رواية أغلال زمن الغيهب للكاتبة مرمر الدليمي الفصل الحادي والثلاثون
هُذال:
صار صدى بأذني صورت غهيب تعرض كدام عيوني ما اسمع حتى شيحچون عيني تروح على خاله آيات ألي بس سمعت كلمه انتقل الى رحمه الله غمضت عيونها ووكعت
حسيت كلبي ماكو بجسمي والاشخاص كلهم ماحاسه بوجودهم
وكعت بلكاع فاتحه عيني على وسعها همام بس سمع عيطه خاله آيات دخل للبيت يركض، مُهاف حار وين يروح وشنو يسوي
لطمت على وجهي مامستوعبه اصيح بكل صوتي بدون دموع
هُذال: يييمه غهييب يييمه رجلييي.
طلع همام يركض ومهاف يذب مي على وجه خاله آيات بس فتحت شهگت بصوت عالي
فتره واحنه ماحاسين على نفسنه ولا نعرف شنو الجاي يصير كل إلى نعرفه غهيب مات غَهيب رااح مثل ماراحوو اهلي
ضربت على وجها بقوه خاله آيات تصيح فاقده
آيات: ابنننيييي ويننن مهااف ابنييي ويييينن ولكك حاچييينيي اببنييي غهييب وين.
دخلت ام همام تصيح بكل صوتها كابلت
خاله آيات وخاله آيات ماخلت شي بوجهة مادكت عليه.
آيات: ابنننييي وييين للييش تبجووون حاچونييي شنووو جثثثه شنوو ميييت اببنييي هذااا ابننييي اننييي امووت قبلله موو هوه يموووت قبلييي.
هُذال: مامييييتتت ماميييتتت غَهيب ميعووفنييي والله ميعوووفنيي لحدد يصيحح مامييتت غهييب عاااايش هوه كاليي ما اعوووفج والله كاليي مااعوفج لحدد يصييح.
ما أدري شوكت طبت النسوان كلها تعيط
من بينهم اسينات ونور بس شافنتي اسينات ركضت عليه حاضنتني تشهگ.
هُذال: وللجج اسيينااات والله ميعوفننييي غهييب ميعوووفنييي اسيينااات يكولون جثثه يجيبووون جثثه.
دفعتهم كلهم اركض للباب ما أعرف وين اريد اروح كل إلى اعرفه اريد اوصل الغهيب اريد اشوفه واكف على طوله يفتحلي ايده ويضحك يكلي ملسونتي ما ارييد اشوفه جثه ممدوده ماا اريدد اشوووفه بتابوت نفس اهلي ما ارييد
صارت بوجهي منار جرتني الصدرها
تبچي بصوت عالي
منارر: هذاالل هذذالل اصبرري تعاااي
هذالل تعاااي.
سحبتني بكل قوتها الها نزلن دموعي على خدي مثل الشلال وكعت من طولي رجليه ماشايلتني
هُذال: شصببرر مناارر شصببرر عااايش بروووحيي شلوون يعووفنيي كلبي هوه والله گلبي شلووون اعييش بدددونه النفسس الاجرره هوه تالييي يعووفني ويرووح.
انهديت بلبچي ازلغ بخدودي واضرب على وجهي شعري خصل خصل اشوفه تارس ايدي كد ما اجر بي.
هُذال: تعووفنييي غهييب تعووففنيي موو تكليي اهلل الكلبييي انتييي تعووفنييي تعووف اهلللك غهيييب انتتتته گلبيي كلله انتت ابووي وانتت اميي وانتت اخويي انتتت اهلييي كلهمم انتت رووحييي شلوننن تعوووفنيي ياحبيبيي شلووون ينطيك كلبك شلووون.
كابلتني خاله آيات تصييح بكل صوووتها
صااحت رُسل تحچي وي سفاانه
رُسل: رااح ابوووناا ووولچ ييييمه راااح ابونااا منيلنه بعددد ابوو منيلننه سفااانه راااح ابوناا عاافنه.
ام همام جرت ايد خاله آيات لان انكلبن
عيونها حمر كد الضررب عليهن
ام همام: عيينج ام غهيب عيينج.
جرت ايدها خاله آيات منها وضربت عليهن بعد اقوه تصيح بعلو صوتها مفرفحه
آيات: اعميييهنن اذااا ميتكحللنن بشووفته طووله اعميييهنن والله شللييي بعيييونني شلييي بيهنن ماتننن عيونييي ماعدييي عيون بعدد غهييب عييوني وغهييب رااح.
شكت ثوبها على طووله مكوره ايدها
وتضرب على صدرها رايحه روحها.
آيات: ووولچ ييمه هذااال وولج راااح شمعتنه راااح الززيين راااح غهييب.
كلماتها چانت مثل الجمره التحرك گلبي وي كل كلمه منها روحي تشييط تمرر كبالي كل مواقفي وي غَهيب كل لحضه عشناها سوه كل الكلام الجان يكووله ألي معقوله؟ رااح وبعد ما اشوفه؟ يعني خلص ماكو غهيب بحياتي بعد ماكو شخص كل ما ازعل الكا كدامي يحاول يسوي كلشي علمود اررضه ماكوو شخص يكلي ملسونتي ومستعد يسوي كلشي علمود يقبى محافظ عليه؟
تعبت من كلشي تعبت من كثر البچي، اني صح جاي ابجي وصح كلبي يوجعني بس احس هذا البچي كله مو على غهيب چنت متصوره من غهيب يموت خلص، اموت اني ليش الهسه بقيت عايشه؟ الشنوو كاعده اني؟! انتضرر يجيبون الجثه مالته؟ هيج الأنسان يبقى عايش ورا وفاه اهله وناسه؟
للعصر الدنيا نكلبت علينه البيت منين متباوعيله متروس نسوان الكل يصرخ والكل يلطم هاي الناس كلها تبجي وتلطم على غهيب؟ يعني صدك راح بعد مايرجع؟
دخلت سفانه ساندها عمها جاسم
ورسل من جهة ايدها بيها كانونه رجعت
كعدت بمكانها تباوع بعيونها على الناس
جرتني منار من ايدي ساندتني
منار: هذال ملابسج السود عندج لو اجيبلج.
باوعت عليها وجهي ذبلان من كثر البجي اباوع وما احچي هزيت راسي وكمت وياها امشي على الدرج وهيه ساندتني دخلت الغرفه مالتي منين ما اباوع اتذكر غهيب هنا كعدنه وهنا سولفنه هنا درسني هنا اكلنه سوه مشيت ببطئ فتحت الكنتور مالتي وكعن دموعي يحركن خدي كثر حرورتهن.
غهيب أنتَ ألي خليتني اذب الاسود، وتالي أنتَ نفسك ترجع تخليني البسه عليك؟ ايدي ما بيه حتى احركها وابدل ملابسي، منار بدلتلي سندتني حتى اكوم وكفت كدام الشباك مال غُرفه وجريت البرده اباوع على الشارع، كاعد.
ينصبون بلچادر أي چادر الفاتحه مال حبيب روحي چادر فاتحه غهيب غمضت عيوني وفتحتهم حتى غهيب ألي حلف ميعوفچ عافچ ياهذال، زعلتي؟ زعلتي لان ميثاق كال اي شخص تحبي يعوفچ؟ ليش هوه چان غلطان بحچيه هذا؟ درت وجهي المنار إلى واكفه تمسح على ايدي.
اخذتني جوه ماوصلت الاخر بايه من الدرج ووكعت مامتحمله اقاوم اكثر من هيچ احس بصوتهم يمي واحس بصوت سَلار وخالو من شالوني بس ما اكدر افتح عيوني، تمنيت امنيه وحده بهاي الحضه، هيَّ اموت وبعد ما افتح ابد، اروح يم اهلي كلهم، هناك امي هناك ابوي، رسلان، غهيب المن باقيه عايشه الحد هاي اللحضه؟
ضربوني ابره وشدولي مغدي ورجعت للبيت الچادر ناصبيته والجداري كلها بره، طبيت البيت عباره عن سواد الدنيا ليل تقريب الساعه 9
شفت مُهاف من الباب دخل عفت منار وطلعت اله مهدي وجاسم واكفين يمه ضهرهم صاير عليها اسمع مهدي يكول المهاف
مهدي: هسسه تعقدد على مررت اخووك.
ماهتميت أله والحچيه لزمت مُهاف من ايده ودرت جسمه عليها، مهدي يباوع على ايدي ويرجع يباوع الوجهي
هُذال: جبتو.
دنك راسه مُهاف حاني ضهره عيوونه حمرر هز راسه لا، صوته تعبان وبألف ياعلي يلا تطلع الكلمه من حلكه
مُهاف: باچر نستلمها.
مهدي شال ايده البيها السبحه يأشر بيها
مهدي: اخذها وروح اعقد بسع.
مُهاف دار عليه عيوونه بكصته من العصبيه الناس كلها بره عاط مُهاف ودفع مهدي من كتفه
مُهاف: اطللععع اطللععع بررره حتته حچييي متعرررف تحچييي اطلع منن خرااا بليووومم ال.
اخو مهدي جاسم وكف بيناتهم يحاول يهدي الوضع مهدي شال ايده يهدد ويصيح صوته واصل لشارع
مهدي: بلحسيننن فااتتتحه ماتنصبب الأخوووكمم اذا مااعقدتت على مرتتته.
وكفت كدام مهدي رفعت اصبعي بوجهة احچي بحركه ما هامني لا چبير ولا صغير، شأخيط واخربط ما احس على نفسي وطز بلكل، فقد غهيب طفه هلحياة بعيوني.
هُذال: أنتَ رجال جبير واني احتررمك، بسس مو بمعناتها تاخذ راحتك وتمشي الكل على كلمتك من شفت غهيب راح، اقسم بذات الله محترمتك الخاطر عمو جاسم اوامرك افرضهم على عائلتك مو تجي تفرضهم علينه اذا غَهيب راح اني موجوده ومهاف ياخذ مسؤوليته لتسوي نفسك مهتم النه لا مُهاف ولا غيره يعقد سمعت لو لاا.
مهدي: ناااس مامحترررمه أنتِ نفسس طيننهه رجلجج نفسهاااا مامحترررمه.
هُذال: ترووح فددوه الذكر اسمه وطينته يشرفك ويشرف عشره من امثالك.
عاط مهدي يدفع بجاسم يريد يجي يضربني.
عفتهم ودخلت جوه بوجهي صعدت الغرفتي اخذت تشيرت من مالات غهيب وطلعت فوك للسطح بزاويه لميت نفسي حاطه وجهي بلتشيرت مال غهيب اشم عطره وابچي منهااره دموعي عشره عشره تطيح حسيت بشي دافي نزل على حلكي ومستمر ينزل باوعت التشيرت غَهيب انترس دم رجيت راسي على الحايط اباوع للباب اتخيله يدخل بطوله ويجي ركض يكرفص كدامي ويكلي نونو شبيچ بابا شبيج كلبي ويلمني الصدره خاايف عليه بس وين؟
مابقى موقف واحد ماتذكرته من مواقفنه من يوم الخطوبه الحد كلماته قبل ليروح وكأنما يدري بنفسه راح يصير شي ويفاركنه، احاول استوعب وادخل الفكره براسي هاهيه خلص غهيب ماكو استوعبي هذال بعد غَهيب ماكو بعد دفو صوته وي كلمه ملسونتي ماكو بعد محد يحب يشوفج ناجحه حتى لو اكثر منه محد مستعد يضحي بروحه الخاطر يشوف الضحكه على وجهج.
فتحت حلكي اجر هوه مختنگه الدنيا حييل ضلمت ونسمه هوه بارده تمر عَليه غمضت عيوني وما ادري بنفسي غفيت لو لا عرضت امي كبالي تباوعلي وتأشرلي بيدها صوتها احسه بإذني جاي تشاورني مو مجرد حلم عابر صبري هذال فزيت ادور اباوع على الجهتين، رجعت ابجي بس هلمره مو بس على غهيب لا على الكل ابچي لان ماضلي احد من اهلي ابچي لان كل إلى احبهم عافوني.
تخيلو نفسكم بمكاني؟ فقدتو عائلتكم كلها وانتِ شخص ميحب يكون ثقل على احد وعشتي يم اي شخص وعرفتي بنفسج ثكيله عليه، هستوج بديتي تتأقلمين علوضع بدون اهلج وانتِ الچبيره، وبيوم عرسج ألي المفروض يكون احلا يوم بحياتج، لابسه بدلتج البيضه بس صار العكس! چان هذا الكفن مالتچ واليله هيَ القبر.
يموت اخوج الوحيد؟ بيوم عرسج! الله دزلج عوض ينسيج كل هاي المصايب إلى مريتي بيها ومن صرتي تحبينه ويومج ميكمل بدونه وقررتي تحجيله مشاعرج والي تحسين بي اتجاهة، وراها بيومين يموت ويتركج مثلهم؟
يتركج قصه عابره، قصه تحاول تفهمج بكل مره انتِ شخص انولد حتى يحمل ضيم هلدنيا ويعيش بقوقعه الحزن، أنتِ شخص اذا حبيني شخص يختفي مو بس من حياتج من الدنيا كلها، انت شخص اناني الدرجه يفضل راحته ويحجي مشاعره حتى لو وره هذا الاعتراف يرحون الغير عالم.
لاتستغربون اي اني جا اندب بحضي وأذب اللوم على نفسي واحس نفسي سبب بكلشي، شعوور بداخلي بعده عايش وماميت! بعده يكلي انتضري ولا تضعفين، يمكن هذا صوت أمي؟
ما أعرف شوكت وشلون مر الوقت، اشوف الشمس عينها بعيني كسرت عيني منها واني انزلها لان صارت توجعني من قوه اشعه الشمس الجنت مركزه نضري عليهم، ليش هوه شبقه بيه ميوجعني بفراك غهيب؟ هوه حته روحي وكلبي اخدهن وياه، صارت اسينات كدامي واكف بلباب تباوعلي ركضت عليه من شافت الدم يابس على وجهي جرتني من ايدي جوه واني كل حيلي رايح وين متوديني اروح الشي الوحيد ألي مستعده ابذل قوتي الباقيه خاطر لا انطي هوه تشيرت غَهيب البأيدي.
غسلت وجهي تبچي بهدوء عاجزه عن الحچي والوضع الأني بي، شتكدر تكول اصلًا؟ اصبري؟ لو شتكول؟ واني جنت كلشي اسولف اهلها خاصتًا على خوفي من الفقد وخوفي خاصتًا من فقد غهيب اكتفت بلبكاء اشوف الناس كلها التمت طلعت للطرمه اجر بنفسي جر اريد اوصل المهاف وكفت سانده جسمي على الباب دموعي تنزل عشره عشره، مُهاف لابس دشداشه سوده وشماغ ابيض وجهة ذبلان حيل وتعبان عيونه صايرات دم يمنع دموعه ينزلن حيذم ورامي نفس لبسه واكفين بصفه فتح ايده الرسل وسفانه وهنه ماصدكن شمرن روحهن بحضنه يشهكن ضم راسه بكتف رُسل سمعت صوت شهگه منه بچه بخنگه صوت نحيبه واصل عندي يلم برسل وسفانه الحضنه ويحچي وياهن.
مُهاف: راح ابونا يتمنه غهيب يتمنه.
شهگت بصوت عالي ما اريد اسمع ما ارييد ما ارييد احد يكول غَهيب ماات ما اريد اصدك حيذم ورامي وكفو بره منتضرين مُهاف
شهگ مُهاف بصوت عالي يعاتب بروحه
مُهاف: ياريت اني بمكانه ياريت اني الميت ببداله ياريت اني بمكانك ياكلب اخووك.
بچت رسل تشهگ صوتها متقطع
رسل: عافنه غهيب عافنه.
حضنها أكثر اباوعلة يريد يدخلهن بضلوعة، شهگت سفانة تبچي بچي تتشبك بملابس مهاف.
سفانة: هسه حسيت باليتيم اني هسه تيتمت
مُهاف رااح ابوويه راااح.
وكعت بلكاع ما كادره اتحمل صوت صريخي محتل المكان فز گلبي ولچمني حيل من دخل رامي
رامي: يلا خويه نروح نجيبه.
ابتعد مُهاف منهن يمسح بوجهة وطلع وي رامي عرفت راح يجيبون الجنازه سحبتني منار للصاله كعدت بلزاويه.
گاعدة وصافنة ما مستوعبة عيوني متشكلة على الساعة ب9 اباوع على الباب فاتت مره چبيره وبأيدها لازمه سماعه صوت وحدة تكول هاي ملاية، خاله آيات ملثمه وبس عيونها طالعه محاوطاتها النسوان
بدت تقره المُلا بصوت كلش هادء وحنين قصيده قصيدة الباسم الكربلائي
يازمن وين الاحباب
والله مليت العتاب
يمته نشتم التراب
ليش النحبهن نصير بعاد عنهم
يازمن والله كفر تحرمنه منهم
ملت حجاراتهم من كثر ونهم
ياحسافه عاشو الغربه بوطنهم.
امنيه بخاطري تدور
بس اقبل هلكبور
والله والله گلبي حيوگف على اي دقيقة ما مستوعبة اني كاعده ابچي على حبيب روحي وزوجي الكلمات كأنما توصف حالتي وانعادت عليه أيام فاتحة اهلي أيدي ترجف وبس اباوع بالوجوه ما اريد اصدك احساسي اقوى من الموت ميعوفني عندي امل غهيب ميعوفني
وصلت المُلا البيت خَلاني انهاار من كالت بصوت حنين
والله لو تدري شكثر گلبي يحبهم.
صررخت بصوت عالي اضرب على وجهي واكطع بشعريي ومنار من جهة لازمتني والثانيه اسينات
هُذال: كلبيييي كللله هووو والله هووه كلبييي.
صرت ما احس على نفسي املخ بروحي الطم على وجهي اريد الله ياخذ روحي ويريحني من التفكير والوجع، أيدي انملت دم وشعري خصل خصل متناثر على الأرض اباوع الأيدي وابچي مستهضمه ويينك غهييب ويننك جنت ماتقبل شعرايه وحده توكع منه وتنقهرر تعااال شووفه شلون كله وكع بأيدي تعااال.
ام حيذم واكفه تبچي بصوت عالي فقدت خاله آيات تدك ع وجها بكل قوتها الدم يتطافر كام من خدودها
ام حيذام: صبري روحج يا مرة الخاطر وليداتج الباقين شوفي چنتنج وبناتج شصار بيهن الله ارحم الراحمين.
خالة ايات صارت تضرب اقوه على وجهة متخبلله
آيات: ما ارييد الصبرر ولكمم شلييي بلصبرر اريد الحكك ابني اريد امووت ما ارييد الصبر من عمت عيني اذا اشم الهوه وابني جوه التراب.
ملخت روحي تملخ على صوت سفانة من گالت الرسل.
سفانه: راح ابوناا رُسل راح ابونا
باوعتلي خالة أيات تصرخ مكابلتني تدك حيل على صدرها كلماتها خلتني ادارك اني وين كاعده وعلى منو جاي تلطم الناس من كالتلي تلطم صوتها مبحوح
آيات: وللجج هذااال راااح غَهيب راااح شمعه بيتتتنه رااح ابو طول الحلو ييييمه ييييمه هذذاال راااح غهييب.
لطمت املخ بروحي اكثر صعبة والله صعبة عليه لزمتني وحدة من الأقارب والتمن على خالة آيات من دگت على صدرها وضربت على عيونها نكلبن حمرر.
ام وسن: عيييونج امم غهيبب عيوننج.
شالت ايدها خاله آيات تضرب اقوه عليهن
آيات: اعميهنن عيونييي اذا ميتكحلن بشوفه طووله اعميييهننن شللييي بيههننن شليييي ولكممم هذذااا سبعييي هذذااا اول فرررحه أليي ولكك غهييييب يممممه.
همست ابجي اشهگ النفس گوة اجرة.
هُذال: غهييبب بعدده جرحح رسلااان اخضررر بكليييي والله اخضررر تيتمت ثلث مراات والله ثلث مرااات غهيبب ييتمتنيي موو تكليي أنتِ ااهلل الكلبييي شلونن انطاه كلبك يعوووف اهله شلوووون حاچيييني
رسل حطت راسها على الحايط تنود عيونها دم كوه تحچي تعبااااانه
رُسل: يييمه يانار فراكك ياغهيب يييمه ياعيون خواااتك يلحنيينين منين نجيب مثلكك منوو المثلك غَهيب منو
لزمتني منار من شافتني أنهاريت.
منار: صبري هذال كلنا على هذا الطريق الله كاتبلنا الموت والروح مثل ما الله انطاها الله ياخذها
من الصدمة البيه دفعتها ازلغ اخدودي
هذال: يا صبررررر وللجج تيتمتتتتت ولجججج كال ما اعوفجججج عمت عينييييييي يوم خليتة يروحححح عمت عينييي سوووده بوجهييي انييي انييي كلله منن وراااايه انييي الاااحبهم كلهم يموتون ويعوفوونيي ماا ارييدد احدد بعددد ما اريييدد.
هوسة بچي نوح همسات كلامة يترددن بإذني صوتة من يگلي هذال بابا اني ابوج اني اهلج من يكلي ملسونتي ومن يستفزني ومن اضوج واجر اسمه يضحك ويفطر عليه يبوس بوجهي يكلي هاا بابا هاا كلبي
همستلي خالة سعاد تحجيلي عن الصببر وشلون لازم نقتدي بصبر زينب ع ونيت ابجي محد فاهم شعوري والله محد غهيبب هذاا اهليي كلهم والله كلهمم
: خاااله عايش بروحي والله بروحي دنيتي كلها غهيب اهلي كلهم غهيب شصبر كليلي منين ما التفت الكاه.
هدئت وسكن كلشي بيه صافنة على خالة آيات والبنات تقدمت منار حاضنتني واسينات تواسيني سمعت صوت النسوان عِلى ب جمله اجت الجناازه رااح توصل.
سحلت نفسي للباب خاله آيات تركض كدامي واكفه بلباب سندت جسمي على الباب ووكفت يم باب الاستقبال، منتضره يدخلون الجنازه وعيوني تصدك غَهيب خللص مااات عافنيي خلص ماكوو شي اسمه غهيبب بعد اخر ذره أمل بقت عندي وكفت وياي تنتضر يدخلون الجناازه دخل همام يركض مرسومه على وجهة ملامح الفررح بدل ملامح الحزن
بأيده شايل جهازه شاف خاله آيات بوجهة وضحك حچه جمله خلت الأمل مالتي كله يرجع.
همام: عاايش وللج عمممه عاايش غهييبب عااايش.
خاله آيات كل ألي ببالها همام علمود يهديها كال هيج، بچيت بصوت عالي ووكعت بلكاع ارييد بس غهييب يرجع بسس والله كلشيي ما ارييد النسوان نخبصن وعِلى صوتهم ركض مُهاف كعد على ركبه كدامي وحط الجهاز على اذني
همام: احجييي وي مهاااف يمه رااح يوصلل والله عاايش وروح عمي.
لزمت التليفون بأيدي ايدي ترجف مامسيطره اسمع صوت يم مُهاف، حچيت صوتي مبحوح اتوسل يطلع الخبر حقيقي وغهيب عايش
هُذال: مُهاف.
كلتها وحطيت ايدي على حلكي ابچي واشهگ وصلني صوت مُهاف مليان فررح ومبين بي شكد چان يبچي
مُهاف: جاييين هذاال عاايش غهييب عاايش والله عاايش ررااح نوصل.
هزيت راسي أي وانطيت الجهاز الهمام وهوَ طلع يركض صوت هلهوله وسن رنت بأذني سندت نفسي وكمت كدام خاله آيات وهيه عيونها تتوسل اكلها صح غهيب عاايش بس باوعت عليها وهزيت راسي أي شبگتني وبچينه بصوت عاالي ثنينه مامصدكين
آيات: ابنيي ميعووفني ابنيي زعلي مايتحمله موو عاد يعوفنيي والله ميعوفني غهيب ميعوفنيي.
مامرت ربع ساعه واسمع صوت الولد بره يصيحون وصلو وصلو وصوت همام يكول
هُمام: اجه ذيب اهله.
فز گلبي وي الحچايه السمعتها وصوت همام يتردد بأذني عيوني كامت تغوش من وحدها اشوف الباب نفتح بخفه وخاله آيات ركضت وما وصلت للشخص الواكف وكعت على رجليها حيلها رايح تقدم هوه عليها وكعد كدام على ركبه كدامها وجرها الحضنه
زادت صوت صرخاتي وبچي ما أدري من شنو بلضبط المفروض افرح اني صرت ابچي بلزايد.
انبح صوتي الكل ركض ألى اني ماكدرت اتحرك خطوه وحده الرجفه سارت بجسمي اخاف اباوعله ويطلع مو غهيب وصلت الهاي المرحله
ركضن سفانه ورسل اله حضنهن رفعت عيني للشخص الواكف ميلت راسي اباوعله دموعي على خدي وهوَ رغم تعبه فتحلي ايده واشرلي براسه تعاي، ركضت جاهله على الاشخاص الواكفه وراه وعلى الناس الموجودين.
اشوفه لابس ملابس سود ومترب رجله وكتفه ملفوفاات وعلامات جروح على وجهة متفرقات ماهتميت الكلشي اهم شي هوه عاايش شمرت نفسي بحضنه متعلكه بركبته ابچي بهستيريه واشهك بصوت عالي كلامي نصه مامفهوم
هُذال: عااايش غهييب أنتَ عاايش ماعفتنيي رجعت غهييب رجعتت.
حضني حيل وهمس بأذني صوته تعبااان
غهيب: كتلج گبل ما اهدچ ابد.
ابتعدت منه لازمه وجهة بين اديه وابوس بي مامصدكه عيوني غهيب رجعلي، صوت الهلاهل صارت بفلس حته صياح قبل ليكولن عايش مو هيج عالي
كلها دخلت للطرمه مالتنه واني مامنتبهة على اي واحد بيهم لزمني غهيب من أيدي وعكس وكفتي، فتحت عيني على وسعها واني اشوف ساجد واكف بصف سكندر، بسرعه درت وجهي على غهيب هستوني ردت أكول ساجد وغهيب ضغط على ايدي بخفه بمعنى لاتحچين.
ساجد ابتسم بتعب يباوعلي سكندر واكف بصفه مدري شهمس اله وساجد نزل راسه ميباوع الغهيب ويضحك، ما أدري افرح بجيه غهيب لو ساجد، حسيت روحي طاايره بلسمه وخاله آيات تبچي وتحضن بغهيب وتهلهل بكل صوتها، تقدم جاسم وربت على ضهر غهيب وحچه وياه بصوت ناصي، غهيب هز راسه اي.
باوعت بلوجوه اريد اشوف مُهاف وين ماموجود! ثواني وصوت الدك العزف صار بأذنه همام سحب غهيب البره مُهاف جايب فرقه مسيقيه، وسن هلاهلها طرمت اذني ام حيذم سحبتنه كلنه فرحاانه تمشي كدامه كلبها يريد يطلع من الفرحه
ام حيذم: ذبن الاسوود صعددن ذبن الاسوود بسع قبل ليطب غهيب.
واحنه ما كلنه لا، ركضنه بدلنه ملابسنه ونزلنه جوه ام حيذم كضت الملايه تكلها اقرينه افرااح وخل نصفك والملا تتعذر منها تكله اني اقره بس على الحسين ما اقره افراح وام حيذم تكلها
ام حيذم: لااا لا على بختتج وفرحتنه كدامج صارتت وهاي جنتي هم مافرحت الها بلخطووبه لان دربنه بعيد ورحنه مستعجليين.
الفاتحه نكلبت عررس من صدك الكل يضحك ومكيف ناس تطك اصبع وخاله آيات مكعديها على الكرسي ركضت جبت الها مي وسفانه حطت العبايه على راسها تدفع بيها
سفانه: طلعيي شووفي غهييب طلع براا وياهم هووسيله ييمه.
وخاله آيات من فرحتها راحت تركض باوعت على وسن تضحك تباوع على الباب استغفرت ربي نوب اخاف احجي ومو وكتها، حصرتني الضحكه من تذكرت غهيب من كالي اذا متت وسن تبجي عليه واني اكله ما اصيح ولا اعيط وشعري ما املخه عليك وكفت كدام المرايه وصفنت على وجهي العيون شريانهن احمر وخدودي مزرفه من كثر ما خرطتهن وشعري؟ واني امشي يوكع وراي.
خاب هُذال عسى ما تبقين بس عضام اشو غهيبب ورجع بعد شتردين نوب اصفن واكول لا هسه يكول لو ميت اشرفلي ولا اشوفج هيج
نور ومنار كاضات النسوان اله تتغدن يلا ترحن وماخلن ولا طير يروح رُسل تفتر طايره من الفررحه دخل حيذم اني صرت بوجهة وهوه يهمس
حيذم: الخاايس هوه بي حيل يوكف وانتَ جايب ذول الملايچه.
سكت من شافني بوجهة
هُذال: جاي تحچي على مُهاف.
رفع ايده يسوي نعلعله
حيذم: خرب شيبه نعلاان.
هُذال: يااا شبيك.
حيذم: صيحيلي غزاله صيحها.
عكدت حاجبي مستغربه
هُذال: منو غزاله؟
مسح وجهة ودار وجهة
حيذم: نوور نوريه صيحيها.
دخلت جوه اشوفهن كلهن يفترن ويلمن بلبيت
هُذال: غزاله وينها رجلها يصيحها.
دارت نور عليه ابتسمت وهزت راسها فززتني اسينات من كالت
اسينات: غزااااااله اهاااا لعد شو اني سمعت ام حيذم تكلج غزاله مره موو حيذم بكبره.
نور: سكتي اسينات.
اسينات: يصيير خير ان شاء الله غزاله.
نور:.
باوعت بلمرايه كدامي شفايفي بيض ووجهي شاحب ولابسه اسود يعني فاتحه شتردين تلبسين احمر، ضربت على خدودي بخفه علمود يصيرن حمر لعد شسوي عمي اذا اطلع الحيذم هيج هسه يشرد بلعباس
مسحت وجهي وفتحت الباب نحسبت من ايدي وادين اكبار حاوطتني توني اريد اصرخ بس من الوشم البركبته الطيور ال 3 صار كدام عيني عرفته حيذم حاضني حيل منزل راسه الشعري يسحب منه نفس ضليت ساكته گلبي يدك حييل وهوَ كال بذبول.
حيذم: مشتاگلچ وحگ شوكي النضره عيونچ.
ضميت وجهي بصدره استحي احچي ويجي ببالي اول مره من حضنته وافشلتاااه وامصيبتااه هاي كل ما اشوف حيذم استحي عبالك هسه حاضنته، استغفرت ربي من تذكرت الموقف ابتعدت منه اباوع الوجهة من اروح فدوه الوجهة، هوه صاير كدامي مغطي الشمس بضهره ميلوحني منها وبس ضله كدامي
ابتسم يباوع الوجهي يحفظ تفاصيله عيونه تتنقل بين عيوني همس قريب عليه
حيذم: هسه اكدر أكول غزالتي؟
نور: ليش چنت مقصر انتَ على اساس؟
لزم ايدي يمسح عليها مبتسم رفعها لشفايفه وباسها باوع لعيوني وكالي
حيذم: چنتي بس غزاله هسه صرتي غزالتي مالتي.
ابتسمت اباوع الوجهة شلون يحچيها وعيونه تلمع بعدني ما حاچيه وسمعت صوت شهكه خاله حنان
ام حيذم: ياااع صخاام ولك خاتل بلبنيه واني ادور عليها.
عبر ايده على كتفي حاضني موكفني بصفه
حيذم: شني بنيه كولي مررتك مرتي هاي مررتي.
ام حيذم: دوخر ايدك منها ياماتستحي.
نزل راسه المستوى وجهي وعكس وجهة وباس خدي شواربه جگگت وجهي ضليت بس فاتحه عيوني اباوع الأمه مستحيييه حيل منها اكرص بأيده مايوخر ولا يحس
حيذم: غير مرتي ياا يمه يامستحه.
ام حيذم: استهلست كلش حييذم ستهلست.
حيذم: استهترت يمه مو ستهلست.
ضحك حيل يباوع عليها وهيه جرتني وياها ومشت تحچي وياي
ام حيذم: مو خوش ادمي هذا استهلس.
نور: ستهتر خاله مو ستهلت.
دارت عليه فاكه عيونها حيل ضحكا اباوع الها وهيه عافتني ودخلت جوه التفتت على حيذم حاط ايده بجيوبه ومبتسم يباوع النه شمرلي بوسه بلهوى ضليت ساكته عفته ودخلت جوه.
هُذال: عم غهيب جره من بينهم من شاف غهيب كلش ماله خلك وكوه واكف ترخص منهم غهيب ودخل جوه خاله آيات ركضتله تحچي وياه
آيات: روح يمه ارتاح.
هز راسه اي يحچي بتعب
غهيب: خل هُذال تجي وراي.
اشرت على عيونها الأثنين واجتني للمطبخ بدون متكول صعدت وراه للغرفه بس فتحت الباب شفته ذاب التشيرت مالته دار عليه فاتحلي ايده
غهيب: نونو.
رحت اركض شمرت نفسي بحضنه ابچي واشهگ
هُذال: عايش أنتَ غهييب ماعفتنيي عايش مامييت.
دافن وجهة بركبتي يجر نفس متحسر مشه خشمه من ركبتي الحد الزاويه الورا أذني
غهيب: ميت أنا خليني اشوف الشامه البزندچ واعيش.