رواية الرمق الأخير للكاتبة شمس العراقية الفصل الثالث عشر
ألطاف
كعدت مخنوگه صدري مقبط واگح بقوه احس شيء كاتم صدري بطبيعتي أكتم كلشي بداخلي حتى ما اعرف أبجي وافضفض...
بااوعت نايم بصفنا والبيت هدوء نزلت توضيت وصليت جوا وصعدت فوك، نهض من فراشه خايف شگله حلمان
فيصل وين جنتي؟
صليت وأجيت
بعدج مقهوره
لا عليمن أنقهر
رجع كمل نومته واني بقيت كاعده وارتچيت الجام واباوع النجوم والسما الصافيه.
مر وقت طويل وأني أتامل ويه روحي وأرتاحيت رجعت تمددت بصفهم وأيدي بطني بداخلي روح
يا ترى أبوك إذا عرف راح يتقبلك، ما أعرف ولد او بنت بس بنفسي بنت لان روحي بالبنات واحتاجها تفهمني وتسد مكان أختي ألي جرحها باقي بنص الگلب...
مرت ألايام واليوم راح يشوف الاقسام الداخليه وشلون ترهم خليتها برأسه...
بالمطبخ أجهز كم أكله اخذهن وياي البنات كالوا جمدي وياج. خلصت واخر شيء كمت غسلت ملابس صعدت نشرتهن وهو أجه شافني هزلي رأسه أنزل
ما نزلت كملتهن كلهن يلا.
نزلت صار بوجهي لازمني من أيدي قوي اي شبيك توجعت وانت ايدك شكبرها
فيصل ليش العناد أكولج هيج تسوينه رأساً
الطاف ما أحب، دخلني الغرفه أثناء دخلتي انضربت بالحايط حسيت ظهري انقسم شاغت روحي
كتمت الوجع وهو بقه صافنه عليه.
فيصل شبيج حاصره روحج.
الطاف أتوجعت غير انت أذيتني
بدون مياعه نزلي صبيلي أكل وبعدين أنتِ تعاندين
ماكو اليوم تبلش ريجيم باوع الكرش شكبره صاير
اني عاجبني ومقتنع بجسمي ما يهمني
بس اني يهمني، انت زوجي والرشاقه حلوه عضلات وكذا
تحبين الزلمه عنده عضلات
اي والله واحب العسكريين خاصه لان جسمهم يخبل،!
وتكوليهاا بوجهي بكل عين صلفه
علمود يصير عندك أحساس وتبلش الريجيم.
منين طلع بالچ الريجيم صايره ادورين حلوين وعضلات ام العسكرين والعسكري خاصه عابت هالحلگ
وليش تغار خوما من حجيت يعني صدك
ولي أنتِ وسوالفج يلا نزلي وفضينا وسويلي ثريد ما أحب التمن
أستلم أنا أخوك أبن عمك وابوك ثريد عمي
احنا زلم ما نشبع اذا مو ثريد خوما مثلچن أمهات الجطل، امشي تحركي عاد لا أسويج ثريد
نزلت وراه وخليت الثريد كدامه لا تخلصه گله
شلون راح أبتلي بيها
يعني ما تسوي ريجيم
لا
ماشي براحتك
هاا
اي شكوو.
سلامتج، أسبوع الجاي تولين للاقسام مالتج عود جهزي نفسج واخذي الأكل مالتج
ما راح تشتاقلي
لا
أحسن عود دير بالك ذاكر خطيه
راح أجيبله مربيه أحسن تهتم بي وتشتغل بفلوسها
خوما تبات أهنا هم
شبيج انكرصتي
لا هيج اي زين سويت بلكي ادير بالها عليه
ما رد عليه كمل أكله وغسل لبس سترته وطلع صحت وراه عود سجل بالقاعه مال حديد
فيصل أول ما يصير عندي عضلات اشيلچ وانضدج بالكاع وخلي العضلات تفيدج.
الطاف اني علمودك انت أصلا حلو بس هامل نفسك وجسمك شخلي بجيبي أني
فيصل يلا مع السلامه
الطاف راح وحياة جانت تسمع كلامنا اجت كعدت مقابيلي
حياة أشوفج مرتاحه وياه شنو تفاهمتوا
لا بس شسوي مثلاً! أخوج هيج طبعه
َ انتِ تحبي لو تسايرين الحياة وياه وتأدين واجب وبس
أتوقع شيء خاص بيه وطبعاً أحبه زوجي هذا
َ راحتج وأسفه التطفل!
أجت عمتي كعدت ويانا واحلام تسوي جاي وطلعت گيگ. أحم صدك عمه بين فتره وفتره أسمع صوت أغاني بليل شنو تسون حفلات
مديحه عشتوا أغاني شنو حفلات شنو!
اهاا أعياد ميلاد صديقات أحلام صار فتره ينجمعون أهنا يمها يحتفلون جان نزلتي وياهن مطول تسمعين الصوت...
فيصل ما يقبل
أحلام ھَہھَہھ هذا بعده يغااار عمي منو ضال يغار شو البنات يخبلن وتارسات الدنيا خوما بس عنده
مديحه انتِ ما عليج، خليج بنفسج!
حياة الحفلات حرام.
أحلام أكرمينا بالحلال والحرام مالتج ياهو يجي يحرم ويحلل ايي فضينا عاد
الطاف حياة كامت وامها كامت تحجي ع أحلام وراحت وره بنتها بقيت أباوع الهن مثل الاطرش
أحلام بعدج جديده الوضع تتعودين!
الطاف هو صدك العيد ميلاد حرام وحفلات تخصه
أحلام الحگج ب حياة عادي عندي!
بس العنتره مالتجن احتفظن بيها لنفسجن ودعن الخلق للخالق.
الطاف ما جاوبتها لان لسان وما تچادل صعدت لغرفتي جهزت ملابسي وكلشي أحتاجه ما طلعت بعد تمددت وذاكر يمي غفيت حاولت ربع ساعه
وكعدت صوته بالغرفه يفتح الكتتور أثناء ما نهضت وكع عليه شيء حار بقيت متخشبه هو اندار يراقب معاني شكلي!
فيصل شبيج خانكه نفسج
الطاف هاا لا ما بيه شيء
اي غطي الولد مجرد
اي جريت الغطا وأنصدمت مكاني كله دم باوعت ثوب هم!
أجه هو شايل قميصه بعد الغطا من ايدي غطه أبنه وشافه.
شنو هل القذاره غير تنتبهين يا الطاااف
ما أدري جنت نايمه هسَه انظفه
اي أستعجلي لأ تبقين متخشبه أجتج الجمده
مشه وصحت وراه فيصل
هاا عيناه
أني حامل يمكن سقطت
بركه
لآن آني مآ آريده ومآ آدريضامه عليه حملج كل هالوقت وسقطتي حيل بيج
هسه شلون خوما تخليني هيج خطيه روح هاي شنو ذنبها
واني كلتلچ قبل فتره ما أريد طفل
مستحيل أذبه اني أروح الدكتوره وحدي
مشيت وعثرت لازمت بطني متوجعه.
هل رطم ما أعتقد بقه اثر لروح إلى شايلتها بطنج نزلي للحمام هسه أدزلج حياة تفهم بهيج شغلات وأخر مره تضمين عليه هيج موضوع
ماشي بس أخذني للمستشفى ما أريد أموت
شمر القميص من أيده وأجه حاضني وشالني نزلني للحمام ويحجي وياي
تكولين سوي ريجيم! ليش منو السمين بينه
انت السمين راح أموت وانت ما ضعفت
أني أموت قبلچ. شنو هالحچي ما بيج كلشي.
دخلني الحمام وفتح الدوش هو سبحني بماي دافي وعافني راح يجيب ملابس واجه جايب ملابس الدوام ما ملبوسه صحت بي هاي مالت الدوام عفيه لا بعدهن جديدات، ما أهتم ورجع يلبسني ويضحك
مو تردين تموتين
لا ما أموت
يلا اني أموت بس ديري بالچ ذاكر
لا أسم ك، ضحك وخلص وطلعنا للمستشفى وصه أخته ذاكر نايم فوك
وصلنآ ودخلت الدكتوره سوتلي سونار بقت مركزه هاا دكتوره بشري.
الدكتوره بعده عايش بي نبض بس مهدد بالاسقاط حالتج خطره لازم ماتتحركين هواي ديري بالچ نفسج ماما والروح شايلتها بطنج
أي حيل فرحت تلمست بطني عفيه دكتوره ينعرف الجنس هسه ولد لو بنت
لا ماما ما يبين هسه من يصير 4 أشهر ينعرف او فد مره نص بالخامس ينعرف اكثر شيء
حالياً انتِ شهرين عمره تكومين بسلامه حبيبتي
كتبت اليه علاجات اخذت الورقه وطلعت لكيته واكف باوع الورقه.
بعدها عايشه الفصعونه.
اي. وشمدريك بنت أحتمال ولد.
لا أحساسي بنت وتطلع مشيطنه مثل أمها
لا سمينه مثل أبوها
ھَہھَہھ أموت السمينه نصير تحالف عليج الصاگه ام عظام ام المعضلين والعسكرين خاصةً، عابت هالوجه الزفر
صدك ضحكت ھَہھَہھ وطلعنا الطريق كله ناصب عليه هيج وهيج انتِ موتني ضحك
وصلنا شالني للغرفه شافنه أمه واخواته وأحلام تهز بيدها واني أبتسمت بفرح
فيصل خبيثه مو بيدج
منو مو خبيث كلنا خبثاء ضحك عضني من خدي خررب توجع انت وحش ليش هيج.
خبيث
اي وك.
تمددت وهو ما عافني جابلي الأكل وحمدت ربي عليه لان توقعت العكس منه وهو كل اشوي يتصرف شكل مرات أحسه مغصوب يقسى عليه و مرات أكول لا هو خبل ابو أطباگات...
تمدد بصفي، لليوم صآير حنين!
لآ تحسديني كولي مآ شآء
مآ شآء
صدك فيصل آنت خوش أنسآن ليش مرآت تقسى عليه
مآ أحب آلعنآد
قسآوتك مو يم عنآدي و تصرفآتي
شلون يعني
أحس ضآم شيء عني!؟
ما ضام شيء لا تبقين تخربطين شيء بكيفج
أكيد
ليش تلحين
تمام سكتت سكتت.
غفه وأبنه بحضنه وأني أتلمس بطني ودعيت تستقر حياتنا وصدك تمنيت أرتاح وياه لان كشفت شُككر گلبه طيب وحنين بس اني ما أعرف أتعامل وياه
صحيت الصبح عيونه صافن بوجهي أبتسمت وتلمست وجناته، ليش صافن بوجهي؟
أحبج وأحب أتمعن بجمالج مليان لطافه ونعومه
ترى محلوه ولا فائقه الجمال أني
شكلج يجذب النظر أكو شيءً ساحر بلون بشرتج وسوالفج تنكرط حتى من تتعصبين
أنت هم حلو بس يحتاج إلك نظام قاسي.
تدللين بس أنتِ تسويلي الأكل مالتي وسالفه أسجل بالقاعه ما أحبها شيلها من رأسج المربع
ھَہھَہھ تمام العب رياضه أهنا بالبيت وأني المدرب الخاص مالتك ضحك ويكرص بيه ولمني بحضنه قوي
أحد يلومني ليش حبيتج غير أطر رأسه
فدوه لعينك وحبك وسوالفك
الخبل مالتي أنوب تخبل عليه ولك كافي كسرت عظامي فيصل حامل يمعود
أكرطچ انتِ وسوالفچ، يلا نزلي سويلنا نظام قاسي لان جوعان
شلون يصير نظام قاسي وانت جوعان خاف تأگلني.
كومي كومي تعلمتي الدلال
تمام بس نتفق من هسه أسويلك تأكله وبعد ممنوع الا اني أجيبلك وجبه لان هيج النظام
رابطتلج ثور ولچ
ھَہھَہھ لأ لأ حشاك عيني يلا ننزل
شال أبنه ونزلنا لكيتهن رايحات لدوامهن دخلت المطبخ وهو يمي يلعب أبنه.
سويتله بيض سلق وچاي مر خليتهن كدامه فتح عيونه وسعهن
فيصل شنو هذا أحد كلچ اني بلبل!
الطاف هو هيج نظامك أكل ولا كلام علمود تلعب رياضه يلا سم بسم
آي عمي نأكل علمود نصير معضلين ونعجب آلمدآم.
وك أنت عاجبني بس علمودك وحتى لبسك هم أغيره بس بالأول تضعف وبعدين ننتقل للمشروع الثاني
مو عبالك أخذتي راحتج زايد، مو وليدج أني
أنت زوجي وابو أطفالي وابو بيتي شعدنا غيرك أبتسم وبقه صافن بوجهي دنگ باسني من رأسي وكمل أگله واني أطعم ذاكر...
خلص وبلش رياضه واني كاعده الكرسي وهو يصعد وينزل الدرج بسرعه وأبنه يضحك عليه واني أضحك وياه يللا أستمر ممنوع تتوقف
أبنج يضحك عليه أبن الثور
ھَہھَہھ ومنو الثور.
اني لان أسمع كلامج واكمز والعب عمي طاحت الهيبه بيدج
تحيا الطاف ھَہھَہھ
عابت هالوجه الزفر هاا ولج كافي انكطع نفسي ولج تعبت
بعد لازم نص ساعه بالضبط ارجع كمل يلااا
واستمر لحد الساعه سبح بالعرق وراها خليته يكمز وشناوا كطعت گلبه ساعه ونص يلا هسه خلص وقتك ادخل أسبح
وأخيراً ينعل بليسج ما خليتي بيه طاقه.
الضعف أحلى والله بعدين تشكرني وحتى لبسك وكشختك تصير أحلى والايام تثبت بس يحتاج صبر، دخل الحمام واني رحت جهزتله عصير ليمون وزنجبيل وكمون وماي دافي نزل باوع لايدي
شنو هذا
عصير تشربه بعد الرياضه والصبح الريق
ومنين تعرفينه!؟
من اخوي جان يسوي ريجيم يشربه، اخذه مني شربه مره وحده وكام يكح
خررب شنو هذا ولج راح أسكر دخت
ھَہھَہھ تتحمل هذا صحي أحسن من السم مالتك.
تركته لا ترجعين لسالفته يلا اني طالع كتبي شنو محتاجه أجيبهن وياي
تمام كتبت شنو أحتاج اخذها وراح وحياة أجت لاحظت عليها من أخوها موجود ما تطلع من غرفتها حتى بنتها
حياة اليوم فطرتوا أرضيه البيت شكو!؟
الطاف أخوج يلعب رياضه
حياة هاا اي شكو بيها
الطاف وبليل أجه جايب عشه أنجمعنا كلنا وعرفن اني حامل ولا گالن مبروك حسيت عمتي ضاجت ما فرحت من كامت صاحته لغرفتها عاد جاوبها
فيصل هسه أجي خل أتسمم.
الطاف بگلبي هاي شبيها أول مره أشوف عمه تضوج من جنتها اذا حملت أخر العمات عشتوا
بغرفتي تمددت بفراشي اريح جسمي زين ما تحركت هواي لازم اعتني بنفسي صار فتره هاملتها وهو ما مقصر وياي شنو أهملها والدوام قرب أباوع الجنط وذاكر وهو شلون افارگهم يلا أسبوع اتحمل إلى يريد. شيء يعوف شيء ومستقبلي أهم...
للعصر سويت ماسكات قصيت أطراف شعري وسويت مقشر سكر وقهوه يجنن هذا من وعيت لدنيا أمي علمتني عنه وسويت تنظيف لجسم وحفيت وجهي بيدي يعني تغير من شكلي
لبست شيء مرتب باوعت روحي بالمرايا مرات الظروف غصب تجبرك تهمل نفسك مو بيدك
ف لأ أتلوم نفسك...
نزلت سويتله العشه بس سلطه وكثرت ليمون أجه هو فاح من الجوع مبين عليه نزل أغراض من ايده وگلب وجهه. الله يساعدك
فيصل فطست من الجوع
اي لازم وهو المطلوب أستمر عيني.
ما متعلم بنت أوادم شو أبتعدي خل أكل شيء
وكفت كدامه وين وين والله ما أخليك عفيه لاتخلف النظام أشويه أشويه تتعود أصبر ابو كرش
ماشي وهسه شنو العشه لا تكولين نواشف
سلطه وليمون والك بس الجمعه تأكل إلى تريده
خووش لعد أجيب سمج نشوي الفحم وخبز حار وندوس اوفف جعت الله ياخذج
علمودك يلا أتحرك علمود ينزل وزنك روح ألعب رياضةك الدرج بين ما أرتب الغراض
أمرك كابتن
فدوه ألعب بسرعه مو كيف
تدلل كابتن.
راح صعد واني واكفه باب المطبخ أنتظره ينزل أجه لابس تراك خررب ضيك گوه حبست الضحكه
هاا شلوني لأ تكولين محلو...
لا لا حلو أصلاً يخبل عليك ألعب وما عليك. ضحك ورجع يصعد وينزل وكل أشوي يغمز اخر شيء صااح
ترى مو بلاش أريد تعبي ينعل بليسج صفرت طاقه.
صير عاقل ضحكنا اني وياه ذاكر وكف لازم الدرج ويضحك أبوه ويصفك اله
فيصل يضحك خبال أبوه
أحلام وك زلم أخر وگت تسمع كلام نسوانها خويه أثگل وخلي گلمتك وحده.
تريد تضحك علينا الاوادم اذا احد شافك هسه
فيصل ضمي لسانج بحلگج وخليج بروحج أنگبري من گدامي يلاااا
الطاف مشت وتهز بيدها كالعاده رجعت رتبت الغراض وصبيت عشه واخذتله گلاص ماي
كافي عيني أشرب الماي روح أسبح وتعال أتعشه...
فيصل كم يوم وأضعف
الطاف ليش صارلك واهس
اي والله
عفيه بزلمتي
خاف أكولچ مريتي وما ادومين اليه
ليش دائماً تشائم أسم شكو قآبل.
هيج لآ يضل بآلج أسبح وآجي
راح وبقيت قلقانه!
ألمن أروح وأسأل أحلام تذب سم.
وحياة تقطر الكلام تقطر
بس لو أعرف ليش يخاف يفقدني!
نزل باوع اليه جنت مجهزه العشه ونفسي أنسدت حتى أختنگت تقرب عليه رفع شعري
فصيل شبيچ! ليش ضايجه
الطاف كلامك خوفني
لا تخافين يلا نتعشى باجر وراج دوام أخذج للاقسام علمود ترتبين وضعج
راح أشتاق ألكم هوايه
لا تعفسين وجهج ما أحبج من تضوجين.
تمام كعدنا وامه واخواته كعدن وامه تباوع لبطني هاي شييها صدك تحجي معقوله ما تريد طفل مني ما أهتميت لان هو أساساً ما مهتم لوجودهن حتى عادي يأكل بدون ما ينتظرهن
خلصت وصعدت وراه عفت المواعين عليهن تمددت بصفه ولمني بحضنه وذاكر أجه بالنص أحتل المكان...
فيصل لازم يخرب الجو مو بيده مكروص
الطاف شلون راح افارگه روحي بي عود تعالوا عليه مو تكطع بيه
شبيج برطمتي
شايله هم
مستقبلج هذا أهم من كلشي
عادي أطلب طلب منك
طلبي.
تبقى محافظ النظام الغذائي وما تخلف الوعد وتلعب رياضه بحيث من أجي الكاك ضعفان
تدللين راح أسجل بالقاعه واسوي عضلات
فرحت لان ما رفضلي طلب بالعكس صار اله واهس
وبالي شيء ثاني بس يضعف احجي بي وياه مو كلهن فد مره علمود لا يضوج مني يكول تتحكم بي بحكم اني مره وهو رجال...
صحيت الصبح لكيته يشغل السياره سويت ريوك وطلعت الأگل من المجمده وهو اجه خله أبنه بحضنه كعدوا يأكلون
فيصل الجنط مالت الملابس أني أنزلهن.
الطاف ماشي عيني هذا الأكل مالت الغده صدر دجاج متبل بس تشوي بالفرن وسلطه بالحافظه جهزتها طلعها ملحها وخلي عليها ليمون وهذا عصير زنجبيل والكمون خبطتها كامل أشرب منه عود وهذا هو ذكرني شنو نسيت بعد...
صافن بوجهي ومبتسم اي تذكرت وذاكر لا تخلي يأكل أكل دسم بليل يتقيئ والصبح انطي حليب بالكوب وبس
فيصل راح أشتاق لسوالفج صوتج نبعه الريحان
الطاف عيني انتوا مو بعيده عنكم
يلا روحي بدلي تأخرتي
تمام.
عفته هو وابنه صعدت بدلت وحضرت الجنط
واچه هو نزلهن نزلت وراه شلت ذاكر أبوس بي راح أشتاقلك.
هو صااح علينا
جيبي وياج يبقى يبجي وحده وهنا نايمات
ماشي شلته فرح لان يطلع بالسياره أبوه يسوق وهو يحجي وياه ثوله
ٍ مدري شنو يخرط صطر رأسي ولك بالع مسجل من الصبح لو تعلمت من لطوفه
ضحكت وياه لحد ما وصلنا نزل الجنط واني شلت ذاكر امشي وراه وصلني الغرفه مالتنا خلاهن انطيته ذاكر طگ من الصريخ عليه بالگوه أخذه.
فيصل هذا شلون روحه صارت بيچ روحي من گدامه خطيه تلوع، أشش حبيبي بابا وليدي تعال نروح العاب ونشتري حلويات
الطاف راحوا أخذوا روحي وياهم دخلت الغرفه بيها 5 بنات واني السادسه ورده موجوده ويانا
ورده هذا زوجج والطفل شنو موضوعه
أبنه
ليش متزوج ولج
اي بس زوجته متوفيه بس روحي بي ولج أجيته عمره 6 أشهر وحاليا تقربياً راح يكمل سنه ونص روحي تعلكت بي.
أدري بيج حنينه يلا تتعودين دراسچ أهم رتبي غراضچ وملابسج فرغتلج خانه بالتيلاب والبنات هسه يجون وتتعرفين عليهن وحده منهن متزوجه وحامل بشهر 8
هاا ماشي، واني هم حامل دخلت بشهر الثالث
يا فدوه تكومين بالسلامة حبيبتي
يسلمج رتبت ملابسي واجو البنات تعرفت عليهن الاء من ديالى ورنا من صلاح الدين ومريم وسماح من بغداد اجتمعنا واني التهيت ارتب فراشي وملابسي وهنا جهزن الغده.
الاء بليل ننطيج الورقه وكل المهام بيها علمود لا تتعبين ويانا
الطاف تمام جانت أقرب وحده هيَّ ورده تفهمني من عيوني وحلو الصدفه جمعتني بيها نفس الغرفه
تمدد بفراشي عفتهن كاعدات رن تلفوني توقعت هو طلعت ذهب جاوبتها هلأ
ذهب مخنوگه أريدج يمي
نهضت من فراشي مخروعه شبيج يروحي
طردني من البيت وهسه أني وحدي بالشارع شايله ملابسي ما عندي أحد وليدي بس أنت.
أخليج بعيوني لحظه جايتج ما عاش ولا صار يذلج واني موجوده مسحي دموعج دقائق اني يمج
ذهب لا تجين أصلاً رايحه لدار العجزه خليج بروحج انتِ ما ناقصه
صرخت الا البنات فزن مستحيل تروحين
ل دار العجزة بس أنتظريني فدوه ذهب لا تروحين امانه غنج گلبي انتِ قويه أنقطع الخط
واني تخبلت لبست السريع حتى البنات استغربوا صاحواا وراي اني بس اريد اطلع اريد اوصل الشارع أتصل عليها مغلق.
وينج ذهب وينج أخذت سياره وطلعت للمنطقه مالتنا أباوع الشوراع والسيارات اذا رحتي تضيعين مني أدري بيج تحسين روحج ثكيله لان ما عندج أحد اووف ذهب اووف
وصلت المنطقه السايد المقابلي عبرته سياره بس شفت شعراتهآ صفر لحالي أبتسمت ونزلت ركضت وره السياره حتى نسيت اني حامل بس صحت غنج گلبي لا ترووووحين أمانه
السائق يمعوده اريد الكروه هسه وكت غنج شنو هاي دلع لو دعلوگه شهل الاسم.
انت شنو مفهمك، معناها مدلل گلبي هاك فلوسك واتوكل اخذهن ومشه وهي نزلت سريع عافتني راحت عليه
ذهب شنو حجيت وياها شو تعال
السائق علمود أسمج غنج
ذهب اي أمشي ولي
الطاف التفت عليه واني حيل ما ضل بيه حضنتها بنص الشارع والسائق يضحكون علينا. أحبج فريختي
ذهب اموت عليك وليدي
الطاف محتاجه جو مليان أكشن ومشاعر حزينه وعشتيها برأسي
ذهب من شفتج ملهوفه عليه وصحتي بيه گلبي تكطعت مصارينه
الگلب ما عنده مصارين ليش الكذب.
المهم يحبج
كذابه وتعوفيني وتروحين ل دار العجزه
يمه بنيتي انتِ تعالي أبوسج وأشمج مشتاقتلج وعلى حد الموت
أخذتها وشالت جنطتها يلا امشي نحل مشكلتج
لا حبابه ما أروح ولا أوصل بس يشوفني بنات سميه يذبحني وك
أمشي وما عليج اني أحلها خل نشوف شنو مسويه من مصايب!؟