رواية أغلال زمن الغيهب للكاتبة مرمر الدليمي الفصل العاشر
صاير مو طبيعي أبد! لبست قمصله فوك ملابسي غسلت فوك ورحت الغهيب ننزل سوه
سفانه:
غَهيب من البارحه مو على وضعه ويدخل ضايج سألته على هُذال كال مريضه ومن البارحه مامداومه تفاجأت بي حيل يعني كُل هلضوجه عليها،؟
ركضت كلت الأمي وهيه هم متفاجأة مثلي كالت كليله يودينه عليهم
ركضت كتله، خوش اني هم رايح عليهم تحضرو.
ركضت كلت الأمي دخل مُهاف وكال أروح وياكم بسرعه تحضرنه ورحنه الهم غَهيب ستأذن من مرت خالها لان خالها ماموجود وصعد يحچي وي هُذال على أنفراد
ضلينه اني وماما فاتحين حلكنه وحده تباوع للخ مصدومين بغهيب لو مبدلينه.
ضلينه هواي وقت كاعدين يلا نزل هوه وهذال مبين عليها التعب كل ما اباوعله الكاه يباوع على هُذال ومركز وياها وهيه تحچي وي أمي ومهاف، كعدنه نسولف أني وأسينات هُذال تحچي كلمه وتسكت مالها خلك، بقينه يمهم شويه وأطمنه على صحتها أبن عمها سلار همات چان موجود بس تطمن عليها وراح اني ومهاف متعاركين على رسلان اخر شي عافنه وراح الغهيب يكُل النه
رسلان: أنتم اشرار تتعاركون بس عمو غَهيب حباب.
متت ضحك عليه ومهاف حار شيسوي عاد سوه نفسه ضايج ورسلان اجه يركض عليه باسه
رسلان: لا تزعللل اشاعه وياااك عبيبي.
هُذال: رسلااان لاتحچي هيچ
غَهيب: أذا مُهاف عبيبك أني شنو؟
احتار رسلان بين الأثنين اخر شي وكف بلوسط وكال
رسلان: أنتَ هم عبيبي عمو غهييب.
ابتسم غَهيب وهذال حچت
هُذال: ها رسلان؟ رجعنه مو كلنه بعد منحچي هيچ بل ع؟
قووس شفايفه يسوي نفسه فقير، لعد شكوول.
: كول حَبيبي عمو غهيب حَبيبي مو عبيبي تمام ماما؟
هُذال:
اني كلت هيچ وغهيب بسرعه صار نضره عليه چفصتها وسويت نفسي مامهتمه حتى بعد ماباوعت عليه ياااكلمه ردي المكانج، اسينات كاعده كبالي عينها صار بيها شلل من كد التغمزز
آيات: يمه شجاج انتِ ليش هيچ ذبلانه لايحتچ بروده.
بعدني ماراده عليها وكال غَهيب، أذا وين ماشافت سمه من الله تمطر صارت جواها طبعاً تمرض.
أم غَهيب بسرعه باوعت أله وأبتسمت ابتسامه خفيه وهوَ سوه نفسه ميشوفنه اصلاً.
هُذال: خاله شسوي أحب اطلع بلمطر وذاك اليوم طلعت شويه وتمرضت هاي كُل مره هيچ.
سفانه: ياا مو موزين عليچ.
: مااكدر الزم نفسي.
ومُهاف يباوع بطرف عينه الغهيب
مُهاف: أمرضي شكد مابيچ عيني أجه اليداويچ ويكلب خلقته يووووومين أذا مرضتي.
ضحكت سفانه بحماس وردت، أيَ والله.
يمكن قصده على غَهيب لأن ضل يباوع عليه سويت نفسي ما أسمع ولا منتبهة وياهم.
شويه شويه راحت أبتسامتها بلعت ريك تباوع الغهيب ومُهاف يباوع ويرجع يكمل أكل غَهيب بس يباوعلهم وجهة بدون تعابير بس همه صارت وجوهم صفر.
أبتسمت اباوعلهم كلهم جايين لأن سمعو بيه مريضه وملتمين يمي يسولفون باوعت الأم غَهيب
هُذال: شكراً خاله بجيتكم متعرفون شكد فرحت.
آيات: يا بعد كلبي چا شعدنه غيرج چنتنه.
مُهاف: أني اجيت علمود الكيك ترى بس طلع مو انتِ مسويته.
أني ابتسمت كلت يجوز الطعم مال كيك مالتي غير وطيب وهلسوالف
: شمدريك.
: مو هذا أطيب.
ضحكنه كلنه كامو يردون يرحون سلمت عليهم من بعيد لأن مريضه وخاف أعديهم لحو عليه اروح للمستشفى كلت ولا اروح ولا أطبها هسه اصير زينه طلع مُهاف بسيارته وأهل غَهيب كدامه صعدو
وكفت بلطرمه يم الباب أني وغهيب رافعه راسي أله الضوه مو علينه صاير المكان البي واكفين مُضلم باوعت الوجهة بأبتسامه شابكه أصابعي ببعض نزلت عيني للكاع.
هُذال: شكراً غَهيب
غَهيب: على شنو؟
رفعت كتافي ما أدري كُل إلى اعرفه أريد اشكره
هُذال: ما أدري شكراً لأن جيتو عَليه وضليتو يمي غيرتو من نفسيتي وحيل فرحت بجيه اهلك لذلك شكراً.
أبتسم بوجهي وأني فتحتله الباب وطلع.
بوجهي رجعت أخذت ملابس وطبيت أسبح أحس صايره بيه ريحه صخونه نشلت أيدي على ماخلصت تمشيط شعري
نومت رسلان وكعدت أقره تراكمن عليه الدروس قريت شويه وأخذت ريست من اكلت صرت شويه احسن فاتت مني اسينات.
اسينات: أيَ يابه بس اجه غهيب صحت عبالك كلشي مبيها.
هُذال: أسينات شتخرطين؟ أنتِ امثر وحده تعرف شنو علاقتي بغهيب.
ضجت من كلامها ويجوز لأن صدك وصايره أميل اله هوااي عكس بلبدايه
اسينات: على كيفچ عيني على كيفچ مچذبه اني؟ لا.
شلت المشط شمرته عليها وهيه ضحكت مدري شنو تذكرت وكامت تضحك بلزايد
: شبيچ هيوو
: لچ اول ما اجو بيت رجلج
: اسينااات.
: ومرض ترى صدك هوه رجلج خل اكمل عود اخو استاذ غَهيب دايشاقه وي رسلان ورسلان كله أنتَ مبين شرير وخري مني وعافه وكعد يم استاذ غَهيب وخطييه ذاك نقهر كال لعد المطبر وبس مخنزر مو شرير
هُذال: هذه مُهاف.
اسينات: طلعله 25 كاله عوف استاذ غَهيب والك هاي.
: ياعززه شكد عييب ورسلان اخدها؟
: لا كاله ما اريد.
: احسن.
باوعت عليه بصفي وبسته وأتذكر من مره ضربني عمي مهند صار كبالي وطاحت الضربه بي شلون شاغت روحه من وقتها وأني مو بس وصيته اهلي حاسبته روحي مسجله بأسمه أذا وانتَ وصغير صرت سند ألي ياهنيالي بيك.
ضليت كاعده أقره دروس البارحه بل 2: 30 خلصتهم اريد اعرف شنو الدروس اللي اخذناهم اليوم حتى واحده من المدرسه ما عندي رقمها الساعه 2: 00 ومو مال اراسل غَهيب بقيت قاعده صافنه على الكتب سحب الجهاز من رسلان رافعه لي دخلت على الانستا لين بس هناك عندي حسابه شفته ناشر ستوري اخذني الفضول دخلت عليه
حاط صورته هو كاعد بمكتبه وعباره
للمكان ذكرى تُخلد.
هواي يحب النصوص وعند الهام بيهم واتي عكسه ابد ما احبهم واصلا ما افهمهم مرات دخلت اريد ادزله رساله وكلت عيب هسه نايم خلي اراسل سفانه دزيت لها رساله
. سفانه كاعده
هي بسرعه ردت
. اي عيوني
. عفوا على الازعاج بس اريد اشوف غهيب كاعد؟
. اي مساعده دخل چان طالع راسلي هسه بعده منايم
. تمام شكرا
طلعت من المحادثه انا استحي راسله وهو طالع امداني، دزيت
. غَهيب.
وطلعت من المحادثه حطيت ستوري صورتي طالع منها بس عيني وكتبت عليها عباره
لرُبما الخلل في عيني ايُعقل ان شمس تشرق على في كل يوم وانا لا اراها ولا ارى ضوءها ام ان ذلك الظلام قوياً الى درجه لا ارى ضوء
صح ما احب النصوص بس هذا حبيته وحسيته كلش يمثل حالتي طلعت من الستوري لكيت غَهيب راد
. كولي؟
دزيتله محترك گلبي
. وين چنت؟
اني دخلت اراسله على الدروس بس اخذني الفضول
. عفواً؟
. مشكرتك!
. شنو تردين هُذال؟!
. وين چنت؟
. ميخصج بابا
. غهيييب!
. كولي العندچ، ماراسلتني أنتِ علمود تعرفين وين چنت على غير شي
. ردت اكلك ما أعرف الدروس باچر اغيب وتجيبهم ألي
. لااا لتغيبين وتتعودين على الغياب داومي حته لو مستمعه، عدنه شرح باچر ورياضيات وعربي ليش يفوتج.
. أني هم راح اقره التحاضير الوره دروسنه وعود اشوف منا الباجر اداوم لو لا
حط قلب على رسالتي بقيت اكلب بلجهاز ربع ساعه وقبل لا اقفله علمود أقره وصلتني رساله منه
. هُذال
. هاا.
. چنت يم هندس
دخلت على رسالته ضليت ساكته ثنينه فاتحين ومنحچي ماعرفت أفسر أحساسي وليش دا أحسه يچذب عليه أخذت نفس طوييل أخر شي دزيت سويت نفسي ممهتمه
. البنيه ام النوتيلا الصغيره؟
. أيَ
. امم
. رادت تحچي وياچ كتلها مريضه
. لا چان اتصلت عليه حبيتها
. هيه هم تكلي لاتزعلها بعد ما أحبك، ورسلان كلب عليه يكلي أنتَ شرير ماطلعت هايه؟
. هههههههه فدوه اروحلهم من هسه هندس الرسلان
. يتراهمون ثنينهم مقاتلين أشرار.
. لا رسلان حباب بس يخاف من الطبره البحاجبك
. يعني صدك
. أيَ ونبي هوه كال اخاف من عمو غَهيب لان مذبوح حاجبه ههههههههههه
. هم أنعم الله راح اخلي منا وجاي يكمل بدون ذبح
أني بسرعه دزيت
. لااا عوفه احبه
دزيتها مستعجله عبالك بنفس اللحضه راح يطول حاجبه غمضت عيوني بحسرره شجفصتييي ياهذاال شجفصتيي.
هوه شاف الرساله ومارد بعد بالزايد كمت اكل بروحي شمرت الجهاز بصفي اريد اركز واقرا علمود انسى ماكو كلساعه اتذكر واغطي وجهي فشلانه وتخيل يقول هاي شبيها همزين يدري بيه مصخنه عادي شويه يكول ماتدري بنفسها وحجت.
طردت الافكار من راسي وبعد ابد ما فتحت الموبايل ظليت اقرا وين للصلاه كمت صليت حضرت ملابسي كاعده بفراشي اكلب بالجهاز لكيت غهيب داز صوره استغربت شنو فتحتها صوره محدد الطبره مالته وبارزها بعد اكثر ضميت وجهي بالمخده ورجعت باوعت للصوره شو هذا صاير حباب حيل حيل حطيت قلب على رسالته وطلعت فراشات بنص گلبي ما ادري بس يمكن اذكرت بابا لان جان اي شي اكله عليَ حلو يظل يسوي إلى الله يرحمه يارب.
صارت الساعه بال 6: 30 كعدت اسينات كامت صلت وبدلت بالسبعه اجاها الخط لان يفتر على البنات ف يجي من وقت بدلت وظفرت شعري ظفاير ثنين لبست فوك ملابسي بدي بني صارت الساعه 7: 30 اتصل على غهيب بست رسلان وحطيت الجهاز مالتي بصفه من يكعد يلعب بيه لبست حذائي اكرمكم الله طلعت مدنكه راسي وما احط عيني بعين غهيب من الفشله
غَهيب: صباح الخير
هُذال: صباح النوز
حرك السياره ساكت عينه على الطريق
: نايمه؟
: لا من كعدتني بعد ما نمت.
: لا تعودين نفسچ على السهر وراچ امتحانات
: شكرا كول لنفسك تدخل بل 2: 00 بليل وعندك دوام.
ما ادري شبيه وليش هيج منفعله بس اللي اعرفه ما احب احد يقدم نصيحه وهو ما ملتزم بيها
باوعلي عاكد حاجبه ما مفتهم سبب كلامي دار على الطريق هز ايده يضحك باستهزاء صديت عليه خزرته وهوه زاد الطين بله من كال
: البارحه شلون هدوء حلو بالمدرسه وبالطريق.
: خوش.
سكتت بعد ما حجيت ابد وهو هم صف السياره نزلت كدامه بعدني ما داخله باب المدرسه اكو باب الساحه وباب للمدرسه يعني مو راسا للصفوف
دخلت لساحه المدرسه صاح على وكفت وهوَ أجه وكف كدامي ردت اعوفه واروح بس شفت ست نجلاء واكفه سكتت وهو نزع اللفاف مالته و بعد شعري ولفه على ركبتي رفعت عيني الى خازرته ومن راحت ست نجلاء عفته ورحت وهوه ضل واكف بمكانه يدخن.
دخلت للصف سمر وسلسبيل يباوعلي كاعدات برحلتهم كعدت واجن جنه وزينه يمي يسالن ليش غايبه
: مريضه البارحه.
جنة: البارحه استاذ غهيب مدري شمضيع كلساعه ويباوع على مكانچ
هذه نفسه اليكول البارحه هدوء بدونچ؟
ردت عليها زينه
زينة: اي والله حتى راد يحدد النه التمارين كال هُذال انطيني كتابچ نوب باوع على رحلتچ فارغه وسكت كامت سمره انطته كتابها.
هُذال: وخذاه؟
جنة: لا كال على باچر احدد الكم.
هُذال: الحَمد الله.
ضحكن ثنينهن، تغارين؟
ابتسمت بوجها أيَ اغار مو الحب فايض من عيوني شكد بطرانه هو اني وهو ما نصدك نلكه فرصه نعوف بعض تكولي تغارين دك الجرس راحن الرحلاتهم دخل استاذ مرتضى ابو الاسلاميه سلم علينه كام جنه كتبت الدرس
بلش يكوم بالطالبات وحده ورا الاخ نص ما محضرين والنص لا يجاوبن سال سؤال بالماده نص السره كام ما اعرفه وصل اللي جاوبته وكعدت كامت ورايه جنه كبل بلشت تشرح كلشي وهو كال.
أستاذ مرتضى: اوكفي، لا تشرحين.
انطاها سؤال وهي سكتت ما تعرفه حاط عينه بعينها حتى ما امدر ارد لها كالتله
جنة: استاذ راح اشرح الدرس كله، ما اعرف هذا السؤال.
دار عيني منها، ابقي واكفه.
كوم هم بنات نص بقو واكفين ونص كعدو كال بصوت واحد
أستاذ مرتضى: لا تستهزؤون بالماده لان ما احاسب الواكفين طلعو اوكفوا هنانه ما اكدر احاسبكم لان بنات افضل المديره تحاسبكم
كومي هذول اخذيهم للأداره.
كمازه عبالي اني وياهم كمت وهنه بل 18 طالبه ومن ضمنهن سمر وسلسبيل طبعاً مشن كدامي وانا وراهم دخلت للاداره وجنه تهمس
: الحقير كتله حافضه الدرس كله بس هلسوال الخبيث.
المديره ما مداومه اليوم دكيت غرفه غهيب لان هو المعاون
غَهيب: ادخل
راد يحجي من شافني بس سكت من شاف بنات وياي كلهن دخلن للمكتب مالته وانا حچيت
هُذال: استاذ، استاذ مرتضى دزهم تحاسبهم المديره بس مو موجوده الكاتبه كالت روحي للمعاون.
غصبا عليه حجيت وياه
وهو كالهم، شمسوين؟
جنه، استاذ سال سؤال ومحد عرفه كلتله استاذه اشرح الك الدرس كله قاريته وما قبل.
غَهيب: ثواني وحده وحده.
هُذال، استاذ اكدر اروح؟
رفع راسه الي، روحي.
عفتهم ورحت للصف دكيت الباب ودخلت استاذ مرتضى: ها
هُذال: المدير غايبه راحو ل استاذ غهيب.
: تمام تفضلي.
كعدت وهنه رجعن وحده ورا اللخ الوجوه معبسه اخر شي دخلت جنه خازره استاذ مرتضى وبأيدها قوطيت ببسي رفع حاجبه استاذ مرتضى.
استاذ مرتضى: منو سمحلچ ترحين تشترين انا دزيتچ تتعاقبين لو تشترين!
وكفت جنه كالبه وجهها وذبت قوطيه الببسي بالزباله إلى بالصف
جنة: عفوا منك استاذ بس صديقتي بالاداره جايبتها الي، هسه اكدر اكعد؟
أشر الها كعدي عافته وكعدت بالرحله وهو باوع لها ودار وجهة للصبوره.
دك الجرس طلعنه اني وجنه وزينه كعدنه يم الشجر وجنه جيب وتحجي على استاذ مرتضى.
جنة: حسن الضن انتَ مدرس اسلاميه ما قاري حسننن الضن! اني اني جنة اروح اتحاسب وبشنو بالاسلاميه انا اعلمك
يا استاذ مرتضى.
ردت زينة، ترى دوختينا هي رزاله خفيفه وهم من استاذ غهيب هم يستحي يحجي وياجن ويرزل لان بنات هاي لو المديره جان كبل استدعاء ولي امر ورزاله غسل ولبس.
رديت عليهن، ادرسي وكسري خشمه.
كاعدين والشمس صايره علينا وصار ظل فوكانه رفعت راسها جنة استاذ مرتضى بايده قوطيت ببسي قدمها الجنه وهي بسرعه كامت
جنة: شكرا الاستاذ ما اريد
أستاذ مرتضى: تفضلي جنه واسف على سوء الضن.
جنة: تسلم بس ما اخذها
أستاذ مرتضى: والله تاخذيها بعد حلفت.
اخذتها منه خازرته، شكراً.
ابتسم باوع علينه اني وزينه
استاذ مرتضى، عذرا على الازعاج.
عافنا وراح جنه كالبه وجهها
زينه: بعد عليمن كالبه وجهج اشو اعتذر منج وجابلج ببسي.
دارت عليها جنه ونترت، اعتذر لان عباله اني مشتريتها ما اعتذر لان وداني للمديرة.
سكتت شويه ورجعت كالت، هاي ابرد وام الخمسميه.
نفجرنه من الضحك أني وزينة لدرجه من صدك كمت أدمع من الضحك تحچي بكل جديه ولا كأنما جاي تحشش
رفعت راسي امسح بوجهي وشفت غهيب من بعيد واكف اشرلي اروحله ستأذنت من البنات كمت رحت يمه ساكته.
ذب جگارته بلكاع وداس عَليها
غَهيب: اليوم منين طالعه الشمس تضحكين!
بقيت ساكته مجاوبته باوعت أله يباوعلي، تريد شي؟
هز راسه لا رفع عينه يباوعلي، غيرها لأ.
: شنو؟
: هيچ.
: باي.
عفته ورحت دك الجرس الدرس الثاني هو علينا طلعت كتبي وكعدت جنه وراي بعدها تدردم على استاذ مرتضى دخل غهيب ذاب الكوت اللي لابسه باقي بس بنطلون اسود وقميص ابيض رسمي فاتح اول دكمتين سلم ردينه عليه السلام وكعدنه.
عيني على الكتاب ما اباوعله بده يشرح واني عيني على السبوره من يرفع ايده يريد يكتب على السبوره اكتوفه تعرض وينضب القميص عليه بالزايد
باوعت على سمر عينها على كتوفه حاطه القلم بحلكها درت وجهي منها كمل شرح ووكف بالباب ينتظرنه نخلص كتابه يباوع للطابق الفوك باوعت السمر متكتب تباوعله.
كملت كتابه ما مهتمه لا اله ولا الها وكف يمي اخذ كتابي يحدد بي التمارين واني عكس كل مره اناكره هسه لا ساكته حتى هوة حسيته استغرب بس ما حچه رجع كتابي دك الجرس وطلع ياخذ بس 3 حصص بليوم السادس ثنين والخامس واحد
علي شنو هو مو يقول الصف هدوء بدوني تمام ليش هسه مستغرب؟
فاتت الدروس درس يجر درس وكفت انتظر غهيب يطلع
اليوم الشمس خفيفه و مو مطر مشيت كباله صعدت وهو همه صعد وراي ساق ساكت.
غَهيب: تحاسبتي اليوم على الدروس؟
هُذال: لا.
سكت وصلني للبيت من اريد انزل كال، وصلي سلامي الخالچ والقاتل الأشرار.
هزيت راسي ونزلت حطيت اللفاف مالته بمكاني دخلت للبيت صارت سميحه بوجهي خازرتني عفتها ودخلت جوه ما ناقصني مغثه دفعتني من وره طحت بالكاع على اركبي لزمت ايدي حيل صديت عليها كالت خازرتني
سميحه: شوفي لچ هسه يجي خالج تكوليله ما اريد هنا بعد ارجعي البيت عمچ لا اسود عيشتچ سمعتييي لو لاااا.
خزرتها اباوعلها اني مناا طالعه روحي نترت ايدي منها
هُذال: اييي وبعد شكوله؟ اكله على حبيبچ حُسام لو ميحتاج؟
فتحت عيونها بصدمه حسيت حتى المكناسه بايدها رجفت
حچت لتلعثم، شنو منين تعرفين انت منو منو حسام
رديت، اعرف كلشي اعرف بس مدثره الجمره الثايره بجمره طافيه وكت الأريد اشعلها واخليهن اثنينهن يكبن ستري على نفسج وكفي ياخه مني.
ضل وجهها ينطي ألوان عفتها ودخلت جوه غسلت وصعدت فوك رسلان بعده نايم تقربت باوسته فزيت خايفه من سمعت شهكه مال بچي يم الباب.