رواية أغلال زمن الغيهب للكاتبة مرمر الدليمي الفصل السادس
الصف هدوء والمدرسه تحچي بصوت هادء الكل مركز وياها.
ست نجلاء: ف الأنسان دائماً لازم يخلي جانب أله عن نفسه بس هوه يعرفه، مو لازم كُلشي يحچي اكو طرق لازم أحنه نواجهها بوحدنه بدون اهل بدون اصدقاء وأكيد مدا اقصد فد اشياء مو زينه، دائماً خلو مساحه بينكم حتى لو صغيره بينكم وبين الكُل راح اكلكم شنو اقصد بمثل والدي الله يرحمه چان دائماً يكلي خلي حدود وي الكل ومسافات علمود اذا صار شي لا سامح الله متتأذون حيل عليهم وينكسر داخلكم أذا بدر منهم حتى لو خطأ بسيط.
رفعت أيدي اشارك بلحديث أشرت عليه بلقلم مبتسمه: نعم ماما تفضلي شنو أسمچ؟
: هُذال
: تفضلي ياهذال.
: أني من چنت خامس ابتدائي والدتي الله يرحمها، همات چانت ترسخ هيچ حچي ببالي، بس بطريقه مُختلفه وعلى كد عمري مثلاً چانت تكول اذا أنتِ بسيارتج ومريتي من أزدحام خلي مساقه بينچ وبين إلى قبلج علمود أذا صار شي ورجعت السياره الكدامج مراح تتأذه سيارتچ، وهيچ الناس الازدحام والاشخاص هم السيارات الكدامچ ما أعرف شلون احچي الموضوع مثل ماما أتمنى فهمتي.
أبتسمت براحه وهدوء: الله يرحمها الأمچ اني چنت هذه الاقصده، ماشاءالله عندچ طرافه بلحديث.
: شكراً ست.
: سؤال، أنتِ حافه شنو مخطوبه؟
: نعم ست...
قبل لا اكمل كلامي وحده من الطالبات الجانت واكفه يم الباب بلأداره ردت، خطيبه الاستاذ غَهيب أبو الانكليزي.
بينت على ملامحها علامات التفاجأ والأبتسامه على خدها: اها ماشاء الله، الله يهنيكم استاذ غَهيب قمه الاخلاق والوعي وانتِ هم.
- شكراً، الله يخليج.
دك الجرس وهيه سوت النه بيباي اخذت جنطتعا وطلعت شكد لطيفه وحبابه، سمر وسلسبيل انخلسن حته مباوعلي بعد، طلعت اشتري ورجعت اخذت كهوه كعدت برحلتي دك الجرس هلدرس علينه غَهيب، دخل غَهيب عطره يمشي كدامه وكف بنص الصف ساكت الحد ما البَنات خلصن إلى تطلع كتب والي تضم الاكل صار الصف هدوء وهوه كال
: السلام عليكم.
ردينه السلام اخذ القلم كتب الدرس والتاريخ التفت النه حته رجلينه راحت من الوكفه وهوه حسيته متضايق من كلام المديره اله، خاصتاً هوَ المعاون مو بس مدرس
: تفضلو، الاحد امتحان الانكليزي ان شاءالله، اقرو زين وان شاءالله الاسئله سهله.
كامت طالبه سألته: استاذ شنو الماده؟
: خل نشرح الموضوع مال اليوم وبنهايه الدرس أحدد الكم الماده.
ما ادري ليش الكل مركز وياي وعايفين حسيتهم، كمل شرح وهوَ شرحه حيل يفهم ما شاءالله كعدنه نكتب الكتابه من الصبوره للدفتر
وكف غَهيب كدام رحلتي واخذ كتابي مال تمارين اخذ القلم من بين اديه مركز بلكتاب
وأني همست: ياصبر الأرض.
نزل راسه إلى قريب على وجهي: كلتي شي؟
رفعت راسي اله عيوني بعيونه رموشه عاكسه عليهم الشمس من الشباك طوال حيييل بس نايمات يعني ما مرفوعات تذكرت كلامه مال صبح وهوَ ساكت مركز بعيوني حچيت ضايجه
هُذال: الكتاب البيدك مال وحده ماعدها أخلاق، ف يجوز هواي يصادفك كلام لا اخلاقي ف افضل تاخذ غير كتاب!
اخذت نفس مرتبكه والعافيه خارطتها مبينه ما مهتمه واني بكلبي ادعي غير كتاب ياخذ لان اشكال كاتبه بي، كلشي كاتبه اشعار ولطم حته تفضفض افضفض بي كلبي وكع مرتبكه حييل وما اريد اسحبه منه
رفع حواجبه مركز بحركه أيدي من افركها بتوتر وهمس: عاجبني اقره الأخلاقيات، لذلك مراح اغيره.
سند جسمه على رحلتي وكال بصوت واضح: كملتو انطيكم ماده الأمتحان.
ردن البَنات نعم استاذ يحچي ويخطط بدفتري عضيت على شفايفي مغمضه عيوني من شاف صفحه مكتوب بيها
هلي وعيونكم ضايع
اكره أحد يقره اشياء كتبتها بوقت معين عبرها صفحتين يحدد بيهم واني عيني على كتابي وصل صفحه كاتبه بيها
بعد عكبيش؟ بعد مامرمرت روحي؟
واتذكر هاي العباره كتبتها وأني رديت الموافقه مال خطوبتي اله بوكتها وكاتبه جواها بخط واضح.
أنا حساسه جداً الى حد ان لا أضهر مدى كسرتي انا أبكي ليس من ضعفي أنا ابكي من شده قوتي وصلابتي التي تجعلني أتخذ القرارات الخاطئه رغم معرفتها خطأ، لكن كُل هذه القوه يهزمها صوت هيثم يوسف عند وصفه مدا حاجتي الى أبي في الأيام التي ذُقت بها مراره الذل بها ولم يأتي، حَبيبي بكلبي نار، وَحدي ضليت تخيلتك تجيني ليش ما جيت؟
ضغطت على القلم بأيدي حيل أرزل بنفسي حيوانه بكل كتاب اكتب ساكته وهوَ تأخر بلصفحه اكيد قراها، وصفحات ثانيه مكتوب بيها أشعار ثانيه، كمل وأندك الجرس حط الكتاب على رحلتي وقبل ليروح همس قريب مني
غَهيب: بلمناسبه، صَح ما عندچ اخلاق والسانچ رشاشه بس على الاقل ذوقچ بلمُغنين حلو.
ابتسمت بستهزاء اسوي نفسي طبيعي واني بداخلي ضايجه حيل: وبلمناسبه من تقره خصوصيات العالم هاي شتسمه؟ اخلاق زايده؟
- اليعجبج.
ستأذن وطلع من صدك مدري شبي يستمتع من يضوجني يغثني دائماً وحاقد عليه من يوم ماشافني بلمول واني اكول اول ما دخل النه بس يخزر بيه ابن الحلوه، بس الصدك امه صدك حلوه وشابه وسوالفها مثل سوالفنه وابد ما مكبره روحها ومعدها سوالف مال عجايز اخذنه درسين لخ واخذت جنطتي الدنيا تمطر سألت على غَهيب يراقب على قاعه امتحانيه.
المطر شويه شويه يزيد طلعت للساحه أتمشى بنات قليلات وبيهن يركضن أمشي مكتفه أديه أدفي نفسي اللفاف مال غَهيب على خشمي فتحت ضفيرتي وسويت شعري كبايه، نسمه هوه بارده برق وغيمه سوده غطت المكان كالبه الضهر عصر أفتر عيني بلكاع وأدندن بصوت ناصي حيل حَل اليل وسكنت الأصوات، في البحر نامت الأمواج
فززني صوت بنيه من وراي: الله يبنيه صوتج يجنن صار ساعه افتر وراج.
ابتسمت الها ورديت عليها أبتسمتلي وراحت كعدت اكو مسطبه وفوك محاوطه بشجر وورايه شبابيك بدون زجاج يفصلن بيني وبين الممر أخذت ورقه من الشجر افتت بيها بين أديه وأغني بصوت هادء وناصي حل اليل وسكنت الأصوات، في البحر نامت الأمواج هواي أسمعها من اشغل الرسلان كارتون فزيت من غَهيب كعد بصفي
: يمه فزيت محسيت بيك.
دنك يمسح البنطرون مالته مترب شويه.
: أجيت اشوفچ وين علمود اقريج كالولي تمشي بلساحه مريت من الممر وسمعت صوت حلو طلعتي أنتِ.
: همم، كالت ست نجلاء يراقب عبالي النهايه الدرس، كعدت اغني من الضوجه.
عيوني وعيونه متركزات على قطرات المطر التطيح من الشجر هدوووء
غَهيب: كلشي تمام، بس أخلاق ودائماً مخزنه رشاش.
أفتت بلورقه عيني عليها منزلتهم: هاي اني هادئه بس من الداخل أخمد الشعله بداخلي دائماً.
: شنو العايشته أنتِ؟ ممتقبلتني وتضوجين مني، بس متنسحبين.
نفضت صدريتي من التراب أغير الموضوع
: أكول لو نكوم نقره؟
هز راسه أيَ كام وكف ومدلي أيده يكومني، كمت وحدي بدون ما الزم أيده نزع القمصله مالته وكالي
: ليش متعترفين بردانه؟
حط القمصله على كتوفي وأني كتله
: هاي اللحضه ألي حطيت بيها القمصله على كتفي راح أشبع ندم عليها بلصيف.
مشه كدامي ساكت وأني امشي وراه كعدنه بلمكتب مالته فتح التدفئه مالته.
: فتحي شعرج خل ينشف مالي خلك مريضه وتأجلين.
كعدت على الكرويته وطلعت الكتاي فتحت الكبه من شعري توزع على كتوفي صارت خصله من شعري على السحابه مال قمصله غَهيب
هُذال الأماسيل: آآي شعريي.
التفت عليه غَهيب بينه الكتب وخرهم على صفحه وتقرب يمي من شاف مدا أكدر انزل راسي وأفلت شعري من السحاب نزل راسه للسحاب وشعري من الجهتين نازل صار محاوط راسه من الجهتين باوعت على رموشه المفرودات غمض عيونه من شعري طخ خشمه وخده فلت شعري وابتعد بسرعه وهاي اول مره نكون بهلقرب...
حط الكتاب وطلعت ورقه بيضه مسوده يكتب بيها الأمثله ويشرحلي شعري كلساع ينزل لان فالته وأوخره وهوَ يشرح وبأيده القلم يأشر بي واني اتجاوب وياه خلص شرح الموضوع الأول.
باوع على الساعه مالته: ما اعتقد نكدر نخلص الموضوع الثاني، بس راح اشرحه.
مرت 10 دقايق وصوت الجرس رن: تكدرين تبقين ما بقى شي؟
تلفتت ألم بلكتب مالتي: لاشكراً، تعبتك وياي الباقي أحاول افهمه على التليفون.
نزعت قمصلته واللفاف أنطيتهم اله: هلمره مراح اكلك شكراً، لان ما عندي أخلاق.
: چانت تفرق هيه هوااي.
: شنو هيه
: الشكراً...
توني ارد عليه وأتصل جهازه واني بصفه الم بكتبي لبست جنطتي وهو اول مافتح الاتصال ابتسم ابتسامه واسعه
: هَلا ياروح هبيب
يحچي بلطف وحتى بحه صوته تغيرت: ياعيوني أني اسف چنت بلنجف البارحه وماكدرت أجي.
ضحك بخشونه يمسح على طرف حاجبه المطبور: يعني مو علمود النوتيلا والفراوله؟، ههههههه، الف عافيه، هاهيه العصر أني يمچ.
سكتت شكيت بيها طفله صغيره وتأكدت من سمعت صوتها تكله ليش متجينه عمو هبيب.
سد الاتصال منها قفل المكتب دار عليه اني ساكته، كلبي يدك بسرعه اخذت نفس طويل طلعنه الطالبات هم يطلعون المطر حيييل قوي كلها شايله شمسيات دار عليه غَهيب
غَهيب: مجايبتها؟
: لأ معبالي هيج تمطر.
فتح القمصله مالته وسندها بأيده فوك راسي وراسه لميت شعري كبه طلعنه القمصله فوك راسنه وهوَ طويل عبالك شمسيه فوك راسي فتحلي الباب صعدت وهوَ راح صعد، افرك بأيدي بردانه ومبتسمه احب هيج أجواء ومطر بسرعه شغل تدفئه وأني نعادت الايام من بابا يجي ياخذني وأني اضحك احب المطر وهم كلت نفس الجمله الچنت اكولها البابا ناسيه أني كاعده يم منو
هُذال: الله بلكت الأحد هم مطر علمود ينطوها عطله.
سكتت ارزل بنفسي هسه شنو ضروره هلحچي اله تحچين؟ متسكتين هُذال متسكتين؟ أتامل المطر ابتسامه على خدي من امي چانت ترزلني لان اطلع دائماً بي السير واكف والمطر ينزل مال بطانيه ديباج على هلأجواء ودبس وراشي أتصل تليفون غَهيب شفت الأسم سفانه رد عليها
: ها بابه، تمام بس؟، لتسوون أني اجيب، اكوي قميصي الرصاصي، أيَ، بس اوصل هُذال، تمام.
أنطاني الجهاز اجاني صوتها: هلاو هُذال
- هَلا عمري شلونچ، خاله شلونها.
- الحَمد الله بخير، باعيي خل غَهيب يدزلج رقمي وراسليني تمام؟
عضيت على شفتي هوه اني حته رقم غَهيب ما عندي
- لا أنتِ اخذي من تليفون خاله آيات، تمام.
سديته منها وأنطيته اله
- داكول اهلك حبابين أنتَ عليمن طالع؟
ابتسم تك خد بستهزاء: نفس السؤال الج موجهة؟
- ترد على سؤالي بسؤال؟
- لا بس دا أكول خالج انسان هادء ومبين ميضرب أنتِ على منو طالعه مدميه البنت اليوم؟
عقچت وجهي لعبانه نفسي - اولاً هاي متسمه بنيه ثانياً ممجبوره أصير نسخه من الناس الحواليه ثالثاً أيَ بنت تحچي هيج وياي أسويلها الأكثر هم لا عبالك البُنيه مالتي ضعيفه لأن بنيه هواي ضاربه قبل.
مسح على حاجبه المطبور وأني لا ارادي أركز على حاجبه هذه حيييييل حابته وحابه طبرته وهاي أول مره انجذب الشي بغهيب
غَهيب: مثل ماكلتي، مامجبور أصير نسخه من الناس الحولي.
هادء الى درجه تستفزك وتخليك تحچي وياه وتعاركه يحچي بثقه غريبه!
حته وأن حچيه مو صحيح، وصلني للباب وقبل كال: بلمناسبه، أسف على تدخلي بخصوصياتج اليوم.
نزلت ودرت وجهي اله مبتسمه خازرته: اعتذارك مو مقبول، وهاي يسموها تصرفات لا اخلاقيه.
طبكت باب السياره حيل وطبيت للبيت وهوه شخط سيارته وراح دخلت متكسره بلمعنى الحرفي نوم منايمه هراي تعبانه من روحه النجف.
لكيت سميحه بلمطبخ.
سميحه: هَلا همزين بعد وكت، اصعدي بسرعه بدلي ونزلي سوي غده الج والاخوج
: تمام
خليت النار تكب بكلبها من برودي وصعدت مرتاحخ، لكيت رسلان نايم بدلت وكعدت يمه احط شعري بأذنه لو على خشمه لو على رموشه كعد ضايج بس شافني ضحم وعبر أيده على ركبتي حاضني
رسلان: مااامااا
: هههههه أيَ
ابتعد مني، اني كلت هسه الكه رسلان ناكع بلمطر همزين طلعت نايم.
كمز بفرح متحمس يصفك، جاييي تمطرر؟
: أيَ هسه نتغده وننزل نطلع مو؟
: اييي خل الم فراشي بلاول
هُذال: عوفه اني المه
كمت سفطت فراشه اخذت ايده ونزلت جوه كاعدين كلهم ياكلون عبرتهم وفتت للمطبخ، صاح عليه خالو
حامد: تعالي اماسيل تغدي
صحت من المطبخ هُذال: بلعافيه عمو ما اريد هسه اني اسوي.
بسرعه ردت سميحه، عوفها متريد لتلح عليها!
سكت وطبت اسينات معبسه: ما اريد اكل وياهم، اكل وياج نسوي سوه؟
سكتت ادري بيها لان تعرف امها متخليني اكل وياهم طلعت معكرونه ووكفت اريد اسلكها كلبي دكاته زادت النفس كوه اجره ميوصل الريتي غمضت عيوني حطيت المعكرونه على النار كعدت على الطاوله رسلان يلعب بجهازي واسينات تثرب حطيت أيدي على خدي صافنه ورسلان شعراته نازلات على عيونه بأديه الصغيرات يبعدهم أبتسمت على شكله يا عيون اختك انت.
اجه غَهيب على بالي ياترى شنو حتكون نهايتي وياه؟ شنو الجابره يتزوج مني؟ اذا هوه ما يدري أني إلى خطبها؟ امه حيل حبابه وتحبني حيييل مامصدكه بيه خطيبه ابنها وسفانه همات لطيفه كلش، بس أبقه مجبوره عليه لا هو طايقني ولا أني الطايقته بمجرد ما اشوفه أنغث ومتحمله كل هذه علمود لا انذل كل هذه علمود لا يأذي رسلان شي.
افكر اعيش ببيت بابا إلى عمامي حاربوني عليه ماقبلت يبيعو وأشوف الدنيا كلها محاربتني واني لو شفت شخص يتأذه اتأذه وياه حتى لو ما اعرفه فزيت من اسينات دكت على الطاوله
اسينات: كومي المعكرونه عجنت!
كمت بسرعه اشوفها الحَمد الله بعدها غسلتها بمي بارد وحمست على جهة بصل وطماطه ومعجون وحطيت المعكرونه عليهم صبيت وكعدنه على الطاوله ناكل دخلت سميحه بأيدها الصينيه حطتها على السنك
سميحه: عود غسليهن وسويلنه چاي.
حطيت اللكمه بحلكي وحچيت ببرود: اغسل المواعين الأكلت بيهم بس، أما الچاي اسوي الخاطر خالو
: اكلج شو أنتِ طولاان لسانج؟! مو عايشه بخير تاكلين وتشربين معايزج شي ومتشيلين ماعون بلبيت.
: عفواً؟ اكل واشرب براتب بابا مو من جيبج؟
وبعدين ليش ما اشيل ماعون؟ الطابق الفوك كل تنضيفه عليه من شوكت أنتِ نضفتي؟ شكو بعد؟
خزرتني وطلعت أخذت نفس ميته قهر واسينات وكفت أكل ضايجه رسلان جان يلعب بلجهاز من طبت بسرعه عافه باوعت عليه مبرطم حاصرته البچيه واني ابتسمت بوجهم: شبيك حبيبي؟
باوعلي مقوس شفته السفليه زعلان: ليش هيج تحجي وياج.
نزلن دموعه بسرعه جريته من ايده الصدري حاضنته فاتحه عيني: اش حبيبي عادي ماما موچانت هيج تحجي وياي عادي تشاقه.
شال ايده ضربني على صدري: لا لا ماما متكرهج وتحبنه هاي متحبنه
: اسكت لا عيوني تحبنه.
نتر بوجهي يبچي: لا متحبنييي يوميه تصيح عليه وتغلط على ماماا وباباا
فتحت عيوني على وسعهم ولزمت وجهة بأيدي النفس ضاك بيه وأسينات تكله
اسينات: متاكد حبيبي؟ شوكت صيحت عليك
وأني رديت عليه بصوت مخنوك يرجف، شتكول؟
مركزه بعينه وكلبي أشتعل نار من رفع أيده يحچي وكوه أفهم كلامه: نعلعله على روحكم جنان وستار الله خذاكم مياخذ خلفتكم وياكم، وتكلي أنتَ الله ميحبك واخذ امك وابوك لان مو زينين و.
فشر أهر شي كلبي يدك وي كل حجايه يحجيها اريد اجر نفس ما اكدر رفعت عيني بهدوء الاسينات وهيه هزت راسها ب لا
هُذال: رسلان امانه يمچ.
عفتها هيه وياه وكمت محترك كلبي وينعاد حچي رسلان بعقلي وإحترك اكثر روحي تنسلب وتنطحن لكيتها واكفه يم الطحين جوه الدرج مشيت الها بسرعه ما اشوف كلشي كدامي دارت عليه خازرتني
سميحه: خيررر.
بدون لا أحچي واخليها تكمل طفرت عليها معلكه أيدي خانكتها بركبتها عاطت واني ضاغطه على اسناني: لج أنتِ منووو وتغلطين على امي وابوي هاا منووو! اموتج والله اموتچ
فاتحه عيونها على كبرها مختنكه عيونها دمعت تكض بأيدي تريد اوخر ما حسيت ولا أعرف شوكت محسيت غير اسينات ونور يبعدن بيه ويعيطن واني لازمه بكل قوتي بسميحه: لج اموتج وروحهم اموتج اذا تجيبين طاريهم.
دفعتني نور منها حيل كعدت بلكاع بسرعه تستفرغ صار وجهها أحمررر مشيت جسمي كله يرجف ووجهي احمر واسينات تبجي ونور تغلط عليه بصوا عالي وتدك على ضهر امها اخذت ايد رسلان وما انكر خفت،! وحيل هم اللحضه ما حسيت على نفسي من دفعتني نور دكات كلبي سريييعه النفس اجره بشهكه ورسلان يبچي دخل خالو من الباب كلشي ميدري
: ها خالو سويتي جاي؟
درت عليه أبچي اشرت على الدرج: روح سميحه راح تموت روحلها.
فتح عيونه مامستوعب: شنوو شبيهاا
حطيت اديه على عيوني ابچي بشهكه: تغلط على ماما وبابا وخنكتها
ماكمل كلامي وراح يركض مشيت ورا كعد كدامها وهيه تكح مختنكه نور تبچي وتردد
نور: خنكتها الحقيره الكلبه هُذال رادت تموتها والله رادت تموت أمي.
حامد: ميييي جيبي ميي
ركضت نور واسينات واكفه من بعيد تبچي شربها مي واجه وكف كدامي خازرني شال أيده بكل ما عنده قوه ضربني راجدي من قوته وكعت للكاع واسينات ركضت تبچي وتصيح.
اسنيات: لااا بابااا...
حامد: لچ بنت الكلب مو حاطج بعيني ومدللج
فتحت عيني على وسعها من غلط وصحت
: لا تغلط لااتغلط عليهمم
دفرني برجله خازرني واسينات واكفه يمي تبچي كامت سميحه دايخه تباوعلي متشمته مشتها نور ساندتها كومتني اسينات تبچس ورسلان بچيه بصوت عالي اخذت ايده وصعدت فوك احلف اعوفهم واروح البيت ابوي اعيش وحدي اني ورسلان حضنت رسلان الكلبي ابچي.
رسلان: ليش ضربج ميحبونه، بس اكبر اضربه نفس الضربه وما اقبل احد يضربج بجيت كاتمه صوتي ولامتهرالحضني اكثر اتذكر تعامل ابويه وامي وابچي اكثر نومت رسلان وكعدت اقره اليوميات مالي خلك كلش وكلساع اصفن وابجي سفطت الكتاب اخذت نفس طويل وزفرته ندك الباب
اسينات: افتحي الباب اني اسينات.
كمت فتحته بكل هدوء اخذت تليفوني وكعدت بلزاويه العب بلقيطان اليصير بلكبوس مال هودي الفه على ايدي كل ما يزيد التفكير بعقلي يزداد الوجع مثل النغزه بكلبي، فتحت الواتساب مراسلتني سفانه.