رواية المنجمة للكاتبة كفاية كاظم الفصل الرابع والأربعون
ضيغم: كعدت يم راسها مثل كل يوم الصبح
اعدل بشعرها وامسح على وجهها احاجيها وكلبي يتكطع من ماترد علية اموت من اشوفها نايمة ماتدري بالدنيا شبيها مابيها.
تكعدين تتريكين وياي؟
اني لسة ما ماكل شي كومي حتى اجيبلج صمون حار وكيمر عرب اسويلج لفات وجاي حار ام بطن ما اشتاقيتي للاكل
التفتت على فتحة الباب دخل فقار بملابس الدوم بهيبتة واناقتة وملامحة الحزينة.
فقار: انت هنا شكو من الصبح
شعليك.
لا إلى ضيغم انت طلكتها لاتلزمها
بهتت ملامحي ماتوقعت يحجي وياي هيج
تبقة بت عمي
بت عمك شابة مو صغيرة وجانت قبل على ذمتك
مارديت علية سكتت تاكل بكلبي رغم كلامة صحيح
دنك عليها باسها براسها وخر شعرها من كصتها رفع ايدها باسها وكعد يمها يسولف عليها متجاهل وجودي.
فقار: سارة ماعرف اكول كواكب انتي اليريحج اكولة بس اكعدي اول اسولف وياج اسولفلج.
عن طفولتج اذا تردين اسولفلج على الفترة بعد فقدانج كلشي اسولفلج بس محتاج تسمعين مني
من يوم شفتج حنيتلج وجنت اتعجب من ضيغم يركض ويساعد بت غريبة بس من اشوفج اسكت
واكول اتمنى يبقى يساعدها واتمنى لو كايلي
قبل الكل وقبل لا انت تعرفين.
السوالف هواي رادلها كعدة وانتي كدامي مو نايمة
كام من مكانة باوعلي
فقار: ماتكوم شعندك باقي
بكيفي شوية واكوم
سحب نفس واكد بكلامة
فقار: لاتبوسها ضيغم حرام عليكم ثنينكم.
بلعت ريكي واذاني احس بيهن حرارة تطلع
ضيغم: لاتخربط بالكلام
فقار: لاتقنعني مابايسها هاي ركبتها اثر
شواربك واضحة هسة شفتهن جديد هذا
حتى لو عندي حجي تخبر من راسي وطار
فقار: يلا اطلع كافي انت مو امان
بس اسولف تسمعني هسة يحترك كلبها ودكوم
تغلط وتفشر اعرفها ماتتحمل سوالفي
بدون سوالف تسولف شوية وتروح تبوس ماتشوفها فاقدة الوعي شبيك هاي انت العاقل ماعرفت هيج زير نساء
زير نساء كببببل علمود بوسة واذا بستها نسيت.
مو على ذمتي شنو البشر ماينسى
اطلع يلا بعد لاتجي اذا هيج
ما اطلع هستوني اجيت عندي سوالف لاتاخذ دوؤ الاخ براسي من هسة اني عرفتها قبل لاتعرفها ومعاشرها واعرف كلشي عنها ابقة يمها اطلع لاتدخل
شبييييك تريدني من الصبح اتعارك وياك
شنو هالكلام والاسلوب!
لا دكلي اطلع انت اطلع يلا
بعد ما اتحملككك والقرآن
لزمني من خوانيكي الغضب مسيطر علية يحجي مغتاظ.
فقار: جاي اكلك حرام تبقة يمها وانت بهذا اسلوبك وعقلك الفاسق معتبرها مرتك
نترت روحي منه ورجعت كعدت بمكاني صار يفور بمكانة بس مايكدر يصيح لان مستشفى وصبح
ضيغم: روح لشغلك شوية واجي وراك
رفع اصبعة يهدد راد يحجي قاطعتة
ضيغم: ما اتقرب عليها وعد مني بس اسولف جم سالفة بكلبي نايمة
هز راسة وطلع ضحكت على شكلة هذا من هسة اخذ دور الاخ وراح منتبة على البوسة.
ضيغم: انتي منا ماتنحملين وشلون طلعو وراج اخوان اغثث من الغثة جانو حبابين بس منا وهيج يكلبون ذيج الگلبة علية ديلا هسة انتي من اهفج براجدي ماتكعدين
ضحكت وكمت من مكاني كدامها وكفت اضرب على خدها بخفة خليت ايدي على كلبها يدك بقوة.
تسمعيني مو؟ اعرف تسمعيني
كوكبة اني احبج اتمنى من تكعدين من الغيبوبة.
تتذكرين هذا الكلام حبيتج بنية طبيعية على فطاريتج ما تصنعتي مثل غيرج ولا حاولتي تنزلين من نفسج رغم انتي مرتي بوقتها
تدرين لو غيرج يسوون المستحيل حتى يستمر الزواج ويتحول الى حقيقي بس انتي وين امثالج قلة ولهذا السبب حبيتج وحبيت سوالفج
وكلشي بيج ووياج حبيتة واستمتع بوقتي من يكون وياج
رفعت ايدها الواشمتها بالجديد بيها وردات صغار رسمتهن باصبعي حتى نسيت وعدي لفقار قبل دقايق كتلة ما اتقربلها.
هاي الوردة اني رسمتها اتذكر عجبتج ورسمتيها؟
بس بوقتها تعصبت عليج من شفت الوشم ام الوشوم الموشومة شايفة لو صحتيلي ابو العطور المثقف اكتلج كتلة من هاي التمام وعود بوقتها احجي وجهج اصلخة صلخ راجديات وشعرج اطولة البسج حجاب وعباية واعلمج على الطبخ صيري ام بيت معدلة بعد تمام؟
واني لازم ايدها ايدها تحركت فتحت عيوني بصدمة وضبيتها بيدي احس كلبي يرجف
كواكب اني ضيم اكعدي حاجيني.
تحركت اكثر ايدها نزلتها اضرب بخدودها ماتفتح عيونها بقيت اباوع لاديها وفز كلبي من حركت الثانية انتظرت دقايق كلت تكعد هسة بس من شفت ماكو استجابة طلعت صحت الطبيب
ابتسم يبشرني.
هاي المرة الثانية تحرك ايدها عن قريب تفيق
من الغيبوبة وتتحول لمرحلة الاستجابة للوعي
اتمنى تكونون حذرين وماتحجون شي الا بعد ما تحجي ونشوف هل رجعت تذكر او لا
دكتور بعد ما سمعت الحقيقة هل يعقل ماتذكرت
طفولتها.
احتمال لان دخلت غيبوبة وكل التريد تذكرة
اجاها بدفعة وحدة دائماً الشخص الفاقد للذاكرة يحاولون يذكرونة مرة باسم مرة بصورة واشياء بسيطة الا ان ترجع ذاكرتة مو كل الفاقدة بوقت واحد هنا عقلة انطاة صدمات ولقطات مكررة
بصورة مسرعة ادت الى فقد الوعي مطول
السبب مني يبقة اني ما فكرت بيها
ان شاءلله سلامتها.
طلعت ماكدرت ابقى الندم ياكل بيه اكل تسرعت كلش ماردت اضيع فرصة حتى احجي بيها نسيت حالتها ماخطرت بالي اجت امها واخواتها شافنها وبقن يمها يسولفن طلعن واني ماعرف ليش باقي ماجنت بوعي أصلاً جنت سارح بافكاري.
اسامة: شو هنا ماعندك شي؟
لا عندي كايم
طلعت اختها سمر تصيح فاقت سارة
وين يلا استوعبت تقصد كواكب ركضنا
اشوفها فاتحة عيونها وهاجر تبجي وتحاجيها
اني امج حبيبتي ياروح امج
عيوني عمت عليج عبالي متتت.
اسامة: اس ولا كلمة لاتحجين شي اترجاج
باوعت على الكل وباوعتلي صرت يم راسها لزمتة وحاجيتها: كوكبة اني ضيغم حاجيني
بس رمشت بعيونها اجة الدكتور فحصها كال
من تحجي نشوف اذا رجعت ذاكرتها
كونو حذرين بكلامكم
جانت بس تباوع بالوجوة واخواتها يحجن وياها
سمر: سارة احنا اخواتج عدنا صورج من جنتي
صغيرة والله احنا نحبج كلش هواي
سحر: اختنا الصغيرة انتي
اسامة: بابا مو كلت لاتحجن شي صوت كافي.
هاجر: اريد بنتي اسامة لاتمنعني انحرمت منها سنين شلون اكدر امنع نفسي منها
اخذها حاضنها يفهمها حالتها واخواتها يمها يحاولن يحاجنها اتصلت بشرت الكل الفرحة مالية روحي
ورة الظهر هي ماحجت شي بس تفر بعيونها والدكاترة يكولون طبيعي حتى لو يومين تبقى تستوعب اجن اخواتها نيزك وشهب ونجمة
وحتى فقار وقبس والمستشفى صار هوسة.
اخواتها يبوسن بيها ويبجن منظرهن يبجي امير يبوس بيها طلعناها بهذا اليوم اخواتها سانداتها يردن ياخذنها للبيت وهاجر تريد تاخذها وياها اسامة منعها يفهمها بعقلانية.
اسامة: تصحة اول الافضل يمهن تروح
وبعدها نكعد ونحجي وياها.
نجمة: الكل اجة ويانة للبيت دموعي ماتنكطع هاي كواكب التكول اني ماعندي احد بهاي الدنيا كلها تفتر وراها وكلها تريدها ما اصدك التطلع بالشارع تنام لان ماعدها كرايب تروحلهم من يطردها سالم هسة بس منتظرين تحجي حتى ياخذوها الوحيدة الها اب وام واخوات واخوان واقارب يسدون عين الشمس كلبي نار تحجي ونشوف رد فعلها.
رجعت لفراشها نامت وجرتها نومة طويلة ردنا نسوي اكل دزو جاهز الولد بالاستقبال كلهم ماعدا ضرغام وقبس طاالعين داخلين للعصر كعدت طبيعي باوعت هواي يلا كامت راحت للمطبخ كلنا نراقبها شربت مي وفتحت الثلاجة صفنت بيها ولزمت بلاعيمها حجت.
كواكب: منو كالجن تذبن الطاطلي واللبن
بكيغجن انتن وين الفات والدجاج
شنو كلة ذاباتة؟
نيزك وكلنا دموع دموع حضنتها باستها عبالك كاعدة من النوم هستوها: اكو غدا ضامتلج
اصبلج.
كواكب: واللبن والطاطلي ليش ذبيتنا هاي
ثلاجتي لو مغيرينها كلشي مابيها من مالاتي؟
ضيغم: شنو تذكرين؟ تذكرين الطاطلي واللبن بس؟
كواكب: وهذا شكو ملفينة؟ شو صايرة هيتة
منو المات كلها ملتمة؟
باوعت بيهم واحد واحد لزمت راسها وعفست وجههة دارت عنهم انطتها ضهرها واخذت الاكل من نيزك دنكت راسها ماتباوعلهم كعدت بالصالة ربعت
كواكب: نجمة شغلي البلازما اريد اتابع اخبار
شغلتة بس سمعت الصوت تاذت وصاحت اطفية.
اكلت ساكتة مارفعت راسها والمصيبة كلها منتظرة تحجي وتريح كلبهم اجة ضيغم بيدة علبة طاطلي وبطل لبن خلاة كدامها وكعد ياكل وياها خزرتة
وسحبت الاكل خلتة وراها.
كواكب: هو شوية ما ماكل ولي منا؟
ضرغام: صدك ما ماكل وين جنت هلا رجعت ام دجة الاعرفها القصف لعبتها تفشل اكبر راس
ضيغم: انجب انت ميخصك
نصة صوتة وكلها
عيب من الناس الكاعدة احترميني
جبتلج لبن وطاطلي.
خزرتة وفتحت اللبن تشرب منه وتاكل طاطلي ضحك ضيغم واخذ منها ياكل بمجرد ما كملت
غسلت اديها وراحت للغرفة سدت الباب دكتة نيزك
ها كواكب افتحي الباب؟ ليش سديتية
بصوت تعبان جاوبتها
كواكب: راسي يوجعني ماكدر اسمع اصوات
لليل هي ما طلعت واسامة اخذ البنات وامهن وراح
بقو الولد كلهم موجودين.
ضرغام: خلصت الزيارة كل واحد لاهلة مانريد ازعاج
قبس: اني رايح انام ضرغام نام بالصالة عود
ضرغام: لو تموت الاستقبال إلى ولجهالي.
قبس: واني وين اروح؟
ضرغام: انكلع شكو باقي
قبس: ومرتي؟
ضرغام: اخذها عوفها امر يخصك وانتو الاثنين شنو وجودكم هنا باقين
فقار: ضرغام انت كلش مو محترم
ضرغام: من زمااااان دكلي هيج شنو التغيير
فقار: انجب واسكت
ضيغم: اتفق وياك انجب ضرغام مو بيتك وتطردنا
ضرغام: بيت مرتي وبكيفي اطردكم يلا عيوني نريد نام وبس بنات مامتزوجات عدنا بعد
النجوووووم والكواكب في السماء
فقار: امشي هذا يريد يذلنا باجر الصبح نرجع.
ويا ضرغام اكسرك تكسر بس تحجي
طلعو واني كاتمة ضحكتي نيزك طلعت تحجي على ضرغام واسلوبة وياهم.
ضرغام: شعدهم باقين زلم واخواتج شابات
هنا منو كواكب منتهية حتى ماتحجي وسادة الباب ونجوم بحال احد؟
المهم الناس بحالها اخواتي ذني غير احافظ عليهن امانة بركبتي
صفن وضرب على رجلة طكها بضحكة قووووية
ضرغام: بس تخيلي ام دجة بت عمي ياسبحان الله ولج تكرهني واكرهة من الطفولة لاعبة بيه لعب مو هسة.
نيزك: اتعجب من دكلي اكرهة بدون سبب
ضرغام: المشاعر غير شايلة بكلبها علية بس تدرين متحلف بيها على كتلة اااخ
مديت راسي والضحكة شاكة حلكي
احجيلنا عنها من جانت وياكم
ضرغام: شالعة كلبي عدها عداوة وياي
وفنة اليحاجيها كلها تطلع وراها يشكون رواحتهم منا اخوانها ومنا ضيغم انت ماتستحي طفلة صغيرة حتى حرام عليك تمد ايدك عليها يصير كلش براسي
نجمة: فدوووة شكد حباب
ضرغام: نجمة اني اخوج تعتبريني؟
اختفت ضحكتي وتحولت للجدية هزيت راسي
اي
ضرغام: نسيبج الجبير والله يشهد انتن مثل اخواتي الله ما نطاني اخوات انتن بدالهن
نيزك: اطلع بالنضيف شعندك
ضرغام: يعني باجر من يجيج خطاب اذا رفضت ارفضي عوفيها وراي كولي بكيف اخوي ضرغام
خزرتة نيزك وهزت ايدها عبالك كشفتة
نيزك: حتى ترفض وتشلع كلبة اذا خطبها.
قاطعها
اسكتي انتن فلك مو عقل عندج
ضليت افكر على منو تقصد هاي بس لا على فقار.
فزيت من لكيت قبس وشهب بالصالة هو واكف وهي كاعدة مكتفة اديها مطنكرة.
قبس: يلا نروح والله تعبت
شهب: ما اروح ابات هنا
قبس: باجر وراي دوام دمشي يا عيني
نجمة: خليها تبات هنا شبيك دكيت روحك
ماشايفها شنو
قبس: رجال ومرتة انتي شكو
نجمة: اختييي قبل لاتصير مرتك خووش
وهسة اكلها عوفية تعوفك
قلص عيونة وعيب علية الزعطوط الاشكر الوصخ اخ لو اكتلة وارتاح شوية لسة كلبي محمل منه.
اجت نيزك تقنعها تروح وياة علمود دوامة وعلمود ترتاح.
نيزك: كواكب اسبوع يلا ترجع لاتجين باجر
ماتتغير
قبس يباوع للباب اشر لنيزك وبخجل كللها
قبس: خل تفتح الباب اشوفها واروح
راحت نيزك فتحتة لكتها صافنة
نيزك: قبس يريد يشوفج اعدلي روحج
عدلت كعدتها دخل يستحي حتى يحجي او بالاصح مايعرف شنو يحجي ويكول واحد يباوع للثاني
قبس: زينة صرتي؟
راسي شوية يوجعني
اي يعني تتذكرين اني منو؟
قبس
مو اسمي اني منو.
سكتت اخذت مخدة وخلت راسها طلع بنفسة تكلة خوية باستها شهب وراحت ذبينا شالاتنا رحت يمها ابتسمت بوجها بستها: اني نجمة النجملات
كواكب: جميلة الجميلات انتي
ضحكت بفرح وكرصت خدودها اندارت نيزك نامت من جهتها عدلت شعرها.
نيزك: شلعتي كلبي يا كواكب اموت من وراج وارتاح تالي هم تجيني للكبر تطلعين روحي
ضحكت ماحجت
نيزك: شنو تحسين هسة؟
كتلج راسي يوجعني
نفس قبل؟
لا
لعد
هيج ومضات سودة تصير بين عيوني.
لقطات صوت ناس ماعرفهم بنية صغيرة
صريخ
سالفة الصريخ مال الانفجار مو جديدة عليج
كواكب: اي بس الباقي جديد
نجمة: ويوم العزيمة والكلام الكالة ضيغم؟
كواكب: امير وين
نيزك: نايم هو وعلى تعبو كلش
ماحجت اكثر ونامت طلعت ورة نيزك كالت
راح اكل لضرغام يبلغهم لايجون لان ماتذكرهم
وهم خل تتحسن حالتها بعد احسن من هيج
راحت واني كعدت يمها نايمة طلعت تليفوني طمنت ميس عليها وكلتلي.
بشارة يحلوة زيد تعوق اعاقة دائمية
كاصين رجلية.
ماكدرت ارد بشي وانقهرت على شبابة الراح وخسر روحة بسبب حقارتة وحقدة، بقيت اكلب بالاستوريات راسلني فقار دخلت علية يسال على كواكب طمنتة وسديتة لثاني يوم مر طبيعي
بس كواكب تغيرت والمرض بان عليها تسد الغرفة وتكعد اذا سمعت على يصرخ تتخبل نيزك اطلعة برا تسكتة بالليل اجو بيت ليث كلهم والاستقبال والصالة انترست صرنا ما نلحك للماي والجاي.
صاحت ذهب تجي كواكب يمها طلعت مثل ماهي النعرفها سلمت وكعدت بصفها باستها وسالتها
شلونج حبوبا شلون صرتي
زينة
بعد حبوبتج واهلها تعرفيني
خزرتها
كواكب: تتصورين انساج؟
اسامة: قبل لو هسة تتذكرين
كواكب: ماعندي قبل اني بت اليوم
اتذكر اليوم وانتو بيت ليث اتذكر اول مادخلت بيت فرقد اني واخواتي منا بديت وياكم وعرفتكم واحد واحد
اسامة: ماحاولتي تتذكرين الماضي طفولتج؟
كواكب: شسوي بالماضي؟ بالاخص طفولتي؟
احس نفسي كبرت ونسيت مرحلة الشباب شلون مرت ياطفلولة هاي التحجي عنها؟
اسامة: ابوج امج اخواتج خوانج ما تتذكرين
كواكب: نيزك شهب نجمة اخواتي ابوي جبار وامي هيلة ماتو وهذا بيتهم
الكل سكت وصار واحد يباوع بوجهة الثاني
جواد: احنا اهلج عمامج احنا وهذا ابوج وامج طاك كلبهم عليج
هزت راسها بالنفي بكل جدية تحجي بعيد عن شخصيتها القديمة.
كواكب: ما استوعب هذا الكلام هاي حياتي هنا بيتي بيت اهلي ماعرفكم ولا تعرفوني غير نسابتي
سماهر: اني اختج فقار قبس اخوانج امي مريضة عفناها بالبيت منتظرة نجيبج الها
كواكب: ههههههههه من كل عقلج اجي وياج
اني ماعرفكم صح اعرفكم بس مو مثل ماتحجين اجي واعيش وياج خير سالمين
سماهر: انتي اختنا سارة نراويج تحليل الDNA تتاكدين منه
كواكب: ماريد اشوف شي انتو نسابتنا.
احبكم واحترمكم ودوم امدح بيكم اكول خوش ناس بس لهنا وكافي
لزمت راسها متوجعة كالت
كواكب: خطارنا انتو تمنيت ابقة يمكم بس اعذروني صحتي ما تساعد ماكدر احجي هواي راسي ياذيني
سماهر: سارة احنا ماعفناج بس عبالنا ميتة
مافكرنا عايشة بعد ماشفنا سيماء شنو صاير بجثتها
عافتها تحجي ودخلت جوة قفلت الغرفة عليها.
سحر: يعني شنو ماتريدنا ولاتجي ويانة؟
سماهر: وامي والله تنجلط بس تعرف ماتريدها هي منتظرة ترجع ويانا.
اسامة: البنية مريضة ماشفتوها
سمر: بابا هاي مو بنية هاي اختنا سارة
فقار: واذا اختجن اختجن ماتتذكر شي من عدنا
ولا تتذكرنا اختنا عاشت وتربت بعيد عنا بكل بساطة تجي وياجن تعيش وكان جانت مسافرة ورجعت من السفر!
سماهر: فقار وامي انت تعرف بحالها هسة
قبس: موجوده ماطايرة بمرور الوقت تستوعب الموضوع وتفتهم احنا اهلها حتى لو ماتذكرت شي احنا وياها نحاول نذكرها حتى ترجع ذاكرتها
سحر: هي معتبرتنا غربة شلون نرجع ذاكرتها.
اسامة: بابا استوعبو الله يخليكم البنية دخلت غيبوبة وطلعت خلوها تتخطى يمر وقت هي من ذاتها تجي تحجي ويانة يصيرر عدها فضول تريد تعرف طفولتها شنو وتتعرف علينا مو بليلة ويوم
جواد: ونعوفها هنا؟ ماناخذها وهي تذكر كلشي
نخليها كدام الامر الواقع
ضيغم: شنو تاخذها طفلة هي وتاخذها
فرقد: بلة ماتذكرت تبقة هنا دوم بيت وحدها.
ضيغم: جانت عايشة بجحيم محد اله غرض بيها بس هسة من عرفتو تابعة الكم ماتقبلونها على رواحتكم اعتبروها غريبة مثل مامعتبرتكم
جواد: انت كلة من وراك تسوي مصايب وحدك ماتبلغنا تزوج واطلك ناقصك بس تخلف وتجيب خلفتك للبيت
ضيغم: الفففف مررررة اكوووول علمود اعالجها
عقدت عليها جانت منتهية وفقار شاهد على كلشي بس مو صوجكم صوجي حجيتلكم
فرقد: والله جريمة بتنا كاعدة بيتنا عبالنة غريبة.
ولو اول ماشفتها ساعدتني واخذتني للمستشفى ماعافتني
ذهب: الدم يتحرك يمة هالبنات من دخلتهن لبيتي واستقبلتهن هنا وشكو شي يطلع وراهن
دمي تحرك عليهن ومن شفتها تطفر الباب عبالي ولد كواكب بالف زلمة عندي وكبل لا اعرفها تعودلنا انا معتبرتها مثل البنات ومعزتهن عندي
عمت عين الاغم من يسمع بطاريها الف الحمدلله والشكر من رجعت بتنا بعد كل هالسنين
يمة مو مهم تجي ويانا المهم عايشة ونكدر نشوفها.
اسامة: واني اكللهم اهم شي طلعت عايشة وموجودة هذا يكفي هسة عيوني نترخص ونكوم
تصبحون على خير
فقار: قبل لاتكوم مادام كلنا متجمعين اريد احجي بموضوع
اسامة: احجي جبير ابوك
باوعلي وخر عيونة ماتوقعت ولاشوية هيج يحجي جان شردت فوك السطح والله.
فقار: اريد اتزوج وهاي كدامكم رايد نجوم
علي سنة الله ورسولة
ضميت روحي ورة نيزك صخنت وحرارتي كبت
تمنيت احفر حفرة بالكاع واطم روحي كلها تباوعلي.
ذهب: احسن ما اختاريت نجوم وين اكو مثلها
جمال وادب واخلاق
ضرغام: بس نجوم ماتريدك نعتذر منك
رجال شكبرك شكدك مطلك وعندك بنية اني ما انطيها الك
فقار: وانت شنو باب جرجوبة ماتنجب
ضرغام: اني اخوها الجبير ورايها من رأيي واني ماموافق البنية صغيرة مو يمك داخل بالعمرين
فقار: ضرغام اذا ما تسكت اكوم اسويها كربلا
علي راسك تحترم روحك وتنجب خوش.
ضيغم: شبيكم تتناكرون هسة احنا بيا حال وانت ضرغام اسكت خل الرجال يشوف دربة ويستقر
لو بس انت
ضرغام: نجمة وينج تعالي ارفضية وخلصينة
نجمة كون تتبخر تنرفع بالسماء تنسحب بالكاع
وتخلص.
ذهب: حبوبا ماتحجين الزلمة رايدج كولي اي لا
نيزك: بس اطلعها اول تستحي
سحلتني واني اضم بروحي حتى لايشوفوني هسة انت وكتك تخطب ماتستحي انوب كدامي دكولها
شمرت روحي على القنفة اهفي على وجهي وهي كدامي تسالني.
نيزك: ها عيني نجمة الرجال رايدج
وخطبج كدام الكل شنو رايج
مايستحي كلش ما اقبل كليلة
وليش ماتقبلين بلة؟
ماريد اتزوج
بس فقار خوش رجال ماتلكين مثلة
فكري زين راح اكلهم تفكر تريد
راحت بكيفها تحجي اني ما اريد اتزوج يا افكر من كل عقلها هاي تنطيهم امل رحت ادك بالباب بلكت كواكب تفتحلي وادخل يمها راح اتخزى.
طلعو الولد وذهب صاحتلي رحتلها لزمتني من اذني
ذهب: ولج ابو ود وين تلكين مثلة حتى ترفضينة
نجمة: ما اريد اتزوج بس.
ذهب: لا بس ولا تبسبس ترضين وغصبا ماعليج تعاي زيبك جيبلي حلقتج خل اكدرها عليها
سحبت ايدي وهي تسحب بيها اخذت الحلقة من نيزك واني اتلاوة وياها بس اريد ايدي.
سهلة: عمة شنو اجباري هي على كيفج وي البت
ذهب: هاي حتى تترحملي من اموت على الرجل الزوجتها اله ام حلك الفاهي ترفض جبيرنا تاج راسج ابو ود وين صاحلج منه مدير وجمال وهيبة وفلوس وحنين ويموت عليج
غمضت عيوني من غمتني بكصتي وجهي صار نار.
وهي تكلي: غمة التغمج يا غمة لو رفضتية
لبستني الحلقة واخذتها بيدها
ذهب: ولي يلا من اجيبلج جهاز اجيج
جنج عكروكة ياريت حلوة حتى تتفيكين وترفضين اعز احفادي على گلبي
بقت الدمعة بعيني من رزايلها امسح بعيوني وهي تحجي بحفيدها عبالك ماكو منه بالعالم ركضت ادك بالباب فتحتلي كواكب قفلتة احجي عليهم
كواكب: شبيج
خطبني فقار وكوة يردون يزوجوني
كعدت ضايجة اجت كعدت يمي وكالت
شبية فقار نجوم ترة كلنا نعرف. ماكو منه.
ويحبج يموت عليج انتي بتركيا يدور اخبارج من الناس لو صدك رفضتية دمرتي مستقبلج
بعدني مامتخطية الصار ماكدر اتزوج اخاف
تنقبض روحي من ينجاب طاري الزواج
فقار مو نفسهم يعاملج مثل بنتة
لفيت راسي ماريد تحجي بالموضوع اكثر
وهي من ذاتها غيرتة.
كواكب: اكلج نجمة نيزك شكو باقية يمنه ماترجع لبيتها تاخذ راحتها هي ورجلها واحنا هم ناخذ راحتنا مقيدين بوجودهم وابنهم صغير يصرخ راسي ينسطر من اسمعة ماتحجين وياي عليها
حتى تروح.
هي غير علمودج خايفة عليج
مابية شي اني ولو طلعو يا نجوم اونسج ونسة بحياتج ماشايفتها
كلبت على بطني وايدي جوة حنجي بحماس كتلها
تفريني بالدراجة؟
اي بس خل يرحون اول
اندك الباب طفرت فتحتة اجت نيزك معصبة
كعدت يمنا تباوع بوجهة كواكب
ها شلونج
كواكب: كلساع شلونج
نيزك: غير اسال
كواكب: مابيه شي لاتكبرنها
اكلج يلة اخذي رجلج وروحي
نيزك: وين اروح.
نجمة: لبيتكم وين يعني نيزك صدك نحجي واتمنى ماتزعلين ارجعي لبيتج اخذي راحتج انتي ورجلج واحنا هم ناخذ راحتنا مقيدين
رفعت حاجبها وخزرتنا
كواكب: مثل ماكالت نجوم كفيتي وفيتي
الى متى تبقين هنا؟
كامت كواكب واني وراها بقت عينها علينة مصدومة لان متفقين عليها لكينا ضرغام بالاستقبال من شافنة كعد عدل وكواكب طكها طك بدون مقدمات.
يلا لبيتك كلها راحت بقيتو بس انتو
ماعدكم بيت يمنا باقيين؟
ضرغام: غير علمودج.
كواكب: اصحة مني ماكو مشكورين وماقصرتو
تكدرون ترجعون ترتاحون هم تريد تحجي فسوق
تسوي فسوق شعدك لازك يمنه حتى اختي مبهذلة ثوبها وهي
نيزك: شبييييج كواكب
كواكب: باعي اني هذا ابنكم الصغير بس يبجي يسطرني ارجعو لبيتكم مانحتاجكم احنة
نيزك: مخبلة اعووووفجن وحدجن
كواكب: لييييش شكوووو علينة الحرامية تطافررر
باب واسدددة لو نسيتي اني جنت انام بالشارع وهاي بية شيييي؟ اذا تخافين على اختج كولي حتى اعرف شتصرف.
نيزك: ها خيرررر سالمين صارت بيها اختج!
كواكب: كولي شنو معناها تردين تبقين هنا؟
اني موجنت وحدي هنا لو تخافين على نجمة؟
حتى اعرف انتي شلون تفكرين
نيزك: انتي مو صاحية شنو اخاف على نجمة غير علمودج
كواكب: هاي صرت زينة اذا علمودي شكد تردين تبقين اكثر؟
نيزك: امشي ضرغام شيل الجهال.
راحت زعلانة لمت غراضها واني احجي على كواكب تمنعها تغلس لبست عبايتها اجت وجهها احمر ودموعها تنزل اخذتها كواكب تحجي وياها برا وضرغام ماحجة شي شال على يبوس بيه ويشم بوست امير انطاني على واخذة شالة صعدة بالسيارة
واجة اخذ على مني رحت يمهن باستني نيزك وباست كواكب.
نيزك: ديربالجن على نفسجن سدن الباب مو تعوفنة مفتوح
كواكب: صار ماعلينا شي.
طلعت وراهم مراضيتها ماعرف شحاجية وياها طلعت سدت الباب وشغلت الماطور ماكو ماي
كواكب: يمكن باجر يجي اليوم مو النا
يلا تعالي ادخلي جوة ماعندج بعد شغل
لا
رحت وراها لكيت ميس تتصل فتحت الاتصال بقيت اسولفلها الصار وكواكب سدت البيبان فرشت بالصالة جوة القنفات طفت الضوة وانطيت التليفون تحجي وي ميس عبالي نامت سديت الاتصال منها تقربت عليها همست.
كواكب
ها
شنو ها ليش غلستي عليهم شو مانطيتي ردة فعل.
قبس وفقار اخوانج بس اتخيلي وذولة اهلج انتي مو جنتي دورين عليهم ليش من لكيتيهم ماردتيهم
سكتت عبالي ماتجاوب
كواكب: صح عرفت الحقيقة بس ماتذكر
جاي احاول اتذكر ماكدر اتقبلهم ماعندي مواقف وياهم
لحد هسة ماتذكرتي شي؟
لا والله بس اتذكر بنية صغيرة تركض بالشارع ولد يصيح وراها بصوت عالي ارجعي لاتندعمين
هيج لقطات بسيطة ما تذكرتهم
شنو شعورج من هما اهلج
ماعرف نجوم اني ما احتاجهم هسة.
تمنيت الكاهم بوقت ماطردني سالم من البيت تمنيت واني اشتغل واتعب لكيتهم من واني صغيرة
كون لكيتهم مو هسة لا عندي ذكريات وياهم
ولا اكدر اسوي ذكريات كبرت اجو بالوقت الغلط
بس امج واخواتج حتى ابوج يردونج
ماعندي غيرجن خل يعتبروني ميتة
لان صدك اني ميتة من ذاك اليوم ماتت سارة بتهم
هسة اني كواكب مايتقبلوني ولا اتقبلهم
ماتنطينهم فرصة يعرفونج
لا هما مايردون كواكب يردون سارة.
والميت مايرجع، اكلج نجمة نامي باجر اخذج اونسج ونسة ماشايفتها بحياتج
صدك عليج الله وين تاخذيني؟
دنامي واكعدي من الصبح اخذج
عليج الله كليلي وين
الصبح تعرفين يلا نامي
نامت واني من الحماس ماعرفت انام هاي اول مرة نطلع وحدنا اجتني اشعارات عرفتها من فقار من فوك قريتهن.
فقار: وافقي لاتطولينها تعبت نجوم
وافقي عفية
وافقتي اعرف
اريد جواب
بسرعة كولي موافقة.
ضحكت علية هذا صدك عبالة اوافق قفلت التليفون ونسيتة الصبح كعدتني كواكب مبدلة فركت عيوني
وين دنيا الصبح
كواكب: هو الصبح قابل بالليل نطلع يلا كومي بدلي
كمت غسلت و بدلت لكيتها تاكل موز من الصبح
يلا امشينا
نجمة: وريوك
هناك نتريك
طلعت وراها مثل الاطرش بالزفه
اجرت تك توك وطلعنا وين ماعرف من الصبح غبشة.
وين ماخذتني ولج
بس اسكتي شوية
سكتت هاي ماتحجي لو اشيل روحي واركعها بالكاع بلعت ريكي من وصلت وقبل لا احجي.
كالت: نتريك يم صبوحة
دكت الباب واني اجر بيها وروحي مقبوضة
المن جايبتنة الهم خيولون
دكت الباب بقوة فتحة يوسف شافنا وانبهت دفعتة كواكب وسحبتني: شلونك يوسف
يوسف: هلا كواكب شجابجن
كواكب: اشوف وجوهكم الحلوة
دخلت جوة صبيحة كاعدة تفاجات من جيتنا كعدت كواكب تخلي رجل فوك رجل تحجي وياها
نزل سامر ومرتة وراة يريد يطلع للشغل.
كواكب: يلا سوولنا ريوك نجمة حبيبتي شمشتهية
كيمر عرب بيض طك عيون صمون حار امشي سامر جيبلنا.
مينا: ناكل خبز احنا
ايام الصمون الحار راحت وي سالم شنو
جيبلنا ماناكل خبز احنا الا حار
سامر: شعندج جاية
بكيفي عندك اعتراض احجي حتى اخليك تفتر بالتقاطعات تبيع مي
مينا: شنو تعيرين بينا
انجبي انتي يلا سويلنا ريوك
صبيحة: يلا سوي ريوك بساع وانت جيب صمون حار
كواكب: لحظة قبل لاتروح حبيت ابشرك لكيت اهلي ولو تعرفون منوووو
ضحكت بصوت عالي وهما صدمة اكبر من صدمة
صبيحة: صدك تحجيين لو تشاقين وين لكيتيهم.
كواكب: بيت ليث نسابتنا طلعت بت ابنهم الجبير
اسامة شفتي الصدفة شفتي الدنيا شكد صغيرة
محد صدك كلامها عبالهم تشاقة
يوسف: نجمة هاي اختج تحجي صدك لو شنو
نجمة: والله صدك حتى سوولها تحليل الDNAالبارحة يمنا رادو تروح وياهم بس ماقبلت
صبيحة: صدك تحجن لو تضحكن علينا من الصبح
كواكب: اعتقد انتي مو مضحكة وتلكفينها
سامر: بس شلون طلعو اهلج شلون عرفتيهم.
نجمة: عرفو قصتها وهما عدهم بنية رايحة بالانفجار عبالهم ميتة بس لون عيونها خلاهم يشكون ويسوون تحليل بدون ماتعرف
كواكب: بت الحرام والشوارع لكت اهلها وكالت دراهم ماكو مهموش بلا جذر لكيت جذري واصلي
وين سالم وين افنان يجون يشوفون اني بت منو ومنو اهلي.
دمعت عيوني وحصرتني العبرة من اتذكر كلامها تحجي بحركة كلب وتتوعد الهم والله الا اجيب اهلي وافتر عليكم واحد واحد هسة اتمنة اعرف شعورها بعد مارب العالمين نصفها وحول كلامها حقيقة.
سون الريوك وهي تتامر عليهن خلت صينيه كدامنة بس احناةكوة اكلت خلصت وصاحت بمينا
جاي بعد
مينا: شنو اشتغل عندج ماتكومين
اجي افرغة فوك راسج نجوم جانت تشتغلن عليها ماتحجي وياجن تفووووو عليجن هسة انتن وين ونجوم وين خل تفيدجن خباثتجن.
اكلنا وغير تروح تفتر بالبيت وفتحت الثلاجة دكلي بصوت عالي: حبيبتي شمشتهية يسولج غدا
نجمة: بس امشينا سم ناكل
كواكب: دجاج شوي لنجوم واني لحم مشتهية تشريب يلا جهزن بساع
تمددت على القنفة ورفعت رجليها فوك تفكر باوعتلي مامرتاحة كامت كالت: خل نروح لدراهم نجيبها تتغدى ويانة صبيحة غدا لاربعة نفرات
صبيحة: انتي واختج ودراهم بعد منو الرابع
اني نفرين احسبيلي
يلا طالعين ومو تخلن شي بالاكل ترى اهلي يمحونكم من الكاع.
خزرتهن وكالت
كواكب: ادري مامصدكات اذا تحبن روحن وسالن
محد حجت ومينا تريد اطك كالتلها
اختي نجمة تدرين منو خطبها؟
مدير الشركة جبيرهم فقار الهيبة والرزانة والثكل كلة
طلعت لازمة ايدي تضحك فرحانة
نجمة: خلينا نرجع هي هاي الطلعة الخبصت روحي عليها
ولج حركة كلوبهن تتونسين عليها لو اني منج اكلب البيت عليهن واكلهن نضفنة نسيتي شنو سون بيج اخدمي عليهن اخ لو الباقين موجودين كلهم جان ماتو بس سالم والله ماعديها اله.
يمعودة عوفينا بعيد عنهم
شايفة صبيحة شلون سكتت لان مصلحتها يمنا اذا ماسوت غدا رنان اكضهن اكتلهن كتلة افوخ كلبي بيهن
وانتي جاية تعاركين مو جنتي مريضة
كواكب مابيها شي وداعتج
رحنا لدراهم دكت على المبردة دكلي
هاي اختج جابتها زلمة معدل اختج
ضحكت اشمرلها بوسات كعدت يم دراهم خبصتها تمشي ويانة.
دراهم: ها ولج شكالت دراهم
ماكو مهموش بلا جذر لكوني مالكيتهم
كتلج ضلي بالسوك هناك تلكينهم
لكيت ضيغم هو وصلني الهم.
ديلا كومي ام البعيجية
من وراج مارجعن علية
هسة يرجعن بس يبرد الجو
لبست واجت ويانة صبيحة ومينا يكشفن عدها
مينا: عدج حمل قريب حافظي علية
صبيحة: اكشفيلي بلا وياج
انتي تتمرضين وتسلين على اثر المرض وتموتين
خافت صبيحة واصفر وجهها ضحكت دراهم وكالتلها
وكذب المنجمون وان صدقو
ماسامعة بيها
صبيحة: اكوم اصبلجن الغدا.
راحت هي وجنتها فرشن النة سفرة وكواكب هي ودراهم يحجن بالعيون اكلت شوية لعبانة روحي من شكولهن تذكرت قبل شمسويات بيه بس اخدم بيهن واشتغل ادية من الشغل يوجعني.
خزرتهن بحقد وطلعت كواكب تاكل طلعت مينا تباوعلي.
شوف الحظوظ رحتي للمدير فلوسة نايمة على كلبة
انجبي الحقودة
شو تجاوزين طلع لسانج
تقربت تريد تضربني بصوت عالي صحت كواكب وبعصبية اتذكر ايامهن ضربتها راجدي ترس وجهها.
ضربتني واجت كواكب سحل سحلتها مني اجيت اضرب بيها وهي لزمتها إلى اتذكر مرة لزمني وكطعن شعري دموعي نزلت وبحركة كلب ضربت بيها واصرخ بصوت عالي وين رجعت وين جابتني كواكب ملخت شعرها بيدي من اكتفيت طلعت للشارع امسح بدموعي اجت كواكب فحطانة اخذتني ودراهم طلعت ورانا رادت منها كواكب تجي ويانا ما اجت اجرتلها تك توك ودفعت كروتها
رجعنا لبيتنا باستني كواكب ومسحت وجهي
بالليل افرج بالدراجة واعلمج عليها.
اني بس ردت احرك كلبهم واذكرهن شلون يتامرن عليج اليوم هنا حظرن كلشي وخلنة كدامج
كواكب اني احبج حيل
بس لو تسوين فضل وتحبين فقار
خزرتها وهي تضحك
لان اخوج تردين احبة
لا والله من زمان كسر خاطري يحبج
يكول خفت منها ترفضني لان منفصل وعندي بنية
اني كلش احب ود بالعكس
وحبية حتى تخلص
درت وجهي عنها وصلنا لكينا سيارتة بالباب بس نزلنا اجانة صاير عصبي صرت ورة كواكب
فقار: من الصبح ولهسة وين جنتن!؟
كواكب: ها سالمين وانت شعليك
رحت ازوجها عندك اعتراض؟
فقار: كووووواكب
لاتصيح يلا
فتحت الباب ردت ادخل سحبني من ايدي بقوة يبس الدم بعروكي باوعت لكواكب اريد انقاذ اسحب ايدي ماتنسحب.
كواكب: ادخل جوة واحجي وياها
ماكال لا دخلني ماعاف ايدي بوجها للاستقبال سدة بضهرة وخلاني كدامي دنكت عيوني مارفعتهن بوجهة وبس اسحب بيدي منه تالي توسلتة.
ايدي حرام عوف ايدي
صدمني بردة وبعصبيتة المبالغ بيها.
لييش انتي تعرررفين شنو حرررام؟
لج كتلج احبببج رايدددج نجووم ميت عليييج
شتردين اسوووي وانفذ بس اقبلي بيه
مخليتني معلعل كلبييي يلوب عليج
العشيرررة كلها تعرف بيه احبج وانتييي
اخررر همج فقاااار كليليييي شسووووي
اريد اطلعج من راسي من باليييي اطلعيييي
وخلصينييي اريددد اررررتاح منجججج
نزلت دموعي من شفت شكلة وسمعت كلامة
لزم وجهي بيدي يصيح.
لاتبجيييين هسة الممممممن تبجيييين
عوووفنييي حرام عليككك.
وانتي حررام عليج انطيني سبب خلل بيه
حتى ترفضيني واني امشي بعد ما اباوعلج
كولي جبير مو بعمري منفصل عندك بنية ماريدك
كولي من ذني حتى لا ابقى منتظررج
والله لا والله انت مو جبير واني احب ود
السبب شنو
اني ماريد اتزوج
السبب
غطيت وجهي بثنين ادية وبجيت بحركة
اخاف والله اخاف
نزل ادية من وجهي بقوة مسحت وجهي وهو لازمني مايقبل يعوفني.
فقار: اني وياج ماكو شي يلوحج
يخسى الخوف يجيج واني يمج
ماتفهمني اخاف ماكدر.
افهم والله فاهمج ماتتندمين من توافقين
الشي الوحيد الاصح تسوينه بحياتج توافقين
بالزواج مني
مسحت عيوني ودنكت راسي عتيت ايدي لازمها
حرام حرام
لازم روحي لزم نجوم ماريد اسوي شي
بس كلمة انطيني
ذب حسرة ورفع راسي باصبعة صارت عيوني بعيونة بصوت هامس صافن بعيوني كال
شايف زليخة شلون دوهنها يوسف
هيج اني حالي عليك بس ما اسولف
وجهي صار نار احسة ورجفة صارت بية دفعني ودار وجهة طلع وكال: فكري زين انتظرج.
طلع وبعد انكطعت اخبارة وكلشي يخصة
العصر اجت هاجر والبنات طرف نار والثاني ثلج صاير متلهفات على شوفتها يحجن وياها وحتى البوم صور كعدن يراونها بس جان الرد قاسي
كواكب: هاي سارة اعرف بس اني كواكب مو سارة بنتج خالة ماتتت
هاجر: انتي بنتي
اني مو سارة كواكب اني ما اشبهة بنتج بشي
اذا على الاسم اسميج كواكب ميخالف كون متعودة علية بس لاتخلينة بحيرة مانعرف شلون نردج
خالة سنين بنتج ماتت خلص ارجعي اعتبريها ميتة.
سماهر: ماتنقهرين عليها تحجين وياها هيج
ام وفاقدة بناتها ثنين عمر تنوح عليهن تالي عرفت بيج عايشة هيج تعاملينها حتى لو صدك ماتذكرين شي ريحي كلبها اخذيها بالاحضان.
كواكب: ما اخذ احد بالاحضان بوقت محتاجة حضن محد اخذني لحضنة بعز البرد ضلوعي متجمدة النفس كوة اسحبة تمنيت هنا يلمني حضن بوقت الم كارتون وانام عليهن تمنيت هنا يطلعون اهلي وياخذوني بوقت انكتل وانطك هنا تمنيت عندي اخوة وياخذون حكي مو هسة بعد ماتعودت على الصعب بعد ماصار كلشي سهل بعد ما طكيت وعاركت بعد ما اخذت حقي ونسيت اهلي وماتمنيت الكاهم.
انتن مافكرتن بيه بكثر مافكرت بيجن اني فكرت لو عندي اخوات شكولهن اسمائهن شلون يستقبلني
كلكم فكرت بيكم بس محد فكر بية ماخذت من احد شي وما انطي حتى المشاعر من هذا اليوم ننهيها
اني كواكب وسارة ماتتت
سماهر: كومي يمة شتسوين بيها احنا موجودين اعتبريها ماتت مو سنين احنا معتبرينها هيج
هاجر: ماتحسن باحساسي سهل الكلام
سمر: يمة صدك امشي هاي ماتحن عليج
نست والغربة نسوها اصلها واهلها.
طلعن من البيت مكسورات خاطر واني متاكدة كواكب مو احسن منهن حقها بكل الكالتة يردونها بليلة ويوم تنسى الصار وترجع الهم!
دخلت للغرفة اسمع بس صوت بجيها المكتوم
بس تطلع تحاول تنسى الموضوع وترجع شخصيتها القديمة، صار الليل تعشينا والبنات مايكطعن منا اتصالاتهن غسلت المواعين صاحتلي.
افرج بالدراجة
كمزت من الفرح بس صاحت بيه
البسي مثل الولد
ياااا.
راحت طلعتلي من ملابسها والشفقة لبستني نقاب بس عيوني طالعة وهي بس شفقة على ملابسها
صعدت وراها خايفة لا اوكع بس بنفس الوقت متحمسة وفت بوعدها وفرتني على الشارع والدرابين ردت اطير من الفرح نزلت للاسواق اشترتلي ازبري واحد واجت اكلت وياي وضحكت
ابن المثقفين يجي يوم وتنسى
منو
اكلي يلا نرجع
اكلت على السريع كملت وياي ورجعنا ميس اتصلت بيه كالت جايتكم كومي افتحي الباب طلعت ماكو شوية واجت فتحت الباب نزلت جنطتها.
تستقبلون ضيوف؟
كواكب: اذا مثلج طبعاً
سلمت ودخلت تونسنة بوجودها حتى كواكب تغيرت نفسيتها.
ميس: باجر نجوم اسحلج للشركة
اه
وجع نامي يلا
بيت بس بنات بوجود كواكب ابد ما اخاف
الصبح ميس عدها عرض ازياء حتى إلى مشترية ملابس من سالتها المناسبة كالت
ميس: اشتريت ملابس شفتة ذوقج انتي تحبين هيج لبس يلا البسية وخل نطلع
رحت سبحت ولبست متحمسة رتبتني وخلتلي حمرة خفيفة طلعت اطكع بالكاع على كولة كواكب.
كواكب: روحن بس جيبن اكل وياجن ميس ارجعي وي نجوم
ميس: هو باقية اهلي سافرو هالفترة يمجن
كواكب: طلعن البنات سديت الباب وراهن شغلت البلازما كعدت اتابع اخبار بس مالي شغف بيها مثل قبل حزن بداخلي عجيب ولاتخيلت ذولة اهلي
هما ذولة الجنت ادور عليهم!؟
صعب اتقبلهم واني اعرف كل الزين هما شلون عاشو واني شلون عشت احقد عليهم رغم هما مامتقصدين يعوفوني ومايدرون بوجودي.
ومثل مامعتقدين متت صدك اني متت وهاي مو بتهم بت شوارع الشوارع ربتني ولمتني.
كمت الباب يندك فتحتة ضيغم صفنت بوجهة دفعني وفات كدامي مشة يحجي.
شلونج عيوني
ماجاوبتة كعد على القنفات كعدت كدامة خازرتة
ادري راح تكولين ليش ماكتلي ولا حسستني بالموضوع؟
شلون عرفت كلشي واني ولا شوية!
من كلتي فاقدة الذاكرة وحتى ما اتذكر اسمي شكيت بعد ماحسبت وطلعت بالسنة نفس الحادث
لون عيونج محبتنا الج كله هذا اكدلي انت سارة بت عمي.
هسة انتو منتظرين مني شي؟
لا واني كلتلهم كواكب منو
اطلع يلا
كمت من مكاني ماعندي شي احجية وياة اشرت على الباب: يلا عيني لاهلك
مشة وقبل لا يعبر لزمني يقيدني بقوة على الحايط ادية نار فتحت عيوني بقوة مصدومة منه ارد اضربة واكسر راسة بس مقيد حركتي.
.
طاح حظك يا زبالة الزلم وخرررررر منييييي
كواكب اني مالي دخل اني ضيم الجان وياج بكلهن ماتردينهن طبهم مرض بس اني لااااااا
شنووو لا شعندييي وياك هو عقد وانفصلنة.
بعد شكووووو
احبج
انخفضت انفاسي وخرت قوتي من المقاومة باوعت بعيونة ثنينة مدمعين نزلت دموعي وكتلة.
تحب بت عمك لو تحب الغريبة البين الناس؟
الغريبة منهم قريبة من روحي
وبت عمك
احبها هم وانقهرت عليها كلش تاذيت بحكم هي متعلقة بينة وخاصة اني
اني جنت متعلقة بيك؟
اي تسوين المشاكل وتحتمين بيه لان تعرفين ما اقبل واحد يضربج
بس ما اتذكر
شوية شوية تتذكرين
ضيم
عيونة.
عادي تروح وكلكم ترحون تخلوني وحدي واني من اريد اجيكم وبعد ما اعوفكم
ترجعيلي؟
من بت حرام ليش عفتني؟ ماتريدني ولا اهلك يردوني ويتقبلوني
راد يحجي خليت ايدي على حلكي تحركت شفتة باسها نترتها منه مشيت وكتلة بكسرة
روح.
منها وراح نفذ كلامي وانكطعت عنهم رجعنا مثل قبل نجوم تداوم بالشركة وي ميس وشهب تدرس والحمل مأذيها بدايتة ونيزك تجي اذا مو كل يوم بين يوم ويوم تجيب اكل حلويات وتجي عبالك مقطوعين علاقتي بضرغام نفسها بس نتعارك واخر شي اطردة بس مايروح ابد ولايزعل يضحك عندة نكتة.
تمر الايام رجعت الهي نفسي عنهم وارجع مثل ماجنت التزمت بصلاتي اكل واتابع برامج واخبار.
نيزك يمنا جاي اكل جرك وعصير جايبة اندك الباب راحت تفتحة عبالها ضرغام بس انصدمت بيوسف من شفتة كمت باوعلها ومن شاف بطنها وجهة انطعن.
نيزك: شلونك يوسف
المهم انتي بخير
مد ايدة ترجف بيدة فلوس بصوت يرجف كلي
هاي الفلوس الكلتي عليها
نيزك: ماتزوج وتكون حياتك لشوكت باقي هيج
يوسف: ادعيلي الله يسهلها علية
امير عادي ابوسة
بس سمعة امير طلعلة سلم علية وراح بعد ما باوع
تحسرت نيزك وانقهرت.
خطية عاد زودي يوميتة بلكت يجمع.
الله كريم
اجة ضرغام سوتلة نيزك جاي كلها خل تحضر روحها راحت تلبس وامير بحضنة يسولف علية
امير: بابا ازة يوثف ثلم علية وعلى نانا
فتح عيونة ضرغام لا هاهية
كام صاير نار خزرني وصاح بعصبية
صدك يوسف جاي لهنا
طلعت نيزك ومن سمعتة اصفر وجهة قبل لايروحلها كتلة: منو يوسف؟
انتي كولي منووووووو؟
هااااا يوسف يا نيزك ابن بيت ابو عباس
ضرغام: وينهممممم ذولة صايررررين
كواكب: ولد صغيرررر طوبتة وكعت وانطيتها اله يلا لاتصييييح.
نيزك بسرعة طلعت راح وراها يسالها لزمت امير وصيتة مايحجي وعلمتة يكول ولد صغير وكعت طوبتة بس انتبهلي ضرغام بوست امير اضحك وياة راحو واني ايدي على كلبي خليت نجمة تخابرها كالت نقذتيني من علمتي امير لان سالة يلا حل عني.
من كد ما كطعو بينا حسيت نفذو كلامي وعافوني محد سال علية حتى ضيغم اختفى وهاي صارت فترة كلش طويلة جنت مندمجة بالبرنامج واكل
اجت نجوم.
اكلج كواكب شو صافية دافيةة
وضحي.
اخوانج محد سال عليج غير اختهم عود
اني كتلهم لايجون وقبس يجي منو قصدج فقار؟
ها اي شو ماكو عود هو حنين حتى ما راسلني وسال عليج
يسالج عليج تردين؟
لا لا بس ماكو اكول بية شي
صار هواي لاشفتة لا راسل حتى ماينشر شي
احسة هاجر من العراق كلش اختفة
راسلية
استحي شيكول
نجوم راح اعوف البرنامج واهفج راجدي انسيج حليب امج لو تردينة لو تعوفينة وتنجبيييين خوش
جيبي تليفوونج افتحية.
اصفر وجهة وتبرر ماتريد شي منه فتحت تليفونها واتصلت بيه تخبلت دفعتها اصيح: اسال على اخوي وليييي
سكت وكعدت تصنط اول مافتح خط كتلة واني اشرد للغرفة: اكلك فقار تريد نجوم تعالو اخطبوها يلا جيب اهلك وتعال بس اليوم مهلة الك
جاااي
من الحماس سد التليفون ونجوم بقت تلطم لطم حتى بجي بجت ركضت ابدل وهي بعدها مامصدكة رشيت من عطرها تباوعلي بعتب
كومي بدلي راح يجون يلا لاتتخزين
ولج كواكب ليش هيج.
تدعيلي ثنينكم تدعولي يلا ولي
رحت طلعتلها فستان كلوشة قليلة بسيط كلش ابيض بية ورد وردي صغار وشال بلون الورد عدها جديد مشتريته دفعتها تسبح وبس خلصت لبستها اساور ومحبس مشطت شعرها كامت تبجي مسحت دموعها وبستها.
اخذيها مني ماتتندمين لج فقار رجال
وعلي لو اني ما يقربلي عندي بنية انطيها اله
بدون شروط ومقدمات اذا شفتي واحد مو كفو مو معناها كلهم مو زلم.
نجمة: راحت عزلت الاستقبال واني جسمي يرجف من الصدمة اي والله صدمة صارت من خابرتة وكالتلة مسحت البيت ورشيت معطر طلعت كالت
اجيب كيك وعصير عيب خابرت ميس ورزلتني لان وجهي مامخليتلة شي خليت رتوش شوية وحمرة بناتية ماتبين طلعت توب اندك الباب عبالي كواكب لان تاخرت فتحتة وانصدمت من هما جايين
فتحت الباب والزكت بية سلمت علية امة واختة قبس شهب وضيغم اسامة.
واخر شي هو وبنتة الابتسامة من الاذن للاذن ركضت جوة استحيت من ابوة بقو بالاستقبال حتى شهب الفاهية ما اجت تاخذ ماي استحيت ماكو غيري بالبيت ويعتبرون خطار اخذت مي بطالة اخذة قبس مني قدملهم رحمني والله
شوية وانفتح الباب كواكب ماتطلع اذا مو القفل
بس مرات دكة فاتت من الاستقبال هما كاعدين باوعت عليهم وسلمت.
كواكب: نجوم شوية وياي
طلعت وياها همست
ذولة غلبوني شوكت اجو
قبلج عبالي انتي.
مستعجل المدير صبي عصير بارد جتة كلش
وكيك مكطع بس خلية بمواعين وياة شوكات
حتى لايكولون فكر
دخلت يمهم واجت شهب تكرص بية فرحانة
بعد وكت جان بقيتي
شهب: ما اصدك نجوم راح نصير بيت واحد
ولي الفاهية بس يطلعون اكتلج واطلع حركة كواكب بيج
اليشوفها مجبورة باجر ماتنامين الا بحضنة
ضربتها بقوة راحت جوة الفاسدة عبالها كلها مثلها.
حضرتة عبالي كواكب تجي بس صاحت بيه العوبة اجي اخذت الصينية ارجف صرت باوعتلها دكوم ما كامت صارت عيني بعينة كام من مكانة اجة اخذ مني الصينية وضحك احس كلبي راح يوكف سحبتني امة يمها تبوس بيه وهو قدملهم واخذ ماعون لود.
اسامة: الصراحة فقار جان مستعجل ولمنة على السريع بالطريق تذكرت لازم نخطبها من خالها
كواكب: بعد هو بتركيا احنا نحجي وياة وراها اتصلو بية وبلغوة يجي على الخطوبة.
اسامة: تعرفون سبب جيتنا اجينا علمود نجوم
نجمة: نجمة اسمي
ضحك فقار بصوت عالي واني خنست حتى وجهي غطيتة من الخجل بس صدك اسمي نجمة مو نجوم هسة اذا عقدولي باسم نجوم مايصير.
اسامة: نجمة نقرا الفاتحة بنية التوفيق
حتى نجهز للخطوبة
كواكب: نقرا على نية التوفيق
قرو الفاتحة وكال ابوة
اذا عدكم شروط كولو من هسة الغايب الحاظر بعد مادام انتي المسؤؤلة عليهن.
كواكب: لا عمو ماعدنا شروط لان احنا مختارين زلمة مايحتاج لاغايب ولاحاظر
فقار: وكفت اخت لاخوها ما انساها الج
كواكب: افضالك هواي
كام كال
فقار: اجيب شيخ وخلونا نعقد مادام الكل حاظر وموافقين
قبس: شنو السالفة
فقار: ها شدكولون؟
كواكب: بكيفكم الا هوسة وراكم حنة وعرس بس هم ماترهم دجهزو للخطوبة اول كم يوم وتعقدون
فقار: اني رجال ما احب اطولها اريدها هي خطبة هي حنة وراها عرس
كواكب: شوكت تلحك تجهز
فقار: يوم كلش كافي.
كواكب: الخطوبة تصير بيتنا
فقار: ادز جماعة يرتبون الكوشة شيبقى ملابس وشغلات يوم واحد اذا تريد تروح مركز واني ادزلها جاهزات
هاجر: يمة عوف هاي السوالف للنسوان
مو بكلشي تدخل
فقار: اريدها باسرع وقت
قبس: هسة انت صبرت صبرت دكمل
كواكب: بقو شوية وراحو خابرت نيزك ثاني يوم اجت اجة هو رحنا اني وياها وميس ملابس وتجهيزات نيزك ماتكدر حامل وعلى متعود عليها.
وشهب مايعة خلصنا خابرتة ميس يرجع لان نطول حجزت ميس بدلتين حنة وعرس على ذوق نجمة
رجعنا للبيت منتهين ثاني يوم اجت ميس اخذتها تسوي جسمها وصبغ وتعديلات اجو ولد سوو الاستقبال كوشة على طول الحايط وكراسي على طول شالو التخم صارت الاستقبال تخبل كال فقار الكيكة والباقي باجر يجي خابرت نيزك ميس كالت خل تجي كواكب على العنوان رحت لكيت نجوم طالعة وجهة جديد تموووت وجهة يلمع لمع
ميس: بعد انتي اكعدي.
كعدت وهنا بلشن بية وجهي رجلية ادية حتى شعري عدلن كصتة ماقبلت يصبغنة ابد رجعنا للبيت ونيزك وشهب من شافنا نغارن راحن للصالون اخذهن ضرغام رجعهن وجوهن حمر نيزك صابغة شعرها يموت عليها كعدنا ميس على التليفون تطلعنا ملابس كلهن حجزن الا اني بقيت ماعجبني شي ثاني يوم راحن للصالون واني رحت ادورلي على فستان حجزت ثنين ازرك وماروني عجبني قماشة وتصميمة فيت علية بس ردنة فوك النص الازرك لا طويلة رجعت لكيت همام ومرتة جايين سلمت عليهم والبنات اجن بسيارة ميس.
مرت خالها اول مادخلت شمرت عليها جكليت وهلهلت كعدناها بمكانها ورفعنا البرنص بقيت صافنة على جمالها وبدلتها الحمرة مكياجها تسريحتها خفت عليها من عيون الناس ضرغام جاب النسوان وضيغم اخواتة وامة ذهب لبستها كلادة ذهب بيها شذرة خضرة كالت من العين.
فرغنا الاستقبال من اجو طلعت مادة راسي اشوف الشارع انترس سيارات سحبني البنات ضليت اباوع من الشباك دخلو كلهم قوط ماتعرف منو العريس فرحت من شفت فقار فرحان حجو بالاستقبال شوية وبدا العقد خلص وفقار صاح نجمة ياخذها للقاعة هناك حاجزين ومقررين يصير الاحتفال.
نجمة: توتر والخوف والخجل كلهن التمن علية
اخذني من ايدي وطلعني كدام النسوان يمشي بيه واني ما اشوف شي صعدني بالسيارة وشغلها.
احس اختنكت رفعت الكبوس لزم ايدي ماخلاني اوخرة كلة صدرة يصعد وينزل وايدة نار عبالك لازمتني.
فقار: اوكفي شوية
باوع ليكدام السيارة مضللة واني صايرة ورة كرسي السايق طبعاً السايق ضيغم هسة عرفت من كال لفقار.
ابن العم تحتاج امدادات؟
ياريت راح اطك.
ضحك بصوت وكلة تدلل مافهمت شيقصدون حسيت روحي من التوتر راحت كاعد قريب مني ولازم ايدي يبوس بيها وشواربة تبزز بية سحبتها منه ماتحملت اكثر لافت السيارة وصوت الاغاني عالي من السيارات لحكت اشوف ضرغام مطلع ايدة من سيارتة بيدة مسدس صغير وي الاغاني يغني فرحان وامير بحضنة يهوس البنات اكيد ورة
اخذنة من غير طريق خفت لان فارغ طبك السيارة ضيغم ونزل وخرت الكبوس بخوف سالتة دموعي راح تطيح.
ليش جابنة هنا وراح.
مارد علية يعيونة تريد تاكلني تقرب علية انكطعت انفاسي رجعتة من صدرة لزم ايدي.
نجوم كافي خليني اجربهن
استاذ حباب ل...
قاطعني بوسة طويلة فصلها من خرمشتة من صدرة بقوة تنفست وضربتة: لا تصير مو حباب
الحباب يمج يصير وكح
رجع باسني وصعد على خدودي ونزل لركبتي طلع من شاف احوالي تخربطت عافني وحدي اتنفس كوة واعدل بروحي رجع صعد مد ايدة ضربتها ونزلت دموعي.
بس اعدل الحمرة مالتج
باوعت بالتليفون مخربها خزرتة وبجيت
ليش هيج.
عدلها بالكلنس كال
قبل لا تدخلين اخلي ميس ترسمها من جديد
العصابة انت وميس صايرين
مسح حلكة بالكلنس كالي
شوفيني بية حمرة
اي حتى خشمك مدمرة الملطلط
لا بابا نجوم عيب لاتخلين الناس تاثر باخلاقج
مابيه حمرة الجذابة.
صعد ضيغم وشغل اغاني التهو يسولفون وفقار يصور وي ضيغم فيديوهات اول مانزلنا اجتني ميس رسمت حمرتي وغمزتلي ردت اكتلها لو ما لابسة بدلة اخذوني جلسة تصوير وتمنيت ما رحت بساعتها فقار غير فقار صار واحد لا اعرفة ولا شايفتة ابد بس خلة المصورة تروح عضني بركبتي بخفة ضربتة ودرت وجهي ابجي.
خفيف والله ماتوجع
ما اريدك يلا رجعني انت مو حباب بس تبوس.
وصاير فاسد تتفق وي المصورة الفاسدين طلعت جذاب تجذب علية انت حباب بس طلعت مو حباب
ضحك خفيف يعدل شعرة
شسوي نجوم هو من شفتج هيج نسيت شلون ارجع حباب بس وعد اصير حباب بيوم العرس
هو جاب طاري العرس لو بطني مغصتني غير الموضوع واخذني للقاعة النسوان ذبت لحم بس اخواتي حوامل بس يهلهن لو يباوعن اخواتة كسرن القاعة بالركص حتى امه ود لابسة بدلة تكمز على صوت الاغاني اجت يمي تسحب بدلتي.
ود: انتي نجوم حبيبة بابا بس مو نجوم ماعرفج
شوية مكياج خلولي
بدلتج حلوة وانتي حلوة مثل العابات
بابا يحبج وجابلج شكولاتة هم
دنكت بستها واخذولنة صور جابو الملا تقرا
كعدوني بالنص وخلو شال مزخرف فوك راسي
الملا تقرا و جوري ورد وكواكب وبعد بنية لازمات طرفة يرفعنة وينزلنة والملا تقرا.
خلصت وكعدوني على الكوشة منتظرين فقار يجي يلبسني حلقتي وباقي الذهب رفعت عيوني من اجة لابس قاط حبري طوخ قميص ابيض ورباط مخطط.
بالنيلي قاعدتة بيضة محابس تارس ايدة وساعة فضية تلمع ابتسم وعيونة لمعت من شافني مسح على لحيتة وكف يمي اختة انطتنا الحلقات ضحك وهمسلي: لو نتزوج مال حلقات هسة
خزرتة وعبست ملامحي هذا بس يريد نتزوج سحب ايدي لبسني ولا رجفت ايدة مو يكولون ترجف ابو البوس يستحي هذا مد ايدة إلى مالزمت ايدة خليتها وهو كملها ما لبسني الذهب تعذر اخذ ايدي وكطعنا الكيكة عطرة ودفو جسمة تلبسن بية.
احس ركبتي كلها مي صارت من العرك ماعرف ليش
وكلني الكيكة وانطاني الشوكة اخذت شوية ورفت ايدي دنكت يهمسلي.
تمنيت بس احنا موجودين جان اكلتج بدال الكيكة.
وكعت الشوكة مني وكعت على حذاتة ودمرتها دنك يمسحها خليت الماعون لايوكع مني ادية صارت ترجف خلالي حنة وحنيتة ضحك وكف على هوسات ذهب الكاع هزتها بوستة تباركلة باس راسها وراح لامة يبوسها باركلة اخواتة كلهن التفتت على كواكب واكفة بصف البنات تقدم بخطوات ثابتة توترت وعدلت وكفتها وصل يمها وبدون مقدمات سحبها لحضنة وباس راسها
همسلها بكلمات محد سمعها طلع وكواكب راحت للحمامات من التوتر.
رجعت الملا تقرا وميس تكابلت وهي ذهب هزت هزت خلتنا صافنين منين متعلمة تتمايل بجسمها وهي لابسة فستان بارز جسمها روان موجودة اجت تريد تطلع لبستني اسوار ذهب وباستني
روان: تزوجتي قبلي واني القبلج خطبوني
ميس: ناس ماتتحمل بعد طكت رواحتها
روان: بسيطة الا احرك كلبة بعد واخلية بنص للليل يزفني
صورن رسميات دكلي
روان: الا احرك كلب طيبة وجماعتها
نشرت طرف بدلتي وطرف فساتينهن سوى كتبت على بدلتي مرت المدير نجمة النجمات.
وميس ناشر ادينا كاتبة على ايدي جميلة الجميلات
تدخل الى القفص الذهبي.
ميس: راحت روان والحفلة خلصت بقيت اكلب بالاستوريات نشرت ستوري كدام المراية طالع جسمي كلة التليفون كدام وجهي وبعد نشرت اجواء الحفلة وفيديو اهوس بية متت بيه
ماصار دقيقتين من نشرتهن التليفون انرج بيدي انصدمت من شفت المتصل علية رديت علية ماكو بس صوت خطوات اقدامة.
ها على محتاج شي
طفة الاتصال وكتب
اطلعي بسرعة من الباب الخلفي.
خفت صايرلة شي رحت اركض اول ماطلعت صار كبالي شكلة عصبي وعاكد حواجبة سحب التليفون مني ياشرلي افتحة.
شتريد من تليفوني
بعصبية دك رجلة بالكاع ضرب على راسة فتحتة لان استخطيتة مايكدر يحجي يرجع يضرب نفسة ادية ترجف واني صرت ارجف شيريد من تليفوني باوعت وياة مسح استورياتي وبسرعة دخل يكتبلي الكلمات لزك صارن من عصبيتة.
ما تستحين تنشرين هيج وكلها تشوفج
حسابج عام وتنشرين هيج ليشششش؟
من زمان انشر عادي عدنا.
ممنوع تنشرين بعد وسوي حساب خاص هذا عوفية
رفعت حاجبي مامصدكة
شبيك على خير؟
ضرب ايدة بقوة بالحايط واستمر يضرب لزمتها اريد بس اسيطر عليها دارني على الحايط صرت وهو كدامي ضرب قوي على بلعومة لزمت ايدة اسحب بيها عليها اثر خياطات بلعومة نزلت دموعي من حسيت بشعورة يريد يحجي ومايكدر.
اكتب اقراة لا تاذي نفسك لان ماتحجي
الانسان يكدر يتواصل ويفهمونة بدون كلام لاتاذي نفسك.
فتحت عيوني على وسعهن من لزم فكي بقوة راص على اسنانة بقوة من باوع بعيوني رخة ايدة
علي ليش هيج تاذيني شسويتلك اني
الغصة صارت بلعومي ماتخيلت هيج يتصرف
بحياتي مسح وجهة ونزع سترتة طلع دفتر صغير وقلم كتب بخط سريع.
اعتذر كلش اعتذر ماعرف ليش هيج تصرفت وياج ماعرف شنو صارلي وبشنو حسيت
علي تضربني وتعتذر هذا مبررر؟
انطيني سبب؟
غرت عليج
قريتها رفع عيونة بعيوني ينتظر مني ردة فعل صفنت بعيونة وهزيت راسي بتعجب كتلة.
ليش حتى تغار
اشر على لبسي وايدي طالعات هز راسة ما قابل
كتب: غيري لبسج ولا تنشرين بعد جنت واكف ويباوعون بستوريج يحجون على جسمج
تقبلينها؟ اذا تقبلينها انتي رخيصة
هزيت راسي بالنفور
اني بس هيج انشر مابالي احد يركز باستوريي
ضرب على رجلة قوي واشر على حلكة ويحجون
بقيت جامدة بمكاني باوع لبسي وهز راسة بعد نظراتة كتب بدفترة صغير كلش.
حتى لو مسيحية مايصير هيج تلبسين
ان شاءلله بس هسة لان حفلة.
مشيت كدامة وكفت بمكاني من خلة سترتة على اكتافي واجة ردها ليكدام تغطا صدري وادية اشر باصبعة اوكي وراح كدامي مبتسم مشيت وراة
شنو معناها هاي؟
دار وجهة ورفعلي حاجب مبتسم ماكدرت ابقة مطنكرة وضحكت على حركاتة.
اكلهم مسيحية مو مسلمة يردون يحجبوني
ولو تحجي جان هسة كلت اي ادخلي للاسلام
اشر قريتي تفكيري
ابتسمت: تدري مرة كلت لو حبيت شخص مسلم ادخل للاسلام.
حجة بالاشارة بس فهمتها فتحت عيوني وحلكي وهو ضحك: تريدني احبك حتى ادخل للاسلام؟
هز راسة اي وكمل طريقة بقيت مصدومة هذا يحجي الصدك لو يتشاقة شفت البنات صعدت بسيارتي وكواكب تخزر بية منين هاي السترة
رجعنا بس اني وياها فاخذت راحتي واني اسولفلها الموقف كلة.
اكلج خاف يحبج هذا
صدك تحجين معقولة يفكر هيج هو مسلم وانوب علي
ليش شبية على مو رجال مايحب ماعندة مشاعر
اسكتي يمعودة ما اقصد هيج بس شي مستحيل.
ولج على من احسن الزلم دارس عندة وضيفة حباب حلو عطرة يسحلج سحل وهم مايحجي يعني لا يصيح ويسطرج بصوتة ولا تجفلين من يصير عصبي ويسب ويغلط
لج صار عصبي مايحجي بس يضرب روحة
حتى مايدوخ راسج ببصوتة شايفة ضرغام شكد ينرفز لان يصيح هذا سكتاوي
لج جاي تقنعيني بابن عمج وتسويلي اغرائات
ضحكت ولمعت عيونها بالدموع.
شكد جنت احبهم واتمنى عندي اخوان كرايب مثلهم بس ولا مرة توقعت يعودولي ميس والله فقار مو قصة اخوي بس لان شفتة حباب ورايد نجمة وهي تريدة بس ماتعرف اتصلت بيه وكتلة يجي يخطب وهي ملخت روحها ماقابلة بس هي تعرف شي واني اعرف شي تمنيتهم بسرعة يتزوجون وعلى هم كد مو خوش زلمة اتمنى تجتمعين بيه
اشتغلت خدودي نار بس تخيلت روحي اني وعلى ابد مامفكرة بعلي غير زميل ضحكت كواكب.
سولفلي مواقفكم كلها وهسة اعرف اذا يحبج لو لا
سولفت الها كلشي حتى مراسلاتنا باخر فترة من صار الحادث قوت علاقتي بيه اراسلة بس كلام عادي.
وصلنا للبيت البنات كلهن واصلات نزلت كواكب نزلت سترتة على ولا ارادي رفعتها شميتها غمضت عيوني بقوة مو عطر مخدر عيوني كوة فتحتهن
ماعرف شنو صار بية بلحظة تخيلتة هو لابسة واني اشم بية عفتها ونزلت بسرعة.
نجمة: خلصت حنتي وذهب سحبت مني التليفون خاف احجي وياة واني زعلانة علية من سوالفة وياي ما عارضت جان يوم كلش حلو خاصة بعد مابقن البنات يمنا وذهب ونسة صارت.
ثاني يوم جان عرسي كلها مطاوقتني ماخلوني افقد اهلي وابجي عليهم اخواتي صديقتي ميس الصارتلي اخت رابعة وكفو منها ذهب نسابتي بصفحة ولايكول ولد عمه بفستان عرسي ودخلو ياخذوني ضرغام اخذ ايدي وسلمني بيد فقار قشعر جسمي من كال.
ضرغام: مسلمك اختي تدير بالك عليها ولو يوم وصار شي يا فقار اني مو ابن عمك اني اخو والاخو اختة اهم من ابن عمة ادري بيك ماتقصر عنها بس هم اوصيك تسعدها وتراعيها مثل بنتك
امانة الله ورسولة صارت بامانتك
فقار: بنتي وعزيزة روحي بعيوني اخليها
اخذني من ايدي وزفونا للفندق كلام ضرغام اثر بية لدرجة ماطلع من راسي الخبصة الصايرة برا ما اهتميت الها بكثر ما تاثرت بكلامة حسيتة صدك اخوي معنوياتي انرفعت كدام فقار.
وصلنا للفندق والهلاهل وهوسات الولد ماخلصت الموظفين كلهم جايين يهوسون
مبارك عرسك يالهيبة
وضرغام هوس وودبج
افرح لابن العم تحتاج ايامة
باسة ومسح على ضهرة باركلة صعدني ونزل الهم يباركوله اجت ذهب ونيزك وصني
ذهب: حبوبا لاتخافين انسي كلشي فقار خوش فقار
اجة هو ونزل ردت اجلب بنيزك سد الباب واني عيوني دمعت راح ابجي ابتسم وتقدم باركلي وباس راسي خفت وابتعدت ليورة كال.
علي كيفج بابا
اريد ابدل
علي راحتج.
راح نزع سترتة السودة ورباطة اندار علية وكال
طالع اني ما اتاخر
هزيت راسي ومشيت اسحول بدلتي عايفاتلي قميص نوم بس صرت لوتية واخذت شلحة نص ردن شوية قصيرة احسن من هذا خيوط جاي
نفسي ماتتقبلة سبحت وطلعت اسرح بشعري المكياج كلة راح ماخليت بعد رجع دخل للحمام طلع متوضي.
نصلي
يلا متوضية
لبست الجادر وصرت وراة صليت وكعدت اسبح تسبيح الزهراء حتى التوتر راح مني بهاي الصلاة.
صوتة يدوي بالمكان يقرا قران خلص وهداهن الى الائمة الاطهار والى امير المؤمنين بالاخص.
التفتت ابتسملي سحب ايدي باسها ومسحها.
احبج نجومي
دنكت عيوني متوترة سحبت ايدي كمت وعثرت كام يصيح الله الله من الفشلة ماعرف اضم وجهي وين دخلت للحمام ولزكت بقيت بالجادر حتى مانزعتة مديت راسي شفتة يمد بالاكل انسحلت روحي من منظرة.
تعالي اكلي يلا بابا
بيها اكل نزعت الجادر وطلعت رجعتة لمكانة.
وعدلت شعري كعدت كدامة اضم برجلية تمنيت اطلع عقلي وارجع ابوسة لان فكرت وجبته المجرودة وياي جذب حلوة ومريحة اني احبها
ردت احجي ماحب الهدوء
استاذ ا.
رفع عيونة الكمة وكفت بلعومة بصدمة كال
عريس اليوم عررررسي بدال ماتصيحيلي حبيبي عمررري تصيحيلي استااااذ نجوووم!؟
مو نسيت واني متعودة
اكووووم احرك روحي بس خاف دكولين استاذ ليش حركت روحك
صح ليش مو حرام
ضحك يهز بايدة.
فقار: حرام يانجوم واحد يحرك روحة واني لازم انطي كفارة لان من شفتج كل يوم محترك
اني شمسوية بنية حبابة بس اشتغل وانت تنطيني شكولاة
الحبابة ساحلة كلبي سحل روحة ورجعة
هو انتي ماتدرين بالدنيا واني صافن عليج
يا ليش منو يشتغل لعد
نجوم اسكتي
اكلك من عقدنا كلتولي نجوم لو نجمة
نجوم
يااااا حرام غير اسم يعني هسة انت محرم علية
ردت اكوم سحب ايدي يضحك
يابة جذب نجمة والله نجمة
اي مو كلت اسال.
دنك راسة ياكل مارفعة كتلة بدون ما اتقصد
استاذ شو انت مالك غرض بيه عبالك ماتريدني بس كتلت روحك حتى تتزوجني
رفع عيونة خازرني
ها رجعنا للاستاذ
لا تغلس على الباقي
هسة انتي شنو شفتي مني خليني اكل اول
حسيتك ماتحبني حتى ماتحجي خليني اروح
اكلي وروحي.
اكلت شوية شبعت عفتة ياكل ورحت غسلت تعطرت ورطبت ادية راح يسبح واني صرت اغفي من التعب وكعدة الصبح كعدت على طرف الجرباية وخليت راسي على التاج غفيت حسيت بيه يشيلني فزيت كلي اسم الله وغطاني رجعت نمت واحس بية حضني وراسي علة ايدة مخلية نمت عبالي حلم ما جنة حقيقة.
فزيت على بوسات بركبتي وجهي فتحت عيوني جفلت من شفتة وجهة احمر وعركان شعرة نازل على عيونة ابتعد صدرة يصعد وينزل خفت.
لزمت بالفراش قوي امنع نفسي ما اتذكر شي وخرت من الجرباية ارجف لزمني من زندي ضربت ايدة وهمست بصوت رايح
وخر
ما أذيج نجوم
راد يتقرب شردت لاخر الغرفة تذكرت الوجع وتخبلت حار شلون يلزمني يهديني كل مايريد يلزمني اصرخ الى ان كمشني صرخت بقوة سد حلكي شالني واخذني بحضنة يمسح على وجهي واني ابجي منهارة.
والله ما اسويلج شي الا بارادتج
عزيزتي بس اسكتي والله ما تقرب حتى ما ابوسج
اهدي عمري.
صار يدك علية بجيت لمن غمضت ونمت كعدت الصبح عيوني توجعني وهو ماموجود يمي غسلت وراسلتة مافاتح نت اتصلت بيه رصيد كال جاي
اجة وجاب ريوك كعدت اكل وابد ماحجيت لو خليت عيني بعينة احس مسوية شي غلط
فقار: نطلع من الفندق اليوم
نرجع لبيتكم
لا عزيمة مسوية ذهب نتغدى ونروح نزور
الله صارلي شكد ما زايرة
فكرت بيج هم ترتاح نفسيتج وتهدأين.
كمت من مكاني فشلانة بدلت ولميت غراضنا طلعنا للبيت جدة باركولنا وكلها موجوده هناك حتى كواكب بس خلص الغدا بوس بنتة ورجعها لشهب
نيزك: ها بشري مبين من وجهج كلشي ماكو
خفت من شكلة جنت نايمة وكعدت يبوس بيه بقيت ابجي انهاريت
نيزك: لاتذكرين شي دوسي على نفسج بس اول مرة وبعدين تتعودين علية وراح تفهمين
فقار غير وماتربطينة بالصار.
طلعنا للزيارة ساكتة افكر لو تنعاد الحالة وياي معقولة يجبرني لو يضوج مني كل مايشوف محل حلويات لو عصائر يجيبني ومخلي علبة شوكلاة كدامي اكرز بيهة على طول الطريق تالي سحبها من كدامي واخذها يمة.
فقار: كافي شكد اكلتي
قحط شبيك
مو زين عليج بابا هاي انتي ود هيج اضمهن تزعل ومن اطلع تاخذهن وتاكل
طيباتت احس من اعوفهن يزعلن علية.
ضحك وهيج خلصنة الطريق مشاحنات الى ان نمت ومن وصلنا كعدني لبست الجادر ونزلنا عدلة ولزم ايدي بقوة عبالك راح اضيع ومن يصير تفتيش ادور خايفة لا ما الكاة يطلع كدامي ياشرلي
ويمدلي ايدة مشينا بين الامامين ضحكت بفرح شكد صارلي عن كربلاء عبرت عن مشاعري.
يعني انت والله تفتهم كلش حبيت من جبتني هنا شكد بنفسي ازور ماعرف شلون اشكرك.
من هذا اليوم خلي كلمة بالج ماكو شكر بينة من اسوي اي شي ممنوع تكيلي شكراً الشكر لرب العالمين لان خلالنا سوى
حركت ادية بالهوى فرحانة بكلامة رحت ازور ودلاني على المكان نجتمع بية زرت براحتي دعيت. وبجيت طلعت خفيفة صرت بس اريد الكاة انخمش كلبي وهو ماكو فص ملح وذاب، نزلت دموعي ادور بين الناس عبالي ما الكاة بعد وهاي اول مرة ادخل وازور وحدي بعد زمن عن الزيارة.
التفتت بكل حيلي من صاح اسمي بس شفتة ردت روحي ركضت اله وشمرت روحي بحضنة ماهمتني الناس التباوع علينة رفع راسي مسحت دموعي
وين انت عبالي ضعت وبعد ما الكاك
عزيزة روحي لاتبجين وين اروح موجود
اخذني شربني مي وغسل وجهي كعدنا بالصحن وصارت باردة خليت راسي على كتفة همست
بردت.
لفني بحضني دفو جسمة وعطرة شميتهن وغفيت شوية وفزيت لكيتة يقرا الزيارة كمل راح جاب احذيتا واني كاعدة لبستها وكمت لزم ايدي دخلنا لمطعم تعشينا وطلعنا شربنا جاي.
نتمشى لو نرجع للفندق
من اسمع بطاري الفندق ينعصر كلبي
بكيفك
اني تعبان اريد انام بس اذا تردين افررج واشتريلج شغلات
غير، مرة
تمام.
رحنا لغرفتنا دخل قبلي سبح وطلع لابس بجامة وتعلاكة راح لفراشة دخلت سبحت ولبست قميص حلو ونازك فتحت شعري ورشيت عطر وعطرت جسمي بمعطر وخليت حمرة لخدودي ولشفتي طلعت جان يكلب بنقالة شافني طفاة وفتح ايدة ترددت.
ماناكل بشر
اه
دتعالي يا روحي
رحت يمة حضني باسني براسي يسولف علية
كال: خل نلعب لعبة
لعبة! مثل شنو
شكد تحبيني تبوسيني واني هم
هاي لعبة مال منحرفين
لا هاي مال متزوجين
مو حلوة غيرها شنو بس بوس.
بيها جائزة علبة شكولاتة وكلادة ذهب
ياااا صدك علمود البوس
لعبة لعبة شنو بوس
هي بوس
يلا انتي ابدي
طفة الضوة من شافني جامدة همس
يلا ابدي
اني
اي
بتردد تقربت علية غمضت عيوني ولزمت وجهها بخفة بستة بخدة ورفعت نفسي ما انطة ردة فعل رجعت ابوس بية واشوفة خاف يكوم بقة على نفس وضعة بس انفاسة تعلى كلبني وصار يبوس بية صار يتمادى هنا كطعت انفاسي.
.
نجوم تذكري اني فقار ما اذيج
يمكن ارجع اصرخ وانهار هالمرة بس كمل.
شنو حيوان اكمل
ماتصير لعد
بس اهدي واتذكري اني منو اتذكري اي شي يخصنا سوى
بين ماكمل اني كاطعة انفاسي كمت للحمام وجهي قطعة حمرة كد. ما كاتمة صريخي بس كملت اخذني بحضنة نومني مثل الطفل الصغير حتى شعري ضفرة الي.
فقار: لو مانعتني ما كملت والله.
غفيت وثاني يوم اخذني يزورني كلش خايف على نفسيتي لان انصكرت ماحجيت بعد اخذني اشترالي ملابس اخذت لكواكب ولود بس ذولي لكيت الهن حلويات والعاب اشتريت تغدينا ورجعت تعبانة بدلت واجيت انام دنك باس خدي.
شلونج نجوم خايف عليج احجي تاذيتي اخذج لدكتورة
لا
صدك ماتحتاجين كولي لا تقلقيني عليج
مابية شي
شايفة نفسج بس ساكتة
نومني مثل البارحة مثل الامهات تنوم طفلها
ادللي.
تكورت بحضنة وهو يدك على ضهري بخفة غفيت بسرعة شبعت نوم وكعدت لكيتة نايم بقيت اباوعلة شلون محدد لحيتة ماكو شعرة زيادة وهاي مو هسة من زمان عبالك مسوي بمسطرة.
تلمست شواربة كلش حلوات ومنطياتة جمال هنا ولحيتة الا الصراحة هو حلو من كاعة عدلت حواجبة بيدي ومن نايم شكد بريء شكلة عبالك طفل كزكزت علية تقربت على كيف بستة بخدة وابتعدت اباوع ما اصدك الانسان الكلة اكلة استاذ واستاذ هسة زوجي.
سحبني لحضنة ضحكت.
كاعد طلعت
بوستج الفاهية كعدتني
هي فاهية شلون كعدتك قابل تبزز مثلك
كرص خدي ضحكت غمضت عيوني من باس مكان الغمازة قريب من شفتي باوع بعيوني وكال
واخيرا صرتي بين ادية كلبي شبع لوعات عليج
حاربت روحي بسببج ماطلبت من الله شي بس طلبتج ورجعج إلى احبج نجومي
استسلمت لحركاتة وخلصنا وقتنا الخاص اكتشف فقار ابد مو حباب شخصية مشاكسة يحب يخجلني
وعندة سوالف لو امة تسولفهن إلى ما اصدك
رن تليفونة وتغيرت معاني وجهة ونبرة صوتة.
مشة بس سمعتة كال: هلو كواكب انتي شلونج، صار بشنو.؟
جاي وافهم منج السالفة ما اطول.