رواية أغلال زمن الغيهب للكاتبة مرمر الدليمي الفصل الخامس والعشرون
ضل سلار يباوعلها راح ورجع بلغرفه يفتر مسح وجهة صاير عصبي ويحچي ويانه مو مثل قبل هادء ويتفهم كلشي بس سلار واني اخته واعرفه من عرف نيار يجي يحجي وي سبأ بدون ميخاف ابوي يشوفها ضاج حيل سلار وحسيته يكول هوه عليها ماخاف شلون انطيها أله
كعد كدامها يباوع على المرايه ميباوع عليها كاعدين وجه بوجه
سلار: سبأ.
- ها.
- خل يولي.
هزت راسها لأ ودنگت حچت بهدوء وياه
- شبي.
دار عينه الها نضره سريعه وكبل.
رجعها على المرايه
سلار: مدري شونه مو مال أنطي الچ.
رفعت راسها اله عاكده حاجبها
سبأ: تنطي ألي؟ ليش اني الماخدته لو هوَ ماخذني.
مسح وجهة وعدل كعدته يباوع على الچربايه.
سلار: باعي هوَ خوش ولد وزين وهسه مقدم خارجي ويقره لان كايلتله أنتَ هذن مالات الله نكولهن بس سبأ أنتِ السانچ فالت وهوَ هسه سمعتي مو ماسمعتي اكيد من حچيت وياه بسرعه تعصب وكام يصيح تدرين بيه أنتِ شنو سلوبي اني موو؟ لا اصيح ولا اعيط بس هذا الخاايس خلاني اصيح واعيط، باچر عكبه اختلفتو على شي؟ هوَ مايتحمل وانت تردين الكلمه بعشره.
سبأ: اشگ حلگه إذا مايتحملني عليمن ماخذني خل يروح ياخذ وحده تتحمله.
باوع عليه وهز أيده ونزل نضره مني
سلار: سبأ شكد عمرچ؟
سبأ: بكد هُذال.
: هُذال شكد عمرها؟
: هستوها دخلت 21
: و أنتِ عقلچ لطش على ال 14
: شكرًا.
غلس ما رد عليها مشه للباب طلع ورجع قبل لايحچي صحت
منار: موااافقه موااافقه روح روح.
عاد سد الباب وطلع ركضت سبأ ع الشباك واني وياها نيار واكف بلباب يفتر يمسح على شعره ويرجع يروح ويررجع من طلع اله سلار وكف يباوعله حچه سلار من وره خشمه مانسمعه لان من فوك نباوع فتح عيونه نيار وطفر على سلار يبوس بي ويشبگه وسلار تسوددن يتخببببل من واحد يبوسه يدفع بي يمعود يبو الغيره وخر وذاك حارر شيسوي جاي نباوع وسبأ شارگه الحك من الطول للطول ما نحس اله سلار رافع راسه النه وخزرنه ذيچ الخزره واشر على باب البيت المقابيلنه طلع منه رجال ماشفته بس شفت طول رجال سديت البرده.
باوعت السبأ خنست
منار: ها؟
رفع عيونها لعيوني تحچي صافنه
سبأ: منار من اجينه وشفته بلباب گلبي كام يدك يدك عبالك چنت ارركض وحته جسمي يرجف.
{ جسمها يرجف وكلبها يدك من العياره }
منار: عود صدك اصغر مني وتاخذين قبلي؟
سبأ: رحمه الوالديچ لاتعرضيلي مناار ترى والحسين يوميه بليل اتذكر نيار واريد اشوفه واصارحج بس اخاف خليني اخذه قبل لا نضل علحياطين ويكضنه ابوج لو اخوج ونموت شهداء على ايدهن.
: هسه بعيدًا على الخرط مالتچ هذا كله ليش تموتون شهداء؟
: شهداء الحب يروحي.
دورت شي اضربها بي وهيه ضحكت وكعدت على فراشها صافنه
سحبت جهازي من سمعت صوت رساله اجتني
من سلار كاتب
. منار؟
. هاا؟
. هذا يكول 3 ايام ويجيب خالتي فاطمه ويجي
. أي هَلا بي؟
. هاا
. اي
ابتسمت اباوع للجهاز كوه لازمه ضحكتي مقهور من كل عقله وميريد ينطي وحده من عدنه.
فتحت البرده لكيتهم رايحين وبنفس الوقت طبكت سياره بابا بلباب جريت نفس بحسره وسديت البرده
{ وعلى بنات الفقره تموت مال هذال وغهيب هسه راح تجي شو نقهرت عليچن كلت خل اخليهن مندمجات بيها ليش بلوسط احط حسابي المهم هذا الانستا 7mr. pn نفسه بلانستا ونفسه بلتيك توك وهاي قناة التلي sanoo783 وشكرًا }
هُذال:
كلهم رجعو بسياره مُهاف إلى اني.
وغهيب خلونه بوحدنه اني حيييل فرحانه وهواي هم اني من فقدت اهلي كلت هاهيَ بعد مابقى شخص يحبني ويفكر يسعدني بس هم وراحو خلص بس طلعت غلطاانه وهواي غلطانه هم
غَهيب وعائلته موجودين وخالو واسينات ونور وسلار ومنار وسبا موجودين
حاطه بوكي الورد بحطني وماالي
المكان كله كد ماچبير أخذت تليفون غَهيب لان تليفوني محد جايبه هاي الجرجره كلها من الدوام ابد مداخله البيت ولا شايفه جهازي.
اخذ ايدي غهيب باسها واني صورت الباقه وصورت من لحيته وأيدي
ضحكت اباوع على الفيديوو يجنن
غهيب: نطلع كبل الجسر الجادريه؟
فتحت عيوني احچي بسرعه
هُذال: لاا عفيه والعباس تعبت عود على غير مره.
أشر على عيونه الأثنين لازم ايدي يحركها وياه
: بعيوني.
طبك كبال البيت واني عبالك داخله الجنه مو البيت او بمعنى اخر راح ارجع البس براحتي حته لو مخربط وما اهتم المكياجي ولا المشيتي.
دخل السياره جوه نزل قبلي وقفل السياره من وصل الباب مالتي فتح القفل وفتحلي الباب
هذال: ليش قفلته.
غهيب: خاف تفتحين الباب أنتِ وتروح اللقطه الرومنسيه.
: هاي لقطه رومنسيه؟
غمز يباوع الوجهي
: لأ بعدين اعملچ شلون يصيرن اللقطات.
بعد اني كلعاده شسويي؟
نعم احسنتم افعل وضعيه ال لا اشوف ولا اسمع
نزلت حاضنه البوكيه مال ورد ومنتضره اوصل الغرفتي علمود افتح التليفون البنصها وهدايه مُهاف وخاله ايات والبنات وكلهم.
دخلت جوه كلمن بغرفته رسل من زمان تحولت يم سفانه اشتركن بلغرفه
صعدت كبل وغهيب وراي مغطيني بضهره بحيث اذا شخص جوه وباوع ع الدرج يشوف بس غَهيب جاي يصعد اني ماكو عن الحلال والحرام لو رجلي يبينن لو لا
وكفت كبال الغرفه ما اكدر افتحها شايله بأيدي الورد فتحها غهيب وكفت بمكاني اباوع للغرفه ضحكت بتفاجئ حطيت البوكي ع الميز وايدي على حلكي.
لوووحه چبييييره حيل بوسطها ومغلفه وبيانو مركب چبير حيل الطبله مالته كدامه باوعت الغهيب من كد الفرحه اريد الفه بخبزه واكله احچي بحمااس
هُذال: ااالله بيااانو.
غهيب: هذا من مُهاف.
وكفت يم البيانو شكد حلو وچبييرر يجننن باوعت ع اللوحه ودرت وجهي الغهيب
هُذال: شنو هاييي؟
سد باب الغرفه وارتاچ عليه حاط ايداته بجيبه اشر بوجهة ما ادري
غَهيب: فتحيها خل نشوف شبيها.
رجعت شعري ورى ابعد بي من وجهي فتحت الشريط مال الفلونكه فتحت التغليف مالتها ورجعت ليورا اباوع الها
رسمه ألي طالع منها من الشامه ألي يم زلفي صايره وركبتي عضام الترقوه وكتفي وشعري نازل عليهن
متسلسلات الشامات من الشامه القريبه على اذني للشامه البرگبتي للشامه البكتفي الصور مرسومه بأدق التفاصيل ومضلله تمووت عبالك صوره كاتب عليها جوه بخط أيده
لم تَكُن يوماً مُجرد شام
بل كانت مُدني الثلاث.
درت على غَهيب دموعي تراسه عيوني ميقبلن يطيحن احچي فرحاانه
هُذال: غهيييييبب.
فتحلي ايده ضحكت ورحت اركض
أله ضمني حيل اله رافعني وأني مچلبه بركبته
احچي وياه بكل حماس
هُذال: شكرًا شكرًا غَهيب هوااايي فرحتنيي اليوم الله يحفضك ألي.
حاضني ووجهة عاكس بلمرايه مغمض عيونه ومرخي ملامحه وحاضني حيل ايد وحده على كتفي ملتفه والثانيه على خصري.
بحركه لا أراديه مني وبدون انتباه من الفرحه والطربكه حطيت شفايفي على ركبته وبسته هناك ورجعت حنكي على كتفه ضغط على خصري حيل ضامني اكثر أله ولان حاضني دكات كلبه وصلتني شكد سريعه وتدك بخبال بشكل جنوني
حچه بصوت رايح روحه رايحه
غهيب: هُذالي.
هذال: عينييي.
: رجعي بعد بوسيني.
ضحكت حاسه بي شلون تخربط وضعه وصار كوه يحچي بعدها ادياتي ملتفه على ركبته رفعت راسي من كتفه ميلت راسي الخده وبسته منه حيل.
رجعت راسي همس يم اذني
غهيب: هُذال مو منا مثل مساع من رگبتي.
بلعت ريگ
هُذال: ما كافي وخر.
اريد افلت نفسي منه ما اكدر مقيدني حيل ضام وجهة بشعري
غهيب: عيديها وأوخر.
: لأ ما اريد وخر.
نزل راسه الشامه كتفي يبعد الفستان
منها حك خشمه بيها
غهيب: يلا ولا تختصريها.
- غَهيب.
- أي أي بعد كولي كولي خاف شامتچ سودنتني أسمي بلسانچ يموتني.
- حباب وخر.
- مو حباب اني.
- لتسوي هيچ والله باوع حتى ايدي كامت ترجف.
- أنا رجال المالهن حل مارجفني شامتچ رجفتني وانتِ هسه زعلانه لان ايدچ ترجف.
- ابتعد عليك الله.
- اموت.
- غَهيب.
- تعبتيني يلا.
بلعت ريك حيلي كله يررجف وغهيب يمشي شفايفه من شامه كتفي الحد زاويه اذني
ميلت راسي غمضت عيوني وبسته طولت يلا ابتعدت مشاعري مسيطره عليه هوَ من طولت رخت ادياته من خصري طوله مامتوازن اني من شفته هيج دفعته بخفه وابتعدت اباوعله عيونه ذبلانه ابتسم يحچي بذبول.
غَهيب: رويتيني ورويتي روحچ ويايَ مَلسونتي ودرابين گلبي انتِ.
درت وجهي منه اتنفس سرييع حرت وين اروح ووين انطي وجهي ركضت على الخانه طلعتلي ملابس ورحت بدلت نوب ردت بس اتأخر كبل غسلت وجهي افرك بي وكلبي يدك
باوعت بلمرايه كلشي مابقه خليت شعري مفتوح وهوَ مشسور يجنن صاير
دخلت للغرفه اباوع للساعه ب 2: 45 الضوه طافي وبس ضوه الگمر يوصلنه من الشباك ألي مغطيته البرده.
باوعت الغهيب متمدد وفاتحلي أيده تقدمن ساكته تمددت وحطيت راسي عليها نزل راسه إلى وحط خشمه بين زاويه أذني
غَهيب: نونو.
هُذال: ها.
غهيب: عاشگچ انا حييل عاشگچ أنتِ وشاماتچ.
هُذال: مو متريدني؟ مو زعلت وي خاله آيات لان خطبتني ألك.
غَهيب: أمي أعرف بمصلحتي أنا طايح حظ.
: شتغير.
: شتغير؟ هيَ شامتچ خلت عقل براسي.
: بس أني بعدني ما احبك بس أحب وجودك بحياتي.
ضحك متذكر سوالفه هم چان يكلي هيچ قبل لايعترف.
غَهيب: ميخالف أهم شي متعوفيني.
هُذال: إذا تضل بهايَ عصبيتك وكل ماصار شي تعوفني سبوعين تعرف شنو يعني سبوعين تعوفني وانتَ معودني عليك والله أعوفك.
غهيب: وانتِ مو صارلچ سبوع مدري اكثر عبالك ماموجود كبالچ ولاتشوفيني، سوي بيه هيچ من اغلط وياچ وأنا اكلچ اتوب.
بقيت ساكته مرت فتره طويله يلا حچيت
هذال: غَهيب.
ما رد
هذال: ابوو طبره.
اهتز جسمه يضحك عرفته منتضرني أكول هذا الأسم مالته
غهيب: ها بابا ها گلبي.
هُذال: شلون عرفت عيد ميلادي اليوم؟
: من أستنسخت جنسيتچ البارحه.
: تدري حته ناسيه؟ قبل وين چنت قبل موعد عيد ميلادي بشهر اني انخبص وهسه فات ولا اذري بي لو ما أنتَ.
: كم نونو عندي اني؟
: انتتَ شوكت عيد ميلادك؟!
: اليوم.
فتحت عيوني على وسعهم شلت وجها من كتفي اباوع عليه
: احلف؟
: وداعتچ.
: يعنييي الييوم الييوم؟
: إي، تفاجأتي مو؟ حتى اني البارحه قبلچ ب 9 سنوات اني نولدت بنفس اليوم.
: وانتَ عمرك صار 9 واني عمري يوم واحد؟
هز راسه أي
هُذال: وليشش ماكتليي اجيبلك هدييه؟
غهيب: ما أحتفل بي اصلاً.
سكتت و ضميت وجهي بركبته حته ماكالي عيد ميلاده ومسوي ألي وحدي
هُذال: كل عام وانتَ بخير أبويه أنتَ.
غَهيب: وجودج هوَ الخير ف كل عام وانت ويايه.
فزيت على دكت الجهاز مالتي جوه المخده مالتي أكول وينه صار شكد ادور علين ابتعدت من غَهيب وسحبت الجهاز أباوع الأسم أسينات.
أسينات:.
من رجعنه للبيت بابا عافنه وطلع كال شغل سريع ابات هناك ما أجي
عمه سعاد شكد لحينه عليها تبقى يمنه ماقبلت ورجعت للبيت مالتها.
صعدنه كبل اني ونور بدلنه ضليت اباوع على الصور جعت حيل نزلت جوه اسوي اكل واسمع سميحه تخابر ب حسام عقچت ملامح وجهي گلبي يوجعني منها حيل وفتت للمطبخ سويتلي كهوه صعدت النور كوب واني نزلت جوه هم صبيت إلى وطلعت برا على المرجوحه كاعده خاله سماعات بأذني الهوى يجنن والگمر ضواه عالي حسيت اكو حركه كبالي بس مارفعت راسي بقيت مدنكه كل بالي بزونه.
من كلبت الفيديو وطلعت صوره راح الصوت من اذني سمعت خطوات بعيده عليه رفعت راسي اشوف بابا دخل البيت ركضت الباب الشارت مفتوح سياره بابا طابكه والتاير الخلفي نازل درت راسي للباب و بمجرد ماتذكرت سميحه فتحت عيوني على وسعهم وبسرعه دزيت النور نزليييي بسرررعه.
بلعت ريك خطواتي يرجفن امشي ماخايفه عليها ولا مهتمه الها ابد بلعكس اني خاايفه على ابويه والراح يصير بي دخلت لكيته واكف كدام باب الغرفه مالته وصافن على باب الغرفع يستمع الها وهيه صوتها يلعلع تضحك بكل قوتها
سميحه: ايي مو هنا رايح بشغل متشوفني ماخذه راحتي.
ضحكت بكل قوتها وردت
: شلون بلا اطفرك من الحايط لو اجيت شنوو قرد.
رفعت راسي النور واكفه يم اخر بايه تبچي وتسمع كلامها نور هوااايه چانت تحب سميحه وتصف وياها حتى على الغلط بس علمود لاتزعل وتخاااف عليها من كلشي عبالك هيه امها مو هيه أمنا
فتح الباب بابا أيده رجفتها قويه انخطف لونها من شافت ابويه وبسرعه داست الغاء المكالمه
كالها بابا بصوت يرجف
حامد: بهاي تجازيني سَميحه؟
مسحت دموعي اباوعله مركزه بنبره صوته دار وجهة منه يحچي بهدوووء.
حامد: تلمين غراضچ وتروحين البيت اهلچ خلقتچ ما اريد اشوفها هنا بعد وأذا رجعت ولكيتج يصير غير حچي.
سميحه: حا...
عافها وطلع ركضت وراه تحاچي وهوه عبالك ميشوفها ولا يسمعها وكف يم الزاويه مال طرمه وأخذ تاير يمشي بي كباله
سميحه: حااامد القرراان علييك اسمعنييي والله العظيمم موو مثلل ماسمعتتت والله علمووود اخذذ منه فلو...
عافها تحچي وطلع باوعت الها بحقاره شكد كرهتها وشكد لعبت نفسي منها هسه بسببها ابويه أحترگ كلبه نوز ما ادري منين جابت الحچي كالت الها
نور: روحي لأهلچ وخل صاحبچ يجيج براحته، يلا أتحدا أذا تزوجج.
اسينات: أنتِ خسرتينه كلنه مو بس خسرتي بابا.
سميحه: كملتنن؟ هاا كملتنن؟ اكلن خرا انتن وابوچن وغصباً ما على الكل ابقه ببيتي ماميته عليكم بس خل أخذ فلوسي وأمشي ههههههههههه عبالچن يعوفني ابوچن؟ يمووت عليه واكبر دليل هسه من سمعني حته ماكدر يرفع ايده عليه مو عاد يطلكني ويتحمب غيابي عنه.
نور: وحگ على هضيمه بيچ كلمه ال يمه.
عفتها وصعدت فوك سديت الباب ماتحملت انفجرت بلبچي بكل قوتي گلبي مأذيني على بابا وبلحضنتها اتصلت على هُذال.
اسينات: هُذال عرف بابا عرررف.
سمعتها همست بصوت ناصي
هُذال: غهيب عفيه ايدك شويه اريد اكوم.
سمعتها طلعت واني مستمره أبچيي
هُذال: بس على كيفچ اسينات عفيه اهدئي شكو شصار.
اسينات: بابا سمع سميحه تحچي وي حبيبها.
: الحَمد الله ياربي الحَمد الله لعد الله شكد يحب خالو.
: هُذال بابا ماشفتي شصارر بي ماشفتيي.
: سوده عليه حبيبي.
اشهگ واحچيلها كلشي بلتفاصيل حته من كالت اكلن خرا انتن وأبوچن وهذال كل حچايه تذبها شكبرها على سميحه
الحد مابطلت ابچي وهيه تكلي خالو يعرف يتصرف مالچ دخل لا انت ولا نور لاتحچن اسمع صوت غهيب يمها يهمس
غهيب: يلا نونو اريد انام.
وهيه تبعد الجهاز من يمها وتحچي بعصبيه بصوت ناصي
هُذال: وماا تنام انيي شكوو.
غهيب: تعاي نوميني.
بعز بچيتي وضوجتي ضحكت على سؤالفهم ياربي غَهيب بلمدرسه ياجبل ميهزك ريح من كد الثكل كل المدرسين يغارون منه ونصهم يكولون شايف نفسه ويم هُذال أخف منه ماكو
اسينات: شكد ماتستحون هاي عود استاذ غَهيب الثكيل.
هُذال: اي اي ثكيل بلوزن قصدج.
: ههههههههههههههههههه
: ديلا حروح اني أيَ شي يصير كوليلي تمام اسينات؟!
سديته منها نور دخلت تمسح بعيونها وتتحسب على سميحه.
ضليت للصبح كاعده كلساع انزل جوه وسميحه نايمه ولا كأنماا بابا كلها طلعي كلت يجوز يصبح الصبح وتروح ولل 7 وهيه ناايمه ل 9 نزلت جوه بلمطبخ تسوي ريووك طبييعي ولا چنها
كلت هسه تاكل وتروح نزلت ب 11 لكيتها كاعده على البلادمه نزلت نور وراي بلعت ريك من سمعت الباب مال شارع نفتح دخل بابا واحنه نباوعله عيوونه حمرر ومبين شكد مقهور
نزع حذائه ودخل مبتسم يباوع النه وكف بلباب من شاف سميحه انكلب وجهة.
حامد: لييش ما رايحه الاهلچ؟! انا شكلت
ذبت الريمونت متنرفزه تحچي وياه
سيمحه: حاامد فدوه الكلبك شنوو روحي الاهلچ اصغاار احنه صدك چ...
قبل لا تكمل صلخها بلحزام على كتفها شهگنه ثنينه نباوع الها باوع علينه وصاح بعصبيه
حامد: صعدددنن فوووكك.
ركضنه للدرج وهوه عاف الحزام وكتلها كتله من هاي تم الحرگه حطها بلسياره ووداها الأهلها.
رجع للبيت صايرر بارووود من الحرگه دخل للغرفه مالتهم ماخله شي ماكسره بقينه ساكتين اني ونور مثل ما وصتنا هُذال
انفتح الباب مالتنه بابا شايل بأسده فراشه سوده عليه مبين من البارحه ما نايمه
وكفنه نباوعله دخل حط فراشه بلوسط رفع عيونه النه متروسه دموع كعد على فراشه وحط أدينه على عيونه وكام يبچي صوت بچيه يمرد الكلب ركضنه عليه اني ونور نبچي وياه حضنه ثنينه الكلبه يبچي ويحچي.
حامد: والله عندياها بمعزه الهوى ليش هيچ سوووت ليش.
ابتعد منه يأشر على نفسه يحچي محترگ
حامد: أنا بيه قصوور؟ كوللي انتن مو بناتي حاچني مقصر وياها بفد شي اني وجهييي مابي شووفه؟! عليمنن مامكتفيه بيه اناا بيه نقص حاچني انتن مو بناتيي جاوبن عليه.
أسينات: كلشي مابيك بابا عفيه لاتسوي هيچ هيه ماتستاهلك والله انت اكوو احن منك؟! منين القصوور معيشنه احلا عيشه وحاسبنه الدنيا وما بيها والله.
نور: أحن اب بلدنيا أنتَ والله العظيم ماكوو شخص يحبنه بكدك هيه استغلت حبنه الها بهاي الطريقه بابا لاتذب ال لوم عليك.
مسح دموعه يهز براسه اي كمت عدلتله فراشه وحطيت بطانيه ونام نزلنه جوه اني ونور صافنين وحده بوجه الثانيه دخلنه الغرفتهم كلها كزاز وهوسه نور كنستها واني رجعت كلشي المكانه.
يعني ما أدري شنو هل صلافه كالج روحي لاهلچ ومارحتي وبكل عين تريكتي وكعدتي على البلازمه اكص ايدي اذا هذا الخرب بيتچ يجي وياخذج ااكصها الأيدي
من الضهر الحد ال 9 بليل بابا نايم صعدت شفته مصخن صاير نارر وجسمه كله يرجف غطيته ببطانيه ثانيه و نزلت اركض النور صعدت وياي حطت ايدها على كصته فتحت عيونها على وسعهن
نور: مجمر.
ركضت جبت مي وثلج ونور تسويهن وتحطهن على راسه وهوَ يردد
حامد: راسي، راسي، سميحه، سميحه.
أعنصر گلبي عليه نسوي كمادات أله ونبچي ابونا الحنين كسرته أمنا المتسمى أم
بلساعتين احنه نسوي كمادات اله وميفيد زدت بلبچي من شفت حرارته زادت مانقصت جريت تليفوني ودكيت على هُذال ابچي واحچي وياها
اسينات: هذاال بابا صاير نار ونسويله كمادات ميفيد عفيه تعاااي.
هُذال: أجيتت اسيناات.
مامرت ربع ساعه وطبكت سياره مُهاف بلباب دخلت هُذال تركض طبت للغرفه مالته
اسينات: فوك بغرفتنه.
ركضت صعدت فوك فتحت الباب تقدمن كعدت يمه حطت ايدها على راسه وفتحت عينها على وسعها التفتت عليه تحچي بصوت ناصي
هُذال: صيييحييي مهااف جووه بسررعه.
نزلت جوه ركض لكيته بلباب بس شافني اجه
مُهاف: هااا
اسينات: هُذال تصيحك جوه عفييه بسرعه.
دخل جوه واني اشرتله فوك لكيتها مكعده بابا دخل مُهاف سنده ونزله جوه وصعده بسيارته اذا رحت اني تبقى نور وحدها واذا راحت نور ابقه اني وحدي لذلك رحنه ثنينه.
الحَمد الله ازدحام ماكو بسرعه فتنه وكبل للمستشفى دخل مُهاف وياه واني ونور بقينه واكفات نبچي ربع ساعه وطلع مُهاف ركضت اله
جايه بملابس البيت والكبه رايحه صفح والمناظر فوك شعري عوج
اسينات: هاا مُهاف عفيه ابوي شلون صار.
هوه راد يحچي من كلت عفيه سكت مسح وجهة يحچي بهمس
مُهاف: بلحسين شگتني بل عفيه.
نوب دار وجهة عليه وحچه بنبره اسمعها اني ونور
مُهاف: مابي شي هسه شدوبه مغذي يرجع مثل الورد.
اتصل جهاز مُهاف وهوَ رد عليه
مُهاف: هاا غهيب، اي هسه احنه هنا، مصخن مشتعل نار، يمكن، اي صار، بلسلامه.
طلعت هُذال واني طبيت وراها ميقبلون ثنين يدخلون
لكيته معلكيله مغذي وهو مغمض عيونه ملامح التعب مبينه عليه لعد شكد يحبها وشكد متستاهل هذا كله تروح فدوه الحنيه بابا هيه مكيفه چاحتها الأهلها وهوَ كلبه مفطور نصين من وراها الله لاينطيچ ياسميحه.
خلص المغذي ومهاف رجعنه للبيت بابا كوه يحچي وي مُهاف يتشكر منه نزلو ويانه للبيت ولل 12: 30 همه ما رايحين
نور: هُذال روحو هاهيه صار زين.
مُهاف: نبات هنا هُذال.
هذال: ايي عفيه اني ما اكدر اعوف خالو هيچ.
مُهاف: لا هاهيه علمود أذا رجع صخن لا سامح الله اودي.
فرشت البابا بلستقبال وغفه تعبان بسرعه نام اخذت فراش من غرفته نزلت افرشه المُهاف
دخل هو مغسل وجهة باوع على الفراش شعره يقطر مي
مُهاف: خاولي بلا أمر عليچ.
هزيت راسي ورحت جبتله خاولي باوع على الفراش مالته ورجع باوعلي قبل لا اطلع كالي
مُهاف: فراشج عالي لو ناصي؟
اسينات: شنو؟
: الفراش مالتچ عالي لو ناصي؟
: مال چربايه عالي.
: جيبي إلى ما اكدر انام على هيچ فراش اني متعود على مال چربايه.
هزيت راسي أي كل عقلي صدكته صعدت اخذت فراشي ونزلت فرشته أله نام عليه واني وكفت علمود اطفي الضوه وهوه كال
مُهاف: مبين فراشچ بي من عطرچ.