رواية أغلال زمن الغيهب للكاتبة مرمر الدليمي الفصل الحادي عشر
اسينات: هُذال منو حسام؟
فتحت عيوني على وسعهم
الدموع تارسه وجهها وشهگتها تشك الگلب
هُذال: سكتي لايسمع خالو.
: هُذال منو حساام!
كمت وكفت كبالها ألتفتت على رسلان نايم حطيت عيني بعين أسينات
هُذال: حبيب أمچ.
فتحت عيونها شاهكه بچي جريتها الحضني أمسح على راسها أبچي وياها لكيتها حجه لأن من صدك أني مختنگه حيل
: أش اسينات صوتچ ليسمع خالو ما أريده يتأذه هسه أكيد اجه.
بچت بحضني روحها رايحه، منين تعرفين أنتِ.
لميت شفتي الداخل حلكي، معليچ لاتهتمين مو غلطج هذه.
: هُذال أحچيلي لاتشلعين گلبي.
: سمعتها تحچي وياه.
رفعت راسها تبچي باوعت للباب دفعتني تريد تروح السميحه فتحت عيوني على وسعهم ركضت لزمتها أهدي بيها وهيه تدفعني
هُذال الأماسيل: اسينات، اسينات، بس أنتبهي عوفيها عوفيهاا حراام عليچ تفصحيها من ستر مسلم سترهُ الله.
دفعتني مختنگه تحچي علي، لچ هيه هاي شكول مسلم تعرف الله هايي تعرفه؟
: سكتي اسينات سوي نفسچ ماتدرين.
: شلوون شلوون.
وكعت للكاع تبچي لامه رجليها الصدرها
اسينات: شنوو الذنب المسويته حتى أتجازه بهيچ أم الهلدرجه أني موزينه الهلدرجه الله ميحبني.
هُذال: أشش اسينات شنو هلحچي أنتِ شعليچ ماعليچ ذنب الذنب بأمچ ألي مافكرت حتى بيكم قبل لاتلعب هاي اللعبه لعد چان هم كلت هيچ اني من ماتو اهلي؟ الله من يختبر العبد بهيچ اشياء يشوفه بيهم هوَ يحاسب أمچ.
: مو أم هاي مووو أم موو أمييي.
: اسينات عفيه بداعتي عندچ اسكتي ولاتكولين حتى النور فدوه اروحلچ.
هزت راسها أي تبچي، ضليت حاضنتها ساكته كعد رسلان أشرت الها تسكت.
فتح عيونه بس شافني أجه يركض ولاعبالك هستوه كاعد من النوم
رسلان: مااااماااا.
أبتسمت أمسح بوجهي: رسلانيي.
حضني حيل وأني ابوس بشعره وخدوده لزمته أدغدغ بي وهوَ يضحك يفر براسه لا وشعره ينثر على عيونه
رسلان: لاااا، ماما، ههههه، مااا، ماااا، لااا، ههههه.
هُذال الاماسيل: هههههه أروحلك فدوه اني يعيون ماما.
أشر على بطنه، جوعان.
: أدبسزز صاير بس تنام بعد ماكو نوووم نرجع نقره الأحرف.
هز راسه اي اخذت ايده ونزلت جوه يفتر يمي بلمطبخ سويت أكل حطيتهم بصينيه ومريت من غرفه نور اسمع صوت بچيها بصوت ناصي فتحت عيوني على وسعهم هم سامعه! رجعت الصينيه بلمطبخ ورحت فتحت الباب على كيفي نايمه تهز براسها لا عكدت حاجبي تقربت يمها وأسمع حچيها مخربط وهيه نايمه تبچي.
نور: لاا، لاا عوفني، لاا، اريد اروح عوفني
هُذال: نور كعدي نور.
لزمت كتفها وهيه فزت بسرعه شافتني بوجها بچت لامه وجها بأديها.
: بيچ شني نور؟
هزت راسها لا، بلعت ريك مرتبكه اريد أسحب لسانها
: لعد ليش تبچين.
: حلمت حلم موزين.
: أها تمام، اعتقد سمعت سميحه تصيحج.
رفعت راسها تمسح بوجها: هسه اشوفها.
أمنت ماتدري عفتها ورجعت للمطبخ اخذت الصينيه وصعدت فوك من صدك لعبانه نفسي حتى من أشوف خلقتها اسينات متغطيه بفراشها.
هُذال: تعاي اكلي.
اسينات: ما اريد.
: أسينات!
: هُذال عفيه لاتلحين عليه مااريد.
: تمام لعد اني ما اكل.
رسلان: حتى أني.
كتف أدينه وكعد يم الحايط ماد رجلينه وخرت البطانيه اسينات تباوعلنه ثنينه رجعت باوعت عليه
: هُذال!
: والعباس ما احط لكمه بحلكي أذا متجين بعد حلفت وحتى رسلان ويانه.
زفرت نفس ضايجه كامت أكلت وياي شويه غسلت ورجعت لفت راسها ونامت متغطيه حقها الموضوع مو سهل عليها أمها هيَ بلنهايه.
قربت الأمتحانات وعلاقتي بغهيب نوعاً ما زينه بس أكيد ماتكمل أذا مو نهايه كل يوم أو بدايته نتناكر بعدنه نفس قبل نتعارك بس صار حتى لو متعاركين يسأل اذا عندي صعوبه بلمواد لو لا.
باچر أول امتحان ألي الخوف ماكل گلبي ضليت للصبح أقره كمت بدلت حته ريوك متريكت بس سويتلي أيس كوفي سمعت دكه الهورن مال سياته غَهيب أخذت محفضتي والكتاب وطلعت.
هُذال: صبااح الخير.
غَهيب: صباح النور، شلون المعنويات؟
: شلونها يعني خايفه.
: على شنو هيه سلاميه؟
: هسه ياعيني دخلينه نتأثر عود خايفين ومتوترين خل نطرد عيون.
أبتسم يهز بأيده: متسمحين الأحد يتعاطف وياچ وتنطي نقطه ضعف.
أبتسمت اباوع للطريق وكلت بدون انتباه: چا موزين هيچ؟
مارد درت وجهي أباوع عليه عيني على الطريق مارد عليه هذه شبي شنو ميسمع درت وجهي للجامه ضايجه أذا ميغثني ميرتاح
شويه وكال بهدوء
غَهيب: صايره تحچين بل چا؟
درت وجهي عليه ضايجه اريد اعاركه.
: ماا اجاوب عليك.
رفع حواجبه وهز راسه
: بس هسه جاوبتي؟
ضليت ساكته
: لا زين زين.
: شنوو!
: مو كلتي چا موزين؟ رديت عليچ.
عكست كعدتي أباوع عليه أشرحله بأيدي
هُذال: بس باوع باوع يعني أنتَ هيچ من الله خلقك تغث الواحد لو هاي أنتَ تغث الواحد بأرادتك يعني باوع والله أنغث اني بطل هذه الطبع لاتغلس من أحچي وياك.
بقه ساكت ضليت أباوعله الدمعه صارت بطرف عيني من القهر مااجاوبنيي كلت عوفي هُذال صديت وجهي للجامه وأكل الروحي أسكتي عوفي لاتحچين اخر شي ماتحملت ودرت عليه
هُذال: غهييييب
ضحك حيل متونس ورد بهدوء
: ها عيني ها بابا.
: لاتغلس من احچي وياااك.
: غير أغير من نفسيتچ قبل الأمتحان.
: لاتغير عفيه لاتغير.
: هاذه هوَ.
طبك السياره دخل هوَ واحنه بقينه بره كلنه متجمعين منتضرين يدخلونه للقاعات اسينات بصفي واكفه تراجع.
وكف غَهيب بباب الأداره والبنات كلهم متجمعات هنا يعني كبل صارت الأنضار عليه
غَهيب: هُذال.
: ها.
رحت وكفت يمه والبنات وراي يباوعن لف اللفاف على ركبتي وطلع شعري همس قريب عليه
: راجعين زين.
هزيت راسي أي دخل للأداره
واني رحت يم اسينات كعدنه يم الشجر نراجع
اسينات: أحممممم
عرفتها على شنو تلمح وتريد تحچي
هُذال: وسم اسكتي.
: ما ملاحضه أنتِ متقبله غَهيب ومو مثل قبل بس ينجاب طاريه تعبسين؟
: لا مامنتبهة ولا اريد انتبه قبل رزلني من وره عركه البنات اول ماجيت وضليت حاقده عليه هسه جاي اشوفه حباب واحجي وياه طبيعي وانتهى الموضوع.
اسينات: اي صح تتتتبيعييي تحچي وياه تتتبيعيي وهيه من توكف يمه صوتها هوه كوه يسمعه من كد الرقه صلاوات.
هُذال: يارقه شو تخرطين هوَ غير كل ماحچيت يكلي تذكرين من ركعتي راس البنيه بلرحله ومن ضربتي البنات هيه بقت رقه.
اسينات: هههههههههههه والله صدك.
راجعنه وشويه وصاحونه للقاعات قبل لاندخل غَهيب كالي
غَهيب: أني اتأخر من اخلص مراقبه تلكين مُهاف بلباب من تطلعين روحي وياه.
هُذال: چان رجعت مشي ليش كتله.
: لا، سمي بسم الله قبل لاتبدين.
هزيت راسي أيَ أجتني اسينات تركض بنص الممر
اسينات: أماسييل شنو الدعاء عفيه نسيته.
هُذال: ردي ورايه.
- اللهم اني استودعك ما قرأت وما حفظت وما تعلمت، فرده لي عند حاجتي إليه انك على كل شيء قدير اللهمّ ربّ السماوات والأرض ربّ الناس أجمعين، سهَل عليّ هذا الأمتحان، واجعله يسيراً خفيفاً عليّ، اللهمّ أجعل كلّ إجابة واضحة أمام عيني يا رب العالمين، اللهمّ إنّي أسألك خير هذا الإمتحان وخير ما فيه وخير ما بعده، اللهمّ إنّي أعوذ بك من شر هذا الأمتحان وشرَ ما فيه وشر ما بعده لي ولكل من شارك الرساله، يارب العالمين.
راحت تركض وأني دخلت القاعتي امتحنت وطلعت الحَمد الله مجاوبه حتى تفائلت بلامتحانات واساسا هيه السلاميه سهله صدك لكيت مُهاف واكف
هُذال: السلام عليكم.
مُهاف: وعليكم السلام، شلونچ.
: زينه أنتَ شونك.
: زين رسلان شلونه؟
: أفف موتني رسلان دا اعلمه أحرف قبل ليدخل مدرسه وبس يسخت.
: هههههه اريد أجي اخذه باچر.
: وين.
: نفتر حييل حابه هذه الفصعون شوكت تخلصين امتحانات وتزوجون ويجي يمنه.
: بسم الله اليوم أول يوم.
: وراها بسبووعين العرس موو؟
: أن شاء الله أذا بقينه الذاك الوكت محد مطلك الثاني أني واخوك.
: هههههههههه لا اني هم مستغرب صار الكم كم شهر؟
: 8
: اي هاهيه عبرتو البدايات شلون تراهمتو ما أدري انتِ شخاط وهوَ بانزين.
: يمعود كاضيها من الروس.
: الله يحفضكم أن شاء الله.
سكتت مارديت
مُهاف: ها ماكو أن شاء الله.
هُذال: الله وأكبر نفس اسينات أنتَ واكفلي على الكلمه.
ضحكنه ثنينه وهوه وصلني ضل واكف ينتضر اصيح رسلان يشوفه جبته اله لحيت عليه يدخل جوه ماقبل رسلان كيف عليه ضل يحچي وياه شايله يبوس بي
مُهاف: شو كول عبيبي؟
باوع عليه هز راسه لا: ماما مقبل.
مُهاف: شاورني.
هز راسه أيَ بحماس وشاوره صوته وصل ألي
: عبيبيي.
عود ردت أخزره بس متنه ضحك اني ومُهاف
هاي عود اني ما اسمع
هُذال: رسلااان شنو كتله؟
رسلان: هذا سرر موو؟
مُهاف: اي يابه سر سر.
طول فتره الأمتحانات اروح وي غَهيب وارجع وي مُهاف وهمات ميروح أذا ميشوف رسلان لو ياخذه ويرجعه المُغرب حييل حابه رسلان ومتعلق بي حته مرات يتصل عليه ويفتح كام بس علمود يسولف وي رسلان من اخلص امتحان بس ارجع ويكمل مراقبه غَهيب يتصل عليه اذا مجاوبه لو لا وبيوم امتحان الانكليزي فتحلي كامره يشرحلي المواضيع المفاهمتهم والحمد الله جاوبت
خلصت أمتحانات الحَمد الله فاتحتني ام غَهيب بلموضوع وكالت.
آيات: أنتِ وغهيب بيت خاص أذا تردين وأذا تردين ويانه الچ حريه الاختيار ورسلان وياچ اكيد.
هُذال: لا خاله وياكم أني كلش افتقد أهلي على الاقل انتو وياي موجودين دائماً.
ما أعرف الصراحه أيَ ما أعرف شجاي اتصرف وشجاي اعيش راسمه ببالي أزوج، اكمل دراسه، أربي رسلان، وخلص الكلشي ثاني ممتخيله ولا مخليتله حساب او مكان خاص تحتوي هاي المشاعر ألي مااعرف راح تصادفني لو لا؟، بديت اجهز العرسي الكُل فرحان والكل يحسسوني الوضع عادي، كعدت وي نفسي وأكول النفسي عيشي كلشي بلحضته لاتضمين أي شي بكلبج طلعي من مود الحزن الأنتِ بي عوفي جو الأكتأب طلعي من قوقعته.
رحت البيت غَهيب علمود نطلع نجهز كاعدين منتضره غَهيب يخلص مُهاف مكعد رسلان بحضنه وسفانه بصفه وام غَهيب تحچي وياي
مُهاف: بعد مابقى شي وتجي يمي بعد ابد متروح.
رسلان: أبد؟
سفانه: لا مو بس يمه يمي هم.
مُهاف: أنتِ سكتي باچر عكبه تتزوجين اني اني رسلان ابد مااروح.
سفانه: نايمه على كلبك.
هُذال: ليش أنتَ متزوج مُهاف؟
مُهاف: ابد.
أبتسمت رديت، أي أنتَ يجوز متزوج بس أني اطلع ببيت وحدي واخذ رسلان وياي.
آيات: ها هُذال صدك؟
مُهاف: لا هُذال تعودت عليه وعلى الكيك
هُذال: ههههه اشاقه وياه خاله.
نزل غَهيب رحنه أني وياه نشتري الغرفه رسلان لازم أصبع غَهيب الأبهام حييل يحبه يشيله يشمره بلهوى ويكله
: أزوجك هندس
وهوه يكيف رسلان ويرد عليه، تصير عبيبتي؟
غَهيب يتسودن عليه لو يشمه لو يبوسه أختاربت غرفه حلوه بيضه وبيها رصاصي.
أخذنه غَهيب للمول نجهز كم غرض مرينه من نفس المكان الشفنه بي بعض أول مره باوعت الغهيب مركز على المكان رفع نضره أي ساكتين ثنينه وعت صار بمستوى رسلان يأشر على المكان
غَهيب: هنا شفت ماما هُذال.
أبتسمت على كلامهم ورسلان لان صار بمستوا ثاني ركبته باسه بخده ورد عليه
رسلان: وانتَ بابا غَهيب.
طلع اصابعه يحسب عود يشوفه أنتَ صرت الأب الثاني درت وجهي منهم أمسح بدموعي غصه بداخلي كلش چبيره غصه لأن دا احضر العرسي واني بهلعمر وبدون أمي وأبويه.
كلملنه شرايه وطلعنه وصلنه للبيت ورسلان كوه عاف غهيب كاعدين بلساره نزلت ورسلان ضل كاعد بحضن غهيب بلصدر ميقبل ينزل افتريت من جهة غهيب واكفه فتحت باب كاعدين سوه واني واكفه يمهم ثلاثتنه صايربن قريبين على بعض كرص غهيب ارنبه خشم رسلان يحاچي.
غهيب: ضاملك مفاجأة بس ارجع اصورها ألك.
أشر بأيده هواي فاتح كل أيده، هيچي چبيره؟
: أي، يلا تروح وي ماما علمود ارجع وأصورها؟
رسلان: ايييي يلا بيباي أعبك.
أبتسمت غهيب وأني اتسودن من يحچي هيچ
هذال: رسلان أحبك أحببك مو أعبك ليش متاخذ كلام؟
تقربت أريد اخذه وغهيب أشر على خده زعلان منه
: هاي شنو ماكو بوسه؟
لزم وجه غهيب بثنين أديه وباسه حضنه غهيب مبتسم أنتبهت الغهيب يموت على الأطفال يعني حيل يحبهم من صدك وخر منه رسلان ومد خده
رسلان: بوسني بعد اني.
ضحك غهيب عضه وباسه من خده مبتسمه أباوع عليهم حييل مرتاحه من هذه الجانب من رسلان لان كلهم يحبو وحيل احب علاقتهم بي تلاشت أبتسامتي من رسلان شال أيده واشر على خدي قريبه عليهن كُلش وكال الغهيب
رسلان: بعد ماما.
صفنت بوجه غهيب وهوَ باوع عليه بدون تردد تقرب باس خدي رجف جسمي من ملمس شفايفه على خدي بعدني مامستوعبه ورسلان صاح
: بعد انتيييي.
فتحت عيوني على وسعهم وغهيب أصلا ولا يمه عااادي بقيت بس صافنه بوجوهم فززني صوت غهيب من كال
غهيب: يلا هذال تأخرت!
غمضت عيوني بسته بخده وابتعدت نزلت رسلان وطبيت جوه حتى ما ألتفتت وراي أيدي على كلبي حته خفقان صار عندي.
بين سوالف سميحه اللي ما تخلص والمشاكل ضايجه مني حيل وترفع ايدها وتدعي كل متشوفني ما انكر تحز بداخلي بس اغلس واسوي نفسي ما مهتمه اخذت رسلان وصعدت فوك مختنقه من كلامها كل كلمه تفتح جروح ظلت شهور ادور خيوط تسدهم
سميحه: جنان ارتاحت بكبرها واني ابتليت بنت لا ام ولا اب عايشه يمي تشحت كلمه ال يمه.
امشي خطوات بالدرج واتعثر الدموع غوشت طريقي سديت باب الغرفه بدلت ملابسي بعد ما انزل جوه لبست لبس مريح كعدت على الجربايه رسلان ياكل رمان افلسله يحجيلي شلون يومه رغم چنت وياه واستمعله صعدت اسينات كاشه روحها من امها وتصرفاتها بالساعتين احنا كاعدين اني بس اريد رسلان ينام علمود ابچي براحتي أتصل غهيب الساعه 1: 30 كاميرا اسينات لفت روحه بالغطاء وحطت راسها يمي وفتحت علي
هُذال: ها غهيب.
غَهيب: نسيت أتصل على رسلان افتحي كامرا خل أوفه شسويتله.
فتحت الكاميرا مالتي ووجهتها على رسلان نايم ومبرطم شفايفه شعراته الناعمات يتحركن وي الهوى اليدخل من الشباك، بعدت الكامره من رسلان كتفي نصه طالع
مركر عيونه على مكان الشامه البكتفي دار الكامره على غير جهة وبعد راسه مدري شهمس بينه وبين نفسه رجع راسه للكامره
هُذال: شوفني أني؟
هز راسه أي شال التليفون وفتح غرفه جدارها احمر وبنصها رسمه چبيره لسبايدر مان وسرير وغرفه كامله.
غَهيب: هاي الرسلان.
هُذال: تجنن.
طلع منها ودخل لغرفته ثبت الجهاز على الميز كدامه هو ساكت واني ساكته اسينات من ورا الكاميرا تاشر بيدها يعني عضلات غهيب ملابس تيشيرت من يحرك ايدي يبرزن عضلاته سحب باكيه الجكاير ورث الجكاره وشمر الجداحه ساكت عكد حاجبه وانا كل بالي وي حاجبه المطبور شكد حابته
غَهيب: هُذال.
هُذال: همم.
شال عينه من كتفي وباوع بوجهي زفر دخان الجگاره مصغر عيونه.
: ضايجه؟
بعدت عيني من الكامره ألف بلحاف على أصبعي هزيت راسي أحس بس اريد واحد يحاچيني علمود أبچي.
اسينات متسرسحه كبالي وكلساع ترفع أيدها تسوي عضلات كال غَهيب بصوت هادء
غَهيب: مني؟
سينات حست على روحها وكامت من يمي شارده عكدت حاجبي
ورديت، لا، ليش اضوج منك؟
غَهيب: يعني، مرشح بلقائمه دائماً.
سفانه:.
نزلت جوه الساعه بلوحده ماما ومُهاف كاعدين يباعون على البلازمه كعدت وياهم على الواهس
مُهاف: اهوووو هم اجت.
سفانه: مُهاف شبيك وياي والعبااس ابچييي.
عبر ايده على كتفي يضحك
مُهاف: شبيچ بويه غير اشاقه وياچ.
آيات: تسكتون لو اطردكم خل اشوف هذه شراح يسويييي.
تقصد على البطل سكتنه نباوع كلنه اتصل جهاز مُهاف رفعه سكندر أبو هندس.
رفع خط عليه شويه وسده منه باوعلي
مُهاف: غَهيب كاعد؟
سفانه: اي مساع مريت من غرفته وسمعته يحچي بلفون.
مُهاف: ويامن.
سفانه: وي هُذال.
بس كلت هيچ ماما عافت المسلسل وصدت عليه، شيحجون هم سمعتيهم؟
مُهاف: ها يمه؟
سفانه: أي سمعته يكل الهذال ضايجه مني نوب أني والله الصدك اخذني الفضول وحطيت راسي يم الباب ماا اصدك اجه اليوم الغهيب صدك يحاول يراضي احد غيرنه هههههههههههههههههه
ابتسمت امي مكزكزه عليهم: اوي ياعمري الله يحفضهم.
مبتسمه وياها وحسيت على ضربه خفيفه على راسي من مُهاف، ليش تتصنتين متستحين.
سفانه: اووووي هسه وذا هيه سوالف عاديه.
مُهاف: لاتعيديها سفانه
: أيَ خوش بس أنتَ ليش سألت.
: سكندر يدك عليه ميجاوب وأتصل عليه يسأل عليه.
: يحير بمرته يحير بسكندر والله حلوه.
آيات: خلصتت سالفتكم؟ يلا طلعو بره لو تسكتون راح أعيد الفلم من البدايه كومي سفانه كومي سوي شاميه.
سفانه: أيَ والله نسوان اخر وكت.
آيات: امشي أمشي.
هزيت أيدي لو ادري مانازله مُهاف يضحك عليه وامي كضتني تعاي سوي شاميه دكولي نومي بصره ولفي راسج ونامي وطفي الضوه ونامي شنو فلم شنو شاميه شنو طلعو لو تسكتون
سويتلهم شاميه وصعدت فوك فتحت تليفوني حچيت وي اسينات شويه هلفتره كلش مندمجين كعدت تشكيلي من هُذال
اسينات: لچ هيه طردتني بطريقه غير مباشره وأني بعد شسوي عفتهم وكمت.
سفانه: الله تصنتي عليهم شيحچون.
: ميحچون مثل البشر بس يتعاركون.
: لا ولچ اني سمعته يكلها ضايجه مني.
: ههههههههههه ايييي چنت موجوده
: أوف اخيراً اجه الوقت هذه وشفت بي غَهيب مهتم الأحد غيرنه.
: بس تدرين صاكر المدرسه صكر رغم هوه لا يصيح على البنات ولاينقص درجات بس كلها تخاف منه بستثناء هُذال طبعاً.
: هوه صح عصبي مرات وتشوفي تكولين قاسي بس هوه حيييل حنين وميضلم احد.
: دكولي يا الله هوه غير اول ماداومت هُذال صارو من الروس.
: ليش شبيهم؟
: هُذال ركعت راس بنيه بلرحله مره.
: عزززه.
: ومره ضربت بنات ثنين راجديات وتدفر.
: ياا يااا هايي هُذال؟
: لعد شنو عبالچ فقيره ترى رب الوكاحه متقبل أحد يسيء وياها أبد.
: ونبي هوه الزين.
: هسه تمشي استاذ غَهيب على سراط المستقيم.
: هههههههه ولو هوه مابي شي بس يلا تمونين.
: اوف متت برد حسبي الله عليها وعلى اخوج.
: تحملي تحملي بس هلشهر.
هُذال:.
أبتسمت اله من كال مرشح بلقائمه حيل حباب هالفتره مدري لان تعرفت عليه اكثر حسيته هيچ صرت دائماً اناكره من اروح الصبح للدوام وبلرجعه نتصالح مره يومين ما داوم اليوم الثالث راسلته وما رد عليَ عفته براحته هسه اجه ببالي اسئله
: شنو مضوجج؟
رفعت كتوفي وبرطمت شفتي السفليه بمعنى ما أدري وخرت راسي من الكامره مسحت عيوني ورجعت
غَهيب: الخنگه هاي كلها ماوراها شي؟
هُذال: أي هيج اشتاق الماما وبابا واضوج وحدي ماكو شي.
هز راسه أيَ طفه جگارته ثنينه ساكتين هوَ يباوع على كتفي وأني اباوع على طبره حاجبه
يعني عذراً على التدخل مني بس ماتحملت احب اكلكم ثنينهم مسودنين جدد شنو شامه شنو طبره شنو فاتحين أتصال ههههههههههه سودنوني وياهم وأني الكاتبه يلا يلا رجعو اندمجو
غَهيب: أنتِ هيچ لبسچ ببيت خالچ دائماً؟
هُذال: لا بس من أريد انام.
شغل جگارته واخذ منها نفس، سولفي لاتسدينه.
رديت، ماعندي سالفه.
: عندچ.
: سؤال هوَ.
: أي سأليهن لاتخلين رشاشتج تبرد.
: قبل سبوعين أختفيت يومين ومن سألتك مجاوبت ولا سفانه هم، شنو السبب.
زفر دخان الجگاره على الكامره وبقى ساكت فتره اني هم سكتت ردت أسد الاتصال وقبل لا أدوس الزر الأحمر أجاني صوته يحچي بهدوء
: أتعصب، ومن أتعصب أنعزل.
: ليش؟
مسح وجهة، عصبيتي مؤذيه.
هُذال: عصبيه متبرد 3 أيام؟
هز راسه، وأحتمال أكثر.
: عاد السالفه تستاهل؟
: من منضوري؟ أي
: اذا تضل هيچ تمرض!
طفه جگارته الغرفه صارت عباره عن دخاان شال عيونه للكامره الوجهي ونزلها الكتفي البي شامه وهمس
غَهيب: بلحالتين مرضان، عصبيه أو غيرها.
هُذال: أني عكسك أعيش حزني بوقاه وعصبيتي بوقتها يعني ما اتعصب على كل الأمور سوه يجوز أنتَ مچنت تعيش عصبيتك بوقتها ف تاخذ فتره على نفس الوضع.
: همم.
: إي.
الساعه راح تصير ب 3 الفجر هواااي صار نحچي ولا حسيت.
هُذال: غَهيب خل أتوضى بعد نص ساعه تصير الصلا.
بلع ريك عيونه على وجهي.
غَهيب، هُذال؟ طلب.
: كول؟
: راح أسوي شي ضال بنفسي طول الأتصال، لاتفهمين غلط.
: شنو هوة؟
: روحي صلي وعود اني اتصل عليچ.
: تمام.
سديته منه ورحت توضيت فتت للصاله اسينات لافه روحها بلغطى وكاعده
اسينات: صاررلكم ساعتين ونص يابشرر اريد انطمررر.
طبعاً اخلي اللوم كله عليه؟ لا لازم أركب السالفه براس غَهيب وياي
هُذال: اييي شبيچ شمدريني هوه يحچي هواي.
غمتني وطبت للغرفه فرشت سجادتي وصليت هستوه خيط الفجر يبين الجو بي بروده يجنن لميت مصلايتي وكعدت بفراشي أجاني اتصال من غَهيب كمزت اسينات بصفي واني رديت عليه
غَهيب: أنزلي.
هُذال: وين؟
: نزلي أني جوه.