رواية المنجمة للكاتبة كفاية كاظم الفصل السادس والثلاثون
نيزك: عيوني غوشت من شفت المنظر وكلبي حسيتة وكف بمكاني بقيت جامدة وهنا دارن علية امة تصرخ والدم من حلكة ينزل بعدة مستمر والكاع كلها دم صارت وشوشة باذني انتهى ضرغام احس بروحة انسحبت عمامة جانو موجودين.
شالوة مايكدرون هما ولدهم كوة رفعوة وامة تصيح بية اجيب عبايتها شهكت كاني بغير عالم جنت وهسة وعيت رحت اركض سحبت عبايتين مالتها القديمة والجديدة لبست اطلع وياهم وعمة يصيح بية ارجع ردت اصعد وياهم كلبي من الخوف راح يوكف مدو ضرغام صار الورة كلة الة حتى امة بقت شغلو بسرعة وراحت سيارتهم
وكعت سهلة من هول المنظر تصرخ متخبلة
واني الرجفة مجلبة بيه ماكدر استوعب الصار.
هيج بساع بساع وكع، دخلنا جوة الكاع بدمها ذهب لازمة عوجيتها ترجف وتباوع بية لعبت روحي من المنظر ردت اوكع من طولي استندت على الحايط اباوع بيها تباوعلهن وحدة وحدة
ماحجت شي دخلت لغرفتها كعدت على بايات الدرج ماكدر امشي عيوني صبت دمع بس تذكرت شكلة اموري من بعيد شفتة خاتل الدمعة بطرف عينة اشرتلة بيدي اجة يركض حضنتة ابوس بيه
طفرت من مكاني من صاحت ذهب باسمي.
اخذت ابني ورحتلها ارجف كوة احجي كلبي يدك بقوة مو طبيعية: ها بيبي
سدي الباب وتعاي يمي
رديت الباب وكعدت يمها لازمة كلبي تباوعلي بتركيز وتحجي.
شصار بينكم هالمدة
متخاربين هو بمكان واني بمكان
عليش تخاربتو؟
كال ماروح لهاي الجلبة
وراحلها بالليل ويكلي نامي برا طالع وي جماعتي
مااجي هسة تالي نزلت طالع من غرفتها
كالج تقربتلها
اي كال يلحون علية حرام اهجرها واحنا بنفس البيت
ها على هاي مايريدها يعني.
جذاب منو كال مايريدها بس يحجي هيج حتى يسكتني يكلي تلعب روحي ومالي نفس بيها تالي راحلها
قلصت عيونها تهز براسها
ذهب: وتخاربتم من يومها
اي
مارد عليج بعدها
رد بس وراها لا صار يتجاهل
واخر فترة يكلي مدري شلون حبيتج وعطرج خايس
ضربت على رجلها وكالت بحركة
ذهب: مسحور يالشافية
جا هو غير مايوخر عيونة منج لو مشيتي
بليلة ويوم صار تلعب روحة منج
فتحت عيوني بخوف بلعومي يبس
نيزك: سوتلة سحر تقصدين.
اي سحر جا هاي الشرايك تكعد راحة
هو لايقتربلها وهي شابة بس يمج كاعد
تعوفة الج
شلون هاي حالتة من السحر؟
دم زوع، طاح جثة هامدة بالكاع
خنكتني العبرة بجيت بقهر وهي تضرب على رجلي
ذهب: اسمعي هاي البارحة اجة وذيج تلكتة
تريد تاخذة للغرفة يباوع بوجهها يكلها ام عيون مو انتي هاي وهي تكلة لا اني امشي وي محضرتلك نركيلة تالي عافها وصعد جان يتخيلها انتي.
مسحت عيوني ماصدك اهز براسي كلشي شفت الا السحر وسوالف الشعوذة بحياتي ماشفتها رجفة سرت بجسمي: البارحة جنة سكران اجاني
ذهب: انجبي مايسكرون احفادي
هو صح ساقط بس مايشرب
كامت من مكانها لاخايفة ولا شي فتحت الباب وكفت وصاحت بصوت عالي.
ذهب: تعاي بت الضلام لانعل شيب اهلج
مشيت كوة حيلي بايد اسيل بالباب جمدت اشرت على روحهة تكلها: تقصديني.
لا على امج بت السحارة يالماتخافين مت الله بسحورج طبيتي للبيت وسكتنا كلنة مو منها لله
ولامحبة منا بيج كعدتي
اسيل: شبيج بيبي شكو
خزرتني وذهب مشتلها طلعت حفصة تتفرج والجناين التمن.
ذهب: دكولين عدمن مسوية السحر لا مايمر عليج
يوم اعترفي بلسانج
فتحت عيونها بصدمة تاشر على نفسها وجهها صار اصفر: اني اسوي لضرغام سحر اني!؟!
ذهب: جا عروك اذاني امشي البسي عباتج
دليني بالسحارة لانعل شيب اهلج
انتفضت تصرخ بصوت.
اسيل: من اجيت ولهذا الوقت يمتهااا طلعت
مو كاعدة هنااا يمتها تحركت عتبة بابكم وشفت السحورة وسويت؟
ذهب: امشي وياي امشي
حفصة: وين ماخذة البت بهلضهرية
مو تكلج ماطالعة وكلنا شهود لو تسودنتي عليها
ذهب: انتي اطلعي منها مالج شغل
حفصة: كون غسل شني مالي شغل
هسة بلة طلع حفيدج بية مرض مو زين
كبل ركضتي على السحر عبنج سحارة
وتعرفين بهاي السوالف
ذهب: انتي اسكتي لا اكوم عليج
واكلبها
حفصة: تعاي حبوبة هاي تخبلت.
اسيل: تتهميني مسوية سحر
يمتها طلعت يمتها سويت انتي تدرين عشرة تالاف ماعندي السحارة بلاش سوتلي بحضج وبختج
تحجينها اني سحرتة من اجيت ولجياي
ما دخل يمي غير ليلة ماسويتلة سحر بذيج الايام
مسحت دموعها تكمل بحركة
مرة حامل بس اريد اجيب ادور سحوررة
ماخاف على روحي على ابني
حفصة: فوتي حبوبا لغرفتج معليج بيها
هسة يردون من الطبيب ويكولون شبية
راحت لغرفتها وذهب تفر بعيونها راحت كعدت تذكرت شهب وصعدت فوك حتى ماتريكت.
وخطية لكيتها ترجف كعدت اسولفها واريكها
ضرغام مارجع منه خبر انشلعت كلوبنا للعصر
يلة رجعو وجهة ذبلان كلش صعد لغرفتة
لحكتة ورة شوية لكيتة يطلع بملابسة
سندت ضهري على الباب اباوعلة وامسح بعيوني
اندار شافني ودار وجهة دخل للحمام حتى ماطول النظر بوجهي انهاريت طلعت من الغرفة دموعي تصب شسويتلك وهيج ماتباوعلي!
بقيت يم البنات ما التقيت بيه بعد واني طالعة من الغرفة اشوف اسيل صعدت تريد تدخل غرفتي فتحت الباب ودخلت واني وراها سحبتها من ثوبها دارت وجهها مصدومة مني.
نيزك: اكسر رجليج لو دخلتي لغرفتي يلة برا برا
اسبل: شبيج عوفيني اجيت اشوفة ما انام وياة
حسيت نار وكبت بيه بلا تحسب ضربتها راجدي على حلكها فتحت عيونها بصدمة ردفعت ايدها صاح بية بصوت عالي.
اطلعععععن وسدددددن الباااااب
اسيل: بس اطمن عليك واطلع.
قبل لايجاوب سحلتها وطبكت الباب وراي احجي بصوت فحطان: ماتفهمين انتي يلة برا عوفية تعبان
اسيل: بس يعرف بيه ولد ينسى كلشي
وياخذني بالاحضان
ابتسمت بانتصار دفعتني بسهولة بهتت بمكاني.
فتحت الباب ودخلت عافتة مفتوح بقت عيوني عليهم هو متمدد على الجرباية مغطي عيونة بيدة دخلت كعدت يم راسة وبيدها تمسح على شعرها تهمس همس ماتحملت اكثر احس راح يصير بية انفجار، ثرت والغيرة حركتني كفيت ردني ودخلت سحلتها سحل ضربتني لويت اصابعها بحركتي صرخت بصوت لمت البيت ولاهمني اخذتها ادفع اندارت كمشت شعري بيدها سحبت ايدها ماهمني شعري عضيتها بكل قوتي عافت شعري وانتهت من الصريخ كل هذا وهو ولاتحرك ولاحجة اخذتها سحل ضربة الها وضربة إلى الباب بقة مفتوح اشرلي اسدة غميتة بيد وحدة وسديت الباب بقوة.
نزلت اركض خفت يلزمني على هاي الغمة ماكو دقايق ونزل لبدت بغرفة ذهب تباوعلي صفح.
بيبي احميني فدوة ترا والله بس يضربني
اختي ادجة وتخرب كليتة
ذهب: عرمة انتي وياها مسويات عصابةة
وحدة ادجج وحدة تسحل جا هي ماكتلتج
بكد الحولي وانتي هالكداتج
مو بالحجم بيبي بالقوة لاتستخفين بية
حفيدج طول وضخامة سحلتة سحل
ذهب: تستاهلين الكتلة
نيزك: حتى انتي طكوج بسحر شنو السالفة
خنست من دخل لزم راسة يفرك بية ويباوعلي.
اشرلي اطلع ماتحركت اباوع بالغرفة اريد شي اعارك بية ماكو بس المخاد رجعت ليورة من تقدم قريت الفاتحة على روحي مسحور بعد مايشوفني يكتلني ولايهمة فتحت عيوني بصدمة من طاح من طولة وذهب كامت تصرخ وهو يرفس برجلية
بقيت بمكاني جامدة والولد فوكة صارو شالو وذهب لبست عبايتها راحت وياهم المنظر طبع براسي مرعب ويسحل الكلب فجاة وكع فاقد دخيلك ربي امة انتهت وراة لليل وهما مارجعو.
لنص الليل واني كاعدة احرك بروحي والقهر كتلني
حسين: بت ابن عمنا وتاج راسة
رفعت راسي اله
ها عيوني
كعد كبالي واخو يباوع منا ومنا يراقب الوضع
حسين: باعي هاي سندس تسوي سحورة
اكيد هي مسوية لرجلج سحر
نيزك: شتريد منه مرتة الثالثة لو تريد تزوجة بناتها
كلشي يصير باعي اذا تردين
اراقبها الج واشوف وين تروح
والله تسوي فضل ماتشوف تبهذلنا
كام وهز راسة دك على ضهر اخوة يكلة
سمعت ضلعي نراقب سنيدس
محسن: وياك ضلعي ابن عمنا يستاهل.
حسين: لخاطر مرتة وتاج راسة نساعدة
اختفو من كدامي جنهم طناطلة شوية واجو جايبين ضرغام دخلو جوة ولاجنة يشوفني
اخذتة ذهب لغرفتها ومن شافتني كالت
روحي جيبي كل غراضة لاتخلين شي اله فوك وتعاي
مافهمت ليش والولد ملتمين علية ماسالت صعدت لميت غراضة كلهن ماخليت نزلتهن وردة وياي خليناهن كدامها سوتلنا بيدها نطلع وحدة صارت تباوع بوجهة الثانية.
ورد: شبية ضرغام شكالو
ذهب: ماكالو شي اطلعن يلا.
طلعنا وضرغام نام على وجهة منتهي عبالي بس يطلعون دكلي شبية ولثاني يوم ولبعدة ماكالت شبية ضرغام ولا طلع من غرفتها وصعد فوك بعد
كلة يمها شخص ثاني صار ولا كانة يعرفني لايحجي وياي و لاياكل يمهم ويكعد يم احد يطلع برا ومن يجي لغرفة ذهب.
نجمة: جمدت بمكاني من صفكو كلهم وكالو بصوت عالي عبالك سكارى.
احنا ولد الباشا عندنا فلوس وحشاشة
ضحكو بصوت عالي عبالك مخابيل ابتعدت على جهة كلبي يدك بقوة ذولة ولد الباشا اعداء بيت ليث اول مرة اشوفهم بس شنو يسوون هنا!؟
نزل واحد منهم عابسة ملامحة عكس شخصية الولد الوياة مشة بخطوات ثابتة لداخل الشركة بقت عيوني تراقبة دار عيونة علية وابتسم تك خد درت وجهي بسرعة جسمي كلة يرجف من نظرتة اريد بس تكسي ياخذني واخلص من ذولة
يغنون بصوت عالي ويصفكون.
عدنا كووومة فلوووس فلوووس فلوووس
غلط بينهم صار ماصدكت اشوف تكسي واشرد منهم طول الطريق افكر بيهم ومنظرهم مايروح من راسي رجعت للبيت اهل مرت خالي بالبيت سلمت.
بدلت على السريع ورحت للمطبخ اسويلهم عشا
دخل ابن خالي بيدة تليفوني يرن غسلت ادية واخذتة منه جاوبت.
ها زيد
وين رحتي؟
بالبيت هسة اني
ما انتظرتيني اخذج
ماجنت موجود وخلص وقت شغلي
غير تتصلين بيه
يلة غير مرة ان شاءلله
هسة انتي شتسوين
اسوي عشا
يلة من تخلصين اتصلي بيه
تمام
سديت التليفون وكملت شغلي تعشو وراحو اهلها بقيت اغسل مواعين بس خلصت رحت اشوف التليفون محترك مكالمات من زيد دخلت لغرفتي واتصلت بية فوراً.
ها زيد هستوني خلصت
جهزي نفسج علسريع
راح تجي
اي اخذج عمي مسوي حفلة
ياا بس لاتريدني اروح وياك
اكيد هو جاي اخذج
يمااا والله مامجهزة نفسي شلحك فدوه لا
البسي اي فستان عندج
بسرعة دبري نفسج
اكلك مابيه حيل عفية
اجلها غير مرة
هسة اخابر عمي ياجلها
امشي تجهزي راح اوصل
وخالي؟
خابرتة وافق
سديت التليفون انثولت شنو البس نوع الحفلة شنو
تاهت علية شعرفني بحفلات المثقفين صحت مرة خالي تختارلي ملابس اخذت فستان بنفسجي فاتح.
بية حزام كرستال ومن جوة كلوش بية كسرات كبار وصدرة بية فيكات بين عدلت وجهي مرت خالي مجهزة الاكسسوارات والشال لبست بسرعة واني ارش عطري الهورن بالباب بسرعة لبست حذاتي ومرت خالي جهزت الجنطة على السريع اخذتها مشيت ورجعت فحطانة ومتوترة.
خالة حلوة؟
تخبلين حبيبتي
زين كشخة كشخة
فوول كشخة
شنو اكلهم من ادخل
السلام عليكم لو مساء الخير
ها شكراً و.
صاحت بيه
امشي ولج كافي المنطقة راح تلتم على صوت الهورن.
طلعت وخالي واكف ذبيت نفس صعدت وكتلة
يمااا خبصتني غير على كيفك
حتى ماكلتلي على الحفلة شنو هاي
مال عرس خطبة ماعرف
ذكرى تأسيس الشركة
نسيت اكلج
شعجب اني مادري
انتي بكلشي ماتدرين عليج بشغلج
احسن مابيه حيل للمشاكل
شفت وجهي بالتليفون عدلت شالي والتفتت على صوتة من كال: احااا شلون جمال شايلة
ابتسمت ودرت وجهي على الجامة
وغمازة تشك شگ هسة اطبك السيارة على
صفحة؟
فتحت عيوني بخوف
لا حباب امشي راح نتاخر
ضحك بصوت عالي.
يلة ما اطبك احصل فرصة استفرد بيج
كلبي صار يدك بلعومي ونعلت الساعة الاجيت بيها هاي بدايتها هيج اخاف منه ماعرف شنو يريد بالضبط
نزلنا كدام قاعة افر بعيوني ونزيت من لزم ايدي
رفعت فستاني بيدي الثانية ومشينا هسة انتبهتلة لابس رسمي دخلنا للقاعة وانبهرت بجمالها وعدد الحضور ماعبالي هيج يكون الجو ناس ماتعرفها منين كلها قوط بيهم شباب وبيهم كبار ونسوان
هواي متواجدات.
ماكلتلي هيج الحلفة
حبيبتي هي حفلة بعد شنو.
سكتت ماحجيت شي رحنا لاهلة سلمنا عليهم باركت لعمة وكفنا على صفحة قريب منهم
اباوع للناس الجاية تباركلهم وزيد راح يسلم واني واكفة بس ارمش بعيوني سحبني من ايدي يعرفني على الموجودين من اليعرفهم.
زيد: اوووو شوف منو الاجة
التفتت وياة اباوع قبس وسمار واستاذ فقار وحسن وروان دخلو سوى ابتسمت فرح لو بيدي اصيح هلا هلا وارفع ايدي بس سحبني زيد من ايدي عاصرها وصلو باركو للعم وروان من شافتني حضنتني.
روان: خاينة شعندج هنا
ختيبي عزمني الحفلة الهم
امداج الخايسة انخطبت وتتفيك الا انخطب هسة
سهلة هسة اشوفلج عريس صاك مصكصك
اخفيت ضحكتي من خلصو سلام وعيونهم علينة صارت رفعت ايدي اشر بيها: هلو شباب مساء الخير شلونكم
سمار: اني زين و.
كطع كلامة ودنك راسة يباوع لزيد: زيد: نجمتكم التلمع صارت يمنه اعرف بيكم
اشتاقيتلوها ومكانها خالي مو؟
خزرة استاذ فقار وبكل جدية وهدوء كال
الزين اله وحشة.
خفت من قبس ونظراتة الخايس ختلت بضهر زيد وهما يسولفون ماكو ورة شوية طفو الضوة وشغلو اضواء خفيفة والاغاني اشتغلت سحبني زيد وطلعني كدامة ادية على متوني منا ومنا وهم يريدون ياكلونة عبالك.
زيد: نروح نركص وانتو لاتفوتون هالفرصة
استمتعوووو.
اخذني على صفحة وكفت كدامة وكلبي يدك بقوة يركصون هما بس اني استحيت كدامهم يلزمني وجهي صار يطلع منه نارر سحبني من خصري يركص سلو مارفعت عيوني حتى وبس حسيت يضغط على خصري رفعت راسي عيوني مدمعة وهو عيونة ليكدام صافنة باوعت بالاتجاة اليباوع بيه مافهمت عليمن نظراتة وعيونة الطكن فجأة.
ايدك زيد
كلتها وحاولت افتح ايدة وين يلا انتبهلي وفتح ايدة
زيد: شبيج
ايدك توجعني
ما انتبهت اسف.
ابتعدت عنة اتنفس احس اختنكت بدون مايباوعلي كال: ابقي هنا اروح وارجع
هزيت راسي وبقيت على صفحة اتفرج وادور بعيوني على روان ماكو البنية اختفت درت وجهي صار بين عيوني استاذ فقار بيدة كلاص عصير لونة فاتح يضغط علية وملامحة عصبية من ابتسمت رسم ابتسامة تسليك ردت امشي احجي وياة على الشركة و ود بس خفت لازيد يجي ويفكر بغير شي.
مارجع زيد مشيت اشوفة ومن شفت بوفيا اكل نسيت زيد واخذت ماعون اكل ترستة من كل نوع وكفت اكل واشوف بنية راحت لاستاذ فقار تحجي وياة عيني ضلت وياهم فضول شوية وراحو اختفو من عيوني صارت بوجهي روان وجهها احمر تهفي علية اشرتلها بيدي اجت علية وذبت نفس.
ها شبيج؟
روان: خطبني استاذ حسن
فتحت حلكي وهي تبتسم وترجع تضحك مثل الخبلة هزيتها مامصدكة: لا عليج الله استاذ حسن نفسة نفسة
نفسة نفسة
يااا ماصدك.
ولج من زمان يلمح بس ماجنت بالي
يريد يتزوجني وهسة يكلي اريد احجي وياج
انصدمت من خطبني وعبر عن مشاعرة
يكلي نتزوج باسرع وقت
وانتي شكلتي
شردت
يااا
ماشفتي نظراتة ماجان هيج بالشركة
لج عبالج غير شخص كلامة دوخني
بس كلامة معقولة
لو باقية ما اضمن شنو يسوي لهيج شردت
عود ردت ادورلج رجال ماشاء الله لكيتي
بس مامصدكة استاذ حسن هههههههههههههه
اسكتي نجوم مو تكولين فدوه بين مارجعلة خبر
خرب اجة اجة اروح باي.
راحت تركض كدامي متتت عليهم وهو يمسح بوجهة بكلنس ويدورها بعيونة اجة يمي وكال
وين روان؟
شردت
رفع حواجبة وكال
شردت!
ها لا مشت هيج تلكاها هناك
درت وجهي شفتها لازكة روحها بين الناس اشرد عليها: ذيج استاذ
مشكورة نجمة
راح وروان من شافتة جاي تسويلي بسيطة
رحت اشرب عصير كلها تشرب بقت علية
اخذت كلاص ومشيت اشرب عايفة الهوسة والركص.
هلو استاذ
فقار: اهلاً نجمة
نجوم
نفس الشي
استاذ روح اشرب عصير واكل الاكل هنا طيب.
فقار: شكراً نجوم ما اشتهي
استاذ عليك الله مكاني منو راح تخلية بيه؟
يبقى فارغ
ماتحتاج مساعدة بعد لو سكرتيرة؟
لا
بس راح تتعب انصحك تجيب وحدة
سكت مارد علية مدنك راسة يعصر السبحة بيدة
ودودة شلونها؟
ماشايفها
ياا شعجب هيج مارايحلها
شغل ومشاكل وهوسة كلهن ملتمات
احجي وياها بالتليفون زينة يم امها
من تجي كلولي اجي اشوفها
بعيوني.
راح يسلم على شخص جبير سحبت تليفوني اتصل بزيد وين راح هذا والمشكلة مايرد طفت الموسيقى واشتغلت الاضواء واكفة اراسل بميس وصوت سمار ارتفع رفعت راسي اشوفة لازم ولد من خوانيكة وقبس يسحب بية ماسمعت كلامهم ضميت تليفوني وركضت صارت هوسة والانظار عليهم.
سمار: ادوس عليك بقندرررتي يا قندرررة
رروح لك ماكو غيرك قندرة
نسوة راسك ماصنعتنا الناس وعايشين بخيرر غيرنا
قبس: الزم السانك لا ابلعكياة.
سمار بتعبة جابها مو مثلكم بالحرام والدجل
هز هزززز هزيلييي وانطيكك فلوس هو هذا الخير؟
بس خلص كلامة اجة بوكس قبس انجن بساعتها ضربة كلة براسة طيحة بالكاع من قوتها كلت راسة انفجر اجة جماعة الولد يركضون وفقار فوكهم
واحد يضرب بالثاني والحرس اجت تفاككهم ماتكدر واحد اقوى من الثاني صاح بيهم عم زيد
ودخل بنصهم فاككهم يصيح بيهم قبس رافع اصبعة يصيح عليهم.
انتو وباشتكم جوة قندرتي
سرسرررية نشالة العالم مخدوعة بيكم.
عبالهم باشا وهو نعال مايسواله
يركض يلم فلوس منين ماجان
صاح واحد بيهم منتفض بصوت عالي
لكككك لاتجيب طارررري الباشااا
لا امووووتك بمكانكككك
قبس: موتو رواحتكم ياكتاكيت
صوصو صوصو باشوات كال
وانتو تفترون وراي بمسدساتكم على جم فلس
موت روحة تموت وهو نفسة اليوم شفتة وخزرني طلعو برا وفقار اخذ سمار وقبس يتعذر من عم زيد
طلعو وروان تسحل بيه: راح تكمل برا ولج امشي.
طلعنا برا ولكيناهم صايرين مالخ بينهم والناس تفاكك بينهم والحرس فقار لازم واحد نايم فوكة
واحد يصور بيهم ويضحك يفتر على واحد واحد
روان: راح يدمررون شركتنا جاي يصور راح ينشرهن
حجتها وراحت ركضت سحبت التليفون من الولد
وبكعبها كسرته صاح بيها وبراجدي طير وجهة
ماحس الا استاذ حسن نام فوكة رحت اسحب بروان خدها صار دم.
روان: الخايس العايص يضربني انعل والدية
اليوووم.
نزعت كعبها وهما يتمالخون ادك علية بكعبها من خزرها واحد منهم هستوة فاك روحة اجت تركض
نجمة: ولج امشي لايلزمونج والله يكلبون
خلقتج
تتنفس بصوت عالي اجة استاذ حسن
قميصة مفتوح وجهة دم فحطان وكوة يحجي
بيج شي رونة؟
روان: عاشت ايدك استاذ بردت گلبي
حسن: بردي گلبي وافقي
مو راسي انترس شيب
روان: موافقة استاذ
حسن: صدك رونة موافقة؟
اي وافقت لان دافعت عني
رايح اكتلة مرة ثانية.
راح من كل عقلة يعارك بحماس وروان تضحك تباوعلة: دخيلك ربي ولاجنت متوقعة تصير بينكم علاقة بعييييييد
روان: اااجت الشرطة اروح وياهم
صوت الشرطة اقترب روان لزمت كعبها وركضت ورة استاذ حسن سحبتة وصعدو بسيارتهم شغلو والولد كلها طفرت فرغ الشارع لا ولد الباشا ولا جماعتنا تبخرو التفتت اشوف زيد هسة يلة بين
ماعرف وين جان هو وعمة حجو وي الشرطة
من شافني اشرلي ادخل جوة دخلت بسرعة.
گلبي يدك بقوة فتحت تليفوني وسولفتلها كلشي صار بصمات من اجة زيد سديت تليفوني.
وين جنت شكد دورت عليك؟
موجود يلة امشي اخذج
طلعنا مباشرة
نجمة: ليش تعاركو؟
ماينجمعون اذا مايتعاركون
ليش عزمتوهم ثنينهم اذا تعرفون راح
يتعاركون
عزمنا الكل غير يحترمون الحفلة
ماكو احترام وعداوتهم مايسيطرون عليها
عندي هواي استفسارات بس من شفتة مالة خلك سكتت وصلني وراح اتصلت بروان ماترد بين مابدلت اتصلت بيه.
بعد وقت لو مارادة مو احسن جنتي يمة
روان: اممم
ماتحجين عدل
احممم بس اكلج هذا طلع مو حباب
اني اشوفة حباب بس كليلي شنو سوة
نجوم الشفايف
شبيهن؟
ولي تريد اكمل
غير شبيهن اكلها شنو سوة تكلي الشفايف
لج انتي لاتلكفينها على الطاير ولا على الماشي
باسني يلا ارتاحي
طفت التليفون واني بقيت مصدومة هاي تحجي صدك لو تشاقة معقولة هذا الرجال الحباب المحترم الخلوق العاقل الجبير هيج يسوي!
انوب طفتة بوجهي الحقيرة رزلتها وكلت لميس قبل لا انام خليها تنصدم وياي مو بس اني انصدم
ضحكت بصوت عالي وكالتلي.
وقت الشغل يكون بشخصية ورة الشغل وبغير مكان اكيد تختلف شخصيتة من الجدي والزميل
لشخص ثاني ماتعرفينة
والله طلعت عدهم سوالف
اي عفية ولاتكولين حباب على الرايح والجاي
لا والله ماكول بس على وضيغم واستاذ فقار حبابين
حجينة شوية ورحت نمت ثاني يوم رحت للدوام
زيد دوم يدخل متاخر ومو دائماً يتواجد بالمكتب.
مر على تواجدي فترة زيد ولا خالي جابو طاري الزواج ولا حددو موعد عرس واني مغلسة
دائماً اتراسل وي روان تحجيلي الاوضاع والتطورات وكالتلي بالحرف الواحد.
روان: جاي نجهز لخطبتنا قريب الكم يوم تصير
ولج ماكتلج سما راحت لعلي وصارحتة بحبها
عزااااا صدك تحجين؟
ولج ولج ولج انوب يكتبلها احترم مشاعرج
وان شاءلله تلكين الاحسن مني بس اني ما اناسبج
وهي تكلة لاتناسبني اني احبك مايهمني تحجي لو لا.
نجمة: خطية مايتزوجها مادام تحبة
روان: ماعتقد تحبة شوفي هي لان اهلة ناس ثكال والهم الشركة وعلى جذاب ومرتب رادتة
قصدج اعجاب
بالضبط
حتى لو بس والله جريئة هالبنية
كلش تعجبج
هسة بنان تعترف لسمار
حتى يشهرها هذا المشهور شبيها تخبلت هو غير بس يرزل ويقصف شتحب منه وماكتلج فقار راح يرجع مرتة
يا الله والله خطية اتمنى يرجعون علمود بنتهم
منو كالج انتي
هي كالت تجي للشركة دوم تجيب ود.
وهاي جانت اخر الاخبار وبيوم اني وزيد طالعين ماردت اروح بس خالي كلي مرت عمة مسوية عملية روحي سلمي عليها هالفترة خالي يريد يروح لتركيا يكمل اجراءت جنت تعبانة خليت راسي على الجامة ونمت من وصلت كعدني نزلت وياة بيت عمة فخم كلش هاي اول مرة اشوفة دخلنا جوة
سلمت وكعدت يمهن هو راح كال عندي شغل
طلعنا اني وبنت عمة صغيرة كالت اشوفج بيتة.
جانت حديقة تودي لبيتة وحدة بس شفتة من بعيد ماعرف ليش خفت ادخل جوة كعدنا بالحديقة
راحت تسوي عصير عافتني وحدي طلعت تليفوني العب بيه جايني اشعار دخلت علية جان فيديو
ضغطت علية انفتح زيد وبنية بلقطة حميمية
بحفلة ومن صوت الموسيقى عرفت هاي حفلة عمة الصارت وتركتني وحدي بيها بس شفت الفيديو
اندز بعدها غيرة من بشاعتة ماكدرت اكملة.
وكع التليفون من ايدي وجسمي كلة يرجف رفعتة من الكاع ورحت لمرة عمة خليتة بين اديها بس شافتة سحبت التليفون منها وبصوت يرجف
كتلها: شفتي بعينج هسة تخلينة يطلكني
نزعت الحلقة شمرتها وطلعت من البيت صار بوجهي واني دموعي مغركة وجهي مو حبا بيه بس صعب الشعور شخص على ذمتة وراح نتزوج هيج يسوي!
ضربتة على صدرة وهو مصدوم بحركة صحت بية.
الله لايوووفقك يا فااااسد منحررف طايح حظ لا تعرف حلال ولا حرررام اخلاق وتربية ماعندك
طلكني لو تموووووووت ماباوع بوجهك بعد
مو اتزوجك
بقة متفاجا ومستغرب يريد يعرف الصار ابو الشوارع: ذرة من المستحة والاخلاق ماعندك
خاطب ومرة على ذمتك تروح تخوون بس انت ابن حرام وهيج تسوي
عفتة امشي صاح وراي ولو ارجع انتفة بيدي
كملت طريقي امشي وامسح بعيوني ادية يرجفن
تعالي افهمج
انعل ابوووووك ماريد افتهمت يلا طلكني.
تعالي اطلكج يلا حتى بعد ماتشوفيني بس اليوم
درت وجهي متفاجاة من برودة وردة فعلة ماردت اعرف منو هاي ولا ليش راحلها وهيج سوى بس ردت يطلكني حتى بعد ما اشوفة ونلتقي مرة ثانية
صعد بسيارتة طلع راسة من الجامة وكال
يلة امشي نفصخ وكل واحد يروح بطريقة
صعدت ورة بالي بس اخلص من هيج واحد واتحرر ماعرفت بنيتة شنو ولا وين ماخذي وحتى ليش خطبني وهو مايريدني!
شهب: مادة ايدي المصبوبة واباوعلها شكد بيها كاتبة احلامي وطموحاتي بخط مكسر وراسمة تواريخ واشهر محد يعرف معناهن بس اني عدلت كعدتي ومديت ايدي كعد كدامي بيدة سجينة طويلة اشبهة بالطبر باشطة تلمع بدا يفتح بصبة ايدي غمضت عيوني خفت لا ايدي تنشك وتلوحها السجينة فتحت عيوني على صوتة.
شبيج راح تموتين انفتحت.
نزع الصبة اباوع لايدي وصخة وريحتها تخنك جلدها مصلوخ بجيت من شفتها هيج راح ذب الصبة ورجع سحبني من راسي.
ليش تبجين مو خلصتي منها
ايدي تشوهت صارت مو حلوة
هاي قصدج؟ لج هذا كطن هسة ينغسل
ويروح
راح للحمام واني اباوعلها بقرف خيستها تكتل
جاب طشت صغير حطة على الجرباية جوة ايدي واني بقيت لازمتها موكفتها جاب غسولات وسطل مي كعد يغسل بيها مرة وثنين وتلاثة وكعت الوصاخة البيها وصارت ريحتها تخبل اخذتها من ايدة.
نزليها حبيبتي العظم ورجع التم شكو خايفة عليها
بكيفي
رفع حاجبة واني هم رفعت حاجبي
قبس: صايرة ماتنردين
بفضلك طبعاً
ولسانج طولان
احسن تخيلت اذا اطلك واتزوج مرة ثانيةة.
من شفت شكلة كطعت كلامي ورجعت ليورة كام من مكانة يتقدم علية عيونة صارت بكصتة
تتزوجين منو؟ تتطلكين من منو؟
منك احنا نتطلك بس اطيب لا هسة
بس ترجع اختي
حشكت روحي بتاج الجرباية وجهي صار نار
من اختلطت انفاسنة طك شريان بكصتة.
بحلامج اطلكج واعوفج تفتهمين مو؟
ماطول اني عايش ماتطلعين من ذمتي ولا
تصيرين على ذمة غيري افهمي هالشي
والله مو بكيفك اني ماريدك تجبرني ماتجبرني
باعي ترة اني اذا فقدت عقلي اتخبل
وماشايفتني اذا تخبلت
علي نفسك
لزمني من خدودي بقوة وانفاسة الحارة لفحت وجهي.
السانج ضبية عوفي هاي السوالف سنجوبة
لا سنجوبة ولا دبدوبة اني قررت نتطلك
بعد روح لحبيبتك انت مو تحبها روح اتزوجها
اتزوج غيرها
طبع بوسة على شفتي وابتعد.
لاتخربطين ماعندي حبيبة غيرج
صدكت
لاتصدكين جااابرجججج
هزيت راسي لا لم الهوسة كلها وجاب كلنس ينشف بيدي كعد يخلليها زيت ويدلكها يسويلها تمارين
رفع عيوني بوجهي: شعجب خليتيني اسويها
عادي خل استفاد منك
بس بهاي تستفادين مني؟
اممم
كرصني من ايدي صحت متوجعة وسحبت ايدة ماخلاها بقت بيدة يسويلها تمارين.
الزركة هم تجي يمج؟
ولاء قصدك
اي هاي القندرة
لا ابد حتى ماتجي يم البنات خطية
خطييية انتي شايغتها جنها ولد.
ترة هي متزوجة جانت
وتطلكت
عفس ملامحة بقرف من جاب سيرتها هي البنية ماشفت شي منها بس احسها كلش ودية وتحجي وهواي مدنك مركز بيدي وبتمرينها.
شلونها حبيبتك
رفع عيونة ودنكهن
شهب وين تردين توصلين؟
عقلج بيه مطاية ماتفهمين الكلام لو شنو بالضبط؟
احترم نفسك لاتتجاوز علية
سالتك سؤال عادي مو هاي الخبصت روحك عليها
غير نسال عن صحتها احوالها
ذب نفس بصوت عالي كوة لازم اعصابة عوزة يضربني ابو السفرات الدايح.
قبس: قدددديمة قدييييمة قبلج وقبل
لا اشوفج باربع بخمس سنوات اختفت من حياتي بالرفض حبها تبخررر بمرور الوقت مثل ماحبيتها
حبيت غيرررها
اي واضح حبيت غيرها الى درجة عايف
شغلك ومرتك الحامل علمودها
ماتفهمين الغيرة عمت عيونج وجمدت عقلج صرتي كلشي ماتشوفين خليتي فكررة براسج
خلص انتهى كلشي
اممم صح المهم شلونها
دخيييلك رررربي دخييلك اني ما اتحممممل
هيج برود واستفزاز شهب لاتستفزينييي
كتلج كافي سدي الموضوع مرة مرتين حجيت.
بررت بنية جانت صديقتي وكضيت سنين وياها
رحت اشوفها وانتهت لا لاااااا شلون تفهمين وتسدين الموضوع
ما افهم اني ولا راح افهم طلكني
خسرت ابني وصحتي بقيت لازكة بالفراش
حصرة علية الحرركة
وهم اني السبب اني الكلت لابن عمج
يدعمج لو اني الكتلج اطلعي بالشارع
فالتوة ادوررين مشاكل كولي من الاخير
يعجبني اتونس من احرگ دمك
هذا هم حظي
طلع من الغرفة كملت اسوي تمارين لايدي.
ما انسى ولا اكدر انسى الصار بسهولة لو ماخسرت ابني بيها مجال بس بعد الصار احس خسرت كلشي بقت علية؟ صح ماعندي احد بس ماكدر ابقة اكثر هواي صدمات صدمني كلفترة مكتشقة عن علاقتة هسة اكتشف عندة طفل منها وهم يكلي ماضي كلشي جائز ومحد ينتهي غيري امداني وامدة گلبي بساع حبة وتعلق بيه.
تعبت ونزلت ايدي صرت اكدر احركها
بكل وقت ادعي على سراج والسواة بيه مو قليل.
دمر حياتي وهسه الكعدة موتتني شغلت مسلسل وين اروح اكضي وقت بيهن بعدني ما مندمجة ورجع دخل انتبهلة سبح وكشخ كالمعتاد بيدة شيشة العطر يرش منها ويحجي بصوت عالي يسمعني.
رايح لعزيمة وراها اشوف الولد
جيب مرتك وجهالك للبيت مثل ماسوى
ضرغام لاتشلع كلبك
اني وين هاي الفاهية وووين
طلع ومن يوم الرجع يكلي رايح لفلان مكان
حتى واني مااحجي وياة يحجي بصوت عالي يسمعني في سبيل يكسب ثقتي من جديد مايدري الانكسر مايتصلح.
بس طلع اجة امير سويتلة مكان تمدد راسة بحضني ونيزك راحت ورجعت بيدها صينية جباسة وحلويات وعصاير خلتهن كدامنة.
شلونة ضرغام؟
قبل شوية زوع دم ومايقبل يروح وياهم
كلشي مافاد لا روحتهم ذيج المرة ولا البخورات وهاي السوالف
اكلج هي اسيل مو مسويتلة السحر ماتطردونها
البارحة نزلت القرآن تحلف
ذهب تكلها طيحتي بسحورتج وهي تحلف
مامسوية ولا طالعة ولا عندي فلوس
وها ابشرج ضرغام مايقبل احد يحجي وياها
وانتي شعجب باقية.
اروح لخالج يفشلني
وهاي اختج بعد ما اجت منتظرتها هاي من انطت
كلمة تنفذها كاعدة وساكتة لا احد ضاربني ولا طاردني بس اشوفها شلون تخلص وي ذولة
طلعت خطية وجهها اصفر حقها ماتنقهر ماتهنت بعرسها ولاشافت شي حلو، نام اموري اجت سهلة اخذتة تبوس بية وتكلة نوم العوافي ياروحي
وهاي سهلة ماتنام الا هو بحضنها نيزك تلتهي بالشغل حتى ماتفكر.
تعبت من الكعدة وطكت روحي اخذت عكازتي المشكلة اتعب من امشي بيها وما اسيطر كلش.
لان مرة وكعت اخاف اوكع طلعت برا اشتم هوى خنكتني الغرفة الممر فارغ واضائتة خافتة كلها منومة الضاهر بس اعتقد جوري تسهر مشيت لغرفة البنات وكفت اخذ نفس من فحطت عيني راحت على الدرج صعد فقار عاكد حواجبة معاني وجهة ماتتفسر وراة دعاء مباشرة لحكتة فحطانة راح لغرفتة كدامنا صايرة راد يدخل التفتت عليها من كالتلة.
اوكف شوية فقار
التفتت يباوعلها
شكو.
تقربت علية لابسة تراك ضيك بارز جسمها وشعرها فاتحتة على طولة يطك لركبتها واسود طوخ مخلية مكياج خفيف شكلها يجذب.
اريد اشتغل وياكم بالشركة
باوعلها من فوك ليجوة مستغرب بلبسها
اشر عليها وكال: انتي مو محجبة ليش
لابسة هيج
رجعت شعرها بغرور يطير بالهوى
دعاء: اي بس انت احسك غير عن الكل
يبقى حرام
هسة ماكلتلي اشتغل وياكم لا؟
لا
ليش
مامحتاجين موظفين العدنا كافي من رخصتج.
مجرد دخل وهي لزمت الباب بيدها ودخلت بقة بمكانة مصدوم منها ومن وقاحتها لزمت ايدة نترها
واشر بيدة: اطلعي برا
دعاء: ليش تجاهلني اني احبك
واريدك
فقار: احترمي نفسج واطلعي بررررا
صوتك العالم نايمة
وانتي من العالم نايمة شكو جاية
انزلج بهذا لبسج واخليج فرجة للكل؟
تجرات اكثر وخلت اديها على صدرة وبنفس اللحظة ضربها راجدي طير وجهة وشعرها صفح
دفعها بقوة من كتفها رادت توكع الا شوية لزم الباب ورافع اصبعة بعصبية يكللها.
اذا عدتي هاي التصرفات الرخصية والسخيفة
اندمج ديربالج تقتربين صوبي
دعاء: شصار اذا تزوجتني؟ صارلك شكد مطلك ماتريد مرة شلون عايش حياتك؟ لو تدورن بالحرام احسن
عيونة نطت حار شنو يرد من عصبيتة
هز راسة يضبط اعصابة ورد عليها بكلمة وحدة
ايا طايحة الحظ العهر شلون يكون اذا مو هيج.
ركع الباب بقوة بوجهها دكت على الباب تحاجية مارد ملت ونزلت تمسح بوجهها بقيت مصدومة جامدة بمكاني شنو من قلة ادب هاي عجيبة تساوم بنفسها جنت واكفة بين الغرفة والحمامات واكفة ضلمة صايرة علية محد شافني اخذت دقايق اتخطى الصار من يمي وحرارتي ارتفعت هاي ماتحس!؟
وصلت لغرفة البنات ثبتت العكازة وفتحت الباب مقفول دكيتة اجاني صوت جوري: منو؟
اني شهبة.
بسرعة فتحت الباب وسندتني لا اوكع بمشيتي كعدت على سريرها وردة نهضت تباوعلنا
شهب: بس انتن بالغرفة وين البنات
جوري: من صارت السالفة نزلن جوة يم حفصة
شهب: انتن كتلهن لو وحدهن؟
لا والله وحدهن بالعكس احنا نحبهن
بس لان اخوهن نعال حسن بالذنب
شهب: هلو وردة شلونج؟
ورد: عالي العال واليحاجيني اهفة بالنعال
طاح حظج
انجبي يالخايسة وديربالج على ابن عمي تاج راسج
شهب: لا والله.
ورد: ولد عمي رفعة الراس صاحبين نخوة وغيرة ونوماس ترحيلة فدوة الصاك المعضل
شهب: هاي شبيها
جوري: من يوم ما صحت رجعت تكمز بيهم وحتى من تاكل تكول ولد عمي تاج راسنا اكلو لا
شهب: الوضع خطر
جوري: كلش خطر كل شوية وصاحت ولد عمي تاج راسي
ورد: وضيغم تاج راسنا كلنا وراس
العشيرة وشيخ العشيرة سبعععع اخوي سبععع
جنتل ماااان سووبر ماااان احلى مان بالدنيا.
ضحكنا اني وجوري عليها وهي مستمرة تحجي بيهم وتتفاخر حقها والله تتفاخر بيهم انفتح الباب بقوة جوري لفت راسها بالغطا وردة كامت من شافت قبس ذب نفس بقوة ومسح وجهة.
قبس: اجابج هنا
ورد: تفضل ابن عمي الصاك الجميل
ولج ليش ماتكليلة راح اطلع من الغرفة ماتشوفينة فحطان يدور عليج
باوعت بوجهة جوري تكلي اسكتي
قبس: شفتي وردة الوردات تريد تجلطني
شهب: قابل طلعت من البيت شنو غير اختنكت
ورد: اختنكي المهم ابن عمي سالم.
شهب: بسيطة الا اكول لنيزك تكتلج
ورد: روحي هسة وي الحنين الغالي
قبس: الحمدلله من تحولتي هذا التحول الخطير ياوردة
اجة اخذ العكاز يريد يكومني جلبت بايد جوري
ما اروح اريد ابقى هنا وي البنات
الصبح حبيبتي الصبح تعالي يمهن هنا يجن
عليج اريد انخمد
ما تنخمد اني شكو
ورد: شوف شوف يكلها حبيبتي تكلة انخمد تؤ تؤ
قبس: شفتي بعينج
شهب: اكوم صارت الكعدة تغثثث
خليت عكازاتي اخزر بوردة الجايفة الوكية.
طلعت ورانا تحجي: ديربالج على تاج راسج
المعضل الجميل الاشقر
وكف قبس طلع خمسة وعشرين من جيبة
وانطاها شمرتلة بوسة بالهوى تكلة
الكرررريم الاصييييل المعدل فدووة تروحلك هاي الفاهية النعواصة ام المسلسلات تحب بالابطال
وعايفتك
وجهي اشتعل نار اني اعلمج وردة كون الله يحولج عاكولة لان فضحتي سري مشيت سريع للغرفة
قبس: صدك تحبين الابطال
هاي جذابة تحب الضباط
دخلت لزمني من ايدي وجهي صوفر
يا ضباط ذولة ولج منين تعرفهم.
ها مو حقيقين تقرا قصص بيها ضباط
وتريد تزوج ضابط هاي الحقيرة
ذب نفس عبالة ضباط بالحقيقة كعدت راح ينزع
اكسسوارتة على الميز ويفتح بدكم قميصة
المن تقرن قصص انوب ضباط
مو اني والله ماقرا قصص هاي بت عمك
وانتي تابعين مسلسلات تشوفين البطل
صورة وصوت بس لا تبقين تباوعيلة من ينزع قميصة
اندرالي مصدوم واني مصدومة منين جاب هاي السالفة هزيت راسي لا ماعرف شكلة تقرب ينزع بقميصة: صدك تشوفين جسم الممثل.
لا لا اديرهن ماباوع عيب وحرام
متاكدة؟
هزيت راسي اكثر، من مرة باوعلي بشك وراح للكنتور: احسن الله يذبج بالنار من وراهم
لا تباوعين باجر بيوم القيامة تنحرك عيونج
وكولي زوجي العزيز ما كال
باوعتلة بتركيز ضهرة احمر على ازرك وحتى ركبتة
كلبي صار يدك بقوة وعيوني غوشت اريد كمت رافعة رجلي واشر بيدي ماكدر احجي اندار شافني اجة يركض خاف لا اوكع كعدني جلبت بية خليت عيوني بعيونة.
وين جنت احجي الصدك؟
مو كتلج طالع لعزيمة.
عزيمة وضهرك شبية هاي الاثار شنو ويامن جنت؟
كلتها وشهكت بصوت عالي فتح عيونة مصدوم
قبس: وين تفكرررين انتي وين يا استغفرالله
شبيييج
جنت تخوووني لو متزوووج علية كووول
من شافني ابجي واتهسترت احترك گلبي وروحي طلعت لزم ادية يحاول يهديني ويفهمني.
والقرآن كلنا طالعين اني وفقار وسمار
لعزيمة وهاي جيتي
وضهرك؟ هاا شبية
تعاركنا هاي اثار مرة هااي!
دار ضهرة انعمت عيوني ماكدرت اميز ولا اصدك بية.
قبس: تعرفين تميزين هاي كدامج.
باوعي
ما اصدك بيك خابر فقار يحجي الصدك
وبعدين خابر سمارر ما اصدك بيك
فتح عيونة وشرايينة طكن من العصبية
ترديني اخابرهم هسة اكلهم مرتي تكلي بيك اثار
جنت تخوني؟
هزيت راسي اي ودموعي تنزل
والله ما ابقة هنا روح ابو النسوان اني اكل لفقار يحجي الصدك
ردت اكول سحبني ينتر بوجهي
عليمن مو رجال كدامج واتاكدي بنفسج
رايح لو مارايح
مافهمت كلامة الا من شفتة ينزع بالحزام
نطت عيوني اتوسلة.
لا لا والله رجلي تاذيني مايصيرررر تنطخ.
ررروح اسااالة عليمن
ماخلاني اكمل ولا كدرت افلت منه درت وجهي دموعي تنزل سحب وجهي يبوس بية.
قبس: حاولت ما اطخ رجلج شبيج بعد
غطيت وجهي بالفراش عيوني صارت ناار
حلفت، حلفت ماتتقربلي حلفت اندمك وارجعها الك نفس ماحركت كلبي احرك كلبك
شبقيتي بيه علساس ما احترك گلبي تغشمين بروحج يلة اسكتي لاتبجين
يلعب بشعري يجيبة منا ويخلية منا
عليمن فقار واتصل باحد هاي تاكدتي
كاتلني الضيم عاقلة انتي شبيج هيج تفكرين.
عايف الجمال والترافة ادور وراج
تدرين انتي تارسة عيوني وكلبي
جذاب ما تحبني
مابينة قصة حب ولامتعرف عليج قبل
بس حبيتج بفترة الخطوبة استلطفتج
ورة الزواج ماكدرت ماحبج جنت متاكد ماحب بس حبيتج ماكدرت اعوفج ليلة گلبي صار الج ليش ماتفهمين هيج غبية
لاتغلط الدايح ابو السفرات
الخوينسة طلعلج لسان
ماتعرفين تحجين كلمة حلوة
روح اتزوج مرتك تحجيلك كلمة حلوة وتتلوكلك مثل دعاء
الا هاي لعبان روح تركض ورة اخوي تالي الليل.
ماتزوجها امها وترحم بحالها عمي تريد رجل
يلا اسكت اسكت
احبج سنجوبة
لو قبل كايلياها افرح بس هسة لا عادي
دنك باس ركبتي وبقوة شمها
قبس: مايهم المهم احبج
احرگ كلبك هسة تشوف
حاركة كلبي بهذا نفورج مني شتسوين اكثر.
ورد: نزلت اتريك وذهب صوتها عالي تتعارك وي ضرغام تريد تاخذة وياها مايقبل.
ذهب: ولك حبوبا ررراح تموووت
بسحورتهن عسى الله لايوفقها كلمن سوتلة
ودهرتة
ضرغام: مووو رحنا كل يوووم عوووفيني
اموووت
رجال شكبرة يسحلونة شلون بلة
خطية كل يوم يزوع دم وامة واحنا متخبلين علية وهو متخبل يطلع للمعرض مايرجع للغروب ينتهي ضيغم عايف شغلة وملتهي وياة.
ضرغام: اسيللل عوفوووها لحد يتصررف من كيفة المرة حامل بابني.
ذهب: هي دهرتك حتى ماتلحك تشوف ابنك
طلع من البيت وذهب سوت فلك جمعت ولدها كلهم تصيح بيها بكلب محروك: اذا ما تاخذونة للامام
لو للسيد اكعد بالشارع واخزيكم اروح لعلي عذاب
واشهركم بالتلفزيون
اسامة: شنو نسويلة رجال نسحلة نربط اديةة
ذهب: اي مابيها شي المهم ناخذة
مسحوور متشبع سحورة راح يمووتنة اذا ضل هيج
للعصر جابوة منتهي اخذت عباتها وامة راحت.
ومارجعو بعد لنص الليل دخلوة كبل نام وامي راحت تسالها ماتنطي تفاصيل بس تكللها سحر
بقة على نومتة لثاني يوم تريد تاخذة للامام مايقبل صار زين شوية وثاني يوم احسن مازوع ولا وكع.
العصر نيزك مسوية كعك خدرت جاي وصاحتلي اخذلهم صعدت فوك البنية منتهية الوجهة كركم ولاتحجي بس تشتغل اخذتلهم الصينية كعدت اصبلهم جاي.
اسامة: عاشت اايدها للام امير
فرقد: عبالي وردة مسويتة
لا عمو بالمستقبل اسويلك.
ابوي زعلانة علية ما احاجية لهذا اليوم بس عمامي ذولة ذولاك ما اباوع بوجهم من اجو ولد حفصة شافوهم كاعدين كعدو يمهم طلعت حتى ماصبلهم جاي سم ياكلون شسوو بية.
جواد: نعمان خوية اريد بنتك الجبيرة لضيغم شدكول؟
نعمان: شكول البنت بتكم يمتها ماتردون اني حاضر
جواد: نقرا الفاتحة بنية التوفيق
ذهب: هيييي هيييي بكيفكم انتو شني زوجتو
بعد جبتو فروخ الولد يرضة هو بيها
نعمان: شبيها بنتي عايبة؟
ذهب: اشهد الله بناتك خوش بنات مؤدبات ومستورات بس الولد غير ناخذ راية البنية هم نسالها تريدة لا
نعمان: بناتي مايخالفن كلمتي وين تلكة احسن منه
جواد: وضيغم موافق ليش. مايوافق
ذهب: عود من يرضى انطي الموافقة مو هسة
جانو يقصدون رفل هي رفل صدك حلوة وحبابة
بس صغيرة ضيغم يقبل بيها، اجة هو وفقار
يسولفون مندمجين صاحولهم يكعدون وفتحو الموضوع اباوع لضيغم عاكد حواجبة وبرود كال
ما ناوي اتزوج والبنية مثل اختي.
جواد: منين صارت اختك عرفة ولفة ولك
هاي كلاواتك بطلهن مليت منهن شكد يصير عمرررك ومامتزوج
كام من مكانة وابوي يكلة
اكعد نقرا الفاتحة
بنفس اللحظة دخل حسن وبصوت عالي كمزنا
حسن: منوووو التردوون تقررون فاتحتها
والحسين اسوي الدم لركااب رفل ماتصير لغيررري مررة ولو انطيتووها احط طلقة براسها وبراس المسعددد الياخذهااا
كاملة ابوة وجهة صار احمرر
عدنان: امشي لكككك لاتعلي صووتك
خلي البت تطلععع.
حسن: يااابة الماررايد رووحة ياخذة امووووتة
والقرررررآن رفل إلى سمعتووو اني ابن عمها
ذولة منين طلعو تالي وكت وصار ابن عمها
ضيغم: هاهي الك
عدنان: مو بكيفة هذا مراهق مايعرف يحجي
ضيغم: مراهق بالجامعة راح يتخرج
الولد يريد البنية زوجوهم مادام يريدها
هجم علية ابوة ماقابل خطية طلع برا لا يلزمة ويكتلة كدامهم وبصوت عالي وجهة دم صاير
يصيح: احرررك البيت عليكم اكتلكممم
كلكممم بس تنطنوها لغيررري اكتلها هي والياخذها.
طلع ابوة يطارد وراة واخوانة التوم جوة يحجون
حسين: هي بكدة بكبرة رجال طاكة الشيب تنطونة فرخة صغيرة هي لاخوي ماتصير لغيرة
محسن: ماتصير لغيرة عود انطوها وشوفو شنسو
نعمان: راح اكوملكم اطيح حظكم
حسين: عمنا ونسكت عنك حتى لو ترزل وتغلط بس بنتك ماتصير لغير، حسن
ضيغم: مابيها شي ابن عمها ويريدها وحسن خوش حسن
جواد: خو انت كيفت بعد هاهية جهز عرسهم بيدك
ضيغم: ليش لا حسن يستاهل
صعد فوك ودارو على فقار.
وانت تاليتك ماترجع مرتك
فقار: رجاءً لحد يدخل بحياتي
اسامة: عاجبك وضعك بنتك بجهة
وانت بجهة رجع جمانة لذمتك لو تزوج
وتكون اسرتك
فقار: اطلع من هذا البيت واكون حياتي سهلة ان شاءلله
بالليل اطلع بحلوياتي ونيزك تشتغل بالمعجنات
دخل ضيغم سحبني يبوسني ويباوع بوجهي يشوفني متحسنة لا اخذ عصير مني وكعد يشرب بية دخلت جوة صعدت لغرفتي والبيت صنطة كل واحد بغرفتة
نيزك: التفتت من سمعت صوتة كال.
ضيغم: ام امير وانتي تشتغلين احجي وياج اذا مايزعج الموضوع
نيزك: لا عادي مايزعجبني تفضل
ضيغم: للصراحة صار عندي فضول اعرف
عن اختج كواكب مرة التقينا بالصدفة سولفتلي هي هي اهلها مضيعتهم بالسوك ماعرف شلون
تشاقة انت كواكب كالتلك هيج بلسانها!
برأيج منين اكدر احصل هيج خبر
ما اتخيل كواكب حريصة ماتحجي
اسرارها لاي شخص
المهم سولفت
وهسة شنو المطلوب؟
تسولفيلي الباقي
خزرتة رافعة حاجبي
: شنو تستفاد اذا عرفت؟ وشعليك بيها؟
اعرف اريد فضول شلون ضاعت
ماضاعت اهلها راحو بالانفجار الصار بالسوك
وهي شلون بقت عايشة؟
عايفينها بمكان ورايحين يشترون نعتقد لان
هي فاقدة ذاكرتها ولو جانت صغيرة كلش احتمال طبيعي ماتذكر شي
شكد جان عمرها بوقت الحادث
صغيرة اربعة تلاثة هيج شي
بهذا العمر تتذكر حتى لو اسمها جانت تحجي؟
اي تحجي كتلك تمشي بكد ابني واكبر شوية
بس ماتعرف اسمها امي سمتها الله يرحمها.
هسة ابنج كلشي يعرف ماتتذكر مبينة فاقدة الذاكرة وانتو شلون لكيتوها على اي اساس اخذتوها لبيتكم؟
اهلي سعفوها طبعاً اني جنت صغيرةبس هما سولفولنا من كبرنا اهلي يسالون الشرطة بوقتها خاف احد يدور عليها شي ماكو لحد سال ولا اجة احد بلغ فاقدين طفلة ابوي راد يسلمها للحكومة بس امي ماقبلت كالتلة ياخذونها لدار الايتام
خليها يمنا تعيش حياة طبيعية وي بناتي
احسن ماتربى بدون ام واب تالي يصير عمرها 18.
يشمرونها بالدنيا الجبيرة وهي مريضة
شنو مرضها
راسها يوجعها تصرخ منه اهلي شكد
اخذوها لدكاترة كالو مايفيد اله علاج فقدان بالذاكرة ودكاترة دكول لا من صوت الانفجار القوي تاذت الاعصاب ومن صار يوجعها باوقات محددة من السنة القريبة على وقت الحادثة
الدكاترة اكدو مرض نفسي ليش اكثر شي
بتاريخ الصار بيه الحادث تتازم حالها
بكل الاحوال هو بسبب الانفجار.
كام من مكانة بيدة بطل العصير كملت الف بالعجين ودخل ضرغام: خير شعدكم؟
باوعت لضيغم رفع بطل العصير
اشرب عصير لو حرام
طلع من ماجاوبة بقيت منطيتة ضهري اشتغل حسيتة بعدة بمكانة واكف ماالتفتت علية
جمدت من حسيتة ورة ضهري مباشرة
وايدة صارت على خصري لزمت ايدة احاول اخلي صوتي طبيعي بعد قربة...
جاي اشتغل روح منا لايجي واحد
مشتاقلج موت
همسها يجر النفس وايدة تضغط على خصري.
التفت اشوف عيونة حمرة دنك راسة يريد يشمني رجعت ليورة ادية كلهن طحين.
روح نام تعبان انت
عيونج طبعن براسي
اريد ابوسهن واحسب رموشج رمش رمش
بالحلم اتحلم بيج ومن اشوفج ماريدج
هسة تحلمت بيج واجيتج روحي هاي روحي تريدج
گلبي هذا يدك الج اتذكر ايامنا فوك واموت من القهر من اشتاقلج
اتعالج حتى ارجعلج اذا انت ماتقبل تطاوعهم وتروح وياهم
والله مو بيدي ماريد واحد يحجي وياي
ماتفهمين هسة عوفي كلشي اني اريدج.
لاااا والف لاا كلشي خطا وحتى لو تتقربلي تطيح
عوفني هالفترة ابقى بعيد
اسكتي اسكتي لاترديني اتحلم بيج حلم
يحجي والعبرة خانكتة عيونة مدمعة وايدة
ترجف تحسة مريض مو ذاك ضرغام حتى شكلة متغير كلبي انعصر من شفتة هيج كوة لزمت دموعي ماتنزل يتلمس وجهي عبالك مضيعني يكول بغير كوكب مو نفس البيت دنك يبوسني
دفعتة من صدرة.
روح ضرغام لايجي احد
امشي وياي عندي شغل
ياشغل هذا الاهم مني.
سحبني بقوة مالحكت اغطي العجين اسحب بنفسي ايدة لطشت ماتنفتح غلط بغلط مايصير يتقربلي وهو مو بوعية ثاني يوم يرجع مايباوعلي واموت من القهر.
ضرغام عوفني تعبانة
مايصير تتقربلي
شبيج
الشهرية علية
بس اريد اخليج بحضني واشتم عطرج ماريد شي بس انام مرتاح تعبت اريد اشم انفاسج
بس خلة راسة بركبتي ثكلت انفاسة ونام واني من القهر شينومني بقيت ادك بروحي دك شوكت نخلص من اسيل ومن هذا البيت هم يجي يوم ونعيش براحة ما اصدك.
االصبح كعدت لكيتة ماكو وراها بفترة نص الليل فاز من نومتة واجاني حاولت ما اخلية يتقربلي ماكدرت وجنت مخلية كلبي على ايدي
سويتلة ريوك تريك قبل لايطلع للشغل طاح من طولة وهم اخذوة ورجع نفس حالتة بس يتقربلي يوكع نار وشبت بية رحت لاسيل واني جنت عايفتها ماريد اسوي مشاكل لزمتها طلعت حركتي بيها بس ماتقربت لبطنها كوة طلعني منها فوخت كلبي بيها ام السحورة شكد مسويتلة سحورة.
اندك الباب بالضهرية جنت ميتة من القهر واليحاجيني اكتلة مشيت اصيح
جااااية على كيفكم كسرررتو الصخام
فتحت الباب وانصدمت اخر شخص اشوفة
جاي للبيت ارتفعت انفاسي ماكدرت احجي من الصدمة فتحت الباب.