلبك مثلي
لا تسولفين بحرگان الگلب وانتي ما شفتي الاعيون العاشكها تريد تحرگني كلها حقد وكرة.
نيزك: تريدني اباوعلك بحب بعد السمعتة!
ضرغام: ولا راح تباوعيلي.
سكتت وهو ولا حجة بعد غمضت عيوني بقيت وي افكاري ضايعة اني ضايعة كلبي يكول شي وعقلي يكول شي ثاني اريد ابتعد عنة حتى ارتاح وافكر
ومن وصلنا كتلة.
اريد اشوف اختي
مارد علية عرفتة راح ياخذني الها اريدها تحجي شي تريحني ماعرف افكر هسة كلشي عندي تضارب هي بس تعرف توجهني للطريق الصحيح وتعرف شلون اتعامل وياة بعد الصار.
وصلنا لبيت دراهم عفت امير نايم ونزلت كلبي نقبض من شوفت بيتها دخلت بقيت بالكراج وصحت على كواكب ماكدرت ادخل شوية وطلعت دراهم بقت واكفة تباوعلي.
وين اختي
بالشغل
ماتكعد المن تشتغل اااخ
تعاي يمي تانيها
راحت دخلت، جوة بقيت بمكاني ماريد احجي وياها هسة تكشفلي بدون ما اكللها وتخليني اكل بروحي فوك ما اني مختبصة وتعبانة شوية ولحكتها بقيت واكفة بالباب اباوعلها.
دراهم: فوتي
اريد اروح رجلي بالباب.
لا تحقدين وتخلين الحقد يعمي عيونج
رادت تكمل خليت ايدي امنعها تكمل حجيت بتوتر وهي ضحكت: اني رايحة انتظرها برا.
طلعت ضرغام كاعد بالسيارة مخلي راسة على الستيرن ومغمض عيونة بقيت انتظر الدنيا الغروب صارت كل شوية اباوعلة ماتحرك من مكانة وامير نايم تعب من الطريق عيوني على الدرب احسب دقيقة دقيقة تجي فز كلبي وروحي من اجت بدراجتها وكفت كدام السيارة نزعت الخوذة ونزلت رحت اركض شمرت روحي عليها ابوس بيها وارجف باوعتلي بجمود تسألني.
شعندج جاية بهالوقت
نزلت دموعي وحجيت: اريد احجي وياج تعبانة.
سحبتني للكراج وكفت كدامي مكتفية ايديها اشرتلي تكلي: احجي يلا
بديت احجيلها كلشي واعبرلها عن مشاعري وحيرتي وضياعي راحت مسافة تفتر اني ابجي واحجي كتلها
: كليلي شسوي هذا خاف يكسر كلبي بعد ما احبة وانطية فرصة تعبت اني كافي علية يوسف وسلوان
وهسة انتي شتردين.
اريدج تكليلي شسوي ضرغام بعد ما اتقبلة صرت احسة متزوجني علمود يتونس وتالي من احبة يطلكني مثل ما طلكهن سهلة عندة السالفة يتزوج ويتطلك بسرعة يتخطى شلون بية اذا حبيتة
انجبي وارجعي وياة
عكدت حواجبي اريد احجي صاحت بية بعصبية.
كواكب: لجججج كااافي تفترررين وراي ماصدكت اخلص منج ومن مسؤليتج انتي وابنج تالي رجعتيلي متزوج واذا متزوووج واذا ماطول بالحلال لاتخافين منه امشي روحي امشي ما يطلكج لا تخافين والمرة ماتاكلج اذا تزوج عليج حالها من حالج
بهتتت ملامحي ارمش بعيوني مامصدكة هي اختي
نيزك: صدك تحجين هههههه
كواكب: اني تعبتتتت تفهمين تعبت منجن ومن مسؤليتجن انتي اكبر مني ومابيج خير مخلصتها تبجين وخايفة على مشاعرج واني ماكلة خ.
من وراجن شتررريدن مني عوفني بحالي اعيش خليتجن ببيوت وزلم وفلوووس جواهم عيشن واسكتن تتعززن عليهم انتن منوووو؟
مو يتامة ومحد بحالجن لو باقيات عد سالم خدم هسة انتن نسيتن لو اذكرجن اذكرجن تتدللن هذا الحجي الج ولاخواتج توصلينة سمعتيييي.
نيزك: كواكب شبيج بيج شي
دموعي نزلت بقهر اجيت الزمها هاي مو اختي بيها شي والله كواكب ما تكول هيج تفدينا بروحها دفعتني عنها تصيح بعصبية.
كواكب: ابتليت بيجن ابتليت كوااااااااكب كواكب صخام صخام كافي عوفني اعيش ماتحسن بالنعمة العدجن بكلمتين اسحل راسه مخلصتها عرامة ومرادد لسانج شطولة كااافي غباء ماتعرفين تعيشين بنص الخيررر انتي مشمورة، شكبرج تصيرين يلا تعرفين تفكرين وتصيرين مرة كلة كواكب يلا توكف على راسج
لزمت تشيرتها بقوة تصيح.
كواكب: مليت منجن مليت وتعبتتت روحن عيشننن بعيد عني لاتجني اعرفجن تعرررفني حتى مو اختجن اني وجبت عمري اركضلجن واعارك علمودجن خلصنييي منجن خلصنيييي تفتهمين كلامي مو؟
واكفة بمكاني ما اشوف من كثر، الدمع والله احس كلبي يتكسر وينمرد وينجعص وي كل كلمة كالتها لزمت وجها بثنين اديها عيونها بعيوني مثبتتهن.
كواكب: تدرين اني ليش هيج اركضلجن محبتن بيج عبالج؟ اجاوبج اي اجاوبج ارد الجميل لامج وابوج مقابل تعبهم علية ارد الجميل واحمي بناتهم اساعدهن هذا كلة رد جميل وهسة رديت الجميل وزيادة بعد ماعندي شي وياجن تعيشن تموتن مايخصني كلمن عقلة براسة يعرف خلاصة
اشرت باصبعها على راسي تنقر بية وابتعدت عني.
كواكب: شغلي عقلج انجبي واسكتي لاتتعافين على النعمة ضرغام طلك ماخليت وحدة على ذمتة هو صح ابو نسوان واني كتلج من البداية بس ماسمعتي وخليتة يخليج براسة بعد دخلتي ماتطلعين يتزوجون عليجن هما احرار الشرع ومحلل الهم هم تعترضين على الشرع؟
نيزك: كواكب اني اختج.
كواكب: مو اختي انتن مو اخواتي لاتغشمن رواحتجن بس تعاملت وياجن ازيد من كوني اخت ولج انتي اخواتج ماسويتليهن اني السويتة انتي وحدة جبانة عقلها عقل زعطوطة لاتحل ولا تربط عشتي براسي لو ما اني هسة انتي بمستشفى المجانين سويتج مرة وبيت ورجال غير تعيشين لاااا شلون تحبين المذلة والفگررر مثل الخنسفانة ماتعيش الا بالخرايب والتراب ماكلها اكل انتي نفسها تريدين واحد يذلج يلا ترتاحين
اجت تدفع بية وتصيح.
رروحي روحي سالم موجود عبالها ساكت والناس كلها تعاير بية بنات اخوك شردن منك وسودن وجهك واشكال الحجي يسمع ساكت مو روحي روحي حتى يخليج تتمنين الموت وتتمنين البعيجي لو متزوج عشرة عليج ليش لان راح يذلج ويمثل بيج تمثيييل هو ولدة وذاك يوسف العار عبالهن نسوهن وهما يتمنون يشوفونهن بدرب.
دفعتها عني طاقتي خلصت ماكدر حتى احجي بس هي تحجي لا والله تجيب سجاجين وتنبت بكلبي.
كواكب: حسي على نفسج شوية مررررة مرة انتي مو مراهقة حتى اكول ماتعرف تفكرر صيري مسؤؤلة عن نفسج وعن اخواتج لان اني بعد مالي غرض بيجن هذا حدي وياجن عيشن شلون ما ردتن تعيشن طاقتي خلصت وهسة يلة تفضلي انكلعي من وجهي لان لعبت روحي واني اشوفج تبجين عمرج خلصتية تبجين وتشمرين طاقتج السلبية علية.
ضربتها راجداي بكل قوتي والثاني اصيح بحركة
نيزك: انتي شاررربة اااااااصحي اصحي اني اختج ولج اختتتتج.
كواكب: هم كااالت اختيييييييي مو اختييي انتي لززززكة مو اختج اني بت شوارعععع ولي يلا ولييييييي
وكعت على رجلية بالكاع منهارة اريد اجذب عيوني واذني اريد اصحى من الكابوس هذا كابوس بشع اني دوم اتحلم بس بشاعت هذا الكابوس ماتحلمت من قبل، راحت تدخل جوة ورجعت.
كواكب: بعد لاتجن ولا تعرفني واعرفجن كلشي بينا انتهى كل وحدة تعيش مثل مامكتوب كواكب من هذا اليوم اعتبريها ميتة اذا ذكرتيها اقريلها الفاتحة وبس وتذكري اني لا احبجن ولا اريدجن كل هذا رد لزين اهلجن والا اني طالعة روحي منجن ومن مشاكلجن الماتخلص.
كاااااااااااافي بس كاااااااااااافي.
كواكب: ها انتي مو اجيتي علمود ضرغام لان متزوج خل اذكرج انتي مطلقة وعندج ولد مو زين من الرجال اخذج وحاير بابنج يا جلب هذا يتزوج مطلقة وابنها حاير بيها ماكووو فشوية استجني وعيشي مثل البشر بس تعوفين ضرغام يستلمج سالم ابنج بعد ما تشوفينة وهاي من يشبعون منج يزوجونج شايب لو يبيعونجن بالملاهي لان انتن بنظرهم كح
راحت كدامي عبرتني ورجعت تاشر باصبعها.
كواكب: لاتضيعين اخواتج بغبائج وتدمرين مستقبلهن اكعدن عد الناس وانجبن وبعد لاتجين هنا بس تجين اهج منا وخطيتي بركبتج لان من وراج اعوف المكان حتى اخلصصصص.
طلعت بقيت منهارة صدري يذبح بية ذبح اجة ضرغام يركض رفعني من الكاع فلتت روحي منة اصرخ.
اريد اختي اررررررررريدها جيبولي اختيييييي يمة گلبيييييي كلبيييي اختي كسرت گلبي.
لزمت صدري الالم ذبحني نفس ماكدرت اتنفس شالني يركض بية متخبل يحاجيني ما احجي ماحسيت بعد بس اسمع اصواتهم يصيحون
انجلطت.
نجمة.
كومي نجمة عمج يريدج
وكع التليفون من ايدي ورجف جسمي بخوف كمت اتوسل بيها لازمتها من ملابسها احجي ودموعي نزلت.
نجمة: فدوه خالة لاتخلينة ياخذني والله اصير خدامتج بس لاترجعيني وياة يموتني والله يموتني وهذا سراج ينتقم مني ويطلع حركتة بية فدوة بقيني يمج
مسحت وجهي تحجي بهدوئ
روحي حبيبتي بس احجي وياة ماياخذج
عليج القرآن فدوه
وداعت جهالي ما اخلية ياخذج روحي
واذا اخذني
ابلغ عليهم الشرطة انتي مو مسجلة شكوة.
اي اي سجلت شكوة اني وصديقتي عليهم
اي روحي هسة وبعدين اني اتصرف
طلعت امسح بعيوني وجسمي يرجف مايعوفوني اعيش مثل البشر يفتر علية سالم دخلت واحس گلبي انقبض رجلية ثلجن من شفتة كاعد عدل كعدتة ماكدرت بعد امشي كعدت باقرب مكان وصلتة جسمي رجفتة واضحة يباوعلي ويهز براسة بداخلة يحجي.
سالم: وين سلامج عمو
ه. هلو ع. مو
سالم: نجمة
ها
سكت يهز براسة مايريد يكمل كلامة خزرني بحقد وكال.
سالم: اني احبج ليش هيج سويتي.
نجمة: انتو السبب
صرنا السبب خير ان شاءلله اي وانتي شنو كعدتج هنا ممكن تفهميني
همام: كاعدة عد خالها معززة مكرمة
سالم: قصدك ماجانت عدنا هيج احنا ذالينها
سكت خالي كالب عيونة
سالم: اني بت اخوي ما اعوفها والناس تحجي اشكال علية
همام: نسوانكم ماتطيقها وبعد الصار تبقى يمنة افضل وتبقى انت المسؤؤل عنها وكلشي يصير نبلغك
كام من مكانة طفرت اريد اشرد حسيتة يريد يسحبني ويطلعني بالغصب وكفت بمكاني من كال.
سالم: اريد احجي وياج وحدنا
طلع كدامي باوعت لخالي بعيون خايفة اشرلي اطلع رحت وراة لكيتة يدخن صرت قريبة منه شابكة اصابيعي من التوتر والخوف، سحب نفس من الجكارة مقلص عيونة يباوعلي تقرب مني يحجي بخفوت.
سالم: صبيحة وافنان يردنج حيا على الصلاة اجيبج وياي
نزلت دموعي ردت احجي وهو كمل
اني ادري بيهن شيردن منج ولان احبج من دونهن راح اعوفج هنا
ضحكت وسط دموعي حتى ماعرف شحجي.
نجمة: شكراً عمو.
سالم: تخرجتي بعد تعب تاليها كاعدة بالبيت ماحبيتها منج
لا لا راح اشتغل هسة
ها خوش شنو من شغل وين صاير هذا
بشركة ليث استاذ فقار شغلني وياة
سالم: حفيد ذهب
اي هو
وشكد راتبج
ماعرف
شلون ماتعرفين غير تسألين
مو هسة بعدين
لا هسة اريدج تكولين شكد اتصلي بية اذا عندج
منو
فقار
لا شنو السالفه
شوفي نجمة من الاخير اعوفج هنا تنطيني كل شهر فوك النص من راتبج
بهتت ملامحي والصدمة احتلتني.
سالم: البنات يشتغلن يصرفن على اهلهن واني جبت عمري حاير بيج دراستج ومصاريفج لو ما اني هسة انتي كلشي ماتعرفين ولا كملتي هم كولي لا كم مرة رادو يبطلونج واني ساكت ها؟
اي
سالم: من باجر ترحين تشتغلين وكل راس شهر اجيج اخذ المبلغ لايصير غير حجي وخل اكلج احنا على يوم نشيل ناخذج ونطلع محد يندل مكانج افنان ميتة من القهر عليج ترزل بالجناين تكول ماكو مثلها يشتغل وهسة ودتني عليج.
ابتعد عني يكمل جكارتة بعد ما اختنگت وعقلي تبنج بقيت على وكفتي اباوعلة وداخلي كلة حقد يريد فلوس ما جايني منها لله ويعوفني.
سالم: ها شكلتي ترجعين وياي
لا
يعني كل شهر اجيج مو؟
هزيت راسي اي سحبنة يبوس براسي ويمسح على ضهري.
حبيبتي عمو اني دائماً اكول هي اعقل منهن واحسن هسة لو نيزك جان لعلعت بلسانها وتالي تاكلها بس انتي ذكية توافقين حتى محد يتقربلج
ضحك ضحكة طويلة انسحبت روحي مني واني بيدة.
سالم: من باجر، ابدي اشتغلي زين وهاي الفلوس اسكت بيها النسوان العندي ما اخليهن بجيبي بس حتى يبطلن منج ويسكتن
لو ماكو فلوس مايسكتن
راح وهو يوصلي رسالة اذا ماتنطيني فلوس ترجعين يمنة وهنا يشوفن شغلهن وياج، دخلت جوة امسح بوجهي سالتني مرة خالي ماعرفت شحجي الها اختصرتها بجملة.
يسألني على العيشة هنا
لكيت تليفوني مشمور وشهب شكد متصلة بية رجعت اتصلت بيها اطمنها.
شهب: نجمة مشتاقتلج
حتى اني
اريدج حبجي كاعدة وحدي.
وين هذا قبسبس
بالدوام
لحد هسه غير عريس خرب روحة غثة لا اخذج شهر عسل اسبوع عسل يووم عسل شبية هذا
عندة دوام
انجبي انتي الفاهية دوام واذا صخام شنو باقية علية الشغل بس هو موجود شوفي لج لاتبقين هيج فاهية ترة ماتكدريلة بفهاوتج هاي
يعني شلون ما اصير فاهية
استغفرالله ربي شلون بيها هاي
علميني حبابة
ولي مني شعلمج اني هذا رجلج كون اتفل بوجهة الخطاف
انسي حبيبتي.
ولي روحة بخشمة كليلي اذا مضوجج والله اشهرة وافضحة بالشركة هناك اخلية يتخزى بين الموظفين.
لا حبابة لا خطية هو ما مسويلي شي حتى انطاني تليفونة لان ماعندي
غصباً علية انمونة التليفون المفروض يشتريلج جديد بس هو بخيل لامها الجلف
حجيت وياها هواي محترك دمي وهي ها اي مخلصتها هنيالة عليها انوب هو مايحب الصوت العالي اجتة خوينسة مادري شنو من خرزة شايل.
لليل بقيت احوس اتصل بميس ونفس الشي كعدت تربعت ادزلها صوتيات حجيت هواي وعاتبتها هواي بلكت يجي يوم وتسمعهن، مسحت عيوني رحت عزلت المطبخ والبيت رجعت اريد اتصل بفقار ابلغة باجر اداوم هو كال بس يخلص العرس وبعد ما اتصل، رفعت التليفون اتصلت بية ما جاوب.
باوعت للساعة بعد وقت اتصلت مرة ثانية وثالثة اخيرة هواي لحيت ادري رجعت التليفون بضوجة رجع اتصل بنفس اللحظة ضحكت بفرح وفتحت الاتصال.
مرحبا استاذ.
هلو بابا نجوم شلونج
اجاني صوتة جان نايم
نجمة: زينة استاذ واسفة اذا كعدتك من النوم بس ردت اسال اذا باجر اكدر اداوم لو لا
فقار: داومي اكيد هو اني ردت اتصل بيج
والله
ههههههههه
شبيك تضحك
من الفرح
يااا
اي
ههههههههه
ها شكو
استاذ جاي اضحك من الفرح
فرحيني وياج نجوم
استاذ مو جنت فرحان هي طمع
بعد التليفون عنة اسمع ضحكتة وحركتة حجيت بتوتر: استاذ باي اني رايحة
وين رايحة نجوم
مارايحة بس انت روح احس عندك شغل.
فارغلج، ها بابا ها حبيبتي
ياا ياا شبيك استاذ شنو حبيبتك ترة مايصير هيج تكلي
مو عليج بابا وي ود الصغيرة
عكدت حواجبي واحس وجهي اشتعل نار من الفشلة اسمعة يبوس بيها ويحجي وياها.
نامي بابا
ود: نام يمي حباب
بس اليوم انام يمج
ود: اي اي بس اليوم وعد
صارت يمة حركة اعتقد تمدد يمها بقيت جامدة بمكاني ادعي من الله ما اتهور واسدة بوجهة
استاذ اخذ راحتك
وياج راحتي
اي هو روح كمل نومتك وارتاح وراك دوام.
اسمع صوتة انفاسة قريب توترت غير يطفية
ود: منو هاي ماما
فقار: هاي نجوم
ود: التنطيها من شكولاتي
اي هي
بعد لا تنطيها
نجمة: ياا ياا استاذ سمعت بنتك ولج هاي ليش انمونة هي ككو ولافينها
ود: اسمها شكولت
نجمة: شكولاتة بس بالحقيقة ككو اسمها
ود: بابا هي مو اسمها شوكلت
فقار: نفس الشي بابا
ود: لا مو نفس الشي
نجمة: عفية مو نفس الشي
فقار: هسة شبيجن تتعاركن زعاطيط
نجمة: استاذ شنو السالفة احترمني.
فقار: بس لو تكولين فقار ماتنكلب الدنيا
نجمة: لا مايصير استاذ
حرام
يكولون حرام مو لازم نحترم الجبير
الحمدلله اني جبير
اي استاذ انت جبير
فقار: مو جبير نجوم
المهم استاذ اكبر مني
ذب نفس متحسر درت التليفون للجهة الثانية وكتلة: استاذ روح نام
فقار: روحي نجوم حتى النومة طيرتيها
مو كتلك اني اعتذر عبالي كاعد بعد وقت هسة حتى الجهال ماتنام
فقار: روحي نجوم لاتجفصين
يلا باي بس اني ما اجفص حرام عليك تشوهة بسمعتي.
ضحك بصوت عالي طفيتة اعيب علية وفوكاها يضحك علية كون الله يتنقم منة حرك دمي لا جذب خطية عندة بنية منو الها رحت نمت ولو مانعسانة بس شسوي البيت هدوئ نمت بسرعة
ثاني يوم كعدت غبشة بدلت بقيت انتظر خالي ياخذني وياة طلع يشغل سيارتة ومرت خالي تعدل بشالي رحت وراة لكيتة يسلم على علية ابتسمت بوجهة وصبحت خالي كلة.
همام: من رخصتك اخذ نجوم لدوامها
رفع موبايلة كتب ودارها لخالي باوعلي وكال.
همام: نجمة على راح يداوم وياكم بالشركة
لككك هلاااا فدوه صدك والله راح تداوم ويانة
خزرني خالي تحمحمت ودنكت راسي اسوي روحي ثگيلة.
همام: ترحين وياة خالي اخاف اتاخر على دوامي
نجمة: بكيفك
همام: على خوش ولد اعرفة من الصغر روحي اصعدي
راح هو واني صعدت ورة بسيارة على العطر يخنك بيها ذبيت غراضي اكلة.
مو عطر هذا يفلشش تفلشش عليك الله انطيني اسمة هو رجالي ونسائي اعتقد لا شنو اعتقد واضح أصلاً.
ما جاوبني ضجت اريد واحد يرد علية شمرلي ورة اخذتها اقراها كاتب صح رجالي ونسائي باجر اجيبلج منة
نجمة: والله انت حباب وها شوف اذا غالي لاتجيبة ترة ما اشترية اني مفلسة ترة
رجعتلة الورقة وكتلة
عفية اكتب ورد علية بكتابة من احجي وياك احسن لا تبقى ساكت.
هز راسة باي سكتت بعد حسيت اسببلة احراج لان يبقى ساكت مايكدر يرد علية، وصلنا للشركة نزلت قبلة بقة يطفي بالسيارة عيوني دمعت واني اباوع للشركة اتذكرت ميس شلون راح اداوم بدونها وكلشي يذكرني بيها مامتعودة امشي بدونها ليش هيج ميس سويتي بية عفتيني وحدي حتى بدون ماتودعيني.
حسيت بية ورة ضهري مسحت عيوني والتفتت علية انقهر من باوع بعيوني بلعت ريكي وحجيتلة.
تعرف ميس يمكن هي هاي صديقتي الوحيدة عافتني ومشت بقيت وحدي
اشر، على نفسة وعلية ضحكت اكلة
قصدك انت وياي
هز راسة اي عدلت جنطتي وكتلة
يلة نمشي انت مثل اخوي بعد اني ماعندي اخوة وصديق هم مثل ميس صيرلي
مشة وياي مبتسم كلبي انقبض من دخلت الشركة جوها غريب علية شلون داومت بيها قبل يمكن لان اختلف الوضع جنت طالبة هسة موظفة انتمي الها موظفة واني لحد هسة ماسويت ملف ماعرف شنو يطلبون عود اسوي بس يكلولي شيحتاجون.
الشركة تروج بالموظفين وكل اليشوف على يبتسم ويسلم علية يكتفي يخلي ايدة على صدرة بامتنان العيون تطاير علينة ويحجون بينهم لان جدد.
صعدنا المصعد دست رقم الطابق ماعرف هو وين يروح.
اكلك روح وياي بية ما يروح مني الخجل احس نفسي استحي لان بعدني بالبداية روح وياي من تروح مني روح لشغلك ها شدكول.
مال راسي موافق خزرتة
كول لا شنو السالفه كلة موافق طلعت صدك حباب انت لا والله فوك الحباب هم.
نزلنة متوجهين لغرفة استاذ فقار لاكنة البنات خزرتهن وهنا يخزرن بية اجت رزان سلمت علينة وفرحت من كلت الها راح اشتغل وياكم.
نجمة: اكلج ذني شبيهن يباوعلي هيج
رزان: روحي حبيبتي معليج بيهن.
اجن باتجاهي ورزان راحتلهن وكفتهن تحجي وياهن عبرناهم ودخلنا لمكتب استاذ فقار استغربت من مظهرة ولاول مرة اشوفة هيج لابس قميص ابيض مكفكف رداناتة وفاتح الازرارات بنطرون نيلي كاعد يشتغل بالحاسبة عاكد حواجبة من شافنة يلا شوية فكها بس هم بعدة ضايج.
صباح الخير
فقار: صباح الخير اهلا
علاوي شغلك مو يمي شنو متيهة
نجمة: لا استاذ هاي اني جبتة وياي بس شوية ويروح
فقار: شكو جايبتة وياج ابنج؟
وينة ابني بالهند احنا
نجوم.
ها استاذ
خلي الولد يروح
هسة اني مامجلبة بيه بس هو وصلني بعد من البيت لهنا كمل معروفة
رفع حاجبة يهز براسة
فقار: شنو خط؟
لا هيج لان نفس الطريق
طلع على وعافني حسيت بفراغ جان مغطي علية حتى لساني بلعتة من بقيت وحدي يخزر بية هسة اني شمسوية كلها تخزر بية حتى ملابسي حلوة وجديدة مرت خالي اشترتلي شكو وتروني.
استاذ يمتها تعلمني على الشغل
تعالي
رحت كعدت كدامة جنطتي بحضني لازمتها بقوة
فقار: ركزي وياي بابا
مركزة استاذ.
شغلج وياي يكون لاغير اني بس تسمعين كلامي كلهم مالج غرض بيهم
اي
رتبتلج مكتب بداخل مكتبي كومي نشوفة
كمت وياه اباوع بالغرفة وينة المكتب فتحت حلكي بصدمة من شفتة شلون مرتبة ومسوية مخلي حاجز بين مكتبة ومكتبي ما اشوفة ولا يشوفني طاولة ورف صغير موجود على الطاولة علبة مغلفة واقلام والافتة مكتبوب اسمي بيها لاغير
نجوم
رفعتها بيدي الضحكة شاكة حلكي كلبي يدك بقوة تلمستها رفعت راسي اشوفة مبتسم يباوعلي.
استاذ حلوة بس اسمي الحقيقي نجمة بالجنسية
مو مشكلة
ها تمام
حلو
كلش حلووو
اة
والعباس والقرآن يخببببل مامصدكة هذا، الي
الحمدلله عجبج هاي خليتلج حاجز حتى تاخذين راحتج وماتستحين
والله خوش تفكر
اعجبج
اي والله
ها
ها
باوعتلة بعدم فهم على وجهة شبة ابتسامة
فقار: شكلتي قبل شوية
شكلت
ليش ترجعين تساليني مو جاي اسئلج
استاذ شبيك
سلامتك
ان شاءلله.
راح طلع فايلات يعلمني على الشغل و ترتيب المواعيد كلشي يخص شغلة ومتعلق بية راح لمكتبة كعدت بمكتبي فرحانة على شعور غريب زارني الغصة بلعومي اول وضيفة واول يوم إلى شغل، تليفون يمي من يتصل ارد علية وحسب الموعد وقت فراغة اجاوبهم واذا مشغول والا الا.
مر وقت طويل اشتغل واذا عندي شي بمكاني احاجية يشرحلي فتحت عقلي وركزت كلش شغل هذا مو لعبة اول يوم ضبطتة كلش ومن الكعدة تكسرت كل فترة اكوم وارجع اكعد لو اطگگ اصابعي الا ان سمعت صوتة كال.
كافي نجوم استراحتج بلشت
يا الله
كمت متكسرة لبست جنطتي اباوع للعلبة بفضول فتحتها كلها شكولاتة طلعت ضحكت واخذت وحدة فتحتها خليتها بحلكي.
استاذ راح اطلع وانت
عندي شغل بيدي اكملة.
استاذ والله حرام عليك ماتعبت كوم تحرك استراح شوية
متعود
بكيفك اني اروح اكل واسولف وانت ابقة
مشيت كال
ويامن تسولفين
عادي وي الكل
مكان شغل هذا مو مكان للسوالف
اي غير استراحة
حتى لو مايصير تسولفين
يا
اي اي
طلعت اهز بيدي من كل عقلة هذا نزلت لكيت رزان بقيت اسولف وياها اجت وياي نطلب اكل كعدنا ننتظرة بين مايوصل.
رزان: ميس ماكو اخبارها
لا والله بلكت تصحلي فرصة اروح لاهلها بس محتارة منو الياخذني الها
اني اخذج سهلة.
كطعنا كلامنا من اجن الباقيات حاوطنا وكعدن بدون ما نسمحلهن كلبت عيوني بضوجة ماينجرعن
رفعت راسي من كالت طيبة.
طيبة: اي مبروك على زواج اخواتج يوم الالج
شكراً
غادة: وين الروس الكبار صدتن قبس وضرغام الثگيل بعد شتردن
نجمة: وانتن شكو
طيبة: دنحجي شبيج تطفرين بسرعة
غادة: وانتي على شنو ناوية بهاي جيتج بيناتنا الحجي.
رفعت حاجبي مافاهمة ورزان تصيح بيهن يسكتن.
غادة: ضيغم شايلتة من راسج لان شفت اختج المملوصة تحوم علية انتي تلاثة جاي تحومين عليهم اذا ما ضبطتي فقار حولتي على سمار واذا ما ضبطتية تحولين على على وكلهم ثگال
طيبة: ضامنة الجنة
كمت من مكاني اعصابي ترجف حركتة حتى صوتي انحشر.
نجمة: انتن شبيجن انتن شنو هالتفكيررر القذرر
حالي من حالجن اجيت اشتغل هنا ليش هيج تحجن علية.
غادة: احنا مانضحك للرايح والراجع ونرجع نبيع براسهم لو شمرنا روحنة على احد مثل ما سون اخواتج
طيبة: بس حرام تلاثة عوفينا وياج هسة حتى لو الاخرس عمي قابلين
نجمة: على ع. على مثل اخوي
غادة: هما كلهم اخوانج اويلي عليجن انتن برخص بعتنها واجتجن احفاد ليث شنطيتن وصارن الجن هسة تكولين اختي تعتبر قبس مثل اخواها وذيج تعتبرة مثل ابنها.
طكنها بضحكة عالية خلن الكل يباوع علية من القهر والحركة كمت ما اشوف بعيوني ماكدرت حتى احجي مشيت بس اريد اطلع منا وانسى كلامهن هيج معقولة الكل يشوفني مثلهن لو بس هنا هيج يشوفني والله اني على مثل اخوي وسمار اعتبرة صديق لان حباب واستاذ فقار مثل اخوي الجبير هو طبعي هيج احجي هواي واضحك بسرعة صرت رخصية بيا عين!
اسمع رزان وراي تصيح اوكف طلعت كبل ولا وكفت صوت الشهكة خنگتني والدموع عمتني عمي.
صرت بالحديقة ودموعي تنزل بغزارة كسرن كلبي بكلامهن وطريقة قذفهن بشرفنة بهاي الطريقة.
رزان: نجمة اوكفي شبيج
روحي عوفيني
درت وجهي امشي اريد ابقى وحدي اني ما اتحمل هيج كلام انجبحت على وجهي طلعت روحي من الالم ورجعت صارت وكعتي على طابوكة خليت ايدي على خشمي الدم اجة بيدي تخبلت ورزان مو اقل مني رفعتني والدم اخذني.
رزان: ارفعي راسج نجمة ارفعية.
رفعتة وسحبتني وياها متت من الالم والفشلة ماعرف اوكف دموعي لو دمي ثنينهن ينزل وكفت من صار قبس وسمار كدامنة يردون يدخلون شافونا وانصدمو ضميت روحي ورة رزان تمنيت ميتة ولا يشوفوني بهذا شكلي.
رزان: شباب فدوه الحكونا الدم مايوكف
اجو علينا خايفين سمار سحبني من وراها يرفع بوجهي.
سمار: يمكن انكسر هاي شلون هيج
طلع منديل من جيبة وكلنس قبس جمعهن سوى وثبتهن سمار على خشمي لازمهن بيدة يحجي وياي
سمار: يوجعج.
قبس: هي بيا حال امشي اخذها للمستشفى
اخذوني لسيارتهم صرت ابجي من الوجع والفشلة سمار كلش قريب مني وطاخ بية اسمع صوت فقار ورانة بس ما اشوفة رزان تحجي وياة اجت كعدت بصفي وشغلو بسرعة.
ماكو خمس دقايق وصلنا مستشفى اهلية قريبة اخذوني بسرعة صرت ما اشوف سمار يمشيني
بعد مافحصني الدكتور سوولي اشاعة شصار بحالي كلهم يسكتون بية وبعدني ابجي.
قبس: شكد تبجين ااخ.
فقار: انجب انت يوجعها اكيد يوجعج بابا جاوبيني مو حتى كلبي كام يوجعني
جلبت برزان اريدها بس تصير كدامي ما اريد يشوفوني.
رزان: اطلعو شباب لو سمحتو
فقار: اطلعو يلة
قبس: وانت ماتطلع
ابقى هنا اني
سمار: ترة هم شاب انت
فقار: انت تطلع منااا لا اكسر خشمك وسنونك لا والله اكسر راسك اااطلع
سمار: شنو موكعها اني شبيج تصيح
فقار: اطلع اطلع.
طلع بدون مايناقشة بقة بس هو يفتر ويمسح بكصتة يباوعلي ويدنك صار يمي عيونة تلمع رزان تمسح بعيوني.
فقار: تتوجعين
هزيت راسي لا
فقار: شبيج تبجين
اطلع منا
رفع نفسة شهكت
رزان: اطلع ممكن
مامسوي شي شبيها
تستحي استاذ
خزرنة وجهة مايكصة السيف طلع بقينة وحدنا تحجي وياي درت وجهي عنها.
رزان: شبيج يغارن ذني هنا جانن معجبات بقبس وهو مايباوعلهن فشي طبيعي يحجن هيج لان تزوج اختج.
اني مامسوية شي والله مالي علاقة باحد بس اريد اشتغل تعبت اني هواي حتى اوصل لهنا
رزان: يا روحي والله مقهورات لان الولد هيج يحجون وياج جانن يغارن من ميس لان ابوها صديقهم مو نسابتها.
بقيت ساكتة كلبي يوجعني من اريد احجي اخربط باسمها واكول ميس خطية البنية عدلت شالي وجهي حتى ملابسي نكتتهن وجابت مي مسحت التراب، خشمي مابية كسر الحمدلله بس يوجعني بقة انطوني ادوية ورجعت مجلبة برزان الولد كلهم يباوعولي ويتحمدولي على السلامة.
قبس كال امشي وياي اوصلج وفقار كلة لا اني
رفعلة حاجب قبس يكلة: ترة نسيبتي اني اوصلها
فقار: نسيبتك مو مرتك
قبس: مثل اختي المهم تجي وياي.
رحت وراة بدون ما اجادل على الاقل نسيبي رجعت وياة وحدنا اكل بروحي اكل واراجع حساباتي من البداية وارجع الوم نفسي واصدك كلامهم بخصوصي اني صدك اضحك واسولف وياهم على اي اساس؟
قبس: اخذج لاختج
لا لبيت خالي فدوه
شبيج راح تموتين بس لسان طلعتي
ما رديت علية درت وجهي على الجامة
قبس: لا لسانج بية شي مو خشمج
بعد ماحجة شي من شافني ساكتة وصلني لبيت خالي وراح.
شهب...
فتريت بالبيت تعبت عمتي وعمي طلعو يغيرون جو كالولي كتلهم ابقى بالبيت خليهم ياخذون راحتهم احسهم يتقيدون كدام شخص حتى مايحجون مليت جوة وصعدت فوك لغرفتي فتحت شعري ورجعت مشطتة رفعتة ذيل حصان خليت مكياج وغسلتة بقة اثر اله بوجهي مليت ورحت لكيس الملاكمة لبست الكفوف وصرت اضرب بية يتحرك قليل لان ضرباتي مو قوية حضنتة خليت راسي علية.
صح انت كيس بس ماتستاهل هيج يصير بيك
بعد ما اضربك اسفة.
فزيت على صوت ضحكة قبس واكف بالباب درت وجهي عنة من الفشلة ما سمعني احجي وي الكيس تمتمت بصوت ناصي كلش بس شافني واني حاضنتة، نزعت الكفوف رجعتهن لمكانهن شهكت من حضني من ورة راسة على كتفي خلاة.
شعندج حاضنة الكيس
مابية حيل
والمابية حيل يدور حضن
لا والله بس لان تعبت
فتح ادية ودارني علية حاضني من خصري ولحد اليوم اتوتر من قربة وتتخربط اوضاعي.
شبيج تعبانة
بقيت وحدي هواي امك وابوك راحو
عادي اذا ردتي تطلعين كليلي.
انت هم عندك شغل
كرص خدي مكزكز على سنونة
عادي اعوفة بس لاتضوجين
مو ضجت بس وحدي توحشت
سوي شي يعجبج
ماعرف
اممم بعدين افكرلج بشي
شوية وراح للحمام يسبح نزلت احمي الاكل كلة جاهز دمدم راحت بعد ماكملت شغلها تجي فترة وتروح من سورية هي تشتغل عدهم من زمان.
رتبت الاكل وكعدت خليت ادية جوة خدي انتظرة نزل كعد مقابيلي قبل لا ياكل كال.
عاشت ايدج
هاي دمدم طبختة اني بس رتبتة وخليتة
هم عاشت ايدج.
ابتسمت ياكل واني صافنة علية تفشلت من كال
راح ترسميني
لا
حفظتي ملامحي
نزلت ادية ونزلت عيوني بخجل جعص خدي بيد وحده يكول.
قبس: هنا الاكل الزين
اليوم شفت فيديو يكولون بية لازم نعامل البشرة بلطف حتى ماتتاذى هسة انت راح تخرب نسيج بشرتي من تكرص هيج
كولي والله
والله
باوعتلة يضحك يهز براسة مستهزا عبالة اجذب علية بس صدك بحثت من مللي عن الاهتمام بالبشرة وطلعلي رفع عيونة باوعلي.
ماتاكلين
شبعانة
متاكدة
اممم
بس سؤال.
خل اخلص واسئلي
ليش
احسن
تمام
كمت من مكاني وكتلة
رايد شي
لا
جاي
لا روحي اذا تريدين
هزيت راسي وصعدت ذولة مو مثلنا يشربون جاي بعد الاكل مباشرة ينهضم الاكل يلة يشربون دمدم كلتلي.
تمددت بفراشي اتذكر، كلام دمدم وكلبي يعصرني اسئلة بس اني مالي حق لا إلى حق بالسؤال بس مالي حق احاسبة على الماضي شفتة اجة يمط بدية شمر روحة يمي همست.
ما اكلت
شبعت
بعد شعري عن وجهي وسالني
بيج شي اليوم
لا بس كتلك ضايجة.
تطلعين ترحين لاختج لاي مكان
بعد تعبت
عدلت كعدتي وخليت عيوني بعيونة بلطف كتلة
اسئلك وجاوبني
لحيتي على السؤال اسئلي
هاي انت جنت تحب بنية كلش كلش مو؟
بقيت صافنة بعيونة حتى مارمش عيوني انملت دموع من بقة ساكت هزيتة.
احجي شبيك عادي
عوفج من هاي السوالف
شنو هسة اي مو من جنت اقل من هذا عمرك تحبها يعني علاقة وكلهم يعرفون بيها صح
صح
بهتت ملامحي بلعت ريكي وكملت اسئلة
شوكت سولفلي
اول واخر مرة تجيبين سيرة للموضوع هذا مفهوم.
عادي نسولف
كلشي سولفي الا على الماضي خط احمر لاتحجين بية
نزلن دموعي بقهر هزيت راسي وطفر سحبني لحضنة صار ضهري علية فتحت ادية ماتنفتح صرا افلت بروحي مايعوفني صاح بية.
اثبتييييي
عوفني
دارني علية جعص وجهي بيدة بعصبية يحجي
سالتج وجاوبت بعد انتهت تفهمين لاتجيبين سيرة للموضوع وتزعلين
نترت روحي منة كوة ركضت دخلت للحمام وقفلت الباب علية كعدت ابجي على شنو ابجي مو جنتي حاسة هو ماضي كافي اسكتي دك الباب بقوة يصيح.
قبس: اطلعي لا اكسر الباب
روح اريد اسبح
شهب لا تعاندين افتحي
غسلت وجهي ومسحتة فتحت الباب سحبني من ايدي بعصبية.
ماكو شي يبجي تماااام
تمام
فلتت روحي ودخلت ب الفراش حتى راسي غطيتة اسمعة طلع وركع الباب غمضت عيوني بقوة ابجي ماحبة من ينتر بية نمت لان تعبانة بالليل حسيت علية يكعد بية فتحت عيوني بنعاس كتلة
شكو
كومي اتعشي
ماريد
كومي اكلج
كتلك ما اريد عوفني انام.
سحبت الغطا رفعة كلة وشمرة شالني فزيت الملم بروحي عافني وراح جابلي روب اخذتة لبستة ونزلت وياة من لاجارة، محظر الاكل كعدت النعسة بعيوني اكلت شوية وكمت واكف يباوعلي.
شكلتي ماتكليلي
شبعت
المن مسوية اني اكل عصافير هذا
لان انعس.
ردت اروح وتذكرت الاكل رجعت اعزلة وهو يعزل وياي كملنا هو بقة يخابر بالحديقة عفتة وصعدت نزعت الروب طير مني النومة علمود الاكل هسة شيرجعني انام، اخذت التليفون الجابة إلى ولا داخلة للمعرض هسة يلة انتبهت ماعبالي معرض لان شكلة يختلف.
كعدت اكلب بية اله صور قديمة كلش هو والشباب وود من جانت صغيرة وحتى لفقار مصورة بدون ينتبهة بالمكتب وبطلعات الهم سوى اكلب واني ابتسم اختفت ابتسامتي من شفت صورتة وي بنية بس شلون بنية اية من الجمال فاتحة شعرها يلمع
وابتسامتها تخبل لبسها راقي سافرة جانت جنها ممثلة تركية.
درت بعد اكثر واحس كلبي موتني شكد مصورها بدون ماتدري وهي تضحك وهي تسولف بالشتا بالصيف الهم سوى فيديوهات ضحك وسوالف جانت عفوية مابيها خدش للحياء دموعي بللن الشاشة انفتح الباب دخل باوعلي ونزلت عيونة التليفون اجة سحبة مني عيونة طلعت وجهة صار دم من شاف الصور مسحت دموعي وابتسمت.
شهب: حلوة تخبل شنو اسمها؟
مايخصج.
طلع من الغرفة رحت للحمام خليت راسي جوة المي احسة نار حلوة تخبل يحبها يضحك من كل كلبة يحبها مهووس بيها من الصور التارسة تليفونة الها علاقتهم طويلة وقوية حب جبيرر بينهم.
ضربت كصتي بقهر اعاتب بنفسي وين شمرت روحي اني شورطت كلبي من البداية طحت ومحد سما علية حبيتة كلش قبل الزواج بس هو ماراح يحبني ابد.
عيوني ماغمضن الليل لا اجة الليل كلة اطلع انزل بلكت اشوفة موجود مارجع للبيت أصلاً.
ثاني يوم ماشفتة يمكن من نمت جاي سابح ومبدل
طالع للدوام نزلت اشوف دمدم واسألها عمتي تطرز ننمنم على قميص بيدها وتحجي وي نفسها.
تشتغل وتدندن باغاني شامية حلوة سحبت نفس وصحت باسمها تفاجات من شافت شكلي.
دمدم: فيكي شي حبيبتي
لا بس دمدم فدوه جاوبيني
كعدت على الكرسي بقت واكفة اشرتلها تكعد
دمدم: انا هون بشتغل الله يخليك
عرفت هو يحب هاي البنية الحلوة وعرفت بعلاقتة بس اريدج تسولفيلي منين هي وليش ماتزوجها.
ذبت حسرة وكالت بالم
اسمها زها كانت رفيئتة بالجامعة كتير يحبها وهي كمان لكن بفترة خطبها كتير وهي رافضة كتير راحو لعدها اهلة وحتى ذهب لكن هي بترفض وبتقول هو مجرد صديق
هه صديق اي وهو شكال
انجن يروح يتخانق معها كانو ناوين زواج يئلها
يا اصدقاء واحنا مفكرين باسماء اطفالنا
شلون رفضتة اذا هي هيج تحبة
هون الكارثة
وشنو صار بعدين
تركها بس بدو يعرف السبب المهم تركها وصارت ماضي.
كمت من مكاني دموعي نزلت تمنيت اكدر اضرب نفسي ليش ابجي اني يمكن لان انقهرت علية اي والله انقهرت لان كسرت كلبة بهاي الطريقه لكن محد يعرف السبب الرفضتة علمودة زها وهي تحبة
ورة كم ساعة جنت هستوني مخلصة صلاة اجة مستعجل فحطان.
قبس: البسي بسرعة نطلع
وين
بس البسيييييي
لاتصيح كايمة
رحت مسافة ورجعت اكلة
ما اروح
قبس: خرررب خرررب اني اعلمج منين متعلمة هذا الاسلوب.
راح يكلب بملابسي يطلعلي صاية اجة يلبسني باستعجال خفت لبست وبخوف سالتة.
شكو شنو صاير
اختج تمرضت
يمةةةة كواكب اندعمت لو صار بيها شي
لا لا مو كواكب مرة ضرغام
شبيها نيزك فدوة
ضغط صعد يمكن
طلعنا مستعجلين طول الطريق اسألة يكلي ضغط ضغط كل هالخبصة حسيت صاير شي ومن شفت حالة ضرغام تاكدت مخلي ادية على راسة يفتر يريد يدخل وضيغم يدفع بية مايخلية وهو يصيح
ضرغام: لككك بس اشوفها گلبي ررراح يوكف غمضت عيوني بحضني غمضتهن.
ضيغم: ماتريد تشوفك لا تلح خل تستقر حالتها لاتنجلط
ضرغام: منييي تنجلط مني كل الصار ماهزززها هاي الدايحة حركتها وراحت
ضيغم: اخوات مايخصك انت لاتحجي عليها
راح من العصبية يلطم على راسة شافني وخر من الباب دخلت اشوفها بهتت ملامحي وجههة كررركم شفايفها بيض منتهية وتهذري بكلمة
كسرت گلبي اختي
تلمست وجهة ودموعي تنزل حاجيتها فتحت عيونها تكلي: اختي هي اختي تكول مو اختج اني تكول كسرت كلبي اختي كسىرررته.
بجت بحركة ابجي وياها والزم بديها
نيزك: تعيرني تكلي ماريدجن بعد ماتريدنا عافتنا ماتريدنا يمة تكلي علمودج اني اركضلهن ماتحبني
دخل ضرغام يرجف يلزم بديها ويبوس بيها
ضرغام: اسكتي فدوه اسكتي لاتحجين لاتنجلطين فدوه فدوه فدوه اسكتي
نيزك: گلبي انكسر گلبي.
طلع بسرعة اجة والدكتور انطوها مهدئات لان كالو قريبة عن الجلطة مايصير، تنفعل لو تصيح انتهيت من البجي ولافهمت شي سالت على امير كالو بالبيت اريد اعرف السبب الوصلها لهاي الحالة اسال ضرغام هو بيا حال يرجف اعصاب بس من خوفي عليها سالتة بخجل رفع عيونة حمرر.
ضرغام: مادري جانت كلشي مابيها حجت وي كواكب طلعت تركض كلتلي الحكلها وراحت دخلت لكيتها منهارة طاحت بيدي جبتها للمستشفى بوجهي شوية عن الجلطة.
اجت سهلة ماقبلت اروح بقة قبس وياي بس ضيغم راح لثاني يوم صارت زينة طلعناها للبيت الجبيرر
عبارة عن جثة رجعت لاتحجي ولا تحرك شي يومين هي بس نايمة نطق مانطقت كلنا تخبلنا عليها كاعدين يمها ضرغام تسودن يبوس بيها ويتوسلها تحجي وماتحجي.
ضرغام: شتردين بس كولي بس احجي نيزك فدوة احجي كلبي انشلع وحق الله انشلع
روح مابية شي
يامابيج شي جثة جثة صرتي كومي اتمشي اكلي سوي اي شي هذا ابنج تخبل عليج كوميلة شوفية.
غمضت عيونها مل وراح نجمة يمنا وعازلة روحها تكعد يمها ومن يجي احد تختفي راحت وي خالي طلعت برا اشتم هوا لاكتني وردة تركض وجهها احمرررر تصيح بصوت عالي.
اجوووووووووو اتابع الشيطان.