رواية أغلال زمن الغيهب للكاتبة مرمر الدليمي الفصل التاسع
لاره: وانتِ هم تحبي؟
هُذال: أي كُلش.
- سمعتي عمو يحبچ.
- هههه أي ادري اشاقه وياچ، هسه تنامين ومتعبين ماما مو سمعتي صوتي؟
- أيَ احبچ بيباي باچر تعاي وي عموو.
- تمام، يلا نامي.
سديته منها واني ضحكت شكد محبوبه فدوه مرت ربع ساعه ووصلتني رساله من غَهيب كاتب بيها
. تحبينه كُلش؟
غميت كصتي هوَ أني اخرط بكيفي وهوَ سامع كُلشي! ضليت صافنه على الرساله حته ما أعرف شأكتب دزيتله
. لعد شنو اكلها؟ وانتَ هم تحبها!
. چا شكلها؟
يااربي شكد مستفزز خرجت من المحادثه ناشر صورتين أله كُلش مرتبات وكاتب يمهم
يترك الأنسان جرءاً منهُ ثمن كُل تجربه لذلك يَحن ألى صور الطفوله. حين كان أنساناً كاملاً.
دز الصور ملاتي الأخذتهم بجهازه حطيت الصوره ال اني وياه بيها وكتبت يمها
هذا حَاجب لو مَرز مَشتول عَنبَر
چنت ضامه هذه الشعر لأن من صدك حاجبه يعجبني وخَليته، شاف الستوري وحط عَليه لايك دز
.؟
. شعر يعني شنو أخلي لطم؟ المهم أني وياك مفتهمي.
. أنتِ كُل وقتي الضايع.
تفاعلت وي رسالته ماهامني كلامه حتى، قفلت التليفون وضليت أقره الواجبات الحد مصار الصبح كعدت أسينات
اسينات: لاتكليلي منايمه؟
هُذال: أي ضليت اقره.
: راح أسوي چاي اجيبلج؟
: لا ما أريد.
سوت أكل وصعدت بدلت واجاها أبو الخط طلعت، وصل غَهيب طلعت أله بدون كلام صعدت وياه الجو على بروده بس الضهر تصير حيل حاره الجو متقلب.
أنتبهت الغهيب لابس كله أسود وكوت أسود همات طالع حييل مرتب هوَ لحيته وشواربه سود وي حاجبه المطبور وأيد يسوق بيها وأيد يم الجگ
شكد ما أني وياه ممتفاهين بس الصراحه حييل مرتب وحلو يعني الواحد من يباوعله بدون ميحچي وكفته وشكله مال رجال
من أوكف بصفه أحس نفسي صدك بنيه لأن اشوف نفسي ناعمه بعدني بصفنتي وهوَ دار وجها عَليه وهز راسه بمعنى
ها؟
بسرعه شتت نضري منه، اليوم عندي أمتحان راجعت بلسياره بس أباوع على الكتاب ما احچي وهوة مشغل قصيده الباسم الكربلائي بصوت ناصي حيل صف السياره وأني نزلت حطيت جنطتي على كتفي
هُذال: لاتنتضرني راح أروح اشتري من هاي الاسواق.
: چا أمشي كدامي.
دخلنه للمحل سوه أخذت نمبر وأن خضره وببسي وهوَ أخذ كيك وجباسه وجكاير وكفت حطيت أيدي بجيبي اريد اطلع الفلوس دفع الحساب وجر أيدي طلعنه حط العلاكه مال حلويات بأيدي خازرني.
غَهيب: من أني وياچ متمدين أيدچ على فلوسچ!
هُذال: بس!
: بدون بس بابا.
أنطاني اللفاف مالته لفيته على ركبتي عود ردت أرادده من شفته يحچي بلطف وهدوء من كال كلمه بابا صار شكد مسامعتها، عيوني غوشن بلدموع، نزلت راسي دخلنه جوه هوه راح للأداره واني رحت الصفي.
البنات نصهم يراجعن للامتحان ونص يشرح ع الصبوره سمر وسلسبيل موجودات فتحت كتابي وكعدت برحلتي أجني هذن البَنات الدافعن عليه بلأداره سلمن جنه وزينة كعدن يراجعن وياي
دخلت أول درس ست وجدان ام الرياضيات شرحت موضوع ضلينه نكتب وياها دك الجرس وكلها أنخبصت تقره راحت المراقبه تسأل منو يراقب علينه أجت تركض تلهث
: بنات أستاذ غَهيب يراقب غلينه بسرعه العدها غش تذبه بسرعه!
نخبصن البَنات بلزايد ناس تصيح نأجل وناس تكول ميكدر يلكفني هوه دخل غَهيب وهوه الصف تحول من مهرجان ألى تذبين الأبره تسمعين صوتها حته لو المديره داخله مو هيچ
يمكن غَهيب مشدد اني هاي اول سنه ألي هنا ومامراقب علينه بأمتحان بس من اول ما جيت شفت الكل يخاف منه رغم هوه حته ميصيح على البَنات يخلي المديره تحاسب حته من يشرح بعد الكل بدون ميكول يذب الأقلام ويضلون يستمعوله ومركزين وياه
غَهيب: السلام عليكم.
ردينه السلام باوع على ساعته ورجع أنطه نضره للصف
: فقط الورقه والقلم أريدهم على الرحله، ألي شايله غش من هسه تذبه راح أطلع دقيقتين وارجع من هسه أحذر.
وصدك طلع كامن البَنات يشخبطن على الحايط والبراشيم ذبنهن، وأني صافنه عليهن يعني الحمد الله أني زينه بهلماده چان شصار بيه.
كعدن كلهن دخل غَهيب وزع الأسئله ومن وصل يمي همس
ركزي زين بابا، وسمي بأسم الله.
هزيت راسي هذه اليوم مضروب على راسه صاير حباب سميت بأسم الله وقريت الفاتحه لأم البنين
واكف بنص الصف وأنضاره علينه كلنه مرت 10 دقايق هدوء الأسئله زينه ما أعرف لان قاريه ومنا نعست حيل لأن منايمه رفعت راسي من غَهيب تمشه بصقي وعلى رحله بنيه وراي توقف سحب الورقه وكالها بهدوء
: تفضلي طلعي بره.
كلها أنتبهت وياه والبنيه كالتله
: أستاذ عفيه...
قبل لاتكمل قاطعها
: رجاءاً تفضلي بره ولا تشوشين على الطالبات البقيه.
دارت وجها ضايجه وطلعت من الصف أجت مدرسه الماده
: أستاذ تكدر تراقب عدى الألف بين ما اوضح الأسئله الهم.
طلع غَهيب وهيه بدت توضح الأسئله النه حته نص البَنات ساعدتهم خلصت كلام ودخلت المديره والبنيه المساع طردها غَهيب
: أشش اكعدو، السلام عليكم امتحتو ماما عوفكم مني.
ردبنه السلام صدت المديره على المدرسه
: بلا زحمه عليچ روحي راقبي على الالف وخلي أستاذ غَهيب يجي.
سألت شكو كالتها ماكوشي.
راحت والمديره من شافتني أبتسمت: شلونچ عيوني هُذال.
: الحَمد الله زينه.
دخل غَهيب والبنيه نزلت راسها اني عبالي حتعتذر منه بس انصدمت من كالت المديره
: أستاذ على شنو طارد الطالبه.
رد بهدوء. غش.
كالع الطالبه للمديره: لاا ستت اني مغااشه!
بدون كلام طلع ورقتها وأنطاها للمديره أشر على الرحله الوراي
: تكدرين تشوفين الفرق بين ورقتها وورقه زميلتها.
اجت المديره وضلت 5 دقايق تفحص بلورقه من شافتها صدك حته نفس الأغلاط أخذت البنيه وطلعت حته مارزلتها كدامنه.
رفعت أيدي: أستاذ خلصت.
: راجعي.
: راجعت.
واكف بلأخير هوه تقدم ياخذ ورقتي وسحب ورقه سمر ووحده بصفها مد أيده جوه الرحله وطلع براشيم زغار
: ألحكن زميلتچن بره.
توسلن بي يبقت قاطعهن بهدوء
: أنتِ طلعي وانتِ سمر هذه ثالث غلط الچ تسوينه باچر انتضر ولي أمرج.
طلعن بره واني هذه كله مخلصه ومنتضره يستلم ورقتي تقدم اخدها من شافها متروسه اجوبه طبعا غير للصبح ضاله اقره أبتسم وهمس
غَهيب: بس يمي موزينه، حتى بهاي؟
ألي فهمته دايقصد بماده الانكليزي سكتت أخذت الببسي والنمبر وان مستغربه سلوبه حيل يحچي بهدوء وحنيه طلعت وهوه قبل لا اطلع سمعته كال
: اليوم اوراق الانكليزي.
كلت لعد مصخمتها مدام هيج حجه مساع بس ونبي مجاوبه اني؟ ضليت افتر بلساحه اللفاف مال غَهيب على خشمي عطره بي حيل طيب ونسمات بارده افكر شيصير لو اهلي ماتوفو وعافوني؟
چان اني هسه مو بهلمكان ولا مخطوبه، كعدت على المسطبه أجت جنه كعدت يمي هستوها مخلصه امتحان
ضلت تتناقش وياي ع الأسئله ورجعت كالت، تستاهل لان طلعهن مو هوة حذر شنو قابل
ميدرن استاذ غَهيب ماعنده فرصه ثانيه.
ساكته أستمع الها دك للجرس للفرصه اجت زينه هم كعدت يمي حيل حبابات ولطيفات علاقتهن قويه هيه وجنه، بس اني صرت ما احب اكون علاقات دك الجرس للصفوف كمنه للصف
مرن درسين والخامس عدنه رياضه دخلت علينه ست نجلاء ام الحصص الارشاديه حيل حبابه وتسولف ويانه والبنات يناقشنها، دخل غَهيب بأيده الاوراق لأن درسه راح وي الامتحان أستاذن من ست نجلاء وبده يوزع بلاوراق.
هاي اول مره اني اقره هواي بلانكليزي وهوه هم تعل وياي لذلك خايفه، صاح الاسماء وحده وره الخ ووصل للنهايه واني أسمي ماكو؟
رفعت كف أيدي: أستاذ اني ماكو ورقتي.
: يجوز وي أوراق الشعب الثانيه بمكتبي، أذا ماعندچ شي تعالي وياي.
قبل لا احچي لكيت ست نجلاء مبتسمه تباوع الغهيب كالتلي
: روحي ماما.
كمت وياه مستغربه يعني الا ينسى ورقتي اني شمعنى وهو اكثر واحد مرتب من ناحيه الاوراق مشيت وياه وانا بكامل قوايا العقليه مقتنعه نساها صدك بدون ما يدري
دخلت للمكتب مالته سد الباب وتقدم على المكتبه مالته بوسطها الورقه مالتي خذاها وارتچه على الميز مالته ارتچيت بصفه ساكته ثنينه نضرنه على الباب اخذت الورقه منه حطيت أيدي على حلكي درجتي 88 هوه أني ال 50 چنت كوه اوصل الها النوب 88.
كلبت بيها عاكده حاجبي: هاي شنو ورقتي؟
باوعتله بصفي داير راسه عليه اشوف اغلاطي والحل الصح فرحااانه حيل وهوه كال
: الصراحه؟ حته اني ماعبالي ورقتج لو ما مقريج وملاحض اغلاطج وين چان كلت غاشه.
ابتسمت لازمه الورقه: شكراً الك الفضل الچبير طبعاً، ما أعرف شلون أشكرك.
غَهيب: أني أعرف.
رديت عليه فرحانه حته مامركزه وياه ولاعبالك غَهيب الأتسودن منه ويتسودن مني
هُذال: شلون؟
وكف كدامي واني مرتاچه على الميز الورايه وهوه طويل رفعت راسي اله اباوع لعيونه منتضرته يحچي ويكلي مثلاً متلاسنيني سبوع
تسكتين لمده يوم اباوع الحاجبه المطبور هلمره مو معكود نزل راسه الوجهي صرت مقابيل وجهة رجف كُل جسمي وسرا قشعريه بي من كال بهدوء مركز عيونه بعيوني
غَهيب: تخَليني أناغي الشامه البزندچ.
نزل نضره الكتفي وأني حته كلمه ما طلعت مني مستغربه منه حيل فتح اللفاف مالته من ركبتي وسحبه برهاوه لزم أيدي يفتح زر الردن مال القميص كلشي مامستوعبه هزيت راسها لا وشلت أيدي الثانيه اشرت على كتفي دايخه مدري شصار بيه
: بهاذ كتفي الشامه.
هز راسه لا مدنك
غَهيب: حفضتها ببالي.
فتح الدكمه التصير بلردن مال قميص من المعصم، رفع ردن القميص شويه شويه وصل النهايه كتفي أبتسم من شاف الشامه صايره بوسط كتفي وچبيره مد أيدن يتلمس بيها وبأبهامه يمسح عليها بخفه ورقه عينه عليها أحسه فاصل كل إلى شوفه كدامه هوه بس كتفي
غَهيب: حيل ناعم.
رديت بفهاوه: شنو هوه.
بلع ريگ يرمش بثكل: زندچ.
سكتت أباوع الوجهة شهكت فازه أعصر كتفه بأيدي من نزل وجهة نفسه الحار على كتفي حط شفايفه مكان الشامه بدون ميبوسهة يحرك راسه بهدوء واني روحي نسلبت كُل ميحرك راسه أضغط على كتفه وهوَ ميحس عليه، فزيت من أندك الباب مال مكتب
: غَهيب!
مارد
: غَهيب
رفع راسه مزعوج يباوع بعيني
: الباب يدك.
رجع نزل راسه باس كتفي وأبتعد
بسرعه عدلت وكفتي ونزلت ردن القميص
غَهيب: تفضل؟
فتحت الباب طالبه ابتسمتلي وكالت الغهيب.
: أستاذ هلدرس محد علينه تجي توزع الاوراق؟
غَهيب: تمام، شويه وجاي.
طلعت وسدت الباب وراها واني طلعت بدون ما احچي وي غَهيب امسح بوجهي وكل ماأذكر نغزات شواربه على كتفي بطني تنعصر، أخذت نفس ورتبت شعري دكيت باب الصف ودخلت
ابتسمت ست نجلاء بوجهي: تفضلي فوتي.
شكد حبابه وكيوت، كعدت وهمَ يحچون واني بالي كله بلموقف السوى غَهيب وياي، وكل ما اباوع الست نجلاء الكاها مبتسمه تباوعلي چنها تكلي ترى أعرف غَهيب شسوالچ.
دك الجرس الأخر درس اليوم الجو مو شمس حلو وبي بروده علينه مدرس الاسلاميه طلع ماموجود طلعنه للساحه وأدندن بكلمات قصيده الباسم الكربلائي
رايح حبيبي وبعد متشوفك عيوني
وشلون اشوفك اذا منك يحرموني
يانجمه سهيل مكانك بلمسه خالي.
كامت تنزل قطرات مطر خفيفه بردت واني اليوم وشاح خفيف جايبه معبالي تمطر وعايفته بلصف شويه شويه كامت تمطر حيل نص دخلت جوه ونص بقو جوه المطر، افكر بكلشي وكل لحضه تمر اتخيل ارجع للبيت تتلكاني ماما وترزلني لان طالعه بلمطر وتسويلي شوربه
ابتسمت مدمعه عيوني واتامل رسلان من يكبر ويشوف بلمدرسه يسوون استدعاء للاباء وكلها تروح، زخت حيل والجرس دك للبيت من وقت لان مطر.
مشيت للصف فليت شعري ولفيته كبه لبست الرداء والجنطه طلعت افرك بأيدي ادفي بيها وكفت بلباب مال مدرسه انتضر غَهيب تأخر شويه باوعت سيارته موجوده يعني مرايح، طلع من المدرسه بس شافني اجه بتجاهي انفل شعري وهوَ مد أيده عليها كُله مبلل
غَهيب: ضاله طالعه بلمطر؟
هزيت راسي أي اكثر شي احبه من يعكد حاجبه وحاجبه المطبور يصير خط واحد حيل حلو
خزرني ماقابل لف شعري وحط الكوت مالته على كتوفي: امشيي.
مشيت للسياره جسمي يرجف صعدت شغل التدفئه من شاف جسمي يرجف وكف كدام محل نزل جاب علاكه حلويات چبيره حطها بحضني
غَهيب: الرسلان.
هُذال: ليش كلفت نفسك مداعي.
: شعندچ امتحان باچر؟
: معندي.
وصلني للبيت وراح جسمي ثلج اريد بس اوصل لفراشي بدلت الساعه ب 12: 40 سبحت وصليت حته غده ما تغديت أنطيت الحلويات الرسلان ووصيت اسينات توكله هستوه كعد.
لفيت نفسي بلغطه ونمت جسمي نحلان حييل وذبلان شكد مر وقت وحسيت بشي بارد حيل على كصتي فتحت عيوني بثكل نور تحط كمادات على راسي شمرت الوصله اررجف لميت الغطه عليه اكثر
هُذال: بعد بطانيه.
سمعت صوت اسينات يمها، كومي هُذال ترا الساعه ب 12 بليل.
نعسانه وحته مااركز بلتكوله ضلت نور تسويلي كمادات اخر شي ملت ونامت فتحت عيوني عطشانه الساعه كبالي ب 5 الصبح بعد 3 ساعات للدوام واني حته قرايه مقاريه ولاماكله شي احس بس اريد انام وأدفه
اسينات نايمه على الكاع بصف چربايتي
هُذال: اسينات اريد مي
راحت جابتلي مي ورجعت تسويلي كمادات مبين عليها منايمه من البارحه منازله حرارتي.
ضلت هواي تسويلي كمادات واني بس نايمه وجسمي ذبلان باوعت للساعه صارت ب 7: 10 واني منازله حرارتي
هُذال: روحي دوامي عوفيني.
اسينات: لا مااعوفچ مااداوم.
رجعت غمضت وفزيت على دكت مبايلي عرفته غَهيب لأن عباله اداوم ردت عليه اسينات
: هلابيك. لا أستاذ متداوم، أيَ مريضه مصخنه، ان شاء الله.
رجعت غفيت ساعات اكعد واشوفها صبح وساعات ليل وكل ما اكعد اسينات فوك راسي ورسلان يمها حته كمادات مااقبل تخليلي حيل بردانه وخالو ماموجود بلبيت لذلك محد يوديني للمستشفى وسميحه حته ماكلفت نفسها وصعدت شافتني
فتحت بخمول الساعه كبالي ب 9 رجعت غمضت جريت اللحاف عليه اكثر بردانه وأني لابسه فانيله بدون ردن ثنين بطانيات وبردانه
جربت اللحاف أكثر صديت وأشوف غَهيب متمدد وياي غمضت وفتحت والله هوَ!
اسمعه يردد بأسمي: هُذال، شو فتحي باعيلي.
درت راسي اريد ارجع انام وهوه يسحب الغطه مني، طلعت ايدي من جوه اللحاف ولزمت أيده اليسحب بيها الغطه أبعدها صوتي مطبك كوه ينسمع: غَهيب حباب عوفني اريد انام.
راح صوته أختفه فتحت أشوفه مركز بلشامه من طلعت ايدي واني ملابسي بدون ردن ميل راسه مد أيده يمسح عليها كتله بتعب
هُذال: غَهيب.
رد عليه بنفس نبره التعب: ملسونته.
: روح ليش جاي عوفني.
أبتعد مني وراح صوته كلت راح فزيت من كماده بارده صارت على كصتي فتحت شفته غَهيب لزمت أيده: لا غَهيب بارده لا.
رد عليه ضايج ويحچي بغضب مبطن بهدوء: ادبسزز تطلعين بلمطر متتوبين وفوكاها لابسه مشلتح أني اعلمچ.
اسمع كل حچيه بس مالي خلك ارد ولا ألي حيل اناقشه لازمه البطانيه المها على كتوفي بردانه وهوه كال بهدوء صوته رايح
: لاتضميها خَليني أثمل بيها.
ضل فتره يسويلي كمادات فتحت أشوف اسينات كدامي بأيدها كاسه شوربه انطتها الغهيب وطلعت هذول شكد ميستحون هم مطببينه للغرفه ومحد يحجي وياه
غَهيب: يلا كعدي أكلي بابا.
تقرب مد نفسه يعدل المخده وره ضهري لحيته صارت على خدي أخذ نفس وابتعد بيده الشوربه
هُذال: ما اريد.
غَهيب: ماكو ما اريد أنتِ تدرين صارلچ يومين على نفس النومه؟ تضلين هيچ.
: ماا
: هذذال!
: انطيني أني اكلل.
اخذتها من أيده اكلت وهوه مركز وياي.
هُذال: أنتَ شجابك؟
غَهيب: اني جيت.
: ادري أنتَ.
: ها بسيارتي.
غمضت عيوني كوه متحمله
: اقصددد السبب ليش جيتت؟
: وحده أم السان صار يومين ماكو جيت اشوفها.
: وهسه شفتها؟
: البارحه هم شفتها.
عكدت حاجبي: شنو شوكت؟
: بليل أجيت كالت اسينات نايمه متكعد ومن رجعت فتحتلي كامره.
فتحت عيوني على وسعهم: اسيناتت!
: واليوم كلت أني اصعدلها.
: أيَ خوش شكراً.
: أجتلج الأمتحان.
: يا امتحان؟
: عدكم اليوم رياضيات يومي.
: ياا اي نسيت همزين أجلته.
غَهيب: هوه انتي مريضه اسينات تمرض وياج؟
اشو هيه هم غايبه.
كلت بعدم لامبالا: مو محد يعتني بيه غيرها.
عكد حاجبه: ليش وخالج ومرته.
: أيَ هم يعني.
رفعت راسي اله: رسلان وين؟
: يم مهاف وسلار.
: ياا حته همَ جايين؟
: أيَ حتى اهلي بدلي ونزلي جوه.
كمت اريد اطلع ألي ملابس جرني من أيدي
: هااا تنزليين هيج؟
: لا راح ابدل، بعدين شكو تلزمني هيچ؟
مارد واني صديت اريد أطلع ملابس التفتت عليه أريد احچي وياه
شامر روحه على فراشي ودافن راسه بمخدتي.