رواية الرمق الأخير للكاتبة شمس العراقية الفصل الثاني عشر
ما جاوبته عباله كلمه أسف تطيب الروح وما بيها
طلع الدكتور وفيصل راح عليه واني لازمت أيده يبجي عيونه ورمت من البچي
الدكتور لأ تخافون مجرد أحمرار بس أكثر مكان أيديه والشيء واكع عليه خفيف الحرارة
أكتب اله علاجات ويرجع أحسن من قبل
اخذ الوصفه وطلعنا للبيت نص الطريق وكف السياره يجيب العلاج وذاكر نام بحضني...
لمن وصلنا البيت حياة أستقبلتنا واخذته منِ وتبوس بي صارت حنينه هسه، اريد أنومه
حياة خوما حروق عميقه.
لا الحمدك زين، من رخصتج
نمت وما حاجيته وأجه تمدد بصفنا
عيوني تحجي قبل لسانه
ما ادري!
ليش أحس عباره عن صندوق مقفل!
فيصل ليش هيج تباعينً!
الطاف أحس ضام عليه هوايه أشياء
ما ضام شيء كل السالفه أحس تأنيب الضميير تجاه أبني لأن فعلاً مقصر بحقهُ
اذا صار ألنا طفل ما اريدك تفرق بينهم
هذا الشيء أني أكد عليه مو أنتِ
ماشي.
ومر هذا الليل بسلام لروحي رغم الوجع بجسمي بس بقيت ثابته وقويه وما ضعفت ولا بچيت بقيت أتكلب وهو يراقبني ما عافني الأ غفه من كيفه غلبه النعاس وأيضاً اني وعيوني تباوع ل ذاكر
مرور أشهر
صار عمره سنه بلش يخطي خطواته الأولى رغم أحس بي تأخر بالمشي وكمت أساعده وامشي بالحديقه وياه خطوه بخطوه وهو فرحان بروحه ويضحك، ولك ذاكر عجبك الچو حبيبي
ذاكر بابا
الطاف التفت لكيته يباوع إلنا، تقرب عليه
فيصل أريد منچ طفل
مو هسه.
شوگت لعد بس اريد اعرف ليش رافضه فكره نجيب أخ لَ ذاكر!
ما رافضه الفكره بس صدقاً ما مستعده هسَه والطفل يريد وقت وعنايه واني بعد شهر يبتدي الدوام والسنه أقسام داخليه شلون ادبر أوضاعي
مشكلتج! حبوب مانع حمل ماكو بعد
لان أحس نيتج مو صادقه وياي
لآ وك صآدقه أصلآ شعندي غيركم، وين أروح قآبل
متأكده!
آي متأكده.
عآفني وراح صعدت غرفتي باوعت الشريط خلصان منين أجت بالك تسوي طفل واني ما اعرف شلون تصفى وياي طبعك حاد أثناء أفكاري دخل هو! وتقرب ناحيتي هاا شبيك
شييه قابل أريدج عندج مانع
لأ ما عندي مانع بس الشريط خلصان
فضينا من الحبوب لخاطر مآ يصير
لعد سوي ريجيم! عوج حلگه وضحك
شجابه بالج المرحوم! هذا عايش وياي صراع يوميه اكول باجر اسوي العمر خلص واني ما سويته ھَہھَہھ.
والله بالي من زمان اخليك تسوي جسمك حرمان والرشاقه حلوه
تحبين الرشيق
لا أحب المعضل
شو تعالي ام المعضل كل أشوي تطلعلي سالفه علمود تنهزم مني عبالج ما أعرف سوالفچ!؟
وآخذني آله
حاولت ما يتقرب اليه بس ما كدرت
وأستمر هالحال فتره كل ما اوصي ما يجيب الأا عجزت منه وسواها شغله عناد بيه وكل ما امنعه يعاندي أكثر ويأخذ حقوقه بالأجبار...
جنت اخبط گيگه ومختبصه وذاكر يمي بس يفتر ولازم وراه وراه اخاف عليه يأذي نفسه...
أجت عمتي وكعدت عيونها بطني خير!
مديحه ما حبلتي لو أنتِ ما تردين طفل من أبني
بيد وبعدين ليش مآ آريد بس لآن أدرس وآوجه صعوبه طفل مو لعبه يريد عنآيه وتربيه وآحد يكآبله ويكعد...
هاا أذا هيج حقچ لعد العصر أروح لسوك تجين وياي اذا تردين لان من چيتي ما شفتج رحتي!
لا مشكوره عمه اذا احتاج شيء اوصي صديقتي تجيبلي...
براحه گلبج ولچ أحلام تأخرنا خالتج تنتظرنا!
طلعوا وأحلام چانت أخر کشخه أثناء طلعتهن دخل هو باوع الهن ولا كال شيء ليش راضي عليهن ولا مره شفته منعهن من طلعه او أحاسب أخته لبس
فيصل هاا شلونهم حبيابي
الطاف هلأ بيك، زينين وانتَ شلونك
زين من أشوف طولج بالبيت
أبتسمت حضني ويبوس بشعري لو بس تستقر وتريح گلبي منك يوميه الك لون شكل
ٍَ أني مثل ما أني!
كل دقيقه أشتاقلچ يا حلوتي.
وأني هم خل أخلص الگيگه ونأكل سوا بس انت ما تأكل هواي بس اشوينه حباب التزم وياي والله اخليك تضعف
ماشي بس لا تلحين
يعني تسوي ريجيم ونظام غذائي قاسي
لا ما أتحمل قساوه گلبج عليه يهون عليج
لا ما تهون اني حبابه وين أكو مني ضحك ولمني بحضنه
ام لسان جهزي نفسج وكم قطعه ملابس نطلع لااربيل نتونس عاجبني أطلع واخذكم وياي
حيل فرحت، تمام لحظات ونجهز بس مو ما ضل وقت علينا خاف نتأخر.
لا عادي حتى لو بليل هم نوصل مو مشكله المهم نطلع...
الطاف تمام جهزت الگيگه وعفته ويه أبنه يلعب وياه زين مزاجه اليوم متعدل، صعدت لكيت ذهب متصله عليه هواي رجعت أتصلت عليها هلأ بروحي
ذهب يا روح تحجين عنها كل اوقاتج ل فيصل وأبنه واني سفينتي غرگت!
الطاف حقج عليه، وك ملتهيه بين شغل البيت گله برأسي وطفل حرگ وصار يمشي وتعرفين مسؤليات بعد
اي لطمي بعد لطمي
أمريني شنو تريدين علمود يرضى الحلو أبن گلبي.
اريد أشوفج ولج ناطف گلبي يهون عليج
َ بالي أجيكم وك واريد أخذج للسوك أخذ ملابس للدوام بس هسه كالي نطلع لأأربيل نتونس كم يوم
شعنده مولي لأاربيل شسوي بالونسه والقمر يمه
تصدكين أجت بوكتها اني هم اريد اطلع من هل الجو والبيت بلكي تتصافى القلوب أحس بي غامض
اريد افتح گلبه ويحجيلي عن أم ذاكر.
عوفي خيولي شعليج بي ومرته خليج بحياتج ولا تقصرين بحقه حياتكم هي تستقر بس لا تنطينه عين زايد وتدللينه خيولي محد يستاهل الدلال بس اني
فدوه إلى تغااار انتِ مدلل گلبي محد يأخذ مكانك
فدوه لبنيتي يلا ديري بالچ نفسج واتونسي ولا تقلقين هواي الله هو مدبر الامور
تمام انتهى الاتصال وجهزت ملابسنا وجهزنا وهو شغل سيارته بالحوش ننتظره.
شفت حياة تباوع إلنا من شباك غرفتها هي وبنتها مدري ليش انقهرت عليها 24 ساعه بغرفتها وما تختلط بالاحد عيونها كلها حزن ردت البرده واحنا طلعنا من البيت لأاربيل
جان سريع بالسياقه صحتت بي كيفك لا تگلبنا
ضحك ورجع گال
فيصل لا تخافين ما تموتين
اذا انت روحك مو غاليه أحنا ارواحنا غاليه ونحب الحياة خفف السرعه يمعود
مآشي مآشي.
وبعد طريق طويل لليل يلا وصلنا وهو أجاه أتصال عافنا راح بعيد عنا يحجي هذا شبي باوعت ل ذاكر ابوك خبل...
تقربياً ربع ساعه يلا أجه وطلعنا للفندق غيرت ملابسنا وهو ما شفته بعد مر وقت هواي أحنا وحدنا اندگ الباب لبست شالي فتحته رجال كبير بالعمر نظرته قذره يبن شگله بشوات لبسه كله فخم وچكاره هاي إلى اشوفها بالافلام من وره الباب جاوبته: - عفواً المن رايد
عفواً أختيي هذه غرفه فصيل انتِ زوجته.
قفلت الباب وما جاوبته عزا العزاك فيصل وين جايبني ومنو هذا الملطم يسأل عنك ادري وين اختفيت رجعت أتصلت عليه رأسا جاوبني
وين انت لخاطر الله شمرتنا بالغرفه وأختفيت!
فيصل موجود دقائق اني يمج
لا خوووش موجود دقائق اذا ما أجيت هسه اخذ ذاكر وارجع للبيت قسم بالله اعوفلك اربيل وامشي
أجيت أجيت الشرسه
قطع الخط بقيت مكابتله وكاعده أجه باوعلي بخوف درت وجهي عنا وجاوبته، منو هذا
منو.
رجال شكله مال عصابات مدري من لبسه وجگارته وسأل عنك ممكن أعرف وين مأخذ روحك بيا طينه بيا بلوه...
شنو كلج وليشششش تفتحيببين الباب؟
لا تصيححح خل أفهمك بس كآل هذه غرفه فيصل وآنتِ زوجته
أبآوعله تصرف عآدي رغم عياطه قبل أشوي
ما أدري أحسه برگان من داخل تقربت عليه أخذ أبنه ويبوس بي رجعت صحت بي منو هذأ!؟
برود شمدريني يجوز وأحد مخربط بآلعنوآن لآ تبقين خوآفه وآني شعندي قآبل أجيت آتونس ويآكم
لآ تبقين تلطمين!
آنت شنو من بشر ليش مهمل الوضع ساعه عصبي ساعه باااااارررد أنت شنو بشر
منو هذا الرجال! انت مديون كولي خل افهم لأ تخليني عمى عيوني
آذآ حجيتلج تفهمين وضعي!
اي طبعاً وليش ما افهمك انت زوجي واجبي افهمك واوكف وياك
اي مديون مبلغ كلش هوايه وأجيت لااربيل علمود التقي ويه الشخص يطلبني وهم كلت أجيبكم وياي نتونس وهاي كل السآلفه!
بعدم تصديق جآوبته: - ليش أحس روآيه خيآليه تحجيهآ آليه؟
شسويلج يعني هذآ آلصدق.
وليش يطلبوك وشنو آلسبب؟
بيع وشرآء مو تعرفين شغلي معرض شآركت ويه شخص وخسرت
مآشي! عآفني دخل الحمام يسبح مدري ليش ما صدگته كلامه بي مراوغه ويلف ويدور وما تعبر الطاف
خذت تلفونه مقفل خرب بالحظ گلبت سترته لكيت ورقه صغيره مكتوب بيها ننتظرك!
رجعتها لمكانها وتصرفت عادي طلع ينشف شعره عيوني تفحص جسمي ليش هيج تباوعلي!
فيصل ما چاي أشبع منج!
الطاف أني يمك وين رايحه عنك...
أحبج
بقيت فاتحه حلكي! جاوبته متأكد.
اي والزهره أحبج
لا تحلف كذب بيهم بس اذأ صادق احلف بيهم فدوه لأسمهم
كيفچ يلا اني نازل أجيب أكل ما أتاخر!
وليش ما ننزل نأكل سوا لعد ليش چاين نتونس
باجر نطلع اليوم تعبان اريد ارتاح
ماشي بقيت مراقبه حركاته بدل ملابسه وخله عطر بكثره واخر كشخه عبالك رايح حفله مو يجيب أكل من طلع غمزلي.
رأسا لبست شيء فوق ملابسي وشلت ذاكر طلعت وراه بعده اخر درگه ضميت نفسي عنه عود ليش ما نزل مصعد بقيت وراه طلع من الفندق واني مراقبته اجاه شخص مدري شنو حجوا وراها اجت سياره صعد بيها وراح بقيت وكفتي تالي خليت ورجعت دخلت للغرفه لكيته داز رساله!
فيصل حسابج من أرجع شعندي طالعه وراي تراقبيني الطااااف صبر يبنت الناس صبر
بقيت أسحن بروحي وهو تأخر مر وقت دخل هو شگله مو طبيعي ما متوازن همست انت شارب.
فيصل اصص ولا حرف اخذي أبنج ونامي
وين السم إلى نأكله مو كلت أجيب الكم العشه أشوفك رحت تزهورت بالسم مالتك واجيتنا انت چاي لأأربيل علمود نتونس روحك بالسگر
شسوي يعني آنتِ مآ تقبلين أشرب بآلغرفه مآلتنآ لآن آنت تصلين وآلريحه تشرب بآلملآبس كلت بآلفندق عآدي وشربت أشويه
بآع عقلك أمشي أسبح قبل لآ آرتكب جريمه بيك
آخذته يمشي ويوكع دخلته جوه الدوش سبحته مرتين وغيرت ملابسه نومته وغطيته.
رجعت أباوع ل ذاكر هسه أحنا شنو نأكل جوعانين فتح حلگه جوعان شلته بحضني طلعت بسكت مالته كعدنا نأكل بسكت نمت مخليه رأسي حافه السرير وهو بحضني
الصبح كعدت هو ماكو وين راح هذا أشوي اجه چايب ألاكل وياه خلاه الميز واخذ ملابسه دخل يسبح رحت وراه شعندك تسبح بارحه سبحتك وبعدين وين جنت كعدت انتَ ما موجود
أسبح ونجحي وأسف حبيبتي.
باسني ودخل الحمام بقيت أنتظره طلع رحت لملمت الملابس شميت ملابسه ريحه عطر مو عطره! وين چان!
فيصل وينج نمتي بالحمام تعالي جهزي نفسج نرجع لبغداد
نرجع لبغداد ليش أحنا شنو شفنا من أربيل
غير مره تدللين
انت وين جنت الصبح
الصراحه
اي
رحت اتونست انتِ كاضيتها عليه چفاف
وبكل وقاحه تحجيهاا لعد شگد قذر أثناء كلامي أجاني گف وكعني بالكاع وچرني من شعري...
المره الما تمشي عدل وما تحترم اجعصها وما أسأل عنها فاهمه أحترمي وجودج بحياتي وضبي براغي لسانج لا اكصه بسنوني واخليچ خرسه
ما ضعفت نفضت نفسي وشلت ملابسي دخلت الحمام بدلت وكفت المرايا أخلي مكياج وهو يباوعلي. خليت حمره لون أحمر طوخ
ولأ تنكسر عينچ
ما عاش إلى يكسرني
الي يغلط بحقج شنو عقآبه
آلتجآهل!
كل يوم أكتشف شيء بيج ويزيد تمسكي
وآني كل يوم أكتشف سر بيك وأيضاً يزيد تمسكي طبيعتي أحب آلغموض وآحب أعيشه.
َ انتِ عايشه بالاحلام يا غموض هذا تحجين عنه بلا خربطه وتمسلت بسوالفج يلا ورانا طريق
طلعنا من أربيل واباوع شوراعها الحلوه بس ما مست روحي بكثر شوراع بغداديتنا ولايتي الحلوه قبل لا نوصل البيت گلتله بدون ما أباوعله أخذني للبيت أهلي أريد أشتري ملابس لدوام
فيصل يعني ما تزعلين منِ
الطاف لأ
أصيله
َ ألاصول مو هيچ
عمي اني أعتذر منچ حقج عليه
ماشي سكتت لآن ما اريد اسمع صوته...
وصلني بيت أهلي وذاكر بحضني.
فيصل أخذي وياج فدوه وين أخلي ما أگدرله
الطاف مو لخاطرك لخاطره هو نزلت جنطتي وهو انطاني مبلغ زين اخذته گله رجعت
طلبت منه اريد بعد.
مو تعرفين بيه مديون لطوف
انت رجال وسهله عليك انطيني ما يكفني هذن
تدللين حبيبتي هاچ وياهن عيوني
قطيته قطه زينه ونزلت دگيت الباب وذاكر يدك وياي ويدردم
ذاكر افحوو باب
فدوه شلته بحضني يمه وليدي طلع مازن باوعلنا وضحك
مازن ولچ بزون شوگت ولدتي منو هذا.
جاوبته أبن رجلي تغيرت ملامحه وسكتت عبرته شفت فاطمه موجوده رجعت أنداريت مازن طيبه أهنا
مازن اي قبل أشويه أجتي وسألتج عنج يلا أتفضلي
الطاف لا اني ارجع من رخصتك فتحت الباب وطلعت وهو صاااح وراي
مازن صدك تحجين لطوف يمعوده انتن أخوات رجعي وردتنا
ما عندي أخت اني يم ذهب من تروح أجي يلا عن أذنك، خليته واكف ودگيت باب ذهب طلعت هديه استقبلتنا واخذت ذاكر مني لكيت ذهب تفصل قماش طابره القطعه بالنص لاعبه بيها فلك.
صحت بيها مو هيج الفصال نعلتي ام القماش شافتني شمرت المكص وضمتني بروحها يمكن ربع ساعه حاضنتها وابوس بيها صديقه روحي ملح حياتي مشتاقلج حد الشوك
ذهب الشوك ماله حد وليدي الصغيرون شلونك
زينه بشوفتج لچمتي گلبي من شفتج تفصلين القطعه وحدج وينها لطوفه عنچ
عندي أحساس ترجعين لشغلچ
يعني أحساسچ هذا بي ضمان
َ بي ضمان وداعتچ اي عوفينا
من أحساسي الدايح
ليش مخنوگه انتِ ذهب شبيچ!
الدنيا ضاگت عليه وطلبت مساعده من أخوج وفشلني
واني وين رحت تروحين هذا الجلد مع الاسف الشديد عليچ.
انتِ برگبه رجال أستحيت
َ بعيوني أساعدج طلعت قسم من الفلوس انطاها اليه واني جنت مجمعه خليتهن بيدها اخذيهن ولا ترديني واذا ضاگت الدنيا بيج جاوبيها مطول الطاف عايشه اني بخير والله ما يكطع بعبده...
ذهب انتِ مفروض تسمين ذهب مو اني لان اني اخذ منج وما انطيج يكفي انطيتي المشغل كله هو واقشمته بدون مقابل.
الطاف ما اريد شيء بس طوروا الشغل وصلي بنات أخوج اهم شيء دراستهن والباقي يهون
ذهب فدوه رحتلچ أروح أجيب شيء أشربه وياج ابرد معدتي تأثرت بمشاعر الحزينه
الطاف ما يلوگ النا الحزن
أحنا بنات حواء تربينا الفرح من نكول يا بكل وقت
بقيت يمهن وفصلت كم قطعه وخيطتهآ وراها بدلنا وطلعنا للسوك وسميه والبنات هم أجن وياي ذاكر البنات شايلته واني أشتريت ملابس اليه وشغلات اخذها وياي للاقسام...
وهنا أخذن قماش ومواد خياطه وطبعاً مساعدتي ما قصرت وياهن واخذت حلو وكرزات نسهر بليل
واخذت ملابس ل ذاكر واخذت عطر اله رغم قساوته بس گلبي يحن اله لان زين وياي صحيح يقسى بس يتندم بسرعه وما يحب يطول الزعل شسوي أتحمل لما يچر عدل أشوفه وين يوصل المن أنطي وجهي أذا أهلي مو وياي، حاجتني سميه
سميه يمه ليش أخذتي عطر العطر يكولون فراق اخذيله قميص اي شيء
الطاف ما أمن بهيج أشياء خرافات هذه.
طلعنا من السوك وحيل تعبت اخذت ذاكر ونام بحضني يشمم بيه فدوه مشتاقلي يبتي انت
وصلنا البيت گبل نمت اني وياه لليل يلا كعدت صينيه أكل الزينه اگلت الا انتخمت اني ووليدي
وجابن الحلو والكرزات وسهرنا وياهن وجديتي أجت حضنتها جانت ضايجه لان ما مريت عليهم.
الحجيه بختج ليش ما جيتي وابوج عيونه. الباب خطيه حتى طيبه رادت تمشي بس مازن ما خلاها.
الطاف سدي موضوعها لخاطري تروح واني أجيكم، كعدت ويانا وراها راحت عيونها عليه واني جنت مصممه قراري ما التقي بيها نهائياً
للصبح سمعت بيها رايحه شلت ذاكر ورحت أبوي شافني فتح اليه حضنه بوسةَّ من رأسه أسفه تأخرت عليك
حاتم انتِ بالذات معذوره المهم شفتج هذا يكفيني بس ليش ما شفتي خيتج راحت وعيونها الباب رادت شوفتج
الطاف بابا عوفنا منها أي شلون عافيتك
حاتم زينه عافيتي بشوفةَّ بناتي الحلوات.
الطاف بقينا كاعدين ونسولف ومازن راجع لشغله وابوي أشوي زين من مازن رجع يشتغل وجديتي مدحت من ذهب وسميه ينظفون البيت ومرات يطبخون وحتى يخبزون والله كفوا صدك هذه الجيران بحسبه الأهل
مر وقت دزلي رساله: - اني بالطريق أجيت
اترخصت منهم وجهزت نفسي وذاكر كذلك ودعتهم وطلعت قبل لا أطلع مازن صاااح وراي
مازن لطوف مرتاحة بحياتج
الطاف الحمدك
مآزن مآكو مشآكل يعني متفآهمين.
آلطآف مآكو بيت خآلي من آلمشآكل بس يبقى حسب قدره تحمل المره هي تسد الحمل
مازن كفوا من لطوف يسعدج
الطاف ويسعدك مع السلامه
أجه وطلعنا للبيت وهو ما صبر دنگ شمني بقوه
فيصل وين أضمج بيا مكان
الطاف وگلبك شنو شغله
فيصل يلا يوسع حبچ الجاف والمعوق
أحسن معوق ولا عنده عافيه كامله
من وصلنا دخلت غرفتي وهو صعد غراضي نزلهن وتخصر يم الباب
فيصل اريد الأجره أيديه تملخت من وره غراضج.
ھَہھَہھ ماكو شيء امشي تقدم ويحسب خطواته خطوه خطوه جرني لروحه وشالني واني أكمز بين ايديه راح اوكع فيصل ولك نزلني، بقه صافن بطني شبيك.؟
فيصل بطنج كبرانه
اي عادي سمنانه.
خاف حامل
ما أدري
ما أريد هسه اذا حامل نزلي الطفل
شنو انزله ليش هو لعبه هاي روح الله خلقها مستحيل افكر انزله
يلا أساس صدك حامل جرمت كلت بطنج كبرانه كمتي تصلين عليه بلسانج.
ما جاوبته گلبت وجهي عليه وهو يحبني أكثر اذا ازعل اخذني اله وراها هو نزل واني لملمت الغرفه واخذت ذاكر ونزلت وراه لكيته سابح وطالع
رحت حياة حجيت وياها موضوع الحمل بقت صافنه بوجهي هاا شو صفنتي!
حياة ما أدري شكول الچ قبل لا تحليلين اني شاگه بيج حامل
شلون يعني؟ بس ما عندي أعراض حمل بس عندي خربطه حتى موعدها ناسيته لان من تزوجت ما انتظمت ما أعرف...
انتِ تعرفين أعراض الحمل دوخه ولعبان نفس وتشتهين أكلات وتنامين هواي
ما أشتهي كلشي واني أساساً أحب النوم من اضوج رأسي يصدع وبس هسه حبابه اريد أسوي تحليل شلون
حامل مبين من وجهج مورد
شلون يعني
ما أعرف بس قبل عمتي ام زوجي إلى تحبل بنت تعرفها تكول تصير حلوه وجهه يورد عكس الولد يمص وجهه وتتعب بشرتها
معقوله! يلا الحمدك رزقه بس اريد اتأكد
اي تدللين هسه ادز هاجر بنتي من الصيدلية تجيبلج واسوي الج ونشوف النتيجه.
بس حياة أخوج ما يريد طفل حيرني وياه مره يكول اريد مره يكول ما اريد
لان يدري بروحه ما مستقر وما مشيها عدل!
شلون يعني فهميني حياة انتِ اختي
نفس كل مره تتهرب
اروح اوصل هاجر يم الباب تجيبلج وتجي كومي الحمام دقائق وتجيبه
بقيت أنتظرها جابته وسوتلي وبقينا ننتظر النتيجة اني ما أعرف بس هي باوعتلي وابتسمت هاا ولج بشري
مبروك حامل
َ الحمدك يبآرك بيج
ً توقعتج تضوجين لان جنتي ما تردين طفل.
شسوي يعني روح هاي ما إلى حق أضوج بالعكس فرح سكن روحي
يفرحج من رخصتج آروح أشوف بنتي
راحت وبقت عليه الهم شلون راح أكوله خاف يأذيني هذا خبل ما عنده مخافه آبقى سآكته أحسن مآ أكوله، رحت وراها حياة ممكن موضوع الحمل يبقى بينا
حياة تدللين
مشگوره
الليل وهو ما أجه خفت يرجع شارب تعشيت وياهن واحلام تباوع ل ذاكر
أحلام هالمره ما سألوا عليه خواله نهائياً
مديحه خفه وراحه ما وراهم بس المشاكل.
حياة ليش المشاكل منين بالضبط منهم لو منا
مديحة انتِ أكرمينا بسكوتچ!
الطاف ما دخلت نفسي بينهن أحلام غسلت المواعين واني شلت ذاكر وصعدت
مر وقت واچه هو باوع النا ونزل دخل الحمام بس أسمعه يكح عرفته شارب صاير هواي يشرب كمت أشوفه وكفت الدرچ طلع يچر بروحه كعد القنفه تمدد وصفن بالسقف محتار وباله الف فكره وحسبه تاخذه وحسبه تچيبه!
نزلت بخطواتي الدرج وأزداد صوت ألاغاني!
وأصوات ما مفهمومه بعدني ما وصلته صاااح بيه.
فيصل رجعي لغرفتچ!؟
الطاف لا ما أرجع قبل لا أفهم الوضع
نهض من مكانه وچرني قوي من أيدي وصعدني
فيصل من أكولج شيء سوي بدون عناد الأااا أذيچ ليشششش تحبيييين العناد
الطاف ليش اوضاعك غربيه صارلك أشهر انت مو بعضك وشنو هذا الصوت جوا منعنتي انزل هاي كلها أريد عليها أجابه، رد بصيااااح
فيصل أمشي ولي من كدامي لا ارتكب جريمه بيچ وتعرفينيييي من أشرررب عقل ما يبقى برأسيييي.
الطاف عفته لأن خفت البطني لفيت ذاكر بحضني وتغطينا حتى رأسي لفيته وروحي ترچف رچف أحس روحي رهينه بمكان مليان وحوش
كل ما أكول خلص أستقر فيصل يرجع أقوى من قبل وتعالي ألطاف تحملي وصلحي الوضع بوحدج
شَ أصلح منه أذا هو مليان قذارةً!
والكل متجاهل!