رواية الرمق الأخير للكاتبة شمس العراقية الفصل الحادي والثلاثون

رواية الرمق الأخير للكاتبة شمس العراقية الفصل الحادي والثلاثون

نهضت رجعتني تحجي بغضب لان أنزعجت من كلت إلها ما أريده
الدكتوره وين بعدنا مخلصين خل أشوف النبض
هو أصلاً تعبان وحجمه صغير وأنتِ الحلوه عندج نزيف متقطع وعبالج عذر هيج نسوان ثولان ما شفت.
ما جاوبتها كانت قاسيه وياي حيل رجعت كالت وفشلتني
حامل والرحم تعبان بس تعرفين لهذيج الشغله
شمسويه برحمج أنتِ مطيحه حظه والطفل باقي شعره يوكع...
سمعتني النبض ضعيف كلش مسحت بطني ونزلت.

ليش ما تردين الطفل وجهج مرعوب وخايفه شبيچ أحجي
ما بيه شيء بس ما أريد طفل هسه
َ أنتِ متأكده متزوجه وين رجلج
أي متزوجه مشكوره دكتوره ردت أطلع أخلص نفسي منها ومن كلامها لان شكلي فعلاً يجيب الشك
مشيت صاااحت بيه ألا فززتني
وين بعدنا ما مخلصين فحوصات شو تمشين كيفج
شگد رأسج قوي روحي صحيلي زوجج أفهم منه سبب رفوضج الطفل...
بقيت صافنه بوجهه همست فدوه رحتلج لا تكولين اله ما أريده يعرف حامل أني اريد اكوله...

وليش خايفه قابل أبن حرام
خاف مسويه مكسوره ولج أحجي
لأ بس أني وياه نتفاهم ما قصرتي مشيت صاحت السكرتيرة واخذت روحي من كالت إلها
الدكتوره صيحي رجلها بسرعه خل أفهم منه
الطاف ما بيدي شيء بعد نزلت رأسي وأفرك بيدي
فشلانه غمضت عيوني تذكرت الليالي القذره واذا
بشهر الخامس أذن أبن عميد أبن حرام
حملتي ب أبن حرام يا الطاف صخام بوجهج...
دخل هو متفاجئ ويباوعلي حس بيه مو طبيعيه
حسين السلام عليكم دكتوره.

خير زوجتي بيها شيء دزيتي عليَّ
الدكتوره أي اتفضل أنتِ تعرف بزوجتك حامل
حسين حامل!
أي حامل بشهر الخامس والطفل حالته تعبانه لان زوجتك هامله نفسها وعدها التهابات قويه...
حسين شهر الخامس!
اي شبيك بس أريد أعرف ليش تزوجون أذا ما تأخذون حذركم والطفل شنو ذنبه زوجتك ما تريده
وطلبت تسقطه حرام عليكم
الطاف نظراته وشگله والصدمه وجهه ما أنساها
بقه محتار شنو يحجي حسيته تخشب رجع كال
وصدمني أكثر...
حسين لأ أريده.

وشنو المطلوب مني أني حاضر
الدكتوره نيالها عليك والله يعينك عليها تبين
غبيه وثوله
حسين لا ورده وكل قصور ما بيها
الطاف ما أعرف أوصفه ماكو شيء يوصفه أبداً
بقه واقف وياها ويفهم منها باقي الفحوصات وأني رافضته ومستحيل أتقبله
الدكتوره أخذ الها هاي العلاجات وخل ترتاح ولا تتحرك هواي وتضرب أبر تثبيت الطفل وتتغذى
وممنوع العلاقه الزوجية نهائياً لأن أساساً الرحم
تعبان ومن تولد بسلامه وك أغلب نشيله إلها.

حسين ممنوع تشيلن الرحم مالتها عالجيها أي شيء
بس ما تشيلي إلها
أذا هيج كلامك وين كنت عنها شمسوي بيها أنت
مزقها تمزيق جدار الرحم متهشم زين الطفل باقي بي روح اصلاً أثنيكم مذنبين ومو طبيعين
ألطاف كانت بلا رحمه نهائيا وأني أحس أريد
أوكع ما كدرت أستحمل أسمعها تغثني بالكلام حس بيه جعل محد يحس بيه غيرك، شمر الوصفه
عليها وجرني من أيدي وطلعنا من يمها
باب العيادة حسين ما اتحمل اكثر خلص بعد.

أخذني ل أهلي صاااح بيه الا بالعياده باوعوا إلنا
حسين الله ياخذهم أهلج
ترى جلطتينييي أهلي أهلي كل ساعه اهلي
كااافي لخاطر الله
الطاف جرني من أيدي وامشي وياه يباوع العماره
وين مأخذني وياك ما أريده ابن حرام هذا خل نرجع
البيت فدوه
حسين لا تخلين اطلع خبالي عليج بالشارع وكدام خلق الله لطمي وسكتي خليني اشوف شغلي
الطاف دخلنا وبقه يحجي ويه السكرتيرة ودخلنا الدكتوره باوعت إلنا.

حسين عيني زوحتي حامل بشهر الخامس شوفي إلنا حالة الطفل وشنو المطلوب
الدكتوره أي بعيوني شبيكم قلقين
أستريحي ماما خل نشوف الطفل وأنت تفضل أخذ راحتك...
ألطاف راح وخلاني بقيت واقفه ونزلت دموعي وأفرك بيدي
الدكتوره شبيچ ماما ليش تبجين
ما أريده فدوه رحتلج افهميني هذا الطفل ما أريده
شوفيلي حل أتوسلج داخله عليج
لا هيج تكولين أصعدي نشوفه وبعدين نحجي.
خلت السونار ونفس الكلام رجعت جاوبته بس.

دكتوره قبل شهر راحت مني شلون حامل 5 شهور
هو صحيح متزق وتعبان بس انتِ حامل المهم راح أكتبلج مجموعه أدويه
نفس الشيء فقط تعاملها حلو ودزت عليَّ وفهمته
كلشي أخذ الوصفه وطلع جاب الادويه وتشرح شلون اخذها وهو ساكت وسگوته يقلقني ماكو رجال
يتحمل هيج وأبن حرام شنو جابره يتحمل مسؤوليه
طلعنا للبيت ردت أحجي سگتني
حسين ولا كلام نوصل البيت ونحجي.

ألطاف أزداد قلقي ومر الوقت وصلنا البيت أول ما دخلت أنهاريت وصرخت ما أكدررر أجيبه ما أريده فدوه افهمنيبي تعرف شنو أبن حرام
أي أعرف
لعد ليش هيج تباوعلي وساكت لا تخبلني لا تشفق عليَّ لا تكون زين وياي ماكو رجال يسوي إلى سويته
أني مصخمه ملطمه أصرخ وأشهك هذاااا أبن حرام
صاااح بيه
حسين أبن حرام
وهووو شنو ذنبه
تسقطينه وتحملين ذنب فوق ذنوبج
الطفل ما اله ذنب
الذنب ذنبي وأني راضيه بي بس أنت ما راضي تقنع.

وتخليني أتخلص منه وأخلص الناس من شري والعار
اجيبه إلهم
أبقي بهذا كلامج
لعددد خوما أبقى هيج شلون تريد مني أتقبله
ما اكدرر افهم اني كارهه كلشي قبل لا أكتشف
روحي حامل ساعدني وارحمني وكمل معروفك
وأخذني إلهم، ما جاوبني طلع ورگع الباب وراه
بقيت يومين وحدي أحس روحي أنتهيت وصفرت
وهو ينام بالسياره حتى البيت ما يدخل حقه والله
حقه وصعبه عليَّ وعاذرته...
أنفتح الباب ودخل شافني كاعده بالكاع ولامه نفسي تقرب نزل روحه.

لمني لحضنه والروح هدئتك صدره اختنكت
أبجي شگد ما تكدرين نزلي دموعج
دموعي نحسه ما ترضى تنزل وتريح نفسي
أنقهري أبجي فرغي روحج لا تكتمين
ياريت أحس روحي متروسه قهر
طبعاً كاتمه الوجع هي روح لو جماد
فرغي روحج من إلى شايلته كعدي عيشي حزنج
فرغيها من الطاقه السليبه
وأرتاح
أي والله كل قهر عشتي ومريتي بي
ينزل بدموعج وبعدها ترتاحين
حسين أذا ما تكدر لهذا الحمل والله عاذرتك حقك
أني إلى أكدر والحمل حملنا أثنينا.

بس أسألج سؤال وجاوبيني بصراحه
أي
ألطفل أبن منو؟أبن فيصل
مو أبن حرام مو صحيح
لأ مو أبنه أني بقيت حوالي السنه
يعني مو أبنه
لا مو أبنه
تعرفين أبوه؟
وغمضت عيوني ونزلت رأسي
رفع وجهي وباوع بعيوني
جاوبيني ما أسويلج شيء والله لا تخافين
تعرفينه؟
وأذا كتلك أعرفه شتسوي
بس كولي وما عليج
عميد إلى كان ساكن ويانا
الولد الشاب مو صح
أي
تمام يلا نامي وأرتاحي بعدين نحجي
شتسوي بس كولي
ما أسوي شيء بس أدور فيصل عندي كلام وياه.

لازمته من قميصه لأ فدوه عوفه خيولي لا دخل نفسك عوفهم ما اريدك تتأذى،
مستحيل أني مو رجال أذا ما أخذ حقج من هالنذل
أبوس أيدك أتوسلك عوفه خيولي هو نذل
وما اريد أخسرك والطفل نسقطه
ما يتسقط الطفل يجي لدنيا لأن ما اله ذنب
تردين تحمليني ذنبه لو تزيدين ذنوبج أساس ناقصه
شلون وهو أبن حرام
مو مشكلته ولا ذنبه
يلا كومي نامي وأرتاحي
طلع وخلاني ركضت وراه لازمته من أيده لا تروح
فدوه لعمرك عوفه رحتلك فدوه حسين لا تروح.

ما أعوووووفه أذا ما أشرب من دمه هذا شمسوي
بيج هو عايش حياته وانتِ تتعذبين أني وعدتج
أخذ إلج حقچ وهذول أهلج أحرگهم گلبي ما يبرد
أحنا مو گدهم عوفه فدوه خليك يمي والله أموت
أذا رحت أني أقتل روحي وراك
تأذين نفسج علموده لهل الدرجه تحبينه وتخافين عليَّ
ماااا أحبه ماااا أحبه حبه الموت وأخذه وخلصني منه الله ياااااخذه
بس خايفه عليك يكفي وقفت وياي وساندتني
ما أريد أتحمل بذنب أكبر من ذنوبي أفهمني حسين.

كافي أهدئي أهدئي
لا تروح فدوه رحتلك
تعالي شلون بيج أنتِ
حضني واني حضنته بقوتي ومتمسگه بي
رفع وجهي وگال
ضميني أريد انضم أريد انشم أريد اغفى بين شاماتج والتم
أنتَ أحن شئ لمس عمري
ما يعرفون النعمه العدهم أغبياء
ما حبوني ب وفاء
لحد يحبج إني اصيرلچ كلهم
بقيت صافنه بوجهه وكلامه ونظراته اليه
رجع همس بحب ب أذاني
أحبچ أنتِ نسواني الأربعه.
بقيت صافنه بوجهه
خاف أذيك بحبي ومشاگلي
أنت ما تستاهل بس الخير.

أني راضي بكلشي ليش أنتِ هيج تتصرفين
ما اريد احملك حمل وأنت ما إلك ذنب ما أريدك تتأذى انت نقي ونظيف وما أريدك تتوسخ بيهم او حتى بذكر طاريهم يرحون فدوه الك
تمام
أمشي نامي وأرتاحي وأخذي علاجتج
لما تفرج عليج
ما أعوفك أذا ما توعدني ما تقرب صوب مازن
او فيصل او أهلي كلهم عوف كلشي مسلمتهم بيد الله.
تمام يلا أمشي كدامي للفراش
خل نتعشى
جوعانه
لا علمودك
تمام أروح أجيب من برة وأجيچ.

ألطاف راح بقيت أنتظره مر وقت أجه رتبت ألاكل هو ما أكل بس باله مشغول أدري صعبه عليه وحمل ثگيل ورطت الولد وياي شنو ذنبه
راح يغسل انوب سمعته يحجي أتصال ودايخ ذب التلفون وصفن رحت كعدت يم رجليه شبيك حسين
حسين أحتمال زواجنا باطل
ألطاف شلون يعني
أنتِ حامل والطفل مو إبني أذن زواجنا والعقد باطل
وهسه شلون
ما أدري دخت والله
أنت سألت احد أستفسرت
لا والله من كيفي لأن إلى اعرفه الحمل يفشل الطلاك والزواج.

طيب أسأل أحد ونتأكد
شَ أسأل عبالج بالسوالف
ترة سالفه ما تسولف ناقصين حجي إحنا
لعد شلون
ما أدري ما تشوفيني دايخ
همزين ما اتقربت إلج وتحملت بذنب
نفورج مني جان بوگته...
انتَ طيب والله يحبك ما يريدك تتحمل بذنب
اي سويني يوزرسيف ابو عيون
واني عراقي أجلح أملح
فدوه لسوالف وشحلاتك
لا والله شو عيديها مره لخ
وبعدين شجابج يمي لا وكاعده يم رجليه
بالي يمك وادري صعبه عليك
حسين أني أسفه تعبتك وياي
ممكن تنجبين عزيزتي
بس.

ولا حررررف خليني أشوف حل ولا تبقين تلطمين
الحل الوحيد تأخذني ل أهلي
هم كالت صخمان هم كالت أهلي
أهلج لو بس هما يبقون بشر سطح الكره الارضيه ما أعترف بيهم أنتِ شلون تلهگين بيهم أهلي وأهلي
امداج اي والله وامداه حظي وامداني...
اني علمودك والله
دنجبي عاد دسگتي أنلطمي
وتعالي أكولج كم سنه عشتي وياه ل السگط
حوالي 3 سنوات.

كل هالوقت وين كان عقلج ليش حاولتي وياه تعرفين غموضه شنو جابرج تبقين ويه شخص يشرب ويكبسل وفوق هذا كله تغاضيتي عن موت زوجته
وبيت إهله
هيج حبج اله قوي طاح حظج أي والله
بقيت ساكته لأن صح كلامه
الحقيقه توجع مو
أني من أحجي مو أحاسبچ بس أريدج تصحين وتعرفين ناسج وتبطلين تحنين أهلي وأهلي لو ما تريدني أروحله أو أسأل عنه هذن كلهن يدلن أنتِ بعدج متلعقه بالماضي وتحبينه
لا والله.

أكرهه أموته منه شنو ابقى أحبه ليش هو خلهحالي حال
الطاف أني وياج وأحاول أتغاضى بس مو بيدي
سالفتج مو سهله أنتِ مو جاهله علمود أكعد أعلمج
وهسه گملي شغلج واخذي علاجاتج روحي نامي
ماشي وأنت مآ تنآم
ما عليج مني
راحتك
كملت شغلي دخلت الغرفه تمددت بس بالي يمه ما مرتاحه كَلبي يوجعني أنوب أوگعه بمشاكل خرب بحظج ألطاف
كل أشوي أباوع بالصاله متمدد وعيونه بالتلفون
تالي رجعت تمددت مر وقت حسيت بي دخل الغرفه
أخذ فراشه وطلع...

بقيت أتگلب بالگوة غفيت لصبح كعدت رأسي يوجعني كمت أمشي دخت لاحظت ورقه صغيره.
مكتوب بيها والخط مو واضح گوه فهمته
حسين أني رايح ديري بالچك نفسج ولا تروحين
ل أهلج، خابرت عباس يجيب زهور ويجون يأخذونج
ألطاف وكعت الورقه من أيدي حاولت أفتح الباب مقفول أوف أوف ليش رحت ليش بقيت أدك بالباب
تخبلت عقل ما ضل برأسي أنفتح الباب عباس وره زهور
عباس وين راح ما كالچ
ألطاف فدوه أتصل عليَّ خل يرجع.

عباس ليش هو وين راح بس فهمينييي اخووي وين
ألطاف بس أرجف حرت شنو أجاوبه يفرك بوجهه وتقربت زهور
زهور كيفك لا تصيح اتصل عليَّ وافهم منه وانتِ تعالي لا توگعين
ألطاف كعدت أنتظر وگلبي نار وهو يفتر ويتصل ما يجاوب رجع صاااح
عباس هذااا وين راااح ما تحجين أخوييي وينه
ما معقوله ما تعىررفين
زهور لا تصيححح عليها صوتك
ألطاف فشلانه منهم نزلت رأسي ورطت أبنهم وياي
حقهم وين كنت إلهم رن تلفونه فتح سماعه
عباس هاا رفل.

رفل خاله گلبت الدنيا عليكم تكول عباس ما طلع هيج مستعجل الا اذا ما حسين بي شيء وطلبت حسين هسه يجي عليها
عباس خرب بالحظ هسه أجي حاولي تفهميها وديري بالچ لا يرتفع ضغطهااا
الطاف قطع الخط ورجع أتصل ما أدري منو
عباس هاا خالد يمعود وينه ما گالك
خالد راح لشمال هيج فهمت منه
عباس شعنده أهناك ما فهمت منه شيء بعد
خالد لا والله اذا فهمت منه أتصل عليك
عباس ماشي أنتظرك.

الطاف كل الوقت يمر وأني روحي تذوب مثل الثلج والرجفه بكل جسمي وعباس راح لاهله
وزهور كامت تصلي وأجت كعدت يمي
زهور أنتوا متزاعلين
ألطاف لا
نصيحه مني ديري بالچ منه أذا يزعل لأن زعل حسين ثكيل حيل
بليل نمنا ما بينا شيء ما زعلته
تمام بس حبيت أنبهج
راحت تتصلك أهلها وأني أحس انتهيت فد مره
ولليل وهو ماكو وأجه عباس
عباس ابقي يمها وجهالج رجلج أخذهم وراح لاهله
زهور تمام وامي شلونها.

عباس مو زينه بس تسأل عنه بالگوة قنعتها طالع سفره ويه جماعته
ألطاف باوعلي ونزلت رأسي مشوا بعيد عني سمعته
همس لاخته
عباس هذا بطران ناقصين أحنا
جابيلي وحده ما معروف أصلها شنو
زهور أش حرام عليك هيج تحجي خطيه شنو ذنبها المسكينه أمشي البيت يلا.
عباس هسه عرفت كلام ابوي صح
عبالكم باالسوالف هاي كدامج وراها بلاوي
بنت ملاهي شتترجين منها ما جان تنقذ نفسها
ألا حسين يصير عنتر ويطلعها من خيستها.

القاهرني انتِ وامي واگفات وياه وتشجعنا الغلط
زهور الزم لسانك وخليك موقفك لا تصير عربانه
يدفع بيك أبوي، ساعدتوها كملوا معروفكم وياها ورحموا حالها
ألطاف إنقهرت حيل والعبره بصدري عفتهم دخلت الغرفه وقفلتها وفرغت روحي وحدي بقيت لنص الليل يلا طلعت لكيتها كاعده وحدها
زهور حقج علينا حبيبتي وهو أنقهر على حسين
ألطاف لا عادي حقكم أبنكم هذا
رحت جبت فراش ونمنا أني وياها بالصاله
ما نمت ولا عيوني زارها النوم...

ل العصر تقربياً ساعه 4 أجه عباس بيده تلفونه خله بيدي وكال مزعوج
عباس هاچ أخذي يريدج أحجي وياه
ألطاف أخذته منه وسمعته كال
حسين يول أكسر حلگك ليش هيج تحجي وياها
ألطاف وين أنت ليش هيج سويت بيه
حسين يابه يابه صوتها مايع شبيج ولج
أخذت روحي عليك ليش رحت مو وعدتني ما تروح
أجي ونحجي وأفهمج كلشي
حبيت أسمع صوتج لأن أشتاقيت وحيل أشتاقيت
لا تتأخر دير بالك نفسك
تمام باي.

ألطاف أنطيته التلفون وطلع برة يتصل زهور كامت تصلي وأجت كعدت يمي باوعتلي
زهور ما شفتج تصلين شعجب
هسه أصلي
هااا تمام
شنو فهمتي منه وين رايح ويمتى يجي
گالي أجي وأفهمج هزت رأسها
دخلت غرفتي أبتعدت عنهم ونظره عباس اليه مقهور مني وحقه هذا الشيء عاذرتهم كلهم
الليل تقربياً ساعه 1 سمعت صوته حيل فرحت ردت أطلع تالي بقيت أهله موجودين
اشوي و أختفى الصوت طلعت باب المطبخ مقفول ماكو أحد أحتمال راح يشوف إمه رجعت أنتظره.

مر وقت وأنفتح الباب شمر المفاتيح عليَّ
حسين حضريلي الحمام وسويلي أكل جوعان
من عيوني
راح الحمام جهزتله ملابسه أخذتهن أله دگيت الباب
فتحه وأخذهن مني رجعت جهزتله العشه اجه تعشى
وهو ساكت أريد أحجي متررده
حسين الحمدالله
جيبلي فراشي أنام
ليش ما تنام بالغرفه
مو تريدين أبتعد عنج حرت وياج
وبعدين حجينا بهذا الموضوع ما يجوز أتقرب ناحيتج لما نشوف تاليها
تمام راحتك
بس نكدر نحجي
تعبان بس نحجي عادي
وين رحت.

سألت عنه مع ألاسف ما عرفت وين مقيم النذل
بس حصلت رقمه
أي وشتسوي برقمه
وليش خايفه
َ لا
بس علمودك. يعني أنت حجيت وياه
أي!
أي شنو حجيتوا
حجينا
أسحب الكلام منه حتى أستحيت هسه يكول تحن اله حنتله المقابر بقيت ساكته لان هو رد عليَّ
ذب چگارته ورث الثانيه
مطلگج محكمه وحقوقج كلهن دازهن ويه بنتج
هو كلك
َ أي بس يحجي بالگوه طلع روحي بس كتله مطلگها محكمه أنت؟كال أي ليش تسأل
شنو جاوبته. كلب عيونه عليَّ.

ليش هواي تسألين ترة جاي أحجي ما ساكت أني
أسفه ما قصدي
أي أمشي نامي وفضينييي
تمام
تريد شيء
لا
فرشتله ورحت نمت بالغرفه عفته كاعد سهران
ومر أسبوك وبطني بدأت تبين والقهر أزداد
وكلامنا حد السؤال والجواب يروح لدوام يجيب زهور يمي هي وبنتها من الصبح تروح
لبيتها وأبقى أنتظره...
أجه أخذت من أيده المسواك رتبته وجهزتله الحمام
سبح ونام بصاله بدون أكل وبليل طلع ويه أصدقاءه
ورجع نام وحده، كمت رحت لعنده كعدت يم.

رجليه فز وفتح عيونه
حسين خير بيج شيء
ألطاف بالي يمك
كلشي ما بيه روحي نامي
متأكد
أي
بقيت أفرك بيدي محتاره شسوي مشيت ورجعت وهو نام رجع كال
روحي نامي شعندج واگفه
مشيت بقيت كاعده بالكاع باب الغرفه ما نمت لصبح كعدتي وبطني تخشبت سمعته يكح أجه
حسين تعاقبين نفسج لو شنو
ألطاف لأ
وجهج مزرك شو تعالي وياي
أخذني للغرفه تلمس وجهي بيده أثنين وبطني
تحسين بي
أي
ليش مخنوگه شبيچ
ما بيه شيء
راحتج هو هاي أنتِ حاسبتني غريب عنج.

لا والله أنت اقرب واحد اليه
لا واضح
ليش هيج تحجي أني علمودك
شنو علمودي جاهل أني
بس أنتي مو راضيه تصحين وتمسكنين مسويه
روحج ضعيفه أنتي تخلين الناس تستغلج
يعني هيج صار كلامك ماشي أنهي النقاش
وأشمرني بيت أهلي وفضت السالفه
أني كلت هيج دفر الميز كدامه وكسر التحفيات
وأنفعل رجع صاااح بيه
كااافي لخاطر الله محسستني خاطفج
امداج وامداه أهلج وياج
أمشي يلا اخذج ألهم أشوف شلون يستقبلوج
مسحت دموعي أختنكت حيل مشيت الغرفه.

بدلت ملابسي وشلت جنطتي وصار عندي وجع
هسه وگتك بالگوة أمشي تملخت بطني ودخل هو
ما صدكتي گبل جهزتي نفسج
أنتِ حرمات التعب بيج
والله حيرتني. نزلت رأسي وأفرك بيدي
وكاتمه الوجع
أبقي ماكو روحه
رجعت تمددت وصار عندي وجع مثل الولاده ما أكدر أوصف كميه ألم المريت بيها بهذاك الوقت
ماكو أحد يمي وألوب أحس روحي تطلع كاتمه
صرخاتي وبهتت روحي والماي نزل عليَّ والدم.

والغواش سيطر عيوني للصبح أني أنازع وحدي ما نمت ولا غفيت أحس بي نزل فد مره
أنفتح الباب وبعد الغطا عني ومسح وجهي بيده
حسين شبيچ
الطاف كتمت ألم وجاوبته ما بيه شيء
ألطاف شو باوعيني الطاااف
تعبت وأنتهيت شالني بحضنه وخلاني بالسياره ورجع جاب السويج وقفل الباب وطلع بيه
للمستشفى أخذني منه دخلوني صاله الولاده
فحوصات رجعوني للغرفه وضربوني أبر
الدكتوره طفلج ميت بطنج هو حجمه صغير
ينزل ضربتج أبر ساعتين هيج تنزلينه...

الطاف طلعت وخلتني ألوب وأزداد الوجع ودخل هو ودنگ يم رأسي
حسين لا تخافين
الطاف راح أموت بطني راح تنفجر من الوجع
أدفر برجليه مثل الطير المذبوح وهو يفتر خطيه
حسين شسويلج حجيت وياها تكول لازم تتحمل
ما بيه راح أموت
خلوني أموت براحه مو أتعذب روحي شاغت والله
شلون ينزل وهو عمره 4 أشهر شلوووون راح أموت
تقرب لوجهي وأنفاسه قريبه مني
حسين ما تموتين لحظات وأجيج
أكلب المستشفى رؤوسهم.

ألطاف طلع وتأخر ومر وقت دخلن أثنين وفحصني وحده منهن كامت تصيح
الدكتوره المريضه منتهيه منو هيج مسوي بيها
وين أكو طفل عمره إشهر يتنزل هيج حضروا صاله
العمليات بسرعه أتحملي ماما...
ألطاف حضروني ودخلوني صاله العمليات بسرعه وأنخبصوا وقربت شيء خشمي
وغفيت وبعدها ما أذكرررر...
صحيت بالغرفه وحسين يم رأسي وبطني مقسومه بالنص بالگوه أخذ النفس
حسين الحمدالله سلامتج
ألطاف الله يسلمك الطفل سقطوا
حسين أي
أشكرك وقفتك وياي.

مو أزعل والله
كلشي ولا تزعل مني
لعد سكتي
بقه كاعد يمي وما قصر لثاني يوم يچيبلي ألاكل ويفتر يمي والعلاجات ينطيها اليه واجهت
صعوبه من رحت الحمام هو ساندني ودخلني
ما بيه اوگف وجع فضيع وحيل مستحيه
حسين بعدي أيدج
راح اتحمل ذنب من وراج بس شسوي
حسين أبتعد أني أدبر روحي
لا تخافين أصلي والله يغفرلي هالذنب
تطلعين واجدد العقد مره ثانيه نقطع الشك باليقين
علمود بالي يرتاح ما اضل اوهس حلال وحرام.

تمام راحتك كانت غرفتي وحد لهذا ماكو احد يمي لا ماما لا دادا هو غيرلي ولبسني وساندني ورجعني الغرفه وغطاني موقفه لموت ما أنساه...
بقينا لثاني وطلعنا إلى عرفته من ممرضات هو منطي فلوس وطالب غرفه وحدي...
وصلنا البيت نومني بفراشي وأعطاني علاجاتي
بس حسيته مو تمام عيونه ما بعدهن من التلفون
يفتر خفت بي شيء همست حسين صاير شيء
حسين أي
شنو
فيصل من أخذوج منه تحت تهديد لو شنو؟
. أي بس هو أجه بلغني.

هو يحبج وعلاقته كانت زينه وياج لاخر لحظه
أي الله يأخذه كان طبيعي بس كان غامض
سالفه أطر الرأس
ماكو رجال يحب زوجته ويشمرها هالشمره
هذا لو مريض لو مهدد لو وأگع مصيبه وأنتِ دفعتي الثمن مگانه فهمتي...
ما أدري
بس إلى أريده أنت
مبين هواي تريدني
طلع من الغرفه وخلاني بحيرتي يربي ساعدني.
تذكرت مواقفه الحلوه فدوه لطيبه گلبك بس أسمك من أذكره روحي تنشرح وتفرحح فرحه وعافيه ربي يدومك اليه...